كشكولا
كشكولا
ان شاء الله بنروح لدبي وبعدها لصلالة وواول مره بنزورها
استفدت من الموضوع لان على بالي مافيها الا الجبل الاخضر
بس وش سالفة البعوض هههه ووش هذا البخاخ وش اسمه ؟
كشكولا
كشكولا
مشكوووره بنت صلاله الله يوفقك مااقصرتي
جـــــــــرح الزمن
مشكوره يابنت صلاله ربي يسعدك
وكريمات ضد لسع الحشرات متواجد بالصيدليات
وعني افضل الكريم افضل من البخاخ
كمان لاتنسوا العلب الصغيره اللي تشتغل بالكهربا وفيها محلول ضد البعوض اغلبها من منتجات ريد ممتازه
حتى يحلا النوم بدون حك ولسع خخخخخخخ
واخيرا بشوف صلاله
الله يرزقنا الجنه

طيب سؤال يابنت صلاله ربي يسعدك تحملينا
كيف اسعار الذهب عندكم اتوقع انه بالشكل مميز
لازم الذكرى تكون غاليه وودي اخذلي كم قطعه

اممممم كمان الاقمشه ذكرتي القطنيه طيب الاقمشه المطرزه متوفره؟
الامهات يحبون التطريز والدلع
الله يطول بأعمارهم ويخليهم لنا
وبارك الله فيك يابنت صلاله
بـنـت صـلالـة
مشكوره يابنت صلاله ربي يسعدك وكريمات ضد لسع الحشرات متواجد بالصيدليات وعني افضل الكريم افضل من البخاخ كمان لاتنسوا العلب الصغيره اللي تشتغل بالكهربا وفيها محلول ضد البعوض اغلبها من منتجات ريد ممتازه حتى يحلا النوم بدون حك ولسع خخخخخخخ واخيرا بشوف صلاله الله يرزقنا الجنه طيب سؤال يابنت صلاله ربي يسعدك تحملينا كيف اسعار الذهب عندكم اتوقع انه بالشكل مميز لازم الذكرى تكون غاليه وودي اخذلي كم قطعه اممممم كمان الاقمشه ذكرتي القطنيه طيب الاقمشه المطرزه متوفره؟ الامهات يحبون التطريز والدلع الله يطول بأعمارهم ويخليهم لنا وبارك الله فيك يابنت صلاله
مشكوره يابنت صلاله ربي يسعدك وكريمات ضد لسع الحشرات متواجد بالصيدليات وعني افضل الكريم افضل من...
العفو عزيزتي وحياك الله وخذي راحتك...بخصوص الذهب أتوقع سعره اليوم "جنيه " الذهب كان ب140 ريال عماني والسعر متغير يعلى و ينزل...و راح تلقيه بسوق الذهب عندنا وهالفترة أسعار الذهب نزلت شوي ...بس ما أتوقع في اختلاف كبير بين سعره العالمي... لكن روحيه وخذي فكرة وخلي الأسواق دائماً بليل منها تقضي وقت ومنها تاخذي فكرة عن الموجود والأسعار ...

أغلبها أسواق شعبية تراثية ومحلات متفرقة بس محلات الذهب أغلبها بمكان واحد ...





وعندهم تصاميم لاكسسوارات ظفارية ( تناسب لبسنا الظفاري ) بعضها ما زلنا متمسكين به ليومنا هذا مثل العصابة والحبوس :biggrin2: لا يروح بالك بعيد بكلمة العصابة ههههه تراها اسم لقطعة زينة تلبس على الراس عندنا واسمها مأخوذ من عصابة الراس... وتلبسها أكثر قريبات العريس على اللبس الظفاري ... وتلبسها العروس ثاني يوم العرس مع اللبس الظفاري...أو بأول يوم حسب تنسيقها متى تلبس الفستان ومتى الثوب الظفاري...وممكن في نفس اليوم تسوي عرض أزياء تلبس فستان بعدين ثوب ظفاري هههههههه

الحبوس = الخلخال <<< معاني الكلمات هههههه

العصابة ولها أشكال وتصاميم كثيرة جداً وكل وحدة تنسق وتحب تتميز بتصميم خاص لها :biggrin2:. وممكن تكون ذهب والعادة تكون ذهب والبعض صار يسويها من فضة وغيره..









وهذا لبسنا في عرض الأزياء <<<لبس ظفار جنوب عٌمان فقط




بخصوص الأقمشة في أقمشة مطرزة في بعض المحلات بشارع السلام بس ما دري هي نفسها اللي تريدها أو غير نسميها غالباً أقمشة ثياب التلبيسة... وفي لبس مطرز مفصل بطريقة لبسنا الشعبي الظفاري ... بس حطي في بالك إنك جاية لمنطقة تختلف شوي من ناحية اللبس عشان كذا الأغلبية يقولون أسواق شعبية وما تناسبهم كثير :biggrin2: ... والله يوفقك...



وهنا لقيت موضوع رائع متعوب عليه يتكلم عن لبسنا بشرح مفصل شوي...مع فارق السنين وصار مطور وبقصات وخامات وتصاميم أكثر...

http://forum.hawaaworld.com/showthread.php?t=1055112

http://forum.hawaaworld.com/showthread.php?t=1055112&page=2

وللتوسع أكثر العم جوجل ما يقصر ( الثوب الظفاري ) أو ( الزي الظفاري ) أو ( اللبس الظفاري )

وأعتذر على الإطالة بس عشان يكون عندك فكرة إن اللبس مختلف وبالتوفيق ...
جـــــــــرح الزمن
معلومات مفيده اول مره اقراها
جزاك الله خير شرح وافي وكافي
الله يعطيك الصحه والعافيه دوم ولا ننحرم من طلتك الجميله
اعجبتني العصابه
وان شاءالله بلا شك حنزور ونلقي نظره على الاسواق الشعبيه
شاكره لك مره ثانيه حسن تعاملك وتعاونك ياقلبي