لاتعليق اختي نور ولكن يقلبي انا ارسلت الشحنة مثل مقلتلك برسالة على الجوال وطلعت الثلاثاء وقالو اكيد بتستلمها الخميس

وصارت كثير ححالة التاخير ومعانا كمان وصدقيني اني مستلمت الفلوس الا بعد مارسلتها عموما عشان تتطني مرة ثانية انا برسلك صورة بوليسة الشحن على الخاص

وبعد التاخير بيصير بالشركات الداخلية مو الخارجية وحتى اللي توصل خلال 24 ساعة وارامكس وفيدكس على قولتك يستوني يجمعو كذا طرد ويرسلوها دفعة وحدة

مليكة القلم
اول شي احب اشكرك على تغير العنوان لاني حاولت اغير وما عرفت كيف؟؟؟
ثاني شي اشكرك على المشاركة والتوضيح

اختي البريد الممتاز دام الزبون دافع مبلغ مضاعف عشان توصله الشحنة بعد 48 ساعة وهم مايقدرون يلتزمون بكلامهم(البريد)يغيرون سياستهم يقولون البريد يوصل بعد اربع ايام او خمسة مب 48 ساعة وهذة الساعة بنغير الشركة او ندفع للبريد العادي افضل لانها يوصل بعد اسبوع او 10 ايام تقريبا...
انا عاطيه ناس كلام انهم راح ياخذون مني الاغراض قبل تاريخ كذا او كذا..واتاخر بسبب الشحن..انا ما الوم التاجرات لانه اللي عليهم قامو فيه الباقي على البريد.
ايام الاجازات تختلف..السعودية خميس وجمعة...الامارات جمعة وسبت...

اختي تتكلمين عن مساحة الدولة...شو رايك انه ارسلنا شحنة لامريكا وتعرفين امريكا ومساحتها الهائلة اكبر من دول الخليج مجتمعة..وتوصل البضاعة بعد 48ساعة بالضبط واستلمنا بضاعة من امريكا ..ليش ماعندهم زحمة؟؟المسافة مب بعيدة..هنا يوضح لنا انه المساحة مالها دور..هذا يدل على الخدمة السيئة وعدم المبالاة اللي يتعاملون فيها البريد الممتاز في دول الخليج عامة ..لكن في شركات ثانية مثل ماقلتي وتفضلتي تهمها سمعتها ويهمها تكسب زباين وتوصل الطلبية في وقتها..

اما موضوع الغلط في العنوان والله تصير كثير ..وموضوع الزبون مايرد على التلفون تصير اكثر ..

واللي احب انوه له واللي كان هدفي الحقيقي من الموضوع..انه اي وحدة تتعامل مع البريد الممتاز لازم توصل لهم نقطة موضوع التاخير على المستلم..مب بعد مايجمعون 100 طلب يرسلون الشحنة.
وكلامي هذا مب تحامل على التاجرات بل على خدمة البريد..واتمنى تفهموني صح..ولاحد يقول اني اقصد اي تاجرة

خسارة كان نفسي نناقش الموضوع بشكل ايجابي ونشوف حل للبريد الممتاز لكن للاسف ما احس في تجاوب من البنات..اتمنى من الاخت الفاضلة مليكة القلم تحذف الموضوع
ولكم شكري..بتحول لقضية فلسطين يمكن القى لها باذن الله حل

س سؤال لبنات السعودية

البريد عندكم يوصل عطورات لباقي الدول الخليجية ولا لأ لأني سمعت انه ممنوع أرجو من عندها إجابة تجاوبني جزاكم الله خيرا

وكيف أعمل بطاقة شحن لي في البريد الممتاز في الرياض ؟واي وكالة بريد ممتاز تنصحوني فيها

مهم مهم تردون علي

اختي الغاليه نووور

ان شاء الله اننا قاعدين نناقش الموضوع بطريقة ايجابيه
بس بالنسبة لي ما صادف معي اي تاخر بالبضاعه لزبوناتي وبالتالي ما اقدر اروح للبريد واقولهم ليش تتاخر طرودي للوصول للمستلم لانه الوكالة اللي اتعامل معها وكالة البريد يهتمون جدا وتوصل اغراضي بخلال يومين او ثلاثة بالكثير اربع ايااااام اذا كان فيه ايام اجازات

بالنسبه للمقارنة بين الدول العربية والدول الاجنبية فهذه مقارنة صعبه لانهم متقدمين علينا بكل شيء حتى بطريقة البريد سواء ممتاز او غير ممتاز عندهم الايصال للصناديق البريديه المنزليه واللي للان كثير من الدول العربية ومنها الامارات بعدهم ما خطوا خطوة البريد المنزلي والسعوديه بدأت فيها لكن لسه ما نجحت
فمسألة المقارنة بين الدول الاجنبية والعربيه صعبه جدا لاننا كدول عربية متاخرين عن الدول الاجنبيه بسنوات كثيررررررررره وللاسف ...

انا برايي التاجرات اذا يحصل معهم تاخر دائم فتشوف الوكاله اللي تتعامل معها يمكن العيب من الوكاله تغيرها لوكاله ثانيه وتجرب .. لانه بالنسبه لي ولبعض الاخوات مثل ما شفتي بالردود توصل طرودنا للزبونات بدون تاخير والحمد لله..

اما انه بريد ممتاز ويجلس 7 ايام و 8 ايام و10 ايام فلا هذا مو طبيعي بصراحه واكيد في شي غلط والمفروض تتم المراجعه من الطرفين عشان ينعرف الغلط من وين يعني من اي بريد ..


وصدقيني مسألة المساحه تلعب دور بالدول العربية (اما بالدول الاجنبية لا لان اصلا حتى نظامهم وطريقتهم في العمل مختلفة كثير عننا) هم متطورين عننا بكثيررررررررررر لذلك فمسألة المساحه تلعب دور حتى بالامارات بالنسبه للبريد الممتاز احيانا اذا كانت بمنطقه بعيده شوي عن داخل ابوظبي مثل الشهامه او غيرها يحصل تاخير والدليل ما قالته الاخت الغلـا واتوقع انها بمنطقه مو وسط المدينه تماما صح ؟


في عدة عوامل لكن ان يكون التاخير بشكل كبير جدا مثل ما ذكرتِ فلا بد الوقوف على الاسباب ولا بد للتاجره اذا يتكرر هالشيء معها تطلب منهم انه يتم الارسال بنفس اليوم اللي تجيب فيه الاغراض يعني بنفس اليوم يتم ارسالها للبريد الرئيسي عشان يطلعها بالكثير ثاني يوم الصباح او المسا على الطياره اللي رايحه للبلد المعني فيه الطرد

والله يسهل