بنات مصر في الغربه [الارشيف] - صفحة رقم 10

اوزوريس

30-11-2006, 10:55

ايه ده و انا لا يعني
طيب انا مقموص هه

ماتنقمصيش يارواء ........... وماتزعليش يا ماما ...... افتحي اذاعة المانيا الاتحادية وانا كل يوم ارسلك السلام:22:

اوزوريس

30-11-2006, 11:00

سؤالك قلب لمواجع يا اوزا
ماما توفت السنة اللى فاتت و انا ف الغربة
و اصحابى تقريبأ كلهم سافرو مش فاضل غير واحدة بس ف مصر و بتشتغل ف الاكاديمية و عندها بيت و ابن و مش فاضية خااااااااالص يعنى بنتقابل ثوانى و خلاص و احيانا و الله مش بنرف نشوف بعض
و اّخر واحدة من اصحابى حتتجوز الشهر دة و مسافرة القاهرة غير كدة عندى 2 فى امريكا و واحدة ف السعودية و واحدة ف الكويت ( ياغلبى يانى) و الباقى اختفو ......
لما بنزل مصر غالبا بقعد مع امهاتهم :)

يعنى نزول مصر بالنسبة لى اكترار ذكريات و بروح بيتنا القديم و بشوف اخواتى وقرايبنا و خلاص

علشان كدة لازم نتقابل بمصر كلنا

لان كلنا فقدنا اصحابنا اللى كنا معاهم ....ولما ننزل ونعمل جروب ....نتقابل ...نهون على بعض شوية

وخصوصا اننا كلنا مغتربين يعني هنفهم بعض قوي

انا عن نفسي بتخنق لان ماليش اصدقاء في مصر ولما زوجي بيرجع بحس بالوحدة

طبعا الله يخلي بابا وماما واخواتي .....بس مهما كان الواحدة لما يكون لها اصدقاء بيكون الوضع غير خالص

والله يرحم والدتك ويغفر لها ويجعل مثواها الجنة

اوزوريس

30-11-2006, 11:05

انا بصراحه لسه ماجربتش الاحساس ده لأني لسه جايه ولسه مانزلتش مصر
بس انا حاسه ان ده هيبقي احساسي لما انزل هتدلع طبعا:22:
اشوف ماماواهلي واصحابي وكلهم طبعا هيتجنوا عليا:22: ماصدقت بأه
عارفين والله مش احلي حاجه لمل تنزلي مصر تلاقي الناس كلها عايزه تعد معاكي وكل صحابك يقدوا اكبر وقت معاكي,مش كده احلي
يعني غير لمل تبقي وسطهم ومعاهم كل واحد مشغول شويه وماعندهومش وقت وصعب تشوفوا بعض غير كل فين وفين

اما لما انتي تنزلي كوللوهم طبعا هيفضوا نفسهم عشانك
يعني,انا مش باقول ان الغربه احلي ولا حاجه,انا بس باقول ان برده فيه مميزات
انتو ايه رأيكوا؟

تصوري موت من الضحك على كلامك :42:

انت عايشة الحياة بمبي في بمبي

الموضوع كله اول اسبوع وبعدين فنيتو يا ماما

عموما انا حبيت افوقك علشان ما تنصدميش

احنا في الغربة مش بننسى حد لكن اللى في مصر بينسوا اللى في الغربة:30:

وبعدين بتحسي انكم مش مندمجة معاهم زي زمان لما كنتي في وسطهم

وكل واحد له حياته ومشغولياته

وأهدي لك أغنية سعد الصغير

أصحى فوق:26:

أم أكرم ومريم

30-11-2006, 11:05

شطوره
الله يرحم الوالده............ويخليلك بابا.
لو اراد ربنا وشفناكي في مصر اكيد حتتبسطي

أم أكرم ومريم

30-11-2006, 11:07

اوزوريس
بتحسي واحنا في مصر اننا اجانب؟

أم أكرم ومريم

30-11-2006, 11:18

الشهرين اللي بنقعدهم في مصر بيعدوا هوا,خصوصا على الولاد
السنه اللي فاتت اكرم قالي كلمه وجعت قلبي [ياريت ترجع الاجازه من الاول]
وكنا قربنا نيجي,الولاد هناك بيفرحو قوي سهر طول الليل ونوم بالنهار,وبحر ونادي
وكل يوم عزومه في بيت شكل.
بس بصراحه انا بحس بحاجه غريبه[بحس ان البيوت صغرت]واستغرب هيه دي العماره؟؟مالها صغرت
والاحساس المقرف التاني لما حد يحس انك جايه من بره...ابو قرش يبقى بعشره
حتى دكتور السنان اخد مني الضعف لما حس ان لساني معوج سنه
بسبموت ف مصر وصياعة مصر

أم أكرم ومريم

30-11-2006, 11:25

شطوره
جمدي قلبك شويه,يعني حيحصله ايه ماتخليهوش معتمد عليكي في كل حاجه
وتخيبي خبتي سبيه يتحرك وايه يعني.وبعدين عمرنا ما سمعنا ان فيه طفل حصله حاجه من الحاضانه
سبيها على الله هو خير حافظا وهو ارحم الراحمين

أم أكرم ومريم

30-11-2006, 11:32

سنسن
مالك شايله هم الدنيا فوق راسك
انتي عارفه احسن حاجه ماشيه اليومين دول ايه؟؟؟الرقصات وبتوع الكوره بلا علم ووجع دماغ
على راي عادل امام كل واحد ساكنه قدامه رقاصه عزل.......البلد كلها حتبات ف الشارع

أم أكرم ومريم

30-11-2006, 11:33

رنونه
خطك جميل بالعربي ...........

كنزي1

30-11-2006, 11:34

ازيكم يابنات عاملين اية
ازيك ياشيري وحشتيني اخبارك اية ياجميل

ازيك يااوزا بالنسبة لسؤالك
انا يعتبر لسة جديدة في الغربة يعني بقالي سنتيين بس فطبعا بالنسبة لاهلي انا بقضي معظم الاجازة معاهم وبيكونو طايرين من الفرح ومبحسش اني سبتهم وسافرت اصلا وكمان مع اصحابي بس مشكلهم في ناس خلاص اتقطعت العلاقة بنا او يادوب سلامات وخلاص
لا كن بقية الاهل الي هما العمات والخالات وولادهم فبيكون مافيش حديث بتحسي انهم اشبة بالغرب عنك لئنك ماتعرفيش هما طول السنةبيعملو اية واية اخر اخبارهم وفابتحسي ان العلاقة واحدة واحدة بتكون سطحية
لاكن اكتر حاجة بتفرحني اني بحس ان في لبنتي اهل حواليها ومهتمين بيها رغم كونها لسة صغرة لاكن حسيت انها مبسوطة بيهم

أم أكرم ومريم

30-11-2006, 11:36

رواء
جوتن مورجن..........اهم حاجه التخطيط وتكوني وجوزك متفقين على كده
اعطاكي الله ما تتمنين

أم أكرم ومريم

30-11-2006, 11:40

bintmisr
ريحة المسمن طالعه حلوه اعي يتحرق

مدام شيرين_ام ادهم

30-11-2006, 14:15

صباحكم فل وورد وياسمين

عاملين ايه يا كتاكيت
انا بس كنت عايزه اقول كلمه 00ممكن تدونى المايك بس دقيقه 00شكررررررررراااا

بالنسبه لموضوع مصر ونزولنا واحساسنا هناك
انتوا فكرتونى لييييييييه

اول سنه انزل فيها مصر كانت اكبر صدمه ليا والله العظيم
لانى كنت حامل فى ادهم وولدت فى الكويت ولسه نازله وهو شهرين
فطبعا متخيله ان العالم كلها هتيجى وهتكلمنى ترحيبا برجوعى ومعايا بيبى كمان
وخصوصا ان عيلتنا كبيييييييييييييييره بشكل لايمكن تتخيلوه
والله العظيم كانت اكبر مفاجاه ليا ان محدش عبرنى ولا بتليفون حتى 00
يادوب الخالات والعمات والعممان والخلان وبسسسسسسسس
لكن باقى البشر الظاهر جاتلهم الخرسه
وبقيت مستغربه ليييييييه
اتاريهم كل واحد بيسبق 00
اللى راجعه من بره بقى 00اكيد نافشه ريشها علينا00لا نلحق روحنا بقى
وبعدين الكلام اللى كان بيوصلنى كان يقهر بصراحه
زى ايييه
دى راجعه من بره 00ايه الهديه اللى ممكن نوديهالها
حتى الفلوس هنوديلها كام يعنى ---100 جنيه اكيد هتقلس علينا

يانااااااااس00ياااااااابشششششش شر
ان مش عايزه من وشكم حاجه00مين قال انى مستنيه منكم فلوس ولا هديه ولا غيره
انا مستنيه كلمه حمد الله على سلامتك ومبروك 00ووحشتينا وخلاااااااااص

وكل سنه انزل الاقى الناس اتغيرت بشكل غرييييييييييييييب
حتى اصحابى الاجازه اللى فاتت بانوا على حقيقتهم
الصديق الحقيقى مابيبنش غير وقت الشده00ودول فعلا بااااااااانواااا

اما بالنسبه لماما وبابا واخواتى 00طبعا هما الحاجه اللى بتهون عليا
كفايه حضن ماما اللى بترمى فيه واحس انى مش عايزه اسيبه
وقعده اخواتى 00والسهر معاهم للصبح

لو مكنش ماما وبابا واخواتى موجودين فى مصر00مكنتش فكرت ابدا انى انزل

على رايك يا اوزا

احنا هنا اللى فاكرين كل الناس ومبننساش حد00وبنقعد نفكر فيهم

وهما هناك اللى ناسونا ومبيفكروش حتى يسالوا علينا

ويلا بقى خدوا المايك بتاعكوا 00لزق فى ايدى

بس انا اصلى اللى يفتح معايا 00مش هتسد خلااص

om mena

30-11-2006, 14:16

صباح الفل علي المصريات كلهم ايوه كده الملف رجع زي الاول منورين كلكم
والله انا لما نزلت في الصيف نزلت بدون ما اي حد يعرف يعني عملتها مفاجأه وكانت مفاجأه قويه جدا
ويو السفر كلمت ماما علي النت زي كل يوم وكنت ساعتها بنلبس علشان نطلع المطار وقلت لماما احنا رايحين نتفسح:39: ومش هكلمك بالليل علشان ممكن نرجع متأخر وصدقتني ووصلنا تاني يوم الساعه 7الصبح وكانت المفاجئه :icon28:
رحنا عند اهل جوزي الاول طبعا كانت فرحتهم كبيره اوي والبيت كله صحي
وبعد ربع ساعه
روحنا البيت عند بابا وكانو لسه نايمين والجرس رن باباصحي وفتح الباب اههههههههههه
وكفايه كده لاني حاليا بعيط وحالتي حاله :icon33: :icon33: :icon33:

om mena

30-11-2006, 14:36

لا يا بنات انا قويه اصل انا اسرتي كبيره اوي بابا واما واخوي
وطبعا اخوي كان في شغله ومفيش غير بابا وماما وبابا فتح الباب ومش مصدق يعيط وانا اعيط و ينادي علي ماما يقولها الاولاد يا س...... :26:
وبجد كانو فرحانين جدا واخوي بابا كلمه في التليفون وبعدين اداني السماعه وهو فاكر اني ماما وبعدين قولتله ان نا راح قفل السكه:22:
وبعد شويه اتصل وسئل مين بيكلم وهو بابا راح فنلندا :42:
والله كانت مواقف ما تتنسيش:32:

sunsun_micro

30-11-2006, 15:04

ايه ده و انا لا يعني
طيب انا مقموص هه

ورب الكعبه ماتزعلي يا فندم وحشتيني والله من اخر مره كلمتيني :26: انا مقدرش علي زعلك يا باشا:26:

اوزوريس

30-11-2006, 15:05

ام منه

فينك ياحبيبتي من زمان ............زرونا كل سنة مرة

يا بنات انا قلبت عليكم المواجع ولا ايه ..... عموما الغربة سلاح ذو حدين

ده لسه فيه موضوع اهم بكتيررررررررررررررر

انتم لسه اولادكم صغيرين ومش حاسين بيه

بكرة يكبروا وهنا المصيبة

اولادنا مرتبطين بالمكان اللى اتولدوا فيه وارتبطوا نفسيا ولهم اصدقاء ومدرستهم وذكرياتهم الحلوة والمرة ...كل ده بالغربة .............. زي ما احنا ياكبار مرتبطين ببيت اهلنا والشارع اللى كنا بنمشي فيه للمدرسة والجيران واللعب وابن الجيران (( طبعا فاهمين ))

اولادنا تنزل مصر تحس بالغربة وهما في وسط اهاليهم وتحس بالغربة في المجتمع اللى جديد عليها

بصراحة احنا بندفع تمن الغربة قيراط واولادنا بيدفعوه 24 قيراط

ااااااااااااااااااااااااه ياقلبي

sunsun_micro

30-11-2006, 15:25

:hahaha: ازيك يا شيرين ايه اخبارك ؟؟؟وحشتيني والله ربنا يهونها عليكي وعلي في الحمل ومن مصر
كنزززززززززززززززززززززي شي خبارك يا الجاره؟

اوزوريسسسسسس ازيك يا فندم صباح شريف !!!
ام منه ازيك ربنا يجمعكم بخير again

ميجوووو ازيك يا فندم ايه الاكلات الحلوه دي مسمن و محروق وزعقوق :blink: يعني ايه بصي انا بتعلم الاكل الامريكي مره في مره وشويه مكسيكي وكندي ملتي ناشيونال بس اسكتي مبيحبش الا اكلي والله الواد غلبان لما بتقفل معاه بياكل شويه ويسيب 4/3الطبق للكلب :hahaha: بس ناصح كل شويه يدلها حته لحد ماطبقوه يخلص طالعلي
ايه اسهل وصفه مغربيه !!!!

banuk

30-11-2006, 15:42

هلو بنات عندي سؤال لو سمحتم
اختي في مصر بالضبط في المعادي عاوزه ترسلي طرد ملابس لبنتي شكد يكلفه لو سمحتم يعني تقريب الكيلو
لان عاوزه اعرف لو يكلف كثير ابقيه على مااشوفه بالصيف
علما اني في انكلترا
وشكرا للي تجاوب والله يديم عليكم اللمه الحلوه اني عراقيه

مدام شيرين_ام ادهم

30-11-2006, 15:56

banuk
اهلااااااا يا قمر بالعراق واهل العراق

والله بصراحه وبحق وحقيق

معرفش موضوع التكلفه ده يطلع كام

يلاا يابنات شدو الهمه واللى يعرف يقوللل على طوول

banuk

30-11-2006, 16:16

شكرا لترحيبج ام ادهم والله يحفظلك ادهم يارب
وانتظر بقيه البنات

ايمان بفضل الله

30-11-2006, 16:26

banuk
اهلا بيكى:26: بالنسبة للطرد فيه طريقتين :
اما عن طريق البريد السريع EMS فى العتبة المكتب الرئيسى و دة تكلفته مش كتير تقريبا 60 جنية للكيلو و دة مكتب البريد تابع للحكومة

او عن طريق TNT او اى واحدة من الشركات دى التكلفة تكون عالية جدا اكتر من 300 جنية للكيلو

banuk

30-11-2006, 16:29

تسلمين اختي ايمان على سرعة ردك وبارك الله فيك
بس سؤال اخير
ليش الفرق كبير بالسعر يعني شنو اللي يخلي الواحد يروح على الخاص ويدفع هالمبلغ الكبير
يعني سوري على الكلمه يكون الحكومي مبيوصل بوقته يعني مش كلش مضبوط

ايمان بفضل الله

30-11-2006, 16:35

ازيكوا يابنات عاملين ايه.. معلش انا كنت تعبانة شوية كنت مختفية و لو ان محدش سأل عليّ

الوردة القريدة و بنت مصر و اشطر واحدة عملتو ايه فى الحفظ؟ واى حد حفظ تانى؟ انا شايفة محدش بيجيب سيرة الموضوع دة
على العموم المفروض حسب الجدول النهاردة الامتحان و راجعى كويس قبل الحل و مراعاة ترتيب السور الطبيعى
هناك طريقتين للتسميع :
اما بالكتابة و ارسالها لى على الخاص
و الرابط دة عشان التشكيل على الكى بورد: http://akhawat.islamway.com/forum/index.php?showtopic=11758&hl

او عن طريق تسجيل صوتك على الكمبيوتر و التصحيح لنفسك

-------
امتحان الاسبوع الاول من سورة الطارق الى سورة الناس:

اكملى من قوله تعالى و اذكرى إسم السورة:

السؤال الاول :
(إن كل نفس لما عليها حافظ ). الى قوله (صحفِ إبراهيمَ و موسَى)

السؤال الثانى:
(فأما الانسان اذا ما ابتلاه ربه فأكرمه و نعمه فيقول ربى اكرمنِ) الى قوله تعالى (أيحسب أن لم يره أحد)

السؤال الثالث:
( فأمّا من أعطى و اتقى ) الى قوله تعالى ( و لسوف يعطيك ربك فترضى)

السؤال الرابع :
( و التين و الزيتون) الى قوله تعالى ( كلا لا تطعه و اسجد و اقترب )

السؤال الخامس:
(رسول من الله يتلو صحفاَ مطهرة) الى قوله تعالى ( إن ربهم بهم يومئذٍ لخبير )
-----------
اعانك الله و بارك الله فيكِ ورزقكِ حفظ كتابه والعمل به

اشطر واحدة

30-11-2006, 16:46

تسلمين اختي ايمان على سرعة ردك وبارك الله فيك
بس سؤال اخير
ليش الفرق كبير بالسعر يعني شنو اللي يخلي الواحد يروح على الخاص ويدفع هالمبلغ الكبير
يعني سوري على الكلمه يكون الحكومي مبيوصل بوقته يعني مش كلش مضبوط

يا اخت banuk

البريد الوطنى بيوصل و ممتاز و تكلفتة اقل لانو محلى و شركة حكومية
اما بقى المستعجل اوى و اللى غاوى انزحة يروح لل tnt و الdhl

banuk

30-11-2006, 16:49

هههههههههه شكر لك اختي اشطر واحدة هسه عرفت السبب
شكرا للجميع على المساعده والله يديم عليكم هاي اللمه الحلوة يارب

أم أكرم ومريم

30-11-2006, 17:25

banuk
طالما انه لبس يبقى ممكن تصبري[لو مش مستعجله]
لانك ممكن تدفعي اد ثمن الملابس ف البريد.
يعني لوضربتي 60 ف الوزن تلاقيها حتتكلف كتير[وانتى احسبيها]
عن نفسي استخدمت البريد الحكومي عشان اجيب كتب لابني ووصلت تمام

أم أكرم ومريم

30-11-2006, 17:30

شيرين
خمسه وخميسه عليكي,يا رب دايما مشرأبه الاحاسيس
أيييييييييييوه كده بلاش تلبسي الوش الخشب تاني

أم أكرم ومريم

30-11-2006, 17:42

سنسن
اسهل حاجه المرقه
حمري بصله مقطعه صغير ف شوية ذبده,حطي فوقها لحمه قطع
ثم بسله وجزر وخرشوف وملح وفلفل وكام عود كسبره وبقدونس اربطيها بخيط [لاتقطعيها]
وقليل من الماء واتركيها على نار هادئه حتى تنضج, تخلصي من الكسبره البقدونس.
لم نعد في حاجه لهم خلاص البسله اخذت ريحتهم.
والف هنا وشفا

أم أكرم ومريم

30-11-2006, 17:45

ايمان
وحشتينا انا قلت ايمان قاعده تحفظ عشان خايفه من الفلكه

مدام شيرين_ام ادهم

30-11-2006, 17:55

ايموووووووووووووووو

وحشتينى 00انا بسال عليكى بس فى سرى 000والله

والحمد لله ربنا يعينك ياارب 00
وعايزين الفلكه تشتغل 00وعايزه اشوف ضرب وعياط >>>> نفسيه سليمه 100% خخخخخ

ام اكرم
لا انا الوش حاليا خشامونيوم بتاع قبنورى 00والدرف قزااااااز >>> مالها دى فايقه ولا شاربه شاى بلبن خخخ
والله انا امبارح كنت بكلم ماما ربنا يخليهالى يارب00وهى اللى رفعت معنوياتى كتييييييير

أم أكرم ومريم

30-11-2006, 17:56

اوزوريس
لو عايزه تضحكي للصبح اسمعي مريم وهيه بتتكلم مع بنات خالاتها
بتحاول تتكلم مصري بس بلسان مغربي ومتعاص فرنساوي لانها طول النهار في المدرسه بالفرنساوي
حتى هنا لما تكلمني اقول لها ممكن تقلبي على النايل سات [ عربي]
ففي النهايه كلامها بيطلع توليفه فرانكو اراب تضحك

مدام شيرين_ام ادهم

30-11-2006, 17:59

ام اكرررررررررررررررررررررررررررر م

بلاااااش كلام عن الاكل

معاكم واحده قاعده لحد دلوقت من غير اكل >>> محدش يقول ليه

طيب الله يجبر بخاطرك ويخليلك عيالك ويكرمك وحسنه قليله تمنع بلاوى كتيره وهنيالك يافاعل الخير والثواب
ابعتيلى شويه شوربه من دول00وطبق كسكسى احسن انا بتوحم وانا فى التامن 00
عاجبك كده شغلت الوش الشحاتينى >>> كفايه فضايح احسن وشوشى كتيير

أم أكرم ومريم

30-11-2006, 18:00

شيرين
ربنا يخليلك ماما,علشان علطول نشوف ضحكتك
ربنا ما يحرمك منها

أم أكرم ومريم

30-11-2006, 18:04

شيرين
قطعتي قلبي يا شيخه,انا مغدياهم النهارده محشي كرنب ايه رأيك
اخطف رجلي لحد عندك والحقك بطبق وهوه لسه سخن

om mena

30-11-2006, 18:08

والله يا شرين اتفضلي معايا انا قاعده اتغدي وفي ايدي طبق مكرونه بالجمبري انما ايه مالوش طعم وتحفه صراحه :10_8_9: :21:

مدام شيرين_ام ادهم

30-11-2006, 18:20

كماااااااااااااااااااااااااااا ااااااااااااان

انتى بتقولى محشى كرننننننننننب

يعنى امسك فيكى ازاى دلوقت 00

محشىىىىىىىىى

وكرننننننننننننب

رحمتك ياااااااااااااااااااااارب

طيب حله بقى لو سمحتى 00وعلبه فوار الله يخليكى 00احسن البركان اللى فى بطنى مش راضى يهبط

والله يخليكم ادعولى احسن انا قلقانه من الكولكيعه اللى فى بطنى دى 00واحتمال اروح النهارده بالليل او الصبح المستشفى00بس مستنيه رد الدكتوره راندا عليا 00يارب يكون خير

وام منه

بلاش سيره الجمبرى الله يخليكى
احسن انا لسه ماسكه فى جوزى امبارح 00عايزه آآآآآآآآآىكل جمبرىىىىىىى

احسن الواد تطلع له جمبريايه ولا حاجه

وبعدين واضح انها جميله بجد

على فكره انا هقول لكم بعمل المكرونه ازاى 00والله طريقه سهله وجميله جدا ويمكن لما اعملها تانى اصورها وانزلها فى المنتدى00بس قولوا يارب

اول حاجه لو عندك فراخ او لحمه قطعيها حتت صغيره
انا بعملها بالفراخ عشان تكون اسهل

اول حاجه حمرى بصله لحد ماتدبل وبحط عليها الفراخ لحد ماتحمر

واضيف التوابل اللى اهمها بهارات التندورى ماركه ناشونال او اى ماركه من الهندى
وملح وفلفل وشويه زعتر وشويه بهارات مشكله
وخدوا بالكم بهارات التندورى بتبقى حاميييييييييه نااااااااار00يعنى رشه صغيره
وبعدين حطى الصلصه والميه 00وهنا بقى نظرك هو المقياس

انا بحط الميه وبعدين كيس المكرونه 00بحيث ان الميه تكون قربت تنشف والمكرونه تكون قربت تستوى 00اضيف بقدونس مقطع حتت
واطفى 00فطبعا شويه الميه اللى فاضلين بعد ماتطفى هيخلوا المكرونه تستوى كويس وماتعجنش 000فهمتونى 00000

يعنى احنا سلقنا المكرونه فى الصلصه وخلطه الفراخ
وطبعا انتى وذوقك ممكن تحطى خضار مشكل ومشروم

وطعمها لذييييييييييييييييييييييييذ

ranuna

30-11-2006, 18:24

الف الف مبروك يا رنون

الله يبارك فيكي يا امر:26:

أم أكرم ومريم

30-11-2006, 18:26

شيرين
مين تندوري ده؟؟؟؟؟ما تدخليش الاغراب بينا
هوه انتي بتولدي طبيعي ولا قيصري؟؟

مدام شيرين_ام ادهم

30-11-2006, 18:26

آآآآآه والله مبرووك يارنون

اخيرا عربى

مش كده احسن بذمتك

يعنى انا اتفرج على التليفزيون 00لاقيهم بياكلوا فته ولحمه
هو فيه ايييه انتواااا كلكوااااا علييا ولا ايييييه

مدام شيرين_ام ادهم

30-11-2006, 18:28

ام اكرررررررم

الطبيعى يكسب يابااااشا

والمره دى خايفه اولد صناعى خخخخخخخ

ادعيلى الله يخليكى احسن تك تك تك تك >>> ده العد التنازلى لامؤاخذه

ranuna

30-11-2006, 18:30

تصوري موت من الضحك على كلامك :42:

انت عايشة الحياة بمبي في بمبي

الموضوع كله اول اسبوع وبعدين فنيتو يا ماما

عموما انا حبيت افوقك علشان ما تنصدميش

احنا في الغربة مش بننسى حد لكن اللى في مصر بينسوا اللى في الغربة:30:

وبعدين بتحسي انكم مش مندمجة معاهم زي زمان لما كنتي في وسطهم

وكل واحد له حياته ومشغولياته

وأهدي لك أغنية سعد الصغير

أصحى فوق:26:

:( :( :(
ليه كده؟والله انا صحابي اللي في مصر بيكلموني وانا بكلهم يا أما بيننا مسجات
والله يا جماعه اصحابي دول عارفاهم من سنين في مصر ومشممكن يعملوا كده معايا
اناواثقه فيهم اوي:(
هاتخلوني كده ما اثقش في حدخالص:( :(

ranuna

30-11-2006, 18:32

رنونه
خطك جميل بالعربي ...........

شفطي خطي حلو ازاي:42:

رواء الاسلام

30-11-2006, 18:36

ما تقلقيش يا رنونا
انا بقالي 5 سنين برة مصر و لسة علاقتي باصحابي زي ما هي الحمد لله
و بنقابل بعض لما ارجع مصر و بنكلم بعض في التليفون او على النت
و نعرف اخبار بعض كلها

يعني طالما علاقتك باصحابك لسة مستمرة و انت في الغربة تقلقيش

أم أكرم ومريم

30-11-2006, 18:39

ربنا يجعل لك ساعه سهله يارب
يعني تنامي وتصحي من النوم تلاقي اللي بيوقوق جنبك

أم أكرم ومريم

30-11-2006, 18:41

رنونه
تقلقي ليه واحنا جيران؟؟؟؟يا دوب محطتين ترام

ranuna

30-11-2006, 18:47

شيرين
ربنا يخليلك ماما,علشان علطول نشوف ضحكتك:42:
ربنا ما يحرمك منها

losha_2004

30-11-2006, 18:56

:( دخلت مع اني لست مصرية ولكني في غربة انا في فرنسا
هل ممكن اكون معكم عشان الغربة......

رواء الاسلام

30-11-2006, 19:00

اهلا بيكي لوشا
عرفينا عليكي و انت من اي بلد

أم أكرم ومريم

30-11-2006, 19:02

iosha 2004
اهلا وسهلا بك البيت بيتك
عرفينا عليكي بالتفصيل،القعده حتحلو يا بنات وحتبقى فون الفون

sunsun_micro

30-11-2006, 19:26

سنسن
اسهل حاجه المرقه
حمري بصله مقطعه صغير ف شوية ذبده,حطي فوقها لحمه قطع
ثم بسله وجزر وخرشوف وملح وفلفل وكام عود كسبره وبقدونس اربطيها بخيط [لاتقطعيها]
وقليل من الماء واتركيها على نار هادئه حتى تنضج, تخلصي من الكسبره البقدونس.
لم نعد في حاجه لهم خلاص البسله اخذت ريحتهم.
والف هنا وشفا

ربنا يخليك يا فندم وما نتحرمش من اكلاتك بس لازم خرفوش اصدي خرشوف و لحمه اصل جوزي بطوط مش بيحب ياكلهم وانا بموت في الخرفوش واللحمه بس هعملها ان شاء الله اول ما اشتري خرشوف !! م

sunsun_micro

30-11-2006, 19:37

شيرين
قطعتي قلبي يا شيخه,انا مغدياهم النهارده محشي كرنب ايه رأيك
اخطف رجلي لحد عندك والحقك بطبق وهوه لسه سخن

وعشان خاطر ربنا زحلقي طبق علي الناحيه الغربيه نواحي شيكا بيكا خليهم اتنين لان رنونا جنبي الفرق ساعه ونصف !! شرين وانا ورنون حوامل :hahaha:

sunsun_micro

30-11-2006, 19:40

ايموووووووووووووووو

وحشتينى 00انا بسال عليكى بس فى سرى 000والله

والحمد لله ربنا يعينك ياارب 00
وعايزين الفلكه تشتغل 00وعايزه اشوف ضرب وعياط >>>> نفسيه سليمه 100% خخخخخ

ام اكرم
لا انا الوش حاليا خشامونيوم بتاع قبنورى 00والدرف قزااااااز >>> مالها دى فايقه ولا شاربه شاى بلبن خخخ
والله انا امبارح كنت بكلم ماما ربنا يخليهالى يارب00وهى اللى رفعت معنوياتى كتييييييير

وربي يا شيرين احنا علينا شويه هبل بسب عدم ترييح الدماغ وفي الاخر اللي قرفنا مريحين دماغهم واحنا اللي دمنا بيتحرق

sunsun_micro

30-11-2006, 19:49

ام اكرررررررم

الطبيعى يكسب يابااااشا

والمره دى خايفه اولد صناعى خخخخخخخ

ادعيلى الله يخليكى احسن تك تك تك تك >>> ده العد التنازلى لامؤاخذه

وانا كمان الله يسترك ادعيلي اصل العد التنازلي بتاعي خلال الايام الجايه وانا مرعوبه رعب و بعدين كنت بفتري وانا حامل لحد ما جالي شد عضلي في بطني من اسبوع بس صاروخ مش بقدر اتنفس نفس عميق لحد دلوقت بس لسه بفتري ودي اول ولاده ليه يا مامي انا مرعوبه لاااااا يامه انا هموت من الرعب

sunsun_micro

30-11-2006, 19:59

:( :( :(
ليه كده؟والله انا صحابي اللي في مصر بيكلموني وانا بكلهم يا أما بيننا مسجات
والله يا جماعه اصحابي دول عارفاهم من سنين في مصر ومشممكن يعملوا كده معايا
اناواثقه فيهم اوي:(
هاتخلوني كده ما اثقش في حدخالص:( :(

يام احمد اسمعي الكلام واسكتي كلام خالتك ام ادهم وام حسام مظبوط وخدي مني دي ورده:26: خالتك ام ايزبيلا بيلا " بعد ما اولدها ان شاء الله بعد كام يوم ----يمكن يوم يومين--اسبوع اسبوعين تلت اسابيع-- يمكن مش اكتر من كده"المفروض يناير واحد بس احساسي والدكتوره بيقولوا قبل كده
يالاااه ادربواا ذي سيماعيل ياسين "ياااااامممممممووو السعددددددددددددددددددددد":hahaha:

مدام شيرين_ام ادهم

30-11-2006, 20:20

سن سوووونه

يارب تقومى انتى كمان بالسلامه 00خلاص هانت

وبعدين على رايك احنا اللى تعبانين00واللى قارفنا مريحين دماغهم

بس خلاص بلا قرف بلا وجع دماغ 00خليها على الله

خدى بالك من نفسك ومن البيبى 00

انا كمان قلقانه لان منطقه الحوض عندى متدمره 00وربنا يستر بقى

iosha 2004
يا قهلااااااا يا قهلااااااا

منوره القعده والله

يلا هاتيلك شلته ومخده وتعالى اقعدى جنبى وخلينا نرغى شويه

وكلنا فى الهوا سوا

احكى يا اختى ولايهمك 00جنبك شويه ستات هيريحوكى على الاخر

وتعالى تانى ماتروحيش وتغيبى علينا

وبعدين يارنون مرضتش اعلق على كلامك خفت تخافى اكتر

خلااااااااص الواحده بعد الجواز وخصوصا لما تسافر الاصحاب مش بيبقوا زى الاول

بس طالما انتى واصحابك لسه الحمد لله على صله طيبه000حاولى تحافظى عليها قدر الامكان

ام اكرم ومريوما

بلاش يوقوق دى 00انتى لازم تفكرينى
ياخووووووفى يابدران

ranuna

30-11-2006, 20:25

آآآآآه والله مبرووك يارنون

اخيرا عربى

مش كده احسن بذمتك

يعنى انا اتفرج على التليفزيون 00لاقيهم بياكلوا فته ولحمه
هو فيه ايييه انتواااا كلكوااااا علييا ولا ايييييه

طبعا احسن والله انا كنت حاسه اني من كوكب تاني,الحمد لله كله بفضل اوزو حبيبتي
ماحدش يتكلم عن الأكل قدامي أني حاليا هاتجنن علي بطارخ ورنجه
ماحدش يتكلم عن الوحم قدامي
سامعه يا شيربن؟

ranuna

30-11-2006, 20:29

ما تقلقيش يا رنونا
انا بقالي 5 سنين برة مصر و لسة علاقتي باصحابي زي ما هي الحمد لله
و بنقابل بعض لما ارجع مصر و بنكلم بعض في التليفون او على النت
و نعرف اخبار بعض كلها

يعني طالما علاقتك باصحابك لسة مستمرة و انت في الغربة تقلقيش

مانا برده كنت باقول كده
لسه فيه اصحاب خير يحبوكي عشانكانتيمش عشان حاجه تانيه

ranuna

30-11-2006, 20:31

رنونه
تقلقي ليه واحنا جيران؟؟؟؟يا دوب محطتين ترام

معاكي حق
طبعا احنا جران واخوات

مدام شيرين_ام ادهم

30-11-2006, 20:34

رنوووووووووون

انا الاكل ده اخر حاجه افكر فيها
بس لما تجيلى الفجعه 00ببقى هاكل خشب البيت واى حد واقف قدامى

ربنا يهون عليكى الوحم

صحيح انتى ان شاء الله فى الشهر الكام دلوقت ؟؟؟؟؟؟؟

أم أكرم ومريم

30-11-2006, 20:44

رنونا
تبقى وقعتك فله لو طلع في قفا البيبي رنجايه,ويا حوسه لو بنت,حتقعد في ارابيزك
لازم رنجه ؟؟؟ما ينفعش اي سموكد فيش؟؟؟؟

أم أكرم ومريم

30-11-2006, 20:48

سنسن
مشيها فراخ بدل اللحمه ومشروم بدل الخرشوف مش مهم[عوك ولييس يطلع كويس]

ranuna

30-11-2006, 20:49

شيرين
ان في اول اسبوع من التالت
ام اكرم
لااااااااااااااازم رنجه وبطارخ,هاشوف المحل العربي يمكن الاقي عنده
اااااااااااااااااااااااااااااا اااااااااه لو مش عندوا هاكلكوا:22:

أم أكرم ومريم

30-11-2006, 20:55

سنسن وشيرين ورنا وكل حامل بعيد عن مامتها
ربنا يوقف لكم ولاد الحلال يارب.....ويجعلها ساعه سهله عليكم يا حبايبي
سنسن ورنا نبهو على ازواجكم يأذنو في ودن البيبي احسن اللي في بلد العم سام
احيانا بتفوت عليهم النقطه دي......احيه....نفسي راحت للموغات.

أم أكرم ومريم

30-11-2006, 21:01

شيرين
هو ادهم كبير؟؟قصدي يعني حيساعدك ف البيبي؟؟

مدام شيرين_ام ادهم

30-11-2006, 21:04

رنونا

خدى بالك من اكل الحوادق خصوصا الرنجه والفسيخ والكلام ده 00غلط جدا عليكى
يعنى ممكن كده مره وخلاص

ام اكروما ومريوما

الله يخليكى على الدعوه الحلوه دى
وخصوصا ربنا يوقف لنا ولاد الحلال ياارب

وطبعا ماننساش الاذان والتحنيك (تمره طريه بنعوص بيها الصباع كده ونمسح مسحه خفيفه فى حلق البيبى )وطبعا دى سنه عن الرسول عليه الصلاه والسلام

وبالنسبه للمغات ماما هتبعت لى بكره ان شاء الله 00ابعت لك شويه

بس الشرط نور

ماتنسيش طبق الشوربه والكسكسى اللى بالخضار00وانتى اللى جبتيه لنفسك محشى الكرنب كمان

يعنى محدش قال حاجه على طبق المكرونه اللى قلتلكم عليه

والله العظيم جميل وطعمه غير وسهل لانك مش بتحتاجى تصفى المكرونه وتعملى صلصه وترجعى تحطيها

كله فى حله واحده

مدام شيرين_ام ادهم

30-11-2006, 21:17

بصراحه هو ادهم كبير اوى

يادوب سنتين و7 شهور

يعنى هيساعدنى فى البيبى
يلعب فى عينه
يقعد عليه
يشد صوابعه
يعضه

وفى الاخر يعيط ويقولى البيبى ضربنى خخخخ

ايمان بفضل الله

30-11-2006, 22:22

تسلمين اختي ايمان على سرعة ردك وبارك الله فيك
بس سؤال اخير
ليش الفرق كبير بالسعر يعني شنو اللي يخلي الواحد يروح على الخاص ويدفع هالمبلغ الكبير
يعني سوري على الكلمه يكون الحكومي مبيوصل بوقته يعني مش كلش مضبوط

الفرق بالسعر لسببين:
1-فعلا الشركات الخاصة بتوصل بسرعة جدا يومين او ثلاثة بالكتير و لكن الحكومى EMS بيوصل فى 3 اسابيع انا مرة بعت لأختى حاجات من مصر لالمانيا

2- التغليف فى الشركات الخاصة بيكون مية مية و هم اللى بيعملو كل حاجة.. لكن الحكومى انتى اللى بتحطى حاجاتك فى صندوق و تغليفيها بس لازم يشوفوا الحاجات قبل ما تقفلى الصندوق او الكرتونة

ايمان بفضل الله

30-11-2006, 22:29

ايمان
وحشتينا انا قلت ايمان قاعده تحفظ عشان خايفه من الفلكه

بقة كدة :30: ماشى ماشى انتى عملتى ايه فى الحفظ؟

ايمان بفضل الله

30-11-2006, 22:31

ايموووووووووووووووو

وحشتينى 00انا بسال عليكى بس فى سرى 000والله

والحمد لله ربنا يعينك ياارب 00
وعايزين الفلكه تشتغل 00وعايزه اشوف ضرب وعياط >>>> نفسيه سليمه 100% خخخخخ

و انتى وحشانى ياشيرى على فكرة انا اختى اسمها شيرى و بحب الاسم دة اوى لدرجة انى بفكر لو خلفت بنت ان شاء الله اسميها شيرى:)

انتى بس كنتى فين و انا فى الكويت مش كنتى تتطلعى ساعتها:42:

om mena

30-11-2006, 23:06

http://forum.hawaaworld.com/showthread.php?t=727524

شفت الموضوع ده لاخت من الاخوات جيبته علشان تشوفوه معايا:42: :42:

sunsun_micro

30-11-2006, 23:22

طبعا احسن والله انا كنت حاسه اني من كوكب تاني,الحمد لله كله بفضل اوزو حبيبتي
ماحدش يتكلم عن الأكل قدامي أني حاليا هاتجنن علي بطارخ ورنجه
ماحدش يتكلم عن الوحم قدامي
سامعه يا شيربن؟

ممنوع يا ام احمد اكل الاسماك هنا اختك كانت زيك كده وجوزها منعها كنت هجيب رنجه لقيته مسك لي الطبنجه وقال what is this??قالتلوه فيش ياحبيبي قالي i think it's expiredيعني منتهيه الصلاحيه قولتله لا دي مدخنه يقولي لا دي متعفنه اجي يمين شمال في الاخر مجبتش والبت هيطلع لها رنجايه في افاها بلاش بقي يا روني تفكريني بالاكل والوحم ما صدقت نسيت من 5 شهور يا خالتي:hahaha:

sunsun_micro

30-11-2006, 23:27

سن سوووونه

يارب تقومى انتى كمان بالسلامه 00خلاص هانت

وبعدين على رايك احنا اللى تعبانين00واللى قارفنا مريحين دماغهم

بس خلاص بلا قرف بلا وجع دماغ 00خليها على الله

خدى بالك من نفسك ومن البيبى 00

انا كمان قلقانه لان منطقه الحوض عندى متدمره 00وربنا يستر بقى

iosha 2004
يا قهلااااااا يا قهلااااااا

منوره القعده والله

يلا هاتيلك شلته ومخده وتعالى اقعدى جنبى وخلينا نرغى شويه

وكلنا فى الهوا سوا

احكى يا اختى ولايهمك 00جنبك شويه ستات هيريحوكى على الاخر

وتعالى تانى ماتروحيش وتغيبى علينا

وبعدين يارنون مرضتش اعلق على كلامك خفت تخافى اكتر

خلااااااااص الواحده بعد الجواز وخصوصا لما تسافر الاصحاب مش بيبقوا زى الاول

بس طالما انتى واصحابك لسه الحمد لله على صله طيبه000حاولى تحافظى عليها قدر الامكان

ام اكرم ومريوما

بلاش يوقوق دى 00انتى لازم تفكرينى
ياخووووووفى يابدران

ربنا يهونها علينا انا وانت ورونا وكنزي ونقوم بالسلامه ونديها ولاده طبيعيه ان شاء الله
مش عارفه اقولك ايه عشان مشكله الحوض اختك عندها شد عضلي مش باخد نفسي منه والله من اسبوع في منطقه البطن

sunsun_micro

30-11-2006, 23:38

سنسن
مشيها فراخ بدل اللحمه ومشروم بدل الخرشوف مش مهم[عوك ولييس يطلع كويس]

فراخ مين ده !! الاخ ملوش الا في اللحمه المفرومه !!! اللحمه والفراخ بيحب ياكل منهم شوربه بس !!!وطبعا مشويين بس ولو!!!! بياكل حته صغنونه!!!
بس زنقتوه مره كان نفسي اكل عدس اصفر مكلتوش من سنتين والله وطبعا سالته بتحب العدس الاصفر قالي نوه قلت له جربته قبل كده قالي نو قولت له هتاكل منه لوعملته قالي نوه اقلت له اوكي والله لوريك:hahaha:
بس باباه كان جاي عندنا وعملت شوربه عدس اصفر وحطيت ادامه طبق كبير وكله لان باباه كان عندنا
وبعد ما باباه مشي كان هيسيب كلبته عليا هههههههههه:hahaha:

sunsun_micro

30-11-2006, 23:46

محدش يعرف المغات مكونتها ايه؟؟؟
بردوه الجلاش ممكن نحشيه ونحطه في الفريزر لمده اسبوع ولا اتنين؟؟؟
وعجينه العشر دقايق بردوه ممكن اشكلها واحطها في الفريزر ولا لا؟؟
اوزا قالتي لي الجلاش ممكن يتحط في التلاجه بس انا عايزه احفظه اطول !!!

om mena

01-12-2006, 01:20

ازيك يا سنسن ربنا يقومك السلامه ان شاء الله انتي رنا وشرين وكنزي :26: :26: :26: :26:
وتكون سهله وطبيعي ان شاء الله :26:
بالنسبه للجلاش ممكن تسويه في الفرن الاول وبعدين تحطيه في الفريزر لانه انتي تشتريه مجمد وتسيبيه فتره يفك ولازم تسويه لانه ما ينفعش تجمديه تاني بعد الحشو بس:42:
وعجينة العشر دقايق ممكن تسويها نصف الوقت وتفرزيها :D
اما المغات فاكيد ليها مكونات :22: بس ايه هيه الله اعلم:bkh: معلش لما تيجي تولدي اكون عرفت ان شاء الله:22:

ranuna

01-12-2006, 02:16

ممنوع يا ام احمد اكل الاسماك هنا اختك كانت زيك كده وجوزها منعها كنت هجيب رنجه لقيته مسك لي الطبنجه وقال what is this??قالتلوه فيش ياحبيبي قالي i think it's expiredيعني منتهيه الصلاحيه قولتله لا دي مدخنه يقولي لا دي متعفنه اجي يمين شمال في الاخر مجبتش والبت هيطلع لها رنجايه في افاها بلاش بقي يا روني تفكريني بالاكل والوحم ما صدقت نسيت من 5 شهور يا خالتي:hahaha:

مانا عارفه يا سنسونه ان السمك مش تكتري منه
مره واحده في الاسبوع
بس عايزه رنجه,أدوقها بس ايييه ده:(

bintmisr

01-12-2006, 02:48

يا بنات

عندي سؤال لكم كلكم بالنسبة لما تنزلوا مصر هل احساسكم بيختلف بالحياة هناك عن حياة الغربة

انا مثلا بحس اني صغرت 10 سنين وليا بابا وماما وبحس بجو الاسرة الكبيرة وخصوصا لما بنتلم انا واخويا واختي وبلاقي حد ادلع عليه

لكن في الغربة بحس اني كبيرة وربما عجوزة وبشعر بالمسئولية الكبيرة اللى فوق راسي

هل انتم كمان بتحسوا بده ؟؟

كل واحدة تكتب الاختلاف في الاحساس من اي ناحية

الله بجد انتى 100 100 يا اوزا لييييييييييييييييييييييييييييي يييييييييه؟ عشان انا كنت خايفة شعوور التيتة اللى جوايا يكون بجد من نفسى وخصوصا ان سى السيد بيضخمه ويكبره لحد ما قربت افكر امتى هاجوز ابنى اللى عمره 12 سنة وافكر يا ترى المفعوص اللى فى حضانة هاشوف له عروسة
ولا هاكون باى باى

bintmisr

01-12-2006, 02:52

مين ده يا فندم اللي مش معبرك هوه احنا نقدر ده كلام خدي دي:26:
ربنا يكرمك يا سنسن وتقومى لنا بالسلامة انتى واحلى بنوتة:26: اميين

bintmisr

01-12-2006, 03:03

طبعا احسن والله انا كنت حاسه اني من كوكب تاني,الحمد لله كله بفضل اوزو حبيبتي
ماحدش يتكلم عن الأكل قدامي أني حاليا هاتجنن علي بطارخ ورنجه
ماحدش يتكلم عن الوحم قدامي
سامعه يا شيربن؟

رنونه انتى فين وانا ابعت لك رنجة بس البطارخ خليها بعدين لما استورد شوية

انتى عارفة لى صديقة والله جابت جابت :hahaha: مش هتصدقى فسسسسسسسسسسسسسسسسسسسسسسسسسسسسس سسسسس يخخخخخخخخخخخ من مصر السنة دى هنا ولاحد حس بيها فى المطار :42: :22:

bintmisr

01-12-2006, 03:18

صباحكم فل وورد وياسمين

عاملين ايه يا كتاكيت
انا بس كنت عايزه اقول كلمه 00ممكن تدونى المايك بس دقيقه 00شكررررررررراااا

بالنسبه لموضوع مصر ونزولنا واحساسنا هناك
انتوا فكرتونى لييييييييه

اول سنه انزل فيها مصر كانت اكبر صدمه ليا والله العظيم
لانى كنت حامل فى ادهم وولدت فى الكويت ولسه نازله وهو شهرين
فطبعا متخيله ان العالم كلها هتيجى وهتكلمنى ترحيبا برجوعى ومعايا بيبى كمان
وخصوصا ان عيلتنا كبيييييييييييييييره بشكل لايمكن تتخيلوه
والله العظيم كانت اكبر مفاجاه ليا ان محدش عبرنى ولا بتليفون حتى 00
يادوب الخالات والعمات والعممان والخلان وبسسسسسسسس
لكن باقى البشر الظاهر جاتلهم الخرسه
وبقيت مستغربه ليييييييه
اتاريهم كل واحد بيسبق 00
اللى راجعه من بره بقى 00اكيد نافشه ريشها علينا00لا نلحق روحنا بقى
وبعدين الكلام اللى كان بيوصلنى كان يقهر بصراحه
زى ايييه
دى راجعه من بره 00ايه الهديه اللى ممكن نوديهالها
حتى الفلوس هنوديلها كام يعنى ---100 جنيه اكيد هتقلس علينا

يانااااااااس00ياااااااابشششششش شر
ان مش عايزه من وشكم حاجه00مين قال انى مستنيه منكم فلوس ولا هديه ولا غيره
انا مستنيه كلمه حمد الله على سلامتك ومبروك 00ووحشتينا وخلاااااااااص

وكل سنه انزل الاقى الناس اتغيرت بشكل غرييييييييييييييب
حتى اصحابى الاجازه اللى فاتت بانوا على حقيقتهم
الصديق الحقيقى مابيبنش غير وقت الشده00ودول فعلا بااااااااانواااا

اما بالنسبه لماما وبابا واخواتى 00طبعا هما الحاجه اللى بتهون عليا
كفايه حضن ماما اللى بترمى فيه واحس انى مش عايزه اسيبه
وقعده اخواتى 00والسهر معاهم للصبح

لو مكنش ماما وبابا واخواتى موجودين فى مصر00مكنتش فكرت ابدا انى انزل

على رايك يا اوزا

احنا هنا اللى فاكرين كل الناس ومبننساش حد00وبنقعد نفكر فيهم

وهما هناك اللى ناسونا ومبيفكروش حتى يسالوا علينا

ويلا بقى خدوا المايك بتاعكوا 00لزق فى ايدى

بس انا اصلى اللى يفتح معايا 00مش هتسد خلااص

شيرررررررررررررررررين عيطت من كلامك يا شيرين جيتىىىىىىىىىى على الالم انا كان لى اصحاب وبينا مسيجات وايميلات ولما كنت انزل الاول زيارااااااااااات وهدايا وخروجااااااااات ولما طولت الغربة وقل النزول لاقيتهم اختفوا اللى كانت تتصل بمامتى بطلت والللى غيرت تليفونها واللى سافرت ولا حد بقى يرسل ليميل ولا غيره

والظاهر زى ما قالوا بعيييييييييييييييييد عن العين بعيد عن القلب:( :(

bintmisr

01-12-2006, 03:29

اوزاااا دى كمان مشكلة ان الاولاد ميعرفوش غير البلد دى وحياتهم هنا وخصوصا اولادى بعد لما كبروا عمرهم ما راحوا مصر والصغير عبدالله اتولد هنا وهى دى الحياة اللى يعرفهاوالمشكلة ان البوص boss` ساعات يحكم مخه احنا نازلين نهائى اقواه العيال المدارس الله يهديك تتربس وفييييييييييييييين على لما ربنا يفرجها

bintmisr

01-12-2006, 03:32

ايمان انا فاكراكى على طول وباحاول اجتهد فى الحفظ بس زى ما انتى شايفة انا مش بادخل النت كل يوم وان شاء الله اعمل الامتحان يوم الجمعة OK :)

ranuna

01-12-2006, 03:33

رنونه انتى فين وانا ابعت لك رنجة بس البطارخ خليها بعدين لما استورد شوية

انتى عارفة لى صديقة والله جابت جابت :hahaha: مش هتصدقى فسسسسسسسسسسسسسسسسسسسسسسسسسسسسس سسسسس يخخخخخخخخخخخ من مصر السنة دى هنا ولاحد حس بيها فى المطار :42: :22:

ربنا يخليكي يا بنت مصر انا في امريكا يا حبيبتي
انا ماليش خالص في الفسيخ بس انا بموووووووووت في الرنجه والبطارخ
طب تصدقي والله واحده صحبتي برده جابت معاها فسيخ برده وماحدش حس بيها
لحسن تكون هي اللي قصدك عليها هههههههههههههه:hahaha:

الوردة الفريدة

01-12-2006, 06:00

وفى يا بنتى
كلنا كان عندنا احلام و امال فلى تربية عيالنا بس للاسف انهارت على صخرة الواقع ( حلوة صخرة الواقع دى)
اول ما تخلفى بقى تلاقى الرزالة و الغلاسة و العند و الزن و انكد و تحسى ان نفسك تحطيهم ف التلاجة عشان متسمعيش اصواتهم :hahaha:

تعرفي انا برضو باقول كده بس التلاجة مرة واحدة :hahaha:

الورده الفريده
ربنا يرزق بالذريه الصالحه,ونقعد جنب الحيطه ونسمع الزيطه[بس يا بت............اسكت يا واد]
وبدل اسمك ما يبقى الورده الفريده يبقى الورده المسكينه.
وبرضه ما تلاقيش وقت تدخلي ال.......

ربنا يستر هتخوفيني ليه؟:)

ميرسى يا وردة على الوردة انتى تخصصك علم نفس اصلى حسيت من الردين اللى السابقين ياريت تقوللى لى :26:

بنت مصر الحلوة ازيك؟ لازم بنت مصر يبقى وراها حلوة على طول :)
انا يا ستي هندسة مدني :22: مليش علاقة بعلم النفس خالص بس صدقيني مليش كمان اي علاقة بالهندسة :hahaha:

نداء لمن تعرف بالضبط النهارده كام دوالقعدة دوخت والنتائج هنا لخبطتنى خااااااااالص
دلوقت وقت كتابة ردي احنا يوم الجمعة 1/ ديسمبر /2006 الموافق 10/ ذو القعدة /1427 هـ

بصي يا ميجوو والله العمليه لو منظمه ينفع ونصف بس المشكله مثلا معايا اني عاوزه اكمل بس بعد الولاده بسنه او كده عشان اخد بالي من البيبي لما تيجي مش مشكله بس مشكلتي اني حاسه اني مش عندي ارداه دلوقتي وكل ما احاول اذاكر احس بالهم ليه هتسالي وهقولك جالي احباط من المشاكل اللي عندي وملاحقاني ما يعرفها الا ربنا وطبعا قلت الحيله لا اله الا الله ولا حول ولا قوه الابالله بجد والله انا حزينه من اللي بيحصل في الدنيا !!!

ممكن تودي النونو داي كير جنبك ونظمي وقتك واشغلي نفسك مش هتلاقي وقت للمشاكل دي

ربنا يكون في عونك ويصبرك :26:

الوردة الفريدة

01-12-2006, 06:18

يا بنات

عندي سؤال لكم كلكم بالنسبة لما تنزلوا مصر هل احساسكم بيختلف بالحياة هناك عن حياة الغربة

انا مثلا بحس اني صغرت 10 سنين وليا بابا وماما وبحس بجو الاسرة الكبيرة وخصوصا لما بنتلم انا واخويا واختي وبلاقي حد ادلع عليه

لكن في الغربة بحس اني كبيرة وربما عجوزة وبشعر بالمسئولية الكبيرة اللى فوق راسي

هل انتم كمان بتحسوا بده ؟؟

كل واحدة تكتب الاختلاف في الاحساس من اي ناحية

انا باحس انه وقت الراحة والفسح وطبيعي مش بتكون عليكي التزامات ومسئوليات زي هناك بس بيكون فيه احساس غربة موجود اتكلمنا عنه قبل كده يعني لا هنا نافع ولا هناك نافع :(

انتي زي السكر يا اوزا والله وبيعجبني اوي ارائك وخبرتك في الحياة ما شاء الله والله بتطلعي درر وكلام ممكن البنات ياخدوه هزار او مرح بس انا عارفة انك تقصديه ومش بتهزري بالعكس بتقولي لهم خلاصة تجربة عشتيها ربنا يخليكي يا رب ويحقق لك كل اللي بتتمنيه

اوزورييييييييييييييييييييييييي ييييييييييييييييييييييييس
شكرا شكرا شكرا يا امراديني ياستي بكتبلك بالعربي شوفتي باه:26:
انامبسوطه كنت حاسه اني متقيده كده ومش واخده راحتي في الكلام:eek:

NOOOOO MOOOORE ENGLISH
جزاكي الله كل الخير :26:
قولولي مبروووووووووووووووك

الحمد لله اخيرا بقيتي تعرفي تكتبي عربي والف الف مبروك عقبال ما نبارك على اللي في بالي

اولادنا مرتبطين بالمكان اللى اتولدوا فيه وارتبطوا نفسيا ولهم اصدقاء ومدرستهم وذكرياتهم الحلوة والمرة ...كل ده بالغربة .............. زي ما احنا ياكبار مرتبطين ببيت اهلنا والشارع اللى كنا بنمشي فيه للمدرسة والجيران واللعب وابن الجيران (( طبعا فاهمين ))

اولادنا تنزل مصر تحس بالغربة وهما في وسط اهاليهم وتحس بالغربة في المجتمع اللى جديد عليها

بصراحة احنا بندفع تمن الغربة قيراط واولادنا بيدفعوه 24 قيراط

ااااااااااااااااااااااااه ياقلبي

عيااااااااااااااااااط من مصر لكل انحاء الكرة الارضية بقالي في مصر3 سنين ومعنديش صاحبة واحدة

صعب جدا تكوين الصداقات على كبر وكان سهل عليا قرار الهجرة لان مليش مكان في مصر وباحس فيها على طول بغربة

الوردة الفريدة

01-12-2006, 06:19

ازيكوا يابنات عاملين ايه.. معلش انا كنت تعبانة شوية كنت مختفية و لو ان محدش سأل عليّ

الوردة القريدة و بنت مصر و اشطر واحدة عملتو ايه فى الحفظ؟ واى حد حفظ تانى؟ انا شايفة محدش بيجيب سيرة الموضوع دة
على العموم المفروض حسب الجدول النهاردة الامتحان و راجعى كويس قبل الحل و مراعاة ترتيب السور الطبيعى
هناك طريقتين للتسميع :
اما بالكتابة و ارسالها لى على الخاص
و الرابط دة عشان التشكيل على الكى بورد: http://akhawat.islamway.com/forum/index.php?showtopic=11758&hl

او عن طريق تسجيل صوتك على الكمبيوتر و التصحيح لنفسك

-------
امتحان الاسبوع الاول من سورة الطارق الى سورة الناس:

اكملى من قوله تعالى و اذكرى إسم السورة:

السؤال الاول :
(إن كل نفس لما عليها حافظ ). الى قوله (صحفِ إبراهيمَ و موسَى)

السؤال الثانى:
(فأما الانسان اذا ما ابتلاه ربه فأكرمه و نعمه فيقول ربى اكرمنِ) الى قوله تعالى (أيحسب أن لم يره أحد)

السؤال الثالث:
( فأمّا من أعطى و اتقى ) الى قوله تعالى ( و لسوف يعطيك ربك فترضى)

السؤال الرابع :
( و التين و الزيتون) الى قوله تعالى ( كلا لا تطعه و اسجد و اقترب )

السؤال الخامس:
(رسول من الله يتلو صحفاَ مطهرة) الى قوله تعالى ( إن ربهم بهم يومئذٍ لخبير )
-----------
اعانك الله و بارك الله فيكِ ورزقكِ حفظ كتابه والعمل به

كنت مفتقداكي لانك رفيقتي في الحفظ واشطر واحدة بس عارفة ان ممكن تحصل ظروف الحمد لله على سلامتك
الرابط مش شغال بتاع التشكيل وانا فرحانة اوي إنك حطيتي الامتحان :26:

الوردة الفريدة

01-12-2006, 06:27

بنات معلش انا تعبانة شوية ومش قادرة اكمل حتى قراءة الردود سلامي لكل ابنات ومعلش لو هاغيب عنكم شوية بس بجد تعبانة اوي

ادعولي

ايمان بفضل الله

01-12-2006, 08:42

ممنوع يا ام احمد اكل الاسماك هنا اختك كانت زيك كده وجوزها منعها كنت هجيب رنجه لقيته مسك لي الطبنجه وقال what is this??قالتلوه فيش ياحبيبي قالي i think it's expiredيعني منتهيه الصلاحيه قولتله لا دي مدخنه يقولي لا دي متعفنه اجي يمين شمال في الاخر مجبتش والبت هيطلع لها رنجايه في افاها بلاش بقي يا روني تفكريني بالاكل والوحم ما صدقت نسيت من 5 شهور يا خالتي:hahaha:

على فكرة انا قريت ان الاسماك مش ممنوعة على الحامل بالعكس اكل سمك مرتين فى الاسبوع ماعدا الرنجة و الانشوجة يساعد على النمو العقلى للطفل لاحتواءه على الفسفور و مفيد جدا للحامل لاحتواءه على دهون مفيدة .. الفكرة فى الرنجة و الانشوجة انهم مملحين و الملح الكتير غلط على الحامل نضيف للرنجة و الانشوجة الشيبسى و المقرمشات المملحة ..الملح بينفخ الجسم و يعمل مشاكل و تورم..

ايمان بفضل الله

01-12-2006, 08:56

ازيكوا كلكوا عاملين ايه وحشتونى:26: انا افتتحت الصفحة رقم 100 فى موضوعنا :)

الوردة الفريدة
سلامتك الف سلامة خدى بالك من نفسك
مش عارفة الرابط بتاع التشكيل مش شغال ليه!
على العموم هقولك على اهم علامات التشكيل
الفتحة: َShift +Q َ
تنوين مفتوح Shift +Wً
الكسرة Shift +Aِ
تنوين مكسور ٍShift +S
الضمة ُShift +E
تنوين مضموم ٌShift +R
الشدة هتلاقى نفس زرار حرف الذال + شيفت ّ

بنت مصر
عاملة ايه ؟ انا افتكرت انك بطَّلتى حفظ كويس انا كمان عايزة اراجع كويس قبل الامتحان

كنزي1

01-12-2006, 11:13

بنات معلش انا تعبانة شوية ومش قادرة اكمل حتى قراءة الردود سلامي لكل ابنات ومعلش لو هاغيب عنكم شوية بس بجد تعبانة اوي

ادعولي
الف سلامة عليكي ياجميل وترجعلنا بسرعة ان شاء الله

أم أكرم ومريم

01-12-2006, 11:22

سنسن
واحده واحده على الراجل وبعد كده حياكل كل حاجه[ابنك على ما تربيه وجوزك على ما تعوديه]
ابو العيال برضه كان انف قوي دلوقت بيطحن كله
بس طمنيني الاول عملتي تحليل ال تكسو بلازم ؟؟؟؟؟؟؟؟؟؟اصل عندك كلب في البيت....صح؟؟

أم أكرم ومريم

01-12-2006, 11:24

ايمان بفضل الله
ابدا يا ايمان ما حفظتش يظهر اني اول واحده تستاهل الفلكه

أم أكرم ومريم

01-12-2006, 11:25

الورده الفريده
الف سلامه عليكي.بتشتكي من ايه؟؟

كنزي1

01-12-2006, 11:27

صباح الفل والياسمين علي البنات الحلوين

ازيكم عاملين اية

انا سامعة كلام كدة علي الوحم انتو عارفين انا حملي بيكون غريب شوية لئني مبحسش باعراض الحمل المتعارف عليها الحمد لله والشكر لله
انا يدوب بحس بغممان خفيف كدة وساعات دوخة بسيطة لاكن حاسة الشم عندي بتكون قوية جدا وبكرة جميع الروائح بانواعها لاكن الي يضحك في الموضوع اني في حملي الاول في الشهر التاسع حسيت بالوحم والغثيان ونفسي بقت راحة لحجات معينة ولا بقول للدكتور قعد يهزر ويقولي شكلك حامل
حقي ولازم اخدة الله اعلم المرة دي هيحصل اية

بالنسبة لموضوع الغربة في بلد الواحد
وان الولاد الي عاشو برة بيحسو بيها اكتر لئن حياتهم كلها بتكون في البد من مدارس لذكريات لاصحاب
دي فعلا حقيقة انا عندي المثال علي كدة زوجي
جة الامارات وهو عندة 9 شهور واستمر فيها للثانوية وبعد كدة نزل مصر وبيحكيلي قد اية هو فضل حاسس بالغربة وعدم التاقلم لئنة مالوش اصحاب والقرايب تفكرهم وعادتهم بقت مختلفة عنة
وفضل عايش علي امل الرجوع هنا تني وبشوف السعادة والفرحة واحنا معدين مثلا علي المدارس الي كان فيها او السكن القديم او لوقابل وحد من اصحابة القدماء بيكون طاير من الفرح
ومن ساعتها وانا خايفة ان الموضوع دة يتكررمع ولادي في المستقبل

اشطر واحدة

01-12-2006, 11:28

ايييييييييية دة اغيب ليلة ارجع الاقيكو كاتبين 7 صفحات ؟؟ ( اية ياختى البنات الرغايين دول)

الف سلامة عليكى يا وردة و ان شاء الله ترجعيلنا بالسلامة

شوفو يا بنات انا عندى مشكلة بجد انا خايفة البنوتات الحلوين الحوامل اول ما يخلفو منشوفش وشهم و ما يفضلش غير الخناشير اللى زيى هههههههههه
بصراحة حنفتقدكو جدا يا شيرى و سنسون و كنزى و مش خايفة اكون ناسية حد احسن انا الذاكرة بعافية شوية عندى

يا رب تفضلو على اتصال و تفضلو تكلمونا علطول و تطمنونا عليكو

ايمااااااااان انا شكلى حضرب بالفلكة هىءهىء

بالمناسبة مبروك عليكم الصفحة ال100 عقبال الالف و انتو بخير

أم أكرم ومريم

01-12-2006, 11:29

رنا
مين قال السمك وحش للحامل؟؟؟
الستات اللي بيكلو سمك كتير وهم حامل اولادهم بيطلعو ازكى.......بس مش فسيخ وانشوجه

أم أكرم ومريم

01-12-2006, 11:38

شطوره
كنتي فين امبارح؟؟؟؟
ده احنا عملنا محشي كرنب وما كنتش عارفه الفه من صبعي,كنت بعمله وانا مضروبه 90[دذمه]بالدال
كنت عيزاكي تساعديني فيه

أم أكرم ومريم

01-12-2006, 11:39

ماحدش شاف اوزوريس؟؟؟؟
وزه تايهه يا ولاد الحلال

أم أكرم ومريم

01-12-2006, 11:40

جولدي
فينك يا قمر ,لااسكت الله لك حسا