مشكلتي زوجي يبيني اغير لبسي :(>>>استوفي الردود

السلام عليكم ورحمة الله وبركاته

انا زوجي حبوب وكريم وطيب معي
بس عصبي بس انا اقدر اتحمل وامتص غضبه
المشكله وين فيه انا بنت محتشمه في لبسي
يعني البس واتكشخ عند اهل زوجي تنوره طويله او تنانير الضيقه السكيني اللي طايحين فيها
زوجي مو عاجبه يقول البسي بنطلووون اكشخ :30:
انا قالها لي بدايه زواجي بس توقعته يمزح قال غريبه مالبستي بنطلوون

قلت لا التنوره احسن وصار كم موقف يقولي البسي بناطيل عند اهلي

وصرت استغرب اول مره اشوف رجال يقول البسي بنطلون دايم اسمع الرجال يهاوشون حريمهم على هاللبس

صار يابنات عنده في اعتقاده ان البنطلون كشخه واني بصير احسن وان التنوره موب ستايل

صراحه انا سفهته والا اعطيت كلامه اهميه بس احسه مع الوقت متغير علي ولعاد يعجبه لبسي

احسه يقول عني قرويه ومضيق صدري هالموضوووع تخيلو لدرجه يوم عجز فيني صار يقول البسي طيب عند امي عادي :06:


بس انا مادري ليش هو كدا يمكن عشان في وحده من حمولتي تصير زوجه ولد اخته دايم الله يهدي خالتي تجيب طاريها قدامه

وتقوله انه تلبس بناطيل وعاري وتلبس فساتين قصيره عندهم :06:

قلت يمكن متاثر ويبيني اصير مثلها

على اني والله في البيت البس له القصير والعاري وانوع في لبسي لان زوجي يهمه اللبس مررره

ودايم بالسوق يدخلني ملابس البيت اخذ له لبس للبيت ودايم البس مو حارمته من شي


طيب ليش يبيني البس عند اهله كذا على ان اغلب حريم اخوانه اللي هم سلفاتي مطاوعه مافي الا وحده هي اللي تلبس بنطلووون يعني مو تقولون انا شي غريب ماتعود الا اغلبهم هذا لبسهم

مدري وش اسوي معه والله احيانا يوسوس لي الشيطان ويقول البسي وش تخسرين

بس انا ماتعودت عند الناس البس هاللبس استحي عند حمولتي :06: