بنات مصر في الغربه [الارشيف] - منتديات عالم حواء

spanishflower

21-10-2006, 10:41

السلام عليكم و رحمه الله و بركاته
كل عام و انتم بخير خلاص رمضان اللي كنا لسه بنقول يارب بلغنا رمضان :( خلاص
انا حبيت اعمل موضوع لبنات مصر في الغربه علشان نتكلم مع بعض و نهون شويه علي بعض الغربه و نستفيد من الخبرات
طبعا كلنا اهل و اخوه و مسلمين
اهلا بكل المصريات و العربيات اللي يحبوا يشرفونا
:26: :26: :26:

ghidaa

21-10-2006, 15:30

good idea i am with you

spanishflower

21-10-2006, 16:29

اهلا غيداء ازيك
كل سنه و انتي طيبه
اخبارك و اخبار الغربه معاكي؟

رواء الاسلام

21-10-2006, 18:18

و انا كمان معاكم من المانيا

spanishflower

22-10-2006, 15:15

اهلا رواء
كل سنه و انتي طيبه
فين باقي المصرياااااااااااااااااااااات؟

basmaaa

22-10-2006, 18:32

i am from usa , realy i want egyptian women to speak with each other..

spanishflower

22-10-2006, 18:50

http://badriya.jeeran.com/ead.png

spanishflower

22-10-2006, 18:55

اهلا بسمه ازيك كل سنه و انتي طيبه
انا في اليابان و العيد عندنا الثلاثاء ان شاء الله

مدام شيرين_ام ادهم

23-10-2006, 04:05

ازيك يارشا

اخبارك ايه 000ياقمر

كل سنه وانت طيبه
العيد عندنا الاتنين

وابقى طمنينى عليكى

ranuna

23-10-2006, 06:56

ezzayek ya rania 3amlah eh
ana masreya we 3aysha fee amreeka
from alexandria
and my name is rana

spanishflower

23-10-2006, 07:39

اهلا يا شباب
شيرين و رنا
نورتونا يا بنات
بس هو غالبا انه العيد و الكحك ماثريين علينا كلنا بندخل نكتب كلمتين و نجري
احنا لسه العيد بكره ان شاء الله
كل سنه و انتوا طيبين
طيب ما تحكولنا هتعملوا ايه او عملتوا ايه في العيد؟
بالنسبه ليا مش هاعرف غير اني اروح اصلي العيد ان شاء الله و ارجع علي الكليه تاني معرفتش اخد اجازه
ان شاء الله نعوضه في الوييك اند ان شاء الله

spanishflower

23-10-2006, 07:41

تكبيرات العيد
http://saaid.net/flash/tkber.htm

spanishflower

23-10-2006, 07:43

http://www.jewelsuae.com/psd/allDoroos/gif/n9-mtmawej/image001.gif

رواء الاسلام

23-10-2006, 09:55

ازيكم كلكم كل سنة و انتم طيبين
احنا كمان العيد عندنا بكرة ان شاء الله
و غالبا برضه هيكون الصلاة بس لانهم عاملين الحفلة بتاعة الاطفال يوم الاحد ان شاء الله

اشطر واحدة

23-10-2006, 12:48

ازيكم يا حلوين

انا فى الامارات

عيد سعيد عليكن جميعا

spanishflower

23-10-2006, 13:19

اشطر واحده
اهلا بيكي
اسمك جميل زي ما بقول لبنتي طول النهار
اعملي كذا علشان تبقي اشطر واحده
كل سنه و انتم طيبيين

whiteangle

24-10-2006, 00:53

السلام عليكم
كل سنه وانتم طيبين
النهارده العيد عندنا لكن مافيش اى مظاهر للعيد انا عايشه فى كندا

spanishflower

24-10-2006, 08:42

اهلا وايت انجل (معلش مكسله اقلب الحروف )
كل سنه و انتي طيبه
انا رحت النهارده الصبح بس ملحقتش الصلاه بداؤها بدري عن ميعادها علشان الناس يلحقوا شغلهم بس مشييت علي طول
ناويه ان شاء الله نخرج في الوييك اند ان شاء الرحمن

spanishflower

24-10-2006, 14:56

طيب هافضل اقول up

whiteangle

24-10-2006, 20:20

هو فعلا الاوحد مايحسش بالعيد فى البلاد الغير مسلمه غير بصلاه العيد انا كمان ماروحتش لان بنتى لسه صغييره فقلت ممكن تعيط ويبقى حرام الناس اللى بتصلي هاتضايق

اشطر واحدة

24-10-2006, 20:23

يا جماعة انا فى الامارات و مع كدة بردو مش حاسة بأى عيد
الواحد مش بيحس بالعيد غير فى بلدة و وسط اهلة و اصحابة
الله يعيننا

spanishflower

25-10-2006, 09:15

:26:

رواء الاسلام

25-10-2006, 09:37

ازيكم جميعا
كل سنة و انتم طيبين

امبارح رحنا صلينا العيد و ادينا الاولاد هدايا العيد الصبح قبل ما ننزل
و فضلنا في المسجد لحد الساعة 12
كان جميل اوي الحمد لله
و يوم الاحد ان شاء الله عاملين حفلة للاطقال علشان العيد ان شاء الله نروح برضه

انتم قضيتم العيد ازاي؟

princess_arwaa

25-10-2006, 10:37

السلام عليكم، أنا عضوة جديدة
أنا مصرية مغتربة بكوريا الجنوبية.
كل سنة و إنتم طيبين

كنزي1

25-10-2006, 15:28

السلام عليكم
ازيكم يابنات عاملين اية
كل سنة وانتم طيبين ولو انها متاخرة
اشطر وحدة عندك حق الواحد بيكون محتاج الاهل معاه في المناسبات دي لئنهم هما الي بيحسسو بالبهجة وفرحة العيد
انا الحمد لله صليت العيد ودي اول حاجة بتحسس الواحد بالعيد والعيد عندنا في الامارات كان يوم الاثنين والحمد لله خرجنا في اليومين الاجازة لئن جوزي عندة يومين بس
وان شاء الله العيد الجاي احاول اكون في مصر علي شان بنتي تشوف العيد في مصر وتعيد مع قرايبها

sunsun_micro

25-10-2006, 20:19

i want to tell u thank u so much for that issue,i'm nour,i live in usa kentucky,ohio,i wish all of u is doing ok inshaa allah kol sana wentom tybeen
:26:

اشطر واحدة

26-10-2006, 11:59

ازيكم يا حلوين

انتى فين فى الامارات يا كنزى ؟
انا فى الشارقة

spanishflower

26-10-2006, 13:40

اهلا بالبطاطس كلهم
كنزي و نور و اروي نورتونا
خلاص العيد عندنا خلص النهارده
كل سنه و انتوا طيبين
طيب خلاص خلصنا سلامات و طيبون من بكره لازم نلاقي مشاراكات نار
سؤال علي السريع نفسي اعمل نيو لوك زهقت و طبعا مشكله الكوافيرات المفتوحه و المشتركه هنا رهيبه مش عارفه اعمل ايه؟
بتعملوا ايه يا بنات في الحكايه دي؟

spanishflower

26-10-2006, 14:13

http://www.alsaqr.com/ecards/pix/Arabic-Occasions/eed5.jpg

sunsun_micro

26-10-2006, 14:39

assalamu aleekom,how are u arwa ,kenzy ,spanishflower!!!!kol sana wentom tybeen!!! thank u spanishflower:),i didn't find a nice coafour here in usa also ,and i don't trust them,as u know when u come to usa u depend on urself totaly ,amreca tarbiaa wa islaa7 :) but u can use for ur hair ,hair dryer and ceramic ,then cover it :) don't forget , and the regular makeup try to use some new colours fit u, new cloths ,something like that ,i don't know about al yaban anything actually

اوزوريس

26-10-2006, 15:13

السلام عليكم

كيفكم بنات

ام حسام من ابو ظبي

عيدكم مبارك

عساكم من عواده

ولو انها متأخرة بس صار مدة ما أدخل على النت

لانكم عارفين اخر اسبوع برمضان بيكون الواحد مشغول جدا

انا عن نفسي الاسبوع الاخير ابتدي احضر للكعك علشان نحس اننا داخلين على العيد

بعمل كعك وبيتي فور وغريبة وبسكويت النشادر وبوريك بالعجوة والسنة دي زودت صنف جديد من البسكويت بالكورن فليكس وطبعا انا بعمل بزيادة شوية علشان ارسل لجيراني

اما العيد روحنا الشارقة ودبي لان الاوتيل كان بالشارقة والحمد لله غيرنا جو

كنزي1

26-10-2006, 16:07

السلام عليكم
ازيكم يابنات عاملين اية
اشطر واحدة
انا كمان في الشارقة
spanishflower

ازيك عاملة اية بانسبة للنيو لوك ممكن اذا تقدري تجيبي كوافيرة البيت طبعا هتعملك الي انت عيزاة لاكن اذا دة مشممكن ممكن انك تصبغي شعرك بنفسك او تعملي حنا وممكن تغيري في تسريحة شعرك من وقت للتاني

sunsun_micro
وانت طيبة ياجميل وعيد سعيد عليكي ان شاء الله

aioda_2006

26-10-2006, 20:51

اولا كل سنه وانتم طيبين يالنسبه للغربه ربنا يرجع كل المغتربين بلادهم وهم بخير ومححقين كل احلامهم ممكن اكون معاكم؟
:26:

جـنة

26-10-2006, 21:36

ازيكم يا احلى بنات مصر انا عضوه جديده بالمنتدى واتمنى اكون ضيفه خفيفه عليكم انا عايسه بالامارات وحابه اتعرف على مصريات سواء فى مصر او الامارات او اى دوله عربيه ومتشكر فى انتظار الرد على الخاص

spanishflower

27-10-2006, 04:56

ozorees
aioda
gana
ya welcome ya welcome
i will be back

Farida

27-10-2006, 11:43

السلام عليكم

انا كمان عايشة في الامارات و نفسي اتعرف على مصريات
و كل عام و انتم بخير

اشطر واحدة

27-10-2006, 12:03

صباحو يا احلى مصريات

اوزااااااااا و الله وحشانى اوى و بعدين ازاى توصلى الشارقة و تطنشينى ان زعلااااااااااااااااااااانة جدا كمان فين نصيبى من الكحك !! :eek:

فريدة - جنة - كنزى
كل واحدة بقى زى الشطورة تقوللى هى منين فى الامارات و انتى يا كنزى ساكنة فين انا ساكنة قريب من اوتيل راديسون ساس

نسيت اصبح على spanish flower صباحو يا جميل :26:

اشطر واحدة

27-10-2006, 12:10

spsnish flower
بصى انا كمان بفكر اعمل نيو لوك بس انا لسة عاملة شعرى اسود فاحم فقلت استنى شوية لحد ما ازهق
انا قررت انى اشترى tan oil و اعمل لون برونزاج و اغير لون شعرى للعسلى بس يمكن دة يكون على الصيف بقى و عليكى خير

انا بعمل كل دة فى البيت و بنفسى لان الصالونات هنا يا اما غالية نار يا اما شغلهم مش مضمون
انتى ممكن تطلبى واحدة البيت تقصلك شعرك بس و الباقى انتى اعملية

spanishflower

27-10-2006, 17:28

السلام عليكم يا بنات
عايزه بس اقولكم ان في فرق 7 ساعات عن مصر يعني احنا دلوقتي 11 و نص بالليل و مصر 4 و نص العصر
المهم
اهلا يا فريده
حكايه النيو لوك دي مشكله متعدده لاني عارفه انه حرام اكشف شعري قدامهم خصوصا انهم من غير دين اساسا و مفيش حكايه حد يجي البيت دي
و انا شعري اسود فاحم و مقدرش اجازف و اغيره لاني عمري ما صبغت لنفسي و لا حتي حنه
جوزي اساسا مش عايزني اغير لونه و قاللي لما ننزل مصر نبقي نشوف
و حكايه مصر دي في علم الغيب اه يااااني
بنات بدل ما تقعدوا تغيروا الكي بورد علشان تكتبوا اسمي قولوا سبانش و دمتم
انا عندي حرمان من الكلام العربي لان هنا 3 عائلات عرب بس فاستحملوني
يالا فين المواضيع النار ؟
سلام يا بطاطس

spanishflower

28-10-2006, 03:18

up

اشطر واحدة

28-10-2006, 10:20

اية حكاية البطاطس دى يا سبانيش

اصلا انتى بتعملى اية فى اليابان !!

ياللا احكيلى خلينا نتعرف اكتر

spanishflower

28-10-2006, 10:49

البطاطس دس تبقي بنتي الصغيره علشان كده انا باحب اقول للناس اللي باحبهم بطاطس طبعا انا اللي اخترعتلها اللقب ده
ما علينا
موضوع اليابان علشان جوزي و انا بندرس هنا و بقالنا سنه و نص
انا بقي اللي نفسي اعرف حكايه اسم اشطر واحده ده
سلام يا كوكي حلو كده؟

اشطر واحدة

28-10-2006, 12:17

لا ما ينفعش اقولك قصة اشطر واحدة لانى لو قلت حيطردونى من المنتدى هههههه
استرى عليية

كنزي1

28-10-2006, 13:47

ازيكم يابنات عاملين اية
سبانش فلاور
انت بتدرسي اية في اليابان وياريت تكلمينا عن الحياة هناك شوية
اشطر واحدة
اخبارك اية انت بتشتغلي ولا قاعدة في البيت زي حالاتي
جنة
مختفية فين ياجميل
وكل البنات عاملين اية ياريت كل واحدة تحكلنا علي البلد الي هي مغتربة فيها شوية واية الي عاجبها فيها عن مصر واية الي هي مفتقداه في مصر

spanishflower

28-10-2006, 14:13

اهلا يا كنزي
انا طبيبه و باكمل الدكتوراه انا و جوزي بس لسه صغيره و الله مش تتخضي
البلد هنا حلوه اوي يعني لو معانا اهلنا نبقي مش عايزيين نرجع
اهم حاجه عاجباني النظام الفظيع و الاهتمام بالاطفال و اماكن الالعاب بتاعتهم و كلها من غير فلوس تخيلي
بس ربنا يهديهم يارب

اشطر واحدة

28-10-2006, 14:22

شوفى يا كنزى
انا يا ستى بشتغل مدرسة فى حضانة عشان انا ام موسوسة و مش بقدر اسيب ابنى لوحدو
هو عمرو سنتين و بصراحة بخاف علية جدا لانو حرك و حشور و دايما يعمل مشكلات
فقلت اشتغل مدرسة عشان يكون قدام عينى ...
انت بقالك اد اية فى الامارات و ساكنة فين !!
يا ريت نكون اصحاب لان انا معرفش حد مصرى هنا خالص

spanishflower

28-10-2006, 15:19

اشطر واحده (ينفع اقولك شوشوطيب؟)
انتوا فين في الامارات لاني عندي صاحبتي الانتيم مهندسه هناك مع جوزها و ممكن اقولها عليكم لو معاها في نفس الاماره و يا بخت من وفق اصحاب في الامارات

اشطر واحدة

28-10-2006, 18:05

ههههههههه حلوة يا بخت من وفق اصحاب ف الامارات دى هههه

انا ف الشارقة قوليلى شطورة و خلاص اصل شوشو دى مش ولابد

باقى البنات فين مش حيقولولى هم منين ف الامارات

كنزي1

28-10-2006, 18:51

سبانيش فلاور
انت طبيبة اية وبناتك سنهم كام وحلوة قوي يابخت من وفق اصحاب في الامارات
هنا كمان البلد حلوة وفيها مناظر طبيعية جميلة علي فكرة انا من ضمن البلاد الي نفسي ازورها اليابان
اشطر واحدة
رسالتي وصلتك

صحبة الرسول

28-10-2006, 20:24

ميه مسا علي كل المصريين اللي هنا اللي شاربين من النيل وراوفده........
انا صحبة الرسول واسمي الحقيقي هو............................ ...ولا بلاش
عايشة في بلد العنصرية منتريال بكندا
عملت امبراطورية عربية ...انا سميتها ( الرابتة)....علي رأي البيه البواب
حتي لما بنخرج هنا للفسحة بنخرج جروب كبير سوي ....4 او 5 اسر وكلنا محجبات بازواجنا واولادنا ...وطبعا مش حااقولكم علي نظرات الناس .....بس ايه (عاتي في المعاتي)
اما عن يوم العيد كان ممل جدا صباحا ....بس خرجنا سهرنا كلنا في بلازا تقليدية بس الصحبة هي الاهم.
الحبة دول لاخف دم علي وجه الكرة الارضية
حبة كده علي الماشي بمناسبة الجو المصري ..

لمصري هو اللّي ....؟

بيفهم في الطب ويشخص المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه
أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره
ماإستخدمها

ممكن يعدي التلاتين ولسه عايش مع أمه وأبوه وماعندهومش مشكلة

بيشتري قبل الفطار في رمضان مواد إستهلاكية أصلا موجود عنده في البيت
لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في
العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى
ربع جنيه ولا نص
جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية

سامعين :) .....بيفرش الملاية !!!!!!!!!!!
طبعا كل جنسية ليها نوادرها وطرائفها و.............بس انا بادخل البسمة لاخواتي بس مش ده موضوعنا محدش يتدخل معانا

اه نسيت اقول انه
اللى مقتنع تمام الإقتناع ان كوباية الشاى هى حاجة بتعدل و تظبط الدماغ !!!

aioda_2006

28-10-2006, 21:12

اولا كويس انك لسه محتفظه بمصريتك بس بجد في دفا وامان زي مصر في الدنيا؟وعايزه اسالك ممكن لو سمحتي تعرفينا اكتر عن الحياه في كندا ويا ترى تربية الاطفال عندك سهله ولا صعبه وياترى اللي بيفكر ييجي عندكم ياخد الخطوه دي ولا افضله يبعد عن الدول الاجنبيه وشكرااااا:26:

صحبة الرسول

29-10-2006, 01:33

يا عايدة ايه الاسئلة اللي اجاباتها عايزة شهر كتابة ايه بنتي؟؟؟؟
مفيش مكان في الدنيا كامل
يعني
هنا عيشة رايقة مستوي راقي ....رفاهية ...تعليم بنظام مختلف تماما لكن في الاخر شهادة معترف بها عالميا ...............تكنيز فلوس لا والف لا................اهل مفيش طبعا ( حسب الظروف)
العكس بقه عندك
وانتي بقه اختاري عايزة ايه
لو عايزة تسألي عن حاجة تاني اتفضلي

spanishflower

29-10-2006, 11:35

السلام عليكم
انا طبيبه تحاليل طبيه يا كنزي و عندي بنتين 4 سنين و سنتين
اهلا صحبه الرسول نورتينا بس اول مره اعرف ان كندا عنصريه انا اسمع ان فيها عرب كتير و المعامله احسن كتييير من امريكا

كنزي1

29-10-2006, 15:03

صحبة الرسول
اهلا بيكي معانا انت شكلك كدة واخدة دكتوراه في السلوك الاجتماعي المصري اية بابنتي كل دة
سبانش
ربنا يخليهوملك يارب وتفرحي بيهم ان شاء الله طيب كنت عايزة اسالك سوال انتي لما كنت حامل في بنتك التانية كنت عايزة بنت ولا ولد
اصلي انا نفسي في بنت المرة دي كمان ولما اقول لحد كدة يقولي لاء الاحسن يكونو بنت ولد
وطبعا الي ربنا يرزقنا بية هيكون احسن واحسن

spanishflower

29-10-2006, 15:14

ازيك يا كنزي
انا و الله الحمل التاني ده كان علي لوب تخيلي و كنت بامتحن الماجستير وقتها و حالتي صعبه جدااا
بس تخيلي انا كمان كنت عايزه بنت و جتلي بنت قرده قرده اسمها جنا و بناديها جومنجي و هي بتقول علي نفسها جومنجو
بس و الله بنت او ولد اهم حاجه تدعي انه يكون طفل سليم و معافي ان شاء الله
انتي فكري في الاسامي مع ان اسامي بناتي الاتنين كانوا في ساعتها سبحان الله انا بنتي الكبيره اسمها ندي و الصغيره جنا و كنت باقول لبنت خالتي قبل ما اولد باسبوعين ايه اسم جنا ده و سبحان الله اول ما شفتها سميناها جنا

اشطر واحدة

29-10-2006, 15:30

صحبة الرسول
ضحكتينى و انا متضايقة بس نسيتى تقولى ان المصرى .......
لو حد قاللو خللى بالك الحيطة لسة مدهونة لازم يحط صوبعو عشان يتأكد
لما يقف فى طابور العيش لازم يزنق اللى قدامو و متخيل انو كدة بيوصل بسرعة عشان الطابور بيكون اقصر

و عجبتنى اوى حكاية برطمانات المربى و الكياس البلاستيك اصل انا فعلا كدة هههههههههههههه

كنزي1

29-10-2006, 15:43

انت عارفة اناالمرة دي ماكنتش عارفة اني حامل وكنت نازلة اجازة مصر وخروج وفسحوزيارات وانا مش في دماغي لئن انا في حملي الحمد لله مبحسش باعراض الوحم نهائي بكون طبيعية بس مغص وخلاص ورجعت وبعد كدة باسبوعين عملت تحليل لقيت نفسي حامل في شهرين وشوية
وبالنسبة للاسامي كل طفل بيجي فعلا بالاسم بتاعة يعني انا في كنزي فضلت كل يوم اختار ليها في اسم لغاية مارحت اولد وانا مش مستقرية علي اسم وكانت كنزي او لوجين وهاقولك علي حاجة غريبة حصلت انا كنت والدة طبيعي وبعد ماودوني الغرفة بتاعتي جوزي وماما وحماتي سالوني ها هتسمي البيبي اية رديت بعصبية ونرفزة عليهم لية هو انتو مش سمتوها قالولي لاء قولتلهم ازاي انا سمعت الممرضة بتقولي مبروك كنزي استغربت خالص وقلت خلاص هسميها كنزي
والمرة دي مافيش اسم بنت عاجبني خالص واذا ولد هسمية احمد كوكي هي الي مختارة الاسم سبحان الله انا بقولها مامي عندها نونة قالتلي احمد والله اعلم بس قولت خلاص فعلا اذا ولد هيكون احمد

صحبة الرسول

29-10-2006, 17:33

عايدة اختفت يا جدعان!!!!!!!!!!!!!
ازيك يا سبانش ...ايوة عنصرية وعنصريتها اقل بكتير من امريكا وفرنسا ............عنصرية من تحت لتحت بس عايزة اللي يدخل فيهم شمال ......ومفيش مانع يمين !!

كنزي ..انتي ساكنة فين ومتغربة من كام سنة...حد هنا ساكن في كيبك
اصلي رايحة كيبك سيتي كام يوم مع زوجي ولا افقه شئ هناك .....اللي عندها خلفيه خلاف الفنادق ...تكر علي طول من غير خنصرة.

ايوة يا اشطر واحدة انا زيك موضوع الكياس البلاستيك ده كتير اوي ده مرتبه لوحده ..بصراحة ..لاتعليق!!!!!!!!!!

spanishflower

30-10-2006, 09:23

ازيكم يا بنات
اقترحوا عليا موضوع ينفع لدرس ديني بس بسيط خالص

spanishflower

30-10-2006, 10:59

ايه يا بنات انتوا فين
هو موسم البيات الشتوي ابيتدا؟

كنزي1

30-10-2006, 14:18

ازيكو عاملين اية
صحبة الرسول
انا في الامارات وبقالي سنتين
سبانش فلاور
ممكن تتكلمي معاهم عن بر الوالدين وخصوصا انكم في غربة او تربية الاطفال بالطريقة الاسلامية الصحييحة

Farida

30-10-2006, 16:09

انت فين يا كنزي في الامارات؟
انا ساكنه في دبي

Farida

30-10-2006, 16:09

انت فين يا كنزي في الامارات؟
انا ساكنه في دبي

Farida

30-10-2006, 16:10

انت فين يا كنزي في الامارات؟
انا ساكنه في دبي

اوزوريس

30-10-2006, 17:07

ميه مسا علي كل المصريين اللي هنا اللي شاربين من النيل وراوفده........
انا صحبة الرسول واسمي الحقيقي هو............................ ...ولا بلاش
عايشة في بلد العنصرية منتريال بكندا
عملت امبراطورية عربية ...انا سميتها ( الرابتة)....علي رأي البيه البواب
حتي لما بنخرج هنا للفسحة بنخرج جروب كبير سوي ....4 او 5 اسر وكلنا محجبات بازواجنا واولادنا ...وطبعا مش حااقولكم علي نظرات الناس .....بس ايه (عاتي في المعاتي)
اما عن يوم العيد كان ممل جدا صباحا ....بس خرجنا سهرنا كلنا في بلازا تقليدية بس الصحبة هي الاهم.
الحبة دول لاخف دم علي وجه الكرة الارضية
حبة كده علي الماشي بمناسبة الجو المصري ..

المصري هو اللّي ....؟

بيفهم في الطب ويشخص المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه
أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره
ماإستخدمها

ممكن يعدي التلاتين ولسه عايش مع أمه وأبوه وماعندهومش مشكلة

بيشتري قبل الفطار في رمضان مواد إستهلاكية أصلا موجود عنده في البيت
لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في
العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى
ربع جنيه ولا نص
جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية

سامعين :) .....بيفرش الملاية !!!!!!!!!!!
طبعا كل جنسية ليها نوادرها وطرائفها و.............بس انا بادخل البسمة لاخواتي بس مش ده موضوعنا محدش يتدخل معانا

اه نسيت اقول انه
اللى مقتنع تمام الإقتناع ان كوباية الشاى هى حاجة بتعدل و تظبط الدماغ !!!

والله صدقتي يا صحبة الرسول...................وللأس ف فيه أكتر من كدة :(

موت من الضحك على كلامك بالرغم انه كلام صحيح ....:42:

ودلوقت فيه أكتر من كدة ولي عودة في التعليقات .... لاني مش فاضية دلوقت

طبعا انا دخلت على الحامي بدون وأدحرج السلام والمسا

:22: :22: :22:

مساء الخير والتجلي حسب التوقيت المحلي:26:

كيفكن يا رابطة المصريات

طبعا في رمضان الكل كان مشغول وانتهت اجازة العيد ورجعت ريما لعادتها القديمة

ان شاء الله يكون الجميع بخير

وان شاء الله نتواصل

ولي عودة قوية .......................بعد انقطاع طويل:a_smil17:

اوزوريس

30-10-2006, 17:08

ميه مسا علي كل المصريين اللي هنا اللي شاربين من النيل وراوفده........
انا صحبة الرسول واسمي الحقيقي هو............................ ...ولا بلاش
عايشة في بلد العنصرية منتريال بكندا
عملت امبراطورية عربية ...انا سميتها ( الرابتة)....علي رأي البيه البواب
حتي لما بنخرج هنا للفسحة بنخرج جروب كبير سوي ....4 او 5 اسر وكلنا محجبات بازواجنا واولادنا ...وطبعا مش حااقولكم علي نظرات الناس .....بس ايه (عاتي في المعاتي)
اما عن يوم العيد كان ممل جدا صباحا ....بس خرجنا سهرنا كلنا في بلازا تقليدية بس الصحبة هي الاهم.
الحبة دول لاخف دم علي وجه الكرة الارضية
حبة كده علي الماشي بمناسبة الجو المصري ..

لمصري هو اللّي ....؟

بيفهم في الطب ويشخص المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه
أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره
ماإستخدمها

ممكن يعدي التلاتين ولسه عايش مع أمه وأبوه وماعندهومش مشكلة

بيشتري قبل الفطار في رمضان مواد إستهلاكية أصلا موجود عنده في البيت
لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في
العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى
ربع جنيه ولا نص
جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية

سامعين :) .....بيفرش الملاية !!!!!!!!!!!
طبعا كل جنسية ليها نوادرها وطرائفها و.............بس انا بادخل البسمة لاخواتي بس مش ده موضوعنا محدش يتدخل معانا

اه نسيت اقول انه
اللى مقتنع تمام الإقتناع ان كوباية الشاى هى حاجة بتعدل و تظبط الدماغ !!!

،،،دلوعة زوجها،،،

30-10-2006, 20:20

السلام عليكم

ازيكم يا بنات عاملين ايه ؟

اخبار الغربة ايه ؟

انا كمان مقبله على غربه تقريبا بعد اقل من شهر بسافر السعودية لجوزى
انا خايفة اوى كمان مش مبسوطه لانى هسيب بابا واخويا لوحدهم لان والدتى متوفية وانا اللى براعيهم بس غصب عنى بقالى سنة سايبة جوزى لوحده علشان خاطرهم بس خلاص بقى صعب الوضع ده ولازم اسافر له
ربنا يعينا على الغربة والبعد عن الاهل
يا ريت لو فيه مصريات معانا فى جده او مكه او الطايف يا ريت نتعرف

على فكرة يا سبانش فلاور انا اسم الحقيقى معناه اسم زهرة فى اسبانيا

كنزى لو عايزة اسامى بنات حلوة وغريبة عندى كتييييييييييييييييييييييي ييير
انا اصلا اسمى غريب

جـنة

30-10-2006, 21:15

ياريت تضمونى معاكم انا عايشه فى الامارات وماليش اصدقاء :26:

كنزي1

30-10-2006, 21:45

ازيك يافريدة اخبارك اية
انا في الشارقة
دلوعة زوجها
اهلابيكي معنا في حزب المغتربات ربنا ان شاء الله هيكون مع بباكي واخوكي لاكن انت لازم تكوني مع جوزك لئن هي دي سنة الحياة وانت عندك اطفال ولا لسة لئنهم هما كمان هيكونو محتاجين يعيشو مع ابوهم وامهم وفعلا ربنا يعنا علي الغربة والبعد عن اهالينا ويجمعنا بيهم علي خير ان شاء الله
وانا فعلا نفسي في اسامي بنات تكون جديدة وجميلة لئني دورت في النت لاقيت اسامي كتيرة بس مافيش حاجة عجبتني لغاية دلوقتي

جنة
اهلابيكي وكلنا اصدقائك ان شاء الله

،،،دلوعة زوجها،،،

31-10-2006, 05:57

ازيك يافريدة اخبارك اية
انا في الشارقة
دلوعة زوجها
اهلابيكي معنا في حزب المغتربات ربنا ان شاء الله هيكون مع بباكي واخوكي لاكن انت لازم تكوني مع جوزك لئن هي دي سنة الحياة وانت عندك اطفال ولا لسة لئنهم هما كمان هيكونو محتاجين يعيشو مع ابوهم وامهم وفعلا ربنا يعنا علي الغربة والبعد عن اهالينا ويجمعنا بيهم علي خير ان شاء الله
وانا فعلا نفسي في اسامي بنات تكون جديدة وجميلة لئني دورت في النت لاقيت اسامي كتيرة بس مافيش حاجة عجبتني لغاية دلوقتي

جنة
اهلابيكي وكلنا اصدقائك ان شاء الله

شكرا حبيبتى على ذوقك وعندك حق دى سنة الحياة هنعمل ايه ... انا لسه مش عندى اطفال لأنى هقولك على حاجه هتستغربى لها انا مقعدتش مع زوجى غير شهرين بعدها سافر لشغله فى السعودية وانا فضلت مع اهلى علشان اخويا وامتحاناته محبتش احرمه منى انا كمان اكيد كانت هتبقى صعبه عليه ودى اخر سنه له فى امتحاناته فى الكليه
ولسه هشوف جوزى بعد غياب سنة تخيلى ؟؟؟؟؟؟؟؟؟؟

وربنا يرزقنى ويرزق كل عايز يا رب بالزرية الصالحه
تعرفى انا انية حياتى ربنا يرزقنى ببنتين توأم واسميهم رأنسى ونورسين
ايه رأيك فى الاسامى دى ؟
انا كنت كاتبه موضوع هنا فى حواء وفى منتدى تانى جامعه الاسامى الغريبة والجديدة الحلوة وكاتبه معناها

يعنى مثلا رانسى ده اسم غزال ونورسين يعنى ضوء القمر

فيه كمان كارمن <<< اسمى بس مش تقولى لحد هههههههه
وده معناه اسم زهرة بريه فى اسبانيا

وفيه ماذى معناه العسل الابيض
توتيا:حجر يتكحل بمسحوقه
#دورى:الكوكب المتلألىء
#ديمه: المطر يطول زمانه
سهيلة معناه نجم ساطع في السماء وعند سطوعة تنضج الفاكهة

spanishflower

31-10-2006, 14:33

دلوعه جوزها ازيك يا جميل
منوره يا بطاطس و ان شاء الله تروحي لجوزك بالسلامه

Goldy

31-10-2006, 15:10

أهلا يا بنات أزيكم وكل سنة وأنتم طيبين، أنا مصرية وعايشة فى أبوظبى.

اشطر واحدة

31-10-2006, 17:34

اهلا دلوعة جوزها

صباحو اسامى
:)
كنتى فين لما خلفت ابنى هههههه

جنة :::::::::::::: انا كمان فى الشارقة مش عايزة حاجة من تحت :)

يا اوزاااااااااا انتى مطنشانى لية :( و فين الكحك

اشطر واحدة

31-10-2006, 17:39

أهلا يا بنات أزيكم وكل سنة وأنتم طيبين، أنا مصرية وعايشة فى أبوظبى.

اهلا يا جولدى نورتينا

يا سبانيش افتحى حاجة ساقعة :)

على فكرة اوزا كمان فى ابوظبى ياللا بقى صاحبو بعض و اتقابلو و على رأى سبانيش مع التعديل ( يا بخت من وفق راسين فى ابوظبى) :)

sunsun_micro

31-10-2006, 17:46

: السلام عليكم جميعا ازيك يا سبنيش ازيك يا كنزي ازيكم يا بنات وكل سنه وانتم طيبين
انا نور عايشه في امريكا شيكا بيكا و حامل لاول مره وهولد ***** الله بعد 6 او 7 اسابيع :icon36: ودرست في مصر طبعا وهوب علي امريكا وانسوووووووووا قولت هكمل ماجستير او دكتوراه بس انسووووووا ذاكرت شويه:3_3_103: وعيت شويه وبعدين حمل و طبعا ما فيش بيت بيخلي من مسؤليات و طبعا من خرجت من دارها اتقل مقدرها هههههههههههه و الغربه بتربييي :3_13_12: :3_2_8v: وانا اتربيت كويس يعني مفيش دلع زي دلع مصر ولسه لما الحاجه ايزبيلا "البيبي اللي جايه في السكه ان شا الله و مش انا اللي مختاره الاسم ده ابوها ومحديش يسال ليه--ههههه لانه مش زينا من الاخرررر:D " تيجي هتربه صح لان كل العيله في مصر هههههههه كل شيء هنا انجليزي و لسه مغيره ال كي بورد عشان اتكلم مصراوي معاكم
وعشان مدخلتش علي النت من 6 ايام احب اقول في موضوع ايه عجبني في البلد دي عن مصر----لا شيء مصر احلي والله ---البيت والعيله والاصحاب و اللمه والمساجد في مصر ومعظم حياتنا فيها بس يالااااه وبعدين ده اول حمل وانا مرعوبه بصراحه ولاني لوحدي :icon36: ----في حد هنا راجع مصر تاني ؟؟ولا كلوه مستقر في البلد اللي فيها للابد؟؟؟وحد هنا عايش في امريكا ؟؟؟

sunsun_micro

31-10-2006, 17:48

any body thereeeeeeeeeeeeeeeee

اشطر واحدة

31-10-2006, 18:29

ايوة انا there بس مش فاهمة اية حكاية ايزابيلا دى ؟ هو جوزك غاوى مسلسلات مكسيكى

sunsun_micro

31-10-2006, 19:02

hiiiiiii
la ya ashtar wa7dah
lanoh amrekee mesh masree

sunsun_micro

31-10-2006, 19:03

r u there ya ashtaer wa7dah???

sunsun_micro

31-10-2006, 19:04

:) :hahaha: 7elwah mosalsalat maksekee deh

،،،دلوعة زوجها،،،

31-10-2006, 20:30

باين عليكى دمك زى العسل يا اشطر واحدة انا فهمت ايه معنى اشطر واحدة اكيد اشطر واحدة فى الهزار هههههههه

ربنا يقومك بالسلامه sunsun_micro ويكملك على خير يا رب

فعلا ايه موضوع ايزابيلا بس حلو انا دايما احب الاسامى الغريبة

سبانش الحمد لله وانت ازى البطاطس بتاعتك الصغيرة يا رب تكون بخير ويفرحك بيها وتشوفيها بطاطسايه عروسة ويرزقها ربنا ببطسوس كده ابن حلال ويجيبوا بطاطيس صغيرة يملوا عليكى البيت

اشطر واحدة

31-10-2006, 20:34

هههههههههههه تعرفو انى بدلع ابنى و اقوللو بطوس ههههههه

اوزوريس

31-10-2006, 22:08

ازيك ياأم بطوس ............ أقصد أشطر واحدة

أخبارك ايه ان شاء الله تكوني بخير .....

عاملة ايه في الشغل ...أكيد دلوقتي اتعودتي على صداع العيال في الحضانة

أخبار تنيل ايه ....ومصراوية رقيقة .... وحلم بعيد.......محدش فيهم باين

واللا انا اللي مش باينة اليومين اللى فاتوا

دلوعة زوجها ..... يا سلام على الأسماء الجميلة ....ان شاء الله يدلعك على طول

sunsun_micro..... كيف أحوالك أختي في غربة امريكا....الله يكون في عونك.... انا قرأت كلامك ورجعت سنين لورا ايام ما كنت حامل اول مرة ولوحدي في الغربة وكان شعوري أكتر من شعورك .....بس لما ولدت ...الحمد لله ...طلع الموضوع زي شكة الدبوس ههههههههههه.

ما تخافي ان شاء الله تقومي بالسلامة وتيجي الحجة ايزابيلا بالسلامة .....طيب لو كان حج هتسموه ايه؟؟

سبانش فلاور..... أخبارك ايه في اليابان ...وعملتي ايه في العيد .....ان شاء الله تكونوا بخير انت وبناتك.

نفسي أشوف العيد بمصر بقالي سنين ما شيفاه ..!!

sunsun_micro

31-10-2006, 22:30

السلام عليكم يا دلوعه و يا اشطر واحدة و ربنا يخليكم ويكرمكم
والله يا جماعه الواد Potatoo batoot batateetoohوده اسم اللي بدلع بيه جوزي:hahaha: عايز يسميها كده وانا اعمل ايه يعني !!! انا قولتله ايه ده !! ده اسم سمنه عندكم في امريكا:hahaha: !!! والله يا جماعه مبيعرفش في الاسامي العربي الا اسمي واسماء اخواتي:hahaha: لانه مش مصراوي طب اعمل ايه !!! نفسي اسمي اسم اسلامي بس انتم عارفين امريكا :( وكفايه الواحد متحجب وبيطلع لهم لسانه:p والله ياجماعه رخصه القياده الست كانت عايزني اقلع الحجاب قولتلها لاااا قالت واي قولتلها زد !!!:hahaha: وبعدين قولتلها اصلي شعري منكوش تحت الحجاب :30: قالت ايه : هيريز ماي كامبhere is my comb?
قولتلها اي فير تو انفكت يوهi fear to infect u ??
: :hahaha: بس مخلصتش مني وخت رخصتي بالحجاب ههههههههه::hahaha: بس وانتي يا دلوعه هتسفري امتي؟؟ و الحاجه اشطر واحدة ايه اخباركم؟؟نسيت اقولك يا دلوعه اوعي تنسي تاخدي زلعه مش معاكي لو ناويه يكون عندك بيبي !!
اه يا مين يرجعني مصر ولو اسبوع واحد بس :hahaha:

sunsun_micro

31-10-2006, 22:52

انا الحمد لله كويسه يا اوزوريس وميته من الرعب لاني لوحدي طبعا ولو البيبي حاج يبقي اندرسون:hahaha: او ايدين edienمش يدين اللي بناكول بيهم :) بس !!!
بحاول اخطط لقبل الولاده وبعدها بالذات موضوع الاكل لاني لو اعتمدت علي زوجي العزيز هاكل maccroni cheese and peas يعني مكرونه بالجبنه والبسله كل يوم والعمليه مش ناقصه وجع بطن :hahaha: وانتي عارفه المصريين يموتوا في الاكل بس انا والله مش طفسه
ده اول عيد بعيد عن مصر بس مش لطيف احلي حاجه كانت الصيام والله مع اني قالولي ما فيش صيام بس الحمد لله كلامهم دخل الودن اليمين وخرج من الشمال لسه السته البيض ربنا يقدرني
دعوتكم ياجماعه وانتي اخبارك ايه يا اوزوريس ؟؟ وعيشتي اد ايه usa

sunsun_micro

31-10-2006, 23:05

بس يا اوزوريس ازاي طلع الموضوع زي شكة الدبوس ههههههههههه
متاكده شكة الدبوس يعني؟؟؟؟هما 6 او 7 اسابيع و اشوف شكه دبوس ولا مصنع دبابيس هههههههه:eek:

اوزوريس

01-11-2006, 09:15

السلام عليكمsunsun_micro

شوفي هقولك حاجة علشان وش الولادة يروح من دماغك

الواحدة اول مرة بتبقى مش عارفة ايه اللى هيحصل معاها ......يعنى المجهول

ودي أصعب حاجة في اول ولادة ....اولا اتركيها على رب العالمين وان شاء الله ييسر لك ولادتك

وخدي مني نصيحة وعن تجربة

اول ما تنزل علامة الولادة سواء نزول الماء او ماء مخلوط بدم وبعدها يبدأ المغص انت في الوقت ده تغلي قرفة وتشربي على قد ما ربنا يقدرك

بتحمي الطلق وتخلي عنق الرحم يفتح بسرعة وما بطولي

انا في تاني ولادة عمات كدة وشربت لما طلعللى بطن تانية من شرب القرفة ....بس الحمد لله رب العالمين بدأت العلامة الساعة واحدة صباحا والساعة ستة ونصف كان البيه ابني مشرف على وش الدنيا ....ثانيا : والاهم لازم تتعلمي تمرين النفس ....علشان عملية الدفع ...اقصد دفع البيبي مش دفع الفلوس....صدقيني هيخليكي تنزلى البيبي بسرعة.....طبعا كل ده ماحدش قلي عليه في اول حمل ....وكان حقل تجارب....لكن تاني مرة كنت عرفت الحاجات دي ....وانا في ابني كل الوقت اللى اخذته في دفعة .....مش هتصدقي ....عشر دقائق فقط وكانت اللى بتولدني من نيوزيلاندا ...قالت اسرع واحدة تدخل غرفة العمليات وما تطول معانا....بصراحة كنت مركزة على التنفس مع الدفع وبالبلدي (( الحزق))

عموما ما تشغلي بالك بالموضوع كتير اتركيها على ربك يا مواطنة

بقية الانسات راحوا فين ؟؟

اوزوريس

01-11-2006, 09:21

انا ياماما يوم 5 نوفمبر اكون تميت ال14 سنة بالضبط بالامارات

لان انا اتزوجت في مصر وعلى الامارات طوالي لدرجة صرت احس بالغربة في مصر اكتر من الامارات لان هنا اصدقائي واصدقاء اولادي واستقراري النفسي ....كانت الغربة في البداية صعبة ...لكن دلوقت .... شعوري كما ذكرت ...بحب غربتي

وعلى فكرة انا عمري 36 سنة وبنتي (( تسنيم ))عمرها 13 وابني (( حسام))11سنة

spanishflower

01-11-2006, 12:06

السلام عليكم
انا جييييت:hahaha:
ايوه كده الشباب الجامد اللي الواحد يعتمد عليه و المواضيع النار طلعت يا رجاله:42:
ما علينا متاخدوش في بالكم

حاجه ساقعه ايه يا شطوره اللي افتحها في الساقعه دي انا ممكن اعملكم كابتشينو من بتاع احمد حلمي في ظرف طارق
اهلا بالبطاطس الجداد و ميرسي علي الدعوات الحلوه
يا كابتن سن سن ميكرو و ليه يا بنتي نقيتي اسم سهل كده دا حتي حرام لازم تشوفيلك كده اسم مكلكع
ما علينا :30:
انا ولاداتي الاتنيين كانوا سيزيرين يعني مش هاعرف افيدك في الطبيعي بس عارفه نصيحتي ليكي و الله باتكلم بجد انك تبقي متوقعه التعب اللي هيحصلك
مش في الولاده لا قدر الله لاء قصدي مع البيبي او الحاج اندرسون علي رائيك لاني كل ما اقابل واحده عندها بيبي لسه شهرين مثلا الاقيها بتشتكي انها تعبانه و مش بتنام طيب ما هو انتي ممكن تسهليها علي نفسك و تقولي انها مرحله و هتعدي ان شاء الله
انا هاقوم احضر العشا علشان فرق التوقيت بين البطاطس اللي في الصفحه كلهم انا هنا 6 و تلت مساء و
عجبييييي[/B]

اشطر واحدة

01-11-2006, 16:02

اهلا بالبطاطس كوللها :)

انا كمان ولدت قيصرى بعدما عزبونى فى الطلق الصناعى و مفيش فايدة لان عندى الحوض ضيق

ربنا يقومكم بالسلامة يا بنات

sunsun_micro

01-11-2006, 16:29

السلام عليكم ياجماعه عاملين ايه ؟؟ عامله ايه يا اوزوريس ربنا يخليكي علي النصيحه الحلوه دي وكتبت في ورقه خطه الولاده قرفه علشان اشربوه اول يحصل طلق باذن الله وربنا يهون الغربه عليكم انا هتم ال23 بعد شهر ان شاء الله وانا بقالي سنه هنا تقريبا اتزوجت وانا في نصف الماجستير و كان فاضل حوالي سنه واخلصوه بس هوب لاقيتني في امريكا كويكلي وكلوه يهون عشان خاطر ابو ايزبيلا بيلا بيلا حبيب جلبي بالصعيدي اما هرجع امتي مصر فده شيء مش وارد !!!! الامارات مش وحشه وامريكا بردوه والله الناس هما الناس بس الفرق لغه !! انا مش فارق معايا غير بس مامتي واخواتي !!!

ازيك يا سبنيش فلور -؟ والله الاسم سن سن لان اخويا بيدلعني بيه اما ميكرو فده لاني درست ميكروبيولوجي واموت انا في الدراسه والميكرو

اما حكايه الولاده والله يا اوزريس ويا سبنيش انا سيبها علي ربنا وروحت childbirth classes
وقرات كتب ولسه بقرء و بشوف قناه عن الحاجات دي ونظام hold ur breath 10 secondsثم push push pushاللي هي اديها حزق تديك تراوه :)
انا معاك يا سبنيش انه اول شهرين صعب علشان كده بعمل خطه لبعد الولاده زي اني اجهز مثلا الاكل في الفريز و الهدوم و------الخ علشان طبعا دلوقتي بقيت مسؤله عن 2 البت وابوها :) ومش عايزه يتعب !!
بس بجد انا مش بنام كويس من اول الحمل !!
نسيت اسالكم المفروض اولد 1 يناير 2007 بس ال midwifeقالت انها مش هتكون موجوده الا 25 ديسمبر فا قالت انها هتعمل حاجه فيا طبعا :( يوم 23 ديسمبر يعني induction وسالت دكتوره المنتدي د:راءده قالت اشرب قرفه من بدايه التاسع وامشي ساعه علي الاقل و -----يعني يعني يوم بعد يوم ومش هحتاج artificial inductionبس خايفه من حته القرفه دي من اول التاسع مش خطر يعني ؟؟ يااوزريس ويا سبنيش؟؟ولا اديها قرفه من الاسبوع الجاي؟؟
الساعه عندي 8:38 amوفي مصر 3:38 pmيعني فرق 7 ساعات مصر متقدماهم ياسبنيش

sunsun_micro

01-11-2006, 16:39

اشطر واحده ازيك محدش شافك من زمان ؟؟

،،،دلوعة زوجها،،،

01-11-2006, 18:14

خوفتوووووووووووووووووونىىىىىىى ىىىىىىى

كل ده بيحصل علشان استاذ بطاطس ولا بطاطسايه هانم تشرف

اشطر واحدة

01-11-2006, 18:32

كفاية بقى كلام عن الولادة كركبتولى بطنى و فكرتونى بالحمل و الرضاعة و الولادة و العذاب دة كوللو خاصة ان انا ماما متوفية و انا اخدت العلقة دى كللها لوحدى

om mena

01-11-2006, 21:08

msaa elfol ala ahla bnat wala hasa eny fe masr bas lelasaf ana fe finland
kol sana we ento tayben

اوزوريس

01-11-2006, 21:56

خوفتوووووووووووووووووونىىىىىىى ىىىىىىى

كل ده بيحصل علشان استاذ بطاطس ولا بطاطسايه هانم تشرف

،،،دلوعة زوجها،،،

يعني لما بيقولوا الضنا غالي مش من شوية

ويا حبيبتي اول ما يقول واااااااااااااااااءء يتنسى كل شئ:scream:
:heart:
والجنة تحت أقدام الأمهات ليه ؟؟ مش ببلاش ...

وسبحان الله لما الواحدة تنحرم من الخلفة والعيال تجري على الدكتور وتدفع دم قلبها علشان البطاطس دي....وتقول ادفع نص عمري ويجيلي عيل يقوللي يا ماما.:icon33:

الله يرزق الكل بالزرية الصاحة واولهم اختي :heart:

ياااااااااااااااارب

اوزوريس

01-11-2006, 22:00

كفاية بقى كلام عن الولادة كركبتولى بطنى و فكرتونى بالحمل و الرضاعة و الولادة و العذاب دة كوللو خاصة ان انا ماما متوفية و انا اخدت العلقة دى كللها لوحدى

وانت يا شطورة شيدي حيلك وهاتي النونو التاني علشان تخلصي ....بالمرة

كيف حالك وحال الشارقة ؟

انا كنت بالعيد هناك ....اتغيرت كتير جدا عن زمان ...وسبحان الله ريحها خفيف وبلد ظريفة ؟؟

كان العيال عاوزين يركبوا مركب بالبحيرة بس مرعبة بالليل ؟؟؟

قلت لهم بالنهار ....تاني يوم روحنا كان الجو حار جدا ورطوبة .... وطنشت

اوزوريس

01-11-2006, 22:02

msaa elfol ala ahla bnat wala hasa eny fe masr bas lelasaf ana fe finland
kol sana we ento tayben

وانت طيبة يا ام مينا

انت نسيتي العربي ولا ايه ؟؟

انت في فنلاندا .....يسلام على النوكيا الاصلي ....هههههههههههه

تشرفنا بمعرفتك اختي:)

اوزوريس

01-11-2006, 22:04

سبانش فلاور

سن سن ميكرو

سلامي للجميع

sunsun_micro

01-11-2006, 23:17

اشطر واحدة معليش مكنشي اصدي والله اكركبلك بطنك :( وانا كمان اخدت العلقة دى كللها لوحدى
+بعيد عن مصر ومسؤليه ما يعلم بيها الاربنا !!! والله ما ليش غير ربنا و ربك بيسر طالما نيتك كويسه :)

،،دلوعة زوجها،،،يا بنتي مش تخافي والله اهم حاجه اتكلي علي الله وكولي كويس واهتمي بصحتك ومش تخلي عندك انيميا يعني اديها بتنجان تديك حديد وانسي ان انتي حامل لما ربك ياذن ومش تعتمدي الا علي ربنا وادعي ديما----وانتي مش هتحسي بحاجه غير نونو صغنون بيرفس احساس لذيذ !! وان شاء الله لما يحصل هتلاقيني بساعدك وديكي خلاصه تجربتي زي ما عملت مع اختي اون لاين بس هي ولدت الحمد لله مع انها في مصر بس النصايح كانت بتتبعتلها من امريكا:) بس مفيش حاجه كانت بتجيلي مع انها اكبر مني !! والله يابنتي كل شيء كان من ربنا واهو انا الحمد لله بس المرحله الاخيره ربي يسرها وهقولك علي الخلاصه بردوه وعلي فكره في مصر بيصعبوها علي الواحد !!

ازيك يا اوزوريس ربنا يخليكي ويخليلك تسنيم واحمد بخير دايما ان شاء الرحمن كلامك زي السكر ويطمن والله ربنا يكرمك يافندم

ام منه اومينا وانتي طيبه ان شاء الله واهلا فيكي

سبانش فلاور اين انت يا فندم كل ده بتحضري في العشاء ؟؟:)