بخبرتكم ساعدوني

الأسرة والمجتمع

يقولون أن الخطيب إذا كلم خطيبته وقت الخطووبه هو أساس التفاهم بينهم صدق أو لا ؟ بنات إذا أنخطبتي وطلب منك خطيبك أنه يكلمك وتكلمينه على الجوال وش راح تردين عليه هل توافقين أو لا ؟وإذا وافقتي وش السوالف اللي راح تتكلمون فيها؟ طيب تتوقعين إذا كلمتيه أنه يقول بعد الزواج والله اللي كانت تكلمني ماهو غريبه عليها تكلم غيري ؟ووش تردين عليه وقتها؟ أمانه اللي مجربه ترد علي بأسرع وقت أكلمه أو لا؟
14
1K

يلزم عليك تسجيل الدخول أولًا لكتابة تعليق.

تسجيل دخول

متنكره ومنهم انا
ممم مدري وقتها وش باقول
بس اتوقع اني راح أوافق بس بشرط تكون بعد الملكه وماتطول المده عن شهر قبل الزواج


بس احسها لو طالت اكثر من شهر مايبقى شيء لبعد الزواج


^طبعا كلامي مو عن خبره خخخ فمادري صح او خطا



موفقه يارب والله يتمم لك على خير
/.. أللـيل ونجومه
أولآ نكــوون عـآقدين


زوجي كلمني بعد ألعقد
بـآرك لي ألنجـآح

لكن لو قبل ألعقد نوووو
: درر :
: درر :
اذا تملكتوا مافيه مشكله انك تكلمينه بحدود المعقول
ماهو اربع وعشرين ساعه والسماعه في اذنك

بعدين انتبهي كل كلمه محسوبه لك لايغرك تراه يمكن
يسحبك في الكلام عشان يعرف شخصيتك

خليك مؤدبه في الكلام يمكن تسمعين منه كلمات تخذش
الحياء شوي لاتنسين نفسك وتقعدين تجارينه هههههه

انتبهي حبيبتي لكلماتك ولا تخلينه يسمع منك الا الكلام
الزين وبيني انك مستحيه ولا تاخذين وتعطين معه في الكلام
كنك عارفته من سنه ترى الثقل زين


والله يتمم على خير ويوفقك يارب
شوق الولد
شوق الولد
والله شوفي
اذا ملكتي عليه عادي جدا جدا انك تكلميه

انا من اول ليله وانا قالبتها سوالف معاه صح بالبدايه بتنحرجين لكن بعدين عادي جدا
انا جلست سنه متملكه و24 ساعه مكالمات طبعا هذا اذا ماجاني البيت

ونسولف بكل شي بكل شي والله العظيم انه من زود المكالمات بينا انه حتى ليلة زواجي كل شوي متصل
علي لحد مادخل علي ?َ?َ?َ?َ?َ?َ?َ?َ?َ?َ����

وربي انها اسعد ايامنا فترة الملكه عرفته وعرفني زين زين وربي ماابالغ لو اقولك انه صاير صديقي واخوي وزوجي وحبيبي ليومك هذا واسرارنا وحده والله الشاهد (اذكروا الله )
ولنا الحين اربع سنوات متزوجين والحمدلله

بالنسبه لتفكيرك انه ممكن يقول هذي اكيد كانت تكلم وكانت استحاله يقولها عاقل عن زوجته
الا اذا كان هو راعي خرابيط ويفكر كل خلق الله مثله

لا تفكري بهالامور ولاتخسري هالفتره الحلوه من حياتكم

وموفقه ياعسسسسل
نحب حواء
نحب حواء
إذا لسى خاطب وما ملكتوا بس خطبة رسمية بعلم الأهل يفضل ماتكلمينه إلا بعد الملكة
ويفضل الملكة تكون قريبة من الزواج ويسبقها شبكة و خطبة رسمية وشوفة شرعية وتفاهم الاسرتين
وسؤال تختلف فيه الآراء لأنه الآن البنات متفتحات والشباب متفتحين جدا واغلبهم نسبة كبيرة يؤيد
ويفضل التفاهم والحوار ايام الخطوبة قبل الملكة وبعدها
وهالأمر يرجع كله على حسب شخصيتك وشخصية الخاطب وعلى اهلك
دعواتك لي بظهر الغيب ولك بالمثل وفقك الله ياقمر




ما حكم المكالمة الهاتفية بين الخاطب والمخطوبة، والقصد -كما يقولون-: هو التعارف قبل الارتباط بالزواج، وإذا كانوا صائمين هل يتغير الحكم، وهذا يوجد بكثرة في مجتمعنا الإسلامي، والمكالمات بريئة في ظاهرها وحسب كلامهم، وهذا السؤال نابع من الرغبة في التمسك بتعاليم ديننا؟


لا نعلم حرجاً في الكلام بين الخاطب والمخطوبة إذا كان كلاماً بريئاً لا يجر إلى شر، وإنما يقصد منه التعرف منه عليها ومنها عليه؛ لا بأس بهذا، تسأله عن حاله وعن أعماله وعن ديانته ونحو ذلك، وهو يسألها عن مثل ذلك لقصد التوثق من الإقدام على هذا النكاح فلا حرج في هذا، أما إن كان القصد سوى ذلك من التمتع بصوته وصوتها أو المواعيد التي قد تجر إلى الفاحشة؛ فهذا الذي لا يجوز، فالواجب على الخاطب والمخطوبة أن يتحريا الشيء الذي لا بد منه في المخاطبة، للتعرف فقط أما ما يخشى منه فتنة فالواجب اجتنابه.

http://www.binbaz.org.sa/mat/20220

وضعت الفتوى للفائدة
لأنه للأسف فيه بنات ونساء يفتون من عندهم قرأت في المنتدى كثير يكتبون لايجوز وحرام والفتوى امرها عظيم