tiaa

tiaa @tiaa

عضوة شرف في عالم حواء

اللازانيا بالصور

أطباق رئيسية

بسم الله الرحمن الرحيم


كيفكم يا حلوات ...هي طريقة اللازانيا الكلاسيكية طريقتها بسيطة ......والطعم رائع ....جربيها والف صحة:





انا بحب هذا النوع من اللازانيا خاصة انها بتحوي بداخلها كيسين يعني كل طبخة لوحدها

انا استعملت البيركس الاصلي اكبر مقاس واحتجت تقريبا كيس واحد حوالي 16 قطعة لازانيا

الخطوات :

1- نسلق اللازانيا بماء حار مضاف اليه زيت زيتون حتى ما تلزق اللازانيا لانه زيت الزيتون افضل , وانا دائما بسلق اللازانيا حتى لو مكتوب عليها بدون سلق بسلقها لانه بحي وقت ما بسلقها بتطلع ناشفة وبتاخد مرقة اللازانيا.

2-وقت بتشوفيها كبرت وصار لونها ابيض منصفي عليها الماء ومنسكب عليها ماء بارد من الحنفية بعدين منفصل قطع اللازانيا عن بعض ولايهمك اذا تمزقت او اذا ملتزقة حاولي تبعديها شوي شوي وبتزبطي امورك وقت بتمديها بالصينية
وحاولي تتركيها بهي الطريقة حتى ما ترجع تلزق .






الطريقة :






مقادير الصوص الاحمر :

اسفة ما صورت الخطوات لاني عملته قبل بيوم وماكنت ناوية صور الطبخة :

-3ملاعق كبار زيت زيتون.

-1بصلة مفرومة ناعم.

-حوالي نصف كغ لحمة مفرومة.

- 4 بندورات مقشرة بعد وضعها بماء ساخن ومضروبة في الخلاط .

-سنين ثوم مطحونين.

-ملعقة كبيرة معجون طماطم.

-ملعقة كبيرة كاتشب.

-ملعقة كبيرة اورغانوا.

-ملح وفلفل فقط

-حوالي نصف كوب ماء .

-منقلي البصلة بزيت الزيتون لتتدبل وبعدين نضع فوقها اللحمة والفلفل لتستوي شوي ويتغير لونها ثم نضيف البندورة والثوم ومعجون الطماطم والكاتشب والاورغانو والملح والفلفل ومنحركها شوي ومنضيف الماء بس لتغلي منتركها على نار هادثة جدا (اصغر شي )حوالي ربع ساعة ومنطفي تحتها وهيك خلص الصوص الاحمر.

الصوص الابيض او البشاميل :

منحتاج :





- حوالي 6 ملاعق زبدة -لكل كأس حليب ملعقة زبدة وملعقة طحين -ممكن تقللي اذا حبيتي.

-6 ملاعق كبار طحين .

-6كاسات حليب

-فلفل .ملح .فلفل ابيض اذا متوفر

-علبة كريمة خفق انا دائما بستعمل يلي للحلويات وليس للطبخ اوزل ما بدأت ضيف الكريمة بالطبخ ما كانت موجودة تبع الطبخ وتعودت وخفت غير وما تعجبني.

الطريقة نسيح الزبدة على نار هادية:





نضيف الطحين






نضيف الحليب والفلفل والملح ونضل نحرك ليتقل الحليب







منضيف الكريمة ومنركها غلوة وحدة ومنطفي النار.





تطبيق اللازانيا :

نفرد طبقة لازانيا بالصينية :




نضع فوقها نصف كمية الصوص الاحمر :







يتبع
208
113K

يلزم عليك تسجيل الدخول أولًا لكتابة تعليق.

تسجيل دخول

tiaa
tiaa
نضع طبقة لازانيا فوقه :





نضع نصف كمية البشاميل :





نرجع نضع طبقة لازانيا فوق البشاميل





نضع المتبقي من الصوص الاحمر ( رح كرر الصورة لاني نسيت صور هاللقطة)






---يتبع---
tiaa
tiaa
نضع طبقة لازانيا اخيرة :






نضيف المتبقي من صوص البشاميل :







نضع على الوجه جبنة مبشورة (انا استخدم القشقوان البلغاري)






هي صورة جانبية للطبقات :






ادخليها على الفرن من ساعة لساعة وربع على حرارة معتدلة او ليحمر وجهها حسب فرنك

هي اللازانيا متميزة عندي ودائما يسألوني عنها

احرصي على تركها حوالي نصف ساعة بالفرن بعد اطفائه حتى تتماسك وقت التقديم والف صحة .
عشقي اناني
عشقي اناني
روعة يسلمو
فتاة الثلج2011
فتاة الثلج2011
واااااااو
شهيتيني ماشاء الله
أم فارس01
أم فارس01
ماشاء الله