بنات مصر في الغربه [الارشيف] - صفحة رقم 11

اشطر واحدة

01-12-2006, 12:07

فتحتى نفسى يا مجووود

النهاردة عاملة محشى كوسة و كرنب و طبعا دة بيتعمل م السنة للسنة
اصلى لقيت الدنيا مغيمة فأقنعت نفسى اننا عندنا شتا و قلت اعمل اكلة شتوية ههههههه
و الف سلامة على واوا صباعو واوا :)

كنزي1

01-12-2006, 12:18

شطوره
كنتي فين امبارح؟؟؟؟
ده احنا عملنا محشي كرنب وما كنتش عارفه الفه من صبعي,كنت بعمله وانا مضروبه 90[دذمه]بالدال
كنت عيزاكي تساعديني فيه

سلامة صوباعك ياجميل

وبعدين بلاش سيرة الكرنب لئني بحبة وريحة السلق بتاعتة بتخليني ارجع
وماما ربنا يخليها كانت هي الي بتسلقة وتقطعة وانا اخدو علي الجاهز
اجيبك منين ياماما دلوقتي

بمناسبة الاكل اعتقد ان الاكل الليبي قريب من الاكل المغربي لئن ماما كانت عايشة هناك فترة وبتعمل بعض الاكلات زي الشوربة اليبي بتكون فيها لسن عصفور ونعناع وقطع لحمة صغيرة قوي وطبعا الكسكسي بالخضار والحمة ودة بقي انا بموت فية
وفي كمان مكرونة بتكون بالقرفة والحمص والحمة بتكون جميلة جدا

مدام شيرين_ام ادهم

01-12-2006, 12:36

صباح الخييييييييير

انا جيت جرى من السرير عليكم

اولا ايمان يا حبيبه قلبى

تخيلى ان انا كمان اختى اسمها ايمان
اوعى تكونى هى 00
خدى بالك انا شايفاكى

وياحلوين اعتقد ان المغات بيبقى حلبه مطحونه 00والله اعلم طبعا
بس اللى عايز طريقته يقولى 00لسه ماما قايلالى عليها

مدام شيرين_ام ادهم

01-12-2006, 12:40

حرام عليكم

بقول لسه قايمه من النوم

الاقى برضه كلام على الاكل00استغفر الله العظيم

اوزا
رحتى فين

كنوزا
عامله ايه دلوقت 00اقابلك فى الملف التانى احسن هنا الناس بتبص علينا

سنسووووونه
خدى بالك من نفسك
انتى خلاص ناويه تعمليها فى الكريسماس برضه

انا ممكن اشوف كده العيد الكبير هيمشى معايا ولا لأ

بس اولد بقى واستريح

دارين عندها الدنيا بمبى خالص دلوقت
ربنا معاها00الله يخليكم ادعولها 00معاها الولاد ولوحدها 00معهاش غيرربنا احسن من الكل00بس حالتها حاله00ربنا معاها يارب

مدام شيرين_ام ادهم

01-12-2006, 13:04

ايمووووووووو

الورده الفريده

انا شايفااكم

سلامااات سلااامات

om mena

01-12-2006, 13:36

ازيكم يا بنات منورين كلكم
شرين باين علي المكرونه بتاعتك لذيذه رحتي للدكتوره انهارده :26:
وسنسن بقيتي كويسه انهارده :26:
اشطر واحده فينك اخبار الشغل ايه :26:
رنا منوره:26:
ايما وكنزي وجولدي وكلكم اخباركم ايه :26:
اسبانيش فينك:26:
انا قلت اجي اريح معاكو شويه:42:

اه يا بنات السجاد تعبني اوي طلعت في دماغي اغسل سجاد الشقه كله
:09: وما شاء الله عندي سجاد كتير وطلع عيني ممكن مساعده يا بنات حد قريب من فنلندا يجي يساعدني ما يكونش حامل لا تزحلق ولا حاجه:22:
واصل جوزي مسافر بس ان شاء الله يجي انهارده بس هيجي يلاقي الشقه ابيض يا ورد بس هو ينزل يجيب السجاد من تحت علشان انا تعبت لمانزلته ولا انتو ايه رأيكم:D
طيب اطبخ انهارده ولا لأ طيب مين الي هتيجي تساعدني معلش يا بنات استحملوني انهارده باين عليا اتجنيت اهه تعبت

om mena

01-12-2006, 13:45

ام اكرم ومريم ازيك وعامله ايه معليش السجاد نساني علي فكره امي هي كمان ام اكرم بس انا للاسف مش مريم انتي دمك زي العسل:42: ويمكن نتقابل انا جمبك في سموحه
الورده الفريده :26: منوره

اشطر واحدة

01-12-2006, 13:46

يا شيرى زعلتينى على دارين و الله
اصل انا عارفة الحوسة دى و مجرباها

معلش يا داردورة ربنا يقويكى و يعينك

ايمان بفضل الله

01-12-2006, 14:24

ازيكم يا بنات منورين كلكم
ايما وكنزي وجولدي وكلكم اخباركم ايه :26:

اه يا بنات السجاد تعبني اوي طلعت في دماغي اغسل سجاد الشقه كله
وما شاء الله عندي سجاد كتير وطلع عيني ممكن مساعده يا بنات حد قريب من فنلندا يجي يساعدني ما يكونش حامل لا تزحلق ولا حاجه
واصل جوزي مسافر بس ان شاء الله يجي انهارده بس هيجي يلاقي الشقه ابيض يا ورد بس هو ينزل يجيب السجاد من تحت علشان انا تعبت لمانزلته ولا انتو ايه رأيكم:D
طيب اطبخ انهارده ولا لأ طيب مين الي هتيجي تساعدني معلش يا بنات استحملوني انهارده باين عليا اتجنيت اهه تعبت

ازيك يا ام منة ربنا يكون فى عونك ليه بس العملة دى! مش ممكن توديهم دراى كلين؟
قو لى لى انتى بتنضفيهم ازاى و انا اجى اساعدك:) انا اصلى مش عارفة الطريقة

ايمان بفضل الله

01-12-2006, 14:37

صباح الخييييييييير

انا جيت جرى من السرير عليكم

اولا ايمان يا حبيبه قلبى

تخيلى ان انا كمان اختى اسمها ايمان
اوعى تكونى هى 00
خدى بالك انا شايفاكى

ايه الصدف السعيدة دى :hahaha:

om mena

01-12-2006, 14:39

ربنا يخليكي يا ايمان وكأنك ساعديني والله
شوفي هنا الدراي كلين والحاجات ديه قليله وغاليه نار يعني السجاده الواحده تكلف عشرين او ثلاثين يورو:eek: وانا عندي ما شاء الله السجاد كتير لان الشقه كبيره يعني هتكلف حوالي 250يورو:rotaeye: ده غير النقل اغسلهم في البيت احسن
وبعدين انا متعوده كل سفريه لجوزي يجي يلاقي حاجه جديده او تغيير في البيت المره ديه قلت خليها تنظيف شامل:42: :22:
وربنا يخليكي لو عايزه اي مساعده اطلبيها وانااجيلك هو انتي فين:22:

sunsun_micro

01-12-2006, 15:47

سنسن
واحده واحده على الراجل وبعد كده حياكل كل حاجه[ابنك على ما تربيه وجوزك على ما تعوديه]
ابو العيال برضه كان انف قوي دلوقت بيطحن كله
بس طمنيني الاول عملتي تحليل ال تكسو بلازم ؟؟؟؟؟؟؟؟؟؟اصل عندك كلب في البيت....صح؟؟

واحده واحده مين بس ده ميجيش الا بالعنف وتكسير الضلوع :hahaha: لا بهزر !!!المشكله انه ماماتوه وباباه معودهوش علي الاكل الصحي !! وطبعا باباه بيقولي دي غلطه عمره انه سابه كده!!! بس الحمد لله بحاول!!!
اما عن التكسوبلازموزيز مش فاكره عملته ولا لاء بس تقريبا معملتوش لان الحمد لله مع ان كان عندي كلاب وقطط وعاصفير في مصر بس مامتي كانت بتحافظ علي نظافه البيت وكان في مكان مخصص ليهم!!! وحتي هنا الكلبه مدربه تدخل الحمام في الجنينه وكمان مش بخليها تعد علي كنب او سرير واول ما يلمس كلبته علي طول اقوله لوسمحت اغسل كلبتك غير هدومك وانا نفس الكلام مطبق عليا !!! بس الحمد لله مش عندي الطفيل ده بس ده مش للكلاب !! ده للقطط والفراخ والعصافير و بينتقل خصوصا لو لمسنا بقصد اوغير قصد البراز بتاع الحيوانات
انا فاضلي اسبوعين اواربعه واولد بس انا 36 اسبوع النهارده و هروح للدكتوره بعد 4 ساعات ونشوف قربت ولا لسه بس انا مرعوبه من النهارده موووت ادع لي اصل كل جسمي متكسر وشد عضلي في بطني بس صاروخ

spanishflower

01-12-2006, 15:52

السلام عليكم يا بنات
ازيكم جميعااااااااااااااااااااا اا
متنسوش سوره الكهف النهارده و الصلاه علي سيدنا محمد صلي الله عليه و سلم
ام اكرم انتي زي السكرررررررررر باضحك علي طريقتك في الكتابه و باحبها موووت
شيرين و سنسن و رنا ربنا معاكم و يهونها عليكم و علي داريين يارب قطعتي قلبي ربنا معاها
موضوع النزول لمصر انا نزلت مره واحده السنه اللي فاتت و كانت شهر واحد و ملحقتش احس باي حاجه اصلا لانها فتره قصيره جدااا و كان في كمان jet lag عند البنات فكانوا يناموا و يصحوا علي مواعيد اليابان يعني نصحي الساعه 2 الفجر لانها هنا الساعه 8 الصبح متخيليين؟؟؟؟
و شويه عند ماما في اسماعيليه و شويه عند طنط في القاهره لقيت الشهر خلص فجاه
مش عارفه هازل امتي تاني بس شكلها كده لحد ما اخلص
يااااااااااااااااااااارب

spanishflower

01-12-2006, 15:54

انا كمان النهارده كان عندي محشي كرنب و بفتيك و سلطه باذنجان بتاعه رواء المختفيه و دمتممممم

sunsun_micro

01-12-2006, 15:57

بنات معلش انا تعبانة شوية ومش قادرة اكمل حتى قراءة الردود سلامي لكل ابنات ومعلش لو هاغيب عنكم شوية بس بجد تعبانة اوي

ادعولي

سلامتك الف سلامه يا فندم ربنا معاكي:26:

sunsun_micro

01-12-2006, 15:59

على فكرة انا قريت ان الاسماك مش ممنوعة على الحامل بالعكس اكل سمك مرتين فى الاسبوع ماعدا الرنجة و الانشوجة يساعد على النمو العقلى للطفل لاحتواءه على الفسفور و مفيد جدا للحامل لاحتواءه على دهون مفيدة .. الفكرة فى الرنجة و الانشوجة انهم مملحين و الملح الكتير غلط على الحامل نضيف للرنجة و الانشوجة الشيبسى و المقرمشات المملحة ..الملح بينفخ الجسم و يعمل مشاكل و تورم..

يا ايمو ممنوع هنا بسبب نسبه الميركري او الزئبق:(

مدام شيرين_ام ادهم

01-12-2006, 16:00

ام مانونا

الله يخليكى رفعتى معنوياتى00ابعت لك طبق
ولسه والله مرحتش
الدكتوره هنا فى المنتدى بتقولى روحى استشيرى طبيب احسن لانها ممكن تكون فتق لا قدر الله
يوم الاتنين عندى ميعاد للسونار باذن الله 00هستنى واروح اتطمن 00يارب استرها 00انا مش ناقصه

وبعدين حرام عليكى00غسيل سجاد ايه بس
ده الواحد بيغسل ايده بعد الاكل بالعافيه00مبيبقاش هاين عليا اغسل نعمه ربنا من ايدى خخخخخ
بس فى الاخر برضه ربنا يقويكى

شطوووووره
آه والله دارين حالتها حاله00وانا كمان هحصلها 00
انا خايفه والله ومرعوووووووبه 00وانا كمان جوزى هيبقى فى شغله الصبح وبعد الضهر
ودارين مفيش معاها حد خالص هنا 00ومتعرفش حد خالص 00ربنا معاها ومعانا يااااارب

spanishflower

01-12-2006, 16:04

ام منه
سجااااااااااااااااااااااا ااد
ليه يا بنتي كده
احنا هنا الشقق كلها مفروشه حاجه اسمها (تاتامي) نوع من اواع الحصير الجامد جداا و بتكون الارضيه نفسها معموله منه

sunsun_micro

01-12-2006, 16:05

صباح الخييييييييير

انا جيت جرى من السرير عليكم

اولا ايمان يا حبيبه قلبى

تخيلى ان انا كمان اختى اسمها ايمان
اوعى تكونى هى 00
خدى بالك انا شايفاكى

وياحلوين اعتقد ان المغات بيبقى حلبه مطحونه 00والله اعلم طبعا
بس اللى عايز طريقته يقولى 00لسه ماما قايلالى عليها

ماشي يعني من الصبح بقول مكونات المغات ايه وسيادتك ساكته ربنا يخليلنا مامتك :26:
ايه المكونات بقي-------------هاه ------ايوه ------مين لا اكتبي احسن عشان نستفيد!!! جزاك الله خيرا اكتبي بقي

sunsun_micro

01-12-2006, 16:07

حرام عليكم

بقول لسه قايمه من النوم

الاقى برضه كلام على الاكل00استغفر الله العظيم

اوزا
رحتى فين

كنوزا
عامله ايه دلوقت 00اقابلك فى الملف التانى احسن هنا الناس بتبص علينا

سنسووووونه
خدى بالك من نفسك
انتى خلاص ناويه تعمليها فى الكريسماس برضه

انا ممكن اشوف كده العيد الكبير هيمشى معايا ولا لأ

بس اولد بقى واستريح

دارين عندها الدنيا بمبى خالص دلوقت
ربنا معاها00الله يخليكم ادعولها 00معاها الولاد ولوحدها 00معهاش غيرربنا احسن من الكل00بس حالتها حاله00ربنا معاها يارب

وانت كمان ياشوشو خلي بالك من نفسك وبعدين المفروض 1يناير بس هما بمزاج اهلهم عايزين قبل كده:hahaha:

مدام شيرين_ام ادهم

01-12-2006, 16:09

سنسوووونه

انتى خلاص قربتى

طمنينا هتعملى ايه عند الدكتوره 00ان شاء الله نلاقيكى قريب انتى والست ايزابيلا 00ربنا يجيبها بالسلامه
الا هما العيال دول ميجوش ومعاهم شنطه هدومهم ليه
يريحونا من الشرا ووجع الدماغ
تخيلى انا لسه لحد دلوقت مجبتش اى حاااااااااجه

سبانووووشاااا

برضه محشى كرنب00انتوا ايه حكايتكم بالظبط
بالف هنا وشفا يااارب

انا النهارده الجمعه فبلعبك فى الاكل يعنى اى هبل والسلام

spanishflower

01-12-2006, 16:13

بنات
شوفوا الموضوع ده عن موضوع المنطقه السودا اللي يتظهر في القدم من الصلاه
انا عندي و مش عارفه اعمل فيها ايه
هاجرب الطريقه دي ان شاء الله
http://forum.hawaaworld.com/showthread.php?t=713360

ranuna

01-12-2006, 16:13

على فكرة انا قريت ان الاسماك مش ممنوعة على الحامل بالعكس اكل سمك مرتين فى الاسبوع ماعدا الرنجة و الانشوجة يساعد على النمو العقلى للطفل لاحتواءه على الفسفور و مفيد جدا للحامل لاحتواءه على دهون مفيدة .. الفكرة فى الرنجة و الانشوجة انهم مملحين و الملح الكتير غلط على الحامل نضيف للرنجة و الانشوجة الشيبسى و المقرمشات المملحة ..الملح بينفخ الجسم و يعمل مشاكل و تورم..

ممنوع اكل الأسماك
ده اللي الدكتورهقالهولي هنا ممكن مره واحده في الأسبوع وممنوع اكل التونه نهاااااااااااااائي ده اللي هي قالتو
بصراحه انا كنت باكل سمك كتير في مصر لما كنت حامل في احمد,وجوزي يقوللي كلي سمك عشان الواد يطلع زكي:42:
بس طلع انه مش كويس

spanishflower

01-12-2006, 16:13

شيرين
الحقي يا بطاطس جهزي شنطتك و شنطه البيبي من دلوقتي

sunsun_micro

01-12-2006, 16:14

[

ازيك يام منه والله انا لسه غسله السجاد بتاع البيت من 3 اسابيع بس يافرخه ما استوت " يافرحه ما تمت خدنها البيت التاني و بقت متربه من سنفره الخشب والحيطان لاننا بنوضب عشان ننقل
انا تعابنه مووت بس بحاول اضحك نفسي شويه وافك معاكم :hahaha: هموت من العياط والتعب

مدام شيرين_ام ادهم

01-12-2006, 16:14

ايه يا ست سن سن فيييييييه ايييييييييه

بالراحه

انا معرفش المكونات بس اعرف الطريقه اخيييييييرا

انتى هتجيبى معلقه سمنه ولما تقدح تحطى عليها معلقه المغات وتقلبيها لحد مالونها يبقى دهبى بسسسسسسس خدى بالك لتتحرق
وماما بتقولى كل معلقه كبيره مغات بيبقى عليها ماجين ميه
وانتى بتقلبى شوفيها كده لو حسيتى انها تقيله زودى شويه ميه وطبعا السكر

لحد مايبقى قوامها مظبوط اطفى عليها واشربيها بالف هنا وشفا
ولو ملقيتيش عليها مكسرات 00انتى ضيفيلها مكسرات 00او سودانى وجوز هند
لكن هى فى الغالب بيبقى عليها مكسراتها

اى خدمه تانيه00متبقيش تزقى بسسسسس خخخ

ranuna

01-12-2006, 16:15

بنات معلش انا تعبانة شوية ومش قادرة اكمل حتى قراءة الردود سلامي لكل ابنات ومعلش لو هاغيب عنكم شوية بس بجد تعبانة اوي

ادعولي

سلامتك يا ورده ألف سلامه عليكي يا حبيبتي:(
طمنينا عليكي:26:

مدام شيرين_ام ادهم

01-12-2006, 16:18

سبانوشااااا

آآآآآه والله الواحد عايزله شلووت يحدفه بره البيت

بس جوزى اليومين دول مشغول ومش عارف يلف وراه

بس ان شاء الله يفضى 00واشبط فيه

وانتى يا بنتى ياللى اسمك سن سن

غسيل سجاد ايه وانتى حامل وتعبانه
ان شاالله عنهم مااتغسلوا

خدى بالك الحاجات دى غلط على البيبى

ranuna

01-12-2006, 16:18

ايييييييييية دة اغيب ليلة ارجع الاقيكو كاتبين 7 صفحات ؟؟ ( اية ياختى البنات الرغايين دول)

الف سلامة عليكى يا وردة و ان شاء الله ترجعيلنا بالسلامة

شوفو يا بنات انا عندى مشكلة بجد انا خايفة البنوتات الحلوين الحوامل اول ما يخلفو منشوفش وشهم و ما يفضلش غير الخناشير اللى زيى هههههههههه
بصراحة حنفتقدكو جدا يا شيرى و سنسون و كنزى و مش خايفة اكون ناسية حد احسن انا الذاكرة بعافية شوية عندى

يا رب تفضلو على اتصال و تفضلو تكلمونا علطول و تطمنونا عليكو

ايمااااااااان انا شكلى حضرب بالفلكة هىءهىء

بالمناسبة مبروك عليكم الصفحة ال100 عقبال الالف و انتو بخير

ورنونه لأه اهيء اهيء اهيء:icon33:

مدام شيرين_ام ادهم

01-12-2006, 16:19

رانووووونا

انا كمان وانا حامل فى ادهم اكلت سمك بهبل

بس الحمد لله مشى الحال

الحمل ده بقى لا سمك ولا غيره

ماشيه كده ببركه ربنا

وانتى كمان الحمل عامل ايه معاكى؟؟؟؟؟؟؟؟

sunsun_micro

01-12-2006, 16:20

سنسوووونه

انتى خلاص قربتى

طمنينا هتعملى ايه عند الدكتوره 00ان شاء الله نلاقيكى قريب انتى والست ايزابيلا 00ربنا يجيبها بالسلامه
الا هما العيال دول ميجوش ومعاهم شنطه هدومهم ليه
يريحونا من الشرا ووجع الدماغ
تخيلى انا لسه لحد دلوقت مجبتش اى حاااااااااجه

سبانووووشاااا

برضه محشى كرنب00انتوا ايه حكايتكم بالظبط
بالف هنا وشفا يااارب

انا النهارده الجمعه فبلعبك فى الاكل يعنى اى هبل والسلام

شكلي كده يا شيري بس 80% من حاجه البيبي جت الحمد لله وحضري شنطتك !! تصدق بالله انا حضرتها قبل السادس باسبوع لاني رحت الطورارئ وقالوا لي ممكم تولدي الاسبوع الجاي فاترعبت وحضرت 90% منها الحمد لله شنطه سفر صغنونه

ranuna

01-12-2006, 16:25

بنات
شوفوا الموضوع ده عن موضوع المنطقه السودا اللي يتظهر في القدم من الصلاه
انا عندي و مش عارفه اعمل فيها ايه
هاجرب الطريقه دي ان شاء الله
http://forum.hawaaworld.com/showthread.php?t=713360

سبانوشه ازيك يا قمر وحشتينا:26:
تصدقي انا كمان عندي برده النطقه الغامقه ديه في الركب ,هي مش غامقه اوي بس اغمق من رجلي
وكنت لسه بفكر ايه حلها,انا هاشوف الرابط اللي انتي حاطاه

sunsun_micro

01-12-2006, 16:29

السلام عليكم يا بنات
ازيكم جميعااااااااااااااااااااااا
متنسوش سوره الكهف النهارده و الصلاه علي سيدنا محمد صلي الله عليه و سلم
ام اكرم انتي زي السكرررررررررر باضحك علي طريقتك في الكتابه و باحبها موووت
شيرين و سنسن و رنا ربنا معاكم و يهونها عليكم و علي داريين يارب قطعتي قلبي ربنا معاها
موضوع النزول لمصر انا نزلت مره واحده السنه اللي فاتت و كانت شهر واحد و ملحقتش احس باي حاجه اصلا لانها فتره قصيره جدااا و كان في كمان jet lag عند البنات فكانوا يناموا و يصحوا علي مواعيد اليابان يعني نصحي الساعه 2 الفجر لانها هنا الساعه 8 الصبح متخيليين؟؟؟؟
و شويه عند ماما في اسماعيليه و شويه عند طنط في القاهره لقيت الشهر خلص فجاه
مش عارفه هازل امتي تاني بس شكلها كده لحد ما اخلص
يااااااااااااااااااااارب

والله كنت لسه هسال عليكي وعلي شطوره واوزوريس عامله ايه؟؟؟
انا المفروض انزل مصر السنه الجايه بس مش هنزل ان شاء الله مش عايزه حرقت دم في الاجازه بس مش جايبه همها :( اروح اعمل عمره احسن انا وهوه والبنت

ranuna

01-12-2006, 16:34

رانووووونا

انا كمان وانا حامل فى ادهم اكلت سمك بهبل

بس الحمد لله مشى الحال

الحمل ده بقى لا سمك ولا غيره

ماشيه كده ببركه ربنا

وانتى كمان الحمل عامل ايه معاكى؟؟؟؟؟؟؟؟

مانا اصلي مش هاهبط غير لما اكل حته رنجه صغيره:22: طفاسه بأه تقولي ايه
انا الوحم دلوقتي بأه يجيلي بالليل قصدي يعني الغممان و اي ريحه اشمها ابقي قرفاااااانه

انا فاكره اول شهر في الحمل كنت نايمه وصحيت من النوم وعماله اتكلم ايه ده ايه الريحه ديه
وجوزي صحي من النوم ومش فاهم حاجه ريحه ايه:blink:
وهي ريحه المعطر اللي في الحمام مش طايقااااااااااااااااهااااااااا اااااااااااااااااا
وعماله اقوله شيلها وبعدين ماحسيتش بنفسي و نمت:hahaha:
طبعا اكيد جوزي قال دي باينها بتحلم:hahaha:

sunsun_micro

01-12-2006, 16:37

ايه يا ست سن سن فيييييييه ايييييييييه

بالراحه

انا معرفش المكونات بس اعرف الطريقه اخيييييييرا

انتى هتجيبى معلقه سمنه ولما تقدح تحطى عليها معلقه المغات وتقلبيها لحد مالونها يبقى دهبى بسسسسسسس خدى بالك لتتحرق
وماما بتقولى كل معلقه كبيره مغات بيبقى عليها ماجين ميه
وانتى بتقلبى شوفيها كده لو حسيتى انها تقيله زودى شويه ميه وطبعا السكر

لحد مايبقى قوامها مظبوط اطفى عليها واشربيها بالف هنا وشفا
ولو ملقيتيش عليها مكسرات 00انتى ضيفيلها مكسرات 00او سودانى وجوز هند
لكن هى فى الغالب بيبقى عليها مكسراتها

اى خدمه تانيه00متبقيش تزقى بسسسسس خخخ

ماشي يا شيري ربنا يخليكي يا فندم انا قصدي المكونات نفسها بس مش مشكله خلاص مش لازم مغات!!!
تصدقي انا مشربتش مغات غير مره واحده في حياتي من سنتين بس وكانت 4/1كوبايه :)

spanishflower

01-12-2006, 16:49

البنوتات الحوامل
المغات بيتخن موووت
لو علي موضوع اكثار اللبن السوائل و اي حاجه لونها اخضر ملوخيه جرجير

أم أكرم ومريم

01-12-2006, 17:31

سنسن
طمنتيني عليكي.......الحمد لله طمنتيني عليكي.
واشكرك من عميك كلبي على المعلومات الطبيه...انا كنت فاكره انه بيجي[المرض]من شعر الحيوان
معلش اصلي كنت ادبي وثقافتي ف الحاجات دي وقفت عند ال 5 ف 6
وحاولي تخلي جوزك يتعود على الاكل الصحي لان الولاد بياكلو زي اهاليهم
وماينفعش نقول للعيل ما تكلش جانك فود وكلthis وماتاكشthat لازم يشوف بعينه,وربنا معاكي

أم أكرم ومريم

01-12-2006, 17:41

يابنات
الموغات ده نبات زي العقسوس مستحيل نعمله
فيه حاجه اسمها حلبه محوجه بتتعمل برضه بالسمن,بس طعمها يشبه الموغات
يعني لو معرفناش نجيب موغات نمشيها حلبه

أم أكرم ومريم

01-12-2006, 17:47

om mena
ياريت نقدر نشوفك في مصر...هو انتي نازله امتى؟؟؟؟
خدي بالك لاجوزك يرجع من السفر يلاقي الشقه ع الحديده يفتكر انكو اتسرقتو

أم أكرم ومريم

01-12-2006, 17:52

شيرين
ايه الاخبار؟؟اجيب لك خاله نظيمه[اللي ولدت سعاد حسني ف الزوجه التانيه] ولا لسه

أم أكرم ومريم

01-12-2006, 17:58

سبانش
بناتك فكروني بالنادي الاهلي,اصله لما خسر السنه اللي فاتت ف اليابان قالو اصل الساعه البيولوجيه
هيه السبب عشان كده المدرب السنه دي حيسافر قبل الماتش ب 10 ايام عشان يتعودوا ع الوقت
اصله خاف اللعيبه تنام ف الملعب

أم أكرم ومريم

01-12-2006, 19:30

شطوره
اخبارك ايه؟؟اقتنعتي تحطي ميزو ف حضانه ولا لسه؟؟

losha_2004

01-12-2006, 22:16

السلام عليكم يااخوات
انا من ليبيا مقيمه في فرنسا
هل في حد من الاخوات في فرنسا
شنو نحكي على الغربة اصعب من كده ما فيش
سلامات للجميع

ranuna

01-12-2006, 23:02

السلام عليكم يااخوات
انا من ليبيا مقيمه في فرنسا
هل في حد من الاخوات في فرنسا
شنو نحكي على الغربة اصعب من كده ما فيش
سلامات للجميع

اهلا بيكي ايوشا معانا,عرفينا عليكي اكتر:26:
علي فكره انا من مواليد بنغازي
وعشت كام سنه كده في ليبيا
انتي من اي محافظه في ليبيا؟

bintmisr

02-12-2006, 07:28

بنات معلش انا تعبانة شوية ومش قادرة اكمل حتى قراءة الردود سلامي لكل ابنات ومعلش لو هاغيب عنكم شوية بس بجد تعبانة اوي

ادعولي

الف سلامة عليك يااحلى وردة مالك:(
ان شاء الله خير وترجعى تنورى المنتدى كله
ياريت تطمنينى عليك وتطمنينا كلنا :26: :26: :26:

bintmisr

02-12-2006, 07:40

يا ايمو ممنوع هنا بسبب نسبه الميركري او الزئبق:(

سنسن بس انا فى حملى كنت باكل سمك لانى بحبه موت -وطبعا انا فى امريكا -ولا حد منعنى وكنت مع دكتورة غير عربية

bintmisr

02-12-2006, 07:46

والله كنت لسه هسال عليكي وعلي شطوره واوزوريس عامله ايه؟؟؟
انا المفروض انزل مصر السنه الجايه بس مش هنزل ان شاء الله مش عايزه حرقت دم في الاجازه بس مش جايبه همها :( اروح اعمل عمره احسن انا وهوه والبنت

يا شريرة يا سنسن مش هتاخدى ايزابيلا لمامتك تشوفها
طيب احجزى عمرة وفوتى على مصر :26:

nono_muhammad

02-12-2006, 08:14

al salmo alikom
i live in usa,MN

I HAVE BEEN HERE SINCE 2004
i miss egypt so much
i hope that i can find someone who lives near me
i am 26 years old

ايمان بفضل الله

02-12-2006, 09:20

al salmo alikom
i live in usa,MN

I HAVE BEEN HERE SINCE 2004
i miss egypt so much
i hope that i can find someone who lives near me
i am 26 years old

اهلا اهلا بيكى:26:
Sunsun , rana
فى امريكا بس مش عارفة ولاية ايه
بس انتى ممكن تتكلمى معانا كلنا هنكون صديقاتك:)
يااه بقالك سنتين مانزلتيش مصر! اكيد اول سنة كانت صعبة اوى و بعدين السنة التانية اتعودتى شوية؟
انتى من منهاتن؟ ايه مميزات الولاية دى؟ احكى

ايمان بفضل الله

02-12-2006, 09:24

السلام عليكم يااخوات
انا من ليبيا مقيمه في فرنسا
هل في حد من الاخوات في فرنسا
شنو نحكي على الغربة اصعب من كده ما فيش
سلامات للجميع

اهلا و مرحبا losha نورتينا:26: على فكرة انا من مواليد ليبيا طرابلس بس انا مصرية:) انتى من طرابلس؟
اعتقد انتى اول واحدة هنا من فرنسا .. بس انتى ممكن تشتركى معانا يمكن تيجى واحدة من فرنسا:)

ايمان بفضل الله

02-12-2006, 09:30

رنوونة
انتى كمان من مواليد ليبيا:) انا من مواليد طرابلس ليبيا

عملتى ايه فى الرنجة؟ نسيتى و اللا لسة؟:)
قولى لى هو انتى فى الشهور الاولى فى الحمل مش مفروض تخرجى من البيت خالص؟ و اللا عادى؟ انا لسة مش حامل بس بحب اجمع معلومات:42:

شيرى ازيك يا اختى:)
و بعدين لاحظتى ادهم اذكى من العادى بعد ماكلتى سمك فى الحمل و اللا عادى؟ مش عارفة ليه انا مش بحب السمك اوى يعنى بأكله مرتين كدة فى الشهر! هو انتى اكيد بتعمليه بطريقة لذيذة عشان كدة بتحبيه مش كدة:) طيب قو لى كدة طرق لذيذة تخلينى احب السمك عشان انا لما بيكون السمك زفر نفسى بتتسد!

كنزي1

02-12-2006, 09:32

صباح الخير
ازيكم عاملين اية النهاردة
علي فكرة يابنات اعتقد ان اوزا كانت قالت انها هتروح تقضي الويك اند في دبي
علي شان كدة مختفية
انا كنت عاملة حسابي اني هخرج الصبح اروح الحديقة لاكن الدنيا مطرة وغيوم بطريقة غريبة
وطبعا بنتي هتصحي تعيط علي شان وعدتها من امبارح بس هعمل اية بقي

ايمان بفضل الله

02-12-2006, 09:41

صباح الخير
ازيكم عاملين اية النهاردة
علي فكرة يابنات اعتقد ان اوزا كانت قالت انها هتروح تقضي الويك اند في دبي
علي شان كدة مختفية
انا كنت عاملة حسابي اني هخرج الصبح اروح الحديقة لاكن الدنيا مطرة وغيوم بطريقة غريبة
وطبعا بنتي هتصحي تعيط علي شان وعدتها من امبارح بس هعمل اية بقي

اهلا اهلا كنزى هنا كمان المطرجامد اوى و الشوارع غرقانة!
ايوة فعلا اوزوريس فى دبى و راجعة يوم الاثنين اعتقد ان شاء الله

ام اكرم و جولدى و سن سن و سبانش و بنت مصر و الوردة الفريدة و ام منة و اشطر واحدة... انتو فيين؟؟

أم أكرم ومريم

02-12-2006, 11:40

كنزى
نسيت ارد عليكي امبارح سامحيني ،السن برضه له حكم
اصل اللي عمرهم 18 سنه [قدي يعني] بينسوا كتير
بصي عندي فكره جميله للكرنب....طالما بتتضايقي من ريحة السلق بلاش تسلقيه
حطي الكرنبه زي ما هيه ف الفريزر يومين، وبعدين طلعيها وخليها تفك على راحتها
حتلاقي الورق ذبل بقى كأنه مسلوق،قطعيه عادي واحشيه...مش حتطلع ريحته.

أم أكرم ومريم

02-12-2006, 11:46

نونو
عندنا 2 حوامل ف امريكا ام احمد[رنا]وام [ايزابيلا]سنسن
بس مش عارفه قريبين من مانهاتن ولا بعيد
تابعينا يمكن تكوني قريبه من حد فيهم...يمكن واحده فيهم تلاقي لها اخت جنبها وهيه بتولد.

أم أكرم ومريم

02-12-2006, 11:48

ايمان عامله ايه؟؟وحشانا

أم أكرم ومريم

02-12-2006, 11:58

ايمان
نيست اقول لك عشان الحمل ،اولا لازم قبل الحمل يكون جسمك عنده مخزون فسفور كفايه
وعشان ريحة السمك اللي بتزعجك....اغسليه بالصابون ايوه الصابون العادي المبطط اللي مالهوش
ريحه ضروري مالهوش ريحه....بعد ما تشطفي السمك وتتخلصي من الدم وخلافه اغسلي ايدك فوقه
بهذه الصابونه اشطفيه كويس واعصري عليه لمون....ونفس الحكايه بعملها مع الفراخ
لاملح ولا دقيق زي كتاب ابله نظيره وبتكون ريحتها نظيفه

كنزي1

02-12-2006, 13:25

كنزى
نسيت ارد عليكي امبارح سامحيني ،السن برضه له حكم
اصل اللي عمرهم 18 سنه [قدي يعني] بينسوا كتير
بصي عندي فكره جميله للكرنب....طالما بتتضايقي من ريحة السلق بلاش تسلقيه
حطي الكرنبه زي ما هيه ف الفريزر يومين، وبعدين طلعيها وخليها تفك على راحتها
حتلاقي الورق ذبل بقى كأنه مسلوق،قطعيه عادي واحشيه...مش حتطلع ريحته.

ولا يهمك ياجميل
وانا كنت سمعت الطريقة دي بس مجربتهاش ان شاء الله اعملها

والف بعد الشر من الزهايمر انت لسة في عز شبابك:42:

ranuna

02-12-2006, 16:03

al salmo alikom
i live in usa,MN

I HAVE BEEN HERE SINCE 2004
i miss egypt so much
i hope that i can find someone who lives near me
i am 26 years old

اهلا بيكي معانا نونو محمد:26:
انتي في مينيسوتا ,انتي مش بعيد عني اوي
انا في ولايه اوهايو مدينه كولمبس و سنسن في كنتاكي
انا ياستي بقالي هنا سبع شهور بس يعني لسه طازه:42: ,يالا عرفينا عليكي اكتر وهتتبسطي مع الشله

ranuna

02-12-2006, 16:27

رنوونة
انتى كمان من مواليد ليبيا:) انا من مواليد طرابلس ليبيا

عملتى ايه فى الرنجة؟ نسيتى و اللا لسة؟:)
قولى لى هو انتى فى الشهور الاولى فى الحمل مش مفروض تخرجى من البيت خالص؟ و اللا عادى؟ انا لسة مش حامل بس بحب اجمع معلومات:42:

شيرى ازيك يا اختى:)
و بعدين لاحظتى ادهم اذكى من العادى بعد ماكلتى سمك فى الحمل و اللا عادى؟ مش عارفة ليه انا مش بحب السمك اوى يعنى بأكله مرتين كدة فى الشهر! هو انتى اكيد بتعمليه بطريقة لذيذة عشان كدة بتحبيه مش كدة:) طيب قو لى كدة طرق لذيذة تخلينى احب السمك عشان انا لما بيكون السمك زفر نفسى بتتسد!
اه يا ستي انا من مواليدبنغازي يا محاسن الصدف انتي كمان مولوده في طرابلس:)
عشت كده كام سنه في ليبيا و دخلت الحضانه
طب تصدقوا والله العظيم انا لسه فاكره الحضانه شكلها ايه والمدرسه كانت هنديه ولابسه لبسهم التقليدي ده
حتي الشارع بتاع البيت والجيران اللي كانوا حولينا ,انا مش قادره اصدق اني فاكره كل ده
ده انا مابفتكرش انا كلت ايه من يومين:hahaha:
انتوا كده برضوا بتفتكروا كل حاجه وانتوا صغيرين اوي يعني 4 او5 سنين

ياستي الرنجه لسه نفسي هفاني عليها بس مش زي الاول بس انا هاروح النهارده اقلب الدنيا عليها:42:
انا في اول اسبوع من التالت
بصي يا ايمان انا لما كنت في مصر كانوا يقولو ايه لأه ريحي خالص ومتعمليش ده ومتعمليش ديه عشان البيبي لسا ماثبتش
طبعا انا جيت هنا امريكا قالولي الكلام ده مش صحيح يعني تمشي و تتحركي وتعملي كل اللي نفسك فيه بس مش تجهدي نفسك ومش تقيلي حاجات تقيله
مش معني انك حامل انك تحرمي نفسك من ممارسه حياتك الطبيعيه
يا ماما تعالي شوفي الامريكان الحوامل عاملين ازاي بطنهم اد ايه وشغالين شغل رجاله يعني ,احنا اللي متدلعين :hahaha: ونحب نتدلع
كمان قبل مانسي موضوع الرياضه انوا من الشهر الرابع لأه يا حبيبتي ممكن تعملي اي نوع رياضه من اول شهر بس مش عضلات البطن
وتكون برده تمارين خفيفه مفيده جدا,فيه دي في دي بيتباع لتمارين الحوامل

ايمان بفضل الله

02-12-2006, 17:25

اه يا ستي انا من مواليدبنغازي يا محاسن الصدف انتي كمان مولوده في طرابلس:)
عشت كده كام سنه في ليبيا و دخلت الحضانه
طب تصدقوا والله العظيم انا لسه فاكره الحضانه شكلها ايه والمدرسه كانت هنديه ولابسه لبسهم التقليدي ده
حتي الشارع بتاع البيت والجيران اللي كانوا حولينا ,انا مش قادره اصدق اني فاكره كل ده
ده انا مابفتكرش انا كلت ايه من يومين:hahaha:
انتوا كده برضوا بتفتكروا كل حاجه وانتوا صغيرين اوي يعني 4 او5 سنين

ياستي الرنجه لسه نفسي هفاني عليها بس مش زي الاول بس انا هاروح النهارده اقلب الدنيا عليها:42:
انا في اول اسبوع من التالت
بصي يا ايمان انا لما كنت في مصر كانوا يقولو ايه لأه ريحي خالص ومتعمليش ده ومتعمليش ديه عشان البيبي لسا ماثبتش
طبعا انا جيت هنا امريكا قالولي الكلام ده مش صحيح يعني تمشي و تتحركي وتعملي كل اللي نفسك فيه بس مش تجهدي نفسك ومش تقيلي حاجات تقيله
مش معني انك حامل انك تحرمي نفسك من ممارسه حياتك الطبيعيه
يا ماما تعالي شوفي الامريكان الحوامل عاملين ازاي بطنهم اد ايه وشغالين شغل رجاله يعني ,احنا اللي متدلعين :hahaha: ونحب نتدلع
كمان قبل مانسي موضوع الرياضه انوا من الشهر الرابع لأه يا حبيبتي ممكن تعملي اي نوع رياضه من اول شهر بس مش عضلات البطن
وتكون برده تمارين خفيفه مفيده جدا,فيه دي في دي بيتباع لتمارين الحوامل

رنوونة
:42: انا كمان فاكرة حاجات كتير و انا عندى 4 سنين انا دخلت اولى ابتدائى هناك و انا عندى 4 سنين تخيلى! انا فاكرة المدرسة و الشارع اللى كنا ساكنين فيه و حتى الشجر و نوع الورد اللى كان فيه:) و فاكرة امهات صديقاتى فى المدرسة كانوا بيلبسوا اللبس الليبى اسمه فرِّاشية

غريبة موضوع المشى دة فى اول الحمل كل الناس فى مصر تقولك اوعى تتحركى انا كل شهر قبل الدورة باسبوعين جوزى بيقولى اوعى تعملى رياضة و لا تمشى و لا ايروبكس و لا الكلام دة لدرجة انه بيقولى ماتخرجيش من البيت! طيب لو كنت حامل بقة هقعد فى البيت 3 شهور يعنى و اللا ايه!:eek: لما جالى اكتئاب من الموضوع دة.. طيب ازاى الناس تغير افكارها!

عندى مواقع حلوة اوى للحمل كل ما يخصه وويكلى ربورت طول شهور الحمل لو عايزة ابعتهالك على الخاص قو لى لى

كنزي1

02-12-2006, 19:24

:26:

losha_2004

02-12-2006, 21:20

جدا فرحانة عشان اخوات يتكلمو عن ليبيا وعيشات في ليبيا

bintmisr

02-12-2006, 23:14

اهلا اهلا كنزى هنا كمان المطرجامد اوى و الشوارع غرقانة!
ايوة فعلا اوزوريس فى دبى و راجعة يوم الاثنين اعتقد ان شاء الله

ام اكرم و جولدى و سن سن و سبانش و بنت مصر و الوردة الفريدة و ام منة و اشطر واحدة... انتو فيين؟؟

ايمى انا كنت لسه فوقك بردين اتنين بس
انتى صحيح فين فى امريكا
يلا يمكن نطلع جيران فى مصر وهنا كمان :)

bintmisr

02-12-2006, 23:26

:talker: ازيك يا ام اكرم عاملة ايه
ما فلحتش فى المسمن يا جوجو ليه ؟؟؟؟ الفرد كان السبب :(
بس ولو هاجرب تانى :)

انتى فين يا سنسن :):3_13_12: :icon18:

اهلا بك نونو محمد:) :26: :26:
ابن خالتى كان فى مينسوتا بس كان بيقول انها برد قوى
اكثر من الايست كوست

ايمااااااااااااااان لو انتى فى امريكا السمك هنا مالوش ريحة زى مصر ريحته اقل بكثير:26:

ranuna

03-12-2006, 02:17

:26: :26: :26:

spanishflower

03-12-2006, 04:49

صباح الخير
المغات
http://forum.hawaaworld.com/showthread.php?t=728113

spanishflower

03-12-2006, 05:04

ام اكرم
حلوه معلومه الكرنب اللي في الفريزر دي
لاني عندي كرنب احمر و كنت عايزه احطه في سيزر سالاد و جامد اوييي بس مكنتش حابه اسلقه
ميرسي يا حبيبتي

bintmisr

03-12-2006, 07:07

ام اكرم
حلوه معلومه الكرنب اللي في الفريزر دي
لاني عندي كرنب احمر و كنت عايزه احطه في سيزر سالاد و جامد اوييي بس مكنتش حابه اسلقه
ميرسي يا حبيبتي

سبانش متهيألى بلاش تحطيه فى الفريزر لانه بيطلع دبلان وزى المبلول كده ينفع للحشو بس السلطة ممكن يبقى شكله يعنى
اصلى بحب السيزر سالاد ومش باحبها بايتة والكرنب المجمد اعتقد هيبقى زى البايت:22:

ايمان بفضل الله

03-12-2006, 07:36

ايمى انا كنت لسه فوقك بردين اتنين بس
انتى صحيح فين فى امريكا
يلا يمكن نطلع جيران فى مصر وهنا كمان :)

بنت مصر انا فى ابو ظبى ! مش انتى فى الامارات برضه و اللا ايه؟؟

كنزى انا كنت فاكراكى فى الامارات انتى فين فى امريكا؟؟

كنزي1

03-12-2006, 08:08

ازيك يايمان
ايوة ياجميل انا في الشارقة

Goldy

03-12-2006, 09:11

السلام عليكم ورحمة الله وبركاته

صباح الخير لكل البنات الحلوين.:26: :26:
ام اكرم ومريم وحشتينى موووت ربنا ما يحرمنا من سؤالك علينا
الوردة الفريدة ألف سلامة عليكى
سنسن، ورنوونة، وشيرى ربنا معاكم ان شاء الله وتقوموا بالسلامة. اوعوا تترعبوا ان شاء الله خير أحسن حاجة فى المواقف اللى زى دى تكونى كوووول انا كنت مش بقعد خالص وأنا حامل فى ملك وكان أول حمل وكان حاصلى ابورتشن قبله و كنت بتحرك كتير واطلع وانزل لغاية ما ولدت قبل ميعادى ب 3 اسابيع و الحمد لله كانت ولادة طبيعى ، انا فاكرة ان الميه نزلت الصبح بدرى بس مرحتش المستشفى على طول رحت عملت كذا مشوار وعملت شعرى وبعدين طلعت على المستشفى وكمان أخدت معايا كتب وانا رايحة المستشفى اسلى نفسى لان مكنش لسه عندى طلق.
بنت مصر ازيك عاملة ايه
ايمو الف سلامة عليكى
سبانش ازيك والبنات عاملين ايه
شطورة ازيك عاملة ايه آسفة على يوم السبت بس ملك كل ما الف تروح قافلة الكمبيوتر بصراحة جننتنى. أخبار العريس ايه
كنزى 1 ازيك عاملة ايه
أم منة اخبارك ايه بجد ربنا يديكى الصحة الواحد بيشغل الفاكيوم بيقول انا عملت حاجة.
نونو محمد أهلا بيكى معانا.
لوشا نورتينا.
اوزا انت فين وحشتينا.
يارب مكنش نسيت حد. بمناسبة الكرنب ممكن حد يقولى محشى الكرنب بيتعمل ازاى.
ايه ده انا رغيت كتير سلام:26: :26:

spanishflower

03-12-2006, 09:44

طيب يا بنت مصر اعمل فيه ايه
جامد اوي مش زي حتي الكرنب الاخضر لاني ساعات حتي باحط الكرنب الاخضر في السلطه الخضرا عادي بس الاحمر ده جامد بيقرقش غريب

بنااااااااااااااااااات
لينك قناه روتانا سينما
http://www.qassimy.com/tvlive/arooootanacima.php

ايمان بفضل الله

03-12-2006, 11:05

السلام عليكم ورحمة الله وبركاته

صباح الخير لكل البنات الحلوين.:26: :26:
انا فاكرة ان الميه نزلت الصبح بدرى بس مرحتش المستشفى على طول رحت عملت كذا مشوار وعملت شعرى وبعدين طلعت على المستشفى وكمان أخدت معايا كتب وانا رايحة المستشفى اسلى نفسى لان مكنش لسه عندى طلق.
بنت مصر ازيك عاملة ايه
ايمو الف سلامة عليكى
:26: :26:

الله يسلمك يا جميلة:)
هاهاها عملتى شعرك و اخدتى معاكى كتب و انتى رايحة تولدى! انا كنت فاكرة اللى بيروحوا يولدوا مش بيكونوا فايقين ! على كدة بقة انا لما ابقى حامل و اجى اولد ابقى اخد معايا الكمبيوتر و ادخل على النت فى المستشفى:42:

بالنسبة لمحشى الكرنب روحى فى جوجل و اكتبى محشى كرنب بالعربى هتلاقى مليون سايت:) انا مجربتش اعملوا قبل كدة بس كنت بشوف ماما .. دة سهل قوى

مدام شيرين_ام ادهم

03-12-2006, 11:40

صباااااااح الخير

ياجدعان مش قلنا كفايه كلام عن الاكل

معاكم واحده بتجوع من بعد الساعه 6 بالليل

ادعولى ياجماعه 00هروح اعمل السونار بكره
وخايفه يطلع فيه حاجه 00الكولكيعه دى مش راضيه تروح00ظلمت الواد وقلت ده كوع ولا رجل

امال انتوا فين
نايمين ولا ايه؟؟؟؟؟؟؟؟؟؟؟

اشطر واحدة

03-12-2006, 13:21

http://forum.hawaaworld.com/showthread.php?p=10211879#post 10211879

مدام شيرين_ام ادهم

03-12-2006, 15:11

شطوووووووووره

صباح الخير والفل والياسمين

بصراحه الموضوع بتاع المصرى ده عجبنى جدا زكان فيه تفاعل حلو اوى
والحمد لله زى مافيه ناس بتكره المصريين لاسباب معرفش ايه هى
زى مافى ناس بتحبهم واتعاملت معاهم وبتحترمهم وبتقدرهم

وكل بلد فيها الكويس وفيها الوحش00 مش المصريين بس
كل مكان فى العالم فيه الناس الطيبه والحلوه العشره00وفيها ناس ربنا خلقها كده مبتحبش حد

الحمد لله على كل شئ
واللى يهمنا اننا نكون فى الاخر شعوب عربيه واسلاميه واحده ايدينا فى ايد بعضينا
ويااااااااارب يلم شملنا ونبقى فعلا وحده واحده وساعتها نقدر نهزم اجدع عدو من غير مانخاف

losha_2004

03-12-2006, 16:01

زيكم يا بنات مصر
انا عيزى اعرف الاشتراك معكم الزاي
حسيت روحي غريبة في وسطكم :(
هل لاني مش من بلدكم
كلكم تتكلم مع بعض لذللك قررت الانسحاب
فرحت بيكم لكن...................:26:
مع الف سلامة للجميع :26:

ranuna

03-12-2006, 16:45

لوشه اوعي تقولي كده تاني يا حبيبتي ماغريب الا الشيطان:30: هههههههه
بصي انتي مش محتاجه تشتركي او تقولي حاجه معينه بس مثلا لو حد من البنات بيتكلم في موضوع ممكن تعلقي عليه واوقات كتير تلاقي برده حد من البنات بيسأل عن تجربه او حاجه ممكن تفيديه
يا أما تلكي وترغي معانا يعني لو فيه حاجه مضايقاكي قولي لو غيه حاجه حلوه عملتيعا قولي لو اتخانقتي مع جوزك قووولي :22:
لألألألألألأ انا بهزر والله مش للدرجه ديه ههههههه:hahaha:
يعني هنا فضفضه من القلب للقلب هعمل زي أسامه منير وهنقلبها انا والنجوم وهواك:42:

طب قوليلنا طبختي ايه النهارده:cook:

مدام شيرين_ام ادهم

03-12-2006, 16:55

losha_2004
ايه يابنتى الكلام ده 00ليه حسيتى كده
انتىبس اتكلمى وتوكلى على الله وهتلاقى كله بيرغى

واحنا زى مانتى شايفه مش بنرسى على بر
تلاقى مواضيعنا مختلفه من كل رد والتانى

انتى قولى اللى فى قلبك 00قولى موضوع بيدور فى بالك
اسالينا عن حاجه عايزه تعرفيها

تقريبا انتى كنتى قلتى انك ليبيه
على فكره انا كمان كنت عايشه فى ليبيا وانا صغيره حوالى 8 سنين
ولسه برضه فاكره حاجات كتير
ولحد النهارده ماما بتفتكر عشره الناس الليبين 00بصراحه كانوا اكتر من اخوات
وانا على فكره بموت فى المبكبكه 00والكسكسى
ولسه برضه اكلكم مولع نار كده 00

وشكل كده الاخت ايمان هتطلع اختى فى الاخر
لييييييييييييييييييييييييييييي ه
لان اختى كمان مولوده فى ليبيا

والله ياايمو احنا خوات من غير حاجه سواء كنتى مولوده فى ليبيا ولا فى كوالالمبور خخخخخ

ranuna

03-12-2006, 17:25

سبانيش شكرا علي لينك روتانا بس مش عايزه تفتح معايا
بناااااااااااات انتوا فتحت معاكوا؟

bintmisr

03-12-2006, 17:43

بنت مصر انا فى ابو ظبى ! مش انتى فى الامارات برضه و اللا ايه؟؟

كنزى انا كنت فاكراكى فى الامارات انتى فين فى امريكا؟؟
لا يا ايمى انا قى امريكا شيكا بيكا :( انا بحب دبى قوى من البرامج اللى باشوفها عنها :26:
:)

bintmisr

03-12-2006, 17:51

السلام عليكم ورحمة الله وبركاته

ازيك يا جولدى ايه اخبارك يا قمر :26: جميل اسم ملك ما شاء الله ودى لها:heart:

bintmisr

03-12-2006, 17:54

طيب يا بنت مصر اعمل فيه ايه
جامد اوي مش زي حتي الكرنب الاخضر لاني ساعات حتي باحط الكرنب الاخضر في السلطه الخضرا عادي بس الاحمر ده جامد بيقرقش غريب

بنااااااااااااااااااات
لينك قناه روتانا سينما
http://www.qassimy.com/tvlive/arooootanacima.php
سبانش اتا بقطعه رفيع جدا على قد ما اقدر وباحطه على القطاعة واخد منه شوية معقولين والقرقشة بتبقى خفيفة جدا
او ممكن تقطعيه وتتبليه لوحده بدرى شوية لو مش بتحبى القرقشة خالص

أم أكرم ومريم

03-12-2006, 18:23

bint misr
امشكله في لفرد ازايي اتقطع منك؟
مش انا قلت لك لازم دقيق كويس وعجن جامد
جربي مره ت نيه ولا تياسي

bintmisr

03-12-2006, 18:24

losha_2004
الشعور ده طبيعى لآنك بس بتتفرجى اتكلمى كده وانتى هتشوفى الردود ستنهال عليك من كل البنات:) ويلالالالالالا يا ستى
انا لى عندك طلب انا بصراحة عمرى ما رحت ليبيا ولا قابلت ناسها مع انى هنا فى امريكا عرفت كل الجنسيات المسلمة تقريبا
فياريت تعطينا نبذة للمعرفة يعنى الاكلات الملابس المولات اللى عندكم شكلها ازاى :26:
وكمان عايزة اعرف ايه المبكبكة الى شيرين بتقول عنها دى
:26:

أم أكرم ومريم

03-12-2006, 18:27

سبانش
لا ماتحطيش الكرنب مجمد عى السلطه مش حيطلع حلو......انا بابشره رفيع
وعموما بعمل السيزر سلاد بالخص

أم أكرم ومريم

03-12-2006, 18:30

لوشا
هو دخول الحمام زي خروجه خليكي معانا وروقي كده...ايه المبكبكه دي
ياله احكي يا شهر ذاد

أم أكرم ومريم

03-12-2006, 18:32

الورده الفريده
الجنينه نقصاكي ارجعي بسرعه وحشتنا ريحتك

أم أكرم ومريم

03-12-2006, 18:33

رنا و سنسن
صباح الفل

أم أكرم ومريم

03-12-2006, 18:36

ايمان........شطوره...........ج ولدي......ام منه........كنزى.....وزه....يلر ب ما كنش نسيت حد:26: :26:

bintmisr

03-12-2006, 19:09

bint misr
امشكله في لفرد ازايي اتقطع منك؟
مش انا قلت لك لازم دقيق كويس وعجن جامد
جربي مره ت نيه ولا تياسي
ايه ده سبحان الله احنا كنا بنرسل فى نفس اللحظةولا ايه
لا يا جميل لا يأس هاجرب تانى بس كمان كام يوم اصلى كل ما اعك حاجة اكلها او اجربها لوحدى واللى عندى دول طناااااااااش بيعاقبونى على عكى بأكله :hahaha:

bintmisr

03-12-2006, 19:11

رحتى فين انا كنت لسه شايفاكى هنا يا ام كوكووووووووووو

ايمان بفضل الله

03-12-2006, 20:56

على فكره انا كمان كنت عايشه فى ليبيا وانا صغيره حوالى 8 سنين
ولسه برضه فاكره حاجات كتير
ولحد النهارده ماما بتفتكر عشره الناس الليبين 00بصراحه كانوا اكتر من اخوات
وانا على فكره بموت فى المبكبكه 00والكسكسى
ولسه برضه اكلكم مولع نار كده 00

وشكل كده الاخت ايمان هتطلع اختى فى الاخر
لييييييييييييييييييييييييييييي ه
لان اختى كمان مولوده فى ليبيا

والله ياايمو احنا خوات من غير حاجه سواء كنتى مولوده فى ليبيا ولا فى كوالالمبور خخخخخ

لا لا لا مش معقولة انتى عشتى فى ليبيا كمان:) وانتى كمان اختى والله كفاية اسمك:)
انا بموت فى المبكبكة و الكسكسى بالحمص و الهريسة الحراقة:)

ايمان بفضل الله

03-12-2006, 20:57

ايمان........شطوره...........ج ولدي......ام منه........كنزى.....وزه....يلر ب ما كنش نسيت حد:26: :26:

وحشانا كتير يا ام اكرم:26:

ايمان بفضل الله

03-12-2006, 21:01

زيكم يا بنات مصر
انا عيزى اعرف الاشتراك معكم الزاي
حسيت روحي غريبة في وسطكم :(
هل لاني مش من بلدكم
كلكم تتكلم مع بعض لذللك قررت الانسحاب
فرحت بيكم لكن...................:26:
مع الف سلامة للجميع :26:

انتى بس حاسة كدة لانك مش بقالك كتير انا فى الاول كنت بتفرج برضه
قوقى قى ازاى بتعملو الكسكسى بالحمص و الهريسة؟ انا لسه فاكره طعمة و انا كان عندى 6 سنين:42:

ايمان بفضل الله

03-12-2006, 21:04

لا يا ايمى انا قى امريكا شيكا بيكا :( انا بحب دبى قوى من البرامج اللى باشوفها عنها :26:
:)

كل دة انا فاكرة انك فى الامارات! انتى فى ولاية ايه يا بنوتة مصر:)

أم أكرم ومريم

03-12-2006, 21:30

bint misr
ايوه انا كنت هنا بس رحت اطفي عاى الرز احسن يتحرق ويعقبوني بأكله
انا هنا اهو

losha_2004

03-12-2006, 22:00

والله توا كيف دخلت وشفت ردوتكم الجميلة
كلكم بنات او صبايا جوكم سمح
نحكي عن ليبيا
المبكبكة دي مكرونة مولعة
اكلت الليبين المفضلة مش المفضلة الاساسية
ومسمينها اكلت البيرات لانها سهلة اوي

losha_2004

03-12-2006, 22:11

ليبيا بلد مستقرة طبعا
جميلة المناخ
لطيفة السكان
الله عليكي ياليبيا ............ على وشك البكاء
اهلي ياصبايا:(