بنات مصر في الغربه [الارشيف] - صفحة رقم 7

اوزوريس

22-11-2006, 16:31

شوفوا يا جماعة انا هآخذ الموضوع على حلقات

وعارفة ان الوطنية هتنأح عليكم ..وكلامي مش هيعجبكم

بس دي الحقيقة واحنا هنتكلم على الأغلبية مش الأقلية

وخصوصا في بلاد الخليج

شطورة الموضوع من اساسه ان زمان مصر كانت في المقدمة فعلا وكنا احسن كتير ومتقدمين فعلا وطبعا الافلام المصرية القديمة ماكنش في غيرها والعرب كلهم كانوا بيتفرجوا على مصر من خلال الافلام وزي ما انتم عارفين الافلام القديمة بتاعة البشوات والبهوات والحياة الناعمة الكريمة والمستوى الراقي ...وده انطباعهم عن المصريين .. وما يعرفوش ان الغلابة اكتر واللى انتم عارفينه

لحد مابدأ المواطن المصري يخرج من مصر علشان النفط ظهر في البلاد الخليجية ...وكانوا بيروحوا لحد مصر علشان الانترفيو وفعلا المصرين كانوا كفاءة في العمل وكان بينافسهم جنسية تانية اغلبيتهم جايين من الكويت

وبعد كده توافدوا المصريين من كل اتجاهات مصر اللى من الحضر واللى من الصعيد واللى من الفلاحين .يعني كل الجنسيات المصرية

وهنا شافوا المواطن المصري الحقيقي مش اللى في الافلام

ومن هنا البداية

((والموضوع اللى جاية عن الفرق بين المصريات في بيوتهم وبين الجنسيات التانية))

sunsun_micro

22-11-2006, 16:35

طيب ماشي ماشيييييييييي يا سنسن هانم اما اشوفك علي الياهو
انا و الله كنت زيك من يتوع العلم الي الابد الي الابد بس عماله اقرا في المنتدي هنا عن حاجات بيعملوها يوميا و اسبوعيا و شهريا و بتدنجانيا لما حسيت اني مش واحده ست
انا فعلا باعمل سكرب مرتين مثلا في الاسبوع و باحط كريم الليل علشان سني تعدي السن المسموح بيه 25 اه ياااني و كريم بعد الشاور
و جربت فعلا حكايه حمام الزيت و المايونيز و حمام كريم للشعر بس كل 7 سنين مره مثلا علشان بزهق و انا اصلا مقدرش احط زيت في شعري معرفش و اتضايق و اروح اغسله اخري يعني كريم سانسيلك الموف و خلص كماااااااااااااان
يلا سلام مؤقت علشان هانيم البنات

والله انا بتكلم جد دي كانت تجربتي وبعدين لوسمحتي نزلي الشبشب مش لازم ادام الناس يعني يا روني خلاص هتادب والله

أم أكرم ومريم

22-11-2006, 17:34

sunsun micro
أنا عندي زيت زتون أكسترا فيرجن
لنا أصدقاء عندهم شجرة زتون وجايبين لي كميه علشان شعر مريم
وبالمناسبه معصور على البارد ان شاء الله حاخد لأخواتي منها لما أنزل مصر
لو عايزه أعمل حسابك في شويه بس قولي لي أزاي أوصله ليكي

أم أكرم ومريم

22-11-2006, 17:42

princess arwa
المشكله اني ما اقدرش انزل بيه مصر واسيب باباه واخته
ولاأخليه عند خاله أو عمه كلهم عندهم عيال ومش ناقصين هم على همهم
ده غير ان ابني متدلع ويتفات له بلاد

أم أكرم ومريم

22-11-2006, 17:54

الى كل البنات [ الموزز]
زمااااان كان شعري طويل وأصفر وعيني خضراااا ما علينا
كان عندي مشكلة ترهل البطن بعد الولاده السيزرين
نصحتني صديقه الله يجازيها بخير اني اشرب كوب ماء فاتر على الريق
ولا اكل بعدها أي حاجه لمدة ساعتين وبعدين أفطر عادى
مع شوية تمارين بطن على مدار اليوم [ وفعلا كانت نتيجه مرضيه]
جربوها ويارب تفيد

أم أكرم ومريم

22-11-2006, 18:00

أوزوريس وباقي العسلات
والله ومش كلام جرايد كل المصريات اللي عرفتهم كانو ونعم الاخوات ده غير النضافه في كله
علشان كده يا جماعه بلاش بلاش ننشر غسيلنا الوسخ

am abude

22-11-2006, 18:05

هلا وغلا ام عبود

حياكي الله ومرحبتين بيكي وبأهل العراق

وانتم بعد طيبين وبارك الله فيكي

باكر بسأل بنتي على كام كلمة عراقي احاكيكي بيهم :22:

لانها بتتعامل مع كل الجنسيات وما شاء اله عليها بتعرف باللهجات أحسن مني

لدرجة مدرسة جديدة عليهم دخلت الصف والبنات محتارين جنسياتها ايه ؟؟

بنتي قالت لها انت ياميس عراقية ... فالمدرسة ضحكت ...وسألتها عرفتي ازاي انا لسة ما اتكلمت كلمتين على بعض .....:22:

ابقي تعالي كتير احنا موجودين ولو فيه حاجة عاوزة تستفسري من ناحية اللهجة انا تحت الامر

لان ساعات بيكون كلامنا بالعامية المصرية الشحط محط :22:

الف شكر اختي عالترحيب الطيب وبالنسبه للهجه المصريه خلي في بطنك بطيخه صيفي فهماها على الاخر
من كثر المسلسلات المصريه الي بنشوفها عالتلفزيون صرنا نفهم اللهجه المصري مضبوط

يله شرفينا انتي كمان في التجمع العراقي :26: والف شكر

am abude

22-11-2006, 18:06

يا اهلا يا اهلا بالعراق و اهل العراق انتى فى البرزايل دلوقتى و اللا فى مصر؟
بس انتى هتلاقى اللهجة هنا مصرى خالص انتى و شطارتك بأه افهمينا:42:

الف شكر اختي ايمان بفضل الله عالترحيب انا في البرازيل والله يسمع منك انه اروح اعيش بمصر
وانا افهم مصري كويس:26:

am abude

22-11-2006, 18:10

أم عبود مرحبا بك بنحب العراق وربنا يفرج عنها كربها
كل قلوب المصرين معكم

الله يسلمك ويسلم المصريين وان شالله تفرج امين:26:

sunsun_micro

22-11-2006, 18:12

مساء الفل على أحلى بنات:26:
يا جماعة في ايه؟ أنا شايفة نسبة الغياب عن التجمع زايدة قوي. فين البنات؟؟؟؟؟؟؟؟؟؟؟؟؟؟:(
صحبة الرسول
كنزي 1
دلوعة زوجها
جنة
مصرية رقيقة
farida
Goldy
ranuna
om mena
bintmisr
sunsun_micro
amany_sadek 2000
لعل المانع لغيابكم يكون خيرا ان شاء الله, ولا تحرمونا من وجودكم معانا
مدام شيرين_أم أدهم
انتي فين ؟ مختفية ليه؟ طمنينا عليك
أم أكرم و مريم
ربنا يبارك لك في أكرم و مريم, بالنسبة لحكاية المجاميع دي, أنا كنت عايشة في الامارات من صغري
وطبعا دخلت المدرسة هناك لحد ثالثة اعدادي, وعلشان حكاية المجاميع ,اضطررت للنزول لمصر علشان الثانوية العمية,:hahaha: في رأيي ممكن تنزلي ابنك من أول ثانوي علشان يقدر يتأقلم على الوضع الجديد, وربنا معاه.
اشطر واحدة
أنا معاك في رأيك. لأني جربت الغربة في الامارات لمدة 11 سنة, وشفت بعيني الفرق في المعاملة , لكن هارجع و أقول اننا السبب في الوضع ده.:22:
سلامي للجميع الحاضر و الغائب. سلام مربعععععععععع:26: :26: :26:

السلام عليكم شكرا ازيك؟؟ شكرا علي سوالك ومش عارفه فين شيرين ورنا انا مش هكون موجوده لمده اسبوع

am abude

22-11-2006, 18:13

هالووووووو عيني شلونتش نورتينا والله سعيدة انك رديتي زيارتي ليكم خخخخخخخخ

تسلمي يا قمر وكلنا اخوات في الله والله يثبت إخواننا بالعراق وينصرهم ان شاء الله

:26:

الله االله على الي بتتكلم الهجه العراقي ياوردتنا الفريده ننتظر منك زياره ثانيه:26:

am abude

22-11-2006, 18:14

والشكر لكم كللم خواتي المصريات عالترحيب والف تحيه وسلام

اوزوريس

22-11-2006, 18:55

أوزوريس وباقي العسلات
والله ومش كلام جرايد كل المصريات اللي عرفتهم كانو ونعم الاخوات ده غير النضافه في كله
علشان كده يا جماعه بلاش بلاش ننشر غسيلنا الوسخ

يعني بتعترفي ان فيه غسيل وسخ

يبقى لازم ينضف

وانا بوضح الصورة لا اكتر ولا اقل لان انا اكتر واحدة بكون مقهورة على بنات بلدي ونفسي نكون احسن وافضل

ليه هما احسن مننا في اشياء انا بعتبرها واجب علينا؟

ولي رجعة

انت لو اتحطيطي في موقف شطورة هتحزني جدا واللهي لان انا كتييييييييييير اتحطيت بالموقف ده

يااااااااااه انت مصرية .

وانا مش بشكر في نفسي لا......... فينا كتير برضه ناس زي الفل

اشطر واحدة

22-11-2006, 19:02

أوزوريس وباقي العسلات
والله ومش كلام جرايد كل المصريات اللي عرفتهم كانو ونعم الاخوات ده غير النضافه في كله
علشان كده يا جماعه بلاش بلاش ننشر غسيلنا الوسخ

شوفى يا ام اكرم
الموضوع مش سر و بصراحة انا بديت اشعر بالمشكلة لما بتعامل مع اى حد اول ما يلاقو اللهجة مصرية التعاملات تختلف
اللى انا عايزة اعرفو هو لية بقينا كدة ؟؟ لية سمعتنا بقت زفت للدرجة دى !!
اللى متابع الموضوع بتاعنا حيشوف قد اية احنا ملتزمين و بنحب بعض و بنسأل عن بعض رغم ان اللى بيجمعنا مجرد صفحات عالانترنيت ... طيب لية فية مشكلة !!
مش عايزين ندفن روسنا ف الرمل و نقول اننا زى الفل لاننا مش كدة و اى واحد هنا مهما كانت جنسيتو مستعد انو يوظف هندى و الا فلبينى و ما يوظفش مصرى
طيب يبقى المشكلة فين ؟؟ لازم نعرف !! على الاقل عشان نعرف نتعامل مع الناس هنا
و الا اية رأيك ...

اشطر واحدة

22-11-2006, 19:09

انا بس حابة اضيف كلمة صغيرة وهى انى مش مصرية 100% لانى اصولى سورية
لكن انا مصرية الجنسية والمولد و النشأة و مش بحب الاقى بلدى اقل من غيرها
و اعتقد ان اوزا اكتر واحدة فاهمانى يمكن لاننا فى نفس البلد

أم أكرم ومريم

22-11-2006, 20:01

أشطر واحدة أوزوريس
كان الله في عونكم والله العظيم ماباكذب عليكم عمري ما حسيت بحاجه زي دي
ومره واحد اتصل بجوزي ماكنش عارفه الراجل قال له انا عارف انك ما تعرفنيش
لكن انا عندي مشكله والناس نصحوني وقالو لي روح للمصري حايساعدك
وكانت مشكله تقنيه في الشغل وفعلا بابا اكرم ساعده واتحلت وحاليا زوجته من اعز الاصدقاء لي
لكن لو الحكايه زي ما بتقولو يبقى الله يستر
عموما حتابعكم بدون تعليق

اوزوريس

22-11-2006, 21:10

أشطر واحدة أوزوريس
كان الله في عونكم والله العظيم ماباكذب عليكم عمري ما حسيت بحاجه زي دي
ومره واحد اتصل بجوزي ماكنش عارفه الراجل قال له انا عارف انك ما تعرفنيش
لكن انا عندي مشكله والناس نصحوني وقالو لي روح للمصري حايساعدك
وكانت مشكله تقنيه في الشغل وفعلا بابا اكرم ساعده واتحلت وحاليا زوجته من اعز الاصدقاء لي
لكن لو الحكايه زي ما بتقولو يبقى الله يستر
عموما حتابعكم بدون تعليق

خلاص احنا هنغلق الموضوع علشان الفضايح

اوزوريس

22-11-2006, 21:42

مفيش داعي

اشطر واحدة

22-11-2006, 23:13

شششششششششششششششش خليها ف سركم
ههههههه

sunsun_micro

22-11-2006, 23:28

sunsun micro
أنا عندي زيت زتون أكسترا فيرجن
لنا أصدقاء عندهم شجرة زتون وجايبين لي كميه علشان شعر مريم
وبالمناسبه معصور على البارد ان شاء الله حاخد لأخواتي منها لما أنزل مصر
لو عايزه أعمل حسابك في شويه بس قولي لي أزاي أوصله ليكي

assalamu aleekom
thank u ya um akraam rabna yakhaleekee ana moshkeltee anee mesh hanzel masr kabl sanateen wa yamkeen manzelsh khalees wa benee wa beneek mesh gaybah hamaha anzeel wa a7rak damee wa arga3 tanee kefya 7arket al dam waslalee men masr lamreca :(
rabna yakremk ya rab :26:

sunsun_micro

22-11-2006, 23:36

فكرتينى يا اوزا بموقف حصل اول ما جيت الامارات

دخلنا محل انا و جوزى و اتفرجنا على البضايع و بصراحة ماعجبناش حاجة و البايع كان قاعد فوق راسنا و طلعلنا المحل كوللو ... و طبعا انا واحدة جاية من مصر بصيت ف الارض و قلتلو شكرا و بستعد اطلع اجرى قبل ما اسمع كلمة و الا اشوف زغرة لقيتو بيقول شرفتو يا اهلا و سهلا
استغربت جدا و قلت لجوزى ( اية دة امال فين ينعل ابوكو )
و الاخر لقيت ان الموضوع هنا عادى مش لازم تشترى زى مصر لمجرد انك تتحاشى الشتيمة و الله انا ف مصر ياما اشتريت حاجات مش عاجبانى بس عشان ما اتهزأش

بس عموما كفاية يا اوزا احسن انتى فعلا فضحتينا خالص هههههه و لو ان الموضوع فعلا مأساوى

lama tegee amreca inshaa allah momkeen tetal3ee 3enehom wa takhdee al 7aga wa tgrbeha wa tedawbeha wa trag3eha wa tkolelhom 7agatkom saka mesh 3yzaha wa hy7trmokee mesh zy masr 3yzeen ylazako ay shea feekee wa khalas msh mohem al gawda, dana kont fe masr m3 gozee 3yzeen neshtere galabya men ma7el takhelee bakalem al rageel 3rabee masree yakolee 60 dollars kolteloh ya 3am agree mesh sharya 7aga menk anta fakernee mesh masrya wala eah yakolee ya abla antee morshedah sya7eh wa khalena nezabt ba3d hadekee 20 dollar :42: kolteloh bgad !!:)kalee ah kolteloh gameel bs ana mesh morsheda wal galabya al regalee deeh matokafsh 3alya be 40 geneh ,kalee mesh moshkela hadeekee al 20 dollar akoloh eah,3yaznee asamser 3la gozee

sunsun_micro

22-11-2006, 23:45

[QUOTE=

sunsun_micro

22-11-2006, 23:50

انا بس حابة اضيف كلمة صغيرة وهى انى مش مصرية 100% لانى اصولى سورية
لكن انا مصرية الجنسية والمولد و النشأة و مش بحب الاقى بلدى اقل من غيرها
و اعتقد ان اوزا اكتر واحدة فاهمانى يمكن لاننا فى نفس البلد

انا مش مصريه 100% بردوه اصولي شامي وتركي زيك تماما بس مصريه الجنسيه "جيل ثاني" وزيك بحب بلدي مووت لكن في ناس مش عندوهم ضمير بيكرهوكي فيها:(

اوزوريس

22-11-2006, 23:51

lama tegee amreca inshaa allah momkeen tetal3ee 3enehom wa takhdee al 7aga wa tgrbeha wa tedawbeha wa trag3eha wa tkolelhom 7agatkom saka mesh 3yzaha wa hy7trmokee mesh zy masr 3yzeen ylazako ay shea feekee wa khalas msh mohem al gawda, dana kont fe masr m3 gozee 3yzeen neshtere galabya men ma7el takhelee bakalem al rageel 3rabee masree yakolee 60 dollars kolteloh ya 3am agree mesh sharya 7aga menk anta fakernee mesh masrya wala eah yakolee ya abla antee morshedah sya7eh wa khalena nezabt ba3d hadekee 20 dollar :42: kolteloh bgad !!:)kalee ah kolteloh gameel bs ana mesh morsheda wal galabya al regalee deeh matokafsh 3alya be 40 geneh ,kalee mesh moshkela hadeekee al 20 dollar akoloh eah,3yaznee asamser 3la gozee abn al hablah

هههههههههههههههههههههههههههههه ههههه

انا لو في مكانك أحوش من وراه

sunsun_micro

22-11-2006, 23:56

هههههههههههههههههههههههههههههه ههههه

انا لو في مكانك أحوش من وراه

3andek 7ak hahahaa:hahaha:

sunsun_micro

23-11-2006, 00:01

oza momken asaleek so2al fe alsaree3

howa momken a3mel golash wa a7sheeh wa a7odoh fe ferezer le bokra wa ba3deen a7toh fe al forn bokra wa a7ot 3leeh al shrbat wala lah lazeem ykon fresh aslee maznokah wa 3yzah akhalas ayee shea

sunsun_micro

23-11-2006, 00:11

ozaaa are u there :(

اوزوريس

23-11-2006, 00:14

ايوة موجودة هو انا ورايا غيركم

اوزوريس

23-11-2006, 00:16

المفروض يعملوا لنا شات نتكلم براحتنا .كلنا مع بعض

سنسن بكرة شطورة تصحى تلاقي كل شئ راح وانقضى والفضايح اللى بينا خلاص مضى

هههههههههههههههههههههههههه

sunsun_micro

23-11-2006, 00:31

ههههههه مش عارفه اقولك ايه والله بس اختك مزنوقه بغسل المواعين بايدي ورجلي اصل الباشا جي بعد 20 دقيقه ومش عارفه اعك الجلاش ده امتي:)

اوزوريس

23-11-2006, 00:44

يا تري البنات راحوا فين؟؟

احنا مزعلينكم يا جماعة ولا حاجة ؟؟

نتمنى ان الجميع يكون بخير...

يا تري دارييييين عامله ايه بالنونو معاذ ؟؟؟؟

وسلامي للجميع نفراية نفراية

spanishflower

23-11-2006, 01:02

صباح الخيييييييير
دلوقتي 7 صباحا في اليابان
ايه ده انتوا مسحتوا الكلام ليه؟ ملييش دعوه عايزه اعرف
انا كنت فعلا مجرد باتكلم عن تجربتي هنا مع المصريين
الووووووووووووووووو

spanishflower

23-11-2006, 01:57

http://forum.hawaaworld.com/showthread.php?t=715780

اوزوريس

23-11-2006, 06:26

شوفوا يا بنات انا هكتب لكم مذكراتي مع الجنس الناعم ((عارفين أقصد مين )) بس على المتغطي

ان الله حليم ستار

وعلى رأي أم أكرم بلاش ننشر غسيلنا ((الدرتي)) على اللى يسوا واللى مايسوا

وزي ما قلنا فيه ناس حلوة قوي وفيه ناس حادقة قوي

بس اتمنى منكم انكم تقولوا ( صح ) أم ( خطأ)

نبدأ بالمسجد

نروح المسجد اول ما نشوف بعض بالاحضان والبوس والحلقة بتبدأ الساعة 8 صباحا ويوم واحد بالاسبوع

يعني فيه مجال تغسلي العباية من الاسبوع للأسبوع

انا اغسلها وانقعها في الداوني او الكومفورت واكويها ...وقبل ما أنزل اخد شاور محترم .ليه؟؟علشان الاستقبالات بتاعة الحريم وكمان اللى قاعدة جنبي على اليمين وعلى الشمال ما يشموا الا ريحة طيبة

((صاحبتنا)) تيجي ريحة عرقها تسطل .وممكن تقلب على زناجة بعيد عنكم

ويمكن الطقم اللى لابساه ما انغسلش من شهر ...((والله أعلم )) وانا قاعدة ياولدااااااااه الريحة خنقاني لدرجة اني بقيت اهرب من الاماكن اللى بيقعدوا فيها ......وعلى فكرة مش واحدة بس دول كذا واحدة

ومرة كنت بالمسجد وانا قاعدة شامة ريحة عجيبة غريبة ظهرت مرة واحدة واقول للجنبي وهي صديقتي وجارتي شامة الريحة المعفنة دي .فيه ريحة قلبت لي معدتي ....وقعدنا نشمشم انا وهي لحد ماوصلنا الريحة جاية منين ........اتاري ( صاحبتنا اللى قدمنا ) جايبة لابنها ساندويشا ...........هههههههه (تمويه) ....سندويشا فلافل ...الله ما يوري حدا من ريحتها ...........الظاهر بقالها كام يوم بالبراد واستخسرت الاخت تكبها بالزبالة .قالت .((وجع بطن الواد ولا دلق السندويشا))

Goldy

23-11-2006, 08:42

بسم الله الرحمن الرحيم:
ازيكم يا بنات زوزو، سنسن, شطورة, ايمان، سبانيش،أم اكرم ومريم، الوردة الفريدة، شيرى وكل البنات الحلوين.
وحشتونى جدا جدا يارب كلكم تكونوا بصحة وبخير،انا ساعات بافكر لو كلنا اتلمينا فى بلد واحدة هنعمل ايه.
ام اكرم ومريم انا كمان من اسكندرية واضح ان الاسكندرانية كتروا فى الموضوع ده انا من لوران ولما اتجوزت اتنقلت للفراعنة.
زوزو انت عندك حق فى موضوع الريحة ساعات لما اكون فى المول أو كارفور بالاحظ الحكاية دى بس برضه الهنود أقوى وعلى فكرة انا كل المصريين اللى قابلتهم هنا واتعاملت معاهم الحمد لله فوق الممتاز يعنى بجد الواحد يتشرف بيهم يعنى انا فى الشغل معايا اتنين مصريين منهم راجل كبير عمرا ومقاما، بقوله اما لما باشوفك كل يوم باحس انى شفت بابا مش ممكن تصدقوا بيخاف علينا قد ايه ودايما ينصحنى انا وزميلتى حتى بنتى كل يوم والتانى بيجيب لها ألعاب ويقولى مش دى زى حفيدتى برضه، وزميلتى نفس الحكاية قمة فى الادب والاخلاق لدرجة ان الناس اللى معانا فى الشغل مسمينا الحزب المصرى.
بس على الرغم من كده للأسف فيه انطباع عام عن المصريين انهم ناس مش كويسين ومنافقين ومش بيحبوا يصرفوا على نفسهم أو بيوتهم ونفس ما قلتى يا أوزا أكتر حاجة بتزعلنى لما يتقالك بجد انت مصرية أو لالا مش ممكن أصدق انك مصرية.
انتوا عارفين انى ساعات لما مناخيرى تلقط ريحة من دى وانا مناخيرى عاملة زى الردار فى الموضوع ده انى اتكلم مع الست يمكن تكون مش حاسة بنفسها أو حاسة الشم عندها ضعيفة لكن بصراحة بخاف من رد الفعل.

اوزوريس

23-11-2006, 09:02

صباح الفل على بنات مصر

جولدي

انا مش بعمم على المصريين ............فيه مصريين زي الفل وناس تشرف بجد . من جميع النواحي وكمان فيه مصريين يكسفوا .........واعتقد كل البلاد فيها ده.

بس اللى بيشوفوه الواحد يزعل قوي لان حاجات ممكن تصليحها وبسيطة

شوفتي رد فعل الناس يزعل ازاي لما يكتشفوا انك مصرية

بس هقولك على حاجة ملاحظة هنا وبدون زعل لاخواتنا المصريات ...الكل خير وبركة

الاسكندرانية بالذات مختلفين عن بقية المحافظات ............مش عارفة ليه؟؟

اوزوريس

23-11-2006, 09:04

خدوا النكتة دي

مصر واليمن وكوبا عملوا اتحاد وسموه

مصريمن كوبا

اشطر واحدة

23-11-2006, 10:15

يا بنات فعلا الظاهر ان الغسيل اوسخ مما توقعت
دا طلع وسخ و ريحتو زنخة كمان
المهم : انا كنت حابة ان المناقشة تكون موضوعية اكتر من كدة بس الظاهر اننا مش بنعرف نستر فى اى موضوع و لازم نقلبو هزار و تريقة
حاولو يا بنات نتكلم عالمتغطى لان فعلا مش عارفين مين بيفوت عالموضوع و الكلام كدة عالمشاع يعنى اللى يسوى و اللى ما يسوى بيقراة
طيب : اول مشكلة و خلصنا منها اللى هى النظافة و لو انى اعتقد ان المشكلة دى موجودة عند المستويات اللى بتنحدر من الفلاحين يعنى طبقة العمال و كدة و احب أأكد انى مش بعمم
و حل المشكلة دى مش محتاج مجهود لأن بمجرد وجودك ف مكان عام و مظهرك كافى انو ينفى التهمة دى....
المشكلة التانية: اتفضلى يا اوزا المايك مع سيادتك

أم أكرم ومريم

23-11-2006, 11:23

جولدي
انا من كليو با ترا الحمامات
ولما اتجوزت سكنت في سيدي بشر
في العطله لما بنزل مصر بقعد عند ماما ولو بابا اكرم معانا بنروح سيدي بشر
انت بتنزلي كل سنه ولا ظروفك ايه؟؟؟

Goldy

23-11-2006, 11:32

ازوا الاسكندرانية مختلفين للأوحش ولا الاحسن.:22:
أقولك على حاجة الاسكندرانية مترابطين قوى يعنى ما بنسدق نشوف بعض وانتى منين الله يعنى تعرفى فلانة الفلانية وفلان الفلانى يا شيخة مش كنتى تقولى كده من الاول ده احنا طلعنا قرايب.ده يمكن لأن اسكندرية مش كبيرة قوى زى القاهرة والناس عارفة بعض فيها.
بالمناسبة كان فيه اخت هنا كاتبه انها كانت فى EGC
دى كانت مدرستى انا كمان، وسنسن برضه من لوران شفتوا ازاى فى مغنطيس بيشد الاسكندرانية لبعض.

أم أكرم ومريم

23-11-2006, 11:43

يا جماعه
بالنسبه لموضوع الريحه فعلا صعب اوي
انا اصلي حاسة الشم عندي قويه الله يرحمه بابا كان مسمينا عيلة الكلب هول
انا كنت اعرف ما ما طابخه ايه وانا لسه فى الشارع
سنسن
هو فيه 2 سنسن معانا واحده في الامارات وواحده في امريكا؟؟؟؟؟
ولا انا مش فاهمه؟؟؟
ياجماعه البياعين في مصر روحهم ف مناخرهم ما عندهمش طولة بال زي اللي بنشفهم في البلاد التانيه

أم أكرم ومريم

23-11-2006, 11:56

وزة
النكته بتاعتك جديده اعت اكاكي اصدي اضحك عليها
انا مش عارفه اللي بتروح المسجد وريحتها مش ولابد دي؟؟؟؟؟مفيش راجل بتنام جنبه
او يمكن البعيد اخنف؟؟
بس عندي نصيحه مش مكلفه خالصوهى الشبه
عارفين الشبه حجر ابيض شفاف زي السكر نبات رخيص يعني بجنيه يكفي لمدة سنه واكتر
نطحن الشبه ناعم ونحط شويه تحت الباط وفي الاماكن المتعرقه لها مفعول السحر
وما تتكسفيش من انك تنبهيها دا ما بقاش في اكتر من اعلانات المنظفات

اشطر واحدة

23-11-2006, 11:56

شوفو يا بنات
بالمناسبة انا شاكة و الله اعلم انى اعرفك يا جولدى انا فاكرة انى اعرف حد قالولى بعد ما اتجوزت سكنت ف الفراعنة وانا ساعتها كنت مبسوطة اوى لانى طول عمرى نفسى اسكن هناك هههههههههه
هو انتى عندك كام سنة ؟ و الا اقولك خلينا نتكلم عالخاص احسن

نسيت كنت حقول اية !!

اّة شوفو يا بنات الناس فى مصر تعبانين اوى و حالتهم صعبة و كل مادا بتزيد و الفجوة بين الاغنياء و الفقرا كل مادا بتزيد و الناس بقو مش طايقين بعض
و اللى عايز يسمع كلام درر يسأل اى سواق تاكسى اخبارك اية ! و اسمعو بقى احلى كلام
و خاصة اذا الراجل شم ريحة انكو جايين من برة حيقولكو درر هههههههههه

يا اوز اوز انتى فين ؟

اشطر واحدة

23-11-2006, 12:02

وزة
النكته بتاعتك جديده اعت اكاكي اصدي اضحك عليها
انا مش عارفه اللي بتروح المسجد وريحتها مش ولابد دي؟؟؟؟؟مفيش راجل بتنام جنبه
او يمكن البعيد اخنف؟؟
بس عندي نصيحه مش مكلفه خالصوهى الشبه
عارفين الشبه حجر ابيض شفاف زي السكر نبات رخيص يعني بجنيه يكفي لمدة سنه واكتر
نطحن الشبه ناعم ونحط شويه تحت الباط وفي الاماكن المتعرقه لها مفعول السحر
وما تتكسفيش من انك تنبهيها دا ما بقاش في اكتر من اعلانات المنظفات

ام مكرم :
و لو حطيتو عالشبة شوية مسك ابيض مطحون الريحة حتبقى احلى و فعلا مش بيطلع ريحة عرق
انا اشتريت علبة جاهزة من السفير بالنسبة للبنات بتوع الامارات اللى عايزين منو و كان تمنها يمكن 6 او 7 درهم
و على فكرة انا ف مصر طفشت من كام جامع بسبب الريحة و احقاقا للحق مش المصريين لوحدهم فية جنسيات عربية كتير ريحتهم بتبقى (عنب) دة طبعا غير الهنود و الباتان (يبعتلن حمى الهى) يتفاتلهم بلاد

أم أكرم ومريم

23-11-2006, 12:03

أشطر واحده
انا بحمد ربنا اننا مش بلد نفطيه والاجانب نادر وجودهم
لما حكيت لجوزي الحوار بتاعنا قال لي عندهم حق[عليكم]
انتي شايفه الحياه بمبي علشان ما فيش على الحجر غيرنا

dooo

23-11-2006, 12:05

اولا صباح الخير يا بنات ..............

ازيكم عاملين ايه ؟؟؟؟؟ للاسف مصر بقت حالتها صعبة جدا جدا و دي حاجة تزعل اوي و الكل عايز يطلع منها علشان كدة بتشوفي مستويات كتيييييير مختلفة في الغربة وبيحاولوا يحوشوا فلوس علي قد لما يقدروا و الشعار بتاعهوم ليه نصرف هنا دي مش بلدنا و ده مش بيتنا فبالتالي بيلجأول لأرخص الحاجات و طبعا الصورة النهائية ان احنا معفنيين .
بس مش كلهم في ناس طبيعية و عايشة حياتها و معيشة ولادها كويس اوي و زي الفل ...
و طبعا الكلام هنا عن اللي بيروحوا الدول العربية انا الصراحة مش عارفة عن الدول التانية ..

أم أكرم ومريم

23-11-2006, 12:07

يا اشطر واحده ابني اسمه اكرم
ايه هوه المسك الابيض؟؟؟
انا ما اعرفش 8 دراهم يعني كام بس الكيلو منه ب 4جنيه
وهو يا دوب كام جرام بس اللي عايزنهم

اشطر واحدة

23-11-2006, 12:13

عفوا يا فندم خطأ مطبعى
اكرم اكرم اكرم خلاص حفظتث

المسك الابيض عند العطار حجر زى سكر النبات هو كمان بيتطحن و يتخلط مع الشبة و ريحتو خفيفة و احيانا البنات بعد ال..... بيدوبوة ف مياة و يتشطفو بية عشان يسيب ريحة حلوة ف المكان
اما ال 7 دراهم يطلعو تقريبا 10 جنية ( اصل كل حاجة هنا رخيصة اوى )هههههههههههه

و بمناسبة الوصفات انا بسمع ان المغاربة عندهم وصفات بتعقد ياللا بقى اتحفينا باللى بيشد و اللى بينعم و اللى بيفتح هههههههه

أم أكرم ومريم

23-11-2006, 12:14

dooo
مانقلش ايه اديتنا مصر نقول حندي ايه لمصر؟؟

Goldy

23-11-2006, 12:20

أم أكرم ومريم انا بنزل مصر كل سنة الحمد لله بس الصيف ده منزلتش جوزى هو اللى نزل مرتين علشان كان عنده شغل بس ربنا يسهل ناوية أنزل على العيد الكبير.

شطورة انت كمان من اسكندرية يا أهلا وسهلا.

spanishflower

23-11-2006, 12:27

بس هقولك على حاجة ملاحظة هنا وبدون زعل لاخواتنا المصريات ...الكل خير وبركة

الاسكندرانية بالذات مختلفين عن بقية المحافظات ............مش عارفة ليه؟؟

طيب يا اوزا انا زعلت من الكلمه دي بصراحه
انا كنت فاكره يا بنات انكم هتتكلموا عن موضوع العلاقات او الاخلاق او طريقه التعامل في الشغل بس بصراحه موضوع النظافه و الريحه كده حاسه اني اتكسفت و انا باقراه مش اوي كده و حتي لو قابلنا ناس كده ميبقاش المصريين هما كده
انا و الله مش نعامه و مش بادفن راسي في الرمل بس باطلب المناقشه تكون موضوعيه اكتر شويه
لاني هنا مفيش علاقات الشغل اللي بتخلي الواحد يبان علي اصله علشان كده حكمي هيكون بظروفها
سلام:26:

أم أكرم ومريم

23-11-2006, 12:27

أشطر واحده
فعلا المغاربه فظاع في الاهتمام بنفسهم[جتنا نيله في حظنا الهباب]
لازم الحمام البلدي اللي في الشارع[زي الحمامات اللي كانت في مصر زمان]
لانه بينظف بعمق بس انا ما اقدرش اروح اتكسف ازاي اقعد سلبوته تماما
طبعا جيراني حيتفرسو مني ومتهيأ لهم ان انا من يوم ما جيت من مصر ما استحمتش
وبيقولو لي حمام الدار للطهاره لغاية ما تروحي حمام الزنقه
ولا الليفه يا بنتي سنفره

spanishflower

23-11-2006, 12:41

ام اكرم ازيك
من غير هدوم ازاي انا معايا هنا تونسيه بتقول بيلبسوا بشكير

اشطر واحدة

23-11-2006, 13:05

ام اكرم ازيك
من غير هدوم ازاي انا معايا هنا تونسيه بتقول بيلبسوا بشكير
مينفعش بشكير يا سبانيش لان الفرك بيبقى للركب و بعدين القشف و الجرب المتراكم عبر السنين حيطلع ازاى و انتى لابسة بشكير :hahaha:

spanishflower

23-11-2006, 13:54

مينفعش بشكير يا سبانيش لان الفرك بيبقى للركب و بعدين القشف و الجرب المتراكم عبر السنين حيطلع ازاى و انتى لابسة بشكير :hahaha:
:42: تحفه
طيب انا جايبه معايا من مصر الصابون المغربي و الليفه المغربيه و كان في موضوع واحده مغربيه منزلاه في قسم البشره عن طريقه الحمام المغربي في البيت علشان موضوع العوره و بيجيب نتيجه و الله
الفرك للركب:42: فينك يا سنسسسسسسسسن:42:

اوزوريس

23-11-2006, 15:09

جولدي
انا من كليو با ترا الحمامات
ولما اتجوزت سكنت في سيدي بشر
في العطله لما بنزل مصر بقعد عند ماما ولو بابا اكرم معانا بنروح سيدي بشر
انت بتنزلي كل سنه ولا ظروفك ايه؟؟؟

ام اكرم انت منين من كليوبترا بالضبط لان زوجي من هناك يمكن تكونوا جيران :hahaha:

اوزوريس

23-11-2006, 15:12

يا جماعه
بالنسبه لموضوع الريحه فعلا صعب اوي
انا اصلي حاسة الشم عندي قويه الله يرحمه بابا كان مسمينا عيلة الكلب هول
انا كنت اعرف ما ما طابخه ايه وانا لسه فى الشارع
سنسن
هو فيه 2 سنسن معانا واحده في الامارات وواحده في امريكا؟؟؟؟؟
ولا انا مش فاهمه؟؟؟
ياجماعه البياعين في مصر روحهم ف مناخرهم ما عندهمش طولة بال زي اللي بنشفهم في البلاد التانيه

بس حبيت اوضح لك عقبال ماتظهر سنسن

سنسن كانت عايشة في الامارات وبعدين طارت على امريكا

اوزوريس

23-11-2006, 15:15

وزة
النكته بتاعتك جديده اعت اكاكي اصدي اضحك عليها
انا مش عارفه اللي بتروح المسجد وريحتها مش ولابد دي؟؟؟؟؟مفيش راجل بتنام جنبه
او يمكن البعيد اخنف؟؟
بس عندي نصيحه مش مكلفه خالصوهى الشبه
عارفين الشبه حجر ابيض شفاف زي السكر نبات رخيص يعني بجنيه يكفي لمدة سنه واكتر
نطحن الشبه ناعم ونحط شويه تحت الباط وفي الاماكن المتعرقه لها مفعول السحر
وما تتكسفيش من انك تنبهيها دا ما بقاش في اكتر من اعلانات المنظفات

يا حبيبتي كوزين ميه يحلوا المشكلة وصابونة ان شالله تكون صابونة مواعين:22:

اوزوريس

23-11-2006, 15:32

طيب يا اوزا انا زعلت من الكلمه دي بصراحه
انا كنت فاكره يا بنات انكم هتتكلموا عن موضوع العلاقات او الاخلاق او طريقه التعامل في الشغل بس بصراحه موضوع النظافه و الريحه كده حاسه اني اتكسفت و انا باقراه مش اوي كده و حتي لو قابلنا ناس كده ميبقاش المصريين هما كده
انا و الله مش نعامه و مش بادفن راسي في الرمل بس باطلب المناقشه تكون موضوعيه اكتر شويه
لاني هنا مفيش علاقات الشغل اللي بتخلي الواحد يبان علي اصله علشان كده حكمي هيكون بظروفها
سلام:26:

مانت ياسبانش لو كنتي قرأتي اللى انا مسحته كنتي عرفتي المصريين بيعملوا ايه بالعمل

وبعدين انت قاعدة باليابان يعني مش بتشوفي حاجة من اللى احنا بنشوفه

وصدقيني لو شوفتي زي مش هتقدري تقفلي بقك زي ماحاصل معايا

انا عرفت جنسيات كتيرة وفيهم الحلو وفيهم الوحش

احنا بنوضح الصورة لبعضنا لان ممكن تكوني اول مرة تسمعي الكلام

وللأسف كلامنا مش هيعمل حاجة ولا هيغير شئ

اما بخصوص الاسكندرانية

شوفي انا بقالي 14 سنة وتمتهم يوم 5 الشهر بالضبط واتعاملت مع مصريين من كل المحافظات .لاقيت ان الاسكندرانية مختلفين في كل حاجة للأحسن طبعا

ونادراً لما تلاقي ناس ميه ميه من المحافظات التانية

وبعدين الكلام اللى بنقوله هو قمة الموضوعية وهقولك على موقف وحش قوي

بنتي في المدرسة معاها بنت من بني سويف قاعدة جنبها .بنتي شكت لي انها عاوزة نقل من جنبها تتخيلي ليه؟؟

لان البنت في شعرها قمل

واقسم بالله ان اللى بقوله صحيح

طبعا مش متخيلة ان لسه في الألفيه التانية واحدة مقملة

طبعا كل يوم بنتي تيجي تستحمى وجالها فوبيا انه يتنقل لها......... وكل يوم افتش راسها

وقلت لها بالحسنى قولي للبنت وبلاش فضايح خلى امها تنضفها وفيه ادوية للحاجات دي

قعدنا على الحال ده لحد نص السنة ومفيش فايدة

اضطريت اتصل بالمدرسة يشوفوا الموضوع وفعلا قلبوا الدنيا على البنت واهلها وخلوها تغيب كام يوم ....وكل يوم يفتشوا راسها

قوليلي انت بالله عليكي مش حاجة تحزن

اوزوريس

23-11-2006, 15:48

المايك معايا وهتكلم بس برضة مش على هوايا

في المنزل

من اول نظرة ....المطبخ لونة غامق وحيطانه مزيته وشكله جربان

تدخلي مطبخ صاحبتنا تلاقي لفف واكياس مزنوقة هنا وهناك وممكن صناديق الخضار زي ما هيه يعني كركبة من غير معنى .....وافتحي الدواليب تلاقي برطمانات اشكال والوان وبرضه سرر الاكياس ...شوية كمون في سرة .شوية بهارات في سرة تانية.وكله على بعضه

البوتجاز خمسين عود كبريت .... وقال ايه الاخت نظيفة قوي فارشة فويل على البوتجاز علشان الوساخة ....طبعا الفويل بيتغير من الشهر للشهر وعليه كمية زيت لا بأس بيها ((ممكن تقلي بيها كمان مرة )) هههههههههههه وفوقة اصفر ومهبب ومزيت

والارضية ....مابين البلاط خط اسود فاحم من قلة الدعك .........كوبايات الشاي ...عمرها ماتحطت في شوية كلور يجلوها من الصفار اللى فيها

وطبعا الاخت مربية حيوانات اليفة معاها ....بترمي لهم الباقي من اكل العيال لحد ما يكتروا ويعملوا حملة على الجيران ((صراصير)).أغلبيتهم عنده صراصير

وبعد ده كله تسمعيها وهي بتحكي على النظافة تقولي ايه ...انت معفنة جنبها...

وده ما يمنعش ان فيه ناس بيوتهم زي الفل ودول أقلية

ولو تحبوا اقول لكم على الجنسيات التانية بيوتهم عاملة ازاي .بس هتزعلوا علينا قوي

ومش هقول الجنسيات التانية دول سلالات القصور لا والله من قرى صغيرة ببلادهم ...وده الفرق

أم أكرم ومريم

23-11-2006, 15:50

spanish
لا البشكير ده اخر مرحله لازم الواحده تكون سلبوته او بالكاد بالأندر وير
جيراني وهمه بيقنعوني اروح معاهم قالو لي حنسمح لك بالسوتيان
ده اخر حشمه
أشطر واحده لآمش مسألة أشف هو اصول الحمى
أم عن اختك ام اكرم ففي نظرهم جربانه لانها ما راحتش الحمام عمرها

أم أكرم ومريم

23-11-2006, 16:01

goldi
انا من شارع الجمال
وعندي اخواتي الصبيان من عمر الخيامله
اسالي جوزك لو يعرف علي فضل او محمود فضل
انا بقى عايزه اسالك انتي وباقي السكندريات بتوع ال egc حد فيكم درست له ميس سونيا أيوب؟؟؟؟

أم أكرم ومريم

23-11-2006, 16:06

يا وزه
حرام عليكي انا لما بسمع عن الحشرات جسمي بيفور عليا واهرش وانا جتتي مش خالصه
قولي لي انت منين في مصر
وبجد حزنت على اللي قرآته سفخس عليها

أم أكرم ومريم

23-11-2006, 16:08

goldi
قصدي شارع عمر الخيام اسفه خطأ مطبعي

Goldy

23-11-2006, 16:16

أم اكرم ومريم

احنا ساكنين فى شارع محمد اقبال، وهو جنب عمر الخيام مش اللى فيه صيدلية الخيام .
طيب مين على فضل أو محمود فضل

بصى انا الزهايمر عندى شغال فله، هى ميس سونيا كانت بتدى فرنش.
أوزوا روقى يا حبيبتى انا معدتى مقلوبة من أول اليوم من ساعة حكاية العرق.

أم أكرم ومريم

23-11-2006, 17:18

goldi
محمود وعلي فضل يبقو اخواتي
لوجوزك عرفهم اكيد انا حعرفه
طب لو فبها رذاله لو تحبي تقولي اسم عائلة زوجك
لا ميس سونيا مدسة انجلش ومديرة الحضانه

أم أكرم ومريم

23-11-2006, 17:42

الي كل البنات
شوفوا بما اني اكبر واحده في القعده دي
بس انا سيباكم تنادوني باسمي من كرم اخلاقي وذوقي وادبي وحلاوتي وطعامتي[شايفين التواضع]
كل اللي ساكنين في بلاد جافه عندهم مشكلة خشونة الكعبين.
أنصحكم بالاتي
ننقع الرجلين في ماء ساخن فتره كافيه
نصبن كعب الرجل باي صابون بشكل ان الكعب تكون عليه طبقه كثيفه من الصابون
ندعكها جيدا بحجر الخفاف[عارفينه؟؟]
نشطف رجلنا وننشفها كويس وندهن الكعب بزيت الزتون او خليط من زيت الزتون وزيت اللوز
نلف رجلنا بكلينج فيلم[الورق النايلون بتاع المطبخ]
ونلبس شراب من الليل للصبح وان شاء الله نتيجه رائعه.

اوزوريس

23-11-2006, 18:00

السلام عليكم بنات

انا مش هتكلم تاني:D

لان حاسة انكم هتقلبوا عليا وزعلانيين مني

بس هي دي الحقيقة للأسف:mad:

فئة كبيرة جدا فعلا تعر

وانا لو اتكلمت:a_smil17: هقول بلاوي منيلة بستين نيلة

تشاااااااااااااااااااااو

أم أكرم ومريم

23-11-2006, 18:06

أوزوريس
مش عايزه تقولي انت منين؟؟

أم أكرم ومريم

23-11-2006, 18:39

يا شيرين
ياجماعه قلبي اكلني على شيرين ،من ساعة ماكانت مش ف المود
لغاية النهارده ما ظهرتش محدش يعرف عنها حاجه يطمني؟؟؟

دارييييين

23-11-2006, 20:43

ازيكم يا اخواتي
وحشتوووووووووووووني اوي كلكم
مع اني مش بدخل كتير بس انا متابعاكم ربنا لا يحرمنا من بعض
والله يبارك فيكم كلكم ويخليلكم اولادكم ويرزقكم بالذريه الصالحه
زي ما شيري قالتلكم انا ولدت الحمد يوم 16 -11 والحمد لله عدت علي خير مع انها كانت ولاده صعبه شويه الله لا يوريكم
وجبت ابني معاذ الله يحفظه
علي فكره شيري بتسلم عليكم كلكم لان كارت النت عندها خلص
وانا كلمتها وهي الحمد لله بخير بس محتاجه دعواتكم لانها مضايقه شويه كمان قرب الولاده بيخلي الاعصاب مش تمام
الله ييسرلها وكل حامل يارب
لي عوده ان شاء الله لان النونو بيعط واخواته هيكلوه ههههههههههه

ايمان بفضل الله

23-11-2006, 20:45

ازيكو يابنات انا كنت متابعة كلامكم عن المصريين و النظافة بس عندى كلمة اقولها
ان الكلا م عن عدم نظافة المطبخ و النظافة بوجه عام دة ينطبق على فئة معينة من المصريين و غالبا فى المناطق الشعبية جدا وانا اعرف مصريين كتير جدا بيتهم نظيف اوى و فوق العادى كمان و فى اى وقت ازورهم فيه! و كمان اليومين دول ستات البيوت بيهتموا اوى بالديكور و اكسسورات البيت ونادرا لما الاقى بيت مابتدخلوش شغالة بانتظام فى مناطق راقيه او نص و نص ..

و بمناسبة بيوت الجنسيات التانية انا سمعت ان الهنود و السودانيين فيهم برضه زى ما وصفتوا يعنى مش بس المصريين

ايمان بفضل الله

23-11-2006, 20:49

ازيكم يا اخواتي
وحشتوووووووووووووني اوي كلكم
مع اني مش بدخل كتير بس انا متابعاكم ربنا لا يحرمنا من بعض
والله يبارك فيكم كلكم ويخليلكم اولادكم ويرزقكم بالذريه الصالحه
زي ما شيري قالتلكم انا ولدت الحمد يوم 16 -11 والحمد لله عدت علي خير مع انها كانت ولاده صعبه شويه الله لا يوريكم
وجبت ابني معاذ الله يحفظه
علي فكره شيري بتسلم عليكم كلكم لان كارت النت عندها خلص
وانا كلمتها وهي الحمد لله بخير بس محتاجه دعواتكم لانها مضايقه شويه كمان قرب الولاده بيخلي الاعصاب مش تمام
الله ييسرلها وكل حامل يارب
لي عوده ان شاء الله لان النونو بيعط واخواته هيكلوه ههههههههههه

يا اهلا يا اهلا داريين نورتى القعدة:) وحشنا خالص حمدلله على السلامة و الف مبروك و سلمى على شريين كتيير:26: :26:

ايمان بفضل الله

23-11-2006, 20:51

مينفعش بشكير يا سبانيش لان الفرك بيبقى للركب و بعدين القشف و الجرب المتراكم عبر السنين حيطلع ازاى و انتى لابسة بشكير :hahaha:

طيب و ايه حكم العورة؟ انا عارفة ان بيكون فيه بخار جامد بس برضه اكيد البنت بتشوف كل حاجة!

اشطر واحدة

23-11-2006, 21:18

طيب و ايه حكم العورة؟ انا عارفة ان بيكون فيه بخار جامد بس برضه اكيد البنت بتشوف كل حاجة!
بصى يا ايمان انا عمرى ما عملت حمام مغربى على اصولو بس قبل فرحى بيومين عملت حاجة شبهو بس كنت لابسة مايو بكينى
انا عن نفسى مستحيل اقعد سلبوتة قدام حد ،عشان كدة بعمل الحمام المغربى فى البيت عندى بس طبعا مفتقدة عنصر البخار و بعوضو انى املا البانيو مياة سخنة قوى و اقفل الباب و الشفاط و كل منافذ الهوا فبالتالى الحمام بيتملى بخار
و لو عايزين وصفة ممتاااااااااااااااازة لتقشير و تفتيح الجسم انا فى الخدمة

اشطر واحدة

23-11-2006, 21:20

دارييييييين ازيك و الله لكى وحشة
على فكرة بقينا احنا الاتنين ام معاذ

ابيسة

23-11-2006, 21:49

BANAAAAAAAAT MSER EL 3AZEEZA
I LOVE YOU ALL SOOOO MUCH

JUST TO SAY HI ....:26: :26:
http://www.rosaflora-flowers.com/images/bouquet-redA.jpg

اوزوريس

23-11-2006, 21:53

بصى يا ايمان انا عمرى ما عملت حمام مغربى على اصولو بس قبل فرحى بيومين عملت حاجة شبهو بس كنت لابسة مايو بكينى
انا عن نفسى مستحيل اقعد سلبوتة قدام حد ،عشان كدة بعمل الحمام المغربى فى البيت عندى بس طبعا مفتقدة عنصر البخار و بعوضو انى املا البانيو مياة سخنة قوى و اقفل الباب و الشفاط و كل منافذ الهوا فبالتالى الحمام بيتملى بخار
و لو عايزين وصفة ممتاااااااااااااااازة لتقشير و تفتيح الجسم انا فى الخدمة

انا كمان مستغنية عن الحمام المغربي بهذه الطريقة وبصراحة ممتازة وبتقضي الغرض

اما الليفة واحدة صحبتي سورية بتجيبهالي من سوريا ..........رهيبة

هاتي ياشطورة وصفاتك ليه لاء .لان انا بكتفي بالبودي لوشن بعد الحمام او زيت بيبي جونسون وخلاص

اوزوريس

23-11-2006, 22:01

ازيكو يابنات انا كنت متابعة كلامكم عن المصريين و النظافة بس عندى كلمة اقولها
ان الكلا م عن عدم نظافة المطبخ و النظافة بوجه عام دة ينطبق على فئة معينة من المصريين و غالبا فى المناطق الشعبية جدا وانا اعرف مصريين كتير جدا بيتهم نظيف اوى و فوق العادى كمان و فى اى وقت ازورهم فيه! و كمان اليومين دول ستات البيوت بيهتموا اوى بالديكور و اكسسورات البيت ونادرا لما الاقى بيت مابتدخلوش شغالة بانتظام فى مناطق راقيه او نص و نص ..

و بمناسبة بيوت الجنسيات التانية انا سمعت ان الهنود و السودانيين فيهم برضه زى ما وصفتوا يعنى مش بس المصريين

انت سمعتي وما شوفتي بعيونك عن البيوت التانية

ماشي يا ايمان بكرة بأخدك معايا وبلف بيكي كل شقق ابوظبي ونعمل كبسة على جميع الجنسيات وشوفي الاغلبية من المصريين ايه وضعهم...

وبكرر ان القاعدة مش عامة

وموضوع من احياء راقية او شعبية مالهاش دعوة ............النضيف نضيف

واحنا بنتكلم على المصريين في هنا في ابوظبي

أم أكرم ومريم

23-11-2006, 22:02

دارين
انا طنطك أم اكرم حمدالله على سلامتك
بلغي سلامي لشيرين بدعي الله في كل صلاه
ايمان بفضل الله
والله ولا عندي شغاله ولاحاجه والدارعندي دورين وفيها كمية شبابيك مش معقوله
واولادي غيرمتعاونين خالص ومع ذلك ازعم ان بيتي نظيف
اصل الناظفه يابنتي طبع لاهو بغنى ولافقر
اماعن الحمام المغربي فهو طبعا حرام ده المشاكل اللي بتحصل من واحده بتصور بالموبايل

اوزوريس

23-11-2006, 22:07

و الله يا سبانش انا كمان شعري ابتدى يقع و مش عارفة اعمل له ايه

ازيك يارواء

اخبارك ايه في المانيا

على فكرة زوجة اخو زوجي ألمانية (( أصلي )) بس ماعرفش هي فين قاعدة لان لما بنزل مصر مرات بشوفها ومرات لاْ

عليكي وعلى الزيوت الطبيعية لشعرك والحمامات المغذية

وان شاء الله بينصلح حاله

أم أكرم ومريم

23-11-2006, 22:08

أشطر واحده
ما تعرضيش جسمك لدرجة حراره عاليه[ماء]
لانها خطر بتسحب المعادن من الجسم

أم أكرم ومريم

23-11-2006, 22:10

أوزوريس
ماشي خليكي مطنشاني كده

اوزوريس

23-11-2006, 22:12

ابلة أم أكرم

ازيك ياعسل وازي عيالك ان شاء الله بخير

وزي ما قلتي النضافة مالهاش دعوة

يالهووووووووووووووووووي

لو فتحت في المواضيع التانية هتعملوا ايه ؟؟؟؟؟

خليني أخرس أحسن

بالنسبة لوصفة الرجلين

انا اخر حاجة اشتريت كريم شوول كريم مرطب للقدمين

تصدقوا الفازلين احسن منه

لو عملتوا رجليكم وبعد التنضيف حطوا فازلين الجلد وداوموا عليه ...انسوا

اوزوريس

23-11-2006, 22:15

لو كنتي صبرتي على رزقك شوية

انا كنت بكتب لك وانت بتأنبي فيا

انا ماستغناش ياجميل

انا عاوزة اقول اقتراح

ان شاء الله نتقابل في مصر الاجازة الصيفية الجاية

سواء اللى في اسكندرية او اللى من برة الاسكندرية حتما واكيد هينزلوا زيارة

نتواعد على لقاء كبير ونقول اللى نفسنا فيه جوه مصر

اشطر واحدة

23-11-2006, 22:27

شكرا للنصيحة يا ام اكرم
بصى يااوزا هى وصفة صعبة شوية بس فى النهاية اتفرجى بقى عالنعومة و النضافة
هاتى شوية طحينة و اعصرى فوقهم ليمونة و حطى اى مقشر للجسم من عندك و شوية حليب بودرة و اعجنيهم بالمياة ......... كويس
ادخلى الحمام و حطى الخليط دة على جسمك كوللو ماعدا وشك و استنى ربع ساعة او نص ساعة يعنى على قد ما تقدرى لحد ما جسمك ينشف( انتى خدى معاكى زهرة الخليج و اتسلى فيها لحد ما تزهقى )
بعدين تفركى جسمك بأيديكى مش بالليفة لحد ما تشيلى كل الخليط بالفرك
و بعدين اى شاور جل مع مياة دافية و ............. دمتم
و ما تنسيش تدعيلى

الوردة الفريدة

24-11-2006, 03:56

السلام عليكم ورحمة الله

النت يبوظ عندي يوم اجي الاقي كل ده ما شاء الله

بصوا يا أولا عايزة أفكركم بيوم السبت اول يوم للحفظ اوك؟ وبالنسبة لسؤالك يا ايمان عن الحل الافضل يكون على الخاص وبعدين نحطه على العام

الحاجة التانية بأة عايزة اقول لدارين الحمد لله على سلامتك وسلامي لشيرين

بصوا انا مقهورة من حال مصر والمصريين يعني الواحد كل يوم بيشوف وبيسمع عجب عجاب مش بس برا مصر والله جوا مصر كمان

بس حال المصريين خارج مصر يتمثل في مثل بسيط بيقول "اللي يعرف ابويا يروح يقوله" وده بيخليهم يعملوا كل ما يخطر في بالكم من غير وازع ولا رادع حسبي الله ونعم الوكيل
تلاقي العربي من دول عايز يعمل مشروع ويشارك مصري تلاقي المصري ينصب على الراجل وياخد فلوسه ويهرب ولا يجيب عمال من مصر ويبقى هو راس المال وهما المجهود تلاقيهم يغشوا ويسرقوا الراجل طيب بلاش لو واحد بعت لمصر عايز بضاعة اختارا أسوأ وأرخص صناعة وبعتهوهاله والنتيجة عدم ثقة في الصناعة المصرية والعمالة المصرية والشخصية المصرية عموما

تصوروا فيه مثل او نكتة عند العرب بيقولوا ان مواطن اشترى حمار وتاني يوم مات فقال المواطن والله لو مكنتش خلقة ربنا كنت قلت عليك صناعة مصرية
شايفين وصلوا لايه؟

طيب واحنا هننتظر الدول العربية ولا الشعوب التانية تحترمنا وتقدرنا ليه؟ اذا المصري مهان في بلده وبيته مش بتشوفوا ولا بتسمعوا عن اللي بيحصل في بلدنا؟؟ بلدنا ايه يا جماعة ما خلاص البلد اتخصخصت وحتى البنوك اتباعت لمستثمرين عرب واجانب ويهود ... حتى البنوك طيب حد يقولي اتباعت ليه؟؟ طيب الفلوس دي هتروح فين بعد كده؟؟

لما تروح اي بلد عربي وتحصل مشكلة بين مصري وبين مواطن من نفس البلد تلاقي اهل البلد على طول منحازين لابن بلدهم عملا بمبدأ " أناواخويا على ابن عمي" تعالوا شوفوا في مصر حدث ولا حرج لازم البيه الظابط يعظم ويمجد في العربي ويعلم ابن بلده الادب قدام السائح العربي عشان يعرفوا ان مصر مفيش زيها بس الانطباع بيكون ان مصر بتبهدل ولادها

وافتكر بيت شعر بيقول " بلادي وإن جارت عليا عزيزة" بس المشكلة ان بلدنا مش هيا اللي جارت علينا مش قادرة اقول غير حسبي الله ونعم الوكيل بجد قلبي موجوع

bintmisr

24-11-2006, 04:48

:rotaeye: :dozey:
:rotaeye: :dozey:
:nerd

ايمان بفضل الله

24-11-2006, 08:50

بصى يا ايمان انا عمرى ما عملت حمام مغربى على اصولو بس قبل فرحى بيومين عملت حاجة شبهو بس كنت لابسة مايو بكينى
انا عن نفسى مستحيل اقعد سلبوتة قدام حد ،عشان كدة بعمل الحمام المغربى فى البيت عندى بس طبعا مفتقدة عنصر البخار و بعوضو انى املا البانيو مياة سخنة قوى و اقفل الباب و الشفاط و كل منافذ الهوا فبالتالى الحمام بيتملى بخار
و لو عايزين وصفة ممتاااااااااااااااازة لتقشير و تفتيح الجسم انا فى الخدمة

طيب بتعملى ضهرك ازاى؟:30:
انا كنت بروح فى مصر اعمل حمام بخار فى سنتر و بكون لوحدى فى غرفة البخار و بلبس بشكير و احط كريمات سكرب و اعمل حمام كريم لشعرى كمان بس هنا اخاف اروح لوحدى اى سنتر!

عندك وصفة للتبيض من غير استخدام اكل؟ عشان مش بقدر خالص احط اكل على جسمى او وشى وياريت حاجة تكون ريحتها حلوة:42: انا دورت هنا كتير على سكرب للجسم مش لاقية خالص!! مش معقول مفيش فى ابوظبى و فى فى مصر ! و لو تعرفى منين اشترى سكرب للجسم قولى لى

ايمان بفضل الله

24-11-2006, 08:55

دارين
انا طنطك أم اكرم حمدالله على سلامتك
بلغي سلامي لشيرين بدعي الله في كل صلاه
ايمان بفضل الله
والله ولا عندي شغاله ولاحاجه والدارعندي دورين وفيها كمية شبابيك مش معقوله
واولادي غيرمتعاونين خالص ومع ذلك ازعم ان بيتي نظيف
اصل الناظفه يابنتي طبع لاهو بغنى ولافقر
اماعن الحمام المغربي فهو طبعا حرام ده المشاكل اللي بتحصل من واحده بتصور بالموبايل

طيب ازاى بتنضفى كل دة لوحدك؟؟ !!:09: لازم تخلى اولادك تساعدك لانك لو ماعلمتيهومش هيتعبوا فى حياتهم لما يكبروا..

ايمان بفضل الله

24-11-2006, 08:57

انت سمعتي وما شوفتي بعيونك عن البيوت التانية

ماشي يا ايمان بكرة بأخدك معايا وبلف بيكي كل شقق ابوظبي ونعمل كبسة على جميع الجنسيات وشوفي الاغلبية من المصريين ايه وضعهم...

وبكرر ان القاعدة مش عامة

وموضوع من احياء راقية او شعبية مالهاش دعوة ............النضيف نضيف

واحنا بنتكلم على المصريين في هنا في ابوظبي

والله انتى بقالك هنا 14 سنة و مقدرش اقول حاجة! :) بس بصراحة انا عنرى ماشوفت البيوت دى و مش عايزة اشوفها:30:

ايمان بفضل الله

24-11-2006, 08:58

BANAAAAAAAAT MSER EL 3AZEEZA
I LOVE YOU ALL SOOOO MUCH

JUST TO SAY HI ....:26: :26:
http://www.rosaflora-flowers.com/images/bouquet-redA.jpg

اهلا بيكى:26: :26:

ايمان بفضل الله

24-11-2006, 09:05

السلام عليكم ورحمة الله
بصوا يا أولا عايزة أفكركم بيوم السبت اول يوم للحفظ اوك؟ وبالنسبة لسؤالك يا ايمان عن الحل الافضل يكون على الخاص وبعدين نحطه على العام

و عليكم السلام و رحمة الله
ان شاء الله بكرة

جدول حفظ الجزء الثلاثون

الأسبوع الأول
يوم السبت : سورة الناس,الفلق,الإخلاص,المسد,النص ر,الكافرون,الكوثر,الماعون,قريش
يوم الأحد : سورة الفيل,الهمزة,العصر,التكاثر,الق ارعة,العاديات,الزلزلة.
يوم الاثنين : سورةالبينة,القدر,العلق,التين
يوم الثلاثاء : سورةالشرح,الضحى,الليل,الشمس.
يوم الأربعاء : سورتي البلد والفجر.
يوم الخميس : سورة الغاشية,الأعلى,الطارق.
يوم الجمعة : امتحان فى حفظ من يوم السبت الى الخميس

الأسبوع الثاني
يوم السبت : سورتي البروج والانشقاق.
يوم الأحد : سورتي المطففين والانفطار.
يوم الاثنين : سورتي التكوير ووعبس.
يوم الثلاثاء : سورة النازعات.
يوم الأربعاء : سورة النبأ.
يوم الخميس :امتحان فى حفظ من يوم السبت الى الاربعاء
يوم الجمعة : [مراجعة شاملة للجزء الثلاثون]

كل يوم كل واحدة تقول انجازها فى الحفظ اتفقنا؟ و اللى مش عندهم وقت يحفظوا اللى يقدروا عليه

كنزي1

24-11-2006, 10:49

ازيكم يابنات عاملين اية
واية اخباركم كلكم انا بسلم عليكم نفر نفر
معلش كان بقالي شوية كدة مختفية اصلي كان عندي شوية تحاليل ومتابعة ربنا يسهل والاكام شهر دول يعدو والواحد يقوم بالسلامة بقي
بالنسبة للحفظ انا مشهينفع التزم معاكوفي التسميع لاكن ان شاء الله هحفظ وربنا يقدرني وبنوتي تخليني احفظ شوية
ازيك ياداريين
واخبر معاذ اية ربنا يخلية هو واخواته ان شاء الله وسلمي علي شيري كتير
وسلامي للجميع

أم أكرم ومريم

24-11-2006, 11:29

أوزوريس
ايوه كده احبك وانتي مهذبه قولي لي يا نينيه يا تيزه يا انكل
فكرتك عن لقائنا في مصر رائعه انا بنزل اول اسبوع في شهر 7 يا ريت نرتب مع بعضينا لقاء
وهوه لسه في حاجه تنقال اكثر من كده ؟؟

أم أكرم ومريم

24-11-2006, 11:59

أيمان بفضل الله
انا أول واحده بصحى من النوم واخر واحده بنام وطول النهار عامله زي الثور اللي مربوط في ساقيه
حاحكي لك على موقف
شهر ابريل الماضي كان عند ابني امتحان السفاره وكان صابح عنده امتحان الساينس
ولانه محتاج يقعد يركز قلت اعمله سندوتش كبده يكله بسرعه بدل ما يقعد معانا ويضيع وقت
وانا بقطع قرن الفلفل علشان اتبلها قطعت صبعي واتخيط خياطه داخليه لانه جرح عميق
طبعا ربطت ايدي وحال البيت وقف ،بابا اكرم تطوع انه يغدينا بسرعه وقل لي اطلعي استريحي
لقيت مريم طالعه تقولي الحقي بابا حيغدينا [عشا] في الاول ما فهمتش
ولما لقيته فتح تونه وفول وقلى بيض فهمت قصدها اصل التونه والحاجات دي للعشا مش غدا
ويوم اجازته حب يطبخ طنجرة الضغط انفجرت وطرطشت على الحيطه وبهدلت البوتجاز
عارفه قال لي ايه؟؟
ماجده،[اسمي] انتي الوحيده اللي ما عندهاش الحق في المرض
طولت عليكي معلش

أم أكرم ومريم

24-11-2006, 12:07

يا كل البنات
عايزه أسالكم عن زكاة المال؟؟ هل بتطلعوها عندكم[كل واحده في البلد اللي هي في]
ولا من رأيكم لما ننزل مصر[هما اولى]؟؟
جوزي بيطلعها هنا وانا شايفه ان مستشفى سرطان الاطفال اولى
وكل سنه على الحيره دي انتم رايكم ايه؟؟

اوزوريس

24-11-2006, 12:54

يا كل البنات
عايزه أسالكم عن زكاة المال؟؟ هل بتطلعوها عندكم[كل واحده في البلد اللي هي في]
ولا من رأيكم لما ننزل مصر[هما اولى]؟؟
جوزي بيطلعها هنا وانا شايفه ان مستشفى سرطان الاطفال اولى
وكل سنه على الحيره دي انتم رايكم ايه؟؟

سلامة صوابعك يا جميل

شوفتي جرح صغير في ايدك وقف حال البيت

انا زوجي دايما يقولي خلي بالك على نفسك ....اوعي... واوعي.... وانتبهي....

بس على مين ؟؟ انا فاهمة:42:

اقوله ياراجل ايه الحب ده كله اللى بينزل عليك من حيث لا ادري:26:

انت خايف يحصل لي حاجة ...........علشان ما تغرمش تجيب شغالة :22:

بصراحة يضحك ههههههههههههه ويقولي فاهماني

بالنسبة لزكاة المال ممكن تطلعيها في مصر

لكن زكاة الاعياد لازم بالبلد اللى انت فيها

على حسب ما بسمع برنامج الفتاوي

والله اعلم

احنا بنرسلها لمصر

رواء الاسلام

24-11-2006, 12:55

طيب واحنا هننتظر الدول العربية ولا الشعوب التانية تحترمنا وتقدرنا ليه؟ اذا المصري مهان في بلده وبيته مش بتشوفوا ولا بتسمعوا عن اللي بيحصل في بلدنا؟؟ بلدنا ايه يا جماعة ما خلاص البلد اتخصخصت وحتى البنوك اتباعت لمستثمرين عرب واجانب ويهود ... حتى البنوك طيب حد يقولي اتباعت ليه؟؟ طيب الفلوس دي هتروح فين بعد كده؟؟

لما تروح اي بلد عربي وتحصل مشكلة بين مصري وبين مواطن من نفس البلد تلاقي اهل البلد على طول منحازين لابن بلدهم عملا بمبدأ " أناواخويا على ابن عمي" تعالوا شوفوا في مصر حدث ولا حرج لازم البيه الظابط يعظم ويمجد في العربي ويعلم ابن بلده الادب قدام السائح العربي عشان يعرفوا ان مصر مفيش زيها بس الانطباع بيكون ان مصر بتبهدل ولادها

وافتكر بيت شعر بيقول " بلادي وإن جارت عليا عزيزة" بس المشكلة ان بلدنا مش هيا اللي جارت علينا مش قادرة اقول غير حسبي الله ونعم الوكيل بجد قلبي موجوع

انا معاكي في كل كلمة انت قولتيها
و دايما باقول لزوجي المصري مهان في بلده و طبيعي يهان برة بلده و اذا اضايق من موقف حصل لنا اقوله اذا انت مش محترم في بلدك عايز بلد غير بلدك تحترمك ازاي؟

ربنا ينتقم من اللي كان السبب

اوزوريس

24-11-2006, 12:56

بالنسبة للتجمع في مصر بإذن الله

كل واحدة تشوف هتنزل امتى .....وطبعا بينا النت ....

اللى موافق يقول

OK