يالله ذكرتيني بسالفة صارت من كم سنة......
قبل كم سنة اختي حلمت انها شافت شخص ماتعرفه في سيارته يلتف عليه الطريق وقالت لي بالحلم وانا على طول فسرته قلت لها هذا واحد بيموت في حادث سيارة .واليوم التاني على طول جانا خبر واحد من الجماعة مات في حادث هو وولده الصغير وفي رمضان وهم راجعين بيتهم قبل الفطور ..
حزنت بعدها مرة كتير وحسيت بالندم وتبت بعدها ماافسر اي احلم الا اذا حسيت انه خير واذا حسيت انه مو طيب اسكت واتعوذ من الشيطان......
وسبحان الله قبل كم يوم كنت افكر فالسالفة وللحين احس اني غلطت والواحد ابد مايتسرع في ذي الامور..

ما أذكر شي الآن بس قلت ما ودي أدخل موضوعك ولا أرد

اتذكر قبل وفاه جدتي بفتره حلمت فيها عروس و اهلي زعلانين عليها مايبغونها تتزوج و بالذات عمي كأنه تعبان و متضايق و رافض الفكره تماما و واقف بوجيههم وده يمنع السالفه ..

و عرفت التفسير ان جدتي بما انها مريضه و شفتها عروس فزواجها وفاتها و ان الاهل راح يتعبون وبالذات عمي .. سبحان الله مع اني ماتكلمت ابدا عن الحلم لكن وقع زي ماشفته .. و هذا دليل ان الانسان وان اخفى الرؤيا لكنها تقع بعض الاحيان

ياكثر الاحلام اللي شفتها واتحققت

اولهم احلام مب حلم واحد وتفسيره وفاة الوالد الله يغمد بروحه الجنه

حلمت خالتي قبل لاتحمل وانها راح تجيب ولد وبالفعل حملت والغريبة انها لما كانت تكشف عند الدكتورة يقولولها اللي في بطنك بنت
وسبحان الله ولدت وطلع بالفعل ولد

حلمت ان صديقتي انخطبت وتبتسم لي في الحلم وتقول يافلانه تراني انخطبت وسبحان الله بعد اسبوع اتذكرت الحلم وقلتلها حلمت انك انخطبتي وقالت لي ان شاءالله خير ..طلع انه متقدملها واحد في نفس اليوم اللي حلمت فيه انها انخطبت

ايه وحلمت الملك فهد الله يرحمه قبل لايموت وتفسيره كان سبحان الله واضح انه راح يموت

المهم لو قعدت اكتب من هنا لبكرة ماراح اخلص

والغريبة اني لما احلم للناس يتحقق الحلم بسرعه ولما احلم لي يتحقق لي صحيح بس على اجزاء وعلى فترات طويلة

مشكوررين بنات ع التفاعل