/\/ المغتربة \/\
/\/ المغتربة \/\
متابعة معكم يالله كملي شوقتينا وووووشششش صار
متابعة معكم يالله كملي شوقتينا وووووشششش صار
lulu37
أخت ولودي
مشكورين على المرور وهاذي الأجزاء لعيونكم
/\/ المغتربة \/\
/\/ المغتربة \/\
lulu37 أخت ولودي مشكورين على المرور وهاذي الأجزاء لعيونكم
lulu37 أخت ولودي مشكورين على المرور وهاذي الأجزاء لعيونكم
الجـ الثالث ـــــزء
بمطار هيثرو كانوا العايلة الكريمة توها واصله وحمد قاعد يدق عل فهد ولد خاله يشوف وينه لانه مواعدهم ياخذهم من المطار التفت على اخته يبي يشوف وش حالها الا وقام ابتسم باستهزاء من شكلها الدرامي هز راسه وراح قعد عند الكافية ينطر فهد.
هيفاء وهي قاعدة قرب العنود وتهويها من كثر ماهي مصفرة ..المسكينة داخت عليهم بالطيارة و كل دقيقه رايحه الحمام وراده في الاخير هيفاء حنت عليها وقعدت جمبها..
العنود تلتفت على هيفاء بتعب :ها السيارة جت ولا لسه؟
هيفاء تناظر صوب حمد وحصلته يشرب كابتشينو ردت للعنود:لا شكلنا مطولين اشوف حمد قاعد بالكافية...
العنود: يالله تصدقين اول مرة ادوخ من الطيارة كذا...
هيفاء تضحك وهي تتذكر شكل العنود: هههههههههههه...بس لو تشوفين شكلك كان متي من الضحك...خسارة ياريت كان عندي كاميرا كان صورتك...ههههههه..
العنود وهي تطالعها بنص عين:تتمسخرين حضرتك...اقول اسكتي لا اعطيك كف الحين.
لحظات الا فهد امبين من بين الناس ياشر على محمد قام محمد وفز من مكانه عشان يسلم على فهد:هلا هلا والله بمحمد...
محمد:هلا فهد..شخبارك؟
فهد :والله الحمدالله..الا الاهل وينهم ؟
محمد يأشر على مكان ما قاعدين:هناك عند الكراسي...
قام فهد راح لهم واول ماشافته هيفاء طيران بحضنه وفهد يضحك على شكل اخته اول مرة تطلع مشاعرها كذا ولا دايم مناقر معه..
هيفاء:هلا والله بحبيب قلبي فهد..والله لك وحشه..
فهد بأستغراب:هلا فيك ...وبعدين ايش هذا الكلام علينا هالحكي ياهيووووف..
هيفاء وهي تكشر بوجهه:انا الغبية اللي اعبر..والا انت مو وجه كلام حلو...
فهد وهو عيونه على امه:اقول قومي خليني اروح اسلم على الغالية وخر هيفاء وراح حب راسه امه وايدها وهي قعدت تصيح من شافته
ام فهدوهي تمثل الزعل :اقول وخر عني توك تحس ان عندك ام ..اعنبوك يالظالم ماتكلمني الا مره بالاسبوع والزيارات من سنه لسنه
فهد وهو يضحك :يما الله يهداك هو علي كيفي ..الدراسه هنا صعبه حتى في الاجازه لازم ندرس ..واذا على المكالمات السكن محددين يوم واحد في الا سبوع نكلم فيه الاهل
ام فهد ودموعها سيلان على خدها :بس انا امك اوله عليك وابي اسمع صوتك
فهد بابتسامه:من يلومك يالغاليه ...اقطع لسان اللي يلومك ..هههههههههه الله يهديك بس ..
بعدها فهد قام وسلم على ابوه وعمته وزوجها وقام يتلفت يدور على حمد وسأل ابو حمد:اجل ابو حمد وينه ولدك...لايكون ماجا معكم؟
الا واحد يرد عليه من وراه:مب على كيفك مااجي.. ياحبيبي هذي لندن ماتفوت..
ضحك فهد والتفت على ولد عمته:هلا والله بالغالي..
حمد:الله يحيك ها يابو عبدالعزيز.. اشوفك نسيتني ولا كنه عندك ولد عمه لا الو ولاشي..
فهد:والله ياحمد انت اعرف بحال الجامعه..
حمد:معذور ..معذور ياولد خالي..
فهدالتفت عليهم وقالهم يالله خلونا نمشي وخذاهم من المطار الى الشقه.. وهم في طريق من المطار رن تلفون هيفاء ومكتوب على الشاشه (توام روحي ) هيفاء وهي مستانسه :هلا والله حبيبي وش اخبارك .. نواف:بخير ياعمري من سمعت صوتك وانابخير ..هابشريني وصلتواحبي
هيفاء : أي الحمدالله وصلنا والاهل يسلمون عليك
نواف:الله يسلمهم الا من استقبلكم في المطار
هيفاء باستغراب: وش فيك نسيت فهد اخوي يدرس في لندن
نواف :اهاا وين يدرس اخوك .. هيفاء:يدرس في جامعة سانت هيرست العسكريه
نواف متعجب :اوف اوف مب هين اخوك هذا يدرس في احسن جامعه عسكريه
هيفاء بفخر: أي وش علبالك ..بعدين جايب نسبه تقبله احسن الجامعات اللي يتمناها
نواف: غريبه اخوك هذا يوم احنا صغار مايلعب ..بدوي كل سوالفه عن البر ودايما يروح مع عمانه المزايين .. (المزايين: مسابقة لاحلى ناقة)
هيفاء :ههههههههههههه في هذه معك حق ..انت مادريت بسالفته مع الانجليز ..تصور كان معلق في غرفته في السكن صور الطيور والأبل والحباري ..وش سوى رفيقه في الغرفه طلب ينقلونه غرفه ثانيه نواف:ليش؟؟
هيفاء :هههههههههه يحسب اخوي مجنون عشانه معلق صور حيونات غريبه عليه
نواف وهويضحك :هههههههه في هذه ماراح الومه اخوك مب صاحي ..
هيفاء:يلا حبيبي تامر على شى قربنا نوصل من الشقه ..
نواف:احرصي على نفسك ويلا بامان الله حبيبتي ..
هيفاء: في حفظه ورعاته يالغالي..
العنود وهي تطالع هيفاء بخبث:يالغالي مرة وحده...متى صار هذا؟
هيفاء وهي تتكلم من جدها :تصدقين يالعنود اول كنت اتهرب من مكالماته ولا عطيته فرصة لكن الحين لما عرفته طلع غير بالمره...
العنود وهي تمعن بهيفاء وتحس انها مانست الموقف اللي صار مع تركي :هيفاء لساتك مانسيت اللي صار..
هيفاء وهي تناظر العنود:شلون تبيني انسى ..ماقدر انسى ولو ايش يصير ماقدر... هيفاء فتحت دريشة السياره عشان تشم شويةهوا ..كان الجو يجنن والهوا يلعب بشعرها وتساقطت خصلات على وجهها الملائكى كان شكلها روعه مثل الرسمه هيفاء كانت سرحانه تذكر اللي غير مشاعرها تجاه نواف كانت بعد خطوبتها تهرب من مكالماته..لين اضطرت تواجه الامر الواقع وتكلمه ..وياليتها ماكلمته ..كان كلامه معها حلو ويفهمها من غير ماتتكلم خلا قلبها يميل له غصب بعدها شوي شوي تعودت عليه اذا مر يوم وماكلمها تشتاق له بس للاسف ماعصفتها مشاعر الحب اللي تسمعها بالافلام قلبها ما يضرب بقوه اذا سمعت صوته بس يمكن عشانها ماتشوفه.. في السياره الاولى كانت فيها عمتهاو اهلها..والسياره الثانيه يسوقه فهد اخوها مااجرها لهم وكانت العنود معاهم ولما التفتت لها هيفاء حصلتها في سابع نومه بعد الدوخه اللي حاشتها ..وصلوا عمتهم اول لشقتها بعدين راحوا لشقتهم لقوا وجه باسم تعود يستقبلهم كان هذا بواب عمارتهم الايطالي مارشيلو : hello senior salman hello mom بعدين فتح يدينه عشان يضم مها اختها ooh suniorita come here and give marsheloo a hug.. مها اختها مدت ايدينهاتقاطعه مخترعه : no marshelo im now a big girl you cant huge me.. مارشيلو:you always well be my little girl
(لان خلودمن يومها صغيره وهي دلوعة مارشيلودايماً يلعبها والحين بعد سنه كبرت) التفت مارشيلو على هيفاء وهو يضحك:hello suniorita how are you I see you still beautiful. هيفاء وهي تضحك im fine thank you ابوها :marshelo can you give me the keys مارشيلو برعب :what keys ser? ابوها بعصبيه:the key s of my apartment?marshello what happen to you.. مارشيلو..كان منصدم :but I thought the key with fahad ser ابوها:what..? مارشيلو:yes sure. because the Boland family left and didn’t give me any thing. التفت فهد لابوه :لا يبا ماحد عطاني شى ابوفهد :marshelo they cheat on me we don’t have the key مارشيلو وجهه حزين :im sorry ser (ابو فهد مااجر شقته لعائله بولنديه وكل صيف ياخذ الشقه منهم عشان يصيفون فيها..وهالمره خذوا المفتاح معهم..)
ام فهد والخوف بادي على وجهها :وش بنسوي الحين يابو فهد .؟
ابو فهد بتفكير:مافي الا نقعد باوتيل لين نلاقي شقه ناجرها او لين يحلها الله
هيفاء وهي تحس بخيبة امل :بس شقتنا هذه حرام تروح علينا
ابوفهد:ماراح اسكت عليهم راح ابلغ عليهم الشرطه
ابو فهد طلع الموبايل من جيبه وكلم نسيبه ابو حمد
ابو فهد متضايق :مرحبا بو حمد
ابو حمد:هلا هلا سلمان هاا بشرني عسى وصلتوا الشقه ولقيتوها نظيفه
ابو فهد:أي شقه ياخالد مافي شقه ,,غشونا البولندين وخذوا مفاتيح الشقه..
ابو حمد:لا حول ولا قوة الا بالله ..طيب والحل الحين مافيه مفتاح ثاني...
ابوفهد:لا والله ياخوي مافيه ..لكن الحين فهد يتصل على الاوتيل يشفلنا حجز لين مانحصلنا شقة ناجرها..
ابو حمد وهو متضايق:وش هالكلام يابو فهد تروح تسكن في فندق وشقتي موجودة..
ابو فهد:والله ماتقصر يابو حمد.. بس بعد مانبغي نثقل عليك..
ابو حمد يقاطعه:لا والله ماتسكن الا عندنا ..هذا انا حلفت وخلاص انتهى الموضوع...
ابو فهد سكر من ابو حمد وراح بلغ العايلة فانتقلو جميعا لشقة ابو حمد الواقعة في منطقة مايفير..ومحد مستانس من هالفكرة اكثر شي الا ثنتين وانتوا تعرفون مين....

***********

قامت العنود من النوم وكلها نشاط ومستعدة لأول يوم لها بلندن التفتت لهيفاء لقتها رايحة بسابع نومه قعدت تضحك وهي تتذكر سهرتهم امس والله انهم مخابيل ولا فيه احد يقعد على السطح ويقعد يغني بانصاص الليالي...هزت راسها وقامت عشان تاخذ شاور وتستعد علشان الطلعة..ولما رجعت لقت هيفاء لساتها نايمة فراحت عشان تقومها...
عنود وهي تهزها:هيووووف يالله قومي...هيوووف
هيفاء وهي تئن :قومي عني خليني انام...
عنود وهي متنرفزة:هيووف قومي عاد لاتسيرين سخيفة ..عاد ليمن تقومين وتخلصين يبيلك ساعه...يالله قوووووووووووومي.
قامت هيفاء وهي تأفف:اوووووووف قمت خلاص ....ارتحتي..
عنود وهي تبتسم:ايه ارتحت يالله اجهزي ولحد يتأخر علي ابي اروح سلفردج..
هيفاء وهي تبقق عينها:سلفردج ..وع..طيب خليها هارودز..
العنود وهي تطالعها بنص عيون :انا قلت سلفردج يعني سلفردج..
هيفاء :طيب امرنا لله سلفردج..سلفردج..
قامت هيفاء للحمام وعنود نزلت عشان تتفطر،شقتهم عبارة عن طابقين تحتوي على اربع غرف وصالة وغرفة طعام ومطبخ 3 حمامات وتتميز الشقة بلونها الابيض..نزلت وحصلت العايلة مجتمعين ومخلصين فطورهم ماعدا اثنين وهم حمد وفهد..
ام حمد:قمتي يمه..
عنود:ايه يمه..فيه فطور؟
ام حمد:ايه على الطاولة حبيبتي..
ام فهد: اجل هيفاء وينها ؟
عنود:الحين بتجي..
راحت العنود تتفطر وبعد شوي الا هيفاء داخلة عليها ولابسة نظارة شمسية العنود استغربت هالشي..
العنود:هيفاء شفيك لابسة نظارة ؟
هيفاء وهي مبرطمه:عيوني متنفخه..
فسخت النظارة عشان توريها العنود ولما شافتها العنود ماستحملت شكلها فقعدت تضحك عليها..
هيفاء وهي تطالعها زعلانه وتعطيها نظرة نارية:تضحكين يالخايسة..
العنود وهي ترد عليها بسخرية:والله ماحد خايس الا انتي وبعدين لاتعطيني هالنظرة اخاف عيونك اتنفخ زيادة..ههههههههه
هيفاء وهي تقلدها:"اخاف عيونك اتنفخ زيادة..ههههههه" بس جاب عاد ويله اخلصي علينا خلينا نروح..
قاموا البنات اخذوا اغراضهم ومصروفهم وطلعوا اخذوا تاكسي وراحو لسلفردج ولما دخلوا دخلوا من بوابة المكياج مكان العنود المفضل قامت العنود تحوس فيه وتشوف المكياج اللي يناسبها وتشترية ..هيفاء زهقت من كثر ماهي تمشي وراها .
هيفاء:اسمعي العنود انا بروح قسم الشناط اذا خلصتي دقي علي اوكي؟
العنود:اوكي..ايه ولا تنسين ترى انا عازمة الهنوف على الغدا اليوم..
هيفاء:اوكي..باي
رجعت العنود للمكياج تشوف وتجرب وتشتري ماخلت شي بخاطرها
................
فواز اللي كان واقف عند بوابة سلفردج الرئيسية وقاعد يدق على فهد وهو مايرد عليه،ارتفع ضغطه صايرله ساعه وهو ينطره ولا جا شكل الاخو نساه ونام،طيب انا ايش اللي موقفني هنا خلني ادخل داخل احسن لما دخل عدا قسم العطور وقعد يمشي الا لقا نفسه في قسم المكياج وكان يمشي رايح للدرج الكهربائي لما الفتت نظره وحده قاعده تجرب مكياج وتناظر نفسها بالمنظره وكانت لابسه بنطلون جينز وفوقه فستان بربري قصير وايشارب بربري فراح عشان يقط عليها الرقم عل وعسى تتقبله..
العنود وهي تجرب حمره وردية تناسب لون بشرتها البيضا وتطالع نفسها بالمنظرة حست انا احد قاعد يطالعها التفتت تشوف مين وتطيح عينها بعين فواز اللي اول ماشاف وجهها اهتز بدنه..يالله معقوله يكون فيه بنات بهالجمال الطبيعي للحين
ماكانت حاطه مكياج كثير مثل باقي البنات بس حلوه فقام عطاها وحده من ابتساماته الشهيرة وهو متأكد انها بتتأثر فيها وقالها: والله حلوه ولو شتسوين..؟
هنا العنود اتبدل وجهها من ذهول الى البرود والاحتقار عطته نظرة احتقار وصدت منه ومشت وهي قلبها مثل قرع الطبول..
هو انصدم من موقفها وتبدل وجهها الى الاحتقار مافي بنت قد سوت معه كذا من قبل.. هناهو ماستحمل فقام وقط عليها كلمة قبل لاتبتعد كثير:وش حاسبه نفسك من زينك عاد...
العنود وهي لازالت تمشي: صدق انك ولد شوارع وماتربيت..
فواز ماستحمل اللي قالته مو مصدق ان احد يقول له هالكلام فقام طلع من القسم وراح للقهوة المغربية بالطابق الاخير وطلبله قهوه وهو مقهورمنها وفجاءة انتبه لشي :انا شلون سكت لها ..شلون خليتها تكلمني كذا..يمكن لانها اول وحده ماعطته وجه.بس معليه بوريها بنت الذين..ماكون فواز العالي ان ماسنعتها..

في نفس الوقت هيفاء كانت تتبضع لما جات العنود ووجها معتفس هيفاء حست ان العنود مب طبيعية فخلت الشنطة اللي كانت بيدها وراحت لها ..
هيفاء:العنود عسا ماشر اشفيك؟؟
العنود:ماشي بس انا خلصت انتي تبين شي ولا خلينا نروح..
هيفاء حاسه انه في شي :ايه خلصت يله نمشي..
طلعوا من سلفردج وعبروا الشارع وهم قاعدين يمشون قامت هيفاء اقترحت انهم يتغدون بالمطعم الايطالي spegati house الموجود باكسفورد بما انهم مغرمين اكل ايطالي
العنود وافقت معاها وهي للحين متوترة من اللي صار لها هو صحيح كان حلو بس هذا مب سبب انها تحس بخوف هذي مب اول مرة تتعرض لموقف زي كذا بس دقات قلبها خوفتها.
انتبهت هيفاء لسرحان العنود واستغربت منها توها اليوم كانت مستانسه و تجنن..وصلوا المطعم واطلبوا المنيو..قامت العنود ودقت على الهنوف...
الهنوف:الــــــــو!
العنود:يامررررررررحبا والله بهالصوت..
الهنوف اعرفتها:عنيييييييييييد ..اهليين شلونك يالقاطعه..افا اهون عليك كذا تقطعيني لا مو بس انتي وبعد الخايسة بنت خالك..
العنود:السموحه يابنت العم..وبعد انتي تدرين الظروف..
الهنوف:ها متى بتجون لندن والله واحشيني...
العنود وهي تضحك:ههههههههه..طيب تبين تشوفينا
الهنوف:اكيد...وفجاءه شهقت:لا تقولين انتوا بلندن؟
العنود:ههههههه..صح
الهنوف وهي مرة مستانسه:اجل قوليلي وينكم عشان اجيكم؟
العنود احنا بسبغاتي هاوس اللي باكسفورد ..بس ها لاحد يتأخر ترى مرة جوعانين..
الهنوف:دقايييييييييق وبكون عندكم..

بعد ماسكرت منها قامت هيفاء وسألت العنود:العنود ممكن تجاوبين على سؤالي بصراحة..
العنود وهي مستغربة سؤال هيفاء: ايه أكيد ممكن..
هيفاء:أنتي صار ليك شي بسلفردج..
العنود توترت:ايه..
هيفاء : طيب ايش اللي صار..؟
العنود نزلت عينها: واحد جا وغازلني..
هيفاء ارتاحت:طيب ليش متضايقة كذا..مالت عليك إنا قلت أكيد السالفة كبيرة..
العنود:لا ياهيفاء السالفة عادية بس بصراحة مادري ليه خفت منه وبعدين أنتي ماشفتيه..
هيفاء بسخرية:اكيييييييييد شيين.
العنود:أي شين أنتي الثانية إلا قولي يجنن..في حياتي ماقد شفت واحد مثله بس مادري ليه خفت منه حسيت انه بيسويلي شي .ولا عقب ماصديته فشلني الله يفشله تدرين وش قالي.
هيفاء:وش قال
العنود:قالي"وش حاسبة نفسك من زينك عاد"
هنا هيفاء قعدت تضحك على العنود وهي تتخيل الموقف العنود زعلت:ضحكتي من سرك بلا انشالله..وش عندك تضحكين.
هيفاء:لأني متأكدة أن وجهك صارزي الطماطه لما قللك هالكلام..هههههههههههههه
في هاللحظه وصلت هنوف للمطعم وهي طالعه مرررررره كشخه البنات على طول قاموا يسلمون عليها هيفاء ضمتها بقوووو:اشتقتلك يالخااااااااايسة..
هنوف وهي تمثل انها مختنقه:اوه ..خنقتيني..اتركيني بمووووت..
هيفاء بعد ماتركتها :يله نرجع ولا ترى بيحسبونا طلعنا
لما قعدوا وطلبت هنوف بيتزا قامت العنود وسألتها:هنوف خبرينا عنك..وش مسوية وش اخبارك..وش مسوية بالجامعة...؟
هنوف وهي تضحك:ههههههه بل بل كل هذا اسئلة..واحده واحده..اولاً انا كويسة ثانياً انا خلاص التحقت بجامعة بجدة..والسنة الجاية بابتدي دراسة فيها..
العنود وهيفاء ناظروها بحيرة لان الهنوف معهم بالجامعه وساكنه بالرياض ايش اللي بيخليها تروح لجدة..
هيفاء:ايش قصدك مافهمنا عليكي..
الهنوف ووجهها صاير احمر من الخجل :يعني..انا..مادري شلون اقولكم...
العنود وهي مبققه عيونها من اللي طرا ببالها: لاتقولين انك انخطبتي؟؟؟
الهنوف ارفعت راسعها تطالع العنود باستغراب:وانتي وشدراك..
هيفاء سدت فمها بايدها والعنود مندهشة والثنتين في نفس الوقت فرحانين عشانها
هيفاء: ياحليلك ياهنوف والله وصرتي مره وبتتزوجين..مبروك..من بتاخذين.
هنوف:الله يباركلك عقبالكم..باخذ سعود ولد خالتي جواهر اللي ساكنين بجده
العنود : يحليلكم كلكم بتعرسون وبتخلوني بروحي..
هنا جا دور الهنوف عشان تنصدم:هيفاء بتعرس..
هيفاء:ههههههههههه..ايه..عندك مانع؟
هنوف: مبروك يالخايسة لا والله ماعندي مانع،بس منهو هذا صاحب الحظ السعيد؟
العنود اللي ردت:نواف الضاوي..ولد خالتها.
هنوف وهي تقمز لهيفاء:مب هينه والله سمعت انه يجنن..بس يقولون اخوه الثاني احلى..امممم ماتذكر ايش اسمه..
هيفاء ردت بصوت كئيب: اسمه تركي.
الهنوف:ايه تركي ..
الهنوف بذكرها لتركي افتحت لهيفاء جروح دفينه بقلبها وماضي تبغي تنساه قعدت تتذكر لما كانت من 3 سنين مضت شلون كانت دايما ببيت عمها.. وشلون كانت اهي وتركي كانت هيفاء ماتشك خيط بابرة الا بشور تركي وهو نفس الشي.. لكن هو اللي هدم كل شي بينهم ..العنود انتبهت لسرحان هيفاء فعرفت انها تفكر بتركي فقامت تدخلها بسوالفهم عشان تنسيها..
.....................................
فواز: الــــــو؟
فهد:هلا فواز ..
فواز:والله وزين انك تذكرت اسمي.
فهد: والله نسيت يافواز وبعدين تدري ان اهلي وصلوا البارحة وخبرك عاد طقيتها سهرة انا وحمد ولد خالي ولا قمت اليوم الا متأخر.
فواز:انزين..انزين اخلص علينا وش تبي..
فهد: بسأل وينك عشان نجيك انا وحمد..
فوازببرود: ومن قلك اني ابي اجتمع معك..
فهد وهو متنرفز: شوف عاد تراك زودتها قلنالك اسفيين..
فواز: طيب..طيب..اف والله اني متضايق حدي ومالي خلق لهواشك..
فهد استغرب من فواز: فواز شفيك عسى ماشر؟
فواز:لا والله مافيني شي ..تدري شلون خل نتقابل بقهوة جوري..
فهد:خلاص احنا خمس دقايق وبنكون عندك..
سكر فواز من فهد وقعد يفكر بالبنت اللي شافها بسلفردج بصراحه جذبته ومايدري ليش اول ماشافها حس بشي يهز كيانه هذي اول مره يحس بهالشي ..وقام بعد هالافكار من راسه وش هالكلام انا انجذب لهالاشكال وبعدين وش ابي فيها وانا الف من يتمانني..وعشان يبعد هالافكار قام واتصل بسارة...
سارة وهي ترد بدلع:ياهلا والله بهالرررررقم..
فوازوهو يضحك:ههههههه..عاد بس بالرقم وانا لاء؟
سارة:لا بس انا قصدي بصاحب هالرقم..
فواز:شلونك حبيبتي؟
سارة وبنبرة عتاب بصوتها:زعلانه عليك..
فواز:ليه..انا مارضى على زعلك ترى..
سارة:انا زعلانه عليك لاني كل مادق عليك ياتسكر التليفون بويهي او تقفل التليفون...
فواز:لاني ياحياتي كنت مشغول والله..لكن حقك علي..
سارة:طيب عشان ارضى ابيك تطلع معاي للهايد بارك..
فواز:اسف حبيبتي ماقدر هالاسبوع مثل ماقلتلك مشغول..
سارة واهي شوي بتصيح:فواااااز..انت شفيك متغير علي جذيه؟
فواز :انا مو متغير ولا شي بس ربعي توهم واصلين اليوم مايصير اروح واخليهم.
ساره:فواااااااااااااااز..
فواز:عيوووووووون فواز..
سارة استخبلت لما قلها كذا: فواز احبك واموت فيك..
فواز:وانا بعد..انزين حبيبتي اخليك الحين عشان الربع اوصلوا الحين..
سارة:اوكي حبيبي..باااااي
فواز سكر وهي يضحك في سره صدق ان البنات ينلعب بعقولهم بكلمة حلوة..رفع راسه الا فهد جاي قام وقعد بالكرسي اللي بجمب فواز وكانوا قاعدين بطاولة برا فأشر فواز للجرسون باستكانة شاي..
فواز وهو يطالع فهد بأستغراب:اجل حمد وينه..ولا لايكون نسيته هو بعد الثاني..
فهد طالع فواز بسخرية:لا والله موتني من الضحك..حمد راح سلفردج وبيجي بعدين.
فواز:بعد حسبالي نسيته..
فهد:لا والله صدق طلع الاخ يعرف ينكت بعد..خل منك هالسوالف وقولي انت شفيك..
فواز وهو يطالع الشارع:مافيني الا العافية..
فهد:علينا هالكلام الا فيك شي..ياخي انا عاجنك وخابزك..
فواز:مافيني شي بس متضايق ..
فهد:طيب متضايق من ايش؟
فواز:الله وكيلك شفتلك ذيك البنت اللي تاخذ العقل وجيت بقط عليها الرقم الا الاخت قامت تطالعني باحتقار من راسي لساسي ..ياخي اظاهر ماتعرف من اكون..
فهد قعد يضحك على فواز:هههههههههههه..قوية اول مرة وحده تسوي فيك كذا وبعدين تلاقيها بنت ناس متربية ماعندها هالحركات..
فواز وهو يفكر:بسوي فيها اللي مايتسوى ..وبتشوف
فهد وهو خايف من تهديد فواز:ياخي تعوذ من بليس البنت مب راعية هالحركات وش تبي منها..
فواز مارد عليه..واللي براسه بيسويه
.............................
البنات خلصوا اكل وقاموا بعد مادفعوا الحساب الهنوف راحت لانها مواعده امها تروح معها للموعد..اما العنود وهيفاء طلعوا رايحين مشي لمكان التكاسي الموجود قدام سلفردج وفي طريقهم لازم يعدون على مقهى جوري وهم مارين هيفاء شافت اخوها فهد وفواز كان معطي ظهره للبنات ،فهد اول ماشاف البنات ابتسم وقام عشان يسلم عليهم.
فهد :اهليـــــن..ها وين كنتوا؟
هيفاء:كنا بسلفردج نتسوق بعدين رحنا لسبجاتي هاوس نتغدى.
فواز لما انتبه انا فهد يكلم بنات قام والتفت يبي يعرف مين يكلم اول مالتفت طاحت عينه على العنود اللي ماكانت منتبه له لانها كانت تطالع البنت اللي تلعب مع ابوها عالشارع الثاني..
فهد: كل هذي اغرااااااااااض حشا خميتي السوق كله اجل وش خليتي لآخر السفرة..
التفت على العنود اللي كانت ماسكة كيس صغير:شوفي اللي احسن منك ماشترت الا حاجة قليله.
العنود التفتت عليه وهي تضحك:ههههههههه حرام عليك يافهد ..والله هيفاء شارية اشياء ضرورية..
فهد:ياحليلك يالعنود طول عمرك محامي دفاع لهالنسرة..
هيفاء:انا نسرة يافهييييييد هين عند امي..
العنود حست ان فيه احد يطالعها التفتت وتصادمت مع فواز اللي كان يطالعها بسخرية قامت علطول ونزلت عينها ووجها صار احمر من الخجل فهد انتبه ان فواز لسه قاعد :خلاص اجل اشوفكم بعدين..
هيفاء:يالله باااااااااااااي.
قاموا وراحوا راجعين للشقة بعد ماخذوا تاكسي الا العنود تقول حق هيفاء:هيفاء شفتي اللي مع فهد اخوك؟
هيفاء:ايه يهبببببببببببببل ..وش رايك فيه؟
العنود:يالخبله هذا اهو اللي قلتلك عنه انه غازلني..
هيفاء وهي مبققه عيونها:هذا اهو..والله ومنت بهين يافهد مرافقلك ملك جمال لاااا وعينه زايغه..
العنود وهي تضرب هيفاء على راسها:صدق انك سخيفه وماعندك سالفه ..والله انا مب خايفه الا انه يقول لفهد اخوك على اللي صار..
هيفاء وهي ماسكه راسها:لا ماظن يقوله.
العنود:وانتي وش دراك؟
هيفاء وهي تهز كتوفها:اعرف وبس...
تموا البنات ساكتين لغاية ماوصلوا الشقة..وهناك بانتظارهم مفاجاءة..
....................
ياترى ايش راح تكون المفاجاءة اللي بتكون بانتظار هيفاء؟
وايش راح يصير بين العنود وفواز؟



الجــــــ الرابــع ــــزء
في مطار هيثروالساعه7الصبح الجو بره كان عتمه وبرد ينبئ بنزول امطار .. وكانت ادارة المطار تعلن وصول الطائره من اليابان بدوا المسافرين ينزلون من الطياره وكان احد المسافرين يختلف عن الباقين كان وجهه يحمل ملامح العربيه كانت مشيته تدل عن الثقه بالنفس هو ما يعتبر وسيم لكن ملئ بالرجوله واذا كان في مكان كان يلفت انظار الجميع له خاصة ذوي الجنس الناعم كان وجهه جدي وغامض يحمل بعض السخريه وهذا الجذاب فيه..الجاذبيه اللي يسمونها خطره.. تركي كان باستقباله سكرتيره وصديقه في الدراسه (ايلي).. ايلي:ولك حمدالله عالسلامه..كيفك تركي انشالله ماتعبت؟
تركي:الله يسلمك ايلي والحمدالله مافي تعب...
ايلي:طيب خلينا نمشي السيارة وائفه برا..
طلع تركي ولقى bmw صافه برى.. دخل السياره الجو برى كان بارد مره .. كان لابس لبس خفيف لان الجو كان صيفي في اليابان .. ايلي :شو اخبار الصفقه ياخي ..؟
تركي:لاابشرك عدت على خير بس خذيت وقت وانا اقنع مدير الشركه
ايلي :اي لكان باي طريقه انا بعرفك منيح
تركي:هههههه يا حليلك ياايلي لا هالمره خذيتها بالطريقه المعروفه
ايلي:بس هي مش الاخبار اللي وصلتني ..من بيتر
تركي:الله يخسك يابيتر..وش قالك الاخوبيتر
ايلي:في مغامرات جديده مع بنت يابانيه..
تركي:الله يخليك لاتذكرني فيها ..بيتر يقصد بنت المديراللي حبت تعيش قصة حب في الصيف تقولها حق صديقاتها ..
ايلي:بس مش هي الكلام اللي قاله بيتر..
تركي:انا طول المده اللي قاعد فيها في اليابان اجاملها عشان ابوها..
ايلي:هههههههه مابتخيلك تركي تربي صبية صغيره..
تركي :معك حق..
تركي يفكر ماكلم عمته من راح اليابان ياويلك ياتركي الصراحه قصرت في حقها ماتستاهل منك هذه الغاليه ..خل اكلمها على الله الاقيها..
شاف الساعه الحين في السعوديه الساعه 1بالليل..رفع جواله ودق ..ماحد شاله يالله دق على رقم اخوه نواف ..
نواف:الو ..
تركي:الو هلا نواف..
نواف:هلا والله بتركي وشلونك ..
تركي:هلانواف انا بخير الحمدالله انت وش اخبارك وعمتي شلونها ..
نواف :حنا بخيروعمتي تسلم عليك ..وش هالقطاعه يارجال اسبوع مالك حس ولاخبر..
تركي:لك حق ياخوي بس الخطوط ماتشبك ..
نواف:عاذرينك والله ..اسمع يالحبيب وينك الحين..
تركي: انا توني واصل لندن من ساعه
نواف :وش سالفة الناس على لندن هالسنه كل من كلمته قال انا في لندن
تركي:لا والله بس حبيت اخذ اجازه ونفس الوقت قريب من مركز اشغالي..
نواف:اهاا عالعموم باركلي ..
تركي عاقد حواجبه:على وشو ان شاء الله
نواف بابتسامه:خطبت وبتزوج..
تركي مندهش:وشو .. شتقول انت جنيت ..
نواف زعلان:تركي اناخطبت ماسويت شى غلط ..
تركي:نسيت وصية ابوي انا محذرك انك ماتخطب ليما تخلص الجامعه
نواف:انا على ماظن رجال واعرف مصلحتي زين
تركي:انا اكبر منك واعرف مصلحتك ثانيا انااعرفك ياتركي انت مب مال زواج انت تبي تزوج عشان تاخذ ورثك ..
نواف:وش الحكره ..انا كنت ابي استقر والبنت عاجبتني مابيها تطير مني..
تركي:ومن هذه ان شاالله..
نواف بابتسامه:هيفاء بنت خالتي
مرت لحظة صمت مكهربه بين الاثنين ..وبعدين رجع تركي يكلم اخوه ببرود مطلق:يعني مالقيت غيرها
نواف:البنت عاجبتني وداخله مزاجي ليش عندك مانع ..
تركي:اي عندي اولا مابيك تتزوج الحين اصبرخل تخلص الجامعه وبعدين يحلها الف حلال..
نواف:خلاص البنت صارت لي وبعدين الورث آخر شي افكر فيه.
تركي بعصبية: طيب يانواف حسابي معاك بعدين..
نواف وبرود:على فكرة نسايبنا بلندن مرسلم عليهم...
تركي:يصير خير...
تركي سكر وهو معصب قام رجع راسه على الكرسي وغمض عينه وهو يفكر بهدوء.
التفت عليه ايلي:تركي شو بيك متضايق هيك ..ايه مافي شي بيستاهل زعلك...
تركي:الا يايلي هذا الشي يستاهل..اخوي الكريم بيتزوج.
ايلي وهو فرحان:مبروك ...ولك المفروض تنبسط منشانه مو تضايق.
تركي:ايلي انت ماتفهم ان ابوي قبل ما يموت كان شايل الشغل كله فوق راسه وماخلانا نساعده فيه عشان ننتبه لدراستنا وكان دايما يتمنى واحد منا يجيب الدكتوراه ولما مات الله يرحمه وصى انه نواف أخوي مايستلم ورثه الا لما يتزوج ويخلص الدراسه لانه طول عمره كان متهور وكسلان،وانا طبعا بعد ماتوفى الوالد اشتغلت بالشركة وكان عندي شهادة ماجستير في التسويق والتجارة وكنت ادرس الدكتوراه وحاولت اني اوفق بين الشغل والدراسه لني ماقدرت تركتها وتفرغت للشغل.
ايلي:اها..من شان هيك انت متضايق..طيب شو الحل هلأ مع أخوك؟
تركي بنظرة غير مفهومه:بفك الخطبة بطريقتي الخاصة.
ايلي التفت على صديقة هو بيعرف هالنظرة معناته انه ناوي على شي بس شو مابينعرف..
تركي التفت يطالع من النافذه ويتذكر عيون دايماً في باله مستحيل ينساها ،عيون مشدودة تسحر من يشوفها وضحكة بريئة كانت دايماً تجننه ،ملامح هيفاء كانت على طول بباله ملامح صعب من يشوفها ينساها..ليش يانواف من بين بنات الناس مالقيت الا هيفاء..تنهد وهو يفكر بطريقة يحل بها المشكلة فجـــــاءة تذكر شي خالتي واهلها بلندن..هنا بدا الحظ يبتسم له.ابتسم ابتسامه خبيثه ولقى النور اللي بيوصله للطريق.

******************
نرجع حق فواز اللي عرف من فهد ان العنود تسير بنت عمته ومعناته ان الحين يقدر ينتقم منها بسهولة ..وفي نفس الوقت كانت العنود قاعده في مكانها المفضل فوق السطح تسمع حق راشد الماجد وتقرى في رواياتها الرومانسية والجو كان مرة بارد مع انها لابسة جاكيت فوق البيجاما الا ان البرد ذبحها وانفها صار احمر من البرد فقامت سكرت الووك مان وخذت روايتها ونزلت تحت ولما دخلت الغرفة لقت ان الساعة الحين 8 ونص الصبح وهيفاء لساتها نايمة وهي ماقدرت تنام تحاول تغمض عينها ممكن النوم ايجيها لكن ماقدرت تحس انه مخها يشتغل لكن ماتعرف من ايش؟
قعدت ترتب الغرفة وتنظفها عشان تظيع الوقت ولما خلصت نزلت تحت حصلت فهد وحمد لساتهم على سهرهم قاعدين يلعبون مباراة بالبلاي ستيشون البست حجابها وقعدت تطالعهم وهم يناقرون على اللعبه.
حمد:الا اقول فهد..
فهد وهو مركز على اللعبه:امممم؟
حمد:انت من وين عرفت فواز؟
العنود لما سمعت كلام حمد وسمعته يتكلم عن فواز عرفت انه يقصد اللي كان مع فهد امس.
فهد:اهو معاي بالجامعه بس تعرفت عليه بعد ماتقلوا اللي معاي بالغرفة وجا فواز بداله..بس الله وكيلك اول ايام كان ماينطاق.
حمد وهو يطقطق على الجهاز بسرعة:ليـــــــــه؟
فهد:كان مره شايف نفسه ومتكبر ولا فوق هذا كله البنات الاجنبيات اللي بالجامعه ميتات عليه...بس بعد ماعرفته طلع "جدع ابن جدع"..
حمد:ايه والله انه رجال وفيه الخير..
العنود بينها وبين نفسها "أي خير انت وياه..الاخو مغازل اختك وانت تقول فيه الخير".
العنود تسأل اخوها:حمد بغيت اسألك عن قهوة جوري اذا حلوة ولا لاْ؟
حمد:وليه حضرتك تسألين ..ان شالله ناوية تروحين لها؟
العنود:وش فيها..اذا حلوه أبغى اعزم البنات عليها..
حمد وفهد مع بعض:لاااااااااااااااااااااااا..
العنود وهي منصدمه من صراخهم:يمه خوفتوني شفيكم منتوا بصاحيين..
فهد وقف اللعبه والتفت عليها:هالقهوه بالذات ممنوع عليكم تدخلونها ..فاهمه؟
العنود وهي زعلانه:يعني شمعنى هالقهوة؟
حمد:لانها مليانه شباب خليجين والبنت المحترمة ماتروح هالاماكن..
العنود:طيب خلاص فهمنا..حشا كلتوني ..
رجعوا العيال للعبة والعنود خذت المجلة تقرا فيها ولما حست بالزهق قامت للمطبخ تسويلها شي تاكله ،سون سانويش جبن وكوباية عصير برنقال وراحت للغرفة لما دخلت الغرفة شافت تيلفون هيفاء يضوي ويطفي ولما شافت الرقم "توأم روحي"فعرفت انه نواف فراحت بتصحيها الا التلفون يطفي..لكن هيفاء حست فيها فبطلت عين وحده:مين اللي كان متصل؟
العنود:هذا نواف..
هيفاء وهي تغمض عينها:ماراح اكلمه الحين...وانتي شعندك صاحيه؟
العنود تتنهد:ماجاني نوم..بعدين انتي لايكون بتنومين يالله قومي خلصي علينا الساعه صارت 9..
هيفاء وهي قايمه تفرك عيونها:طيب انا قايمه..لكن اسمعي اليوم ماعلي منك انا بروح لهارودز..
العنود:اقول انطمي بس اصلا من غير ماتقولين انا كنت ناوية اروح.
هيفاء:جزاتي اني كنت ابعزمك على الشوكلات بار بس تدرين انتي مو وجه عزومه..
العنود ببراءه:لكن انا ماقلت شي..
هيفاء:انتي ماقلتي شي اجل مين اللي قال "انطمي بس"..
العنود بصدمه مصطنعه:انا ..انا ماقلت شي حرام عليك..
هيفاء سفهتلها وراحت للحمام عشان تغير ملابسها وتستعد..والعنود راحت تتمكيج لغاية ماهيفاء تخلص تبديل عشان تروح تبدل..ولما خلصوا البنات طقوها مشي لغاية هارودز لكن هالمرة راحت معاهم مها وهيفاء مب عاجبها الوضع..
هيفاء وهي معصبة على مها:يعني قلوا عليك خلق الله عشان تجين معانا..
مها وهي مناحسه:ايه قلوا ولا حصلت الا انتي انزين.
هيفاء عطتها نظرة نارية:اقول اسكتي لاعطيك كف يطيرك للشقة..
مها وعيونها مليانه دموع تلتفت للعنود عشان تنقذها:العنود شوفيها..مادري ايش فيها اذا رحت معكم؟
العنود :مافيها شي يابعد عمري ..بعدين هذي اختك وخبالها..يعني ماتعرفينها..
هيفاء وهي تشهق:عنييييييد..هين وش عندك توزين اختي علي..
العنود:مافيها شي ياهيفاء اذا راحت معانا،وبعدين هي رايحه تبي تشتري سكايتينج عشان الحديقة انتي ايش بيضرك؟
هيفاء:مالي خلق بزران وحنه..
العنود ومها اسفهولها وكملوا مشي.ولما اوصلوا وتشروا وخلصوا اطلعوا من هارودز للهايد بارك لان الاهل مجتمعين هناك ..
وهم داخلين من بوابة الحديقة الا وحده بايدها ايسكريم دعمت العنود ولطختها ولطخت نفسها بعد..
البنت:آسفة مكان قصدي..
العنود بابتسامة:لا معليه ماصار شي..
البنت وهي تدور على منديل تنظف بيه ملابسها ومومحصله..فقامت العنود وعرضت عليها انها تروح معهم لمكان ماهلها موجودين وتنظف ملابسها هناك.
البنت:لا ياختي احس فيه احراج..
العنود:لا حرج ولاشي الابالعكس نتعرف عليك بالمره..
البنت :مشكوره ياعمري..
هيفاء وهي تناظر البنت من راسها لساسها لان البنت مو عاجبتها بالمره ماتدري ليه قلبها ناقزها منها كان شكلها فري بالمره ماكانت لابسه حجاب ولابسه لبس ضيق..يعني شكلها مايطمن.
بعد ماوصلوا عند اهلهم على طول مها لبست الزلاجيات وراحت تتزلج ومحمد معاها والعنود والبنت قاعدين ينظفون ملابسهم بمناديل معطره..وبعدها قعدوا مع بعض يسولون ومنها اعرفوا ان البنت اسمها سارة ومن الكويت ومن عمر العنود.
العنود:اجل انتو اول مرة تجون لندن؟
سارة:لا ..احنا دايما هنيه..
هيفاء من غير نفس:طيب اهلك وينهم ماشوفهم معك بالحديقة..
سارة:اصلا انا اروح وارجع مثل مابي..
تو العنود بترد الا تلفونها يرن:الــــــــو؟
حمد:هلا العنود..
العنود:اهلين حمد..
حمد:ها وينكم؟
العنود: احنا بالحديقة..
حمد :طيب ايش رايك تجيونا بالسينما انا عازمكم على فلم رووووووعه..
العنود استغربت هالشي من حمد وخافت انه يكون مقلب من مقالبه: غرررررريبه وش عندك عازمنا..مو من عادتك؟
حمد:طييييب على راحتك ماتبين اجل خلاص عفني بالحديقة؟
العنود بسرررعه:حمد..حمد..خلاص اوكي احنا جاينكم على الاقل احسن من مقابل الاشجار..
حمد:خلاص اجل احنا ناطرينكم..
بعد ماخذت منه مكان السينما..التفت على البنات تقولهم
مت هيفاء واستانست:الله ونــــــاسه..طيب يالله خل نروح..
سارة:خلاص انتو روحوا وان ان شالله اشوفكم بعدين..
العنود مارضت:لا مايسير تروحين ..لازم تيجين معانا يله انا عازمتك..
هيفاء ظلت ساكته لانه ماتبيها تروح معهم وكان ودها لو العنود تسكت ولا تعزم.
سارة:طيــب بس هالمرة لكن المرة الجاية انا اللي بعزمكم اوكي؟
العنود:اوووووووكي..
راحوا البنات للسينما وحصلوا فهد وحمد هناك ناطرينهم ومعهم التذاكر ولما شافوا سارة مع البنات وقفوا مبلمين مايعرفون منهي .
هيفاء قامت بالتقديم:شباب هذي رفيقتنا الجديدة اسمها سارة..والعنود عزمت عليها تجي معانا..التفتت على سارة وهي تاشر على الشباب..هذول اخوي فهد وولد خالي حمد.
فهد:العنود ترى ماقصينالها تذكرة لانكم ماقلتولي..
العنود لا عادي انا بقصلها..
حمد هز راسه:اوكي انتي قصي التذكرة ولحقينا وهي تدخل ببطاقتك.
العنود:اوكي ماراح اطول..
العنود وهي تنطر عند شباك التذاكر الا تسمع صوت ايجي من وراها.
فواز:حتى هنا لاحقتني؟
العنود التفت عليه وهي مصدومه:انت!
فواز بسخرية:ايه انا ليه فيه احد غيري..
العنود ببرود:اصلا من قال ان انا لا حقتك انا جايه مع اخوي..وبعدين بليس لاتكلمني.
فواز:اذا انتي جايه مع اخوك..اجل انا جاي مع منو..
العنود:وش قصدك
فواز:قصدي ان اخوك اللي عزمني.
العنود بسخرية:لو دارية كان وفرت على نفسي وماجيت..
فواز ببرود: الا قولي لوانتي كنتي موجودة كان خربتي علينا الفلم..
العنود بعصبية:مادامني بخرب الفلم ليه حضرتك ماتعطينا مقفاك..
فواز هنا تم ساكت وهو يناظرها بغضب حتى العنود خافت من الكلام اللي قالته هي شلون تجرأت وقالت مثل هالكلام ،تموا الاثنين ساكتين يناظرون بعض.
في الاخير فواز لف وطلع من السينما .
……………
ايـــــــــــــش تتوقعون راح يصير بعد هالموقف؟
وســـــارة اذا عرفت ان فواز كان موجود بالسينما ايش راح تسوي؟
وهيفـــــاء ياترى ايش اللي ناطرها؟



الجــــ الخامس ـــزء
فواز بكلام العنود اللي قالته جرحت كرامته وقرر ساعته انه بيرويها من فواز هذا اللي تكلمه وراح يردلها الصاع صاعين راح اطلع الحين باللي بقى عندي من كرامه..بس التفت شاف العنود راح تدخل السينما
معها بنتين ماشافهم ..تذكر ان فهدوحمد يستنونه هذه فرصته لازم يستغلها..راح فوازلقاعة عرض الفيلم وشاف فهد واقف ينطره
فهد:وينك ادق عليك ماترد ..
فواز:لا انشغلت مع واحد من الربع..
فهد:انزين يلا اندش الفيلم مع اني مب مقتنع فيه
فواز:ليه..مب انت اللي مختاره وانا ابغي اشوف فيلمGuess howفهد:الاخ حمد يبغى يشوف Zoro2
فواز:هههههههههه معليه نمشيها عشانه الا معك حدمن الاهل
فهد:أي موجودين بس قاعدين لحالهم
فواز:أي نزين يالله ندخل
دخل فهدوفوازوقعدوا لمكان ما حمد قاعد فواز يدور بعيونه على العنود شافها قاعدة قدامه بينه وبينها صف..
بدا الفيلم وفواز نفسه يشوف وجه العنود عشان يخزها بنظرات ويلاعنها ..العنودكانت مندمجه مع الفيلم بس تلفت يمين ويسار عشان تشوف وين اخوها تبي منه يشتري فوشار وبيبسي
التفتت وراها طاحت عيونها على فوازيطالعها بنظرات سخريه كانه يضحك على حركاتها العنود انحرجت واغطست في الكرسي من الاحراج حست بعيون تراقبها ماقدرت تنتبه للفيلم كانت سرحانه التفتت عليها هيفاء تهمس لها العنود انتفضت
هيفاء:العنود وش فيك ..ترتجفين.
العنود:هاه ولاشى بس التفتي شوفي من قاعد مع اخوانا
التفت هيفاء وشافته
هيفاء:أي المزيون وش فيه
العنودبعصبيه:مزيون طل انتي مب شايفه نظراته وهو يطالعني كانه بيذبحني
هيفاء:ههههههه تحبين تخلين من الحبه قبه
العنود:ههههه سخيفه
ساره شافتهم يلتفتون التفت معهم وانصدمت شافت فواز حبيبها مب قادره تصدق ومع مين مع اخوان رفيقاتها
لا صدق الدنيا صغيره ..ياحياتي يافواز ..فواز حس نفسه يبي ينحاش وش هالمصيبه..اللي طاحت على راسي
ساره هذا وقتها بتجين تعفسين الدنيا ..لايكون قاعده مع العنود
كل شي الا هذا ..لازم يتصرف..التفت فوازعلى فهد
فواز:فهد من هذه اللي قاعده جنب اهلك..؟
فهد وهو عاقد حواجبه:ايه هذه رفيقة البنات..ليه؟
فواز:لا كل سنه اشوفها في لندن..
فوازحس بنفسه يعرق ياربي وش يسوي خلاص البنت شافته
خايف تقول حق العنود علاقتنا ..
فواز:فهد عن اذنك عندي مشوارضروري لازم اقضيه
فهد:وش هالمشوار الضروري اللي يخليك متوتر ..لا يكون واحده من بناتك مهددتك..
فواز:لا أي بنات ..بعدين مافي بنت تهددني..يلا عن اذنك
فهد:اذنك معك
طلع فواز من السينما وهويفكر بطريقه تبعد ساره من العنود قبل ماينفضح قدامها وتخرب خطته خذا جواله ودق عليها لازم يفهمها بطريقته تبعد عن العنود..
فواز:الو..مرحبا ساره
ساره تكلم بصوت واطي عشان مايسمعونها:هلا يابعد طوايفي انت
فواز:هلا حبيبتي..
ساره طلعت من القاعه وراحت للممرالسينما عشان تكلمه على راحتها
ساره:شفت صدفه احلى من الف ميعاد
فوازوهو متنرفز:أي صدفه انت الثانيه ..
ساره:حرام عليك وش سويت لك فوازعشان تقولي جذي
فواز:اسمعيني ساره زين من وين تعرفتي على البنات اللي كنت قاعده معهم
ساره:اليوم تعرفت عليهم في الحديقه
فوازحس براحه:انزين تدرين انهم خوات ربعي
ساره:وخير يعني ..ياحلوه حبيبي اذا بيني وبينك رابط
فواز:حبيبتي اسمعيني ابيك تفكين علاقتك معهم
ساره:شنو..ليش حبيبي..
فواز:لاتساليني ليش سوي اللي انا اقوله وبس ..واذا تبيني اكمل علاقتي
معك طيعي كلامي..
ساره:مادام هذا اللي تشوفه خلاص..انت تامر امر..انا بقطع علاقتي معهم
بس ماقدر اطنشهم اذا شفتهم..
فوازببرود :اللي يسمعك يقول تعرفينهم من سنه ..!
ساره بخوف:خلاص حبيبي كل شى ولاتزعل..
فواز يبتسم:أي كذا ابيك حبيبتي تسمعين كلامي..بعدين انا مابي ربعي يشوفونك وياخذونك مني.
ساره:ياحلوك حياتي تغار..
فواز:ههههههه اذا ماغار عليك من اغار عليه..يلا عمري اخليك..باااي
ساره:يلا باااااااااااي..سكرت ساره وطلعت من السينما بدون ماتودعهم
خايفه يشوفها فواز تكلمهم..ويحمق عليها..
في السينما كانت متوتره العنود تحس نظرات فواز تخرق ظهرها ماقدرت تركز على الفيلم ..هيفاء حست ان ساره تاخرت لفت على العنود..
هيفاء:العنود..ساره سكنت داخل ولا طلعت..
العنود:اكيد انها في الحمام..
هيفاء التفت وراها تدورعليها مالقتها شافت مقعدين قرب فهد فاضي ..
هيفاء: العنود قومي نقعد قرب فهد ..
العنود برعب:انتي صاحيه نقعد مع رفيقه..
هيفاء:هههههه من جدك ارتاحي رفيقه راح ..
العنود:صدق..التفت لقت مقعد فواز فاضي..وقربه واحد ثاني..
هيفاء:يلا قومي..ابي اشوفهم من وجههم واضح عليهم متاثرين بالفيلم..
العنود:وساره نخليها ورانا..
هيفاء:البنت شكلها مب جايه..وزين جات منها..
العنود:انزين..يالله..
قعدوا العنود وهيفاء قرب فهد..فهد طالعهم مستغرب..
فهد:وشفيكم غيرتوا مكانكم..؟
هيفاء:لابس وحشتونا..الفيلم بدونكم مب حلو
فهد يطالعها بسخريه:لا الله يخليكم ما نبي شوقكم خلوه لكم
هيفاء رافعه حواجبها باستغراب:افا..يابو سلمان تقول هالكلام حق حبيبتك هيوف..
حمد يطالعهم:ههههههههه حتى في السينما تناقرون ..
فهد:اسكت انت ماتعرف هذه نسره..
هيفاء تطالعه بنص عيون وصدت منه..
الوحيده اللي كانت مش معهم العنود كانت في عالم ثاني..مستغربه من مشاعرها المتضاربه ماتدري ليش يوم عرفت ان فواز راح حست بخيبة
امل ونفس الوقت ارتاحت بس ليش حست بحزن لانه ماهتم لها وراح
ولاعبرلها ياربي..انا ليش اهتم فيه بالطقاق اللي يطقه..
هيفاء تحس بلوعه ووجع باسفل بطنها قعدت تلوى يمين شمال
في كرسيها ..حست بتعب موطبيعي يالله ماكلت شى عشان ياجيها
هالالم ..هيفاء نزلت وجهها وهي تالم ..ماقدرت تحمل بينت على
ملامحها انها تتالم ..وطلعت منها اهه الم ..بدون ماتدري..
التفتوا كلهم ..عليها..
فهد مستغرب:هيفاء وش فيك ..عسى ماشر..
هيفاء:بطني ..بطني فهد ..حاسه بمغص يذبحني..
فهد:انزين روحي الحمام..
هيفاء:مابي ابي اروح البيت ..اخذ حبة مهدئ..تخفف علي..
العنود:خلاص بروح معك البيت..
فهد:لا انتي اقعدي مع اخوك..انا بوديها..
حمد:سلامتك هيفاء ماتشوفين شر..
هيفاء بابتسامه صفراء:الله يسلمك الشر مايجيك..
وقفت هيفاء وهي تعنزعلى فهد وهو ماسكها من كتفه ..مشوا ليمه لقوا تاكسي
يوصلهم الشقه ..لما وصلوا الشقه حست انها بتنهار..رقت الدرج وفتحت
لهم الباب..خالتها ام حمد بوجها البشوش..
ام حمد:هلا حبايبي..وشفيكم جاين بدري..
اختبص وجهها لمه شافت هيفاء تعنز على فهد وجهها اصفر باين عليه التعب..
ام حمدحطت ايديها على صدرها:يماهيفاء وش فيك حبيبتي..
مسكتها ام فهد وحطتها على الكنبه اللي في الصاله وهيفاء حطه ايديها على بطنها..
فهد:لا خالتي بس هيفاء تعبت علينا وحنا في السينما ..تقول ان بطنها يعورها
ام حمد حطت راس هيفاء في حضنها ..
ام حمد:هيفاء يمه وشفيك حبيبتي..قولي لي..
هيفاء:مادري ياخالتي جاني الم ذابحني في بطني..
ام حمد:اكيد من اكل المطاعم هواللي سممك..
هيفاء:ماظنتي خالتي..
فهد:خالتي الا وين امي..؟
ام حمد:امك ياحبيبي ..راحت السوق عشان اختك مها تحن عليها..تبي اغراض..
فهدبتفكير:اهها..انزين انا بخليكم بروح المقهى اللي في هالشارع اذا بغيتوا شى
كلموني..
ام حمد:مع السلامه..
راح فهد وام حمد قامت لغرفتها وردت معها حبه..عطتها هيفاء..
ام حمد:يما هيفاء اكلي هذه اخر حبه عندي.. بتريحك ان شاءالله..
هيفاء بخمول:مشكوره خالتي..
ام حمد رفعت اصبعها:بس هاه..ترى تنوم ..
هيفاء:معليه يكون احسن بعد..
ام حمد هزت كتف هيفاء: قومي روحي غرفتك نامي..
رقت هيفاء الدرج في الغرفه كلت حبة المهدئ وصلت صلاة العصرعشان
قام وقتها..اول ماخلصت الصلاة حست بدوخه مالقت الا نفسها على السرير
نايمه..
* * * * * * * * * *
تركي صايرله من وصل من السفر يوم ونص واليوم راح كله وهو نايم
لانه مانام في الطايره الا كم ساعه وقرر اليوم الثاني يروح حق خالته
يسلم عليها ونفس الوقت يتقصى الاخبار بعد الخطوبه اذا البنت تبيه
والا ماخذته عشان فلوسه..الصحيح ان اخوه ماينعاب بس مع ذلك
لازم اتاكد..اذاهي تستاهله..اولا..راح فتح الكبت اللي كان مليان بدل
ماركات واللي اغلبيتها بدل رسميا ..اضطر ياخذ بدله رسميه من ارماني
بلوزقطنيه لون رصاصي على حوافها تطريزاسود ونيك..مع بنطلون
اسود..كانت البلوزه ضيقه من صوب كتوفه العراض ووسييعه من صوب
خصره..كان شكله جنان يحسس اللي حوله برهبه..خذا جاكيته الاسود الجلد احتمال اذا نزل مطر..طلع تركي من الشقه وركب سيارته البورش..
تركي وهويسوق رفع موبايله ودق على فهد عشان يقول حق
خالته انه بيجي يسلم عليها ..
تركي:الو..مرحبا..
فهد:مرحبتين..من معي..
تركي:ماعرفتني..
فهد:لا الشيخ ماعرفتك
تركي:افا اناحماك ماعرفتني..
فهد:حمااي بس انا مب متزوج..اكيد غلطان..
تركي وهو يضحك:لامتاكد ..وغصب عليك تاخذ بنتي..
فهدابتسم:تركي يارجل خوفتني ..بعدين بنتك هذه الشينه خلها لك
(لان تركي يومهم صغار دايما يقول حق فهد انه بياخذ بنته)
تركي:احمد ربك انك تاخذ بنت تركي الضاوي.هذا شرف كبير لك
فهد:يااخي موكفانا ان اختي بتاخذ اخوك هالنزعه..اخذ بنتك تبلشني فيها
تركي:أي صح مبروك اسمحلي ماعرفت الا امس..كنت مسافر
فهد:الله يبارك فيك..ندرى انك معذور
تركي:فهد ليت لوسمحت تقول حق خالتي اني بجي اسلم عليها
فهد:صار انا بسبقك للشقه وبسويلك درب..اي وعلى فكره ترى احنا
ساكنين في شقة عمتي ..على بعد شارعين من شقتنا..
تركي:ليه..؟
فهد:سالفه طويله بقولها لك بعدين..
تركي:خلاص يالله مع السلامه..
فهد:مع السلامه
* * * * * * * * * * *
هيفاء قامت من النوم وهي تحس بخمول وتعب واوجاع اللي ببطنها خفت شوي لانها كلت الحبوب وبطنها فاضي راحت الحمام غسلت
وجهها عشان تنشط شوي بس رجع لها الالم من جد وجديد ياربي..
وش اسوي ..نزلت هيفاء تحت تدور على امها ولا خالتها..لقت خالتها
قاعده على الكنبه ومحمد منسدح في حضنها نايم ..قعدت هيفاء جمبها
ام حمد:ها حبيبتي احسن الحين..
هيفاء:اخف خالتي قولي كم ساعه نمت..
ام حمدتبتسم:ساعه ونصف..
هيفاء:معقوله وانا علبالي يوم كامل خالتي حاسه بوجع..
ام حمد:بسم الله عليك ماخفف عليك الدواء..
هيفاء:لا والله... وش عنده الاخ نايم هنا في الصاله ..
ام حمد تبتسم:قاعد يلعب سوني يوم تعب طاح على حضني ونام..
هيفاء:انزين ماعندك حبوب تخفف علي حاسه انه هالمغص ماراح يخف كذا ولا كذا..
ام حمد:لاوالله حبيبتي..
هيفاء:خلاص انا بكلم فهد يمر وياخذني الصيدليه اخذ حبوب مهدئه
طلعت هيفاء من الصاله عشان تكلم فهد وقفت بالممر..الاالباب ينفتح ويدخل
فهد ويدور على امه
هيفاء بابتسامه كبيره:الطيب عند ذكره..
فهد طنش لها:امي وين..ماجت

هيفاء:فهدانا تعبانه ابي اروح الصيدليه الله يخليك وصلني
فهد:لا موفاضيلك بعدين
هيفاء شوي بتصيح :وشو بعدين بموت بطني ذابحني ..ماراح ياخذ من وقتك
دقايق..
فهد: منييييييييييييب..
دخل فهد الصاله عشان يسال خالته..
فهد:خالتي وين امي ماجات..
ام حمد :واللي يروح مع اختك مها يعود بدري..
هيفاء :خالتي شوفيه مايبي يوصلني..
فهد:مب فاضي لها عندي ضيوف ..
ام حمد :خلاص يمه خلي السايق يوصلك
هيفاءباستغراب:أي سايق..
ام حمد:ابوك اجر سايق حق امك ..عشان ماتتعب..
فهد طلع من الصاله يكلم امه عشان مافي ارسال في الصاله..
هيفاء مندهشه:اروح لحالي معه
ام حمد:ماقدراروح حبيبتي معك اذا قام محمد ولالقاني بيخاف
هيفاء نزلت راسها متفهمه:ماشي باروح لحالي ..
ام حمد:ماعليك شر الصيدليه قريبه..
هيفاء: يلا مع السلامه..
ام حمد:مع السلامه اقري المعوذات وانتي طالعه..
هيفاءتضحك:ان شاء الله..
طلعت هيفاء لقت فهد يكلم امها..وهومتنرفز..
هيفاء:وش فيك ماردت عليك ؟
فهد:لاماترد مادري وش فيها..
هيفاء:خلاص انا بروح..
فهد قعد يدق على الارقام..ولا سمعها كملت هيفاء طريقها لبرع تدور على السياره..
تركي صاره له عشر دقايق وهو برع الشقه ينطر فهد يرد له خبر ..بس
ماطلع له ولاكلمه..سكر السياره..يستنى حد يطلع من الشقه..الا شاف
بنت تطلع من الشقه تقدم وهي تدور على شى ..فهد عقد حواجبه من هذه؟
هيفاء مالقت ولا سياره برع...لحظه في سياره واقفه برع الشقه اكيد هذا
السواق مافي حد غيره..مشت هيفاء للسياره بخطوات متردده وخايفه..
السياره كانت بنتلي بيضاء ..هيفاء كانت تفكر فديته ابوي مايحب يعيشنا
الا بخير ونعمه ..فتحت باب السياره اللي ورى ..ودخلت ..السواق كان يطالعها مستغرب ماينلام يتساءل من البنت اللي دشت عليه عرض
هيفاء رفعت عينيها لاول مره وتشوف السواق :
السلام عليكم ..
السواق وعيونه اللي تشوفها من المرآه:
وعليكم السلام..
كان يطالعها بنظرات غريبه مافهمتها..
هيفاء تطالعه بنظرة غرور وتكبر:انت السواق اللي ماجرك ابوي؟
تركي يطالع فيها هذي صاحيه ولا مجنونه..
تركي:سواق؟
هيفاء تهز راسها:أي مو انت تشتغل عند ابوي ..انا هيفاء بنت سلمان..
تركي وهو منصدم اللي تكلمه الحين هذه هيفاء بس ليش تحسبه سواق ..
اكيد مغلطه بس هذه فرصتي اختبرها واعرف شخصيتها..واعرف هي من أي نوع من البنات..خلاص بمشيها مادام تحسبني سايق ..هيفاء خافت منه من يوم
قالت انها هيفاء تغيرت نظراته قام يتفرس فيها بنظرات غامضه..وخبث
تركي وابتسامه سخريه:اعذريني الشيخه ماعرفتك امريني وين تبين تروحين.؟
هيفاء تمثل انها مب خايفه:لوسمحت ابي اقرب صيدليه..
تركي حط عيونه عليها في المرآه ولا شالها ..
تركي وهو خاطره يضحك:ان شاء الله طالع عمرك..مكان ثاني ..
هيفاءتطالعه بنظرة احتقار:لا بس هذا ..
حرك تركي السياره وعيونه كل لحظه والثانيه على هيفاء ..هيفاء تخلي نفسها ماتشوفه..صدق قلة ادب سواق وحاط عينه بعيني ولا نزلها ..لازم تشكي لابوها منه ..مب حاله هذه كل ماطاحت عيني فيه ابتسم لي ..اللهم صبرك ياروح..هيفاء ماقدرت توخر عينها منه فيه جاذبيه ورجوله طاغيه..اول مره تشوف رجال كذا يسيطر باللي حوله بنظره ..هيفاء تحس انه هالرجال مستحيل يكون يشتغل عند حد من شكله..تعود انه يعطي الاوامر وبس وغيره ينفذ ..حتى لبسه شياكه مو لبس موظف عادي اللي ذابح هيفاء ها الكتو ف العراض اللي باين عليه يسوي تمارين..لا انا مب صاحيه حتى السواق بتغزل
فيه..لا انا مستحيل احط مستواي من مستواه..لازم اعلمه من يكون عشان يعرف
مكانه زين..
هيفاء:اخوي انت سعودي؟
تركي يطالعها بحاجب مرفوع:لا مب سعودي..انا اردني من مواليد السعوديه..
هيفاء:اكيد تشتغل مع الوالد..في الشركه..
تركي:أي.. سمعت ان الوالد يبي سواق حق اهله يثق فيه وانا طبعا عرضت خدماتي عليه..
وابتسم لها ابتسامه تطيح الطير من السما..ابتسامته على جنب تذكرها بابتسامة
الممثل الامريكي(بروس ويليس)هيفاء التفت تشوف برى عشان ماتبين تاثيرابتسامته عليها..
وقف تركي عند الصيدليه ..ونطرها تطلع من السياره بس ماطلعت
شافها سرحانه تشوف اللي برى..ضحك تركي على شكلها..
تركي بسخريه:اذا عاجبتك القعده في السياره انا ماعندي مانع..
التفت هيفاء منصدمه لقت نفسها قدام الصيدلية حست باحراج كبير
هيفاءتطالعه بنص عين :يعني لازم تذكرني ..انا عارفه
تركي بابتسامه:لو ماذكرتك كان سكرت الصيدليه وانت للحين ماطلعتي

طلعت هيفاء من السيارة ومشت للصيدلية ..دخلت لقت مرأه اللي تبيع ولما شافتها الصيدلانية أنها متحجبة عرفت أنها عربيه وقامت تطالعها بكره تقدمت هيفاء وسألتها عن حبوب مهدئ لآلام المعدة..
الصيدلانية: wait miss Ill see
طلعت الصيدلانية الحبوب لها وراحت هيفاء تفرج على الاغراض المعروضة لقت واقي للشمس فقررت أنها تاخذه لان واقي الشمس مالها خلص.
فحطتها عند الكاونتر تحاسبه مع باقي الاغراض ولما حاسبت وخلصت توها بتطلع الا تسمع الصيدلانية تتصل على الشرطة تبلغ عن شي ولما كانت هيفاء بتطلع وقفتها الصيدلانية :
miss can wait a second?
هيفاء وهي تطالعها باستغراب:
Is something wrong
الصيدلانية بابتسامة:
No everything is fine but can you wait
ماخلصت الصيدلانية كلامها الا الشرطي داخل الصيدلية ويسال عن السارقة فقامت الصيدلانية واشرت على هيفاء هنا هيفاء بققت عيونها بدهشه :
I didn’t steel anything she is laying
قامت الصيدلانية تقول حق الشرطي انها سرقت واقي شمس من غير
ماتدفع..هيفاء عطته الفاتوره..عشان يشوفها..
هيفاء :
I can proov it to you..u can chic the bilt..
الصيدلانيه تطالعها وعلى فمها ابتسامه خبيثه..الشرطي يهز راسه
بعلامة رفض..
الشرطي:
It is not written in the bilt..
هيفاء بققت عيونها وتطالع الصيدلانيه معصبه ..اثرها كانت ناويه عليها من زمان..
هيفاء:
How dare you do this to me..
الصيدلانيه:
What can I do you refuse to pay..
الشرطي التفت على هيفاء ينطر منها الجواب ..بس هيفاء ماعرفت ترد وفلوسها مخلصة ..ياربي لايكونون بيسجنوني..اذا سجنوني ماحد من اهلي
بيعرف ..ياربي يامستجيب الداعي انك تطلعني من هالورطة..
تركي حس البنت طولت في الصيدليه ..كل هذاتشرى..التفت شاف هيفاء
مع الصيدلانيه وتكلم الشرطي ..تركي..خاف واضح انها في مشكله ..
لازم يتدخل ويشوف وش السالفه..البنت لو مصيبه تطيح على راسها غرورها
مارح يخليها تقوله..نزل تركي من السياره وتقدم للصيدليه..
هيفاء كانت منزله راسها تفكر ..الاسمعت صوت الباب ينفتح واحد يدخل..
تركي:هيفاء وش السالفه ,,الشرطي وش يبي منك ..رفعت هيفاء راسها مثل البرق ..لقت
السواق قدامها وعلى وجهه علامة استفهام..بس بلمت تامله اول مره تشوفه
وهو واقف..كان طويل حست انها ولاشئ عنده من يوم دخل ملأ المكان بهيبته ..صدق انك حماره انت اللحين متورطه ..تروحين تقوسين طول السواق
لازم ماتخليه يعرف ..لانه مارح يفوت فرصه يذكرها فيها بغبائها ..ونفس الوقت
بيعطيها واحده من نظرات السخريه ...
هيفاء:لا ولاشئ اخوي ..الشرطي يسالني عن كلب ضايع بس..
تركي رفع حاجب واحد:لا.. والكلب الضايع وش جابه الصيدليه..
هيفاء ترفع كتفها:وانا ايش يعرفني ..بعدين روح السياره وان باجيك..
تركي طنش لها وكلم الشرطي يساله..عن السالفه..وفهمه الشرطي انها سرقت
واقي شمس..التفت تركي يطالعها بنظرة سخريه..هيفاء كانت على اعصابها
يالله قد ايش ملقوف ,,وشلون يدخل نفسه في السالفه ...اخر شئ ناقصها
سواق تافه ومتكبر..
لاحظت هيفاء ان الصيدلانيه تطالع السواق ..بنظرات اعجاب ..مسكينه تحسبه
ممثل مشهور ..تاخذ توقيعه..ماتنلام من يوم دخل يحسس اللي حوله انه صاحب المكان..
التفت تركي على الصيدلانيه وابتسامه ساحره على فمه..
تركي:
Do you take card ..
الصيدلانيه:
Yes give me your card please..
طلع تركي من بوكه كرت فيزا وعطاها ..التفت شاف هيفاء تطالعه بنظرات
كلها تساؤلات وغيظ..هيفاء مستغربه انه عند السواق كرت فيزا..معقوله ابوها يمطر موظفينه ذهب ..لا هذا شئ مستحيل ..مايدش العقل..كانت تصرفاته متناقضه مرات يكون بليد وكريه ..ومرات يكون متفهم ومسامح ..كانت عيونه
تذكرها بشخص معين تعرفه من زمان..لا مستحيل يكون..هواللي في بالها..
الصيدلانيه:
Is that your hasband?
هيفاء التفتت عليها متنرفزه عاد لها وجه تسال..بعد اللي سوته..
عطتها نظره سكتتها..
الصيدلانيه رفعت يدينها:
Im sorry this is not my business
اشرت الصيدلانيه حق الشرطي انه يروح لان المشكله انتهت
طلع الشرطي..وخذا تركي ..كرته ..
الصيدلانيه تبتسم:
Thank you ser im sure is misunderstanding..
هيفاءتخوصر له:انت شلون تسمح نفسك تدخل..انا كنت بتصرف..
تركي:والله شلون كنت بتصرفين..؟
هيفاءبغرور:كنت كلمت ابوي يجي يدفع الفلوس..
تركي ببرود:لا لوخليتك تحلينها كان سكرت الصيدليه وانت ماتصرفت
هيفاء رافعه الحاجب:وانت من خلاك حكم تقيمني..
تركي ياشرلها بعيونه:خلاص لاتخربين الصوره الرومنسيه اللي حاطتها لنا في راسها..نكمل كلامنا في السياره
سبقت هيفاء تركي للسياره دخلت ..ودخل وراها ..تركي شغل المحرك ..ورفع
عينه للمراه ..وفي فمه ابتسامه..
تركي:أي مكان ثاني ..طالع عمرك..
هيفاء التفتت عليه معصبه:انت من جدك..
تركي ببرود:لا يمكن في محلات ثانيه تبين تسرقينها..
هيفاء:انت من جدك مصدقهم ..انا مستحيل اسرق..
تركي:ههههه انا مصدقك بس كنت ابي اقوس ضغط اعصابك ..
هيفاء:اسمعني زين ..انااتمنى الموت ولا اخذ فلس واحد منك..
تركي:على فكره انت واجد شايفه نفسك..لا يكون حاسبه نفسك الاميره ديانا وانا مادري
هيفاء هنا شهقت:انت قد هالكلام اللي تقوله ..
تركي :أي قده يعني ايش بتسوين ..بتطرديني من شغلي عادي
انا واحد بايعها..
هيفاء:انا ابي اعرف وشلون ابوي يشغل واحد قليل ادب مثلك عنده..
تركي:وانا اسال نفسي شلون ابوك الطيب يجيب واحده ثقيلة دم مثلك..
هيفاء:لا انت شكلك بايعها ..ماينفع معك التهديد..
تركي: متأكده انه انا اللي بايعها ولاانت..
هيفاء بخوف:ايش قصدك..
تركي ببرود:لانك بنت ولحالك معي..اقدر اسوي فيك اللي مايتسوى..
هيفاء:يعني وش بتسوي بتخطفني مثلا ..اصلا اهلي يدرون اني معك
اذا تاخرت عليهم بيدورون عليك ويصيدونك..
تركي ضحك:ههههههه تصدقين انك تضحكيني..انت متاكده اني سواقكم..
هيفاء سكتت منصدمه..
تركي:لاني ولمعلوماتك مش سواقكم..
هيفاء شوي بتصيح:لا انت اكيد تمزح..
تركي ببرود:وش اللي بيني وبينك عشان امزح..
هيفاء..تسمع كلامه وتمنى ان اللي يقوله كذب مب صح ..يارب اطلع من ورطه ادخل في ثانيه معناها انه حياتها كلها انتهت راحت تذكر اهلها وكيف راح تفتقدهم..هنا ماقدرت هيفاءتمالك نفسها وقعدت تبكي .. نزلت راسها تشهق بقوه..
تركي يوم شافها انهارت كسرت خاطره ..حس انه نذل تمنى في ذيك اللحظه
انه يضمها ويخفف عليها..خاف تركي من الاحاسيس اللي قامت تغزو قلبه ..بس كان لازم يمثل عليها للنهايه..
تركي:هيفاء ارفعي راسك ..انا مستحيل اسوي فيك شى يأذيك او يشوه
سمعتك..
هيفاء:صدق اللي تقوله..
تركي ابتسم لها :صدق..انا لويدفعون لي الملايين مستحيل المسك..او اروح معك في سياره واحده مره ثانيه..
هيفاء هنا ضحكت..وارتاحت لانها حست انه قد الكلمه..
تركي:خلاص هذا احنا وصلنا لشقتكم ..
هيفاء التفتت شافت الشقه حست انها في الجنه ملاذها الامن..دقات قلبها خفت
وحست بارتياح..فتحت الباب ونزلت يوم طلعت من السيارة طلع تركي وراها
كانت تبي تركض للشقة من الفرحة..بس تركي وقفها..
تركي:هيفاء خلي بالك من نفسك ..يلا روحي للشقة قبل ماغير رايي وأخطفك..
هيفاء طالعت فيه برعب ..يسويها..ركضت هيفاء للشقة وتركي يطالعها وميت عليها من الضحك..
......
ايش تتوقعون راح يصير بالجـــزء الجاي
بالنسبـــة للعنود وهيفاء؟؟؟


هاذي لعيونكم وألحين تعبت أبريح وأنزل الباقي
أتمنى تعجبكم........
المشتاقة الى الجنه
متابعينك اختي بس مااحب اقراء الا بعد ان تكتمل .........

اختي اذا كنتي متابعه للروايات والقصص ياليت تزوديني على الخاص بمواقه واكون لك شاكره ولمعروفك ذاكره .
/\/ المغتربة \/\
/\/ المغتربة \/\
متابعينك اختي بس مااحب اقراء الا بعد ان تكتمل ......... اختي اذا كنتي متابعه للروايات والقصص ياليت تزوديني على الخاص بمواقه واكون لك شاكره ولمعروفك ذاكره .
متابعينك اختي بس مااحب اقراء الا بعد ان تكتمل ......... اختي اذا كنتي متابعه للروايات والقصص...
الجـــــ الســادس ــــزء
صحت العنود من النوم مفزوعه من الحلم اللي شافته والعرق يتصبصب من جبينها وقلبها يدق بسرعة التفت تشوف هيفاء لقتها نايمة ..الحمدالله ماحست فيني،لبست الروب الصوف فوق البيجاما وطلعت من الغرفة راحت وقعدت فوق السطح الوقت كان لساته بدري كانت الساعه 6 الصبح فقعدت تراقب البيوت وتأمل هدوء الشوارع ..ورجعت تفكر في الحلم اللي شافته ياترى ايش يكون تفسيرة لا والغريبة انه تحلمت فيه اهو بالذات ..شوي الا هيفاء جاية وقعدت بجنبها قعدوا الثنتين ساكتين وكل وحده سارحه بافكارها الخاصة..كانت هيفاء تفكر بالسايق وماتدري ليه تحس انه مب غريب عليها..بس هي لو تعرفه كان من المستحيل تنسى وجه..
العنود التفتت عليها:ماقدرتي تنامين؟
هيفاء التفت على العنود اللي كان وجهها اصفر:لا..وانتي؟
العنود نزلت راسها:شفت حلم خلاني اقوم من النوم..
هيفاء:ايش كان الحلم عنه؟
العنود وهي تحس بدقات قلبها تسارع ومحتارة اذا تقول حق هيفاء ةلالأ؟بس هي عمرها ماخبت على هيفاء شي
العنود:تحلمت بفواز..
هيفاء تطالعها بصدمة:فواز..
العنود وهي تهز راسها :ايه لكن الحلم كان يخوف..
هيفاء:كيف يعني يخوف؟
العنود:متحلمه اني قاعده امشي بضباب وامد ايدي عشان اعرف طريقي لكن الضباب كل ماله يزيد وقفت مكاني خايفة الا ايد تمتد لي من الضباب واحد يقولي لا تخافين..مسكت ايده ولما بين الشكل الا هو فواز يطالعني بابتسامه غريبة..
سكتت العنود..
هيفاء وهي معقدة حواجبها:وبعدين...كملي يالعنود؟
العنود وهي تبلع ريقها:انا ضحكت ومشيت معاه شوي الا يوم هدني وخلاني لحالي وانا اركض وراه انادية لكنه اختفى..
تمت هيفاء ساكته ماتعرف تفسير لها الحلم..وبعدين طرا ببالها انه ممكن يكون تحذير علشان العنود تتجنبه..
هيفاء:العنود انتي لازم تتجنبين فواز باي طريقة ممكن يكون ناويلك شر وانتي ماتدرين.
العنود:تظنين كذا؟
هيفاء وهي تهز راسها:ايه..
العنود تنهدت وهي موافقه مع كلام هيفاء المره الجاية اللي تشوف فيها فواز بتسفهله حتى ولو فشلها ولا قط عليها كلام بتحاول تمسك لسانها..
العنود التفتت على هيفاء وهي مستغربه:الا انت وش عندك قايمه من صباح الله خيره..غريبة.
هيفاء وهي تهز كتفها:لا بس قاعده افكر بالسايق اللي مأجره ابوي..
العنود بأستغراب:خالي مأجر سايق؟
هيفاء:ايــه..لا والسيــارة بنتلي بعد..
العنود بابتسامه:والله منت بهين ياخالي بنتلي مرة وحده..بس غريبة انا اخبر انهم قالوا ان السيارة اللي ماجرينها مرسيدس فان..
هيفاء هنا خافت:العنود انتي متأكدة؟
العنود:لا والله بس هذا الكلام اللي سمعته ..بس احسن انه اجر بنتلي عشان نكشخ فيها..
هيفاء ماكانت مع العنود كانت تفكر اذا كان كلام العنود صحيح معناته ان السايق كان صادق وانه مش سايق..ياربي انا ركبت مع رجل غريب الله يافضيحتي ..
العنود لما شافت وجه هيفاء تغيرخافت:هيفاء شفيك..بطنك لساته يعورك؟
هيفاء:هه..يعني شوي بس ابي اسال ابوي عن السيارة ابي اتاكد اذا كانت بنتلي ولا لأ؟
العنود :شفيك كذا مهتمة لهالدرجة بالسيارة..
هيفاء وهي شوي بتصيح:العنوووود اذا كان اللي في بالي صح باموت..
العنود وهي خايفة:هيفاء شفيك تراك خوفتيني؟
هيفاء وهي قايمة بتنزل تحت :بعدين بقولك بس الاول اتاكد..
راقبتها العنود وهي تركض نازلة تحت ..لا البنت شكلها جنت..

*******************

فهد يسمع طق متواصل على باب غرفته فقام حمد وهو معصب علشان يفتح الباب فتح الباب وهو معصب:نـــــــــــــــــعم؟
هيفاء جفلت منه ومن صراخه:آسفه حمد ماكان قصدي ازعجك بس بغيت فهد اخوي؟
حمد وهو يطالعها بنظرة نارية وده يذبحها
هيفاء متخرعه منه :حمد قلتلك آسفه ..والله موقصدي.
حمد صك الباب في وجهها وهي قعدت مصدومة هذي اول مرة تشوف حمد وهو زعلان اتاري العنود ماتنلام اذا خافت منه..
حمد راح لفهد فقام وضربة بالمخده على راسه فهد قام وهو مفزوع من النوم
فهد وهو معصب:صااااحي انت ولا مانت بصاااااااحي؟
حمد وهو مفور:لا صااااحي ماتشوف اختك اللي بغت تكسر الباب بطقها ..ماتخلي الواحد يتهنى بنومه.
فهد وهو مستغرب:هيفاء..وش عندها؟
حمد وهو يتلحف عشان يكمل نومه:وان ايش يعرفني..
فهد قام وطلع حصل اخته قاعده بالصاله وهي سرحانه..عساه بس خير..
فهد:هيـــفاء؟
هيفاء رفعت راسها ولقت حمد واقف يطالعها بأستغراب
هيفاء:فهد بغيت اسألك سؤال وياريت تجاوبني؟
فهد توتر هذي اول مرة يشوف هيفاء بهالجدية:خير هيفاء فيه شي؟
هيفاء:لا مافي شي بس بغيت اسألك عن السيارة اللي مأجرها ابوي؟
فهد:وش فيها؟
هيفاء:ايش السيارة اللي مأجرها أبوي؟
فهد بغيظ: لا يكون مقومتني من النوم بس عشان تسألين هالسؤال؟
هيفاء:فهد بليييييييس جاوب علي؟
فهد:السيارة مرسيدس فان؟
هنا هيفاء انصدمت لما تأكدت انه اللي ركبت معاه واحد غريب ..يعني كان ممكن يحصلها شي ومحد يدري عنها..بس من يكون وايش يسوي قدام باب الشقة..؟
هيفاء رقت للغرفة وحصلت العنود قاعده تشوف الشارع من النافذة وسارحه بعالم ثاني .نادتها هيفاء وماسمعتها راحت وهزتها الا العنود تطالع هيفاء بعيون كلها حزن..استغربت هيفاء نظرات العنود..
هيفاء: العنود شفيك ياعمري عسى ماشر؟
العنود وهي تأوه: مادري ياهيفاء احس بضيقة..احس اني مختنقه وابغى اتنفس..وفوق كل هذا احس بحزن فظيع..
هيفاء بلطف:طيب ليه تحسين كذا؟
العنود وكأنها طفلة صغيرة لاول مرة ماتعرف ايش تسوي:مـــاعرف ياهيفاء..
هيفاء ابتسمت لها وحبت تخفف عليها فحبت تعزمها على قهوتها المفضلة..
هيفاء:طيــــب ايش رايك اني انا عازمتك على قهوة الشكولات بار..
العنود:والله مالي خلق الطلعه اليوم ياهيفاء..
هيفاء وهي تجرها عشان تروح تبدل:يله قومي بتروحين معي غصبن عليك فاهمة..
العنود:طيب امرنا لله.


لما خلصوا البنات راحوا بعد كذا لسلفردج عشان يتغدون ويتسوقون شوية اغراض للجامعه وهم طالعين للطابق الثالث العنود شافت فواز نازل من الطابق الثالث.. فواز التفت وشاف العنود وماقدر يشيل عينه عنها..وهي ماقدرت تشيل عينها منه حست انه في شي يجذبها نحوه بس فواز كسر هالسحر لما سفهلها بكل برود..
كمل طريقه لغاية ماغاب عن الانظار والعنود ماقدرت تركز وهي تتسوق وهيفاء تسألها كل شوي والعنود مو معاها بالمره..
طلعوا من المجمع متجهين للشقة مشي ومروا على قهوة جوري ووقفت العنود عندها وهي تطالع اللي داخل من برا هيفاء التفتت عليها:وش عندك وقفتي؟
العنود وبأبتسامة خبث:فيني فضول ابي اعرف ايش داخل؟
هيفاء بس حمد وفهد محذرينا ان احنا ماندخل هالقهوة؟
العنود:طيب وهم ايش يدريهم.
هيفاء بخوف:لا ياختي انتي ادخلي بروحك انا مب داخله.
العنود وهي تجرها:يلا عاد لا تسيرين سخيفه بنطلب قهوة تيك اواي..
هيفاء بعناد:انا مب متحركه من مكاني انتي اللي روحي وطلبي..
العنود استسلمت والتفتت على القهوة ودخلت ولما دخلت تندمت انها دخلت كانت مليانه شباب خليجين ولما شافوها الكل سكت وقعد يطالعها بخبث وبعضهم يضحك ويقمز لرفيقة..العنود كانت مرة خايفة..والله اني حمارة انا ايش اللي خلاني ادخل فقامت كملت طريقها للكاونتر وهي تسحب رجولها سحب من الخوف،ولما وصلت للكاونتر عشان تتطلب الاواحد جا ووقف بجمبها وشوي بيلصق بيها فتحركت بعيد عنه الا واحد ثاني جا ووقف من الصوب الثاني يسد عليها الطريق هنا العنود بجد ارتعبت..
الجرسون:شو بدك تطلبي مدموزيل؟
العنود وبصوت خافت:لا انا خلاص مابي شي..
التفتت تبي تطلع الا واحد واقف بطريقها :وش جاب القمر هنا؟
العنود وهي ترتجف:ممكن لو..سمحت تخليني امر؟
الرجال بابتسامه لئيمة: واذا ماخليتك تمرين؟
الا صوت اجش يتكلم بكل برود:اذا ماخليتها تمر راح تشوف شي بعمرك ماشفته.
التفتت العنود للرجال اللي تكلم وطلع انه فواز .
الرجال التفت على فواز وهو معصب: يعني ايش بتسوي؟
فواز قرب من الرجال بحيث بين طوله وعرضه عند الرجال اللي تراجع وهو رافع ايده..فواز بروحها نظرته تهز الجبل من مكانه التفت عليها وهو يكلمها ببرود: يله خل نطلع..
العنود هزت راسها وطلعت معه ولما اطلعوا هيفاء على طول لمتها من الخوف اللي حست فيه لما شافت الشباب يحوطونها فلما شافت فواز مار ترجته عشان يطلعها من هناك.
العنود لما هدتها هيفاء رفعت عينها لفواز اللي كان معصب:فـــواز.
فواز انتفض والتفت عليها هذي أول مرة يسمعها وهي تنطق باسمه
العنود:مشكور وماقصرت..
فواز مارد عيها بس قعد يناظرها بنظرات غريبة
هيفاء:مشكور ياخوي..
فواز التفت على العنود:ممكن اسألك انتي ايش كنتي تسوين؟
العنود نزلت راسه وهي منحرجة:بس فيني فضول ودخلت..
هيفاء شافت تاكسي جاي فراحت تركض تبي توقفه
فواز بصوت منخفض عشان هيفاء ماتسمعهم:تدرين لو صار لك شي ايش بيصير لي..
العنود رفعت راسها وهي تطالعه بأستغراب،وكان يطالعها بنظرات حنونه ،جات هيفاء ومسكت العنود عشان يروحون للتاكسي العنود التفت قبل ماتركب التاكسي على فواز وقلبها مثل العصفور المحبوس بقفص ويحاول يطلع وحست ان العنود القديمة خلاص راحت وماعاد ترجع..فواز قعد يراقبهم لين ماغابوا..مستغرب من المشاعر اللي يحس فيها حس انه جزء منه راح معها وماراح يرجع الا برجعتها..

**************
وهي قاعده في مكانها المفضل وتسمع حق راشد الماجد "علمني" وتغني معاه وحاسه نفسها بتطير من الفرحه
علمني شلون انساك وانام
وانا اللي لك صاجي ايام وايام
....
علمني شلون انساك وانام
وانا اللي لك صاحي ايام وايام
....
شاغلني في بالي شوقك ولا يروح
صاحي انا ونايم مايروح مايروح

سكرت الووكمان ونزلت تحت ولما دخلت الصاله شافت العيله كلها مجتمعين حمد وفهد ومحمد معاهم يلعبون وهيفاء تكلم وحده من ربعها وامها وام فهد قاعدين يتقهون مع خالها وابوها ،حست ان اليوم مختلف بالمره راحت وقعدت بجمب امها..اللي اول ماشافتها:هلا بعمري ..زين انك فكرتي تنزلين وتشوفين امك وتونسينها بشوفتك..
العنود وهي تضحك:هههههههه..يابعد عمري يايمه..والله كنت تعبانه شوي ولما حسيت نفسي احسن قلت ليه ماروح واشوف امي وابوي واقعد معهم..
ابوها وهو يضمها لصدره:انا ايش اللي مخليني اصدق خرابيطك الا هالكلام الحلو..
ام فهد تطالعهم: الله يخليها لكم ان شالله ..والله وعرفتوا تربون يام حمد..
التفت على فهد اللي ماكان معهم بالمرة وشافته يلعب مع حمد ومحمد .
قامت هيفاء وراحت عند ابوها:يبببببه عندي طلب صغينون ياريت تلبيه لي.
ابوها وهو يضحك على اسلوبها:هههههههه..امري انا كم هيفاء عندي؟
فهد التفت :ولا وحده.
هيفاء وهي تطالعه بنص عيون:هههه سخيييييييف..ردت التفتت لابوها:يبه بغيتك تودينا للملاهي .
العنود نقزت وهي تصفق هي ومها:ايييييييييييييييه
ابو فهد :خلاص ولا يهمكم ..يله روحوا تزهبوا وان شالله بكرة من الصبح بنمشي..
حمد:عاد اي ملاهي ياخال.؟
ابو فهد:بنروح لبرايتون ..
عقب ماتفرق الجميع والكل راح لغرفته عشان يرتاح ام فهد حبت تفتح موضوع من زمان وهو بخاطرها مع ابوفهد وحست ان الحين اهو الوقت المناسب.
ام فهد:اقول يابو فهد..
ابوفهد: قولي..
ام فهد:وش رايك بالعنود بنت اختك..
ابو فهد:ونعم التربية..جمال واخلاق وتربية..
ام فهد: ايه والله..لاني بصراحه بغيتها لولدنا فهد..
ابو فهد وهو فرحان:والله وعرفتي تختارين وين بنلاقي احسن منها وزود على انها بنت اختي.
ام فهد:خلاص انا بروح الحين اكلم فهد واشوف وش رايه.
طلعت ام فهد ورقت فوق رايحة لغرفة حمد ولما طقت الباب فتحلها الباب فهد:هلا يمه..
ام فهد:هلا يمه..حمد موجود؟
فهد:لا مو موجود طلع.
ام فهد:زين عشان بغيت اكلمك في موضوع.
فهد استغرب هذي اول مرة امه كلمه بهالطريقة لا اكيد السالفه كايدة.
لما جلسوا على السريرام فهد اهي اللي تكلمت:فهد انت تدري اني انطر اليوم اللي اشوفك فيه معرس وعندك اولاد..وانت يابعد عمري خلاص ماعاد بقى عليك بالجامعه الا سنه وتخلص..
فهد توتر:فاهم عليك يايمه..
ام فهد:وانا حصلت البنت اللي تليق لك وبتسعدك.
فهد:..................
ام فهد: ايش رايك بالعنود بنت عمتك؟
فهد هنا اندهش:العنود..
ام فهد: ايه العنود.
فهد:والله مادري يايمه ..لاني ماقد فكرت فيها اكثر من كونها اختي..
ام فهد:انت فكر في الموضوع ورد لي خبر..لانك ماراح تلقى احسن منها.
فهد...................
ام فهد:يله تصبح على خير..
فهد:وانتي من اهله يالغالية.
اول ماطلعت امه فهد قط نفسه على السرير وهو يفكر وش هالورطة انا عمري مافكرت فيها اكثر من اخت بس انا لازم انظرلها اللحين بمنظور مختلف البنت مو قاصرها شي الا بالعكس تقول للقمر قوم واقعد مكانك..قام وهو حاس بضيقة فلبس جاكيته ولبس كاب راضة وطلع رايح للقهوة وهو في الطريق دق على فواز.
فواز:هلا ابو عبدالعزيز..
فهد:هلا فواز..اسمع تعال للريشو انا ناطرك..
فواز حس انه في شي:صار دقايق واكون عندك.
فواز سكر من فهد وهو مستغرب وش عنده فهد طالبه هالحزه فقام يحث الخطى للريشو..
فهد شاف فواز وهو يعبر الشارع باتجاهه فواز اول ماوصل قعد بجنمب فهد وطلبوا كابتشينو وكان الجو برا برد ومطر،نفض فواز الجاكيت وعلقه على الكرسي .
فواز:خيـــر فهد فيك شي؟
فهد: لا والله مافيني شي بس بغيت اشاورك في موضوع.
فواز وهو مغضن جبينه:آمر يابو عبدالعزيز.
فهد: الوالدة تبي تخطبلي وانا بيني وبينك محتار.
فواز وهو يضحك:هههههههههه ..اتاري الاخ بيخطب وانا قلت اكيد السالفه فيها شي كايد.
فهد :لا والله بس المشكلة ان البنت انا عادها مثل اختي واذا كنت باخذها لازم ابتدي انظر لها من منظار ثاني.
فواز وهو يبتسم :ومن هذي اللي بتاخذك؟
فهد: العنود بنت عمتي...
……..
ياتـــــرى ايش بتكون ردة فعل فواز لما عرف ؟
والعنود ايش بيكون ردها للخطبة؟
وهيفاء في احداث كثيرة بأنتظارها..


الجــــ السابع ـــزء
فواز حس وكأنه حد صفعه صفعه مؤلمة وحاس ان اللي سمعه مو صحيح فكرر سؤاله على فهد:انت مين بتخطب؟
فهد وهو مو حاس ايش يسوي بفواز:قلتلك بخطب العنود بنت عمتي..بس انت ايش رايك؟
فواز ويحس انه قلبه يوجعه ومايقدر يتنفس:الشور شورك...
فهد:الحين انا متصلك وعازمك عشان اسمع شورك مو شوري انا؟
فوازمعد قدر يتحمل القعده فقام خذا الجاكيت وطلع من الكافية حتى قبل لا يلبس الجاكيت فهد استغرب هالحركة من فواز قعد يناديه وفواز مارد عليه وكمل طريقة.
فواز حس انه لازم يطلع والا بيرتكب شي بيندم عليه فواز واهو ستند على الحائط وماسك على قلبه..ياربي ليه ..ليه ياربي العنود بالذات.ليه علقت قلبي فيها
ليييييييييييييه..

*************

صوت الباب ينطق فقامت هيفاء نطت وافتحت الباب الا حصلت ام حمد واقفة عند الباب تبتسم:هلا هيفاء..وين العنود؟
هيفاء:العنود بالحمام..ليه ؟
ام حمد:لا بغيتها في سالفه..
هيفاء وهي تمازحها:يعني اطرد نفسي واسيبكو لحالكو..
ام حمد:ههههههههه..زين فهمتيها..
هيفاء:افا ياعمتي افا طردة يعني..
ام حمد:ماعاش من يطردك يابنت اخوي..
هيفاء توها بتكلم الا العنود طالعه من الحمام فقامت لمت حالها وطلعت وتركتهم لحالهم.
ام حمد جلست على السرير وهي تربت المكان عشان تجلس العنود .
ام حمد وهي تسح على شعر بنتها الحريري:العنود يمة تدرين انك كبرتي وصرتي عروس والف من يتمناك..
العنود بابتسامة:يمه ادري بهالكلام كله ممكن تعطيني الزبدة..انا ايش سويت؟
ام حمد وهي فرحانه: خالك يبيك لولده فهد ..ايش رايك؟
العنود هنا اتغير وجهها ن الابتسا مه الى الصدمة من اللي سمعته
العنود وقفت بسرعة:يمه انتي ايش تقولين؟
ام حمد وهي مستغربة ردة فعل بنتها:العنود شفيك كنه مو عاجبك الموضوع.
العنود وهي ترجى امها: لا يايمه انا اقلت شي بس فهد انا عادته مثل اخوي يايمه وماقدر اتزوجه.
ام حمد:طيب انتي لا تقولين شي اللحين انا بعطيك مهلة لمدة اسبوع فكري فيها وردي لي خبر وبعدين فهد الف ن يتمناه لا تنسين هالشي..
امها اول ماطلعت العنود قطت نفسها على السرير وقعدت تصيح ياربي انا ليه حظي كذا يعني اللحين يوم بدا قلبي يتعلق بفواز يصير هالشي شوي الا هيفاء داخلة الغرفة.
هيفاء:وووووووه..الجو برا مطر وبررررد مره.
لما شافت العنود تصيح انصدمت من شكلها قعدت على السرير تهزها:العنود شفيك امك ايش قالتلك....العنود ردي علي..
العنود وهي تصرخ: مافيني شي ..
هيفاء بعناد:لا فيك شي ..قوليلي.
العنود:مافيني شي خليني بحالي ..ارجوك ياهيفاء..
هيفاء استسلمت:طيب راح اخليك لحالك لكنك بتعلميني ايش فيك لما تهدين..
اول ماطلعت هيفاء قامت العنود واجلست عند الشباك وهي حاطه جبهتها على الزجاج وتراقب المطر عبر دموعها المتساقطة..
(ياربي تستجيب لدعائي وترشدني لطريق الصواب)
اللي ماكانت منتبهتله العنود ان في واحد واقف تحت المطر يراقبها ..فواز كان يتعذب وهو يشوفها بهالمنظر كانت تبكي ومبين على وجهها..كان هذي اول مرة يشوف شعرها وماتوقعه بهالروعه كان مسترسل على كتفها مثل الحرير..تنهد بيأس لأنها مستحيل في يوم من الايام بتكون له ،بروحها ماتحبه ولا تطيقه..وبعدين هي مصيرها مع فهد..هو اللي يستحقها..نظر لها نظرة اخيرة ورفع ياقة الجاكيت وكمل طريقة لشقته..

*************

ثاني يوم الكل كان مستعد للرحلة للملاهي اللي هي (برايتون) وكانت هيفاء لابسة بنطلون جيشي وفوقه فستان زيتي وايشارب يناسب معاه اما بالنسبة للعنود اللي بالمرة ماكان لها نفس تروح للرحلة فلبست جاكيت اوف وايت موديل عسكري وتحته بنطلون جينز اسود وطبعاً كانت لابسة نظارة سوداء تخفي الظلال السوداء اللي تحت عيونها من قلة النوم،هيفاء كانت مرة مو مرتاحة من حالة العنود النفسية والتفتت على فهد أخوها اللي هو الثاني اليوم ماكان طبيعي كان طول الرحلة ساكت ومايتكلم الا لما احد يكلمه.
لما وصلوا الملاهي كانوا الكل مجتمعين عند البوابة يتناقشون وين يتلاقون لما يخلصون..الا واحد جاي من بعيد وكان لابس كاب رياضي ونظارات شمسية مخفية عيونه،بس العنود على طول عرفته حتى دقات قلبها تسارعت بشوفته..فواز اول ماوصل قاعد يكلم فهد وعينه مافارقت العنود وحمد ربه انه لابس نظرة عشان يشوفها من غير ماتحس فيه.
فهد:اهلااااااااااا..زين انك جيت ياخي كنت معند انك ماتجي..
فواز وهو يضحك:ههههههه ...والله قلت لنفسي بدال ماقعد بالشقة مقابل الجدران اروح واشوف احبابي احسن.
هو أول ماقال كلمة احبابي التفت على العنود وكأنه يقصدها بهالكلام العنود ارتجفت ولما التفتت عليه شافته يطالعها وهو يبتسم لها بسخرية حست ان اللون الاحمر طغا على وجهها كله من الحرج،الكل افترق وراح في طريقة.

لما قعدوا النسوان مع ابو فهد وابو حمد الاتلفون ام فهد يرن طلعت التليفون من غير ماشوف الرقم.
ام فهد:السلام عليكم؟
:هلا والله بهالصوت ..
ام فهد مستغربة:نعم اخوي بغيت شي..
:حبيت اقولك اني احبك ومشتاقلك حيييييل.
ام فهد عصبت:ماتستحي على وجهك ياولد.
تركي: هههههههه خالتي هدي اعصابك شفيك ماعرفتيني؟
ام فهد بابتسامة:هلا والله بالغالي ولد الغالية..
تركي بابتسامة:تسلمين ياخالتي..شلونك انتي انشالله بخير؟
ام فهد:بخير بسماع صوتك ياعمري..
تركي:اجل انا متصل بس ابي ابلغك اني بمرعليكم واشوفكم.
ام فهد بعبوس:والله فديتك احنا مو بالبيت اللحين ..بس مو مشكلة مر علينا الساعه خمس وتحصلنا ان شالله.
تركي :تم خلاص الساعه خمس انا عندكم ..يالله تامرين بشي؟
ام فهد:مابي الا سلامتك ياعمري..
تركي:يالله فمان الله.
ام فهد:بوداعة الله فديتك.
ابو فهد اول ماسكرت سألها مين المتصل وقالت له ان هذا تركي وانه متصل بس عشان يمر ويسلم.
ابو فهد:انا من شفتك مستانسة..عرفت انه واحد من عيال اختك؟
ام فهد:احبهم يابعد عمري.بس تركي غير من يوم كان صغير وهو الغالي عندي.


العنود وهيفاء كانوا توهم طالعين من لعبة قطار الموت والعنود كانت دايخة وتحس ان كبدها تقلب عليها فقامت واستندت على الشجرة وهي تأشر على هيفاء:خلاص ياهيفاء يكفي لعب والله احس نفسي تعبانه...
هيفاء وعيونها تبرق اثاره:اي خلاص انتي الثانية لسه في العاب مالعبناها..يالله قومي.
العنود وهي تجلس على الارض:لا روحي بروحك انا بريح والحق عليك بعدين.
هيفاء:شلون يعني العب بروحي..
العنود التفتت شافت مها جاية باتجاهم:مهااااااااااااا تعالي ..
لما وصلت مها:خيرررر؟
العنود:روحي العبي مع اختك مع عندها احد تلعب معاه.
مها :وانتي وين رحتي؟
العنود وهي تسند راسها للشجرة:انا تعباااااااااااااااانه وماقدر العب..
هيفاء طالعتها بنظرة استسلام بعدها مسكت مها وراحوا يكملون لعبهم.

*************

فواز كان رايح يشتري مويه من الكافتيريا لما لمح العنود وهي مستندة على الشجرة ومغمضة عينها تلفت حوله وراح لمكان ماهي قاعده،فواز وقف فوق راسها وهو يطالعها بابتسامة،العنود حست انه فيه احد يراقبها فحسبتها هيفاء فمنغير ماتبطل عينها:هيووووف خلصنا انا قلت ماراح العب تعبانه ومو رايقتلك..
فواز وبصوت ناعم:سلامتك من كل شر..
العنود افتحت عيونها من الصدمة:فوووووواز..
فواز:وش عندك قاعده هنا لحالك ؟
العنود وهي مرتبكة:لا..بس..تعبت شوي فقلت اريح.
فواز وهو يتفرس فيها: نسيت اباركلك.
العنود بأستغراب: تباركلي..على ايش؟
فواز ببرود:على الخطبة.
العنود منصدمة:انت دريت ..لكن وش اللي عرفك؟
فواز:فــــهد..
العنود ببرود: خل في بالك ان انا لسه مارديت على فهد..
فواز حس براحه لما سمع كلامها وحاول انه يخفي هالشي: ليــــه؟
العنود:اعتقد ان هالشي مايخصك.
فواز بغضب:واذا خليته يخصني ..وش بتسوين..
العنود:لااااااا انت شكلك منت بصاحي..
فواز بجدية:واذا قلتلك اني فرحان انك مارديتي عليه واني ابي اخطبك..
فواز مايعرف شلون هالكلام طلع منه بس حس انه لازم يقولها هالكلام.
العنود من كثر ماكان قلبها يدق بسرعه حست انه فواز يسمعه: تبي... تخطبني...؟
فواز:ايه ..لاني حبيتك من اول ماشفتك..ولاقدرت اشيلك من راسي حاولت لكن ماقدرت ويوم قالي فهد انه خطبك حسيت اني ابي اقتل فهد لانه فكر ياخذك مني..فانا ابي منك رد يالعنود ..
العنود وقفت وهي ماعد تحس برجولها :الرجال المحترم يروح ويخطب البنت من اهلها مو منها..
فواز:بس بغيت رايك انتي بالاول..
العنود ماقدرت تقول شي فهزت بكتوفها وكأنها ماتعرف ايش اهو ردها وركضت بعيد عنه وراحت لمكان ماكانت امها قاعدة وقعدت بجمبها وهي تحاول تهدي دقات قلبها المجنونه.
فواز اتخذ قرار وهو انه يروح ويخطبها من ابوها رسمي بس انه كان متردد بسبب صداقته لفهد..لكنه خلاص قرر انه بياخذ العنود حتى ولو حطم هذا صداقته بفهد لان العنود له وماراح تكون لغيرة.

************
كانت الساعه 4:30 فقام تركي ولبس له جاكيت جلد بني ومن تحته بلوزه بيج ولبس معاها بنطلون كاكي اللون ،خذا مفاتيح سيارته وطلع من الشقة وهو مايبي يتأخر على الموعد اللي حدده مع عمته بس الحقيقة انه يبي يشوف ردة فعل هيفاء لما تشوفه.
دقايق الا هو واصل لمقصده نزل من السيارة وراح رقى الدرج لغاية ماوصل للشقة ،رن الجرس وهو ينتظر.
في نفس الوقت كانت هيفاء توها نازلة من الطابق الثاني لما سمعت الجرس يرن فصرخت للبيت:حــــــــــــــد عند البـــــاب..
فهد اللي كان منسدح على كنبة الصالة:وجـــــــــع انتي وصراخك يعني ماتقدرين تبطلينه..
تركي كان خلال نقاشهم يرن الجرس اللي تنرفز هيفاء لبست شيلتها وهي تصرخ متجه للباب تفتحه:انزين... انزين... حشــــا حرقت الجرس...
تركي يسمع اللي تقوله من وراء الباب وهو يضحك عليها..
افتحت الباب وهي معصبة:نـــــــعم؟
لما شافته بققة عيونها من الصدمة:انـــــــت!!!
تركي بأبتسامة سخريه: ايه أنــــــا..
هيفاء بغرور بتكبر:خيـر نعم وش تبي.؟
تركي بسخرية: بغيت الوالدة.
هيفاء بغضب:بعد ولك وجه تسأل على امي..شوف احسلك تروح قبل لاا تصل على الشرطة فاهم؟
صكت الباب بوجهه ولا عطته فرصة يتكلم..
اول مادخلت الصاله فهد يسألها:مين كان على الباب؟
هيفاءبتوتر:لا مافي حد واحد مغلط يبي الشقه اللي قربنا..
هيفء في قلبهاتقول يارب غروره يخليه متحمل الاهانه ويروح هيفاء كان قلبه يدق بسرعه مثل الطبول خافت انه احد يسمعه من كثرمايضرب وش يبي اكيد يبي يعلم اهلهاباللي سوته.. الا الجرس يرن ثاني مرة فهد قام من مكانه بيروح يشوف مين وهيفاءو قفت في طريقه.. فهديطالعها مستغربوش فيها اخته استخفت.. هيفاء:على وين
فهد يطالعها بحمق:وش فيك هيفاء بروح اشوف اللي عند الباب..
هيفاءبدهشه:لا مب لازم واحد مزعج يدورشقة رفيقه..
فهد:انزين ضروري احد يفهمه..ويقوله..
والجرس ظل يرن وهيفاءتحس انه حياتها معدوده كل ماتعدي دقيقه تمنى انه
اللي يصير حلم مو حقيقه..فهد يمشي رايح للباب وهيفاء تعترض طريقه تحاول تاخره بس المحتوم صار وفتح فهد الباب حطت هيفاء يدها على وجهها ماتبي تشوف فتح فهدالباب وشاف انه تركي قعد يسلم عليه ويرحب فيه هيفاءكانت تسمعهم رفعت راسها من الدهشة..
فهد:هلا والله تصدق نسيت منك ..
تركي:انا قلت كذا لاني معد سمعت منك شي..بعدين وش السالفه ساعه تردون على
الباب
فهدبضحكه:هذه الله يسلمك اختي هيفاء تقول لاترد اكيد واحد مغلط بالشقه
وتحاول تخليني ماافتح..
هيفاء خافت من يوم عرفت انه صديق فهد اكيد ماراح يخش عليه ..هذه الاشكال
ماينوثق فيها ذمتهم واسعه..لازم تدخل قبل مايقول حق اخوها وتطلع كلمة الحق من نصيبه ..هيفاء دخلت في نصف المناقشه بينهم ووقفت قدام اخوها..واخوها يطالعها بدهشه..
هيفاء تطالع اخوها: فهد لاتسمع كلامه ترى هذا واحد كذاب..يتبلى على..
فهد حواجبه مرفوعه:هيفاء وش فيك على الرجل ماسوى شئ..؟
تركي يطالع هيفاء بسخريه وعلى فمه نصف ابتسامه..يطالعها كان يسخر من تصرفها..
هيفاءترتجف:انت ماتعرفه هذا واحد نصاب ..يبي يستغلني..على حسابك ارجوك لاتصدقه..
فهديطالع تركي:وش السالفه يارجل قولي عسى ماشر..
هيفاء كانت تبي تكلم بس تركي قاطعها:اختك هذه فتحت الباب..حسيت اني مغلط
بالشقه لاني ماتوقعتها تفتح الباب رحت مرتين ورديت مره ثانيه وهي على بالها اني اتحرش فيها..
هيفاء تطالع المجهول وعيونها بتطلع من هول الدهشه وش يقول هذا ..وش يقصد بالكلام اللي يألفه..ليش حاول ينقذ ماء وجهها القصه فيها علامة استفهام..ماتعرفها
فهديضحك:هههههه هيفاء سريعة الانفعال بسرعه تزعل تعال حياك الله ..
هيفاء مسكته من يده وهمست:وين دخله ..تدخل رجل غريب بيت كله حريم..
فهدبهمس:وش فيك انت هذا ..تركي ولد خالتي جاى يسلم على امي ..
هيفاء حست قلبها طاح في بطنها تحس بطنين باذنها ..قلبها يرقع مثل البرق
وقفت عيون هيفاء على تركي كان يطالعها بهدوء يلاحق تعابير وجهها استردت
كل الذكريات اللي صارت معه وحست بالاحراج من اسلوبها معه كانت دايما تحس
انها تعرفه وطلع الخيال واقع كانت طول المده تفكر في المجهول اللي خذا تفكيرها
معه وتحس بالذنب انها نست انها مخطوبه و قلبها ملك لخطيبها ..
هيفاء تئتئ ماقالت كلمه واحده مفهومه على بعضها
فهد دزها من كتفها:روحي داخل ونادي امي ولا تطلعين..
رقت هيفاء الدرج ولقت امها وام حمدفي الصاله الشمسيه بسولفون ويضحكون
كان وجهها لونه مخطوف من الصدمه كانت تحس بالحزن لان المجهول اللي كان
سبب سهرها..كان سبب مخاوفها السنين اللي فاتت والجروح اللي ماندملت..
ام فهد وحواجبها معقوده:يما هيفاء وش فيك وجهك اصفر..؟
هيفاء رفعت راسها:هلا يما ..لا مافيني شئ ..بس مانمت امس..
امها بحيره:لا وجهك شكله كانك شايف جني بسم الله علينا..
وقفت امها ومسكتها من كتوفها وهيفاء كانت منزله راسها ماتبي امها تشوف
الخوف اللي بعينها ..
ام حمدبابتسامه:مافيها شئ بس دلع بنات ياام فهد..
هيفاء تصنع الضحكه :أي يما على فكره ترى فهد يبيك تنزلين تحت عشان
تركي جاي يسلم عليك ..
ام فهدبشك:لا تضيعين السالفه ياهيفاء انا اعرفك زين ..انا بنزل تحت وبرد
وبتقولي لي كل شئ..
راحت امها وخلتهم وام حمد تطالعم باستغراب مش عارفه السالفه..
ام فهددخلت الصاله وبوجها ابتسامة كان تركي وفهد يسولفون ومندمجين بالسالفة يوم شاف تركي خالته فز من مكانه فاتح ذراعيه .
تركي:هلا والله بالغالية..
ام فهد بتأثر:يامرحبا والله بولدي..
ضمته وهي مشتاقه له حيل ،وقرصته في ايده وهي تعاتبه:اعنبوه يالقاطع ولا كن عندك خالة ,,ولا اشوفك الا بالمناسبات..
وتركي يتصنع الالم:السموحه ياخالتي ..والله اشغال..
فهد يطالعهم ويضحك، التفت تركي عليه:اقول انطم مع وجهك..
فهد راح يضم امه وكأنه طفل صغير:شفتي يمه وش يقولي..
ام فهد تضحك على حركاتهم،تركي:بسك حركات يادلوع ماما وخلك رجال..
فهد فز بصدره:يعني كل هذا ومو مالي عينك..
تركي يهز راسه وهو يضحك والتفت على خالته:الا اقول خالتي.
ام فهد:قول يمه..
تركي:وش عندكم ساكنين عند ابو فهد..
ام فهد: ليه انت مادريت؟
تركي وهومقطب جبينه:لا والله مادريت..
ام فهد:البولنديين اللي كانوا ماجرين شقتنا سرقوا المفاتيح وسافروا..
تركي:لا ..لا..
فهد:والله هذا اللي صار فقام ابو حمد الله يطولنا بعمره حلف الا ونسكن معه بالشقة..
تركي وهو يهز راسه:لا هالشي مايجوز..انتي ياخالتي بتجون تسكون بشقتي.
ام فهد:لكن ياتركي مانقدر وابو حمد ايش بقوله وانت بعدين وين بتروح.
تركي:انا شقتي دورين وانا استخدم الغرفة اللي بالدور الارضي وانتو الدور الثاني كله يصير لكم..اما بالنسبة لابو حمد فخليه علي انا..

يـــــــاترى هل بتوافق عيلة ابوفهد على عرض تركي؟
واذا وافقت ايش بتكون ردة فعل هيفاء؟
والعنود وفواز ايش آخرتها؟



الجــــــ الثامن ـــزء
كانت ام فهد تفكر في راي ابو فهد في انتقالهم لشقة تركي ماظنتي بيسمح
ابوفهد كرامته ماترضى ..وخصوصا لشقة ولد اختها بعدين هو يفضل انه يسكن
في شقة اخته ونسيبه على شقة تركي ..حتى هي قلبها مايطاوعها تخلي رفقه
ام حمد وجلستها اللي توسع الصدر وتقعد في شقة لحالها مع عيالها بعد ماتعودت
علىشملهم..بس رجعت تفكر في المحور الاساسي خطبة فهد للعنود اذا وافقت العنود
من الغلط انهم مخطوبين ويعيشون مع بعض ..لازم تبعد فهد عنها عشان يفكر فيها
بطريقه ثانيه وتنقطع منه مشاعرالاخوه ..ام فهد كانت سرحانه ماكانت تحس بالعيون اللي تطالعها..
تركي بهدوء:هاا وش قلتي خالتي ..موافقه؟
ام فهدانتبهت من سرحانها:والله ياولدي الشور شور ابوفهد مب شوري..
انا باخذ رايه الليله وان شاء الله يوافق..
تركي وقف:خلاص على خير قولوا لي رايكم بكره ..عن اذنكم انا استئذن الحين
ام فهد:على وين توني ماشبعت منك ..
تركي ابتسم:ايش اسوي ياخالتي وراي اشغال ..مع ان الجلسه معك ماتنمل..
تركي حط ذراعه على كتف خالته ومشى معها للباب وفهد وراهم..
ام فهد تطالعه بنص عين:اي اكذب علي بلسانك الحلو ..انا مب ذابحني الا
هاللسان..
تركي يضحك:ههههههههه الله يهداك ياالغاليه هو فيها شك اني احبك.
فهدبخبث:اي اشغال..ماحد يلعب على امي ..الوالده فطينه تفهمها وهي طايره
اسالني انا..
تركي:لا انت حاله خاصه ماعندك اسلوب ولا السان ينقط عسل..تعلم من الخبير
اللي قدامك..
فهداللي كان يبتسم عبس:انت يا لزقة عنزروت فارق وورنا عرض اكتافك..
ترى الباب يوسع جمل..
ام فهد التفت عليه مندهشه: ماانت بصاحي تطرد ولد خالتك..
تركي يطالع فهدويحره:اتركيه ياخالتي منك هالا شكال ماتنعطى وجه دخليه مدرسه
خاصه يعلمونه الادب..
فهد بقق عيونه كان بيردعليه بس تركي قاطعه..
تركي حب راس خالته:يالله مع السلامه خالتي اشوفك على خير..
ام فهد بحنان:الله يسلمك ياولدي ..الله الله بالطريق لاحد يسرع..
تركي ابتسم:ان شاء الله ..لاتنسين تردين لي خبر بكره..
ام فهد هزت راسها..راح تركي وفهد كان مستند على الباب بكتفه و يطالع تركي بحمق..
فهد وهو يسكر الباب:عاجبك اللي سواه ..اشوفك لسانك علي انا بس..
ام فهد تضحك:ههههههه وش سوى..المسكين قعد يمزح معك ماتقبل المزاح..
فهد يهز راسه:لامزاحه ثقيل يبط الكبد..واللي قاهرني انك وقفت بصفه اجل انا من ولده..
ام فهد حطت يدها على خده:كلكم عيالي ..يحليك يافهيدان تغار على امك ..
فهد وهو يضحك:والله كيفي اغار على امي حلالي ..
في هاللحظه كانت في الطابق الاول وتحديدا في غرفة البنات هيفاء متغطيه في الفراش ترتجف راسها كان بينفجر من التساؤلات ليش سوى تركي فيها كذا
ليش ادعى انه سواق ..ليش تستر عليها وكان اسلوبه مش اسلوب محترم
مع خطيبة اخوه..ليش ليش ؟هيفاء غطت راسها باللحاف ودموعها تجمعت
بين عيونها تهدد بالسقوط اكيد كان قصده انه يذلني ويستفرد بي لحالي عشان
يكمل اللي سواه فيني من سنين ..مرت قشعريره علىجسمها لما رجعت لهاذكرى الحادثه اللي صارت لها رجع قلبها قلب البنت الصغيره اللي تحولت مخاوفها الى
صديق رافقها طول هالسنين اللي فاتت والحين لما نستها رجعت مره ثانيه وصفعتها في وجهها ومن نفس الفاعل..انفتح الباب ودخلت العنود وعلى وجهها ابتسامه
راحت وقعدت عند التسريحه تمشط شعرها ..
العنود:يلا هيوف برزي حالك بنطلع نتمشى ولد خالتك اخيرا طلع..
هيفاء:…………….
العنود:وش فيك ماتردين على ..ترى اذا تاخرت بروح واخليك..
هيفاء كانت متمسكه باللحاف بقوه وتطالع الارض سرحانه ..العنود تطالع هيفاء مستغربه كانت مستغرقه تفكر ولا انتبهت لها ..الله يستر لا يكون السالفه لها دخل
بتركي..فال السوء مايجي والا يجيب المشاكل معه..قعدت تطالع بنت خالها وهي كاسره خاطرها..
العنود قامت وقعدت على السرير جنب هيفاء ومسكت يدها لقت يدها بارده ترتجف
العنود تروعت ..رفعت هيفاء عيونها تطالعها وفي عينها مثل نظره العصفور اللي
منكسر جناحه ومابيده حيله كان فمها يرتجف وفجأه انهارت تبكي وطاحت في حظن العنود تبكي كتوفها تهتزوهي تشهق من الصياح العنود انصدمت بس ماكان بايدها الا
انها تجاريها ساكته لين تفرغ اللي في خاطرها ..لما هدت انفاسها ونوباتها خفت
رفعت العنود راسها حطت يدها على وجه هيفاء
العنود بتفكير:هيفاء وش فيك الله يهداك تبكين نوريني..
هيفاء نزلت راسها والدموع تنزل منها بصمت..
العنود ترجاها:الله يخليك ياهيفاء قولي لي انا العنود ليش خايفه..
هيفاء صدت ماتبي ترد عليها ..
العنود:اذا ماقلتي لي الحين بروح اقول حق امك وتصرف معك..
بس هيفاء ما حركت ساكن وشعرها كان مغطي وجهها
بعد صمت دام دقيقتين هيفاء:مااحد يالعنود يقدر يفهمني..
العنود ارتاحت:جربيني وماانتي خسرانه شئ..
هيفاءتنهدت:تذكرين يوم رجعت من السينما مع فهد لاني كنت تعبانه ..
العنود:اي اذكر ساعتها كنتي جايه من الصيدليه وكنت متضايقه..
هيفاء كانت تبلع بصعوبه:يوم رحت الصيدليه صار شئ خطيرماعلمت حد عنه ..
العنودوهي خايفه من اللي راح تسمعه:وش صار..؟
هيفاء بتفكيرراحت تسرد لها كل اللي صار والعنود تسمعها وهي منصدمه من اللي تسمعه ..معقوله كل هذا يصير حق هيفاء ولا قالت لها ..ياحياتي ياهيفاء صدق انك عانيت ولا حد حس فيك يالله وش هالبلوه اللي طاحت على راسك قررت العنود تساعد
هيفاء وتخفف عليها..
العنود وهي محتاره:انزين وش اللي ذكرك باللي صار هذا كله اليوم..؟
هيفاء وجهها تألم:لان الرجل الغريب جاءاليوم الشقه ..
العنود شهقت من الصدمه:وشلون وصلت فيه الجراءه انه ياتيك هنا..
هيفاء وهي تبتسم بحزن:لا وصلته الجراءه.. ولا فهد بعد استضافه بالصاله..
العنود تفكر:متى انا ماشفته ..لا يكون انت قصدك(سكتت من الصدمه)تركي ولد خالتك هو نفسه السايق..
هيفاءهزت راسها وبدت نوبة بكاء جديده..
العنود ماطلبت تفاصيل اللقاء لانها تدري انه بيألمها سكتت شوي
بعدين حطت راس هيفاء على حضنها وهي تمسح على راسها والصمت هوسيد
الجو العنود صممت انها تطلع هيفاء من جو الحزن اللي هي فيه..
العنود تبتسم:خلاص هيفاء تركي مايستاهل دموعك الغاليه ..
هيفاء:العنود انا محتاره ليش سوى فيني كذا انا بنت خالته اولا ومرة اخوه مستقبلا..
العنود بتقطيبة:طيب خليه منك وانسيه ..اللحين قومي صليلك ركعتين وتعوذي من بليس..عشان نطلع.
هيفاء تهز راسها رافضة:انتي روحي ..انا بصلي واناملي كم ساعه احس بتعب رهيب..
العنود:خلاص على راحتك..اجل انا بتصل على الهنوف وبطلع معاها..ولما ارجع ابي احصل هيفاء اللي انا تعودت عليها..
هيفاء تبتسم وردت عليها العنود الابتسامه وطلعت..
وهي طالعه دقت على الهنوف واتفقت هي وياها يتقابلون في قهوة ستاربوكس اللي باكسفورد ستريت..
اول ماطلعت من العمارة لفت يمين بنما فواز وحمد جايين من اليسار ودخلوا العمارة متجهين للشقة..العنود لما وصلت الكوفي حصلت الهنوف تنتظر وهي سرحانه وتهز رجولها وكأن صبرها نفذ..رفعت الهنوف راسه ولما شافت العنود ابتسمت وقامت عشان تسلم عليها..وقبل لا يجلسون العنود سألتها ايش تبي تشرب ..وراحت تنتظر بالصف عشان تطلب الا وحده واقفه قدامها وشكل مو غريب بالمره ولما التفت البنت بققت عيونها لانها سارة..
العنود بصدمة:سارة؟
سارة وهي متوترة:هاااااااي عنود..شلونج؟
العنود:بخير الحمدالله انتي شخبارك؟
سارة:الحمد الله.
العنود:الا وينك انتي طلعتي ومعد سمعنا منك شي..؟
سارة وهي متوترة:هاه..والله امي دقت علي وكانت تعبانه ..فاضطريت اني اروح ..
اشوفها..
العنود بابتسامة:سلامتها ماتشوف شر..وش رايك تجين تجلسين معانا..
سارة:لا والله ماقدر مستعجلة لان احنا بنسافر بعد يومين فلازم اخلص اغراضي..
العنود:حسافه لسنا ماتعرفنا عليك زين..بس ماصار شي يله نشوفك على خير ان شالله
سلمت عليها وطلعت سارة من الكوفي والعنود خذت الطلب وردت للطاولة وحصلت الهنوف قاعده تكلم بالتليفون وصوتها باين فيه الحب والهيام..
الهنوف:خلاص حبيبي اكلمك بعدين..
العنود لما سمعت كلام الهنوف مع خطيبها طرا على بالها فواز ..قطعت الهنوف حبل افكارها: الا وينها هيوف ماشفتها؟
العنود:تعبانه المسكينه..
الهنوف:شفيها لا يكون شي خطير..
العنود تهز راسها وهي مو قادرة تشيل فواز من راسها فقررت انها تسأل الهنوف سؤال محيرها وممكن تحصل الاجابة عندها..
العنود:الهنوف..
الهنوف وهي تتفرج على الرايح والجاي:امممممم..
العنود وهي تحوس في الكوب:انتي شلون حسيتي ان سعود هوالرجل مناسب لك؟
الهنوف التفت عليها وعيونها تبرق من سمعت اسم سعود:تصدقين يالعنود آخر انسان اتوقع اني باخذه هو سعود بس لما شفته حسي بقلبي يدق بسرعه وشي هزكياني..وهالشي ماحس فيه الا لما اسمع صوته او اشوفه..
العنود تضحك على تعابيرها:الله يوفقك ان شالله..
الهنوف وهي ترفع ايدها: مشكوره..وانتي يالله يارب يعطيك رجال يستاهلك ويقدرك واهم شي يحبك..
العنود تضحك عليها وهي مرتاحه لانها خلاص قررت وعرفت مين اللي مقدر لها..

***********
في نفس اللحظه كان فواز موجود بشقة ابو حمد وطلب من حمد انه ينادي ابوه عشان يبغاه في موضوع خاص..حمد وفهد استغربوا من فواز.
حمد:خير فواز فيك شي؟
فواز:لا والله بس بغيته بسالفه..
فهد:وش هالسالفه اللي تبي ابو حمد فيها..
فواز حاول يتجنب فهد:بس..موضوع خاص،التفت على حمد.ياريت تناديه ياحمد..
حمد:والله الوالد مو موجود يافواز طلع مع ابو فهد.
فواز وهو يتنهد: خلاص مرة ثانية ان شالله..
فهد:انا فيني فضول..اموت واعرف انت وش تبي من ابو حمد..
فواز وهو يتأفف: لا حول ولا قوة الا بالله..ياخي قلنالك سالفه..يالله انا استأذن وراي مشوار ضروري..
فواز طلع وترك وراه جو من الفضول والتساؤل

************
هيفاء وهي غارقه بالنوم..شافت نفسها وكأنها رجعت صغيرة وكان عمرها 8 سنين وقاعده ببيت الكوخ اللي بناه لها تركي بمزرعتهم وفجاءه وكأن الكابوس رجعلها ثاني مره ظلمت السما وبدت تمطر وصوت العد يدوي بالسما وجا تركي وسحب السلم الموصل بالكوخ وهي تطالعه من الشبك يركض وتاركها لحالها تصرخ وهي تناديه ..اجلست على الارض وهي ضامة ركبها وتبكي وتحس بخوف وهي تطالع الاشجار حولينها..فجاءة قامت من النوم وهي مرتعبه وجبينها مليان عرق وقلبها يدق بسرعه طالعت الغرفة وهي تحمد ربها انه مجرد كابوس..
خذت جاكيتها وطلعت للسطح تشم لها شوية هوا ..استغربت انه هالحلم بالذات تشوفه اللجين،ممكن لأنها شافت تركي فروادتها اشباح الماضي اللي خلتها تكره تركي لانه هو السبب باللي صارلها..وتذكرت اللي صار لها من سنين وكأنه صاير بالأمس،كانت هي وياه قاعدين بيوم من الايام قاعدين بالكوخ وكان تركي قاعد يراقب من منظاره العصافير وكانت هيفاء تراقبه..
هيفاء:تركي انت ليه تحب تقعد بروحك..
التفت عليها وهو يضحك:احسن انا ماحب العب مع نواف..عشان هالشكل اقعد هنا والعب على كيفي..
هيفاء بطفوله:انا ماحب اقعد بروحي..لاني اخاف..
هيفاء بهالكلام وكأنها عطت تركي السلاح اللي استخدمه بدون رحمه ضدها ..في اليوم الثاني راحت تدور عليه فطرا على بالها انه ممكن يكون بالكوخ فتسلقت السلم ولما ماحصلته اسمعت صوت تحتها ولم طالعت من الشباك شافت تركي بجاكيته الرصاصي يركض ويبتعد متجه للبيت ولما جات بتنزل ماحصلت الدرج..فقعدت تصرخ على تركي عشان يرد السلم لكن ماحد رد عليها الا صدى صوتها فقعدت على الارض والليل بدا يسدل ظلامه وشوي الا يوم امطر الجو..فقعدت تصرخ عسى احد يسمعها ولما حست باليأس انسدحت على الارض وهي تصيح وتسكر اذنها عشان ماتسمع صوت الرعد قعدت ساعات وهي محد وصل لها..الا ايد تهزها بطلت عينها الا هو ابوها فقامت تضمه وهي تصيح..لما نزلها شافت نواف وتركي واقفين مع ابوهم وتركي باين عليه علامات القلق فهيفاء من دون حاسيه راحت تضرب تركي على صدره وهي تشتمه وتحمله المسؤلية..وقعدت ايام من بعد الحادث وهي تعاني في ارتفاع في الحراره..ومن بعدها كرهت تركي وماعاد شافته من بعدها.
شوي الا العنود داخله عليها وتمشي بخفه والا بتسامه شاقه حلقها..
العنود :وش عنده القمر قعده يطالع سميه..؟
هيفاء التفت بوجه ميت فيه الحياه:لا بس قمت من النوم حسيت الدنيا ضاقت فيني
قلت اشم هواء احسن لي..
العنود وهي مقطبه:هيفاء انا وش قلت لك انسي اللي صاروعيشي حياتك
ترى هذا ابليس اللي يخليك تفكرين كذا..
هيفاء تعوذت:تدرين العنود قمت من النوم مخترعه كأن الشيطان بنفسه يلاحقني..
العنود خايفه:عسى ماشر وش حلمت فيه ..ان شاء الله خير..
هيفاء كانت تامل الشارع :حلمت باللي صارمن احد عشر سنه ..
العنود:باللي صار بالكوخ..
هيفاء هزت راسها:أيي نفس اللي صارلي حلمت فيه اليوم ..وشلون تبيني انسى وكل اشارات الحادثه تلاحقني..
العنود بحزن:انا اسفه يا هيفاء ماكان قصدي بس كنت ابيك اقوى من كذا ابي تركي
اذا شافك يقول هذه مب هيفاء اللي يعرفها..
هيفاء بتقكير:لك وعد مني يالعنود اني بكون قويه وماراح اخلي تركي يخوفني انا مب البنت الثمان السنين الضعيفه..
العنود ابتسمت:هذا هيفاء اللي اعرفها اللي تاخذ حقها بايدها يلاعاد اضحكي فرفشي..
هيفاء تضحك:ههههههههه الا انت وش عندك اليوم فرحانه؟
العنود وهي تتنهد:هيفاء انا حصل لي شي ونسيت اقولك عنه..
هيفاء:ايش اللي حصل؟
العنود:فهد اخوك خطبني..
هيفاء وهي مستانسة:الله يالعنود..احلفي؟
العنود وهي تبتسم:والله..بس فيه شي ثاني حصل لي..
هيفاء:واكثر من كذا..ايش بعد؟
العنود:فواز بعد يبي يخطبني..
هيفاء وهي مصدومه:ايييييييييييييييش؟
العنود وهي تنزل راسها:يوم احنا بالملاهي قلي انه يحبني ويبي يخطبني..
هيفاء:طيب وانتي فكرتي بالموضوع..
العنود وهي متوترة: فكرت فيه كثير..
هيفاء: اسمعيني زين يالعنود على كثر ماتمناك لفهد اخوي بس تضلين بنت عمتي وحبيبتي اهم شي انتي تكونين مستانسه..
العنود:هيفاء انا خلاص قررت..

ياترى ايش بيكون رد العنود؟
وفواز هل بتمشي الامور مثل مايبي ولا...؟
تركي مخطط شي حق هيفاء ياترى ايش بيكون؟




الجـــ التاسع ـــزء
طلعت الشمس وجابت معاها يوم جديد ومشرق..العيله كانت مخططه انهم اليوم العصر يروحون كلهم للحديقة والبنات ما كان عندهم مانع بالعكس تغيير جو..فترة الصباح راحت في السوق وطبعاً كانوا الامهات مرافقات معاهم..
كانوا البنات يقايسون بغرفة الملابس والامهات قاعدين برا ينتظرونهم..طلعت هيفاء وكانت لابسه بلوزه جنان..شوي الا مها طالعه ولابسه نفس البلوزه فقامت هيفاء بققت عيونها عليها بحمق..
هيفاء:الله الله..اقول افسخيها لا فسخك بنفسي..
مها وهي مقهوره:بس انا ماخذتها قبلك..
هيفاء بحمق:يعني موفاسختها..طيييييييييييب..
اتجهت لمها بتهديد..مها انحاشت بالغرفة من الخوف وهي تنادي على امها من ورا الباب:يييييييييييييييمه شووووفيها..
ام فهد وهي تهز راسها:هيوف ..شفيك على اختك؟
هيفاء:يعني قلة عليها البلايز تجي تاخذ زيي.
ام فهد:شفيها؟
هيفاء بعناد:لا ابي اكون الوحيدة المتميزة..
ام فهد: اذا ماخذتها اختك غيرها بياخذها..
هيفاء:بس مش من اهلنا..
ردت دخلت الغرفة..طلعت العنود من الغرفة وهي لابسه فستان يوصل ليما تحت الركبه وكان لونه احمر قاني فابرز لون بشرتها البيضا وكان طالع يجنن عليها سألت امها عن رايها..
ام حمد:يهبل عليك يمه ..بسم الله عليكي..
العنود:يعني آخذه؟
ام حمد:اخذيه دام انه بخاطرك..
ام فهد ماشالت عيونها منها ..وينك يافهد تشوفها تنهدت وهي تتمنى من كل قلبها ان العنود تكون لفهد..
لما خلصوا من السوق خذوا تاكسي واتجهوا للحديقة وهناك اتخذولهم موقع وحطوا فيها الكراسي..شوي الا ابوحمد وابوفهد جايين ومعاهم اعيالهم..محمد اقترح على مها انهم يروحون يركوبون القارب بس ام فهد رفضت فراحوا ياكلون البط من الخبز..

في مكان ثاني كان فواز يرد على مكالمة سارة اللي صايرله اسبوع وهو متجنبها ..ردعليها من غير نفس:الـــــــو؟
ساره بدلع:هلا حبيبي..شلونك..
فواز وهو متنرفز:بخييير..خير وش بغيتي؟
سارة مستغربة من رد فواز:فواز شفيك جذي ..
فواز بسخرية: شفيني.
سارة حست انه فيه شي:طيب حبيبي فواز..تدري ان احنا بنسافر باجر..
فواز: لا.
ساره حست انها بتصيح من برودته:فواز حبيت اشوفك لآخر مرة قبل لا روح.
فوازببرود: آسف ماقدر..مشغول.
سارة قعدت تصيح:فواز ارجوووك يافواز انا بموت اذا ماشفتك..وبعدين كلها الا خمس دقايق..وبعدين ماراح تشوفني..
فواز فكر فيها وقال في نفسه كلها الا خمس دقايق في ايش بتضره وبعدها بيفهمها انه خلاص قلبه املكته وحده غيرها..
فواز:اوكي..بس خمس دقايق..نتقابل بالقهوة اللي بالحديقة اوكي؟
سكر منها وماعطاها فرصة تتكلم..وحث الخطا متجه للحديقة يبي ينتهي من هالمسأله نهائياً..
في نفس الوقت كانوا هيفاء وعنود بالقهوة واقفين بالصف عشان ياخذون طلبهم خذت هيفاء الطلب والتفتت على العنود..
هيفاء:العنود انا بودي القهوة حق ابوي وخالي وانتي لحقيني..
العنود هزت راسها..

سارة كانت عند مدخل القهوة تنتظر على نار شوي ولمحت فواز من بعيد جاي ابتسمت مرتاحه..
فواز اول ماوصل الا سارة:هاااااااااااي حبيبي..
فواز ببرود:اسمعي ياسارة بسك من هالكلام..وقوليلي ايش تبين..
سارة وهي تتدلع:حبيبي انا قلتلك ان انا بسافرباجرفحبيت اودعك..
فواز: طيب اذا على هذا ..مع السلامه..
صد عنها عشان يمشي..الا سارة ماسكته من ذراعه وتلفه عليها..فواز التفت عليها وهو متنرفز..شاف اللي واقفه ورا سارة منصدمة من اللي تشوفه..العنود انصدمت لما شافت سارة ماسكه فواز وتترجاه انه يقعد..سارة انتبهت ان فواز مو معاها التفتت لمكان ماهو يطالع وشافت العنود اللي كان وجهها شاحب من الصدمة..
العنود تمالكت نفسها ومرت عليهم ببرود وهي تمشي بسرعه وماسكه نفسها عشان ماتبكي..فواز حاول انه يلحقها بس سارة كانت ماسكته من ايده ..نفض ايدها ولحق العنود وهو يناديها انها توقف بس العنود مو معطيته وجه..فواز من غير مايحس بنفسه مسك ايدها ولفها عليه..
العنود طالعته بكره:هد ايدي ..
فواز:مانيب لغاية ماتسمعيني..
العنود من الغضب اللي تحسه بداخلها فرغت كوب العصيراللي بايدها عليه..وصرخت فيه:اذا قربت مني ولا كلمتني لا تلوم الا نفسك..فاهم..
كملت العنود طريقها والتفتت عليه وهي تقوله بسخرية ومرارة:على فكرة بقول حق فهد يعزمك على عرسنا..
صدت منه وهي تبكي منهارة ولما ابتعدت عنه بحيث انه مايشوفها قعدت على كرسي وقعدت تفرغ اللي بقلبها من حزن حست انه قلبها يتفتت ..
فواز اللي كان واقف بمكانه منصدم..يعني خلاص كل شي انتهى والعنود راحت منه..
سارة وصلت عنده وهي معصبه:يعني هذي اللي ماخذه عقلك ..العنود..
اشوفك تقولي ابتعدي عنهم ومابي اشوفك وياهم..اتاريك ناوي عليها..
فواز التفت عليها وعرق بفكه كان ينبض من كثر ماهو معصب..سارة لما شافته بهالشكل لمت حالها وراحت وبعد كل شي اهي اصلاً ماكنت تحب فواز بس كانت تمرح معاه ..بس حست بفرحه عظيمة انها خربت بين فواز والعنود..

************

هيفاء لما شافت ان العنود تأخرت راحت تبي تشوف ايش اللي مأخرها..شافت العنود قاعده على الكرسي وهي منزلة راسها وتبكي هيفاء لما شافتها ركضت لمكان ماهي قاعده ..
هيفاء بخوف:العنود عسا ماشر شفيك؟
العنود من غير ماترد ضمت هيفاء وهي تصيح ومن بين صياحاها كانت تردد جملة((ابي ارد السعودية))..هيفاء استغربت حالها طلعت موبايلها واتصلت على امها وقالت لها ان العنود تعاني من صداع وراح يردون الشقة..سكرت من امها والتفتت على العنود:العنود يله قومي بنروح الشقة..وهناك بتقوليلي ايش فيك؟
العنود وعيونها مليانه حزن:هيفاء انا ماعاد لي مكان هنا انا ابي ارجع الرياض..
هيفاء وهي مقطع قلبها شكل العنود:طيب ..يالعنود بس انتي اللحين قومي خلينا نروح الشقة وهناك يحلها الف حلال..
خذولهم تاكسي للبيت،ولما وصلوا العنود اتجهت مباشرة للغرفة وهناك طلعت شنطة ملابسها وحطتها على السرير وقامت تحط الملابس فيها بشكل هستيري وهي تبكي بحرقة..وهيفاء تراقبها مستغربة هاذي اول مرة تشوف العنود بهالشكل..شوي العنود طاحت على ركبها وهي تكرر كلمة واحدة:اكرهــــــــــــــــــــه..اكرهــــــــــه..
غطت وجهها بايدها وبدت نوبة بكاء جديدة..هيفاء قربت منها وضمتها وهي تحاول تهديها وبعد فترة هدت العنود..
هيفاء بلطف:العنود..شفيك ترى خوفتيني؟
العنود:فواز ياهيفاء..فواز..
بدت دموعها تنزل بصمت
هيفاء بأستغراب:فواز..شفيه..صاير له شي؟
العنود:النذل..طلع خاين وراعي بنات..تخيلي اليوم صدته مع مين..
هيفاء:مع مين؟
العنود:مع ســـاره..
هيفاء انصدمت من كلام العنود ..هي من اسمعت ان فواز بيخطب العنود وهي حاسه ان هالخطبة ماراح تتم..رفعت العنود من الارض..
هيفاء:العنود انتي ارتاحي انا بروح احضرلك كوباية عصير..
هيفاء طلعت من الغرفة عشان تجيب العصير..العنود حطت راسها على المخدة وغمضت عينها تبي تطرد من راسها ذكرى الحادثه..بس حتى وهي مغمضة عينها يطلعلها فواز بضحكته وغمزته اللي دايماًً ملاحقتها حتى بأحلامها انهمرت عيونها وهي تتأوه بألم..
هيفاء لما رجعت حصلت العنود نايمة..ماحبت توقظه سكرت الباب ونزلت تحت عشان تشوف اذا فيه فلم يعروضنه عشان تشوفه..

******************
فواز طلع من الحديقة وهو حاس انه روحه طلعت منه وماراح ترد خلاص..عبر الشارع وهو منتبه للسيارة اللي جايه صوبه مسرعه..كل اللي يتذكره فواز صوت فرامل السيارة وهي تحاول تتفادى الحادث ..

من بعيد كان فهد وحمد يسولفون لما سمعوا صوت اسعاف جاي من بعيد الكل ذكر الله ..
فهد:لا اله الله..عساه خير..
حمد:هذول البريطانين وسواقتهم..مب صاحيين..
ام حمد:تعوذ من بليس..
حمد:اعوذ بالله من الشيطان الرجيم...التفت على فهد:الا فهد دق على فواز شوف وينه خل نروح له بدال مقابل الاشجار..
فهد وهو يدق على فواز:اللحين بشوف وينه ..شوي الا فهد:مايرد ..ممكن يكون مشغول ولا شي..وشرايك نروح السينما..؟
حمد:يله قوم..

======
فهد وهو بالسينما رن تلفونه ولما طلعه شاف رقم غريب عليه رد الا واحد اجنبي يكلمه..
..:hello
فهد:hi..who is this
..:hi im calling from the hospital.! do u know fawaz
فهد بأستغراب: him. his my friend yes I know
الدكتور: im sorry to tell u that he had an accident
فهد انصدم:which hospital?
فهد خذا العنوان منه وشكره..التفت على حمد:فواز مسوي حادث ياحمد..
حمد انصدم:عساه مو خطير بس..
فهد وهو يقوم يبي يطلع:والله مادري ياحمد بس شكله مو بسيط..
فهد وحمد لما وصلوا سألوا عن فواز قالولهم انه لسه بغرفة العمليات ولما سألوا الممرضة شلون صار الحادث..هزت كتوفها برد انها ماتعرف..راحوا الشباب وقعدوا بغرفة الانتظار ومرت عليهم ساعتين ولسه مافي رد..شوي الا تلفون حمد يرن ولما شاف الرقم الا اهي امه:هلا يمه..
ام حمد: حمد وينك فيه ؟
حمد:بالمستشفى..
ام حمد مخترعه:مستشفى عسى ماشر..فهد فيه شي؟
حمد:لا يمه حمد بخير بس واحد من ربعنا مسوي حادث ورايحين نشوفه..
ام حمد تنهدت مرتاحه:وشفيه؟
حمد:مسوي حادث..
ام حمد:ان لله وان اليه لا راجعون..وعساه بخير..
حمد:اي بخير يمه الولد للحين بغرفة العمليات وشكل حالته خطيرة.
ام حمد:الله يعافيه ويشفيه ان شالله..
حمد:ايه والله يايمه..ادعيله تراه رجال وفيه خير يستاهل الدعوه عشانه..
ام حمد:طيب فيه احد بلغ اهله..
حمد:لا لسه ننطره يطلع من العمليات..
ام حمد:خلاص فديتك مع السلامه ..وبعدين طمني عليه يبه.
حمد:ان شالله..
حمد اول ماسكر من التليفون الا الدكتور داخل ويبحث عن احد شافهم وعرف انه هم من قرايب فواز لانهم الخليجين الوحيدين بالغرفة فتوجه لهم..حمد وفهد وقفوا وهم يحسون انه في شي مو طبيعي وكأن الدكتور جايب لهم خبرية مو زينه بالمره..

*****************
ام فهد كلمت ابو فهد بموضوع الانتقال شقة تركي هو صحيح كان رافض لكن ام فهد فهمته وجهة نظرها انه ممكن العنود توافق على فهد ويصير الموقف حرج بالنسبة لهم انهم يعيشون تحت سقف واحد..ابو فهد مالقى الا انه يوافق..
ام فهد وهي تدق على تركي عشان تخبره..شوي الا تركي يرد..
تركي:هلا والله بالغالية..
ام فهد:هلا يمه..شخبارك؟
تركي:بخير دامك بخير..انتي شلونك؟
ام فهد: احمدالله..تركي انا كلمت بس عشان ابلغك اني كلمت ابو فهد بالموضوع وهو ماعنده مانع ان احنا ننتقل عندك..
تركي وهويبتسم لحظه:خير ان شالله انا بكره ان شالله بارسل لكم سايق عشان ينقل اغراضطم.
ام فهد:مشكور وماقصرت ياولدي..
تركي: افا ياخالتي هذا كلام مايحتاج تشكريني البيت بيتك..
ام فهد: ماتقصر والله..
تركي:خلاص يالغالية توصين بشي ثاني؟
ام فهد:مابي الا سلامتك..
تركي:يالله فمان الله..
ام فهد:في وداعة الرحمن..
سكر تركي من خالته وهو مستانس انه الخطة تمشي مثل مايبي هو والحين هيفاء صارت تحت عينه ..وبيحاول يعرف منها اهي وش تبي من زواجها بفواز..
وبيحاول بأي طريقة انه يفك هالخطبة..

في نفس اللحظه كان نواف يكلم هيفاء وهو متضايق:والله ياحبيبتي متضايق حدي..
هيفاء:ليه عسى ماشر..
نواف:تركي مادري شفيه متصل علي من كم يوم وامر اني اروح واخلص الشغل اللي بالامارات وهذي اول مرة يطلب فيها تركي مني اني اخلص شي..
هيفاء حست انه تركي وراه شي ولا ليش يطرش نواف للامارات :معليه حبيبي انت استحمل بعد هذا اخوك العود..
نواف بغيرة:اشوفك دافعين عنه..
هيفاء:لاادافع ولا شي انا ماقلت الا الصدق..
نواف:لا انتي شكلك نسيتي هو وش سوى فيكي..
هيفاء ازعلت من اسلوب نواف:نواف انت شفيك؟
نواف تنهد بأسف:آسف..بس من اجيب طاريه اتنرفز..تدرين انه مو راضي بخطبتنا؟
هيفاء وهي مستغربة:ليه؟
نواف:مادري بس لما قلته اني خطبتك زعل وحاول يردني منك..بس انا مارضيت..
هيفاء بحمق: وهو ايش يدخله اذا باخذك ولا لأ؟
نواف :هذا خليه منك..انزين حبيبتي اخليك اللحين..
هيفاء ودعت نواف وهي قلبها قابضها،تحس ان تركي ناويلها شي ..طيب هو ليش مو راضي بالزواج..ياترى ركوبي معاه بالسيارة لما ماقلي من يكون هل يكون يختبرني..تنهدت ورقت طالعه للغرفة الا العنود طالعه بتنزل تحت وحالتها كانت كسيفه ..
هيفاء:ها عنود شلونك اللحين؟
العنود هزت راسها ونزلت تحت وهي في راسها شي واحد تبي تسويه وتنتهي
راحت لغرفة امها ولقتها قاعده على السرير تقرا قرآن ولما شافت العنود وشافت شحوب وجها سكرت القرآن..ونادتها عشان تجلس بجمبها..
ام حمد:ان شالله احسن اللحين؟
العنود وهي تحط راسها بحضن امها:احسن والحمد الله..
ام حمد بقلق:والله للحين لونك مو طبيعي..تبيني اوديك لطبيب؟
العنود هزت راسها علامة الرفض..رفعت راسها من حضن امها وهي تطالع امها بتصميم:يمه انا خلاص قررت ..وموافقه اني آخذ فهد ولد خالي..
ام حمد استانست على هالخبرية بس حاسه انه العنود تقولها بغير قناعه: يمه انتي متأكدة من انه هذا اللي تبينه؟
العنود نزلت عينها وبعدين رفعتها وبكل ثقة:ايه يمه متأكده..
ام حمد بفرح: هذي الساعه المباركه والله..وانا عارفه ان فهد بيسعدك.ز
العنود بتفكير وحزن سعادتي الوحيده بتكون مع واحد بس لكن هو اللي خرب كل شي بخيانته..
ام حمد ومو حاسه:خلاص حبيبتي انا ببشر ام فهد..بس اللحين ابي اكلم حمد اخوك واشوف شخبارهم..
العنود وهي مقطبه جبينها: ليش يمه حمد فيه شي؟
ام حمد:لا بسم الله عليه..واحد من ربعهم مسوي حادث ويقولي حمد ان حالته خطيرة..
العنود ماتدري ليش قلبها نغزها: يمه منهو من ربعهم ماتعرفينه؟
ام حمد:لا ماقلي حمد منهو..بس مانقول الا الله يعينه ويشفيه..
العنود:اللهم آمين..
العنود حبت راس امها وطلعت من الغرفة ورقت للسطح وجلست على الكرسي وهي تفكر هل معقوله ان فواز كان يكذب عليها بكلامه ..وانها ممكن تكون نزوة من نزواته..لا مستحيل لأن فواز لما قلها انه يحبها كان الصدق امبين بعيونه وبصوته..تنهدت بحزن ليه يافواز تسوي كذا..ليه قلبي حبك وتعلق بيك..انهمرت دمعه حارة من عينها ومسحتها وهي متضايقه من نفسها انا ليش اذرف الدموع له واهو مايستاهل انا لازم انساه ..انا خلاص باتزوج فهد..

اللي مو عارفه فيه العنود ان تركي بالمستشفى قاعد يصارع الموت وحالته كانت خطيرة بالمرة والدكتور قال لفهد و حمد انه فواز ممكن يدخل غيبوبه بسبب الضربه اللي براسه..هم عملوا اللي عليهم لكن بالنسبة للغيبوبه مايقدرون شي لأن هالشي مرتبط بالوقت..
فهد انهار على الكرسي وهو ماسك راسه بين ايدينه:لاحول ولا قوة الا بالله..اللحين ايش الحل؟
حمد التفت على فهد: فهد لازم احد يبلغ اهله لايصير بفواز شي وهم مو موجودين..
فهد قطع كلام حمد وهو معصب: حمد لا تقولها ..فواز ان شالله بيعيش..بالنسبة لأهله انا عندي رقم بيتهم بالرياض و بروح ادق عليهم وانت شوف الدكتور اذا بيسمحلنا نشوفه..
حمد راح للدكتور عشان يستفسر منه اما فهد فشاف الساعه لقاها الساعه 11 بالليل معناتها الساعه 1 بالرياض توك على الله ودق على بيتهم وهو متضايق انه بيقوهم هالخبر..قعد التليفون يرن ومحد شاله كان بيسكر الا صوت ناعم يرد عليه:الـــــــو؟
فهد:................
: الــــــــــــــــو...!
فهد بلع ريقه: السلام عليكم.
: وعليكم السلام.
فهد وهو يسمع صوتها الساحر نسى هو متصل ليش..تعوذ من بليس وتمالك نفسه:اختي هذا بيت فواز العالي..؟
: ايه اخوي بس فواز مو موجود..
فهد:انا عارف بس حبيت اكلم الوالده..
بأستغراب: الوالدة نايمة..في ايش بغيتها؟
فهد تنفس بقوه: بس بغيت ابلغكم ان فواز مسوي حادث.
بصدمة:اييييييييييييش؟
فهد:آسف اختي بس الحادث ترى مو خطير..شي بسيط..عفواً من معاي؟
الصوت بخوف: انا اخته..طيب فواز وينه ما يكلمني.
فهد وهو خايف من انه ينفضح: فواز اللحين نايم يرتاح بس هو موصيني انه اكلمكم وابلغكم..وياريت تجون لندن.
اخت فواز بخوف:نجي لندن؟..معناته الحادث مو بسيط..
فهد: والله مافيه شي بس شوية كسور برجله وايده..
يارب تعذرني حلفت كذب
اخت فواز:مسكين ياخوي..خلاص مشكور اخوي وماقصرت..
فهد مايدري ليش مايبي ينهي المكالمه بس هو شاف حمد جاي صوبه:العفو اختي..وصك الخط
حمد وهو يوقف قدامه: الدكتور قال نقدر نشوفه بس لمدة 10 دقايق.
فهد :خلاص خل نروح نتطمن عليه..انا خلاص بلغت اهله..
حمد:شلون تقبلوا الخبر؟
فهد نزل راسه وهو يتذكر صوتها:كذبت عليهم وقلتلهم ان الحادث بسيط..
حمد بدهشه: كذبت عليهم..منت بصاحي؟
فهد:ياخي ماقدرت اقولهم بالتلفون الأفضل انهم يجون ويشوفون حالته بنفسهم..
دخلوا على فواز اللي كان موحاس فيهم وكان لونه شاحب شحوب الموت وراسه مضمد وحاطين عليه جهاز تنفس وجهاز مراقبة النبض..فهد حزن لما شاف رفيقة بهالحاله..وماقدر يصدق ان فواز اللي دايماً كان نشيط ومرح يصير له هالشي..

*************
ام فهد فرحت لما سمعت اللي قالته ام حمد:فرحتيني يام حمد..
ام حمد:مبروك يام فهد..هذي الساعه المباركه اللي ناسبناكم فيها..
ام فهد:الله يباركلك..الا قولي يابختنا بالعنود..لو نلف الديرة مانحصل مثلها..
ام حمد:تسلمين يالغالية..
ام فهد:اجل العنود وينها عشان اسلم عليها..
ام حمد:تعبانه شوي رقت لغرفتها عشان تنام وترتاح..
ام فهد:سلامتها ماتشوف شر..خلاص انا ببشر فهد،الا صحيح هالولد وينه لهالحزه الساعه صارت 11 وهو للحين مارد لاهو ولا حمد ولدك..
ام حمد تبتسم: هم بالمستشف عند واحد من ربعهم مسوي حادث وشكلهم مطولين والاحسن ان احنا ننام والصباح رباح..
ام فهد:وانتي الصادقة..يله تصبيحن على خير..
ام حمد: وانتي من اهله..
الكل اتجه للغرفة عشان ينام بس ثنتين اللي النوم مازارهم بهالليلة العنود اللي كانت قاعده فوق السطح وتناظر البدر وتفكر بمستقبل خالي من فواز..وهيفاء اللي كانت منسدحه على السرير وتفكر في الايام الجاية بترقب تركي مستحيل يقعد مكتوف الايدين ويخلي الزفاف يصير وهو مو راضي..اكيد مجهز لها شي بس هي بتكون مستعده له..وبتحارب ..

العنود من وين هي قاعده بمكانها سمعت صوت سيارة توقف عند عمارتهم طلت على اللي تحت الا هو حمد وفهد..وحمد كأنه يخفف على فهد..
حمد:فهد اذكر الله اكيد انه الله بيفرجها..
فهد برجاء:الله كريم ياحمد..الله كريم..
العنود حست ان حالة صديقهم خطرة ولا ليش فهد متوتر وخايف كذا..العنود راحت وقعدت مكانها وهي تفكر اللحين فواز ايش قاعد يسوي ..اكيد عند ست الحسن والجمال سارة..هزت راسها وهي تحاول تمسح الصورة اللي طلعت ببالها..
وهي تتردد على نفسها انا لازم انساه ..لازم..


ياترى هل بيرد فواز ولا بيستسلم للموت؟
والعنود هل بتهتم اذا عرفت باللي صار لفواز ولا لأ؟
وهيفاء ياترى ايش مخطط لها تركي؟



الجـــــ العاشـــــر ــــزء

مرالليل بطئ على غير عادته يحمل في ثناياه الآم ..كان هناك فواز اللي يتالم من اثار الحادث..وفي عقله خيال شخص مالوف يشبه الملاك ويتمنى انه يلمسه ..كان مرافقه
طول ماهو في الغيبوبه كان فواز مستسلم للموت وحالته النفسيه قبل الحادث ماشجعته
انه يكافح عشان حياته لان حلمه الجميل انتهى وبدأ فصل موحش بدون البنت اللي
سرقت قلبه ..كانت العنود صورة الملاك اللى ساعدته على استرداد الحياه ..كان كل ما
غاب في غيبوبه سمع العنود تناجيه انه مايتركها ..وكل مامدت يدها يبي يوصل لها حس
بخيبة امل لان اللي شافه مجرد وهم ..كانت العنود هي السبب اللي قرر منه انه يشفى
من مرضه ..صمم فواز مع كل نبضه في قلبه تنبض عشان محبوبة قلبه العنود
انه يكافح عشان مستقبله معها..
بينما العنود قلبها يذرف دموع الالم والخساره اللي ما حستها الا من عرفت فواز..وتشعر
بنفس الوقت بالخزي من نفسها لان قلبها ضعيف ظل يبكي على واحد خاين مايستاهله استغل سذاجتها وفي الاخير مرغ بكرامتهاعلى الارض ..فكرت العنود انها مب اول واحده تحب من طرف واحد من يدري يمكن انساه مع مستقبلي مع فهد ..اكيد بتنساه مع الوقت هذا مؤكد ..يالسخرية القدرفي بنت في ليلة خطبتها تبكي عشان رجال ثاني ..عند البنات غيرها هذه تعتبر اسعد ليله في حياتهم.. اما انا فهذه نهاية نهاية فصل مؤلم من حياتي وبابدء حياه جديده مع فهد ..
****************************
اشرق النهار بالضوء والانتعاش مع جودافئ تغرد معه الطيور ..والندىيرطب الورود
كان الجو صافي خالي من الهموم غسل معه ظلمة الليل وعبوسه وينبئ بيوم جديد..
كانت الساعه 8 الصبح بلندن لكن في بيت بو حمد كن الكل صاحي ومتنشط عدا العيال والبنات ..وكل واحد منهم سهران لااسبابه الخاصه ..في المطبخ كانت ام حمد تطبخ الفطور وام فهد كانت في الصاله تسبح بالمسباح.. شوي ودخلت ام حمد حطت الفطور على طاولة الطعام ونادت لام فهد تنضم لها ..بس ام فهد راحت تنادي زوجها ونسيبه
واجتمعت كبار الاسره على الفطورومااسرع مانضمت مها لهم تشارك ابوها السوالف
وتغيضه..
ابو حمديطالع مرته:ام حمد وين العيال مااشوفهم فطروا..؟
ام حمد تبتسم:يعني هي غريبه عليك الله يهداك من متى العيال صحو معنا..
ام فهد غمزت لام حمد:الا مابشرتكم العنود وافقت على فهد..
ابو فهد كان بيغص باللقمه:صدق اللي سمعته ..الله يبشرك بالخيروالله انه احلى خبر
سمعته العنود بنتي الغاليه ومنيتي انها تاخذ ولدي..
ابوحمديربت على ظهر نسيبه: شوي شوي يارجال لاتغص ..حنا اللي ماراح نلاقي احسن من فهد رجال والنعم فيه..
ابو فهد يضحك:هههههههه تسلم يالغالي ..
ام حمد : ابوحمد ماقالك محمد انه يبيك توديه ديزني لاند ستور عشان يشتري اغراض
المدرسه..
ابوحمد يقطب حواجبه:بلا قالي امس الا هووينه مابين..؟
ام حمد تضحك:تصدق من يوم شاف كلب جارتنا العجوز الانجيليزيه وهو متعلق فيه مقابله ليل نهار..
ام فهدباستغراب:توبدري على اغراض المدرسه ..
ام حمد تنهد:ماتعرفين هذا الولد اذا حط شئ براسه لازم يسويه..
ابوحمد:انزين ليه ماتودينه انت لازم انا..
ام حمدتفسر:قلت له بس مافي فائده يبيك انت..وده عن خاطره المسكين..
ابو حمدبعناد:مسكين الا مدلع ماتعود حد يقوله لا ..
مها تطالع امها:وانا بعد يما ابي اغراض مدرسه..
ام فهدبغضب: اقول انثبري بس.. حمد بزر مايفهم انت بتقلدينه..
مها تطالعها بنظرة تانيب:يبا قولها توديني..
ابو فهد حط يده على راس بنته:اسمعي كلام امك الحين وانا بنفسي بوديك بعدين..
ابوحمدبحنان:معليه يامها انا بوديك ..
مها نقزت من مكانها:هيه يحيى خالي..يااحلى خال بالدنيا
راحت مها تبوسه على خده وابو حمد يضحك عليها..
ام فهدعصبت:مها! قلت انا بوديك..بعدين مب حزة مدارس عشان تشترين..
ابوحمد:ام فهد وش فيك على البنت خليها انا بوديها واصلا انا كذا ولاكذا انا رايح عشان
محمد ..
ابوفهد هزراسه برفض:لا يابو فهد البنت موذيه بتضايقك..وانا مابيها تخرب بالدلع كل شئ تبيه يصير..
ابوحمدباصرار:يابو فهد انا معزم اني اخذها وحرام عليك برد خاطرها شوي..
مها تطالع ابوها بنظره مسكينه عشان يشفق عليها..
ابوفهد وهويرفع اصبعه:اه منك تعورين قلبي ..مااقدر اقاومها..
ام فهد:بس بشرط انكم ترجعون بدري عشان حنا بنروح شقة تركي..
طلعت اصوات معارضه من ابو حمد ومرته بس ابو فهد حاول يرضيهم بالكلام الطيب
ابوحمد وهوزعلان:لا لا مايصيراحسبك بتشيل هالفكره من راسك ..انت الصراحه
زعلتني انت مب غريب يااخي في بيت اختك..
ام حمد بحزن:ياخوي حنا نبي جمعتكم والله انها ابرك السفرات ..نفطر على سفره
واحده مب مثل اول..
ابوفهد كان لام يده في حضنه و يفكر:والله ياختي انا ماكنت ناوي على الطلعه بس لما انخطبوا العيال مانقدر نخليهم يقعدون في دار وحده..
ابوحمد نزل راسه متفهم:ابوفهد معه حق مايصح نخليهم مع بعض ولا ماراح يتشوقون
للزواج اذا شافوا بعض واجد..
ام حمد وكانها رضخت للامر الواقع :اللي تشوفونه مادام هذا الصواب..
ام فهد مدت يدها تمسك ام حمد:خلاص لاتزعلين يام حمد اوعدك انك بتشوفيني لين
تملين من شيفتي..
ام حمد تبتسم:ههههههه الله يهداك يقطع لساني قبل مااقوله ولاانت قعدتكم تنمل..
ابو فهدبدفئ:يلا يام فهد روحي قومي هيفاء من النوم عشان توضب اغراضها..
ام فهد:خلها تنام شوي مانامت الا متاخراذا جاء وقت الصلاة بقومها..
ابوفهد:لالا.. انت ماتعرفين بنتك وش كثر اغراضها كانها بتهاجر تقوم الحين احسن
تفطر وتنشط شوي ..
قامت ام فهد من الطاوله عشان توقظ بنتها والعايله مستغرين بالسوالف
رقت ام فهد الدرج وفتحت غرفة البنات لقت الغرفه مبهدله تعجبت من حال الغرفه
قعدت على السرير بهدوء عشان العنود ماتحس فيها وهزت بنتها من كتفها..
ام فهد تهمس:هيفاء ..هيفاء!!(هيفاء تمتم كلمات مب مفهومه) قومي ..
هيفاء تكلمها عين مفتوحه وعين مسكره:يما حرام عليك مانمت الا كم ساعه..
ام فهد تنهدت:ادري يايما ..قومي عفيه عليك..
هيفاء رفعت راسها تأفف:انزين كم الساعه الحين ..؟
ام فهد:الساعه 9الصبح..يلا بعدي بنتي الجيده..
هيفاء بققت عيونها تصارخ:الساعه 9 الصبح..عسى ماشر يايما وش الطاري توقظيني مع الفجر..كيفك انا تعبانه وبنام..
ام فهد عصبت وهي تطالع العنود خايفه انها تصحى:هيفاء!!! ووصمه انجنيت تصارخين.. بتقومين يعني بتقومين..
هيفاء كانت حطه اللحاف فوق راسها ومطنشه لامها:لا ماراح اقوم الا اذا عطتيني سبب
مقنع..
ام فهد تذكرت انها ماقالت حق هيفاء:هيفاء يما انا ماقلت لك انه حنا بنطلع من شقة عمتك و ننتقل للشقة تركي..
هيفاء رفعت اللحاف من راسها بسرعة البرق:تركي !!لا يايما انا لوتطربق السماء على الارض ماراح اطلع ..
العنود قامت من صراخ هيفاء:وش السالفه خالتي وش فيها هيفاء تصارخ ..!
هيفاء كانت تنفس بقوه من الغضب وامها تطالعها بنظره تمنت هيفاء ان الارض تنشق وتبلعها ..
ام فهد:استانست يوم صحيت بنت عمتك ..ماينفع معك الكلام..
العنود تطالعهم ومش فاهمه وش السالفه ..
هيفاء حست بتانيب الضمير:العنود نامي انا وامي نتكلم في موضوع خاص واسفه
اني ازعجتك..
ام فهد كانت تنطر العنود تحط راسها وتنام عشان تكلم هيفاء..ولما خمدت العنود
ام فهد بجديه تامه:مافي بيني وبينك كلام ..انا امرتك وبتطيعيني ولا ابوك اللي بيتصرف معك..
هيفاء عرفت من لهجه امها مافي مجال للنقاش..سكتت ونزلت راسها مستسلمه..
وقفت رايحه للباب:يلا ابوك يستنانا تحت ظبي اغراضك ونزليها..
هيفاء قبل ماتطلع امها:يما سؤال اخير من فكرته انه نسكن في شقة تركي..؟
ام فهد التفتت باستغراب:تركي عرض علينا هالفكره وابوك وافق ..ليش السؤال؟
هيفاء وجهها صار من الغيظ:لا ولاشئ ........
اول ما طلعت امها من الغرفه راحت للبلوكونه تفرغ اللي في قلبها بدون ماتحس العنود..
مر نسيم لندن البارد على جلدهاوكأنه يلسعه من البروده كان منظر الصباح وحديقه الشقه استولى على تفكير هيفاء وكأن هذا المنظريهديها لدرجة انهانست السبب اللي منه طلعت للبلكونه ..كانت هيفاء تعيش بخوف طول هالا سابيع اللي فاتت من اللي راح يسويه تركي وبعد اقناع انه مايقدر يسوي شئ لها وهي محاطه باهلها والحين انتقالهم
لشقته كانت مثل الشعره اللي قصمت ظهر البعير هيفاء كانت متاكده انه تركي مخطط
له الشئ اما هي محتاجه لتفكير طويل في طريقه تحاشاه فيها او اسلوب تقهره فيها
مثل ماقهرها ..هيفاء والعبره كانت خانقتها ليش ماحد يشوفه على حقيقته مثلها كلهم يحبونه وحترمونه ..لا هيفاء ماراح تعطيه السلاح بيدها لازم تكون قدامه واجهه بارده
قويه مايهزها ..مرت عليها رعشه من الجو البارد حست هيفاء بتفائل انها اخيرا بتروح
لعرين الاسد هههههه هيفاء ضحكت مايليق له هالاسم يليق له اسم وكر الثعلب ايه لانه
خبيث مايعرف يواجه.. كل شئ عنده بالحيله شدت هيفاء حزام الروب اللي لابسته فوق
البيجامه الزهريه دخلت الغرفه وهي مستانسه ..بدات تلم اغراضها التفتت تطالع العنود
لقتها في سابع نومه ..حزت بحزن انها بتروح تخلي العنود وهي بها الحاله امس مانامت
الا على وجه الفجر ..تدري انها لازالت تحت تاثير الصدمه من خيانة فواز لها يالله
يالعنود ليتني اقدر اساعدك..
لما جهزت هيفاء اغراضها لبست وتزينت على حلى حله عشان تبين له انه مااثرعليها
بشئ وانها راضيه مو مجبوره ..لبست جاكيت ابيض طويل منقوش على ظهره نقش
بالاسود وبنطلون ابيض وسيع وتشيرت نيك تحت الجاكيت لونه ابيض واسود وايشارب
يناسب معه موسكينو..شافت هيفاء شكلها في المراءه وهي راضيه عن شكلها ..سمعت
ا بوها يناديها ..سرعت تلاحق عليه وهي شاله اغراضها..طبعا بعد ماكتبت حق العنودرساله تفسر لها طلعتهم من الشقه..
هيفاء نزلت لقت امها وابوها وعمتها في الصاله يتقهون ..يوم دخلت عليهم كلهم التفتتوا
مستحسنين مظهرها وعلامات الاستغراب باديه على وجه امها مب مصدقه انه هذه البنت اللي رافضه تطلع..ارتسمت على وجه ابوها الوسيم ابتسامة رضا من بنته فتح
ذراعه يناديها تقعد جمبه ..
ابو فهد :هلا والله ببنتي الشيخه ..وش هالزين والله توني داري انه عندي بنت قمر..
راحت هيفاء وبسطت عند ابوها:والله يبا قمر من زمان بس انت مب ملاحظ..
امها تضحك:اكيد بتطلع قمرعلى امها ولا الشين من وين يجينا ..
ابوفهد رفع حاجب واحد تعليق على كلامها:عندك ثقه زياده بنفسك الله يكفينا شرها..
ام فهد مندهشه:هوو وانا وش قلت يابو فهد فلت شئ غلط..
هيفاء تضحك على ابوها:هههههههه يبا امي قالت ان الزين منكم كلكم..
ام فهد تطالعها بنظره جانبيه:وانت قبل شوي تصايحين على كبر البيت ماتبين تطلعين..
وقفت هيفاء وراحت حق عمتها وضمتها:وش اسوي ماقدر على فراق عمتي وجلستها..
عمتها تبتسم:والله ..الله يعين العنود المسكينه بتضايق من بعدكم ماعندها حد تسولف معه..
ابوفهد وقف : يلا مشينا السايق برا ينطرنا ..هيفاء وين اغراضك ..
هيفاء :حطيتها في الممر .. يبا من اللي بيودينا..؟
ابوها جاوبها وهويشيل اغراضها:سواق ولد خالتك ..مرسله تركي لنا..
طلع ابوها برى عشان يحط الاغراض بالسياره وامهاو عمتها يسلمون على بعض وبعد هيفاء سلمت على عمتها ووصتها ان العنود تكلمها اول ماتصحى ..
ام حمد ودعتهم عند الباب:يلا في امان الله..
ردوا كلهم:في وداعة الرحمن..
لما دخلت هيفاء وامها السياره لاحظت ان اختها مها مب موجوده ولا اخوها فهد..
هيفاء بتساؤل:يما مها وفهد وينهم مب رايحين ...؟
امها التفتت عليها:مها راحت مع خالك ابو حمد ديزني ستور وفهد طلع من الصبح رايح لرفيقه في المستشفى..
ابوها كان قاعد قدام:وبنتك حضرتها متى بتشرف ..؟
ام فهد:مادري قالي ابو حمد انه بيوصلها بنفسه للشقه..
هيفاء :يما الا باسألك سؤال من هذا رفيق فهداللي في المستشفى..
ام فهد وهي تحاول تذكر:قالي اسمه بس نسيته ..انت تعرفينه اللي راح معنا الملاهي..
هيفاء بصدمه:فواز!لا مستحيل..
امها بنظرة استغراب:عمى انت وش عرفك فيه ..وليش يهمك كذا..
هيفاءبارتباك:لا مايهمني بشئ ..بس لانه رفيق فهد الروح بالروح ودايما يتكلم عنه ..
وفهد كاسر خاطري..
ام فهد بنظرة شك:أي اقول ..عالعموم كلامك هذا ماينطلي علي..
هيفاء التفتت تشوف ابوها خايفه انه يكون سمعهم لقته يكلم بالجوال..طلعت منها تنهيدة ارتياح بدون ماتقصد..
هيفاء كانت تامل شوارع لندن اللي كانت تقريبا نصف فاضيه لان الوقت كان مبكر..
وتفكر في العنود وش بتكون ردة فعلها لما تعرف ان اللي تحبه بين الحيا والموت ..وعليا عليك العنود انت قاعده تظنين ان فواز مستانس مع ساره وهو الحين في اخر مكان توقعينه في المستشفى ..هيفاء جاءها احساس انها لازم تقول حق العنود باللي صارله
على الاقل ماتسئ الظن فيه هومايستاهل مهما سوى فيها هيفاء متاكده ان فواز يحب
العنود ..شافت هالنظره في عيونه اللي مب موجهه لاي واحده غير العنود
بس انبها ضميرها لانها خطيبة اخوها الحين ..لازم العنود تنسى فواز فات
الاوان انها تعالج الوضع قرر ت هيفاء انها ماتقولها كفى العنود صدمات
لازم العنود تقبل الحياه مافي حب قبل الزواج
هيفاء في غمرة تفكيرها بمشكلة العنود نست مخاوفها من تركي لفت السياره
لفه على اليسار وقادتهم لحي راقي في لندن كانت الشقه متمركزه في نصف مباني
حديثة البناء تحديدا في شارع النايتس بريدج ..وقفت السياره قدام الشقه هيفاء ماقدرت
تحرك ساكن من كثر ماهي منبهره بجمال تصميم الشقه الخارجي ..كانت هيفاء على انها
رجعت بالوقت للعصر القديم بالقرن التاسع عشر وخاصة العصر الفيكتوري..كانت الشقه مزيج من الا ثنين المقصود العصر الحالي ..كانت الطريق اللي تؤدي للباب الشقه
مرصفه بحجر قديم وتزين باب الشقه اعمده ارستقراطيه ..كانت الشقه تكون من حجرالقرميد الاحمر القاني اما الحديقه تفرع فيه طرق ترابيه احداها تؤدي الى نافوره
والثاني يؤدي للباحه الخلفيه وكانت حدود الحديقه محوطه بزهور مختلفه ..ماقدرت هيفاء الا انها تعبر باعجابها ..هيفاء استفاقت من دهشتها على صوت امها تناديها
ام فهد:هيفاء وصلنا الشقه وانت مصنمه في السياره..
هيفاء :ان شاء الله يما كاني بنزل الحين ..
سبقوها امها وابوها للشقه وهيفاء تامل الشقه مب مصدقه انها بتقضي الاسابيع الجايه
في هذه الشقه اللي استولت على كل انتباهها تمالكها فضول ياترى هذه الشقه ملك لتركي او العائله ككل ..لان اذا كانت ملك لعيال خالتها معناها بتكون شقة عيالها مستقبلا ..ماقدرت تمالك نفسها من الوناسه فمرت على شفايفه بسمة مرح ..استقبلتهم عند الباب
خدامه من اصل افريقي على عكس توقعات هيفاء كان الباب مصنوع من خشب البني المحروق ولوحه معلقه مكتوب عليها بالا نجليزي ..تركي الضاوي هيفاء تفكربغروره
الزايد يعني لازم يكتب اسمه ليش ماكتب اسم ابوه ..
الخدامه الاثيوبيه:مرحبا انا بشتغل عند مستر تركي وطلب مني اني استقبلكم لان مشغول الحين ..
صافحت ام فهد الخدامه :اهلا.. يعني تركي مش في الشقه ..؟
الخدامه هزت راسها :لا مش موجود بس اكيد بيرجع لما يعرف انكم وصلتوا ..تفضلوا
داخل وانا بحمل الشنط لغرفكم..
دخلوا اهلها وهيفاء تمشى وراهم حست بخيبة امل لانها كانت مستعده تواجهه وخايفه انه هالشجاعه تروح منها بس احسن استكشف الشقه على راحتي..كانت الشقه عريضه من داخل على عكس واجهتها اللي تعطيها حجم اصغر ..قعدوا في صاله انجيليزية التصميم
كانت مجلده بورق جدران اخضر غامق وفي وسطها مدخنه تكون من كنبه عريضه
وكرسين لونها عنابي ..لفت انتباه هيفاء الصور اللي موضوعه على المدخنه..
راحت تتفرج على الصور وكانت اول صوره لآبوهم الله يرحمه وكان يشبه نواف كثير اما الصورة الثانية فكانت لنواف ومعاه عمته وكانت تضحك للكاميرا وكان اللي مصورهم قال لها شي يضحك..اما الصورة الاخيرة كانت لتركي وكان راكب حصان لونه اسود وكان شكله وكأنه واحد من العصور القديمة فكرت هيفاء بابتسامه وكأنه مجرم هارب..مسكت هيفاء الصورة تمعن فيها
تركي:السلام عليكم..
هيفاء من الرعب طيحت الصورة من ايدها وتهشمت على الارض..
ام فهد:هيــــــــفاء ايش سويتي الله يهداك..؟
هيفاء بصوت منخفض وهي معطتهم ظهرها :آســـفه ماكان قصدي..
نزلت تنظف الزجاج الا تركي يتكلم:خليه منك الخدامه بتنظفه ..والاطار بغيره ..
ام فهد سلمت على تركي وبعدها ابو فهد ولما خلصوا كلام التفتت هيفاء عليهم وهي تأمل تركي اللي كان لابس جينز ازرق وقميص اسود وقاعد يكلم ابوه :البيت نور بوجودكم والله..
ابو فهد:مشكور ياتركي رجال وولد رجال..
تركي:هذا مو كلام يابو فهد البيت بيتكم...تفضلوا ليش واقفين انا بروح أمر الخدامه تجيب لكم شي تشربونه..
لف وشاف هيفاء بوجه وقعد يناظرها من فوق لتحت..هيفاء حست برعشه خفيفه تمر على عمودها الفقري ولما واجهت عينه كأنها شافت فيها لمحة اعجاب بس ممكن تكون تتوهم..مر عليها وطلع..هيفاء زفرت وماكانت تدري انها حابسه نفسها الا لما طلع..
راحت وقعدت بجمب امها اللي كانت تسولف مع ابو فهد مأخوذة باللي تشوفه..
هيفاء التفتت على امها:يمه انا تعبانه شوي وابي اروح لغرفتي ومنها بعد ارتب اغراضي..
ام فهد:خلاص حبيبتي على راحتك..
قامت هيفاء وطلعت من الصالة توها بترقى الدرج الا تركي طالع من المطبخ
تركي:على وين؟
هيفاء وهي تكمل طريقها:على الغرفة..
تركي بصوت بارد:لمــا اكلمك تردين وانتي مو معطيتني ظهرك..
هيفاء وقفت والتفتت عليه وبسخرية:ترا احنا مو في العصر الحجري..
تركي بتهديد:انتي سويها ثاني مرة وشوفي ايش راح اسوي فيك..
هيفاء بغضب:يعني ايش بتسوي..بتحبسني بكوخ مثلاً..لاااا هذا زمن ولى وراح..عن إذنك ياستاذ تركي.
كملت طريقها ركض من غير ماتشوف وراها وكأن الشيطان بنفسه يلحقها..

*************

في نفس الوقت كانت العنود توها قايمة من النوم وتقرا رسالة هيفاء وهي مصدومة من اللي تقراه معقوة ان هيفاء بتسكن مع المتوحش تحت سقف واحد لا اكيد هذي تمزح غيرت هدومها ونزلت تحت عند امها تبي تستفسر منها..
العنود:يمه صحيح ان خالي ومرته انتقلوا لشقة تركي؟
ام حمد وهي تقطع الخضرة للغدا:ايه صحيح..
العنود شوي بتصيح:يــــمه ليش ماخلوا هيفاء تتم معانا.؟
امها هدت اللي بايدها والتفتت صوبها:حاولت لكن ام فهد كانت مصرة انها تروح معاهم..
العنود تفكر بحزن يعني رحتي ياهيفاء وتركتيني لأزمتي لحالي..رقت راجعه لغرفتها وطلعت تلفونها تدق على هيفاء..من ثاني رنه ردت عليها هيفاء بصوت ملهوف.
/\/ المغتربة \/\
/\/ المغتربة \/\
الجـــــ الســادس ــــزء صحت العنود من النوم مفزوعه من الحلم اللي شافته والعرق يتصبصب من جبينها وقلبها يدق بسرعة التفت تشوف هيفاء لقتها نايمة ..الحمدالله ماحست فيني،لبست الروب الصوف فوق البيجاما وطلعت من الغرفة راحت وقعدت فوق السطح الوقت كان لساته بدري كانت الساعه 6 الصبح فقعدت تراقب البيوت وتأمل هدوء الشوارع ..ورجعت تفكر في الحلم اللي شافته ياترى ايش يكون تفسيرة لا والغريبة انه تحلمت فيه اهو بالذات ..شوي الا هيفاء جاية وقعدت بجنبها قعدوا الثنتين ساكتين وكل وحده سارحه بافكارها الخاصة..كانت هيفاء تفكر بالسايق وماتدري ليه تحس انه مب غريب عليها..بس هي لو تعرفه كان من المستحيل تنسى وجه.. العنود التفتت عليها:ماقدرتي تنامين؟ هيفاء التفت على العنود اللي كان وجهها اصفر:لا..وانتي؟ العنود نزلت راسها:شفت حلم خلاني اقوم من النوم.. هيفاء:ايش كان الحلم عنه؟ العنود وهي تحس بدقات قلبها تسارع ومحتارة اذا تقول حق هيفاء ةلالأ؟بس هي عمرها ماخبت على هيفاء شي العنود:تحلمت بفواز.. هيفاء تطالعها بصدمة:فواز.. العنود وهي تهز راسها :ايه لكن الحلم كان يخوف.. هيفاء:كيف يعني يخوف؟ العنود:متحلمه اني قاعده امشي بضباب وامد ايدي عشان اعرف طريقي لكن الضباب كل ماله يزيد وقفت مكاني خايفة الا ايد تمتد لي من الضباب واحد يقولي لا تخافين..مسكت ايده ولما بين الشكل الا هو فواز يطالعني بابتسامه غريبة.. سكتت العنود.. هيفاء وهي معقدة حواجبها:وبعدين...كملي يالعنود؟ العنود وهي تبلع ريقها:انا ضحكت ومشيت معاه شوي الا يوم هدني وخلاني لحالي وانا اركض وراه انادية لكنه اختفى.. تمت هيفاء ساكته ماتعرف تفسير لها الحلم..وبعدين طرا ببالها انه ممكن يكون تحذير علشان العنود تتجنبه.. هيفاء:العنود انتي لازم تتجنبين فواز باي طريقة ممكن يكون ناويلك شر وانتي ماتدرين. العنود:تظنين كذا؟ هيفاء وهي تهز راسها:ايه.. العنود تنهدت وهي موافقه مع كلام هيفاء المره الجاية اللي تشوف فيها فواز بتسفهله حتى ولو فشلها ولا قط عليها كلام بتحاول تمسك لسانها.. العنود التفتت على هيفاء وهي مستغربه:الا انت وش عندك قايمه من صباح الله خيره..غريبة. هيفاء وهي تهز كتفها:لا بس قاعده افكر بالسايق اللي مأجره ابوي.. العنود بأستغراب:خالي مأجر سايق؟ هيفاء:ايــه..لا والسيــارة بنتلي بعد.. العنود بابتسامه:والله منت بهين ياخالي بنتلي مرة وحده..بس غريبة انا اخبر انهم قالوا ان السيارة اللي ماجرينها مرسيدس فان.. هيفاء هنا خافت:العنود انتي متأكدة؟ العنود:لا والله بس هذا الكلام اللي سمعته ..بس احسن انه اجر بنتلي عشان نكشخ فيها.. هيفاء ماكانت مع العنود كانت تفكر اذا كان كلام العنود صحيح معناته ان السايق كان صادق وانه مش سايق..ياربي انا ركبت مع رجل غريب الله يافضيحتي .. العنود لما شافت وجه هيفاء تغيرخافت:هيفاء شفيك..بطنك لساته يعورك؟ هيفاء:هه..يعني شوي بس ابي اسال ابوي عن السيارة ابي اتاكد اذا كانت بنتلي ولا لأ؟ العنود :شفيك كذا مهتمة لهالدرجة بالسيارة.. هيفاء وهي شوي بتصيح:العنوووود اذا كان اللي في بالي صح باموت.. العنود وهي خايفة:هيفاء شفيك تراك خوفتيني؟ هيفاء وهي قايمة بتنزل تحت :بعدين بقولك بس الاول اتاكد.. راقبتها العنود وهي تركض نازلة تحت ..لا البنت شكلها جنت.. ******************* فهد يسمع طق متواصل على باب غرفته فقام حمد وهو معصب علشان يفتح الباب فتح الباب وهو معصب:نـــــــــــــــــعم؟ هيفاء جفلت منه ومن صراخه:آسفه حمد ماكان قصدي ازعجك بس بغيت فهد اخوي؟ حمد وهو يطالعها بنظرة نارية وده يذبحها هيفاء متخرعه منه :حمد قلتلك آسفه ..والله موقصدي. حمد صك الباب في وجهها وهي قعدت مصدومة هذي اول مرة تشوف حمد وهو زعلان اتاري العنود ماتنلام اذا خافت منه.. حمد راح لفهد فقام وضربة بالمخده على راسه فهد قام وهو مفزوع من النوم فهد وهو معصب:صااااحي انت ولا مانت بصاااااااحي؟ حمد وهو مفور:لا صااااحي ماتشوف اختك اللي بغت تكسر الباب بطقها ..ماتخلي الواحد يتهنى بنومه. فهد وهو مستغرب:هيفاء..وش عندها؟ حمد وهو يتلحف عشان يكمل نومه:وان ايش يعرفني.. فهد قام وطلع حصل اخته قاعده بالصاله وهي سرحانه..عساه بس خير.. فهد:هيـــفاء؟ هيفاء رفعت راسها ولقت حمد واقف يطالعها بأستغراب هيفاء:فهد بغيت اسألك سؤال وياريت تجاوبني؟ فهد توتر هذي اول مرة يشوف هيفاء بهالجدية:خير هيفاء فيه شي؟ هيفاء:لا مافي شي بس بغيت اسألك عن السيارة اللي مأجرها ابوي؟ فهد:وش فيها؟ هيفاء:ايش السيارة اللي مأجرها أبوي؟ فهد بغيظ: لا يكون مقومتني من النوم بس عشان تسألين هالسؤال؟ هيفاء:فهد بليييييييس جاوب علي؟ فهد:السيارة مرسيدس فان؟ هنا هيفاء انصدمت لما تأكدت انه اللي ركبت معاه واحد غريب ..يعني كان ممكن يحصلها شي ومحد يدري عنها..بس من يكون وايش يسوي قدام باب الشقة..؟ هيفاء رقت للغرفة وحصلت العنود قاعده تشوف الشارع من النافذة وسارحه بعالم ثاني .نادتها هيفاء وماسمعتها راحت وهزتها الا العنود تطالع هيفاء بعيون كلها حزن..استغربت هيفاء نظرات العنود.. هيفاء: العنود شفيك ياعمري عسى ماشر؟ العنود وهي تأوه: مادري ياهيفاء احس بضيقة..احس اني مختنقه وابغى اتنفس..وفوق كل هذا احس بحزن فظيع.. هيفاء بلطف:طيب ليه تحسين كذا؟ العنود وكأنها طفلة صغيرة لاول مرة ماتعرف ايش تسوي:مـــاعرف ياهيفاء.. هيفاء ابتسمت لها وحبت تخفف عليها فحبت تعزمها على قهوتها المفضلة.. هيفاء:طيــــب ايش رايك اني انا عازمتك على قهوة الشكولات بار.. العنود:والله مالي خلق الطلعه اليوم ياهيفاء.. هيفاء وهي تجرها عشان تروح تبدل:يله قومي بتروحين معي غصبن عليك فاهمة.. العنود:طيب امرنا لله. لما خلصوا البنات راحوا بعد كذا لسلفردج عشان يتغدون ويتسوقون شوية اغراض للجامعه وهم طالعين للطابق الثالث العنود شافت فواز نازل من الطابق الثالث.. فواز التفت وشاف العنود وماقدر يشيل عينه عنها..وهي ماقدرت تشيل عينها منه حست انه في شي يجذبها نحوه بس فواز كسر هالسحر لما سفهلها بكل برود.. كمل طريقه لغاية ماغاب عن الانظار والعنود ماقدرت تركز وهي تتسوق وهيفاء تسألها كل شوي والعنود مو معاها بالمره.. طلعوا من المجمع متجهين للشقة مشي ومروا على قهوة جوري ووقفت العنود عندها وهي تطالع اللي داخل من برا هيفاء التفتت عليها:وش عندك وقفتي؟ العنود وبأبتسامة خبث:فيني فضول ابي اعرف ايش داخل؟ هيفاء بس حمد وفهد محذرينا ان احنا ماندخل هالقهوة؟ العنود:طيب وهم ايش يدريهم. هيفاء بخوف:لا ياختي انتي ادخلي بروحك انا مب داخله. العنود وهي تجرها:يلا عاد لا تسيرين سخيفه بنطلب قهوة تيك اواي.. هيفاء بعناد:انا مب متحركه من مكاني انتي اللي روحي وطلبي.. العنود استسلمت والتفتت على القهوة ودخلت ولما دخلت تندمت انها دخلت كانت مليانه شباب خليجين ولما شافوها الكل سكت وقعد يطالعها بخبث وبعضهم يضحك ويقمز لرفيقة..العنود كانت مرة خايفة..والله اني حمارة انا ايش اللي خلاني ادخل فقامت كملت طريقها للكاونتر وهي تسحب رجولها سحب من الخوف،ولما وصلت للكاونتر عشان تتطلب الاواحد جا ووقف بجمبها وشوي بيلصق بيها فتحركت بعيد عنه الا واحد ثاني جا ووقف من الصوب الثاني يسد عليها الطريق هنا العنود بجد ارتعبت.. الجرسون:شو بدك تطلبي مدموزيل؟ العنود وبصوت خافت:لا انا خلاص مابي شي.. التفتت تبي تطلع الا واحد واقف بطريقها :وش جاب القمر هنا؟ العنود وهي ترتجف:ممكن لو..سمحت تخليني امر؟ الرجال بابتسامه لئيمة: واذا ماخليتك تمرين؟ الا صوت اجش يتكلم بكل برود:اذا ماخليتها تمر راح تشوف شي بعمرك ماشفته. التفتت العنود للرجال اللي تكلم وطلع انه فواز . الرجال التفت على فواز وهو معصب: يعني ايش بتسوي؟ فواز قرب من الرجال بحيث بين طوله وعرضه عند الرجال اللي تراجع وهو رافع ايده..فواز بروحها نظرته تهز الجبل من مكانه التفت عليها وهو يكلمها ببرود: يله خل نطلع.. العنود هزت راسها وطلعت معه ولما اطلعوا هيفاء على طول لمتها من الخوف اللي حست فيه لما شافت الشباب يحوطونها فلما شافت فواز مار ترجته عشان يطلعها من هناك. العنود لما هدتها هيفاء رفعت عينها لفواز اللي كان معصب:فـــواز. فواز انتفض والتفت عليها هذي أول مرة يسمعها وهي تنطق باسمه العنود:مشكور وماقصرت.. فواز مارد عيها بس قعد يناظرها بنظرات غريبة هيفاء:مشكور ياخوي.. فواز التفت على العنود:ممكن اسألك انتي ايش كنتي تسوين؟ العنود نزلت راسه وهي منحرجة:بس فيني فضول ودخلت.. هيفاء شافت تاكسي جاي فراحت تركض تبي توقفه فواز بصوت منخفض عشان هيفاء ماتسمعهم:تدرين لو صار لك شي ايش بيصير لي.. العنود رفعت راسها وهي تطالعه بأستغراب،وكان يطالعها بنظرات حنونه ،جات هيفاء ومسكت العنود عشان يروحون للتاكسي العنود التفت قبل ماتركب التاكسي على فواز وقلبها مثل العصفور المحبوس بقفص ويحاول يطلع وحست ان العنود القديمة خلاص راحت وماعاد ترجع..فواز قعد يراقبهم لين ماغابوا..مستغرب من المشاعر اللي يحس فيها حس انه جزء منه راح معها وماراح يرجع الا برجعتها.. ************** وهي قاعده في مكانها المفضل وتسمع حق راشد الماجد "علمني" وتغني معاه وحاسه نفسها بتطير من الفرحه علمني شلون انساك وانام وانا اللي لك صاجي ايام وايام .... علمني شلون انساك وانام وانا اللي لك صاحي ايام وايام .... شاغلني في بالي شوقك ولا يروح صاحي انا ونايم مايروح مايروح سكرت الووكمان ونزلت تحت ولما دخلت الصاله شافت العيله كلها مجتمعين حمد وفهد ومحمد معاهم يلعبون وهيفاء تكلم وحده من ربعها وامها وام فهد قاعدين يتقهون مع خالها وابوها ،حست ان اليوم مختلف بالمره راحت وقعدت بجمب امها..اللي اول ماشافتها:هلا بعمري ..زين انك فكرتي تنزلين وتشوفين امك وتونسينها بشوفتك.. العنود وهي تضحك:هههههههه..يابعد عمري يايمه..والله كنت تعبانه شوي ولما حسيت نفسي احسن قلت ليه ماروح واشوف امي وابوي واقعد معهم.. ابوها وهو يضمها لصدره:انا ايش اللي مخليني اصدق خرابيطك الا هالكلام الحلو.. ام فهد تطالعهم: الله يخليها لكم ان شالله ..والله وعرفتوا تربون يام حمد.. التفت على فهد اللي ماكان معهم بالمرة وشافته يلعب مع حمد ومحمد . قامت هيفاء وراحت عند ابوها:يبببببه عندي طلب صغينون ياريت تلبيه لي. ابوها وهو يضحك على اسلوبها:هههههههه..امري انا كم هيفاء عندي؟ فهد التفت :ولا وحده. هيفاء وهي تطالعه بنص عيون:هههه سخيييييييف..ردت التفتت لابوها:يبه بغيتك تودينا للملاهي . العنود نقزت وهي تصفق هي ومها:ايييييييييييييييه ابو فهد :خلاص ولا يهمكم ..يله روحوا تزهبوا وان شالله بكرة من الصبح بنمشي.. حمد:عاد اي ملاهي ياخال.؟ ابو فهد:بنروح لبرايتون .. عقب ماتفرق الجميع والكل راح لغرفته عشان يرتاح ام فهد حبت تفتح موضوع من زمان وهو بخاطرها مع ابوفهد وحست ان الحين اهو الوقت المناسب. ام فهد:اقول يابو فهد.. ابوفهد: قولي.. ام فهد:وش رايك بالعنود بنت اختك.. ابو فهد:ونعم التربية..جمال واخلاق وتربية.. ام فهد: ايه والله..لاني بصراحه بغيتها لولدنا فهد.. ابو فهد وهو فرحان:والله وعرفتي تختارين وين بنلاقي احسن منها وزود على انها بنت اختي. ام فهد:خلاص انا بروح الحين اكلم فهد واشوف وش رايه. طلعت ام فهد ورقت فوق رايحة لغرفة حمد ولما طقت الباب فتحلها الباب فهد:هلا يمه.. ام فهد:هلا يمه..حمد موجود؟ فهد:لا مو موجود طلع. ام فهد:زين عشان بغيت اكلمك في موضوع. فهد استغرب هذي اول مرة امه كلمه بهالطريقة لا اكيد السالفه كايدة. لما جلسوا على السريرام فهد اهي اللي تكلمت:فهد انت تدري اني انطر اليوم اللي اشوفك فيه معرس وعندك اولاد..وانت يابعد عمري خلاص ماعاد بقى عليك بالجامعه الا سنه وتخلص.. فهد توتر:فاهم عليك يايمه.. ام فهد:وانا حصلت البنت اللي تليق لك وبتسعدك. فهد:.................. ام فهد: ايش رايك بالعنود بنت عمتك؟ فهد هنا اندهش:العنود.. ام فهد: ايه العنود. فهد:والله مادري يايمه ..لاني ماقد فكرت فيها اكثر من كونها اختي.. ام فهد:انت فكر في الموضوع ورد لي خبر..لانك ماراح تلقى احسن منها. فهد................... ام فهد:يله تصبح على خير.. فهد:وانتي من اهله يالغالية. اول ماطلعت امه فهد قط نفسه على السرير وهو يفكر وش هالورطة انا عمري مافكرت فيها اكثر من اخت بس انا لازم انظرلها اللحين بمنظور مختلف البنت مو قاصرها شي الا بالعكس تقول للقمر قوم واقعد مكانك..قام وهو حاس بضيقة فلبس جاكيته ولبس كاب راضة وطلع رايح للقهوة وهو في الطريق دق على فواز. فواز:هلا ابو عبدالعزيز.. فهد:هلا فواز..اسمع تعال للريشو انا ناطرك.. فواز حس انه في شي:صار دقايق واكون عندك. فواز سكر من فهد وهو مستغرب وش عنده فهد طالبه هالحزه فقام يحث الخطى للريشو.. فهد شاف فواز وهو يعبر الشارع باتجاهه فواز اول ماوصل قعد بجنمب فهد وطلبوا كابتشينو وكان الجو برا برد ومطر،نفض فواز الجاكيت وعلقه على الكرسي . فواز:خيـــر فهد فيك شي؟ فهد: لا والله مافيني شي بس بغيت اشاورك في موضوع. فواز وهو مغضن جبينه:آمر يابو عبدالعزيز. فهد: الوالدة تبي تخطبلي وانا بيني وبينك محتار. فواز وهو يضحك:هههههههههه ..اتاري الاخ بيخطب وانا قلت اكيد السالفه فيها شي كايد. فهد :لا والله بس المشكلة ان البنت انا عادها مثل اختي واذا كنت باخذها لازم ابتدي انظر لها من منظار ثاني. فواز وهو يبتسم :ومن هذي اللي بتاخذك؟ فهد: العنود بنت عمتي... …….. ياتـــــرى ايش بتكون ردة فعل فواز لما عرف ؟ والعنود ايش بيكون ردها للخطبة؟ وهيفاء في احداث كثيرة بأنتظارها.. الجــــ السابع ـــزء فواز حس وكأنه حد صفعه صفعه مؤلمة وحاس ان اللي سمعه مو صحيح فكرر سؤاله على فهد:انت مين بتخطب؟ فهد وهو مو حاس ايش يسوي بفواز:قلتلك بخطب العنود بنت عمتي..بس انت ايش رايك؟ فواز ويحس انه قلبه يوجعه ومايقدر يتنفس:الشور شورك... فهد:الحين انا متصلك وعازمك عشان اسمع شورك مو شوري انا؟ فوازمعد قدر يتحمل القعده فقام خذا الجاكيت وطلع من الكافية حتى قبل لا يلبس الجاكيت فهد استغرب هالحركة من فواز قعد يناديه وفواز مارد عليه وكمل طريقة. فواز حس انه لازم يطلع والا بيرتكب شي بيندم عليه فواز واهو ستند على الحائط وماسك على قلبه..ياربي ليه ..ليه ياربي العنود بالذات.ليه علقت قلبي فيها ليييييييييييييه.. ************* صوت الباب ينطق فقامت هيفاء نطت وافتحت الباب الا حصلت ام حمد واقفة عند الباب تبتسم:هلا هيفاء..وين العنود؟ هيفاء:العنود بالحمام..ليه ؟ ام حمد:لا بغيتها في سالفه.. هيفاء وهي تمازحها:يعني اطرد نفسي واسيبكو لحالكو.. ام حمد:ههههههههه..زين فهمتيها.. هيفاء:افا ياعمتي افا طردة يعني.. ام حمد:ماعاش من يطردك يابنت اخوي.. هيفاء توها بتكلم الا العنود طالعه من الحمام فقامت لمت حالها وطلعت وتركتهم لحالهم. ام حمد جلست على السرير وهي تربت المكان عشان تجلس العنود . ام حمد وهي تسح على شعر بنتها الحريري:العنود يمة تدرين انك كبرتي وصرتي عروس والف من يتمناك.. العنود بابتسامة:يمه ادري بهالكلام كله ممكن تعطيني الزبدة..انا ايش سويت؟ ام حمد وهي فرحانه: خالك يبيك لولده فهد ..ايش رايك؟ العنود هنا اتغير وجهها ن الابتسا مه الى الصدمة من اللي سمعته العنود وقفت بسرعة:يمه انتي ايش تقولين؟ ام حمد وهي مستغربة ردة فعل بنتها:العنود شفيك كنه مو عاجبك الموضوع. العنود وهي ترجى امها: لا يايمه انا اقلت شي بس فهد انا عادته مثل اخوي يايمه وماقدر اتزوجه. ام حمد:طيب انتي لا تقولين شي اللحين انا بعطيك مهلة لمدة اسبوع فكري فيها وردي لي خبر وبعدين فهد الف ن يتمناه لا تنسين هالشي.. امها اول ماطلعت العنود قطت نفسها على السرير وقعدت تصيح ياربي انا ليه حظي كذا يعني اللحين يوم بدا قلبي يتعلق بفواز يصير هالشي شوي الا هيفاء داخلة الغرفة. هيفاء:وووووووه..الجو برا مطر وبررررد مره. لما شافت العنود تصيح انصدمت من شكلها قعدت على السرير تهزها:العنود شفيك امك ايش قالتلك....العنود ردي علي.. العنود وهي تصرخ: مافيني شي .. هيفاء بعناد:لا فيك شي ..قوليلي. العنود:مافيني شي خليني بحالي ..ارجوك ياهيفاء.. هيفاء استسلمت:طيب راح اخليك لحالك لكنك بتعلميني ايش فيك لما تهدين.. اول ماطلعت هيفاء قامت العنود واجلست عند الشباك وهي حاطه جبهتها على الزجاج وتراقب المطر عبر دموعها المتساقطة.. (ياربي تستجيب لدعائي وترشدني لطريق الصواب) اللي ماكانت منتبهتله العنود ان في واحد واقف تحت المطر يراقبها ..فواز كان يتعذب وهو يشوفها بهالمنظر كانت تبكي ومبين على وجهها..كان هذي اول مرة يشوف شعرها وماتوقعه بهالروعه كان مسترسل على كتفها مثل الحرير..تنهد بيأس لأنها مستحيل في يوم من الايام بتكون له ،بروحها ماتحبه ولا تطيقه..وبعدين هي مصيرها مع فهد..هو اللي يستحقها..نظر لها نظرة اخيرة ورفع ياقة الجاكيت وكمل طريقة لشقته.. ************* ثاني يوم الكل كان مستعد للرحلة للملاهي اللي هي (برايتون) وكانت هيفاء لابسة بنطلون جيشي وفوقه فستان زيتي وايشارب يناسب معاه اما بالنسبة للعنود اللي بالمرة ماكان لها نفس تروح للرحلة فلبست جاكيت اوف وايت موديل عسكري وتحته بنطلون جينز اسود وطبعاً كانت لابسة نظارة سوداء تخفي الظلال السوداء اللي تحت عيونها من قلة النوم،هيفاء كانت مرة مو مرتاحة من حالة العنود النفسية والتفتت على فهد أخوها اللي هو الثاني اليوم ماكان طبيعي كان طول الرحلة ساكت ومايتكلم الا لما احد يكلمه. لما وصلوا الملاهي كانوا الكل مجتمعين عند البوابة يتناقشون وين يتلاقون لما يخلصون..الا واحد جاي من بعيد وكان لابس كاب رياضي ونظارات شمسية مخفية عيونه،بس العنود على طول عرفته حتى دقات قلبها تسارعت بشوفته..فواز اول ماوصل قاعد يكلم فهد وعينه مافارقت العنود وحمد ربه انه لابس نظرة عشان يشوفها من غير ماتحس فيه. فهد:اهلااااااااااا..زين انك جيت ياخي كنت معند انك ماتجي.. فواز وهو يضحك:ههههههه ...والله قلت لنفسي بدال ماقعد بالشقة مقابل الجدران اروح واشوف احبابي احسن. هو أول ماقال كلمة احبابي التفت على العنود وكأنه يقصدها بهالكلام العنود ارتجفت ولما التفتت عليه شافته يطالعها وهو يبتسم لها بسخرية حست ان اللون الاحمر طغا على وجهها كله من الحرج،الكل افترق وراح في طريقة. لما قعدوا النسوان مع ابو فهد وابو حمد الاتلفون ام فهد يرن طلعت التليفون من غير ماشوف الرقم. ام فهد:السلام عليكم؟ :هلا والله بهالصوت .. ام فهد مستغربة:نعم اخوي بغيت شي.. :حبيت اقولك اني احبك ومشتاقلك حيييييل. ام فهد عصبت:ماتستحي على وجهك ياولد. تركي: هههههههه خالتي هدي اعصابك شفيك ماعرفتيني؟ ام فهد بابتسامة:هلا والله بالغالي ولد الغالية.. تركي بابتسامة:تسلمين ياخالتي..شلونك انتي انشالله بخير؟ ام فهد:بخير بسماع صوتك ياعمري.. تركي:اجل انا متصل بس ابي ابلغك اني بمرعليكم واشوفكم. ام فهد بعبوس:والله فديتك احنا مو بالبيت اللحين ..بس مو مشكلة مر علينا الساعه خمس وتحصلنا ان شالله. تركي :تم خلاص الساعه خمس انا عندكم ..يالله تامرين بشي؟ ام فهد:مابي الا سلامتك ياعمري.. تركي:يالله فمان الله. ام فهد:بوداعة الله فديتك. ابو فهد اول ماسكرت سألها مين المتصل وقالت له ان هذا تركي وانه متصل بس عشان يمر ويسلم. ابو فهد:انا من شفتك مستانسة..عرفت انه واحد من عيال اختك؟ ام فهد:احبهم يابعد عمري.بس تركي غير من يوم كان صغير وهو الغالي عندي. العنود وهيفاء كانوا توهم طالعين من لعبة قطار الموت والعنود كانت دايخة وتحس ان كبدها تقلب عليها فقامت واستندت على الشجرة وهي تأشر على هيفاء:خلاص ياهيفاء يكفي لعب والله احس نفسي تعبانه... هيفاء وعيونها تبرق اثاره:اي خلاص انتي الثانية لسه في العاب مالعبناها..يالله قومي. العنود وهي تجلس على الارض:لا روحي بروحك انا بريح والحق عليك بعدين. هيفاء:شلون يعني العب بروحي.. العنود التفتت شافت مها جاية باتجاهم:مهااااااااااااا تعالي .. لما وصلت مها:خيرررر؟ العنود:روحي العبي مع اختك مع عندها احد تلعب معاه. مها :وانتي وين رحتي؟ العنود وهي تسند راسها للشجرة:انا تعباااااااااااااااانه وماقدر العب.. هيفاء طالعتها بنظرة استسلام بعدها مسكت مها وراحوا يكملون لعبهم. ************* فواز كان رايح يشتري مويه من الكافتيريا لما لمح العنود وهي مستندة على الشجرة ومغمضة عينها تلفت حوله وراح لمكان ماهي قاعده،فواز وقف فوق راسها وهو يطالعها بابتسامة،العنود حست انه فيه احد يراقبها فحسبتها هيفاء فمنغير ماتبطل عينها:هيووووف خلصنا انا قلت ماراح العب تعبانه ومو رايقتلك.. فواز وبصوت ناعم:سلامتك من كل شر.. العنود افتحت عيونها من الصدمة:فوووووواز.. فواز:وش عندك قاعده هنا لحالك ؟ العنود وهي مرتبكة:لا..بس..تعبت شوي فقلت اريح. فواز وهو يتفرس فيها: نسيت اباركلك. العنود بأستغراب: تباركلي..على ايش؟ فواز ببرود:على الخطبة. العنود منصدمة:انت دريت ..لكن وش اللي عرفك؟ فواز:فــــهد.. العنود ببرود: خل في بالك ان انا لسه مارديت على فهد.. فواز حس براحه لما سمع كلامها وحاول انه يخفي هالشي: ليــــه؟ العنود:اعتقد ان هالشي مايخصك. فواز بغضب:واذا خليته يخصني ..وش بتسوين.. العنود:لااااااا انت شكلك منت بصاحي.. فواز بجدية:واذا قلتلك اني فرحان انك مارديتي عليه واني ابي اخطبك.. فواز مايعرف شلون هالكلام طلع منه بس حس انه لازم يقولها هالكلام. العنود من كثر ماكان قلبها يدق بسرعه حست انه فواز يسمعه: تبي... تخطبني...؟ فواز:ايه ..لاني حبيتك من اول ماشفتك..ولاقدرت اشيلك من راسي حاولت لكن ماقدرت ويوم قالي فهد انه خطبك حسيت اني ابي اقتل فهد لانه فكر ياخذك مني..فانا ابي منك رد يالعنود .. العنود وقفت وهي ماعد تحس برجولها :الرجال المحترم يروح ويخطب البنت من اهلها مو منها.. فواز:بس بغيت رايك انتي بالاول.. العنود ماقدرت تقول شي فهزت بكتوفها وكأنها ماتعرف ايش اهو ردها وركضت بعيد عنه وراحت لمكان ماكانت امها قاعدة وقعدت بجمبها وهي تحاول تهدي دقات قلبها المجنونه. فواز اتخذ قرار وهو انه يروح ويخطبها من ابوها رسمي بس انه كان متردد بسبب صداقته لفهد..لكنه خلاص قرر انه بياخذ العنود حتى ولو حطم هذا صداقته بفهد لان العنود له وماراح تكون لغيرة. ************ كانت الساعه 4:30 فقام تركي ولبس له جاكيت جلد بني ومن تحته بلوزه بيج ولبس معاها بنطلون كاكي اللون ،خذا مفاتيح سيارته وطلع من الشقة وهو مايبي يتأخر على الموعد اللي حدده مع عمته بس الحقيقة انه يبي يشوف ردة فعل هيفاء لما تشوفه. دقايق الا هو واصل لمقصده نزل من السيارة وراح رقى الدرج لغاية ماوصل للشقة ،رن الجرس وهو ينتظر. في نفس الوقت كانت هيفاء توها نازلة من الطابق الثاني لما سمعت الجرس يرن فصرخت للبيت:حــــــــــــــد عند البـــــاب.. فهد اللي كان منسدح على كنبة الصالة:وجـــــــــع انتي وصراخك يعني ماتقدرين تبطلينه.. تركي كان خلال نقاشهم يرن الجرس اللي تنرفز هيفاء لبست شيلتها وهي تصرخ متجه للباب تفتحه:انزين... انزين... حشــــا حرقت الجرس... تركي يسمع اللي تقوله من وراء الباب وهو يضحك عليها.. افتحت الباب وهي معصبة:نـــــــعم؟ لما شافته بققة عيونها من الصدمة:انـــــــت!!! تركي بأبتسامة سخريه: ايه أنــــــا.. هيفاء بغرور بتكبر:خيـر نعم وش تبي.؟ تركي بسخرية: بغيت الوالدة. هيفاء بغضب:بعد ولك وجه تسأل على امي..شوف احسلك تروح قبل لاا تصل على الشرطة فاهم؟ صكت الباب بوجهه ولا عطته فرصة يتكلم.. اول مادخلت الصاله فهد يسألها:مين كان على الباب؟ هيفاءبتوتر:لا مافي حد واحد مغلط يبي الشقه اللي قربنا.. هيفء في قلبهاتقول يارب غروره يخليه متحمل الاهانه ويروح هيفاء كان قلبه يدق بسرعه مثل الطبول خافت انه احد يسمعه من كثرمايضرب وش يبي اكيد يبي يعلم اهلهاباللي سوته.. الا الجرس يرن ثاني مرة فهد قام من مكانه بيروح يشوف مين وهيفاءو قفت في طريقه.. فهديطالعها مستغربوش فيها اخته استخفت.. هيفاء:على وين فهد يطالعها بحمق:وش فيك هيفاء بروح اشوف اللي عند الباب.. هيفاءبدهشه:لا مب لازم واحد مزعج يدورشقة رفيقه.. فهد:انزين ضروري احد يفهمه..ويقوله.. والجرس ظل يرن وهيفاءتحس انه حياتها معدوده كل ماتعدي دقيقه تمنى انه اللي يصير حلم مو حقيقه..فهد يمشي رايح للباب وهيفاء تعترض طريقه تحاول تاخره بس المحتوم صار وفتح فهد الباب حطت هيفاء يدها على وجهها ماتبي تشوف فتح فهدالباب وشاف انه تركي قعد يسلم عليه ويرحب فيه هيفاءكانت تسمعهم رفعت راسها من الدهشة.. فهد:هلا والله تصدق نسيت منك .. تركي:انا قلت كذا لاني معد سمعت منك شي..بعدين وش السالفه ساعه تردون على الباب فهدبضحكه:هذه الله يسلمك اختي هيفاء تقول لاترد اكيد واحد مغلط بالشقه وتحاول تخليني ماافتح.. هيفاء خافت من يوم عرفت انه صديق فهد اكيد ماراح يخش عليه ..هذه الاشكال ماينوثق فيها ذمتهم واسعه..لازم تدخل قبل مايقول حق اخوها وتطلع كلمة الحق من نصيبه ..هيفاء دخلت في نصف المناقشه بينهم ووقفت قدام اخوها..واخوها يطالعها بدهشه.. هيفاء تطالع اخوها: فهد لاتسمع كلامه ترى هذا واحد كذاب..يتبلى على.. فهد حواجبه مرفوعه:هيفاء وش فيك على الرجل ماسوى شئ..؟ تركي يطالع هيفاء بسخريه وعلى فمه نصف ابتسامه..يطالعها كان يسخر من تصرفها.. هيفاءترتجف:انت ماتعرفه هذا واحد نصاب ..يبي يستغلني..على حسابك ارجوك لاتصدقه.. فهديطالع تركي:وش السالفه يارجل قولي عسى ماشر.. هيفاء كانت تبي تكلم بس تركي قاطعها:اختك هذه فتحت الباب..حسيت اني مغلط بالشقه لاني ماتوقعتها تفتح الباب رحت مرتين ورديت مره ثانيه وهي على بالها اني اتحرش فيها.. هيفاء تطالع المجهول وعيونها بتطلع من هول الدهشه وش يقول هذا ..وش يقصد بالكلام اللي يألفه..ليش حاول ينقذ ماء وجهها القصه فيها علامة استفهام..ماتعرفها فهديضحك:هههههه هيفاء سريعة الانفعال بسرعه تزعل تعال حياك الله .. هيفاء مسكته من يده وهمست:وين دخله ..تدخل رجل غريب بيت كله حريم.. فهدبهمس:وش فيك انت هذا ..تركي ولد خالتي جاى يسلم على امي .. هيفاء حست قلبها طاح في بطنها تحس بطنين باذنها ..قلبها يرقع مثل البرق وقفت عيون هيفاء على تركي كان يطالعها بهدوء يلاحق تعابير وجهها استردت كل الذكريات اللي صارت معه وحست بالاحراج من اسلوبها معه كانت دايما تحس انها تعرفه وطلع الخيال واقع كانت طول المده تفكر في المجهول اللي خذا تفكيرها معه وتحس بالذنب انها نست انها مخطوبه و قلبها ملك لخطيبها .. هيفاء تئتئ ماقالت كلمه واحده مفهومه على بعضها فهد دزها من كتفها:روحي داخل ونادي امي ولا تطلعين.. رقت هيفاء الدرج ولقت امها وام حمدفي الصاله الشمسيه بسولفون ويضحكون كان وجهها لونه مخطوف من الصدمه كانت تحس بالحزن لان المجهول اللي كان سبب سهرها..كان سبب مخاوفها السنين اللي فاتت والجروح اللي ماندملت.. ام فهد وحواجبها معقوده:يما هيفاء وش فيك وجهك اصفر..؟ هيفاء رفعت راسها:هلا يما ..لا مافيني شئ ..بس مانمت امس.. امها بحيره:لا وجهك شكله كانك شايف جني بسم الله علينا.. وقفت امها ومسكتها من كتوفها وهيفاء كانت منزله راسها ماتبي امها تشوف الخوف اللي بعينها .. ام حمدبابتسامه:مافيها شئ بس دلع بنات ياام فهد.. هيفاء تصنع الضحكه :أي يما على فكره ترى فهد يبيك تنزلين تحت عشان تركي جاي يسلم عليك .. ام فهدبشك:لا تضيعين السالفه ياهيفاء انا اعرفك زين ..انا بنزل تحت وبرد وبتقولي لي كل شئ.. راحت امها وخلتهم وام حمد تطالعم باستغراب مش عارفه السالفه.. ام فهددخلت الصاله وبوجها ابتسامة كان تركي وفهد يسولفون ومندمجين بالسالفة يوم شاف تركي خالته فز من مكانه فاتح ذراعيه . تركي:هلا والله بالغالية.. ام فهد بتأثر:يامرحبا والله بولدي.. ضمته وهي مشتاقه له حيل ،وقرصته في ايده وهي تعاتبه:اعنبوه يالقاطع ولا كن عندك خالة ,,ولا اشوفك الا بالمناسبات.. وتركي يتصنع الالم:السموحه ياخالتي ..والله اشغال.. فهد يطالعهم ويضحك، التفت تركي عليه:اقول انطم مع وجهك.. فهد راح يضم امه وكأنه طفل صغير:شفتي يمه وش يقولي.. ام فهد تضحك على حركاتهم،تركي:بسك حركات يادلوع ماما وخلك رجال.. فهد فز بصدره:يعني كل هذا ومو مالي عينك.. تركي يهز راسه وهو يضحك والتفت على خالته:الا اقول خالتي. ام فهد:قول يمه.. تركي:وش عندكم ساكنين عند ابو فهد.. ام فهد: ليه انت مادريت؟ تركي وهومقطب جبينه:لا والله مادريت.. ام فهد:البولنديين اللي كانوا ماجرين شقتنا سرقوا المفاتيح وسافروا.. تركي:لا ..لا.. فهد:والله هذا اللي صار فقام ابو حمد الله يطولنا بعمره حلف الا ونسكن معه بالشقة.. تركي وهو يهز راسه:لا هالشي مايجوز..انتي ياخالتي بتجون تسكون بشقتي. ام فهد:لكن ياتركي مانقدر وابو حمد ايش بقوله وانت بعدين وين بتروح. تركي:انا شقتي دورين وانا استخدم الغرفة اللي بالدور الارضي وانتو الدور الثاني كله يصير لكم..اما بالنسبة لابو حمد فخليه علي انا.. يـــــــاترى هل بتوافق عيلة ابوفهد على عرض تركي؟ واذا وافقت ايش بتكون ردة فعل هيفاء؟ والعنود وفواز ايش آخرتها؟ الجــــــ الثامن ـــزء كانت ام فهد تفكر في راي ابو فهد في انتقالهم لشقة تركي ماظنتي بيسمح ابوفهد كرامته ماترضى ..وخصوصا لشقة ولد اختها بعدين هو يفضل انه يسكن في شقة اخته ونسيبه على شقة تركي ..حتى هي قلبها مايطاوعها تخلي رفقه ام حمد وجلستها اللي توسع الصدر وتقعد في شقة لحالها مع عيالها بعد ماتعودت علىشملهم..بس رجعت تفكر في المحور الاساسي خطبة فهد للعنود اذا وافقت العنود من الغلط انهم مخطوبين ويعيشون مع بعض ..لازم تبعد فهد عنها عشان يفكر فيها بطريقه ثانيه وتنقطع منه مشاعرالاخوه ..ام فهد كانت سرحانه ماكانت تحس بالعيون اللي تطالعها.. تركي بهدوء:هاا وش قلتي خالتي ..موافقه؟ ام فهدانتبهت من سرحانها:والله ياولدي الشور شور ابوفهد مب شوري.. انا باخذ رايه الليله وان شاء الله يوافق.. تركي وقف:خلاص على خير قولوا لي رايكم بكره ..عن اذنكم انا استئذن الحين ام فهد:على وين توني ماشبعت منك .. تركي ابتسم:ايش اسوي ياخالتي وراي اشغال ..مع ان الجلسه معك ماتنمل.. تركي حط ذراعه على كتف خالته ومشى معها للباب وفهد وراهم.. ام فهد تطالعه بنص عين:اي اكذب علي بلسانك الحلو ..انا مب ذابحني الا هاللسان.. تركي يضحك:ههههههههه الله يهداك ياالغاليه هو فيها شك اني احبك. فهدبخبث:اي اشغال..ماحد يلعب على امي ..الوالده فطينه تفهمها وهي طايره اسالني انا.. تركي:لا انت حاله خاصه ماعندك اسلوب ولا السان ينقط عسل..تعلم من الخبير اللي قدامك.. فهداللي كان يبتسم عبس:انت يا لزقة عنزروت فارق وورنا عرض اكتافك.. ترى الباب يوسع جمل.. ام فهد التفت عليه مندهشه: ماانت بصاحي تطرد ولد خالتك.. تركي يطالع فهدويحره:اتركيه ياخالتي منك هالا شكال ماتنعطى وجه دخليه مدرسه خاصه يعلمونه الادب.. فهد بقق عيونه كان بيردعليه بس تركي قاطعه.. تركي حب راس خالته:يالله مع السلامه خالتي اشوفك على خير.. ام فهد بحنان:الله يسلمك ياولدي ..الله الله بالطريق لاحد يسرع.. تركي ابتسم:ان شاء الله ..لاتنسين تردين لي خبر بكره.. ام فهد هزت راسها..راح تركي وفهد كان مستند على الباب بكتفه و يطالع تركي بحمق.. فهد وهو يسكر الباب:عاجبك اللي سواه ..اشوفك لسانك علي انا بس.. ام فهد تضحك:ههههههه وش سوى..المسكين قعد يمزح معك ماتقبل المزاح.. فهد يهز راسه:لامزاحه ثقيل يبط الكبد..واللي قاهرني انك وقفت بصفه اجل انا من ولده.. ام فهد حطت يدها على خده:كلكم عيالي ..يحليك يافهيدان تغار على امك .. فهد وهو يضحك:والله كيفي اغار على امي حلالي .. في هاللحظه كانت في الطابق الاول وتحديدا في غرفة البنات هيفاء متغطيه في الفراش ترتجف راسها كان بينفجر من التساؤلات ليش سوى تركي فيها كذا ليش ادعى انه سواق ..ليش تستر عليها وكان اسلوبه مش اسلوب محترم مع خطيبة اخوه..ليش ليش ؟هيفاء غطت راسها باللحاف ودموعها تجمعت بين عيونها تهدد بالسقوط اكيد كان قصده انه يذلني ويستفرد بي لحالي عشان يكمل اللي سواه فيني من سنين ..مرت قشعريره علىجسمها لما رجعت لهاذكرى الحادثه اللي صارت لها رجع قلبها قلب البنت الصغيره اللي تحولت مخاوفها الى صديق رافقها طول هالسنين اللي فاتت والحين لما نستها رجعت مره ثانيه وصفعتها في وجهها ومن نفس الفاعل..انفتح الباب ودخلت العنود وعلى وجهها ابتسامه راحت وقعدت عند التسريحه تمشط شعرها .. العنود:يلا هيوف برزي حالك بنطلع نتمشى ولد خالتك اخيرا طلع.. هيفاء:……………. العنود:وش فيك ماتردين على ..ترى اذا تاخرت بروح واخليك.. هيفاء كانت متمسكه باللحاف بقوه وتطالع الارض سرحانه ..العنود تطالع هيفاء مستغربه كانت مستغرقه تفكر ولا انتبهت لها ..الله يستر لا يكون السالفه لها دخل بتركي..فال السوء مايجي والا يجيب المشاكل معه..قعدت تطالع بنت خالها وهي كاسره خاطرها.. العنود قامت وقعدت على السرير جنب هيفاء ومسكت يدها لقت يدها بارده ترتجف العنود تروعت ..رفعت هيفاء عيونها تطالعها وفي عينها مثل نظره العصفور اللي منكسر جناحه ومابيده حيله كان فمها يرتجف وفجأه انهارت تبكي وطاحت في حظن العنود تبكي كتوفها تهتزوهي تشهق من الصياح العنود انصدمت بس ماكان بايدها الا انها تجاريها ساكته لين تفرغ اللي في خاطرها ..لما هدت انفاسها ونوباتها خفت رفعت العنود راسها حطت يدها على وجه هيفاء العنود بتفكير:هيفاء وش فيك الله يهداك تبكين نوريني.. هيفاء نزلت راسها والدموع تنزل منها بصمت.. العنود ترجاها:الله يخليك ياهيفاء قولي لي انا العنود ليش خايفه.. هيفاء صدت ماتبي ترد عليها .. العنود:اذا ماقلتي لي الحين بروح اقول حق امك وتصرف معك.. بس هيفاء ما حركت ساكن وشعرها كان مغطي وجهها بعد صمت دام دقيقتين هيفاء:مااحد يالعنود يقدر يفهمني.. العنود ارتاحت:جربيني وماانتي خسرانه شئ.. هيفاءتنهدت:تذكرين يوم رجعت من السينما مع فهد لاني كنت تعبانه .. العنود:اي اذكر ساعتها كنتي جايه من الصيدليه وكنت متضايقه.. هيفاء كانت تبلع بصعوبه:يوم رحت الصيدليه صار شئ خطيرماعلمت حد عنه .. العنودوهي خايفه من اللي راح تسمعه:وش صار..؟ هيفاء بتفكيرراحت تسرد لها كل اللي صار والعنود تسمعها وهي منصدمه من اللي تسمعه ..معقوله كل هذا يصير حق هيفاء ولا قالت لها ..ياحياتي ياهيفاء صدق انك عانيت ولا حد حس فيك يالله وش هالبلوه اللي طاحت على راسك قررت العنود تساعد هيفاء وتخفف عليها.. العنود وهي محتاره:انزين وش اللي ذكرك باللي صار هذا كله اليوم..؟ هيفاء وجهها تألم:لان الرجل الغريب جاءاليوم الشقه .. العنود شهقت من الصدمه:وشلون وصلت فيه الجراءه انه ياتيك هنا.. هيفاء وهي تبتسم بحزن:لا وصلته الجراءه.. ولا فهد بعد استضافه بالصاله.. العنود تفكر:متى انا ماشفته ..لا يكون انت قصدك(سكتت من الصدمه)تركي ولد خالتك هو نفسه السايق.. هيفاءهزت راسها وبدت نوبة بكاء جديده.. العنود ماطلبت تفاصيل اللقاء لانها تدري انه بيألمها سكتت شوي بعدين حطت راس هيفاء على حضنها وهي تمسح على راسها والصمت هوسيد الجو العنود صممت انها تطلع هيفاء من جو الحزن اللي هي فيه.. العنود تبتسم:خلاص هيفاء تركي مايستاهل دموعك الغاليه .. هيفاء:العنود انا محتاره ليش سوى فيني كذا انا بنت خالته اولا ومرة اخوه مستقبلا.. العنود بتقطيبة:طيب خليه منك وانسيه ..اللحين قومي صليلك ركعتين وتعوذي من بليس..عشان نطلع. هيفاء تهز راسها رافضة:انتي روحي ..انا بصلي واناملي كم ساعه احس بتعب رهيب.. العنود:خلاص على راحتك..اجل انا بتصل على الهنوف وبطلع معاها..ولما ارجع ابي احصل هيفاء اللي انا تعودت عليها.. هيفاء تبتسم وردت عليها العنود الابتسامه وطلعت.. وهي طالعه دقت على الهنوف واتفقت هي وياها يتقابلون في قهوة ستاربوكس اللي باكسفورد ستريت.. اول ماطلعت من العمارة لفت يمين بنما فواز وحمد جايين من اليسار ودخلوا العمارة متجهين للشقة..العنود لما وصلت الكوفي حصلت الهنوف تنتظر وهي سرحانه وتهز رجولها وكأن صبرها نفذ..رفعت الهنوف راسه ولما شافت العنود ابتسمت وقامت عشان تسلم عليها..وقبل لا يجلسون العنود سألتها ايش تبي تشرب ..وراحت تنتظر بالصف عشان تطلب الا وحده واقفه قدامها وشكل مو غريب بالمره ولما التفت البنت بققت عيونها لانها سارة.. العنود بصدمة:سارة؟ سارة وهي متوترة:هاااااااي عنود..شلونج؟ العنود:بخير الحمدالله انتي شخبارك؟ سارة:الحمد الله. العنود:الا وينك انتي طلعتي ومعد سمعنا منك شي..؟ سارة وهي متوترة:هاه..والله امي دقت علي وكانت تعبانه ..فاضطريت اني اروح .. اشوفها.. العنود بابتسامة:سلامتها ماتشوف شر..وش رايك تجين تجلسين معانا.. سارة:لا والله ماقدر مستعجلة لان احنا بنسافر بعد يومين فلازم اخلص اغراضي.. العنود:حسافه لسنا ماتعرفنا عليك زين..بس ماصار شي يله نشوفك على خير ان شالله سلمت عليها وطلعت سارة من الكوفي والعنود خذت الطلب وردت للطاولة وحصلت الهنوف قاعده تكلم بالتليفون وصوتها باين فيه الحب والهيام.. الهنوف:خلاص حبيبي اكلمك بعدين.. العنود لما سمعت كلام الهنوف مع خطيبها طرا على بالها فواز ..قطعت الهنوف حبل افكارها: الا وينها هيوف ماشفتها؟ العنود:تعبانه المسكينه.. الهنوف:شفيها لا يكون شي خطير.. العنود تهز راسها وهي مو قادرة تشيل فواز من راسها فقررت انها تسأل الهنوف سؤال محيرها وممكن تحصل الاجابة عندها.. العنود:الهنوف.. الهنوف وهي تتفرج على الرايح والجاي:امممممم.. العنود وهي تحوس في الكوب:انتي شلون حسيتي ان سعود هوالرجل مناسب لك؟ الهنوف التفت عليها وعيونها تبرق من سمعت اسم سعود:تصدقين يالعنود آخر انسان اتوقع اني باخذه هو سعود بس لما شفته حسي بقلبي يدق بسرعه وشي هزكياني..وهالشي ماحس فيه الا لما اسمع صوته او اشوفه.. العنود تضحك على تعابيرها:الله يوفقك ان شالله.. الهنوف وهي ترفع ايدها: مشكوره..وانتي يالله يارب يعطيك رجال يستاهلك ويقدرك واهم شي يحبك.. العنود تضحك عليها وهي مرتاحه لانها خلاص قررت وعرفت مين اللي مقدر لها.. *********** في نفس اللحظه كان فواز موجود بشقة ابو حمد وطلب من حمد انه ينادي ابوه عشان يبغاه في موضوع خاص..حمد وفهد استغربوا من فواز. حمد:خير فواز فيك شي؟ فواز:لا والله بس بغيته بسالفه.. فهد:وش هالسالفه اللي تبي ابو حمد فيها.. فواز حاول يتجنب فهد:بس..موضوع خاص،التفت على حمد.ياريت تناديه ياحمد.. حمد:والله الوالد مو موجود يافواز طلع مع ابو فهد. فواز وهو يتنهد: خلاص مرة ثانية ان شالله.. فهد:انا فيني فضول..اموت واعرف انت وش تبي من ابو حمد.. فواز وهو يتأفف: لا حول ولا قوة الا بالله..ياخي قلنالك سالفه..يالله انا استأذن وراي مشوار ضروري.. فواز طلع وترك وراه جو من الفضول والتساؤل ************ هيفاء وهي غارقه بالنوم..شافت نفسها وكأنها رجعت صغيرة وكان عمرها 8 سنين وقاعده ببيت الكوخ اللي بناه لها تركي بمزرعتهم وفجاءه وكأن الكابوس رجعلها ثاني مره ظلمت السما وبدت تمطر وصوت العد يدوي بالسما وجا تركي وسحب السلم الموصل بالكوخ وهي تطالعه من الشبك يركض وتاركها لحالها تصرخ وهي تناديه ..اجلست على الارض وهي ضامة ركبها وتبكي وتحس بخوف وهي تطالع الاشجار حولينها..فجاءة قامت من النوم وهي مرتعبه وجبينها مليان عرق وقلبها يدق بسرعه طالعت الغرفة وهي تحمد ربها انه مجرد كابوس.. خذت جاكيتها وطلعت للسطح تشم لها شوية هوا ..استغربت انه هالحلم بالذات تشوفه اللجين،ممكن لأنها شافت تركي فروادتها اشباح الماضي اللي خلتها تكره تركي لانه هو السبب باللي صارلها..وتذكرت اللي صار لها من سنين وكأنه صاير بالأمس،كانت هي وياه قاعدين بيوم من الايام قاعدين بالكوخ وكان تركي قاعد يراقب من منظاره العصافير وكانت هيفاء تراقبه.. هيفاء:تركي انت ليه تحب تقعد بروحك.. التفت عليها وهو يضحك:احسن انا ماحب العب مع نواف..عشان هالشكل اقعد هنا والعب على كيفي.. هيفاء بطفوله:انا ماحب اقعد بروحي..لاني اخاف.. هيفاء بهالكلام وكأنها عطت تركي السلاح اللي استخدمه بدون رحمه ضدها ..في اليوم الثاني راحت تدور عليه فطرا على بالها انه ممكن يكون بالكوخ فتسلقت السلم ولما ماحصلته اسمعت صوت تحتها ولم طالعت من الشباك شافت تركي بجاكيته الرصاصي يركض ويبتعد متجه للبيت ولما جات بتنزل ماحصلت الدرج..فقعدت تصرخ على تركي عشان يرد السلم لكن ماحد رد عليها الا صدى صوتها فقعدت على الارض والليل بدا يسدل ظلامه وشوي الا يوم امطر الجو..فقعدت تصرخ عسى احد يسمعها ولما حست باليأس انسدحت على الارض وهي تصيح وتسكر اذنها عشان ماتسمع صوت الرعد قعدت ساعات وهي محد وصل لها..الا ايد تهزها بطلت عينها الا هو ابوها فقامت تضمه وهي تصيح..لما نزلها شافت نواف وتركي واقفين مع ابوهم وتركي باين عليه علامات القلق فهيفاء من دون حاسيه راحت تضرب تركي على صدره وهي تشتمه وتحمله المسؤلية..وقعدت ايام من بعد الحادث وهي تعاني في ارتفاع في الحراره..ومن بعدها كرهت تركي وماعاد شافته من بعدها. شوي الا العنود داخله عليها وتمشي بخفه والا بتسامه شاقه حلقها.. العنود :وش عنده القمر قعده يطالع سميه..؟ هيفاء التفت بوجه ميت فيه الحياه:لا بس قمت من النوم حسيت الدنيا ضاقت فيني قلت اشم هواء احسن لي.. العنود وهي مقطبه:هيفاء انا وش قلت لك انسي اللي صاروعيشي حياتك ترى هذا ابليس اللي يخليك تفكرين كذا.. هيفاء تعوذت:تدرين العنود قمت من النوم مخترعه كأن الشيطان بنفسه يلاحقني.. العنود خايفه:عسى ماشر وش حلمت فيه ..ان شاء الله خير.. هيفاء كانت تامل الشارع :حلمت باللي صارمن احد عشر سنه .. العنود:باللي صار بالكوخ.. هيفاء هزت راسها:أيي نفس اللي صارلي حلمت فيه اليوم ..وشلون تبيني انسى وكل اشارات الحادثه تلاحقني.. العنود بحزن:انا اسفه يا هيفاء ماكان قصدي بس كنت ابيك اقوى من كذا ابي تركي اذا شافك يقول هذه مب هيفاء اللي يعرفها.. هيفاء بتقكير:لك وعد مني يالعنود اني بكون قويه وماراح اخلي تركي يخوفني انا مب البنت الثمان السنين الضعيفه.. العنود ابتسمت:هذا هيفاء اللي اعرفها اللي تاخذ حقها بايدها يلاعاد اضحكي فرفشي.. هيفاء تضحك:ههههههههه الا انت وش عندك اليوم فرحانه؟ العنود وهي تتنهد:هيفاء انا حصل لي شي ونسيت اقولك عنه.. هيفاء:ايش اللي حصل؟ العنود:فهد اخوك خطبني.. هيفاء وهي مستانسة:الله يالعنود..احلفي؟ العنود وهي تبتسم:والله..بس فيه شي ثاني حصل لي.. هيفاء:واكثر من كذا..ايش بعد؟ العنود:فواز بعد يبي يخطبني.. هيفاء وهي مصدومه:ايييييييييييييييش؟ العنود وهي تنزل راسها:يوم احنا بالملاهي قلي انه يحبني ويبي يخطبني.. هيفاء:طيب وانتي فكرتي بالموضوع.. العنود وهي متوترة: فكرت فيه كثير.. هيفاء: اسمعيني زين يالعنود على كثر ماتمناك لفهد اخوي بس تضلين بنت عمتي وحبيبتي اهم شي انتي تكونين مستانسه.. العنود:هيفاء انا خلاص قررت.. ياترى ايش بيكون رد العنود؟ وفواز هل بتمشي الامور مثل مايبي ولا...؟ تركي مخطط شي حق هيفاء ياترى ايش بيكون؟ الجـــ التاسع ـــزء طلعت الشمس وجابت معاها يوم جديد ومشرق..العيله كانت مخططه انهم اليوم العصر يروحون كلهم للحديقة والبنات ما كان عندهم مانع بالعكس تغيير جو..فترة الصباح راحت في السوق وطبعاً كانوا الامهات مرافقات معاهم.. كانوا البنات يقايسون بغرفة الملابس والامهات قاعدين برا ينتظرونهم..طلعت هيفاء وكانت لابسه بلوزه جنان..شوي الا مها طالعه ولابسه نفس البلوزه فقامت هيفاء بققت عيونها عليها بحمق.. هيفاء:الله الله..اقول افسخيها لا فسخك بنفسي.. مها وهي مقهوره:بس انا ماخذتها قبلك.. هيفاء بحمق:يعني موفاسختها..طيييييييييييب.. اتجهت لمها بتهديد..مها انحاشت بالغرفة من الخوف وهي تنادي على امها من ورا الباب:يييييييييييييييمه شووووفيها.. ام فهد وهي تهز راسها:هيوف ..شفيك على اختك؟ هيفاء:يعني قلة عليها البلايز تجي تاخذ زيي. ام فهد:شفيها؟ هيفاء بعناد:لا ابي اكون الوحيدة المتميزة.. ام فهد: اذا ماخذتها اختك غيرها بياخذها.. هيفاء:بس مش من اهلنا.. ردت دخلت الغرفة..طلعت العنود من الغرفة وهي لابسه فستان يوصل ليما تحت الركبه وكان لونه احمر قاني فابرز لون بشرتها البيضا وكان طالع يجنن عليها سألت امها عن رايها.. ام حمد:يهبل عليك يمه ..بسم الله عليكي.. العنود:يعني آخذه؟ ام حمد:اخذيه دام انه بخاطرك.. ام فهد ماشالت عيونها منها ..وينك يافهد تشوفها تنهدت وهي تتمنى من كل قلبها ان العنود تكون لفهد.. لما خلصوا من السوق خذوا تاكسي واتجهوا للحديقة وهناك اتخذولهم موقع وحطوا فيها الكراسي..شوي الا ابوحمد وابوفهد جايين ومعاهم اعيالهم..محمد اقترح على مها انهم يروحون يركوبون القارب بس ام فهد رفضت فراحوا ياكلون البط من الخبز.. في مكان ثاني كان فواز يرد على مكالمة سارة اللي صايرله اسبوع وهو متجنبها ..ردعليها من غير نفس:الـــــــو؟ ساره بدلع:هلا حبيبي..شلونك.. فواز وهو متنرفز:بخييير..خير وش بغيتي؟ سارة مستغربة من رد فواز:فواز شفيك جذي .. فواز بسخرية: شفيني. سارة حست انه فيه شي:طيب حبيبي فواز..تدري ان احنا بنسافر باجر.. فواز: لا. ساره حست انها بتصيح من برودته:فواز حبيت اشوفك لآخر مرة قبل لا روح. فوازببرود: آسف ماقدر..مشغول. سارة قعدت تصيح:فواز ارجوووك يافواز انا بموت اذا ماشفتك..وبعدين كلها الا خمس دقايق..وبعدين ماراح تشوفني.. فواز فكر فيها وقال في نفسه كلها الا خمس دقايق في ايش بتضره وبعدها بيفهمها انه خلاص قلبه املكته وحده غيرها.. فواز:اوكي..بس خمس دقايق..نتقابل بالقهوة اللي بالحديقة اوكي؟ سكر منها وماعطاها فرصة تتكلم..وحث الخطا متجه للحديقة يبي ينتهي من هالمسأله نهائياً.. في نفس الوقت كانوا هيفاء وعنود بالقهوة واقفين بالصف عشان ياخذون طلبهم خذت هيفاء الطلب والتفتت على العنود.. هيفاء:العنود انا بودي القهوة حق ابوي وخالي وانتي لحقيني.. العنود هزت راسها.. سارة كانت عند مدخل القهوة تنتظر على نار شوي ولمحت فواز من بعيد جاي ابتسمت مرتاحه.. فواز اول ماوصل الا سارة:هاااااااااااي حبيبي.. فواز ببرود:اسمعي ياسارة بسك من هالكلام..وقوليلي ايش تبين.. سارة وهي تتدلع:حبيبي انا قلتلك ان انا بسافرباجرفحبيت اودعك.. فواز: طيب اذا على هذا ..مع السلامه.. صد عنها عشان يمشي..الا سارة ماسكته من ذراعه وتلفه عليها..فواز التفت عليها وهو متنرفز..شاف اللي واقفه ورا سارة منصدمة من اللي تشوفه..العنود انصدمت لما شافت سارة ماسكه فواز وتترجاه انه يقعد..سارة انتبهت ان فواز مو معاها التفتت لمكان ماهو يطالع وشافت العنود اللي كان وجهها شاحب من الصدمة.. العنود تمالكت نفسها ومرت عليهم ببرود وهي تمشي بسرعه وماسكه نفسها عشان ماتبكي..فواز حاول انه يلحقها بس سارة كانت ماسكته من ايده ..نفض ايدها ولحق العنود وهو يناديها انها توقف بس العنود مو معطيته وجه..فواز من غير مايحس بنفسه مسك ايدها ولفها عليه.. العنود طالعته بكره:هد ايدي .. فواز:مانيب لغاية ماتسمعيني.. العنود من الغضب اللي تحسه بداخلها فرغت كوب العصيراللي بايدها عليه..وصرخت فيه:اذا قربت مني ولا كلمتني لا تلوم الا نفسك..فاهم.. كملت العنود طريقها والتفتت عليه وهي تقوله بسخرية ومرارة:على فكرة بقول حق فهد يعزمك على عرسنا.. صدت منه وهي تبكي منهارة ولما ابتعدت عنه بحيث انه مايشوفها قعدت على كرسي وقعدت تفرغ اللي بقلبها من حزن حست انه قلبها يتفتت .. فواز اللي كان واقف بمكانه منصدم..يعني خلاص كل شي انتهى والعنود راحت منه.. سارة وصلت عنده وهي معصبه:يعني هذي اللي ماخذه عقلك ..العنود.. اشوفك تقولي ابتعدي عنهم ومابي اشوفك وياهم..اتاريك ناوي عليها.. فواز التفت عليها وعرق بفكه كان ينبض من كثر ماهو معصب..سارة لما شافته بهالشكل لمت حالها وراحت وبعد كل شي اهي اصلاً ماكنت تحب فواز بس كانت تمرح معاه ..بس حست بفرحه عظيمة انها خربت بين فواز والعنود.. ************ هيفاء لما شافت ان العنود تأخرت راحت تبي تشوف ايش اللي مأخرها..شافت العنود قاعده على الكرسي وهي منزلة راسها وتبكي هيفاء لما شافتها ركضت لمكان ماهي قاعده .. هيفاء بخوف:العنود عسا ماشر شفيك؟ العنود من غير ماترد ضمت هيفاء وهي تصيح ومن بين صياحاها كانت تردد جملة((ابي ارد السعودية))..هيفاء استغربت حالها طلعت موبايلها واتصلت على امها وقالت لها ان العنود تعاني من صداع وراح يردون الشقة..سكرت من امها والتفتت على العنود:العنود يله قومي بنروح الشقة..وهناك بتقوليلي ايش فيك؟ العنود وعيونها مليانه حزن:هيفاء انا ماعاد لي مكان هنا انا ابي ارجع الرياض.. هيفاء وهي مقطع قلبها شكل العنود:طيب ..يالعنود بس انتي اللحين قومي خلينا نروح الشقة وهناك يحلها الف حلال.. خذولهم تاكسي للبيت،ولما وصلوا العنود اتجهت مباشرة للغرفة وهناك طلعت شنطة ملابسها وحطتها على السرير وقامت تحط الملابس فيها بشكل هستيري وهي تبكي بحرقة..وهيفاء تراقبها مستغربة هاذي اول مرة تشوف العنود بهالشكل..شوي العنود طاحت على ركبها وهي تكرر كلمة واحدة:اكرهــــــــــــــــــــه..اكرهــــــــــه.. غطت وجهها بايدها وبدت نوبة بكاء جديدة..هيفاء قربت منها وضمتها وهي تحاول تهديها وبعد فترة هدت العنود.. هيفاء بلطف:العنود..شفيك ترى خوفتيني؟ العنود:فواز ياهيفاء..فواز.. بدت دموعها تنزل بصمت هيفاء بأستغراب:فواز..شفيه..صاير له شي؟ العنود:النذل..طلع خاين وراعي بنات..تخيلي اليوم صدته مع مين.. هيفاء:مع مين؟ العنود:مع ســـاره.. هيفاء انصدمت من كلام العنود ..هي من اسمعت ان فواز بيخطب العنود وهي حاسه ان هالخطبة ماراح تتم..رفعت العنود من الارض.. هيفاء:العنود انتي ارتاحي انا بروح احضرلك كوباية عصير.. هيفاء طلعت من الغرفة عشان تجيب العصير..العنود حطت راسها على المخدة وغمضت عينها تبي تطرد من راسها ذكرى الحادثه..بس حتى وهي مغمضة عينها يطلعلها فواز بضحكته وغمزته اللي دايماًً ملاحقتها حتى بأحلامها انهمرت عيونها وهي تتأوه بألم.. هيفاء لما رجعت حصلت العنود نايمة..ماحبت توقظه سكرت الباب ونزلت تحت عشان تشوف اذا فيه فلم يعروضنه عشان تشوفه.. ****************** فواز طلع من الحديقة وهو حاس انه روحه طلعت منه وماراح ترد خلاص..عبر الشارع وهو منتبه للسيارة اللي جايه صوبه مسرعه..كل اللي يتذكره فواز صوت فرامل السيارة وهي تحاول تتفادى الحادث .. من بعيد كان فهد وحمد يسولفون لما سمعوا صوت اسعاف جاي من بعيد الكل ذكر الله .. فهد:لا اله الله..عساه خير.. حمد:هذول البريطانين وسواقتهم..مب صاحيين.. ام حمد:تعوذ من بليس.. حمد:اعوذ بالله من الشيطان الرجيم...التفت على فهد:الا فهد دق على فواز شوف وينه خل نروح له بدال مقابل الاشجار.. فهد وهو يدق على فواز:اللحين بشوف وينه ..شوي الا فهد:مايرد ..ممكن يكون مشغول ولا شي..وشرايك نروح السينما..؟ حمد:يله قوم.. ====== فهد وهو بالسينما رن تلفونه ولما طلعه شاف رقم غريب عليه رد الا واحد اجنبي يكلمه.. ..:hello فهد:hi..who is this ..:hi im calling from the hospital.! do u know fawaz فهد بأستغراب: him. his my friend yes I know الدكتور: im sorry to tell u that he had an accident فهد انصدم:which hospital? فهد خذا العنوان منه وشكره..التفت على حمد:فواز مسوي حادث ياحمد.. حمد انصدم:عساه مو خطير بس.. فهد وهو يقوم يبي يطلع:والله مادري ياحمد بس شكله مو بسيط.. فهد وحمد لما وصلوا سألوا عن فواز قالولهم انه لسه بغرفة العمليات ولما سألوا الممرضة شلون صار الحادث..هزت كتوفها برد انها ماتعرف..راحوا الشباب وقعدوا بغرفة الانتظار ومرت عليهم ساعتين ولسه مافي رد..شوي الا تلفون حمد يرن ولما شاف الرقم الا اهي امه:هلا يمه.. ام حمد: حمد وينك فيه ؟ حمد:بالمستشفى.. ام حمد مخترعه:مستشفى عسى ماشر..فهد فيه شي؟ حمد:لا يمه حمد بخير بس واحد من ربعنا مسوي حادث ورايحين نشوفه.. ام حمد تنهدت مرتاحه:وشفيه؟ حمد:مسوي حادث.. ام حمد:ان لله وان اليه لا راجعون..وعساه بخير.. حمد:اي بخير يمه الولد للحين بغرفة العمليات وشكل حالته خطيرة. ام حمد:الله يعافيه ويشفيه ان شالله.. حمد:ايه والله يايمه..ادعيله تراه رجال وفيه خير يستاهل الدعوه عشانه.. ام حمد:طيب فيه احد بلغ اهله.. حمد:لا لسه ننطره يطلع من العمليات.. ام حمد:خلاص فديتك مع السلامه ..وبعدين طمني عليه يبه. حمد:ان شالله.. حمد اول ماسكر من التليفون الا الدكتور داخل ويبحث عن احد شافهم وعرف انه هم من قرايب فواز لانهم الخليجين الوحيدين بالغرفة فتوجه لهم..حمد وفهد وقفوا وهم يحسون انه في شي مو طبيعي وكأن الدكتور جايب لهم خبرية مو زينه بالمره.. ***************** ام فهد كلمت ابو فهد بموضوع الانتقال شقة تركي هو صحيح كان رافض لكن ام فهد فهمته وجهة نظرها انه ممكن العنود توافق على فهد ويصير الموقف حرج بالنسبة لهم انهم يعيشون تحت سقف واحد..ابو فهد مالقى الا انه يوافق.. ام فهد وهي تدق على تركي عشان تخبره..شوي الا تركي يرد.. تركي:هلا والله بالغالية.. ام فهد:هلا يمه..شخبارك؟ تركي:بخير دامك بخير..انتي شلونك؟ ام فهد: احمدالله..تركي انا كلمت بس عشان ابلغك اني كلمت ابو فهد بالموضوع وهو ماعنده مانع ان احنا ننتقل عندك.. تركي وهويبتسم لحظه:خير ان شالله انا بكره ان شالله بارسل لكم سايق عشان ينقل اغراضطم. ام فهد:مشكور وماقصرت ياولدي.. تركي: افا ياخالتي هذا كلام مايحتاج تشكريني البيت بيتك.. ام فهد: ماتقصر والله.. تركي:خلاص يالغالية توصين بشي ثاني؟ ام فهد:مابي الا سلامتك.. تركي:يالله فمان الله.. ام فهد:في وداعة الرحمن.. سكر تركي من خالته وهو مستانس انه الخطة تمشي مثل مايبي هو والحين هيفاء صارت تحت عينه ..وبيحاول يعرف منها اهي وش تبي من زواجها بفواز.. وبيحاول بأي طريقة انه يفك هالخطبة.. في نفس اللحظه كان نواف يكلم هيفاء وهو متضايق:والله ياحبيبتي متضايق حدي.. هيفاء:ليه عسى ماشر.. نواف:تركي مادري شفيه متصل علي من كم يوم وامر اني اروح واخلص الشغل اللي بالامارات وهذي اول مرة يطلب فيها تركي مني اني اخلص شي.. هيفاء حست انه تركي وراه شي ولا ليش يطرش نواف للامارات :معليه حبيبي انت استحمل بعد هذا اخوك العود.. نواف بغيرة:اشوفك دافعين عنه.. هيفاء:لاادافع ولا شي انا ماقلت الا الصدق.. نواف:لا انتي شكلك نسيتي هو وش سوى فيكي.. هيفاء ازعلت من اسلوب نواف:نواف انت شفيك؟ نواف تنهد بأسف:آسف..بس من اجيب طاريه اتنرفز..تدرين انه مو راضي بخطبتنا؟ هيفاء وهي مستغربة:ليه؟ نواف:مادري بس لما قلته اني خطبتك زعل وحاول يردني منك..بس انا مارضيت.. هيفاء بحمق: وهو ايش يدخله اذا باخذك ولا لأ؟ نواف :هذا خليه منك..انزين حبيبتي اخليك اللحين.. هيفاء ودعت نواف وهي قلبها قابضها،تحس ان تركي ناويلها شي ..طيب هو ليش مو راضي بالزواج..ياترى ركوبي معاه بالسيارة لما ماقلي من يكون هل يكون يختبرني..تنهدت ورقت طالعه للغرفة الا العنود طالعه بتنزل تحت وحالتها كانت كسيفه .. هيفاء:ها عنود شلونك اللحين؟ العنود هزت راسها ونزلت تحت وهي في راسها شي واحد تبي تسويه وتنتهي راحت لغرفة امها ولقتها قاعده على السرير تقرا قرآن ولما شافت العنود وشافت شحوب وجها سكرت القرآن..ونادتها عشان تجلس بجمبها.. ام حمد:ان شالله احسن اللحين؟ العنود وهي تحط راسها بحضن امها:احسن والحمد الله.. ام حمد بقلق:والله للحين لونك مو طبيعي..تبيني اوديك لطبيب؟ العنود هزت راسها علامة الرفض..رفعت راسها من حضن امها وهي تطالع امها بتصميم:يمه انا خلاص قررت ..وموافقه اني آخذ فهد ولد خالي.. ام حمد استانست على هالخبرية بس حاسه انه العنود تقولها بغير قناعه: يمه انتي متأكدة من انه هذا اللي تبينه؟ العنود نزلت عينها وبعدين رفعتها وبكل ثقة:ايه يمه متأكده.. ام حمد بفرح: هذي الساعه المباركه والله..وانا عارفه ان فهد بيسعدك.ز العنود بتفكير وحزن سعادتي الوحيده بتكون مع واحد بس لكن هو اللي خرب كل شي بخيانته.. ام حمد ومو حاسه:خلاص حبيبتي انا ببشر ام فهد..بس اللحين ابي اكلم حمد اخوك واشوف شخبارهم.. العنود وهي مقطبه جبينها: ليش يمه حمد فيه شي؟ ام حمد:لا بسم الله عليه..واحد من ربعهم مسوي حادث ويقولي حمد ان حالته خطيرة.. العنود ماتدري ليش قلبها نغزها: يمه منهو من ربعهم ماتعرفينه؟ ام حمد:لا ماقلي حمد منهو..بس مانقول الا الله يعينه ويشفيه.. العنود:اللهم آمين.. العنود حبت راس امها وطلعت من الغرفة ورقت للسطح وجلست على الكرسي وهي تفكر هل معقوله ان فواز كان يكذب عليها بكلامه ..وانها ممكن تكون نزوة من نزواته..لا مستحيل لأن فواز لما قلها انه يحبها كان الصدق امبين بعيونه وبصوته..تنهدت بحزن ليه يافواز تسوي كذا..ليه قلبي حبك وتعلق بيك..انهمرت دمعه حارة من عينها ومسحتها وهي متضايقه من نفسها انا ليش اذرف الدموع له واهو مايستاهل انا لازم انساه ..انا خلاص باتزوج فهد.. اللي مو عارفه فيه العنود ان تركي بالمستشفى قاعد يصارع الموت وحالته كانت خطيرة بالمرة والدكتور قال لفهد و حمد انه فواز ممكن يدخل غيبوبه بسبب الضربه اللي براسه..هم عملوا اللي عليهم لكن بالنسبة للغيبوبه مايقدرون شي لأن هالشي مرتبط بالوقت.. فهد انهار على الكرسي وهو ماسك راسه بين ايدينه:لاحول ولا قوة الا بالله..اللحين ايش الحل؟ حمد التفت على فهد: فهد لازم احد يبلغ اهله لايصير بفواز شي وهم مو موجودين.. فهد قطع كلام حمد وهو معصب: حمد لا تقولها ..فواز ان شالله بيعيش..بالنسبة لأهله انا عندي رقم بيتهم بالرياض و بروح ادق عليهم وانت شوف الدكتور اذا بيسمحلنا نشوفه.. حمد راح للدكتور عشان يستفسر منه اما فهد فشاف الساعه لقاها الساعه 11 بالليل معناتها الساعه 1 بالرياض توك على الله ودق على بيتهم وهو متضايق انه بيقوهم هالخبر..قعد التليفون يرن ومحد شاله كان بيسكر الا صوت ناعم يرد عليه:الـــــــو؟ فهد:................ : الــــــــــــــــو...! فهد بلع ريقه: السلام عليكم. : وعليكم السلام. فهد وهو يسمع صوتها الساحر نسى هو متصل ليش..تعوذ من بليس وتمالك نفسه:اختي هذا بيت فواز العالي..؟ : ايه اخوي بس فواز مو موجود.. فهد:انا عارف بس حبيت اكلم الوالده.. بأستغراب: الوالدة نايمة..في ايش بغيتها؟ فهد تنفس بقوه: بس بغيت ابلغكم ان فواز مسوي حادث. بصدمة:اييييييييييييش؟ فهد:آسف اختي بس الحادث ترى مو خطير..شي بسيط..عفواً من معاي؟ الصوت بخوف: انا اخته..طيب فواز وينه ما يكلمني. فهد وهو خايف من انه ينفضح: فواز اللحين نايم يرتاح بس هو موصيني انه اكلمكم وابلغكم..وياريت تجون لندن. اخت فواز بخوف:نجي لندن؟..معناته الحادث مو بسيط.. فهد: والله مافيه شي بس شوية كسور برجله وايده.. يارب تعذرني حلفت كذب اخت فواز:مسكين ياخوي..خلاص مشكور اخوي وماقصرت.. فهد مايدري ليش مايبي ينهي المكالمه بس هو شاف حمد جاي صوبه:العفو اختي..وصك الخط حمد وهو يوقف قدامه: الدكتور قال نقدر نشوفه بس لمدة 10 دقايق. فهد :خلاص خل نروح نتطمن عليه..انا خلاص بلغت اهله.. حمد:شلون تقبلوا الخبر؟ فهد نزل راسه وهو يتذكر صوتها:كذبت عليهم وقلتلهم ان الحادث بسيط.. حمد بدهشه: كذبت عليهم..منت بصاحي؟ فهد:ياخي ماقدرت اقولهم بالتلفون الأفضل انهم يجون ويشوفون حالته بنفسهم.. دخلوا على فواز اللي كان موحاس فيهم وكان لونه شاحب شحوب الموت وراسه مضمد وحاطين عليه جهاز تنفس وجهاز مراقبة النبض..فهد حزن لما شاف رفيقة بهالحاله..وماقدر يصدق ان فواز اللي دايماً كان نشيط ومرح يصير له هالشي.. ************* ام فهد فرحت لما سمعت اللي قالته ام حمد:فرحتيني يام حمد.. ام حمد:مبروك يام فهد..هذي الساعه المباركه اللي ناسبناكم فيها.. ام فهد:الله يباركلك..الا قولي يابختنا بالعنود..لو نلف الديرة مانحصل مثلها.. ام حمد:تسلمين يالغالية.. ام فهد:اجل العنود وينها عشان اسلم عليها.. ام حمد:تعبانه شوي رقت لغرفتها عشان تنام وترتاح.. ام فهد:سلامتها ماتشوف شر..خلاص انا ببشر فهد،الا صحيح هالولد وينه لهالحزه الساعه صارت 11 وهو للحين مارد لاهو ولا حمد ولدك.. ام حمد تبتسم: هم بالمستشف عند واحد من ربعهم مسوي حادث وشكلهم مطولين والاحسن ان احنا ننام والصباح رباح.. ام فهد:وانتي الصادقة..يله تصبيحن على خير.. ام حمد: وانتي من اهله.. الكل اتجه للغرفة عشان ينام بس ثنتين اللي النوم مازارهم بهالليلة العنود اللي كانت قاعده فوق السطح وتناظر البدر وتفكر بمستقبل خالي من فواز..وهيفاء اللي كانت منسدحه على السرير وتفكر في الايام الجاية بترقب تركي مستحيل يقعد مكتوف الايدين ويخلي الزفاف يصير وهو مو راضي..اكيد مجهز لها شي بس هي بتكون مستعده له..وبتحارب .. العنود من وين هي قاعده بمكانها سمعت صوت سيارة توقف عند عمارتهم طلت على اللي تحت الا هو حمد وفهد..وحمد كأنه يخفف على فهد.. حمد:فهد اذكر الله اكيد انه الله بيفرجها.. فهد برجاء:الله كريم ياحمد..الله كريم.. العنود حست ان حالة صديقهم خطرة ولا ليش فهد متوتر وخايف كذا..العنود راحت وقعدت مكانها وهي تفكر اللحين فواز ايش قاعد يسوي ..اكيد عند ست الحسن والجمال سارة..هزت راسها وهي تحاول تمسح الصورة اللي طلعت ببالها.. وهي تتردد على نفسها انا لازم انساه ..لازم.. ياترى هل بيرد فواز ولا بيستسلم للموت؟ والعنود هل بتهتم اذا عرفت باللي صار لفواز ولا لأ؟ وهيفاء ياترى ايش مخطط لها تركي؟ الجـــــ العاشـــــر ــــزء مرالليل بطئ على غير عادته يحمل في ثناياه الآم ..كان هناك فواز اللي يتالم من اثار الحادث..وفي عقله خيال شخص مالوف يشبه الملاك ويتمنى انه يلمسه ..كان مرافقه طول ماهو في الغيبوبه كان فواز مستسلم للموت وحالته النفسيه قبل الحادث ماشجعته انه يكافح عشان حياته لان حلمه الجميل انتهى وبدأ فصل موحش بدون البنت اللي سرقت قلبه ..كانت العنود صورة الملاك اللى ساعدته على استرداد الحياه ..كان كل ما غاب في غيبوبه سمع العنود تناجيه انه مايتركها ..وكل مامدت يدها يبي يوصل لها حس بخيبة امل لان اللي شافه مجرد وهم ..كانت العنود هي السبب اللي قرر منه انه يشفى من مرضه ..صمم فواز مع كل نبضه في قلبه تنبض عشان محبوبة قلبه العنود انه يكافح عشان مستقبله معها.. بينما العنود قلبها يذرف دموع الالم والخساره اللي ما حستها الا من عرفت فواز..وتشعر بنفس الوقت بالخزي من نفسها لان قلبها ضعيف ظل يبكي على واحد خاين مايستاهله استغل سذاجتها وفي الاخير مرغ بكرامتهاعلى الارض ..فكرت العنود انها مب اول واحده تحب من طرف واحد من يدري يمكن انساه مع مستقبلي مع فهد ..اكيد بتنساه مع الوقت هذا مؤكد ..يالسخرية القدرفي بنت في ليلة خطبتها تبكي عشان رجال ثاني ..عند البنات غيرها هذه تعتبر اسعد ليله في حياتهم.. اما انا فهذه نهاية نهاية فصل مؤلم من حياتي وبابدء حياه جديده مع فهد .. **************************** اشرق النهار بالضوء والانتعاش مع جودافئ تغرد معه الطيور ..والندىيرطب الورود كان الجو صافي خالي من الهموم غسل معه ظلمة الليل وعبوسه وينبئ بيوم جديد.. كانت الساعه 8 الصبح بلندن لكن في بيت بو حمد كن الكل صاحي ومتنشط عدا العيال والبنات ..وكل واحد منهم سهران لااسبابه الخاصه ..في المطبخ كانت ام حمد تطبخ الفطور وام فهد كانت في الصاله تسبح بالمسباح.. شوي ودخلت ام حمد حطت الفطور على طاولة الطعام ونادت لام فهد تنضم لها ..بس ام فهد راحت تنادي زوجها ونسيبه واجتمعت كبار الاسره على الفطورومااسرع مانضمت مها لهم تشارك ابوها السوالف وتغيضه.. ابو حمديطالع مرته:ام حمد وين العيال مااشوفهم فطروا..؟ ام حمد تبتسم:يعني هي غريبه عليك الله يهداك من متى العيال صحو معنا.. ام فهد غمزت لام حمد:الا مابشرتكم العنود وافقت على فهد.. ابو فهد كان بيغص باللقمه:صدق اللي سمعته ..الله يبشرك بالخيروالله انه احلى خبر سمعته العنود بنتي الغاليه ومنيتي انها تاخذ ولدي.. ابوحمديربت على ظهر نسيبه: شوي شوي يارجال لاتغص ..حنا اللي ماراح نلاقي احسن من فهد رجال والنعم فيه.. ابو فهد يضحك:هههههههه تسلم يالغالي .. ام حمد : ابوحمد ماقالك محمد انه يبيك توديه ديزني لاند ستور عشان يشتري اغراض المدرسه.. ابوحمد يقطب حواجبه:بلا قالي امس الا هووينه مابين..؟ ام حمد تضحك:تصدق من يوم شاف كلب جارتنا العجوز الانجيليزيه وهو متعلق فيه مقابله ليل نهار.. ام فهدباستغراب:توبدري على اغراض المدرسه .. ام حمد تنهد:ماتعرفين هذا الولد اذا حط شئ براسه لازم يسويه.. ابوحمد:انزين ليه ماتودينه انت لازم انا.. ام حمدتفسر:قلت له بس مافي فائده يبيك انت..وده عن خاطره المسكين.. ابو حمدبعناد:مسكين الا مدلع ماتعود حد يقوله لا .. مها تطالع امها:وانا بعد يما ابي اغراض مدرسه.. ام فهدبغضب: اقول انثبري بس.. حمد بزر مايفهم انت بتقلدينه.. مها تطالعها بنظرة تانيب:يبا قولها توديني.. ابو فهد حط يده على راس بنته:اسمعي كلام امك الحين وانا بنفسي بوديك بعدين.. ابوحمدبحنان:معليه يامها انا بوديك .. مها نقزت من مكانها:هيه يحيى خالي..يااحلى خال بالدنيا راحت مها تبوسه على خده وابو حمد يضحك عليها.. ام فهدعصبت:مها! قلت انا بوديك..بعدين مب حزة مدارس عشان تشترين.. ابوحمد:ام فهد وش فيك على البنت خليها انا بوديها واصلا انا كذا ولاكذا انا رايح عشان محمد .. ابوفهد هزراسه برفض:لا يابو فهد البنت موذيه بتضايقك..وانا مابيها تخرب بالدلع كل شئ تبيه يصير.. ابوحمدباصرار:يابو فهد انا معزم اني اخذها وحرام عليك برد خاطرها شوي.. مها تطالع ابوها بنظره مسكينه عشان يشفق عليها.. ابوفهد وهويرفع اصبعه:اه منك تعورين قلبي ..مااقدر اقاومها.. ام فهد:بس بشرط انكم ترجعون بدري عشان حنا بنروح شقة تركي.. طلعت اصوات معارضه من ابو حمد ومرته بس ابو فهد حاول يرضيهم بالكلام الطيب ابوحمد وهوزعلان:لا لا مايصيراحسبك بتشيل هالفكره من راسك ..انت الصراحه زعلتني انت مب غريب يااخي في بيت اختك.. ام حمد بحزن:ياخوي حنا نبي جمعتكم والله انها ابرك السفرات ..نفطر على سفره واحده مب مثل اول.. ابوفهد كان لام يده في حضنه و يفكر:والله ياختي انا ماكنت ناوي على الطلعه بس لما انخطبوا العيال مانقدر نخليهم يقعدون في دار وحده.. ابوحمد نزل راسه متفهم:ابوفهد معه حق مايصح نخليهم مع بعض ولا ماراح يتشوقون للزواج اذا شافوا بعض واجد.. ام حمد وكانها رضخت للامر الواقع :اللي تشوفونه مادام هذا الصواب.. ام فهد مدت يدها تمسك ام حمد:خلاص لاتزعلين يام حمد اوعدك انك بتشوفيني لين تملين من شيفتي.. ام حمد تبتسم:ههههههه الله يهداك يقطع لساني قبل مااقوله ولاانت قعدتكم تنمل.. ابو فهدبدفئ:يلا يام فهد روحي قومي هيفاء من النوم عشان توضب اغراضها.. ام فهد:خلها تنام شوي مانامت الا متاخراذا جاء وقت الصلاة بقومها.. ابوفهد:لالا.. انت ماتعرفين بنتك وش كثر اغراضها كانها بتهاجر تقوم الحين احسن تفطر وتنشط شوي .. قامت ام فهد من الطاوله عشان توقظ بنتها والعايله مستغرين بالسوالف رقت ام فهد الدرج وفتحت غرفة البنات لقت الغرفه مبهدله تعجبت من حال الغرفه قعدت على السرير بهدوء عشان العنود ماتحس فيها وهزت بنتها من كتفها.. ام فهد تهمس:هيفاء ..هيفاء!!(هيفاء تمتم كلمات مب مفهومه) قومي .. هيفاء تكلمها عين مفتوحه وعين مسكره:يما حرام عليك مانمت الا كم ساعه.. ام فهد تنهدت:ادري يايما ..قومي عفيه عليك.. هيفاء رفعت راسها تأفف:انزين كم الساعه الحين ..؟ ام فهد:الساعه 9الصبح..يلا بعدي بنتي الجيده.. هيفاء بققت عيونها تصارخ:الساعه 9 الصبح..عسى ماشر يايما وش الطاري توقظيني مع الفجر..كيفك انا تعبانه وبنام.. ام فهد عصبت وهي تطالع العنود خايفه انها تصحى:هيفاء!!! ووصمه انجنيت تصارخين.. بتقومين يعني بتقومين.. هيفاء كانت حطه اللحاف فوق راسها ومطنشه لامها:لا ماراح اقوم الا اذا عطتيني سبب مقنع.. ام فهد تذكرت انها ماقالت حق هيفاء:هيفاء يما انا ماقلت لك انه حنا بنطلع من شقة عمتك و ننتقل للشقة تركي.. هيفاء رفعت اللحاف من راسها بسرعة البرق:تركي !!لا يايما انا لوتطربق السماء على الارض ماراح اطلع .. العنود قامت من صراخ هيفاء:وش السالفه خالتي وش فيها هيفاء تصارخ ..! هيفاء كانت تنفس بقوه من الغضب وامها تطالعها بنظره تمنت هيفاء ان الارض تنشق وتبلعها .. ام فهد:استانست يوم صحيت بنت عمتك ..ماينفع معك الكلام.. العنود تطالعهم ومش فاهمه وش السالفه .. هيفاء حست بتانيب الضمير:العنود نامي انا وامي نتكلم في موضوع خاص واسفه اني ازعجتك.. ام فهد كانت تنطر العنود تحط راسها وتنام عشان تكلم هيفاء..ولما خمدت العنود ام فهد بجديه تامه:مافي بيني وبينك كلام ..انا امرتك وبتطيعيني ولا ابوك اللي بيتصرف معك.. هيفاء عرفت من لهجه امها مافي مجال للنقاش..سكتت ونزلت راسها مستسلمه.. وقفت رايحه للباب:يلا ابوك يستنانا تحت ظبي اغراضك ونزليها.. هيفاء قبل ماتطلع امها:يما سؤال اخير من فكرته انه نسكن في شقة تركي..؟ ام فهد التفتت باستغراب:تركي عرض علينا هالفكره وابوك وافق ..ليش السؤال؟ هيفاء وجهها صار من الغيظ:لا ولاشئ ........ اول ما طلعت امها من الغرفه راحت للبلوكونه تفرغ اللي في قلبها بدون ماتحس العنود.. مر نسيم لندن البارد على جلدهاوكأنه يلسعه من البروده كان منظر الصباح وحديقه الشقه استولى على تفكير هيفاء وكأن هذا المنظريهديها لدرجة انهانست السبب اللي منه طلعت للبلكونه ..كانت هيفاء تعيش بخوف طول هالا سابيع اللي فاتت من اللي راح يسويه تركي وبعد اقناع انه مايقدر يسوي شئ لها وهي محاطه باهلها والحين انتقالهم لشقته كانت مثل الشعره اللي قصمت ظهر البعير هيفاء كانت متاكده انه تركي مخطط له الشئ اما هي محتاجه لتفكير طويل في طريقه تحاشاه فيها او اسلوب تقهره فيها مثل ماقهرها ..هيفاء والعبره كانت خانقتها ليش ماحد يشوفه على حقيقته مثلها كلهم يحبونه وحترمونه ..لا هيفاء ماراح تعطيه السلاح بيدها لازم تكون قدامه واجهه بارده قويه مايهزها ..مرت عليها رعشه من الجو البارد حست هيفاء بتفائل انها اخيرا بتروح لعرين الاسد هههههه هيفاء ضحكت مايليق له هالاسم يليق له اسم وكر الثعلب ايه لانه خبيث مايعرف يواجه.. كل شئ عنده بالحيله شدت هيفاء حزام الروب اللي لابسته فوق البيجامه الزهريه دخلت الغرفه وهي مستانسه ..بدات تلم اغراضها التفتت تطالع العنود لقتها في سابع نومه ..حزت بحزن انها بتروح تخلي العنود وهي بها الحاله امس مانامت الا على وجه الفجر ..تدري انها لازالت تحت تاثير الصدمه من خيانة فواز لها يالله يالعنود ليتني اقدر اساعدك.. لما جهزت هيفاء اغراضها لبست وتزينت على حلى حله عشان تبين له انه مااثرعليها بشئ وانها راضيه مو مجبوره ..لبست جاكيت ابيض طويل منقوش على ظهره نقش بالاسود وبنطلون ابيض وسيع وتشيرت نيك تحت الجاكيت لونه ابيض واسود وايشارب يناسب معه موسكينو..شافت هيفاء شكلها في المراءه وهي راضيه عن شكلها ..سمعت ا بوها يناديها ..سرعت تلاحق عليه وهي شاله اغراضها..طبعا بعد ماكتبت حق العنودرساله تفسر لها طلعتهم من الشقه.. هيفاء نزلت لقت امها وابوها وعمتها في الصاله يتقهون ..يوم دخلت عليهم كلهم التفتتوا مستحسنين مظهرها وعلامات الاستغراب باديه على وجه امها مب مصدقه انه هذه البنت اللي رافضه تطلع..ارتسمت على وجه ابوها الوسيم ابتسامة رضا من بنته فتح ذراعه يناديها تقعد جمبه .. ابو فهد :هلا والله ببنتي الشيخه ..وش هالزين والله توني داري انه عندي بنت قمر.. راحت هيفاء وبسطت عند ابوها:والله يبا قمر من زمان بس انت مب ملاحظ.. امها تضحك:اكيد بتطلع قمرعلى امها ولا الشين من وين يجينا .. ابوفهد رفع حاجب واحد تعليق على كلامها:عندك ثقه زياده بنفسك الله يكفينا شرها.. ام فهد مندهشه:هوو وانا وش قلت يابو فهد فلت شئ غلط.. هيفاء تضحك على ابوها:هههههههه يبا امي قالت ان الزين منكم كلكم.. ام فهد تطالعها بنظره جانبيه:وانت قبل شوي تصايحين على كبر البيت ماتبين تطلعين.. وقفت هيفاء وراحت حق عمتها وضمتها:وش اسوي ماقدر على فراق عمتي وجلستها.. عمتها تبتسم:والله ..الله يعين العنود المسكينه بتضايق من بعدكم ماعندها حد تسولف معه.. ابوفهد وقف : يلا مشينا السايق برا ينطرنا ..هيفاء وين اغراضك .. هيفاء :حطيتها في الممر .. يبا من اللي بيودينا..؟ ابوها جاوبها وهويشيل اغراضها:سواق ولد خالتك ..مرسله تركي لنا.. طلع ابوها برى عشان يحط الاغراض بالسياره وامهاو عمتها يسلمون على بعض وبعد هيفاء سلمت على عمتها ووصتها ان العنود تكلمها اول ماتصحى .. ام حمد ودعتهم عند الباب:يلا في امان الله.. ردوا كلهم:في وداعة الرحمن.. لما دخلت هيفاء وامها السياره لاحظت ان اختها مها مب موجوده ولا اخوها فهد.. هيفاء بتساؤل:يما مها وفهد وينهم مب رايحين ...؟ امها التفتت عليها:مها راحت مع خالك ابو حمد ديزني ستور وفهد طلع من الصبح رايح لرفيقه في المستشفى.. ابوها كان قاعد قدام:وبنتك حضرتها متى بتشرف ..؟ ام فهد:مادري قالي ابو حمد انه بيوصلها بنفسه للشقه.. هيفاء :يما الا باسألك سؤال من هذا رفيق فهداللي في المستشفى.. ام فهد وهي تحاول تذكر:قالي اسمه بس نسيته ..انت تعرفينه اللي راح معنا الملاهي.. هيفاء بصدمه:فواز!لا مستحيل.. امها بنظرة استغراب:عمى انت وش عرفك فيه ..وليش يهمك كذا.. هيفاءبارتباك:لا مايهمني بشئ ..بس لانه رفيق فهد الروح بالروح ودايما يتكلم عنه .. وفهد كاسر خاطري.. ام فهد بنظرة شك:أي اقول ..عالعموم كلامك هذا ماينطلي علي.. هيفاء التفتت تشوف ابوها خايفه انه يكون سمعهم لقته يكلم بالجوال..طلعت منها تنهيدة ارتياح بدون ماتقصد.. هيفاء كانت تامل شوارع لندن اللي كانت تقريبا نصف فاضيه لان الوقت كان مبكر.. وتفكر في العنود وش بتكون ردة فعلها لما تعرف ان اللي تحبه بين الحيا والموت ..وعليا عليك العنود انت قاعده تظنين ان فواز مستانس مع ساره وهو الحين في اخر مكان توقعينه في المستشفى ..هيفاء جاءها احساس انها لازم تقول حق العنود باللي صارله على الاقل ماتسئ الظن فيه هومايستاهل مهما سوى فيها هيفاء متاكده ان فواز يحب العنود ..شافت هالنظره في عيونه اللي مب موجهه لاي واحده غير العنود بس انبها ضميرها لانها خطيبة اخوها الحين ..لازم العنود تنسى فواز فات الاوان انها تعالج الوضع قرر ت هيفاء انها ماتقولها كفى العنود صدمات لازم العنود تقبل الحياه مافي حب قبل الزواج هيفاء في غمرة تفكيرها بمشكلة العنود نست مخاوفها من تركي لفت السياره لفه على اليسار وقادتهم لحي راقي في لندن كانت الشقه متمركزه في نصف مباني حديثة البناء تحديدا في شارع النايتس بريدج ..وقفت السياره قدام الشقه هيفاء ماقدرت تحرك ساكن من كثر ماهي منبهره بجمال تصميم الشقه الخارجي ..كانت هيفاء على انها رجعت بالوقت للعصر القديم بالقرن التاسع عشر وخاصة العصر الفيكتوري..كانت الشقه مزيج من الا ثنين المقصود العصر الحالي ..كانت الطريق اللي تؤدي للباب الشقه مرصفه بحجر قديم وتزين باب الشقه اعمده ارستقراطيه ..كانت الشقه تكون من حجرالقرميد الاحمر القاني اما الحديقه تفرع فيه طرق ترابيه احداها تؤدي الى نافوره والثاني يؤدي للباحه الخلفيه وكانت حدود الحديقه محوطه بزهور مختلفه ..ماقدرت هيفاء الا انها تعبر باعجابها ..هيفاء استفاقت من دهشتها على صوت امها تناديها ام فهد:هيفاء وصلنا الشقه وانت مصنمه في السياره.. هيفاء :ان شاء الله يما كاني بنزل الحين .. سبقوها امها وابوها للشقه وهيفاء تامل الشقه مب مصدقه انها بتقضي الاسابيع الجايه في هذه الشقه اللي استولت على كل انتباهها تمالكها فضول ياترى هذه الشقه ملك لتركي او العائله ككل ..لان اذا كانت ملك لعيال خالتها معناها بتكون شقة عيالها مستقبلا ..ماقدرت تمالك نفسها من الوناسه فمرت على شفايفه بسمة مرح ..استقبلتهم عند الباب خدامه من اصل افريقي على عكس توقعات هيفاء كان الباب مصنوع من خشب البني المحروق ولوحه معلقه مكتوب عليها بالا نجليزي ..تركي الضاوي هيفاء تفكربغروره الزايد يعني لازم يكتب اسمه ليش ماكتب اسم ابوه .. الخدامه الاثيوبيه:مرحبا انا بشتغل عند مستر تركي وطلب مني اني استقبلكم لان مشغول الحين .. صافحت ام فهد الخدامه :اهلا.. يعني تركي مش في الشقه ..؟ الخدامه هزت راسها :لا مش موجود بس اكيد بيرجع لما يعرف انكم وصلتوا ..تفضلوا داخل وانا بحمل الشنط لغرفكم.. دخلوا اهلها وهيفاء تمشى وراهم حست بخيبة امل لانها كانت مستعده تواجهه وخايفه انه هالشجاعه تروح منها بس احسن استكشف الشقه على راحتي..كانت الشقه عريضه من داخل على عكس واجهتها اللي تعطيها حجم اصغر ..قعدوا في صاله انجيليزية التصميم كانت مجلده بورق جدران اخضر غامق وفي وسطها مدخنه تكون من كنبه عريضه وكرسين لونها عنابي ..لفت انتباه هيفاء الصور اللي موضوعه على المدخنه.. راحت تتفرج على الصور وكانت اول صوره لآبوهم الله يرحمه وكان يشبه نواف كثير اما الصورة الثانية فكانت لنواف ومعاه عمته وكانت تضحك للكاميرا وكان اللي مصورهم قال لها شي يضحك..اما الصورة الاخيرة كانت لتركي وكان راكب حصان لونه اسود وكان شكله وكأنه واحد من العصور القديمة فكرت هيفاء بابتسامه وكأنه مجرم هارب..مسكت هيفاء الصورة تمعن فيها تركي:السلام عليكم.. هيفاء من الرعب طيحت الصورة من ايدها وتهشمت على الارض.. ام فهد:هيــــــــفاء ايش سويتي الله يهداك..؟ هيفاء بصوت منخفض وهي معطتهم ظهرها :آســـفه ماكان قصدي.. نزلت تنظف الزجاج الا تركي يتكلم:خليه منك الخدامه بتنظفه ..والاطار بغيره .. ام فهد سلمت على تركي وبعدها ابو فهد ولما خلصوا كلام التفتت هيفاء عليهم وهي تأمل تركي اللي كان لابس جينز ازرق وقميص اسود وقاعد يكلم ابوه :البيت نور بوجودكم والله.. ابو فهد:مشكور ياتركي رجال وولد رجال.. تركي:هذا مو كلام يابو فهد البيت بيتكم...تفضلوا ليش واقفين انا بروح أمر الخدامه تجيب لكم شي تشربونه.. لف وشاف هيفاء بوجه وقعد يناظرها من فوق لتحت..هيفاء حست برعشه خفيفه تمر على عمودها الفقري ولما واجهت عينه كأنها شافت فيها لمحة اعجاب بس ممكن تكون تتوهم..مر عليها وطلع..هيفاء زفرت وماكانت تدري انها حابسه نفسها الا لما طلع.. راحت وقعدت بجمب امها اللي كانت تسولف مع ابو فهد مأخوذة باللي تشوفه.. هيفاء التفتت على امها:يمه انا تعبانه شوي وابي اروح لغرفتي ومنها بعد ارتب اغراضي.. ام فهد:خلاص حبيبتي على راحتك.. قامت هيفاء وطلعت من الصالة توها بترقى الدرج الا تركي طالع من المطبخ تركي:على وين؟ هيفاء وهي تكمل طريقها:على الغرفة.. تركي بصوت بارد:لمــا اكلمك تردين وانتي مو معطيتني ظهرك.. هيفاء وقفت والتفتت عليه وبسخرية:ترا احنا مو في العصر الحجري.. تركي بتهديد:انتي سويها ثاني مرة وشوفي ايش راح اسوي فيك.. هيفاء بغضب:يعني ايش بتسوي..بتحبسني بكوخ مثلاً..لاااا هذا زمن ولى وراح..عن إذنك ياستاذ تركي. كملت طريقها ركض من غير ماتشوف وراها وكأن الشيطان بنفسه يلحقها.. ************* في نفس الوقت كانت العنود توها قايمة من النوم وتقرا رسالة هيفاء وهي مصدومة من اللي تقراه معقوة ان هيفاء بتسكن مع المتوحش تحت سقف واحد لا اكيد هذي تمزح غيرت هدومها ونزلت تحت عند امها تبي تستفسر منها.. العنود:يمه صحيح ان خالي ومرته انتقلوا لشقة تركي؟ ام حمد وهي تقطع الخضرة للغدا:ايه صحيح.. العنود شوي بتصيح:يــــمه ليش ماخلوا هيفاء تتم معانا.؟ امها هدت اللي بايدها والتفتت صوبها:حاولت لكن ام فهد كانت مصرة انها تروح معاهم.. العنود تفكر بحزن يعني رحتي ياهيفاء وتركتيني لأزمتي لحالي..رقت راجعه لغرفتها وطلعت تلفونها تدق على هيفاء..من ثاني رنه ردت عليها هيفاء بصوت ملهوف.
الجـــــ الســادس ــــزء صحت العنود من النوم مفزوعه من الحلم اللي شافته والعرق يتصبصب من جبينها...
الجــــ الثاني عشر ــزء
هيفاء من الرعب غطت عينها وحست نفسها بحلم وفي هالوقت كان تركي يتأملها ويلاحظ شعرها الحريري منتشر حولينها مثل الهاله وطالعه مثل الحور بجمالها فتحت عينها ببطء وطاحت عينها بعينه مباشرة وهنا وقف الوقت والزمن وحسوا بخيط خفي متصل بينهم يجذبها له وقرت في عيونه مشاعر كثيرة ماعرفت تفسرها واخيراً تكلم تركي بصوت اجش:
هيــــفاء؟
هيفاء حست لسانها معقود وماتقدر تتكلم..فتكلم تركي ثاني مرة بتساؤل:انتي ليه تكرهيني..
هيفاء هزت راسها من غير ما تتكلم بطريقة غير مفهومه.
تركي بصوت اثقلته المشاعر: هيفاء ارجوك ..اتركي نواف ..
هيفاء رفرفت بعيونها وكأنها كانت بحلم والسحر انفك...تركي وهو يكمل:اتركي نواف..لاتتزوجينه..
هيفاء قامت من مكانها وهي زعلانه من نفسها انها سمحت لنفسها تنجرف ورا مشاعرها ومن الكلام اللي يقوله يعني معقوله انه كان يمثل عليها بس عشان تترك نواف..هيفاء وهي ناسية انها من غير غطا ولابسه بجاما ردت على تركي بقسوة: انت حقيــر و قاسي ومغرور ..و..و..وصرخت: انـــانـــــي!
كملت وصدرها يرتفع وينخفض من الانفعال:ماهقيت انك عشان تنفذ اللي براسك بتستخدم اكثر الوسائل المنحطه عشان توصل للي تبيه!
تركي تغيرت ملامحه الى الغضب وفز من السرير بحيث خلاها تتراجع بضع خطوات من الخوف..وهو يتكلم بقسوة:انتي بالذات اللي المفروض ماتتكلم عن الانانية..تعرفين ليه..لانك وحده طماعه ونواف ماوافقتي عليه الا عشان فلوسه..
هيفاء انصدمت من اللي يقوله لكن تركي تابع كلامه مو مهتم فيها: بس خلي في بالك اني مستحيل اخلي هالزواج يتم ولو فوق جثتي..
اتجهه للباب وافتحه علامة الطرد ..هيفاء سحبت رجولها سحب لانها كانت تحس بثقل فيها وكانت بس تبي توصل لغرفتها عشان تفرغ اللي فيها من حزن..تركي جرحها للمره الثانية لما وصفها بالطماعه وانها طمعانه بفلوسهم.مرت عليه من غير ماتطالعها وهو سكر الباب بهدوء وراها هيفاء وصلت لغرفتها وهناك دفنت وجهها بالمخده وقعدت تنتحب بصوت واطي ولاقدرت تنام ..شلون وكلامه لسه في بالها..هو ليه كذا قاسي معي انا ايش سويت له عشان يعامنلي كذا ،انبطحت على ظهرها وهي تناظر السقف..وتتذكر ذاك اليوم لما ابتسم للعنود بنعومه حست بالغيرة لانها ماقدرت تسحب منه هالابتسامه غمضت عينها ودموعها تنزل ساخنه على خدها..


العنود في ذاك الوقت كانت صاحيه مثل عادتها.. وهي متى ذاقت النوم تفكربمراره ..هي من عرفت فواز وهي ماعرفت طعم النوم..حاسه انها مختنقه وتبي تفضفض اللي بقلبها ..وقعدت تفكر بكلام الجوهره لما قالت انهم ناوين يخطبون لفواز..هذا دليل ثاني انه ماكان يحبني..تنهدت بضيق وزاحت غطا السرير عنها ومشت رايحه للشباك وهي تناظر القمر وضايعه بافكارها ..وتتمنى تلقى الحل لمشكلتها وتغادر هالديرة وتترك وراها كل شي صار لها فيها وتحاول تجمع حطام قلبها من جديد.

******************
في اليوم التالي كانت هيفاء لساتها صاحية ولما شافت ان الساعه صارت 7 الصبح قررت انها تنزل وتشوف لها شي تاكلها .بدلت ملابسها وحطت الغطا على راسها اول ماطلعت من الغرفة اسمعت صوت باب ينفتح من وراها التفتت الا هو تركي بكامل ملابسه الرسمية نزلت راسها ومشت من غير ماتقول شي وهو مشى وراها ويراقبها بهدوء دخلوا مع بعض المطبخ وهناك حصلوا ام فهد موجوده هيفاء حبت راس امها وقعدت على الكرسي تصب لنفسها نسكافي..بينما تركي يصبح على ام فهد اللي كانت مستغربه من وجوده:صباح الخير خالتي.
ام فهد:صباح النور يابعد عمري..الا انت متى جيت؟
تركي بابتسامه ماوصلت عينه:البارحه بالليل.؟
ام فهد:وعسا نمت براحه وما تعبت؟
تركي التفت على هيفاء وبصوت ناعم: براحــــــه تامه.
هيفاء اللون الاحمر زحف على وجهها بالكامل وغطت ونزلت وجهها..عم المكان السكوت ام فهد كانت تقرا الجريده وتركي كان ياكل بصمت وبتفكير..اما هيفاء كانت تحاول تهدي من خفقان قلبها وشاغله نفسها بشرب النسكافيه..رن تلفون هيفاء اللي قطع جو الهدوء وكان التليفون بينها وبين تركي اللي رفع عينه يشوف التليفون الا التلفيون مكتوب عليه (حبيبي) هيفاء خذت التلفون وطلعت للممر عشان تتكلم على راحتها.
هيفاء:هــــــلا نواف..
نواف بحنان:هلا والله بالغالية..
هيفاء تفكر بمرارة بالفرق بين الاخوين:اهلين وشخبارك؟
نواف بصوت ناعم:اشتقتلك!
هيفاء وهي تضحك بنعومه:ههههههههههه..والله؟
نواف :والله..وانتي ماشتقتيلي..
هيفاء كانت مستحيه تقوله ولما شافت تركي طالع من المطبخ..غيرت نبرتها للنعومه: نـــــواف..ليه ماتجي للندن؟
هنا تركي وقف في مكانه متظاهر انه قاعد يقرا البريد اللي على الطاوة بالممر..
نواف بأسف:والله ياحبيبتي ودي بس الله وكيلك تركي ماعطاني فرصة ارتاح فيها ما اخلص صفقه الا مطلعلي صفقه ثانيه..
هيفـــاء:خســــارة..لاني بصراحه مشتاقتلك..
تركي رفع راسه يطالعها بقسوة ونواف اللي كان منصدم منها هذي اول مرة هيفاء تكون جريئة معه: طيب ايش رايك انه انا اول ماحصل فرصة راح اجي للندن..اوكي؟
هيفاء:اوكي..يالله باي.
نواف:باي..
تركي قط اللي بايده وهو يبتسم بسخريه وطلع من الشقة..ام فهد طلعت من المطبخ وهي تكلم هيفاء:هيفاء يمه روحي قومي فهد خليه ينزل عشان يتفطر..
هيفاء:ان شالله يمه..
هيفاء طقت باب غرفة فهد وماحصلت رد افتحت الباب ودخلت الغرفة اللي كانت مظلمه اتجهت لفهد تقومه لما انتبهت للرسومات اللي كانت موضوعه على التسريحه قربت منها عشان تشوفها،فهد كان معروف انه فنان من يوم كان صغير ،رفعت الرسمات تشوفها الرسمه الاولى كان رسم اولي خلته وخذت الرسم الثاني وشافته راسم عيون وحده وملامحها ماكنت باينه لانه ماكملها لسه بس هو رسم عيونها بطريقه رائعه وكأنها تحمل مشاعر كثيرة..فجاءة انسحبت الرسمة من ايدها بعنف التفتت على فهد اللي كان معصب عليها:انتي وش قلة الادب اللي فيكي تخليك تفتشين باغراضي..
هيفاء بصدمه:بس قاعده اشوف..
قطع عليها كلامها بغضب :ولا كلمه..اطلعي برا لا اصكك بكف اللحين..
هيفاء حزنت من الكلام اللي قاله وبان هالشي بوجهها ،فهد تنهد وتعوذ من بليس:آسف ماكان قصدي..بس انتي تعرفين انه انا ماحب احد يفتش باغراضي..
هيفاء وهي منزله راسها:آسفه والله ماكان قصدي..
فهد وهو يحط ايده على كتفها بمرح: الا وش جاب القمر لغرفتي..؟
هيفاء تبتسم:جيت عشان امي تقولك انزل عشان تتفطر.
فهد وهو يأشر على خشمه: على هالخشم..بعد آمري..
هيفاء بمزح:ابي ساعه الماس..
فهد وهو يطردها:اشوفك ماخذتها جد اقول اطلعي برا..اطلعي برا
هيفاء طلعت وهي تضحك عليه:هههههههههههههه...

******************
العنود صحت من النوم وهي تحس بتعب رهيب قامت للحمام وخذت لها شاور سريع وراحت للتسريحه تجفف شعرها وهي تحس بالم فظيع يغزو جسمها لما خلصت وبدلت ملابسها نزلت تحت،وهي نازله شافت حمد كاشخ وقاعد يصفر..العنود استغربت منه هالكشخه..
حمد بمرح: صباح الخير..
العنود وهي رافعه حاجبها:صباح النور...
حمد:وش عندك تناظريني كذا؟
العنود:ولا شي بس وش عندك كاشخ اليوم؟
حمد:كيفي مزاج...طق براسي اليوم اكشخ عندك مانع؟
العنود وهي تنزل معاه: لا ماعندي مانع..
لما اوصلوا باسوا راس والدتهم وقعدوا على الطاولة عشان يتفطرون بس العنود ماشتهت تاكل فصبت لنفسها شاي وقعدت تشربه شوي الا حمد يسألها..
حمد:وين بتروحون اليوم..؟
العنود وهي تهز كتوفها:مادري يمكن نروح نجيب الاغراض اللي هيفاء حاجزتها من المحل..
حمد:امممممم..
العنود:ليـــــه تسأل؟
حمد:ولا شي بس كنت احسبك مورايحه لمكان كنت عزمتك على المطعم نروح نتغدى..
العنود استغربت: تعزمني...
حمد:ايــه
العنود:حمد انت فيك شي...لا انت اكيد فيك شي..
حمد وهو يضحك على شكل اخته:ههههههههههههه.. ليه وش فيها؟
العنود :لان هذي اول مرة تعزمني فيها لمكان..اجل فهد وينه؟
حمد مسك راسه:بلييييييس لا تجيبين طاريه..
العنود: وش السالفه؟
ام حمد باستغراب:هوو وشفيك على ولد خالك؟
حمد: مو انا اللي شفيني الا قولي هو وش اللي فيه،من كثر مايقابل فواز حالته النفسية تأثرت صارت نفسه شينه..
العنود نزلت عيونها للكوب بينما ام حمد:مسكين والله ..وانت ياحمد لازم تراعيه..
حمد:والله اني انا مراعيه..بس هو يقول ان فواز من يوم الحادث وهو متغير عليه ومايدري من ايش..
العنود رفعت راسها لامها وبعيونها رجاء:يمه الله يخليك خلينا نرجع للرياض..
ام حمد بصوت حازم:رجعنا لنفس السالفه..انا قلتلك لا يعني لا..
العنود برجاء:لييييييييه..
حمد:انتي من جدك..اللحين الناس كلها تتمنى تقعد وانتي تبين ترجعين..لا شكلك مانتي بصاحية..
العنود كانت بترد بس حست بلوعه فظيعه فمسكت بطنها وقامت تبي ترقى لغرفتها عشان تنبطح شوي وتريح..بس حتى لما انبطحت ماحست براحه وبدت تحس بالبرودة في اطرافها ..شوي الا راس مها يطل عليها من الباب..
مها بابتسامه:هااااي عنود..
العنود ردت عليها بابتسامه واهنه:هاي..
مها:ممكن استخدم تليفونك عشان اتصل على فهد يجي ياخذني..؟
العنود:ممكن؟
العنود عطتها التلفون وقعدت تراقبها وهي دق على الرقم وبعدين تحط التليفون على اذنها تنتظر رد..
فهد:الو؟
مها:هلا فهد..
فهد:هلا مهوي..
مها:فهد بغيتك تجي تاخذني من بيت عمتي..تقدر؟
فهد:خلاص خمس دقايق وبكون عندك..بس انتي ابرزي..
مها:اوكي..باي.
سكرت التلفون وحطته عالطاوله والتفت للعنود وشافتها مصفرة مها خافت من شكلها:عنوووود انتي فيك شي؟
العنود بابتسامة اطمئنان: ايه بس احس بلوعه..
مها :طيب انا بنزل تحت انطر فهد اخوي..تبين شي اجيبه لك؟
العنود هزت راسها :لا مشكوره حبيبتي..
اول ماطلعت مها من الغرفة الا التلفون يرن ردت العنود..
هيفاء:هاااااااااااااااي..تئبريني؟
العنود:هايات..
هيفاء:ها وينك؟
العنود:بالبيت...انتي وينك؟
هيفاء:بالبيت لكن اللحين بجيك..
العنود:بتجين مع فهد؟
هيفاء باستغراب:ليه اخوي فهد بيجيكم؟
العنود:ايه راح يجي ياخذ مهوي اختك..
هيفاء وهي تصارخ:وييييييي..طيب يالله باي ..بروح الحق عليه..
العنود سكرت منها وهي تضحك..قامت من مكانها عشان تستعد بس احتاجت انها تتمسك بالسرير لان صابها دوار عنيف بس لثواني..هزت راسها واتجهت للتسريحه عشان تحط شوية ميك اب وتجهز،بعد ماخلصت انزلت تحت وحصلت مها قاعده بالصاله تتابع التلفزيون راحت لها ..
العنود:يله مهوي قومي خلينا ننزل تحت ننطرهم برا..
مها قامت وطلعت معها وقعدوا على الكرسي الموجود برا العمارة يتفرجون على الرايح والجاي شوي الا سيارة رياضية توقف قدامهم وصوت هيفاء وفهد وهم يتناقرون داخل السيارة، نزلت هيفاء من السيارة ووجهها صاير احمر من العصبية وفهد نزل من وراها وهو منبه لوجود العنود يصرخ فيها :هذي آخر مرة تركبين فيها معاي..
العنود وهي مستغربه:شسالفه؟
فهد انتفظ لما سمع صوتها ولف عليها:هلا العنود..تصدقين اني ماشفتك.
العنود بهدوء:اهلين فهد..شخبارك؟
فهد وهو راجع للسيارة ويحاول يتجنبها:بخير الله يسلمك..يله مهوي..
هيفاء استغربت اللي صار بين اخوها والعنود التفتت على العنود وحست انها مو طبيعيه:العنود ايش فيكي؟
العنود:ولا شي.
هيفاء :طيب يله قومي خلينا نروح..

************************
في نفس الوقت في المستشفى كان فيه واحد معند لاياكل والجوهره تحاول فيه انه ياكل..
الجوهره بحزن:فواز والله حرام اللي تسويه في حالك..انت كذا بتموت..
فواز وبنظرة الم: ياريتني اموت ..
الجوهرة برعب:فوووووواز ايش اللي قاعد تقوله..
فواز صد عنها وهو يفكر انه خلاص حياته مالها معنى من غيرها ودامها بتصير لغيرها يتمنى الموت ولا يشوفها تروح لغيره..الجوهرة حبت تفرحه فحبت تقوله عن زيارتهم البارحه لبيت ام فهد..
الجوهرة:امس رحنا بيت ام فهد..
فواز وهو لسه صاد عنها:وخير ياطير..
الجوهره تكمل:وكانت عندهم ام حمد وبنتها..
فواز هنا الجوهرة استحوذت على كل انتباهه فواز التفت عليها وبنظرة غامضة:لا.. وش اخبارهم..؟
الجوهرة بخبث:الحمد الله..
فواز حس انه ماراح يقدر يسحب شي من اخته من غير مايفضح مشاعره فقال بالم: تدرين ان العنود مخطوبه لفهد..
الجوهره بهدوء:ادري ..
وعشان ترفع من معنويات اخوها شوي: بس احس انها مو عاجبها هالشي..
فواز وهو يحس بالامل:شـــلون..هي قالت لك شي؟
الجوهره:لا الا بالعكس البارحه كانت هاديه بس هيفاء اللي تدخلها بسوالفنا..كانوا يبوني اروح معاهم اليوم بس انا اعتذرت منهم عشان اجي لعندك..
فواز بعصبيه:ليه ماتروحين معاهم..روحي..
الجوهرة خافت من تغير اخوها:فواز شفيك..
فواز بتصميم:دقي عليهم وشوفي وينهم..وروحي لهم.
الجوهره بتردد:بس انا قلتهم اني ماراح اروح..
فواز بصوت منخفض: اقولك اتـــصلي لـــهم..وروحي لـــهم.
الجوهره خافت منه:اوكي..اوكي..حشا كلتني..
الجوهره طلعت التلفون ودقت على العنود عشان تشوف اهم وين..لحظات الا العنود معاها:الـــــو؟
الجوهره وعيونها على اخوها:السلام عليكم..
العنود:وعليكم السلام..
الجوهره:هلا العنود ماعرفتيني؟
فواز من سمعها تنطق باسمها وهو قلبه يدق بجنون وفي خاطره يتمنى ياخذ التلفون من ايد اخته بس عشان يسمع صوتها اللي يرد الروح..
العنود:هلا والله بالغاليه..شلونك؟
الجوهره بابتسامه:بخير الله يسلمك..انتي شلونك؟
العنود:الحمدالله..هاه عسا بس غيرتي رايك وقررتي تطلعين معانا..
الجوهره بتردد:اذا مافيه حرج؟
العنود:افا عليك لا حرج ولاشي الابالعكس هذي الساعه المباركه اللي عرفناك فيها..
الجوهره:تسلمين يالغاليه..اجل انتو وين عشان اجي لعندكم؟
العنود عطتها العنوان وقالت لها ان اول ماتوصل تدق عليها رنه عشان تطلع لها خذت الجوهره العنوان واتفقت معاها ومن بعدها ودعوا بعض وصكت التلفون.
التفت لاخوها اللي كان شارد الذهن:ياهوووو..
فواز التفت عليها:هاه عسى بتروحين لهم؟
الجوهره باستغراب مصطنع:اموت واعرف انت ليش مصمم اني اروح معاهم؟
فواز ارتبك:ولا شي بس مابيك تعبين نفسك معاي وابيك تستانسين..
الجوهره حزنت ان اخوها ماقال لها السبب الرئيسي لانها عارفه انه يبيها تروح معاهم بس عشان تجيب له طاريها واخبارها..

*************************

كان تركي بالمكتب ومركز على الاوراق اللي بين ايديه لما سمع طرق على الباب
طل ايلي من الباب:مرحبا تركي.
تركي هو مازال مركز على الاوراق:اهلين..
ايلي:تركي..عندك مكالمه..
تركي وهو مو منتبه:مشغول..
ايلي بتوتر:بس هيدا نواف..
تركي رفع راسه وهو مستغرب:نواف؟
ايلي هز راسه..تركي:طيب حول المكالمه..
ايلي حول المكالمة اللي استقبلها تركي:الـــــو؟
نواف:هلا تركي..
تركي ببرود:مرحبا..
نواف: شخبارك؟
تركي وهو حاس انه في مغزى ورى هالاتصال..بسخرية:تمـــــام..
نواف بتردد:تركي بغيت...اجي لندن؟
تركي ببرود:لا.
نواف بعصبية: ليـــــــــــــــه؟
تركي بقسوة:اولا عندك شغل..وثانيا مابيك تكون بقربها.
نواف عرف تركي مين يقصد فغضب من مقصده:اسمع ياتركي اذا حاولت تسويلها شي او قربت منها بسوي شي ماشفته.
تركي بسخرية:يعني ايش بتسوي؟
نواف بحقد:بخليها تحتقرك اكثر..انا سويتها مرة واقدر اسويها مرة ثانية..
نواف بعصبية:وانا ماعلي منك..اليوم انا جاي على اول طيارة للندن.
تركي بهدوء:هذا اذا قدرت تطلع من المطار..
نواف:.................
تركي بسخرية:من سكوتك اتبين انك عارف كلامي..انا اعرف ناس بالمطار اقدر اخليهم مايسمحون لك تركب الطيارة...وسلم على عمتي.
تركي صك الخط وهو معصب حاول انه يرجع للاوراق اللي كانت بين ايديه بس تركيزه كان متشتت قام ولبس الجاكيت .بيطلع يشمله شوية هوا ممكن ينفعه.

***********************
في نفس الوقت كانت هيفاء تقيس لها بدله عاجبتها عبارة عن بنطلون ضيق للركبة وفوقه بوت وبلوزه فضفاضه وضيقه من الخصر طلعت هيفاء من الغرفة عشان تشوفها العنود وتاخذ رايها.اول ماطلعت وشافتها العنود شهقت..
العنود:روووووووووعه ياهيوف...تجنن
هيفاء:والــــله؟
العنود:والله..لازم تاخذينها..
هيفاء:خلاص باخذها....بالمناسبة الجوهرة ماوصلت ؟
تو العنود بترد عليها الا تلفونها يرن رنه علامة ان الجوهرة وصلت.
ابتسمت العنود لهيفاء وقامت من مكانها متجهه لبوابة المحل عشان تشوفها الجوهرة بينما هيفاء خذت الملابس وراحت تحاسب..شوي الا العنود والجوهره داخلين المحل وهم يضحكون.
هفاء وهي تسلم على الجوهره:هلا حياتي..شلونك؟
الجوهره:بخير الله يسلمك..انتي انشالله بخير؟
هيفاء:بخيرالحمد الله..
العنود مسكت لها بدلة كانت مترددة تاخذها ولا لأ:لحظه ياهيفاء استني شكلي باخذ هالبدله.
هيفاء: اوكي خلاص انتي ادفعي فلوسها وانا استناك برا.
التفتت على الجوهرة:تستنين معي برا ولا مع العنود.
الجوهرة بابتسامه:انا بتفرج شوي لغاية ما العنود تدفع.
هيفاء:اوكي.
طلعت هيفاء من المحل تستناهم الا بالصدفه شافت حمد مار وهو يعبث بالتلفون ومو منتبه لها قامت هيفاء ابتسمت بخبث وراحت وراه .
هيفاء :حمــــــــــد!
حمد وهو مخترع:حسبي الله على بليسك!
هيفاء وهي تضحك:هههههههههههههه..
حمد:تضحكين والله حركه سخيفه انها اللحين مشغول..
هيفاء بخبث :ماشوفك مشغول..
حمد:ههههههههه..والله ماقول الا الله يعين نواف عليك..
التفتت هيفاء للصوب الثاني من الشارع وانصدمت لما طاحت عينها في عيون تناظرها باحتقارشديد..تركي انصدم لما شاف هيفاء واقفه مع واحد غريب وتضحك وتسولف معاه فحس بالاحتقار اتجاهها..اما بالنسبة لهيفاء اللي كانت مستغربه نظراته وحمد لما شاف ملامحها تغيرت لف صوب المكان اللي هي تطالعه:منو هذا ياهيفاء؟
هيفاء ببرود:هذا واحد مو مهم.
حمد :تبيني اروح واسنعه لك؟
هيفاء وهي تتخيل حمد يضرب تركي او العكس صحيح:ههههههههه..من جدك خله منك؟
التفتت هيفاء على تركي وماحصلته ..احمدت ربها انه راح تحس انه شوي بيقتلها على انها ماتدري ايش عملت،بس هو ايش يخصه فيها.
طلعت الجوهرة وهي ماسكه العنود تعنزلها وكانت العنود مصفرة وتحس بلوعه شديده وماتحس باطرافها ،هيفاء لما شافتها بهالشكل ارتاعت.
الجوهره:هيفاء الحقي العنود فجاءة طاحت وتقول انها تعبانه وماتحس برجولها.
حمد تحنحن:احححححم..وخروا عنها انا سيارتي قريبة من هنا ..امشي يالعنود..
قام ومسك العنود من خصرها وهو يعنز لها ومن الصوب الثاني كانت هيفاء تعنز لها :العنود ..شفيك ..بايش تحسين؟
العنود ماقدرت ترد تحس اذا ردت راح ترجع ..
..............................................

ياترى ايش اللي بيحصل للعنود؟
وفواز ايش بتتوقعون راح يصير له بالايام اللي جايه؟
ونواف هل بيعصي تركي وبيجي للندن؟
وتركي ايش اخرتها مع هيفاء؟


الجــــ الثالث عشر ــزء
حمد اخذ العنود للبيت وهناك اول ماشافتها امها تخرعت وضربت على صدرها
ام حمد:يمه العنود..شفيها؟
حمد وهو يساعد العنود:مادري شفيها يايمه تعبت عليهم بالسوق..تقول تحس ببرد ولوعه.
ام حمد:اكيد صايبها برد..حمد خذها لغرفتها وانا بروح اجيب لها شي يريحها..
حمد:ان شالله..بس انتي استعجلي..
حمد ساعد العنود وهم يرقون الدرج لغاية ماوصلها للغرفة وسدحها على السرير وهي تتنافض من البرد فقام وغطاها ..هذي اول مرة يشوف اخته بهالحاله صاير لها ايام وهي مثل الميته حتى لقلة اكلها بانت عظام خدودها وانطفى اللون المورد فيها..
بصراحه كسرت خاطره.
ام حمد دخلت الغرفة وبايدها حبوب وكاسة مويه حطت ايدها على راس العنود فحصلت حرارتها مرتفعة رفعت راسها عشان تاكل الحبوب.
ام حمد:العنود يمه هاك خذي هذي وان شالله بتتعافين.
العنود بتعب:يـــمه احس نفسي بموت..
امها بحنان:بسم الله عليك..كلها الا حراره..ان شالله مافيك شر
العنود بعد خذت الحبوب ارجعت وحطت راسها على المخدة وغمضت عينها فقامت ام حمد ومعاها ولدها عشان يطلعون من الغرفة بس استوقفها صوت بنتها تنتحب بصمت..التفتت ام حمد باستغراب لبنتها وحصلتها معطيتهم ظهرها وكتوفها تهتز بصمت ام حمد تنهدت يمكن تكون تعبانه بالمرة فاشرت لحمد يطلع وطلعت معاه...بس حمد حس ان اخته فيها شي ثاني ولا يدري ايش يكون..
والعنود قعدت تصيح وتنتحب وهي خلاص تعبت ..تعبت من التفكير فيه حتى في منامها يوصلها وفي نهارها طيفه موجود رفعت راسها وهي تدعي..يارب ..يارب ارجوك كفايه خلاص ابي انساه ..ابــــي انــــــساه...
انا تعبت
************************
في نفس الوقت الجوهره كانت بالتاكسي تفكر باللي صار للعنود بصراحه كانت مره خايفه عليها كان شكلها مايطمن ولازم تتصل عليها بعدين تشوف وش حالها..انتبهت انها وصلت للمستشفى نزلت ودفعت للتاكسي وطلعت لغرفة اخوها بس حصلت فهد عنده فقررت انها تروح وتنتظر في الانتظار لغاية مايطلع..
في نفس اللحظه كان فهد يشوف فواز وهو يقوم من السرير متجه للحمام بس فواز فقد التوازن فحاول فهد انه يساعده بس فواز نفض ايده بعصبيه:ماني بمشلول عشان تعنزلي...
فهد وهو يضبط اعصابه: انا بس احاول اساعدك يافواز..
فواز بحمق:ماحتاج مساعده..
لما دخل فواز الحمام رد فهد وقعد مكانه وهو يتنهد ينتظره فلاحظ المجلة اللي كان فواز يحل فيها الكلمات المتقاطعه فاخذها عشان يتسلى فيها..بس انصدم لما لاحظ اللي فواز كان كاتبه حس انه وكان احد صافعه من المفاجأه فواز كان كاتب بكل المربعات اسم واحد بس((العنود))فهد قعد يفكر هل ياترى هي العنود اللي ماغيرها ببالي وقعد يفكر بتصرفات فواز مؤخراً اهي تصرفاته ماتغيرت الا بعد ماخطبت العنود...هنا توضح كل شي بالنسبة له..فواز يحب العنود وانا اخذتها منه..ابتسم بسخرية على لعبة القدر فيهم..قام ورجع المجلة مكانها وطلع من الغرفة وهو براسه شي لازم يسويه..

الجوهره شافت فهد لما طلع من الغرفة فلمت حالها ودخلت الغرفة وحصلت فواز واقف عند باب الحمام يطالع الغرفة باستغراب التفت عليها.
فواز:فهد وينه؟
الجوهره:توه طالع.
فواز راح وقعد على الكرسي وسند راسه وهو مغمض عيونه ويتنهد:خلاص انا بطلع بكره...وبفتك من هالمكان..
الجوهره بابتسامه:مسكينه الوالده كانت تبي تجي ..
فواز:وليه ماجبتيها..
الجوهره:اولا مسكينه تعبانه وماقدرت اخليها تجي وبعدين انت بكره انشالله بتطلع..وبعدين شلون تبيني اجيبها وانا طالعه مع البنات.
فواز بغموض: ايــــه..هاه ان شالله استانستي؟
الجوهرة وهي تفكر اذا تقوله ولا لأ..
فواز رفع راسه وهو يكرر سؤاله:شفيك...ماستانستي؟
الجوهره بتردد:بلى بس..
فواز وهو مقطب جبينه:بس ايش؟
الجوهره:انا استانست بس لين تعبت علينا العنود....
فواز وهو يتفس بصعوبه:شلون يعني تعبت عليكم؟
الجوهره بخوف:مادري بس شكلها مريضة..اظاهر انها مسخنه..
فواز يتمتم بصوت غير مسموع:ماتشوف شر الغاليه..
الجوهره:هاه...ايش..؟
فواز وهو يصد عنها:ولا شي..

**********************
في نفس الوقت كانت هيفاء تزرع غرفتها من الخوف والتوتر..لانها تتصل على العنود وماترد فالاخير قررت انها تروح لها وتشوف شخبارها..نزلت تحت عشان تقول لامها وكانت تركض على الدرج وهي ماكانت منتبهه قدامها فاصدمت بشخص وارتدت على ورا وكانت بتطيح لولا انه ايد امتدت وامسكتها من معصمها ورفعتها ..وقفت هيفاء وهي تلتقط انفاسها رفعت عينها وشافت تركي قدامها فعدلت من حجابها وهي تحاول تمر بجنبه بس هو كان ساد عليها الطريق رفعت عينها عليه وببرود:ممكن امر؟
تركي بكل برود وقسوة:اللحين صدقت ظنوني فيك...
هيفاءوهي تأفف وتتكلم بسخرية:وايش هي ظنونك يا فيلسوف زمانك.؟
تركي بسخرية:خلي منك هالاسلوب لانه مايلبقلك...
هيفاء وهي تناظره بكره:...............
تركي وهو يمر بجنبها:وينك يانواف تجي تشوف خطيبتك..تسولف مع رجال غريب..
هيفاء التفتت عليه وهي تشهق:انت مجنون!
تركي التفتت عليها:لا تحاولين تنكرين لاني انا شفتك بعيني..
هيفاء افتحت فمها عشان ترد بس رجعت وسكرته اصلاً مافي فايده اتكلم معاه لانه مارح يصدقني وبعدين ليه ابرر له خليه يفكر باللي يبيه انا مايهمني..
عطته ظهرها ونزلت تحت تدور على امها وحصلتها بالصاله تنسل شعر مها فجلست جمبها تسألها:يمــــه ممكن اروح بيت عمتي؟
ردت عليها مها:اصلاً احنا بنروح لهم يالذكية..
هيفاء التفتت عليها امها:والله يمه؟
ام فهد:ايه ام حمد توها متصله لنا وعازمتنا كلنا حتى فهد اخوك..
هيفاء وقفت وهي مستانسه:من زمان مارحنا لهم ..خلاص انا برقى لغرفتي عشان اجيب الشنطه..
ام فهد:وخلي فهد ينزل معك..
هيفاء وهي طالعه:اوكي..
هيفاء دخلت الغرفه وخذت شنطتها وراحت ودقت باب غرفة فهد شوي الا فهد طالع لها :خير؟
هيفاء:يله اجهز عشان بنروح بيت عمتي..
فهد بشرود:اصلاً انا خالص يله امشي..
مشت هيفاء ورا فهد وحصلوا امهم تنطرهم تحت عند الباب وطلعوا كلهم متجهين لبيت ابو حمد.
وهناك ببيت ابو حمد كانت ام حمد عند بنتها اللي ذبحت نفسها بالبكي وتحاول تستخرج منها سبب هالبكي كله ..
ام حمد وهي كاسر خاطرها شكل بنتها:حبيبتي العنود ..انتي اللحين ليه تبكين؟
العنود وهي تدفن وجهها اكثر: ماقدر..ماقدر يايمه..
ام حمد وهي تهز راسها:طيب ايش المشكله اللحين؟
العنود رفعت راسها وطالعت امها برجاء:يمه الله يخليك لو كنت غاليه عندك ..خلينا نرجع السعوديه..
ام حمد حست ان العنود من جد تعبانه:خلاص ابشري ياعمري انا بقول حق ابوك يحجز لنا على اول طياره بكره...ومايصير خاطرك الا طيب.
العنود وهي مو مصدقه:والله يمه؟
امها باستسلام:ايه يايمه..بكره جهزي شنطتك..
قامت ام حمد بتطلع من الغرفة بس قبل لا تطلع التفتت على بنتها اللي كانت تطالع الفراغ وسارحه .
ام حمد:العنود؟
العنود ارفعت راسها لامها..ام حمد: انتي اكيد مافيك شي؟
العنود ولمحة حزن بصوتها:لا يايمه مافيني شي..بس خلاص زهقت من هالديرة وكرهتها ..وابي ارد للرياض..
ام حمد بشك:بس هذا السبب؟
العنود وهي تهز براسها:ايه يايمه..وان شالله ماراح ارجعلها ثاني مره...ابد..
ام حمد استغربت هالتغير ببنتها لان العنود من اشد المحبين لهالديره ولازم في الصيف تصيف هناك فاستغربت منها هالشي..طلعت ام حمد من الغرفة واتركت العنود لافكارها..ووحشتها.
في الطابق السفلي كانت عيلة ابو فهد توها واصلة وقعدوا يسلمون على بعض وقعدوا بالصاله واول ماقعدوا نطت هيفاء واقفه.
هيفاء:عمتي العنود صاحيه ولا لأ؟
ام حمد:بلى صاحيه روحي لها ترا مرة متغلقه.
ام فهد باستغراب:ليه عسى ماشر؟
ام حمد تتنهد:والله يالغالية مادري شفيها اظاهر صايبتها حراره..
ام فهد:سلامتها الغالية ماتشوف شر.
ام حمد: ياعمري كاسره خاطري..وعلى فكرة احنا خلاص بنرجع للسعودية بكره..
ام فهد وهيفاء مع بعض:بتردون السعوديه؟
ام حمد تبتسم :ايه لان بصراحه العنود مادري شفيها صاير لها كم يوم وهي تحن تبي ترجع السعودية وانا بصراحه كسرت خاطري احس انها فيها شي..فعشان كذا انا بكلم ابو حمد يحجز لنا على بكره.
هيفاء قامت من مكانها ورقت للطابق الثاني عشان تشوف العنود وتتطمن على حالها..اول ماوصلت الغرفة حصلتها مستلقية على السرير وشاردة ..
هيفاء:سلامات ياقمر ماتشوفين شر...
العنود وهي تبتسم:الله يسلمك ياعمري الشر مايجيك..
هيفاء قعدت على طرف السرير وهي تتأملها كانت بالمره باين عليها المرض والتعب.
هيفاء:العنود جد الكلام اللي سمعته من عمتي؟
العنود بتفكير:اي كلام؟
هيفاء:انكم بتردون للرياض..؟
العنود :ايه صحيح...
هيفاء: بليس لا تقولين لي ان السبب فواز...
العنود قامت من السرير وتوجهت للشباك: بلى فواز اهو السبب الرئيسي..
هيفاء: بس انتي كذا تخربين على نفسك.
العنود التفتت على هيفاء وبعيونها حزن: انا ياهيفاء ابي اطلع من هالديرة عشان كل شي فيها مرتبط فيه...تدرين ان انا طعم النوم ماذوقه خوف من ان فواز يطلع لي باحلامي..حتى اذا صحيت احاول اني مابقى لحالي عشان مافكر فيه..العنود ماقدرت تكمل لان دموعها غالبتها وكملت وهي تبكي...انا اكرهه ياهيفاء ..اكرهه..اكرهه لانه خلاني احبه..اكرهه لانه خلاني اتعلق فيه...
راحت هيفاء وضمتها وتحاول تهدي منها :خلاص يالعنود..ترى والله عورتي قلبي وبعدين هو مايستاهل منك هالدموع كلها..
العنود وهي تمسح دموعها: خلاص انتي انزلي تحت وانا بغير وبنزل تحت..
هيفاء: بس انتي تعبانه.
العنود:لا مافيني شي بعدين انا اللحين كويسه بعد ماخذت الدواء..
هيفاء:اوكي..انا ناطرتك تحت لا تطولين علينا...
لما طلعت هيفاء العنود راحت وبدلت ملابسها وغسلت وجهها وحطت شوية ميك اب وحطت الغطا على راسها ونزلت اول مانزلت شافت فهد طالع من المطبخ ووقف ينتظرها لين مانزلت.
فهد بغموض:سلامتك يالعنود؟
العنود وفي صوتها بحه:الله يسلمك..شلونك؟
فهد:بخير..
فهد اخذ نفس وتكلم:العنود بغيت اكلمك بموضوع..
العنود باستغراب: خير ان شالله؟
فهد وهو يتلفت حولينه:طيب ممكن اكلمك في مكان محد ممكن يقطع علينا..
العنود بحده:شلون يعني بروحنا؟
فهد بتوتر:لا لاتخافين بخلي هيفاء تجي معانا..
العنود هزت راسها :اوكي ..خلاص انا بروح انادي هيفاء وممكن نروح للسطح وهناك بنلقى راحتنا...
راحت العنود لصاله وهناك شافت ام فهد وخالها سلمت عليهم كلهم وهي خايفه تتأخر على فهد بس ابوها اللي مسكها وقعدها بجمبه.
ابو حمد بعتاب: افا يالعنود انا ابوك ولا اعرف انك تعبانه..
العنود وهي تضحك:هههههههه..فديتك يايبه انا مافيني شي الا بس شوية تعب..
تدخلت هيفاء: ماعليكم منها هذي عياره..
العنود وهي تقمز هيفاء: معليه ياهيفاء..اقول قومي بس ابيك بالمطبخ..
هيفاء:توني جايه من هناك روحي انتي..
العنود وهي تاشرلها بايدها من تحت اشارة قومي..بعد عناء هيفاء فهمت وقامت معاها ..وحصلوا فهد ينطرهم مغتاظ..
فهد:حشا كل هذا قاعدين تقرقرون.
هيفاء مستغربه: شسالفه؟
فهد وهو يرقى الدرج:بعدين انتي بتعرفين..
ولما وصلوا للسطح فهد التفت على اختها وبسخريه: ممكن لو سمحتي تتكرمين وتبعدين شوي عشان ابي اكلم العنود بموضوع..
هيفاء وه تطالعهم بخبث: الله الله ..عاملين لنا فيها روميو وجولييت..
العنود وفهد بنفس الوقت وبغضب:هيـــــــــــــــــــــــفاء..
هيفاء جفلت:طيب طيب حشا كلتوني..
راحت ووقفت بعيد وهي تطالعهم بحمق..فهد ارتد عن العنود وهو يحاول يرتب الكلام براسه ويحاول يلتقط انفاسه..العنود اللي كانت تطالعه باستغراب..
العنود:فـــهد؟
فهد تنهد والتفت عليها: اسمعي يالعنود انا بسألك سؤال وبذمتك تجاوبيني بصراحه؟
العنود :أسأل.
فهد بهدوء شديد: انتي ماتبين تتزوجيني،صح؟
فهد وكأنه يقر بهالشي مو يسألها بس العنود ماقدرت تجاوبه نزلت راسها وهي ماتعرف ايش تقول..
فهد :العنـــــــود؟
العنود رفعت راسها: مادري يافهد..
فهد عطاها ظهره: طيب يالعنود عشان افكك من هالسؤال انا قررت افك الخطبة.
العنود انصدمت وتحس ان لسانها انعقد .ايش الكلام اللي يقوله هذا معقوله يتكلم جد.
فهد التفت عليها وهو يتكلم بمراره:بصراحه يالعنود انتي بنت قمر والكل يتمناك بس انا عادك زي اختي ووالله ان غلاتك من غلات هيفاء اختي...فانا حبيت ابلغك قبل مابلغ الوالده.
فهد هز براسه ونزل تحت بينما العنود وقفت مكانها وتحس ان مشاعرها متضاربه تحس انها مصدومه وفي نفس الوقت مرتاحه من هم وانزاح بس الحمدالله انها جات منه هو..هيفاء جات عند العنود ووجهها جدي: وش عنده فهد يبيك؟
العنود التفتت عى هيفاء وهي تضحك على سخرية القدر قبل كانت تتمنى تفك الخطبة ولا تدري شلون تفكها وفي اللحظه اللي مافكرت فيها بهالشي يجي فهد وهو بنفسه اللي فكها.
هيفاء وهي تهز العنود: عنيد شفيك؟
العنود:فهد اخوك فك الخطبه.
هيفاء بققت عيونها: كذابه...من جدك تتكلمين؟
العنود وهي متجهه للكرسي :ايه من جدي..ليه مستغربه؟
هيفاء وهي تقعد على الكرسي اللي جمبها: مستغربه الا قولي منصدمه!
قعدوا البنات ساكتات فجأه هيفاء طرا على بالها شي وهي تشهق: تهقين فواز قال حق فهد عنك وان هذا اللي مغير رايه...
العنود وهي تهز راسها: مستحيل فواز يسويها..
هيفاء بحمق: تراك واجد واثقه منه نسيتي اللي سواه شلون ماتتوقعين منه هالشي..
العنود حست بالم لما ذكرتها هيفاء بالموقف وهيفاء تحسفت انها جابت طاريه .
هيفاء باسف:العنود سوري ماكان قصدي..
العنود بمراره: لا عادي انت قلتي شي واقع ..ماتدرين ممكن بيوم من الايام اتذكرها واضحك.

***********************
في مكان ثاني الجو كان حارجدا في دبي وبالتحديد في منطقه مزدهره بالعمران والشركات التجاريه كانت هناك شركه مختلفه في تصميمها الغريب والحديث وتتبع باقي شركات الضاوي للمقاولات في السعوديه وبداخل الشركه كانت الاجواء حاميه بالاشغال والعمال فيها مستغرقين بالشغل ..في الطابق الثالث عشر كان مكتب رئيس مجلس الشركه اللي يتولاه حاليا نواف بدلا من تركي ..كانت الطاوله اللي قاعد عليه نواف مليانه بالاوراق ..نواف حس بالجهد من الشغل وتعنز بيدينه على المكتب يفكر بالوقت الراهن حس بالعجز لانه مايعرف وش اللي يصير في لندن ولابأيده يروح هناك يستطلع الوضع ..نواف اعترف لنفسه انه يحس بالخوف من نوايا تركي تجاه هيفاء من كلامه من اخر مره كان واثق من نفسه وصمم انه مايجيهم وهذا دليل انه في شئ يدور براسه والله يسترر لا يخرب الخطط اللي حطيتها لان خطوبتي من هيفاء هو طوق النجاه ونفس الوقت ضربه في وجه تركي .. نواف رفع السماعه ودق على رقم معتاد عليه..
نواف وابتسامه خبث ترسم على شفايفه:مرحبا يااغلى لولو بقلبي في الدنيا..
صوت انثوي ينبع غنج:اهلييييييييين حبيبي ..طولت علي ليش ماكلمت ..
نواف ضحك بسخريه:هههههههه حبيبتي وش اسوي لازم اطول عليك عشان تشتاقين لي..
لولوه بدلع:ياسلام اصلا انت ماتعرف لوتمر دقيقه ولااسمع فيها صوتك اشتاق لك فيها..
نواف وهو يفسرلها:وش اسوي ياعمري والله العظيم مشغول..
لولوه باستغراب:ليش اخوك مااعطاك للحين ورثك ..؟
نواف بتفكير:لا ماعطاني ورثي وهذا انا الحين اشتغل لما يتنزل سمو الاميرو يرجع السعوديه..
لولوه وهي تأنبه:انزين ليش خاطب مادامه ماعطاك فلوسك انت مو قلت لي انه بيعطيك فلوس..
نواف وهو مش عارف وشلون يفهمها:ياحبيبتي خطوبتي وصلتني للشغل بالشركه
والشغل بيوصلني للورث..
لولوه قطبت جبينها:وشلون مافهمت ..
نواف بتركيز:اذا اشتغلت بشطاره في الشركه واثبت جدارتي عند تركي ساعتها بيثق فيني ويخليني استلم ورثي ..
لولوه رفعت حواجبها:اهاااا الحين فهمت بعدين وش بتسوي..
نواف ابتسم :بعدين ياعمري اول ماستلم فلوسي بودع الشغل والشركه ..
لولوه بعصبيه:بـــــــــــــــــــس!والخطوبه..
نواف استدرك الوضع بسرعه:اول خطوه يا حبيبتي اني افسخ الخطبه من هيفاء واتزوجك ..
لولوه بخبث:أي على بالي نسيتني ..الا هذه اللي اسمها هيفاء حلوه مع اني اعرف انها مستحيل تكون احلى مني ..
نواف ضحك:ههههههههه والله انك تحفه ..هي الصراحه على خبري فيها يوم كنا صغار كانت جميله عيونها مشدوده ووساع وشعرها اسود حرير..
لولوه تنرفزت:اشوفك ياستاذ نواف حط عينك عليها ..لايكون ناوي تاخذها ..
نواف:وش ابي في النجوم وانا عندي القمر..
لولوه تضحك بدلع:هههههه ياحلوك يانواف وياحلو كلامك ..الناس كلها تشهد اني احبك ..
نواف بسخريه:وانا بعد ياعمري احبك ..يلا حبيبتي بخليك عندي شغل..
لولوه تأففت:لـــــــــــــــــيه لساتني ماشبعت من صوتك ..
نواف:معليه استحملي ياحبيبتي .. بكره اذا استلمت الورث بتملين مني ..
لولوه بدهشه :انا امل منك..! انا امل من الناس كلهم ولا امل منك..
نواف بغرور:خلاص ياعمري بكره ارسلك صورتي قابليها ليل نهار ومره واحده تشبعيين منها لاني بضطر اقلل من مكالماتي..
لولوه بصوت يحمل خيبة امل:لا عاد مايصير..وش اسوي امري لله خلاص حبيبي مع السلامه..
نواف تنهد مرتاح:الله يسلمك ..




*****************************
في البلكونه في بيت ابوحمد كانوا البنات قاعدين يطالعون امهاتهم اللي كانوا مبسطين في الحديقه ياكلون الفاكهه ويشربون بارد لان الجو كان ربيعي يناسب لنزهه برى بس حالة العنود الصحيه ماسمحت لهم يروحون مكان ..كانت هيفاء تطالع مها اختها تلعب بمرح وبراءه مع محمد هيفاء في هذه اللحظه كانت تمنى ترجع صغيره ولنظرة الطفل السطحيه للعالم..هيفاء ابتسمت بسخريه من نفسها والتفتت لاحظت العنود تشاهدهم بعيون ماتشوف ..تنهدت هيفاء بداخلها من حال العنود من يوم وصلوا وهي ساكته اذا تكلموا ترد عليها باجوبه مختصره كان لونها شاحب وباين عليها قلة النوم من الهالات السوداء اللي تحت عينها وشفايفها صفراء جافه ..هيفاء رثت لحالها كانت تحس بصراع داخلي بين اخوها اللي فك الخطبه وبين العنود اللي مضحيها بمستقبلها وحبها لفواز عشان العائله ونفس الوقت بسبب الخيانه اللي لقتها من فواز.. هيفاء مرات تحس نحوه بالشفقه ومرات بالاحتقار
العنود كان شعرها مفتول ويتنفس بالهواء حول وجهها الناعم رفعت هيفاء خصله عن خد العنود وحطتها وراء اذنها ..العنود انتبهت من سرحانها والتفتت لهيفاء تبتسم ابتسامه مكسوره..
هيفاء بتركيز:العنود انا بسألك سؤال بصراحه انت تعبانه نفسيا ولامريضه..
العنود نزلت عيونها للارض:مادري وش اقولك ياهيفاء اناحاسه ان مشاكل الدنيا
على راسي..
هيفاء وهي تحاول تفهمها:انزين انا هنا عندك خليني اشيل عنك شوي..
العنود ابتسمت بسخريه:هه وشلون تشيلين عني ماحد يقدر ياهيفاء يساعدني..
هيفاء وعلى وجهها علامة استفهام:ليش ماحد يقدر يساعدك ..حاولي..
العنود بيأس:اللي انا فيه قدري ومكتوب من يوم طلعت لها الدنيا..قدري ياهيفاء اني احب فواز بس ما اتزوجه..
هيفاء ابتسمت بامل:من يدري يمكن قدرك يحملك مفاجآت..
العنود قطبت جبينها:مفــــــــــــاجأت!لامااظن اللي صار صار..انا حاليا بس ابي ارجع السعوديه افكر واراجع قراراتي..
هيفاء وهي تحاول تغير من راي العنود:ترجعيـــــــــــــــــــن!وتخليني لحالي ..العنود انا مالي قعده في لندن وانت مب موجوده ..
العنود التفتت لها بارهاق:هيفاء انا محتاجه ابعد عن فواز مااقدر اكون بقربه..اتعب اتعب!
العنود حطت يدها على وجهها تبكي وكتوفها تهتز من النحيب هيفاء مدت يدها وحطتها على كتف العنود تواسيها خلتها تبكي لين ترتاح شوي ..لما هدت هيفاء مسكتها من كتفها وقومتها من الكرسي ودخلوا الغرفه لما وصلوا السرير



انسدحت العنود وهيفاء قاعده جنبها تمسح على شعرها ..هيفاء فكرت انهالازم ما تكون انانيه وتقعد العنود في لندن على حساب تعاستها ..فكرت ان العنود معها حق لازم ترجع الرياض وترتاح من مشاكل فواز اللي تلاحقها ..من يدري يمكن اذا راحت السعوديه بتنساه مع الوقت ..مثل مايقولون الزمن كفيل بالجروح..
هيفاء بنعومه:العنود حبيبتي نامي الحين ..
هيفاءكانت بتقوم بس العنود وقفتها:هيفاء اسمحيلي لاني بخليك لحالك مب باستطاعتي اني اقعد هذا شئ خارج طاقتي ..
هيفاء ابتسمت متفهمه:العنود انا راحتك عندي بالدنيا كلها واذاراحتك انك ترجعين السعوديه ..فانا موافقه ولااابعد مصره..
العنود طالعتها بنظرة امتنان:ياحياتي ياهيفاء صدق انك اختي وصديقتي ..هيفاء انا بقولك شئ انت ماتعرفينه عن نفسك ..
هيفاء بحيره:وشو..؟
العنود وخدودها مبلله بالدموع:انت ياهيفاء انسانه قويه بس ماتدركين هالشئ بامكانك تواجهين تركي وعشره من امثاله..
هيفاء بحزن:انت تقولين كذا عشان تخففين على نفسك تأنيب الضمير..
العنود تفسرلها:لاوالله ياهيفاءاقول الحقيقه ..انت اقوى مني والدليل انك بتزوجين نواف وتركي اخوه..
هيفاء رفعت اللحاف وغطت العنود:انت نامي الحين وخلي تحليلاتك النفسيه بكره..
العنود مسكت اللحاف بخوف:هيفاء على فكره احنا بنسافر بكره..
هيفاء بخيبة امل: حجزتوا بهالسرعه..
العنود هزت راسها:أي امي كلمت ابوي حجز على بكره ..
هيفاء:يلا حبيبتي اشوفك على خير..
العنود ضمت هيفاء:راح اشتاق لك ..كلميني يوم بيوم..
هيفاء هزت راسها:ان شاء الله ..
العنود برجا:ماراح تجينا بكره ..
هيفاء :لاماظنتي ..يمكن امي بس انا ماقدر..خليني انودع بعض الحين ..
العنود نزلت راسها :على راحتك ياعمري وسلمي على الجوهره عني..
قامت هيفاء من مكانها وراحت للباب بتطلع وهي تطالع العنود بعيون معذبه
هيفاء وهي تصنع الابتسامه:يوصل ..
طلعت هيفاء ونزلت برى للحديقه وهي تفكر وشلون راح تستحمل الاسابيع الجايه بدون العنود ..مع من تطلع و من راح تقولها سوالفها مع تركي ..هيفاء العبره خنقتها ماتخيل لندن بدون العنود ..العنود الوحيده اللي مالها بديل عندي..
لقت امها وعمتها يتناقشون بجديه وباين ان السالفه عن سفرهم للسعوديه..سمعت امها تحاول تقنع عمتها بس عمتها ماقالت لها ان السبب الرئيسي هو تعب العنود وحالتها النفسيه لها السبب امها مب راضيه تفهم ليش رجوعهم المفاجئ لاسيما انهم قبل نكسة العنود كانوا فرحانين ومكيفين على السفره ..هيفاء حست ان هالوقت المناسب انها تدخل وتنقذ عمتها من اسئلة امها المتطلبه..
هيفاء حطت يدها على كتف امها:يما الله خليك افهمي ..انا متأكده ان عمتي لها اسبابها..
ام حمد طالعت هيفاء بنظرة شكر:والله اعذريني ياام فهد..الود ودنا نقعد معكم بس الظروف جابرتنا وابو حمد حجز خلاص..
ام فهد بيأس:متى النيه انشاء الله..؟
ام حمد : بكره ان شاء الله..
ام فهد وقفت:تامرين على شئ ياام حمد وربي انك لوتطلبين عيوني ماتغلى عليك..
ام حمد بدهشه:على وين تونا بدري..
ام فهد:لازم نخليكم تبرزون اغراضكم وبعد مثل ماانتي شايفه مها نعسانه تبي تنام..
ام حمد:ماابي الا سلامتك ياطويلة العمر..
هيفاء مسكت عمتها تسلم عليها:يلاعمتي تروحون وترجعون بالسلامه ..
ام حمد:ليش ماراح نشوفك بكره ..؟
هيفاء نزلت راسها عشان ماتبين دموعها:لاوالله ماقدرياعمتي اودعكم الحين احسن..
ام حمدابتسمت:افاا هذا وانا معتمده عليك عشان تخففين على العنود حزنها على فراقكم..
هيفاء بحزن:انا اللي محتاجه حد يخفف علي ياعمتي ..ماحد يقدر يعوض علينا غيابكم..
التفتت هيفاء وراها بينما امها تسلم على عمتها شافت محمد يلعب بالحشيش قربت منه ..لما رفع راسه وشافها ابتسم لها ابتسامه تعور القلب خلى قلب هيفاء يذرف دم
محمد بمرح:هيوف تعالي العبي معي اختك مها الخايسه راحت وخلتني..
هيفاء ابتسمت بحزن :لاحبيبي ماقدر بنروح الحين..ماراح تسلم علي..
محمد هزراسه وراح ضمها وهيفاء ضمته بالمثل لما رفع راسه..
هيفاء بتحذير:مااوصيك على امك والعنود الله الله فيهم تراك انت رجال البيت ..
حط محمد يده على خصره:ليه وين راح ابوي وحمد..
هيفاء:ابوك الله يخليه لكم اما حمد مخبل..
محمد:هههههههه اذا سمعك حمد تقولين هالكلام بيذبحك..
هيفاء:هههههههه يخسي مايقدرعلى هيفاء بنت سلمان ..هاا حبيبي توصي على شئ خاطرك فيه..
محمد وهو يفكر:امم لا مابي شئ..لالحظه اذا في شريط بلاي ستايشون جديد اشتري لي..
هيفاء ابتسمت:ماشي يامستر محمد..اي اوامر ثانيه..
محمد هز راسه:لا.
هيفاء واهلها طلعوا من شقه عمتها..وهي تحس بفراغ داخلها وكانها فقدت شئ غالي على قلبها حست انه جزء منها خلت وراها تاملت هيفاء شوارع لندن في السياره وكل شارع يحمل ذكرى مع العنود او حادثه معينه ..هنا ماقدرت تستحمل بدأت دموعها تنزل بصمت تبكي على رفيقتها والا نسانه الوحيده اللي تفهمها كرهت هيفاء لندن حست انها
فاضيه وبارده ..دعت هيفااء برجاا من ربها انه يصبرها لين ترجع السعوديه ..
لما رجعوا البيت كان كل واحد منهم يحس انه ماعنده كلام يقوله للثاني فكل واحد راح لطريق غرفته ..حمدت هيفاء ربها انها ماشافت تركي اليوم وخاصة الحين
لانها تحس انها ضعيفه ماتقدر تدافع عن نفسها مشت بخطوات بطيئه متثاقله بالالم
لاحظت ان ضوء مكتبه مفتوح ..اكيد عنده اشغال اهم من مناقرتها تخيلت هيفاء لوكانت العنود عايشه معهم هل كان بيعامل العنود مثل مايعاملها كأنها شخص غير مرغوب بها..هيفاء اول ماوصلت لغرفتها نامت على السرير بدون ماتغير ملابسها
وفي نفسها تامل ان النوم يمسح هموم النهاراللي عانتها..

*************************
بس فيه واحد ماكان معاهم فهد طلع من بيت عمته بعد العشا .. ركب سيارته وتوجه للمستشفى وهو لازم يبلغ فواز انه فك الخطبه على الاقل ان كان فواز يحب العنود ويبي يخطبها هذي تكون فرصته..وبينه بين نفسه يحس براحه واكتشف ان كان العنود مثل اخته واصلا حتى ولو استمر بالخطبه مستحيل تنتهي بزواج لان مشاعره اتجاها مشاعر اخويه..
وصل فهد للمستشفى وحس ان الوقت متاخر بس احساسه يقوله ان فواز صاحي فاخذ اللفت للطابق اللي فيه غرفة فواز واتجهه لغرفته وطق على الباب قبل مايدخل..ولما دخل حصل فواز مستلقي وحاط ايده ورا راسه ..
فهد:السلام عليكم.
فواز عدل من قعدته:وعليكم السلام..هلا فهد..
فهد بابتسامه:عسى مازعجتك؟
فواز:لا ازعاج ولاشي الا بالعكس زهقان..
فهد:اهااا..
فواز:ها شخبارك؟
فهد بتوتر:والله مافي شي جديد....
فواز حس انه فيه شي:خير فهد فيك شي؟
فهد: هاه..لا بس اليوم فكيت خطبتي من العنود..
فهد وهو يراقب ملامح فواز وبريق الامل اللي اشتعل للحظه بعيونه وانطفى: فكيت خطبتك..ليه في شي؟.
فهد:لا مافي شي بس مثل ماقلتلك من قبل البنت انا عاده مثل اختي.
فواز بغموض:وهي شلون تقبلت الخبر..
فهد:عادي..
فواز: وبس هذا اللي موترك.
فهد : ايه والله ياخي احس اني كنت حامل هم..
فواز بمرح: حشا هذا وانت خاطب ..اجل لو عرست وش كنت بتسوي..
فهدوهو يضحك ومرتاح ان فواز نفسيته تحسنت: هههههههه..بليس لا تقول...
قعد فهد فترة عند فواز يتسامرون ويسولفون لغاية ماقطعت عليهم الممرضة وتطلب من فهد انه يطلع لان الوقت اللحين متاخر..
فهد بابتسامه:حشا حتى جامعتنا مش كذا..
فواز وهو يضحك:هههههههههه..الله وكيلك مو هذا اللي مطفشني..
وقبل مايطلع فهد التفتت على فواز:ايه على فكرة ترا حمد بكره بيرد السعودية.
فواز بدهشه:لاااااااا..وش عنده الاخو؟
فهد:مو هو بس الاهل كلهم..عالعموم انا تاخرت يله تصبح على خير..
طلع فهد وترك فواز لصدمته مامداه يفرح بخبر ان فهد فك الخطبه يجي وينسفه بخبر انها بترد السعوديه..

*********************

قامت هيفاء من النوم متأخر بسبب تعبها البارحه حست بثقل بجسمها غسلت وجهها وغيرت ملابسها اللي من امس ونزلت تحت تتفطر وتدعي في نفسها انه تركي مايكون موجود لانها مالها خلق حد ..كلت فطورها من غير نفس ..خافت من هدوء البيت المفاجئ ماكان في صوت لايكون راحوا خلوها مب غريبه يسونهاا..راحت واستطلعت في اركان البيت مالقت حد ..حتى مها اللي كله منقعه عند التلفزيون
مالقتها هنا صدق بدا الرعب الحقيقي يدب في قلبها ركضت للتليفون تكلم شقة عمتها
لاحظت نوته جنب السماعه رفعتها وقرأتها ..تقول فيها امها انهاوابوها ومها اختها
راحوا لشقة عمتها يساعدونها على ترتيب الاغراض لقوها نايمه ولاقدروا يقومونها
واذا بغت تجي تكلم السايق يجيبها ..حست باكتتْاب لانها راح تقضي اليوم ماعندها شئ تسويه ..رجعت للمطبخ تشرب العصير بسرعه وترجع لغرفتها قبل مايشوفها تركي ويستغل فرصة انهم لحالهم في الشقه..على اخررشفه شربتها من العصير انفتح الباب وعيونها تطالع الشخص عند الباب بخوف انه يكون الشخص اللي في بالها





طلت زهره الاثيوبيه من الباب والابتسامه على محياها لما شافت هيفاء..طلعت منها تنهيدة ارتياح ضحكت هيفاء على خوفها وسلمت على زهره بفرح..
زهره بابتسامه:لساتك قايمه يااميس هيفاء ..من شان اعملك الفطور..
هيفاء هزت راسها:لا زهره مشكوره انا فطرت ..من وين جايه..؟
زهره وهي تحط الاغراض اللي في الاكياس في الثلاجه:لساتني جايه من السوبر الماركت ..المدام ام فهد طالبه مني اشتري اغراض البيت..
هيفاء وهي حاطه يده على خدها متملله:وفهد اخوي وينه ..؟
زهره رفعت عيونها فوق تذكر:على مااظن لساته ماصحى..
طل عليهم من باب الصاله راس فهد ووعيونه منفخه من النوم كان وجهه متكاسل كأنه ماله خلق لحد..
هيفاء ضحكت:جبنا سيرة القط جانا ينط..
فهد وهويفرك عينه:صباح الخير.
ردوا اللي في المطبخ:صباح النور.
فهد وهورافع حاجب واحد:خير عسى ماشر من صباح الله خيره تحشون فيني..
هيفاء ابتسمت:الخير في وجهك بس كنت اسئل زهره عنك..
زهره بمرح:هاا يامستر فهد ايش عاوز على الفطور..
فهد سند راسه على طاولة المطبخ بتعب:كالعاده.
بدأت زهره تعد الفطورحق فهد ..هيفاء ارتاعت من شكل اخوها المرهق اللي يشوفه يقول مانام الليل خالص..
هيفاء باهتمام :فهد وش فيك مانمت امس..؟
فهد رفع راسه بثقل:بلا نمت امس بس هالايام نومي مايزيد على الخمس الساعات..
هيفاء باستغراب:من اللي جبرك تعذب نفسك..
فهد كان سرحان ومارد عليها..
بعد خمس دقائق التفت فهد عليها:الا الاهل وينهم مابينوا..
سكتت هيفاء لما حطت زهره الصينيه قدام فهد ..
هيفاء كملت:راحوا بيت عمتي يسلمون عليها..
فهدوهو مركز على اللي قدامه:لــــــــــــــــــــيه..؟
هيفاء بجديه:لانهم بيسافرون بكره..شفيك نسيت
فهد وهو يضرب على راسه :اوووف نسيت عشان كذا حمد ذبحني بالتليفونات...
قام فهد ولاكمل صحنه:انا بروح لبيت عمتي..
هيفاء وقفت:فهـــــــــــــــــــــــــــــــد !
بس فهد اشرلها بيدينه وكمل طريقه بدون مايوقف..
زهره باستغراب:ماله مستر فهد ..؟
هيفاء هزت راسها :مااعرف يازهره وش فيه..
قامت هيفاء وطلعت للحديقه وهناك شغلت النافوره وقعدت تفكر كانت شاغله فكرها بالعنود بنت عمتها هالايام حاسه ان العنود رفيقة عمرها ماراح ترجع مثل اول المرحه والعفويه اللي الحب المدفون في قلبها انكسروانجرح
صارت مثل المرأه اللي اكتفت من الحياه وعطاياها وتحمل هموم اكبر ..هيفاء انصدمت من نفسها لقت جزء منها يحسد العنود..على الاقل هي عاشت الحب وجربت مرارته وحلاوته ..اما انا مالقيت من هالدنيا الا الاخذ ولاعطتني شئ املكه لوحدي ..هيفاء كانت قاعده في الحديقه شاردة الذهن وحاطه يدها على خدها مالا حظت العيون اللي تاملها من النافذه ..عيون غامضه ماحد يعرف بالمشاعر اللي تخبيها ..خرجت من هيفاء تنهيده غصبا عنها من الاحوال الرديئه اللي تمر عليهم ..وفي نفس الوقت الضعف بدا يراودها لانها ماقدرت تكون شق في درع تركي المنيع كان دايما يحسسها بالا حتقار وان احسن من مستواها ..لاحظت هيفاء ان مكالماتها قلة مع نواف وهذا اللي لاحظه تركي وخلاه يحس بالا نتصار ..شعور القهر ألمها لانها سمحت للمغرور ينسيها خطيبها ..شوي شوي اكتشفت هيفاء ان تركي خذا جزء من افكارها وهذا اللي مستحيل ترضى به اوشخص يتمنى تعاستها تخليه يتسلل لكيانها
*******************
ايش تتوقعـــــون راح يصير؟



الجـــ الرابع عشر ـــزء
العنود وهي قاعده بالمطار مع اهلها ينتظرون موعد رحلتهم...قعدت تناظر الناس المسافر منهم والقادم منهم والتفت تشوف بنت تودع صديقها وهي تبكي ..وماتدري ليه بس حست بالم لما شافت هالمنظر..شوي الا تلفونها يرن رنة مسج طلعت التلفون عشان تقرا المسج الا مكتوب فيه:
..يهــون عــلى قلبــك يبتعـــد ويتـــركني..
(فواز)
العنود انصدمت لما قرت الاسم ..فواز..لكن من وين جاب رقمي ردت تقرا المسج والدموع متجمعه بعيونها ودها ترد عليه بس تدري انه مافي فايده وكان ودها تقهره وترد عليه بكلمه وهي ايه يهون..فواز اللي كان قاعد بالشقه وينتظر رد منها بس لما شاف ان مرت مدة عرف انها ماراح ترد..تمنى ان الجوهره تعرفت عليها من زمان هو لما شاف الجوهره مشغوله بالمطبخ انتهز الفرصه وطلع رقم العنود..تنهد واستلقى على الكنبه وهو يراقب التلفون في امل انها ممكن ترد..وفي نفس اللحظه كانت عيلة ابو حمد تصعد للطيارة والعنود اللي كانت ترتعب من طاري الطياره كان هدوءها مروع حتى امها لاحظت هالشئ وهنا حست ان قرارها انهم يردون السعودية كان قرار صائب ..العنود قعدت جمب الشباك ومحمد اخوها كان قاعد بجمبها قفلت حزام الامان وقعدت تراقب لندن من شباكها وكانها تودعها وتودع كل ذكرياتها فيها سواء من مرة او حلوة.

*******************

اما بالنسبه لهيفاء اللي كانت قاعده بالبيت لحالها متملله وتفكر شلون تقضي وقت فراغها اللحين بدون العنود..قامت من مكانها وتوجهت للدرج عشان بتروح لغرفتها لما شافت مكتب تركي مفتوح فجاها فضول انها تدخل وتشوفها لانها بالعاده تكون مغلقه فتحت الباب اكثر ودخلت وشافت ارفف مليانه بالكتب ومكتبه كان مليان بالاوراق المبعثره وريحة السجاير للحين موجوده بالجو توجهت لللارفف تقرا اللي موجود فيه لغاية ماوصلت لرف كان نوع الكتب اللي فيه عباره عن قصص بوليسيه خذت واحد من الكتب وقعدت على الكنبه الجلديه تقرا فيه وغرقت بالكتاب وفقدت الاحساس بالوقت لدرجة ان تركي لما دخل ماحست فيه.
تركي بحده: وش قاعده تسوين؟
هيفاء سكرت الكتاب ووقفت مرتبكه: قاعده اقرا....
تركي بسخرية: يعني ماشوف...قصدي ايش اللي دخلك مكتبي..؟
هيفاء بارتباك:شفت باب المكتب مفتوح ..دخلت..
تركي توجه لمكتبه وقعد هناك: بس بهالبساطه..لا احم ولادستور..
هيفاء وهي ترد الكتاب مكانه: آسفه ماكان قصدي..
تركي وهو يشعل سيجاره : اعتذارك غير مقبول..
هيفاء وهي تحس بالغضب: اصلاً انا الغبية اللي اعتذر منك..
تركي بسخريه: بصراحه تصلحين ممثله..وكمل بقسوة: اذا بتمثلين مثلي على نواف مو علي..
هيفاء تحس ان ودها تقذف شي بوجهه: ممكن اعرف انت ليه كذا؟
تركي وهو يطالعها بسخريه:..........
هيفاء ضربت الارض برجلها من الحره وطلعت من المكتب وهي تصفق الباب وراها بقوه ورقت فوق لغرفتها وهناك رمت نفسها على السرير وهي تصر على اسنانها من الغيض..بعد دقايق سمعت طرق على الباب ومن غير نفس..
هيفاء:مييييييييييييين؟
تركي: انا تركي.
هيفاء فزت من السرير مصدومه..تركي ايش يبي اكيد يبي يكمل تهزيئه فكرت بينها وبين نفسها انا لازم ماسمح له..قامت من مكانها معصبه ومستعده تواجه..افتحت الباب بقوه:نعــــــــم؟
تركي وعلى وجهه ابتسامه: من جدك زعلتي؟
هيفاء انصدمت من التغيير اللي طرا عليه: خير ايش بغيت؟
تركي وهو مازال يبتسم: بغيت اعتذر منك..
هيفاء وهي ترد عليه بنفس جملته :اعتذارك غير مقبول..وصكت الباب بوجهه.
وتوجهت للسرير بس تركي فتح باب الغرفة بغضب وهيفاء تطالعه بغضب.
هيفاء:انت شلون تتجرأ وتدخل غرفتي..
تركي وهو يمسك ايدها بقوه:انا كم مره قلت لك لا تعطيني ظهرك وانا اكلمك..
هيفاء وايدها تعورها من ضغطه:تركي ايدي ..
تركي وهو يصر على اسنانه: ياويلك ان سويتها ثاني مره..
هيفاء وهي تحس ان ايدها انشلت والدموع تنزل من عينها: ايدي تعورني..
تركي لما شاف دموعها انصدم وهد ايدها وهو مصدوم من اللي سواه بس هي تنرفز الواحد..قعد يطالعها وهي تفرك معصمها ودموعها تنزل بصمت..
تركي بحزن: هيفـــاء انا آسف..
هيفاء طالعته من بين دموعها بكره وهي تصرخ:انااكرهك..اكــــــرهك..
اطلع برا وخلني بسلام...
هيفاء وهي تشوف المشاعر اللي بانت بعيونه وهو يطالعها بنظرات غريبه وماتعرف لها تفسير..
تركي طلع من الغرفه من دون مايقول شي وترك هيفاء وراه حزينه وحيرانه من المشاعر اللي غزتها بالايام الاخيرة ولاتعرف لها تفسير ..طالعت ايدها وحصلتها محمره ..مشت للحمام وفتحت المويه وخلتها تنساب على ايدها تكمدها ..بعدها رجعت للغرفة وهي تفكر بان هالافكار والاحاسيس اللي تحس فيها مجرد اوهام وانها مان تتصل بنواف الا وتختفي.فاخذت تلفونها وهي تدق على رقم نواف وتنتظر بس ولاول مره نواف مارد عليها قطبت جبينها مستغربه،تنهدت وانسدحت على السرير وهي تفكر بالعنود وتمنت انها راحت معهم بس هي عرفه رد امها ايش بيكون..طرا على بالها تتصل بالعنود تشوف اذا كان تليفونها مسكر معناته سافرت واذا كان مفتوح فرصة وتفضفض لها لكن نفس الشي حصلت تلفونها مغلق.
قررت انها تجلس بالغرفة تفادي انها تتصادم مع تركي وتنتظر اهلها لغاية مايجون وينقذونها من هالوضع الكريه.

*********************
فواز كان قاعد يمشي في غرفته وهو يفكر ياترى هل يلحقها للرياض ولا لأ؟بس الخوف انه يروح وترده وهنا هو مايقدر يستحمل اللي بيصير له لو رفضته.. فجأه احد يطق على باب غرفته..
فواز وهو يقط نفسه على الكرسي بتعب:ميــــــــن؟
الجوهره: انا يافواز.
فواز:تعالي ادخلي.
الجوهره دخلت ولما شافت غرفته معتفسه قطبت جبينها بقلق:فواز ماتبي تاكل شي ترا حطينا الغدا.؟
فواز من غير نفس: مابي مشكوره.
الجوهره تنهدت وتوجهت للسرير وقعدت: ممكن اعرف انت ايش فيك؟
فواز وهو يبتسم بسخرية: يعني ايش فيني مافيني الا العافيه..
الجوهره بحزن: فواز انا اختك اذا ماقلت لي ايش فيك يعني حق مين بتقول؟
فواز كان متردد اذا يقول لها ولا لأ بس بالاخير استسلم وقرر ان يبوح لها ممكن يلقى الجواب عندها.
فواز وهو يبتسم بمراره:انا اللي فيني يالجوهره مرض ماله علاج.
الجوهره بهدوء:مافي شي ماله علاج.
فواز بسخريه: بس انا علاجي مرتبط بوحده.
الجوهره وهي تنتظر منه ان يكمل:...............
فواز بتعب:انا احب يالجوهره.
الجوهره وهي منزله راسها: اعرف.
فواز طالعها بصدمه: وش دراك.؟
الجوهره بصوت منخفض: لما كنت بالمستشفى بالغيبوبه نطقت باسمها.
فواز وهو رافع حاجبه: كملي.
الجوهره وهي تحط عينها بعينه: انت تحب العنود.
فواز حس بصدمه يعني الجوهره كانت عارفه طول هالوقت ولا قالت شي.
الجوهره باسف: اسفه يافواز ما كان قصدي..
فواز قطع عليها الكلام: عادي ..لانها خلاص راحت.
الجوهره بتفكير: خلاص يافواز انت لازم تنساها ..هي اللحين ملك لواحد ثاني.
فواز ببرود: لا لان فهد فك الخطبه..بس المشكله ان هي سافرت وراحت.
الجوهره :طيب ايش المشكله روح واخطبها.
فواز بمراره: شلون وانا خنت ثقتها فيني..
الجوهره:شلون؟
فواز خبر الجوهره بكل شي صار بينه وبين العنود من اول ماشافها لاخر مره شافها فيه اللي هو بعد ما شافته مع ساره.
الجوهره بتفكير: طيب انا عندي الحل.
فواز وهو يطالعها برجا: هاتي الحل.
الجوهره :ابتعد عنها ..كمل دراستك وانساها.
فواز وقف بعصبيه:انت جنيتي شلون تبيني انساها..اقولك ماقدر اعيش من غيرها تقولين لي انساها..
الجوهره: انت اسمع كلامي وبتشوف.
الجوهره قعدت تحاول بفواز عشان يقتنع بفكرتها لغاية ماخيرا اقتنع وقرر انه خلاص يرجع يكمل دراسته ويكمل حياته عادي.

********************

بعد عدة ساعات اعلنت الطيارة عن وصولها لمطار الملك فهد بامان وبدوا الركاب اللي فيها بالنزول من الطيارة .
واخيرا وصلت للرياض هذا اللي فكرت فيه العنود وهي مستانسه وتحس بالامان قعدت تنتظر ابوها وحمد مع امها واخوها محمد مستعجله تبي تروح البيت وخصوصا لغرفتها وهناك خلاص بتبتدي صفحه جديده وتحاول تنسى كل شي صار لها بلندن..خلص ابوها من الجوازات وطلعوا وحصلوا السايق ينتظرهم برا ومعاه السيارة وطول ماهم بالطريق قعدت العنود تشبع عيونها بالرياض ومنظرها بالليل وهي تتاوه هذي اول مرة صدق احس اني مشتاقه للرياض.
اول ماوصلوا للبيت على طول توجهت العنود لغرفتها وهناك حصلت كل شي بمكانه حتى الثياب اللي كانت مطلعتها على اساس تاخذها وعلى اخر لحظه خلتها كانت مثل ماهي بمكانها..مسكت البرواز اللي كان موجود على التسريحة واللي كان يحتوي على صورة غالية على قلبها وهي عبارة عن صورة لها هي وهيفاء ماخذينها ببلكونتها وهم مو لابسين الا بجاما ومصورين صورة عباطه كانت هيفاء شاده شعر العنود بينما العنود مطلعه لسانها..ماحست العنود بدموعها الا وهي نازله يالله وش قد مشتاقه لهيفاء..مسحت دموعها وردت الصورة لمكانها وخذت التلفون عشان تدق على هيفاء وتاخذ اخبارها مع ان الوقت كان متاخر وكانت خايفه انها تحصل هيفاء نايمه بس مع ذلك دقت ..رن التلفون كذا رنه الا صوت حزين يرد عليها.
هيفاء:الــــــو؟
العنود قطبت جبينها باستغراب: هيــــــفاء؟
هيفاء فزت من السرير وهي تضوي نور الابجوره:العنــــــــــود!
العنود وهي تضحك:ههههههههههه...يعني مين غيري بيدق عليك هالحزه.
هيفاء بصوت حزين: اشتقت لك يالخايسه حييييل..
العنود وهي تمزح:عيــــــاره مافيك الا العافيه توك شايفتني البارحه.
هيفاء وهي ماتعرف ليه تبكي: العنود يارتيك مارحتي..
العنود استغربت صياح هيفاء: هيفاء شفيك..فيك شي؟
هيفاء وهي تحاول تجمع حالها: تركي الحقير..
العنود وهي تتنهد:بعد ايش سوى المتوحش؟
هيفاء بابتسامه حزينه: اما في هذي الكلمه معاك حق لانه صدق متوحش وحقير..تعرفين ايش سوى؟
العنود وهي متوتره:ايش سوى ياهيفاء؟
هيفاء وهي تحس انها راح تبكي: دخل علي الغرفة وعورني بايدي..
العنود انصدمت:أيــــــــــــــــش...وان شالله سكتي..
هيفاء ودموعها تنزل بحراره: يعني ايش تبيني اسوي؟
العنود بحده: كان خبرتي خالتي.
هيفاء وهي مبققه عيونها: انت صاحيه..لا يابنت الحلال ماقدر..
العنود وهي محتاره منها:طيب ليه؟
هيفاء بتوتر: لا ياختي ماقدر، مابي اسوي فضيحه..
العنود احتارت من هيفاء: يالغبيه هذي فرصتك عشان تردينها له خبري خالتي..
هيفاء وهي ماتدري ليه ماتقدر: ماقدر يالعنود ماقدر..
العنود استغربت: هيفاء شفيك..مو انتي اللي دايماً تقولين انك تنطرين منه موقف عشان تردينها له.
هيفاء ودموعها تنزل بصمت:بلى.
العنود بصبر: طـــــيب؟
هيفاء بحزن: ماعرف يالعنود..
العنود تنهدت: طيب على راحتك..خلاص اخليك اللحين تبين شي.
هيفاء بصوت منخفض: العنود انتي شخبارك؟
العنود بصوت حزين: ماشي حالي ..انا قررت افتح صفحه جديده وماراح اتراجع عن قراري.
هيفاء وهي تبتسم: خلاص ياعمري..باي.
العنود:بـــــــــــــــــاي.
العنود سكرت من هيفاء وهي تناظر التلفون وماتدري ليه بس هي فتحت اخر رساله وصلتها وقعدت تقرا فيها ..وكانت على وشك انها تمسحها بس ماتدري ليه غيرت رايها ..حطت التيلفون على التسريحه وتوجهت للحمام تبدل وتنام.

***********************

طلع الصباح وقامت هيفاء من النوم واحساسها ينبئها ان اليوم راح يكون غير عن باقي الايام وماتعرف ليه..قامت وخذت شاور وبدلت ملابسها وحطت ميك اب خفيف ونزلت تحت وشافت الكل مجتمع حول الطاوله يتفطر ماعدا تركي فتوقعت انه ممكن يكون لسا نايم قعدت على الطاوله وهي تناظر الفطور بقرف .
امها بغضب: هيووف وش عندك تناظرين الاكل كذا..
هيفاء : لا يمه بس ..مالي نفس لاكل البيت..
قامت من الكرسي وهي تمسك شنطتها وتحطها على كتفها :تدرين يمه بفطر بالكافيه اللي موجود تحت جمب الشقه..
امها وهي تقرا الجريده:خلي مها تروح معك..
هيفاء بتذمر:بس يمه...
لكن ام فهد عطتها نظره سكتتها فقامت هيفاء من غير نفس وتوجهت للصاله تسأل مها.
هيفاء وهي تخوصر لمها: مها تبين تروحين معي للكافيه تحت؟
مها وهي مندمجه مع التلفزيون: لا مابي انا فطرت خلاص..
هيفاء رفعت عينها تحمد ربها حثت الحطى وطلعت من الشقة واستخدمت الدرج بدل اللفت واول ماطلعت لفت عند زاوية العماره وحصلت نفسها قدام الكافيه بس المفاجأه انها شافت تركي قاعد بالطاوله الموجوده برا الكافيه وكان سرحان وشكله ما انتبه لها فحاولت تسحب نفسها وترجع بس تركي التفت وشافها فجمدت هيفاء بمكانها وقلبها يرقع مثل الطبول لانها شافته يوقف .
تركي بصوت هادئ وهو يسحب الكرسي اللي مقابله: تعالي ياهيفاء ابي اكلمك بموضوع.
هيفاء ترددت لكن تركي ابتسم لها باطمئنان: ماراح آكلك.
هيفاء هزت كتوفها وقعدت على الكرسي من غير ماتحط عينها بعينه بعدها جا الجرسون ياخذ طلبها فاطلبت كرسون وعصير برتقال ولما راح الجرسون قعدت تتفرج على الرايح والجاي وهي تعبث بغطاء الطاوله بتوتر ولما شافت ان الصمت طال التفتت عليه الا هو يطالعها بسخريه وكأنه حاس بتوترها فنزلت عينها لتحت.
تركي بهدوء:هيفاء..حبيت اعتذر عن اللي صار امس..
هيفاء وهي شاغله نفسها بشنطتها وببرود: ماصار شي.
تركي بصوت منخفض: طالعيني وانتي تكلميني.
هيفاء رفعت عيونها اللي كانت مليانه حقد: عاجبك كذا.
تركي بهدوء: لا.
هيفاء وهي متوتره من نظراته: طيب في ايش كنت تبي تكلمني.
تركي :ولا شي بس حبيت اعتذر عن اللي صار امس ..ونتكلم عن الماضي.
هيفاء بحده: الماضي لااا.
تركي بابتسامه :طيب بالحاضر.
هيفاء ببرود: مثل ايش.
تركي: مثل دراستك..ايش ناويه تتخصصين؟
هيفاء قعدت تخبره ان حلم حياتها انها تجيب نسبه وتخصص تاريخ وشوي شوي حست ان التوتر خف وبدت تسمتع بمناقشاتها معه بس فجأه انتبهت لنفسها انا شلون اقعد مع واحد مش حلال علي واسولف معاه بكل راحه بس هذا تركي همس لها قلبها..رفعت راسها من سرحانها وحصلت تركي قاعد يتاملها وبعيونه نظرات غريبه..
تركي بصوت اجش ورجاء: هيفاء اتركي نواف..
هيفاء بققت عيونها من الصدمه يعني هو عازمني بس عشان يستدرجني..بس تركي كمل من غير مايحس بالتبدل اللي طرا عليها:هيفاء اذا انت بتاخذين نواف عشان فلوسه..انا عندي فلوس اكثر ومستعد اخذك..
تركي كان بس يبيها تعترف انها ماخذه نواف عشان فلوسه مع انها تنكر بس مايدري ليه قلبه مو راضي يصدقها..
هيفاء بصوت ملئ بالالم: لهالدرجه انت حقير مستعد تضحي بمالك وكل شي بس عشان ماتزوج اخوك...طيب واذا قلت لك انه حتى ولو كنت آخر انسان بالدنيا مارح اخذك.
قامت من مكانها وطلعت ركض ومتوجهه للحديقه العامه اللي يفصل بينها وبين الشقة الشارع العام وهناك قعدت تحت الشجره وهي تحاول تلتقط انفاسها وهي تمسح دموعها .. يالله شلون ماحست بهالشي من قبل هالاحساس ماتحس بيه الا وتركي بس موجود..ماتحسه مع نواف او اي رجال ثاني بس تركي اللي اذا شافته او حست بقربه او لمسته تحس بجنون نبضات قلبها وتسارع انفاسها..تاوهت بصمت على المصيبه انا شلون ماعرفت من قبل ..انا احبه..نزلت دموعها حاره وهي تتمتم بالكلمه ..انا احبه..فجأه الا منديل ممدود لها رفعت راسها ومن بين دموعها شافت تركي واقف فوق راسها..
هيفاء لفت وجهها تتجاهله..بينما تركي نزل لمستواها وهو يتكلم بصوت ملئ بالمشاعر: هيفاء انتي اللي بايدك تنهين كل هالمشاكل بس لو تعترفين ان انتي ماخذه نواف عشان فلوسه..
هيفاء وهي ترفع عيونها بصبر: يالله انت لهالدرجه ماتفهم..انا قلتلك انا خذيته مو عشان فلوسه ..فاهـــــــــم.
تركي بضيق: طيب انتي ليه بتاخذينه ممكن تفهميني؟
هيفاء وهي تطالعه ببرود: لآنـــــي احبـــــــــــه..
تركي اجفل من كلامها بس مابين عليه هالشي فبسخريه: هه...تحبينــــــــه واضــــــح..وهو عسى يحبك بس؟
هيفاء بثقه: اكيــــــــد .
تركي قط راسه ورىوهو يضحك مما خلا هيفاء تستغرب هالشي: شفيك تضحك؟
تركي وهو يتفرس فيها: مسكينه ياهيفاء والله ماقول الا الله يعينك...
هيفاء بخوف: وش قصدك؟
تركي بسخريه: انتي اللحين من جدك تحسبين نواف ماخذك عن حب؟
هيفاء بتوتر: ايه اجل عشان ايش؟
تركي: نواف ياحبيبتي بياخذك عشان الورث..
على ان هيفاء توترت لما سمعته يقول حبيبتي بس هي عارف انه مايقصدها: .........
تركي كمل بقسوه: نواف مو مسموح يمسك الورث الا لما يتزوج...
هيفاء انصدمت من كلامه بس ماتبي تصدقه: انـــــت كـــــذاب!
تركي وهو يوقف ويهز بكتوفه باستهزاء: حلاص لاتصدقيني بس لما تكلمينه اساليه هالسؤال...رفع ايده اشارة توديع ومشى بعيد عنها لغاية ماغاب وتركها وراه عايشه بحيرة وماتعرف اذا تصدقه ولا لأ بس حست ان عشان تتاكد لازم تكلم نواف وتستفسر منه قبل ماتحكم عليه.
قامت من مكانها متجهه للشقة وهناك يحلها الف حلال...

***************************

في نفس اللحظه كان فهد قاعد مع فواز بالقهوه قاعدين يسولفون .
فهد وهو يتأفف:اووووف..بكره بتخلص الاجازه..
فواز بابتسامه: احسن والله اشتقت للجامعه..
فهد وهو مبقق عيونه: انت من جدك على وشو مشتاق على القومه من الفجر والكراف والتعب..صدق انك مانت بصاحي..
فواز وهو يضحك لدرجه بينت معها قمازيته:هههههههههههههه..ياحليلك يافهد وانت من جدك صدقت..
فهد كان بيرد بس قطع عليهم ان جوال فواز ولع دليل بلوتوث فهد رفع عينه لفواز اللي كان يبتسم بغرور: حشا مامدانا تونا واصلين..
فواز رفع التلفون وضغط على استقبال وشوي الا جايته صورة قلب يدمي وتحته مكتوب
((ممكن اتعرف؟))
رفع فواز راسه يراقب الكافيه وبنفس الوقت كان يرسل رساله لصاحبة البلوتوث.. بالوقت اللي سمع فيه رنت المسج طاحت عينه على وحده كان جوالها هو الوحيد اللي رن فعرف انها هي ابتسم بسخرية والتفت على فهد اللي كان يناظره: عرفت منهي؟
فواز بثقــــــه: اكيـــــد.
فهد وهو يلف بعينه على الكافيه: طيب ورني وين مكانها.
فواز وهو ياشر بعيونه للبنت اللي قاعده على يمينه ولا تفصل بينهم الا طاولتين..فهد لما طاحت عينه عالبنت توقعها تكون شينه بس لما شافها هذي وحده تطيح الطير من السما التفتت على فواز مستغرب حركاته هذي مادام فواز يحب العنود ليه يعبث مع هالبنت ..
فهد بجديه:ايش ارسلت لها؟
فواز: ممكن.
فهد: وهي ارسلت شي ثاني؟
فواز وهو حاط التلفون على الطاوله ويكمل شرب الكابتشينو:لا.
شوي الا تلفونه يولع فاستقبل ولما اصدحت رنة المسج فواز مارفع التلفون ولا فتحه..فاستغرب فهد حركته:ماراح تفتحه.
فواز بسخريه: لا...خليها على نار شوي وتعرف اني مو سهل.
فهد تضايق من حركات فواز:فواز خل منك هالحركات واللي يسلمك.
فواز وهو يكمل الكابتشينو ببرود: ماراح اخليها..
فهد قام من مكانه متضايق: اجل خل هالحركات تنفعك.وطلع من المكان.
اللي ماكان عارفه فهد هو ان فواز يعتقد انه برجوعه لحركاته القديمه وانه اذا تعرف له على بنت غير العنود راح ينساها بس مهما سوى ومهما فعل راح تضل هي مختلفه عنهم العنود الوحيدة اللي ماعطته وجه..شوي الا تلفونه يضوي فالتفت على البنت اللي كانت تناظره بنظرات ساحره فحس بحيره بس بالاخير مسك التلفون ورفض المسج وهو عيونه عليها تناظرها باحتقار.وبنفس الوقت غضبان من نفسه لانه ماقدر يطلع العنود من راسه.
قامت البنت من مكانها معصبه لانها ماقدرت تجيب راسه وطلعت من الكافيه.


**********************
هيفاء كانت ماسكه التلفون وهي متردده اذا تكلم نواف ولا لأ كانت خايفه من انه يكون كلام تركي يكون صحيح..رن التلفون بايدها ولما شافت الاسم الا هو نواف وابتسمت للصدف.
هيفاء:هـــــــلا..
نواف بصوت ساحر: هلا والله بالغاليه.
هيفاء: اهلين ..شلونك؟
نواف:تمام ..انتي شخبارك؟
هيفاء وهي متوتره: الحمد الله كويسه..
نواف: شخبار خالتي وفهد انشالله طيبين؟
هيفاء وهي تحس التوتر يتفاقم معاها: كلهم طيبين والحمدالله.
نواف: اممممم..هاه ماشتقتي لي؟
هيفاء بتوتر: نواف ابي اسألك سؤال؟
نواف بهدوء: آمـــــــــري..
هيفاء: هو صحيح انك ماراح تمسك الورث الا لما تتزوج؟
نواف تفاجأ من معرفتها لها شئ وحس ان هيفاء تقر بهالشئ مو تسأله فتضايق: ايه صحيح ..
هيفاء بخوف: يعني انت تزوجتني عشان بس تمسك الورث؟
نواف وبصوت ساحر: معقوله ياهيفاء تظنين فيني هالظن ..انا ياهيفاء خطبتك لاني احبك..ولا حتى فكرت بالورث..
هيفاء وماتدري ليه للحين قلبها قابضها: من جد تتكلم يانواف؟
نواف وبثقه: أيـــه من جدي..وكمل بسخرية: ولا لايكون تركي لف لك عقلك بكم كلمه وانتي صدقتيه ؟
هيفاء ببرود: تركي ماله خص بالموضوع.
نواف خاف لما سمع نبرة صوتها فحاول يتمالك نفسه: ادري يابعد عمري بس بصراحه انا خايف عليك منه ..اخاف يغيرك علي،يسويها لانه ناوي يفك هالخطبه باي طريقه..
هيفاء وهي تتنهد بتعب: والله مادري يانواف...عالعموم لاتخاف ماراح يقدر يسوي شي.
نواف تنهد مرتاح: ايه ابيك كذا على طول..يله ياعمري تبين شي؟
هيفاء بهدوء:سلامتك.
نواف:خلاص سلمي على خالتي..باي.
سكرت هيفاء منه وهي متضايقه حدها ومحتاره من مشاعرها.. هي بطريقه تحس انها تحب نواف بس حبها لتركي يختلف بالمره عن حبها لنواف يعني لما تكون مع نواف تحس بالراحه وتقدر تاخذ وتعطي معاه من غير ماتتوتر اما بالنسبه لتركي فلما تكون معاه تحس بالامان وبالخطر بنفس الوقت وان دقات قلبها تتسارع وتحس بشعور غريب ببطنها وتظطر تحبس انفاسها بوجوده.
طلعت هيفاء من افكارها لما سمعت امها تناديها..فقامت من مكانها عشان تنزل تحت.

***********************

اما بالنسبه للعنود اللي كانت قاعده بالبيت تشاهد التلفزيون وهي اصلا مو معاه كانت قاعده تفكر بفواز وايش ممكن قاعد يسوي اللحين لكنها هزت راسها تبعد منها هالافكار وهي تكلم نفسها "خلاص انسيه وابتدي حياة جديده.."
حمد باستغراب: جنيتـــــي انتي؟
العنود باجفال: حمد..
حمد وهو يحرك ايده بحركة جنون: شفيك استخفيتي تكلمين نفسك؟
العنود وهي تعيد انتباها للتلفزيون: كيفي اذا كلمت نفسي...
حمد وهو يقعد بجمبها: انا اصلا كنت حاس من زمان انك مجنونه بس اللحين اثبتي لي صدق احساسي.
العنود وهي تتمصخر:هه هه لا بصراحه ضحكتني.
حمد توه بيرد عليها الا ام حمد متدخله:حـــــمد.
حمد وهو يلتفت عليها: لبيـــــه؟
ام حمد: فديتك يبه بس بغيتك تروح لبنده تجيب لي اغراض(بنده هو عباره عن سوبرماركت كبير مشهور بالسعوديه).
حمد وهو يقوم من مكانه: ان شالله.
العنود فزت من مكانها: حمد بروح معاك..
حمد وهو بيرد عليها بالرفض بس هي قعد ت تمثل عليه التمسكن: ياشينك عاد اذا سويتي هالحركات..قومي يله.
العنود وهي تضحك متجهه لغرفتها تجيب العبايه:هههههههههههه..مشكوووور.
ولما كانت تلبس عبايتها رن تلفونها نغمة مسج فالعنود فتحته متوقعته من هيفاء بس المسج كان :
}}حياتي{{...
وش حياتي دام انا ماجيك وتجيني!
احس اني جسد هامد!!
يضيق الصدر بغيابك..
"حبيبي"من يسليني؟ في هالغربه!
ابي (قربك)..ترى (بعدك) يالعنود أجدد احزاني..
..فواز..

العنود مسكت فمها تحاول تمنع نفسها من البكي.. مسكت التلفون بغضب والم وقعدت تتطقطق فيه وكتبت مسج وارسلت المسج له وهي عارفه انها بهالمسج راح تقطع آخر وسيله بينها وبينه.
خذت شنطتها ونزلت على حمد اللي كان ينطرها بالسيارة وانطلقوا لبنده وهناك تفرقوا هي توجهت لقسم الشوكلت بينما حمد راح يخلص اغراض الوالده،بينما هي كانت تتنقى بالشكولت وتختار اللي تبيه شافت الشوكلت اللي هيفاء تحبه خذته وهي تكلم نفسها"ياي..هذا اللي تحبه هيفاء"ومسكت شوكلت من نوع جديد وهي تكلم نفسها" ماظن انه حلو؟"
الا صوت من وراها: والله حلو لو ايش تاخذين..
العنود جمدت مكانها وهي تحس ان قلبها هبط ببطنها وتتذكر واحد قال نفس الجمله لها وملك قلبها من بعدها التفتت ووجهها ابيض من الشحوب...

ايش تتوقعون انا ماراح اسألكم شي انتو وتوقعاتكم للي بيصير؟