بت جدعه :

شوفي عزيزتي انا وحدة من اللي سمعوا كثير عن المرارة مع النشادر و بالفعل استخدمت الطريقة اللي قالوا عليها و كانت النتيجة ان الشعر كان يتأخر حول الشهرين و يوم يطلع يطلع خفيف نوعاً و هايش و الشي الحلو انه يخلي البشرة نااااااعمة بشكل خيالي لكنه ما راح كلياً و رغم تكراري للعملية 3 مرات مقسمة على ست شهور إلا إنه ما راح و حاليا أقدر اقدر لك نسبة خفته عن قبل بـ 30% فقط لا غير لكن شوفي و هالشي لكِ و لكل البنات اللي كانوا يرسلون لي ع الخاص و انا ما ارد عليهم يا أخواتي و بأمانة هالشي ما كنت حابة اتكلم عنه الحين غير بعد ما اكمل بحثي و دراستي للموضوع من جميع نواحيه .. الحين انا و من واقع عملي في المختبرات قلت لازم أعرف وش السر في هالوصفة و على شو تعتمد علشان يوم أفك رموزها بشكل صحيح أقدر وقتها أستخدمها بطريقة صحيحة و ما أترك مجال للخزعبلات و الكلام اللي ما يدخل العقل مثل اللي يقولون إنه لازم تكون مرارة عنز بكر و الا ذكر و الا مدري شو ترى كل هالأمور تخاريف مالها واقع علمي و ما كانت مقنعتني أبداً عشان كذا و بعد دراستي المبدئية للموضوع إليكم استنتاجاتي و اللي عندها إضافة أو معلومة لا تبخل علينا : 1- السر في كون الوصفة تتكون من النشادر و عصارة مرارة الماعز يكمن في إن هالمادتين عبارة عن مادتين قلويتين شديدتي القلوية ( قاعديتين ) يعني : عكس المادة الحامضية ( عكس الخل ) 2- و المعروف إن المادة القلوية ذات تأثير ضار على بصيلة الشعرة قد تؤدي إلى إتلافها و منع طلوعها و الدليل على كذا : * الشامبو قلوي و الناس اللي ما يشطفون شعرهم جيداً من الشامبو يصابون بتساقط الشعر * زيت الزيتون قلوي و الأمهات اللي يدهنون بناتهم حديثات الولادة بزيت الزيتون بشكل مستمر يكبرون و شعر أجسامهم خفيف جداً و ايضا النساء اللي متعودين يدهنوا زيت الزيتون بعد نزع الشعر ينمو عندهم الشعر بصورة ضعيفة. 3- العصارة الصفراوية لمرارة الثديات بشكل عام ( انسان ، ماعز ، بقر ، جمل ) متشابهة المكونات تقريباً يعني مافي فرق لين صارت مرارة خروف أو ماعز أو بقرة ..أهم شي تكون عصارة مرارة ( المادة السائلة الصفراء أو الخضراء اللي بداخل المرارة ) 4- الغرض من الوصفة أولا و أخيراً هو منع ظهور الشعر عن طريق إتلاف بصيلة الشعر أو إضعافها و للمعلومية فإن إتلاف بصيلات الشعر ما منه أي ضرر على جسم الإنسان لأن عملية التعرق راح تتم بصورة طبيعية كالعادة و الدليل إن الاشخاص المصابين بالصلع يكون عندهم ضعف أو تلف في بصيلات الشعر و مع كذا تتعرق فروة رأسهم بصورة طبيعية و أيضا معروف إن بصيلة الشعر التي تتلف لا تتجدد و لا تنشط بسهولة !! 5- من كذا استنتجت إن خليط الوصفة ( النشادر + المرارة ) لازم يتغلغل إلى البصيلات بعد نزع الشعر ( بالحلاوة أو الشمع أو مكينة النزع ) و لازم يظل عليها فترة كافية لإتلافها يعني مو المفروض نحط الخلطة ساعة أو ساعتين !! لا المفروض نخليها يومين أو حتى ثلاثة و كل شوي نعيد ع المكان يعني لو كل 3 ساعات نعيد نمسح ______________________________ الحين هذا استنتاجي الأخير ( فقرة 5 ) مجرد استنتاج لكن الخوف من إيش ؟ و هو الشي اللي انا جالسة لسه ابحث فيه حالياً هو الخوف من بقاء المادة القلوية على بشرة الجسم فترة طويلة زي ذي هل ممكن يسبب ضرر لنفس خلايا البشرة ؟ انا مو متأكدة من هالمعلومة و مثل ما قلت لكم هي محل دراسة و بحث من قبلي و بإذن الله أول ما أتوصل لجواب مطمئن من هالناحية راح انزل لكم موضوع مستقل يبرد قلوبكم بس اصبروا علي أخواتي و أكرر إعتذاري لكل الأخوات اللي راسلوني و ما رديت عليهم

شوفي عزيزتي انا وحدة من اللي سمعوا كثير عن المرارة مع النشادر و بالفعل استخدمت الطريقة اللي...