memsi :

سنسن كل الحاجات اللى انتى عايزة بنتك تاكلها دى اعمليها بيوريه يعني اسلقيهم و اضربيهم في الكيتشن ماشين وشوفى ايه الاكلات اللى بنتك بتاكلها وحاولى تدخليها في الاكلة يعني مكرونى اند تشيز حطى شوية من البيوريه على صوص التشيز واخلطى ومش هيبان طعمهم وهكذا انا مرة قريت واحدة عملت كيكة شوكولاتة وحطت جواها بيوريه السبانخ والولاد ما حسوش بحاجة في الكيكة والبنانا بريد يعني اى حاجة ينفع يتخلط معاها البيوريه حطيه بس برضه خلى الخضار دايما جزء من اكلكم عشان تتعود انه دايما موجود على السفرة

سنسن كل الحاجات اللى انتى عايزة بنتك تاكلها دى اعمليها بيوريه يعني اسلقيهم و اضربيهم في...

maimnasser :

مساء الفل يا احلى بنات عملت النهاردة فراخ بالجبنة فى الفرن، فطيرة السبانخ و فيتوتشينى الفريدو حنزلكم الصور و لينكات الوصفات المشاركة الجاية ان شاء الرحمن الحمد لله اعصار يفوت ولا حد يموت انا مش عندكم لا انا عايشة فى الجيزة بس ليا صحاب كتير فى تكساس بس انا عشت معظم عيشتى و انا صغيرة بين انجلترا، استراليا، اليونان و كينيا كل القارات تقريباً بعد الجواز استقريت هنا الحمد لله بالهنا يا فطوم هيا بنتك عندها اد ايه اصلاً ما شاء الله بصى انا برفع من على الموقع ده http://www.ps-revolution.net/ سما من فضلك طريقة مكرونة البيتزا، فراخ بالكورن فليكس اصابع الكيرى:) تسلمى يا قمر

مساء الفل يا احلى بنات عملت النهاردة فراخ بالجبنة فى الفرن، فطيرة السبانخ و فيتوتشينى الفريدو...

maimnasser :

فطيرة السبانخ http://forum.hawaaworld.com/showpost.php?p=23459489&postcount=864 انا مضفتش بيض للكريمة انا ضفت الكريمة اللبانى على السبانخ بعد م استوت و بشرت عليها جبنة رومى و بدل الصنوبر حطيت كاجو عشان جوزى مش بيحبه فيتوتشينى الفريدو اعتقد دى كانت طريقة مى memsi اي نوع مكرونة مسلوقة يفضل شرايط.. وكريمة لباني... ثوم مفروم.. زبدة.. ملح وقلقل.. جبنة رومي مبشورة(طبعا الأجانب بيستخدموا البارميزان)بس دي غالية ومش موجودة فراخ مقطعة شرايح رفيعة ومشروم يتحمروا في شوية زيت.. تسيحي الزبدة في الحلة وتحطي عليهم الثوم المفروم ويادوب يتشوح تقومي ضايفة المكرونة وتقلبيها في الزبدة بعدين تضيفي الكريمة وتسيبيها تغلي شوية وملح وفلفل ولو حسيتي انها صايصة ومحتاجة تتقل معلقة دقيق في شوية مية وضيفيها عليها تتقل على طول... وتقفلي عليهم وتقومي مقلبة معاها الفراخ والمشروم..وترشي على الوش جبنة مبشورة وبالهنا والشفا.. انا محطتش لا مشروم ولا فراخ ولا احتجت دقيق طلعت حلوة اوى ما شاء الله فراخ بالجبن فى الفرن http://forum.hawaaworld.com/showthread.php?t=1395420 انا تبلت الفراخ بتتبيلتى العادية للفراخ البانية "خل بلسمى، لبن، مستردة، كاتشاب، ورسسترشاير صوص، باربيكيو صوص و بعد م حشيتها و حطيتها فى الصينية حطيت عليها ملح، فلفل اسود، بابريكا، ماجى فورية

فطيرة السبانخ http://forum.hawaaworld.com/showpost.php?p=23459489&postcount=864 انا مضفتش...