على ضفاف النيل (ملتقى حواء السودان) الجزء التاني ................. [الارشيف]

flame4me

19-02-2006, 16:07

اذيكم انا جيت تانى...وطنى السودان و الله بالاكتر الشوق كميات....والله الحياة الزوجية كويسة لكن اه ه من المسوليات.........و بعدين قعدة البيت لمن راجلى يمشى الشغل صعبة شوية....لكن شوية شوية الواحد بيتعود...انت كمان احسن قاعدة فى لندن مافى زول بيساللك من حنة و لا غيرو...لكن انا اى واحدة تلاقينى.. تقول لى عروس لى ماعاملة حنة..مشيت لى واحدة صاحبة ماما عملت لى الحنة اول مرة...لمن جيت اطبقها براى عينك ماتشوف الا النور...لخبطت الدنيا و قعدت ابكى....حسيت انى جد جد دايرة ماما معايا..اصعب شى كمان انى ما مع اهلى.....بشتاق ليهم شديد و بيفرقوا على جد....غايتو ربنا يسهل اول ايام قالوا بتكون صعبة....لكن الجاى بكون اسهل..بالنسبة للطبيخ غايتو راجلى متعاون معايا كتير و كمان صاحبة ماما...و باتعلم شوية شوية....انتى حياتك ماشة كيف هناك..و برنامجك كيف؟؟؟

flame4me

19-02-2006, 16:23

صحى نسيت اسالك البيت كيف؟؟؟خلصتى ترتيب و كلو ولا لسه..انا من ماجيت طوالى نزلت السوق نكمل فى الحاجات الناقصة...اسى بقى مكسب شديد لكن لسه كل مرة باكتشف شى ناقص....و الليلة طبعا اول مرة اعمل بخور يادوب جبت المبخر امبارح....البخور ده اجمل اختراع جد...ريحتو حلوة...
صحى انا رسلت للبنات رسايل على الخاص ان شا ءالله يجونا سريع..ورينى خبرتك فى الطبيخ كيف؟؟؟؟؟

وطني السودان

19-02-2006, 17:46

طبعا زي ما قلتي يا فليم ...قعدتي هنا ريحتني من الحنة الحمدلله..... فعلا صعبه... الله يعينك... انا اتجرست شديد اول ايام ... من قعدة البيت ومع البرد دة.... لكن الحمدلله بديت اتعود.... الطبيخ ماشي كويس لحد الان ... كل يوم اختراع جديد... ها ها ها.... لكن فعلا مسؤؤولية .... ياحليل ايام العزوبية.... وكمان اهلي مشتاقة ليهم شديد........................ ****الله لازم امشي اجازة قريييييييييييييب ............

nice1000

20-02-2006, 06:56

ازيكم يا بنات مشتاقة ليكم جد جد جد ولي موضوعكم الحلو ده

ماريا الطيبة

20-02-2006, 11:38

كيفكم يابنات
مشتاق ليكم شديد
كيف عاملين ياعرايس ومع المسؤليات
تعالوا ذكرتوني حاجة
مش المفروض تحكو لين شو عملتوا بعد العرس مش وعدتونا
http://forum.hawaaworld.com/showpost.php?p=5825787&postcount=603
يلا منتظرين نصائح
انا هسة ابدا دراسة بعد اسبوعين ان شاء الله ادعوا لين ربنا يوفقنا
هسى رايحة احضر الغداء لابوي وبعدين ادخل واشيك عليكم
يلا مع السلامة

flame4me

20-02-2006, 13:49

السلام عليكم يا احلى بنات....
نايس و ماريا الطيبة منورين الموضوع ياحلوين و انتوا وحشتونا اكتر...و جد نفسى احكى ليكم كل الحصل لكن استنوا على يومين كده و اليومين ديل ادعوا لى كتير فى موضوع كده بس مقلقنى و نفسى ينتهى على خير....
وطنى السودان لو عندك وصفات سهلة و حلوة للطبيخ ادينى بسرعة..احتك خايبة جدا..الله يستر بس.

شامه

20-02-2006, 16:29

يغهلا والله منور المنتدى بوجود بنات السودان
والاخت flame4me الف الف الف مبروك على الزواج وعقبال الذرية الصالحه يارب والله اشتقت لكم كل ما ادخل ادور على الملف الاول ما الاقيه قلت بس flame4me اكيد تزوجت وقفلت الملف وسابتنا لوحدنا الله يوفقك ويسعدك

وطني السودان

20-02-2006, 16:58

nice
ماريا الطيبة
ازيكم يا عسل
خليكم دايما معانا وما تختفوا
و***** الله الشمارات كلها جاية في الطريق:)

فليم
اخبارك شنو الليله
****لله الحاجة اللي شاغلة بالك تلاقي ليها حل :)

بالنسبة للطبيخ

كيف انتي مع الرز

غايتو انصحك اشتري
rice cooker
مريحة وسهلة

ممكن تسوي دجاج دمعة
تقطعي البصل في الاول وتخليهو يتحمر دهبي وبعدين تضيفي قطع الدجاج مربعات ....انا باحب الصدور... وممكن تقلبي طوالي وتضيفي البهارات كلها (ملح-فلفل-شوية عصير ليمون - كزبرة-توم)
لما ينضج اضيفي فلفل اخضر مقطع و صلصلة طماطم .... لما خلاص يقرب يتسبك
اضيفي
double cream
4 ملاعق كبيرة ............

وبالهنا والشفا:)

سلام

ماريا الطيبة

20-02-2006, 18:46

طيب انا كمان اديكي وصفة البطاطس وان شاء الله تعجبكٍ يافليم
مقادير : بطاطس مقطع مكعبات - 2 طماطم مقطعة صغير او كمان العصير حقها - 2ملعقة صلصة طماطم - بصل وثوم مقطعين صغار مرة -لحم- بهارات(ملح-فلفل اسود - مرقة ماجي - كمون ان شئتي) كاستين ونص موية مغلي -فنجان زيت.
الطريقة : تحمري البصل والتوم مع اللحم والبهارات في زيت مدة 10 دقائق بعدين كبي البطاطس في اللحم والبصل واقعدي حمريه على نار متوسطة مدة ربع ساعة بعدين كبي الطماطم والصلصة طماطم وبرضو حمريهم مدة 10 دقائق واقعدي قلبي الطبيخ في نار العالية
بعدين ياستي كبي موية مغلية وغطي القدر وخلي النار عالي مدة ربع الساعة بعدين خلي النار متوسطة الين ماينضج بطاطس
وبالهناء والشفاء وان شاء الله يظبط معاكي الاكلة بتاعتي

وطني السودان وفليم منتظرينكم ياويلكم تشردوا مننا

وشكرا يافليم عشان وريتيني الموضوع دي بالفعل اثبتي لي كيف انك صديقة وصدوقة
جزاكٍ الله خير انك مانسيتينا

flame4me

21-02-2006, 05:04

السلام عليكم يابنات.....
شامة حبيبتى الله يبارك فيك ياغالية و الموضوع منور بوجودك انت حبيبة و جد وحشتينا و وحشتنا مشاركاتك و طلتك الحلوة علينا.....انا الحمد لله اتزوجت من شهر تقريبا و الحين فى قطر...انت اخبارك شنو و الجديد عندك شنو؟؟؟
وطنى السودان....يديك العافية على الوصفة الحلوة دى و ان شا ءالله اعملها قريب حبيبة..
الموضوع الشاغل بالى...ماشكلو بيتحل بين يوم و ليلة..غايتو بس دعواتكم معايا انو ينتهى على خير.....
الرز و الله علاقتى معاهو جميلة جدا الحاجة الوحيدة البعملها كويس....لكن الرايس كوكر دى اول مرة اسمع بيها..ورينى بتشتغل كيف و الاقها وين و بكم.
ماريا الطيبة...حبيبتى و الله خجلتينى بكلامك الطيب ده و احنا اخوات ياغالية و معرفة المنتدى ده ابدا ماساهلة الحمدلله عرفتكم من طريقه و انتو اسى اكتر من اخواتى يشهد الله...و تسلمى لى على الوصفة الجميلة و ان شا ءالله الليلة اعملها فى اليويمن ديل هى و وصفة وطنى السودان.وربنا يوفقك فى الامتحانات و يديك كل اللى فى بالك يارب.

flame4me

21-02-2006, 05:30

الليلة احكى ليكم افلام العرس الحصلت معايا....
اول شى انتوا عارفين انو نحنا كنا عاقدين من بدرى...و العرس كان تانى يوم فى عيد الاضحى..و راجلى جا يوم الوقفة العصر تقريبا من قطر......
بس...اول ماجاء اتصل بى..و قال حيجينى المساء فى البيت علشان نشوف اغانى الزفة و السلو و الحاجات دى:D ...اختكم ماصدقت طبعا:icon28: ...ماكلمت اى زول علشان ما ينقوا لى و يقولوا لى لا انتى محبوسة و الكلام ده:icon33: ..
بس....لبست و اتشيكت:27: و لمن جاء نزلت ليه بالتوب...طبعا كان اول مرة يشوفنى بالتوب واول مرة الاقيه من سنة ...((و كان اللقاء الجميل جدا ))ابس المشكلة انو اخوى و اختى و خالتى كانوا قاعدين فعملت فيها مكسوفة:30: ....
المهم ونسة و كلامات..و قلت ليه نمشى اسى محل الدىجى نشوف الزفة و الحاجات دى..و مشيت غيرت التوب و لبست لوازم الحبسة من عباية و جوانتيات و مسحت المكياج و طلعنا...:39: .
المهم مشينا المحل اخترنا الاغانى و جد كان احلى احساس عندى انو هو معايا و بنجهز فى حاجات الزفاف سوا.....الاحساس الكنت مفتقداهو جد و بتجينى نفسيات كل ما امشى اختار الكوشة اوالنادى او للسوق او حتى الكوافير و الاقى كل بت جايبها خطيبها او جاى معاها او كده و انا بس الوحيدة....
يلا رجعت البيت طبعا لقيت ناس البيت عاملين لى موضوع و كلام شنو ده يابت و انتى محبوسة و ماصدقتى..لكن انا طبعا عملت الفى راسى خلاص و كنت مبسوطة جد الحمدلله....
تانى يوم يوم العيد...كان عندى حاجات لسه عند مدام خلود...طرحة فستان الزفاف و جزء من فساتين الرقيص و طبعا وصلنى راجلى.......
نجى ليوم الزفاف...
اول شى ماكنت قادرة انوم اليوم القبليه...صحيت من بدرى صليت الفجر...و اول ما الساعة بقت 8 مشيت لغادة شرفى...كنت اول و احدة تجى...بس..دخلت استحميت و رقدت نمت شوية من التعب...بعد داك جو باقى العروسات المعايا...طبعا غادة نظامها انو البتجى اول بتخلص اول...وفعلا...صحونى عملت الاستشوار و جيت تانى نمت و تانى صحونى للمكياج و بعد داك قعدت اتونس مع البنات قلت لو نمت المكياج بيخرب....و طول الوقت بالى كان مشغول بالكوشة و التورتة ...بالذات لمن اتصلت ام عروس معايا و قالت ليها امل رضوان عملت ليك الكوشة فى نص النادى....و اتصلوا خلوها تغير مكانها...انا برضو طوالى اتصلت بيها و أكدت عليها على مكان الكوشة....لكن بعد ده كلوا عملت لى كوشة غير الاخترتها...هى حلوة برضو لكن بس انا كنت دايرة واحدة تانية:icon33: ..
و بتاع التورتة برضو كان قافل الموبايل و تلفون المحل مابيرد...المهم فى النهاية ود خالتى مشى و تابع معاهو..
يلا على الساعة 5:30 كنت انتهيت من اللبس و باقى لى التسريحة..غادة شرفى قالت لى اتصلى بالعريس يلا شوفيه وين و جاهز ولا لسه...لقيتوا ليك بيحلق قال فى الهوليداى فيلا...بس اتجننت فيه و لا و ليه و لازم اسى تمشى البيت و انا مواعيدى معاك 6:30 و لو اتاخرت جد بازعل و ماتنسى مواعيد التصوير...المهم نقيت ليه كميات..و الحمدلله 6:30 كان معايا....و جات معاهو بت خالتى....و ندمت جد انى ماجبت اختى لانو بت خالتى خايبة مابتعرف تزغرد....قمت و انا نازلة من الكوافير زغردت لى نفسى:icon28: ...طبعا بت خالتى ماتت من الضحك و راجلى قال لى...دى شنو العروس البتزغرد دى و ادانى نظرة من النوع المخيف داك:16: ..طوالى احترمت نفسى و سكتت:( .

flame4me

21-02-2006, 05:52

عربية الزفة كانت حلوة جدا...و عاملين فيها ورود فى كل مكان و طرحة زفاف من فوق....بس مشينا استوديو ماجستيك.....و دخلونا طوالى.....احدنا صورنا سوا انا و العريس...و طلعنا استنينا اخواتى و بنات خالاتى و صاحباتى و اهلوا الجايين يتصوروا معانا الصورة الجماعية....بس ...بعد ما انتهينا من الاستوديو ركبنا عربيتنا و قعدنا نلف فى الشوراع...مستنين خالاتى يجوا من البيت لانهم كانوا فى النادى بيتابعوا مع ناس السيرفس و بيشوفوا موضوع الكوشة و التصوير و الحاجات دى...خالاتى جو متأخرين شديد..دخلت النادى الساعة 10 الا10...بس الزفة الاول...دخالت بت خالتى الصغيرةو هى بترقص بى زفة مصرية و معاها اولاد خالتى الصغارشايلين الشموع و سلة الزهور و الحاجات دىو السلو...و بعد داك دخلنا نحنا بواحدة من مقطوعات يانى...بعديها السلو باغنية حلوة من اغانى shania tawin.
بس بعد كده مشينا قعدنا فى الكوشة نسلم على الناس...و الدىجى شغل اغنية قصاد عينى بتاعة عمرو دياب.
بعد السلام و مبروك ياعروس و مبروك ياعريس...جابوا لينا العصير فى كاسات ملبسة بالتل و شربنا بعض...بعد كده الفنان غنى..كنا جايبين حيدر بورسودان..غنى حلو شديد.و كانت جد حفلة حلوة..صاحباتى و اهلى و احبابى كلهم جوا....يلا قبل الساعة 11 بسرعة قطعنا التورتة...و غيرنا الدبل لليد الشمال..و بعد كده طلعنا....
يلا اخليكم اسى و باجى بعدين ان شاء الله احكى ليكم شمارات تانى يوم...يوم الرقيص....

وطني السودان

21-02-2006, 12:23

ها ها ها ها ... والله شماراتك لزيزة يا فليم .... زكرتيني بأيام حلوة ... وطبعا لسة منتظرين شمارات الرقيص :) ....
غايتو انا يوم الزفاف كنت متنشنة شديد :eek: .... والحصل شنو... صحيت من بدري... وجوني صحباتي في البيت ... ونسوني وخففوا علي القلق الشديد :06: ...ها ها ها ..
المهم جاتني واحدة تكوي لي شعري .... وعينك ما تشوف الا النور :o .... حرقتوا لي .. من قدام بالذات... تخيلي... المهم قعدت ابكي :icon33: ,, وصحباتي يرضوا فيني.. :icon33:
بعدين الظهر مشيت لهند... وان اعصابي بايظة :( .... على فكرة هند قالت لي انك جيتيها في تاج الملوك...... لكن ما رجعتي ليها تاني... قلت ليها هي فعلا كانت محتارة بين كم زول..... المهم بدينا المكياج... وقامت الكهرباء قطعت :angry2: ........... والدموع خلاص بدت تاني.. لكن الحمدلله جات بعد 10 دقايق
المهم المكياج طلع رهيييييييييييب :icon18: ......... والفستان لزيز... وبقيت قاعدة منتظرة عريسي المصون... :time:
مواعيد الاستديو ماجستيك الساعة 8... وهو كان لسة في البيت لغاية الساعة 8 تخيلي..منتظر السواق ... مشى ينظف العربية... طبعا عصبت وتنسنت شديد.....

وطني السودان

21-02-2006, 12:24

المهم جاني الساعة 8 وربع وجري على الاستديو... وصلنا متأخرين طبعا ....... لكن الحمد لله في عرسان تاني اتأخروا عشان كدة دخلونا .......ركبنا عربيتنا تاني ...وكانت زينتها حلوة جدا.......... :3_10_6:
وصلت النادي القبطي... الساعة 9 ونص بالظبط :icon28: ...... مواعيد كانت لزيزة .......... والزفة كانت انجليزية ..... بس قبلنا دخل ولد وبت خالتي صغار بالزفة المصري........ورقصنا سلو ...وبعدين قطعنا الكيكة على اغنية سامو زين...قربي ليا........ والكوشة في الاخير استقرينا فيها شوية...... :biggrin:
ومنها للحلقة.......الفنان كان حسين شندي......كان لزيز...بس اغانيهو تقيلة شوية............ :)
المهم الحفلة واليوم كلو عدى على خير.............. :27:
شمارت الصبحية والجرتك بعد ماتحكي لينا حقتك يا فليم ها ها ها ها :icon10:

وطني السودان

21-02-2006, 12:27

ماريا الطيبة

الله يوفقك في دراستك...
لنتي بتدرسي شنو..؟
وامتحانتك متى؟
:)

flame4me

21-02-2006, 17:32

مساء الخير ياحلوات..ابشركم الليلة عملت وليمة لزوجى العزيز....امو ليها كم يوم كل مرة تقول ليه تعال شيل اكل و انا طبخت ليكم...قلت يابت بطلى دلع و قومى شوفى المطبخ...عملت الليلة وصفتك ياوطنى السودان..و طلعت لذيذة جد..و معاها رز و شوربة و سلطة زبادى..و الحلو كريم كراميل و عصير تفاح بالjuicer.قدمت ليه العصير فى كاسات لذيذة و صينيتى الجديدة لمن الود اتخلع...يلا بكره ان شاء الله نعمل وصفة ماريا الطيبة و ان شاء الله تظبط برضو....
وطنى السودان ياحليلك جد..اتفه شى البلاوى البتحصل يوم الزفاف...الحمدلله انو المكياج طلع مكسب و لذيذ و عاجبك....
و العرسان اصلا مابيخلوا حركاتم دى...لازم يتاخروا...والا مايبقوا عرسان...علشان كده بعد العرس بنطلع عينهم و نخليهم يستنونا بالساعات الطويلة:30: .....

flame4me

21-02-2006, 17:44

يلا يوم الصبحية..صحيت متاخر..عاينت للساعة لقيتها 11.....اتخيلوا...جرى بس شلت الشنط و على غادة شرفى...لقيت نفسى اخر عروسة جاية..و انا مفروض كان اجى اول واحدة علشان الرقيص الساعة 7....بس قلت الحمدلله.....حاولت اقنع العروسات المعايا انهم يخلونى اعمل مكياج الاول لانهم كلهم زفاف..لكن رفضوا:icon33: ..ياحليلهم عروسات مستعجلات...ماعارفين العريس بيتأخر:( ...
المهم...هديت نفسى و كنت جايبة معايا شريط التعليمة..ومشيت غرفة الفستاين و قفلت الباب على و قعدت ارقص.....اصلا كان مفروض ارقص بى اربعة فساتين و اتجرتق بالخامس...لكن الفستان الرابع ماكنت حافظة فيه و لاشى..المهم...جبت شنطة الفساتين..وناديت العروسات البرا خليتم يختاروا معايا احلى تلاتة فساتين..و لغيت الرابع...قلت احسن اركز....و يلا بديت اراجع الحركات..و كل شوية تجينى واحدة تساعدنى او تضحك على..حالتى صعبة و انا شايلة الورقة و القلم و باكتب و ارقص...و ناس البيت جابوا لى عصاير تويتى قال علشان ما ادوخ بعدين..المهم...غادة عملت لى مكياج مميز جدا للصبحية...و لمن عاينت للمراية انا ذاتى اتخلعت..بس..لبسونى و سرحوا لى و لمن خلصت كانت الساعة 7...عريسى كان مستنى تحت من 6.. ناديتوا طلع فوق الاستوديو و اتصورنا صور الصبحية عند غادة و طلبت تحميض نسائى....الصور مبالغة و وضعيات حلوة جد...لكن ماوريتها لزول الا ناس بيتنا طبعا. لمن نزلت تحت العربية لقيت العريس جاب جلابية واحدة بس.....و انا عاملة ليه الجلابيات مع الوان فساتينى...قال لى برنامج اغير الهدوم كل شوية..اتغظت طبعا لكن اسوى شنو.....قلت ليهو مكسب اصلا الليلة الناس بتعاين للعروس بس:30: .
كنت متفقة اخد واحدة من بنات الكوافير علشان تسريحات الفساتين التانية قمت من الاستعجال نسيتها و جات هى لحقتنى بى تاكسى........
يلا وصلنا الصالة..و ابتدا الخوف.....:D .
باكمل ليكم الباقى بعدين ياحلوين....

ماريا الطيبة

22-02-2006, 16:23

ماريا الطيبة

الله يوفقك في دراستك...
لنتي بتدرسي شنو..؟
وامتحانتك متى؟
:)

تسلم لي على هالدعوة
انا باادرس تقنية معلومات في الجامعة العربية المفتوحة وباقي لي سنتين تقريبيا وانتهي ان شاء الله ادعوا لي بس اجيب معدل

امتحانتي خلصت من اسبوع بعد ماطلعت عيني
لكن هسى قاعدين نحل في واجبات رغم اننا في اجازة شهر بس ما مخلين ابدا نرتاح

ماريا الطيبة

22-02-2006, 16:33

دا شنوا ياوطني السودان وفليم
بصراحة تعب دا يوم العرس والصباحية وشغلات كتير
يارب هسة العروس بتعمل كل اشياء دي الله يكون في عونكم
اجل العريس بيعمل شنو على كذة
على كدة مافي احلى من قعدة في بيوت اهالينا
لكن كذة كملوا خلونا نشوف النهاية جوطة دي

flame4me

23-02-2006, 08:32

السلام عليكم يابنات......كيفكم و اخباركم شنو..اليومين ديل عندنا مطر شديدة فى الدوحة و الجوبارد....و انا كسلانة اليوم كلوا نوم فى نوم....ماريا الطيبة ان شاء الله النتيجة تطلع حلوة حبيبة....و فعلا الزواج السودانى غلبتوا كتيرة لكن و الله ايام حلوة و كل ما اتذكرها باكون مبسوطة....
يلا اخليكم اسى و ان شاء الله اجى اكمل ليكم بعدين.

ماريا الطيبة

23-02-2006, 14:21

مشكورة حبيبتي على دعوتك وربنا يوفقنا جميعا
انتي عارفة انا بحكم اني من بني عامر فعادتنا زي عاداتكم بس اتوقع بيختلف انوا عندكم رقيص ونحن عندنا سبوع (دي حفلة بيعملوه بعد 7 يوم من العرس وبيعملوا فيه زي الي عملوا في العرس بس بتلبس توب تراثي او شعبي )
بس انتي عارفة من الي بيحزني في كل الهيصة دي الا هو العريس بيدفع دم قلب في العرس
عندي ولد عمتي حيتزوج في بور سودان شهر 3 او 4 ماتتصوروا احسه شوي وينجن من طلبات العرس من حفلة الحنة والعرس والسبوع وطبعا الفترة الي حيقعدها هناك مع العروسة
ربنا يكون في عونهم الرجال

بس يلا منتظرين تكملوا لين انتي ووطني السودان

وطني السودان

23-02-2006, 18:12

:33: ماريا
والله فعلا العرس السوداني كلامو كتير... لكن برضو الطقوس جميلة .........
وفعلا والله العرسان الله يعينهم :angry: ..... هم كبير العرس دة ..خصوصا في السودان ... مع الايام الكتيرة دي,,,,, عرس وصبحية وعقد وحنة ....... :D

فليم كويس العجبتك الاكلة :) ...... الليلة انا عاملة سمك محمر وبطاطس وشوربة خضار ....... :cook:

لكن شمارت الصبحية لزيزة والله
انا اول ما طلعت المسرح... ما كنت حاسة يالدنيا وخجلاااااااااااااااااااااااااا اااااااانة وقلبي بيدق شديد و رجليني ما شايلاني :icon33: ...............

لكن الحمدلله الرقصات عدت على خير ..................
باجيكم تاني لباقي الشمارات .............

ماريا الطيبة

23-02-2006, 18:57

انتي عارفة ياوطني السودان امي تقول لي من تتزوجي حنروح السودان ونعمل العرس في خرطوم او كسلا مع تجمع الاهل والزيطة :icon28: والهيصة :D
بتقولي هناك بتحسي بالعرس وطعمة مش زي الي في السعودية بيعملوه اي كلام بس عشان يخلصوا وعشان الغربة وعشاني البكر بتاعها
انتي عارفة اسال امي العرس حقنا كيف بيعملوه عشان اشوف العرس متعب ونصرف النظر ولا نعمل ونتوكل على الله وبااحكي ليكم بعدين كيف العرس عندنا بعدين
لكن تعالي هنا مالكي ماحكيت كيف عملت الرقصات
ودايرة اسالكم العريس هل بيحضر الرقيص ولا بتصرفوه في اي مكان يروح؟

flame4me

23-02-2006, 22:29

بنات...دايرة اهديكم القصيدة الحلوة دى للشاعرة الرائعة روضة الحاج...ان شاء الله تعجبكم..انا والله لما اقراها بابكى من التأثر....

اليوم أوقن أنني لن احتمل !!

اليوم أوقن أن هذا القلب مثقوب ومجروح ومهزوم
وان الصبر كل …

ولوح لجة حزني المقهور .. تكشف سوقها كل الجراح وتستهل

هذا أوان البوح يا كل الجراح تبرجي

ودعي البكاء يجيب كيف وما وهل

زمنا تجنبت التقاؤك خيفة .. فأتيت في زمن الوجل

خبأت نبض القلب

كم قاومت

كم كابرت

كم قررت

ثم نكصت عن عهدي .. أجل

ومنعت وجهك في ربوع مدينتي .. علقته

وكتبت محظورا على كل المشارف .. والموانئ .. والمطارات البعيدة كلها

لكنه رغمى اطل ..

في الدور لاح وفى الوجوه وفى الحضور وفى الغياب وبين إيماض المقل

حاصرتني بملامح وجهك الطفولى .. الرجل

أجبرتني حتى تخذتك معجما فتحولت كل القصائد غير قولك فجة

لا تحتمل ..

صادرتنى حتى جعلتك معلما فبغيره لا استدل

والآن يا كل الذين احبهم عمدا أراك تقودني في القفر والطرق الخواء

وترصدا تغتالني .. انظر لكفك ما جنت

وامسح على ثوبي الدماء

أنا كم أخاف عليك من لون الدماء !

**

لو كنت تعرف كيف ترهقني الجراحات القديمة والجديدة

ربما أشفقت من هذا العناء ..

لو كنت تعرف أنني من اوجه الغادين والآتين استرق التبسم

استعيد توازني قسرا ..

وأضمك حينما ألقاك في زمن البكاء

لو كنت تعرف أنني احتال للأحزان … أرجئها لديك

واسكت الأشجان حيث تجئ .. اخنق عبرتي بيدي

ما كلفتني هذا الشقاء!!

ولربما استحييت لو أدركت كم أكبو على طول الطريق إليك

كم ألقى من الرهق المذل من العياء ..

ولربما .. ولربما .. ولربما

خطئ أنا

أنى نسيت معالم الطرق التي لا انتهى فيها إليك

خطئ أنا

أنى لك استنفرت ما في القلب ما في الروح منذ طفولتي

وجعلتها وقفا عليك ..

خطئ أنا

أنى على لا شئ قد وقعت لك .. فكتبت

أنت طفولتي .. ومعارفي .. وقصائدي

وجميع أيامي لديك

**

واليوم دعنا نتفق

أنا قد تعبت ..

ولم يعد في القلب ما يكفى الجراح

أنفقت كل الصبر عندك .. والتجلد والتجمل والسماح

أنا ما تركت لمقبل الأيام شيئا إذ ظننتك آخر التطواف في الدنيا

فسرحت المراكب كلها .. وقصصت عن قلبي الجناح

أنا لم اعد أقوى وموعدنا الذي قد كان راح

فاردد على بضاعتي ..

بغى انصرافك لم يزل يدمى جبين تكبري زيفا

يجرعني المرارة والنواح

اليوم دعنا نتفق

لا فرق عندك أن بقيت وان مضيت!

لا فرق عندك أن ضحكنا هكذا - كذبا -

وان وحدي بكيت!

فأنا تركت أحبتي ولديك أحباب وبيت

وأنا هجرت مدينتي واليك - يا بعضي - أتيت

وأنا اعتزلت الناس والطرق والدنيا

فما أنفقت لي من اجل أن نبقى؟!!

وماذا قد جنيت ؟؟!!

وأنا وهبتك مهجتي جهرا

فهل سرا نويت؟؟!!!

اليوم دعنا نتفق

دعني أوقع عنك ميثاق الرحيل

مرني بشيء مستحيل

قل شروطك كلها .. إلا التي فيها قضيت

أن قلت وان لم تقل

أنا قد مضيت … !!!

flame4me

23-02-2006, 22:37

WORLD333

23-02-2006, 23:42

http://forum.hawaaworld.com/showthread.php?t=347471&page=54&pp=10

هيك بتنكتب (ان شاء الله )

ماريا الطيبة

24-02-2006, 05:35

وطني السودان

24-02-2006, 10:52

بنات..معليش الليلة مزاجى سوداوى حبيتين و مركبة وش فاتن حمامة الفى الافلام القديمة ديك الكلها نكد:( ...
المشكلة جد انى ماقادرة اتعود على الحياة هنا..مشتاقة لاهلى جد و الله...مشتاقة للونسة مع امى..مشتاقة لبابا و اخوى واخواتى..حتى بيتنا و شارع بيتنا فارق معايا........:icon33: :icon33: :icon33:
ان شاء الله بكرة اكون احسن و اقدر ارد ليكم...يلا ماتنسونى من دعاكم..قولوا يارب تصبر فليم على الغربة دى و تهدى سرها....

فليم ازيك
والله كلنا في الهوا سوا
ما تشيلي هم
الغربة صعبة جدا اول ايام :icon33:
خصوصا لما راجلك بمشي الشغل ......
حسي الله يديكي بيبي وتتلخمي بيهو قولي اميييييييين ........
انتي احسن مع اهل راجلك
شوفي انا هنا ما عندي زول... بس راجلي .... شفتي الحالة دي كيف... :(
لكن لازم الواحدة تصبر شوية ... وامشي اجازات كتير... واضربي تلفونات طوالي عشان ما تحسي انك مقطوعة منهم............
يلا حبيبتي .......... الله معاكي ..وارجعي لينا بسرعة ... واستهدي بالله .... :)

ماريا كبفك يا عسل ........ احسن حاجة اعملي عرسك في السودان..عشان يكون هجيج شديد....... مع الاهل وكدة....... اها انتي عرسك متين....مخطوبة؟؟؟ :icon28:

flame4me

26-02-2006, 11:36

اذيكم يا احلى بنات.....الله يخليكم لى جد و الله كلامكم الحلو ده خفف على شوية.....الحمد لله كانت فترة كأبة و مشت.....وطنى السودان....احسن شى انك بعيدة عن اهلك و اهل راجللك.....احيانا المشاكل بتجى من الاهل ...على العموم ادعوا لى بس.....
ماريا الطيبة....فعلا باحب الاشعار و جد ممكن قصيدة حلوة تبكينى....انتى كمان كده..و ياستى الدنيا فانية و كلنا اغراب...والله ساعات باحس انى غريبة حتى و انا مع نفسى....يلا مافى داعى ابريكم بكلامى ده....

flame4me

26-02-2006, 11:37

ماقلت ليكم..اتخيلوا امبارح الجانى فى البيت منو.......فكروا كده و قولوا لى.....

flame4me

26-02-2006, 11:40

وطني السودان

27-02-2006, 11:53

فليم
كويس الشفناكي تاني
****لله امورك كلها تمام واستقريتي ..............

مكسب انك لاقيتي جيلا والله
اها كيف شعور الواحد لما يلاقي زول اتعرف عليهو عن طريق الانترنت؟؟؟
يلا سلمي عليها
واظهروا تاني

سلام

ماريا الطيبة

27-02-2006, 21:22

ماريا كبفك يا عسل ........ احسن حاجة اعملي عرسك في السودان..عشان يكون هجيج شديد....... مع الاهل وكدة....... اها انتي عرسك متين....مخطوبة؟؟؟ :icon28:
اهلا حبيبتي
لا ياستي لسه ماانخطبت
لكن امنيتي امي اني اتزوج عشان بكريتها وتقولي الوحدة بتفرح من بتها الكبير بتتزوج ومن تروح بيت بتها
لكن
ابوي تقولي حالف اني مااتزوج الين مااكمل الجامعة قال بعدها تعملوا الي دايريونا
كل ماجاء واحد عندنا قاله بنتنا بتدرس وما بتتزوج الي بعد ماتكمل قرايته -يعني بعد سنتين- وامي تتغاظ :icon33: وتتنقهر
لكن بصراحة رغم اني نفسي اتزوج بس عشان اجيب بيبي (نونو)لي يكون ملكي لان حاجة اسمها اطفال انا مجنونة فيها وبااعشقها بذات الي بيكون مولودين جدد بااحس كانهم اختصاصي في الحياة اني اشوفهم وارعاهم والمسهم يجننننننننننننننننننننوا
لكن من فكرت انها مسؤليه راجل وبيت وحياة اسرة بكامله في يدي وماراح اقدر اني اوفق بين دراسة والبيت فقلت احسن دراسة بعدين يجي العرس لان ماتضمني الزوج لكن بتضمني شهادتك
طبعا امي من عرفت اني مع ابوي وخلاص قررت الشي دي قالت اوكي على مضض لكن كان جاء وحد وخطبك بعد الجامعة فقالت العرس بيكون في سودان قلنا اوكي
تعبتك بكلامي الكثير صح
انتوا رايكم شنوا مش احسن ااجل موضوع الزواج

ماريا الطيبة

27-02-2006, 21:34

يلا ما حاخليكم تفكروا كتير...جاتنى جييييييييييييييييييييييييييييي يييييييييييلا العسل...جد والله احلى احساس كان ...جيلا فى الواقع اظرف و اطيب و احلى بكتير من ماكنت متخيلة.....الله يخليها لى و يخليكم كلكم لى و القاكم واحدة واحدة......يلا ماشة الحق ارتب البيت و اطبخ قبل ما راجلى يجى...

معليش يومها ماظهرت وكملت كلامي لكن حسيت كلام وطني السودان بيكفى ويوفى
انتي عارفة انا توقعتها جيلا لكن هي مختفيه وين ماظاهرة قولي ليها ارجعي بسرعة

وانتوا شنو اخبارك يافليم اقولك حاجة وماتزعلي انا طبعا حاجة اسمها الشعر والادب باكرهها كره العمى لو وطني سودان كان درست مدارس سعودية بتقولك كيف انو ممل ويطفش وحفظ زي البلاء بنسبة لي من كنا بندرسه في مدرسة
لكن من فترة سمعت بصدفة واحد بيقول شعر في قناة سودان والله العظيم خلاني ادوب من كلامة وطريقة القاء الشعر ماتوقعت الشعر بحلاوة دي
حتى اليوم كان في برنامج الصباح اتوقع بيتكلم عن شعر اقول شنو واخلي شنو يافليم عندكم طريقة القاء بتجنن

دايرة اسالكم بتعرفو منتديات سودانية زي عالم حواء في موضوع الطبخ لان نفسي اتقن طبخ سوداني فلو عندكم ياريت لو تزودين اياه

flame4me

28-02-2006, 05:10

صباح الخير ياحلى بنات..زاتخيلوا الموقع بقى مابيرسل لى رسائل على الخاص لمن تكون فى مشاركات فى الموضوع...ماعارفهو مالو....
وطنى السودان...كيفك حبيبة و ين انت ماكملتى لينا شمارات صبحيتك؟؟؟
والله الامور تمام اسى دعواتكم معايا بس انا مشكلتى بازهج لما اكون لوحدى النهار كلوا لكن اسى احسن كتيرالحمد لله و كمان اقنعت راجلى انى اقدم لشغل وقدمت لكذا وظيفة ادعوا لى بس القى وظيفة تعجبنى و بالشروط البتناسبنى:27: ..مشكلتنا نحنا انو ماتعودنا على عدم الموضوع و القعاد ساى فى البيت ...
جيلا زى ماقت ليكم لطيفة جد و كمان عمو جعفر عباس عارفين انى من المعجبات شديد بى كتاباته و لما لاقيته جد عرفت قدر شنو هو انسان متواضع و رائع.
حكاية انى اقابل زول عرفتوا بالاول فى النت ما اول مرة...لكن المرة دى غير..حتى فى الونسة اتونسنا سوا كاننا صاحبات من المدرسة و من زمان شديد.
ماريا الطيبة...كيفك حبيبة اها النتيجة لسه؟؟؟بخصوص الشعر فعلا احيانا المدرسة بتخلينا نكره حاجات كتيرة لانو اسلوب التدريس مابيكون سليم و المواد بتكون كبيرة و متفرعة...لكن الشعر فى حد ذاته لو قريته بعيد عن المدرسة جميل و انا واثقة انك بتحبيه...بخصوص الشعراء السودانين...فى منهم ناس كويسين شديد..انا عن نفسى بحب روضة الحاج و و بحب برضو من الشعراء العرب نزار قبانى و محمود درويش و امل دنقل و بدر بن عبد المحسن ومانع سعيد العتيبة و غيرهم كتير....جربى اقرى ليهم و ادينى رأيك...
بخصوص الزواج فعلا بعد ماتخلصى دراستك احسن السودانين بيقولوا صاحب بالين كذاب و ان شاء الله اول ماتنتهى تلاقى انسان كويس و يعزك و يقدرك..زو بشوف ليك مواقع سودانية و ارسلها ليك على الخاص حبيبة..
يلا اخليكم اسى و فى امان الله...
جيلا مشغولة شديد اليومين ديل لكن ان شاءالله نشوفها قريب معانا و بتسلم عليكم كلكم...

ماريا الطيبة

28-02-2006, 18:43

لسه يافليم ناوين ينكدون رغم الدراسة يوم السبت ان شاء الله وحنشوف نهايتهم شنو بعد كذا
هسة بديت اسمع للشعراء سودانين بس ما بااعرف اسمهم لكن شوي شوي وبتوغل وبااعرفهم ليكي وراح اقرا اشعارهم رغم بصراحة انا ميح في نحو وبلاغة وماراح افهم بس شوي شوي وان شاء الله اكون عال العال , كويس اخذنا رايك يعني انتي مع بابا امي حتتغاظ يله بس زي ماقلتي صاحب بالين كدابة وانا مااعرف اركز في اتنين
منتظر الرسالة منك حبيبتي
وسلمي على جيلا وقولي ليه ربنا يوفقك ويفتح في وجهك ويخفف الضغط عليكي
فليم انتي بتدرس شنو ووطني سودان كمان

*&( إنطلاقة ثقه )&*

28-02-2006, 19:00

هلا حبايبي بنات السودان حبيت اسالكم انا ان شاء الله على وشك ولاده وسمعت انه الطلع او الطلح السوداني عندكم كويس بليز افيدوني عنه وطريقة استخدامه الله يخليكم

*&( إنطلاقة ثقه )&*

28-02-2006, 21:10

flame4me

01-03-2006, 04:15

هلا حبايبي بنات السودان حبيت اسالكم انا ان شاء الله على وشك ولاده وسمعت انه الطلع او الطلح السوداني عندكم كويس بليز افيدوني عنه وطريقة استخدامه الله يخليكم
اهلا و سهلا بيك اختى معانا و ان شاء الله تولدى بالسلامة و ربنا يرزقك بطفل سليم و معافى...الصراحة اول مرة اسمع انو من فوائد الطلح يفيد فى الولادة لكن باستفسر و ارد عليك اليوم ان شاء الله...

flame4me

01-03-2006, 04:40

ماريا الطيبة كيفك ياعسل ..
انا حلصت الجامعة من سنة تقريبا و درست هندسة كميائية..و ان شاء الله سلامك لجيلا يوصل ياعسل هى جد مشغولة و اول ما اتكلم معاها حابلغها سلامك حبيبة.

محتاااره

01-03-2006, 06:42

flame4me

01-03-2006, 09:20

يا حبيلكم ......استمتعت بقرائه عادات الزواج السواني...وخصوصا يوم الرقيص...الف شكر...اعطتنا بعض الثقافه عن الامور التي نجهلها....

طيب هل هذه العادات عند كل الناس بالسودان والا مناطق معينه؟
اخت محتارة نورتى الموضوع و شرفتينا بمرورك الكريم:27: .....و بخصوص عادات الرقيص هىاجمالا عند معظم السودانين ماعدا قبائل بسيطة.و لكن هناك اختلاف فى التفاصيل والطقوس من منطقة الى اخرى .
اتمنى اكون افدتك حبيبتى و نحنا حاضرين لاى استفسار...

وطني السودان

01-03-2006, 11:59

ازيكم يا بنات

ماريا كيف حالك ...... انا درست طب اسنان ........

فليم ازيك ****لله كلو تمام ....... كيف اتعودتي خلاص على البلد....... غايتو من صوتك شكلك زهجة اول ايام راحت ......الحمدلله ........

اسبرسو ........... الطلح انا اعرف انه مفيد بعد الولادة ......والله اعلم........

محتارة شكرا على مرورك ومداخلاتك ........ وزي ما قالت ليكي فليم اي استفسار ...حاضرين ...........

بلدى ياحبوب

02-03-2006, 18:36

ازيكم يا بنااااااااااااااااات
جيتكم تانى بس ***** الله متذكرنى... كيفك يا فليم وعامله شنو مع الحياه الزوجيه والمسؤليه اما الغربه فحتتعودى عليها شويه شويه احنا كلنا كدة بس فى الاخر اتعودنا.
كيفك ماريا ووطنى السودان وووووووو ***** الله كلكم كويسين ... اعرفكم بي نفسى انا خريجة 2003 وزى ما قلت ليكم عندى بنوته الله اخليها هى المانعانى الكتابه كل ما ادخل تجى عاوزة الماوس تشوفو انور وهاك يا عزف على الكيبورد وانا ازهج واطلع المهم ما اكتر عليكم وبجيكم كل ما اقدر...

*&( إنطلاقة ثقه )&*

03-03-2006, 01:08

Lojain99

03-03-2006, 03:01

سلام بنات

ماريا الطيبة

03-03-2006, 03:30

اهلين لوجين شو اخباركٍ
اختي اسبريسو انا دائما اسمع حتى امي تسويه انوا يضيق للمنطقة ........ وكويسة للعندهم روماتيزم والالام في الظهر .
بس الصراحة عندو ريحة ما تعجبني عشان كذة اولا ما تخلصي من دخان بعد مايكون جسمك دافئ تستحمي وبالقوة بالصابونة لكن لو عجبتكٍ الريحة ممكن تخليها وتثبيتها ولو تبغي طريقة عشان تثبتي الريحة بساال لكي امي

وطني السودان

03-03-2006, 11:09

بلدي يا حبوب
اهليييين ....... و****لله نشوفك تاني قريب .........

لجين ....... مرحبتين ...............:)

ماريا ايوة الطلح بيضيق بعد الولادة
لكن قبل الولادة ... على بيخفف الالام؟؟؟ اسألي امك تاني :)

flame4me

03-03-2006, 14:23

أذيكم يابنات....
معليش طولت عليكم لكن الموقع مابيكلمنى انو فى مشاركات جديدة...
اسبريسو
سالت ليك و قالوا مفيد بعد الولادة زى ما البنات قالوا لكن قبل الولادة لأ...على العموم ان شاء الله ربنا يسهل عليك و تكون ولادة سهلة و ميسرة حبيبة...:27:
وطنى السودان
...انا تمام اسى حبيبة الحمدلله...على قولك شوي شوية بنتعود...ربنا يسهل و يجمعنا باهلنا فى ساعة خير تامين و مبسوطين...
Lojain99
وين انت يابت من زمان...ان شا ءالله امورك مشت تمام و اتزوجت و الله فقدتك ..طمنينا عليك و رينا اخبارك و شماراتك و ماتقطعى تانى كده.
بلدى ياحبوب
اهلا بيك حبيبة و الله ليك وحشة انا تمام و الحمدلله و اهو شماراتى زى ماقريتى و الحياة الزوجية مكسب و حلوة لكن فراق الاهل هو الصعب...الله يخلى ليك بتك يارب و يخليك ليها و تجيبى ليها اخو كمان...بس نوميها و تعالى احكى لينا عنك و تجربتك فى الزواج و الولادة و تربية العيال و اى شى......مستنيك..:27:

flame4me

03-03-2006, 14:29

ماكلمتكم انى لقيت وظيفة...:27:
الموضوع كان ساهل و حلو....زى ماكلمتكم..اتفقت مع راجلى انى جد دايرة انزل شغل لانو قعدة البيت جننتنى:icon33: .....هو ماكان عندو مشكلة:16: بس بيقول لسه انا عروس:27: و مافى داعى للاستعجال و نحنا لسه فى شهور العسل:39: و الكلام ده...المهم كلمته و اقنعته و وافق...بديت طوالى اقدم...اشتريت جريدة كده مكسب فيها كل الوظايف و رسلت الcv بالفاكس..ومن تانى يوم بدوا الناس يتصلوا بى...عملت لى زى 7 مقابلات كده...و فى النهاية بقيت على عرضين....و فى الاخر رسيت على واحد....حابدّ ان شاء الله يوم الاحد..ادعوا لى بس ربنا يوفقنى فى الوظيفة دى و الشغل يكون مكسب...،كمان ان شاء الله نازلة تعليم سواقة يوم السبت..(ياشارع جاك زووووول :D ).
يلا اهو شوية شوية باشغل نفسى....و باشوف لي برامج فى البلد دى....بدل ما اقعد 12 ساعة اكلم فى نفسى...:(

وطني السودان

03-03-2006, 16:10

فليم الف مبرووووووووووووووك الوظيفة الجديدة :icon28:

وفعلا احسن مليون مرة من قعدة البيت والزهج والملل :angry:

انا برضو حابدا دروس السواقة الاسبوع الجاي ..بس منتظرة تجيني رخصة التدريب :)

يلا اتعلمي بسرعة عشان تريحي راجلك من المشاوير الكتيرة ......... :39:

بلدى ياحبوب

04-03-2006, 09:06

فليم الف الف مبروووووووووووووك الوظيفه ودى احسن حاجه عملتيها لانك لو كسلتى وقلتى بعد شويه حتقعدى وما تقدرى تانى وبعد شويه حتنسى الموضوع وبالذات طبعا اذا جاء بيبى.
كيفكم يا باقى البنااااااااااااااات ***** الله كويسين وشكرا على الترحيب...

وطني السودان

07-03-2006, 11:35

بلدي يا حبوب
كويس ظهرتي تاني :)
بنتك ادتك فرصة معانا......................... .........

يلا ما تنقطعي......

وطني السودان

13-03-2006, 11:44

flame4me

14-03-2006, 06:57

أذيكم يابنات معليش الشغل شغلنى شوية و الغريبة المرة الفاتت كتبت رد ماعارفهو مشى وين...
المهم انا تمام و الشغل مكسب لغاية اسى و الحمد لله لكن اشتقت للنوم و الدلع.....ولسه ماعارفة ارتب جدولى كيف علشان اعمل كل شي...لكن شويو شوية الواحد بيقدر يرتب امورو ان شا ءالله..اي شى ولا قعدة البيت براي...

flame4me

14-03-2006, 07:04

وطني السودان و بلدي ياحبوب وLojain99 كيفكم عاملين شنو..وماريا الطيبة وين..طبعا ريحانة و جيلا زمنننننننننن ماشفناهم ان شا ءالله يجونا قريب.
بلدى ياحبوب الله يبارك فيك....والله نفسي فى بيبى شديد لكن باقول لقدام شوية ان شاء الله..العيال حلوين مش؟و وطنى عملتى شنو فى لندن؟؟و نزلتى مدرسة السواقة و لا لسه؟؟؟

وطني السودان

14-03-2006, 15:17

فليم
ازييييييييييييييك
ويييييييييييييين اختفيتي كدة

انا الحمد لله تمام... دخلت لي في برنامج حمل :04:
و****لله ربنا يتموا على خير........ الحمدلله ما في وحم يقولوا عليهو ...بس كسل شديد و نوم

دروس السواقة ...دايرة ابتديها لكن لسة ما رسلوا لي رخصة التمرين :30: .....

****لله نهاية الاسبوع ده ..........

حسي مشغولة عندي امتحان..........ومحتاجة دعواتكم شديييييييييييييييييييييييييد :icon33:

اها انتي كيف لقيتي الشغل ..........**** ء الله يكون لزيز ... وخلاص اتأقلمتي على البلد؟؟؟؟

flame4me

14-03-2006, 19:30

وطني السودان الف الف الف الف مبروك ياعسل و الله ده احلي خبر...عارفة دخلت النت بالصدفة دايرة ارسل لماما و نعسانة لكن قلت لازم ارد ليك..ان شاء الله حبيبة تلدي بالسلامة و تجيبى لينا بيبي عسولي....يلا خلينا نعرف الحاصل اول باول...زباقي الشمارات بقولها ليكم بكرة ان شاء الله.
:27:
في امان الله....

flame4me

15-03-2006, 09:32

صباح الخير يابنات...بأكتب ليكم من الشغل....عندي بريك صغيروني كده.وطني السودان ماقلتي لي عندك امتحان شنو؟؟؟و القراية كيف مع موضوع البيبي ده..الله يوفقك يارب في كل شي حبيبة.

flame4me

15-03-2006, 09:35

الشغل لذيذ و الله يابت الحمدلله...مافي مجالي الدراسي لكن في مجال اهتماماتي...و الاوضاع التانية كلها اوكي معايا الحمدلله.
البلد لغاية اسي كويسة..بس المشكلة اهلي و صاحباتي جد فارقين علي شديد.
انتي كيف مع برنامج البيبي ده؟؟؟حترجعي السودان؟؟و لا حتولدي في لندن ان شاء الله؟

وطني السودان

15-03-2006, 10:29

فلييييييم ازيك
الله يبارك فيكي وعقبالك قريب ان شاء الله .........

عندي بس باقي امتحان واحد...انا باحضر حسي...دراسات عليا... والله يتموا لي على خير
وبعد كدة عندي لستة حقت امتحانات عشان اقدر اشتغل هنا.........حالة صعبة شديد...ربنا يكون في العون بس................

الحمل الحمدلله ما مشكلة مع القراية ..لانه لسة خفيفة في الشهور الاولى دي.......
وناوية اولد هنا بأذن الله

حسي بس مشتاقة لاهلي شديد...لكن ان شاء الله ماشة السودان قريب شهر 6....اجازة صغيرة ......شوية تفرق علي................

يلا حبيبة .......اخليكي حسي.......ودعواتك........

flame4me

17-03-2006, 10:58

اذيكم يابنات؟؟؟كلوا تمام؟؟؟انا تمام الليلة عند نسابتي جايين نتغدي معاهم.
وطني السودان ماشاء الله عليك ما نسحرلاك دراسات عليا عديل.حمستينى للماستر مع اني اصلا ناوية اعملوا لكن في قطر مافي طريقة ماستر في الهندسة الا برا..ساعات باقول ياريت لو الواحد عمل الماستر قبل العرس لكن كده مكسب لو ربنا سهل.
اها البيبي كيف؟

بلدى ياحبوب

17-03-2006, 13:50

ازيييييييييييييييييكم يا بنات *****الله كويسين....
وطنى السودان مبرووووووووووووووووك الحمل وربنا اتموا ليك على خير واديك طفل سليم...فليم كيفك مع الشغل ***** الله القشه معدن خخخخخخخخ عاوزين نضوق اول ماهيه :)
يلا حبيباتى مع السلامه بجيكم كل ما اقدر....

flame4me

19-03-2006, 06:25

أذيكم يابنات....وين مختفيين كده؟بلدي ياحبوب الحمدلله ماشي الحال الشغل كويس و ياستي بخصوص أول ماهية نضوقكم طوالي انتي أمري بس ووريني دايرة شنو و عيوني ليك:27: .
و شنو ياعيني نحنا مستنين نعرف برامجك و عاملة كيف مع البيبي.
وطني السودان شكلها بتذاكر ربينا يوفقها و يعينها يارب.

وطني السودان

21-03-2006, 18:50

فليم .........بلدي ي حبوب
ازيكم و عاملين كيف ............
انا الحمدلله تمام ......... بس البرد زهجني شديد
الزول قاعد محبوس في البيت ...ما في موضوع
كنت دايرة اشوف لي شغل مؤقت
لكن مع الحمل دة...ما في طريقة حسي.........
***** الله اول درس سواقة يوم الجمعة ....الله يعين بس
يلا بنات اخليكم حسي وما نقطعي
وعليك الله ادعوا لي ربنا يوفقني في قرايتي...................

flame4me

22-03-2006, 07:08

وطني السودان ياحليلك جد حبيبة و الله حاسة بيك و عارفة قعدة البيت مقرفة و بتجيب النفسيات لكن يابت اشغلي نفسك و اقعدي اقري عن البيبي و شوفي حتشتري حاجات البيبى من وين و فتشي في المواقع و اشغلي نفسك.اها الوحم كيف اسى و اسي انتي في الشهر الكم.دايرين نتابع معاك اول باول.انا و الله بحب الاطفال شديد لكن قلنا نأجل الموضوع شوية بس لانو دايرين نشوف موضوع ماستر كده.غايتو الفيهو الخير ربنا يعملوا.
مبروك انك حتنزلي مدرسة السواقة انا مشيت لقيت روحي في قائمة انتظار قالوا بيتصلوا بي خلال 40 يوم.علي العموم اسي سجلت في امتحان الايلتس بتاع الانجليزي ده علشان الماستر و بذاكر ليه و شاغلة وقتي.
المهم ياعسل دايرة اقول ليك ماتشيلي هم و دايما بدعي ليك...يلا اظهري كتير زي زمان.

وطني السودان

22-03-2006, 12:27

والله فكرة الماستر تمام شديد..............لكن شدي حيلك في الايلتز.... هو ما صعب..لكن لو لقيتي ليكي كورس بيساعد كتير.....لانه الامتحان بيعتمد على طريقة معينة في الحل... ما على مستواكي في اللغة ........... غايتو امتحان متخلف شديد...انا عملتو قبل الماستر والحمدلله جبت 7.5 ..........لكن كنت عملت قبله كورس مكثف مدة اسبوع ...بس شغالين نحل امتحانات قديمة ............ الله يعينك وشدي حيلك
السواقة والله متحمسة ليها شديد... ****لله يوم الجمعة اول حصة .......... الحمد لله هنا المدارس كتييييييييييييييييرة شديد.... دايرة اطلع الرخصة سريع واجيب لي عربية حنتوشة عشان الحوامة وكدة ............:)
والله اليومين دي بديت اشوف محلات الاطفال ..الموضوع طلع برنااااااااااااااامج... وحاجات الطفل الاول بالذات كتيييييييرة شديد.... لكن الكويس هنا المحلات لزيزة واي حاجة في مكان واحد................ قلت ابعد بع شهرين تلاتة كدة التحضير بأذن الله ........ والله يسهل على الولادة...من حسي خايفة والله :)
القراية مع الحمل صعبة شديد...لو مفكرة في ماستر السنة دي...لازم تأجلي الحمل شوية .........لانه بالجد صعبة شديد مع لاطفال... ممكن بعد ما تمشي شوية في الماستر على نهايتو...تحملي ان شاء الله........ عندي صحبتي عملت نفس الحكاية
انا طبعا عقدت بس قبل الماستر...وقلت العرس بعدو كوالي...اتخيلي عقدنا سنة كاملة بسبب الماستر.......... عذاب شديد:) ... ولسة فاضل لي فيهو شوية ............ دعواتك بس واخلصو قريب .............................. ....................

flame4me

22-03-2006, 12:39

باين عليك شطورة جد جبتي 7.5 في الايلتس ماشوية.
الماستر حاقدم ليه على اخر السنة دي و حيبدا شهر 8 السنة الجاية...سو جد ماعارفة اقدر اجيب بيبي متين..بالذات انو الماستر في السويد...و حتكون غربة و خايفة جد لو جبت البيبي اسى ما اقدر اعمل شى معاهو بعدين.غايتو ربنا يسهل بس...دعواتك معانا و اديني رأيك في الوقت المناسب للبيبي..و على العموم كلها حاجات مقدرة من ربنا.لكن جد نفسي في بيبي شديد..كل ما اطلع مع راجلي نمشى مول الا ادخل مذركير و محلات الاطفال و اتفرج..بالذات هدوم البنات عسسسسسسسسسسسسسل

flame4me

22-03-2006, 12:50

ويابت ماتشيلي هم الولادة ربنا بيسهل ليك و اسي في حقن بيدوها و حاجات زي دي بسمع بيها و ولادة من غير الم.
و ان شاء الله ياعسل تخلصى الماستر و تبدي الدكتوارة كمان و تحققي كل الفي بالك.لكن شدي حيلك خالتي ليها 6 سنين بتمتحن السواقة ومابيدوها الرخصة,.لكن شايفاها سايقة عربيةو ماشغالة بي زول...هم البريطانين بس قوانينهم صعبة شوية.

وطني السودان

22-03-2006, 17:21

flame4me
ازيك .........والله انا زاتي باموت في هدوم الاطفال ومذركير محلي المفضل بقى حسي.......
بصراحة خايقة شديد من الامتحان حق السواقة ...لكن غايتو حاعمل لي دروووووووووووس كتيييييييرة ... والله كريم..معروف هنا امتحانهم معقد شديد
و***** الله ربنا يوفقك .........في الايلتس والماستر يارب...............

ريحانة الحياة

27-03-2006, 17:15

إزيييييييييييكم يا صبايا جد وحشتوني و مبروك على الجزء الثاني من ملتقانا و إن شاء الله عقبال الملتقى المية .. حبيت أسلم عليكم لأنكم وحشتوني شدييييييييييد لكن اليومين دي مشغولة مع مشروع محاضرة عاملة البور بوينت بتاعو و المسات إنبهروا و تكيفوا مع البرنامج قالوا خطيييير و باسوني و باركو لي و إلخ ... عموما انا بصراحة لسه ما قريت شنو الكاتبينوا في الملتقى ...معليش مشغولة شديد و كمان طلعنا رحلة ترفيهية اليوم و سبحّنا و لعبنا و هيصنا و يلا سلاااااااام كانت رووووووووووعة .. عندي شمارات كتيييييييييرة لكن لمن أفضى .. حبيباتي يلا في امان الله ... إعذروني ....*-*

بلدى ياحبوب

28-03-2006, 15:57

ازيكم يا بناااااااات ...اخباركم واموركم آخر ماسترات وكورسات والله خليتو الواحد افكر فى التحضير...طبعا انا متخرجه من بزنس مع اونر وربنا اسهل لى اعمل زيكم..
وطنى السودان ربنا اتم ليك الحمل والاطفال احلى منهم مافى... وزى ما قلتى محلات الاطفال حلوة انا بنتى اخت ليها من زيرو تو ناين كل شى مرة واحدة وطبعا بعد داك البعجبك.. من ادمز او مذركير او او او على العموم ربنا اتم ليك على خير..
فليم اخبارك شنو مع الشغل وما تاجلى موضوع الولادة كتير وما انصحك بحبوب منع
الحمل هسه اذا فى طريقه غيرها اوك....
باركولى بنوتى بدت تخطو وتقع يارب عقبال المشى..يلا ياااااااااااااااااى

وطني السودان

03-04-2006, 22:57

ازيككككككككككككككككووووووووووو ووووووووووووم

وين مختفين كدة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

flame4me

04-04-2006, 05:20

اذيكم يابنات مشتاقة ليكم شديد و جد أسفة علي الانقطاع الطويل ده لكن مشغولة و كمان لسه بحاول أوفق بين البيت و الشغل...تعبانة و الله و لسه مافي عيال لكن لمن أفكر اني ارجع اقعد في البيت و اخلي الشغل برضو باتذكر الزهج و النفسيات الكنت فيها.
وطني السودان البيبي كيف؟؟؟و الوحم و الحركات دي طمنيني عليك؟؟و بلدي ياحبوب انتي قاعدة وين؟؟و الف الف مبروك علي أنو بتك بدأت تمشى عقبال ما تشوفيها ماشة مع راجلها يارب...
ريحانة و حشتينا جد طولتي علينا شديد أنا جد بقيت أقلق عليك...حاولي خلصى اللعب و الرحلات و تعالي لينا و مبروك على المحاضرة ياسكرة ايوه كده خليك دايما متفوقة و مميزة.
يلا أنا في المكتب أسي اكتبوا و بأرد ليكم..
في أمان الله.

وطني السودان

05-04-2006, 14:56

ازيكووووووووم يا بنات
كيف احوالكم

ريحانة ويلكوم باك :)

بلدي يا حبوب اخبارك شنو .......... وكيف بنوتتك؟؟؟؟؟؟؟؟؟؟؟؟؟؟

باقي البنات اخباركم شنووووووووو

فليم ...ما تسيبي الشغل ابدا...قعدة البيت سخيفة ومملة شديد
الحمد لله البيبي ماشي كويس
والوحم خف كتيييييييييييير حسي

يلا تيك كير وما تنقطعوا
وانا باجيكم تاني

ريحانة الحياة

06-04-2006, 13:33

إزززززززززززززززززززززيييييييي ييييييييييييييييييييكم كيفكم و اخباركم شنو .؟؟؟ أنا راجعة ليكم بشمارات كتيييييييييييييييييييhttp://www.uaetoon.net/vb/images/smiliess/030104_emM7_prv.gifييييييييييي يييييرة المهم إنتوا كيف و مبروك على الشغل يا فليم و مبروك ليك يا وطني يلا عقبال النونو الحلو و أهلا بكل بنوتة جديدة بس وين باقي البنات ؟؟؟ أولا باركو لي المحاضرة لقت تفاعل و باركو لي في المدرسة و ياي كبروا لي راسي و كمان كتبت قصة حلللوة أخذت فيها 29 من 30 عشان كان في شوية أخطاء و معظمها بنسى الهمزات و كمان أصبحت تعد من القصص المميزة و كمان للقراءة ياااااااااااي روووووعة و في مادة الحاسوب المس دايما بتقول لي ما شاء الله مبدعة لأنو شافت الباور بوينت بتاع المحاضرة الي انا عاملاهو و ساعدتني فيهو و قالت لي ما شاء الله لإني منزلة فيهو فلاشات دعوية بتوعي البنات الي في سننا من الضياع و عنوان المحاضرة (قلوب مأسورة) و كمان بعد المحاضرة مس الحاسوب خلتني أشرح درس للبنات و ما شاء الله ...http://www.uaetoon.net/vb/images/smiliess/i20.gif صراحة بس أحمد الله على فضله و رعايته لنا الحمد لله الحمد لله الحمد لله و الشكر له اللهم أدم فضلك و نعمك علينا و لا تحرمنا منها اللهم زد و بارك و كمان ما شاء الله علي الشهادة كانت بدعة لأنو مافي أمل في الفيزياء و الرياضيات لكن الباقيين فوق ال90 يلا إن شاء الله بزيدوا بس أدعوا لي و يلا كمان عقبال ما نسمع الاخبار الحللللللللللللللللوة و في خبر توقيعي حجددوا لكن في الإجازة ... بحاول ... لمن أفضى و هسي عندنا أسبوع و 4 أيام إمتحانات يعني لغاية يوم الإثنين بعد الجاي ... حنخلص بعد فترة إإإإففففف يلا أهو دي الثانوية و إمتحاناتنا بتاعت نهاية السنة يوم 15 /5/2006 يلا قربنا الإجازة الكبيرة 3 شهور يم يم يلا باقي أيام معدودات .... بس دعواتكم معاي .... يلا ربنا يسهل ليكم و يوفقكم ....في امان اللهhttp://firebird.250free.com/S_S_S/47.gif

وطني السودان

07-04-2006, 11:24

ريحانة الحياة

well done

gooooooood luck in ur exams

:)

k_n

07-04-2006, 21:47

حبيباتي واخواتي السودانيات واخيرا قدرت اعرف مكان اوصلكم منه انا ماقدرت اوصل للملف هذا الى بعد ماعملت بحث عن الاخوات السودانيات وكلي امل انكم تساعدوني في طلبي الي انا عايزته لاني طمعانه في كرمكم انا من السعوديه وحبيت اعرف طريقة عمل الفتريته اذا مافي كلافه عليكم تجاوبو عن اسئلتي
ماهي الفتريته؟
كيف تصنع؟
ماهي فوائدها ؟
اتمنى من كل اخت سودانيه غاليه ترد عليه وانا في الانتضاااااااااااااااااااااااا اااااار
اختكم في الاسلام

k_n

08-04-2006, 16:46

k_n

09-04-2006, 01:27

up
up
up

بلدى ياحبوب

09-04-2006, 09:05

هلا بيك اختى k_n وحياك الله ومافى اى كلافه...
والله سؤالك صعب شويه لانو الحاجات دى بعملوها عندنا النسوان الكبار يعنى( الحريم العود) خخخخخخخخ
لكن بعتقد انه العيش ما عارفه انتو تسموه شنو وبقومه بنضفوه وبعرضوه للشمس لكن عشان ما افتى ليك ساى خلينى اسأل واجيك بالتفاصيل كامله.
وياريت يا بنات لوفى واحدة تعرف تفيدها.

k_n

09-04-2006, 16:47

بلدي ياحبوب مشكوره يالغاليه هذي اخلاق بنات السودان الكريمات تراني قاعده انتضرك

وطني السودان

09-04-2006, 18:50

بلدى ياحبوب

16-04-2006, 16:24

هلا اختى k_n
حقيقى مستحيه منك سالت بس ما عرفت شئ مفيد افيدك حتى انى دخلت افتش فى مواقع سودانيه بس فشلت كل العرفتو:
الفتريته هى نوع من انواع الذره.
بستخدموها فى السودان بعملوا بيها مشروب رمضانى اسمه حلو مر..وفى غرب السودان بستخدموها فى حاجه اسمها الكسره.
بس دة كل العرفتو و***** الله واحدة تانى تفيدك ..

k_n

17-04-2006, 20:48

مشكوره يابلدي المحبوب على مجهودك وماقصرتي صراحه يعطيكي ربي العافيه

jeela

27-04-2006, 05:01

سلام ..

jeela

27-04-2006, 05:02

سلام

flame4me

01-05-2006, 06:07

السلام عليكم يابنات....جد مشتاقة ليكم وأعذروني على الغيبة الطويلة دي.....ظروف بس وكان بالي مشغول....لكن دايما في بالي..جيلا حبيبتي ما مصدقة أني قريت أمك.جد مبسوطة انك رجعتي لينا وتاني ما تغيبي قدر ده...
ريحانة أخبارك شنو والامتحانات مشت كيف؟؟أس في الإجازة انتي مش؟؟؟طمنينا عليك وعلي نتيجة الامتحانات..
وطني السودان البيبي كيف معاك..ان شاء الله ما تاعبك كتير...والقراية والامتحانات ماشة كيف؟
بلدي ياحبوب..كيف حبيبة..وكيف بتك العسل...
عندي ليكم كلكم خبر..انا حامل....الحمد لله لكن ماعارفة في الاسبوع الكم..حسب كلام الدكتورة في الرابع لانو قالت الحمل حصل متأخر حبة مافي مواعيده.. وحسب كلام كم موقع في النت بيحسب التواريخ في السادس...أدعوا لي بس الأمور تمشى تمام والبيبي يكون كويس بس.
الخبر التاني اني مسافرة السودان بعد أسبوع..ماما حتعمل عملية بسيطة كده وقلت أمشى أحضرها لاني جد مشتاقة لي أهلي شديد.....يلا أخليكم اسي وفي مان الله..ما تغيبوا كتير,,,

وطني السودان

02-05-2006, 21:39

مبرووووووووووووووووووووووووووو وووووووووك يا فليم
وربنا يتم ليكي على خير ان شا ء الله
سلامة امك... و****لله تكون حاجة بسيطة ........

بالنسبة لمدة حملك
احسبيها من اول يوم اخر دورة ...........

فغالبا حتكوني 6 اسابيع حسي............

الحمل كيف معاكي.. والوحم؟؟؟؟؟؟؟؟؟؟؟؟؟؟؟؟؟؟؟؟؟

بلدى ياحبوب

03-05-2006, 09:28

الف الف الف مبروك فليم وربنا اتموا ليك على خيرواهتمى بنفسك كويس.......
بختك والله ماشه السودان سلمى على اهلك وعلى السودان كللللللللللللللللللللللللللو واستمتعى بالاجازة وربنا اقوم امك بالسلامه.

flame4me

03-05-2006, 13:04

أذيكم يابنات ياعسل...كيفكم جد مشتاقة ليكم والله يبارك فيكم كلكم يارب...
ماما حتعمل عملية بسيطة لوز لكن بخاف عليها من البنج وهي ذاتها مابتعمل شئ الا اكون معاها....وبيني وبينكم أشتقت لإهلي وصحباتي وللسودان بصورة عجيببببببببببببببببببببببببة:e ek: ,,,,
الليلة مشيت للدكتورة وفعلا قالت 6 أسابيع ويوم دايرة أغير التوقيع حقي أخليه 6 أسابيع ويوم....
وطني السودان الحمل كيف معاكي انتي..انا لغاية أسي مابطال...بأخد حبوب بس علشان مايجيني تعب..ومع الشغل ماحاسة بي شي كده..بس بقيت انوم من بدري من 9 تلقيني خلاص في سابع نومة....
بلدي ياحبوب سلامك ***** الله يوصل وانتي ما مشة السودان قريب ولا شنو؟؟؟؟والبنوتة أخبارها شنو...؟؟؟؟
طبعا اليومين ديل شوبينج علشان مسافرة وكل يوم طلعة لكن ما اشتريت هدوم جديدة..عارفين لي..لاني بقيت دبة.....:( والله زدت كم كيلو ماعارفة ذاتو متين وليه ووين...واسي الدكتورة قالت ريجيم ماينفع علشان الحمل...قلت يلا كل يوم أمشي أتمشى في الكورنيش وأبطل رمرمة في الشغل....طبعا في الشغل اليوم كلو نسكويك وبسكويتات ومافينات وبيبسي..لكن تاني قطع جاف جد.
السفر ان شاءالله بعد بكرة أدعو لي بس مايحصل شى للبيبي لاني جد قلقانة شديد عليه..والله لو ما ماما ما كنت سافرت أسي ..الدكتورة قالت مافي مشكلة لكن برضو قلقانة...
يلا أخليكم أسي وباجيكم بعدين ان شاء الله....

وطني السودان

04-05-2006, 05:23

والله يا فليم ما اظن السفر فيهو حاجة .... لكن اهم حاجة ما تتعبي روحك هناك في السودان... وما تشيلي حاجة تقيلة مهما حصل... لغاية ما تعدي التلاتة الشهور الاولى
واهم من دة كلو..لازم تاكلي كويس... وتاخدي فيتامينات..لانه البيبي بيتكون في الايام دي.........
****لله ربنا يتمم ليكي على خير.......... وسلمي لينا غلى الاهل ........والسودان شديد........
وانبسطي كويس..لانك تاني حترجعي للغربة ..والله الاجازات حلوة... انا ماشة السودان بعد شهر ونص.......من حسي باعد في الايام ........... ربنا يسهل بس...........
يلا سلام حبيبتي وخلي بالك من نفسك..........

باقي البنات وييييييييييييييييييييينكم اظهروووووووووووووووووا........

flame4me

04-05-2006, 08:24

وطني السودان تسلمي ياعسل على النصايح المفيدة دي حبيبة بس دايرة اسألك الفيتامينات اللي أخدها شنو؟؟انا الدكتورة كتبت لي فوليك و حبوب لدوخة بس ما أدتني فيتامينات تانية...رأيك شنو؟؟؟
وسلامك إن شاء الله يوصل وهانت جد يابت كلها كم أسبوع وترجعي للسودان وتنبسطي...وريني البرد كيف معاك أسي وعاملة شنو مع السواقة؟

وطني السودان

04-05-2006, 12:49

فليم .. الفوليك اسيد مهم شديد... بالذات اول تلاتة شهور... لكن برضو ادتني الدكتورة هنا فيتامينات مخصصة للحوامل.... فيها كل الفيتامينات المهمة والحديد..لانه بعد فترة البيبي حيكون شال منك الغذا كله... اسمها ... pregnacare
لو لقيتيها هناك جيبيها بصراحة ممتازة وممكن تستمري فيها بعد الولادة ...........
الجو عندنا هنا بقى رهيييييييييييييييييييييييييييي ييييييييييييييييييييييييييييب. .. درجة الحرارة الليلة كم وعشرين .............
والحمدلله خلاص اتعودت ..عارفة اول ايام كانت صعبة بالجد..الغربة حااااااااااااااااااااااااااااا ارررررة شديد.... لكن ****لله مع البيبي .. الامور تكون احسن ....................

السواقة... ماشة كويس...حسي دايرة اعمل امتحان نظري... قراية كتييييرة ...هاههاه هاها ... غايتو هنا اي حاجة يعملو ليها قومة وقعدة ...........:)

انصحك ما تشتري هدوم كتيرة مع الحمل..لانه ما حتستفيدي منها لقدام... وبعد الولادة حترجعي لوزنك... والرجيم ما فاي داعي ليهو حسي........:) خلي البيبي يتغذى كويس...............

حتقعدي في السودان كم يوم؟

ريحانة الحياة

04-05-2006, 14:10

<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" UNSELECTABLE="on" width="100%"><TD id=HB_Focus_Element vAlign=top width="100%" background="" height=250 UNSELECTABLE="off"> إزيييييييييييييييييييييييييككك كككم و اخباركم .. عاملين شنونو .؟؟؟ أولا اهلين بيك يا جيلا و ما تقطعي تاني ... فليم أنا حاليا ما في الإجازة لسه هي يوم 25 /5 /2006 قربت صح ؟ بعد الإمتحانات طوالي و إحنا ماشيين السودان في الإجازة في شهر يونيو شهر 6 و اهو مضغوطين شوية نمشي للسفر و شوية دح و و و ... عموما خلصنا و باقي لينا حاجات بسيطة و معليش انا ما حقدر اطول عشان أخلص قراية للإمتحانات و استعد عشان أشوفكم هناك في السودان ... و وطني السودان و فليم الله يسهل عليكم و جميع من في ملتقانا يلا في امان الله</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>