بنات مصر في الغربه

[اوزوريس]

انا نفسي في مطبخ بالوسع ده ماليش دعوة

http://uae4up.com/uploads/8b84a63194.jpg (http://uae4up.com)


وشوفوا الموقع ده للديكورات والهندسة

xxxxxxxx

[bintmisr]

اوزوريس متهيألى ممنوع وضع روابط من بره
بس أتأكدى قبل ما تحذفيه
الموقع رائع على فكرة :)

[bintmisr]

السلام عليكم
موضوع جديد وشوية اسئلة واستفسارات

--العيد (عيد الاضحى) على الابواب كل سنة وانتم طيبين:39: :3_2_8v:
--مين هتصوم العشر الاول منه ان شاء الله :10_8_9:

--الذبيحة او الاضحية:cook: هتعمليها فى الغربة ولا فى مصر

--عندك مشروع لفسح العيد :3_10_6:

هل فى فكرة حلوة وسهههههلة:angry: تقترحيها لاخوتك هنا ننفذها
ولك الاجر عند الله
يلا يا قمرات شدو حيلكو وتعالوا جاوبوا
واللى اختفوا بليززززززز ارجعوا احسن الملف صفصف خالص وهيبقى دمه تقيل لآن التفرق مش حلو :06:

[spanishflower]

صباح الخير
اوزا تصدقي اني فعلا نفسي في مطبخ كده رهييييب ما شاء الله
انا النهارده بما ان زوجي مسافر عملت خلطه حنا بالزبادي و العسل علي شعري
بنت مصر ان شاء الله انا ناويه اصوم و الاضحيه بنعملها في مصر طنط مامه جوزي بتتولي الموضوع ده ان شاء الله و بالنسبه للفسح علي حسب الجو لانه عجييب مطر رهيييب و قريب كمان التلج جاي فلو كان حلو هنروح اي بارك ان شاء الله و لو كان مطر هودي البنات مركز للاطفال بيحبوه اوي
و ناويه ازوق البيت جداااا لاني مش عملت كده في عيد الفطر هاجيب بالونات و كده و اعمل حاجات حلوه للبنات بالذات الكبيره لانها طبعا بتسال عن موضوع الكريسماس و الشجره بتاعتهم مع انهم مش مسيحيين بس بيهتموا جدااا بالحكايه دي
سلام

[اوزوريس]

صباح الخير يا حلوين

بنت مصر بالنسبة لسؤالك

احنا كل عيد بنروح دبي ليلتين في اوتيل

بس العيد ده للأسف مش هنروح في حته علشان امتحانات نصف السنة بعد العيد مباشرة

يعني اجازة كلهامذاكرة ان شاء الله

وانا مش زعلانة لان كتير بنتفسح وماجتش على العيد ده

بس عيالي متغاظين

هههههههههههههههههه

انا فرحانة فيهم

اما عن الاضحية اخو زوجي بمصر بيتولى الموضوع

[spanishflower]

حرقه دم علي الصبح
http://forum.hawaaworld.com/showthread.php?p=10457244#post 10457244

[sama_sehab]

ليه يا سبانش الواحد اصلا فيه اللي مكفيه بس انا ما سكتش عشان مش كل ما حد يتزنق يقول مصر

[sama_sehab]

صباح الخير ام اكرم اوزوريس بنت مصر شكرا لا هتمامك
بنات انا حاسه اننا كلنا في المنتدى نفسيتنا مش كويسه مش ملاحظين كده؟وبعدين الحماس راح فين؟

[مدام شيرين_ام ادهم]

صباح الخير ع الحلوين

بنت مصر
الله يسلمك ياقمررررر
انتى اللى عامله ايه 00وحشتينى
وبالنسبه للعيد بصراحه مش عارفه هعمل ايه لانى هكون فى التاسع ومستنيه الولاده 00والدنيا برد جداااا بصراحه

لو كان الجو حلو وعرفنا نخرج يبقى كويس
والاضحيه مابنعملهاش هنا 00

وفى العاده فى العيد لو الجو حلو بنخرج احنا واصحابنا نشوى على البحر 00بس مااعتقدش مع البرد ده هينفع

اوزا على فكره المطبخ الواسع جميل جدااااا
انا الحمد لله مطبخى فى مصر تقريبا 3/4 اللى موجود فى الصوره 00وبصراحه منضف البيت كله00لان الاكل والشرب فيه00وفيه البلكونه اللى بنشر فيها 00والغساله كمان فى المطبخ
حتى ادهم لما بيحب يلعب بخليه يوسخ فى المطبخ زى ماهو عايز 00اريح
وكنت السنه اللى فاتت حاطه صور لشقتى فى قسم الديكور (المدخل-الصاله-الصالون-السفره)لكن ملحقتش اصور قوض النوم والا المطبخ والحمامات 00وكنت ناويه اصورهم الاجازه اللى فاتت بس كنت طبعا تعبانه وحالتى حاله فمعرفتش
والموضوع بتاع الشقه اصلا اتأرشف لما عملوا التعديل فى المنتدى


سبانوشا00
صباح الفل
دخلت الموضوع ودمى اتحرق ورديت عليه 00لا حول ولا قوه الا بالله

سما سحاب
صباحك كله فل وبمبى بمبى
انا كمان ملاحظه اننا ماعدناش زى الاول مش عارفه ليه00حاسه ان فيه حاجه
انا كمان مخنوقه وزهقانه بس بقول يمكن من الحمل 00ولانى قلقانه من الفتره الجايه والولاده

[اوزوريس]

1 نصيحة للجيره انما ايه ...!
------------------------------------------------------

1. إذا مرت بجارتك (أم عبد الله) مناسبة سعيدة, كمولود جديد أو نجاح أبناء؛ فاستقبلي الخبر ببرود وزمي شفتيك عند قول: مبروك !

2. إذا مرت جارتك (أم فارس) بضائقة , أو ألمت بهم ملمة ؛ فهزي كتفيك قائلة: تعيشوا وتأخذوا غيرها.

3. وإذا ساءت العلاقة بين جارتيك (أم أحمد) و (أم محمد) فواجبك يحتم عليك نقل الكلام ذي العيار الثقيل لكل واحدة عن الأخرى؛ ولابأس بإضافة بعض البهارات......الحارة.

4. فاجئي جارتك (أم أسامة) بزيارة دون موعد ، وحبذا لو كانت في أوقات الراحة أو أيام الامتحانات النهائية لأبنائها.

5. راقبي بيت جارتك (أم خالد) جيداً؛ فإذا خرجوا.. انتظريهم حتى عودتهم ثم بادريها بسؤال كله لهفة :أين كنتم ؟ ولماذا تأخرتم ؟ وإذا زارهم ضيوف؛ فاذهبي إليها واسأليها: من جاءكم؟ ولماذا جاؤوكم ؟ وماذا يريدون ؟ حتى تشعر بمدى اهتمامك بها.

6. عند رغبتك في القيام بنزهة؛ فلا يوجد مكان أفضل من بيت جارتك (أم فيصل) فتجولي في أركانه, واستمتعي بفتح الأدراج والدواليب, واجمعي ما يحلو لك من فوق الأرفف, تحفاً كانت أو كتباً أو غيرها ، ولا تحرمي أطفالك متعة المشاركة.

7. إذا أردت الذهاب للسوق فيكفيك المرور على جارتك (أم عمر) واقترضي منها فوق ما تحتاجينه , فربما وجدت في السوق مالا تتوقعينه, وإياك أن تعيدي ما اقترضته ....لأن ذلك سيغضب( أم عمر) فهي كريمة جداً....صدقيني

8. أصدري أوامرك لأبنائك بالتعرض لأبناء جارتك ( أم إبراهيم) , ضرباً ولكماً وركلاً , وإذا حاولت منعهم , انهريها قائلة: دعيهم , أنا أريد لأبنائي تعلم الكاراتيه حتى يصبحوا رجالاً , لا يتسلط عليهم أحد.

9. حين يعود زوجك الحبيب من العمل , وفري له أقصى درجات الهدوء .. أرسلي الأولاد إلى بيت جارتك (أم عبد الرحمن) ليلعبوا مع أبنائها, ولا مانع أن يتناولوا معهم طعام الغداء , ولا ضير في أن يبقوا عندهم بضعة أيام , فليس هناك إثقال .. إنهم فقط 10 أطفال .. عاقلين .

10. إذا رأيت باب جارتك (أم علي) مفتوحاً, فتسللي للمطبخ حيث تقف (أم علي) ثم اصرخي من ورائها..بووو!
وبعد أن تفيق من إغمائتها , ابتسمي لها وقولي : أنت محظوظة بجارة خفيفة الدم .... مثلي .

11. استمري في تطبيق هذه النصائح لمدة شهرين , ثم اجعلي زوجك يطالب صاحب العمارة بتخفيض الإيجار ... فلم يبق في العمارة سكان سواكم !
هههههههههه والله فكره ايه رأيكوا جربوا وقولولي

[spanishflower]

http://forum.hawaaworld.com/showthread.php?t=729158

[اوزوريس]

يوميات زوج سعيد جدا (الجزأ الأول) زوجتي وأم صلاح..!

كنت قد دخلت تحت بطانيتى منذ خمس دقائق فى تلك الليلة الباردة ، عندما دخلت زوجتى إلى الغرفة وبصوت رقيق جدا قالت
… أنت نمت
(( اللهم اجعله خير )) لم أجاوب وتناومت
…
ربتت على كتفى بخفة وقالت
…. أنت نايم
(( لا إجابة من جانبى ))
…..
هزتنى بعنف
… لحقت تنام
(( تمسكت بموقفى ولم أرد ))

ضربه عنيفة بركبتها فى الفقرات القطنية أسفل الظهر ، انتفضت أطرافى الأربعة وتكومت جالسا من شدة الألم
….. ما هذا يا امرأة
…. آسفة لم أقصد

قلت وأنا أحاول العودة للنوم
…. أسفك مقبول تصبحين على خير
…. انتظر هناك موضوع مهم أريد أن أكلمك فيه
…. الآن !!!!!!!!!!!
…… موضوع مستعجل جدا
….. خير
…. تعرفت على ساكنة جديدة أثناء صلاة التراويح أسمها أم صلاح
(( ربنا أفرغ علينا صبرا ))
…. يعنى هى أم صلاح الدين الأيوبى علشان تصحينى من أحلى نومه لتبشرينى بتعرفك عليها
….. بعد الصلاة جلست معى أنا وكل الجارات وعرفنا أن زوجها مدير شركة ( هيفاء ) لمستحضرات التجميل
(( اللهم طولك يا روح ))

….. حصل لنا القرف .. وبعدين
….. اليوم تجمعنا كلنا عند أم سالم وجابت لنا كتالوجات مستحضرات تجميل هيفاء روعه روعه روعه
….. هذا هو الموضوع المهم !!!!!!!!!
……. طبعا مهم لما تعرف أنها عرضت علينا 40% خصم من الأسعار وكل واحدة من الجارات اختارت ما تريد وأنا اخترت بعض الأشياء البسيطة وأريد منك 600 ملطوش لأنها ستأخذ المبلغ غدا صباحا عندما تحضر ما طلبته
طار النوم من عينى تماما وأحسست بالدماء تغلى فى عروقى
…. 600 ملطوش !!!!! ليه !!!!!!!!!!
…. سعرها فى السوق 1000 ملطوش ، وبعدين أنا أشتريهم علشانك ومش عجبك
…. طيب افتحى الدولاب وخذيهم وخلينى أنام
…..
…..
عدت من عملى فى اليوم التالى وبمجرد أن فتحت الباب حتى جرى الى الابناء وهم يتصايحون فى فرح
….. بابا بابا تعال شوف ماما عامله إيه
سحبنى الأولاد إلى المطبخ
يا للبشاعة !!!!!!!!!!!!!!!!
كانت زوجتى تجلس على الأرض مفترشة أوراق الجرائد وأمامها علب كثيرة مفتوحة وأدوات غريبة ، وقد أدخلت بعض التعديلات البسيطة على شكلها
كان لون شعرها أحمر كأنه شعلة من اللهب المتناثر
(( إذا صخر كان يستعمل نفس لون الصبغة ولهذا وصفته الخنساء بأنه علم فى رأسه نار ))
أما وجهها فقد كان مغطى بمادة تبدو لزجة وذات لون أخضر فاتح ، وكانت شفتيها شديدة الزرقة ويديها يتقاطر منها مادة بنفسجية اللون
هل تمارس زوجتى السحر الأسود !!!!!!!! أم تستعد لدورها فى فيلم رعب أمريكى !!!!!!
استجمعت الباقى من شجاعتى وقلت
…. ما هذا
…. أم صلاح الله يبارك لها جابت اللى طلبته
…. وانتى اللى طلبتى لون الصبغة ده
…. أيوه أخر موضة أحمر نارى لون شعر جوليا روبرتس
(( نار تحش رقبتك أنت وأم صلاح وجوليا ))
….. وأيه اللى على وشك ده
…. قناع الكيوى
….. كيوى !!!!!!!!!!!
….أيوه قناع الكيوى السر فى شباب بشرة النجمة بروك شيلدز
(( أعوذ بكلمات الله التامات من شر ما خلق ))
….. وأيه رأيك فى لون عيونى الجديد
دققت النظر فى عينيها وقاومت الرغبه فى الأنفجار فى الضحك الهستيرى
…. إيه ده انتى لابسه عدسات
… أيوه
…. لابسه عدسة خضراء والثانية زرقاء !!!!!!!!!!!!
أيوه دى أحدث صيحة ولون الجفن يكون عكس لون العين يعنى العين الزرقاء يكون جفنها أخضر والعين الخضراء يكون جفنها أزرق علشان تجانس الألوان

خرجت وأنا أضرب كفا بكف سائلا الله أن يأجرنى فى مصيبتى

فى المساء خرجت لقضاء بعض المصالح عندما رن الموبايل
…. الو

… الحقنى ( مع بكاء و عويل )

… خير حصل إيه

….. وشى مولع نار وشعرى بيقع الله يخرب بيتك يا أم صلاح

عدت إلى المنزل مسرعا كانت زوجتى تبكى بحرقه وقد انتفخ وجهها و امتلأ ببقع حمراء

كانت مستعدة فخرجنا بأقصى سرعة لأقرب مستشفى ، هبطنا السلم مسرعين وفوجئت بأن جميع جيرانى وزوجاتهم يهرولون على السلالم

ركبت السيارة وانطلقت بسرعة باتجاه المستشفى وفوجئت مرة أخرى بأن سيارات الجيران تسابقنى ، إذا هى حماقة زوجات جماعية

فى مكتب استقبال المستشفى تدافعنا للحجز لدى طبيبة الأمراض الجلدية وتجمع الأزواج فى انتظار خروج الزوجات

تجمعنا بعد ساعتين فى الصيدلية حيث كنت أشترى أدوية قيمتها 800 ملطوش لعلاج أثار المستحضرات المغشوشة ذات ال 600 ملطوش

خرجت من الصيدلية إلى السيارة وقدتها باتجاه المنزل ، وقفت فى أحد الإشارات فوجدت زوجتي تصرخ
هذه هي أم صلاح فى السيارة التى بجوارنا لقد شاهدتها تركب هذه السيارة وهى خارجة من المسجد


قفزت من سيارتي وسددت لكمة صادقه الى وجه أبو صلاح بقوة 1400 ملطوش

بعدها حكم علي القاضي بدفع تعويض 3000 ملطوش للسيد عباس أبو طاقية سائق شركة سلامتكم للمنتجات السمكية

كانت سيارة المسكين الى جانبنا من الناحية اليسرى بينما كانت السيارة التى تقصدها زوجتي من الناحية اليمنى

……
وخفت منها لما لبست عدسه زرقا وعدسه خضرا هههههههه لأ والله مفتح

ترى ما الذي ينتظر هذا الزوج المسكين من (بلاوي) تجدون ذلك في الحلقة القادمة .... والله صعبان عليا بس نعمل ايه حظه كده

واللى عاوز بقية الاجزاء يرفع ايده

[مدام شيرين_ام ادهم]

نصايح الجيره يا اوزااااا 100%

ياريت بس اقدر اطبقها
بس هى بتتطبق عليا خخخخ

والموضوع ده يا سبانش جميييييل جدااااا

وانا قبل مااتجوز كنت اشتغلت فتره شهر رمضان بس 00فى دار ايتام

بصراحه حاجه رهيييييبه لما تشوفى الاطفال دول00وخصوصا ان اللى كانوا فى الدار اطفال لقطاء والعياذ بالله00
وبييجوا وهما لسه مولودين طازه
ومنهم طفل جه الدار وهو لسه مولود (امه سابته فى عز الشتا والدنيا بترخ على باب جامع)
وطبعا يا حبيب قلبى جاله التهاب رئوى حاد ودخل المستشفى اسبوع وكان متوفى رحمه الله عليه

والله فعلا يا جماعه لو تروحوا دار الايتام تزوروا الاطفال دول مش متخيلين محتاجين لكل حضن قد ايه
واحتياجاتهم بسيييييطه جدا باللى تقدروا عليه
وقت ماكنت بشتغل كانت بتيجى تبرعات بسم الله ماشاء الله عينيه ونقديه
بس اضصحابى اللى بيشتغلوا هناك بيقولولى التبرعات بتبقى كتيره شويه فتره رمضان 00بعد كده بتقل

والله حتى كان فيه اطفال صغيره وهما طالعين من المدرسه يعدوا عليهم
ويتبرعوا بمصروفهم اللى نص جنيه واللى جنيه
واللى يجيب حلويات 00كانت ايام جميله والله
ربنا يقدرنى ويكتبلى انزل الاجازه دى باذن الله (واروح ازورهم)

[Goldy]

السلام عليكم ورحمة الله وبركاته:

كل البنات نفراية نفراية :26: :26:
انا بصراحة اتحرق دمى هى كل مصيبة لازم تتلزق لمصر.بس نقول ايه حسبنا الله ونعم الوكيل.
والله الحاجة اللى غيرت مودى بعد الموضوع مشاركة اوزا اللطيفة.
بالنسبة للعيد انا هأحط بالونات واعمل زينة فى البيت، وطلعت من على النت رسمة لخروف بس دمه خفيف، هاشفها على كاردبورد واعمل كروت معايدة من ملك لاولاد عمتها لانهم معانا هنا ولاصحابها فى النيرسرى ولانها مش بتعرف تكتب فانا هاكتبلها بس هخليها تطبع كفها على الكرت قال ايه موقعة يعنى. وهاعمل جفت باجز احط فيها شكولاته اوزعها انا وملك على الاولاد يوم صلاة العيد.
هنروح فين فى العيد مش عارفة لغاية دلوقتى بس فى الغالب دبى من تانى يوم لان المهرجان بدأ.

أم أكرم البيبى شاور هو السبوع بتاعنا بس الامريكان بيعملوه قبل الولادة وبيقدموا الهدايا فيه وفى الغالب بتكون الحاجات اللى ناقصة البيبى.

سبانش زى ما وعدتك بوصفات الافطار الخاصة بالاطفال، بسرعة جهزوا ورقة وقلم واكتبوا أول وصفة على السريع أول وصفة الجرانولا وميزتها ان فيها كل العناصر المفيده للطفل وخصوصا الشوفان لانه مفيد جدا، يعنى وجبة متكاملة والاهم انك تحشريها فى بقه وتطلعى تجرى وخصوصا انه مفيش وقت الصبح للدلع.

الجرانولا:
2 كوب شوفان
1 كوب مكسرات مجروشة، زبيب
2/1 كوب عسل
4/1 كوب سكر بنى
4/1 كوب زبدة
م ص فانيليا - م ص قرفة - 2/1 م ص ملح

الطريقة:
- نمسح طبق بايركس بشوية زبدة صغيرة سايحة.
- نحمص الشوفان فى الفرن لمدة 10:15 دقيقة مع التقليب المستمر.
- نخلط الزبدة والعسل والسكر والفانيليا والقرفة ونرفعهم على النار على حرارة متوسطة مع التقليب المستمر لغاية ما يدوب السكر.
- مجرد ما يبقى كراميل نرفعه من على النار ونضيف له خليط الشوفان والمكسرات والزبيب ونقلب كويس ونفرده فى الطبق البايركس بمعلقة بسرعة. وندخله الفرن 20 دقيقة ولما يبرد خالص نقطعه مستطيلات ونحفظه فى علبة هيفضل معاكى اسبوع.

[اشطر واحدة]

هههههههههههههههههههههههههه
اوزة بطنى وجعتنى م الضحك

[اشطر واحدة]

جولدى انا عايزة رسمة الخروف عشان العيال ف الحضانة

[اوزوريس]

مذكرات زوج سعيد جدا (الجزء الثاني) زوجتي وأم سمير!
.............................. .............................. .......

جلست أتصفح كتابا شيقا مستمتعا بالهدوء الذى عم منزلنا العامر فى غياب زوجتى العزيزة فى زيارة لدى إحدى الجارات

سمعت صوت الباب الخارجى يصفق فأدركت أن السلام المخيم على الربوع قد آذن الله برحيله

أسرعت أوارى سؤت كتابى قبل أن أُدان بالجرم المشهود (( تكره زوجتى أى شئ يمثل هواية لى مثل الكتب و الرياضة و الإنترنت و ……. ))

فوجئت بها تدخل الغرفة دامعة العينين وتجلس إلى جوارى بهدوء عجيب

(( كم يغوص قلبى هلعا من هذا الهدوء))

…… خير لماذا تبكين

….. (( شهقات بدون إجابة ))

…… هل حدث شئ أثناء الزيارة هل ضايقك أحد

….. لا

…. ما المشكلة إذا

…. اجتمعنا عند الجارة وكانت أختها ( أم سمير ) موجودة معنا وبعد أن شربنا القهوة قالت أنها من قارئات الفنجان وبدأت تقرا لكل واحدة منا فنجانها

(( أصحاب العقول فى راحة ))

….. وهل تصدقين مثل هذه الخرافات ، من أتى كاهنا فصدقه فقد كفر بما أنزل على محمد

….. هذه ليست كاهنة ولا تتكلم عن المستقبل ، ولكن تقرا ما حدث فعلا

…. طيب طيب ولماذا البكاء

…… أمسكت فنجانى ثم قالت مسكينة الله يعينك

(( مسكينة !!!!!!!!!! أخت هولاكو مسكينه! ))

….. وبعدين

…… قالت لى فنجانك يقول ( طيرك وراه صياد عايز يربط جناحه )

….. أيوه بس إحنا مش مربين طيور

…… لا الطير ده هو أنت والصياد واحدة بتسحر لك عايزه تكرهك فيَ وتأخذك منى

(( ده شكل طير !!! وجناح إيه اللى عايزه تربطه الله يخرب بيوتكم ))

….. معقول تصدقى هذا الكلام الفارغ

….. لأ مش كلام فارغ وقالت لى انتبهى لزوجك لأن ممكن يتأثر بالسحر ده

تركتها ودخلت لأنام

فى اليوم التالى أخذت أفكر فى حل لهذه المصيبة الجديدة ، ولم أجد الحل

رويت المشكلة لزميلى مدعيا أن صاحب المشكلة صديق لى

قال زميلى

….. صديقك محظوظ فسوف تتغير معاملة زوجته تماما رغبة فى الحفاظ عليه المهم أن يستفيد من الوضع ويشعرها أن هناك تهديد فعلي وبذلك يعيش فى أسعد حال

(( تتغير معاملة زوجته !! يالك من أحمق ))

وصلت إلى المنزل فتحت الباب ودخلت ، وجدت زوجتى تهرول ناحيتى مرحبة متهللة بل إنها (( ويا للعجب )) قالت حمدا لله على سلامتك

أخذت حقيبتى من يدى و طلبت من ابنتى الصغيرة وضع حذائى فى دولاب الأحذية

أحسست أننى فى رواية رومانسية رائعة تتضاءل إلى جانبها ذهب مع الريح

(( أشكرك من كل قلبى يا أم سمير بارك الله لكِ وأثابكِ خيرا ))

قفزت عبارة زميلى (( لابد أن يستفيد من الوضع )) إلى ذهنى

رفعت صوتى بقدر محسوب قائلا

…… هل الحمام جاهز ( عبارة أسمعها دائما فى الأفلام وأتحسر على حالى )

….. طبعا يا حبيبى

(( يا للهول ))

دخلت إلى الحمام فوجدت ملابسى النظيفة بانتظارى مع منشفة نظيفة معطرة

على الإفطار تفرغت زوجتى لتقديم الطعام لى بل أنها أقسمت أن تضع قطعة من لحم البط _الذى أحبه جدا و امتنعت هى عن طبخه منذ سبع سنوات _وضعته فى فمى مباشرة !!!!!!!

أحسست أننى هارون الرشيد ما أجمل السعادة !! ما أجمل الزواج !! ما أجمل الزوجات !!

دخلت لأنام قليلا وضعت جسدى على السرير فلم تنغرس فى جسدى أى أمشاط أو أدوات تثبيت الشعر بل وأيضا كانت الوسادة خالية من قطع البسكويت بنكهة الموز الذى يفضله إبنى الصغير ما أسعدنى !! ما أسعدنى !!

عدت إلى المنزل بعد الصلاة وقد وضعت خطة تجعل زوجتى تحس بأن هناك خطرا يتهددنى

جلست أقرأ كتاب الأمس (( أمامها مباشرة )) وفجأة ألقيت الكتاب وأمسكت بأذنى وأخرجت لسانى من فمى وشخصت ببصرى إلى السقف وأنا أتحشرج كالمختنق

ارتاعت زوجتى وقامت تمسح على رأسى وهى تتلو آيات القرأن الكريم ودموعها تنهمر بغزارة

بعد دقيقة رجعت إلى طبيعتى وقلت

…. ماذا حدث ايش اللي صار ليه تبكي

…. ( باكية ) لا بد أن هذه الساحرة تحاول السيطرة عليك هل تحس بشئ

… لا أبدا أنا بخير

…. لا بد أن أرقيك

….. لا بأس

….
قضيت يومين من أروع الأيام كنت أطلب المعقول وغير المعقول فتسارع زوجتى إلى التنفيذ ولسانها يلهج بالشكر والترحيب بكل ما أطلب ولا تكف عن تدليلى وطلب رضائى


فى اليوم الثالث وصلت إلى المنزل فتحت الباب وتنحنحت حتى تنتبه لقدومى فتأتى لحمل حقيبتى
يبدو أنها لم تنتبه لقدومى

دخلت الصالة فوجدتها تجلس واضعة رجلا على رجل وتطوح بها فى وجهى باستهتار

(( الويل لها ))

وقفت أمامها منتظرا أن تتحرك فلم يحدث

إذا لا بد من حقنة منشطة

ألقيت الحقيبة على الأرض وأمسكت بأذنى وأخرجت لسانى من فمى وشخصت ببصرى إلى السقف وأنا أتحشرج كالمختنق

لم تتحرك من مكانها

يا للمصيبة

سألتها

…..ألا ترين ما أنا فيه تلك الساحرة اللعينة تحاول أن تخطفنى

ابتسمت ابتسامة صفراء وقالت

….. أم سمير طلعت كذابة ولا تعرف أى شئ

…. غير ممكن

…. لقد جاءت غضبانة ومعها ملابسها لتقيم عند أختها

…… لماذا

….. اكتشفت أمس أن زوجها هى شخصيا متزوج منذ ثلاث شهور

(( سحق الله عظامك يا أبا سمير ولا بارك لك ))

نظرت إلى زوجتى ورقبتى تغوص بين كتفى

عجبا ما أسرع ما تتبدل المرأة

كانت عيناها تقدحان شررا ومن أسنانها يصدر صوت صرير

.............................. .............................. ......

يافرحه ماتمت خدها أبو سمير وطار هههههههههههه

يا ترى ....ماالذي سيحدث عندما تريد الزوجه حفظ القرآن مع جاراتها ؟

اللى عاوز الجزء الثالث يرفع ايده

[اوزوريس]

الـــفـرق بــين الــــجواز والـــمـوت!

الموت عادة بيبقى نهاية الآلام .. الجواز بيبقى بدايتها

الموت حق .. الجواز كدبه كبيره

الجواز قضاء يمكن تأجيله .. الموت ما بيتأجلش

الناس الطيبين بيسعدوا بعد الموت .. والأشرار بيتبهدلوا.. لكن بعد الجواز الطيبين والأشرار بيتنيلوا على عينهم

بعد الموت حتكون وسط الملايكه .. بعد الجواز حتكون وسط .... ولا بلاش هههههههه

بعد الموت بتضمن حتثاب على حسناتك وحتعاقب على أخطاءك .. بعد الجواز انت بتتعاقب عالاتنين

بعد الموت ممكن تلاقي نفسك بالجنه .. بعد الجواز بتلاقي نفسك في الجنان ( المجانين في نعيم )

بعد الموت مبيفضلش معاك غير عملك الطيب .. بعد الجواز بيفضل معاك عملك الاسود بس

لما الراجل يموت الستات بيلبسوا عليه اسود وهم بيودعوه .. لما يتجوز الراجل هو اللي بيلبس اسود والستات جايين يودعوه

الدنيا غروره ملهاش أمان , عشان كده لما الواحد بيتجوز , بيخش دنيا , لكن لما يموت بيخرج منها

لما الراجل يموت بيبقى سبع أو عالأقل جمل .. لما يتجوز بيبقى .... ولا بلاش ههههههههه

----------------------

صحيح الرجاله ملهمش أمان

[اوزوريس]

صباح الخير يا بنات

اخباركم ايه؟؟ ان شاء الله يكون لجميع بخير

البت سنسن باين عليها عملتها وفقست

اللى يعرف اخبارها يطمنا عليها

عاوزين نعرف ايزابيلا بيلا بيلا طلعت شكل مين ....هههههههههههههه

[أم أكرم ومريم]

85924

[مدام شيرين_ام ادهم]

صباح الفل يا ام اكرووووم

وحشتينا

خدى بالك ياقمر ممنوع تحطى صور شخصيه لحد بيتهيالى هيلغوها
بس اموره العروسه

هو ده اللبس الرسمى ولا ايه؟؟؟
اصلى بيفكرنى بالليبى شويه

طيب كلتوا ايه؟؟؟؟خخخخخ

[أم أكرم ومريم]

صباح الخير يا مادمازيلات
اختفيت امبارح بعد الفرح...بس ايه رايكم ف العروسه؟؟؟؟بنت حلال والولد (خطيبها) ابن حلال قوي
بيندهني بكلمة خالتي والناس فاكره اني خالته فعلا وانا فعلا معتبراه زي ابني....اما عن الفرح فكان
متواضع بس في منتهى الجمال واهل البنت رغم بستطهم الا انهم في منتهى الرقي

[أم أكرم ومريم]

صباح الخير يا شيري
اخبار ضهرك ايه

[أم أكرم ومريم]

بدا الفرح بالمزمار في الشارع وعرض الهدايا اللي قدمتها الحماه للعروسه (الفرح كان في بيت العروسه)وام العروسه رحبت بينا ورشت ماء زهر علينا طبعا مع الغناء والرقص ودخلنا البيت وشربنا
اتاي وحلوى عملاها ام العروسه واتكتب الكتاب بحضور 2 مأذون حسب المذهب المالكي واتعشينا
دجاج بالزيتون وشعريه مبخره

[أم أكرم ومريم]

سبانش
مش عارفه ادخل على الرابط ،كتب لي ممنوع وليس لدي الصلاحيه،كان نفسي اعرف مالهم المصريين
ارد بس يظهر الاداره عارفه ان لساني طويل وش ح اسكت ف منعتني من الدخول

[أم أكرم ومريم]

اوزا
طبعا يا عم ماحدش حيشوف وشك النهارده...هنيا لك
ايه المطبخ التحفه ده؟؟ده قد مساحة العماره اللي انا ساكنه فيها..ربنا يوسعها عليكي وعلينا

[مدام شيرين_ام ادهم]

ام اكرووم
الله يخليكى
احسن شويه دلوقت 00بس مش بعرف امشى كويس

وموضوع المصريين ده كويس انه اتقفل 00لانه بصراحه كان يغيظ 00وكلنا ردينا
ووالله كانت فعلا عايزاكى 0بس محدش فينا سكت 00

والفرح باين عليه انه كان جميل 00بصراحه كل بلد وليها عاداتها وتقاليدها الجميله 00والمغرب بحب زفتهم اوى

[أم أكرم ومريم]

بنت مصر
ينعاد عليكي العيد بالخير انت وكل اللي ف الملف....انا بصوم ليلة الوقفه بس..وبنعمل الاضحيه هنا
بندبح معزه مش خروف عشان الكوليسترول فيها اخف وكمان مش بنحب ريحة الضاني.واجازة العيد
بتبقى يومين بس اول يوم صلاه وذبح وجيران.وتاني يوم بارك الصبح وشوي ف الغابه الضهر(لو الجو
اتحسن)

[أم أكرم ومريم]

سنسن
وحشتينا..قلتي انك راجعه الثلاثاء لغاية ما يتوصلك النت...ترجعي لنا بالسلامه وف ايدك ايزا اللذيذه
الملف ناقصه طلتك الحلوه ما تغيبيش علينا

[أم أكرم ومريم]

شطوره....مش عايزه تظهري بالذوق ؟؟؟ح اجي اجيبك من ضبتك الملتهبه
كنزى....خدي بالك من اللي ف بطنك يا ماما لحد ما تقومي بالسلامه
ام عصمت...عامله ايه؟؟؟البنت حرارتها نزلت؟؟
سما سحاب....على الله يكون الموضوع اتحل على خير،عايزينك ترجعي تروخي فوق راسنا
لوشا طالت الغيبه وبدانا نقلق طمنينا عليكي

[اشطر واحدة]

انا جيت اهوة
قريتو رؤدى على البنات اياهم !!

بس ما شاء الله الحبايب ماقصروش هههههههه
حاجة تفرس كويس انو اتقفل اصلا هو كان موضوع عبيط

يا ميجو مانا متنشرة اهوة انتى اللى فين

يا ترى ايزابيللا بيللا جت !! انا نفسى اعرف
حد من الحلوين بتوع امريكا يتصل و يطمنا

[losha_2004]

سلاماتي للجميع
شنو اخباركم يا .......
شنو صار في سنسن هل ولدت ؟
لم ادخل الى الملف لي كم يوم عشان زوجي واخد الجهاز عنده شغل
واليوم انا تعبانه شوي عندي الم في معدتي وظهري
طمنوني على اخباركم

[مدام شيرين_ام ادهم]

شطووووووووره

انتى اخدتى صوره الواد وطفشتىىىى ورحتى فين

البت سن سن كانت عايزه تعملها فى الكريسماس يعنى يوم 25

ربنا يطمنا عليها


لوشا النوشا الكوانوشا

ازيك انتى يا حبيبتى

الف سلامه عليكى 00مالك00رحتى لدكتور ولا حاجه

خدى بالك من الجو اليومين دول يتعب اجدعها واحد

[اوزوريس]

من يوم ما جبتوا سيرة العفاريت والملف اتسكن

وانا كل ما افتح الاقيهم طوابيييييييييير طوابيييييييييييييير ماشيين

لازم اجيب البخور

بخرتك من عين كل من دخل الملف وماصلاش على النبي

بخرتك من عين الحسود واللى يطق يموت:30:

بخرتك من عين البت شيرين وكل الحلوين

بخرتك من عين شطورة وكل بت امورة

بخرتك من عين ام اكرم وكل بت ماشية على طريقة نانسي عجرم

بخرتك من لوشا وكل بت ممصوصة

بخرتك من عين جولدي وكل بت بتتفرج على ميلودي

بخرتك...................

لحظة يا بنات البخور خلص

هعبي المبخرة وارجع لكم تاني:22:

[spanishflower]

http://forum.hawaaworld.com/showthread.php?t=738533

[أم أكرم ومريم]

رنونه
انتي مختفيه فين وحشتينا
اوزا
ربنا يجعل كلامنا خفيف عليهم احسن الملف بينش من قلة الحريم

[losha_2004]

من يوم ما جبتوا سيرة العفاريت والملف اتسكن

وانا كل ما افتح الاقيهم طوابيييييييييير طوابيييييييييييييير ماشيين

لازم اجيب البخور

بخرتك من عين كل من دخل الملف وماصلاش على النبي

بخرتك من عين الحسود واللى يطق يموت:30:

بخرتك من عين البت شيرين وكل الحلوين

بخرتك من عين شطورة وكل بت امورة



اي الكلام ده كلام جنان كملي وبخري كمان وكمان:7_2_103v:



بخرتك من عين ام اكرم وكل بت ماشية على طريقة نانسي عجرم

بخرتك من لوشا وكل بت ممصوصة

بخرتك من عين جولدي وكل بت بتتفرج على ميلودي

بخرتك...................

لحظة يا بنات البخور خلص

هعبي المبخرة وارجع لكم تاني:22:

[losha_2004]

جنان يعني يهبل وجميل

[أم أكرم ومريم]

ازيد شوية بخور من عندي
بخرتك من اوزوريس اللي تفلق الاوتوبيس

[مدام شيرين_ام ادهم]

بخرتك من عين البت شيرين وكل الحلوين
خخخخخخخخخخ عرفتى ازاى انى احلى الحلوييييييين خخخخخ

والله ده احنا يادوب كنا بنسمى يعنى مالحقناش نكمل كلام عليهم

هو الملف صحيح ماله بدا يفضى كده ليه

وبعدين يلااااا والله شمه ريحه البخور فى مناخيرى 00حرام عليكى

[losha_2004]

اهلا ام اكرم
وشكرا يامدام شاري (شرين) على الرد علي صحتي ,,, مشكوريافندم

[losha_2004]

والله يابنات اى اخبار سنسن
هل ولدت؟

[مدام شيرين_ام ادهم]

والله يا لوشا مااعتقدش

هى قالت انها هتغيب شويه عشان بتنقل البيت الجديد
وهيبقى النت مفصول

[flafel]

احم احم نحن هنا
انا اول مرة ادخل هنا ممن تسمحولي؟؟؟؟
انا في اليابان زي صاحبة الموضوع
اهلا بكل المغتربات ويا رب نرجع فرحانين لمصر تاني :26: :26: :26:
شوفوا على الرغم من كل العيوب اللي في بلادنا بس مصر ام الدنيا
مصر وحشتني قوي

[مدام شيرين_ام ادهم]

فلفووووووله

ايوه كده نورتى

على فكره يا جماعه

فلفوله انضمت لحزب الحوامل

شفتوا هنملالكم الملف صبيان وبنات

وطبعا اللى بيدخل لااااااااازم السيره الذاتيه 00لو سمحتى

وسلام لسندس وياسين

[losha_2004]

اهلا فلفوله نورتي
اما بخصوص الحامل مسمحة الجميع

[am esmat]

ازيكم كلكم
اوزريس
ام اكرم
شرين
كنزى
شطورة
لوشا
سنسن
جولدى
سبانش
رنونه

واكيد هنسى حد<<
معلش السن بقى

مشكورة لكل الى سال عنى وعن البنوته بنتى
الحمدلله بقت كويسة ومستنين نتيجه العلاج
وكمان اسبوع استشارة يارب الالتهاب الرئوى يكون راح

اما الصحةالحمد لله البرد عندى عامل عمايل من 5 سنوات والله ماخدتش برد واظاهر البرد كان متجمع كل المدة دى وطلع مرة واحدة
المهم اخبار الحوامل الكسلانين اية<<<<<< شرين وكنزى
اشتريتم الهدوم ولا لسه
ومبروك فلفووله الانضمام لحزب الكروشات
وعقبال الى عاوز ياااااااااارب

[am esmat]

www.forum.hawaaworld.com/showthread.php?p=10481370&posted=1#post10481370

[اوزوريس]

ام عصمت

اخبارك ايه ؟؟ الف سلامة عليكي انت والبنوتة

ابقى طلى وتطمنينا عنك




لوشا

اخبارك ايه ؟؟ واخبار البيبي ....كبر ولا لسه


فلفولة

اهلا وسهلا بيكي

ادخلي برجلك اليمين وسمي بالله

والسي في من فضلك .....عرفينا عليكي



سما وسحاب

كنتي داخلة ما شاء الله لبلب في الكلام وقلت مش هنقدر نلاحق عليكي

ايه اكلتي سد الحنك

ولا ماشية على المقولة ....خير الكلام ما قل ودل

اديها ....وافتحي على الرابع ....نعنشي الملف شوية



ام اكرم ومريم يا نقاقة

بقالي اسبوع ما شفتش ابو العيال ....والله كان البيت وحش من غيره ......الله ما يحرم حرمة من زوجها يارب

شيري

ازي ادهم ؟؟ وسلامي لداريين كتير



جولدي

انت مطنش ليه ياجميل ....تبص وتجري .....طيب ارمي السلام


كنزي

هو ماحدش اكل لحم نعام غيرك ....من يومها وانت دافة راسك ...ومش باينة

ما قولتيش عملتيه ازاي

شطووووووووووورة

سلام مربع للجدعان ......عندي مسكن لألم الاسنان رهيب .....كنت عاملة عملية في اللثة وكنت باستخدمه ....لو لسة محتاجة ..قوليلي اكتب لك على اسمه

اصل مكسلة اقوم اجيبه دلوقت

سنسن

تفتكروا عمالتها وفقست ؟؟؟؟ واحشتانا الشقية دي


رنووووووووووون

فينك مش ظاهرة على الشاشة خالص .....اظهر وبان عليك الامان

وسلامي للجميع لان الذاكرة ما انتم عارفين

الزهايمر بدأ من زمان

[اوزوريس]

عريس بس عصبي يكتب بطاقه الدعوه للفرح..
------------------

الزفت اللي بيجي ميتأخرش ....

واللي مش جاي في ستين داهية ...

وعيال الذين الصغار يتخمدوا بالبيت.....

و اللي بتجيب جوال كاميرا هفقع عينيها التنتين ....

عشا مفيش اطفحوا في بيوتكوا .. كفايه اللي دفعته للموكوسه العروسه....

اللي تمد ايدها عالتورته هقطعهالها .. حلي في البيت ياختي .. منتو زي القطط تاكلوا وتنكروا ....

الرقص ممنوع .. الضحك بصوت ومن غير صوت ممنوع .. تقعدي مكشره وتحترمي نفسك....

ترغي مع اللي جنبك أكسر لك سنانك جوه بقك ....

الكلام اياه اللي بعد الفرح وهو العروسه أحلى من العريس ... والخ الخ ... تبطلوه لحسن اعزمكوا عالاربعين .. وهي بنتكوا وانتوا حرين....

بس عارفين الحق مش عليكوا الحق عليا انا اللي عزمتكوا ناس تخاف متختشيش
---------------------------------

[اوزوريس]

كنا نتناول طعام الإفطار المتخم بما لذ وطاب ، اللهم لك الحمد

عندما قالت زوجتى

….. عندى لك خبر يعجبك

…. خير إن شاء الله

….. جارتنا أم سامى اقترحت علينا أن نعقد حلقة قرآن كل يوم تعلمنا فيها التجويد

(( أخيرا خبر يسر القلب ))

…. جميل جدا بارك الله فيها

…. اتفقنا أن نجتمع اليوم لأول مرة وأنا عرضت أن يكون الاجتماع فى شقتنا

…. عظيم ، زيادة فى الأجر والثواب إن شاء الله

… يعنى ليس لديك مانع

…. بالعكس أنا موافق ومؤيد تماما

…. شكرا ، لكن لى طلب

… نعم

…. أريد أن تشترى لى دفتر 100 ورقه لأكتب فيه كل الأحكام ويكون مرجعا عند التلاوة

…. بس كده من العين دى قبل العين دى


…..
بعد صلاة التراويح عرجت على المكتبة و اشتريت الدفتر المطلوب ، عدت إلى البيت فوجدت زوجتى قد أعدت بعض الحلويات وجهزت الأكواب لتقديم الشاى

بعد قليل رن جرس الباب والتزمت أنا غرفتى للراحة قليلا

طرق على الباب ، دخلت زوجتى وقالت

…. رد أنت على التليفون حيث فصلت الجهاز الموجود بغرفة الاستقبال حتى لا يزعجنا أثناء التلاوة
…. لا تشغلى بالك سوف أرد على أى مكالمة

بعد دقيقتين

طرق على الباب ، دخلت زوجتى وقالت

….. أم بدور أحضرت معها أطفالها بدور و أحمد ، هم مع أطفالنا ، فقط مر عليهم كل فتره للاطمئنان
((أجر وثواب ….لا بأس))

…. حاضر

بعد دقيقتين

طرق على الباب ، دخلت زوجتى وقالت

أم حسين أحضرت أطفالها حسين وحسن وحسنيه لو سمحت راقبهم لأنها تقول أن حسنيه هوايتها إدخال الأشياء الرفيعة فى فيش الكهرباء

(( لا حول ولا قوة إلا بالله و….. أصمت يا رجل وأحتسب ….أجر وثواب ….لا بأس))

…. حاضر

تركت غرفتى ودخلت غرفة الأطفال ، ترك الأطفال اللعب ونظروا إلى مستكشفين

ابتسمت لهم ابتسامة مشجعة ، فردوا بابتسامات ماكرة صفراء

بعد دقيقتين

طرق على الباب ، دخلت زوجتى وبيدها ثلاثة أطفال آخرين وقبل أن تقول أى شئ أشرت إليها بأننى أتفهم الموضوع فتركتهم شاكرة ومضت

بعد دقيقتين

طرق على الباب ، مددت يدى أتحسس شبشبى كى أقذفها به ولكن للأسف هذه المرة كان طفل واحد طرق الباب بنفسه ودخل

بدأت تنشب معارك بين الأطفال على توزيع الألعاب ولحل المشكلة اقترحت عليهم أن أروى لهم قصه ولكن لم أتلقى أى موافقات

رن جرس التليفون

…. السلام عليكم ممكن أكلم أم بدور

…. إن شاء الله

خرجت من الغرفة وقفت عند غرفة التلاوة ، ناديت زوجتى و أخبرتها للرد من عندهم قائلا

… مكالمة لأم بدور

عدت إلى الغرفة

أقترب منى حسن ذو الثلاث سنوات قائلا

…. عايز الحمام

….. كمان !!!!!!!!!!!!!!!!!!!!!!!!!!

((أجر وثواب ….لا بأس))

أخذته إلى الحمام ووقفت منتظرا حتى يتكرم بالخروج

سمعت صرخة أحد الأطفال من الغرفة جريت إليها وجدت حسين يبكى بشده ممسكا بجبهته فقد دفعه محمد فصدم رأسه فى الحائط

مستفيدا مما شاهدت زوجتى تفعله جريت إلى الثلاجة وأخرجت كيس ملوخية مجمد ووضعته على مكان الصدمة

رن جرس التليفون

… السلام عليكم ممكن أكلم أم سامى

…. إن شاء الله

خرجت من الغرفة وقفت عند غرفة التلاوة ، ناديت زوجتى و أخبرتها للرد من عندهم قائلا

…… مكالمة لأم سامى

عدت إلى غرفة الأطفال ولكن أين حسن ، لقد نسيته فى الحمام خرجت بسرعة وأخرجته من الحمام وهو يبكى بشدة

عدت إلى غرفة الأطفال...... رباااااااااااااه

طرت فى الهواء كحارس مرمى ألمانيا ، لكى أمنع حسنيه فى آخر لحظة من إدخال بنسة شعر فى فيشة الكهرباء

رن جرس التليفون ( صوت نسائى ناعم )

…. السلام عليكم ممكن أكلم أم أيمن

…. إن شاء الله

خرجت من الغرفة وقفت عند غرفة التلاوة ، ناديت زوجتى و أخبرتها للرد من عندهم قائلا

…. مكالمة لأم أيمن

…. أم أيمن مين

….أنا عارف .. مش فى واحدة من الجارات إسمها أم أيمن

…. لأ مفيش

عدت ورددت على المتصلة

….. الرقم خطأ

ضحكة رقيعة ملعلعة

… وأنت يا غبى مش عارف إسم أمك

وأقفلت الخط

((أجر وثواب ….لا بأس))

عدت إلى الغرفة كانت المعارك على أشدها

صاح حاتم

…. بابا نلعب حصان

رفضت ، فأنخرط الأطفال فى البكاء بصوت رهيب ، اضطررت للقبول

أخذت أ حبو على أربع وعلى ظهرى اثنين من الأطفال فى كل مرة

أحسست برودة على ظهرى وأنا أنقل الفوج الثالث من الركاب ، تفحصت الوضع يبدو أن أم بدور نسيت حفاظة بدور

((أجر وثواب ….لا بأس))

أخيرا دخلت زوجتى وصاحت

…. هيا يا أولاد علشان تروحوا

(( لا ردكم الله أنتم وأمهاتكم ))

دخلت للاستحمام من أثار العدوان وخرجت صامتا متصبرا كاظما غيظى ، خرجت لصلاة القيام ، وعدت إلى المنزل والجميع نيام

لمحت الدفتر على الطاولة تناولته وجلست لأقرأ وأستفيد ما يعوضنى عما لقيته

كان عنوان الصفحة الأولى

أحكام النون الساكنة والتوين

الإظهار :

ولا شئ بعد ذلك

قلبت الصفحة

لا شئ

صفحة أخرى

لا شئ

ما هذا ؟؟؟؟؟؟؟؟؟

قلبت الصفحات على عجل فوجدت كتابة بدءاً من منتصف الدفتر

((أخيراً ….. الحمد لله ))

أول صفحة مكتوبة لأخرها

العنوان

أكلة سورية : مقلوبة الباذنجان ‍‍‍‍‍‍‍‍‍‍‍‍‍‍بسيقان الدجاج !!!!!!!!!!!!

ثانى صفحة مكتوبة لأخرها

العنوان

أكلة سودانية : ويكة الباميه باللحم الضانى ‍‍!!!!!!!!!!!!

ثالثة الأثافى

أكلة مغربية : الكسكسى بالبرقوق الأسود المعسل ‍‍‍‍‍‍‍‍‍‍‍‍‍‍‍‍‍‍!!!!!!!!!!!! !!!!!!!!

(( آآآآآآآآآآه … أجر وثواب ….لا بأس ))
.............................. .............................


لسة الجزء الرابع والخامس والسادس

انتظرونا

مع اوزوريس مش هتقدر تغمض عنيك

[spanishflower]

up

[أم أكرم ومريم]

الاول....نرحب بطبق الفلافل اللي هل علينا.......(مافيناش من زعل ده اول شرط......احنا بنهزر )
ريحتك ماليه الملف....طعمه وسخنه..نشفي (زيتك)...عرقك وهاتي قرطاس السي في...ح احط لك شوية
جرجير وتعالي اتبططي جانبي....اوعي تكوني محشيه ماباحبش الحار.....ها اكمل ولا كفايه احسن تتحرقي؟؟؟شرفتينا

[أم أكرم ومريم]

اوزوريس
ايه الحظ ده كل اسبوع اقول اوزا حتختفي ...افتح الملف الاقيكي...تعالي ارقيكي من عيني.....
ومن عين اوزا الكركوبه العجوزه.....اللي لابسه جيبه وبلوزه .......وبتحب تشرب جوزه...وتاكل لقمه
مخبوزه .....زحلقتي الراجل بالموزه....لأ والله دي عامله منبوزه...مناخيرك اد الكوزه
مع اوزوريس اضحك وهيص...
بت يا اوزا تيجي نفتح قناه فضائيه؟؟؟

[sama_sehab]

صباح الخييييييير عاملين ايه؟ على فكره انا حصل معايا نفس اللي حصل في الجزء الخاص بمستحضرا التجميل

[sama_sehab]

هاتبل الفراخ وارجع لكم

[مدام شيرين_ام ادهم]

صبااااااااااح الخييييييييير

انا جيييييييت نورت البييييييت

اوزااااا

الحمد لله ادهم تمااااااام ومطلع عينى00بقت مدلدله على رقبتى

ام اكرررروووم

صباح الفل
بالراحه على البنيه 00لسه جديده 00سيبيها فى حالها حبه تزيد محبه

سما --سحاب

اخبارك ايه ياقمرررر

واخبار الفراخ ايه امممممممم
بتتبليها ازاى

والله انا مش عارفه مالى الحمل ده 00عندى عداء مع الفراخ 00اللحمه ماشى00بس الفراخ مش عارفه ليه مش متقبلاها خالص

بس قوليلى هتعمليها ازاى لانى زهقت من الاكل والله

والباقى 0000الجمييييييييييع

صباحكم عسسسسسسسسسل

اين انتم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

[sunsun_micro]

السلام عليكم ورحمه الله وبركاته
ازيكم جميعا مصريايه مصريايه يارب كلكم بخير واولادكم و ازوجكم ان شاء الله
انا لسه مفقستش بس فقست من الكركبه اللي هنا والتوضيب:angry: :3_13_11: :7_18_2: :7_2_103v: :3_2_8v: :3_13_12: ورايا حاجات كتير عشان اخلصها بس هحاول اخد رست واتكلم معاكم وارد عليكم باذن الله:26:

[مدام شيرين_ام ادهم]

سن سن باااااااااشا

حمد الله على السلامه

وبيت مبارك باذن الله

خدى بالك من نفسك 00وبلاش ترهقى نفسك جامد 00انتى داخله على مرحله هتحتاجى فيها لكل نفس

وانا خلاص باذن الله بكره ابدأ التاسع

وطبعااااااا همووووت من القلق

[sunsun_micro]

:10_8_9: ارد علي شوشو شيرين عشان تاكل الفراخ :)
ازيك يا شوشو وازي ضهرك والحوض!!! خلي بالك علي نفسك يا بنتي !!!
خلينا في المهم اولا جسمك محتاج ياكل لحمه كلي لحمه لان فيها حديد يعني كويس بس قللي من الدهون يا كوكي ماشي!!! دي طريقتي في عمل فراخ مش مسلوقه !! اولا يا شوشو جيبي عيش ابيض جميل من الفرن بس يكون عيش حلو !!!
الخطوه التانيه الا وهي الفراخ !! جيبي فراخ فيليه او اخلي الفراخ من العظم والجلد !! اغسيليها كويس
بعدين ساي انك هتعملي 4 حتت فراخ !!
جيبي اكبر بصله في الكويت و ابشريها+ 2ليمونه +4 ملعقه كبيره خل + ملح وفلفل+شويه بهارات + قطعي الفراخ حتت صغيره " مش قوي خفي ايديك علي الفراخ يا فندم يعني خلي الحته 1سم ونصف" اخلطي كله مع بعضه
اهم شئ كتري البصل والليمون + ان الفراخ فعلا تكون متغطسه في الخلطه بعدين سيبي الفراخ في حالها لمده 3 او اربع ساعات بعدين جيبي طاسه غويطه حطي فيها 2 ملعقه زيت زيتون او اي زيت تاني بعدين سخنيه بعدين حطي كل الفراخ وقلبي وغطي اول ما الميه تتبخر هتتبتدي تتحمر لومحتاحه زبت اديها ملعقه وحمري!!
الفراخ مش هتحتاج ميه لان ميه البصل واللمون والخل كافيه انها تسويها
بس ياستي جيبي العيش الابيض وكليها لوحدك هم هم همممممممم لانك مش هتسيبي لابو ادهم حته !! علي ضمانتي:10_8_10:

[sunsun_micro]

سن سن باااااااااشا

حمد الله على السلامه

وبيت مبارك باذن الله

خدى بالك من نفسك 00وبلاش ترهقى نفسك جامد 00انتى داخله على مرحله هتحتاجى فيها لكل نفس

وانا خلاص باذن الله بكره ابدأ التاسع

وطبعااااااا همووووت من القلق


الله يسلمك يا شيرين والله ان مش قادره احر ايدي ولا رجلي كويس حاسه انها متصلبه من التوضيب بقالي 4 ايام بصحي الساعه 5 الصبح لوحدي واقوم موضبه واقعد لحد 7 بليل مش باخد نفسي لحد ما جالي شد عضلي في رجلي وايديا الاتنتين وصوابعي بسبب زياده اللكتيك اسيد مموتني موت والله يا شيرين مش عارفه اعمل ايه !!! ولسه ورايا حاجات اد كده !!! بحاول اوضب علي اد ماقدر قبل ما الهانم تشرف وتقعد في كراكيب !! مش عارفه اعمل ايه في ايدي ورجلي دلوقتي والله!!مش قادره افرد صوابعي!!!

[sama_sehab]

اهلا سنسن بجد المنتدى ما كانلوش طعم من غيرك نورتي
شيري حبيبتي انا النهارده عاملاها بانيه باتبلها بمية بصل وعصير ليمون وتوابل وملعقة كاتشاب ومسترده واسيبها في التتبيله حوالي 4 ساعات وبعدين الدقيق والبيض والبقسماط عادي يعني
على فكره انا في حملي كنت باطبخ الفراخ وانا باعيط عشان مش طايقاها وبعدين طبعا لوحدي ومش عارفه حد ومش عايزه اضايق زوجي بس هو حس اني دايما مش باكلها كان يضغط عليا وانا اعيط وبعدين فهم المهم في الشيش طاووق او الفاهيتا او الشاورمه او الشوي لو حبيتي انزل لك التتبيله بس بشرط اللي نقوله يتعمل ويتاكل علشان لازم تتغذي كويس لو اقدر كنت ابعتها لك مطبوخه لاني حاسه بيكي

[sama_sehab]

سنسن شدي البيت الناحيه دي شويه و5 دقايق وكل بنت مننا في المنتدى تعمل لك حاجه لحد ما يخلص ياريت نقدر بجد نساعدكم بس عشان حوامل لكن مش على طول يعني

[sunsun_micro]

اهلا سنسن بجد المنتدى ما كانلوش طعم من غيرك نورتي
شيري حبيبتي انا النهارده عاملاها بانيه باتبلها بمية بصل وعصير ليمون وتوابل وملعقة كاتشاب ومسترده واسيبها في التتبيله حوالي 4 ساعات وبعدين الدقيق والبيض والبقسماط عادي يعني
على فكره انا في حملي كنت باطبخ الفراخ وانا باعيط عشان مش طايقاها وبعدين طبعا لوحدي ومش عارفه حد ومش عايزه اضايق زوجي بس هو حس اني دايما مش باكلها كان يضغط عليا وانا اعيط وبعدين فهم المهم في الشيش طاووق او الفاهيتا او الشاورمه او الشوي لو حبيتي انزل لك التتبيله بس بشرط اللي نقوله يتعمل ويتاكل علشان لازم تتغذي كويس لو اقدر كنت ابعتها لك مطبوخه لاني حاسه بيكي

ازيك يا سما وايه اخبارك ربنا يخليكي يا فندم !!! كلك ذوق والله !!! شكرا علي سوالك يافندم !!
حلوه الطريقه دي !!! اكتبي الافتكاسات التانيه يا سما !!! و ياريت كلنا نكتب علي طرق متنوعه وسهله :26:

[ronafinland]

انا مصريه مقيمه فى فنلندا و دى اول مره اكتب لكم ممكن تقبلونى صديقه جديده

[bintmisr]

السلام عليكم
ازيكم يا بناتيت كل سنة وانت طيبين جميعا
اعتقد اول ايام ذى الحجة يوم الجمعة
سنسوووووووونة حمدلله على السلامة يا جميل مبارك عليكى المنزل الجديد ان شاء الله
بس حاولى تاخدى رست شوية وما تقلقيش على ايزا هى هتنام فى سريرها وانتى على مهلك وضبى البيت ودلوقتى حاولى ترتاحى لآن الايام ديه الراااااااحة فيها مطلوبة
سنسن فيييييييين رنا انا بجد قلقانة جدا عليها هى مش هنا فجأة وديه مش عادتها بس طمنينى عليها وما تطنيشيششششششش

سما سحاب طريقتك حلوة فى الفراخ انا بعملها كده وممكن ابيتها لأنى عندى عداء مع ريحتها :)

[sunsun_micro]

سنسن شدي البيت الناحيه دي شويه و5 دقايق وكل بنت مننا في المنتدى تعمل لك حاجه لحد ما يخلص ياريت نقدر بجد نساعدكم بس عشان حوامل لكن مش على طول يعني

ربنا يخليكي يا سما البيت ده يهد جبل دورين و كل ما اوضب اوضه الاقي التانيه اتبهدلت !! وانا لسه في الدور الاول !!بس خلاص ادامي يومين واخلص :icon33: الدور ده اما التاني مليش دعوه بيه ومينفعش اعمل فيه اي شيء "طالما مفهوش مطبخي ولا الحمام ولا الليفنج روم :hahaha: " لانه لازم يتوضب اكتر

[ronafinland]

:) :) :) :)

[bintmisr]

انا مصريه مقيمه فى فنلندا و دى اول مره اكتب لكم ممكن تقبلونى صديقه جديده
اسفرتى ونورتى يا روناااااااااااااااااااا:26: :26: :26:
طبعا مش هاوصيك الكلام (صفة كل المصريين) على طول قصدى السىىىى فىىىىىى طبعا


فلافل يا اهلا يا اهلا بك بحبك يا فلافل بالشطة ولا سادة
فى كل اشكالك

نورتى يا فلافل وان شاء الله تتبسطى فى رحاب اخواتك المصريات :26: :26:

[sama_sehab]

رونا فينلندا نورتي المنتدى ايدك على السي في

[sunsun_micro]

:hahaha: انا مصريه مقيمه فى فنلندا و دى اول مره اكتب لكم ممكن تقبلونى صديقه جديده

يا هلا فيكي يا رونا تتدخلي وتشرفي بس اياكي تخرجي و مترجعيش !! برده احب اقولك ام منه في فنلندا جنبك ايوه بالظبظ علي ايديك اليميين :hahaha: !! يالله السي فيه بتاعك + وصفه اكل :hahaha:
عارفه الاسئله ولا هتفضحينا !!! جوابي بسرعه:) بلاش الكلام ده"ممكن تقبلونى صديقه جديده" ممنوع احنا بنقبل اخوات ماشي عندك مشكله قولي وفضفضي واحنا معاك يا فندم

[ronafinland]

اولا اشكركم جدابنت مصر و سما انا عندى 24,5 سنه و عندى بنتين رنا عندها سنتين و ريم عندها 4 شهور

[ronafinland]

:hahaha:

يا هلا فيكي يا رونا تتدخلي وتشرفي بس اياكي تخرجي و مترجعيش !! برده احب اقولك ام منه في فنلندا جنبك ايوه بالظبظ علي ايديك اليميين :hahaha: !! يالله السي فيه بتاعك + وصفه اكل :hahaha:
عارفه الاسئله ولا هتفضحينا !!! جوابي بسرعه:) بلاش الكلام ده"ممكن تقبلونى صديقه جديده" ممنوع احنا بنقبل اخوات ماشي عندك مشكله قولي وفضفضي واحنا معاك يا فندم
ربنا يخليكى لو فيه سؤال تانى قولى انا لسه بليده و مش عارفه اقولايه

[ronafinland]

على فكره انا و ام منه اصدقاء جدا و هى اللى خلتنى اعمل ايميل هنا و هىاللى كانت بتكلمنى عنكم

[sunsun_micro]

السلام عليكم
ازيكم يا بناتيت كل سنة وانت طيبين جميعا
اعتقد اول ايام ذى الحجة يوم الجمعة
سنسوووووووونة حمدلله على السلامة يا جميل مبارك عليكى المنزل الجديد ان شاء الله
بس حاولى تاخدى رست شوية وما تقلقيش على ايزا هى هتنام فى سريرها وانتى على مهلك وضبى البيت ودلوقتى حاولى ترتاحى لآن الايام ديه الراااااااحة فيها مطلوبة
سنسن فيييييييين رنا انا بجد قلقانة جدا عليها هى مش هنا فجأة وديه مش عادتها بس طمنينى عليها وما تطنيشيششششششش

سما سحاب طريقتك حلوة فى الفراخ انا بعملها كده وممكن ابيتها لأنى عندى عداء مع ريحتها :)


ازيك يا بنت مصر ربنا يخليكي مش ينفع اخد رست مش قادره انام !!
انا مش عارفه والله رنا فين لاني لسه داخله بس هفتح الماسنجر واشوفها

[bintmisr]

ربنا يخليكى لو فيه سؤال تانى قولى انا لسه بليده و مش عارفه اقولايه

انتى تتكلمى فى اللى يعجبك يا رونا
وبعدين يا ستى لو عندك هوايات او افكار ممكن تشركينا معاكى غير كده احنا هنا بنسأل على بعض ونهتم ببعض يعنى بننوس بعض فى غربتنا :26: :)

[sama_sehab]

نيجي للفاهيتا يا سنسن وشيري شرائح صدور فراخ بتقطعيها مثل الاصابع وفلفل الوان او اخضر بس وبصل شرائح وتوابل الفاهيتا الجاهزه ولو مش عندك اديها كمون وكزبره ناشفين وملح طبعا وتتبلي الفراخ بس لوحدها وتسيبيها برضه بتاع اربع ساعات (على فكره ممكن تبدليها بجمبري)وبعدين بتسخني طاسة القلي وتحطي شوية زيت نونو ولما يسخن تنزلي الفراخ وتهدي النار شويه لحد ما تقرب من النضج ننزل بالفلفل والبصل(طبعا انتي بتقطعي البصل قبل ما تنزليه النار مباشرة)وما نخليش الفلفل والبصل يستووا قوي يادوب يعني يكونوا لسه مش عارفه اسمها ايه كرسبي شويه بيقرقشوا يعني وبعدين شوية مشروم معلبين تقلبيهم خفيف خفيف وتكوني مسخنه طبق فاضي في الفرن(يفضل طبق معدني مثلا اسيل)تسخنيه جامد جداااا وتروحي مطلعاه وحطه عليه الفاهيتا هتاخد لون شويه من سخونة الطبق وبعدين تدخلي على العيش الكيزر تديه شرائح جبن شيدر ومايونيز وشراح زيون اسود وخس وطبعا الفاهيتا وبالف هنا

[ronafinland]

انا بصراحه عجبانى قوىافكار الفراخ دى هعملها ****الله رغم انى مش باكلها بس هبقى اقولكم راى جوزى

[sunsun_micro]

رنونا جت

[sama_sehab]

بنت مصر انتي احلى وبعدين الفراخ اللي هنا مش زي مصراللي هنا لابد من اخفاء معالمها بالغسيل اولا بالصابون السائل ثم الملح والدقيق والليمون ثم تنقع في الليمون ساعه ثم تغسل جيدا ثم ناتي لمرحلة التنكر(التتبيل)

[sama_sehab]

اللي عايز تتبلات تانيه انا تحت امركم بس انتوا تاكلوا بس

[ronafinland]

تسلم ايديكى مقدما و قولى بس و احنا هنعمل
على فكره يا سنسن انتى فى الشهر الكام

[Goldy]

[QUOTE=اوزوريس]

جولدي

انت مطنش ليه ياجميل ....تبص وتجري .....طيب ارمي السلام

سورى يا اوزا كنت مستعجلة ونفسى اطمن عليكم بسرعة.

حمد الله على السلامة يا سنسن بجد قلقنا عليكى،

ايمو حمد الله على سلامتك وربنا يعوضك باذن الله سامحينى انشغلت عنك اليومين اللى فاتوا.

رنونا فين؟؟؟؟؟؟؟؟

أم أكرم قلتى هتغيبى علشان الفرح قلنا ماشى طيب دلوقتى مختفية فين، فين الاغانى الهابطة، شوفيلنا موضوع حلو نتكلم فيه.

بنت مصر لا اسكت الله لك كى بورد

ام قسمت اخبار بنوتك ايه.

شيرى خلى بالك من نفسك العد التنازلى بدأ، خليكى ريلاكس طبعا انت مجربة وعارفة دى شكة دبوس.:42:

شطورة شكلنا هنفتح نيرسرى فى الملف وهتبقى انت المديرة.

فلافل ازيك اسمك طعم قوى.

سما وسحاب يا رب تكون مشكلتك اتحلت.

كل البنات :26: :26: :26:

[spanishflower]

ازيكم يا بنات جايبلكم لينكات لذيذه اوي
http://forum.hawaaworld.com/showthread.php?t=732023

http://forum.hawaaworld.com/showthread.php?t=730935

http://forum.hawaaworld.com/showthread.php?t=738533


http://forum.hawaaworld.com/showthread.php?t=728424

[losha_2004]

اهلا بالموجودين :26:

[sunsun_micro]

تسلم ايديكى مقدما و قولى بس و احنا هنعمل
على فكره يا سنسن انتى فى الشهر الكام


انا خلاص في اواخر التاسع فاضل 10 ايام واولد بس شكلي مش هيعمر يعني انا 39 اسبوع ؟؟؟

[sama_sehab]

اهلا يا جولدي شكرا لسؤالك المشكله صعبه شويه وما لهاش حل وكان نفسي اخد رايكم فيها بس صعب شويه اني احكيها وربنا يسترها ان شاء الله

[sama_sehab]

وجودي معاكم في المنتدى بيخفف كتير بيحسسني اني وسط اهلي بجد

[bintmisr]

سمسما طريقتك روعة فى التتبيلات ما شاء الله

جولدى ارجعى كام صفحة وقولى لنا هتعملى ايه فى العيد

سنسن شكرا وجدتهااااااااااااااااا :) خلى بالك من نفسك

رونا انا عايزة اكلة حلوة بالفنلندى حلوة وحادقة ماشى :)

وسلام بقى يا قمرات هامشى وارجع لكم بعد الظهر

[losha_2004]

مرحبتين يا سنسن
امس سـألت عليك البنات نحسابك ولدت قالوا انك انتقلت الى بيت جديد ان شاء الله انتقال مبارك

[مدام شيرين_ام ادهم]

سنسووونه

وسما سحاب
طريقتكم حلوه والله وانا دايما بحاول اعملها بالكريمه مثلا00او ازود فيها الحموضه شويه عشان اعرف اكولها

وسبحان الله اروح كنتاكى مثلا اكولها زى القرد 00عشان بتبقى متبله وحرااقه

وممكن طبق بقى يا ست سما 00انا لسه والله ما اكلتش


وبعدين ياست سن سن هانم 00انتى عارفه انك بتتعبى واللى انتى عملتيه ده اكبررررررر غلط
لان خلاص دلوقت لازم تبداى تستريحى وتنااااااامى00نصيحه منى نامى على قد ماتقدرى00قبل لا ينفع الندم 00صدقينى بكره تقولى شيرين قالت
وسلامتك يا حبيبتى 00

تعالى شوفينى والله البيت زى الزفت والدنيا كلها مكركبه ومبهدله وانا نفسيتى بدات تتعب 00ومفيش حد يساعدنى --لكن انا مصره على موقفى انى اريح نفسى عشان انا اصلا تعبانه ومش ناقصه تعب فوق تعبى 00وخليها تضرب تقلب00عشان يحسوا انا كنت بعمل ايه قبل كده


والاخت رونااا من فينلااااند حووووووووول
هل تسمعنى حووووول

الصوت كده واصلك ولا اعلى كمان

ازيك يا حبيبتى

بصى اللى بيدخل هنا مابيخبطش 00ايوووووووه هى وكاله من غير بواب 00بالظبط كده

يعنى تفتحى الباب وتروحى قاعده وترغى على طول من غير مقدمات

بيتهيالى غسيلنا كله متنشر قدام الخلق 00يعنى انتى عارفه كل حاجه 00واحنا مانعرفش عنك حاجه

[bintmisr]

وجودي معاكم في المنتدى بيخفف كتير بيحسسني اني وسط اهلي بجد

مش قادرة امشى من غير ما اقولك يا سمسم انتى فعلا فى وسط اهلك احنا كلنا هنا فاهمينك وظروفنا واحدة متغربين يعنى اكبر احساس ممكن تعانيه وانتى فى الغربة الوحدة:( والحمدلله سبانش ربنا اراد لها الثواااااااااااب فى انها تجمعنا حتى نتواصل ونهتم ببعض :26:
خدى راحتك ومش لازم تحكى المشكلة بس ادعى ربنا يحلها وخليك هنا فى المنتدى العامر ده وروحى كتير فى باب المشاكل الاجتماعية هتلاقى حاجات كتير هتستفيدى منها ولو من بعيد :26: :26:

[ronafinland]

رونا انا عايزة اكلة حلوة بالفنلندى حلوة وحادقة ماشى :)

وسلام بقى يا قمرات هامشى وارجع لكم بعد الظهر
حاضراول مترجعى هكون وضبتلك اكله ****الله

[مدام شيرين_ام ادهم]

سمسمه

بصى يا حبيبتى

الواحد كل يوم لااازم يمر بمشكله 00بس المشكله الاكبر لما يمر بيها لوحده 00

احنا فى الغربه همنا كبير 00ومشاكلنا كتير
والناس فى مصر فاكرانا ياما هنا ياما هناك 00عايشين مرتاحين وبالنا رايق

ومشكلتك اكييييد ليها حل

انا مؤمنه جدا بان مفيش حاجه فى الدنيا مالهاش حل00والاهم انه يكون الحل اللى يريحنى ويرضينى

ابعتيلى على الخاص او لاى واحده من البنات تحبى تحكى معاها 00مفيش احراج كلنا اخوات

[ronafinland]

و الله انا سعيده جدا بيكى يا مدام شيرين و فعلا ام منه حببتنى فيكى من قبل مادخل المنتدى و اتعرف عليكو انتى و ام اكرم و رنونه و كل البنات

[ronafinland]

:26: بس انا مش عارفه انا ممكن اقولكو ايه عنى او ايه اللى ممكن اتكلم فيه معاكو

[sama_sehab]

شيري بنت مصر كلكم شكراااا جدا انا عارفه الحمد لله ان كل مشكله ليها حل وانا الحمد لله مريت بامتحانات ومشاكل كبيييييييييره جدا ولكن هذه المشكله بدات تنعكس على بيتي بشده والمشكله ان فيها ظلم كبييييييير وكما قلتي الناس في مصر فاكرين ان الدنيا وردي على طول فبيحاولوا يعملوا لك شوية مشاكل عيار تقيل عشان ما تبقيش عايشه في غربه مبسوطه ومزاططه على طول زي ما هم متخيلين وربنا ان شاء الله يعديها على خير

[sama_sehab]

معلهش انا اسفه قلبتهاا لكم نكد فين ام اكرم تغير لنا جو المنتدى شويه؟

[sama_sehab]

رونا فنلندا اللي تحبي تتكلمي فيه اتكلمي على طول البنات هنا بجد اكتر من اهل وما فيش حاجه مش هيفيدوكي بيها زي ما تحبي اتكلمي

[ronafinland]

ربنا معاكى يا سما و يقدرك على حل مشكلتك لان الغربه زى مبتدىكتير بتاخد و ساعات تاخدحاجات اكتر اهمها راحة البال و الضحكه ربنا معاكى