انا ممكن ابدا تعليم الخياطة للمبتدئات وهي [الارشيف]

عرض كامل الموضوع : انا ممكن ابدا تعليم الخياطة للمبتدئات وهي

فاهيتاااااااا

10-07-2006, 04:15

انا اختكم فاهيتا من مصر ارجوا انى اكون خفيفة عليكم خصوصا ان دية اول مشاركة ليا واتمنى انى انول رضاكم
طبعا انا عاوزة ابتدى معاكم دروس خياطة للمبتدئات عشان يبقى عندهم اساسيات الخياطة قبل ما اى واحدة تجيب قماش ويخرب منها لقلة وعيها باساسيات الخياطة
طبعا كلكم بتعرفوا تستخدموا مكنة الخياطة ولو فى حد مايعرفش يقولى وانا هشرح ازاى تستخدمها اول مرة بس انا هبتدى دلؤقتى فى الطريقة المثلى لتسلسل اخذ المقاسات
1- طول الوسط فى الامام
2-طول الوسط فى الخلف
3-دوران محيط اصدر
4-دوران محيط الوسط
5- دوران محيط الهانش
6- طول الكتف الواحد
7-طول الموديل كله حسب الرغبة فلو كان الموديل عبارة عن فستان تكون الاطوال على حسب اذا كان (مينى - ميدى - شانيل - ماكس)
8 - نقطة امام اعلى جزء بالهانش(طول الجنب)
9 - طول الكم(الذراع)
10 - اكبر محيط بالذراع
11- محيط الاسورة
هذة هى المقاسات الاساسية لاى موديل من سنة لاخرى
وسوف اقوم بشرح هذة المقاسات تفصيليا لاحقا
ارجوا انى اكون قدمت شىء مفيد:26: :)

janet

10-07-2006, 06:48

بارك الله فيكي

استمري ونحن من خلفك

إبتهال الروح

10-07-2006, 07:17

أهلا ومرحبا بك أختى الغالية فاهيتاااا

شكرا أختى لمبادرتك الكريم

ويسعدنى أكون ثانى واحدة أشترك معاك

أنا حاليا أحاول التعلم مباشرة على القماش مع الاخت الزهراء
مع العلم إنى ما عنديش ماكنة ....وقد لا أستطيع أسئلك عن شىء فيها الا بعد أن أشترى وأتعرف عليها فى الواقع

وإن شاء الله نستفيد جميعا منك

بس أختى أنا محتاجة لتعلم طريقة بدون بترون (اقصد بالنظر والقياس فقط )وأظن إنى فهمت من كلامك كده

أستمرى بارك الله فيك

khuload

10-07-2006, 08:10

اختي فاهيتا الكل وده يتعلم وعلشان كذا ام عبدالرحمن الراجية .... كانت قد بدأت موضوع تسأل فيه العضوات ما يحبونه من دورات ... ويعطون لكل دورة 10 ايام لتبدأ الدورة الجديدة

فاذا في امكانية اتحطين الاداوت وكل شيء في هذا الموضوع واللي تحب التسجيل وتبتدين بعد 5 ايام لان دورة الشرايط بادية بس من خمس ايام .... وبكذا ما نكون خسرنا التعليم والف شكر

اتمنى ان البنات يأيدوني ... خصوصا ان ما في احد يحب يخسر الدورات هذي

ورحم الله والديكي دنيا واخرة عن كل ما تعلمينه اياه

mima2005

10-07-2006, 09:30

جزاكى الله خيرا اخت فاهيتا وفعلا احنا محتاجين الدورة ديه ومعاكى ان شاء الله

ام الامامير

10-07-2006, 09:51

جزاكى الله خيرا اخت فاهيتا وفعلا احنا محتاجين الدورة ديه ومعاكى ان شاء الله

فاهيتاااااااا

10-07-2006, 13:54

فوزية بنت البيضاء

10-07-2006, 14:09

اختي فاهيتا انا معاك وامنيتي اتعلم التفصيل بدون باترون
وياما طلبت من الاخوات اللواتي يعرفن الخياطة والفصالة بدون باترون ان يساعدننا وللاسف لم تتستجب اي وحدة لهذا الطلب .
اختي جزاك الله عنا خير جزاء فتوكلي على الله ونحن على استعداد للتعلم وشكرا لك كثيرا

فاهيتاااااااا

10-07-2006, 14:56

اخواتى العزيزات اشكركن على ردودكن على موضوعى واتمنى انوة يكون نال اعجابكم فعلا بس فى كذا نقطة انا هتكلم فيها حالا:
بالنسبة لاختى ابتهال الروح......... انا على فكرة عارفة القص على القماش بس صدقينى طريقة غير فعالة وغير نافعة وديما بيطلع فيها اخطاء كتير انما الطريقة العلمية هى طريقة البترون وهى اضمن طريقة تقدرى بيها تطلعى ملابسك زى مابيقولوا متركبة عليكى وبعدين انا ان شاء **** هعلمكم بترون ممكن تستخدمية لاى مقاس ممكن يقابلك ولاى موديل من سنة لاخرى ودة بيتم بنظرية علمية ثابتةوماتخفيش الموضوع سهل جدا:26:
ام اختى khuload........انا مش فاهمة حكاية التسجيل او تنظيم الدورة دية بس لو ممكن توضحى اكتر الموضوع او تتولى موضوع تنظيم جدول الدورة دية عشان متتلخبطوش مع دورات اخرى اكون شاكرة ليكى لانى فعلا مش فاضيةويمكن الجدول دة ينظم الدروس :26:
عموما انا هكمل النهاردة معاكم اللى بدات فية امبارح على متشوفوا الجدول اللى يناسبكم

اولا : طول الوسط فى الامام
يتم اخذة من بداية نقطة التقاء الرقبة بالكتف وننزل بشريط القياس مارين باعلى نقطة فى الصدر حتى نصل لاقل محيط وهو محيط الوسط وفى العادة لايمكن ان يقل عن 40سم وذلك طبعا ينطبق على الانسات من بعد البلوغ صعودا لجميع المراحل العمرية بعد ذلك
دة مش معناة ان القياس 40 سم قاعدة ثابتة لا طبعا ان بتكلم ان دة اقل حاجة ممكن تيجى معاكى فى القياس واى قياس اقل من كدة هيبقى غلط من عندك لان اقل من كدة تبقى مقاسات اطفال اللى هما قبل سن البلوغ انما بعد سن البلوغ يبدا طول الوسط فى الامام من 40سم او 42 سم او44 سم او46سم وهكذا بس لايمكن تزيد عن 50سم الا فى حالة ان السيدة اللى عندنا حجم الثدى عندها كبير جداجدا ولازم ياجماعة نخلى بالنا كويس قوى من ان نهاية القياس عندى ينتهى فى اقل محيط وهو الوسط
لان القياس دة بيتوقف علية نجاح البترون كلة

ثانيا : طول الوسط فى الخلف
طبعا احنا كلنا عارفين ان احنا الجنس اللطيف عندنا بروزات فى الامام وهى الثدى لان احنا مش رجالة عشان كدة بيكون طول الوسط فى الخلف اقل من الامام بحوالى 2سم او3سم او 4 سم حسب رؤيتك لبروز الثدى اذا كان كبير ولا عادى او متوسط وعموا متركزوش فى المقاس دة لان احنا هنتعلم ازاى نستغنى عن القياس دةونكتفى بطول الوسط فى الامام
بس عموما طريقة قياسة بنفس الطريقة السابقة بس فى الخلف

ثالثا: دوران محيط الصدر
وطبعا كلنا عارفين ان احنا بنلف شريط القياس على الصدر مع مراعاة انة يمر باعلى جزء فى الصدر

رابعا:دوران محيط الوسط
ودة بيتم اخذة حيث يلف على اقل محيط فى الخصر دة اذا كنا بنعمل فستان او بلوزة او قميص اما لو هنعمل بنطلون او جوب بناخد القياس من بداية عظمة الجنب عندنا كلنا طبعا وتكون مارة بالسرة
ونلاحظ لو فى نسبة كرش بنميل بشريط القياس لفوق شوية عشان نعمل حساب البطن

خامسا: دوران محيط الهانش
بنلف شريط القياس حول الهانش مارين باعلى نقطة فى الهانش

سادسا: طول الكتف الواحد
وياخذ من نقطة التقاء الرقبة بالكتف حتى نصل لعظمة الكتف ودة بيختلف من شخص لاخر حسب طولة وعرضة وملهوش قاعدة نتقيد بيها

سابعا: طول الموديل كلة
واخذ الطول من نقطة التقاء الكتف بالرقبة مارين باعلى جزء فى الصدر وصولا للطول المطلوب ازا كن بنعمل قميص او بلوزة او فستان
اما لو بنطلون او جوب بناخد من بداية عظمة الجنب وحتى الطول المطلوب

ثامنا : نقطة اعلى جزء باهانش (طو ل الجنب)
هنا بنقول انوة بيختلف من الانسات للسيدات هنقول ان السيدات كقاعدة ثابتة دايما طول الجنب يبقى 20سم فقط لا اكتر ولا اقل
الانسات الوضع مختلف فبعد البلوغ مباشرة تبدا التغيرات تظهر فى جسم الفتاة ببطء فناخذ طول الجنب من 16سم ل 17سم
اما بعد البلوغ بمدة تلات او اربع سنين بيكون 18سم او 19سم
طبعا احنا ممكن نلاقى واحد ة انسة عندها 20سنة بس معندهاش جنب فممكن ناخد قياس 17سم او 18 سم ولو عندنا واحدة مليانة بس انسة طبعا بيكون اخر قياسة 19سم
الاختلاف دة لان السيدة المتزوجة جسمها غير متماسك زى الانسة

انا كدة شرحت معكم جزء من القياسات والباقى هنملوة بعدين مع شرح قياسات البنطلونارجو يا جماعة انى مكنش طولت عليكم وانكم استفدتم فعلا :26: :7_18_2:

فاعلة خير1977

10-07-2006, 14:59

:26: جزاكى الله خيرا اخت فاهيتا وفعلا احنا محتاجين الدورة ديه ومعاكى ان شاء الله

drfaiza

10-07-2006, 15:02

فاهيتاااااااا
أهلا ومرحبا بك
موضوعك جدا مهم ومفيد باذن الله
وأنا من رأي الغالية خلود اننا ننتظر لما تنتهي دورة التطريز بالشرايط علشان يكون فيه استفادة أعم وأشمل
نسقي حبيبتي مع الراجية وحنكون سعداء جدا لأننا اكتسبنا خبيرة مثلك بأصول الخياطة
وسأكون من أول المتابعين لك بشغف باذن الله تعالي
عندي استفسار بخصوص ماكينتي البرازر ...انتظريني مع الصور

drfaiza

10-07-2006, 15:08

http://hrof.net/im/index.pl/991710610611901-3595.jpg

ودة مكان المكوك

http://hrof.net/im/index.pl/21101710610611901-3597.jpg

وهنا المكوك راكب

http://hrof.net/im/index.pl/20111710610611901-3601.jpg

وزي ما شفتي المكوك راكب أفقي مش رأسي
المشكلة ان الابرة لا تلتقط خيط المكوك .....ايه الحل برأيك

فاهيتاااااااا

10-07-2006, 15:28

اختى العزيزة مشرفة القسم انا شاكرة اهتمامك جدا واتمنى انى اكون عند حسن الظن بالنسبة للتنسيق مع الاخت راجية انا مش عارفة ازاى اوصلها او انسق معاها بس حقيقى مش هتفرق احنا كلنا هدفنا واحد وهو ان الكل يستفيد واللى هتقولوا عليها انا موافقة عليه من غير تردد وممكن انتى تنسقى معاها وتبلغينا وتبلغى الاعضاء بالنتيجة
اما بالنسبة لمشكلة المكنة انا يمكن مشوفتش مكنة مكوكها كدة بس من خبرتى المتواضعة ان ممكن يكون خيط المكوك قصير عشان كدة مش بيلقط معاكى
او ممكن انتى لما بتنزلى الابرة عشان تلقطى خيط المكوك بتشدى بايدك خيط الابرة ومبيلقطش فحاولى ترخى خيط الابرة من ايدك شوية وان شاء اللة تلقط على فكرة انا مكنتى برازر بس مش الموديل دة انتى موديلك حديث ماشاء الله

فاهيتاااااااا

10-07-2006, 15:36

عزيزتى فوزية بنت البيضاء تعليم البترون شىء اساسى اذا كنتى تريدى ملابس مظبوطة عليكى اما الطرق التقليدية صدقينى غير صحيحة نهائيا وهى القص على القماش الشىء الوحيد اللى ممكن تقصى فية على القماش على طول هو الجوبات الكلوش والدوبل كلوش والنص كلوش والافازية والطبقات اللى فوق بعضها او تحت بعضها وخلى بالك الجوبات كمان اللى فيها قصات من ناحية وناحية اوذذذات الجنب الواحد دية بنضطر لللاسف نعملها بترون
انا كان نفسى احققلك طلبك بس دة صعب ومقدرش اديلك علم يكون غلط متزعليش وشكرا على زيارتى

الراجيه عفو ربها

10-07-2006, 15:43

هلا بالغاليه فاهيتا
مشكوره على مبادرتك الطيبه وسعيدين بانضمامك الينا
وان شاء الله اكون اول تلميذاتك يالغاليه وممكن تعتبرينى مساعدتك فى الدوره
فانا على استعداد لتصوير اى شيى للتوضيح للبنات

ان شاء الله براسلك على الخاص لنتفق على تفاصيل وميعاد الدوره
واذا عندك اى شيى او استفسار هكون سعيده جدا لو راسلتينى على الخاص
تحت امرك يالغاليه
وانتظرى رسالتى
جزاكى الله خيرا

drfaiza

10-07-2006, 15:44

للتنسيق مع الراجية ادخلي هذا الموضوع

http://forum.hawaaworld.com/showthread.php?t=577064&page=20

واعرضي رغبتك وهي تقوم بتنظيم المواعيد باذن الله
وسننتظرك بشغف
ححاول أجرب اللي قلتي عليه بخصوص الماكينة وربنا يشفيها

فوزية بنت البيضاء

10-07-2006, 15:44

شكرا لك ساحاول التعلم معاك
بارك الله فيك اختي

الراجيه عفو ربها

10-07-2006, 16:08

قاهيتا ارسلت لكى على الخاص وانتظر ردك حتى اعلن للبنات ميعاد الدوره

فايزه
ما شاء الله ماكينتك تجنن

ام الامامير

10-07-2006, 19:07

ام عبود وحشتيني =

قمره

10-07-2006, 19:49

ابي اتعلم الباترون وطريقته الله يخليك لاني نويت اتعلم الخياطه

فاهيتاااااااا

10-07-2006, 21:50

انا شاء **** يااختى يا فوزية بنت البيضاء ويا اختى قمرة هتستفيدوا وتحبوا القص بالبترون

إبتهال الروح

11-07-2006, 03:23

الحمد لله اخيرا هتبدا دورة خياطة متكاملة ......ننتظرها على أحر من الجمر

الف شكر لكم جميعا

الراجية
وفاهيتا
ودكتورة فايزة

عنــــوده

11-07-2006, 03:56

مشكوره اختي فاهيتا ومشكورين كلكم وأنا بعد إن شاء الله ببدأ معكم في تعلم الخياطه :)

غـــرووب الشـــمس

11-07-2006, 05:09

السلام عليكم اختى فاهيتا

انا الصراحه حلمى اتعلم اخيط لو سمحتى ساعدينى كيف اخيط كيف ارسم البالترون

لو سمحتى ممكن اتعلمينى كيف اسوى كسرات وراى بعض كسره وارى كسر ما اعرف كيف افهمج *****الله فهمتى علي

جزاج الله كل خير

ommai

11-07-2006, 05:22

الاخت الغالية فاهيتا نورتى المنتدى وحقيقى حمستينا نتعلم الخياكة وبالبترون الابنخاف منه كلنا انا مستنياكى على احر من الجمر وارجو من راجية ان تسرع فى بدا الدورة
ولو سمحتى اختى ممكن تسعدينى انا اشتريت ما كينة هاى تك الا بيعلنو عنها فى التلفزيون بس من يوم ما جبتها وانا بعانى معاها
مرة الخيط يتكلكع من تحت ودى اتحات لما شديت مسمار بيت الماكوك لكن المشكلة الا مزهقانى
وخلتنى افكر انى ابيع الماكينة وانا لم يمضى على شراءها ال شهور قليلة وهى انقطاع الخيط بستمرار ارجوكى ساعدينى فتقريبا الماكنة مبتخيطش غرزتين الا وتنقطع ارجوكى بسرعة وعلى فكرة راجية عندها نفس المالكينة ونفس المشكلة

فاهيتاااااااا

11-07-2006, 05:48

اشكرك اختى ابتهال الروح وعنودة وارجو فعلا انا لما الدورة تبدا تستفيدوا وتخيطوا اى موديل لانفسكم

اما اختى غروب الشمس : طبعا انا فاهمة قصدك بس لازم نبدا مع بعض من الاول وممكن تلاقى نفسك من غير ما اشرح حاجة تعملى اللى انتى عاوزاة لوحدك مدام فهمتى ثوابت

اما ommaiطبعا المكنة هاى تك لو قدرتى تشوفيلها اى حد يشتريها يكون احسن لانى شوفتها وصدقينى مش عملية وهتتعبى فيها المكنة ممكن تخيطى بيها قطع احتمال تركب سوستة ويمكن تخيط ملابس بيبى بس مش ممكن تقدرى تعملى بيها طقم ليكى او فستان لانك هتتعبى حاولى تشوفى مكنة افضل منها ويفضل البرازر ودية انا بعتبرها مكنة العمر كلة او ممكن تجيبى سنجر ودية بردوة حلوة وحاولى متخرجيش عن الماركتين دول لانهم اشهر ماركات مكن على مستوى واسع

نصيحة بقى ياجماعة متشتروش حاجة من التلفزيون مرة تانية مدام مش معروفة
حاجة كمان لازم كلكم تخلوا بالكم منها ان اهم حاجة عشان تنجحى فى الخياطة وتطلعى حاجة حلوة لازم يبقى عندكم صبر الصبر... الصبر ...الصبر

الوجة2020

13-08-2006, 06:02

السلام عليكم
لوسمحتوا ممكن اعرف بدات دورة الخياطة ولا لا

المستقبل المشرق

13-08-2006, 06:46

أخت فاهيتا وأنا كمان معاكي والله حابه اتعلم الخياطه ودايماً اشتري قماش واخربه

(أمة الله)

13-08-2006, 11:18

الاخت د فايزة
السلام عليكم
اعتقد ان المكوك بيكون بجوارة مجرى رفيع فى الاعلى بتاخدى جزء من الخيط وتدخلية فى المجرى ثم تغلقى علية بالغطاء وسوف ينسحب الخيط من المكوك باذن الله

whiteangle

19-09-2006, 01:24

ى الدوره مش هنا
ياريت اتعلم الخياطه

drfaiza

29-05-2007, 08:50

أتمني علي الأخت الفاضلة فاهيتا استكمال الموضوع او الاعلان عن دورة للخياطة في القريب العاجل

a_m_t_a

30-05-2007, 16:27

وانا اضم صوتى لصوت المشرفة وارجو ان تقبلونى اخت لكم:) لانى بموت فى الخياطة بس للاسف مش بعرف ,وبصراحة لما عملت سرش على النت وجدت ان هذا الموقع وبكل امانة من افضل المواقع التى وجدتها :32: فكررت ان اتعلم فيه , فبالله عليكى اختى فاهيتا اكملى الموضوع وجزيتى الفردوس :26:

سوسن يونس

31-05-2007, 23:09

بدنا فاهيتااااااااااا عاوزين فاهيتااااااااا we need fahettaaaaaaaaaaa

اثقل يا جميل اكثر واكثر بيطلع لك

انا هنا للتشجيع مش للمشاغبه واعلم ان الامر يريد دراسة من جميع الوجوه ليكون ناجحا ونافعا
بالتوفيق ان شاء الله

قيثارة الحياه

02-06-2007, 08:52

أنتظر معكم حته اتعلم

lovely mother

03-06-2007, 03:31

شكرا جزيلا اخت فاهيتا وانا معاكي ان الباترون افضل في التفصيل وعلشان كده برجو منك نشر بعض الباترونات الاساسيه واازي منها ممكن نعمل الموديلات اللي عايزنها وتفهمينا الكلام ده كله
وانا عن نفسي عندي كام باترون ممكن اساعدك بيهم

هدى عبد الحى

03-06-2007, 13:01

جزاكى الله خيرا انا كان نفسى اتعلم الخياطة بجد

دائما محتارة

19-06-2007, 10:56

هاي فاهيتا مشكوره وأنا من أول طالباتك في هذه الدوره *****لله

زودالعين

21-06-2007, 16:42

شكرا جزيلا اخت فاهيتا وانا معاكي ان الباترون افضل في التفصيل وعلشان كده برجو منك نشر بعض الباترونات الاساسيه واازي منها ممكن نعمل الموديلات اللي عايزنها وتفهمينا الكلام ده كله
عايزين نبدا بسرعه انتم منتظرين ايه؟؟؟؟؟؟؟؟؟؟؟؟؟؟؟؟؟

ينابيع الوفا

22-06-2007, 21:09

شكرا لك اختي فاهيتاااا ونرجوا منك التكرم واكماال الدورة فهي مهمة جداا

جزاك الله خير وكتب لك الاجر والمثوبة

الــــــحلوة

27-06-2007, 00:19

انا معااااااااااااااااكم

سجلو اسمي

الوووووووووووووووووووووووووو

kokoloko2010

29-07-2007, 22:22

شكرا جدا فاهيتا انا مصرية زيك ياريت تكملى الدورة علشان انا هموت واتعلم الخياطة