كيفكم خواتي ومباك عليكم الشهر
اخيرا حقول لكم السرالخطير اللي العالم كله يسالني عن طريقته ،، ورق عنبي
والله ياخواتي كل من ذاقه قال ل كيف طعمه كذا وكيف تسوينه ،، ادمنو عليه
واحسن من احسن مطعم والله على ما اقول شهيد،، انا عاد بطبخ بكرة وبحاول احط لكم صورة بس قلت خلني افيدكم مثل ما استفدت منكم
مقادير الحشوة
2 كوب رز مصري
1 باقة بقدونس
نص باقة كل من كزبرة (لو ماتحبي طعمها استغني عنها)
نص باقة نعناع
نص باقة شبنت
2 جزر مبشور ناعم
1 فلفل اخضر مفروم
3 بصل كبير او 4 وسط او 6 لو صغار مرة
4 طماطم كبار او 6 وسط او 8 لو صغار
نص صلصة طماطم
1 ونص ملعقة ملح صغيرة
2 ونص م ص ملح ليمون ولاتصيرو بخيلين لووول
م ص بهار مشكل
نص م ص كل من : قرفة - كزبرة - كمون
ربع ملعقة كل من ففل احمر - فلفل اسود
4 عصير ليمونات
4 م ك دبس رمان
والسر 2 م ك سكر بس مو مليانين
اخلطو معاه ربع كوب زيت زيتون وصدقوني مو قليل وانا بقول لكم ليش لان لو كثرتو زين بالحشوة البهارات والملح والمنكهات ماتبان بالرز لان الزيت يعزل الطعم
المهم اخلطوهم وحطوهم على النار وحطوهم على نار عالي وقلبوهم لايلزق الرز بقاع الطنجره لما تحسو الماي بقى منه شوي بس مرة طفو لاتخافو والحشوة تبرد الرز بيشرب كل الماي
في ناس تحب تطبخ ورق العنب بماي حشوته وانا مانصحكم لان طعم الخضار تعطي ساعات طعم مرة واختلاط النكهات بعد ساعات تخرب طعم ولون ورق العنب
الحين استوت حشوتنا وحشو فيها ورق العنب عادي
ملاحظة : لو ورق العنب كبير قصيها نصين عشان الحشوة تغلب على الورقة وتكون ورقة العنب في الكل لينة وتقطع بسرعة
طيب نجي طريقة الطبخ وركزو معاي
افرشي الصينية بطبقة قصدير وخليها تزيد معاكي وارجعي بعد حطي طبقة ثاني وخلها زيادة لان بنغطي فيها ورق العنب
افرشي الصينية اللي مفروشة بالقصدير ببطاطا شرايح،، مهم جدا لان ورق العنب مالح ولو ماعملتي هالخطوة ورق العنب بكون جدا مالح فالبطاطا يمتص اي ملح زايد
بعدها صفي ورق العنب انا افضل طبقة وحدة وحطي فوقه هالخلطة
م كبيرة دبس رمان مع عصير ليمونة مع م ك مليانة كاتشب مع 3 ملاعق كبار زيت زيتون بس مو تكثرو زيت زيتون
ولاتخافو حنجي لزيت الزيتون بعدين ؛؛ طبعا لاتنسو لاتحطو ملح ابدا بهالمرحلة
بس وغطي ورق العنب بالقصدير باحكام وهذي صور
IMG_6703
IMG_6705
IMG_6708
الحين في قاع الصينية تحطو ماي طبعا بيكون الماي معزول عن ورق العنب بقصدير واللي يبي يحط الصينية بحمام مائي براحته بس انا احط الماي تحت القصدير وكذا استخدم صينية وحدة بس وبنفس الوقت يستوي ورق العنب على حمام مائي
الحين حطوه على النار
بس يغلي الماي تحت القصدير نزلو الحرارة لاق شي ولو عندكم عازل بعد احسن وخله ساعتين يستوي على راحته ولو تبخر الماي زيدو ماي فشيكوه كل شوي وطبعا هالشغل على الفرن من فوق مو داخل الفرن
انا ماحب داخل الفرن ياخذ وقت طويل ومودايما النتيجة تجي زي ما ابي
بعد ساعتين لاتفتحوه ولاعليكم منه خلوه على جنب حتى يفتر ،،
بعدها على الثلاجة على طول لاتفتحوه الا لما يبرد مرررررة
ليش كذا تضمني اللون مايتغير ،، وكمان تماسك ورق العنب حقك
بعد مايبرد وتفتحيه
اعصيري فوقه ليمونة كاملة
والحين نحط زيت الزيتون ،، انا ادهنه كله بزيت الزيتون يعطيه لمعة وطعم مرة لذيذ لان زيت الزيتون يكون طازج وطعمه مو متاثر بالطبخ
وبس
وقدموه وبالصحة والعافية:) اتمنى اكون افدتكم وان شاء الله الله بنزل لكم صورة بس يبرد واصفه للتقديم
أمـَل @aml_73
عضوة
ألذ حشوة ورق عنب واتحدى الكل فيها بمقادير مضبوطة ومع طريقة الطبخ :)
142
685K
يلزم عليك تسجيل الدخول أولًا لكتابة تعليق.
قهوة الضيافة
•
مشكورة
الصفحة الأخيرة