maimnasser :

صباح الفل يا بنات وصفتين ميكى ماوس فى السريع لزوم السحور:39: فول بالبشاميل "الشيف ايمن على نجوم اف ام" تشترى ب 3 جنيه فول :35: "هو قال كدة" ربع كيلو لحمة مفرومة بصل و فلفل رومى مقطع ملح و فلفل زيت بشاميل تشوحى البصل و الفلفل فى الزيت و بعدين نضيف اللحمة و نشوحها و نوطى عليها لما تستوىو نضيف الملح و الفلفل الاسود فى طاجن او بايركس نضيف نص مقدار الفول، نص مقدار اللحمة و نكرر و نحط البشاميل على الوش و عليه جبنة رومى مبشورة او ندهنه ببيضة و ندخله الفرن لغاية م وشه يحمر كان قال معلومة كدة مفهمتهاش اوى ان قبل ما نشوح االحمة نجيب فحمة مولعة و نحطها مع اللحمة فى حلة و نقفل عليهم عشان اللحمة تكون مدخنة و بعدين نحط اللحمة على البصل و الفلفل تونة سريعة "من قناة فتافيت" علبة تونة فلفل رومى مقطع شطة مقطعة ( اختيارى) بصل اخضر مقطع زيتون شرايح معلقة مايونيز ملح قلبى كله فى بعضه و بالهنا تسلمى يا قمر حجربها اكيد ان شاء الرحمن و اقولك الاخبار الله يعافيكى حبيبة نورتى المشاركة الجاية حنزلكم لينكات لحلقات منال العالم من 1-14 بالصور منزلاهم اخت هنا فى المنتدى انا بس جمعت المشاركات و كمان لينك للفيديو بتاع الحلقات يا ريت تدعوا لصاحبة الموضوع toqtoq2000

صباح الفل يا بنات وصفتين ميكى ماوس فى السريع لزوم السحور:39: فول بالبشاميل "الشيف ايمن على نجوم...

maimnasser :

[RIGHT][FONT="Tahoma"][SIZE="3"][COLOR="DarkOrchid"]? http://forum.hawaaworld.com/showpost.php?p=23228622&postcount=49 http://forum.hawaaworld.com/showpost.php?p=23240220&postcount=60 http://forum.hawaaworld.com/showpost.php?p=23261395&postcount=82 http://forum.hawaaworld.com/showpost.php?p=23275903&postcount=91 http://forum.hawaaworld.com/showpost.php?p=23303058&postcount=112 http://forum.hawaaworld.com/showpost.php?p=23316949&postcount=128 http://forum.hawaaworld.com/showpost.php?p=23331737&postcount=150 http://forum.hawaaworld.com/showpost.php?p=23356447&postcount=164 http://forum.hawaaworld.com/showpost.php?p=23366878&postcount=175 http://forum.hawaaworld.com/showpost.php?p=23385444&postcount=185 http://forum.hawaaworld.com/showpost.php?p=23405108&postcount=203 http://forum.hawaaworld.com/showpost.php?p=23433355&postcount=231 http://clipat.maktoob.com/search.php?tag=%D9%85%D8%B7%D8%A8%D8%AE+%D9%85%D9%86%D8%A7%D9%84+%D8%A7%D9%84%D8%B9%D8%A7%D9%84%D9%85

...

spanishflower :

السلام عليكم يا بنات ازيكم جميعا اماني انا باموت في الشوربه اللبيه دي بس انا اتعلمتها من واحده ليبيه باللحمه المفرومه بس فعلا تستاهل التجربه يا بنات مي جربي في شوربه الطماطم تحمري بصله صغيره خالص الاول لحد ما تصفر و بعد كده الطماطم و جزره و سيبيهم لحد ما يتسبكوا بعد كده اضربيهم في الخلاط و زودي الشوربه و الكريمه اللباني هتلاقيها تحفه تسلم ايديكي علي اللينكات بس مفييش فيديو انا كانت عندي عزومه من يومين كانت شوربه جزر بالكريمه سلطه الربيع بالسماق فته الفراخ السوري بس بالحمص كمان توميه ارز اصفر بالكاري و المكسرات ملوخيه خضرا طاجن باميه في الفرن لحمه كباب حله بالبطاكس في الفرن كفته مشويه لازانيا و محشي كرنب( دا صاحبتي جايتلي طبق معاها) عصاير طبيعيه الحلو قطايف بالمكسرات علي طريقه ام عزيزان و بسبوسه من صاحبتي التانيه

السلام عليكم يا بنات ازيكم جميعا اماني انا باموت في الشوربه اللبيه دي بس انا اتعلمتها من واحده...

maimnasser :

صباح الفل يا بنات ما شاء الله يا رانيا تسلم ايديك جوعتينى:09: و لسة بدرى و حجرب الشوربة اكيد ان شاء الرحمن و ايه سلطة الربيع بالسماق دى؟؟؟ و عدلت اللينك بتاع الفيديو دلوقتى شغال ان شاء الرحمن http://forum.hawaaworld.com/showthread.php?t=1395420 شكلها حلو الفراخ دى ما شاء الله و ميكى ماوس:) لقيت كام وصفة حلوين و شكلهم سريع فى موقع بص و طل فطيرة السبانخ كيلو سبانخ مسلوقة ممكن تتسلق وممكن تكون جاهزة. • رقائق هشة من أي سوبر ماركت. • ملعقتين صنوبر. • جبنة رومي مبشورة. • 5 فصوص ثوم مدقوق. • 2/1 كوب كريمة. • 2 بيض. • ملح وفلفل. • زبدة. الطريقة: • هاجيب الصينية واحط فيها معلقة زبدة.. وبعد كده هاجيب العجينة وأفردها بنشابة وأحطها بحجم الصينية وأبططها. هافرد العجينة في الصينية. • هاجيب طاسة وهاحط ملعقة زبدة وأحطها على النار. • بعد ما الزبدة تسيح هاضيف إليها السبانخ وأقلبها كويس وبعد كده هاضيف إليها الملح والفلفل والبهارات والثوم مع التقليب المستمرّ. • هجيب طبق واسع واكسر 2 بيضة مضاف ليهم رشّة ملح وفلفل واضربهم بالمضرب واضيف ليهم نص كوب كريمة (واقلبهم بالراحة).. وبعد كده أضيف ليهم الجبنة المبشورة وشوية ملح وبهارات. • هاجيب السبانخ واضيفها للخليط السابق واقلبهم كلهم مع بعضهم كويس. • هاجيب الصينية اللي فيها الفطيرة وهاحط عليها السبانخ بالتساوي وفي النهاية أرش الصنوبر من على الوش وأدخلها الفرن لمدة نص ساعة. قراصيه باللوز والسكر والكريمة نص كيلو قراصيه (طازة وجديدة وطرية علشان ماتاخدش وقت وأنا باطلع البذر منها). • لوز مسلوق ومقشر. • 2/1 كوب سكر. • لوز متقطع ومحمص. • كريم شانتيه. الطريقة: • أول حاجة هاعمل الكريم شانتيه وكل اللي هنحتاجه 2 كوب كريم شانتيه جاهز من السوبر ماركت + 2 كوب لبن ساقع نضربهم مع بعض بالمضرب الكهربائي بعد كده أجيب 2 كوب ماء مغلي أحط فيه اللوز لمدة دقيقتين ولما يبرد شوية أقشره بسهولة وبعدها أحشي القراصيه باللوز ده. هاجيب طاسة وهاحط فيها السكر واحطهم على النار لغاية لما السكر يسيح وأول ما السكر يدوب أوطي النار لحد ما أحس إن عندي صوص خفيف من السكر. بعد كده هاحط عليه القراصيه المحشيه وأقلبهم مع بعض. هاجيب طبق الحلو وهاحط فيه اللوز المحمص بطريقة عشوائية وبعد كده هاحط القراصيه المحشية واللي حطينا عليها السكر. هاغطي كل القراصيه بالكريم شانتيه ومن على الوش هاحط اللوز المحمص.

صباح الفل يا بنات ما شاء الله يا رانيا تسلم ايديك جوعتينى:09: و لسة بدرى و حجرب الشوربة اكيد ان...