بنات مصر في الغربه [الارشيف] - صفحة رقم 19

sunsun_micro

11-12-2006, 18:56

ام اكرم روحتي فيين وربنا انا هنا

اوزوريس

11-12-2006, 19:38

سنسن

حمد الله على السلامة انت فين ؟؟؟

وعملتيها ولا لسة مصححة

افقسي بقه واخلصي وخلصينا

انا حاسة اني انا كمان على وش ولادة

مش هرتاح الا لما تولدي

sunsun_micro

11-12-2006, 20:00

اولا يا جماعه عامليين ايه يا رب تكونوا بخير كلكم !!! انا لسه مش ولدت كل الموضوع اني كنت الجمعه والسبت والحد في البيت التاني علشان بنوضبه!!!!
ازيكم يا رنونا و اوزوريس وام اكرم وام عصمت وسبانش وكنزي ورواء و شيرين و ام لوشا و بنت مصر وسونا حبيبي واشطر واحده وايمان وام يامن عيوده والورده الفريده وام منه وبرنسس اروه !!!
تحيه ليكي يا سما وسحاب و من غير اسم وهلا

والله وحشتوني يا جماعه وشكرا علي سوالكم عليا ربنا يجازيكم خير!!

اما موضوع الحجاب انا كنت لبست الحجاب من وانا 6 سنين بس كنت بقلعه لحد 14 سنه لبسته للابد لاني اقتنعت بيه و باسلامي وحسيت اني مسلمه لاني انا عايزه اكون مسلمه مش مسلمه عشان بابا وماما مسلميين عموما القصه طووووويله !! وطبعا الموغرييات هنا كتير بس مش راح اخلع حجابي ويارب البس النقاب زي رنون وام منه وكمان لبسي محترم بس مش عابايات !!

اما العفارييت مش عايزه اتكلم واحكي

اوزوريس

11-12-2006, 20:00

جاكلين) و (جون)

صبيحة يوم مشرق، ركبت (جاكلين) سيارتها متوجهة إلى مقرِّ عملها،

وعلى الجانب الآخر من الحي استقل (جون) سيارته متوجها إلى عمله أيضاً.

وفي نقطة تقاطع كانت فيها (جاكلين) مسرعة لأنها قد تأخرت على عملها

اصطدمت سيارتها بسيارة (جون).

الحادث كان شنيعا للغاية لدرجة أن من رأى سيارتهما شك أن السائقين قد نجيا.

لم تُصب (جاكلين) و (جون) إلا بخدوش تكاد لا تذكر. فقد نجيا من هذا الحادث المروع

ونظرا لأن (جاكلين) كانت مسرعة فقد ألقت باللوم على نفسها في حين أن (جون) كان

يهديء من روعها وينشد لها أنشودة أبوعبدالملك وأبو خالد

كل شيء بقضاء وقدر

والليالي عبر أيُّ عبر

انتظر جون شرطي المرور ليقوم بإعداد التقرير لشركة التأمين لتقوم بإصلاح سيارته،

فهو قد أمن تأمين شامل لدى التعاونية للتأمين

المهم .. (جاكلين) في موقف لا تحسد عليه، فهي بالكاد تملأ سيارتها بالوقود فكيف ستقوم بإصلاح سيارتها؟!

توجهت (جاكلين) إلى (جون) وقالت له: بما أننا قد نجونا من هذا الحادث الأليم،

ألا ترى أنه من المناسب أن نحتفل؟ لدي في سيارتي زجاجة ويسكي .. وضحكت بعدها ضحكة ناعمة ..
(جون) لم يتردد بالموافقة .. فالمناسبة تستحق ذلك..

سكبت (جاكلين) كأساً ل(جون) وكأساً لها .. وشرب (جون) بينما كانت (جاكلين) تتابعه بنظرتها الساحرة..

(جون): لم لا تشربي (ياجاكلين)؟

(جاكلين): لن أكون حمقاء، لأن شرطي المرور سيكتشف أنك كنت مخمورا لحظة الحادث..

ادي الجاكالين ولا بلاش

sunsun_micro

11-12-2006, 20:07

سنسن

حمد الله على السلامة انت فين ؟؟؟

وعملتيها ولا لسة مصححة

افقسي بقه واخلصي وخلصينا

انا حاسة اني انا كمان على وش ولادة

مش هرتاح الا لما تولدي

انا لسه مش ولدت دعواتك !!! بس انقل الاول البيت التاني واظبط البيت عشان متجيش تشم ريحه البياض والتراب وتعييه !!! :hahaha:

sunsun_micro

11-12-2006, 20:14

[QUOTE=اوزوريس]جاكلين) و (جون)

بصراحه جاكليين طلعت بنت لاقيمه

sunsun_micro

11-12-2006, 20:18

ام اكرم انت فيين وفيين التحاليل انا مستنياكي ؟؟؟

sunsun_micro

11-12-2006, 20:32

سنسن
بدون مقدمات....عندك فكره عن التحاليل الطبيه؟؟؟؟يعني دراستك لها علاقه بالموضوع ده
اصلي مزنوقه ف سؤالين....ممكن استغل الصداقه واسأل....انا عشمانه والله مش استغلال

انا عندي افكار عن التحاليل الحمد لله ولكن وما .أوتيتم من العلم الا قليلا !!! دراستي ليها علاقه طبعا وانا كنت شغاله في التحاليل والحمد لله و بعديين يعني ايه استغلال صداقه دي !! مش بهم انا في الكلام ده ومين الصداقه احنا اخوات يا فندم تساليني تعصرييني انت تامريين !!!:) :26:

كنزي1

11-12-2006, 20:34

ازيك ياسنسن

عاملة اية ياجميل وحمدالله علي السلامة

كنزي1

11-12-2006, 20:36

ازوريس

اخبارك اي ياعسل

سؤال رخم لية ازوريس مش ازيس

sunsun_micro

11-12-2006, 20:43

ازيك ياسنسن

عاملة اية ياجميل وحمدالله علي السلامة
الحمد لله والله يسلمك دوما من اي شر !!! انت اخبارك ايه يا فندم و اخبار كوكي والبيبي ايه

كنزي1

11-12-2006, 20:47

الحمد لله كويسن ياجميل

وعقبال كدة ما تشرف ازبيلا ويكون ربنا هديها مش زي القردة الصغننة الي عندي

sunsun_micro

11-12-2006, 20:50

http://www.moslemit.com
اذاعه القران الكريم من القاهره

http://www.quran-radio.com
موقع اذاعة القران الكريم من نابلس فلسطين

اشطر واحدة

11-12-2006, 20:51

يا بنات عايزة اقولكو ان بنوتة كنزى سكر كلمتنى ف التليفون و دمها زى العسل

يا سنسن عقبال ما اكلم ايزابيلا بيلا بيلا و الله العظيم افتكرتك خلاص فقستى و قلت ف عقلى خلصنا من واحدة ....

انتو محجرين لية يا بنات

sunsun_micro

11-12-2006, 20:54

الحمد لله كويسن ياجميل

وعقبال كدة ما تشرف ازبيلا ويكون ربنا هديها مش زي القردة الصغننة الي عندي

زي القردة ؟؟؟؟؟؟يا سلامممممممممممم ابو ايزبيلا هيحبها الطاق طاقين لانه بيحب القروود مووووت حتي في يوم جوازنا جبتله قفص كبير متغلف بقماش الهدايا وجوه القفص قرد :hahaha: ههههه فرح موووووووووووت والله اول ما فتحه :hahaha: افتكر اني جيباله مايكرووويف وطلع قرد هههههههه ناس هبله صح :hahaha:

sunsun_micro

11-12-2006, 20:57

يا بنات عايزة اقولكو ان بنوتة كنزى سكر كلمتنى ف التليفون و دمها زى العسل

يا سنسن عقبال ما اكلم ايزابيلا بيلا بيلا و الله العظيم افتكرتك خلاص فقستى و قلت ف عقلى خلصنا من واحدة ....

انتو محجرين لية يا بنات

يا سلام انت تامر بس يا فندم واول ما هتكلمك هتقولك hello, hiاشطر واحده where is mezzoo? ههههه i want to talk to him??ههههههههه:hahaha:

اوزوريس

11-12-2006, 21:10

ازوريس

اخبارك اي ياعسل

سؤال رخم لية ازوريس مش ازيس

حاولت ولقيت ايزيس وماعرفتش اسجل

راح جوزي قالي ايه رأيك في اوزوريس (( معتز بمصريته جدا ))

قلت اوزوريس ..... حتى اسم مجعلص محدش يعاكسه:22:

بس مش زي صاحبته

كنزي1

11-12-2006, 21:11

ازيك ياشطورة

انا طول النهار فكراكي اقول لكنزي اعملي كذا علي شان تبقي شاطرة

وياحببتي انتي الي عسولة واتفضليهها

وممكن تبقي رسمي وتبقي حماتها اية رايك

كنزي1

11-12-2006, 21:15

سنسن
انا كمان بحب النسانيس والقرود جدا جدا

بس مش لدرجة اني اربيهم في البيت علي شان كدة جبت كوكي

ربنا يستر علي الي جاي ومتبقاش جبلاية

كنزي1

11-12-2006, 21:18

حاولت ولقيت ايزيس وماعرفتش اسجل

راح جوزي قالي ايه رأيك في اوزوريس (( معتز بمصريته جدا ))

قلت اوزوريس ..... حتى اسم مجعلص محدش يعاكسه:22:

بس مش زي صاحبته

اكيد ياجميل :22:

اوزوريس

11-12-2006, 21:22

كنزي

عملتي ايه في لحم النعام ؟؟

انا لسه الاسبوع اللى فات كنت في كارفور وجوزي كان عاوز يجيبه للتجربة ..... بس انا قلت له مش هآكل منه

قالي انه طعمه حلو

احكي لنا تجربتك !!

اوزوريس

11-12-2006, 21:25

ازيك ياشطورة

انا طول النهار فكراكي اقول لكنزي اعملي كذا علي شان تبقي شاطرة

وياحببتي انتي الي عسولة واتفضليهها

وممكن تبقي رسمي وتبقي حماتها اية رايك

انا خطبت ايزابيلا بيلا بيلا انهاردة لحسام

بس على شرط

لو طلعت عيونها زرق او خضر وشعرها أصفر حرير وبيضا محمره :26: زواج على طول:42:

عاوزين نحسن النسل في العيلة:22:

كنزي1

11-12-2006, 21:28

نفس الي حصلي بالظبط يااوزا

بس انا بقي شبط وجابة ولسة هعملو ان شاء الله يمكن يوم الخميس علي شان

يكون موجود وانا بعملو لئني حتي مش هدوقه

دنا حتي ماما كانت جبتة في مصر ومرضتش اكل منة بردو

om mena

11-12-2006, 21:28

ازيكم يا بنات اناجيت وحشتوني كلكم :26:
وشايفه في نسبه حضور عاليه ماشاءالله ويا رب دايما منورين:smheart:

سنسن حمدلله علي السلامه كنا مفتقدينك

شيرين ايه الرعب ده :eek:
خلي بالك احنا مغتربات يعني كل واحده لوحدها مع جوزها
او جوزها مسافر بعد بكره مثلاا يعني :icon33: :icon33:
اشطر واحده
رنونا
كنزي
بنت مصر
ام اكرم
سما وسحاب
اوزوريس :26:
اخباركم ايه :26: :26:

كنزي1

11-12-2006, 21:35

ازيك ياام منة

انت عاملة اية ويروح ويرجع بالسلامة بلاش عياط اجمدي شوية

واخبار الجو عندكو اية دلوقتي

اوزوريس

11-12-2006, 21:44

ام منه

كيف احوالك ؟؟ ان شاء الله تكوني بخير

sunsun_micro

11-12-2006, 21:47

انا خطبت ايزابيلا بيلا بيلا انهاردة لحسام

بس على شرط

لو طلعت عيونها زرق او خضر وشعرها أصفر حرير وبيضا محمره :26: زواج على طول:42:

عاوزين نحسن النسل في العيلة:22:

:( يعني لو البت عنيها بني ميمشيش يالهووووي دانا ما صدقت الاقي عريس للبت !!! وانا اللي قلت ماشي خلينا في ابن بلدنا حسام ابن اوزوريس و نكنسل علي انريكي ايجليسيس اللي متقدملها !!! مش مشكله اهوه انريكي ايجليسيس مش وحش وراح يغني لها هيرو بدل حسام ميغنيلها جباررررر!! انتم الخسرانين البت زي الفله كفايه انها بنتي بس مش مشكله خلاص فسخت الخطوبه !! مش عايزه البت يجيلها انهيار عصبي دلوقت خليها تتولد الاول واقولها علي الخبر !!!! يالهووي يا فرخه ما استوت اقصدي يا فرحه ما تمت!!!!:hahaha:

sunsun_micro

11-12-2006, 21:50

ربنا يخليك يام منه انت اخبارك ايه !!!!

جولدي فين؟؟ وفين h-nada و nono_muhammed اللي في امريكا معانا

ام اكرم طمنيني تحاليل ايه كفي الله الشر علي راي شطوره !!!

اوزوريس

11-12-2006, 21:53

:( يعني لو البت عنيها بني ميمشيش يالهووووي دانا ما صدقت الاقي عريس للبت !!! وانا اللي قلت ماشي خلينا في ابن بلدنا حسام ابن اوزوريس و نكنسل علي انريكي ايجليسيس اللي متقدملها !!! مش مشكله اهوه انريكي ايجليسيس مش وحش وراح يغني لها هيرو بدل حسام ميغنيلها جباررررر!! انتم الخسرانين البت زي الفله كفايه انها بنتي بس مش مشكله خلاص فسخت الخطوبه !! مش عايزه البت يجيلها انهيار عصبي دلوقت خليها تتولد الاول واقولها علي الخبر !!!! يالهووي يا فرخه ما استوت اقصدي يا فرحه ما تمت!!!!:hahaha:

حبيبتي سنسن نسيت اقولك ان ايزابيلا بيلا بيلا العروسة الرابعة

انا خاطبة تلاتة قبل منها

ميار ومريم ونور واخيرا ايزابيلا

انا احب الشرع

om mena

11-12-2006, 21:54

كنزي ربنا يخليكي ويا رب يروح ويرجع لي بالسلامه انتي عامله ايه والحمل اخباره ايه معاكي:26:

om mena

11-12-2006, 21:55

اوزوريس ازيك يا جميل والله باين عليكي عاقله وبتقدري الامور كويس:26: :26:

om mena

11-12-2006, 21:56

:35: بنا ت انا تقريبا رسمت لكل واحده فيكم صوره في خيالي :bkh:

اوزوريس

11-12-2006, 21:58

اوزوريس ازيك يا جميل والله باين عليكي عاقله وبتقدري الامور كويس:26: :26:

عرفتي منين اني عاقلة يا ام منة
...:22:

اوزوريس

11-12-2006, 22:01

:35: بنا ت انا تقريبا رسمت لكل واحده فيكم صوره في خيالي :bkh:

انا لا بيضة ولا سودة ولا طويلة ولا قصيرة ولا تخينة ولا رفيعة

يا ترى عرفتي شكلي ايه ؟؟:22:

عموما هديكي فكرة مختصرة

عيوني صغار وشفايفي كبيرة ومناخيري شبه منخار توت عنخ امون والشلته كبرت اليوميين دول

يا تري عرفتي شكلي ايه ؟؟؟:22:

sunsun_micro

11-12-2006, 22:02

حبيبتي سنسن نسيت اقولك ان ايزابيلا بيلا بيلا العروسة الرابعة

انا خاطبة تلاتة قبل منها

ميار ومريم ونور واخيرا ايزابيلا

انا احب الشرع

وانا فسخت الخطوبه سورري باه انا صعيديه ودمي حامي وبنتي لازم تكون الاولي والاخيره لا بلاش !!!:hahaha: وان خفتم الا تعدلوا ولن تعدلوا :hahaha:

sunsun_micro

11-12-2006, 22:05

:35: بنا ت انا تقريبا رسمت لكل واحده فيكم صوره في خيالي :bkh:

ايه صورتك عني!! لا انا مش شبه الموناليزا عموما !!! حليلتي شخصيتي
؟؟؟ ايه رايك فيها!!!

اوزوريس

11-12-2006, 22:12

وانا فسخت الخطوبه سورري باه انا صعيديه ودمي حامي وبنتي لازم تكون الاولي والاخيره لا بلاش !!!:hahaha: وان خفتم الا تعدلوا ولن تعدلوا :hahaha:

عصفور في اليد ولا عشرة على الشجرة

اضمني عريس اسكندراني اصيل من دلوقت وخليه احتياطي يمكن تتزنقي في عريس في يوما ما

على ايامهم البنات هيكون العشرة بقرش:22:

اوزوريس

11-12-2006, 22:14

أخي الحبيب ... أختي الحبيبة *

*قبل أن تؤدي الصلاة*

**

هل فكرت يوما

*وأنت تسمع الآذان*

*بأن **جبار السماوات والأرض يدعوك للقائه في الصلاة*

**

*وأنت تتوضأ*
*بأنك تستعد لمقابلة ملك الملوك*

* *

*وأنت تتجه إلى المسجد*

**

*بأنك تجيب دعوة العظيم ذي العرش المجيد*

**

*وأنت تكبر تكبيرة الإحرام*

**

*بأنك ستدخل في مناجاة ربك*

**

*وأنت تقرأ سورة الفاتحة في الصلاة*

**

*بأنك في حوار خاص بينك وبين خالقك ذي القوة المتين*

**

*وأنت تؤدي حركات الصلاة*

*بأن هناك الأعداد التي لا يعلمها إلا الله من الملائكة راكعون وآخرون ساجدون
منذ آلاف السنين حتى أطَّت السماء بهم *

**

*وأنت تسجد*

*بأن أعظم وأجمل مكان يكون فيه الإنسان هو أن يكون قريباً من ربه الواحد الأحد
*

**

*وأنت تسلم في آخر الصلاة*

**

*بأنك تتحرق شوقاً للقائك القادم مع الرحمن الرحيم*

*و لقائه نسيم يهب على القلب ليذهب وهج الدنيا*

*المستأنس بالله *

*جنته في صدره*

*وبستانه في قلبه*

*ونزهته في رضى ربه*

*أرق القلوب قلب يخشى الله *

*وأعذب الكلام ذكر الله*

*وأطهر حب الحب في الله*

*من وطن قلبه عند ربه *

*سكن واستراح*

*إذا أحسست بضيق او حزن ، ردد* *دائماً*

*لا إله إلا أنت سبحانك إني كنت من الظالمين*

****

*هي طب القلوب*

*نورها سر الغيوب*

*ذكرها يمحو الذنوب*

*لا إله إلا الله*

*اللهم حرم وجه*

*من يقرأ هذه الرسالة*

*على النار*

*واسكنه الفردوس الأعلى بغير حساب آمين*

*يقول صلى الله عليه وعلى آله** وصحبه** وسلم*

*
**(بلغوا عني ولو آية)*

*وقد تكون بارسالك هذه الرساله لغيرك قد بلغت آيه تقف لك شفيعةً يوم القيامة *

**

*لا تنسونا من الدعاء ،،،*

sunsun_micro

11-12-2006, 22:23

عصفور في اليد ولا عشرة على الشجرة

اضمني عريس اسكندراني اصيل من دلوقت وخليه احتياطي يمكن تتزنقي في عريس في يوما ما

على ايامهم البنات هيكون العشرة بقرش:22:
:hahaha: ههههههه ولووووو!! البت هتتطلع اموره والف من يتمناها لا مليون:hahaha:

اوزوريس

11-12-2006, 22:27

:hahaha: ههههههه ولووووو!! البت هتتطلع اموره والف من يتمناها لا مليون:hahaha:

دي لسه مفعصة في بطنك .....:09:

منين امورة .... تلاقي رجليها في قفاها دلوقت ...ووشها مطبق على بعضه

يعني لو حسام شافها مش هيرضى بيها:hahaha:

sunsun_micro

11-12-2006, 22:41

دي لسه مفعصة في بطنك .....:09:

منين امورة .... تلاقي رجليها في قفاها دلوقت ...ووشها مطبق على بعضه

يعني لو حسام شافها مش هيرضى بيها:hahaha:

هههههه لا شكلها امور هتطلع وحشه لميين بقي؟؟؟؟ تقطيعها حلوه في الالتر ساوند خدودها ودقنها عاملين جو وبعدين علي رايك هي مفعوصه لاني ساعات انام علي بطني وافعصها !! وبعدين هي مش راح ترضي بيه كفايه انريكي اجليسيس عليها !!!:hahaha:

اوزوريس

11-12-2006, 23:01

هههههه لا شكلها امور هتطلع وحشه لميين بقي؟؟؟؟ تقطيعها حلوه في الالتر ساوند خدودها ودقنها عاملين جو وبعدين علي رايك هي مفعوصه لاني ساعات انام علي بطني وافعصها !! وبعدين هي مش راح ترضي بيه كفايه انريكي اجليسيس عليها !!!:hahaha:

اجليسيس مين ياماما

ماله شعبان عبد الرحيم:22:

هبطل السجاير واكون انسان جديد

ومن اول يناير خلاص هشيل حديد

واقزقز لب سوبر واغير القميص

هييييييييييييييييه هااااااااااااااااااااااه

ranuna

11-12-2006, 23:12

حمدا الله علي السلامه يا هانم مانتي زي القرده اهو:16:
وقلقتيني عليكي والله
صحاب ايه دول اللي بس اللي انا عرفاهم اللي يجيبوا الهم للواحد:39:
يالله هاعمل ايه بس قدر ومكتوب ولازم ارضي بيه:22:

ranuna

11-12-2006, 23:14

بناااااااااااااااااااااات علي فكره سنسن بعتتلي صورتها من كام يوم
زي العسل زي ماتوقعتها بالظبط البت المصريه الجادعه
وبيبي فيس كمان:04:

sunsun_micro

11-12-2006, 23:27

حمدا الله علي السلامه يا هانم مانتي زي القرده اهو:16:
وقلقتيني عليكي والله
صحاب ايه دول اللي بس اللي انا عرفاهم اللي يجيبوا الهم للواحد:39:
يالله هاعمل ايه بس قدر ومكتوب ولازم ارضي بيه:22:

معلش يل روني والله ما كان قصدي مانت عارفه اني بسنفر جمعه وسبت وحد:hahaha:

sunsun_micro

11-12-2006, 23:32

بناااااااااااااااااااااات علي فكره سنسن بعتتلي صورتها من كام يوم
زي العسل زي ماتوقعتها بالظبط البت المصريه الجادعه
وبيبي فيس كمان:04:

والله ابدا يا جماعه دي رنون اللي زي القمر بعتتلي صورتها بردوه و دمها اصلا زي العسل والله وهي اللي بيبي فيس مش انا!!! زي القمر ماشاء الله البت رنون دي!!!!:04:

sunsun_micro

11-12-2006, 23:46

اجليسيس مين ياماما

ماله شعبان عبد الرحيم:22:

هبطل السجاير واكون انسان جديد

ومن اول يناير خلاص هشيل حديد

واقزقز لب سوبر واغير القميص

هييييييييييييييييه هااااااااااااااااااااااه

لا شعبان قالي انه حاجز اخت حسام وقال انه هيبطل السجاير عشنها كمان :hahaha: ميترفضش صراحه يا اوزا !!!!هههههههه:hahaha:

انا مربطه دلوقتي علي الواد احمد ابن رنون ماشي يا رنون!!! علي الاقل فركه كعب ما بينا وكمان ندخلهم الجامعه سوا !!!:hahaha: احمد لايزبيلا وايزبيلا لاحمد:hahaha:

اوزوريس

11-12-2006, 23:52

لا شعبان قالي انه حاجز اخت حسام وقال انه هيبطل السجاير عشنها كمان :hahaha: ميترفضش صراحه يا اوزا !!!!هههههههه:hahaha:

انا مربطه دلوقتي علي الواد احمد ابن رنون ماشي يا رنون!!! علي الاقل فركه كعب ما بينا وكمان ندخلهم الجامعه سوا !!!:hahaha: احمد لايزبيلا وايزبيلا لاحمد:hahaha:

لا انا منشنة على كبير قوي

ماله احمد عدوية .....راجل له سمعته برضه:42:

خلي احمد ينفعك :22:

sunsun_micro

11-12-2006, 23:56

لا انا منشنة على كبير قوي

ماله احمد عدوية .....راجل له سمعته برضه:42:

خلي احمد ينفعك :22:

ماله احمد ابن رنون علي الاقل بيشرب شوكلت ميلك زي البت ايزبيلا" لاني بشرب شوكلت ميلك فبالتالي هي بردوه بتشرب شوكلت ميلك" :hahaha: وبعديين انا وامه رنون بنحب الجبنه يعني مش مختلفيين في المبدأ :):hahaha: :30:

spanishflower

12-12-2006, 01:31

صباح الخير يا بنات
صباح كده علس السريع علشان الساعه 7 و نص صباحا
منور يا كابتن سنسن

ranuna

12-12-2006, 03:41

والله ابدا يا جماعه دي رنون اللي زي القمر بعتتلي صورتها بردوه و دمها اصلا زي العسل والله وهي اللي بيبي فيس مش انا!!! زي القمر ماشاء الله البت رنون دي!!!!:04:
ربنا يخليكي يا سنسونه انتي اللي عسل :26:

ranuna

12-12-2006, 03:46

لا شعبان قالي انه حاجز اخت حسام وقال انه هيبطل السجاير عشنها كمان :hahaha: ميترفضش صراحه يا اوزا !!!!هههههههه:hahaha:

انا مربطه دلوقتي علي الواد احمد ابن رنون ماشي يا رنون!!! علي الاقل فركه كعب ما بينا وكمان ندخلهم الجامعه سوا !!!:hahaha: احمد لايزبيلا وايزبيلا لاحمد:hahaha:

خلاص وانا موافقه هو انا هلاقي أحلي من البت ايزلبيلا فين ولا حماه ابني تبقي دمها زي العسل كده:hahaha:

نتفق علي المهر والشبكه لما البت تشرف علي وش الدنيا:22: ومش لازم تاخدي رأيها بردوا يا سنسن
ولا أقوللك البت اول ماهاتشوف الواد هتتهبل من جماله وشخصيته ولا انتي اي رأيك يا حماه ابني:hahaha:

ranuna

12-12-2006, 03:52

لا انا منشنة على كبير قوي

ماله احمد عدوية .....راجل له سمعته برضه:42:

خلي احمد ينفعك :22:
هينفعها يا حبيبتي ومين احم عدويه ده؟؟؟
انتي اصلك ماشوفتيش المعجبين بالباشا بتاعي :arb:
كتيير كتيييير خالص بنات هتتجن علي ابني ويتمنوا بس نظره واحد هأ:32:
وبعدين احنا ناخد رأي العروسه

bintmisr

12-12-2006, 07:07

سلام عليكم يا قمرات
قلقتينىىىى يا ام منة ياترى ايه الصورة من فضلك وضحى ايه فكرتك عنى

الحموات الفاتنات بطلوا خناق انا اللى هقولوكم ابت امريكية ابا عن جد يعنى هى اللى هتختار
وبعدين انا عندى 3 صبيان هه واخرهم عسولتى ده قمررر
يعنى اللى عندها بنت كده تجهز المهر والشقة وبالمرة تسنفر وتفرش (((طبعا الكلام ده لحد هنا اساسا بيسنفر))))\

سبانش ايه حكاية الافلام شكلك مدمنة انا كنت زمان
بس اتعالجت
انما لسه عندى مرض المسلسلالالالالالات وتحت العلاج ههههههههه

رنون انتى وسنسن احساسى بكم كما هو وديه صورتكم اللى فى خيالى

عارفين انا نفسى اشوف مين جداااااااااااااااااااااااا ام اكرم
حاسة انها هتطلع صاروخ ومخبية علينا خفة الدم دى مش من فراغ ايه رايكوووو

bintmisr

12-12-2006, 07:14

عندى موضوع جديد كل واحدة تقولنا بصراحة سبب غربتها
ماذا استفادت من الغربة ؟
ومين الغربة طلعت معها كربة ومين غربتها كانت سبب للراحة او كانت الغربة افضل من عدمها ؟

وماذا اعددتى للعودة

وهل من قرار واضح للعودة ولا حسب الظروف ؟

ولما ترجعى هترجعى لنفس البيت اللى سبتيه ولا هتنقلى لبيت جديد ؟

اجاوب انا وابتدى بنفسى اه ان شاء الله هارجع عشان اولادى يبقى لهم اهل وانا استقر والحق اللى باقى من عمرى واعمل اللى نفسى اعمله فى دراستى المعلقة
هأغير البيت اكيد (باذن الله ) لم يعد مناسب ما شاء الله زدنا وبصراحة اتعودت على الاستقلال وبيتى كان فى عمارو فيها 90 شقة :( فرح مش عمارة وناس غاوية ود ود ود ود ود (انحشاااااار فى كل حاجة )
عفشى القديم مش عارفة هاعمل بيه ايه اللى عندها افكاررررررر تقوللى ماااااااشى
يلالا جاوبوا فى انتظاركم

spanishflower

12-12-2006, 07:20

سلام عليكم يا قمرات
قلقتينىىىى يا ام منة ياترى ايه الصورة من فضلك وضحى ايه فكرتك عنى

الحموات الفاتنات بطلوا خناق انا اللى هقولوكم ابت امريكية ابا عن جد يعنى هى اللى هتختار
وبعدين انا عندى 3 صبيان هه واخرهم عسولتى ده قمررر
يعنى اللى عندها بنت كده تجهز المهر والشقة وبالمرة تسنفر وتفرش (((طبعا الكلام ده لحد هنا اساسا بيسنفر))))\

سبانش ايه حكاية الافلام شكلك مدمنة انا كنت زمان
بس اتعالجت
انما لسه عندى مرض المسلسلالالالالالات وتحت العلاج ههههههههه

رنون انتى وسنسن احساسى بكم كما هو وديه صورتكم اللى فى خيالى

عارفين انا نفسى اشوف مين جداااااااااااااااااااااااا ام اكرم
حاسة انها هتطلع صاروخ ومخبية علينا خفة الدم دى مش من فراغ ايه رايكوووو

ازيك انتي يا بنت مصر
انا و الله مليش ابدا في حكايه الافلام دي خالص حتي و انا في مصر بس هاعمل ايه هنا التي في ياباني و بعد ما لبنات يناموا مش في غير التسليه دي :(

اوزوريس

12-12-2006, 12:26

عندى موضوع جديد كل واحدة تقولنا بصراحة سبب غربتها

اولا : ازيك يا بنت مصر (( هي مصر ما جبتش بنت غيرك )) كلنا بنات مصر:hahaha:

طبعا انا كل مرة اول واحدة ترد على مواضيعك (( واحدة فاضية ))

سبب غربتي ان زوجي وقت ما تخرج اشتغل بالبترول في مصر ويوم جت له فرصة للعمل في دول الخليج ما تردد وطبعا الكلام ده قبل ما نتزوج ....وتزوجني وجيت عنده والحمد لله عايشين ومستقرين لان وضع الشركة ممتاز
ماذا استفادت من الغربة ؟

اما عن الاستفادة الحمد لله استفد كتير جدا ....اولها كيف تقعدي مع ناس لأول مرة وتقدري تفتحي معاهم احاديث ....تعرفت على جنسيات كتير وتعلمت حاجات كتير (( عاداتهم وتقاليدهم واكلاتهم ))
مدراك عقلي تفتحت كتير على عالم مهما عيشتي في مصر مش هيوصلك ولا تستوعبيه

ومين الغربة طلعت معها كربة ومين غربتها كانت سبب للراحة او كانت الغربة افضل من عدمها ؟

الحمد لله ما كنتش كربة وطبيعي في اولها كنت تعبانة نفسيا بس علشان انا بحب زوجي كان عندي استعداد اعيش معاه ورا الشمس .....ومع الايام حسيت براحتي في الغربة اكتر
لان انت هنا مستقلة في كل شئ ومافيش حد يدخل بحياتك ولو على سبيل الاقتراح....يعني اللى في دماغنا بيمشي ولما بننزل مصر نفس الشئ ما بنخلي حد يتدخل وكلامنا ماشي طالما فيه راحتنا

بمعنى ادق ....مش بنيجي على نفسنا علشان نرضي كل الاطراف لان ده مستحيل طبعا .....وفي مصر اتعودوا على كدة ....وانا بعمل حساب اليوم اللى هنزل فيه مصر نهائي

وماذا اعددتى للعودة

سؤالك من أي ناحية ....المادية ام المعنوية
لو من الناحية المادية انا كل سنة بشتري اغراض لمصر واتركها بالكارتين لغاية ما انزل نهائي لان مش كل سنة انزل افتح وارجع اشيل
لي اغراض لاستعمالي بالاجازة وخلاص

اما من الناحية المعنوية ....الله يعين اولادنا ... انا عن نفسي برتب ان ماحدش يدخل في حياتي ولو بربع كلمة واعيش نفس الاستقلالية المطلقة اللى انا عايشاها بالغربة

وهل من قرار واضح للعودة ولا حسب الظروف ؟
حسب الظروف .....وطول ما لنا عيشة في الغربة ....احنا قاعدين .....مستعجلين على ايه

ولما ترجعى هترجعى لنفس البيت اللى سبتيه ولا هتنقلى لبيت جديد ؟

ان شاء الله هغير البيت ....اما عن العفش ....انا نزلت الاجازة اللى فاتت لاقيت الموديلات اللى في المحلات متغيرة نهائي ..... بس رجعت على البيت حسيت ان عفشي حلو
وسألت صاحب المحل ان لو عندي عفش قديم بحالة ممتازة ممكن يتباع ......عرض عليا انه يشتريه ...لان نوعيه الخشب ممتازة ....وانا أصلا محافظة عليه وبغطي العفش كله قبل ما اسافر

بس لسه مش عارفة

لما ننزل نهائي اللى كاتبه ربنا يكون .......في علم الغيب

اما عن الجيران انا ماليش علاقة بحد ,, بس سلام عليكم وعليكم السلام

أم أكرم ومريم

12-12-2006, 12:35

صبح صبح ياعم الحج
شطوره...التردد بتاع قناة ليبرا
Fr. 12226
PO.H
SYMBOL.27500
القناه دي على النايل سات

spanishflower

12-12-2006, 12:36

[quote=bintmisr]عندى موضوع جديد كل واحدة تقولنا بصراحة سبب غربتها
لدراسه الدكتوراه
ماذا استفادت من الغربة ؟
كتييييير اوي الحمد لله في كل حاجه و اولها علاقتي بربنا و طريقه تعاملي مع جوزي و اولادي لان الواحد في مصر مش فاضي يبص وراه و اتعلمت كمان المطبخ خصوصا المعجنات و الحلويات لاني كنت بطاطس خالص في مصر من الناحيه دي
ومين الغربة طلعت معها كربة ومين غربتها كانت سبب للراحة او كانت الغربة افضل من عدمها ؟انا الحمد لله من النوع التاني يعني طبعا نفسي اشوف اهلي و اصحابي بس هنا سبب للراحه من حاجات كتير

وماذا اعددتى للعودة
و الله لسه بدريييييي ربنا يهون الايام

وهل من قرار واضح للعودة ولا حسب الظروف ؟
لما نخلص ان شاء الله و الله اعلم هتزيد و لا لاء

ولما ترجعى هترجعى لنفس البيت اللى سبتيه ولا هتنقلى لبيت جديد ؟
انا مش عندي بيت في مصر :)

هاقول زي اوزوريس السلام عليكم و عليكم السلام علشان عجبتني:)

أم أكرم ومريم

12-12-2006, 12:36

سنسن
مااتحرمش منك وربنا يديم المحبه بينا [الله محبه]

أم أكرم ومريم

12-12-2006, 12:40

رنونه
ماشي عمالين تبعتو لبعض صوركو....وكنزى تكلم شطورة
واوزا تكلم ايمان وجولدي وتقولو شعر ف بعض
وانا يعني بت البطه السوده

أم أكرم ومريم

12-12-2006, 12:43

سما سحاب
خفت من زعابيبك..احسن تطلع عليا وكنت عايزه اقولك على الشعريه...بس اصلها صعبه ومراحلها كثير....جارتي الله يكرمها كل ما بتعملها لازم تدخلي منها

aioda_2006

12-12-2006, 12:44

سنسن

سبانش

رنون

اوزوريس

اشطر واحده

فاكهة المنتدى ام اكرم

كل بنات المنتدى
بجد انتوا فعلا اللي يتقال عليهم الانسان يراهم بقلبه قبل عينه فانتم نعم الصحبه والاخوة ولكن بجد ياريت تدوم تلك الاخوة وانا لاحظت حاجه عايزة اعرف رايكم فيها احنا ليه مش كده في حياتنا الاجتماعيه يعني ماشاء الله احنا اهه زي الفل مع بعض ليه بقى الجيران في نفس العماره الواحده مش بيعرفوا بعض؟مع اني فكرت وقلت ممكن اي واحده مننا تكون بتكلم واحده من جاراتها في العماره اوالبيت في وش البيت وهي مش عارفه ليه بجد ما نبقاش كده على الاقل سكان الشارع الواحد يعرفوا بعض عايزة اعرف ليه واحنا بعيد بنحب بعض واحنا جنب بعض ماحدش بيفكر في التاني عايزة ارائكم:26:

spanishflower

12-12-2006, 12:48

سنسن

سبانش

رنون

اوزوريس

اشطر واحده

فاكهة المنتدى ام اكرم

كل بنات المنتدى
بجد انتوا فعلا اللي يتقال عليهم الانسان يراهم بقلبه قبل عينه فانتم نعم الصحبه والاخوة ولكن بجد ياريت تدوم تلك الاخوة وانا لاحظت حاجه عايزة اعرف رايكم فيها احنا ليه مش كده في حياتنا الاجتماعيه يعني ماشاء الله احنا اهه زي الفل مع بعض ليه بقى الجيران في نفس العماره الواحده مش بيعرفوا بعض؟مع اني فكرت وقلت ممكن اي واحده مننا تكون بتكلم واحده من جاراتها في العماره اوالبيت في وش البيت وهي مش عارفه ليه بجد ما نبقاش كده على الاقل سكان الشارع الواحد يعرفوا بعض عايزة اعرف ليه واحنا بعيد بنحب بعض واحنا جنب بعض ماحدش بيفكر في التاني عايزة ارائكم:26:

اهلا عيوده يا قمر
و الله يا بطاطس انا كنت كده في مصر سؤاء و احنا صغيرين و لا بعد الجواز
بس هنا صعب علشان اللغه لاني لسه معرفش اعمل حوار كامل مع حد بالياباني
بس من اللي باسمعه حاليا في مصر ان الناس كلها اتغيرت:(

أم أكرم ومريم

12-12-2006, 12:48

بنت مصر
عندك 3 عرسان؟؟؟انا حاجزه واحد لبنتي حاجه كده تعجبك..شعر اكرت عجب سودااااورشاقه ايه
جلد على عضم حاجه كده زي (راس العبد) اللي بنظف بيها السقف....وما اتحرمش من سؤالك
ان شاء الله يكون خير

spanishflower

12-12-2006, 12:49

رنونه
ماشي عمالين تبعتو لبعض صوركو....وكنزى تكلم شطورة
واوزا تكلم ايمان وجولدي وتقولو شعر ف بعض
وانا يعني بت البطه السوده

بقينا 2 يا ام اكرم و انا كمان محدوفه هنا لوحدي في شرق اسيا و لا حد معبرني:(

أم أكرم ومريم

12-12-2006, 12:55

عيوده
انا ياختي عارفه الشارع كله ومين حامل ومين ولدت وطابخين ايه النهارده وابنها حيروح الجيش امتى
زي ما تقولي كده شيخ حاره.....طب وربنا ما بكذب عليكي.....اللي عايز يخطب ،بيسالني ايه رايك ف
العروسه واللي كبرت ف السن بتوسطني اشوف لبنتها عريس [مش لما الاقي لبنتي الاول]

aioda_2006

12-12-2006, 12:55

حبيبتش سبانش انا اقصد مصر اكيد لان كل سنه بانزل باتصدم اكتر من اللي قبلها الناس اتغيروا ودايما مكشرين وحتى صباح الخير ما فيش تفتكري من ضغوط الحياه؟ بس زمان كانوا بيبقوا في عز الازمات والحروب كان في حب انا باحب اتفرج على افلام الابيض والاسود لاني باحب ملامح ووشوش الناس كان فيها حب ورض ولا ايه رايك

aioda_2006

12-12-2006, 12:58

ام اكرم انتي زي العسل وحبوبه لازم كل الناس تعرفك

spanishflower

12-12-2006, 13:15

سنسن
الموضوع ده علشانك
http://forum.hawaaworld.com/showthread.php?t=737807

مدام شيرين_ام ادهم

12-12-2006, 14:26

بما ان محدش معبرنى

فانا بقول صباح الفل 00وماشيه 00

الزهق هيااااكل منى حته 00وانا تقريبا حتتى كلها خلصت

spanishflower

12-12-2006, 14:53

ليه بس يا شرشور
ما احنا قاعدين ننادي علي خلق الله التايهيين اهوه
يا بشششششششششششششر

اشطر واحدة

12-12-2006, 16:03

انا جيت
اية نظام الحموات دة ؟؟

لا خلاص انا رجعت ف كلامى مش حجوز ابنى حخلية كدة يخلل جنبى

اشطر واحدة

12-12-2006, 16:07

يا بنات و النبى و النبى حد يشوفلى حل لالتهاب اللثة
كنت بعمل تنظيف بالخيط و الظاهر انى اتعافيت على سنانى شوية بقالى يومين مش عارفة اّكل

كنزي1

12-12-2006, 16:07

ازيكم يابنات عاملين اية كلكم النهاردة

اوزوريس

12-12-2006, 17:02

شطورة

انزلي الصيدلية اسألي على كريم مناسب لحالتك

سلامتك يا قمر

اوزوريس

12-12-2006, 17:05

كنزي

انا منتظرة يوم الخميس بفارغ الصبر

علشان تقوليلي عملتي النعامة ازاي وطعمها طلع ايه

شيري ..... ازيك واخبارك اي؟؟

يا تري دارين عاملة ايه ؟؟ بلغي لها السلام .....وقوليلها طل علينا يا قمر يا مستخبي ورا السحاب

جولدي وايمان والوردة الفريدة ورواء الاسلام وسما وسحاب ...و....و....باقي البنات

انتم فين ؟؟

اوزوريس

12-12-2006, 17:05

يقول أحد الخبراء أن بوسع المرء الحصول على الاحترام الذي يستحقه باتباع بعض النصائح البسيطة . فقد أعلن سي.ار.سنيدر ، وهو طبيب نفساني كبير ، إن الإنسان ليس في حاجة إلى أن يكون غنيا أو ناجحا أو ذا نفوذ لكي يستحوذ على الاحترام ، وفيما يلي النصائح العشر التي يسديها هذا الخبير ، بناء على سنوات خبرته حول كيفية اكتساب الإنسان للاحترام:

1. استمع أكثر من أن تتكلم : فكلما كثر كلام الإنسان كانت هناك فرصة للخطأ . ولذلك حاول أن تكون صامتا قدر المستطاع ، والناس سوف يفترضون انك أكثر ذكاء مما أنت عليه حقيقة .

2. احتفظ بأسرارك الخاصة : كن محافظا على معلوماتك الشخصية ولا تجعل حياتك كتابا مفتوحا . فتعريتك لنفسك تجعل الآخرين يقللون من فكرتهم عنك .

3. لا تقلل من منجزاتك : فعندما تقول : إنني كنت محظوظا فان ذلك يفقدك بعضا من مكانتك ، وكن متواضعا ولكن في فخر . وعندما يقول شخص ما هذا عظيم ، وافقه ثم قل : شكرا ، لقد عملت بجد .

4. اعترف بأخطائك بسرعة ولباقة : فالذين يتظاهرون بأنهم على حق دوما يفقدون الاحترام، لان الناس تراهم على أنهم مخادعون .

5. لا تقلل من شأنك : فالإنسان يفقد احترام الآخرين عندما يقلل من شانه وتوقف عن قول أشياء مثل: هذا قد يكون خطأ .

6. ابتعد عن الاعتذار المتكررة فالاعتذار بمناسبة أمر جيد، ولكن لا تبالغ في ذلك .

7. لا تكن من محبي التأثير في الآخرين : فلو حاولت جاهدا أن تؤثر في الآخرين فإن الناس سيشعرون بذلك وستفقد الاحترام.

8. خذ أكثر القرارات بنفسك: فإن عادة الإكثار من سؤال الناس عن رأيهم يعكس عدم تأكدك من قرارك وهذا يقلل من احترامهم لك .

9. دائما قدر قيمة الوقت : فالذين يتسكعون ويضيعون وقتهم يفقدون احترام الآخرين.

10.احتفظ بهدوئك: فالذين ينفعلون كثيرا بعواطفهم يفقدون الاحترام.

sunsun_micro

12-12-2006, 17:20

صباح الخير يا بنات
صباح كده علس السريع علشان الساعه 7 و نص صباحا
منور يا كابتن سنسن

ازيك يا روني ايه اخبارك !! صباح النور انا عندي الساعه 9 ونصف وانت اكيد عندك 9 ونصف بليل انا الصبح دلوقتي:26:

sunsun_micro

12-12-2006, 17:23

خلاص وانا موافقه هو انا هلاقي أحلي من البت ايزلبيلا فين ولا حماه ابني تبقي دمها زي العسل كده:hahaha:

نتفق علي المهر والشبكه لما البت تشرف علي وش الدنيا:22: ومش لازم تاخدي رأيها بردوا يا سنسن
ولا أقوللك البت اول ماهاتشوف الواد هتتهبل من جماله وشخصيته ولا انتي اي رأيك يا حماه ابني:hahaha:

مش هنختلف علي الشكليات دي وبعدين نمشي بالسنه خيرهن اقلهن مهور !!! وبعدين العيال علي رايك هيتهبلوا علي بعض ان شاء الله ولا انتي اي رأيك يا حماه بنتي:hahaha:

مدام شيرين_ام ادهم

12-12-2006, 17:41

اوزاااااااا:26:

ازيك انتى يا حبيبه قلبى

انا كويسه الحمد لله

ودارين حالتها حاله 00ربنا معاها 00كانت بعد الولاده جالها دور برد وسخونيه والحمد لله عدت على خير

وهى احتمال تنزل مصر اليومين الجايين دول 00بس لسه مفيش خبر اكيد00

وبالنسبه لموضوع الحموات ياحلويييين

انتوا ناسيين ان انا كمان عندى ولد 00:arb: :arb:

والتانى ان شاء الله جاى فى السكه00يعنى هييييييييصه :22:

معلش لو سمححححتم طابور00مينفعش كده هتقطعوا شعور بعض 00:hahaha: :hahaha:

sunsun_micro

12-12-2006, 17:46

[QUOTE=bintmisr] كل واحدة تقولنا بصراحة سبب غربتها
ماذا استفادت من الغربة ؟
ماشي ما انا المفروض مقولش علي السنفره :hahaha: بس انت عارفه الامريكان بيحبوه يعملو الحاجات بنفسهم اما حته البت امريكيه ابا عن جد وليها حريه التصرف مفيش مانع والله بس في حدود لاما اكسر ضلوعها وانا والله قلت لزوجي كده لاني صعيديه بس عمري ما شفت الصعيد :hahaha: !!

كل واحدة تقولنا بصراحة سبب غربتها؟؟---> لاني متزوجه امريكي
ماذا استفادت من الغربة ؟-------------->استفدت اني بقيت اصحي اصلي الفجر بانتظام ,ماما كانت بتصحيني اصلي بس بنسبه 90% دلوقتي 100% بصليه !!! + اني اكون عمليه اكتر مما كنت في مصر !! اعمل كل حاجه بنفسي علي اد ما قدر ولو معرفتش اطلب مساعده مش عيب !! كنت بعمل كده في مصر كل حاجه بنفسي بس عمري ما سالت عن مساعده !! اتعلمت كتير واهمها ان الاسره مهمه اهم من الدراسه حتي!!
ومين الغربة طلعت معها كربة ومين غربتها كانت سبب للراحة او كانت الغربة افضل من عدمها ؟
الغربه كربه بسبب ان ماما واخويا الصغير مش معايا عشان اخد بالي منهم+ دراسه الماجستير اللي متعلقه في مصر ومقدرش انزل اكملها دلوقت خالص !! غربتي عمرها ما كانت راحه ولاحتي وجودي في مصر وغربتي راحه من ناحيه الدراسه والشغل في مصر لاني عمري ما اخدت راحه الا في honey moon بس وبعديين عمر مالدنيا فيها راحه ليا !!
وماذا اعددتى للعودة وهل من قرار واضح للعودة ولا حسب الظروف ؟--------------> لم اعد اي شئ ولا مجال للعوده:(
ولما ترجعى هترجعى لنفس البيت اللى سبتيه ولا هتنقلى لبيت جديد ؟--> مجبتش بيت خالص في مصر بس انا عندي بيت العيله لو فكرنا نرجع بس مش وارد لان حياه زوجي هنا وحياتي هنا بردوه

sunsun_micro

12-12-2006, 18:00

كل بنات المنتدى
بجد انتوا فعلا اللي يتقال عليهم الانسان يراهم بقلبه قبل عينه فانتم نعم الصحبه والاخوة ولكن بجد ياريت تدوم تلك الاخوة وانا لاحظت حاجه عايزة اعرف رايكم فيها احنا ليه مش كده في حياتنا الاجتماعيه يعني ماشاء الله احنا اهه زي الفل مع بعض ليه بقى الجيران في نفس العماره الواحده مش بيعرفوا بعض؟مع اني فكرت وقلت ممكن اي واحده مننا تكون بتكلم واحده من جاراتها في العماره اوالبيت في وش البيت وهي مش عارفه ليه بجد ما نبقاش كده على الاقل سكان الشارع الواحد يعرفوا بعض عايزة اعرف ليه واحنا بعيد بنحب بعض واحنا جنب بعض ماحدش بيفكر في التاني عايزة ارائكم:26:

انا كنت في مصر كده والحمدلله مع عيلتي او جيراني او اصحابي ولسه كده مع اتصال بعيلتي واصحابي في مصر والجيران بيسالو عليا عشان بقالهم فتره غسيلهم مش بيتبل من غسيلي:hahaha: " بهزر طبعا مش غسيل والله" وطبعا عيله زوجي هنا واصحابه او اصحابي الحمدلله اجتماعيه بس بتكسف مووووت بردوه مش جريئه اوي الا في الحق غير كده مليش:)

sunsun_micro

12-12-2006, 18:06

سنسن
الموضوع ده علشانك
http://forum.hawaaworld.com/showthread.php?t=737807

ماشي يا سبانش لازم التدبيس ده يعني!! وبعديين انا اديتك ايميلي وانت مش معبراني وضرباني :hahaha: مش مشكله لسه بحبك والله:hahaha: وضرب الحبيب زي اكل الزبيب ههه:hahaha:

sunsun_micro

12-12-2006, 18:10

شيرين ازيك عامله ايه وايه اخبارك واخبار البيبي !! يا رب بخير
الف سلامه علي داريين !!!!
يا الله نظبط خطوبه بنات واولاد هنا بقينا خطبه!!

sunsun_micro

12-12-2006, 18:13

اوزوريس ازيك ؟ موضوعك جميل والله

ام اكرم اين انت يا حبيبتي؟؟ يا ريت تردي عليا من امبارح وانا مش لاقياقي!!!

اوزوريس

12-12-2006, 19:03

اخبارك ايه يا سنسن ....انت لسه مصححة

انا عارفة هيجي لك الطلق وانت قاعدة على النت ....

مش عاوزاني اكون حمة بنتك

سبحان الله

مش يمكن الدنيا تلف وتكون في قرعة حسام بجد

انا مؤمنة ان كل شئ في الدنيا قسمة من عند رب العالمين

مش فيه اخوات بالرضاعة بيتجوزا في يوم من الايام هههههههههههههههههههه ويخلفوا وبعدين يكتشفوا انهم اخوات

انا الحمد لله لا رضعت حد ولا عيالي رضعوا من حد

وبالمناسبة انا واخواتي لينا اخوان بالرضاعة ( عمرو وعلاء ) كانت ماما مرضعاهم لان امهم كانت بتشتغل وبتتركهم عند حماتها اللى هي جارتنا .....وكل ماالواد يجوع ماما تنزل ترضعه.....وكانت وقتها بترضع اختي الصغيرة ....وكانت ماما دايما تقولي ان دول اخوانكم في الرضاعة علشان لو جرى لها حاجة انا اتذكر الموضوع

بس الحمد لله ماحصلش حاجة واختي اتجوزت واحد من منطقة تانية خالص

sunsun_micro

12-12-2006, 19:14

اخبارك ايه يا سنسن ....انت لسه مصححة

انا عارفة هيجي لك الطلق وانت قاعدة على النت ....

مش عاوزاني اكون حمة بنتك

سبحان الله

مش يمكن الدنيا تلف وتكون في قرعة حسام بجد

انا مؤمنة ان كل شئ في الدنيا قسمة من عند رب العالمين

مش فيه اخوات بالرضاعة بيتجوزا في يوم من الايام هههههههههههههههههههه ويخلفوا وبعدين يكتشفوا انهم اخوات

انا الحمد لله لا رضعت حد ولا عيالي رضعوا من حد

وبالمناسبة انا واخواتي لينا اخوان بالرضاعة ( عمرو وعلاء ) كانت ماما مرضعاهم لان امهم كانت بتشتغل وبتتركهم عند حماتها اللى هي جارتنا .....وكل ماالواد يجوع ماما تنزل ترضعه.....وكانت وقتها بترضع اختي الصغيرة ....وكانت ماما دايما تقولي ان دول اخوانكم في الرضاعة علشان لو جرى لها حاجة انا اتذكر الموضوع

بس الحمد لله ماحصلش حاجة واختي اتجوزت واحد من منطقة تانية خالص

:hahaha: والله شكلها كده بس مش بقعد كتير علي النت لاني ظهري مش بيستحمل والمفروض اريح علي السرير وانام علي جنبي لان عندي مضاعافات قولون عصبي مش عايزه افسر اكتر من كده :hahaha: وبعديين مين عارف صح ممكن بيتقابلو في يوم ويتجوزوا !!! لا والله مين قال كده سيادتك يشرفني تكوني حماه بنتي طبعا ورنونا بردوه :)
انا ماما مرضعتش حد غيري انا واخواتي الاتنين ومخلتش حد فيهم يرضع من حد وبيني وبينك ماما من الاخر مرضعتش حد غيري لانهم رضعوا شويه وكملوها فورميله بس انا اللي خلصت اللبن كله:hahaha: ههههه لاني رضعت طبيعي 3 سنين هههههه

اوزوريس

12-12-2006, 20:50

تلات سنين يا مفترية بترضعي من مامتك

بكرة ايزابيلا تاخد بحق ممامتك وترضع منك اربع سنين

losha_2004

12-12-2006, 21:06

السلام عليكم ورحمة الله وبركاته
حسيت روحي كيف هلال العيد

sunsun_micro

12-12-2006, 21:18

تلات سنين يا مفترية بترضعي من مامتك

بكرة ايزابيلا تاخد بحق ممامتك وترضع منك اربع سنين

بهزر يا شيخه هوه حرام يعني اهزر:hahaha: بس يا رب ترضع طبيعي هي الاول وانا اقدر :hahaha:

losha_2004

12-12-2006, 21:21

سلام الى امريكا

sunsun_micro

12-12-2006, 21:24

:hahaha: السلام عليكم ورحمة الله وبركاته
حسيت روحي كيف هلال العيد
وعليكم السلام ورحمه الله فينك؟ وينك وين وين وين وين وينك وين ؟:hahaha:

هلال العيد؟؟ صحيح!!! امم يا الله ما بقدر اصوم العشر ايام بتوع ذي الحجه ؟ لاني ممكن اولد في اي وقت بس ان شاء الله اللي بقدر اصومه هصومه قبل الولاده !!!

كل سنه وانتم كلكم بخير ان شاء الله !!!!!!!!!!!!1

sunsun_micro

12-12-2006, 21:26

سلام الى امريكا

سلام لفرنسا بونوو نوييه مادام !!! كومان سا فا ؟ كوما t لي فوه؟:hahaha:

losha_2004

12-12-2006, 21:30

سافا مرسي
شنو اخبار الحمل معاك

sunsun_micro

12-12-2006, 21:32

سافا مرسي
شنو اخبار الحمل معاك

سافا بيا او سافا بيان ميغسي !!! الحمد لله سافا بيان ميغسي :hahaha:

losha_2004

12-12-2006, 21:32

شكلك خلاص على وشك
رشنو هو شعورك الان ؟

losha_2004

12-12-2006, 21:36

على فكرة لي 5 شهور جيبه بابي
وبعملية قيصرية

losha_2004

12-12-2006, 21:38

اصعب شئ في الحمل وهو وقت الانتظار

losha_2004

12-12-2006, 21:43

وينك جبتي ولا اي