تجربتي مع عشبة الكثيرا اتمنى تفيدكم

العناية بالشعر

السلام عليكم



انا ما دخلت من زمان تولهت عليكم بس حبيت انقل لكم تجربتي


طبعا مادري اذا تذكروني او لا


دخلت من فتره وقلت لكم اني صلعت شعري من الامام المهم كانت تجربه حلوه هههههههههههههههههه


الحمدالله كان وقت الصيف ولا كانت القرعه بتبرد



المهم بالنسبه لصلعتي الحلوه

تذكرون اني حلقتها مرتين او ثلاث وبعدين بديت احط كمينو موتو الصراحه حلو مره للشعر


المهم الحين قصتي ( قدلتي ))

واصله لخشمي يعني طلع شعري


صح انه ما طلع مره كثيف بس احسن شوي عن اول


المهم

قريت عن الكثيرا اشياء كثيره بعضها يشجع والاخر يخوف

وبعدين قررت اجربها رغم اني قريت انها تسوي جفاف للشعر و و الخ


المهم ها ثاني اسبوع استعملها

وبصراحه شعري صار انعم عن قبل واحسه يلمع ومافي اي خشونه ولا تساقط

كله كلام فاضي اهم شي انه يكون النوع المخصص للشعر اللي مثل الاظافر ويكون لونه ابيض صافي مو اصفر او قديم



صدقوني توني غاسله شعري منه والله العظيم ما قمت احط بلسم شعري مره مرتاح

بالنسبه للطول والكثافه انا للحين ماقدر افيدكم لانيهاي رابع مره استخدمه ولو شي تجدد فالموضوع بكتبلكم اياه يا احلى خوات

وحتى الكمينو موتو ممتاز جدا طول شعري بعد ما حلقته وكنت استخدم المقوي والمطول وتركته ماصار تساقط ولا هم يحزنون




بنات اي شي يستجد فالموضوع بكتبه بس بلييييييييييز كيف اعرف لو نبت شعر يديد يعني يبين
16
94K

يلزم عليك تسجيل الدخول أولًا لكتابة تعليق.

تسجيل دخول

قمر قمر قمر
قمر قمر قمر
هلا وغلا
سبحان الله كنت بشتري الكثيرة بس كيف أستخدامها
وشو الكمينو موتو عشبه او دوا او شامبو
ما شاء الله تبارك الرحمن والف شكر على طرح تجربتك
PiNk بنت الأكابر
هلا وغلا سبحان الله كنت بشتري الكثيرة بس كيف أستخدامها وشو الكمينو موتو عشبه او دوا او شامبو ما شاء الله تبارك الرحمن والف شكر على طرح تجربتك
هلا وغلا سبحان الله كنت بشتري الكثيرة بس كيف أستخدامها وشو الكمينو موتو عشبه او دوا او شامبو...
حبيبتي بالنسبه للكثيرا هاي صورتها


انا احط شوي في مله واحط عليها ماي حار يغطيها ارد القاها تمددت ازيدها ماي واحركها وتم ازيدها لين تصير جل خفيف

واخليها 4 ساعات ومرات اقل ومرات اكثر

واللي يتبقا من الخلطه احطه فالثلاجه العطار قالي ما تخترب

والكيلو بـ 500 درهم انا اشتري بخمسين درهم يسدني لاربع او خمس مرات





وبعد ما تحطينها تغسلين شعرج بتكون لزجه نوعا ما بس تطلع بسرعه من الشعر واحط شوي شامبو وما استخدم الشامبو كثير




وبالنسبه للكمينو موتو هو مستحضر ياباني اعتقد وهو مثل التونر للشعر في منه مقوي وفي مطول وفي شامبو وهاي صورته
ام انس لغالي
ام انس لغالي
مشكووووووووووره
الله يجزاك خيير
عيون الفهد!
عيون الفهد!
ماشاء الله تبارك الله يااارب يكثر ويطول شعرك زي ماتبغي

وبالنسبه للكثيرا سبحان الله ناس ناسبتهم وناس لا

انا عن نفسي سببت لي حساسيه في الفروه وجابت لي قشره من اول استخدام

وهيا نفس الي في الصوره

سبحان الله يفرق من شعر لشعر
حافية القدمين؟
طيب ليش حلقتي شعرك ؟؟؟ سمعت انه حرام حلق الشعر للمراءة