بنات مصر في الغربه [الارشيف] - صفحة رقم 18

spanishflower

10-12-2006, 13:45

بناااااااااااااااااااااااااااا اااااااااااااااااااااااااااااا اااااات
احد احد
قصيت شعري النهاااااااااااااااااااااااااا ارده
مش مصدقه ان زوجي العزيز اخيرا وافق اني اتنازل عن شعري الطويل بس الحمد لله معنوياتي اترفعت شويتين تلاته
عملت القصه دي و طلعت تحفه صغرتني بتاع 31 سنه :) بس لونه لسه اسود
دي اللي مش عايز يتنازل فيها ابدااا
http://i119.photobucket.com/albums/o132/ranoma/haircut4.jpg

أم أكرم ومريم

10-12-2006, 13:46

شيرين
من ساعة ما شربتي الموغات وانتي اتغيرتي من نحيتي...بقيتي متكبره ومناخيرك ف السما
ماشي بكره اعمل دماغ منقوع صرم وموث ها اديكي ثفطه

أم أكرم ومريم

10-12-2006, 13:52

بنت مصر
اغنية العنب دي مؤلفها بتاع سمك[بجد والله]
اما الكلمات لوقلتها حيقفل الملف وبوليس الاداب حيشمع الملف بشمع الاحمر

أم أكرم ومريم

10-12-2006, 13:58

ام منه
وحشانا...ماقولتيش حتكوني ف مصر في الصيف ولا ظروفك ايه؟؟؟
اما من ناحية الانترنت ففعلا من ساعة الملف ده انا بقعد قدامه طول النهار...اقوم من النوم الصبح
اطس وشي بشوية ميه والزق ف الكرسي

أم أكرم ومريم

10-12-2006, 14:00

لوشا
باين عليكي هجاصه ومالكيش ف الطبخ ومقضياها نواشف اتكشفت يا حلو

أم أكرم ومريم

10-12-2006, 14:04

ام عصمت
اخبار البنت ايه؟؟؟يارب تكون الحراره نزلت وبعدين انا قلتلك اني من يوم ما عرفت شلة الانس دي
حالي وقف ...طبعا انت حتخلصي الشال اسرع ،لما يخلص فرجينا عليه

أم أكرم ومريم

10-12-2006, 14:07

سبانش
مبروك القصه...صغرتك 31 سنه يعني انت دلوقتي 50 سنه
برضه انا لسه اظغننن واحده ف الملف

أم أكرم ومريم

10-12-2006, 14:09

سما سحاب
اقطع دراعي انك قاعده ف سوق خضار مانجه ولب وقصب...طب هاتي زعزوعه يا بخيله

مدام شيرين_ام ادهم

10-12-2006, 14:23

سبانوشااااااا

لولولولىىىىىىىىىىىىىىىىىىىىىى

الف مبروك وعقبالللللللى يارب

جوزى مش راضى ابدااااااااااااااااااااا انى اقص شعرى

اقول له يعنى عاجباك الليفه دى 00يقولى عاجبانى انتى مالك 00خليها يمكن تنفعه يغسل بيها المواعين بعد كده 00ده حتى قص الطروف بيزعل منه

ام كرمرم باااااشا

مناخير ايه بس اللى فى السمااا 00ياسعاده البيه 00ده انا غلباااااااااان
وفكرتينى والله اقوم اعملى كبايه
بس ياخوفى يابدران 00البتاعه دى تولدنى من كتر شربها ولا حاجه

ام عصمت
سلامه بنتك الف سلامه

انا كمان ادهم 00والله الكحه مبهدلاه00الولد صدره اتهرى والله 00ومناخيره مسحسحه على طول

ام منه

ربنا يديم عليكم المحبه يارب 00

انا علاقتى بيهم بصراحه لو اتكلمت فيها هفتح ملف لوحدى 00لانها علاقه كلها ورد وشوك فى نفس الوقت
بس يكفى انى اقول الفتره اللى فاتت لما نفسيتى تعبت كانت بسببهم 00والفتق ده جالى من شده معدتى وتعبى الفتره دى 00بس يلاااا كله لوجه الله تعالى

وعلى فكره فكرونى بالليل احكى لكم على حدوته قبل النوم

اصل وانا قاعده دلوقت افتكرتها معرفش ليه 00بس خدوا بالكم فيها رعب وعفاريت والله

وانا مش مسؤووله

أم أكرم ومريم

10-12-2006, 14:26

شيري
سلامت ادهم اوعي يكون اخد العدوى من ابن جارتك

مدام شيرين_ام ادهم

10-12-2006, 14:30

الله يسلمك يا ام اكروما ياقمررر

لا ابن جارتى كويس مافيهوش حاجه

يمكن اخدها منى انا لانى تعبانه من البرد 00بس والله مابينام طول الليل بسبب الكحه ياحبيبى

spanishflower

10-12-2006, 15:10

[quote=مدام شيرين_ام ادهم]سبانوشااااااا

لولولولىىىىىىىىىىىىىىىىىىىىىى

الف مبروك وعقبالللللللى يارب

جوزى مش راضى ابدااااااااااااااااااااا انى اقص شعرى

اقول له يعنى عاجباك الليفه دى 00يقولى عاجبانى انتى مالك 00خليها يمكن تنفعه يغسل بيها المواعين بعد كده 00ده حتى قص الطروف بيزعل منه

ميرسي يا شيري و ام اكرم عقبالكم:) بس فعلا مش معقول حكايه الحب للشعر الطويل ده
ممكن كان عادي قبل الحمل و الولاده و الولاد و طلباتهم طيب يعني افضل فرداه و انا باشتغل في البيت
كده الذ بصراحه باشيل القصه بتوكه تيك توك ساعه ما اكون باشتغل في البيت و خلاص
سلام يا قمرات

ranuna

10-12-2006, 16:43

صباااااح الخير علي البنات الحلوين
سبانيش :مبروك عالقصه,بس مين اللي قصلك شعرك؟
شيرين:الف سلامه علي ادهم وعليكي بالسوائل الدافيه وعسل النحل والليموناده
ام اكرم:بموت في طريقه كلامك بتفكرني بعبله كامل
ام منه:انا موت علي نفسي من الضحك [عايزه تعمل فساه]جوزي بيقوللي فيه ايه؟قولتلو وهو كمان اعد يضحك:hahaha:
اشطر واحده:عامله ايه دلوقتي؟الامور صفيت ولا لسه؟؟
بنت مصر:مش معبراااني خاالص:(
اوزا:ياااارب يهديلك جوزك يااارب:arb:
سما سحاب:ازيك عامله ايه يا ستي يالا خليهم 4:22:

ranuna

10-12-2006, 16:47

بصوا بالنسبه لعلاقتي مع اهل جوزي الحمد لله كويسه
هيه ست طيبه اوي وانا بعاملها بما يرضي الله واخت جوزي برضه مع اننا اوقات نتخانق زي الخوات
بس الحمد لله الامور كويسه
وبعدين احنا بنشوفهم كل فين وفين فمش معقول لما ننزل مصر او هما ييجوا يحصل مشاكل

اشطر واحدة

10-12-2006, 16:54

انا جيت نورت الصفحة

مساءو منجة

مجوود هى العنب العنب دى ابيحة ؟؟ طب لية ؟ ماهى قشطة اهه مفيهاش حاجة
الواد منوز ابنى بيحبها اوى

سبانيش حلوة اوى القصة و اللون بتاعها كمان تحفة

شيرين انا كمان ابنى متبعزق من الكحة و كمان و الله بيصحى بالليل ياحرام و مش راضى ابدا ياخد الدوا بصراحة معاة حق ماهو طعمو زبالة هم العالم دول مش فاهمين ان دى ادوية اطفال و لازم يبقى طعمها حلو !!

انا حاسة ان من ساعة الملف دة ما اتفتح و احنا عيالنا ماشيين ف البيت (مبربرين) و لابسين من فوق بس و من غير بامبرز و البيت يضرب يقلب و احنا جالنا هبل من القعدة عالنت

طمنينا على بنتك يا ام عصمت
بنت مصر سلامات طيبون

مدام شيرين_ام ادهم

10-12-2006, 17:03

رنووووووون

الله يسلمك ياعسل 00الواد عينه احولت من كتر الكحه :icon32: 00ربنا يستر

شطووره

هما عيالنا جالهم الهابولا من شويه 00ماهو من العنب والمانجه والبلح وشويه شويه هتطلع اغنيه الكاكا :hahaha:

يعنى محدش سالتنى ع الحدوته بتاعه قبل النوم:22:
بس لازم تطفوا النور وتولعوا شمعه وتغطوا ودانكم(اصلها اول حاجه العفاريت بتمد ايدها عليها):lechz: :lechz: ىة

اشطر واحدة

10-12-2006, 17:20

اية موضوع الحدوتة دة
شكلك مرقدة على مصيبة
ياللا قوولى

مدام شيرين_ام ادهم

10-12-2006, 17:58

هقول بس لما تيجوا كلكم عشان اللمه تحلى

والله مفيش حاجه ده موضوع كان بيحصل وانا صغيره وافتكرته النهارده 00فقلت اخوفكم شويه

bintmisr

10-12-2006, 18:40

بنت مصر
اغنية العنب دي مؤلفها بتاع سمك[بجد والله]
اما الكلمات لوقلتها حيقفل الملف وبوليس الاداب حيشمع الملف بشمع الاحمر
يا لهوى يا ام كوكو بجد ايه الفن والعظمة ديه بتاع سمك :hahaha:
اكيد الكلمات طالعة ريحتها وحشة :09: وما يعلم بيها الا ربنا
بس قوليلى هى نازلة فى الشرايط ولا كمان تزليفيون

مدام شيرين_ام ادهم

10-12-2006, 18:42

هااااااااا يا رجاله

احكىىىىىىى ولا ايييه؟؟؟؟؟؟؟؟؟؟؟

bintmisr

10-12-2006, 18:45

احكى احكى يا شهرزااااااااااااد

مدام شيرين_ام ادهم

10-12-2006, 18:49

ماشى يابنوته

بما انك انتى اللى معايا 00هحكيلك ماشى

استنينى

مدام شيرين_ام ادهم

10-12-2006, 18:51

بصوا يا بنوتات يا حلوات

كان ياما كان ياسعد يافتكات

انه انا وانا صغيره كنت عايشه فى ليبيا
وكنا ساكنين فى شقه جميله 00وكنا ساكنين فى الدور الاول 00وتحتنا على طول مستودع كبييييير بتاع انابيب

المهم انا كنت بنام فى سرير لوحدى 00وكان عندى ييجى 5 سنين
وسرير ماما وبابا قدامى
وبعد مانطفى النور000ان ان ان آآآآآآآآآآآآآآآآآآآآآآآن
الاقى من جنب الدولاب نور احمر يقيد
وبعدين الاقى بسم الله الرحمن الرحيم عفاريت 00ماشيه طابور ورا بعض 00وبتزق البتاع ده اللى ب 3 عجلات اللى بيشيلوا فيه اسمنت وطوب 00عارفينه

وطبعا اختكم تعملها على نفسها من الخوف 00
وكل مره يعدوا من غير مايبصوا على سريرى 00ويعدوا من الباب وهو مقفول00
لكن فى مره من المرات 00تن تن تن تااااااااااااااااااااااااااااا ان
واحد منهم اتدير وبص عليا
وطبعا انا الرعاش اشتغل
ومن الخوف حاولت انادى على ماما وبابا بس صوتى انحاش ومش راضى يطلع ابدا
وفضل يقرب

يقرب

يقرب

وبعدين فضل يعكرش فيا واولهم ودانى خخخخخ00بس مجرد ماغطيت ودانى مشى وطلع برضه من الباب وهو مقفول

وفى مره تانيه
كانت ماما عند جارتنا الصبح
وانا بفتح عينى 00لقيت حاجه غريبه قاعده على سرير ماما

بس بتضحك ومابتتحركش

وقالتلى كلمه واحده بس
نفسك فى ايه؟؟؟؟؟؟؟؟

اختكم طبعا عندها 5 سنين 00تفتكروا هتطلب ايييييييه
انا قلت نفسى فى تفاح وشوكلاته وكيكه
وكل مااطلب حاجه التانيه تهز راسها 00وراحت قايمه ونازله تحت السرير بتاعى ومطلعتش تانى
عفريت هجاااااااااص

بس على فكره كل الكلام ده والله العظيم حصل مش هزار 00انا كنت بشوفهم بجد

المهم يا حلوين

فى ليله روقان

مدام شيرين_ام ادهم

10-12-2006, 18:52

وماما وبابا قاعدين فى القوضه يلعبوا كوتشينه 00وانا واقفه فى البلكونه اغنى ام كلثوم واطلع اقول لهم صوتى حلو
والحقيقه ماكانوش بيعبرونى ويردوا عليااا

وفى لحظه لقيت بابا ساحبنى من البلكونه

وماما بتصرخ وفى اقل من ثانيه 00كانت الشقه مولعه ناااااااااااااااااااااار
لقيت الستاير والسرير وكل حاجه مولعه
بابا زقنى انا وماما بره الشقه 00ودخل تانى يجيب الجوازات والورق بتاعنا

وماما راحت خبطت على جارتنا لان الست كانت لسه والده00ونايمه 00وفى الناحيه التانيه من العماره فلسه مش حاسه بحاجه 00والحريقه واخده العماره كلها عاطل مع باطل والنار بدات تطلع من الشبابيك

ماما خادتنى ونزلت وفضلنا نجرى فى الشارع 00لان الموضوع اصلا كان واحد فى المستودع بيولع سيجاره جنب الانابيب وكان فيه عربيه لسه جايه بتنزل الانابيب
فكلهم انفجروا
وشكلهم فى الشارع كان زى الصواريخ
والشرطه اخلت حوالى 3 شوارع جنبنا 00لان الانبوبه بتطير وتنزل فى اى حته زى القنبله

بس سبحان الله الشقه الجديده مكنش فيها اى حاجه

وزى ماتكون الحريقه دى هربت العفاريت اللى كانوا ساكنين الشقه

وتصدقوا ان انا فاكره الحاجات دى زى ماتكون امبارح

ايييييييييييييييييييييه00انتوا رحتوااااااااا فين

ودى كانت حدوته النهارده يا حلوين 00يلا اشربوا الحليب واغسلوا رجليكم كويس وادخلوا ناموا 00واحلموا كويس

اشطر واحدة

10-12-2006, 19:10

اية يا شرشورة

حصلنا الرعب

انا مش عايزة اتفتح ف المواضيع دى عشان الحاجلت دى بتيجى عالسيرة

يجعل كلامنا خفيف عليهم

مدام شيرين_ام ادهم

10-12-2006, 19:12

لا يا شطووووووره ماتخافيش

احكى

هما كويسين وزى الفل 00

bintmisr

10-12-2006, 19:19

يا ماماااااااااااااا
انتى بجد بجد كنتى بتشوفى ولا ديه تهيؤاااااااااااااات عيال صغيرة واننتى عارفة لما الغطا بينزاح التهيؤات بتزيد
عموما انا باترعب من الحاجات ديه بس برضه حشرية :)

طيب قوليلى لما عزلتوا كانت الشقة بعيييييييييد عن المكان ده ؟

losha_2004

10-12-2006, 19:45

اي الكلام والقصة دي حقيقة ولا خيال ؟

losha_2004

10-12-2006, 19:47

خوفت الناس من ليبيا

مدام شيرين_ام ادهم

10-12-2006, 19:47

bintmisr

10-12-2006, 19:50

ازيك يا لوشا ايه الاخبار
مش عارفة انتى فيييييييييييييين يا شيرين ما تفتحيش الباب:)احسن يطلع لك

تن تن تن تن آهووووووووووووووو

جارتك هاهاها
قعدى كملى الحكايات كلها

مدام شيرين_ام ادهم

10-12-2006, 19:52

اي الكلام والقصة دي حقيقة ولا خيال ؟

والله يا لوشااااااا انا حلفت بالله انها حصلت

هو فيه ايه 00محدش غيرى طلع له عفاريت ولا ايه:22:

وبعدين الحاجات دى موجوده فى كل مكان وكل بلد وكل بيت مش بس ليبيا

وسمعت مره واحد شيخ بيقول انها موجوده فى كل بيت وفى منها الصالح ومنها العاصى

وكان بيقول ساعات وانتى نايمه واذان الفجر بياذن تلاقى كان حاجه بتصحيكى عشان تقومى تصلى00وده الصالح منهم 00وطبعا الله اعلم

bintmisr

10-12-2006, 19:56

بصى يا شيرين مشلوشا من ليبيا قوليلها فين المكان ده يمكن نرعبها وتبطل تروح هناك

اسكتى انا لازم اتغطى كويس النهارده صحيح دفا اكتر من امبارح بس برضه بررررررد الحرارة 33 اى صفررررررررر

bintmisr

10-12-2006, 20:05

على فكرة انا سمعت صوت عفريت زمان كنت فى بيت جدتى وكانت بيت خاص وصغيلر مش عالى وكان جنبها عمارة حوالى 4 ادوار ومن فوق سطحها واحدة وقعت فى الطرف اللى جنب البيت وكان ليلا وكان فى شك انها قتلت المهم مش فاكرة الاحداث بس لما كنا نروح عند جدتى نبات كنا نسمع صووت انين وآلم ولما كنا نسأل كانوا بيقولوا واحدة تعبانة ولما كبرنا عرفنا انها الست اللى وقعت وان كل يوم الناس كلها بتسمعها :(

يا الهى ابنى فتح الباب اتنفضت من مكانى :(

مدام شيرين_ام ادهم

10-12-2006, 20:05

والله يا اختى لو كنت فاكره كنت حددت

بس كنت صغيره اوى 00

losha_2004

10-12-2006, 20:17

سلامات يا خوات بدا الخوف معايا اي الكلام ده

losha_2004

10-12-2006, 20:19

شكلي مش حانام اليوم

losha_2004

10-12-2006, 20:23

شنو اخباركم اليوم ؟
لم سمعت الكلام والقصص نسيت اسأل عليكم

ايمان بفضل الله

10-12-2006, 20:37

salam alykum ya banat wa7shtony awi
I installed a new windows version doesnt support arabic does anyone know how to add arabic to my windows
??

اشطر واحدة

10-12-2006, 21:22

ازيك يا اموون
و الف سلامة عليك يا جميل

مجود انتى فين ؟ و الله قلقتينى

sama_sehab

10-12-2006, 21:23

حسبي الله عليكي يا مدام شيرين انا فعلا في ليبيا وفي صحراء ليبيا والدنيا اصلا ساكته لوحدها اعمل فيكي ايه الوقتي ماااااااااشي مااااااشي

اوزوريس

10-12-2006, 21:55

(1)

أنت ليه مش بتمسك إيدي وإحنا ماشيين في الشارع؟

- لأ بلاش...افرضي حد من قرايبك شافنا؟ والا حد من أصحاب أخوكي في الكليه؟
ان شاء الله يا حبيبتي بكره نتخطب امسك إيديكي ادام الدنيا كلها.

(2)

أنت ليه مش بتمسك إيدي وإحنا ماشيين في الشارع؟

- علشان مش عاوز حد يفتكر إننا علشان اتخطبنا هنصيع بقى ونعيش
حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي
حبيبتي في الحلال.

(3)

أنت ليه مش بتمسك إيدي وإحنا ماشيين في الشارع؟

يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين
متجوزين ومحترمين وعندنا بيت نعمل فيه اللي عاوزين نعمله.

(4)

أنت ليه مش بتمسك إيدي وإحنا ماشيين في الشارع؟

- يعني امسك إيدك والا امسك إيد البنت والا اشيل الأكياس دي كلها؟

(5)

أنت ليه مش بتمسك إيدي وإحنا ماشيين في الشارع؟

- إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا
وخرفنا؟

اوزوريس

10-12-2006, 22:01

salam alykum ya banat wa7shtony awi
I installed a new windows version doesnt support arabic does anyone know how to add arabic to my windows
??

افتحي sitting وبعدين control panel وبعدين regional and languages هيطلع لك صفحة فيها ثلاث اختيارات فوق ...اختاري languages هيطلع لك صفحة فيها details دوسي عليها وبعدين اختاري setting هيطلع لك شريط مكتوب فيه english وامامه united staes افتحيه واختاري اللغة العربية وبعدها دوسي add هتلاقي input language اختاري منها اللغة العربية وبعدين اعملي ok

وبعدها اغلقي كل الصفحات وعلى البار تحت هيكون عندك اختيارين الانجليزي والعربي من الايقونة بتاعة اللغة

نورةالدوحة

10-12-2006, 22:13

اوزوريس

10-12-2006, 23:29

يا بنات الوردة الفريدة غايبة من مدة

وام اكرم اختفت اليومين دول ؟؟؟

باين علينا اخدنا عين واتحسدنا

الله اكبر

بكرة بجيب البخور وابخر الملف

bintmisr

11-12-2006, 02:35

حسبي الله عليكي يا مدام شيرين انا فعلا في ليبيا وفي صحراء ليبيا والدنيا اصلا ساكته لوحدها اعمل فيكي ايه الوقتي ماااااااااشي مااااااشي

وانت ايه بس اللى رماكى فى صحراء ليبيا هى ناقصة رعب :22:
وبعدين متخافيش شيرين كانت عند انابيب الغاز مش البترول

ranuna

11-12-2006, 02:41

عايزه اقوووووول كلمه واحده عالسريع
كل اللي شافته مدام شيرين حقيييييييييييييييقيييييييييييي ييييييييي
مش خيااااااااااااااااااااااا ااال
وبكره اقولكوا ليه

واشوفكوا بكره لأني هاموت من التعب وضهري مموتني

bintmisr

11-12-2006, 02:42

يا زوزو ده مش حسد دول خافوا من العفاريت بتاعت شيرين

ايمان حمدالله على سلامتك وحشتينا

سنسن بجد الملف كله ضلم من غيرك باحس انك عاملة ونس
للجميع ربنا يقومك بالسلامة يا جميلة

اوزوريس

11-12-2006, 06:10

يا زوزو ده مش حسد دول خافوا من العفاريت بتاعت شيرين

ايمان حمدالله على سلامتك وحشتينا

سنسن بجد الملف كله ضلم من غيرك باحس انك عاملة ونس
للجميع ربنا يقومك بالسلامة يا جميلة

اكيد سنسن فقست طالما مش باينة لانها كانت على وشك

ربنا معاها هي وكل الحوامل

انا صديقتي في مصر كانت حامل يتوأم

وجابت سارة وهاجر

وكان عندها مريم

وماشاء الله أحمد وسيف

واكبرهم احمد ثالث ابتدائي وهي عمرها 28سنة

ايمان بفضل الله

11-12-2006, 08:06

ازيكو يا بنات الف شكر اوزوريس :)
الله يسلمك اشكر واحدة و بنت مصر
ابدا انا كويسة الحمد لله كنت بقرأ يومياتكم بس الويندوز عندى ضربت و نزلت ويندوز تانية و مفيش فيها عربى بس دلوقتى اكتشفت انه كان مجرد تظبيط:42:

اوزوريس

11-12-2006, 08:34

حمد الله على السلامة ايمان

اخبارك ايه ؟؟

ورينا نشاطك اللى افتقدناه من فترة

وماتلعبيش في الكمبيوتر تاني

اوزوريس

11-12-2006, 08:34

ام اكرم

اظهر وبان عليك الامان

اوزوريس

11-12-2006, 08:35

يا بنات يا متزوجات شوفوا الرابط ده يمكن ينفع

http://forum.hawaaworld.com/showthread.php?t=736220

اوزوريس

11-12-2006, 09:02

ام منه

فينك يا ستو ؟؟ انت كمان مختفية

سما وسحاب

كنتي داخلة ما شاء الله طاقتك بقوة 30 حصان

ايه الحكاية .....أكلتي سد الحنك ؟؟؟

اوزوريس

11-12-2006, 09:04

وسلامي للجميع نفراية نفراية

spanishflower

11-12-2006, 09:58

صباح العفاريت علي الصبح
هو انا نااااااااااااااااااااقصه
بقولكوا جوزي مسافر و انا هاقعد لوحدي عند العفارييت اليابانيين
ماشي يا ست شيرين
يا مامااااااااااااااااااااااااااا ااااااااااااااااااااا

أم أكرم ومريم

11-12-2006, 12:00

صباح الخير يا كل المبشورين [جمع بشر]
انا ما اختفتش اخر مره كنت معاكم الاحد الصبح رغم انه الويك اند بتاعنا[سبت وحد]
ما صدقت اب اكرم راح يتفرج على ماتش الاهلي قولتله خد العيال معاك[عشان اتفرغ لكم]
وباليل كانت الدنيا تلج حضرت لهم كل حاجه ودخلت تحت البطاطين لغاية الصبح
ويادوب لسه ماشين على المدارس وانا بافطر قدام النت

أم أكرم ومريم

11-12-2006, 12:02

شطوره
بتيجي عندك قناه ليبرا؟؟؟كنت حتعرفي كلمات الاغنيه الاصليه اللي كانت على الكاست

أم أكرم ومريم

11-12-2006, 12:11

شيرين
اخبار ادهم ايه؟؟؟ياختي اللي مافي عفريت عايز يعبرني يظهر بيخافو مني
الناس يطلعلها عفاريت وانا يجو لحد عندي ويفرملو تقلش حيطسو ف حيطه

أم أكرم ومريم

11-12-2006, 12:13

اوزه فينك يا جارتنا وحشتينا

أم أكرم ومريم

11-12-2006, 12:15

سما سحاب
مالك ملبده بعد ماكنتي منهمره....اشتي ياله

كنزي1

11-12-2006, 12:18

صباح الخير عليكو

عاملين اية ازيكم وحشتوني هلف لفة كدة علي السريع وارجع لكم

أم أكرم ومريم

11-12-2006, 12:19

رنونه
كنت راسمه لك شكل ف خيالي......بنت صغننونه...روشه.....شعر دهبي ...ميكروجيب
بس لما قلتي انك لابسه النقاب ح اتجنن واشوفك

اشطر واحدة

11-12-2006, 12:22

مجوودة انا معنديش القناة دى و بعدين انا دلوقت الفضول حيموتنى عشان اعرف الموضوع من طأطأ للسلام امانة

أم أكرم ومريم

11-12-2006, 12:23

سنسن
اتبسطي في الويك اند؟؟؟؟؟الملف كان ماسخ من غيرك...احنا من غيرك ولاحاجه وناقصنا كام مليون
حاجه

اشطر واحدة

11-12-2006, 12:25

و انا و انا و انا
متخيلانى ازاى!!

أم أكرم ومريم

11-12-2006, 12:26

شطوره
القناه دي على النايل سات حاكتب لك التردد بتاعها كام ودخليها....قناه حلوه وبتجيب مسرحيات جديده

أم أكرم ومريم

11-12-2006, 12:27

متخيلاكي يا شطوره زي معظم خريجات الاثار...عايزين متحف يتحطو فيه

اشطر واحدة

11-12-2006, 12:28

يا ازووز
مفيش فايدة يا اوختى وفرى تعبك
كل شوية تحطيلنا رابط و انا بجيبلك م الاخر مفيييييييييييييييش فايدة

أم أكرم ومريم

11-12-2006, 12:29

شطوره
انا دخلت القسم ده كان متهيألي ان كل ما اكبر ف السن وابقى اثريه اكتر جوزي حيقدرني بس طلع العكس

اشطر واحدة

11-12-2006, 12:32

متخيلاكي يا شطوره زي معظم خريجات الاثار...عايزين متحف يتحطو فيه :icon33: :icon33:

انا مش عارفة لية عملت ف نفسى كدة

أم أكرم ومريم

11-12-2006, 12:38

اسيبكم وافتح بعد الضهر الدنيا تلج مش معقول بتشتي من 70 ساعه متواصل
وشكلها كده طالبه شوربة عدس اصفر...باي

اشطر واحدة

11-12-2006, 12:45

الله انا كمان نفسى فى العدس خاصة ان الدنيا بتشتى هنا كمان

spanishflower

11-12-2006, 13:05

:hahaha: شطوره
انا دخلت القسم ده كان متهيألي ان كل ما اكبر ف السن وابقى اثريه اكتر جوزي حيقدرني بس طلع العكس

:hahaha: :42:

sama_sehab

11-12-2006, 13:28

صباح الخييييييييييييير يا سبانش ويا ام اكرم ويا اشطر واحده الا قولي لي يا ختي انتي اتولدتي لقيتي نفسك اشطر واحده ولا اللكب ده منحوههولك بعدين عارفه حد هيتريا ويقول وايه سما سحاب ده ااول حد يطول ده حتى ملان بالمعاني الشعريه والمكرونيه وبمناسبة الشعريه يا ام اكرم بما انك في المغرب ياختي وهم مشهورين بالمطبخ ما تقولي لنا كده كام حاجه ولا مش حافظه غير ترددات القنوات وصباحكم زي الفل انتوا وكل بنات المنتدى

sama_sehab

11-12-2006, 13:29

ربنا يقومك بالسلامه يا سن سن انتي كل الحوانل

اشطر واحدة

11-12-2006, 13:40

مدام شيرين_ام ادهم

11-12-2006, 14:32

انااااااا جييييييييييت بخخخخخخخخخ:booo: :booo: :booo:

تحبوا احكيلكم على الاصوات اللى كانت فى بيت جدتىى زمان 00ولا بلاش احسن اجوازكم يستغربوا من البامبرز اللى رايح جاى :hahaha:

شفتوا رانونا قالت لكم انه حجييييجه مش خيييييال :22:

وايموووو

حمد الله على السلامه 00نورتى ياقمرايه 00:26:

والبت سن سن صحيح مختفيه فين 00يا خراااااشى يا نقرااااشى لا تكون عملتها 00والله شكلها كده

واوزااااااا 00ايه اللى امسك ايدى وماتمسكش صباعى00ماتسيبيه يمسكهاااا يافوووووووزيه
الرجاله اصلهم بيتصلبطوا 00وقبل الجواز مايصدق النور يقطع وبعد الجواز اول ما النور يقطع يجرررررررررررررررى يولع شمعه :ohmy: :ohmy: :ohmy:

شطووووووووره 00وحشتييينى

ام اكروماااااا 00اعملى لاختك ام كرش معاكى طبق شوربه عدس 00خلينى اولد واخلص الله يخليكى

اشطر واحدة

11-12-2006, 15:20

اية يا شرشورة مقضياها افلام رعب لية كدة !!
يا رنووووووون ماتقولى بأة انا مستنية

مدام شيرين_ام ادهم

11-12-2006, 16:17

شطوره شطرطر

عامله ايه

لاااااااا ده حاجه بسيييييييطه خااااااالص لاا رعب ولا حاجه ابداااااااا

قال يعنى انتوا خفتواااا00

ranuna

11-12-2006, 16:38

رنونه
كنت راسمه لك شكل ف خيالي......بنت صغننونه...روشه.....شعر دهبي ...ميكروجيب
بس لما قلتي انك لابسه النقاب ح اتجنن واشوفك

وايه اللي حصل بس لما عرفتي اني منقبه[عفريت] يعني؟:22:
هما يعني المنقبات دول مش بني ادمين بردواولا من كوكب تاني:eek:
يعني البنت اللي في خيالك صح بس انا لون شعري الاساسي اسود بس سابغاه بني وعامله هايلايت اشقر
و سلامتك من الجنان يا ميجو [هو احنا ناقصين]:22:

ranuna

11-12-2006, 16:48

اية يا شرشورة مقضياها افلام رعب لية كدة !!
يا رنووووووون ماتقولى بأة انا مستنية

بصي يا شطوره الحكايه وما فيها وده عن قرائتي للموضوع ده كتييييييير
الأطفال هما اكتر ناس يقدروا يشوفوا الحاجات ديه وطبعا ممكن الكبار بس مش كلهم
وتلاقيهم كمان يجولهوم في الحلم
وفيه منهم الصالح وفيه منهم الفاسد وفيه منهم المسلم والمسيحي واليهودي والبوزي واللي ملهوش مله كمان
وهما مش ممكن ابدا يركبوا واحد عجوز او حد مريض ولكن ممكن نتحصن بسوره البقره ومش فاكره بالظبط الايات دلوقتي
المهم يا جماعه انا قريت عن قصص لا يمكن تتخيلوها وبيعملوا ايه[مش معني كده اننا نخاف منهم]لأ بالعكس ده الجن ضعييف جدا عشان كده يحاولوا يدخلوا في البشر ..........
وبلاش اكمل لحسن اطضرب:22:

اوزوريس

11-12-2006, 16:50

شطوره شطرطر

عامله ايه

لاااااااا ده حاجه بسيييييييطه خااااااالص لاا رعب ولا حاجه ابداااااااا

قال يعنى انتوا خفتواااا00

لا خوفنا ولا حاجة

دحنا نخوف بلد عفاريت بحالها:22:

ده العفريت يشوفنا يجيله اسهال:30:

بس كل ما أتخيل الطابور أحس ان الشقة عندي كلها طوابير:09:

ده نمت جنب العيال امبارح أصل ابوهم في الشغل:hahaha:

spanishflower

11-12-2006, 16:52

هتبطلوا سيره العفاريت دي و لا لاءءءءءءءءءءءءء
يا جدعان الساعه هنا 11 بالليل بس بقي انا اساسا باخاف من خيالي

اوزوريس

11-12-2006, 16:54

وايه اللي حصل بس لما عرفتي اني منقبه[عفريت] يعني؟:22:
هما يعني المنقبات دول مش بني ادمين بردواولا من كوكب تاني:eek:
يعني البنت اللي في خيالك صح بس انا لون شعري الاساسي اسود بس سابغاه بني وعامله هايلايت اشقر
و سلامتك من الجنان يا ميجو [هو احنا ناقصين]:22:

انا عن نفسي متخيلة شكلك يارنووووون

بنت عسولة وزي القمر وعاملة عمايلها في البيت

ايش شورت واشي بادي وشعر ملون والحاجات الدلع دي

بس برة البيت كله يتدارى ويتخبى حتى الوش الجميل

ماشاء الله عليكي:)

الله يبارك فيكي ويبارك في زوجك ويبارك في ذريتكم ان شاء الله:26:

اوزوريس

11-12-2006, 16:54

هتبطلوا سيره العفاريت دي و لا لاءءءءءءءءءءءءء
يا جدعان الساعه هنا 11 بالليل بس بقي انا اساسا باخاف من خيالي

نامي جنب عيالك زي ما عملت امبارح:hahaha:

spanishflower

11-12-2006, 16:55

النهارده في الكليه قالولي مبروك علشان مصر كسبت امبارح
الاهلي حدييييييييد
انا ماليش في الكوره اساسا
متفتحوا موضوع جديد يا بناتيت نتكلم فيه

spanishflower

11-12-2006, 16:56

انا بقي اللي نفس اشوف شكلهن
اوزاااااااااااا و ام اكرم

spanishflower

11-12-2006, 16:58

طيب انا هاخلع انا بقي هاتفرج علي فيلم منزلينه علي الكمبيوتر
سلاااااااااااااام

ranuna

11-12-2006, 17:03

انا عن نفسي متخيلة شكلك يارنووووون

بنت عسولة وزي القمر وعاملة عمايلها في البيت

ايش شورت واشي بادي وشعر ملون والحاجات الدلع دي

بس برة البيت كله يتدارى ويتخبى حتى الوش الجميل

ماشاء الله عليكي:)

الله يبارك فيكي ويبارك في زوجك ويبارك في ذريتكم ان شاء الله:26:
ربنا يخليكي يا اوزا
انتي اللي زي العسل وروحك الجميله اللي بتقول اد ايه انتي شكلك بيقول انك جميله داخليا وخارجيا
ووالله بدعيلك:26:

ranuna

11-12-2006, 17:05

بنات انا ابتديت بجد اقلق عالبت سنسن
لانها مش قاعده عالماسنجر وديه مش عوايدها
يارب تكون بخير
شكل شغل البيت اللي عملته في الويك اند عمل حاجه

مدام شيرين_ام ادهم

11-12-2006, 17:08

آآآآآآآآه يانا ياغلبااااانه يااااانا :icon33: :icon36: :icon36:

محدش عايز يشوفك يابت ياشيرين ياقمررر ياعسل انتى :luvkiss: :luvkiss:

مدام شيرين_ام ادهم

11-12-2006, 17:09

لا يارانونا سن سن كانت ع الماسنجر من شويه
بس ملحقتش اكلمها لانى بكلم مصر

ranuna

11-12-2006, 17:15

آآآآآآآآه يانا ياغلبااااانه يااااانا :icon33: :icon36: :icon36:

محدش عايز يشوفك يابت ياشيرين ياقمررر ياعسل انتى :luvkiss: :luvkiss:
لأه لأه يا بيضه متعيطيش وانا اقدر برضوا علي دموعك يا جميل:kiss2:
عامله ايه يا كوكوفي الحمل والواد ادهم لسه عيان ولا الكحه خفت شويه

مدام شيرين_ام ادهم

11-12-2006, 17:28

والله يارنرونتى يا حبيبتى الحمد لله كويسه وادهموما تمام

انتى اللى عامله ايه ياقمررررر

sunsun_micro

11-12-2006, 18:01

السلام عليكم جميعاااااااااااااااااااااااااا اااااااااااااااااااااااااااااا ااااااااااااا
هرد عليكم دلوقتي واحده واحده ان شاء الله انا كويسه :)

أم أكرم ومريم

11-12-2006, 18:07

رنونه
لا المنقبه مش عفريت ولاحاجه بس مستغربه انك سنك صغير على كده....قليل لما اشوف حد في
العشرينات منقب....بالمناسبه مريم بنتي ماتعرفش تنطق كلمه منقبه بتقول مقببه...السنه اللي فاتت
ف مصر كنا راكبين ترام قالت لي حروح اقعد جنب طنط القببه....انا مت من الضحك والست كانت مستغربه انا باضحك على ايه؟؟وهيه نازله من الترام بصت لي حتة بصه....من تحت النظاره

أم أكرم ومريم

11-12-2006, 18:08

هااااااااطنط سنسن جت
اهلا اهلا بالعيد

أم أكرم ومريم

11-12-2006, 18:12

سنسن
بدون مقدمات....عندك فكره عن التحاليل الطبيه؟؟؟؟يعني دراستك لها علاقه بالموضوع ده
اصلي مزنوقه ف سؤالين....ممكن استغل الصداقه واسأل....انا عشمانه والله مش استغلال

sunsun_micro

11-12-2006, 18:40

سنسن
بدون مقدمات....عندك فكره عن التحاليل الطبيه؟؟؟؟يعني دراستك لها علاقه بالموضوع ده
اصلي مزنوقه ف سؤالين....ممكن استغل الصداقه واسأل....انا عشمانه والله مش استغلال

يا فندم ا اموريني!!!
اسالي يا فندم ولو معرفتش الاجابه عندنا سبانش!!! اسالي انا هوه بس دخلت الحمام وجيت
:hahaha: