بنات مصر في الغربه

[كلبيزو]

بنات شفتو الموضوع بتاع روبى ماشاءالله شطوووووووووور واوزا قاموا بالواجب وزياده وجولدى الجميله خلت ختامها مسك وسهلولتى حبيبتى اديها على دماغها بس بالذووووووووق تسلموا يارب كلكم ويخليكوووووووووووووولمصر

[اوزوريس]

السلام عليكم ورحمة الله وبركاته

ازيكم يا انساااااااااااات مصر ههههههههههه طبعا كذابة

اخباركم ايه ؟؟؟ ان شاء الله تكونوا كلكم بخير انتم واولادكم

طبعا السلام للكل نفرايه نفرايه

وانا متأخرة عليكم لان كان عندي شوية ظروف والحمد لله والفضل لله انتهت مبدئيا

انا مش عارفة ايه اللى بيحصل في المنتدى

الناس جالها صرعة على المصريين وعمايل المصريين ومفكرين مصر دي عبارة عن هالة سرحان ويسرا وروبي

ان شاء الله كل واحدة ترد يكون في ميزان سيئاتها بعدد ال100 مليون مصري ومصرية اللى قاعدين يسبوهم بدون هدف وطبعا اللى ساكتين على الموضوع وفرحانيين به ومش همهم الا يتفرجوا على السب والشتمة والقذف بين المسلمين ........ هما كمان وكل واحدة فيهم لها نصيب في السيئات من ال100 مليون مصري برضه ...........ماشاء عددنا كبير


والله يا بنات انا شايفة مواضيع برضه فضايح لهم ولكن اتقي الله في الرد وممكن ارد ردود تحرق دمهم

ومشاكل توضح بلاوي في مجتمعهم بس اقول في نفسي بلاش .....لان حرام ....وزي ما فيهم الطالح فيهم الصالح ومفيش داعي للتعميم

لكن للأسف اول مايشوفوا موضوع تافه وعبيط على المصريين .....السنتهم تسحب من الاسكندرية لحد حلايب

ونسوا او تناسوا كل ماهو جميل في مصر من .....ومن .....ومن.......((( ونحن في غنى عن التعريف)))

حتى الموضوع اللى الاخت كتبته عن المصريين الله يجازيها خير برضه دخلت واحدة تقول مافي داعي لمواضيع مثل هذه لانها بتثير الفتن

يعني الاخت استكترت علينا حد يقول كلمة حلوة في حقنا

حسبى الله ونعم الوكيل

[اوزوريس]

السلام عليكم ورحمة الله وبركاته

ازيكم يا انساااااااااااات مصر ههههههههههه طبعا كذابة

اخباركم ايه ؟؟؟ ان شاء الله تكونوا كلكم بخير انتم واولادكم

طبعا السلام للكل نفرايه نفرايه

وانا متأخرة عليكم لان كان عندي شوية ظروف والحمد لله والفضل لله انتهت مبدئيا

انا مش عارفة ايه اللى بيحصل في المنتدى

الناس جالها صرعة على المصريين وعمايل المصريين ومفكرين مصر دي عبارة عن هالة سرحان ويسرا وروبي

ان شاء الله كل واحدة ترد يكون في ميزان سيئاتها بعدد ال100 مليون مصري ومصرية اللى قاعدين يسبوهم بدون هدف وطبعا اللى ساكتين على الموضوع وفرحانيين به ومش همهم الا يتفرجوا على السب والشتمة والقذف بين المسلمين ........ هما كمان وكل واحدة فيهم لها نصيب في السيئات من ال100 مليون مصري برضه ...........ماشاء عددنا كبير


والله يا بنات انا شايفة مواضيع برضه فضايح لهم ولكن اتقي الله في الرد وممكن ارد ردود تحرق دمهم

ومشاكل توضح بلاوي في مجتمعهم بس اقول في نفسي بلاش .....لان حرام ....وزي ما فيهم الطالح فيهم الصالح ومفيش داعي للتعميم

لكن للأسف اول مايشوفوا موضوع تافه وعبيط على المصريين .....السنتهم تسحب من الاسكندرية لحد حلايب

ونسوا او تناسوا كل ماهو جميل في مصر من .....ومن .....ومن.......((( ونحن في غنى عن التعريف)))

حتى الموضوع اللى الاخت كتبته عن المصريين الله يجازيها خير برضه دخلت واحدة تقول مافي داعي لمواضيع مثل هذه لانها بتثير الفتن

يعني الاخت استكترت علينا حد يقول كلمة حلوة في حقنا

حسبى الله ونعمة الوكيل

[ام شوشوو]

بنات متدونى الروابط ده...انا اخر موضوع وده كان من مده واحده سعوديه الله يبارك فيها ويكرمها
كاتبه بتدافع عن المصرين...وكتير مقيدنها وفي ناس بترمي كلام...بس عارفين والله الواحد ميهتمش ليهم ابدا...لانكم لو تشوفوا اد ايه بيدافعوا عن المصرين وهما مش مصرين...تعرفي ان الناس ده الى بتلمع او تسب علني خسارة حد ير د عليهم...وحسبنا الله ونعم الوكيل

[سهلولة1]

القصة دي تكررت مع اثنين من أصدقائنا .......... الله يرحمهم

http://forum.hawaaworld.com/showthread.php?t=799435

[slim lady]

شكرا على الترححيب
يا شربن انا من قرية تبع كفر الشيخ
وانت من فين
وحشتني مصر وبجلس لوحدي ابكي واقول يا حبيبتي يامصر يا مصر
يا بلادي يا احلى البلاد با بلادي
فداكي
انا والولاد يا بلادي
بلادي يا بلادي
ياحبيتي يا مصر يامصر
نفسي اشوفك يابلدي

[slim lady]

اعتذر عن الاخطاء في الكتابة لان ما عنديش عربي في الكمبيوتر
وبكتب من لوحة مفتايح من منتدى لك
ودمتم بصحة وسلام

[sansooona]

بسم الله الرحمن الرحيم
السلام عليكم ورحمة الله وبركاته
ازيكم يابنات عاملين ايه جزاكن الله خيرا على ترحيبكم بى
انا من الصعيد وزوجى طبيب فى بعثة هنا بقى لنا سنة ونص عندى بطاطساية وانتظر اللى فى السكة
انا ميسوطة قوى انى معاكم واحس انى بين اهلى

[كلبيزو]

سهلوله قصتك وجعت لى قلبى اوى لا وامتى بعد ماصليت الفجر قريتها وصعب على اوى ابنه الصغير ربنا يسترها معانا ويرحمنا برحمته جزاك الله خير على التذكير بهادم اللذات

[bintmisr]

انتوا يا حلوات مصر اتصدقوا انتو أندال ولا واحدة كلفت خاطرها تسأل عنى لالالالالالا
ده أنا كده اللى هأفتح لكم موضوع جديد سب وقذف لكل المصريين ونازلين بس قلقاس وفطير والمصراويات كتروا خالص طيب تشابه الاسامى ده مفكركوش بيا :(

[كلبيزو]

انتوا يا حلوات مصر اتصدقوا انتو أندال ولا واحدة كلفت خاطرها تسأل عنى لالالالالالا
ده أنا كده اللى هأفتح لكم موضوع جديد سب وقذف لكل المصريين ونازلين بس قلقاس وفطير والمصراويات كتروا خالص طيب تشابه الاسامى ده مفكركوش بيا :(

والله يبنوته انت على بالنا بس الايام دى زى منت شايفه الاساتذه شاده حيلها على المصريين اوى تقوليش ضرايرهم لا اله الا الله وحشتينى اوى والله

[كلبيزو]

بنات اضحكوا شويه http://www.mana.ae/wc.htm

[spanishflower]

السلام عليكم يا بنات
انا رجعت الحمد لله
الف شكر لكل البنات اللي كلموني و بعتولي
جازاكم الله خيرا
رواء خصوصا انا فعلا كسبت اخت في الله
انا كتبت الموضوع ده و رجاء خاص محدش يكتب الا تجربه شخصيه لاني مش عايزه اضايق حد و لا اسبب اكتئاب او زعل لاي حد منكم
http://forum.hawaaworld.com/showthread.php?t=800434
السلام عليكم

[كلبيزو]

السلام عليكم سبانش الف حمدالله على سلامتك يحببتى ويارب تكونى احسن دلوقتى وربنا معاكى ويهونها عليكى يااارب

[مصرية رقيقة]

سبانش رنون ازيك ياحبيبه قلبي حمد الله على سلامتك والله في بالي ومفتقداكي يلا شيدي حيلك وربنا يأجرك في مصيبتك ويخلفلك خير منها آآآآمين يارب

[كتكوتة كتكوتة]

وعليكم السلام ورحمة الله وبركاته
اول حاجة الحمد لله على سلامتك ونورتى ملفك و ربنا يغفر لولدتك ويسكنها فسيح جناته وربنا يصبركم ويجمعكم بها فى الفردوس الاعلى

[مصرية رقيقة]

وصايا في آداب الحياة


* من آداب حسن الخلق *
لا تسخر من الآخرين وأحلامهم الوردية الجميلة وخاصة من تعتقد أنهم أقل منك من الناس البسطاء الطيبين، فربما تكون منزلتهم عند الله أسمى وأرفع منك ومن كثير من علياء القوم، وقد تحظى بشفاعتهم يوم الحساب. ولا تقلل من شأن الأحلام فالدنيا بدونها رحلة جافة ومملة مهما كان الواقع جميلاً .


* من آداب الحوار *
فكر كثيراً وتحدث قليلا ً، ولا تهمل كل ما تسمعه فمن المؤكد أنك ستحتاجه في المستقبل .


* من آداب الاعتذار *
لا تتردد في أن تتأسف لمن أخطأت في حقه وانظر في عينيه وأنت تنطق كلمة الأسف ليقرأها في عينيك قبل أن يسمعها بأذنيه.


* من آداب المعاملة *
لا تحكم على شخص من كلام أقربائه فقط .. فالإنسان لم يختر والديه فما بالك بأقربائه !
ولا تحكم على صديقك إذا كان الحزن يظهر دائماً في عيناه وكان قليل الابتسام والاختلاط بالناس بأنه شخص ممل غريب الأطوار ويسبب الكآبة للآخرين، فربما كان يخفي في قلبه سراً دفيناً أو ألماً كبيراً ولا يريد أن ينتقل إلى الناس الذين يحبهم فيحزنهم.


* من آداب الحديث *
إياك والكذب .. وعندما لا تريد الإجابة على سؤال ما، فابتسم للسائل قائلاً:
يا صديقي إنه ليس من المهم فعلاً أن تعرف ذلك .


* من آداب الحديث في الهاتف *
عندما يرن الهاتف ابتسم وأنت تتلقى السماعة فإن محدثك على الطرف الآخر سيرى ابتسامتك من خلال نبرات صوتك .


* من آداب الصداقة *
لا تدع الأشياء الصغيرة التافهة التي تحدث في لحظة ما تدمر صداقتك الطويلة الغالية التي تدوم بدوام الحياة .


* من آداب الحب *
إذا أحببت شخصاً بصدق فاذهب إليه وقل إنك تحبه في الله، أما إذا كنت تعشقه فلا داعي أن تقول له شيئا، لأنه سيعرف الحقيقة بمجرد النظر في عينيك إن شاء الله في الحلال .



إذا كنت فقيراًً فهناك من هم أفقر منك
وإذا كنت ضعيفاً فهناك من هم أضعف منك
وإذا كنت حزيناً متألماً فاعلم أن هناك الكثير ممن هم يتألمون أكثر منك
أما إذا كنت قوياً وغنياً وسليماً وذو عقل فاعلم أن هنالك دوماً من هو أقدر منك


منقول للأمانة

[Goldy]

سبانش حمد لله على سلامتك، والبقاء لله

[sama_sehab]

سبانش حمد الله على سلامتك وربنا يرحمها ويغفر لها

[مصرية رقيقة]

http://forum.hawaaworld.com/showthread.php?p=11555872#post 11555872
جدول زمنى للأيام البيض يابنات

[اوزوريس]

سبانش

الله يرحم والدتك ويغفر لها ويسكنها فسيح جناته

وحمد الله على سلامتك وشيدي حيلك

ومن نعم الله علينا ان المصيبة تكون في اولها كبيرة وتتضاءل مع الزمن

انتبهي على نفسك وعلى بناتك

[الوردة الحالمة]

بنات متدونى الروابط ده...انا اخر موضوع وده كان من مده واحده سعوديه الله يبارك فيها ويكرمها
كاتبه بتدافع عن المصرين...وكتير مقيدنها وفي ناس بترمي كلام...بس عارفين والله الواحد ميهتمش ليهم ابدا...لانكم لو تشوفوا اد ايه بيدافعوا عن المصرين وهما مش مصرين...تعرفي ان الناس ده الى بتلمع او تسب علني خسارة حد ير د عليهم...وحسبنا الله ونعم الوكيل
صح لسانك بعض الكلام ما يستاهل احد يرد علية

((واذا خاطبهم الجاهلون قالو سلاما ))
السلام عليكم يا بنات
انا رجعت الحمد لله
الف شكر لكل البنات اللي كلموني و بعتولي
جازاكم الله خيرا
رواء خصوصا انا فعلا كسبت اخت في الله
انا كتبت الموضوع ده و رجاء خاص محدش يكتب الا تجربه شخصيه لاني مش عايزه اضايق حد و لا اسبب اكتئاب او زعل لاي حد منكم
http://forum.hawaaworld.com/showthread.php?t=800434
السلام عليكم
عظم الله اجركم وجعل والدتك من اهل الفردوس الاعلي

[مدام شيرين_ام ادهم]

سبانش

حمد الله على سلامتك

خدى بالك من نفسك ومن بناتك لانهم اكيد صغيرين بس حاسين

ووالدتك ادعيلها بالرحمه والمغفره

لن ينفعها الا الدعاء

عظم الله اجرك والهمك الصبر والسلوان

[مدام شيرين_ام ادهم]

سليم لادى

ازيك ياقمر

انا من دسوق

وانتى من اى حته؟؟؟؟؟؟؟؟؟

[سهلولة1]

سبنش حمد لله على سلامتك :26:

[remi_mans]

سبانش الحمد لله على سلامتك و ربنا يرحم امك و يجعلها فى الفردوس الاعلى يااارب

[ام شوشوو]

حمدا لله على سلامتك وعظم الله اجركم...والهمك الصبر ...ورجوعك لنا يا سبانش نورنا الملف الى انتى فاتحه...وربنا يصبرك....

[أم أكرم ومريم]

حمد الله على سلامتك يا ام جانا
تماسكي عشان البنات وربنا يبارك ف عمرك ويخليكي ليهم

[أم أكرم ومريم]

كلبيزو
احنا ما عندناش قلقاس بس بجد حموت عليه .....فكرت مره اعمل البطاطس بدل القلقاس بس خفت تفشل ...ما تعرفليش بديل؟؟؟ولا اجي اشارك سمؤه ف القعده الطريه ام عشره كيلو؟؟

[أم أكرم ومريم]

ام دودو
انتي داخله على طمع؟؟احنا بنطلب من الجداد وصفه اكل.....انتي بقى اختينا على مشمنا من قحم ولا دستور.....انا النهارده عملت باطون صاليط .....تعرفيه...اهو تمشي حالك لحد ما تلاقي الفطير....على فكره انا من كام سنه رحت النخيل وكان مصيف جميل

[اوزوريس]

مساء الخير يا بنات

طبعا انا مش هكتب بالاسم والسلام للكل نفراية نفراية

وتحية خاصة للبنات الجدد اللى من الاسكندرية (( عندي عنصرية )) واللى من القاهرة واللى من باقي المحافظات

كلنا تحت راية

مصر


انا عندي حالة ملل وداخلة على كآبة والحمد لله

وحابة اطلع من الحالة دي وطبعا دخلت ملف المعجنات قلت افتش فيه اشوف حاجة جديدة اعملها واحارب حالة الملل دي

لاقيت بصراحة ملف رائع ومليان حاجات كتير حلوة ومن الواضح ان صاحبة الملف خبيرة
مش ست بيت عادية وهذا يؤكد ان شغلها اكيد هيطلع حلو وممتاز

وانا من قبل كنت عملت بعض الحاجات اللى عرضاها من كتاب الف باء الطبخ وهو موسوعة وخصوصا للمبتدأت

المهم

لاقيت فيه طريقة الكرواسون بعجينة الباف بستري والتارت والاكلير والسنابون

وكمان الصمون والتوست والتوست الاسمر (( الشابورة )) والقراقيش اللى بسمسم وحتى عجينة المكرونة وطبعا ده اللى قدرت اوصله

وانا بقترح ان هجرب حاجة واقول لكم اخبارها وكل واحدة تجرب حاجة تانية

وانا هروح اجيب الرابط وارجع

[اوزوريس]

http://forum.hawaaworld.com/showthread.php?t=244561

بس خلى بالكم طويل وادخلوا صفحة صفحة

انا وصلت لصفحة 45 ولسة هكمل بس فيه شرح مابين الصفحات وخصوصا ردود الاخت دردشة فيها نعرف العيوب او الاخطاء اللى ممكن نقع فيها

اللى تجرب حاجة وتطلع حلوة تقول لنا عليها



تشااااااااااو بناويت

[من دون اسم]

هاى يا جماعة ازيكوو انتووو فيييييييييين

[bintmisr]

سبانش حمدلله على سلامتك
نورتى مكانك بين اخواتك واهلك فى الملف
ارجو أن تكونى فى احسن حال وبصحة ممتازة ويلا شدى همتك كنا مفتقدينك ونحن الان فى انتظار أحلى المشاركات:)

[أم أكرم ومريم]

سبانش
ممكن اسالك على رواء الاسلام؟؟؟هي رجعت لالمانيا ولا لسه في مصر....انا حاسه انها في ورطه...
مش عارفه ليه الاحساس ده عندي من عيد الاضحى ومش عايز يروح الله يخليكي طمنيني عليها لو عندك اخبارها

[أم أكرم ومريم]

بنت مصر
وحشتينا والله وعمرنا ما نسناكي......ده الملف فيه اكتر من واحده اسمها فيه حاجه من مصر....ربنا يبارك في اساميكم جميعا.....طمنينا على الولاد اخبارهم ايه وموجة البرد خلصت ولا لسه؟؟

[مصرية رقيقة]

ايه يابنات ماشفتش حد منكم ليه في الموضوع بتاع جدول الايام البيض انتوا مش ناووين تصوموا ولا ايه ؟؟
http://forum.hawaaworld.com/showthread.php?t=800491

[كلبيزو]

السلام عليكم يابنات ازيكم جميعا يارب تكونوا بالف خير مصريه رقيقه حبيبتى تسلمى كلنا حنصوم بامر الله بس بصراحه مدخلتش لانى كنت مش فاضيه بس دلوقتى حدخل اهه ولاتزعل يقمر

[كلبيزو]

كلبيزو
احنا ما عندناش قلقاس بس بجد حموت عليه .....فكرت مره اعمل البطاطس بدل القلقاس بس خفت تفشل ...ما تعرفليش بديل؟؟؟ولا اجي اشارك سمؤه ف القعده الطريه ام عشره كيلو؟؟

مجوده العسل تسمحى لى اقولك باسمك ولا :( دة انت تنورى يام اكرم يسلام دى الاعدع تحلو حتى بدمك الى زى الشربات بس زعلتينى غريبه اوى مفيش قلقاس المغاربه دول تحف اوى بس يمكن ميعروفهوش معلش يجميل انا حاكلهولك والله بعمله حلو اوى جوزى مكنش بياكله رغم ان امه الله يرحمها كانت طباخه درجه اولى وبتعمل حلويات محصلتش بس لمااجوزنى عجبته طريقتنا اوى وباة يحبه معلش دوشتك

[كلبيزو]

بنات التوقيع حلو ولا مكعبر كده وكبير قولولى بكل صراحه انا مبزعلش على فكره

[كتكوتة كتكوتة]

السلام عليكم ورحمة الله وبركاته
ازيكم يا بنات اخباركم ايه كلكم
انا دخلت ملف المعجنات ما شاء الله شامل تقريبا كل حاجة يلا ورونا الشطارة اللى تجرب تقول ان شاء الله

[كتكوتة كتكوتة]

كلبوزة شيكى على الخاص

[اشطر واحدة]

كلابيزو

التوقيع بصراحة كبير
و الصورة الشخصية بيحزروا منها لان مقبض السيف على شكل صليب
ادخلى المجلس العام حتلاقى موضوع بخصوص علم السعودية المدسوس على السعوديين

[كلبيزو]

كلابيزو

التوقيع بصراحة كبير
و الصورة الشخصية بيحزروا منها لان مقبض السيف على شكل صليب
ادخلى المجلس العام حتلاقى موضوع بخصوص علم السعودية المدسوس على السعوديين

شطوووووور ربنا يكرمك انا بردو رايى كده وكويس انك نبهتينى على الصوره الشخصيه ربنا يسترها معاكى دنيا واخره ياااوختىىىىىىىىىى:)

[ام شوشوو]

سلام عليكم كلكم يا بنات
عامللين ايه؟؟؟ كلبوزه التوقيع حلو بس كبير شويه بس ماشي مفيش مشكله عليه :)

وكتوكته الحلوة قسم المعجنات رائع انا غرقانه فيه وبجرب حاجات كتير...وكان فيه ملف للشيف اسامه حلو جدا ومترتب حلو...انا بحب طريقته في بعض الاكلات

بدون اسم اهلا بيكي ويلا شاركينا

اما اكرم ومريم...انا مبحبش الاقلقاس بس شاكلي هجربه بسببك

[كلبيزو]

سلام عليكم كلكم يا بنات
عامللين ايه؟؟؟ كلبوزه التوقيع حلو بس كبير شويه بس ماشي مفيش مشكله عليه :)

وكتوكته الحلوة قسم المعجنات رائع انا غرقانه فيه وبجرب حاجات كتير...وكان فيه ملف للشيف اسامه حلو جدا ومترتب حلو...انا بحب طريقته في بعض الاكلات

بدون اسم اهلا بيكي ويلا شاركينا

اما اكرم ومريم...انا مبحبش الاقلقاس بس شاكلي هجربه بسببك

ام شوشو الجميله تسلمى ياقمر يارفعه من معنوياتى والله انت الى احلى يابطه على العموم غيرته واى واحده عايزة الطريقه تقولى لانى اتعلمته وهو اسهل من السهوله

[مصرية رقيقة]

ميرسي يا كلبيزو يا قمر ربنا مايحرمنيش منك يا جابره خاطري انتى
أم أكرم غريبه قوى ان مافيش عندكم قلقاس طب انتى دورتي عليه مفرزن في السوبر ماركت اشمعنى هنا كل حاجه اللى نعرفه واللى مانعرفوش انا بجيبه هنا مفرزن مصري وبعمله مع لحمه ضاني روووعه

[sama_sehab]

ازيكم يا بنات انا جه اهه لسه واصل حالا وحشتوني كلكم كلكم
بالنسبه للقلقاس انا كمان ما عنديش قلقاس في المكان اللي انا فيه وما عنديش كمان جمبري وكابوريا رغم اني ساكنه على البحر مباشرة وكمان السمك ممكن نشوفه مره مرتين في السنه حسب الجو في اشخاص بيصطادوا واللي بيصطادوه بيبيعوه وصدفه باه يعني يا لحمه يافراخ لما الواحد شويه يماما وشويه يكاكي
بنات ما حدش يعرف حاجه عن وسام الشارقه ؟هي رجعت ولا لسه؟

[مدام شيرين_ام ادهم]

ازيكم يابنات

ايه اخباركم

اوز اوز

الملف جميل
وام سعود (دردشه مطابخ) ماشاء الله عليها
هى مش دارسه وبتقول ان ده نتيجه لكثره قراءاتها وتطبيقها

وماشاء الله عليها كانت عامله تشكيله تورتات رااااائعه وكانت مسميه المجموعه اعراس سعوديه
ونزلت فى الجريده نبذه عنها وصورها لاعراس سعوديه
وهى كانت تعبانه والكل يدعى لها بالشفاءالعاجل باذن الله

[مدام شيرين_ام ادهم]

http://forum.hawaaworld.com/showthread.php?t=801229

لا حول ولا قوه الا بالله

[كلبيزو]

ازيكم يا بنات انا جه اهه لسه واصل حالا وحشتوني كلكم كلكم
بالنسبه للقلقاس انا كمان ما عنديش قلقاس في المكان اللي انا فيه وما عنديش كمان جمبري وكابوريا رغم اني ساكنه على البحر مباشرة وكمان السمك ممكن نشوفه مره مرتين في السنه حسب الجو في اشخاص بيصطادوا واللي بيصطادوه بيبيعوه وصدفه باه يعني يا لحمه يافراخ لما الواحد شويه يماما وشويه يكاكي
بنات ما حدش يعرف حاجه عن وسام الشارقه ؟هي رجعت ولا لسه؟

سمسومه انا كمان وسام فى بالى وقلقانه عليها والله وكل يوم اقول حترجع وملقيهاش بس مقلتليش يوليه فينك من الصبح وايه رايك فى التوقيع الكئيب ده

[كلبيزو]

ميرسي يا كلبيزو يا قمر ربنا مايحرمنيش منك يا جابره خاطري انتى
أم أكرم غريبه قوى ان مافيش عندكم قلقاس طب انتى دورتي عليه مفرزن في السوبر ماركت اشمعنى هنا كل حاجه اللى نعرفه واللى مانعرفوش انا بجيبه هنا مفرزن مصري وبعمله مع لحمه ضاني روووعه

بسكوته حبيبتى كلبيزو دايمن فى خدمتك انت بس اكتبى مواضيع وانا وراكى بالنسبه للقلقاس ليه مش بتجيبى فرش زى احسن من السيتى او من سوق الخضره المفرزن بيتهرى بسرعه جربى وحتدعيللى:)

[أم أكرم ومريم]

ميرسي يا كلبيزو يا قمر ربنا مايحرمنيش منك يا جابره خاطري انتى
أم أكرم غريبه قوى ان مافيش عندكم قلقاس طب انتى دورتي عليه مفرزن في السوبر ماركت اشمعنى هنا كل حاجه اللى نعرفه واللى مانعرفوش انا بجيبه هنا مفرزن مصري وبعمله مع لحمه ضاني روووعه
ضحكتيني يا سو ربنا يكرم اصلك ويعزك.....مفرز معجن مخبل بس الاقيه احنا يا ماما مش في الخليج
صدقي بالله حتجنن على الملوخيه(ماهي برضه ما يعرفوهاش)وبصبر نفسي انها هانت كلها كام شهر وننزل باذن الله

[أم أكرم ومريم]

كلبيزو
هو القلقاس بس اللي مش موجود؟؟؟خدي عندك لاسته بالي محرومين منه....كل منتجات السمسم...طحينه حلاوه ....العسل الاسود مايعرفوهوش برضه....جبنه رومي بسطرمه جيلي جوافه منجا بلح احمر...كتيييير ف تلاقينا لما ننزل مصر بنفتري في الحاجات دي....ربنا يستر السنه دي ونقدر ننزل....لان لو حمدي صحته مااتحسنتش مش حيجيني قلب اسافر واسيبه.....بالمناسبه اندهني باي حاجه
ولا يهمك

[أم أكرم ومريم]

ام شوشو
ممكن اقول لجنابك حاجه؟؟مع اعتذاري لحضرتك....سعادتك فقريه....حد يبقى عنده قلقاس ويقول لا؟؟؟
دا انا باكله في الصيف بتكون ماما حفظاه في التلاجه مع انه اكله شتوي بس انا وعيالي بنغطس ف الحله

[كلبيزو]

بنات الموضوع ظاهرة جديدة تسللت إلى حياتنا وبيوتنا وأصبحت مرضا خطيرا بل وباء مزعجا ينتشر :النار في الهشيم ، الظاهرة الصراخ المستمر للزوجة " الأم" طوال اليوم حتى لا يكاد يخلو منه بيت أو تنجو منه أسرة لديها أطفال في المراحل التعليمية المختلفة .

ففي معظم بيوتنا الآن وبسبب الأعباء المتزايدة على الأم بسبب العمل وصعوبة الحياة وسرعة إيقاعها ومشاكلها الاجتماعية والاقتصادية والضغوط النفسية المتزايدة ، وربما أيضا بسبب طموحات المرآة التي تصطدم غالبا بصخرة الواقع المر والمعاكس ، بالإضافة إلى مسئولية الأم في مساعدة أطفالها في تحصيل وفهم استيعاب دروسهم ودس المعلومات في رؤسهم بعد ان فقدت المدرسة دورها ، الأمر الذي جعل الأم في موقف صعب لا تحسد عليه ، فكيف لها بعد يوم عمل شاق وطويل ومعاناة في العمل وفي الشارع في رحلتي الذهاب والعودة ، وربما بسبب القهر الذي تشعر به من الرجال تجاهها خارج المنزل، وأحيانا داخله ، كيف لها بعد كل ذلك أن تقوم بدورها في تربية وتنشئة أطفالها وتقويم سلوكياتهم وإصلاح " المعوج" منها امام طوفان من التأثيرات السلبية تحيط بهم من كل جانب في زمن القنوات المفتوحة والدش والإنترنت والموبايل والإعلانات الاستفزازية ؟؟

وكيف لها بعد ان تعود إلى بيتها مرهقة ومنهكة وغالبا محبطة ان تدرس الدروس والمعلومات والإرشادات والتوجيهات في عقول أبنائها في برشامة مركزة يصعب عليهم غالبا ابتلاعها !

وهنا ظهر المرض ومعه الكثير من الأمراض المختلفة ، وكثرت الضحايا وامتلأت عيادات الأطباء بأمهات معذبات تجمعهن غالبا ظروف متشابهة وهي انشغال الأب بعمله أو سفره للخارج ، واعتقاده الخاطئ ان دوره يقتصر على توفير الأموال لأسرته واعتماده الكامل على الزوجة في التربية والتنشئة ومساعدة الأطفال في تحصيل دروسهم ..

الأمر الذي شكل عبئا كبيرا على الزوجية وضغطا مستمرا على أعصابها الخطورة هنا أنه مع تطور أعراض المرض والتي تبدأ كالعادة " ذاكر يا ولد .. ذاكري يا بنت أسكت يا ولد حرام عليكم تعبتوني ...الخ

تقوم الأم ذلك بانفعال وحدة ثم بصوت عال ورويدا رويدا تبدأ في الصراخ وتفقد أعصابها تماما وتتحول الحياة في البيت إلى جحيم ..
وهنا يبدأ الأطفال في الاعتياد على الصراخ ويتعايشون معه فهم يصبحون عليه ويمسون عليه " اصحي يا ولد الباص زمانه جاي .. نامي يا بنت عشان تصحي بدري " اطفي التليفزيون يا بني آدم ابقوا قابلوني لو فلحتم الخ المهم في هذا الجو يبدأ كبار الأطفال في التعامل مع أشقائهم الأصغر بأسلوب الصراخ .

( وهنا يزداد صراخ الأم للسيطرة على الموقف .. ولو فكر أحد يوما في أن يستعمل السلم بدلا من المصعد للصعود إلى شقته فسوف يسمع صراخا يصم الأذنين ينبعث من معظم الشقق وعندما يحضر الأب بعد يوم شاق واجه خلاله ضوضاء وصراخا في كل مكان في العمل في الشارع ويكون محملا غالبا بمشاكل وصراعات واحباطات وربما أيضا بصراخ الضمير في زمن أصبح الماسك فيه على دينه ,أمانته ونزاهته واخلاقه كالماسك الجمر بيده أو بكلتا يديه المهم عند عودة الاب يحاول الجميع افتعال الهدوء تجنبا لمواجهات حتمية قد لا تحمد عقباها ، ولكن لان الطبع يغلب التطبع ، لان المرض يكون قد أصاب كل أفراد الأسرة ..

فان الأب يفاجأ بالظاهرة بعد ان أصبحت مرضا مدمرا فيبدأ المناقشة مع زوجته .

ماذا حدث ؟

وما الذي جرى لكم؟

صوتكم واصل للشارع ؟

فــتبكي الزوجة المسكينة وتنهار وتعترض : نعم أنا أصرخ طوال النهار أنا قربت أتجنن ولكنه الأسلوب الوحيد الذي أستطيع التعامل به مع أولادك "

أقعد معانا يوم وجرب بنفسك وهنا ربما يحاول الزوج احتواء الموقف ودعوة زوجته المنهارة للهدوء وربما يطيب خاطرها بكلمة أو كلمتين ولكن - وهذا هو الأغلب حدوثا للآسف – ربما ينحرف الحوار إلى الجهة الأخرى خاصة عندما يؤكد الزوج لزوجته أنه هو الآخر على أخره وتعبان ومحبط وعايز يأكل وينام وهنا قد تصرخ الزوجة حرام عليك حس بيه شويه أتكلم أمتي معاك ؟

ساعدني انا محتاجة لك ويرد الزوج غالبا وأنا محتاج لشوية هدوء حرام عليك أنت وكلمة وكلمتين يجد الزوج نفسه في النهاية يصرخ هو الآخر ، فلا أسلوب يمكن التعامل به مع هؤلاء سوي الصراخ وتفشل محولات بعض العقلاء من الأزواج في احتواء الموقف والتعامل مع الظاهرة " الصارخة " بالحكمة والمنطق والهدوء

ويستمر الجحيم الانهيار

فإلى متى ستظلين تصرخين يا سيدتي ؟
وربما أردت أيضا ان أضع هذه الظاهرة الخطيرة على مائدة البحث والدراسة ، وان استنفر الجميع لمحاولة البحث عن أسبابها وعلاجها ولعل من المناسب ان اطرح سؤالا أخيرا :
ايه اللي جرى للدنيا ؟
أين أمهات الزمن الجميل ؟
هل كانت أمهاتنا يصرخن مهما زاد عدد أفراد الأسرة ؟
وهل فشلن في تربيتنا وتنشئتنا ؟
ولماذا اذن الكثيرون منا رجالا ونساء فاشلون في تربية أطفالهم ورعاية أسرهم ؟
لماذا أصبح الصراخ هو اللغة الوحيدة للحوار ، بل السمة المميزة والمسموعة لبيوتنا ؟

بتصرف
د.احمد فوزي توفيق
أستاذ بكلية طب عين شمس


--------------------------------------------------


مشاغبة طفلك .. و عناده !!


بعد إجراء دراسة شملت 110 أًسر أمريكية تضم أطفالاً تتفاوت أعمارهم ما بين ثلاثة و خمسة
أعوام .. أعلن معهد العلوم النفسية في أتلانتا أن هناك علاقة قطعية على وجود علاقة بين شخصية
الطفل المشاغب ، الكثير الحركة ، و بين الأم العصبية التي تصرخ دائماً و تهدد بأعلى صوتها حين
تغضب .
وجاء في الدراسة أيضاً أن المقصود بالطفل المشاغب هو الطفل الذي لا صبر عنده ، والعنيد ، و المتمرد و العدواني نحو الآخرين ..
حتى والديه ، والذي لا يلبث أن يجلس حتى يستعد مرة أخرى للقيام و اللعب أو العراك مع أحد أخوته .

و يعلن الدكتور فرانك ترايبر من الكلية الطبية بجورجيا قائلاً : إن نتائج الدراسة أضافت إلى المعلومات المعروفة حالياً بأن هؤلاء الأطفال قد يدمرون أنفسهم إذا لم تقدم لهم المساعدات منذ صغرهم ، و إن الطفل منهم لا يعرف كيف يوجه طاقته هذه للوصول إلى هدف مفيد0 بل لوحظ أنه يستخدمها ( أي طاقته ) في عراك أو لعب عدواني مع إخوته و أصدقائه .. وربما والديه أيضاً .

و تشير نتائج الدراسة أيضاً إلى أن الأم التي تعبر عن غضبها بالصراخ .. و باستخدام ألفاظ بذيئة ، أو سيئة أمام طفلها ، تدفع بهذا الطفل إلى التحول إلى طفل من هذا النوع المشاغب .
وأكدت الدراسة كذلك أن تأثير غضب الأم أقوى من تأثير غضب الأب على تكوين شخصية الطفل .

هل تأملت ( عزيزتي الأم ) في نتائج هذه الدراسة الهامة ، وهل وجدت كيف أن ما فيها يتلخص في نصيحة في غاية الأهمية ، و يمكن أن نوجزها في هاتين الكلمتين : ( لا تغضبي ) .
وهي نصيحة سبق بها نبي الرحمة دراسات الدارسين و أبحاث الباحثين .. حين أوصى بعدم الغضب .
ولكنك قد تسألين : و كيف لا أغضب ؟ كيف أملك نفسي حين يتكرر خطأ الطفل ؟ كيف يمكنني أن أهدأ و طفلي يرتكب حماقات لا تحتمل ؟

المصدر : مشكلات تربوية في حياة طفلك
محمد رشيد العويد


--------------------------------------------------------------------------------


هذه بعض النصائح التي أرجو أن تساعدك عزيزتي الأم على عدم الغضب :

1- الاستعاذة من الشيطان الرجيم بصورة مستمرة و أنت تشاهدين من طفلك ما يثير فيك الغضب ، سواء أقام بكسر الأشياء في البيت ، أم بضرب أخته أو أخيه الصغير ، أم بالصراخ .. رددي الإستعاذة من الشيطان و أنت تتوجهين إليه لتمنعيه من فعله الخاطئ ، أو لإصلاح ما أفسد ، أو لغير ذلك .

2- انظري إلى طفلك طويلاً حين يكون نائماً ، و تأملي في براءته و ضعفه ، و خاطبي نفسك : هل يستحق هذا المسكين أن أضربه أو أصرخ في وجهه و أثور عليه ؟!
و حين يريد الغضب أن يثور في نفسك على طفلك عندما يرتكب ما يثير فيك هذا الغضب .. تذكري صورته و هو نائم ضعيف ، لا حول له و لا قوة ، و ملامح البراءة مرسومة على وجهه .. و حاولي أن تثبتي هذه الصورة في مخيلتك .. فإن هذا يساعدك كثيراً على كبح جماح غضبك .

3- ضعي نتائج الدراسة السابقة في ذهنك ، و تذكريها حينما تبدأ شعلة الغضب بالإشتعال في نفسك ، و فكري : غضبي لن ينفع في تأديبه0 غضبي سيزيده شغباً و عناداً و تمرداً . اللهم أعني على التحكم في أعصابي0 اللهم اشرح صدري .

4- أشغلي نفسك بأي عمل آخر و أنت تعلنين لطفلك أنك ستحاسبينه على خطئه أو إهماله أو ذنبه .. فيما بعد .. و هذه بعض الأمثلة :
- سأعرف شغلي معك بعد أن أنهي إعداد الطعام .
- فكر كيف ستواجه أباك عندما يعلم بما فعلت .
إن هذا التأجيل يساعد على إطفاء ثورة الغضب في نفسك ، وهو ، في الوقت نفسه ، يشعر الطفل أن خطأه لن يمر دون حساب



ده مهم لينا كلنا يارب يعجبكم

[اشطر واحدة]

كلبيزو
هو القلقاس بس اللي مش موجود؟؟؟خدي عندك لاسته بالي محرومين منه....كل منتجات السمسم...طحينه حلاوه ....العسل الاسود مايعرفوهوش برضه....جبنه رومي بسطرمه جيلي جوافه منجا بلح احمر...كتيييير ف تلاقينا لما ننزل مصر بنفتري في الحاجات دي....ربنا يستر السنه دي ونقدر ننزل....لان لو حمدي صحته مااتحسنتش مش حيجيني قلب اسافر واسيبه.....بالمناسبه اندهني باي حاجه
ولا يهمك

تصدقى انا حمووووووووووت على البلح الاحمر مفيش هنا خالص مع ان البلد كلها نخل :(
و كمان البسطرمة اللى هنا سعودى مش زى بتاعتنا مختلفة شوية
و الجبنة الرومى كلها جديدة ( الله يمسيك بالخير يا كونة انت و الصفوانى) :22:

[مصرية رقيقة]

كلبيزو الاموره موضوعك حلو على رأيك كل الامهات بيصرخوا مش بيزعقوا
اما بالنسبه انى اجيب القلقاس فريش فأنا كسوله جدا مش بجيب اى خضار فريش دا حتى الطماطم بجيبها عصير طماطم جاهز للطبخ علشان ما اضربهاش في الخلاط
كلللل الخضار بجيبه مفرزن لسه هشترى واغسل وانضف واقطع وليه ياماما من الفريزر للحله عالطول وبعدين مش بسويه قوي علشان ما يتهريش
أم أكرم ياحبيبتى ياختى كل ده محرومين منه لا وكله كوم والمانجا كوم تانى مافيش قدامك غير انكم تعملي مشروع تجارى وتستوردى الحاجات دى من مصر هو صحيح مافيش حد هايشتريها بس ولا يهمك كوليها انتى والاولاد
دا المغاربه دول طلعوا ملكوت

[مصرية رقيقة]

تصدقى انا حمووووووووووت على البلح الاحمر مفيش هنا خالص مع ان البلد كلها نخل :(
و كمان البسطرمة اللى هنا سعودى مش زى بتاعتنا مختلفة شوية
و الجبنة الرومى كلها جديدة ( الله يمسيك بالخير يا كونة انت و الصفوانى) :22:

شطوره بصي انا مش عارفه عندك جمعيه مصريه زى اللى في ابوظبي ولا لأ بس عموما البسطرمه هتلاقيها عندهم سيبك من السعودى مش حلوه أصل جوزى مدمن بسطرمه اى حد جاى من مصر لازم نشيله بسطرمه ورومي بس لما بتخلص الرومي والله بتاعه كارفور حلوه اللى مكتوب عليها young طعمها عجبنى والله
كمان في الجمعيه المصريه هتلاقي رومي حلوه

[sama_sehab]

انا حاسه اني قاعده في الجمعيه التعاونيه ايه يا ستات انا شكلي هاعمل ملف جديد واستغلكم اسوا استغلال وابيع لكم السلع دي اصلهم هنا بيعملوا كده عارفين ان اقرب مدينه على بعد 400 كيلو فبيبيعوا لنا الخضار مالوش علاقه بالخضار اساسا وناااااار يعني واذا كان عاجبكم شوفوا لكم مكان تاني هاتوا منه واحنا بنشتري وامرنا لله فاشمعنى انا استغل لازم انا كمان استغلكم واطلع عليكم عقدي وكلاكيعي وطبعا اول واحده هاكلكعها ام اكرم علشان هي على نفس الخط حتى بتاخد نفس الميكروباص

[sama_sehab]

تعرفوا انا كنت جايبه مانجه وقشرتها وحفظتها في الفريز وجبت جبنه رومي بس اهي ملقحه في التلاجه اصل جبنا كتير اوي اجيب لك حته يا شطوره
توقيعك زعلان ليه يا كلبوزتي؟
مصريه رقيقه لا بجد لسه هتعصري الطماطن على راي ابني
ايه رايك يا ام اكرم ناخد الستات دول عندي وعندك شهر كده علشان يقولوا خلاص حرمنا وهنعصر الطماطم
شيري انتي فين؟
ام شوشوو انتي وكتكوته وسهلوله قطعتوا نفسي من كتر ما بانادي عليكم

[كنزي1]

السلام عليكم ورحمة الله وبركاتة

ازيكم عاملين اية واخباركو اية

وحشتوني كتير كتير

انا مكنتش بعرف ادخل الفترة الي فاتت دي علي شان انا تعبانة جدا جدا من ساعة نزولي

مصر وماما كمان بتمر بظروف صحية صعبة اليومين دول

ربنا يشفيها ويشفي مرضي المسلمين جميعا يارب

وربنا يسهل واحاول ادخل اطمن عليكو واطمنكو عليا من وقت للتاني

سلامي ليكم جميعا ويارب تكونو كلكم بخير وسعادة دايما:26: :26: :26:

[اوزوريس]

شطوره بصي انا مش عارفه عندك جمعيه مصريه زى اللى في ابوظبي ولا لأ بس عموما البسطرمه هتلاقيها عندهم سيبك من السعودى مش حلوه أصل جوزى مدمن بسطرمه اى حد جاى من مصر لازم نشيله بسطرمه ورومي بس لما بتخلص الرومي والله بتاعه كارفور حلوه اللى مكتوب عليها young طعمها عجبنى والله
كمان في الجمعيه المصريه هتلاقي رومي حلوه

تعرفي يا مصرية رقيقة موووووت من الضحك على الجمعية المصرية

هما المصريين عملوا جمعية وانا مش عارفة هههههههههههههه

والجمعية التعاونية اللى في ابو ظبي هي دي تتسمى جمعية

بصراحة ظلموها لما سموها جمعية لانها احلى من كارفور

عموما لو عايزة اي حاجة من الحاجات المصرية واللى نفسك فيه كله وحاجات مصرية درجة اولى

عندك يا ستي مركز الاجبان والمخللات وله فرعان في ابو ظبي ( الخالدية والنادي السياحي )

روحي الفرع بتاع الخالدية اللى امام شويترام وجنبهم محلات الـ K.M هتلاقي عند المحل ده كل حاجة ولو نفسك في الفسيخ هتلاقي عنده احلى فسيخ (( وعلى فكرة في النظافة ممتازين )) بقالي 12 سنة بنتعامل معاهم

وجنب بيتي فيه محل المنتجات المصرية ......وشعاره ( الفلاحة ) ده اوعي تشتري من عنده حاجة اصلهم .......؟؟؟.......

مرة واحدة مصرية دخلت فيه وكان زوجي هناك بيشترى الجرايد المصرية (( ومش بنشتري من عنده الا الجرايد )) وهو واقف لقى الاخت تتذوق الزيتون ....مفيش مشكلة

المشكلة ان الاخت الفاضلة تذوق حته من الزيتونة وترجع باقي الزيتونة في الباسكيت كله
وراحت تذوق زيتون تاني وعملت نفس الحركة وزوجي بيتفرج وعاوز يشوف البياع والست هيعملوا ايه

لا البياع اتكلم ولا الست احترمت نفسها ...راح زوجي زعق في الاتنين وقالهم ايه العفانة دي يا بشر
تاكلي وترمي على الزيتون اللى الناس هتشتريه

اصل هو كل مايروح لازم يعمل مشكلة معاهم بسبب النظافة ههههههههههه

تخيلي بقة المخلل بيتاكل والباقي بيرجع ولحسة جبنة من صوابع المدمات الموقرات

هههههههههههههههههههههههههههه

اوعي تكون هي دي الجمعية المصرية اللى تقصديها

[اوزوريس]

السلام عليكم ورحمة الله وبركاتة

ازيكم عاملين اية واخباركو اية

وحشتوني كتير كتير

انا مكنتش بعرف ادخل الفترة الي فاتت دي علي شان انا تعبانة جدا جدا من ساعة نزولي

مصر وماما كمان بتمر بظروف صحية صعبة اليومين دول

ربنا يشفيها ويشفي مرضي المسلمين جميعا يارب

وربنا يسهل واحاول ادخل اطمن عليكو واطمنكو عليا من وقت للتاني

سلامي ليكم جميعا ويارب تكونو كلكم بخير وسعادة دايما:26: :26: :26:


حمد الله على السلامة يا كنزي

فينك يا قمر .....وحشتينا والله ....وسألنا عليكي شيرين كتير

الف حمد الله على سلامتك

والف سلامة على ماما وربنا ياخد بيدها ويشفيها ويشفي كل مريض

ياريت تطمينينا عنك وما تغبيش كتير

:26: :26:

[اوزوريس]

ضحكتيني يا سو ربنا يكرم اصلك ويعزك.....مفرز معجن مخبل بس الاقيه احنا يا ماما مش في الخليج
صدقي بالله حتجنن على الملوخيه(ماهي برضه ما يعرفوهاش)وبصبر نفسي انها هانت كلها كام شهر وننزل باذن الله

عندي احساس انك عايشة بمجاعة يا ام اكرم:hahaha:

[sama_sehab]

كنزي حمد الله على سلامتك
اوزا بجد في ناس مقرفه كده يعني اللي هياكلوا وراها دول ايه حيوانات وبعدين العيب على صاحب المحل هو المفروض يتكلم بس انا سمعت معلومه عن المخللات اللي بتتعمل بره دي مش هاقدر اقولها ومش عارفه هي صح ولا غلط بس ربنا يستر

[sama_sehab]

كلبوزتي انا عايزه اعمل توقيع يا ريت تقولي لي ازاي؟

[كلبيزو]

السلام عليكم ورحمة الله وبركاتة

ازيكم عاملين اية واخباركو اية

وحشتوني كتير كتير

انا مكنتش بعرف ادخل الفترة الي فاتت دي علي شان انا تعبانة جدا جدا من ساعة نزولي

مصر وماما كمان بتمر بظروف صحية صعبة اليومين دول

ربنا يشفيها ويشفي مرضي المسلمين جميعا يارب

وربنا يسهل واحاول ادخل اطمن عليكو واطمنكو عليا من وقت للتاني

سلامي ليكم جميعا ويارب تكونو كلكم بخير وسعادة دايما:26: :26: :26:

كنزى حبيبتى كنت على بالى من فتره والله لانك اخر مره كنت تعبانه والحمل تعبك الحمدلله انك بخير ياقمر وربنا يقومك بالسلامه يارب وربنا يطمننا على ام عصمت كمان

[كلبيزو]

سما شيكى على الخاص

[اوزوريس]

كنزي حمد الله على سلامتك
اوزا بجد في ناس مقرفه كده يعني اللي هياكلوا وراها دول ايه حيوانات وبعدين العيب على صاحب المحل هو المفروض يتكلم بس انا سمعت معلومه عن المخللات اللي بتتعمل بره دي مش هاقدر اقولها ومش عارفه هي صح ولا غلط بس ربنا يستر

المخللات دي بتتعمل جوة مصر والرجل صاحب المحل هو اكبر مورد منتجات مصرية في ابوظبي

عندك يا ستي بيورد للجمعية ولكارفور اجبان وفواكة كمان

ولو حد اشتري فواكة مصرية ولقى عليها رسمة فلاحة وخصوصا الجوافة هو صاحب المحل بس للاسف المحل صغير والناس اللى واقفين فيه مش على قد كدة

صحيح عنده كل حاجة مصرية بس انا لما اشتري من عنده بصراحة باخد الحاجات المعلبة مش اللى فيها عك ولمس بالايادي

لكن المحل التاني كله لابس جلافز في ايده وكل حاجة متغطية وممنوع تحطي ايدك اصلا على شئ عنده
وبرضه اللى بيشتغلوا مصريين وزي الفل والله:26:

[اوزوريس]

شيكى على الخاص

شيكي على الخاص


هو احنا طرابيش هنا واللا ايه ؟؟:hahaha:

[اشطر واحدة]

السلام عليكم ورحمة الله وبركاتة

ازيكم عاملين اية واخباركو اية

وحشتوني كتير كتير

انا مكنتش بعرف ادخل الفترة الي فاتت دي علي شان انا تعبانة جدا جدا من ساعة نزولي

مصر وماما كمان بتمر بظروف صحية صعبة اليومين دول

ربنا يشفيها ويشفي مرضي المسلمين جميعا يارب

وربنا يسهل واحاول ادخل اطمن عليكو واطمنكو عليا من وقت للتاني

سلامي ليكم جميعا ويارب تكونو كلكم بخير وسعادة دايما:26: :26: :26:


ازيك يا كنوز و الله على بالى دايما و كل ما اشف اسمك عالمسنجر تتكسف اكلمك يطلع جوزك
و الاخر قلت جوزها جوزها و اية يعنى ادخل اطمن عالبنت اشوفها ولدت و الا اية :22:
بس انتى سبقتى
ربنا يقومك انتى و ماما بالسلامة يا رب

[كتكوتة كتكوتة]

مساء الخير يا قمرات
ايه حالة الحرمان اللى انتوا فيها دى شوفوا بس كل واحدة نفسها فى ايه ويلا تشوف حتة ارض جنبها كده وتنزل تزرع فيها كل اللى تحبه ولا الحوجة للجمعيات ولا غيره:42: طيب والله فكرة جامدة البنت كتكوتة دى عليها شوية افكار تودى .........:hahaha: يلا حصل خير ان شاء الله
بصوا انا كنت جايبة شوية ملوخية ناشفة قبل ما اسافر لسه عندى فى الثلاجة فى مصر اروح بسرعة اجيبها وبالمرة اعدى على السوق اجيب كام كيلو قلقاس وجبنة رومى وشوفوا عاوزيين ايه كمان يلا ونكسب فيكم ثواب احسن صعبتوا عليا يا بنات

[كتكوتة كتكوتة]

كلبوزتي انا عايزه اعمل توقيع يا ريت تقولي لي ازاي؟

وانا كمان يا كلبوزتى ممكن احضر الدرس :26:

[سهلولة1]

سما شيكى على الخاص


إنتوا بتتوشوشو على إيه .......... أنا يا فيها يا خفيها:22:

[سهلولة1]

السلام عليكم ورحمة الله وبركاته
أزيكو كلوكو على بعضوكو

ريحة القلقاس جايبة للمجلس العام

وبما إن الكل أدلى بدلوه في هذا الموضوع .... أنا عيالي العبط مش بيحبوه وأنا بموت فيه ( طازه طبعا )
لكن المشكلة إن لازم لما أعمله أعمل كمية محترمة ( يعني حعمل شغلانة السلق على طبق )لذلك بعمل ووزع على الحبايب

ام أكرم ......... أنا كنت فاكرة إن المغرب فيها نفس زراعة مصر
احنا على رأيك دول الخليج فيها كل حاجة ( بس عمري ما شفت البلح الأحمر ...الزغلول ومش بلحقه في مصر)

[اوزوريس]

إنتوا بتتوشوشو على إيه .......... أنا يا فيها يا خفيها:22:

وانا كمان مع سهلولة

فيها بس مش هخفيها

انا هجيب لكم تلاتة صعايدة اوقفهم على باب الرسايل الخاصة ولو بتنموا على حد :hahaha: هخليهم يكسروا الملف

وكرسي في الكلوب:22:

[سهلولة1]

بنوته .......... والله وحشانا أنا مش عارفة بقيتي بتعدي تخاطيف ليه
شيرين .......المفروض تدخلي كل يوم وتكتبي مذكرات أدهم وإياد ( فضفضي أول بأول )
رنونة ..... يابنتي طمنينا عليكي ولو بالانجلزعربي وأحنا حنفهم
أوزا ....... أنا كنت قلقانة عليكي من ساعة ما سألتي على موضوع الهرمونات ( ن شاء الله تكوني لاقيتي ما يفيدك

[سهلولة1]

كلبوزة .......... ياترى بتسجلي غياب وحضور الناس الجداد ولا لأ ( بصراحة دخول الملف مش زي خروجه)

وبعدين إيه الموضوع الجميل ده عن الصويت والصراخ بتاع الأمهات ( هو حد من العيال بعتلك:hahaha: )

[اوزوريس]

http://forum.hawaaworld.com/showthread.php?t=777745

بنات ده ملف للمصريين برضه بس احنا تجمع برة مصر وهما تجمع اللى جوة مصر

علشان نحمد ربنا على النعمة اللى احنا فيها

دايخين السبع دوخات على المنتجات اللى بيسمعوها في المنتدى وان وجدوها اسعار غريبة

يعني معقول كريم 21 للبشرة تمنه فوق التلاتين جنية مصري ( من 33 الى 35 ))


على فكرة انا مشغلة اغنية عفاف راضي على الكمبيوتر

والله حركت فيا حاجات كتير

مصر مصر
مصــــــــــر هي أمي نيلـــــها هو دمــي

شمسها في سماري شكلها في ملامحي

حتى لونـــي قمحي لــون خيرك يا مصر

مصر مصر

ماتـــلاقيــش مثــالها ست كل عصــــــر

ضلة جنب نيلها تســــوى الف قصـــــر

ولا وردة بــــلدي فيها عطـــر مصـــــر

ولا جــــو مصــــر ولا سحـــر مصــر

مصر مصر

يا أرض المحـــبة ياغالـــية يا مصـــر

روحـــنا ونور عــيونا لحياتك يا مصر

لولا كان بلادي في حســـنك يا مصــر

لأتمنــيت يا بـــلدي تبقى امــــي مصر

مصر مصر

فاتك نص عمرك ياللي ما شفت مصر

دي السماحة روحها والشهامة مصر

والـــكرامة هي والتاريـــخ في مصــر

الهــرم في مصر والكــــــرم في مصر

مصر مصر


هئ هئ هئ هئ ............. بجد يا بنات مصر واحشاني جدا جدا واللى في مصر وحشوني

[سهلولة1]

سما ......... ربنا ما يحرمنا من سؤالك علينا
بس عايزة أعرف يعني إيه إنتوا على البحر و مش عندكو سمك ........ الله يكون في عونك لحمه وفراخ
احنا اللحمه هنا طعمها مش حلو زي مصر وأكلنا سمك وفراخ ( مش بتزأزأوا تيجوا السعودية )متهيألي في بلاد تقدري تعيشي فيها بستقرار وقت طويل لكن هو فعلا أرزاق ومكتوبة

[اشطر واحدة]

عجبتنى فكرتك يا سهلولة انا بفكر ازرع بسطرمة و جبنة رومى على شباك المطبخ ههههههههههههههههههههههههه

[سهلولة1]

أوزا ......... فعلا اللي في مصر وحشوني قوي وخصوصا بابا
لكن الأسعار ولعة كده ليه ........... ماهو لو مكنش فيه تصدير أموال ما كنش ده حالنا
منهم لله اللي في بالي ... وحسبي الله ونعم الوكيل

[كتكوتة كتكوتة]

بنات هو ايه هى الكريمة السايلة هل هى كريمة الخفق؟؟

[اوزوريس]

[QUOTE=سهلولة1;11587152]بنوته .......... والله وحشانا أنا مش عارفة بقيتي بتعدي تخاطيف ليه
شيرين .......المفروض تدخلي كل يوم وتكتبي مذكرات أدهم وإياد ( فضفضي أول بأول )
رنونة ..... يابنتي طمنينا عليكي ولو بالانجلزعربي وأحنا حنفهم
أوزا ....... أنا كنت قلقانة عليكي من ساعة ما سألتي على موضوع الهرمونات ( ن شاء الله تكوني لاقيتي ما يفيدك[/QUOTE

لا يا حبيبتي انا بخير بس حبيت أسأل لو حد مر عليه موضوع زي ده لان انا كنت قرأت قبل كدة ان تغيير الهرومانت بتعمل عصبية للطفل وبيكون عنده كآبة بدون سبب ومزاجه متغير

بس حبيت استرجع المعلومات لاني حسام داخل على هذه المرحلة وحبيت اشوف علشان اقدر اتعامل معاه

يا أوختي البنات غير الصبيان انا بنتي ماحسيتش فيها وربما جهل مني وقتها ......الثقافة حلوة برضه

:eek: :( :09:

العيال وهما صغيريين تاعبينا ونتمنى انهم يكبروا بسرعة علشان نرتاح من وجع الدماغ نلاقي وجع دماغ اكبر واكبر ومشاكل اكتر وبرضه نقول لما يكبروا يعقلوا ويريحونا ......وندخل في مشاكل تانية ...الشهادة ويخلصوا الثانوي ويدخلوا الجامعة وبعدين يفكروا في الخطوبة ومشاكلها وبعدين الجواز ومشاكله .....ويخلفوا..... ومشاكل الاحفاد ........ههههههههههههه

:22:

كدة وسعت مني قوي:hahaha:

[سهلولة1]

بنات هو ايه هى الكريمة السايلة هل هى كريمة الخفق؟؟

انا باشوفها مع الجبن والقشطة الفريش ( بس طبعا نا مش ناقصة تخن علشان أستعملها )
ولكن طبعا هي غير الكريمة بتاعة تزيين التورت

على فكرة إللي يجرب حاجة وتفلح معاه............... يحط الرابط على طول

[اوزوريس]

سما وسحاب
طيب حلو قوي ان جنبك بحر

انا لو منك اخد ابني كل يوم الصبح على البحر ومعايا مقطف وصنارة اصطاد الغدا واخد غطسين وارجع على البيت على طول




وانت يا شطورة قولي لنا طريقة زرع البسطرمة والجنبة الرومي ونجيب التقاوي منين

انا بفكر ازرعهم ما بين الشقق ....المساحة كبيرة ....ومنها منظر جمالي

بس لو فيه بسطرمة ورومي يتزرعوا في الضل قوليلي لاني ماعنديش شباك في المطبخ

[سهلولة1]

طب البسطرمة ممكن تتزرع .................. بس الرومي يتزرع إزاي:hahaha:

أوزا ........جربي في شباك الصالة

[كتكوتة كتكوتة]

بصوا يا بنات الرابط ده لملف حلويات اوزا بصراحة فتحت نفسى لما بعتت الرابط بتاع المعجنات علشان يبقى ناكل ونحلى
http://forum.hawaaworld.com/showthread.php?t=772705

كان ليا سؤال لبنات الامارات ايه انواع السمك الحلوة اللى اشتريها من هنا انا لقيت انواع كتيير فيه انواع معرفشى ايه افضل طريقة لطهيها احنا جربنا الهامور وكان المقلى اطعم من المشوى وجربنا king fish ( ده اللى كان مكتوب عليه ) وسمك اسمه شعرى ومعجبناش خااااااااالص وطبعا عاوزة خبرة بقيت البنات بس مطنشوش انا بقولكم اهو عاوزة اكل سمك ماليش دعوة :22:

[sama_sehab]

انا بس رافة بحالكم وعلشان عارفه انكم مش هيجي لكم نوم طول الليل من التفكير يا ترى كانوا بيقولوا ايه على الخاص يللا مضطره اقول لكم بس ما حدش يزعل ولازم نتقبل الموضوع بصدر رحب








































































اصل كلبيزو بعتت لي ازاي اعمل توقيع مفاجه مش كده؟

نيجي باه للبحر يا اوزا هو انا على البحر مباشرة بس زي قلته هو للزينه بس ممنوع الاقتراب او التصوير العادات والتقاليد تحتم ذلك يعني بينش مش زي مصر خالص ومش امان ان واحده تروح عنده لوحدها الدنيا في صمت رهيب بس لما الزعابيب بتيجي يا سلام ولا باعرف انام من الموج ولا ايام التسونامي كان فيلم رعب صحراء وبحر وامواج عاليه وعيشوا حياتكم باه

[ام شوشوو]

ازيك يا سمسم عامله ايه...بس مش طالعلك توقيع خالص
ومبروك يا كلبوزة على التوقيع الجديد حلو قوى قوى
اما انتى يا كتكوتى
في سمك فريده حلو قوى قوى...انا عن نفسي بحبه...وساعات بجيب الكبير منه بعمله سمكه حارة الى فافرن بتطلع رائعه...وفي انواع تانيه مش جايه اسمها حاليا في مخى جايز لان الساعه 4 ونص الفجر

[اوزوريس]

بصوا يا بنات الرابط ده لملف حلويات اوزا بصراحة فتحت نفسى لما بعتت الرابط بتاع المعجنات علشان يبقى ناكل ونحلى
http://forum.hawaaworld.com/showthread.php?t=772705

كان ليا سؤال لبنات الامارات ايه انواع السمك الحلوة اللى اشتريها من هنا انا لقيت انواع كتيير فيه انواع معرفشى ايه افضل طريقة لطهيها احنا جربنا الهامور وكان المقلى اطعم من المشوى وجربنا king fish ( ده اللى كان مكتوب عليه ) وسمك اسمه شعرى ومعجبناش خااااااااالص وطبعا عاوزة خبرة بقيت البنات بس مطنشوش انا بقولكم اهو عاوزة اكل سمك ماليش دعوة :22:

تونز (( كتكوتة ))

شوفي الانواع هنا كتير وطعمها مش زي مصر بس ممكن تكون متقاربة وانت كل مرة هاتي نوع وجربي ولو ماعجبكيش تبقى عارفة لكن انتبهي ان هنا كل سمك له طريقة بمعنى ان لو جبتي نوع وهو للقلي وشويتيه يطلع مش حلو زي ما حصل معاكي
الهامور للقلي والشعري رائع في الشوي والسمكة الحارة وعندك السلطان ابراهيم منه انواع احسنهم اللى عنده شنب (( سلطان ابراهيم ابو شنب :hahaha: )) وهو شبه البربون عندنا وانا مثلا بحب ((ليديز فنجر)) اصابع الست .... وهو شبه سمك المكرونة في مصر (( ده للقزقزة مع اكلة سمك :hahaha: ))وفيه سمك ابيض شبه الدنيس (( مش فاكره اسمه )) والكنعد انا ماحبتهوش لانه لحمه جامد وفيه سمك لونه فضي وطويل زي سمك السيوف عندنا برضه طعمه يعجبني وسمك السلمون رهيب وخصوصا بالتتبيلة اللى بعملها مع بطاطس ويتعمل صنية بالفرن ....وفيه هنا بوري كمان ودلوقت الموسم بتاعه وهاتي منه الحجم الصغير طعمه حلو في الشوي
وبرضه سمك الزبيدي حلو وناعم ولو افتكرت حاجة هقولك

فأنت كل مرة اشتري نوع للتجربة ولو عجبك اكتبي اسمه لان هنا الاسماء غريبة

لان في الاخر الناس اذواق وخصوصا في الاكل:26:

هنا الجمبري (( الروبيان _ القريدس)) والكابوريا (( السلطعون ))والسبيط (( الحبار )) حلوين

[كلبيزو]

السلام عليكم ياقماميييييييييييييييير كتكوته البنات مخلوليش حاجه اقولها والسلطان ابراهيم انا بحبه الاحمر الصغير وعلى راى اوزوا البورى الصغير يجنن بس مش بلقيه بسهوله فى الشارقه وانا حكتب على الخاص عشان التوقيع نسيت اقولك انا بموت فى سمك موسى وتقريبا اكتر حاجه بكلها وموجود هنا

[اشطر واحدة]

كان ليا سؤال لبنات الامارات ايه انواع السمك الحلوة اللى اشتريها من هنا انا لقيت انواع كتيير فيه انواع معرفشى ايه افضل طريقة لطهيها احنا جربنا الهامور وكان المقلى اطعم من المشوى وجربنا king fish ( ده اللى كان مكتوب عليه ) وسمك اسمه شعرى ومعجبناش خااااااااالص وطبعا عاوزة خبرة بقيت البنات بس مطنشوش انا بقولكم اهو عاوزة اكل سمك ماليش دعوة :22:

ازيك يا كتاكيتو
انا اكتر نوع بحبة هنا هو سلطان ابراهيم و بعملو مقلى
اما بقى قصة الصوانى و الطواجن و الذى منو انا مليش فيها خالص صحيح انا اسكندرانية بس لا بابا اسكندرانى ولا ماما اسكندرانية :hahaha:
و عندنا ف الشارقة فية مطعم سمكمك طبعا كل الاسكندرانية عارفينو و اتعودنا انا و جوزى نتغدى فية تقريبا مرة كل اسبوع و بيعملو البورى المشوى يجنن يمي يمي :42:

بس دى كل المعلومات اللى عندى......... و دمتم

[أم أكرم ومريم]

سمؤه
ايه رايك انا وانتي نعمل جمعية (الجوع كافر)؟؟؟بس مين قالك ان انا بركب ميكرباص....انا بتشعلق
في الاتوبيس

[أم أكرم ومريم]

كنوزه
انتي رجعتي من مصر ولا بتكلمينما من هناك؟؟
مصريه رقيقه
اللي مصبرني شويه ان الخضار والفاكهه ماشاء الله انواعها كتير واسعارها رخيصه قوي...باستثناء
طبعا المنجا والجوافه....انتي بتقولي فيها وحياتك جربت ازرع الجوافه....وجبت لها مهندس زراعي
بس يا سبحان الله كانت بتوصل للمتر وتموت
والخضار كمان فيه انواع غريبه عليا وكان اول مره اشوفها هنا ونحمد ربنا ان جوزي مالوش قوي في البسطرمه انا اللي مدمناها بس لما باكلها بيبص لي باشمئزاز ويقولي ريحتك زي اللي ..........خخ على
روحه...مش بقول لكم بيحترمني ويحبني....دا بيحبني قد الجافه والمنجا

[أم أكرم ومريم]

ماليش دعوه
انا عايزه حاجات ومحتاجات زي اللي في توقيعاتكم...ما عرفتش اعملها

[كلبيزو]

:hahaha: ام اكرم حبيبتى احلى توقيع يتعمل لك ياست الستات انت يسلام شويه كده وشيكى على الخاص بعد اذن كوا يابنات

[كلبيزو]

ازيك يا كتاكيتو
انا اكتر نوع بحبة هنا هو سلطان ابراهيم و بعملو مقلى
اما بقى قصة الصوانى و الطواجن و الذى منو انا مليش فيها خالص صحيح انا اسكندرانية بس لا بابا اسكندرانى ولا ماما اسكندرانية :hahaha:
و عندنا ف الشارقة فية مطعم سمكمك طبعا كل الاسكندرانية عارفينو و اتعودنا انا و جوزى نتغدى فية تقريبا مرة كل اسبوع و بيعملو البورى المشوى يجنن يمي يمي :42:

بس دى كل المعلومات اللى عندى......... و دمتم

شطووووور انت بتروحى لسمكمك زى اما ل مبشفكيش ليه بس انا مش مداومه زيك كده لانى بكل كمان عندجاد الى ادام الغرير سمكه حلو:hahaha:

[كلبيزو]

ازيك يا كتاكيتو
انا اكتر نوع بحبة هنا هو سلطان ابراهيم و بعملو مقلى
اما بقى قصة الصوانى و الطواجن و الذى منو انا مليش فيها خالص صحيح انا اسكندرانية بس لا بابا اسكندرانى ولا ماما اسكندرانية :hahaha:
و عندنا ف الشارقة فية مطعم سمكمك طبعا كل الاسكندرانية عارفينو و اتعودنا انا و جوزى نتغدى فية تقريبا مرة كل اسبوع و بيعملو البورى المشوى يجنن يمي يمي :42:

بس دى كل المعلومات اللى عندى......... و دمتم

شطووووور انت بتروحى لسمكمك زى اما ل مبشفكيش ليه بس انا مش مداومه زيك كده لانى بكل كمان عندجاد الى ادام الغرير سمكه حلو:hahaha: