كوبونات الراقية تسجيل الدخول

MAYRA
MAYRA •
بطاقة تعريف ب ( الاسم )اوشة


الاسم الحركي :توتة
السن 27
متجوزة من كام سنة :2
سبب تأخر الحمل : تكيس
حصل حمل قبل كدة و لا لأ : نعم ونزل
بدأتي تهتمي بموضوع الحمل بعد كام سنة جواز : بعد سنة
روحتي لكام دكتور :3
الدكتور اللي متابعة معاه دلوقتي :تامر محمد محمود عيد
متابعة معاه من اد ايه :من شهر 4 اللى فات حوالى سنة
التحاليل الطبية اللي عملتيها :
نسبة ال FSH :الاول كانت 5,9 وبعدشهرين 3,8
نسبة ال LH : الاول كانت13,6 وبعد شهرين7,9
نسبة ال Prolactine :الحمد لله اخر تحليل كان 1,2
نسبة الBroujesteron :اخر تحليل17
اي نسب تانية زي الغدة الدرقية او هورمون الذكورة مثلا :لا
ايه الادوية اللي بتاخديها :السيدوفاج والبارلوديل ثم الكلوميدوالابر
استمريتي عليها اد ايه :الاول والثانى سنة والاخير6شهور
هل كان ليها اعراض معينة مميزة او لا :الاول والثانى غثياندوخة اسهالاعزكم الله
عملتي تلقيح او حقن مجهري قبل كدة :لا
كام مرة :
في اي مركز :
مين الدكتور اللي تابع العملية :
رأيك في المركز :


في اعترافات تانية عاوزة تضيفيها قبل ما نقفل المحضر :
انا الان تركت كل الادوية ولجات لله الواحد الذى لا يعجزه شىء فى السماء والارض لانى تعبت نفسيا جدا جدا من الادوية سبحان الله عنده الدواء الذى ترتاح معه النفس وتهدا القران والاستغفار والله ارتحت كثيرا واصبحت لا افكر بالحمل مثل من قبل

اللهم يا حى يا قيوم يا من تقول للشىء كن فيكون ارزقنا الحمل المعافاة الصالح واجعلنا من الصابرين واربط على قلوبنا وقر اعيوننا امين امين امين وصلى اللهم على سيدنا محمد وعلى اله وصحبيه وسلم








بطاقة تعريف oxygenatom


الاسم الحركى :اوكسى



السن : 41 سنة وشهرين
متزوجة من 4 سنوات
سبب تأخر الحمل : عقم غير مسبب ... تم شفط كيس 1.5 سم على انه كيس شيكولاته لكن ثبت ان هذا المرض غير موجود





لان الكيس لم يظهر مرة ثانية
حصل حمل قبل كدة و لا لأ :لم يحدث حمل
بدأتي تهتمي بموضوع الحمل بعد كام سنة جواز :بعد 3 شهور
روحتي لكام دكتور :6 دكاترة
الدكتور اللي متابعةمعاه دلوقتي : مازال البحث مستمرا وارجو الله ان يوفقنى لطبيب يتقى الله ونابه لعمل حقن مجهرى كلاكيت تالت مرة
متابعة معاهمن اد ايه :.....
التحاليلالطبية اللي عملتيها :
نسبة ال FSH := 11.4
نسبة ال LH : = 5.19
نسبة ال Prolactin :9.31
نسبة الProjesterone :11.2
AMH :1.5
TSH = 0.74
Free T4 = 1.29
Anti- phospholipids IGg = 7.1.negative
Anti-phospholipidis IgM = 4.9. negative
ANA = 7.2 . negative
Lupus anticoagulant
LA1 = 37.8
LA2=34.8
LA1/LA2 = 1.08 negative




عملتي تلقيح او حقن مجهري قبل كدة :4 مرات تلقيح صناعى ومرتين حقن مجهرى

كام مرة :
في اي مركز :التلقيح الصناعى اول وتانى وتالت مع دكتورة امينة مختار فى عيادتها
المرة الرابعة مع دكتور شريف سامى فى مركز الخصوبة المتكامل
بالنسبة للحقن المجهرى الاول مع دكتور شريف سامى فى مركز الخصوبة المتكامل
المركز ممتاز من حيث الغرف والتعامل يعنى 5 نجوم اما المعمل فلا يشمل تقنية اليوم الخامس
تانى مرة مع دكتور اشرف ابو على فى مركز المدينة للحقن المجهرى والمركز
زفت من ناحية الغرف والتعامل ( الغرفة حاطيين فيها 3 حالات على الاقل والدولاب والحمام يستعمل من قبل العاملين فى المركز ؟؟؟؟
انا بعتلهم ميل بشتكى لكن مرضوش عليا
اما المعمل فيشمل تقنية اليوم الخامس




في اعترافات تانية عاوزة تضيفيها قبل ما نقفل المحضر
الاطفال دول رزق من عند ربنا ومكتبلنا فى الازل حنخلف ولا لأ
لكن الانسان لابد ان يأخذ بالاسباب ويلح فى الدعاء ويتصدق ويستغفر الله . وانا عندى يقين بالله انه حيرزقنى بالاولاد الصالحين ومنتظرة ان ده يتحقق مهما طال الانتظار












بطاقة تعريف ب (Totta_55 )
الاسم الحركي : توتا أو توت
السن :28 سنة
متجوزة من كام سنة :3 سنين
سبب تأخر الحمل :الأندومتريوزس وقلة العدد وضعف الحركة الحيونات المنوية عند الزوج
حصل حمل قبل كدة و لا لأ :لأ
بدأتي تهتمي بموضوع الحمل بعد كام سنة جواز :بعد 4 شهور من الجواز
روحتي لكام دكتور :4دكاترة
الدكتور اللي متابعة معاه دلوقتي :د/ حسام زكي
متابعة معاه من اد ايه :من 5 / 2009
التحاليل الطبية اللي عملتيها :التحاليل اللي عملتها من اكتر من سنة
نسبة ال FSH :5.5
نسبة ال LH : 5.0
نسبة ال Prolactin :10.9
نسبة ال Projesterone : عمري ما عملته
اي نسب تانية زي الغدة الدرقية او هورمون الذكورة مثلا :طبيعية الحمد لله
ايه الادوية اللي بتاخديها :حاليا ماشية في خطوات الحقن المجهري للمرة 3 في مركز جنين ، باخد فوليك اسد 5 مج ، جاسبرين ، ماترنا ، حقن تراي بي ، حبوب جينيرا ( منع الحمل ) ، بدأت في اللوكرين حقنة تحت الجلد 20 مل
استمريتي عليها اد ايه :من 4 شهور
هل كان ليها اعراض معينة مميزة او لا :لأ الحمد لله

عملتي تلقيح او حقن مجهري قبل كدة :عملت حقن مجهري
كام مرة : 7مرات
في اي مركز : 4 مرات في مركز فارس و 3 مرات في مركز جنين
مين الدكتور اللي تابع العملية:د/ فارس : د/ حسام
رأيك في المركز :
بالنسبة لمركز فارس : لا يهتم بمعرفة سبب فشل العملية وتكرار بروتوكول العملية في كل مرة وعدم عمل أي تحاليل هرمونات اثناء التنشيط ( يعني من النهاية لم يعجبني بتاتا )
بالنسبة لمركز جنين :يهتم بكل التفاصيل كبيرة و صغيرة ومتطور جدا وعندهوعي بكل ما هو جديد في مجال الحقن المجهري ( مرتاحة جدا في التعامل معاه وبنصح أي حد في القاهرة بتعامل معاه (
في اعترافات تانية عاوزة تضيفيها قبل ما نقفل المحضر :
عايزة اقول ان ربنا كاتب لكل واحد رزقة في ميعاده المناسب ليه ويمكن كلنا بنستعجل الرزق ده ومش عارفين ليه التأخير وايه الحكمة من كدة ، بس ان شاء الله كل واحدة هتعرف الحكمة بتاعتها في وقتها المناسب واكيد خيييييييييييييييير واحنا كبشر مش ممكن نستوعب ده في الوقت الحالي ،
ياريت كل واحدة تقرا السي في بتاعي تدعيلي كتيييير اوي بالخير اينما كان
وربنا يرزقنا جميعا يا رب












بطاقة تعريف فاطمة الزهراء



الاسم الحركي : طمطم


السن : 35


متجوزة من كام سنة : 3سنوات


سبب تأخر الحمل : لا يوجد سبب يعنى من عند الله


حصل حمل قبل كدة و لا لأ : مرة واحدة وتوقف نبض الجنين فى الاسبوع الخامس


بدأتي تهتمي بموضوع الحمل بعد كام سنة جواز : بعد 3 شهور


روحتي لكام دكتور : تقريبا 8


الدكتور اللي متابعة معاه دلوقتي : الطبيب الذى ليس مثلة طبيب فهو حسبى وهو نعم الوكيل


متابعة معاه من اد ايه : طول عمرى


التحاليل الطبية اللي عملتيها :كل حاجة ممكنة عملتها حتى اشعة الصبغة والمنظار


نسبة ال FSH : 7.8


نسبة ال LH :5.7


نسبة ال Prolactine :16


نسبة الBroujesteron :20


اي نسب تانية زي الغدة الدرقية او هورمون الذكورة مثلا : كلة تمام ولله الحمد


ايه الادوية اللي بتاخديها : فوليك اسيد وسيدوفاج


استمريتي عليها اد ايه : حوالى شهرين


هل كان ليها اعراض معينة مميزة او لا : غثيان ووجع فى المعدة لكن زال بعد اسبوع تقريبا


عملتي تلقيح او حقن مجهري قبل كدة :نعم عملت تلقيح صناعى مرتين وحقن مجهرى مرة


كام مرة :


في اي مركز :التلقيح الصناعى عند دكتور ثروت الاهوانى


والحقن المجهرى عند دكتور اسماعيل ابو الفتوح


مين الدكتور اللي تابع العملية :اسماعيل ابو الفتوح


رأيك في المركز :المركز كويس لكن فية مشكلة فى الدكتور مش بيتابع مريضة كويس ومش بيعمل كل حاجة ممكنة لانجاح العملية طبعا انا عارفة ان الدكتور دة سبب لكن لازم نعمل كل حاجة ممكنة وبعد كدة نقول خلاص دى ارادة الرحمن يعنى ميبقاش فى تهاون مننا فهمتونى



في اعترافات تانية عاوزة تضيفيها قبل ما نقفل المحضر :



اة عايزة اقول حاجة مهمة لينا كلنا دعاء وارجو منكم ان تؤامنو ورائى



اللهم أنت قلت وقولك الحق :




(ادعوني استجب لكم) ، وقلت (وإذا سألك عبادي ‏عني فإني قريب أجيب دعوة الداعي إذا دعانِي ) ، وقلت : (أمن يجيب المضطر ‏إذا دعاه ويكشف السوء)




اللهم يا من أجاب نوحا حين ناداه .. أجبنا
ويا من كشف الضر عن أيوب في بلواه .. اكشف عنا الضر
ويا من سمع يعقوب في شكواه
ورد إليه يوسف وأخاه وبرحمته
أرتد بصيرا وعادت النور عيناه .. اجبنا واشفنا وارزقنا ومنّ علينا بفيض جودك ‏وكرمك ..
‏
يا رب استجب لنا ،، من لنا غيرك ندعوه ونرجوه ،، عبيدك سوانا كثير وليس لنا ‏رب سواك ندعوه يارب استجب يارب استجب
يارب استجب














بطاقة تعريف ب ( ماما 1983)



الاسم الحركي : ماما
السن : 27
متجوزة من كام سنة :سنه وشهرين
وسبب تأخر الحمل : الحمد لله الحمد لله سن اليأس المبكر وبطانه الرحم المهاجره واحتمال الالتصاقات في الحوض وارتفاع في هرمون الlh وده بيأثر على جوده البويضات وارتفاع في تجلط الدم وحديثا اكتشفنا مشكله عندي جوزي ربنا يخليهولي
حصل حمل قبل كدة و لا لأ : لا ربنا يرزقنا
بدأتي تهتمي بموضوع الحمل بعد كام سنة جواز : بعد ما اكتشفت سن اليأس وده حصل بعد شهرين من الجواز
روحتي لكام دكتور : 6
الدكتور اللي متابعة معاه دلوقتي : د. حسام زكي هو الوحيد الي اداني امل ان ممكن احمل معظم الاطباء اجمعوا ان مفيش امل
متابعة معاه من اد ايه : 7شهور
التحاليل الطبية اللي عملتيها : أشعة الصبغة بالإضافة للتحاليل التالية
نسبة ال FSH: 29
نسبة ال LH :11
نسبة ال Prolactine : 23
نسبة Progesterone : 4
اي نسب تانية زي الغدة الدرقية او هرمون الذكورة مثلا : الحمد لله النسب طبيعيه
ايه الادوية اللي بتاخديها : فيتامينات
استمريتي عليها اد ايه :
هل كان ليها اعراض معينة مميزة او لا :
عملتي تلقيح او حقن مجهري قبل كدة : مرتين
كام مرة :مرتين الاولى الاجنه توقفت عن النمو بسبب ارتفاع هرمون الlhالي بيسبب ضعف البويضات وبالتالي ضعف الاجنه ولم يتم نقل الاجنه للرحم
المره الثانيه لم يستجب المبيض للتنشيط بسبب رفع جرعه المثبطات قبل التنشيط
في اي مركز :مركز جنين للدكتور حسام زكي
مين الدكتور اللي تابع العملية :دكتور حسام
رأيك في المركز :اكثر من رائع من ناحيه النظافه ومريح قوي في الانتظار الطويل جدا الي ممكن يمتد الى ساعات
بيعتمدوا على اعطاء المريضه نوع من المسكنات الخفيفه وبالتالي العمليه من اولها لاخرها من غير اي الم
انا بقرء كثير في مجال العقم وبما اني اصلا طبيبه بفهم الي بقراءه ومن خلال قرائتي اكتشفت ان مركز جنين متطور جدا وبيشبه جدا المراكز الامريكيه يعني فكره المنسقات ومشاركه المركز معاكي في تكاليف العمليه لاكثر من مره ده كلها افكار من مراكز امريكيه وكمان لا حظت ان دكتور حسام بيحضر مؤتمرات كثيره وملم بالحديث في مجال العقم وكمان اسلوب البرتوكولات الي بيتبعها قبل العمليه تشبه لحد بعيد اسلوب العديد من المراكز الامريكيه
على فكره امريكا هي البلد الاولى في مجال العقم وعندها مراكز تجاوزة نسبة النجاح عندها في اطفال الانابيب الى 70 في الميه
عيب المركز الوحيد الزحمه الشديده وتعامل بنات الاستقبال سيئ جدا (واحيانا المنسقات كمان )وممكن يسمعوكي كلام فارغ بس اعتقد ده لسبب انهم بيشتغلوا من 8 صباحا الى 10 مساء يوميا وده بيسبب لهم نوع من عدم الصبر والملل





في اعترافات تانية عاوزة تضيفيها قبل ما نقفل المحضر :
اولا يا بنوتات الحمل ده حاجه ربانيه لا عندها علاقه انتي مريضه جوزك مريض حالتي صعبه انا من مرضي ده اتعرفت على ناس كثير ناس شبه طبيعين وبيتعالجوا وبيفشلوا مره وراء مره وناس حالهم صعب قوي وما شاء الله عملياتهم والعلاج بينفع معاهم من اول مره والاطباء بيأكدولهم انوا لا امل لكن ربك بيقول كن فيكون اسعوا اه اسعوا بكل طاقاتكم لكن تذكروا اهم حاجه لاتتعلقوا بالاسباب لاتتعلقوا بطبيب ولا مركز ولا دواء تذكري دائما ان الله اذا اراد كان واذا لم يرد لن يكون
واذا مرت السنوات والله لم يرد لا تيأسي ولا تحزني ولا تفقدي ايمانك ابدا وتذكري ان الي بيحصلك ده افضل ما يمكن ان يحدث لكي وان الخير كل الخير في تاخر الانجاب
انت مذنبه انت غلطانه ده احساس كل وحده فينا لما الناس بتضايقنا ليه ما حملتوش طيب اكشفوا طيب اتعالجوا انا عاوزه كل وحده تطرد الاحساس ده من جوها احنا ربنا كتب علينا تاخر الانجاب والي حملت من اول سنه جواز ما كنش بشطارتها او شطاره زوجها وانتي تاخرتي ليس لعيب فيكي لا الانجاب شئ لا يد لنا فيه زي ما اتولدنا لقينا ده امنا وده ابونا لقينا نفسنا سودانين او مصرين او سعودين لقينا نفسنا اغنياء او فقراء ده كلها حاجات ربنا فرضها علينا واحنا مالناش دخل فيها في كلمه حلوه قوي سمعتها من دكتور حسام مفيش حاجه اسمها عقيم حتى القرأن لم يذكر العقم الا في حاله سيدنا ابراهيم وزكريا وده حصل بعد مرور سنوات عديده من تاخر الانجاب ووصول الزوجه الى الثمانين من العمر هو ده العقم لكن الحاله الي احنا فيها ده تأخر انجاب مش عقم
اياكي ثم اياكي تحكي لاي شخص عن مرضك خليها بينك وبين زوجك واذا حد سالك قولي ربنا لم يرد
طيب روحوا لدكتور رحنا
طيب الدكتور قال ايه قال كل تمام بس ربنا ما كتبش نعمل ايه يعني لو في سوق نشتري منه كنا اشترينا
اخر حاجه ما تنسيش العلاج المضمون الدعاء ثم الدعاء ثم الدعاء












بطاقة تعريف بـ kokar_2001



الاسم الحركي :كوكار
السن :34
متجوزة من كام سنة :6
سبب تأخر الحمل :عدد الحيونات المنوية و الحركة و نسبة المشوة
حصل حمل قبل كدة و لا لأ : قبل الحقن لأ
بدأتي تهتمي بموضوع الحمل بعد كام سنة جواز : بعد سنة و بعد السنة قعدنا سنة مكبرين دماغنا برضو و سنة سافرنا يعنى ممكن نقول ركزنا فى الموضوع من 3 سنين حصل حمل بعد سنتين من الـ 3
روحتي لكام دكتور : 3 واحد ابتديت معاه فى مصر و ولدت معاه و واحد عملت معاه الحقن و واحد تابعت معاه فى الكويت
الدكتور اللي متابعة معاه دلوقتي : مافيش
متابعة معاه من اد ايه : --------
التحاليل الطبية اللي عملتيها :FSH - LH- Prolactin - Broujesteron - هرمون الذكورة - اشعة بالصبغة
نسبة ال FSH :مش فاكرة بس كانت كويسة الحمد لله
نسبة ال LH :مش فاكرة بس كانت كويسة الحمد لله
نسبة ال Prolactine :مش فاكرة بس كانت كويسة الحمد لله
نسبة الBroujesteron : تقريبا 69
اي نسب تانية زي الغدة الدرقية او هورمون الذكورة مثلا :
ايه الادوية اللي بتاخديها : مافيش
استمريتي عليها اد ايه :------
هل كان ليها اعراض معينة مميزة او لا :-------
عملتي تلقيح او حقن مجهري قبل كدة :ايوة
كام مرة : عملت تلقيح 3 مرات و عملت مرة واحدة حقن و الحمد لله ربنا كرمنى
في اي مركز :التلقييح مرة فى عيادة الدكتور شريف حمزة و مرتين هنا فى الكويت و الحقن كان فى مركز النيل لاطفال الانابيب
مين الدكتور اللي تابع العملية :الدكتور كان مسافر الحج و اللى ترجعلى الاجنة الدكتورة ياسمين المساعدة بتاعته
رأيك في المركز : مش عارفة بالظبط اقول ايه انا الحمد لله ربنا كرمنى بس هو معمليش تحاليل قريت البنات هنا بيعملوها و هم بيعملو الحقن معرفش دا عشان هو شايف انى كويسة ولا عشان هو مركز وحش
بس اللى متأكدة منه قوى قوى قوى ان ربنا فوق اى مركز فى الدنيا





في اعترافات تانية عاوزة تضيفيها قبل ما نقفل المحضر :
ايوة
ربنا كريم و كرمنى بـ "كريم" الحمد لله
احساسى انه اكرمنى عشان انا كنت واثقة فيه قوى طبعا جالى لحظات ضعف بس كنت واثقة فى ربنا قوى قوى
و كمان كان عندى احساس انه حيتملى على خير فمكنتش خايفة من عين ولا حسد ولا كلام من الفارغ دا
ثقة فى ربنا
ايمان بيه و برحمته
و كمان عملت اللى عليا عشان ربنا يكرمنى
كنت مواظبة على الصلاة و كنت بصلى ركعتين كل يوم فى جوف الليل و عملت عمرة و كنت بتصدق بنية الحمل و صلت رحمى و كمان طبعا دقيت باب الطب و الدكاترة يعنى مسبتش حاجة تقربنى من حلمى
اى حاجة اعرف انها حترضى ربنا بعملها عشان انا عارفة انه حيرضينى و يراضينى
توكلو على الله حق التوكل
تعليق :
كوكر حاامل طبيعي ما شاء الله







MAYRA
MAYRA •
الاسم الحركي : شيمولاتا

السن :29 سنة

متجوزة من كام سنة :4 سنين

حصل حمل قبل كدة و لا لأ :ولا مرة الحمد لله

سبب تأخر الحمل : تكيس المبايض وشك فى ان الانبوب الشمال مقفول وارتفاع هرمون البرولاكتين

بدأتي تهتمي بموضوع الحمل بعد كام سنة جواز : سنة

روحتي لكام دكتور :حوالى 6 او7

الدكتور اللي متابعة معاه دلوقتي: عادل البيجاوى فى مصر ودكتورة فى الامارات

متابعة معاه من اد ايه :من سنة وشوية كده

لتحاليل الطبية اللي عملتيها :اخر تحاليل اللي عملتها من شهرين
نسبة ال FSH :6
نسبة ال LH : 8
نسبة ال Prolactin :597
نسبة ال Projesterone : فى اليوم الواحد وعشرين كان 6 وفى تانى يوم الدورة كان نص 2/1

ايه الادوية اللي بتاخديها : جلوكوفاج 850 مرتين فى اليوم وفوليك اسيد وبارلوديل

استمريتي عليها اد ايه :الجلوكوفاج سنتين والبارلوديل من شهر والفوليك اسيد من 3 سنين

هل كان ليها اعراض معينة مميزةاو لا : غثيان و تعب فى المعدة لكنها بتزول بعد أسبوع او اتنين منالاستمرار عليها

عملتي تلقيح او حقن مجهري قبلكدة : لا لأنه مايصلحش لحالتى

في اعترافات تانية عاوزةتضيفيها قبل ما نقفل المحضر :
( رب هب لى من الصالحين )










الاسم الحركي : هدى

السن :32 سنة

متجوزة من كام سنة :6 سنين

حصل حمل قبل كدة و لا لأ : ايوه

سبب تأخر الحمل : المشكله الاساسيه مشاكل عند الزوج من حيث العدد و التشوهات و الحركة و ضعف تبويض عندى

بدأتي تهتمي بموضوع الحمل بعد كام سنة جواز : يعنى من 3 سنوات

روحتي لكام دكتور :اكثر من دكتور

الدكتور اللي متابعة معاه دلوقتي: مفيش

متابعة معاه من اد ايه :

لتحاليل الطبية اللي عملتيها :كله طبيعى ما عدا البروجسترون 5.8 يعنى ضعف تبويض

نسبة ال Projesterone : 5.8

ايه الادوية اللي بتاخديها : فوليك اسيد و دواء تثبيت uterogestan

استمريتي عليها اد ايه :كم اسبوع

هل كان ليها اعراض معينة مميزةاو لا : دواء التثبت


يتروجستان عمل لى دوخه و زعلله لما كنت باخذه اقراض لكن لما غيرته الى لبوس مهبليه الاعراض قلت كثير بس مسبب التهاب مهبلى و الم بالظهر


عملتي تلقيح او حقن مجهري قبل كدة :ايوه تلقيح

كام مرة :مرة واحدة من كم يوم و يارب ينجح

في اي مركز : المركز المصرى لاطفال الانابيب دكتور اسماعيل ابو الفتوح

مين الدكتور اللي تابع العملية :دكتور اسماعيل ابو الفتوح

رأيك في المركز :المركز بشكل عام جيد سمعت انه نسب النجاح بالنسبه للحقن المجهرى مرتفعه عندهم

الاستقبال معاملتهم معقولة

الدكتور للاسف قمه فى الاهمال اخذت منشطات التبويض وصلوا 11 حقنه حتى اليوم ال 13 من البريود بدون متابعه التبويض غير مرة واحدة فقط و النتيجة خرجت البويضات باليوم ال 13 و رفض حتى الاعتراف بغلطه و رفض يخبرنى بالحقيقه بعد كل التعب ده و كابر و صمم يعطينى دوبل الجرعه و طبعا اللى كان متخيله انه البويضات الصغيره قوى اللى مش ممكن تكبر خلاص يمكن تكبر من 4 حقن كمان او يمكن عمل كده علشان يوهمنى انه فاهم شغله و عملت التلقيح بعد خروج البويضات ب 3 ايام كامله و طبعا ده غلط فادح و اكيد هو عارفه انه ما ينفعش بس قالى نعمله يعنى اى حاجة و خلاص

و لا يوجد عنده امانه علميه للاسف و لا حتى طريقه التعامل مع المريضة كويسه يعنى ما تعرفيش حتى تساليه اى سوال غير بالعافيه و الرد بكلمه واحدة و مستعجل بعكس اول مرة رحنا له فيها كان بيتكلم و مستفيض كمان

للامانه قد يكون جيد بالحقن المجهرى مع انى اشك بده لانه الاهمال بالمتابعه مع التنشيط القوى للحقن المجهرى ممكن معاه يحصل اى حاجة غير متوقعه و حسبى الله و نعم الوكيل و حسيت انه كل اهتمامته بعمل حقن مجهرى و بس يعنى قالنا لو لم ينجح التلقيح المرة دى نعمل المرة الجايه حقن هذا بعكس اغلب الاطباء اللى بيقولوا 3 مرات تلقيح و بعدين نشوف الحقن

في اعترافات تانية عاوزةتضيفيها قبل ما نقفل المحضر :

اتمنى من تقرا كلامى تدعى لى بالذرية الصالحة و لزوجى و لى بالشفاء التام باذن الله و يارب يكون العمل ده لوجه الله و صدقة جارية لى و الله يرزقكم يارب بكل ما تتمنون و علينا جميعا بالدعاء
و لا تمشى وراء كلام دكتور بدون ما تقرا عن حالتك او حالة زوجك لازم تكونى فاهمه على قد ما تقدرى لانه الاطباء كثيرا مش بيقولوا كل الحقيقه او يودوكوا فى طريق غلط و الاهم انه الطبيب يكون امين و دى اهم حاجة

تعليق

هدى دلوقت حامل ماشاء الله لاقوة الا بالله ... ربنا يكملها حملها على خير ويرزقها بأخت لابنها يوسف










الاسم الحركي :am marium
السن :28

متجوزة من كام سنة :7
سبب تأخر الحمل :قله الحيوانات المنويه وضعف حركتها
حصل حمل قبل كدة و لا لأ :مره واحده من حقن مجهري ولم يرد الله ان يكتمل
بدأتي تهتمي بموضوع الحمل بعد كام سنة جواز :٤ شهور من الزواج
روحتي لكام دكتور :٢ نساء و١ ذكوره
الدكتور اللي متابعة معاه دلوقتي :لا يوجد
متابعة معاه من اد ايه :
التحاليل الطبية اللي عملتيها :
نسبة ال FSH :
نسبة ال LH :
نسبة ال Prolactine :
نسبة الBroujesteron :
اي نسب تانية زي الغدة الدرقية او هورمون الذكورة مثلا :
ايه الادوية اللي بتاخديها :
استمريتي عليها اد ايه :
هل كان ليها اعراض معينة مميزة او لا :
عملتي تلقيح او حقن مجهري قبل كدة :نعم
كام مرة :3 times
في اي مركز :مرتين عند ابوالغار ومره في لندن
مين الدكتور اللي تابع العملية :دكتور يحي
رأيك في المركز :زحمه جدا


في اعترافات تانية عاوزة تضيفيها قبل ما نقفل المحضر :لم اتوكل علي الله حق توكله










بطاقة تعريف ب ( د.وداع)
الاسم الحركي :دوعة
السن : 26سنة
متجوزة من كام سنة:سنة و10 شهور
سبب تاخر الحمل:في البداية كان ضعففي العدد لدي الزوج تحسن خلال سنةالحمد لله وحاليا لدي ضعف تبويض

حصل حمل قبل كده:لا

بدأتي تهتمي بموضوع الحمل بعد كام سنة جواز :بعد 6شهور

روحتي لكام دكتور :٢




الدكتور اللي متابعة معاه دلوقتي :ولا حد
التحاليل:fsh:5.2 lh3.4 prolactin:21.2 progestrone:.66
عملت اشعة صبغة كويسه ماعدا التصلقات في الحوض في الجنب اليمين



حاليا في محاولات التنشيط لاول مرة لم اقم بتلقيح او حقن مجهري


هل لدي اعترافات اخري؟
اه0عاوزة اقول ساعات بتيجيني لحظات ضعف وبحزن بس اللي متاكدة منه ان تاخر الحمل نعمة لاني بسببه بتغير كل يوم وبنضج كأن ربنا بيقومني ويعدني لامانة انا لسة مستحقهاش
MAYRA
MAYRA •
بطاقة تعريف ب ( هيا ننشر الخير )


الاسم الحركي : رورو
السن : 30
متجوزة من كام سنة : 7 سنوات
سبب تأخر الحمل : أول مره تكيسات شديده
تانى مره تكيس و إحتمال إلتصاقات


حصل حمل قبل كدة و لا لأ : مره و الحمد لله
بدأتي تهتمي بموضوع الحمل بعد كام سنة جواز : 8 شهور
روحتي لكام دكتور : أول مره روحت ل 2 دكاتره
تانى مره روحت ل 4 دكاتره


الدكتور اللي متابعة معاه دلوقتي : الطبيب النابغة / عادل فاروق البيجاوى
متابعة معاه من اد ايه : 3 شهور
التحاليل الطبية اللي عملتيها :
نسبة ال FSH :
نسبة ال LH :النسب طالعه نازله لكنها أصبحت فى المعدلات الطبيعية
نسبة ال Prolactine :
نسبة الBroujesteron :
اي نسب تانية زي الغدة الدرقية او هورمون الذكورة مثلا :
ايه الادوية اللي بتاخديها : كلوميد وحمض الفوليك
استمريتي عليها اد ايه :
هل كان ليها اعراض معينة مميزة او لا :
عملتي تلقيح او حقن مجهري قبل كدة : لا
كام مرة :
في اي مركز :
مين الدكتور اللي تابع العملية :
رأيك في المركز :


في اعترافات تانية عاوزة تضيفيها قبل ما نقفل المحضر :


اااااه
برئ يا بيه
هههههه




لأ بجد .. عايزه أقول إنى عملت منظار بطن قبل ما أحمل فى إبنى منذ 5 سنوات من أجل تثقيب المبيض كعلاج للتكيسات لأن كان وزنى خفيف جداااااا
و الحمد لله .. بفضل الله ثم مهارة الطبيب حملت بعد المنظار بحوالى 3 شهور و لكنى عدت الأن وتأخرت فى الحمل مره أخرى و الحمد لله على كل حال

ملحوظة .. من مساوئ هذة العملية ( تثقيب المبايض ) تقليل مخزون الويضات لذلك يجب الا يتم اللجوء لها الا بعد إستنفاذ وسائل العلاج كلها .. و إذا تم عملها يجب أن تكون على يد طبيب مناظير ماهر





تعليق

رورو دلوقت ما شاء الله لا قوة الا بالله حامل ... ربنا يثبت حملها ويرزقها باخت لابنها سيف اللهم آمين










الاسم الحركي :somaya119
السن :29
متجوزة من كام سنة :6 سنوات
سبب تأخر الحمل :التصاقات فى الانابيب والمبايض
حصل حمل قبل كدة و لا لأ : لا والحمد لله
بدأتي تهتمي بموضوع الحمل بعد كام سنة جواز : بعد 8 شهور
روحتي لكام دكتور : 4 تقريبا
الدكتور اللي متابعة معاه دلوقتي : مستشفى ادم
متابعة معاه من اد ايه : من شهر
نتائج التحاليل الطبية اللي عملتيها : كلها طبعيه الحمد لله
ايه الادوية اللي بتاخديها :لا يوجد
عملتي تلقيح او حقن مجهري قبل كدة : لا قريبا ان شاء الله

في اعترافات تانية
اقر واعترف انه اذا اراد شئ يقول له كن فيكون















بطاقة تعريف ب ( mahaadham)

الاسم الحركي : مهاميهو
السن : 30
متجوزة من كام سنة : 4 سنين
سبب تأخر الحمل : تكيس مبايض وارتفاع هرمون البرولاكتين ومشاكل عند الزوج
حصل حمل قبل كدة و لا لأ : لا
بدأتي تهتمي بموضوع الحمل بعد كام سنة جواز : أربع شهور
روحتي لكام دكتور : 7
الدكتور اللي متابعة معاه دلوقتي : د. عادل فاروق البيجاوي
متابعة معاه من اد ايه : اربعة شهور
التحاليل الطبية اللي عملتيها : أشعة الصبغة سليمة لحد الانابيب لكن الصبغة اتجمعت في الجنب اليمين وبالتالي هنشك لكن مش اكيد ان في مشكلة (والقرار النهائي بعد اما اعمل منظار ان شاء الله)
نسبة ال FSH: 7.91 5.19 6.5 5.6
نسبة ال LH : 3.25 10.31 6.1 8.2
نسبة ال Prolactine :
عالى وبينزل بالدوا
(29.82 – 69.2 - 32.7 – 36.29 – 21.6 – 19.8 – 0.8 )
نسبة Progesterone:
22 – 23.3 – 60
اي نسب تانية زي الغدة الدرقية او هرمون الذكورة مثلا : سليمة و الحمد لله لكن معملتش هرمون الذكورة.
ايه الادوية اللي بتاخديها : سيدوفاج 850 مرتين - دوستينكس ثم بارلوديل + ثم تنشيط للتبويض عن طريق كلوميد(2حبة*5يوم ابتداء من اليوم الخامس للدورة) و 3حقن فوستيمون ابتداء من اليوم التامن, على 3 ايام
لما باخد حبة كلوميد واحدة بيحصل تنشيط جيد للتبويض وبيبقى حجم البويضة ما بين (18 – 24) ملي، لكن لما باخد كورس الكلوميد والحقن كامل بيزيد التبويض عن المطلوب(28 – 29). اما بقى لو ماخدتش كلوميد خالص يطلع التبويض ضعيف بسبب التكيس(16)
استمريتي عليها اد ايه : 3 شهور
هل كان ليها اعراض معينة مميزة او لا : مثبطة للشهية (تنفع للرجيم)
عملتي تلقيح او حقن مجهري قبل كدة : لا
في اعترافات تانية عاوزة تضيفيها قبل ما نقفل المحضر :
انا شايفة ان الحياة الزوجية السعيدة مش شرط يكون فيها اطفال لكن الحياة الزوجية السعيدة بالاطفال اجمل بكتير ودي نعمة انا بادعي ربنا ينولهالي وكل حبايبي
وزي ما البنات قالت
الصبر والرضى والدعاء لله بالحاح والاحساس بالسعادة في السعي اجمل ما في الموضوع ولازم يكون عندنا امل وربنا يرزقنا ان شاء الله
ودايما خلوا الابتسامة مرسومة على وشوشنا :27:
تفاءلوا بالخير تجدوه...
MAYRA
MAYRA •
بطاقة تعريف ب المشتاقة لمكة

الاسم الحركي : مشمشة
السن 32 سنة
متجوزة من كام سنة : 6سنوات ونصف

سبب تأخر الحمل :مرض الدرن التناسلي اتلف عندي قنوات فالوب على الاخر
حصل حمل قبل كدة و لا لأ :انا حامل في الشهر الثاني بفضل الله ورحمته

بدأتي تهتمي بموضوع الحمل بعد كام سنة جواز :اهتميت بالموضوع بعد اخذ علاج الدرن الطويل
روحتي لكام دكتور : كتير
الدكتور اللي متابعة معاه دلوقتي :دكتور ي في تونس الدكتور محمود خروف
ودايما استشاراتي للدكتور عادل فاروق البيجاوي
متابعة معاه من اد ايه :3سنوات /سنتين
التحاليل الطبية اللي عملتيها :كثيرة جدا وكلها تقول لا امل لك

عملتي تلقيح او حقن مجهري قبل كدة :3مرات
الاولى عملتها في الجزائر وفشلت والحمد لله
الثانية في تونس وفشلت والحمد لله
الثالثة في تونس وانا حامل الان والحمد لله
في اعترافات تانية عاوزة تضيفيها قبل ما نقفل المحضر :عايزة اقول حاجة مهمة جدا
انا دخلت التجمع ده اول مرة وكنت يائسة ودايما كلمة عقيم لا تفلت من لساني ودايما بقول انا ماعنديش امل
بس انتو علمتوني انو ماياسش مهما كانت الحالة صعبة وانو مافيش/ ماعنديش امل/ مادام ربنا موجود الامل دايما موجود لانو رحمة ربنا سبقت مشيئته
انا عايزة اقول انو مهما كانت الحالة صعبة زي حالتي لازم مانفقدش الامل زي ماعلمتوني دايما
وعايزة اقول كمان اني مش فرحانة بحملي ومش حتم فرحتي الا يوم ما ا سمع بخبر حملكم كلكم
واستسمحك يا نيفووووووووووو
عايزة اقول انكم وحشتووووووووووني مووووووووووت
وانا مخنوقة وانا بعيدة عنكم ربنا يهون الايام ارجعلكم قريب جدا









الاسم الحركي :
رمـــــال


السن :


28


متجوزة من كام سنة :


سنتين و7 شهور


سبب تأخر الحمل :


ضعف التبويض بسبب انخفاض هرمون البروجستيرون


بدأتي تهتمي بموضوع الحمل بعد كام سنة جواز :


بعد ست شهور


روحتي لكام دكتور :


تلاتة


التحاليل الطبية اللي عملتيها :


تحاليل &BroujesteronFSH & LH &Prolactine


نسبة ال FSH :


7.9



نسبة ال LH :


3.9



نسبة ال Prolactine :


19


نسبة الBroujesteron :


9


ايه الادوية اللي بتاخديها :


دوستينكس وبارلوديل


استمريتي عليها اد ايه :


انتهت مدة العلاج


هل كان ليها اعراض معينة مميزة او لا :


الغثيان والقئ والدوخة


عملتي تلقيح او حقن مجهري قبل كدة :


لا




في اعترافات تانية عاوزة تضيفيها قبل ما نقفل المحضر :




احب اعترف انى كنت ولازلت مقصرة فى حق الله ...


واعترف بإن لم يكن عندى الصبر الكافى لتحمل ابتلاء تأخر الحمل وان التأخر ده كان درس ليا علشان افهم عبر كتير وعلشان اقدر احافظ علي النعمة لما تيجى ..


وأعترف بإن فضل الله عليا كان كبيرا ..


واعترف بأن الحب فى الله بيننا فى الملف من أعظم وأغلى النعم اللى لازم نتمكسك بيها كلنا لانها هى النجاه دنيا وآخرة










بطاقة تعريف ب: mikomiko
الاسم الحركي :ميكو
السن :30
متجوزة من كام سنة :سنة و نصف
سبب تأخر الحمل :ضعف تبويض
حصلحمل قبل كدة و لا لأ :لا, الحمد لله ديه المرة الاولي
بدأتي تهتمي بموضوع الحمل بعد كام سنة جواز :قبل مرور سنة – حوالي 9 اشهر
روحتي لكام دكتور :1
الدكتور اللي متابعة معاه دلوقتي :حسن محمد حافظ
متابعة معاه من اد ايه :مايو 2009
التحاليل الطبية اللي عملتيها :هرمون التبويض و هرمون الحليب و الغدة
نسبة ال FSH :
نسبة ال LH :
نسبة ال Prolactine :18.1
نسبة الBroujesteron : 12
اي نسب تانية زي الغدة الدرقية :4.03
ايهالادوية اللي بتاخديها :dostinex & clomid و ابرة تفجيرية بقوة 10000
استمريتي عليها اد ايه :شهر
هل كان ليها اعراض معينة مميزة او لا :غثيان و وجع في البطن و الظهر و دوخة
عملتي تلقيح او حقن مجهري قبل كدة :لا
كام مرة :
فياي مركز :
مين الدكتور اللي تابع العملية :
رأيك في المركز :
في اعترافاتتانية عاوزة تضيفيها قبل ما نقفل المحضر:الدعاء لان كل شئ بارادة ربنا و الحمد لله.

تعليق

ميكو ربنا كرمها الحمد لله وجابت مايا
ربنا يخليهالها يارب




بطاقة تعريف ب

(مايرا )




الاسم الحركي : ميرو
السن : 23
متجوزة من كام سنة : 3 سنين


سبب تأخر الحمل : عقم غير مسبب


حصل حمل قبل كدة و لا لأ :

ولااااااا مره
بدأتي تهتمي بموضوع الحمل بعد كام سنة جواز : بعد 6 شهور
روحتي لكام دكتور : تقريبا كده 6
الدكتور اللي متابعة معاه دلوقتي : د. فارس

متابعة معاه من اد ايه : من 7 شهور

التحاليل الطبية اللي عملتيها :


كلها نسب معقولة و جيدة جدا

الادوية اللي بتاخديها : اسبرين اطفال .. فوليك اسيد

استمريتي عليها اد ايه : كتيييييييييييير

هل كان ليها اعراض معينة مميزة او لا : لااا
عملتي تلقيح او حقن مجهري قبل كدة ..... ايوه
كام مرة :

3

في اي مركز :المره الاولى تلقيح صناعى وكانت فى مستشفى الحسين
والتانيه حقن مجهرى وكانت فى مركز د.فارس الطبى
والتالته ترجيع اجنه مجمده برضو فى مركز الدكتور فارس

مين الدكتور اللي تابع العملية : د.فارس

رأيك في المركز : بصراحه قمه فى كل شئ

في اعترافات تانية عاوزة تضيفيها قبل ما نقفل المحضر


:
ايوة احمد لله والشكر لله
انا حامل من ترجيع اجنه مجمده
وياااااااااااارب يتمم لى على خير ويرزق كل الموقنات يارب بالحمل السليم
اللهم يسر حملى وولادتى وبارك لى فيه
MAYRA
MAYRA •
بطاقة تعريف ب ( الاسم ) sara_ali

الاسم الحركي : سارة \ لالا
السن :34سنة
متجوزة من كام سنة : 5سنوات
سبب تأخر الحمل :ضعف عدد وقلة حركة الحيوانات المنوية ونسبة تشوة عالية
حصل حمل قبل كدة و لا لأ : مرتين وبيحصل اجهاض في شهر ونص بالكتير من الحمل (السبب الاجسام المضادة رغم ان دكتور عادل فاروق كان رايه مختلف وهو ان السبب عدم تماثل نسب هرموناتfshوالlhلكن مع احترامي له ولرايه انامش مقتنعةلان معروف ان الاجسام المضادة سبب ئيسي في الاجهاض قبل الاسبوع الثامن من الحمل وانا فتشت وسالت كتير في الموضوع دة والدليل انه لم ينصحني باي علاج (لوشك في تكيس)وكمان بمجرد ان تم الحمل الاخير وبدات اخد مضادات التجلط والحمدلله الامور عندي تمام

بدأتي تهتمي بموضوع الحمل بعد كام سنة جواز :سنة ونص
روحتي لكام دكتور :2
الدكتور اللي متابعة معاه دلوقتي :حاليا والحمدلله في متابعة حمل مع دكتور يعقوب عبد الماجد\ودكتور سمعان ادوارد في مركز الخرطوم للخصوبة
متابعة معاه من اد ايه :كنت متابعة معاه من الاول وبعدين سافرت مصر للعملية الاخيرة ورجعت حاليا اتابع معاه من جديد الحمل
التحاليل الطبية اللي عملتيها :
نسبة ال FSH :6,88
نسبة ال LH :5,47
نسبة ال Prolactine :7,51
نسبة الBroujesteron :
اي نسب تانية زي الغدة الدرقية او هورمون الذكورة مثلا : نسب الغدة الدرقية مش فاكراها بس كانت طبيعية
نسب هرمون الزكورة لم يتم عملها
نسب التجلط Anti-Cardiolioin IgG ACL(IgG) 6.8 (0-23)
Anti-Cardiolipin IgM ACL(IgM)4.7)(0-11)
Lupus Anticoagulant 28.5(31-43(

ايه الادوية اللي بتاخديها :اسبرين حبوب75ملج, بعدالحمل هيبارين حقن تحت الجلد,فيتامينات
استمريتي عليها اد ايه :............
عملتي تلقيح او حقن مجهري قبل كدة :
كام مرة :4تلقيح صناعي
2حقن مجهري
في اي مركز :كلها كانت في السودان ولم يكتب لها الله النجاح
الحقن التاني كان في مركز ادم الدولي والحمدلله فضل ربنا عليا كبير ووفقت فيه
مين الدكتور اللي تابع العملية :في مركز ادم في نقطة مهمة انا كنت خايفة منها بس بصراحة اكتشفت انها ميزة لانها بتقلل من الزحمة وبتخلي الدكتور يركز في الحالة وهي ان كل مرحلة عندها طبيب مختص (استشاري نساء,استشاري زكورة,متابعة تبويض)وكلهم يعملو بتناسق تام
رأيك في المركز :المركز مريح جدا في التعامل,نظيف,وقت الانتظار معقول مش ساعات طويلة,الاستقبال والمنسقات روعة من حيث التعاون والصبر,الاطباء بالهم طويل مع المرضى وبشوشين,التواصل ممكن عن طريق النت,اسعارهم معقولة,الغرف مريحة (لعملية سحب الاجنة الحالات مع بعض في غرفة جنب العملية بحمام لكن لعمليات الترجيع كل حالة لوحدها مع الزوج في غرفة مستقلة)
العيوب:ضيق استقبال العيادات لان المركز في حالة توسعة


في اعترافات تانية عاوزة تضيفيها قبل ما نقفل المحضر :
*تاخر الحمل لكتير مننارغم المه وصعوبته لكن بيخلينا نعيد اكتشاف انفسنا وعلاقتنا بالاخر وبالعالم كله وبرب العالمين اولا واخيرا صحيح الاطفال نعمة وهبة من ربنالكن لوتاملنا نعم ربنا الاخرى علينا نجدها لاتعد ولاتحصى ولكن لاننا بشر تفكيرنا قاصر للاسف
*من تجربتي مافيش حاجة اسمها مين السبب انت او زوجك لان الهم واحدوبعد الزواج لازم نفكر باسلوب (نحن)وليس(انا)عشان الناس تلاقي الحل السليم للمشكلة انا تحملت نظرات الناس واتهاماتهم المبطنة بدون ما اقول السبب الحقيقي ولاحتى لافرب الناس مش لاني مثالية لا لاني مقتنعة ان المشكلة تخص اتنين فقط ومش حيفيد تدخل اي حد مهما كان حبه لينا وخوفه علينا وعشان نتجنب نظرات الشفقة لاي طرف
*اختي لو انت جادة في معالجة مشكلتك ضعيها هدفا امامك وحينها ستزول كل الصعاب انا لماقررت المحاولة الاخيرة اتفرغت تماما لها كنت بقعد على النت 5ساعات يوميا عشان اقرا تجارب غيري واشوف احسن المراكز عشان اتجنب البهدلة واللف والدوران
انقصت وزني 5كيلو (رغم ان مش عندي زيادة كتيرفي وزني)بس قلت اكيد حتحسن من فرص النجاح(مافيش حاجة اسمها زهقت اوتعبت مالم احقق هدفي ربناخلق الكون في7ايام وكان ممكن سبحانه وتعالى يخلقه في ثانية لكن عشان ابن ادم يتعلم الصبر )
اتبعنا انا وجوزي نظام غزائي صحي وتقريبا اصبح لنا اسلوب حياة عشان نحافظ على صحتنا
الاستغفار والدعاء والصلاة والتضرع لله اولا واخيرا لدرجة انه اصبحت عندي لا ارادية والحمدلله
واخيرا الصحبة الطيبة انا دخلت التجمع ده واناساعات تايهة ومحتارة ومدايقة من كلام الناس ونظراتهم والله لم اجدالانعم الاخوات ساندوني وشجعوني وفتحوا لي قلوبهم قبل بلدهم جزاهم الله خير الجزاء واكرمهم وفرحني بخبر حمل وامومة كل واحدة فيهم آآآآآآآآمين