دورة لتعليم الابيسون _دورة متميزة_ [الارشيف]

امل عفيفي

29-10-2006, 15:17

http://www.hawaaworld.com/up/get-kaj660jf.gif

بسم الله
اخواتي بنات حواء اليكم دورة في تعليم الابيسون مين معانا ؟
طبعا كما تعلمون ان الابيسون غرز ليست سهلة و***** الله ربنا يقدرني واعرف اشرح لكم واسهل شيء سوف ابدء بية هو عمل الابجورة وانا سوف اشرح وجيهان سوف تنزل الصور خطوة خطوة

الابجورة
الادوات المطلوبة:

1- قماش ابيسون < كنفاة فرنساوي > خاص بالابجورات ليس قماش كراسي خدو بالكم
35سم .
2- خيوط dmc سوف اطلب لون من كل واحد موقتا ودة الارقام
221
223
224
730
733
3011
3013
ثمن الواحدة 2ونصف ج طبعا سوف احتاج كمان بس موقتا
علي فكرة دة ابجورة صغيرة
سوف تنزل جهان الرسمة وكل شيء خطوة خطوة
اية مين معانا

drfaiza

29-10-2006, 15:20

أنا طبعا معاكي أمووووووووووووووووولة

مقدسيه

29-10-2006, 15:27

بسم الله الرحمن الرحيم
السلام عليكم
الله يسعد مساكي اختي امل والله
انتظر هذه الدورة بفارغ الصبر
الله يجزيكي كل خير وتحياتي الى
مشرفتنا الغاليه الدكتورة فايزه
وطبعا انا معاكي اختي امل والله
يوفقك والى الامام
اختكي مقدسيه

amal.f.s

29-10-2006, 16:57

أنا معاكى يا أمل وكنت بدور على الموضوع ده من زمان و فى أنتظارك

sun dance

29-10-2006, 17:17

جزاكى الله خيرا ياأمل فكرة روعة وانا معاكى ان شاء الله

bolbol40

29-10-2006, 17:46

جزاكى الله خيرا ياأمل فكرة روعة وانا معاكى ان شاء الله

modylolo

29-10-2006, 18:57

وانا كمان معاكي يا امل مستنياكي بفارغ الصبر

امل عفيفي

29-10-2006, 19:13

حبيبتي د/فايزة الدورة دة علشان عيونك يارب افيدكم
حبيبي الاخوات الكرام / مقدسية -amal -sun bolbol شكرا ودة صورة الابجورة علشان تفتكروها

Eman Aly

29-10-2006, 21:51

أنا يا أبلة يا عسل ممكن تقبليني تلميذة عند حضرتك يا إسكندرانية يا سكر

om abdelrahman

30-10-2006, 00:11

انا معكم ان شاء الله
بس يا ريت يكون سهل كده زى الكروشيه
علشان انا من عشاق الكروشيه

جيهان الربانى

30-10-2006, 01:10

السلام عليكم الى اخواتى دى صور للطلبات وهى مش كتير ان شاء الله :26: :26:
دى خيوط dmc

جيهان الربانى

30-10-2006, 01:13

دى الابر ودى حسب التعود لكن بنستخدم الكبيره مع الصوف

جيهان الربانى

30-10-2006, 01:15

معلش على الخطأ

جيهان الربانى

30-10-2006, 01:17

القماش كنفاه فرنساوى

جيهان الربانى

30-10-2006, 01:23

وطبعا الرسمه وانت شفتوها بعد التنفيذ :26:

ام نورهان ومحمد

30-10-2006, 01:28

السلام عليكم
معلش يعني انا اجيب القماش والخيوط
واشتري الرسمه من نفس المحل؟؟
والابره اسمها ايه؟
وشكرا

جيهان الربانى

30-10-2006, 01:36

ايوه يا اه نورهان ومحمد تشترى كله من محل واحد والابره اسمها ابره كنفاه وهى ابره من غير سن مدبب

khuload

30-10-2006, 04:37

ممكن تضموني للدورة ؟

مع جزيل الشكر المسبق للمشرفات هل ممكن التثبيت ؟

nnosh

30-10-2006, 04:57

أخيرا" يا أمولة
طيب ليه مكان معاكم

امل عفيفي

30-10-2006, 05:09

بسم الله
اهلا بيكم جميعا اولا جيهان نزلت صورة الابرة وكما قالت الابرة الكبيرة للصوف فقط اما الصغيرة للابجورات وجميع الاعمال تشتروا القماش 35 سم فقط يقسم الي اثنان ثم الي اربعة يعني الواحدة تكون 25 سم في 35 سم طبعا سكان الاسكندرية ارشح التركي في شراء القماش وممكن تطلبوا منة ان يقصها لكم بس انتم تقولوا حانعمل ابجورة صغيرة اما سكان القاهرة اعتقد في محل اسمة كل شيء في مصر الجديدة اما الاخوات خارج مصر لااعلم هما اكيد عارفين والله معاهم
بالنسبة للصورة انا سوف انزلها لكم وانتم تسحبوها من الطابعة ومكتوب عليها الارقام وموزعة علي الصورة يعني انتم اولا تشترو القماش والابرة والخيط وتستعدوا للدرس الاول والله المعين

drfaiza

30-10-2006, 06:48

تحية من عند الله مباركة طيبة لك يا ...مقدسية
حياك الله حبيبتي

جاهزين يا أمووووووولة باذن الله

boba

30-10-2006, 07:55

امل طبعا انا معاكم ربنا يخليكى لنا وتعلمينا اكتر واكتر
واكيد طبعا سوف نستفيد جميعا من هذا الفن الجميل

بالنسبة للرسمة ازاى نطبعها على القماش
وطبعا لما نطبعها سوف تكون صغير على ورق A4
كيف نضبط الحجم الطبيعى لها
وياريت نعرف ثمن القماش لانى سوف اشترى من محل بوبيجيان فى وسط البلد وانا اعرف ان اسعاره غاليه شوية لذلك احب اعرف السعر لان محل كل شئ فى مصر الجديدة بعيد على وخاصة انا من المنيل

امل عفيفي

30-10-2006, 14:15

بسم الله
الاخوات الكرام nodylolo وخلود وام نورهان وايمان وnnosh اههههههههلا بيكم جميعا
ننوش اكيد ليكي مكان وفي اول صف
ايمان طبعا معايا كفاية اسمك علي اسم بنتي
nodylolo وخلود وام نورهان منورين واهلا بيكم
bobaاهلا حبيبتي بالنسبة لحجم الصورة ان شاء الله تكفي حجم الورقة لانك لحظتي انها صغيرة
ولو حسيتي انها اصغر من الشاشة سهلة من اي مكتبة تكبريها وانا سوف اعطيكم طولها والعرض
اما سعر القماش هنا في الاسكندرية المتر 60 ج وساعات 70 ج انت وشطارتك في التنزيل احنا طلبين 35سم فقط انا بجبهم 22ج والخيط الواحد كما قلت 2ونصف ج وانا طلبت واحد من كل لون موقت يعني 7 وحدات خيط في 2ونصف يعني 17ونصف والابرة بربع ج يعني الطلبات بحوالي 40 ج طبعا بعد ذلك نحتاج خيط بس مش دلوقي وان شاء الله الدرس الاول اليوم وهو كيف ارسم الرسمة علي القماش انتظروني

ونحن نتظر جيهان

براءة

30-10-2006, 16:42

انا كمان عايزة اتعلم معاكم
و شكرا على الدورة الروعة دي و حجهز المطلوب

Om_Dodo

30-10-2006, 19:28

ان شاء الله سبحانه وتعالى انا معاكم فى هذه الدورة
وعلى فكرة انا عندى خلفية بسيطة عن اعمال الابيسون وكنت ناوية اتعلمه علشان اعمل مشروع وعندما اتقنه ابيعه لتحسين الدخل
فاذن الله سوف اكون معكم

جيهان الربانى

30-10-2006, 19:53

الرسمه مره تانيه

جيهان الربانى

30-10-2006, 19:57

معلش يا جماعه عالتأخير بس النت كان صعب التحميل

جيهان الربانى

30-10-2006, 20:00

ضعي الرسمه تحت القماش و هتكون باينه و ترسميها بالقلم الازرق و بلاش الرصاص لضمان نظافه القماش

جيهان الربانى

30-10-2006, 20:03

و الصوره دي بعد الطباعه و ممكن تعمليها بالكربون

جيهان الربانى

30-10-2006, 20:06

و المجموعه دي لليوم و اي استفسار انا و امل معاكم على النت

ROMEE

30-10-2006, 20:42

ياللروعة
دورة هائلة وراقية
راح اتابعها لأني احب الابيسون جدا جدا جدا

والأروع مشاركتكم (أمل وجيهان )
طريقة ممتعة ومحببة للنفس
"وتعاونوا على البر والتقوى "

جزاكم الله خيرا وجعل هذا الموضوع صدقة جارية لكما

امل عفيفي

30-10-2006, 20:51

بسم الله
اخواتي لكم الشرح بالتفصيل اولا تسحبوا الرسمة من الطابعة ثم تضعيها تحت القماش بحيث تكون في المنتصف يعني يكون في مساحة حول الرسمة من جميع الجهات حوالي 4 سم من جميع الجهات وتقومي بتسبيت بالدبابيس لضبط الرسمة والرسم بالقلم الجاف ولايسمح بالكربون نهائي معلش جيهان نست وقالت ممكن الكربون لا لان الكربون بيظهر علي القماش ولا يطلع يعني الرسم بالقلم الجاف الازرق لان الرصاص يجعل القماش غير نظيف بعد كدة يكون الرسمة اترسمت علي القماش وعندما تخلصوا بلغوني علشان نبدء الشغل الي القاء
ملحوظة بلاش القماش المصري ارجوكم لان النتيجة مش حلوة انا عارفة ان الابيسون مكلف لكن النتيجة حلوة قوي وايضا يظل باقي للاولاد هدية وايضا لو اتسخ ممكن يتغسل يعني ثمنة فية والي القاء

mima2005

31-10-2006, 06:24

مبروك على الدورة الجميلة والتثبيت وربنا يجعله فى ميزان حسناتك انت وجيهان ياااااااااااااااااااااا رب
واكيد ان شاء الله هكون معاكم

om waled

31-10-2006, 12:37

الف مبروك علينا لدورة الاوبيسون

والله يعطيكم العافية للاخت أمل وجيهان

وان شاء الله أتابع معاكم الدورة أذا سمح الوقت

وماشاء الله شرحكم جميل وبسيط

بالتوفيق ان شاء ****

boba

31-10-2006, 13:59

احنا معاك
ولكن انتى لم تقولى الرسمة بعد الطباعة على الورق كام فى كام علشان يكون الشغل مضبوط من اولها وكذلك القماش
وفى انتظار الدرس الثانى

امل عفيفي

31-10-2006, 16:26

بسم الله
اهلا mima منورة
اهلا ام وليد منوراني وبوسيلي وليد
boba يظهر انك اشطر تلميذة لانكِ مصحصحة معاية برافو عليكي
احنا قلنا ان القماش بعد القص الي 4 يكون طول الواحدة 25 في 35 وتكون الرسمة في النصف وتكون مقاس 14 عرض قي 27 طول وطبعا العرض من تحت لان ارسمة كبيرة من تحت
انا جاهزة للدرس التالي بس ادوني اوكية انكم رسمتم

د-روعة

31-10-2006, 19:54

جزاكم الله خيرا على هذه الدورة الرائعة
وجعلها الله في موازين حسناتكم

اكتفي بالمتابعة عن بعد لحين توفر الوقت للتطبيق
وفقكم الله

نادية عبد الحي

31-10-2006, 20:15

اشكرك يا عزيزتي علي ترحيبك بي واتمني ان اكون محبوبه بينكم
ناديه

أم عتوتي

31-10-2006, 21:03

أخواتي : أمل وجيهان . . جزاكن الله خيرا على تلبية رغبات الأخوات بتنظيم هذه الدورة .

اخواتي المشاركات : أتمنى لكن التوفيق والاستمرار حتى النهاية .

أنا أحب التطريز ، وكنت من المطالبات بالدورة لكن حاليا سأكتفي بالمراقبة . .

ومع ذلك عندي كم سؤال إن أمكن . .

1 / هل يصح استعمال خيوط الـ DMC اللي على شكل كرة ( بكرة )؟ لأني بصراحة استخدمتهم في تطريز بعض المناظر بغرزة الـ × .

2 / ما نوع القماش المستخدم لعمل لوحة ( وليس أباجورة ) ؟

ويعطيكم العافية . .

امل عفيفي

01-11-2006, 00:45

بسم الله
د/روعة مجرد وجودك معانا شرف لي واي وقت حبيتي تنفذي انا معاكي
نادية مرحبا بيك واكيد محبوبة مدمتي من بنات حواء
ام عتوتي خيوط البكرة كويسة بس مش للتطريز او الابيسون لانها رفيعة جدا بس ممكن تكون حلوة علي قماش الايتامين
اما قماش الوحات لو جاهزة يعني لوحة مطبوعة هو الجبلان ولو انت حاترسميها في نوعين
الاول القماش بتاع الابجورة والثاني وانا افضلة للوحات قماش ابيسون الكراسي فية منة لون ابيض ولون بيج غامق حسب الرغبة ودة كويس لان الفتحات كبيرة ومريحة للشغل
ياريت تتبعي معايا الغرز لانها تعطي نتيجة احسن من x خصوصا للمناظر وانا متاكدة انكي حتتعلمي بسرعة لانك عندك حب التطريز وشكرا

مقدسيه

01-11-2006, 06:27

بسم الله الرحمن الرحيم
السلام عليكم
الله يعطيكن العافيه اخواتي امل وجيهان نحن متابعات
لكن ونحن بانتظار الغرز والبترونات وانا علي ان شاء
الله سانقل الرسمه والله يبارك فيكن وشرحك كثير حلو
والله يجزيكن كل خير
اختكن مقدسيه

ام خشوع

01-11-2006, 09:35

اخواتي الحبيبات:
ممكن انضم اليكم وسوف اكون ان شاء الله طالبة مجتهدة
لو سمحتي يا ابلة تقول لي اين يوجد التركي علشان اشتري الطلبات
وانتظم في الصف
ام خشوع:)

أم عتوتي

01-11-2006, 10:35

أختي أمل . . . جزاك الله خيرا على ردك ، لكني لا أرغب بعمل أباجورة وكنت ( إذا قررت الانضمام للدورة بعد تأكدي من ظروف معينة وتسويتها ) حابه أتعلم الغرز اللي بتستخدميها بهذا الفن لأني اشتغلت سابقا بغرزة الـ × ، وفكرت أستخدم الرسمة اللي حددتيها للوحة فهل يمكن ذلك ؟

وفي هذه الحالة هل ألتزم بنوع القماش الفرنسي أو ينفع الإيتامين ؟ ؟

وبالنسبة للخيط اللي ذكرته DMC البكرة هو ليس رفيع جدا ويختلف عن بكرة الخياطة العادية فهو على شكل كرة ، فهل ينفع ؟

امل عفيفي

01-11-2006, 16:23

بسم الله
اهلا مقدسية برافو عليكي ارسمي الرسمة ولما تنتهي بلغيني انا في انتظارك
ام خشوع اهلا بيكي التركي في المنشية الصغيرة بجانب هانو وايضا بجانب النساجون الشرقيون روحي هناك واسالي اي حد يقلك علي فكرة انا بكرة حاكون هناك الساعة 11 صباحا
ام عتوتي طبعا الصورة تنفع لوحة وانا عاملة واحدة كدة بس بلون اصفر سوف انزلة لكي وطبعا نفس نوع القماش لان النتيجة افضل كتير من الايتامين وعلي فكرة ربع متر من قماش الابيسون يعمل لوحتين زي الوحة دية الخيط ام عتوتي انا اعرفة كويس وعندي منة وايضا عندي البكرة الجانجا لعمل غرز اللسية بيكون جميل بس انت جربي الخيط التاني وتري الفرق

امل عفيفي

01-11-2006, 16:31

دية ام عتوتي الوحة نفس رسمة الابجورة بس اكبر طبعا التكبير من اي مكتبة وكما قلت ربع متر قماش الابيسون 15 ج مصري يعمل لوحتين وانا اخترت الون الاصفر

om abdelrahman

01-11-2006, 20:42

انا عجبنى جدا موضوعك وان شاء الله انا معكى
ولكن عندى اقتراح هو انى لقيت متر القماش العادى المصرى ب 9 جنيه
ممكن نشترى منه نتعلم فيه وبعدين نشترى الغالى ايه رايك
عجبتنى فكرة مفرش تحفه للاخت جيهان نفسى اتعلم التطريز وانفذه
ربنا يقدرك ويفتح عقولنا ونكون تلامذه اذكياء ونفهم بسرعه دى صورة المفرش للاخت جيهان
http://forum.hawaaworld.com/attachment.php?attachmentid=56 469&stc=1&d=1155064402
جعله الله فى ميزان حسناتكم

http://forum.hawaaworld.com/attachment.php?attachmentid=56 460&stc=1&d=1155061931
http://forum.hawaaworld.com/attachment.php?attachmentid=56 461&stc=1&d=1155062520

om waled

01-11-2006, 22:27

السلام عليكم ورحمة الله وبركاتة

حبيبتى أمل أنا اشتريت هذة القطعة لكى أتعلم عليها

ياترى تنفع ؟؟؟

http://img68.imageshack.us/img68/6578/11111tv5.jpg

mima2005

02-11-2006, 06:34

ما شاء الله ما شاء الله ايه الجمال ده شغلك رائع بصراحة والبرواز الورود اللى فيه فى منتهى الروعة يلى بقى عايزين نتعلم ومستعجلين لحسن الشغل كده يفتح النفس على التعلم

boba

02-11-2006, 10:50

الان كله اصبح واضح فى انتظارى الخطوة التالية

امل عفيفي

02-11-2006, 18:07

بسم الله
الاخت ام عبد الرحمن بالنسبة القماش المصري مفيش مشكلة بس كمان جيبي خيط رخيص علشان حرام تستعملي خيوط غالية في شيء مش حاينفع ولما تتقني العمل تنفذية علي الابيسون
بالنسبة للمفرش هو فعلا تحفة دة كان من مجلة الماني وكنا عرضينة علشان الاخت هوشو تنفذة والحمد الله نفذتة تماما بس ينقص التطريز ودة شغلتي وسوف انزلة قريبا فعلا ان الاخت هوشو استاذة في الكروشية
ام وليد ممكن تتعلمي فية وتبروزية لغرفة الاولاد بس بعد كدة متسمعيش كلام حد
ان شاء الله جيهان سوف تبدء في تنزيل الغرز انتظروها غدا وشكرا

جيهان الربانى

02-11-2006, 23:35

الى جميع الاخوات العزيزات دى اول غرزه وبالتوفيق ان شاء الله وامل حتتولى الشرح.

جيهان الربانى

02-11-2006, 23:37

تابع:26: :26:

جيهان الربانى

02-11-2006, 23:39

تابع الغرز

جيهان الربانى

02-11-2006, 23:46

اتمنى انها تكون واضحه

جيهان الربانى

02-11-2006, 23:47

دى اكتر وضوح ***** الله

جيهان الربانى

03-11-2006, 00:00

تابع وربنا يقدركم

مقدسيه

03-11-2006, 08:01

بسم الله الرحمن الرحيم
السلام عليكم
الله يبارك فيكين اخواتي جيهان وامل بس للاسف
الصور مش واضحه كثير مسلط عليها كثير ضوء
انا عني رسمت الرسمه واشتريت قطعه جاهزه
صغيره وان شاء الله بنزل الصور عن قريب والله
يعطيكن العافيه غلبناكن معانا تحملونا
اختكن مقدسيه

امل عفيفي

03-11-2006, 12:17

بسم الله
اختي مقدسية جميع الاخوات يمكن الصورة مش مفهومة بس الشرح يكون اكثر وضوح
اولا : يوجد في القماش فتحات واسعة وفتحات ضيقة
ثانية : احنا رسمنا الرسمة الشغل يكون من اول الخطوط المرسومة بالقلم لحد النهاية طبعا كل لون علي حدي
ثالثا : بداية الشغل نبدا بادخال الابرة من الشمال من الفتحة الضيقة التي بين الفتحتين الواسعتين

مهم جدا البداية من الفتحة الضيقة التي بين الفتحتين الواسعتين ثم نضع الخط لحد نهاية حدود القلم الجاف ايضا من الفتحة الضيقة بين الفتحتين الواسعتين طبعا احنا مسكين لون واحد ثم ننزل الابرة من تحت وندخل في اول فتحة واسعة ثم نطلع من فوق بالفاتحة الواسعة كم في الصورة

امل عفيفي

03-11-2006, 12:28

كما تروا صورة الخط واضحة واحنا نمشي بعد ذلك بخط مايل من الفتحة الواسعة من فوق في الفتحة الواسعة ايضا من اسفل المهم تكون الغرزة بميل حي ينتهي السطر نجد انفسنا رجعنا الي اول ما بدانا من الشمال
نقوم بنفس الطريقة في الخط الذي فوقة لان الشغل كما ترون من تحت الي فوق بس دة اول خطوة ارسلوا قوللي عملتم اية وان معكم ارجوكم لا تياسوا بسرعة واحدة واحدة وانا معاكم معنديش مشكلة شغل الابيسون عاوز صبر كبير ربنا معكم

امل عفيفي

03-11-2006, 12:48

ملخص
1- نبدا من الشمال الي اليمين من بداية الخط المرسوم للرسمة حسب كل لون
2- الدخول بالابرة من الفتحة الضيقة التي بين الفتحتين الواسعتين من الشمال حتي نهاية الخط الجاف من ناحية اليمين ايضا من الفتحة الضيقة
3- ننزل من اسفل علي الفتحة الواسعة من تحت ثم نطلعها من فوق من الفتحة الواسعة ونكرر ذلك حي نهاية الخط
4- نطلع الي السطر الاعلي مباشرة بدخول الابرة من الفتحة الضيقة التي بين الفتحتين الواسعتين ونكرر العملية كما في السطر الاول حتي نهاية الون

مقدسيه

04-11-2006, 14:33

بسم الله الرحمن الرحيم
السلام عليكم
الله يبارك فيكي شرحك مفهوم مثل ما فهمت
نبدا من الفتحه الضيقه ثم الفتحه الواسعه
اي لا نربط الخيط من تحت القماش اختي يا ريت
تفرجينا كمان الشرح عن طريق الصور مثل الظاهره
في الصوره الاخيره لانها واضحه ويا ريت تعطينا الاسم
بالانجليزي للبحث عنها في قوقل اطلت عليكي لا تاخذيني
ونحن في انتظار باقي الدروس والله يجزيكي عنا كل خير
وموفقه والى الامام
اختكي مقدسيه

د-روعة

04-11-2006, 16:50

ابشروا....
فهمت الشرح :42:

أما التطبيق.....
حين ميسرة:09:

sun dance

04-11-2006, 17:50

امولة حبيبتى بس لو ممكن تقوليلى انا كدة صح ولا لاء

http://www.3tt3.net/up/uploads/izt63015.jpg

http://www.3tt3.net/up/uploads/boD63261.jpg

امل عفيفي

04-11-2006, 18:27

بسم الله
اختي مقدسية ارجو ان تقرائي الشرح مرة اخري انا قلت الفتحة الضيقة التي بين الفتحتين الواسعتين
د/ روعة شكرا
اختي سمسم < sun> الله يفتح عليكي مشاء الله عشرة علي عشرة الرسمة صح والشغل مظبوط خدي بالك ارقام الالوان مكتوبة علي الورقة وعلي الرسمة بس انت اول سطر ورابع سطر لية مش واصلة لحد الخط الجاف يجب عدم ظهور الرسمة يعني الشغل بس كملي انت صح وانا بجد فرحانة بيكي

جيهان الربانى

04-11-2006, 22:11

الى الاخت مقدسيه ده رسم توضيحى علشانك وعلشان الاخوات الى لسه ما شاركوا معانا :26:
كما هو واضح انتى بدخلى الابره من المستطيل الموجود بين كل المربعات الضيقه والواسعه وخليها فى النقطه رقم 2 الموجود على نفس الخطوبكده بتكونى كونتى الخط الاول.

جيهان الربانى

04-11-2006, 22:20

الاخت sun danceالحقيقه انك ممتازه انك رسمت ونفذت بالدقه دى جميل جميل:26: وانا ححمل دلوقتى رسمه الالوان علشان تشوفيها؛ الخطوه التانيه يا مقدسيه هى انك تدخلى الابره فى رقم 3 يعنى الابره وهى تحت بتطلعى بيها على رقم 3

جيهان الربانى

04-11-2006, 22:25

الخطوه الثلاثههى بعد ما طلعت الابره والخيط من رقم 3 ببدخليها فى رقم 4 وبكده تكنى عملتى الغرزه الاولى

جيهان الربانى

04-11-2006, 22:29

الخطوه الرابعه من النقطه رقم 4 بدخليها من تحت وطلعيها فوق من وقم 5 وهكذا الى نهايه الخط المرسوم

جيهان الربانى

04-11-2006, 22:36

دى كمان صوره من مجله اتمنى انه الشرح ااى قلته انا وامل وربنا معاكم:icon28:

جيهان الربانى

04-11-2006, 22:39

الى الاخت sun dance تابعيننا :26:

جيهان الربانى

04-11-2006, 22:39

تابع

جيهان الربانى

04-11-2006, 22:42

فين الرد يالله شاركونا

جيهان الربانى

04-11-2006, 22:42

تابعونا

جيهان الربانى

04-11-2006, 22:45

الشغل لسه مش كامل بس للتوضيح

جيهان الربانى

04-11-2006, 22:46

تابع تابع

om abdelrahman

04-11-2006, 23:10

الشغل جميل
ما شاء الله عليكم
انا معكم ان شاء الله
هنفذ واصور واحاول اعرضه

جيهان الربانى

05-11-2006, 00:22

اهلا بيكى يا ام عبد الرحمن معانا

nnosh

05-11-2006, 04:48

جيهان الرباني

سبق لي التعرف على أموله سابقا" ودي أول مرة بتعرف عليكي
ومسرورة جدا" أني بتقابل معاكي في دورة جميلة بل أكثر من رائعة وراقيه في نفس الوقت
بجد ماشاء الله على شغلكم والأحلى تعاونكم الجميل لتفيدونا بهذا الجمال
أنا كنت طلبت أني انضم ليكم ولكن للأسف لظروف مرض أبني لم أستطع اللف على المحلات لشراء المستلزمات وخاصة وأنا مقيمة بدبي
لكن أنا عندي من قبل كدة الخيط المطلوب ولوحه أيتامين ممكن أتعلم فيها زي أم وليد لأن في الظروف الحالية مش عارفه أنزل وفي نفس الوقت فاتني جزء وخايفه أكسل عن الدورة علشان الأدوات

لي سؤال لوسمحتى ياأموله انت وجيجي
بالنسبه لغرزةالكنافا ( الإيتامين ) بتكون عبارة عن حركتين وبتكون شكل x أما غرزة الأبيسون اللي شرحتوها هي عبارة عن حركة واحده بس %
وشغل اللوحه كلها بيكون على نفس الوتيرة صح

كشميرة

05-11-2006, 05:48

جزاك الله خيرا والله استفدنا كثيرا
والعمل ححححححححححححححححلللللللللللللل لوووووووووووووو
مممممممممممممممرررررررررررررة

مقدسيه

05-11-2006, 11:55

بسم الله الرحمن الرحيم
السلام عليكم
اخواتي جيهان وامل الله يجزيكن كل خير الصور الان
واضحه وانا بدات افهم الغرزه اختي امل ذكرتي في
السابق يوجد غرزه النصف والربع هل هذه غرزه النصف
وهل يوجد للابيسون اسماء لغرز اخرى والله يحرم وجهكن
عن النار وشكرا لكن
اختكن مقدسيه

boba

05-11-2006, 12:33

امل وجيهان ما شاء الله على الشرح والرسم التوضيحى الجميل بارك الله فيكم

ولكن لى سؤال
الخيط الذى يبدأ من النقطة (1) الى النقطه (2) يتم الشغل علية هل فى كل سطر جديد يتم عمل هذا
الخط ؟
وهل هذا الخيط ليكون الشغل بارز ام ماذا ؟
والسؤال الثانى
هل يتم الشغل بكل الخيط دون ان نقسمة ييعنى بعدد الفلات التى تتكون منها الشلة ؟

امل عفيفي

05-11-2006, 13:25

بسم الله
الاخت ننوش الف سلامة علي ابنك اولا لو انت تقصدي قماش الايتامين لاسف لاينفع لان الفتحات الموجودة فية غير الكنفاة او الابيسون لكن ممكن تجيبي كنفاة عادية زي ام وليد بالنسبة للغرز ايوة ولو فاتك اي حاجة انا معاكي ولو اعملك دورة تانية لعيونك المهم سلامة ابنك
كشميرة كلك ذوق شكرا
مقدسية يوجد ثلاث غرز لابيسون هم الربع والنصف والغرزة دية اسمها سراجة اصعب الغرز هي الربع
boba شوفي كل السطور زي بعض والخط صح للبروز دة شغلي احب البروز بيكون جميل ومميز
اما شغل السوق بيكون بثلاث فتلات ومن غير خط انت لو جربتي دة و دة حاتلاقي فرق رهيب شغل الابيسون الصح جميل ومكلف بس كما قلت شيء للزمن دلوقتي بتشتري اي ابجورة بكام وشوفي حاتعيش معاكي اد اية لكن الابيسون لو وقع لاينكسر ولو اتسخ بيتغسل ولا يتغير لونة يعني حاجة بلاش كدة ههههههه

boba

05-11-2006, 13:46

طبعا احنا عايزين الاحسن والاقيم مش شغل السوق
ولكن انا حيبت استفسر حتى يكون الشغل متقن

om waled

05-11-2006, 18:44

أنا حاولت تنفيذ الشرح لكن طلع معى فراغات بين الخيط

واضطريت افك الخيط

الحل اية؟؟؟؟؟؟؟؟؟؟

امل عفيفي

05-11-2006, 19:59

بسم الله
boba بارك الله فيكي
ام وليد امشي حسب الشرح وجيهان رسمت رسم توضيحي حاولي تاني و***** الله تنجحي والتكرار يعلم الشطار لو عملتيها صح اديكي شكولاتة بس لوليد مش ليكي

جيهان الربانى

05-11-2006, 21:04

الى الاخت ننوش انا كمان سعيده بالتعرف عليكى وعلى جميع الاخوات الموجودين معانا
وكنت عايزه اقول لام وليد ان ممكن الفرغات الموجوده نتيجه ان القماش المصرى بيملع ويفتح فلو امكن تصوريها ونشفها ولو امكن نصلح الخطاء ان وجد

جيهان الربانى

05-11-2006, 22:09

دى صوره البرواز او الابجوره لو حد حب يكملها كلها غرزه واحه الى سبق وشرحتها انا وامل

mima2005

06-11-2006, 06:53

شرحك جميل جدا يا امل انتى وجيهان وفهمت طريقة الغرز بتسير ازاى وان شاء الله هحاول اطبق وانزل الصور

جيهان الربانى

06-11-2006, 09:57

واحنا فى انتظارك ***** الله شدى حيلك

sun dance

06-11-2006, 10:23

اموله وجيجى حبايبى بس ممكن تقولوا انا كدة صح ولا لاء وشكرا ليكم يا قمرات

http://www.3tt3.net/up/uploads/cej09293.jpg

sun dance

06-11-2006, 10:24

وياريت اعرف لازم نفس الشكل اللى فى رسمتكم ولا ممكن بتختلف شوية على حسب مارسمت انا

يعنى اقصد بالنسبة لتوزيع الألوان

امل عفيفي

06-11-2006, 12:17

بسم الله
سمسم رائع مشاء الله عليكي عارفة التلميذ الذي يتفوق علي استاذة هو انت خسارة انك مش من الاسكندرية كنتي تبقي معانا الشغل جميل وايدك نظيفة جدا في الشغل وماشية صححححححححححح
بالنسبة لسؤالك مش فهمة تقصدي اية ارجوا التوضيح
بسرعة خلصي علشان نشوف اول ابجورة من صنع بنات حواء

drfaiza

06-11-2006, 18:22

مشكورات علي الشرح الجميل أخواتي أمل وجيهان

جيهان الربانى

06-11-2006, 20:35

ماشاء الله على شغلك الرسم مضبوط والالوان صح تابعى وربا يكرم وتكملى الاباجوره
sun dance

جيهان الربانى

06-11-2006, 20:39

د.فايزه كنت اامل انك تشتركى معانا وتورينا شغلك لكن حتى مرورك يسعدنا

amal.f.s

07-11-2006, 07:09

اخواتى امل وجيهان كان نفسى اعرف غرز الابيسون من زمان وشرحكم اكثر من رررررائع والرسمة اللى فيها الارقام بسطت الغرزة جدا و الاباجورة جميلة لكن انا كنت عايزة اعمل لوحة لو سمحتوا لى عندكم سؤالين الاول هل الرسمة دى تنفع انا نزلتها من موضوع اخت من الاخوات ومرفق معها ارقام الخيط (dmc) لكن كنت عايزة اعرف حجمها قد اية بالتقريب بعد الشغل والسؤال التانى لو فيه اى استفسار فى اللوحة ممكن ارجع لكم فيه

amal.f.s

07-11-2006, 07:11

و رسمة اخرى

والدة علي

07-11-2006, 08:01

اخواتى امل و جيهان اولا انا سعيدة جدا بالتعرف على فنانات فى الاوبيسون مثلكم لانى باحبه جدا وكنت عملت تابلوه منه حاطاه فى السفرة (كنت اشتغلته ايام الكلية واخد حوالى سنتين )وبصراحة كل اللى بيزورنىينبهر بيه بس بصراحة انا كنت عاملاه الغرزة اللى هى نصف × يعنى مائل على ناحية واحدة بس احس ان الغزرة اللى شرحتوها هتكون عالية شوية (يعنى كأن فيه حشو او سراجة تحت النصف ×)يا ترى انا فهمت صح؟ بصراحة انا ما كنتش اعرف الطريقة دى ---بس دى هتاخد خيط كتيير على العموم متشكرة انكم فكرتونى الفن الراقى ده وهاحاول انفذ طريقتكم ويا ريت استمر اتعلم معاكم واعمل حاجات تانية

نعمة الخالق

07-11-2006, 10:50

يعطيكم الصحة والعافية جيهان وأمل
عمل رائع وشرح وافي
شهيتونا لتعلم بقية الغرز
والله يخليكم إذا فيه باترونات لأعمال أخرى غير الأباجورات ممكن نشوفها
أما عن تطبيقي فاعذروني لا أعرف كيف أطلعو كصور عالمنتدى
إذا ممكن الغرز الأخرى قبل مايروح الحماس
:22:

امل عفيفي

07-11-2006, 13:56

بسم الله
الاخت amal الرسمة دة جميلة وممكن انت ترسميها بس حجمها اكيد مكتوب عليها ولو انت مش عارفة تشوفية ممكن تسحبية من الطابعة وتروحي المكتبة تعملي الحجم الذي تحبية طبعا ممكن تسالي في اي وقت وفي اي حاجة علي فكرة الوحة الاولي ممكن تعملي منها اثنين تضعيهم بين لوحة بيكونة حلوين وانا معاكي في اي وقت
الاخت والدة علي عمل الخط في الشغل بيعطي بروز للشغل وايضا مبيكونش فية فراغ يطلع الشغل جميل واكيد بياخذ خيط بس انا بعمل اية بشتري كل شهر مثلا شوية خيط ولما اخلص يكون الشهر التاني هل يعني من المصروف مش حاتحسي انك كلفتيها
الاخت نعمة الخالق وحدة وحدة ***** الله كلة في الطريق