بنات مصر في الغربه [الارشيف] - صفحة رقم 8

رواء الاسلام

24-11-2006, 12:59

ازيك يا اوزا
المانيا بتسلم عليكي
انا تمام الحمد لله و المانيا تمام
و شكرا على النصيحة يا فندم

ايمان بفضل الله

24-11-2006, 14:54

أيمان بفضل الله
انا أول واحده بصحى من النوم واخر واحده بنام وطول النهار عامله زي الثور اللي مربوط في ساقيه
حاحكي لك على موقف
شهر ابريل الماضي كان عند ابني امتحان السفاره وكان صابح عنده امتحان الساينس
ولانه محتاج يقعد يركز قلت اعمله سندوتش كبده يكله بسرعه بدل ما يقعد معانا ويضيع وقت
وانا بقطع قرن الفلفل علشان اتبلها قطعت صبعي واتخيط خياطه داخليه لانه جرح عميق
طبعا ربطت ايدي وحال البيت وقف ،بابا اكرم تطوع انه يغدينا بسرعه وقل لي اطلعي استريحي
لقيت مريم طالعه تقولي الحقي بابا حيغدينا [عشا] في الاول ما فهمتش
ولما لقيته فتح تونه وفول وقلى بيض فهمت قصدها اصل التونه والحاجات دي للعشا مش غدا
ويوم اجازته حب يطبخ طنجرة الضغط انفجرت وطرطشت على الحيطه وبهدلت البوتجاز
عارفه قال لي ايه؟؟
ماجده،[اسمي] انتي الوحيده اللي ما عندهاش الحق في المرض
طولت عليكي معلش

يياه انتى فعلا عليكى ضغط كبير اوى ممكن تعلميهم فى الاجازة ايه رأيك؟؟

ايمان بفضل الله

24-11-2006, 15:02

يا كل البنات
عايزه أسالكم عن زكاة المال؟؟ هل بتطلعوها عندكم[كل واحده في البلد اللي هي في]
ولا من رأيكم لما ننزل مصر[هما اولى]؟؟
جوزي بيطلعها هنا وانا شايفه ان مستشفى سرطان الاطفال اولى
وكل سنه على الحيره دي انتم رايكم ايه؟؟

بصراحة انا شايفة ان اهل مصر اولى و الفقراء و المحتاجين هناك اكتر و احنا بنطلعها هناك بس مشتشفلى السرطان سمعت ان فيها سرقة كتير شوفى لو تعرفوا فقراء تعطوهم الفلوس بنفسكوا احسن

لكن زكاة الاعياد فى البلد اللى انتى فيها و الله اعلم

اشطر واحدة

24-11-2006, 16:01

بالنسبة للتجمع في مصر بإذن الله

كل واحدة تشوف هتنزل امتى .....وطبعا بينا النت ....

اللى موافق يقول

OK

OK
:)

bintmisr

24-11-2006, 20:00

سلاما عليكم جميعااااااااااا
اعدروووونى للغياب لكن الكمبيوتر السبب
بارك الله لك فى معاااااااااااااااااااااااااااا د يا ام معاد
ان شاء الله انا معكم فى الحفظ ويارب يوفقنا جميعا
زوزوزوزو حزنتيييييييينى على حال المصريات عندك كثير
الظاهر كان نصيبك مش ولابد معهن
وعلى فكرة انا اؤمن بمسألة الفروق الفردية يعنى كل شخص يختلف عن الاخر
وده ينطبق فى الدوق والنظافة والكلام وووووووووووووووو

الوردة الفريدة

24-11-2006, 20:31

بصراحة انا شايفة ان اهل مصر اولى و الفقراء و المحتاجين هناك اكتر و احنا بنطلعها هناك بس مشتشفلى السرطان سمعت ان فيها سرقة كتير شوفى لو تعرفوا فقراء تعطوهم الفلوس بنفسكوا احسن

لكن زكاة الاعياد فى البلد اللى انتى فيها و الله اعلم

السلام عليكم

مستشفى سرطان الاطفال جمعوا على حسه مش هاقول مليارات بس خلينا نقول ملايين بس شعار اتبرع ولو بجنيه ده شعار ذكي جدا لان اعلانات المستشفى كانت بتستهدف الاطفال قبل الكبار عشان يتبرعوا بالجنيه يعني فاكرين اعلان الولد اللي زمايله كانوا زعلانين عليه في الفصل افتكر بنت خالي اول ما شافته عيونها دمعت وراحت جابت حصالتها قالت لمامتها خدي كل الفلوس وديهالهم يعني مفيش حد فينا متبرعش لمستشفى السرطان ولو بجنيه

المشكلة انهم بعد ما كملوا المباني بيطالبوا الناس تتبرع دلوقت عشان الاجهزة

ما علينا خلاصة القول : زكاة المال الافضل انكم تتحروا ناس محتاجة فعلا فيه جمعيات شرعية بتوزع الزكاة على الايتام والاسر المحتاجة في صورة ملابس واغطية واكل وعلاج يعني الافضل تدوروا على جمعية شرعية من دول وتدوها فلوس الزكاة وهما يوزعوا الفلوس لمستحقيها

وانا اعرف جمعية شرعية امي بتتعامل معاهم لو تحبوا اجيب لكم عنوانها وتليفونها اجيبه

أم أكرم ومريم

24-11-2006, 20:31

أوزوريس
لآ مش مسألة شغاله ولا فلوس.
مسألة انهم اتعودوا على أنك تعملي بأيدك كل حاجه
ماهي جت الشغاله لما كنت تعبانه [يعني حاعمل ايه]؟؟
أبو اكرم كان بيشم هدومه ويقولي ريحتها متغيره
رغم انها نفس الغساله والمسحوق
وكان بيشطف الكوب والطبق قبل ما ياكل رغم انها نفس الدش واشر
بس سيبك عرفوا امتي الكام يوم دول

أم أكرم ومريم

24-11-2006, 20:33

اه نسيت اقول ok

الوردة الفريدة

24-11-2006, 20:33

الرسالة الأصلية كتبت بواسطة اوزوريس »
بالنسبة للتجمع في مصر بإذن الله

كل واحدة تشوف هتنزل امتى .....وطبعا بينا النت ....

اللى موافق يقول

طيب واللي قاعد دلوقت في مصر فيه حد فيكم نازل الشهر ده؟

الوردة الفريدة

24-11-2006, 20:44

أيمان بفضل الله
انا أول واحده بصحى من النوم واخر واحده بنام وطول النهار عامله زي الثور اللي مربوط في ساقيه
حاحكي لك على موقف
شهر ابريل الماضي كان عند ابني امتحان السفاره وكان صابح عنده امتحان الساينس
ولانه محتاج يقعد يركز قلت اعمله سندوتش كبده يكله بسرعه بدل ما يقعد معانا ويضيع وقت
وانا بقطع قرن الفلفل علشان اتبلها قطعت صبعي واتخيط خياطه داخليه لانه جرح عميق
طبعا ربطت ايدي وحال البيت وقف ،بابا اكرم تطوع انه يغدينا بسرعه وقل لي اطلعي استريحي
لقيت مريم طالعه تقولي الحقي بابا حيغدينا [عشا] في الاول ما فهمتش
ولما لقيته فتح تونه وفول وقلى بيض فهمت قصدها اصل التونه والحاجات دي للعشا مش غدا
ويوم اجازته حب يطبخ طنجرة الضغط انفجرت وطرطشت على الحيطه وبهدلت البوتجاز
عارفه قال لي ايه؟؟
ماجده،[اسمي] انتي الوحيده اللي ما عندهاش الحق في المرض
طولت عليكي معلش

الف سلامة عليكي معلش انا دايما كل ما ادخل المطبخ اجرح نفسي برضو

بنتك عسولة اوي ضحكت لما بتقول بابا هيغدينا عشا :hahaha: بس انا هاقولك زي إيمان لازم تعوديهم حبة حبة وممكن تبدأي بان كل واحد يساوي سريره مثلا ويحضروا معاكي العشا او كل يوم يكون حد معاكي يساعدك يودي على السفرة او يناولك حاجة الموضوع ده هيحسسهم بالمشاركة وهايكون ممتع ومع الوقت هيريحك من حاجات كتير

كنت حطيت لينك موضوع عن ازاي نغير سلوكيات اولادنا في برنامج عملي بجد الموضوع مفيد جدا اتمنى تقريه يا ميجو وتطبقي على ولادك :)

أم أكرم ومريم

24-11-2006, 21:02

الورده الفريده ايمان بفضل الله
بصراحه أنا السبب ماكنش يعجبني تسوية سرير اكرم اقول له سيبه بلا عك
حتى البت ربنا يستر ومططعلش معفنه أصل السنه دي وانا مصر ماما قالت مثل
لما شافت ان كسل ولادي بيذيد[بنت الشاطره خايبه]سمعتيه قبل كده؟
طب يا ريت اعرف البروجرام اللي حيعلمهم التعاون.

اوزوريس

24-11-2006, 23:40

طيب واللي قاعد دلوقت في مصر فيه حد فيكم نازل الشهر ده؟

:)

يارييييييييييييييييييييييييت

للأسف انحرمنا من النزول في هذا التوقيت

كنت زمان بنزل في شهر 9 و10 احلى توقيت البلد مش بتكون زحمة

لكن دلوقت المدارس ربطتتنا

ان شاء الله لما ننزل تعالى التجمع أهلا وسهلا

اوزوريس

25-11-2006, 00:05

الورده الفريده ايمان بفضل الله
بصراحه أنا السبب ماكنش يعجبني تسوية سرير اكرم اقول له سيبه بلا عك
حتى البت ربنا يستر ومططعلش معفنه أصل السنه دي وانا مصر ماما قالت مثل
لما شافت ان كسل ولادي بيذيد[بنت الشاطره خايبه]سمعتيه قبل كده؟
طب يا ريت اعرف البروجرام اللي حيعلمهم التعاون.

فعلا (( بنت الشاطرة خايبة )) لان الام مش بيعجبها عمايل عيالها ....فتعمل بإيدها كل حاجة

ودي نفس الغلطة اللى عملتها انا ............وفعلا لما بنزل مصر بيعايبوا على عيالي

ولسه انا وابو العيال بنتكلم في الموضوع ده وبيقولي علمي تسنيم شغل المطبخ

لانها دخلت تقلي بيض ..........عملته بدون سمن .......ولما عرفت ان لازم نحط سمنة .على نفس الطاسة حطت سمنة وحطت عليها بيضة تاني

يعني عك في عك

وطبعا مفيش وقت .....ده احنا يادوب وقت المذاكرة مش بيكفي

بس انا عملت كذا حاجة بتسهل عليا شوية

احنا مانزلناش السنة دي مصر ....طبعا كل واحد ملتزم بغرفته ونظافتها

من مسح غبار ومسح المرايات وكنس وكانوا مريحني في الموضوع ده ....وقت الغدا انا احضر وانادي يحولوا وبعد مانخلص يحولوا على المطبخ .......

صحيح حاجات بسيطة بس بتشيل من عليكي شوية

انت شوية شوية ابدأي بحاجات بسيطة وماتزعليش انهم مش بيعملوها ميه بالميه بعد فترة هيتقنوا ويتعلموا

الوردة الفريدة

25-11-2006, 00:10

الورده الفريده ايمان بفضل الله
بصراحه أنا السبب ماكنش يعجبني تسوية سرير اكرم اقول له سيبه بلا عك
حتى البت ربنا يستر ومططعلش معفنه أصل السنه دي وانا مصر ماما قالت مثل
لما شافت ان كسل ولادي بيذيد[بنت الشاطره خايبه]سمعتيه قبل كده؟
طب يا ريت اعرف البروجرام اللي حيعلمهم التعاون.

معلش كل حاجة في الاول صعبة بس في الاول مش يعجبك بكرة يعمل احسن من اليوم اللي قبله لحد ما يتعودوا ويعملوا كل حاجة تمام وقوليلهم حديث ان الله يحب إذا عمل احدكم عملا ان يتقنه وخليهم يعملوا اي حاجة كويس ومش اي كلام

كمان فيه جداول بتتعلق للاولاد بيكون فيها مهام يومية وكل ما يخلصوا مثلا اسبوع يكون لهم هدية او طلب يطلبوه يعني نوع من التشجيع وتخلي اكرم ومريم يتسابقوا مين يكون أشطر اخ نفسي اجيب ولاد اجرب فيهم واتعلم معاهم :hahaha: اصلي مؤمنة ان الام بتتعلم حاجات كتير اوي وهي بتعلم ولادها

الموضوع ده صدقيني هيفيدك اوي بس المهم التطبيق يا جميل

كيف نربي السلوكيات الحسنة في أولادنا (برنامج عملي لمدة اربعة اسابيع) (http://forum.hawaaworld.com/showthread.php?t=631927)

وعلى فكرة انا اول مرة اسمع المثل بس يمكن لان الشاطرة مش بتدي فرصة لبنتها تعمل حاجة فممكن تخيب :22:

الوردة الفريدة

25-11-2006, 00:13

:)

يارييييييييييييييييييييييييت

للأسف انحرمنا من النزول في هذا التوقيت

كنت زمان بنزل في شهر 9 و10 احلى توقيت البلد مش بتكون زحمة

لكن دلوقت المدارس ربطتتنا

ان شاء الله لما ننزل تعالى التجمع أهلا وسهلا

اوزا الجميلة للاسف انا هاكون سافرت لجوزي على ما ييجي الصيف او على الاقل باتمنى اكون سافرت ههههههههه

معلش بكرة ولادكم يخلصوا مدارس وتنزلوا مصر في وقت ان شاء الله

سبحان الله كنت بارد على ام اكرم ومريم لقيت فيه من كلامك شبه اللي كنت باقوله :26:

على فكرة انا من سموحة

اوزوريس

25-11-2006, 01:35

اوزا الجميلة للاسف انا هاكون سافرت لجوزي على ما ييجي الصيف او على الاقل باتمنى اكون سافرت ههههههههه

معلش بكرة ولادكم يخلصوا مدارس وتنزلوا مصر في وقت ان شاء الله

سبحان الله كنت بارد على ام اكرم ومريم لقيت فيه من كلامك شبه اللي كنت باقوله :26:

على فكرة انا من سموحة

احنا المفروض نعمل تجمع للاسكندرنيات :22:

يا ستي نتمنى من الله يسهل لك الاحوال ..ولو مالناش نصيب نشوفك الاجازة دي نشوفك الاجازة اللى جاية

بصراحة يا بنات انا لما بنزل ماليش اصدقاء نهائي وبكون مخنوقة جدا لان معرفش حد اخرج معاه

صديقاتي القدما كل واحدة راحت في ناحية وغير كدة النفوس اتغيرت والافكار اتغيرت والعقلية كمان اتغيرت فلما تشوفيهم تحسي انك جاية من كوكب تاني

يعني انا الناس الوحيدين اللى بحس اني مندمجة معاهم وبنتكلم في كل الامور بدون مايستغربوا انت بتقولي ايه....نسايب أختي ((زوجها واخته وزوجها وحماها وحماتها)) ما شاء الله عليهم

لكن الباقي انت في وادي وهما في وادي تاني

يمكن ده سبب من الاسباب اللى ماحبتش انزل السنة دي

انا هنا ليا صديقات كتير .ولو حتي ما اتقابلنا بنتواصل بالتليفون ..يعني بتقدري تتسلي

لكن في مصر
:( :( :(

علشان كدة حابة اعمل صدقات من اول وجديد

وعلى فكرة مش هتندموا بصداقتي

ده انا

http://up.q82.net/file.php?eup=25118626290733.gi f

ايمان بفضل الله

25-11-2006, 08:31

فعلا (( بنت الشاطرة خايبة )) لان الام مش بيعجبها عمايل عيالها ....فتعمل بإيدها كل حاجة

ودي نفس الغلطة اللى عملتها انا ............وفعلا لما بنزل مصر بيعايبوا على عيالي

ولسه انا وابو العيال بنتكلم في الموضوع ده وبيقولي علمي تسنيم شغل المطبخ

لانها دخلت تقلي بيض ..........عملته بدون سمن .......ولما عرفت ان لازم نحط سمنة .على نفس الطاسة حطت سمنة وحطت عليها بيضة تاني

يعني عك في عك

وطبعا مفيش وقت .....ده احنا يادوب وقت المذاكرة مش بيكفي

بس انا عملت كذا حاجة بتسهل عليا شوية

احنا مانزلناش السنة دي مصر ....طبعا كل واحد ملتزم بغرفته ونظافتها

من مسح غبار ومسح المرايات وكنس وكانوا مريحني في الموضوع ده ....وقت الغدا انا احضر وانادي يحولوا وبعد مانخلص يحولوا على المطبخ .......

صحيح حاجات بسيطة بس بتشيل من عليكي شوية

انت شوية شوية ابدأي بحاجات بسيطة وماتزعليش انهم مش بيعملوها ميه بالميه بعد فترة هيتقنوا ويتعلموا

ليه مش بتعلميهم فى اجازة الصيف؟؟

ايمان بفضل الله

25-11-2006, 08:34

السلام عليكم

مستشفى سرطان الاطفال جمعوا على حسه مش هاقول مليارات بس خلينا نقول ملايين بس شعار اتبرع ولو بجنيه ده شعار ذكي جدا لان اعلانات المستشفى كانت بتستهدف الاطفال قبل الكبار عشان يتبرعوا بالجنيه يعني فاكرين اعلان الولد اللي زمايله كانوا زعلانين عليه في الفصل افتكر بنت خالي اول ما شافته عيونها دمعت وراحت جابت حصالتها قالت لمامتها خدي كل الفلوس وديهالهم يعني مفيش حد فينا متبرعش لمستشفى السرطان ولو بجنيه

المشكلة انهم بعد ما كملوا المباني بيطالبوا الناس تتبرع دلوقت عشان الاجهزة

ما علينا خلاصة القول : زكاة المال الافضل انكم تتحروا ناس محتاجة فعلا فيه جمعيات شرعية بتوزع الزكاة على الايتام والاسر المحتاجة في صورة ملابس واغطية واكل وعلاج يعني الافضل تدوروا على جمعية شرعية من دول وتدوها فلوس الزكاة وهما يوزعوا الفلوس لمستحقيها

وانا اعرف جمعية شرعية امي بتتعامل معاهم لو تحبوا اجيب لكم عنوانها وتليفونها اجيبه

ممكن ترسليه ليه على الخاص؟؟

ايمان بفضل الله

25-11-2006, 08:44

فعلا (( بنت الشاطرة خايبة )) لان الام مش بيعجبها عمايل عيالها ....فتعمل بإيدها كل حاجة

ودي نفس الغلطة اللى عملتها انا ............وفعلا لما بنزل مصر بيعايبوا على عيالي

ولسه انا وابو العيال بنتكلم في الموضوع ده وبيقولي علمي تسنيم شغل المطبخ

لانها دخلت تقلي بيض ..........عملته بدون سمن .......ولما عرفت ان لازم نحط سمنة .على نفس الطاسة حطت سمنة وحطت عليها بيضة تاني

يعني عك في عك

وطبعا مفيش وقت .....ده احنا يادوب وقت المذاكرة مش بيكفي

بس انا عملت كذا حاجة بتسهل عليا شوية

احنا مانزلناش السنة دي مصر ....طبعا كل واحد ملتزم بغرفته ونظافتها

من مسح غبار ومسح المرايات وكنس وكانوا مريحني في الموضوع ده ....وقت الغدا انا احضر وانادي يحولوا وبعد مانخلص يحولوا على المطبخ .......

صحيح حاجات بسيطة بس بتشيل من عليكي شوية

انت شوية شوية ابدأي بحاجات بسيطة وماتزعليش انهم مش بيعملوها ميه بالميه بعد فترة هيتقنوا ويتعلموا

اوزوريس و ام اكرم
اقروا كدة القصة دى:
انا اعرف واحدة شخصيا عندها ولدين و ماعندهاش بنات خالص كانت بتعلمهم فى الاجازة الصيفية كل اعمال البيت من تنظيف و غسيل و طبيخ حتى شراء الخضار علمتهم ازاى تنقيته و شراء السمك و اللحم و كل حاجة بادق التفاصيل! وهى كانت شاطرة اوى بصراحة و تنظيفها مية مية و اكلها كمان لدرجة ان الاولاد طلعوا و لا اجدع ستات بيوت ما شاء الله دى كمان علمت جوزها ازاى يعمل اصناف حلو ! و عاملة كشكول مكتوب فيه طرق الاصناف دى و بعدين تخيلوا ايه اللى حصل؟

الست دى اتوفت و سابت ولادها و هم فى سن الجامعة زعلوا عليها طبعا و مازالوا بس هى علمتهم ازاى يديروا حياتهم و بيتهم و نظام البيت ماتغيرش من ساعة مااتوفت! حتى مشغولاتها و اكسسورات اليبت كلها فى مكانها.. فعلا ما شاء الله و لا حول و لا قوة الا بالله.. على فكرة كانت بتشتغل كمان وكيلة مدرسة..

اشطر واحدة

25-11-2006, 10:35

صباح الخير يا حلوين

البنات بتوع الامارات متعرفوش اى جريدة بتحط اعلانات الوظايف ؟؟ غير gulf news
او اذا تعرفو موقع كمان بيطلب مدرسات

و بالنسبة للحلوين اللى بيعملو اشغال يدوية عايزين نشوف طريقة للتسويق ياللا يا بنات شدو الهمة بدل ما احنا قاعدين كدة عالة عالمجتمع

أم أكرم ومريم

25-11-2006, 11:24

الورده الفريده
يارب يارب يرزقك يا حبيبتي بالذريه الصالحه
تروحي لجوزك بألف سلامه مع ان كان نفسي اشوفك في الصيف
لاننا جيران يا دوب تعدي كوبري سموحه انا من كليوباترا الحمامات
تعرفي شارع عمر الخيام؟؟؟أو شارع الجمال؟؟

أم أكرم ومريم

25-11-2006, 11:36

ايمان بفضل الله
عندك حق في اللي قلتيه، تصدقي احيانا بسرح واقول طب لو حصل لي حاجه
العيال دي حتعمل ايه؟؟؟
كثير نصحوني باني اهداشويه خصوصا ان ضغطي عالي
السنه دي وانا في مصر عملت شوية تحاليل وكانت نصيحة الدكتور اني ما خدش كل حاجه على اعصابي
ساعتها ماما أنبتني وقلت لي شاطره جالك الضغط هوه ده النيشان اللي حصلتي عليه
بس بجد حان وقت التغير

اوزوريس

25-11-2006, 11:37

ليه مش بتعلميهم فى اجازة الصيف؟؟

مش بينفع في الاجازة لان بنكون في مصر وانا عادة بنزل مباشرة بعد الامتحانات ممكن بعد ما نخلص بيوم او يومين ..يعني الاجازة بنبدأها في مصر وبرجع قبل المدارس بأسبوع

والحياة في مصر مختلفة تماما وانا مش بكون فاضية للتعليم ولا فيا دماغ وحياتنا بتنقلب ومفيش نظام ومش بتقدري تسيطري على اي حاجة .......بيناموا بالنهار وطول الليل صاحيين ....فالنسبة لي صعب

بريح دماغي واعمل انا كل حاجة وخلاص .........حتى شغل الشغالات انا بعتمد على نفسي ...وقليل جدا بخلي شغالة تيجي ...........خلاص اتعودت اعمل كل حاجة بإيدي

انا مرة ماما جابت لي شغالة وكل ما تعمل حاجة ارجع اعيد عليها ....في الاخر زهقت مني وقالتلي طيب انت جيباني ليه؟؟

نفسي أقعد هانم والشغالة تعمل كل حاجة

ده يوم ما الشغالة تيجي عندي.ماحدش يقدر يفرق بينا ....انا الشغالة ولا هيه :22:

بس هقولك على حاجة يا ايمان امبارح كانت صديقة بنتي جاية لها ...ماشاء الله لاقيت البنت قامت عملت غرفتها بإتقان غريب وضبطت غرفة القاعدة وكانت نشيطة

وبعدين البنت اعتذرت وقالوا هيتقابلوا في المول

بنتي زعلت وقالت ياخسارة تعبت نفسي:(

الموضوع كله كسل منهم .............. وانا هطلع عينها في الاجازة

أم أكرم ومريم

25-11-2006, 11:49

أوزوريس
أسكندريه ماريا وتربها زعفران
برافو انك تقدري تصمدي سنتين بدون نزول أن شاء الله نتبسط مع بعض في مصر
قولي لي انت مشتركه في نادي في اسكندريه؟؟
أسيبكم بقى احسن حاغديهم النهارده كسكسي وده ليلته طويله باي وحرجع بعد الظهر

اوزوريس

25-11-2006, 11:50

صباح الخير يا حلوين

البنات بتوع الامارات متعرفوش اى جريدة بتحط اعلانات الوظايف ؟؟ غير gulf news
او اذا تعرفو موقع كمان بيطلب مدرسات

و بالنسبة للحلوين اللى بيعملو اشغال يدوية عايزين نشوف طريقة للتسويق ياللا يا بنات شدو الهمة بدل ما احنا قاعدين كدة عالة عالمجتمع

عليكي بالوسيط

اوزوريس

25-11-2006, 11:56

أوزوريس
أسكندريه ماريا وتربها زعفران
برافو انك تقدري تصمدي سنتين بدون نزول أن شاء الله نتبسط مع بعض في مصر
قولي لي انت مشتركه في نادي في اسكندريه؟؟
أسيبكم بقى احسن حاغديهم النهارده كسكسي وده ليلته طويله باي وحرجع بعد الظهر

للأسف مش مشتركين لحد دلوقت

بس الاجازة الماضية كنا هنشترك في واحد عند كارفور واختي قالتلي انه حلو قوي وانضف من سموحة بس المشكلة انك بعد فترة هيغلقوا النادي وما لكيش حق ملكية وكان سعره ممتاز حوالى 12 الف بس حسبناها لاقيت ان سنتين مش هنستفاد منه

بس السنة دي لازم نشترك في حاجة لان مش بعرف اروح فين في الاجازة بالعيال ؟؟

بالنسبة لسموحة انا اختي لها عضوية هناك .........يعني لو حابين نتقابل فيه مفيش مشكلة

واللى تعرف حاجة عن اي نوادي جديدة بالاسكندرية تقوللي .....

اوزوريس

25-11-2006, 11:58

الورده الفريده
يارب يارب يرزقك يا حبيبتي بالذريه الصالحه
تروحي لجوزك بألف سلامه مع ان كان نفسي اشوفك في الصيف
لاننا جيران يا دوب تعدي كوبري سموحه انا من كليوباترا الحمامات
تعرفي شارع عمر الخيام؟؟؟أو شارع الجمال؟؟

انا عرفته يا جميل

اكيد عارفة الدفراوي

انا زوجي من شارع ارمنت

om mena

25-11-2006, 13:40

السلام عليكم صباح الفل علي احلي بنات قصدي مدامات وحشتوني جدا:26:
بس والله كنت ابص بصه سريعه كل يوم واطمن عليكم بس كنت مشغوله لدرجة اني اكتب ردود انتم عاملين ايه كلكم
مبروك الف مبروك لدارين وحمدا لله علي السلامه وربنا يتم نفاسك علي خير:26: :26:
موضوع حفظ القرآن فكره رائعه ويا رب ابتدي معكم
بنات مو ضوعاتكم كلها حلوه وكإننا في مصر اشطر واحدة ربنا يعوضك بشغل احسن ان شاء الله
الحوامل شرين ور نا ومين كمان حامل ربنا يقويكم بالسلامه:26: :26:
الاسكندرانيه اخباركم ايه انامعاكم في سموحه في اكثر المناطق ازعاجا في اسكندريه في ابراج السرايا امام جرين بلازا اهههههههههههه:09:
ان شاء الله نلاقي شقه تانيه وبالنسبه للنوادي يا ريت اللي تعرف تقولنا:26:

اوزوريس

25-11-2006, 13:46

السلام عليكم صباح الفل علي احلي بنات قصدي مدامات وحشتوني جدا:26:
بس والله كنت ابص بصه سريعه كل يوم واطمن عليكم بس كنت مشغوله لدرجة اني اكتب ردود انتم عاملين ايه كلكم
مبروك الف مبروك لدارين وحمدا لله علي السلامه وربنا يتم نفاسك علي خير:26: :26:
موضوع حفظ القرآن فكره رائعه ويا رب ابتدي معكم
بنات مو ضوعاتكم كلها حلوه وكإننا في مصر اشطر واحدة ربنا يعوضك بشغل احسن ان شاء الله
الحوامل شرين ور نا ومين كمان حامل ربنا يقويكم بالسلامه:26: :26:
الاسكندرانيه اخباركم ايه انامعاكم في سموحه في اكثر المناطق ازعاجا في اسكندريه في ابراج السرايا امام جرين بلازا اهههههههههههه:09:
ان شاء الله نلاقي شقه تانيه وبالنسبه للنوادي يا ريت اللي تعرف تقولنا:26:

فينك من زمان مختفية

جرين بلازا......الله يعينك

بس حلو جرين بلازا ...عجبنا خالص لانه مفتوح

كنزي1

25-11-2006, 13:49

ازيكم يابنات عامليين اية
اية دة بقي دة مش تجمع المصرين المغتربين لاء
دة تجمع الاسكندرانية
علي فكرة انا من القاهرة بس بموت في حاجة اسمها اسكندرية حتي جوزي كمان نفس الحكاية
كان نفسنا نسكن فيها بحس براحة غريبة فيها معرفش لية

اشطر واحدة

25-11-2006, 13:50

الوسيط فاشل يا اوزا
انا عندى اكتئاب :(
حالة ملل مش طبيعية و مش لاقية حاجة اعملها

كنزي1

25-11-2006, 13:52

رانيا
انت فين ومختفية لية
وفين ياجميل الملف الخاص بالدعاء
وعايزة منك حاجة كمان مقادير البيتزا الي بتتعجن بالزبادي ومرسي ياجميل

أم أكرم ومريم

25-11-2006, 17:50

أوزوريس
طبعا اعرف الدفراوي[آمال بجيب حليب منين] وفرن مصباح على شماله والفرن البلدي على يمينه
واعرف شارع ارمنت،أصلنا ساكنين كليوباترا من زمان وجدود جدودي من هناك
أحتمال جوزك يعرف علي فضل او محمود فضل
بالنسبه للنادي تقصدي الاجون بس انت فهمتي غلط هوه مش حيقفل لأ حتخده وزارة الشباب والرياضه
لكن الاعضاء حيفضلو اعضاء هوه حلو بس بالنهار لكن بعد المغرب الناموس هراني
وبعدين ماينفعش العيال تروح لوحدها لأن لازم سياره
انابحب الاتحاد السكندري هو مش زي سموحه لكن محترم وماتلاقيش مخدرات بين الشبان زى
النوادي التانيه وبعدين انا اتحداويه متعصبه
واحسن حاجه لما اقول لاكرم خد اختك وروحو النادي بيروحو بالترام وبكون مطمنه عليهم
ما تشغليش بالك بمكان اللقاء احنا بس نلم بعض ونتفق على ميعاد

أم أكرم ومريم

25-11-2006, 17:57

om mena
أنا خالتك ام اكرم[اكبر واحده في القعده دي]قولي لنا ظروف اجازتك ايه؟؟؟
يعني حتقدري تكوني معانا في مصر ولا ايه؟؟؟

أم أكرم ومريم

25-11-2006, 18:00

كنزى 1
هما كده الاسكندرانيه بيتجذبو لبعض
آمال ايه ميه مالحه وبنات فالحه

أم أكرم ومريم

25-11-2006, 18:05

أشطر واحده
ربنا معاك اوعي تستسلمي للملل
انت فعلا اسم على مسمى كل ما تلاقي مدرسه حطي السي في بتاعك وبعدين رزقكم في السماء وماتدعون صدق الله العظيم

الوردة الفريدة

25-11-2006, 21:16

السلام عليكم ورحمة الله

ازيكم يا جماعة كلكم انا معلش مشغولة شوية باحفظ ههههه

لما اخلص هاجي ارد عليكم نفرة نفرة وهبابعت لك يا ايمان عنوان الجمعية وتليفونها ورقم حسابها كمان

سلام مؤقت جدا

اشطر واحدة

25-11-2006, 21:22

مساء الخير يا بنات
انتو اختفيتو لية النهاردة ؟؟
بتحفظو ؟ طيب
الحمد لله انا حفظت اّخر 9 سور و سمعتهم كمان
مين كمان حفظ و سمع ؟

بصراحة و للامانة انا حفظاهم من قبل كدة بس راجعت عليهم :)

الوردة الفريدة

25-11-2006, 21:30

السلام عليكم يا شطورة

براااااافوا عليكي بس للامانة يعني كلنا حافظينهم وبنراجع بس لسه مش سمعتهم

اتمنى انك تلاقي شغل قريبا قريبا إن شاء الله

اوزوريس

26-11-2006, 00:00

ازيكم يابنات عامليين اية
اية دة بقي دة مش تجمع المصرين المغتربين لاء
دة تجمع الاسكندرانية
علي فكرة انا من القاهرة بس بموت في حاجة اسمها اسكندرية حتي جوزي كمان نفس الحكاية
كان نفسنا نسكن فيها بحس براحة غريبة فيها معرفش لية

كنزي

اسكندرية مافيش حد ماعشقهاش ارجعي للتاريخ من اول الاسكندر الاكبر

:)

عموما نحن نوجه لك الدعوة للحضور :22:

اوزوريس

26-11-2006, 00:04

الوسيط فاشل يا اوزا
انا عندى اكتئاب :(
حالة ملل مش طبيعية و مش لاقية حاجة اعملها

عادي كلنا بيمر علينا ايام اسود من قرن الخروب

بس هتعملي ايه؟؟لازم تعملي اي حاجة تطلعي من المود

بكرة معاذ يدخل المدرسة وياخد كل وقتك

اوزوريس

26-11-2006, 00:11

أوزوريس
مش عايزه تقولي انت منين؟؟

يقطع الزهايمر وسنينه

معلش اتأخرت عليكي في الرد

انا ياستي من اخر حته بالاسكندرية .....واتذكر اسمها بالتاريخ...........وفيها موقعة بحرية ...غرق فيها الاسطول الفرنسي بعد ما الاسطول البريطاني دغدغه

مين الشاطرة اللى هتعرفها ؟؟

اللى كان بيذاكر تاريخ هيعرف يجاوب:22:

om mena

26-11-2006, 00:39

ابو قيرررررررر

الوردة الفريدة

26-11-2006, 01:35

تمام هيا أبو قير فكرتيني بأيام الاكاديمية يا أوزا

اوزوريس

26-11-2006, 05:59

ابو قيرررررررر

:26:

ايوة ابوقير

اوزوريس

26-11-2006, 06:08

تمام هيا أبو قير فكرتيني بأيام الاكاديمية يا أوزا

انت كنتي بالاكاديمية البحرية

قوليلي ايه نظام الدراسة هناك ؟

يمكن نحتاجها في يوم ما....!!

كل سنة لما بننزل مصر عيالي بيروحوا كورس انجليزي بتعمله الجامعة الامريكية بس في ميامي لان انا شقتي ( اخر العصافرة ) هناك بيني وبينها الكوبري بستغل فرصة انها قريبة عليا ومنها الاولاد يستفادوا لان الاجازة طويلة.... ومنها ارتاح منهم شوية ال3 ساعات دول.:22:

وهما كمان بيحبوا يرحوا علشان ماعندهمش أصدقاء خالص في مصر .....وفي نفس الوقت مش بيحبوها علشان دراسة

والبنات اللى بيدرسوهم زي العسل :26:

اوزوريس

26-11-2006, 06:09

ياترى البنات راحوا فين ؟؟

سلامي للجميع نفراية نفراية

ومين اللى عليها الدور تفقس ؟؟

الوردة الفريدة

26-11-2006, 07:16

اوزا الجميلة ازيك؟

درست في ابو قير 6 شهور فيها تخصصات كتير جدا هندسية وادارة اعمال ونقل بحري ودولي وكده

نظم سمستر دراسي كل سمستر 1800 تقريبا وبيختلف من تخصص للتاني وطبعا السنة 2 سمستر ومرات بيعملوا سمستر صيفي ده نظام الدراسة العادي والماجستير وكده

طبعا الكورسات اللي بتتكلمي عنها في ميامي وهيا تبع الجامعة الامريكية مركز خدمة المجتمع والتعليم المستمر فيه هناك كورسات كتير جدا كمبيوتر وانجلش 20 مستوى قبل التويفل غير المحادثة طبعا وكمبيوتر كتير جدا برمجة وجرافيك وتصميم مواقع وكل اللي يخطر في بالك حتى كورسات السي ام ايه بتاعة البورصة فيه في الاكاديمية وكورسات حجز التذاكر والكرجو بجد كمية كورسات رهيبة واسعارها معقولة جدا وعدد ساعاتها كتير وبيكون فيه وقت في الكورس للتدريب

ممكن ياخدوا كورسات كمبيوتر كمان مع الانجليزي أوفيس يعني وورد واكسل وباور بوينت

بس المكان اللي في الاكاديمية الي انصحك تبعدي عنه هو برومترك ميكروسوفت الكورسات هناك متخصصة جدا وغالية جدا ومركزة ومستواها عالي يعني الواحد يكون متخصص قبل ما ياخد الكورسات دي

طبعا اكيد ولادك بيندمجوا مع الشباب هناك لان اغلبهم عرب بس الدراسة خفيفة ولذيذة والمكان كمان والمعدات ممتازة

كان هذا التقرير النصف سنوي من الاكاديمية البحرية للعلوم والتكنولوجيا والنقل البحري بالاسكندرية

http://smilies.sofrayt.com/fsc/tv.gif

ايمان بفضل الله

26-11-2006, 08:15

ازيكو يا بنات انتو خلاص عملتوا قافلة عشان كلكوا من اسكندرية!:( طيب اللى من القاهرة تعمل ايه؟:30:

الوردة الفريدة و اشطر واحدة
انا حفظت لغاية سورة قريش زى الجدول الحمد لله يالله شدوا حلكوا النهاردة على فكرة مش صعب خالص مش كدة؟
يظهر ان مفيش غيرنا احنا التلاتة بنحفظ!
اشطر واحدة انا كمان بدور على شغل بس بارت تايم و مش لاقية البيت فعلا ملل بس حفظ القران بيملأ الوقت شوية و بحاول اقرأ التفسير
كمان بحاول انزل امشى شوية الجو هايل دلوقتى
انتى فى الشارقة مش ابو ظبى صح؟

bintmisr

26-11-2006, 08:32

السسسسسسسسسسسسسسسسلام عليكم يا بناتيت القاهرة والاسكندرية ومصر كلهااااااااا
انا من القاهرة يا ايمان ولو انى دلوقتى بقيت اقول انا مسلمة ومش بتفرق من مصر ولا من الهند الاسلام هنا عزيز عشان كده احنا متمسكين بكلمة انا مسلم

المهم انا اساسا من عشاق الاسكندرية وعشت فيها الكثير واسعد ايام حياتى
وصاحباتى اغلبهم من اسكندرية لدرجة ان كل لما اقابل واحدة جديد تطلع اسكندرانية
اه اه انا كمان بحفظ وراجعت 6 سور الاولى
يعنى السبت والاحد

زوزو وبعدين انتى وام اكرم هو من لقى احبابه نسى اصحابه احنا لسه هناااااااااااااااااااااااااااا اااا
سبانش قالت بنات مصرررررررررر مش بس اسكندرية:)

على فكرة مامتى فيها فرع اسكندرانى :)

Goldy

26-11-2006, 09:41

السلام عليكم ورحمة الله وبركاته

ازيكم يا بناتيت وحشتونى جدا
أم اكرم ومريم ربنا ما يحرمنا منك ومن سؤالك علينا وألف سلامة على صوابعك.
أوزا وحشتينى لسه مستنية تشوفى هنتقابل امتى
شطورة متزعليش نفسك ان شاء الله تلاقى شغل قريب ممكن تسجلى فى www.bayt.com
S.O.S
عندهم دلوقتى عندهم سكشن للتدريس، على فكرة لا اللى بيشتغل مرتاح ولا اللى قاعد فى البيت مرتاح كله محصل بعضه.:(
الوردة الفريدة اخبارك واخبار سموحة ايه على فكرة انا خواتى كانوا أكاديمية واحد كان فى بيزنس والتانى ملاحة، يعنى أبو قير وميامى.
بنت مصر ازيك عاملة ايه شاكلك زعلانة من الوضع الحالى بس نعمل ايه حسبنا الله ونعم الوكيل.
كنزى 1 ازيك عاملة ايه
فين شيرين يا جماعة
ايمو وحشتينى
زكل البنات الحلوين اللى مشاركين فى الموضوع ازيكم.

اشطر واحدة

26-11-2006, 18:52

هو فية اية !!

طب و ربنا و ربنا شكلكو كلكو هربانين عشان محدش يقولوكو سمعو .......صح؟ :22:

ماشى يا بنات

اوزوريس

26-11-2006, 19:04

ازيكو يا بنات انتو خلاص عملتوا قافلة عشان كلكوا من اسكندرية!:( طيب اللى من القاهرة تعمل ايه؟:30:

الوردة الفريدة و اشطر واحدة
انا حفظت لغاية سورة قريش زى الجدول الحمد لله يالله شدوا حلكوا النهاردة على فكرة مش صعب خالص مش كدة؟
يظهر ان مفيش غيرنا احنا التلاتة بنحفظ!
اشطر واحدة انا كمان بدور على شغل بس بارت تايم و مش لاقية البيت فعلا ملل بس حفظ القران بيملأ الوقت شوية و بحاول اقرأ التفسير
كمان بحاول انزل امشى شوية الجو هايل دلوقتى
انتى فى الشارقة مش ابو ظبى صح؟

ايمان الله ينور عليكي ماشية مع الجدول

لو بتحبي القراءة مكتبة جرير اللى في جمعية الميناء بيعملوا كل فترة عروض هايلة على الكتب وخصوصا الدينية المجلدات والمجموعات وكمان نسخة فاخرة

اوزوريس

26-11-2006, 19:07

السسسسسسسسسسسسسسسسلام عليكم يا بناتيت القاهرة والاسكندرية ومصر كلهااااااااا
انا من القاهرة يا ايمان ولو انى دلوقتى بقيت اقول انا مسلمة ومش بتفرق من مصر ولا من الهند الاسلام هنا عزيز عشان كده احنا متمسكين بكلمة انا مسلم

المهم انا اساسا من عشاق الاسكندرية وعشت فيها الكثير واسعد ايام حياتى
وصاحباتى اغلبهم من اسكندرية لدرجة ان كل لما اقابل واحدة جديد تطلع اسكندرانية
اه اه انا كمان بحفظ وراجعت 6 سور الاولى
يعنى السبت والاحد

زوزو وبعدين انتى وام اكرم هو من لقى احبابه نسى اصحابه احنا لسه هناااااااااااااااااااااااااااا اااا
سبانش قالت بنات مصرررررررررر مش بس اسكندرية:)

على فكرة مامتى فيها فرع اسكندرانى :)

احنا نقدر نستغنى يا عسل

ولا بنت من البنات نستغني عنها

بس هي بلديات زوجي خخخخخخخخخخخ

على فكرة انا الاجازة الصيفية كنا بنقضي نصها في القاهرة لان ماما من هناك ((ميت عقبة)) وياما اتسنحكنا عند نادي الزمالك والترسانة وميدان سيفنكس والسينما اللى هناك شافت مننا ايام

اوزوريس

26-11-2006, 19:08

هو فية اية !!

طب و ربنا و ربنا شكلكو كلكو هربانين عشان محدش يقولوكو سمعو .......صح؟ :22:

ماشى يا بنات

:22:

زي ماتقولي حاجة زي كدة

اوزوريس

26-11-2006, 19:14

بنات القاهرة

انا أعرف ان السياحة كلها في القاهرة وسمعت ان فيها سناتر مش موجودة في ابوظبي

ممكن كل واحدة من القاهرة تكتب لي الماكن اللى ممكن نروحها

انا نفسي نقضي اسبوع هناك بس مش عارفة نروح فين ونيجي منين ؟؟

وايه الاوتيلات الحلوة ؟؟

ودار الدفاع حلوة ولا لاْ

انا كنت بنزل كل سنة في الصيف ولي زكريات حلوة كتير في القاهرة

وخصوصا في الحسين:22:

ياريت كل واحدة تتحفنا باللى تعرفه علشان اعمل قائمة بالاماكن اللى نزورها

اوزوريس

26-11-2006, 19:18

يابنات فينكم

اظهر وبان عليك الامان

أم أكرم ومريم

26-11-2006, 20:10

اوزوريس
عرفت حل الفزوره
انتي من مدينه ساحليه بناها الاسكندر واعطاها اسمه,تعتبر العاصمه الثانيه لمصر
وقعت بها معركه بحريه غرق بها الاسطول الفرنسي,وقعد نابليون يعيط
هي اخر محطه للقطار,بها جزيرة نيلسون وزفريون بتاع السمك
بس بس بس [انتي من شارع رمسيس بلاقصر]

أم أكرم ومريم

26-11-2006, 20:12

اوزوريس
انا لما اتجوزت سكنت في سيدي بشر[عبد الناصر]
يعني برضه جيران

أم أكرم ومريم

26-11-2006, 20:14

جولدي
وحشتينا لاتحرمنا من أنسك تاني يا جميل

أم أكرم ومريم

26-11-2006, 20:18

الورده الفريده
ربنا يجمعك بجوزك على خير ويرزقك بالذريه الصالحه

أم أكرم ومريم

26-11-2006, 20:25

bint misr
مصر ولا اسكندريه كلنا حبايب
بس الاسكندراني من بحري وبنحبوه عل الأمه بنستنوه

أم أكرم ومريم

26-11-2006, 20:35

ايمان بفضل الله
فعلا البنات دي شكلها بتهرب من الحفظ ومش نافع معاهم غير الفلكه
الجزء اللي كان مكتوب في الجدول كنت حفظاه ربنا يقدرني واتابع

الوردة الفريدة

26-11-2006, 20:51

الوردة الفريدة و اشطر واحدة
انا حفظت لغاية سورة قريش زى الجدول الحمد لله يالله شدوا حلكوا النهاردة على فكرة مش صعب خالص مش كدة؟
يظهر ان مفيش غيرنا احنا التلاتة بنحفظ!

اهلا إيمان إزيك؟ أخبار الحفظ معاكي ايه النهاردة؟

شوفي هاحط لك هنا عنوان الجمعية الشرعية يمكن حد من البنات ياخد عنوانها كمان طبعا مقر الجمعية الاسكندرية

الجمعية الشرعية لتعاون العاملين بالكتاب والسنة
فرع باب شرق - مسجد الفتح
16 ش المستشفى الإيطالي - مسجد الفتح
ت/ 4272121 - 4241145
0105073092
رقم الحساب البنكي: 51466 بنك القاهرة - فرع سيزوستريس

الوردة الفريدة

26-11-2006, 21:10

الوردة الفريدة اخبارك واخبار سموحة ايه على فكرة انا خواتى كانوا أكاديمية واحد كان فى بيزنس والتانى ملاحة، يعنى أبو قير وميامى.

وكل البنات الحلوين اللى مشاركين فى الموضوع ازيكم.

اهلاجولدي ازيك سموحة كويسة بتكون زحمة اوي خميس وجمعة وسبت

تعرفي انا برضو درست في الاتنين ابو قير وميامي وكنت مرات اطلع من ابو قير اروح كل في ميامي

ايام حلوة وصعبة في نفس الوقت :22:

الوردة الفريدة

26-11-2006, 21:11

هو فية اية !!

طب و ربنا و ربنا شكلكو كلكو هربانين عشان محدش يقولوكو سمعو .......صح؟ :22:

ماشى يا بنات

:hahaha:

الوردة الفريدة

26-11-2006, 21:22

بنات القاهرة

انا أعرف ان السياحة كلها في القاهرة وسمعت ان فيها سناتر مش موجودة في ابوظبي

ممكن كل واحدة من القاهرة تكتب لي الماكن اللى ممكن نروحها

انا نفسي نقضي اسبوع هناك بس مش عارفة نروح فين ونيجي منين ؟؟

وايه الاوتيلات الحلوة ؟؟

ودار الدفاع حلوة ولا لاْ

انا كنت بنزل كل سنة في الصيف ولي زكريات حلوة كتير في القاهرة

وخصوصا في الحسين:22:

ياريت كل واحدة تتحفنا باللى تعرفه علشان اعمل قائمة بالاماكن اللى نزورها

أوزا روحي حديقة الأزهر حلوة موت وفيها مطاعم حلوة وبحيرة كبيرة ممكن تقضوا اليوم هناك خضرة وماء ووجه حسن

ممكن تروحي كمان سيتي ستارز تقضي يوم هناك

خان الخليلي والحسين برضو يوم وممكن تزوروا الازهر والسيدة عائشة تعملي لفة يعني على المساجد وتقري الفاتحة يعني يوم في المناطق دي هايكون حلو اوي

قلعة صلاح الدين بس خلي بالك بتقفل الساعة 5 في يوم كنت بفسح جماعة صحابي رحنا حديقة الازهر وطلعنا على القلعة لقيناها بتقفل ورفضوا يدخلونا لان كانت آخر ساعة كمان ممكن تقضوا فيها اليوم وتتغدوا في اي مطعم او تطلعوا على حديقة الازهر لانها بتقعد لبالليل مفتوحة

ممكن كمان تروحوا المتحف المصري اللي في التحرير وصدقيني يوم واحد مش هيكفي وأنصحك بالاماكن الاثرية والتاريخية عشان ولادك مش متاح لهم انهم يزوروا الاماكن دي

طبعا الاهرامات ومنها على دريم بارك وتكملوا اليوم هناك

ها كملنا اسبوع ولا لسه؟؟

الصراحة دار الدفاع معرفش كمان الاوتيلات معرفش بس ممكن من النت تشوفي هتلاقي الاسعار والاماكن وكل حاجة حتى الحجز لو حبيتي وفيه طبعا اوتيلات معروفة

اه نسيت اقولك على البرج :)

على فكرة قبل ما يعملوا سيتي ستارز كان كل اللي من القاهرة ييجي يشوف جرين بلازا ينبهر يعني المولات والسناتر اللي هناك عادية جدا واشهرها جنينة مول في عباس اه لو بتحبي الشوبنج هتعيشي حياتك في عباس العقاد :26:

الوردة الفريدة

26-11-2006, 21:23

الورده الفريده
ربنا يجمعك بجوزك على خير ويرزقك بالذريه الصالحه

تسلمي يا أم اكرم ومريم يا رب على دعواتك الحلوة وربنا يفرحك باولادك يا رب وتشوفيهم احسن ناس :26:

الوردة الفريدة

26-11-2006, 21:25

بنات ليكم سلامي وحبي http://www.tanateesh.com/vb/images/smilies/motion/023.gif

واتمنى ترجعوا كلكم بالسلامة تنوروا الموضوع

وربنا مع كل بنوتة بتحفظ وكل بنوتة على وش ولادة ربنا يقومها بالسلامة

اشطر واحدة

26-11-2006, 21:28

اوزوريس
عرفت حل الفزوره
انتي من مدينه ساحليه بناها الاسكندر واعطاها اسمه,تعتبر العاصمه الثانيه لمصر
وقعت بها معركه بحريه غرق بها الاسطول الفرنسي,وقعد نابليون يعيط
هي اخر محطه للقطار,بها جزيرة نيلسون وزفريون بتاع السمك
بس بس بس [انتي من شارع رمسيس بلاقصر]

برافو عليكى يا ام اكرم مذاكرة الفيزيا كويس :22:

اشطر واحدة

26-11-2006, 21:30

يا ايمان
ايماااااااااااااان
سامعانى !

ايوة انا م الشارقة يا اختى و نفسى انقل ابوظبى عشان نعمل معرض سوا انا و انتى و جولدى

مصرية رقيقة

26-11-2006, 22:51

ازييييييييكم اخباركم ايه وحشنى كلكم
معلش اعذرونى مش بدخل بس ماما عندى الايام دى مش بدخل نت كتير
بس بدخل اقرالكم واخرج بسرعه ساعات

اشطر واحده ياريت تنقلي ابوظبي تيجي جنبنا ( هو ممكن ؟؟؟؟ )

الوردة الفريدة

26-11-2006, 23:02

يا ايمان
ايماااااااااااااان
سامعانى !

ايوة انا م الشارقة يا اختى و نفسى انقل ابوظبى عشان نعمل معرض سوا انا و انتى و جولدى

على فكرة يا بنات لو عايزين تعرضوا منتجاتكم على النت انا عندي موقع شغال وممكن احطلكم فيه اعلانات للحاجات اللي عايزينها اهو انتم تستفيدوا وانا يتحرك عندي شوية الموقع لان بعد ما اتجوزت اهملته وناااااااااام شويتين http://smilies.sofrayt.com/%5E/q/ashamed.gif

كنزي1

26-11-2006, 23:24

ازيكم يابنات عاملين اية النهاردة

اخباركم اية يارب الجميع يكون بخير ..............

بقي كدة ياشطورة عايزة تهربي وتسبيني لوحدي طب خديني معاكي انا منزلتش ابو ظبي قبل كدة

رحت العين بس وعجبتني ورحت جبل حفيت وكان رائع جدا

وان شاء الله لما انوي اروح ابو ظبي هسال البنات الي عايشين فيها اية اجمل الاماكن الي ممكن

ازورها واتفسح فيها

اعتقد ان انا اول وحدة من المغتربين ممكن تنزل مصر لئني بفكر اولد هناك ان شاء الله

اوزوريس

27-11-2006, 00:05

ازيكم يابنات عاملين اية النهاردة

اخباركم اية يارب الجميع يكون بخير ..............

بقي كدة ياشطورة عايزة تهربي وتسبيني لوحدي طب خديني معاكي انا منزلتش ابو ظبي قبل كدة

رحت العين بس وعجبتني ورحت جبل حفيت وكان رائع جدا

وان شاء الله لما انوي اروح ابو ظبي هسال البنات الي عايشين فيها اية اجمل الاماكن الي ممكن

ازورها واتفسح فيها

اعتقد ان انا اول وحدة من المغتربين ممكن تنزل مصر لئني بفكر اولد هناك ان شاء الله

وانا اول واحدة بقولك اتفضلي عندي

اهلا وسهلا

بس احب اعرفك ان مفيش هنا اماكن سياحية تروحيها اصلا

دي ابوظبي تجيبي اولها لاخرها بتلت ساعة بالسيارة

يعني تيجي عندنا وانا اوديكي ابوظبي مول والمارينا مول

دول اللى حيلتنا

ودمتم

انونا

27-11-2006, 04:30

.

صباح الخير

للموجووووودات

منهن العضوات

ومنهن للزائرات

كيفكم جميعا ،، الله يبشركم بالصحة والعافية ،، مررت اسلم

ولن ازعجكم بوجودى

تهلووووووو برحكم الغالية

دمتم في رعاية الله

انونـــــــــــ 717 ـــــــــــــــــــــــــــا

.

ranuna

27-11-2006, 05:08

ezayekom ya gama3a
wa7ashtoooony awy
ana 3arfah eny ba2aly esboo3 makontesh badkhol
bas etlakahamt 3ashan hamaty we okht gozy kano hena we meshyo
bas el mawdoo3 taweel
elmohem ana ma3ako delwa2ty we isa mesh hasebko tany le2any ba7ebeko awy wallahy
sunsun wa7ashteeny we 3amlah eh fel 7aml
spanish
wardah fareedah
madam sherin
om akram we maryam
ashtar wa7dah
zorees
kenzy
rea2 aleslam
yarab makonsh neset 7ad
ba7ebeko fellah:26:

الوردة الفريدة

27-11-2006, 06:54

يا حبيبتي يا رنونا أحبك الذي أحببتنا من أجله وحشتينا خالص كل دي غيبة برضو

نورتي تاني تجمعنا وعقبال ما يظهروا باقي البنات

مستنيين الحكاية الطويلة يا جميل
http://www.flashfp.net/uploader/modules/up-pic/pic/uploads/7aba277e09.gif

bintmisr

27-11-2006, 07:09

سلالالالالالالالالالالالا لام عليكم يا شابات مصر الغاليات
بالنسبة للتسميع اناراجعت على اللى حافظاه ليوم الاثنين

بالنسبة للقاهرة يا زوزو انا بقى لى 7 سنوااااااااااااااااااات ما شفتهاش هاموت وانزل اسكندرية وان شاء الله هنشترى شقة هناك

اخوات زوجى الاثنين زوجاتهم من اسكندرية وواحدة منهم اشترت شقة فى برج ستانلى اللى على الكوبرى الجديد اللى انا لسسسسسسسسسسسسسسسه ما شفتوووووش :(

ايمان بفضل الله

27-11-2006, 10:08

يا ايمان
ايماااااااااااااان
سامعانى !

ايوة انا م الشارقة يا اختى و نفسى انقل ابوظبى عشان نعمل معرض سوا انا و انتى و جولدى

ايييوة انا سمعتك اهو:) طيب يالله تعالى ابو ظبى

ايمان بفضل الله

27-11-2006, 10:11

ايمان بفضل الله
فعلا البنات دي شكلها بتهرب من الحفظ ومش نافع معاهم غير الفلكه
الجزء اللي كان مكتوب في الجدول كنت حفظاه ربنا يقدرني واتابع

يعنى ايه "الفلكة"؟؟

ايمان بفضل الله

27-11-2006, 10:12

انا خلصت الحمد لله امبارح من قريش الى الزلزلة.. مين تانى حفظت غير بنت مصر؟

ايمان بفضل الله

27-11-2006, 10:14

اهلا إيمان إزيك؟ أخبار الحفظ معاكي ايه النهاردة؟

شوفي هاحط لك هنا عنوان الجمعية الشرعية يمكن حد من البنات ياخد عنوانها كمان طبعا مقر الجمعية الاسكندرية

جزاك الله خيرا دة مسجد الفتح اللى فى مصر الجديدة؟ ميدان الحجاز؟

الحمد لله الحفظ تمام وانتى؟

ايمان بفضل الله

27-11-2006, 10:16

سلالالالالالالالالالالالالام عليكم يا شابات مصر الغاليات
بالنسبة للتسميع اناراجعت على اللى حافظاه ليوم الاثنين

بالنسبة للقاهرة يا زوزو انا بقى لى 7 سنوااااااااااااااااااات ما شفتهاش هاموت وانزل اسكندرية وان شاء الله هنشترى شقة هناك

اخوات زوجى الاثنين زوجاتهم من اسكندرية وواحدة منهم اشترت شقة فى برج ستانلى اللى على الكوبرى الجديد اللى انا لسسسسسسسسسسسسسسسه ما شفتوووووش :(

و عليكم السلام و رحمة الله بنت مصر ما شاء الله الحفظ هايل
ياخبر بقالك 7 سنوات منزلتيش مصر؟؟

انا ماشفتش الكوبرى الجديد نفسى ازور اسكندرية لما اروح مصر ان شاء الله

اشطر واحدة

27-11-2006, 10:36

على فكرة يا بنات لو عايزين تعرضوا منتجاتكم على النت انا عندي موقع شغال وممكن احطلكم فيه اعلانات للحاجات اللي عايزينها اهو انتم تستفيدوا وانا يتحرك عندي شوية الموقع لان بعد ما اتجوزت اهملته وناااااااااام شويتين http://smilies.sofrayt.com/%5E/q/ashamed.gif

فكرة حلوة يا وردة و انا مستعدة بس استنى بقى اجهزلك حاجات حلوة
و على فكرة حاولى تحطى اسم الموقع ف توقيعك كدة ممكن يشتغل اكتر ( بس انا مش عارفة اذا دة مسموح و الا لا ) !

اشطر واحدة

27-11-2006, 10:38

بالنسبة للحفظ من اول هنا بقى و اربطو عندكو شوية .......
واحدة واحدة عليية لان انا محفظتش حاجة من بعد الابتدائية
اذا ما قدرتش احصلكو كملو انتو و انا خلينى تاتا تاتا و ربنا يقدرنى

اشطر واحدة

27-11-2006, 10:41

ازيك يا مصرية وحشانى جدا
و الله يا بنتى قرفنا من الزحمة اللى ف دبى و الشارقة الهنود مش مخلينلنا مكان نمشى فية نفسنا ننقل ابو ظبى بس طبعا دة يعتمد على جوزى اذا لقى شغل مناسب و الا لا
انا كنت ف ابوظبى الاسبوع اللى فات بصراحة حبيتها اكتر كتييييييير من دبى و كفاية ان فيها شاطىء مخصوص للنساء و انا حموت و اروح البحر

أم أكرم ومريم

27-11-2006, 11:24

يايمان الفلكه دي زي العصا
كانو زمان بيأدبو بها التلميذ البليد

أم أكرم ومريم

27-11-2006, 11:29

أشطر واحده
لازم اكون مذاكره فيزيا كويس,مش انا خريجة اداب

أم أكرم ومريم

27-11-2006, 11:33

الورده الفريده
الرابط اللي كتبتيه لي فعلا مفيد,بس حسيت وانا بنقراه,اني بارتكب أخطاء اكثر من ولادي
انا حاسه انك حتكوني ام شاطره وولادها متربيين تمام,لان فعلا الأم مدرسه

اشطر واحدة

27-11-2006, 12:31

أشطر واحده
لازم اكون مذاكره فيزيا كويس,مش انا خريجة اداب

انتى كمان خريجة اداب اية يا عم دة
احنا حنعمل رابطة جووة الرابطة
انا و انتى و جولدى من اداب اسكندرية
انتى قسم اية

أم أكرم ومريم

27-11-2006, 14:48

اشطر واحده
انا قسم حضاره يونانيه ورومانيه[آثار]
بعد ما درست سنه في انجلش ولما سقطت حولت آثار

اشطر واحدة

27-11-2006, 14:59

اشطر واحده
انا قسم حضاره يونانيه ورومانيه[آثار]
بعد ما درست سنه في انجلش ولما سقطت حولت آثار

يا سلاااااااااااااااااااااااااااا م :icon28:
طلعنا زومول

يا اهلا يا اهلا بالشباب الاموور

و طبعا بعد ما خلصتى ملقيتيش حاجة تعمليها فقعدتى فالبيت .........صح !

انا بصراحة ندمت اشد الندم عالعملة السودة اللى عملتها دى و قولت يا ريتنى دخلت انجليش بس كنت خايفة اسقط عشان كدة دخلت اثار مع انو مش سهل برضو بس ياللا بقى النصيب
الحمد لله على كل حال

اوزوريس

27-11-2006, 15:32

رابطة مصرية

جواها كل الربطات هههههههههههههههه

ازيكم يا بنات

اخباركم ايه

ايمان ....خلاص فاضل القليل ونتقابل

شطورة ....ان شاء الله توفقي وتنقلي على ابو ظبي بس لو السكن عليكم .......صعبة جدا لان الايجارات ناااااااااااااااار ياحبيبي نااااااااااار انا شقتي كنت واخداها من 6 سنين بـ 70 الف دلوقتي وصلت 90 الف السنة دي ..............الله يعين الناس (( بس حبيت انبهك))

والله الشارقة جميلة ودبي اجمل ...... الحياة في ابوظبي صعبة (( مملة جدا))

واذا كان على الهنود موجودين في كل مكان .يعني ابوظبي ما فيهاش هنود وبتان

انا اتمنى اسكن في دبي .........رائعة

على فكرة اجازة عيد الاتحاد هكون في دبي ........نازلين بالجميرا بيتش اوتيل ....ابقي تعالي ....انا هقعد ليلتين ................ مش انت اللى نزلتي ابوظبي وطنشتي ....طب تعالي اشربي شاي

اشطر واحدة

27-11-2006, 15:49

بشرتينى يا اوزا ياختى
لا خلينى بقى ف الشارقة احسن

أم أكرم ومريم

27-11-2006, 17:14

أشطر واحده
يا محاسن الصدف ,انتي بقى خريجة سنة كام؟؟؟
لأ انا لما كنت في مصر كنت بشتغل في كلية النصر لاني خريجة مدارس لغات
واخذت كورس في كلية رياض الاطفال
بس هنا قاعده بقشر بصل

اوزوريس

27-11-2006, 19:36

بشرتينى يا اوزا ياختى
لا خلينى بقى ف الشارقة احسن

طبعا علشان تنقلي من مكان لمكان لازم تعرفي ايه المميزات وايه العيوب وتحسبيها صح

الناس بتهرب على المصفح لان الايجارات هناك ارخص

والشارقة السكن فيها ارخص من دبي وابوظبي .............ولة انها برضه غليت عن الاول بكتير

والناس بتوع الشارقة بدأت تزحف على عجمان وهكذا لحد ماكل واحد ياخد ديله في اسنانه ويزحف على بلده

اوزوريس

27-11-2006, 19:38

أشطر واحده
يا محاسن الصدف ,انتي بقى خريجة سنة كام؟؟؟
لأ انا لما كنت في مصر كنت بشتغل في كلية النصر لاني خريجة مدارس لغات
واخذت كورس في كلية رياض الاطفال
بس هنا قاعده بقشر بصل

بس خلي بالك من صوابعك وانت بتقشري

على فكرة القعدة بالبيت مش وحشة للدرجة دي

اللى قاعدة مش عاجبها حالها والا اللى بتشتغل عاجبها حالها

ايمان بفضل الله

27-11-2006, 20:04

ezayekom ya gama3a
wa7ashtoooony awy
ana 3arfah eny ba2aly esboo3 makontesh badkhol
bas etlakahamt 3ashan hamaty we okht gozy kano hena we meshyo
bas el mawdoo3 taweel
elmohem ana ma3ako delwa2ty we isa mesh hasebko tany le2any ba7ebeko awy wallahy
sunsun wa7ashteeny we 3amlah eh fel 7aml
spanish
wardah fareedah
madam sherin
om akram we maryam
ashtar wa7dah
zorees
kenzy
rea2 aleslam
yarab makonsh neset 7ad
ba7ebeko fellah:26:

وانا لأ؟؟:(

ايمان بفضل الله

27-11-2006, 20:15

رابطة مصرية

جواها كل الربطات هههههههههههههههه

ازيكم يا بنات

اخباركم ايه

ايمان ....خلاص فاضل القليل ونتقابل

شطورة ....ان شاء الله توفقي وتنقلي على ابو ظبي بس لو السكن عليكم .......صعبة جدا لان الايجارات ناااااااااااااااار ياحبيبي نااااااااااار انا شقتي كنت واخداها من 6 سنين بـ 70 الف دلوقتي وصلت 90 الف السنة دي ..............الله يعين الناس (( بس حبيت انبهك))

والله الشارقة جميلة ودبي اجمل ...... الحياة في ابوظبي صعبة (( مملة جدا))

واذا كان على الهنود موجودين في كل مكان .يعني ابوظبي ما فيهاش هنود وبتان

انا اتمنى اسكن في دبي .........رائعة

على فكرة اجازة عيد الاتحاد هكون في دبي ........نازلين بالجميرا بيتش اوتيل ....ابقي تعالي ....انا هقعد ليلتين ................ مش انت اللى نزلتي ابوظبي وطنشتي ....طب تعالي اشربي شاي

ازيك يا جميلة مستنياكى تفضى عشان نتقابل ربنا معاكى اخبار امتحانات الاولاد ايه؟

على فكرة انا رأيى مختلف عنك خالص انا بحب ابو ظبى جدا و اشوفها احلى من دبى كمان لانها هادية و مش زحمة و الكورنيش بتاعها جميل اوى و فيها نادى للسيدات .. عيبها الوحيد ان الايجارات غالية و مش سهل تلاقى شقة كويسة بايجار مناسب.. بس دبى زحمة جدا جدا وانا بكره الزحمة مع ان هى فيها اماكن فسح كتير و مولات كتير و خصوصا مول ابن بطوطة بموت فيه لانه مميز بجوه العربى و لو انه قبل دبى بشوية مش فى دبى نفسها.. بس انا عن نفسى مش حابة اعيش فى دبى خالص زحمة و ايقاعها سريع زيادة عن اللزوم و كمان هناك البنات و الستات متحررين فى لبسهم اوى و تحسى ان فيها تحرر جامد من الصعب تحكمى اولادك هناك و تربيهم زى مانتى عايزة دة مع انى معنديش اولاد:42: .. و الشارقة كمان ماعجبتنيش لانى حسيت فيها نفس اسلوب همجية مصر و التاكسيات اللى الواحد بيفاصل معاهم و كمان الشقق هناك مش زى شقق ابو ظبى..
انا شايفة ابو ظبى احلى بلد فى الخليج كله:arb: