بنات مصر في الغربه

[سهلولة1]

ازيكم يا بنات وحشتونى النهاردة كتيير
يا بنات يلا دعواتكم معايا اليومين دول الله يكرمكم انا لسه راجعة من عند الدكتورة وطمنيتنى انى باستجيب للعلاج فاضل تحليل هاعمله يوم الاربعاء كمان
ام ادهم ازاى ادهم واياد واحشانا كتيير والله ربنا يهديهم لك ويبارك لك فيهم
كلبوزة اخبار الدراسة ايه شكلك بتنامى بدرى الله يعينك انتى وكل البنات
ام شوشو انتى فين يا جميل واحشانى دعواتك الحلوة ادخلى وطمنينا عليكى انتى وشوشو

كتكوتين ............. ربنا ييسر لك أمرك ويرزقك بالولد الصالح

[كلبيزو]

:( سهلولتى مبقدرش بصلى العصر وبيغمن على يااوختى والله وطبعا مبقدرش انام قبل 12 بس والله ربنا بيقدر الواحد الحمدلله تسلمى لى يارب

[كلبيزو]

والله الشعر ناعم ........... بس عايزة تقصه ( شفتي الورطة ):22:

ولا يهمك يسهلوله احنا عندنا الشباب بيحبوا الشعر القصير:22: هى بنوته حتعقد لنا البونيه من دلوقتى جوازة ايه دى يختى الى فيها تحكمات من اولها:22:

[كلبيزو]

بنات ام شوشو مظهرتش وهى اصلا كانت مخنوقه امبارح ربنا ييسر لها الامور يااااارب

[كتكوتة كتكوتة]

اللهم اميـــــــــــــــــــن
طول الطريق واحنا رايحيين للدكتورة المطرة مبطلتشى والبرق وايه احلى عيشة بس الحمد لله المطر خير وقعدت ادعى كتيييير ربنا يرضى عنا جميعا وييسر لنا الخير

[كتكوتة كتكوتة]

بنات ام شوشو مظهرتش وهى اصلا كانت مخنوقه امبارح ربنا ييسر لها الامور يااااارب

انا مشفتهاش دخلت واخر مرة كانت قالت مش عارفة هتدخل تانى امتى ربنا يطمنا عليها ويبعد عنها الشر وييسر لها الامور

[كلبيزو]

اللهم اميـــــــــــــــــــن
طول الطريق واحنا رايحيين للدكتورة المطرة مبطلتشى والبرق وايه احلى عيشة بس الحمد لله المطر خير وقعدت ادعى كتيييير ربنا يرضى عنا جميعا وييسر لنا الخير

*****الله يكتكوته ربنا يستجيبلك يقطه يجميله دة ربك مفيش اكرم منه ويجعل يارب مشوار الدكتوره عفاف خير عليك زى مكان خير على لانى بصراحه بتفاءل بيها الست دى ربنا يبارك لها

[كلبيزو]

يلا تصبحوا على خير يااخواتى الحبيبات

[كتكوتة كتكوتة]

*****الله يكتكوته ربنا يستجيبلك يقطه يجميله دة ربك مفيش اكرم منه ويجعل يارب مشوار الدكتوره عفاف خير عليك زى مكان خير على لانى بصراحه بتفاءل بيها الست دى ربنا يبارك لها

والله يا كلبوزة بدعيلك لان ربنا سبحانه وتعالى جعلك سبب انى اروح للدكتورة عفاف بصى احسن حاجة انها فاهمة هى بتعمل ايه والحمد لله مريحة وتعرفى تتكلمى معاها
على فكرة يا كلبوزة ميعاد نزولنا اتحدد ان شاء الله هيكون قبل 23 مارس ان شاء الله

[كتكوتة كتكوتة]

وانتى من اهل الخير يا كلبوزتى يا حبيبتى وجزاكى الله خيرا

[ام شوشوو]

السلاااااااااااام عليكم يا حلوييييييييين

انا بدحرج التماسى على الكلللللللل

وحشتونى والله جميييييييييعا

انا بخير والحمد لله بس النت ساعات بيفصل والاولاد هبلونى وطيروا البرج اللى فاضل فى نافوخى فيعنى ساعات بدخل واتابعكم من بعيد بس مش بلحق ارد

المهم يارب كلكم تكونوا بخير

وعليكم السلام ...عامله ايه...شيري يا ربتكونى بخييييييير...واحنا كمان مفتقدينك موت الله يكون في عونك ويجعلهم الذريه الصالحه اللهم امين

[ام شوشوو]

ازيكم يا بنات وحشتونى النهاردة كتيير
يا بنات يلا دعواتكم معايا اليومين دول الله يكرمكم انا لسه راجعة من عند الدكتورة وطمنيتنى انى باستجيب للعلاج فاضل تحليل هاعمله يوم الاربعاء كمان
ام ادهم ازاى ادهم واياد واحشانا كتيير والله ربنا يهديهم لك ويبارك لك فيهم
كلبوزة اخبار الدراسة ايه شكلك بتنامى بدرى الله يعينك انتى وكل البنات
ام شوشو انتى فين يا جميل واحشانى دعواتك الحلوة ادخلى وطمنينا عليكى انتى وشوشو

ايوه كده الاخبار الحلوة...انا الحمدلله تمام...وشوش بتسلم عليكي يا خالتو كتكوته...وعقبال ما كتكوتك يلعب مع شوشو....وان شاء الله يرزقك بالذريه الصالحه...عاجل غير اجل اللهم امييييييييييين
يله يا بنات كلكم قولوا امييييين...ودعواتكم في ظهر الغيب لاحلى كتكوته:26:

[كتكوتة كتكوتة]

اللهم اميــــــــــــــــــــــــــن

[ام شوشوو]

بنات ام شوشو مظهرتش وهى اصلا كانت مخنوقه امبارح ربنا ييسر لها الامور يااااارب

انا هنا حبيبتى كلبوزه انتى عامله ايه؟ والله لسه مخنوقه في واحده طالبه منى مساعده وانا مش قدرة اساعدها ده عملي اكتئاب شويه

[كتكوتة كتكوتة]

ازيك يا ام شوشو وحشتينا فينك النهاردة؟
اخبارك ايه وازاى نفسيتك يا قمر قلقتينا عليكى

[ام شوشوو]

اللهم اميـــــــــــــــــــن
طول الطريق واحنا رايحيين للدكتورة المطرة مبطلتشى والبرق وايه احلى عيشة بس الحمد لله المطر خير وقعدت ادعى كتيييير ربنا يرضى عنا جميعا وييسر لنا الخير

ان شاء الله ربنا يكون استجاب دعائائك ...

[ام شوشوو]

ازيك يا ام شوشو وحشتينا فينك النهاردة؟
اخبارك ايه وازاى نفسيتك يا قمر قلقتينا عليكى

انا بخييييير الحمدلله بس والله كنت مشغوله النهارده جدا..وانا الحمدلله احسن كتير:26:

[sama_sehab]

شيرين حمد الله على سلامتك كنت قلقانه عليكي

[sama_sehab]

كتكوتي القمر ربنا يرزقك ان شاء الله بالذريه الصالحه ونبارك لك قيرب ان شاء الله وافرح فيكي وتبقي شلبيه زينا :22: اوعي يا قمر تنزلي مصر وتنسينا :26: :26: :26:

[sama_sehab]

كلبوزتي انا اروح مصر الاقي اختي على طول نايمه اجي المنتدى تنامي انتي صحصح يا جميل يالمبة المنتدى انت ياقمر

[sama_sehab]

ام شوشو روقي يا قمر وربنا ييسر لك امرك ان شاء الله

[كتكوتة كتكوتة]

ازيك يا سمسومة يا مساء الهنا متخفيش انا مهما كنت فين وراكم وراكم ان شاء الله بس متزهقوش انتم بس وبعدين فى مصر برضه انا من بنات مصر فى الغربة انا متجوزة غريبة على رأى ماما علشان يعنى انا متجوزة بعيد عن اهلى فى القاهرة وانا من شبين وجوزى من طنطا يعنى كوكتيل مزعلناش حد

[sama_sehab]

طيب لقيت حد كمان مش من اسكندريه غيري انا وام شوشوو كتكوته انضمت للحزب
ام شوشوو يا قمر شايفاكي سهرانه زيي اهه نفسيتك عامله ايه الوقتي ان شاء الله تكون نفسيتك احسن

[bintmisr]

والله الشعر ناعم ........... بس عايزة تقصه ( شفتي الورطة ):22:


لا لالالالالالالالالالالالالالالا لالالالا مليون لا ---- لا تسمحى :42: لها بقصه :30:
شفتى حماة من دلوقتى:42:

[bintmisr]

ازيكم يا بنات وحشتونى النهاردة كتيير
يا بنات يلا دعواتكم معايا اليومين دول الله يكرمكم انا لسه راجعة من عند الدكتورة وطمنيتنى انى باستجيب للعلاج فاضل تحليل هاعمله يوم الاربعاء كمان
ام ادهم ازاى ادهم واياد واحشانا كتيير والله ربنا يهديهم لك ويبارك لك فيهم
كلبوزة اخبار الدراسة ايه شكلك بتنامى بدرى الله يعينك انتى وكل البنات
ام شوشو انتى فين يا جميل واحشانى دعواتك الحلوة ادخلى وطمنينا عليكى انتى وشوشو

ربنا يرزقك بالذرية الصالحة يا كتكوتة يارب وتفرحى باولادك وبناتك (كتاكيتك):26:

[bintmisr]

ولا يهمك يسهلوله احنا عندنا الشباب بيحبوا الشعر القصير:22: هى بنوته حتعقد لنا البونيه من دلوقتى جوازة ايه دى يختى الى فيها تحكمات من اولها:22:

شاويش كلبوز وبعدين هتنطى لى فى مرات ابنى لالالالا انا اللى حجزت الاول وبعدين انا حجزت الكبيرة على مقاس الواد انتى ابنك اصغر خدى الصغيرة :42:

[bintmisr]

طيب لقيت حد كمان مش من اسكندريه غيري انا وام شوشوو كتكوته انضمت للحزب
ام شوشوو يا قمر شايفاكي سهرانه زيي اهه نفسيتك عامله ايه الوقتي ان شاء الله تكون نفسيتك احسن

سما سما انا كمان مش من اسكندرية انا من القاهرة انتوا منين ؟

[bintmisr]

صباح الفل يا بنات يا قمرات ونورتي يا كلبوزتي ما تغيبيش تاني
بالنسبه للشيوخ اكيد الدكتور عمر عبد الكافي ومحمد هدايه وبالنسبه للستات باحب د عبله الكحلاوي
وطبعا الشيخ الشعراوي الله يرحمه



سما انتى وكلبوزة متفقين فى الشعراوى
اقولكم انا بصراحة بحب اسمع ل محمد حسين يعقوب
محمد عبد المقصود----- وفيه شيخ سمعته جديد اسمه ابو اسحاق الحوينى ما شاء الله ممتاز
د عبلة دي سكرة وبسيطة بس على عكسها سعاد صالح :(

[bintmisr]

الو الو الو ام اكرم ................. حول الو الو ام اكرم حول انتى فين ؟

[كلبيزو]

بنوته انت هنا حبيبتى

[كلبيزو]

شاويش كلبوز وبعدين هتنطى لى فى مرات ابنى لالالالا انا اللى حجزت الاول وبعدين انا حجزت الكبيرة على مقاس الواد انتى ابنك اصغر خدى الصغيرة :42:

للاسف يبنوته سهلوله عندها بنت واحده ولا على رايك يمكن فى واحده ثانيه لما ترجع من الشغل نسالها:)

[كلبيزو]

والله يا كلبوزة بدعيلك لان ربنا سبحانه وتعالى جعلك سبب انى اروح للدكتورة عفاف بصى احسن حاجة انها فاهمة هى بتعمل ايه والحمد لله مريحة وتعرفى تتكلمى معاها
على فكرة يا كلبوزة ميعاد نزولنا اتحدد ان شاء الله هيكون قبل 23 مارس ان شاء الله

الله يخليك يكتكوته ادعى لى كتير اليومين دول انا فعلا محتاجه دعواتك وفعلا د ممتازه وخبره يبنتى وفعلا اهم حاجه فى الدكتوره انها تاخد وتدى عشان تريح المريض ربنا يتم على خير يارب وبعدين ايه الخبر ده:( يوحشه :icon33: :06: :16: بس معلش النت حيصبرنا يلا باه نصيب يكتكوتتى بس عارفه اهم حاجه انك حتحضرى عيد الام مع والدتكم يبيضه ربنا يخليهالك:)

[كلبيزو]

كلبوزتي انا اروح مصر الاقي اختي على طول نايمه اجي المنتدى تنامي انتي صحصح يا جميل يالمبة المنتدى انت ياقمر

حعمل ايه بس يسموءتى ياحببتى غصب عنى بس حلوة لمبه دى بنت عم نجفه:hahaha:

[كلبيزو]

سما انتى وكلبوزة متفقين فى الشعراوى
اقولكم انا بصراحة بحب اسمع ل محمد حسين يعقوب
محمد عبد المقصود----- وفيه شيخ سمعته جديد اسمه ابو اسحاق الحوينى ما شاء الله ممتاز
د عبلة دي سكرة وبسيطة بس على عكسها سعاد صالح :(

مين دووووول :30: اول مره اعرفهم تتصورى

[كلبيزو]

انا هنا حبيبتى كلبوزه انتى عامله ايه؟ والله لسه مخنوقه في واحده طالبه منى مساعده وانا مش قدرة اساعدها ده عملي اكتئاب شويه

الحمدلله حبيبتى ان انتى بخير بس ربنا قال لايكلف الله نفسا الا وسعها وانت طلما عملت الى تقدرى عليه خلاص متشيليش هم يلا باه ورينا الضحكه الحلوة:)

[كتكوتة كتكوتة]

صباح الفل يا قمرات
بنوتة وكلبوزة انتوا هتخلصوا الشباب وبنتى هتتجوز مين يعنى؟؟ :( لا احجزوا لى عريس حليوة كده لبنتى ان شاء الله:)
وبعدين يا كلبوزتى هنا او فى مصر مش هاسيبكم برضه النت بيقرب وبعدين انتوا برضه بتنورونا فى مصر فى الاجازة ان شاء الله :26:

[كتكوتة كتكوتة]

بالنسبة للشيوخ طبعا مفيش كلام على الشيخ الشعراوى رحمه الله وانا فى الاول كنت باسمع للاستاذ عمرو خالد بس دلوقتى والحمد لله باحب جدا اسمع للشيخ محمد حسان والشيخ محمد حسين يعقوب والشيخ ابو اسحاق الحوينى والشيخ محمود المصرى والدكتور عمر عبد الكافى والشيخ وجدى غنيم ما شاء الله عليهم جميعا

وهتلاقوا فى الرابط ده ان شاء الله دروس وخطب متنوعة لكل الشيوخ بالترتيب الابجدى من موقع طريق الاسلام بصراحة الموقع ده ما شاء الله عليه ممكن تلاقى عليه فتاوى وخطب ومقالات وقران شوفوه وادعوا لى:
http://www.islamway.com/?iw_s=Scholar

[sama_sehab]

صباح الفل يا اجمل بنات بدون اسماء عاملين ايه النهارده يا رب تكونوا في احسن حال ربنا ييسر امورنا جميعا
كلبزتي الشوخ اللي قالت عليهم بنت مصر بييجوا على قناة الناس وعلى فكره فعلا كويسين بس انا للاسف ثقافتي لها تقريبا شهرين واقفه عند سبيس تون ولا اجروء ان اغير القناه بجد مش عارفه اعمل ايه مش عارفه اتصرف معاه ازاي 24 ساعه سبيس تون واذا حاولت اغير يفضل يعيط ويصوت
يللا اريد حلا

[كتكوتة كتكوتة]

صباح الفل يا اجمل بنات بدون اسماء عاملين ايه النهارده يا رب تكونوا في احسن حال ربنا ييسر امورنا جميعا
كلبزتي الشوخ اللي قالت عليهم بنت مصر بييجوا على قناة الناس وعلى فكره فعلا كويسين بس انا للاسف ثقافتي لها تقريبا شهرين واقفه عند سبيس تون ولا اجروء ان اغير القناه بجد مش عارفه اعمل ايه مش عارفه اتصرف معاه ازاي 24 ساعه سبيس تون واذا حاولت اغير يفضل يعيط ويصوت
يللا اريد حلا

صباح الخير يا سما الله يعينك على موضوع الكرتون ده انا بنت اختى برضه نفس المشكلة بس كمان على الكمبيوتر والموضوع ده بيكسب الطفل عصبية وغلط نفسيا عليه
http://www.annabaa.org/nbanews/02/17.htm
حاولى تلاقى بديل تشغليه به بدل التلفزيون واكيد بقيت البنات هيفيدوكى اكتر ان شاء الله وربنا يهديه ويحفظوه

[كلبيزو]

صباح الفل يا قمرات
بنوتة وكلبوزة انتوا هتخلصوا الشباب وبنتى هتتجوز مين يعنى؟؟ :( لا احجزوا لى عريس حليوة كده لبنتى ان شاء الله:)
وبعدين يا كلبوزتى هنا او فى مصر مش هاسيبكم برضه النت بيقرب وبعدين انتوا برضه بتنورونا فى مصر فى الاجازة ان شاء الله :26:

كتكوتتى متقلقيش بنتك لما تيجى ا نشاءالله يمكن اكون جبت تانى ولا اقولك سمسوم عندها ولد مش حتبخل عليكى بيه:22: وبعدين حبيبتى اذا ملزمه على اولادى اكمنهم حلوين وقمامير :hahaha: الشرع بيقول اربعه عادى يعنى وانا بحب الشرع :booo: الحق اطلع باة بدل ما سهلوله تضربنى بالنار :hahaha:

[كلبيزو]

صباح الفل يا اجمل بنات بدون اسماء عاملين ايه النهارده يا رب تكونوا في احسن حال ربنا ييسر امورنا جميعا
كلبزتي الشوخ اللي قالت عليهم بنت مصر بييجوا على قناة الناس وعلى فكره فعلا كويسين بس انا للاسف ثقافتي لها تقريبا شهرين واقفه عند سبيس تون ولا اجروء ان اغير القناه بجد مش عارفه اعمل ايه مش عارفه اتصرف معاه ازاي 24 ساعه سبيس تون واذا حاولت اغير يفضل يعيط ويصوت
يللا اريد حلا

سمسومه فكرتينى بالذى مضى الله يعينك دة لسه لما يكبر شويه ويفهم بقية القنوات مش حتقدرى عليه اختك متبهدله مبشفش التلفزيون اصلا بس فى الاجازات بس لان جوزى مشبشبهم فى المدارس:hahaha: وربنا يكرمك على المعلومه خلاص حبقى افتح الناس

[كتكوتة كتكوتة]

ماشى يا كلبوزة يعنى من اولها كده بنتى هتبقى الزوجة التانية لا خلاص مش هنقطع بقى على سهلولة حبيبتى

[كلبيزو]

ماشى يا كلبوزة يعنى من اولها كده بنتى هتبقى الزوجة التانية لا خلاص مش هنقطع بقى على سهلولة حبيبتى

لا يكتاكيتو انت ناسيه انه هم اتنين سهلوله تاخد الكبير وانت الى عنده 7سنين متهيالى مناسب اوى :)

[كلبيزو]

الا قوليلى كتكوته زوجك العزيز عامل ايه دلوقتى

[كتكوتة كتكوتة]

الا قوليلى كتكوته زوجك العزيز عامل ايه دلوقتى

الحمد لله يا كلبوزة والله امبارح بعد ما رجعنا من عند الدكتورة اتصلوا به من الشغل راح تانى ومرجعشى الا الساعة 4 الفجر بسبب وجع اسنانه برضه

[sama_sehab]

ازيك يا شيري يا قمر انا بادخل الماسنجر وبارن عليكي بس مش بتردي عليا المهم تكون صحتك كويسه يا شيرين

[كلبيزو]

الحمد لله يا كلبوزة والله امبارح بعد ما رجعنا من عند الدكتورة اتصلوا به من الشغل راح تانى ومرجعشى الا الساعة 4 الفجر بسبب وجع اسنانه برضه

ربنا يقويه يارب ويشفيه حبيبتى

[كلبيزو]

ازيك يا شيري يا قمر انا بادخل الماسنجر وبارن عليكي بس مش بتردي عليا المهم تكون صحتك كويسه يا شيرين

سمسوم ازيك يقمر اخيرا اتفقت مواعيدنا

[كتكوتة كتكوتة]

يا بنات انا محتارة اعمل ايه للغدا انا مطلعة لحم مفرومة قولى لى اعمل ايه؟

[كلبيزو]

http://www.khayma.com/drshahid/news.html ام اكرم الرابط ده ممكن ترسلى لهم ويردوا عليكى عشان ابو اكرم ربنا يشفيهولك يارب

[كلبيزو]

كتكوته اديها صينيه معكرونه بالبشاميل ايه رايك ولا خرشوف باللحمه المفرومه مع البطاطس

[كتكوتة كتكوتة]

كتكوته اديها صينيه معكرونه بالبشاميل ايه رايك ولا خرشوف باللحمه المفرومه مع البطاطس

البيه بتاعى ملهوش اوى فى المكرونة بالباشميل ومش باعرف اعمل الخرشوف:(
وكمان قالى انه هيتاخر فى الشغل هاعمل كفتة وحاجة معاها وخلاص

[أم أكرم ومريم]

http://www.khayma.com/drshahid/news.html ام اكرم الرابط ده ممكن ترسلى لهم ويردوا عليكى عشان ابو اكرم ربنا يشفيهولك يارب

كتر خيرك يا حبيبتي...والله فيكم الخير ودايما فاكرني...الله يجازيكم بالخير

[أم أكرم ومريم]

بنت مصر
تسلمي لي من كل سوء يارب....ربنا يحفظ لك اولادك من المرض يارب

[أم أكرم ومريم]

فعلا يابنات.....قناة الناس قناه دينيه جميله....كل ما الشيطان يوزني اني ماصحاش اصلي الفجر افتكر
كلام الشيخ ابو وش سمح ده مش فاكره اسمه ابو يعقوب ولا ايه؟؟المهم اني باختشي على دمي واقوم

[كلبيزو]

السلام عليكم ايه فينكم يبنات ام اكرم بس الى دخلت واخيرا ظهرت يجميل ياعسل انت امال سهلوله فييييييييييييييييييييييييييييي ن مبنتش تيجى تشوف الكل مقطع بعضه على بنوتتها ايوا يعم مشيه معاك ربنا يسعدهالك يسهلولتى:)

[كلبيزو]

صباااااااااااااااااااااااااااا ااح الخير على الحلوين حبيت اصبح

[كلبيزو]

:icon33: :angry2: :( بنات لما تفوقواااااااا كده وتصحوا كل وحدة تقوللى خبرتها فى القرص والقراقيش كل معملها تنشف بعد متطلع من الفرن:( وخلاص زهقت ومش عارفه السبب افتونى الله يخليكم بدل ماجنن عارفين الى حتخش وتطنش :22: لى حساب معاها

[كتكوتة كتكوتة]

فعلا يابنات.....قناة الناس قناه دينيه جميله....كل ما الشيطان يوزني اني ماصحاش اصلي الفجر افتكر
كلام الشيخ ابو وش سمح ده مش فاكره اسمه ابو يعقوب ولا ايه؟؟المهم اني باختشي على دمي واقوم

صباح الفل يا قمراتى واحشنى اوى اوى اوى
ازيك يا كلبوزتى ازيك وازاى الاولاد؟ ايه اخبار الحفظ فين التقرير ولا علشان سهلولة مش بتسال يعنى ؟
الحمد لله انا حفظت لحد الاية 74 يعنى لحد اول الحزب التانى قولوا ما شاء الله يلا بقى مش عاوزيين الهمة تقل
ام اكرم ازيك و ازاى ابو اكرم اسمه الشيخ محمد حسين يعقوب يا عسولتى وبصراحة قناة الناس فعلا شاشة تأخذك للجنة تعرفوا انا نفسى اشترى تلفزيون فى شقتى بس علشان اتفرج عليها على طول لما باروح عند ماما بافضل قاعدة قدامها اه انا نسيت اقولكم ان جوزى رافض فكرة شراء تلفزيون بيقول ان ضرره اكتر من نفعه وممكن الكمبيوتر والنت يعوضوا عدم وجوده

سمسومة انا سالتلك على بديل الكريمة اللبانى بصى البديل تستخدميه فى الاكل الحادق بس كوباية لبن على معلقتين دقيق لكن مش بينفع للحلويات

سهلولتى وام شوشو انتم فين من بتدخلوا ليه؟

[كتكوتة كتكوتة]

:icon33: :angry2: :( بنات لما تفوقواااااااا كده وتصحوا كل وحدة تقوللى خبرتها فى القرص والقراقيش كل معملها تنشف بعد متطلع من الفرن:( وخلاص زهقت ومش عارفه السبب افتونى الله يخليكم بدل ماجنن عارفين الى حتخش وتطنش :22: لى حساب معاها

بصى يا كلبوزة انا عمرى ما عملت قرص قبل كده ماما ربنا يخليها هى اللى بتعملنا ان شاء الله اجيبلك المقادير منها وانا لقيتلك طريقة للقرص ممكن تجربيها برضه

قرص دون الطريه

المقادير
4 كوب دقيق
ذره ملح
كوب سمنه
قطعه خميره بيره حجم اليوسفى الصغير+ ربع كوب ماء دافئ علشان ندوب الخميره فيه+ ملعقه صغيره سكر
لبن رايب حسب حاجه العجينه

الطريقه\
1- نضع الملح على الدقيق ثم نضع السمنه ونخلطهم ببعض
2- ندوب الخميره ونصف ملعقه صغيره سكر فى ربع كوب الماء الدافئ ونتركها لتخمر ثم نضعها على الدقيق
3- ندفئ اللبن الرايب ونعجن بيهم العجينه لحد ماتتلم ونلاقى ايدينا نضيفه خالص
4- نشكلها ونخبزها

ملحوظات\
1- مش بندهن الصاج او وش القرص
2- بعد ما تخرج نتركها لتهدا ثم نضعها فى كيس بلاستيك حتى تحتفظ بطراوتها

[كلبيزو]

بصى يا كلبوزة انا عمرى ما عملت قرص قبل كده ماما ربنا يخليها هى اللى بتعملنا ان شاء الله اجيبلك المقادير منها وانا لقيتلك طريقة للقرص ممكن تجربيها برضه

قرص دون الطريه

المقادير
4 كوب دقيق
ذره ملح
كوب سمنه
قطعه خميره بيره حجم اليوسفى الصغير+ ربع كوب ماء دافئ علشان ندوب الخميره فيه+ ملعقه صغيره سكر
لبن رايب حسب حاجه العجينه

الطريقه\
1- نضع الملح على الدقيق ثم نضع السمنه ونخلطهم ببعض
2- ندوب الخميره ونصف ملعقه صغيره سكر فى ربع كوب الماء الدافئ ونتركها لتخمر ثم نضعها على الدقيق
3- ندفئ اللبن الرايب ونعجن بيهم العجينه لحد ماتتلم ونلاقى ايدينا نضيفه خالص
4- نشكلها ونخبزها

ملحوظات\
1- مش بندهن الصاج او وش القرص
2- بعد ما تخرج نتركها لتهدا ثم نضعها فى كيس بلاستيك حتى تحتفظ بطراوتها

تسلمى لى يكتكوتتى ياحببتى بس انا كمان بعملها بنفس الطريقه :( ومبتطلعش طريه:09: الله يكرمك اسالى لى ست الكل ربنا يخليهالك:)

[كلبيزو]

صباح الفل يا قمراتى واحشنى اوى اوى اوى
ازيك يا كلبوزتى ازيك وازاى الاولاد؟ ايه اخبار الحفظ فين التقرير ولا علشان سهلولة مش بتسال يعنى ؟
الحمد لله انا حفظت لحد الاية 74 يعنى لحد اول الحزب التانى قولوا ما شاء الله يلا بقى مش عاوزيين الهمة تقل
ام اكرم ازيك و ازاى ابو اكرم اسمه الشيخ محمد حسين يعقوب يا عسولتى وبصراحة قناة الناس فعلا شاشة تأخذك للجنة تعرفوا انا نفسى اشترى تلفزيون فى شقتى بس علشان اتفرج عليها على طول لما باروح عند ماما بافضل قاعدة قدامها اه انا نسيت اقولكم ان جوزى رافض فكرة شراء تلفزيون بيقول ان ضرره اكتر من نفعه وممكن الكمبيوتر والنت يعوضوا عدم وجوده

سمسومة انا سالتلك على بديل الكريمة اللبانى بصى البديل تستخدميه فى الاكل الحادق بس كوباية لبن على معلقتين دقيق لكن مش بينفع للحلويات
صباح الورود والرياحين ياكتكوته ربنا يخليكى شجعينى لحسن من ساعة المدارس مابدات وانا مش حكذب عليك ملهيه مع العيال وقلة النوم مش مخليانى اركز ربنا يقدرنى يارب
سهلولتى وام شوشو انتم فين من بتدخلوا ليه؟

[كلبيزو]

معلش يكتكوته الرد بتاعى طلع مع ردك بس فى الاخر

[كتكوتة كتكوتة]

ربنا يعينك يا كلبوزتى بس حتى احفظى ايه كل يوم وراجعى اللى حفظتيه حتى وانتى بتخلصى شغل البيت وان شاء الله شوية كده وهاقولك على طريقة القرص ان شاء الله

[كتكوتة كتكوتة]

http://www.aljazeera.net/NR/exeres/28BD92A4-8C49-4AAC-BE50-BEE230D9EED9.htm
وحسبنا الله ونعم الوكيل

[كلبيزو]

حسبى الله ونعم الوكيل فيهم الله ينتقم منهم جزاك الله خير يكتكوته

[كتكوتة كتكوتة]

انا باتفرج على الجزيرة حاجة تحرق الدم والله ربنا ينتقم منهم بس يا ريت حد يتحرك ويعمل حاجة مش زى كل مرة نشجب ونندد وخلاص

[أم أكرم ومريم]

http://www.aljazeera.net/NR/exeres/28BD92A4-8C49-4AAC-BE50-BEE230D9EED9.htm
وحسبنا الله ونعم الوكيل

ال يافرعون ايه فرعنك....مالقتش حد يلمني.....ولسه...لنا الله هو حسبنا ونعم الوكيل

[أم أكرم ومريم]

كلبيزو
بصي انا مش بارتبط بمقادير،وبعمل دي وبتتطلع كويسه....بحط زيت على سمنه وشوية يانسون وسمسم
وابسهم كويس(يعني ادعكهم بالدقيق)واحط خميره ذائبه ف حليب او لبن....واعجنهم كويس.
اسيبها ترتاح وتخمر شويه.....واقطعها واخبزها...وزي ما قالت كتاكيتو لما تبرد نحطها ف كيس نايلون

[كلبيزو]

كلبيزو
بصي انا مش بارتبط بمقادير،وبعمل دي وبتتطلع كويسه....بحط زيت على سمنه وشوية يانسون وسمسم
وابسهم كويس(يعني ادعكهم بالدقيق)واحط خميره ذائبه ف حليب او لبن....واعجنهم كويس.
اسيبها ترتاح وتخمر شويه.....واقطعها واخبزها...وزي ما قالت كتاكيتو لما تبرد نحطها ف كيس نايلون

تسلمى ياقمرايه يحييبة قلبى يام اكرم يعسل :)

[كلبيزو]

:( سهلوله وام شوشو وبنوته الملف مش ناقص غيابكم انتم كمان كفايه الباقى وسما كمان رحتى فين يسمسومتى :( :( :( :(

[كلبيزو]

بنات مش رانيا كده تعتبر اتاخرت ولا انا غلطانه لانها المفروض اجازتها اضطراريه صح ولا انتم مش معايا ربنا يسهلها الامور يارب ويرجعها لينا بخير تانى ياااارب هى والباقى بصراحه الملف اول مدخلته كان يجنن ولمتنا كانت رائعه ربنا يرجع نا زى الاول يااااارب والبت شطوره اختفت الشقيه فجاة كده اين انت سشطووورة

[sama_sehab]

مساء الخير يا كلبوزتي انتي وكل البنات الملف ماله كده اتحسدنا ولا ايه؟ نفسي يرجع زي الاول

[كلبيزو]

:hahaha: مساء الخير يا كلبوزتي انتي وكل البنات الملف ماله كده اتحسدنا ولا ايه؟ نفسي يرجع زي الاول

سمسومه الاموره فينك واخبار سبيس تون ايه:hahaha: فعلا شكلنا اتحسدنا:(

[ام شوشوو]

طيب لقيت حد كمان مش من اسكندريه غيري انا وام شوشوو كتكوته انضمت للحزب
ام شوشوو يا قمر شايفاكي سهرانه زيي اهه نفسيتك عامله ايه الوقتي ان شاء الله تكون نفسيتك احسن

سلام عليكم
ازيك سمسم...عامله ايه انا الحمدلله بخيييير واحسن دلوقتى ...وانتى عامله اييييييه؟ يارب تكونى بخيييييييير

[ام شوشوو]

سما سما انا كمان مش من اسكندرية انا من القاهرة انتوا منين ؟

اخيرا لقيت حد من القاهرة...عامله ايه يا بنت مصر انا كمان من القاهرة يله نعمل حزب ايه رايك؟

[ام شوشوو]

مين دووووول :30: اول مره اعرفهم تتصورى

لالالا يا كلبوزة ...دول اعلام...انا عن نفسي بحب جداجداجدا اسمع للشيخ لمحمد حسانوالشيخ ابو اسحاق الحوينى...على فكرة ده معروف جدا وقديم بس مكنش يظهر على التلفزيون خالص.. والشيخ.محمد حسين يعقوب...والشيخ محمود المصري روعه كلهم ماشاء الله عليهم

[ام شوشوو]

الحمدلله حبيبتى ان انتى بخير بس ربنا قال لايكلف الله نفسا الا وسعها وانت طلما عملت الى تقدرى عليه خلاص متشيليش هم يلا باه ورينا الضحكه الحلوة:)

ربنا يكرمك يا كلبوزه طبعا اضحك طالما كلبوزة منورة:) :) :) :) :) :) :) :26:

[ام شوشوو]

بالنسبة للشيوخ طبعا مفيش كلام على الشيخ الشعراوى رحمه الله وانا فى الاول كنت باسمع للاستاذ عمرو خالد بس دلوقتى والحمد لله باحب جدا اسمع للشيخ محمد حسان والشيخ محمد حسين يعقوب والشيخ ابو اسحاق الحوينى والشيخ محمود المصرى والدكتور عمر عبد الكافى والشيخ وجدى غنيم ما شاء الله عليهم جميعا

وهتلاقوا فى الرابط ده ان شاء الله دروس وخطب متنوعة لكل الشيوخ بالترتيب الابجدى من موقع طريق الاسلام بصراحة الموقع ده ما شاء الله عليه ممكن تلاقى عليه فتاوى وخطب ومقالات وقران شوفوه وادعوا لى:
http://www.islamway.com/?iw_s=Scholar

عامل ايه يا كتكوت ايوه كده ربنا ينور عليكي....وفكرتيني بشيوخ كنت نسياهم...زى الشيخ وجدى والشيخ عمر عبد الكافي...ليه سلسله الدار الاخرة رائعه موووت اثرت جدا فيه

[ام شوشوو]

:( سهلوله وام شوشو وبنوته الملف مش ناقص غيابكم انتم كمان كفايه الباقى وسما كمان رحتى فين يسمسومتى :( :( :( :(

انا هنااااااا...بس كنت مشغوله جدا كان عندنا ضيوف يومين ورا بعض..معلش مش عهمل كده تاني:42:

[ام شوشوو]

حلو قوى يا كلبوزه انا اختفي والخيانه تشتغل ..كل واحده بتقسم مين هياخد مين ونسيتو شوشو...ايه ده...ده حتى احنا جيران

[ام شوشوو]

شكلكم كلكم مشيتو لما انا جييييييييييييت:eek:

[ام شوشوو]

بنات انا طلبه منكم طلب ازاى طريقه الكيكه...بس تكونوا انتم الى مجربنها...لانى بعملها ساعات تطلع روعه وساعات.....
اه وكامن طريقه البيتزا انا بعملها بصراحه حلوة بس حابه اغير اخد خبرات

[ام شوشوو]

كلبوزه...جبتلك طريقه القرص من ماما ...ماما شاطرة في المعجنات...وبتطلع طريه
المقادير
3 كوب دقيق
1 ونص كوب سمن سايح او زبده
ملعقه خميرة فوريه
نص م سكر صغيرة
نص م ملح صغيرة
ماء دافي حسب احتاج العجينه...تكون وسط
وتتساب مده نص ساعه تخمر
وبعدين تشكليها وتتساب مده تخمر تاني وتدخل في فرن درجه 160
وبالهنا والشفا

[ام شوشوو]

بنات انا ناويه احط على شعري..الحنه الى بتفرد الشعر ايه رايكم

[سهلولة1]

ازيك يا سهلوله يا رب تكون مشكلتك اتحلت وربنا معاكي

جزاكي الله خيرا على دعواتكم
والله الموضوع أتحل أحسن مما كنت أتخيل ........... كله بفضل الله ثم دعواتكم لي:26: :26:

[سهلولة1]

معلش يا بنانيت ......... الموقع اليومين إللي فاتوا كان الموقع مش بيفتح خالص أكيد كان فيه مشكلة
و والله وحشتوني قوي

[سهلولة1]

على فكرة أنا حمسك في الملف ده بإدي وسناني مدام عندكوا عرسان زي الفل كده:)

وأنا يا كلبوزة عندي بنتين الأولى 13 سنة والثانية 9 سنين ( والصغيرة دي اللي كنت بكلم عنها بنوته )
والله أنا خايفة إن يكون ( من كتر عرسانها بارت ) :eek:

[سهلولة1]

رنوووووووووووووووووووووووووووو وووووووونة.............. إنتي فييييييييييييييييييييييييييين

[سهلولة1]

بنات انا ناويه احط على شعري..الحنه الى بتفرد الشعر ايه رايكم


أوعي ............ دي حنة مقرفة قوي والله كانت السبب في سقوط شعري بطريقة فظيعة والشيب بدأ يظهر من ساعة ما عملتها ( كأنها بوية بتاعت دهان الحيط ):30:
الأحسن هاتي حنة طبيعية وأنتي ضيفي لها بعض الإضافات ( حسب لون وطبيعة شعرك )

ده إذا كانت الحنة اللي بتصبغ ......... أما اللي فيها ملوخية وحديدة فهي أيضا بتوقع الشعر وبتسودة قوي ( أنا مستعملتهاش بس أعرف ناس أستعملوها )
أحسن أفردي برماننت عند سحر اللي في المنيل عندكوا ( صحيح مضرة بس ممكن مع تغذية الشعر والأهتمام به وقصة كل فترة يكون ضرره أخف )

[سهلولة1]

كلبوزة ........ علشان تلتزمي بالحفظ عاهدي نفسك على عدم الدخول على النت إلا بعد الحفظ
أنا بعمل كده كل لما أجي أقعد على النت أقول لأ لازم أروح أحفظ وبعدين أقعد

[سهلولة1]

أم عصمت ............ مش عارفة ليه الملف بيبقى ناقصة حاجة لما بتختفي ......... يارب تكوني بخير

[سهلولة1]

بنات انا طلبه منكم طلب ازاى طريقه الكيكه...بس تكونوا انتم الى مجربنها...لانى بعملها ساعات تطلع روعه وساعات.....
اه وكامن طريقه البيتزا انا بعملها بصراحه حلوة بس حابه اغير اخد خبرات


4 بيضات / كوب ونص سكر / م.ط بكنج بودر / فانيلا / 4 ملاعق حليب بودرة / ثلاث أرباع كوب زيت /
كوب ونص دقيق

نضرب البيض والفانيلا ثم نضيف السكر ونضرب ( ثم نضيف بقية المقادير وفي الأخر نضع الدقيق )
ثم نصبها في صينية مدهونة .

ملحوظة : 1 - هذا المقدار لصينية صغيرة
2 - ويمكن تقسيم العجينة نصفين ونضع في نصف منها 2 ملعقة كاكاو ونصب كبشة من العجينة البيضاء ثم عليها كبشة من العجينة الكاكاو وهكذا بالتناوب ( تسمى كيكة التايجر )

[sama_sehab]

مساء الفل يا كلبوزتي وسهلولتي وكتكوتي وام شهدودتي وكلكم يا قمرات بسم الله الرحمن الرحيم استعنا على الشقا بالله بصي يا ام شوشو الحنه دي حسب شعرك يعني لو خشنه ممكن بس على فكره في اكتر من كوافير بيقول انها بيدخل في تكوينها بوتاس شوفي انتي باه سيبك من الحاجات المؤذيه دي
بالنسبه للبيتزا (3كوب دقيق+تلت كوب زيت زيتون +ذرة ملح وتقلبيهم مع بعض)(م طعام خميره فوريه +م طعام سكر مذابه في تلت او اقل قليلا ماء فاتر تقلبيهم وتتركيهم حتى ترتفع الخميره)-كوب حليب فاتراول ما الخميره ترتفع تضيفيها على الدقيق وتعجني وبعدين تضيفي الحليب بالتدريج مع العجن الجيد حتى تتكون عجينه ملساء ومتماسكه تكوريها وتبلي ايدك زيت زيتون وتغلفيها بالزيت وتغطيها وتسيبيها تخمر وبعدين تفرديها في صينيه مدهونه زيت زيتون وتتركيها مره تانيه ترتاخ 10 دقايق وتفردي عليها الصلصه والحشوه حسب الرغبه وتخبزي وبالف هنا وعافيه دي طريقتي في البيتزا.








نيجي للكيك يا قمر هاقول لك اسهل طريقة كيك وهشه ولذيذه خالص مالص
4 بيض+كوب سكر +م ص فانيليا +م ماء ورد او ماء زهر+م بشر برتقال طازج او مجفف تخفقيهم كويس كويس وتضيفي تلت كوب زيت ذره وبعدين تبداي تضيفي كوبين دقيق+كيس بيكنج بودر منخولين جيدا تدريجيا مع التقليب من تحت لفوق جيدا ثم تضيفي في النهايه كوب الحليب تدريجيا وتخفقي كويس وتكوني دهنتي صينية فرن زبده او زيت وترشيها دقيق وتضعي الخليط وتدخل الفرن انا فرني كهربا بادخلها على 180cلمدة نص ساعه بس يا ستي واي خدمه ويارب اكون افدتك

[سهلولة1]

مساء الفل يا كلبوزتي وسهلولتي وكتكوتي وام شهدودتي وكلكم يا قمرات بسم الله الرحمن الرحيم استعنا على الشقا بالله بصي يا ام شوشو الحنه دي حسب شعرك يعني لو خشنه ممكن بس على فكره في اكتر من كوافير بيقول انها بيدخل في تكوينها بوتاس شوفي انتي باه سيبك من الحاجات المؤذيه دي
بالنسبه للبيتزا (3كوب دقيق+تلت كوب زيت زيتون +ذرة ملح وتقلبيهم مع بعض)(م طعام خميره فوريه +م طعام سكر مذابه في تلت او اقل قليلا ماء فاتر تقلبيهم وتتركيهم حتى ترتفع الخميره)-كوب حليب فاتراول ما الخميره ترتفع تضيفيها على الدقيق وتعجني وبعدين تضيفي الحليب بالتدريج مع العجن الجيد حتى تتكون عجينه ملساء ومتماسكه تكوريها وتبلي ايدك زيت زيتون وتغلفيها بالزيت وتغطيها وتسيبيها تخمر وبعدين تفرديها في صينيه مدهونه زيت زيتون وتتركيها مره تانيه ترتاخ 10 دقايق وتفردي عليها الصلصه والحشوه حسب الرغبه وتخبزي وبالف هنا وعافيه دي طريقتي في البيتزا.











نيجي للكيك يا قمر هاقول لك اسهل طريقة كيك وهشه ولذيذه خالص مالص
4 بيض+كوب سكر +م ص فانيليا +م ماء ورد او ماء زهر+م بشر برتقال طازج او مجفف تخفقيهم كويس كويس وتضيفي تلت كوب زيت ذره وبعدين تبداي تضيفي كوبين دقيق+كيس بيكنج بودر منخولين جيدا تدريجيا مع التقليب من تحت لفوق جيدا ثم تضيفي في النهايه كوب الحليب تدريجيا وتخفقي كويس وتكوني دهنتي صينية فرن زبده او زيت وترشيها دقيق وتضعي الخليط وتدخل الفرن انا فرني كهربا بادخلها على 180cلمدة نص ساعه بس يا ستي واي خدمه ويارب اكون افدتك




إنتي بتقطعي عليا ليه منا لسه كاتبه طريقة كيكة متخرش الميه:22:

[sama_sehab]

والله ما قصدي يا سهلوله يا قمر انا اسفه والله انا اقدر برضه بس ام شوشوو سالت على طريقة كل واحده وانا كتبت وبعدين تعالي هنا انت ناويه تفتحي حلواني وخايفه على مستقبلك يا قمر ما تخافيش لو ما حدش اشترى انا هادبس فيها ولا يهمك بس اخبزي انتي جاتوهات على اد ما تقدري واتوصي بالكريمات وهاشيل وامري لله

[bintmisr]

بالنسبة للشيوخ طبعا مفيش كلام على الشيخ الشعراوى رحمه الله وانا فى الاول كنت باسمع للاستاذ عمرو خالد بس دلوقتى والحمد لله باحب جدا اسمع للشيخ محمد حسان والشيخ محمد حسين يعقوب والشيخ ابو اسحاق الحوينى والشيخ محمود المصرى والدكتور عمر عبد الكافى والشيخ وجدى غنيم ما شاء الله عليهم جميعا

وهتلاقوا فى الرابط ده ان شاء الله دروس وخطب متنوعة لكل الشيوخ بالترتيب الابجدى من موقع طريق الاسلام بصراحة الموقع ده ما شاء الله عليه ممكن تلاقى عليه فتاوى وخطب ومقالات وقران شوفوه وادعوا لى:
http://www.islamway.com/?iw_s=Scholar

ما شاءالله يا كتكوتة انتى معايا على الخط بصراحة كلهم ما شاء الله عليهم انا باعرفهم من النت
يا قمر انا عندى موقع خاص لبعضهم

الشيخ ابو اسحاق
http://www.al-heweny.com/html/

الشيخ وجدى
http://www.wagdighoneim.com/


ولوعايزين تانى قولولى وانا اضعهم:26: :26: :26:

[bintmisr]

صباح الفل يا اجمل بنات بدون اسماء عاملين ايه النهارده يا رب تكونوا في احسن حال ربنا ييسر امورنا جميعا
كلبزتي الشوخ اللي قالت عليهم بنت مصر بييجوا على قناة الناس وعلى فكره فعلا كويسين بس انا للاسف ثقافتي لها تقريبا شهرين واقفه عند سبيس تون ولا اجروء ان اغير القناه بجد مش عارفه اعمل ايه مش عارفه اتصرف معاه ازاي 24 ساعه سبيس تون واذا حاولت اغير يفضل يعيط ويصوت
يللا اريد حلا

سلام عليكم يا سما
سمسم اسمحى ومتزعليش كده ما ينفعش انتى كده بتضريه مش بتنفعيه
الطفل اللى متجمد امام التليفزيون 1- بيفقد الكثير من ذكاءه
2-بيأثر على نظره
3- بيكون غير قادر على تكوين اى خبرات او مفاهيم الا التى يراها فى هذا الكرتون بمعنى انه مش هيعرف الا الشخصيات الكرتونية التى يراها وهتصبح النومذج الذى يتعامل معه طول الوقت
الحل قوليلى عنده كام سنة بالضبط وانا احاول اجد الطريقة المناسبة ماشى :26:

[bintmisr]

بنت مصر
تسلمي لي من كل سوء يارب....ربنا يحفظ لك اولادك من المرض يارب

الله يبارك فيك يا ام اكرم ونسمع اخبار حلوة قريبا :26: :26:

[bintmisr]

بنات مش رانيا كده تعتبر اتاخرت ولا انا غلطانه لانها المفروض اجازتها اضطراريه صح ولا انتم مش معايا ربنا يسهلها الامور يارب ويرجعها لينا بخير تانى ياااارب هى والباقى بصراحه الملف اول مدخلته كان يجنن ولمتنا كانت رائعه ربنا يرجع نا زى الاول يااااارب والبت شطوره اختفت الشقيه فجاة كده اين انت سشطووورة

صح يا كلبوزة رانيا فعلا اتأخرت ربنا معاها ويارب تكون بخير