دورة لتعليم الابيسون _دورة متميزة_

[HANANANY]

شكرا جدا يا ام اسماء بس 5750 دة مبلغ رخيص جدا اكيد بيبداء من 5750 لان صالون المرضعة انا شوفتة 9900 اللي انت شوفتيه ده اسمة اية يعني رسمة اية لان الاسعار بتخبلف باختلاف الرسمة وشكرا لتعبك

[HANANANY]

شكرا جدا يا ام اسماء

[دعوة للتفاؤل]

جزاك الله كل الخير يا ام اسراء
بس انا ليا سوال ايه الفرق بين المشغول كله والمشغول بغرزه الربع

ياريت توضوحي ليا

طبعا ده سعر الرسمه من غير شغل
ويارتري الرسمه بالخيط بتاعها ولا لسه هنشتري خيط وده سعر الرسمه بس



ياجماعه هو احنا لو هنشتري الصالون جهاز يتكلف كام
طبعا هو عمره ما هيكون زي شغل ايدينا


ربنا بنجح كل الناس اللي في ثانوي يارب
هما واولاد المسلمين كلهم

[omesraa]

بالنسبه للاشكال الموجوده فهى كلها بوكيهات وورد


تقريبا تشبه هذه الاشكال وهذه الاشكال مشغوله بغرزة الربع

يعنى الورده فقط هى اللى مشغوله والارضيه من غير شغل

وهذا سعره 3000


يعنى انت تحتاجى فقط خيط لشغل الارضيه


اما اللى مشغول كله فهو جاهز على التركيب


وده سعره5750


ام اسراء

[امل عفيفي]

اولا شكراام اسراء علي تعبك معاية جداااا كلك ذوق
شوفوا هنا ناني اعطتني رقم تليفون سير وانا دلوقتي اتصلت بية للاستفسار كلام ام اسراء مظبوط هو بيبداء 3000 ج المشغول الربع فقط يعني الرسمة والمشغول كلة يبداء 5750 ج حتي 7000 ج بس دة شغل صيني وخيط صيني اما الفرنساوي لايوجد عندة بس بيعملة بالطلب وبيعدي 7000 ج حسب الرسمة والشغل
دعوة الصالون جاهز بالخشب يبداء 15000 الي 30000 ج متستغربيش انا امبارح كنت علي النت وشوفت تابلوة من القرن 16 بسعر 50000 دولار تابلوة
ام اسراء بما انكي شوفتي الشغل عند سير اية رايك نظيف والالوان حلوة ومزهزها ياريت توصفلنا

[دعوة للتفاؤل]

ربنا يكرمكم كلم وينحج ولادكم واخويا وكل ولاد المسلمين في الثانويه العامه

بس انا ليا سوال يا اموله اني مش قولتي قبل كده
ان التركي ممكن نشتري من عنده رسمه كرسي ونشغله احنا

انا فاكره انك قولتلي ان شغل الصالون بياخد سبع شهور مع المحترف

وان بتعملي صالون لبنوتك

يعني لو هنشتري الرسمه بس من غير شغل تكون بكام

وتاخد خيط في حدود كام

لاني حاسه انه طبعا شغل ايدي عمري ما هيكون زي الجاهز اعتقد فاهميني قصدي

يعني يكلفنا كام لو عملناه احنا

[دعوة للتفاؤل]

اموله حبيتي نسيت اسالك

لو حبيت اجيب مجله فيها باترونات ابيسون

اجيب منين في اسكندريه

يعني لو تعرفي اسم مجله وسعرها وممكن اي حد نازل اسكندريه يجبيها ليا

[جيهان الربانى]

:26: تابلوهات :26: :26:

[جيهان الربانى]

اختى دعوه للتفاؤل منقدرش نقول بكام لان كل رسمه ليها سعر فى رسمه شغلها كتير ورسمه صغيره وهكذا وكميه الخيط منقدرش نحددها لان ممكن تشتغليه كله ربع او نص وغرزه النص بتسحب خيط كتير جدا يعنى لو اشتغلتيه كله غرزه النص ليه حساب ولو اشغلتى فيه ربع ليه حساب لكن هو انت بتعملى صالون كامل فرنساوى ودى ميزه

[جيهان الربانى]

ام اسراء شكرا على تعبك معانا تسلم اديكى :26:

[دعوة للتفاؤل]

تسلم يا جيهان

[دعوة للتفاؤل]

اموله حبيبتي فيه ناس بتسال علي حاجات في لك

ونا مش عارفه ارد عليهم

ياريت تحاولي تتدخلي هناك

[ماما عفاف]

تابلوهات تابلوهات

حبيبتي جيهان:arb:
اردت التماسك حتى ما عدت استطيع فهذا التابلوه يجنن حبيبتي و الله يجنن:icon28: :icon28:
لقد كنت اتابعكم طيلة الوقت في صمت على امل ان اجد التابلوه الذي اتمنى انجازه فانطلق بدوري لكن دون جدوى ... لكنني ما ان رايته حتى شعرت بحكة في اناملي تريد انجازه خخخخخ:)
و الله لا اريد ان اثقل عليك لكن هل يمكنك ان تنزلي لي رسمته من فضلك اختي؟؟؟؟:(

[اسلاماه]

السلام عليكم
اخواتى وحبيباتى امل وجيهان الله يبارك فيكم وينفع بيكن ان شاء الله
وتكتسبه بكل ما علمتومنا ايه الحسنات ويكون عملكن خالص لوجهه الله عزوجل
انا من اسكندرية وعايزه اتعرف على ارض الواقع
ارجو ان تقبلو عرضى
وجزاكم الله خيرا

[جيهان الربانى]

ماما عفاف والله ياريت اقدر بس دى رسومات مطبوعه بنشتريها جاهزه بالالوان واحنا بتشتغلها والارقام بتكون مرفقه معاها ياريت اقدر اساعدك وافيدك انت والاخت دعوه للتفاؤل

[جيهان الربانى]

واسلاماه اهلا بيكى معانا على انت وعلى ارض الواقع

[ماما سوزان]

:26: دي يا جماعة اول لوحة لية وابني اول لما شافها اخذها مني:26:

[HANANANY]

دي الصورة اللي قولتلك عليها يا امولة

[HANANANY]

ودول كمان

[امل عفيفي]

اولا ماما سوزان اسعتيني جدااااااااااااا الشغل جميل ونظيف والرسمة جميلة والبرواز رقيق مبروك عليكي التعليم ومبروك علي ابنك الوحة يتهني بيها والله يعطيكي الصحة وتعملي واحدة ليكي ان شاء الله
دعوة تفاؤل شكرا حبيبتي علي تعبك معايا في لك بس والله مش عارفة ادخل بس انا سايبة تلميذة شاطرة هناك
هنا ناني التابلوهات تحفة وجميلة بس دة بالحرير وسوف اكلمك

[amdokdok-taha]

بارك الله فيكم

[جيهان الربانى]

ماما سوزان تسلم ايدك شغلك جميل والورده جميله شدى حيلك واعملى نسخه تانيه علشان تكون عندك ان شاء الله

[جيهان الربانى]

ام دقدق فينك من زمان ما اشتركتى معانا نورتى

[دعوة للتفاؤل]

وان شاء الله انا من اسكندرية وحروح لمحل التركى وحتصل فيها واتعرف عليها

واشترى من عنده الالوان والحاجات ...

بس لو تتكرم علينا اختنا اللى اشتغلت وتقولنا بكام الاسعار واجامها

وانا ليه سؤال مهمه جدا لها ف التشطيب الداخل
اى من خلف المفرش عندما تخلص منها فتله وتلضم فتله اخر كيف تفنش الشغل وهل بتعمل كم من الخيط مكلكع وتلضمه من الخلف لتنهى الفتله قبل البدء فى فتله جديده؟؟؟؟
ولو ينفع تصور لنا التابلوه من الخلف يكون جزاها الله خيرا


اموله ياريت تردي علي الاسئله دي علشان ارد عليها هناك

[دعوة للتفاؤل]

والسوال ده كمان
حبيبتى ممكن بس حد يفهمنى الفرق بين الابيسون والسيرما
انا عندى خيط دهبى وفضى والرسمه وعايزه الغرز

صاحبته الاسئله اسمها الاخت اسلاماه

[HANANANY]

ده التابلوه يا امولة وده من عند سابرينة في محطة الرمل ب 260

[امل عفيفي]

اهلا اخواتي دية بالتكانة من الابيسون يلا الفاضي يعمل كدة

[امل عفيفي]

تابعوني

[امل عفيفي]

اية رايكم جنان في جنان

[HANANANY]

حلوه اويييييييييي بس انا مش فاضية هههههههها

[دعوة للتفاؤل]

تسلم ايديكي يا اموله بس عايزه شغل قد ايه

يعني اعمل صالون وباتكانه والتابلوهات تبقي الاوضه واوبيسون في اوبيسون ههههههههههه

[امل عفيفي]

دعوة مش بس الاوضة دة ابني بيقولي ادهني الحائط ابيسون
اية رايكم في ظهر الكنبة دة

[امل عفيفي]

كل يوم اشكال جديدة

[om marwa1001]

أشكر كلا من ألأخت أمل عفيفى وألأخت جيهان الربانى على جهديهما المخلص فى نقل العلم النافع للناس إلا أنى لدى تساؤل لم أجد لة إجابة خلال الصفحات السابقة وهو من اين يمكننى الحصول على باترونات الأوبيسون التى يمكن استخدامها فى تصميم قماش الصالون حيث لاحظت من خلال الصور ان تصميم رسمة ظهر الكرس مختلف عنة فى ظهر الكنبة يختلف عنهم قاعدة الكرسى وبالتالى تختلف ايضا قاعدة الكنبة علما بأنى لم أجد تلك التصميمات لدى أيا من الفخرانى او التركى اللهم الا بعض الرسومات التى لا تصلح الا تابلوهات للحائط

[امل عفيفي]

الاخت ام مروة فعلا لايوجد رسومات تصلح للصلونات بس ممكن اي تصميم تطريز ممكن تشتغلية ودة بيكون غالبا ورود اما تصميم الابيسون زي روميو وجوليت والمرضعة دة بتشترية مشغول جاهز وانت تشتغلي الارضية لان الابيسون غالي الثمن اصبح نادر من يشترية علشان كدة محدود جداااا

[om marwa1001]

الأخت أمل : انا شاكرة جداً على أهتمامك بالرد على سؤالى . ولكن بالنسبة للبترونات فأنا فى حاجة شديدة لها وخاصة بترونات الصالون نظراً لتوافر عروض من أجل قيامى بعمل صالونات إبيسون وسوف يتم شرائها منى. وانا كنت قرأت لكِ فى أحد المواقع أنك مشغولة بعمل صالون لإبنتك فإذا كان لديكِ أى بترون لصالون فأرجو منكِ أن تمدينى بيه ويكون لكِ جزيل الشكر.وهل يمكن تحويل أى كرسى صالون معمول بالإبيسون إلى بترون وكيف يتم ذلك لأن هذه المعلومة ذكرها لى أحد أصحاب معارض الموبيليا.

[ندا الصباح]

أمولة أنا لسة متبعاكى في عالم حواء جديد، ولي سؤال قد يكون متأخر : هل غرزة الربع هي غرزة petit point ؟

[امل عفيفي]

اهلا اخواتي اليكم الجديد عنديhttp://www.arabsys.net/pic/bsm/10.gif (http://www.arabsys.net/pic/index.php)

[امل عفيفي]

رغم انة كرسي صغير بس تحفة

[جيهان الربانى]

اختى ندا الصباح غرزه الربع تسمى بالانجليزيه tent stitch

[ابتسام-صالح]

اين التابلوه الجديد واين المفرش لقد وعدتوني برؤية التابلوههههههههههه اين وينو فين

[جيهان الربانى]

دى خداديات وتابلوهات

[جيهان الربانى]

خداديات اوبيسون صوف

[جيهان الربانى]

خداديات

[ندا الصباح]

أموله شكرا على المعلومة وجيجي انت هايلة ومجهودك انت وامل رائع ثنائي فني جميل ، لي سؤال أنا ماما عندها ابيسون فرنساوي من اكثر من 20 سنة فرنساوي رسمة سيدة المراعي وكذلك جدتي ولكن رسمة فصول السنة(صناعة بنترمولي) وهما من الحرير فه خيوط DMC حرير ونفس طريقة الشغل؟
اختي حنانيا أرجو أن أكون قد كتبت الاسم صحي وعذرا ان أخطات على فكرة الابيسون الصيني فيه منه جميل حقيقي لكن عن تجربة انا لدي صالون ابيسون صيني بالمقارنة بالفرنساوي لو جنب بعض في فرق بتحسيه وكمان الصوف الصيني بيعث مش زي الفرنساوي انا بتاع جدتي أكثر من 50 سنة وكأنه حديث .
ياريت يا جيجي انت واموله يا ترى نقدر نعمل صالونات بالرسومات القديمة والقصة القديمة او نقلد تابلوهات ذات أشكال معادت تنفذ لأاني بصراحة بحب الفن ده اوي ونفسي اعيد بعض هذه الأعمال ؟ ومن أين؟ وقريبا سوف اصور لكم عملي لكي تعطوني رايكمز لكم من كل الحب .

[امل عفيفي]

http://www.arabsys.net/pic/bsm/29.gif (http://www.arabsys.net/pic/index.php)

الاخت ندا فعلا في ابيسون حرير بس دة مكلف جدا وعلي فكرة الاخت هناناني وليس حنانيا راتة في القاهرة 24000 ج وبالنسبة للرسومات القصصية ممكن نقلها عن طريق العد يعني عد غرزة غرزة
اما الورود ممكن طبعها ودة اسهل بالنسبة للمبتداين
دية شنطة ابيسون وهي من الرسومات هدية للاخت ندا

[امل عفيفي]

ودية شكلها من الخلف

[drfaiza]

فين يا اموووووووووووووووولة صورة التابلوه اللي وعدتيني بيه ؟؟؟؟

[ندا الصباح]

:) أمولة أنا متشكرة على المعلومة ، وأختي العزيزة هناناني :26: أنا سفة على الاسم وشكرا يا أمولة يا استاذتي الغالية على التصحيح وأرجو ان تقبلو مني هذه المشاركة
www.Ruby Lane Home > Antiques & Uncommon Treasure > Antiques > Tapestry, Needlepoint, Aubusson[/IMG]
وأرو اخباري اذا اردت اضافة صورة كيف تتم؟:26: :26: :26: :)

[imintmit]

وانا كمان معاكي يا امل مستنياكي بفارغ الصبر

:26:

[HANANANY]

فعلا يا ندا الصباح غرزة الربع هي petit point

[ندا الصباح]

شكرا هناناني:26: :26: :26: ، أمولة ازيك انت وجيجي ان شاء الله تكونو بخير وصحة وسعااااااااااااااادة زي ما خلتونا :kissa: :kissa: :kissa: أنا النهاردة عندي أسئلة كتير
1- لما بشتغل المفروض ان الخيط يكون مجوز والا مفرد؟
2-هعقد الخيط في البداية ؟ وعند النهاية بثبته ازاي بحيث يكون الفينيش او ضهر القماش كويس(نظيف)
3-غرزة السراجة (الخيط) من تحتها مخليها ذات شكل رائع (السؤال) ليه ما نخليها بدل غرزة النصف؟
4- لو لازم استخدم الاثنين امتى اعمل نص وامتى أعمل سراجة؟
5- لما بنقلب القماش يعني مثلا احنا في السراجة بنبدأ من 1 على الشمال الى 2 على اقصى اليمين في الفتحة الضيقة ونبدأ من تحت من الغرزة الواسعة الى فوق كما الرسم لما يخلص الخيط عند 1في الشمال أقلب القماش وأعمل من جديد بس كده هعكس الحركة والا أستمر زي ما أنا؟
6-انا مفهمتش موضوع الفتلة و3 فتلات هو أنا بفك فتلة dmc ?
:hearts: :hearts: jufj تعبتكو معايا معلش على فكرة غرزة الربع ملهاش حل... وهم وعندي صور كتير حلوة بس مش علرف أرسها لكم.
أتركم في رعاية الله

[HANANANY]

ازيك يا ندا انا هجاوب علي اللي اعرفة والباقي امل تقوم بيه احنا بتشتغل الخيط علي مفرد تسبيت الخيط بالعقد واحنا بنستخدم النص والربع في الصالونات الان الصوف مبيحتجش خط من تحت ولو انت بتشتغلي السراجة متقلبيش القماش استمري عادي وشكرااااااااااا

[امل عفيفي]

ندا الصباح سوف اجاوب علي الاسئلة التي فهمتها منك
قبل الكلام احب اقولك ان الابيسون ابداع ممكن تعملي منة حاجات كتير غير تقليدي
خيط dmc 6 فتلات في القطن و4 فتلات قي الصوف نشتغل بالقطن ب6 فتلات حتي الربع اما الصوف النصف 4 فتلات والربع 2 فتلة اما 3 فتلات دة شغل السوق للتوفير
انا بحب غرزة السراجة في القطن لكي تعطي بروز للشغل في القماش الضيق وتغطي الفوارق في القماش الواسع طبعا في الخيط القطن فقط
المهم انت ياندي حاتعملي اية ياريت تقوليلي علشان نبداء مع بعض خطوة خطوة
هنا ناني شكرا لردك تلميذة شطورة ادعو لها يابنات ربنا يقومها لنا بسلامة علشان هي علي وشك الولادة ربنا معاكي

[ندا الصباح]

ازيكم عاملين ايه انا بقالي يومين لم أكن اون لاين وتوقعت أجد الأخوات عاملين شغل أو استفسار المهم أمولة ازيك وازي الأولاد وأخبار جيجي ايه ؟ أنا اشتريت تابلوه ( واتعلمت قبل كده في تابلوه كنفاه عادي كل الغرز الأول )من عند كل شيء وهو مقاس 50/70 عبارة عن غابة يتوسطها فرسين واشتريت الخيط واشاء الله ناوية اشتغله غرزة ربع لكن السؤال أخلي الحصانين برضه ربع والا سراجة حتى تكون بارزة و***** الله هصوره حتى تروه ادعولي, أمولة المفروض المحترف يخلصوا في خلال اد ايه فترة زمنية وصح طبعا.:) :)

[ندا الصباح]

هناناني ازيك عاملة ايه وازي الآنسة سما انت ولدت واللا لسه ربنا يكملك على خير،أمولة حبيبتي ازيك انا شغالة بس بحس ان سعات الخيط بيلف او بيفتح من وانا بشتغل الغرز جايز علشان الخيط بيكون طويل وعندي امل تشوفي الشغل بعد ما أمشي فيه شوية وتقوليلي رأيك ايه بصراحة ناوية ان شاء الله ( صح كده يادكتورة فايزة) يكون الابيسون مشروعي التجاري.

[زينب سلامة]

الصفحات بقت كتير اوي مش عارفة اتابع

[جيهان الربانى]

تابلوه الاوبيسون بتاع امل اللى وعدناكم بيه ازيك يا اخت ندى الصباح واضح ان الخيط طويل فعلا ورينا شغلك

[جيهان الربانى]

ندا الحصان اشتغليه ربع والباقى غرز النص تابعى التابلوه ده حتلاقى الوجه تمن والبنت واخراف ربع وباقى التابلوه نص

[ندا الصباح]

أهلا يا جيجي ازيك حلو التابلوه أوي والكنار كمان ، على فكرة ايه غرزة التمن ؟، وبتتعمل ازاي أصلها صغيرة أوي أوي وتسلم صورك وتسلم اديك يا أمل.حاضر هغير وأعمل الأرضية نص وشكرا يا قمر

[ملكة الليل 15]

رووووووووووووووووووووووووووووو ووووووعة

[امل عفيفي]

ندا انت بتشتغلي بالقطن ولا الصوف لو انت بتشتغلي بالقطن حايكون الحصان بالربع والباقي سراجة اما لو بالصوف برضة الحصان بالربع والباقي نصف وربنا معاكي

[زينب سلامة]

اما متابعة الموضوع و باعمل في واحدة حاصورها و اوريها لبكم

[أخت الفهد]

جزاكى الله خيرا

[دعوة للتفاؤل]

التابلوه جميل تسلم ايديكي يا اموله

انت ليه مش تدخلي منتدي لك انا مش بعرف ا
دخل هنا كتير علشام مسكت الاشراف هناك

ياريت تدخلي علشان في ناس كتير بتسال عنك

[Eman Aly]

دخلوني معاكم أتعلم

[امل عفيفي]

اليكم الجديد

[امل عفيفي]

تابعوني

[ندا الصباح]

بالله عليك ياأمولة ايه الجمال ده ، انتي خليتي الكمبيوتر نفسه متعة مش بس الدورة ربنا يحفظ عليك الاحساس الفني ده أنا بتفرج وانا لامسه قلبي من نبضات المتعة وايه والله يا أمل عجزت الكلمات.

[امل عفيفي]

ندا الصباح شكرا علي الكلام الجميل كلة بفضل الله ثم تشجهكم لي
الورود دية تنفع رسوم لكرسي او تابلوة

[امل عفيفي]

تابعوني

[امل عفيفي]

دة كرسي ابيسون بشكل غير تقليدي ودة اللي انا نفسي فية الخروج من الشكل الفرنساوي الصغير الي افكار جديدة باصالة الماضي اية رايكم

[امل عفيفي]

اية رايكم
اسمحولي اكمل كل مايكون لدي وقت
دعوتكم لكل اولادنا في الثانوية ربنا معهم

[noso]

نفسى اتعلم الابيسون وانا ذهبت للتركى حسب الوصف وان شاء الله ساحضر الخامات كلها فى اقرب وقت ان شاء الله

[drlaila]

امل وجيهان:26:
ملف رائع لا يقاوم ربطني امام الكومبيوتر من 5 مساء الي الان حتي اكملته بكل صفحاته ال46:heart:
ما كل هذا الرقي والاتقان
اروع ما فيكما هو هذا التناغم الرائع بينكم ولكن...........
لمذا توقفتم:confused-

[نناة فاس]

دورة في غاية الروعة...
في الشرح
في المحتوى
وكذلك الانسجام بين الاخوات
شكرا جزيلا

[امل عفيفي]

نناة فاس د\ ليلي نوسو شكرا لكم جميعا نحن لان نتوقف مستمرين ان شاء الله
الابجورة الصغيرة مرة اخري

[امل عفيفي]

http://www.arabsys.net/pic/arbwelocm/126.gif (http://www.arabsys.net/pic/index.php)

اهلا بيكم اخواتي انتم فين مبروك التطور الجديد للمنتدي حيث اخيرا انفصل الكروشية بس لي سؤال الابيسون فين هنا ام هناك عاوزة تنشيط للدورة كفاية نوم عاوزة كل جديد

[**مرج الزهور**]

الدورة هنا ان شاء الله لانها تطريز

ومرحبا بعودتك مرة اخرى يا غالية :)

[أم حبيبة المصرية]

أنا نفسى اتعلم يا سكر وعلى فكره انا كمان اسكندرنيه

[امل عفيفي]

اية رايكم في التابلوة دة وخاصة الالوان

[امل عفيفي]

مرة اخري

[LadyOskar]

حلو كتير ماشالله يا امل زي دايما كله حلو

[ندا الصباح]

ازيكم كلكم يا جماعة والله افتقدت الجمال والمتعة معام ، فين الاعمال الجميلة والصور يا جيجي انتي فينوعندي سؤال يا ترى نقدر نجد مواقع فيها تصاميم او رسومات ممكن تنقل؟ ولو اشتغلت غرة الابيون كشغل فني على قماش الايتامين ممكن يكون جميل والا يكون عك واي كلام

[امل عفيفي]

http://forum.hawaaworld.com/showthread.php?t=553553#Scene_ 1

جمعت الرابط تبع الابيسون فن راقي مع الدورة

[maha72]

السلام عليكم ورحمة الله وبركاته
ماشاء الله على الدورة الجميلة دى وعلى كل المشاركين فيها
اسمحوا لى اشترك معاكم
عندى سؤال منين اجيب باترونات اشتغل منها ؟ ولو فى مجلات للباترونات - اسم المجلات دى ايه واجيبها منين؟
وشكرا لك

[ندا الصباح]

أمولة ازيك ايه الاخبار،اشتقنا لصورك والتشجيع الجميل والابداع الموجود في شغلك انت وجيهان والحالة الجميلة التي نحياها لما نرى مجهوداتك.
الرابط جميل اوي لكن فين صور المجلات فين جيجي ومجهوداتها الجميلة وأشغالها ،
اما التابلوه الذي اشتغله طلع كبير شوية يعني كبداية والوانه متداخلة علشان كده لسة مخلصتوش بس مواصلة مع:7_2_103v: :3_13_11:
لقد وجدت في ملف الايتامين المتميز صفحة 9 موقع لتحويل اي صورة الى مربعات ياترى ينفعنا مش كده
http://www.pcstitch.com/
عايزة أتعلم ازاي اعد وانقل الرسم المربعات ممكن تعلميني
ومتشكرة اوي

[تيكتوك]

عزيزتى أمل
عاوزة أسألك سؤال هل من الممكن أن الأبيسون يعمل بخيط الحرير أو بالأدق أن خيط الDmc يكون حرير . وحبيبتى هل أنت مستعدة لبيع منتجاتك

[drfaiza]

فينك يا أمووووووووووووووووووولة ...مليتي منا والا ايه ؟؟؟!!!

[omesraa]

:26:فينك يا أمووووووووووووووووووولة ...مليتي منا والا ايه ؟؟؟!!!

[امل عفيفي]

السلام عليكم
د/ فايزة والاخت ام اسراء شكرا علي السؤال وانا هنا بس كنت برتب بعض الاعمال ان شاء الله سوف اعرضها عليكم قريبا وشكرا

[jyan]

لي يومين أتصفح الدورة

بصراحة شي مذهل

عن جد روعة

و أكثر من روعة

الله يجزاكم بالخير

[الفنانة المبدعة]

السلام عليكم اختي العزيزه الصور لم تضهر عندي

[هالة فى]

دورة رائعة جدا ومميزة لكم خالص الشكر بس عندى مشكلة ان الصور لم تفتح معى فهل من طريقة لفتح الصور لانها مهمة جدا للاستفادة ولكم جزيل الشكر اختكم هالة

[زهرة الخليل]

الصور لم تظهر عندي:mad:

[نتالي12]

يا بنات الصور مو ظاهرة عندي ليش؟ :(

[امل عفيفي]

السلام عليكم
اخواتي منذ شهرين لم ادخل علي النت بسبب عطل في النت المهم وحشتوني جدا
بالنسبة للصور نسال عنها الاخوات المشرفات
حبيبتي د/ فايزة شكرا علي السؤال وحشتيني جدا

[DALIA ahmed]

شكرا على هذه الدوره الرائعه و لكن الصور لاتظهر

[Asrar Alkoon]

الصور ما طلعت ليييييييييييييييييييه؟؟؟؟

[الأميرة المصرية]

ما شاء الله شغلكوا بجد جنان ربنا يوفقكو بس أنا بصراحة معرفش أي حاجة عن التطريز ولا عن الأبيسون أو الأيتامين بس أنا بحاول أتعلم معاكو وحدة وحدة ولو إن دة صعب علية قوي لأني مفهمش في الحاجات دي بس هحاول وإن شاء الله ربنا يوفقني معاكوا