بنات مصر في الغربه

[أم أكرم ومريم]

أوزوريس
فينك يا جميل؟وحشتينا يا جاره
أشتغل؟؟؟ضحكتيني........ولا عمري فكرت اشتغل من ساعة ما جينا
بس الوقت يكفي البيت والاولاد,اقول لك على سر كذا مره ابقى عايزه أدخل التوالت[سوري]
ولاني مشغوله بحاجه اقول بس اخلص دي,ودي تجر دي[كل ده وان ماسكه نفسي]
ما أدخلش الا لما احس ان الكذا كذا[الاندر] اتبل,والناس حتقول لي يا ام................
يا ام اكرم يعني حتقول يا ام ايه؟؟؟؟؟

[اوزوريس]

ازيك يا جميلة مستنياكى تفضى عشان نتقابل ربنا معاكى اخبار امتحانات الاولاد ايه؟

على فكرة انا رأيى مختلف عنك خالص انا بحب ابو ظبى جدا و اشوفها احلى من دبى كمان لانها هادية و مش زحمة و الكورنيش بتاعها جميل اوى و فيها نادى للسيدات .. عيبها الوحيد ان الايجارات غالية و مش سهل تلاقى شقة كويسة بايجار مناسب.. بس دبى زحمة جدا جدا وانا بكره الزحمة مع ان هى فيها اماكن فسح كتير و مولات كتير و خصوصا مول ابن بطوطة بموت فيه لانه مميز بجوه العربى و لو انه قبل دبى بشوية مش فى دبى نفسها.. بس انا عن نفسى مش حابة اعيش فى دبى خالص زحمة و ايقاعها سريع زيادة عن اللزوم و كمان هناك البنات و الستات متحررين فى لبسهم اوى و تحسى ان فيها تحرر جامد من الصعب تحكمى اولادك هناك و تربيهم زى مانتى عايزة دة مع انى معنديش اولاد:42: .. و الشارقة كمان ماعجبتنيش لانى حسيت فيها نفس اسلوب همجية مصر و التاكسيات اللى الواحد بيفاصل معاهم و كمان الشقق هناك مش زى شقق ابو ظبى..
انا شايفة ابو ظبى احلى بلد فى الخليج كله:arb:

مش عارفة ابدأ بالرد منين بالضبط يا ايمان

عموما كل واحد بيشوف من وجه نظره

بس بالنسبة للتحرر

هنا فيه تحرر جامد قوي بس على المتغطي ................. كل شئ موجود

اما عن الاماكن

كان فيه نادي اجتماعي ( النادي السياحي ) بقاله سنتين مغلق ...قوليلي اروح فين انا وعيالي نقعد

كنت الاول بكون قاعدة بالنادي مع صديقاتي واولادي بنفس المكان ومع اصدقائهم وكل شوية اقوم ابص عليهم ولو حصل مشكلة فيه أمن يحل المشكلة بين الاعضاء على طول ...وقاعدة بتشربي شاي وقهوة

بعد ما قفلوه مش لاقيين حته نقعد فيها ....صحيح الكورنيش يجنن وحلو بس انا وزوجي منعرفش نقعد بالشارع ولا بالحدائق العامة وناخد معانا ترمس شاي وسندويتشات للعيال ...

بس ممكن ناخدهم ساعة زمن على الكورنيش يلعبوا اسكيت وانا وابوهم نمشي.......ولكن هم يفضلوا يرحوا مع اصدقائهم احسن ما يكونوا معانا انا وابوهم

وكل ويك اند مفيش الا ابوظبي مول ........كرهته خلاص

عموما للحديث بقية

[اوزوريس]

أوزوريس
فينك يا جميل؟وحشتينا يا جاره
أشتغل؟؟؟ضحكتيني........ولا عمري فكرت اشتغل من ساعة ما جينا
بس الوقت يكفي البيت والاولاد,اقول لك على سر كذا مره ابقى عايزه أدخل التوالت[سوري]
ولاني مشغوله بحاجه اقول بس اخلص دي,ودي تجر دي[كل ده وان ماسكه نفسي]
ما أدخلش الا لما احس ان الكذا كذا[الاندر] اتبل,والناس حتقول لي يا ام................
يا ام اكرم يعني حتقول يا ام ايه؟؟؟؟؟


أهلا أم ....؟؟؟؟.......



طبعا أم أكرم


اخبار صوابعك ايه ؟؟

عاوزة اقولك على نصيحة

ما تتفانيش قوي في خدمة عيالك يعني مش على حساب نفسك لان في الاخير ما كل واحد منهم هيروح لحال سبيله لحياته ((الواد لمراته والبت لجوزها )) وتقعدي انت وابو اكرم بوزكم في بوز بعض

وعلشان ما تكون الصدمة كبيرة عليكي

انا لي صديقة جوزت بنتها وابنها بالجامعة بيدرس طب عقبال ما تشوفي اكرم وامبارح اتصلت بيا وهي بتعيط من عيالها سواء اللى اتجوزت ولا اللى لسه تحت راعيتها .وتقولي شوفي اخر خدمتنا ليهم ايه ؟؟

وانا بصراحة باخد من دي شوية ومن دي تجربة ومن دي حكاية .وبراجع نفسي في اشياء كتير مع اولادي

لان انا من النوع اللى اولادي الاول وفي المقدمة وحياتي لهم فقط .بس حسيت ان العمر بيجري وانت خادمة تحت رجليهم وفي الاخر مش بيعجبهم حاجة.مهما عملتي

[اوزوريس]

مكرر

[اشطر واحدة]

أشطر واحده
يا محاسن الصدف ,انتي بقى خريجة سنة كام؟؟؟
لأ انا لما كنت في مصر كنت بشتغل في كلية النصر لاني خريجة مدارس لغات
واخذت كورس في كلية رياض الاطفال
بس هنا قاعده بقشر بصل

انا يا ستو خريجة سنة 97
و كمان كنت ف مدرسة لغات بس ماخدتش كورس رياض الاطفال دة انتى خدتية فين و الفترة قد اية و بكام و امتى و كدة يعنى ............. قولى كل التفاصيل يعنى

[اشطر واحدة]

الا هو اخبار الحفظ معاكو اية ؟؟

[bintmisr]

bint misr
مصر ولا اسكندريه كلنا حبايب
بس الاسكندراني من بحري وبنحبوه عل الأمه بنستنوه



وماله يا ام اكرم معك حق :):26:

بس تعالى هنا انت فى المغرب وسايبانى لايصة ورا المغربيات على اكلهم
طيب اعملى فى معروف وعلمينى اكلتين مشهورين خلينى اوريهم ان المصريين مش معتمدين عليهم
يعنى علمينى المسمن المقروط اى حاجة جامدة :22:

[bintmisr]

جزاك الله خيرا دة مسجد الفتح اللى فى مصر الجديدة؟ ميدان الحجاز؟

الحمد لله الحفظ تمام وانتى؟


ايمان انتى من هناك انا كنت باشتغل فى مدرسة النزهة وكنت باروح نادى الشمس ضيفة لآن اهل زوجى اعضاء فيه:)

[bintmisr]

أشطر واحده
لازم اكون مذاكره فيزيا كويس,مش انا خريجة اداب



بس حبيت اسجل اسمى فى الرابطة آدااااااااااب يا فندم
بعد التحويل من علووووووووم:(:(

[اوزوريس]

صباح الخير يابنات

ملاحظة ان البنات طفشت مننا

انتم مليتوا مننا ولا ايه؟؟

سنسن ميكرو - سبانش فلاور- رواء الاسلام- الوردة الفريدة- رنون - شرين

وبقية البنات نفر نفر

ياجماعة طيب طمننوا عليكم !!!
ولو بالسلام

[spanishflower]

السلام عليكم يا بناتييت
ازيكم جميعاااااااااااااااا
كلامكم زي السكر فكرتوني بالذي مضي
باقولكم ايه بما اننا كلنا مغتربات اكيد معاكم عرب سواء مصريين او لاء و اكيد مش عاملين صداقات مع كل الناس
المهم خلصينااااااا
لو ناس مش اصحابك و لا اقولكم هاقولكم علي الموقف اللي معايا علي طول ناس مش اصحابي بس الحمد لله كويسين مع بعض و بنتعامل بمعامله الاسلام و الحمد لله
معظمهم يا اما حوامل او ولدوا خلاص و لو كلمت اي واحده اسال عليها الاقي الموضوع بتاع عقبالك و انتي بقي مش هتجيبلنا نونو نلعب بيه و الكلام ده
انا قلت في الاول عادي العرب عرب في اي حته بس انا اللي مش من هنا ماعلينا بس لقيت الموضوع مستفز كل مره و الله
انا بارد ان شاء الله كله في علم الله ربنا يهونها و مره واحده قلتلهم انا بادرس يا جدعاااااااااااان و نفسي بقي اقول ملكومش دعوه بس مش عايزه تطلع مني خالص
امبارح اخر موقف باكلم واحده برضه تقولي يالا شيدي حيلك قولت كبري دماغك و قلتلها ان شاء الله في حياتك
تقولي اه بس عايزنها في حياتي اللي في اليابان مش بعد ما امشي
طيب اقولها ايه دي بقي
انا الحمد لله عندي بنتين و الصغيره لسه هتتم سنتين الشهر اللي جاي ان شاء الله و هما كلهم 3 او 4 او الخامس في السكه
حد يعرف يقول محدش ليه دعوه بالذوق ازاي
و لا اطنش و ارد زي ما بارد و خلاص
اتنقطت

[ايمان بفضل الله]

ايمان انتى من هناك انا كنت باشتغل فى مدرسة النزهة وكنت باروح نادى الشمس ضيفة لآن اهل زوجى اعضاء فيه:)

لا انا من ارض الجولف.. اخيرا لقيت جارة:) :26: اصل هنا كل الشلة اسكند رانية

[ايمان بفضل الله]

أهلا أم ....؟؟؟؟.......



طبعا أم أكرم


اخبار صوابعك ايه ؟؟

عاوزة اقولك على نصيحة

ما تتفانيش قوي في خدمة عيالك يعني مش على حساب نفسك لان في الاخير ما كل واحد منهم هيروح لحال سبيله لحياته ((الواد لمراته والبت لجوزها )) وتقعدي انت وابو اكرم بوزكم في بوز بعض

وعلشان ما تكون الصدمة كبيرة عليكي

انا لي صديقة جوزت بنتها وابنها بالجامعة بيدرس طب عقبال ما تشوفي اكرم وامبارح اتصلت بيا وهي بتعيط من عيالها سواء اللى اتجوزت ولا اللى لسه تحت راعيتها .وتقولي شوفي اخر خدمتنا ليهم ايه ؟؟

وانا بصراحة باخد من دي شوية ومن دي تجربة ومن دي حكاية .وبراجع نفسي في اشياء كتير مع اولادي

لان انا من النوع اللى اولادي الاول وفي المقدمة وحياتي لهم فقط .بس حسيت ان العمر بيجري وانت خادمة تحت رجليهم وفي الاخر مش بيعجبهم حاجة.مهما عملتي

ايوة انا رحت مرة النادى السياحى زمان من 3 سنين كنت فى زيارة كان جميل اوى فعلا المفروض يعملوا بديل.. سمعت عن نادى اسمه The Club ايه نظامه؟؟

[اشطر واحدة]

انتو فين يا بنات !!
و الله قلقتونى عليكم
قاعدين تختفو واحدة ورا التانية

و انتى يا اّنسة كنزى زعلانة انى عايزة اروح ابو ظبى ! اللى يسمع كدة يقول انك ساكنة ف الشقة اللى قصادى دة انا بقالى شهر بتحايل عليكى تزورينى و انتى مطنشة

[أم أكرم ومريم]

bintmisr
على عيني يا ستي,نفسك في ماروزيه؟؟؟رفيسه؟؟؟؟كسكس؟؟؟محنش ه؟؟؟مخرقه؟؟؟
المسمن ساهل بس لازم نوعية دقيق ممتازه [علشان العجين ما يتقطعش]
المسن شبه الفطير المشلتت بتاعنا بس من غيرالسمنه البلدي[اللي بتشر منه]
حطي شوية دقيق ابيض خاص للحلويات, وعليهم رشة ملح واعجني بالماء حتى تكون عجينه شبه الخبز,ولو عندك عجانه اعملي فيها افضل,لوماكنش اعجني بأيدك فتره كافيه
ادهني صينيه زيت وكذلك امسحي أيدك بالزيت وقطعي العجينه كور واتركيها ترتاح شويه
فوق رخامة المطبخ حطي شوية زيت [انا بخلط زيت وسمن علشان يشبه المشلتت]
خذي كوره وبططيها فوق الزيت لغاية ما تكون رقيقه جدا زى ورق الكرواسون
مع اضافة زيت كل ما احتاج الامر واطوي الدائره اللي حصلتي عليها من الجوانب حيطلع لك شكل مربع
اطويه زي الظرف,وضعيه على مقلاه ثقيله بها شوية زيت على نار متوسطه ثم اقلبيها على الوجه
الاخر حتى تمام النضج وطمنيني على النتيجه وبالصحه

[أم أكرم ومريم]

bintmisr
على عيني نفسك في ايه؟؟؟
ماروزيه؟؟؟ رفيسه؟؟؟ باسطيله؟؟؟ محنشه؟؟

[أم أكرم ومريم]

bintmisr
على عيني نفسك في ايه؟؟؟
ماروزيه؟؟؟ رفيسه؟؟؟ باسطيله؟؟؟ محنشه؟؟

[أم أكرم ومريم]

السلام عليكم

[أم أكرم ومريم]

السلام عليكم

[أم أكرم ومريم]

السلام عليكم

[أم أكرم ومريم]

السلام عليكم

[ايمان بفضل الله]

ايمان انتى من هناك انا كنت باشتغل فى مدرسة النزهة وكنت باروح نادى الشمس ضيفة لآن اهل زوجى اعضاء فيه:)


لا انا فى ارض الجولف اخيرا لقيت جارة :) كل الشلة هنا اسكندرانية

[أم أكرم ومريم]

السلام عليكم
مش عارفه ليه المنتدى مش بيقبل رسائلي؟؟

[sunsun_micro]

ezayekom ya gama3a
wa7ashtoooony awy
ana 3arfah eny ba2aly esboo3 makontesh badkhol
bas etlakahamt 3ashan hamaty we okht gozy kano hena we meshyo
bas el mawdoo3 taweel
elmohem ana ma3ako delwa2ty we isa mesh hasebko tany le2any ba7ebeko awy wallahy
sunsun wa7ashteeny we 3amlah eh fel 7aml
spanish
wardah fareedah
madam sherin
om akram we maryam
ashtar wa7dah



السلام عليكم ازيك يا روني وازي احمد وعامله ايه في الحمل وحشتيني والله بس ياالله انا عارفه انك كنت مشغوله وشكرا علي سوءالك يا فندم :26:
zorees
kenzy
rea2 aleslam
yarab makonsh neset 7ad
ba7ebeko fellah:26:

[sunsun_micro]

ezayekom ya gama3a
wa7ashtoooony awy
ana 3arfah eny ba2aly esboo3 makontesh badkhol
bas etlakahamt 3ashan hamaty we okht gozy kano hena we meshyo
bas el mawdoo3 taweel
elmohem ana ma3ako delwa2ty we isa mesh hasebko tany le2any ba7ebeko awy wallahy
sunsun wa7ashteeny we 3amlah eh fel 7aml
spanish
wardah fareedah
madam sherin
om akram we maryam
ashtar wa7dah
zorees
kenzy
rea2 aleslam
yarab makonsh neset 7ad
ba7ebeko fellah:26:



السلام عليكم ازيك يا روني وازي احمد وعامله ايه في الحمل وحشتيني والله بس ياالله انا عارفه انك كنت مشغوله وشكرا علي سوءالك يا فندم :26:

[sunsun_micro]

السلام عليكم جميعا

[اوزوريس]

مش عارفة الموقع ماله

عنده اعراض حمل ولا ايه ؟؟

[أم أكرم ومريم]

السلام عليكم

[أم أكرم ومريم]

مش عارفه ليه المنتدى ما كانش بيظهر كلامي
انا كنت فاكره ان في عطل عندي ,الحمد لله انه اتظبط
وحشتوني

[أم أكرم ومريم]

سبانش
وحشتينا
بصي احسن حاجه في المواقف دي الباقه,يعني تميعي الموضوع وتسوفيه
لان في ناس حشريه وفضوليه ,بس اختاري الالفاظ المناسبه زي ان شاء الله,كله باوانه....وهكذا
وبعدين انا عايزة اسالك سؤال مهم..مش تجيبي لنا حاجه نلعب بها,ولد ,بنت مش مهم
المهم حاجه كويسةmade in japan :09: :22:

[اشطر واحدة]

بصى يا سبانيش انا بيحصل معايا الموقف دة عارفة برد اقول اية ؟؟؟


بقولهم ادعولى


و يفهمو اللى يفهموة بقى :)

[اشطر واحدة]

بس حبيت اسجل اسمى فى الرابطة آدااااااااااب يا فندم
بعد التحويل من علووووووووم:(:(

لو سمحتى يا مدام اللى عايز يقول اداب يقول اداب قسم اية علطول مش حنقعد نسال واحدة واحدة
:22:

[sunsun_micro]

السلام عليكم يا بناتييت
ازيكم جميعاااااااااااااااا
كلامكم زي السكر فكرتوني بالذي مضي
باقولكم ايه بما اننا كلنا مغتربات اكيد معاكم عرب سواء مصريين او لاء و اكيد مش عاملين صداقات مع كل الناس
المهم خلصينااااااا
لو ناس مش اصحابك و لا اقولكم هاقولكم علي الموقف اللي معايا علي طول ناس مش اصحابي بس الحمد لله كويسين مع بعض و بنتعامل بمعامله الاسلام و الحمد لله
معظمهم يا اما حوامل او ولدوا خلاص و لو كلمت اي واحده اسال عليها الاقي الموضوع بتاع عقبالك و انتي بقي مش هتجيبلنا نونو نلعب بيه و الكلام ده
انا قلت في الاول عادي العرب عرب في اي حته بس انا اللي مش من هنا ماعلينا بس لقيت الموضوع مستفز كل مره و الله
انا بارد ان شاء الله كله في علم الله ربنا يهونها و مره واحده قلتلهم انا بادرس يا جدعاااااااااااان و نفسي بقي اقول ملكومش دعوه بس مش عايزه تطلع مني خالص
امبارح اخر موقف باكلم واحده برضه تقولي يالا شيدي حيلك قولت كبري دماغك و قلتلها ان شاء الله في حياتك
تقولي اه بس عايزنها في حياتي اللي في اليابان مش بعد ما امشي
طيب اقولها ايه دي بقي
انا الحمد لله عندي بنتين و الصغيره لسه هتتم سنتين الشهر اللي جاي ان شاء الله و هما كلهم 3 او 4 او الخامس في السكه
حد يعرف يقول محدش ليه دعوه بالذوق ازاي
و لا اطنش و ارد زي ما بارد و خلاص
اتنقطت



السلام عليكم ازيك ياسبانيش والله ليك وحشه
بصي انت تتنرفزي ليه ما انت عندك بينتين ربنا يبارك لك فيهم ممكن تقوليلهم شدو حلكم انتم اكتر انا مديه لنفسي فرصه او قليلهم بضحك مش حابه اتكلم في الموضوع ده دلوقت خالص اصل مش وقته وقفلي علي كده معاهم !!! هما العرب كده يا فندم يحبوا حشر الانف مثلا لما كنت بدرس في الكليه يقولوا لي مفيش عريس في السكه انت مش بتوافقي ليه !! بعد ما خلصت ودخلت علي الماستر اللقي اللي يقولي مش كفايه دراسه وشوفي اللي بيتقدملك محدش لاقي دفرهم !! اتجوزت وكنت بحاول اكمل دراسه القي اللي يقولك مش هتجيبلنا نونو كفايك دراسه وانتم مال اهلكم بيا هوه مفيش غيري !! واديني اتنيلت واتجوزت و حملت ودراستي وشغلي وقفت من ام النق اللي نازل علي راسي منهم وياريت جت لحد كده بس الواحد بيقول الحمد لله علي كل شئ!!!
بيني وبينك ريحي دماغك وقصري معاهم ركزي علي جوزك و البنتين ودراستك اهم شيء واي حد راح يحرق دمك متكلموش والله دول الناس مش بتسيب حد في حاله:26:

[sunsun_micro]

لو سمحتى يا مدام اللى عايز يقول اداب يقول اداب قسم اية علطول مش حنقعد نسال واحدة واحدة
:22:


انا علوم قسم تعليم اداب وسلوكيات:hahaha:

[sunsun_micro]

مش عارفه ليه المنتدى ما كانش بيظهر كلامي
انا كنت فاكره ان في عطل عندي ,الحمد لله انه اتظبط
وحشتوني


لا عندي كمان وحشتيني انت و اوزو و جميع شباب مصر المغتربين:26:

[bintmisr]

لا انا فى ارض الجولف اخيرا لقيت جارة :) كل الشلة هنا اسكندرانية
واااااااااااو يعنى ناحية كلية البنات وقريبة من روكسى واكيد كنتى بتروحى لحلو الصمدى :)
I MISSED MY COUNTRTYYYY:(

[أم أكرم ومريم]

sunsun
وحشتينا وجددتي عليا المواجع
اصلي لما اتخطبت كنت في سنه3 وبعد اليسانس حبيت اعمل دبلومه
قالولي ضل راجل ولا ضل حيطه كفايه سنتين خطوبه اتجوزي واعمليها من بيتك.
اتجوزت وما عملتش غير ملوخيه بالارانب, حملت......ها يا ابو اكرم اسجل؟؟؟؟يا شيخه الولد صغير
وكبر الولد....ها يا ابو اكرم؟؟؟يا شيخه انتي لسه فاكره
وجت الست مريم والسفر والاعباء ذادت
حاليا هوه بيقولي ادرسي عشان تريحي نفسك من الطبيخ والتنظيف...[بعد ما شاب ودوه الكتاب]
سمعتي المثل ده؟؟حاليا كل ثقافتي هي الثوم والبصل والتقليه ده غير مذاكرة العيال وطلبات الباشا
اللي ما بتنتهيش,والله ساعات اقول لهم حرام عليكو دي الشاله بتاخد اجازه وانا لأ.

[الوردة الفريدة]

ازيكم وحشتوني اوي هابص عملتوا ايه اليومين الي فاتوا واجي بس حبيت اسلم عليكم كلكم اول حاجة


http://smilies.sofrayt.com/fsc/bye.gif

[الوردة الفريدة]

انا خلصت الحمد لله امبارح من قريش الى الزلزلة.. مين تانى حفظت غير بنت مصر؟



أنا يا إيمان باحفظ معاكم هتحطيلنا الامتحانات امتى؟

http://islamroses.com/zeenah_images/515.gif
جزاك الله خيرا دة مسجد الفتح اللى فى مصر الجديدة؟ ميدان الحجاز؟


يا بنتي باقولك الجمعية مقرها الاسكندرية الاسسسكندرية

[الوردة الفريدة]

فكرة حلوة يا وردة و انا مستعدة بس استنى بقى اجهزلك حاجات حلوة
و على فكرة حاولى تحطى اسم الموقع ف توقيعك كدة ممكن يشتغل اكتر ( بس انا مش عارفة اذا دة مسموح و الا لا ) !

خلاص يا شطورة مستنياكي ومستنية الحاجات الحلوة

للاسف ده مش مسموح هنا :26:

[الوردة الفريدة]

الورده الفريده
الرابط اللي كتبتيه لي فعلا مفيد,بس حسيت وانا بنقراه,اني بارتكب أخطاء اكثر من ولادي
انا حاسه انك حتكوني ام شاطره وولادها متربيين تمام,لان فعلا الأم مدرسه

الحمد لله انه عجبك وعلى فكرة فعلا الام والاب بيرتكبوا اخطاء اكتر من الولاد:22:

وبجد ميرسي اوي على كلامك انا كتير باتمنى اكون ام عشان اعلم ولادي واربيهم واتعلم معاهم واصلح سلوكيات معينة فيا بس مرات اقول وقت الجد كل ده هيطير وهابقى عايزة ارتاح منهم ومن دوشتهم :hahaha:

[الوردة الفريدة]

أوزوريس
فينك يا جميل؟وحشتينا يا جاره
أشتغل؟؟؟ضحكتيني........ولا عمري فكرت اشتغل من ساعة ما جينا
بس الوقت يكفي البيت والاولاد,اقول لك على سر كذا مره ابقى عايزه أدخل التوالت[سوري]
ولاني مشغوله بحاجه اقول بس اخلص دي,ودي تجر دي[كل ده وان ماسكه نفسي]
ما أدخلش الا لما احس ان الكذا كذا[الاندر] اتبل,والناس حتقول لي يا ام................
يا ام اكرم يعني حتقول يا ام ايه؟؟؟؟؟

الله يكون في عونك بجد بس حاولي تبطلي الموضوع ده لانه مضر جدا وافتكري ان لبدنك عليك حق

[الوردة الفريدة]

صباح الخير يابنات

ملاحظة ان البنات طفشت مننا

انتم مليتوا مننا ولا ايه؟؟

سنسن ميكرو - سبانش فلاور- رواء الاسلام- الوردة الفريدة- رنون - شرين

وبقية البنات نفر نفر

ياجماعة طيب طمننوا عليكم !!!
ولو بالسلام

صباح النور يا اوزا لا طبعا ازاي تقولي كده انا الحمد لله بخير واكيد بس البنات مشغولين شوية انتي عاملة ايه؟

مقلتيش ايه رايك في بروجرام القاهرة عجبك ولا http://smilies.sofrayt.com/%5E/f/wiggle.gif

[الوردة الفريدة]

السلام عليكم يا بناتييت
ازيكم جميعاااااااااااااااا
كلامكم زي السكر فكرتوني بالذي مضي
باقولكم ايه بما اننا كلنا مغتربات اكيد معاكم عرب سواء مصريين او لاء و اكيد مش عاملين صداقات مع كل الناس
المهم خلصينااااااا
لو ناس مش اصحابك و لا اقولكم هاقولكم علي الموقف اللي معايا علي طول ناس مش اصحابي بس الحمد لله كويسين مع بعض و بنتعامل بمعامله الاسلام و الحمد لله
معظمهم يا اما حوامل او ولدوا خلاص و لو كلمت اي واحده اسال عليها الاقي الموضوع بتاع عقبالك و انتي بقي مش هتجيبلنا نونو نلعب بيه و الكلام ده
انا قلت في الاول عادي العرب عرب في اي حته بس انا اللي مش من هنا ماعلينا بس لقيت الموضوع مستفز كل مره و الله
انا بارد ان شاء الله كله في علم الله ربنا يهونها و مره واحده قلتلهم انا بادرس يا جدعاااااااااااان و نفسي بقي اقول ملكومش دعوه بس مش عايزه تطلع مني خالص
امبارح اخر موقف باكلم واحده برضه تقولي يالا شيدي حيلك قولت كبري دماغك و قلتلها ان شاء الله في حياتك
تقولي اه بس عايزنها في حياتي اللي في اليابان مش بعد ما امشي
طيب اقولها ايه دي بقي
انا الحمد لله عندي بنتين و الصغيره لسه هتتم سنتين الشهر اللي جاي ان شاء الله و هما كلهم 3 او 4 او الخامس في السكه
حد يعرف يقول محدش ليه دعوه بالذوق ازاي
و لا اطنش و ارد زي ما بارد و خلاص
اتنقطت

بصي يا ستي قوليلهم الحمد لله على كده او مش بافكر اجيب ولاد دلوقت سبحان الله الثقافة بتختلف من بلد للتانية بعض العرب بيكون عندهم بال 5 وال 6 وعادي لسه شغالين :hahaha:

ممكن تقوليلهم ان المصريين بيجيبوا عيل او 2 والحمد لله على كده وممكن تقوليلهم مش بتسمعوا عن تنظيم الاسرة

ممكن تطنشي بس افضل انك توضحي موقفك عشان مش كل ما يتفتح موضوع الحمل تلاقيهم بيكلموكي نفس الكلام لان الواحد مع التكرار بيتخنق

[الوردة الفريدة]

السلام عليكم
مش عارفه ليه المنتدى مش بيقبل رسائلي؟؟

لما بيكون فيه ضغط على الداتابيس بتحصل شوية لخبطة خصوصا ان مستخدمين عالم حواء وزواره كتير جدا

[الوردة الفريدة]

دي لكل البنات

http://i106.photobucket.com/albums/m258/hany_3h/love/3h026.gif

[اوزوريس]

صباح الخير يا بنات

أخباركم ايه ؟؟

الوردة الفريدة انت كنتي غطسانة فين ؟؟ وياترى عملتي ايه في الاجراءات ؟؟ يالا عاوزينك تروحي للراجل تلاقيه ياولداااااه مشتاقلك كتير ..الله ييسر لك الامور ويجمع شملكم

انا اول ما تزوجت برضة زوجي سافر وسابني في مصر وكنا هنموت على بعض دلوقت بننتظر الاجازة علشان نبعد عن بعض شوية علشان نجدد الشوق.

ام اكرم
صوابعك اخبارها ايه ؟؟ ان شاء الله يكون الجرح التئم .وخلى بالك على نفسك ياماما محدش هينفعك ؟؟

ايمان بفضل الله

والله بعد الايام علشان الاجازة تخلص واشوفك .... وبالنسبة للحفظ انا كنت حافظة قبل كدة كتير من جزء عامة بس للأسف حسام عندة امتحانات وصحيح ابوة بيقعد معاه بس انا لي كام مادة اللى بتابعة مش ابوه علشان كدة متأخرة عليكم شوية................بحصلكم ان شاء الله

سبانش فلاور

انا كمان بعاني من الموضوع وللأسف بنتي ماشية جانبي انسة ويتقال نفس الكلمة _ بس انا برد عليهم _واقول عيب قوي عليا لما اكون بالسن وده وعيالي كبروا واروح احمل واخلف ... والحمد لله فيما رزق
ما تزعليش قوي ..دي عادة العرب ...والكلام ده في بقهم بمناسبة ومن غير مناسبة كأن الحمل والولاده شئ سهل زي غسيل الاسنان ...... انت ردي عليهم وقولي الحمد لله رب العالمين على اللى عندي وربنا يقويني على تربيتهم والعيال دول نصيب.....ولو العملية زادت عن الحد ....اتكلمي بلهجة صارمة شوية وقوليلهم ..انا جاية طالبة علم مش ارنبة..... او قوليلهم انا مستنية انزل مصر اخاف الولد تطلع عيونه (( شبعانه نوم زي اليابانيين ))

بس حلوة من ام اكرم ...Made in Japan


شطورة

مش ناوية تعملي زيارة لأبو ظبي ؟؟ اجازة نص السنة قربت ...... تعالي قضي عندي يومين انت ومعاذ ....غيري جو.

سنسن

ياجماعة البنت على وش ولادة ادعوا لها ييسر لها ولادتها وتقوم بالسلامة ... هي وجميع الحوامل


شرين ورنووووون و رواء الاسلام.وبقية البنات

مختفين بقالهم كام يوم .......اقصد كام اسبوع .........ماحدش يعرف يطمنا عليهم

[ranuna]

وانا لأ؟؟:(

ya 7abeebet alby enty awelhom:26:
ew3y tez3aly menny enty 3arfah el zahaymar
ana a7san7aga ba3d kedah mesh ha2ool asamy 7ad la7san 7ad yez3el meny
matez3alis:26:
la7san a3ayat:icon33:

[ranuna]

ana hena ya gama3a
asl gebt laptop gedeed we tele3 beye3mel aswat kedah we beyhanneg
fa 3asha aghayaroh ba2a akahd wa2t
ento 3amleen eh
we agheeb kedah ala2eeko kolloko nazleen masr:(
3ayzah agy ma3ako:06:

yarab tetbesto fe masr we te7kolna 3amalto eh tab3an:22:
bas el 7awamel fen?
sunsun enty fen we hatewledy emta?
yarab yehaan 3alena kollena

[الوردة الفريدة]

ازيك يا رنونة مبروك على اللابتوب الجديد الحمد لله انك رجعتي تنورينا تاني

متغيبيش عننا تاني باة http://smilies.sofrayt.com/fsc/tulips2.gif

[Kattie]

السلام عليكم للكل

انا عاوزه انضم ليكم...ممكن:) ؟

انا تعبانة جدا ومحتاجلكم وانتوا اخواتي في الغربة وياريت تبقوا معايا على طول.

[ايمان بفضل الله]

اهلا Kattie
:26: :26:
ممكن تعرفينا بنفسك؟ فى اى بلد ؟ بقالك كام سنة؟ سنك؟ متزوجة ؟ عندك اولاد؟ ولو عايزة تتطوعى و تقولى اى اضافة ممكن:)

[اشطر واحدة]

الحمد لله انه عجبك وعلى فكرة فعلا الام والاب بيرتكبوا اخطاء اكتر من الولاد:22:

وبجد ميرسي اوي على كلامك انا كتير باتمنى اكون ام عشان اعلم ولادي واربيهم واتعلم معاهم واصلح سلوكيات معينة فيا بس مرات اقول وقت الجد كل ده هيطير وهابقى عايزة ارتاح منهم ومن دوشتهم :hahaha:

وفى يا بنتى
كلنا كان عندنا احلام و امال فلى تربية عيالنا بس للاسف انهارت على صخرة الواقع ( حلوة صخرة الواقع دى)
اول ما تخلفى بقى تلاقى الرزالة و الغلاسة و العند و الزن و انكد و تحسى ان نفسك تحطيهم ف التلاجة عشان متسمعيش اصواتهم :hahaha:
و انتى يا اوزا لو جيبتلك معاذ و جيت احتمال كبير ان انتى تطفشى من ابو ظبى و يمكن من الامارات كلها اصلك متعرفيش بطووووووس

[أم أكرم ومريم]

kattie
اهلا بك عرفينا عليكي.....بالتفصيل

[اوزوريس]

kattie

اهلا وسهلا فيكي معانا

عرفينا عليك اكتر

[أم أكرم ومريم]

الورده الفريده
ربنا يرزق بالذريه الصالحه,ونقعد جنب الحيطه ونسمع الزيطه[بس يا بت............اسكت يا واد]
وبدل اسمك ما يبقى الورده الفريده يبقى الورده المسكينه.
وبرضه ما تلاقيش وقت تدخلي ال.......

[أم أكرم ومريم]

أشطر واحده
انتي ليه مركزه على التدريس؟؟؟؟انت عندك لغه وكمبيوتر......
فكري في شركات السياحه.......تعرفي تحجزي تذاكر طيران؟؟؟
اهي دي احسن من التدريس وفلوسها اكتر
بس انتي ابحثي وما تيأسيش

[أم أكرم ومريم]

رنونا
مبروك الاب توب وعقبال حمص السبوع.

[رواء الاسلام]

ازيكم يا بنات مصر في الغربة كلكم بدون ذكر اسماء لاني بانسى جامد جدا اليوين دول

معلش غبت عنكم بس ابني الصفير كان عنده دور ترجيع وحش اوي و الحمد لله انا اخدته منه

سبانش

عرفة لما حد يكلمني في الموضوع ده
اقولهم لا انا مش عايزة دلوقت خالص لما عمرو يكبر شوية ان شاء الله و اقدر اشم نفسي سنة بعد ما يدخل الحضانة ابقى افكر اجيب تاني ان شاء الله الا طبعا اذا ربنا اراد
بس دلوقت جوزي اللي بيزن على الموضوع ده قلتله لما ابقى انسى شوية حمل وولادة عمرو ابقى اجيب ان شاء الله لاني تعبت اوي في عمرو

[أم أكرم ومريم]

ايمان بفضل الله
اخبار الحفظ ايه؟؟؟الله يقويكم

[أم أكرم ومريم]

رواء الاسلام
ساعات الاقي واحده حملت,وكاننت بتشتكي من الحمل والولاده السابقه
استغرب ازاي عملتها تاني يقولو اصل دي الساعه المنسيه
يعني عذاب الولاده مجرد [ساعه وتتنسي]

[أم أكرم ومريم]

اوزوريس
كتبت لك على الخاص,اصل المنتدى كان امبارح [كارفني]

[اشطر واحدة]

أشطر واحده
انتي ليه مركزه على التدريس؟؟؟؟انت عندك لغه وكمبيوتر......
فكري في شركات السياحه.......تعرفي تحجزي تذاكر طيران؟؟؟
اهي دي احسن من التدريس وفلوسها اكتر
بس انتي ابحثي وما تيأسيش

بصى يامجود
انا اصلا اخدت كورسات فى حجز تزاكر الطيران و اشتغلت ف مصر كام شهر كدة
بس مشكلتى انى ام موسوسة و بعدين مقدرش اسيب ابنى لحد الساعة 6 لوحدو خاصة ان جوزى بيرجع من شغلو بعد 10 مساء
و كمان شركات السياحة بتشتغل 2 شيفتس يعنى من 9 ل 2 و من 5 ل 8 او 9 معرفش يعنى عايزة حد متفرغ و لو اشتغلت بارت تايم المرتب مش حيفرق كتير
و ما تنسيش ان اول ما مازو يدخل المدرسة حيبقى عندو 3 شهور اجازة ف السنة و حعمل فيهم اية دول بقى !!
شفتى العملية مكركبة ازاى...

[رواء الاسلام]

رواء الاسلام
ساعات الاقي واحده حملت,وكاننت بتشتكي من الحمل والولاده السابقه
استغرب ازاي عملتها تاني يقولو اصل دي الساعه المنسيه
يعني عذاب الولاده مجرد [ساعه وتتنسي]
هو انا معنديش مانع اجيب تاني بالعكس انا عايزة اجيب اتنين كمان( و يا رب يطلعوا بنات)

انا بس عايزة اصبر شوية لحد ما الصغير يكبر و يشد حيلة و يبتدي يعتمد على نفسه شوية

[كنزي1]

ازيكم يابنات عاملين اية

الف سلامة عليكي انت وعمرو يارواء وربنا يرزقك بالبنتين ان شاء الله

ماتزعليش ياشطورة

ان شاء الله نتقابل قريب بس انا كنت تعبانة اليةمين الي فاتو دول علي طول عندي مغص معرفش لية

انا اليومين دول عندي حالة غريبة مش طايقة البيت ولا الاكل ومش عايزة اعمل حاجة

تفتكرو دة من الحمل ولا لية سبب تاني

[spanishflower]

السلام عليكم
ازيكم يا بناتيت
النهارده رديييت
قلتلها ربنا يقدري بس و اربي البنتين تربيه صالحه و يدخلوني الجنه ان شاء الله
اتقلب الموضوع الي ان شاء الله و ربنا يبارك
و دمتم
هيه هيه شفتوا الشطاره؟
الورده الفريده في مصريين برضه بيقولوا كده
انا برضه زيك يا رواء نفسي ان شاء الله اجيب اتنين كمان بس شويه لما اخلص ان شاء الله

[كنزي1]

ازيك ياسبانيش
عاملة اية فين الملف بتاع الدعوات ياجميل

وكمان عايزة منك طريقة البيتزا الي بالزبادي

[spanishflower]

ازيك يا كنزي
ملف الدعوات في السكه ان شاء الله بس و الله اتشغلت خالص و ربنا يهون ان شاء الله
البيتزا
انا باعمل المقادير دي و بتطلع 2 من الحجم الكبير
380 جم دقيق
معلقه كبيره خميره فوريه
3 معالق كبيره زبده
معلقه سكر و معلقه ملح
و بودره توم و اوريجانو في العجينه برضه
و جزء من الجبنه المبشوره و حطي زبادي يعني مثلا كوبايه ( اصل اللي عندي هنا علب بالنص كيلو) و اعجني و شوفي لو خلاص او كي لو لسه ناشفه زودي زبادي
و اعجني خاللللللللللللللللص و سيبيها تخمر و افرديها و حطيها في الفرن 250 مئوي 25 دقيقه
و اللي عليها من فوق اللي يعجبك بصله و فلفل اخضر و مشروم و طماطم و فراخ او سوسيس و زيتون و الجبنه و رشي عليها رشه زعتر او اوريجانو فوق الجبنه
بالهنا و الشفا

[spanishflower]

هو السيد العضو المدعو
شيرين ام ادهم راحت فييييييييييين؟
لتكون ولدت زي دارين؟

[كنزي1]

مرسي ياجميل

[dooo]

ازيكم يا حلوين عاملين ايه كلكم و خصوصا ام اكرم ومريم ......... ميرسي علي سؤالك علية ........

انا تمام الحمدلله بس كنت مشغولة مع ابني في المذاكرة عنده امتحنات اليومين دول و لسة هيخلص الاسبوع اللي جاي ان شاء الله ........ و طبعا عندنا في السعودية بداية اجازة الويك اند ............

و ابني الصغير مججنني و جايبلي اكتئاب فظييع شقي شقي موووووت و كل يوم لازم واخد عقاب في المدرسة و مش بيسمع كلام الميس و خلاص هعيط منه بجد ............ و كل يوم قبل لما ينزل لازم اديله الوصايا العشر و طبعا حاضر يا ماما و كل يوم لما يرجع اسأله اخدت عقاب النهاردة يرد اه يا ماما اهئ اهئ اهئ ........... علي فكرة هو عنده خمس سنيين و هو في البيت مش شقي او بصراحة مش عارفة ليه في المدرسة كده ............

الظريف بقي في الموضوع اني نفسي اجيب بيبي تالت و طبعا جوزي مش عايز (بس مش بمزاجه ( : )

اصلي بصراحة نفسي اوي في بنت و لو اني شكلي مباجيبش غير خناشيييير .

هسيبكم دلوقتي و ارجع لكم تاني .......

[مدام شيرين_ام ادهم]

اناااااااااااااا جييييييييييييييييييييت

ياااااااااااااه والله فيكم الخير 00بتسالوا علياااااااا

والله العظيم وحشتونىىى اوىىىىىىىىىىىىىىىىى

كنت مفتقداكم جميعا نااااااااااااافر ناااااااافر

بس اصل اولا الكرت بتاعى كان خلص 00دودو بلغتكم طبعا

وحالتى النفساويه كانت نيلاويه خالص
لما سبت الملف قلت ده احنا خليناه ملتقى الاحبه المكتئبين خخخ
رجعت لقيته ملتقى الاحبه المبرنشقين (محدش يسال يعنى ايه) انا بقول اهو

وعمالين تتكلموا عن المصريين فى الغربه وليه واخدين سمعه وحشه
والله حرام عليكم
المصريين واخدين سمعه وحشه





















دى سمعه زى الزفت والبلانك كمان

وخلاص بقى نقفل على الموضوع ده







بس ان شاء الله ليا رجعه تانى واتابع معاكم من اول وجديد00ارحمنا يارب

سبانش
وكنزى
واوزا
وام اكرم
وام منه
وجولدى
وشطوره
وسن سن
رواء
ايمان
وكلللللللل حبايبى
وحشتونى وحشتونى وحشتووووووووووووووووونى
وخايفه انسى حد بس والله وحشتونىىى

[sunsun_micro]

sunsun
وحشتينا وجددتي عليا المواجع
اصلي لما اتخطبت كنت في سنه3 وبعد اليسانس حبيت اعمل دبلومه
قالولي ضل راجل ولا ضل حيطه كفايه سنتين خطوبه اتجوزي واعمليها من بيتك.
اتجوزت وما عملتش غير ملوخيه بالارانب, حملت......ها يا ابو اكرم اسجل؟؟؟؟يا شيخه الولد صغير
وكبر الولد....ها يا ابو اكرم؟؟؟يا شيخه انتي لسه فاكره
وجت الست مريم والسفر والاعباء ذادت
حاليا هوه بيقولي ادرسي عشان تريحي نفسك من الطبيخ والتنظيف...[بعد ما شاب ودوه الكتاب]
سمعتي المثل ده؟؟حاليا كل ثقافتي هي الثوم والبصل والتقليه ده غير مذاكرة العيال وطلبات الباشا
اللي ما بتنتهيش,والله ساعات اقول لهم حرام عليكو دي الشاله بتاخد اجازه وانا لأ.


والله يافندم ربنا وقعني في شر اعمالي كنت ديما اقول انا اتجوز ليه اتجننت انا احب مين ده اتهبلت انا اتجوزت العلوم وبردوه زوجي كان بيقول نفس الكلام لحد ما وقعنا في بعض ولا مفر :42: :hahaha:

[sunsun_micro]

:26: انت اللي وحشتيني اكتر ياشرين يا رب تكون كويسه

[sunsun_micro]

رنونا وحشتيني انت وسبانيش واوزو

[اشطر واحدة]

رنونا وحشتيني انت وسبانيش واوزو


:( و انا موحشتش حد :44:

[أم أكرم ومريم]

dooo
وحشتينا.......واللي بيحصل مع ابنك ده عادي
خصوصا انه هادىء في البيت ف يروح المدرسه يطلع الطاقه اللي عنده على جتت الميس ياعين امها
خرجيه في الاجازه وهدي حيله في اللعب,عشان يروح المدرسه مفهوش حيل يشاغب

[أم أكرم ومريم]

سنسن وسبانش
بجد كان الله في عونكم,دراسه وبيت واولاد
صعبه مش كده

[أم أكرم ومريم]

شطوره
انا اعرف ان في السعوديه ممكن واحده تستضيف في بيتها اطفال[بأجر]
هو الكلام ده مش موجود عندكم؟؟؟؟؟؟؟؟؟

[أم أكرم ومريم]

رواء الاسلام
هو ابنك عمره كام سنه؟؟
لو مقرره تجيبي تاني [بامر الله] يبقى ما تبعديش الفتره اوي لاني بااعاني من كده
الفرق بين الولد والبنت 7 سنين ف لما جت مريم اخوها قال اعمل بيها ايه؟انا عايز حد العب معاه
يعني لما يكون الفرق معقول بيقدروا ينسجموا مع بعض

[أم أكرم ومريم]

شيرين
بنحسبك سهتينا وعملتيها.......نفسويتك وروحك[المعدنيه] اخبارهم ايه؟؟

[ranuna]

gama3a 7ad 3ando khebra fel computrat?
asl ana lessa gayba laptop we 3andy key bored araby ya3ny monfasela
we ba7awel akteb beeha mesh 3ayez yekteb 3araby
elly te3raf tefedny bellah 3aleko te2olly

[bintmisr]

bintmisr
على عيني نفسك في ايه؟؟؟
ماروزيه؟؟؟ رفيسه؟؟؟ باسطيله؟؟؟ محنشه؟؟

تسلم لى عيونك يا سكرررررررررة
وصلنى المسمن وفى الطريق للتنفيد

[bintmisr]

دي لكل البنات

http://i106.photobucket.com/albums/m258/hany_3h/love/3h026.gif


ميرسى يا وردة على الوردة انتى تخصصك علم نفس اصلى حسيت من الردين اللى السابقين ياريت تقوللى لى :26:

[bintmisr]

سلالالالالالالالالالالالالالام لكل الناس اللى بيسلموا عليا واللى مش معبرنى سلام عليكم كلكم


نداء لمن تعرف بالضبط النهارده كام دوالقعدة دوخت والنتائج هنا لخبطتنى خااااااااالص

[sunsun_micro]

:( و انا موحشتش حد :44:

لا والله وحشتيتني موووت والله يا شطوره

[sunsun_micro]

سنسن وسبانش
بجد كان الله في عونكم,دراسه وبيت واولاد
صعبه مش كده

بصي يا ميجوو والله العمليه لو منظمه ينفع ونصف بس المشكله مثلا معايا اني عاوزه اكمل بس بعد الولاده بسنه او كده عشان اخد بالي من البيبي لما تيجي مش مشكله بس مشكلتي اني حاسه اني مش عندي ارداه دلوقتي وكل ما احاول اذاكر احس بالهم ليه هتسالي وهقولك جالي احباط من المشاكل اللي عندي وملاحقاني ما يعرفها الا ربنا وطبعا قلت الحيله لا اله الا الله ولا حول ولا قوه الابالله بجد والله انا حزينه من اللي بيحصل في الدنيا !!!

[sunsun_micro]

سلالالالالالالالالالالالالالام لكل الناس اللى بيسلموا عليا واللى مش معبرنى سلام عليكم كلكم


نداء لمن تعرف بالضبط النهارده كام دوالقعدة دوخت والنتائج هنا لخبطتنى خااااااااالص

مين ده يا فندم اللي مش معبرك هوه احنا نقدر ده كلام خدي دي:26:

[sunsun_micro]

سلالالالالالالالالالالالالالام لكل الناس اللى بيسلموا عليا واللى مش معبرنى سلام عليكم كلكم


نداء لمن تعرف بالضبط النهارده كام دوالقعدة دوخت والنتائج هنا لخبطتنى خااااااااالص


‏8 من ذى القعدة 1427 هـ الأربعا ء
اي خدمه:26:

[اشطر واحدة]

لا والله وحشتيتني موووت والله يا شطوره

يا رب متحرمش منك يا سنسون و يهونها عليكى يا رب

[اشطر واحدة]

يا مجوود انا مستحيل يجيلى قلب اسيب ابنى عند حد غريب
كمان معاذ حرك اوى و مش بيقعد ساكت و بصراحة اخاف علية

[اوزوريس]

gama3a 7ad 3ando khebra fel computrat?
asl ana lessa gayba laptop we 3andy key bored araby ya3ny monfasela
we ba7awel akteb beeha mesh 3ayez yekteb 3araby
elly te3raf tefedny bellah 3aleko te2olly

شوفي يا ستي لازم تحميلي العربي من اللاب واليكي الطريقة وان شاء الله تنفع واكون فهمت اللى انت عاوزاه

افتحي sitting وبعدين control panel وبعدين regional and languages هيطلع لك صفحة فيها ثلاث اختيارات فوق ...اختاري languages هيطلع لك صفحة فيها details دوسي عليها وبعدين اختاري setting هيطلع لك شريط مكتوب فيه english وامامه united staes افتحيه واختاري اللغة العربية وبعدها دوسي add هتلاقي input language اختاري منها اللغة العربية وبعدين اعملي ok

وبعدها اغلقي كل الصفحات وعلى البار تحت هيكون عندك اختيارين الانجليزي والعربي من الايقونة بتاعة اللغة

ان شاء الله يظبط معاكي

[اوزوريس]

يا بنات

عندي سؤال لكم كلكم بالنسبة لما تنزلوا مصر هل احساسكم بيختلف بالحياة هناك عن حياة الغربة

انا مثلا بحس اني صغرت 10 سنين وليا بابا وماما وبحس بجو الاسرة الكبيرة وخصوصا لما بنتلم انا واخويا واختي وبلاقي حد ادلع عليه

لكن في الغربة بحس اني كبيرة وربما عجوزة وبشعر بالمسئولية الكبيرة اللى فوق راسي

هل انتم كمان بتحسوا بده ؟؟

كل واحدة تكتب الاختلاف في الاحساس من اي ناحية

[ranuna]

اوزورييييييييييييييييييييييييي ييييييييييييييييييييييييس
شكرا شكرا شكرا يا امراديني ياستي بكتبلك بالعربي شوفتي باه:26:
انامبسوطه كنت حاسه اني متقيده كده ومش واخده راحتي في الكلام:eek:

NOOOOO MOOOORE ENGLISH
جزاكي الله كل الخير :26:
قولولي مبروووووووووووووووك:22:

[ranuna]

يا بنات

عندي سؤال لكم كلكم بالنسبة لما تنزلوا مصر هل احساسكم بيختلف بالحياة هناك عن حياة الغربة

انا مثلا بحس اني صغرت 10 سنين وليا بابا وماما وبحس بجو الاسرة الكبيرة وخصوصا لما بنتلم انا واخويا واختي وبلاقي حد ادلع عليه

لكن في الغربة بحس اني كبيرة وربما عجوزة وبشعر بالمسئولية الكبيرة اللى فوق راسي

هل انتم كمان بتحسوا بده ؟؟

كل واحدة تكتب الاختلاف في الاحساس من اي ناحية



انا بصراحه لسه ماجربتش الاحساس ده لأني لسه جايه ولسه مانزلتش مصر
بس انا حاسه ان ده هيبقي احساسي لما انزل هتدلع طبعا:22:
اشوف ماماواهلي واصحابي وكلهم طبعا هيتجنوا عليا:22: ماصدقت بأه
عارفين والله مش احلي حاجه لمل تنزلي مصر تلاقي الناس كلها عايزه تعد معاكي وكل صحابك يقدوا اكبر وقت معاكي,مش كده احلي
يعني غير لمل تبقي وسطهم ومعاهم كل واحد مشغول شويه وماعندهومش وقت وصعب تشوفوا بعض غير كل فين وفين

اما لما انتي تنزلي كوللوهم طبعا هيفضوا نفسهم عشانك
يعني,انا مش باقول ان الغربه احلي ولا حاجه,انا بس باقول ان برده فيه مميزات
انتو ايه رأيكوا؟

[اوزوريس]

اوزورييييييييييييييييييييييييي ييييييييييييييييييييييييس
شكرا شكرا شكرا يا امراديني ياستي بكتبلك بالعربي شوفتي باه:26:
انامبسوطه كنت حاسه اني متقيده كده ومش واخده راحتي في الكلام:eek:

NOOOOO MOOOORE ENGLISH
جزاكي الله كل الخير :26:
قولولي مبروووووووووووووووك:22:


الف الف مبروك يا رنون

[اوزوريس]

صباح الخير يا بنات

اخباركم ايه ؟؟

ان شاء الله الكل يكون بخير

انا قلت اصبح على الماشي ..............

[رواء الاسلام]

رنونا وحشتيني انت وسبانيش واوزو

ايه ده و انا لا يعني
طيب انا مقموص هه

[رواء الاسلام]

شيرين

حمد لله على السلامة يا جميل وحشتينا اوي

ام اكرم

انا ابني الصغير لسة سنة و نصف و باقول ان شاء الله اعمل فرق 4 سنين بينه و بين اللي جاي

اوزا

انا بصراحة لما بانزل مصر مش بابقى عايزة ارجع
متدلعة على الاخر و كل اخواتي عايزين بس يعملولي اللي انا عايزاه انا و الاولاد
الاولاد تقريبا مش باشوفهم
معنديش شغل البيت كله فوق دماغي
ده غير كمان اذا صادفت و بابا كان موجود بيدلعني اخر دلع لصراحة

[اشطر واحدة]

سؤالك قلب لمواجع يا اوزا
ماما توفت السنة اللى فاتت و انا ف الغربة
و اصحابى تقريبأ كلهم سافرو مش فاضل غير واحدة بس ف مصر و بتشتغل ف الاكاديمية و عندها بيت و ابن و مش فاضية خااااااااالص يعنى بنتقابل ثوانى و خلاص و احيانا و الله مش بنرف نشوف بعض
و اّخر واحدة من اصحابى حتتجوز الشهر دة و مسافرة القاهرة غير كدة عندى 2 فى امريكا و واحدة ف السعودية و واحدة ف الكويت ( ياغلبى يانى) و الباقى اختفو ......
لما بنزل مصر غالبا بقعد مع امهاتهم :)

يعنى نزول مصر بالنسبة لى اكترار ذكريات و بروح بيتنا القديم و بشوف اخواتى وقرايبنا و خلاص