حلا الشام

حلا الشام @hla_alsham

محررة برونزية

شرحات اللحم مع البطاطا بالحمض والثوم أكلة روعة (بالصور)

أطباق رئيسية

السلام عليكم, هذه أول مشاركة لي في هذا القسم بس أنا متأكدة انكم رح تحبوا هالأكلة كتير لأنها كتير لذيذة وبنفس الوقت سهلة وهي تقريبا نفس طريقة الشرحات يلي بقدموها بالمطعم في الشام...

المقادير:
شرحات غنم
بطاطا
فطر(مشروم)
طحين
ليمون
ثوم
(جزر وبزالاء للزينة و حسب الرغبة)

الطريقة:
أول شي نقلي بطاطا بالطريقة التقليدية بزيت المازولا ونضعها بجاط بايركس ونضعها جانبا:



تاني شي نضع قليل من زيت المازولا في طنجرة ونقلي شرحات الغنم بعد ان نكون قد وضعنا عليها الملح والبهار أو الفلفل الأسود و نقليها بالزيت حوالي 10 دقائق (مو شرط تستوي تماما لانها ستوضع لاحقا على النار) الزيت لازم مايكون كتير يادوب على قد الشرحات مو أكتربعدين نرفع الشرحات من الطنجرة ونقلي حبات الفطر بنفس الطنجرة يلي قلينا فيها الشرحات وبنفس الزيت لمدة 5 دقائق ثم نضع فوق حبات الفطررشة طحين حوالي ملعقة او ملعقتين كبار (حسب كمية الشرحات) ونحرك الفطر مع الطحين بسرعة لمدة دقيقتين أو تلاتة حتى يسمر الطحين ثم نضع فوقهم الشرحات ونحركهم مع بعض وبعدها مباشرة نسكب كاستين تلاتة ماء فوقهم بالطنجرة حتى ينغمروا تماما وأكتر شوي ونحركهم حتى يتجانس الطحين مع الماء وندعهم حتى يغلوا ويصبح الشكل كالتالي:



بعد أن تغلي نغطي الطنجرة وتوضع على نار هادئة لمدة نص ساعة أو ساعة حسب طراوة الشرحات:



بعد ما تستوي الشرحات منيح نضع حوالي نص ليمونة معصورة و فصين ثوم أو أكثر حسب الرغبة ونتركها تغلي 5 دقائق ونتذوق المرقة اذا كانت بحاجة الى ملح فنضيفه ثم نسكب ما في الطنجرة فوق البطاطا في جاط البايركس حتى تتغطى البطاطا بالصلصة تماما لأنه طعمة البطاطا مع الصلصة رهيبة :




وهذا الشكل النهائي:








وتؤكل مع الخبز او بدونه حسب الرغبة....

بالنسبة للجزر والبازلاء فممكن اضافتهم للزينة حتى يكون في ألوان متعددة بالطبق وكمان طعمتهن طيبة بس أنا ما كانوا متوفرين عندي..

ألف صحة جربوها وادعولي وياريت تقولولي رأيكن اذا جربتوها
103
43K

يلزم عليك تسجيل الدخول أولًا لكتابة تعليق.

تسجيل دخول

om_s_ali
om_s_ali
مشكووووووووووووووورة
والله يسلم هالايادي الحلوة
سولاف3
سولاف3
شكلهاااااااااااااا حلووووووووة


مشكورةة ة ة ة وتسلم ايديكِ

............
قطر الدين
قطر الدين
تسلم يدينك رووعة

ومشكوره ياالغااالية
حلا الشام
حلا الشام
أخواتي
om_s_ali
سولاف3
قطر الدين
الله يسلمكن حبيباتي :)
الهاجسه
الهاجسه
تسلم ايدك