على ضفاف النيل (ملتقى حواء السودان) الجزء التاني ................. [الارشيف] - صفحة رقم 9

ماريا الطيبة

15-08-2006, 15:30

سلام يااحلى بنات

كيفكم يا بنات مرة واحشيني وسامحوني كما ظهرت ما عارفة مالوا الموقع لما بدخل ليه بيقول لي

لايمكن العثور على الملقم يوم ونص وهو بطريقة دي

رنوية يارقة والله طلعتي داهية يابت الي بيشوفك في المنتدى بيقول البت قوية شديدة وعلى قولتك ساطورة
لكن صدمتيني من سمعت صوتك لقيت وحدة رقيقة شديدة وناعمة و هلا هلا على الضحكة شوية وتتفرتك من النعومة
الف الف سلامة لماما ويارب يشفيه ليكي وطهور ان شاء الله انتبه ليها الفترة دي وما تقصروا معاها يارنو وححاولوا تشربوها موية كتير بااسمع انها كويسة للي عندهم حصوة
اما الصبغ هو بطريق وانا بطريق مابنعرف بعضنا شديدا

جيلا الله يسلمك والحمد لله امس وصلت على جدة والان قاعدة مع اخواتي وبعد يومين ان شاء الله حتوصل على الرياض
ااااااااااااااااااااااااااااه امس اول ما وصلت للميناء اتصلت على في البيت من سمعت صوتها عالطول بكيت يلرب يخليها لي وما يحرمني منها

وطني ماشاء الله اجتمعتوا انتي ويافليم اها لقيتها كيف زي ما كنت راسمة ليها في بالكٍ سلمي لي عليها

ام صالح ما تدي للشيطان طريق هو داير يدمر مستقبلك عشان كدة انتبهي منه
حاولي بكل الطرق عشان تدرسي ونحن حندعيلك عشان ربي يوفقك

بلدي وينك كدة مختفية حتى ريحونة شنوا عشان الاجازة بدات تخلص صرتي بتختفي

وهوما وهدندوية وساروية ومنى جابر مالكوم ليه ما بتظهروا

وطني السودان

15-08-2006, 17:45

ماريا
حمد لله على سلامة ماما
يلا اسي تلاقيها وتنسينا :)
سلمي عليها ... واتونسي كويس...وانا متأكدة زهجة وطفش الايام الفاتت كلو حيروح
اها العريس ما في منه اخبار ؟؟ الشمارات شنو
فليم والله عسل جدا ..لكن احنا بس اتكلمنا بالتلفون ..لكن غالبا في الايام الجاية نطلع سوا
يلا عقبال ما الاقيكم كلكم :)

ريحانة الحياة

15-08-2006, 19:48

هللللللللللللللللللللللللللووو ووووووووووووو ... هاو ار يو جيلز ....؟؟؟
فاين .؟؟؟
الحمد لله
اول شي سلااااااااااااااام ليكم كلكم بدون فرز
تاني شي سلامة امك يا رنو و ان شاء الله خير
ماريا معليش منشغلة بالتجهيزات للمدرسة و كده و الطلعات مع جدي و الموال ده :)
وطني يلا ورونا شمارات الشوبينج
جيلا انتي عارفة شكلك مدرسة انجلش A1 تصوري اول مرة افهم انجلش من اول مرة يعني ما شاء الله شرحك توب خلاص انا اي شي يصعب علي ببعت ليك على العام و اذا الموضوع مطول ببعت على الخاص لكن للإفادة افضل العام لكن يا ريت لو تكملي الشرح .. جد تحفة و يتلمع ربنا يخليك ...
فليم و بلدي و باقي البنات اظهرووووووا
و ان شاء الله السودان يتحسن للأحسن
و يا بنات انا متابعاكم بس بوصل النت و بفصل عشان عايزة اقلل و بدا الدح لكن متابعاكم ....
اعذروني المدرسة من صوب و جدي من صوب و الطلعات من صوب ...
في امان الله :)
اشوفكم على خير

jeela

16-08-2006, 01:37

كيفكم كلكم؟

رنوية حاسة بيك دمك خفيف ورقيقة شديد - نحاول نعمل محاولات نديك لقب غير " ساطور" بس الرأي للاغلبية...
بالنسبة للصبغة ما حصل صبغت عاجبني اللون الاسود - وعلى قولة وطني الشعر يعني من دمار شامل بدون صبغة مع الصبغة حيبقى كيف؟
بالنسبة لامك الله يعينيها مع الحصوات

وطني السودان : ما كنت متخيلة لونك فاتح - لكن ما شاء الله لون الصبغة الاختيتروهو حلو شديد...

ماريا: الموقع فعلا كان فيهو مشكلة ... الله يوفقك

ريحانة : يا سلام عليكي والله يخليكي يا احلى طالبة :) ... ياليت طالباتي كانوا ببيردوا القلب كده - عوما عسولة لو عندك سؤال ملح ومستعجل افضل انك ترسليهو على الخاص لاني إن شاء الله الاسبوع الجاي نازلة شغل .... وغالبا ما حأدخل هنا كثير...

مع السلامة

rnoya

16-08-2006, 07:07

كلبوشات ازيكم؟؟
والله يا وطني وجيلا شعرنا ده مشششششششششكله (كان للسودان ان يكون احسن الافارقه فاختار ان يكون اسوأ العرب!!!!!!!!!!!!!!!!!!!!!!!) شعرنا لا قرقدي وبشبه حق العبيد لا كمان سمح وبشبه حق العرب وعلى قول حسن اخوي هو كللللللللللللو شبر بس ومجننيننا بيهو خخخخخخخخخ!
وكمان بعد العرس حدث ولا حرج غسيل شعر وعدم اهتمام وحالة متاسفه
انا متاكده انو شعري حيبوظ بالصبغه لانو سبيبتو اساسا ضعيفه لكن زهججججججججججججت من نفس الوش ده ربع قرن من الزمان خخخخخخخخخخ فاي وحده عندها اقتراحات تفهمنا حاجه لاني نويت على التغيير الشامل بس محتاره في الالوان
ماما احسن يا بنات
وطني وفليم شوفو لغايه ما الوجع يبقى كل اربعه دقايق بكون محتمل لكن لما يبقى كل 3 دقايق ببقى حاجه فظيييييييييييييييييييييييييعه وبعدين الكلام ده بستمر حوالي 12 ساعه يعني وجع فظيع 12 ساعه متواصله شوفو كيف؟؟ انا شخصيا اللحظه ديك لو جابو لي صبغه كنت شربتها بس عشان ارتاح مش لو ادوني حقنة ضهر (لاحظو برضو انو تجارب الناس بتختلف يعني احتمال ما تتالمو زيي)!!! والله والله مهما اوصف ليكم ما بتتخيلو الحاجه دي قدر شنو فظيييييييييييييييييييييييعه واذا كان رب العالمين ولدكم في بلاد بي امكانيات كويسه وممكن تولدو بي طريقة مريحه يبقى لعذاب لزومو شنو؟؟؟؟ ما تسمعو كلام مرة ابدا الحقنه وبتعمل شلل والكلام الفارغ ده..العوارة دي كانت منطقيه قبل 30 سنه لكن هسه عادي في المعادي..يمكن هسه فكرة حقنة ضهر دي فكرة مخيفه او مؤلمه لكن مهما اوصف ليكم الم الولاده ما بوفيهو حقو وفي اللحظة ديك ما حتحسي بي الم الحقنه (زي تضربك عربيه وتقعي في الواطه وتقرصك نمله!!!!) ابو التشبيه زاتو!!خخخخخ بعيد الشر عنكم كلكم...اقعدو قعده طوييييييييييله مع الدكتور وخلوهو يشرح ليكم الحاصل بالضبط والمخاطر ممكن تكون شنو واستخيرو واتوكلو وربنا يسهل عليكم ياااااااااااااااا رب
لكن انا شخصيا بنصحكم بيها شديد وعن نفسي نويت لو ربنا كتب لي ولاده تانيه ولو مافي حقنة ضهر اولد بي قيصريه لانو ما عندي اييييييييييييييييي استعداد اخوض التجربه المريره دي تاني!!! لاحظو انا عملو لي توسعه اثناء الالم الفظيع داك يعني الدكتور بدخل ايدو قدر ما الله يقدرو ويدفسه والممرضات بقبضوكي وبسبتوكي في الطربيزة اتخيلو..قلت ليكم حاجه فظيعه غايتو بعدين لاحظو انا ما زوله خوافه ولا زوله هواله بالمناسبه انا بت ضكرانه جدا..معليش قرفتكم يا بنات لكن مافي وحده فيكم تسألني عن موضوع الولاده تاني لاني اتعقدددددددددت منو عديل والله وبقول انو ربنا يخلي لي حمودي وما عايزة غيرو اطفال عشان العزاب ده .. اهئ اهئ اهئ
استنو تجربة ام صلوحي المتسيبه.. اها عامله كيف يا دكتورة؟؟ ان شاء الله بعد التشجيع ده قطعتي شوط؟ تعرفي جارتنا سافرت لندن عشان تحضر وخلت ولده عمرو 4 شهور مع امها وقعدت هناك سنتين! تصدقي كلامه انو ما حتسمح لايا كان حتى لو ولده انو يقيف في طريق مستقبله وماشااله بالرغم من صغر سنها لكن هسه عميد في الجامعه ولا محاضر زاتو (ابو الكدايس)خخخخخ شدي حيلك يا ام صالح وختي في بالك انك بتضمني حياة افضل حتى لي صلوحي وخليهو دافع ليكي مش حاجه بتعيقك..ربنا يوفقك
ريحانه من صوب دي شنو؟ انا يوم بعضيكي عدييييييييييييييييييل في الكلام ده,,يا بت هوي! خخخخ ساطور قام
جيلا وماريا (طبعا استغربت من كلامك يا ماريا اول زول يقول لي كدها اصلا مافي زول علق على صوتي قبل كده فاستنتجت انو بشع وانا بتكلم بسرعه حتى ماما دايما بتقول لي عيدي ما فهمت خخخخخ
لكن كان ما ساطور ابقى شنو يا جيلا؟ فاس؟ فرار؟ سيخه؟ خخخخخخخخخخخ يلا ابدو التصويت
الصبغه يا بنات والعندو تجارب
اها لي قدام

rnoya

16-08-2006, 07:11

اللون رهيب يا وطني عجبني شديد ويا زوله ده خبر رهييييييييييييب يعني جايانا بي جاي؟؟ تماااااااااام وشهر 12 عرس ود خالتي يعني بجيهك تمام التمام
عقبال ما الاقيكم كلكم يا بشكات

om salih

16-08-2006, 08:16

اهئ اهيئ
الليلة رسلوا لي الكود والتفاصيل بتاعة الامتحان وقبولي للجلوس ليهو :eek: موتوني من الخوف ويا دوب حسيت الموضوع جد :(
جاية اقول ليكم حانقطع منكم فترة وحاحاول ادخل مرة مرة للسلام فقط
من الليلة لازم ليل نهار
بفكر امشي المكتبة بالمسا بس فكرة اخلي صلوحي مع البت براهو مجنناني
رايكم شنو ؟؟؟

rnoya

16-08-2006, 11:15

ما بتجيهو اي حاجه يا ام صالح ان شاء الله عاادي حمودي بكون قاعد مع البت ونحن مافيشين اسمعي لو اخدتي اجازة مالو؟؟ ويا حبذا لو راجلك برضو اخد اجازة فكري في الحل ده
ما عملت البشكه اهئ اهئ اهئ اموت انا؟ ولا احضن العمود؟

وطني السودان

16-08-2006, 12:56

جيلا ور يحانة ورنويا وام صلوحي
ان شاء الله كلكم تمااااااااااااااااااااااام
والله يا رنويا الصبغة دي ما بتخوف..هي تجربة .. لو ما نفعت معاكي اصلو ما تعيديها تاني خخخخخخخخ.. لكن انا ناوية اعيدها لانه على قولك الواحد بيزهج من شكلو شديد...اهم حاجة اللون يكون طبيعي ما حاجة شاذة .. زي اصفر ولا برتقالي ....... وااااااااي ... يعني درجات الاحمر والبني دي لزيزة .. وبتمشي مع الوانننا والحنة والدخان خخخخ.. ان شاء الله لما الاقيكي شهر 12 اكون صابغة شعري اللون دة :)
ايوة يا جيلا لوني فاتح... لكن تصدقي انا باحب اللون دة في السمر اكتر..... :)ويحليلك خلاص نازلة الشغل..غايتو طلي علينا مرة مرة ..ما تختفي شديد........
يا رنويا والله خوفتيني من الولادة عديييييييييييييييل .. اهي هي هيييييي :(... الله كريم بس... يا بنات بالجد دايرين دعوات صادقة من القلب للقلب ... ربنا يحلنا بالسلامة ................وعلى قولك حقنة الضهر دي اختراع جميل شكلي حاعملها ان شا ء الله ...
ام صلوحي بارت ون دة ما لعب..انا ما دايرة اخوفك.. لكن دايرة قراية شديدة.. صلوحي خليهو مع الشغالة ..مش قاعد بيلعب وبيتفرج على التلفزيون... حيكون مبسوط جدا وما بتجيهو اي عوجة ... بس ضحي كم يوم وازنقي روحك عشان تنجحي من اول مرة بأذن الله :)
ريحووونة .. خلاص المدرسة.. والله زكرتيني لما كنت صغيرة زيك كدة... بس انا عكسك..اخر اسبوع في الاجازة باكون مكتئبة جدا.....لانه باكره المدرسة مووووووووووووووووت :)

Homaa

16-08-2006, 16:51

سلالالالالالام ياستات ويا
أنسات

واحشيني موت موت

طبعاً أنا جوز العيون مأجز وعارفين الرجال والاجازه والبيت

كلما يشوفني يقول لي جعان قلت ليه تعال هنا مكتوب في جبهتي اكل ولا حاجه

وطبعاً الاكل كسره وملاح والاولاد اكلهم مخالف الله يعين

رنويه ياعسل سلامه ماما و*****الله ماتشوف شر وأجر وعافيه أن شاءالله

والله انتي زوووووله عسل شديد

عندي صاحبه المرحومه اختي جنبك اذا ساكنه جنب اوماك

سلامي لحمودي

وطني كيف والبيبي كيف

انصحك بحقنه الولاده لانه الولاده حاااااااااره

ماعايزه اخوفك

لكني جربتهم الاثنين

الله يساعدك

جيلا ياعسل حمدالله علي السلامه مشتاقين شديد

ماريا سلام ومبروك وحمدلله علي سلامه امك وان شاءالله تكحلي عيونك بشوفتها قريبا

ام صالح

ذاكري كويس عايزين نتيجه ترفع الراس

سلام خاص لصالح

ريحانه يادلوعه المنتدي تحيه خاصه لكي

ارقدوا عافيه

jeela

16-08-2006, 17:42

jeela

16-08-2006, 17:44

وطني السودان ما اخترت اسم دلع بديل لرنوية نستخدمو بدل " الساطور" الخيارات هي
فاس؟ فرار؟ سيخه؟

بانتظارك

Homaa

16-08-2006, 23:44

لا لا لا لا لا لا حرام عليكي يا جيلا

رنويه ارق من كده

عشان كده انا بقترح

مبرد

أرق كثيررررررررر

rnoya

17-08-2006, 05:54

بشكاااااااااااااااااااات ازيكم
وطني تعرفي لو اللون الجديد طلع عامل كيف كيف اول ما اشوفك حأقرقر واضحك عليكي لاااااااااااااااااااااكن ابقي مرة واضحكي على صبغتي عشان انفض ليكي الكلوش خخخخخخخخ
قلتي لي خوفتك من الولاده؟ خخخخخخخخخخ أبشرك انتي في ورطة عديييييييييييل اخر ايام حمل كنت بقول لي راجلي كده يعني ورطة من ابو كديس ما تعرفي تزوغي منها كيف وكلو يهون بس ربنا يديكي طفل سليم ومعافى والله ربنا يهون عليكي ويحلك بالسلامه
هوما العسلوز باللوز كيفك..طبعا في موضوع الطبيخ ده انا افشل مرة في التاريخ وكتيييييييير اتعب واطبخ واجتهد واكسر رقبتي وراجلي يمشي يجيب زبادي من الدكان عشان الغدا طلع رهيب ! خخخخخخ لكن انا في عمري ما دخلت مطبخ ما دلع ولا حنكشه لكن ما كنت فاضيه من البرامج والفوضى والهرجله والمشاوير والبشكات ياخي انا كنت لمممممممممممممممما واذااااااااااا قعدت في البيت بكون بعلم في عروس الرقيص خخخخخخخخ والله يا بنات ربنا يغفر لي لكن عزبت امي دي عزاب كنت دايما عنصر مخرب وفاشل في بيتنا والغريبه اخواني الاولاد اهدأ من الهدوء
هوما بالله عندك اخت اتوفت؟ قبال كل حاجه احسن الله عزاءكم..لما قريت السطر ده اتذكرت 3 من صاحباتي اتوفو في حوادث سبحان الله الموت الحقيقه الوحيده البتتكرر كل يوم في حياتنا وبرضو ما قادرين نوالفه او نتعود عليها...ربنا يرحمنا فوق الارض وتحت الارض ويوم العرض..امين
انا ساكنه قريب من اوماك صحبتكم دي اسمه منو؟؟وقرت وين؟
جيلا شايفاكي جااااااااااااده في موضوع الاسم خخخخخخخخ تعرفي ماما لما زول يساله عن اولاده بتقول عندها 5 اولاد وما عندها ولااااااااااا بت!! طبعا انا اخواني 4 وانا الخامس
فعادي يااااااااااااااااما اطلقو علي القاب البريدني شديد مسميني جنو خخخخخخخ لكن هسه رقت والله العرس ده امانه ما بروق وبعمل نفسيات اااااااااااااااااااااااااه المسؤوليه البشعه غايتو
هوما يا كريهه الله يبرد اضنيك خخخخخخخخخخخخخخخخخخخ
ام صالح غايتو لو كنتي بتكرهي القرايه زيي معناها انتي هسه بتتمزقي...ياااااااااخي انا من ما اتخرجت يافطه ما قريته!!
يعني مافي وحده ستايل ورهيبه غير وطني (طبعا دي اسمها مطاعنات الخدم خخخخخخخخخخخ)
ريحانه وماريا وينكم

وطني السودان

17-08-2006, 10:21

وطني السودان ما اخترت اسم دلع بديل لرنوية نستخدمو بدل " الساطور" الخيارات هي
فاس؟ فرار؟ سيخه؟

بانتظارك

ها ها ها ها ها ها
والله اديني لحظة افكر .............

امممممممممممممم

ساطور احلى واحد صراحة ....... :30:

وطني السودان

17-08-2006, 10:26

هوما مشتاقين والله
والبركة فيكم في اختك. وربنا يديها اهل احسن من اهلها .. يرحمها برحمتو الواسعة
امييييييييييييييييين

اها الاولاد نازلين المدرسة متين خخخخخخ.؟..؟؟؟

لكن المبرد دة لقب لزيز .. والله الليلة ضحكتوني من الصباح:)

عسولات كلكم

وطني السودان

17-08-2006, 10:28

رنويا يا جنو منو

هييييييي الصبغة دي كعبة وبتبوظ الشعر.. ما تعمليها ..لانه في النهاية بتفضل ليكي شعرتين بس ... خخخخخخخخخخ
يا بت باهظر معاكي ساي............اعمليها واتوكلي على الله .......... ان شا ء الله العواقب تجي سليمة ...... :)

rnoya

17-08-2006, 10:38

لكن كان حسينه (سليمه وحسينه بنات خالات امي حريم بيض كده) نقبل وين يا وطني؟
يا بت انا نويت خلاص بعد ده كان جه النقر زاتو ما قضيه
ما قلت ليكم ساطور جميييييييييييييييل ما تغيروهو حلو والله ومناسب لمقتضى الحال
حصل يا وطني حسيتي انك نفسك تطعني زول؟ لا والله جد ما بهزر؟ انا مؤخرا بقيت لما ازعل بحس انو مافي حاجه بتفشني غير اني اطعن الزول التعبني ده!!!! خخخخخخخخ يعني قدر ما اتشاكل واكورك واحرد ما بتفشا اكون يا الله حابقى مجرمة واقضي باقي حياتي في سجن النسا ام درمان؟ والله يا بشكات قالو البشكات ديل اسعد ناس طبعا كلهم خدم ستات عرقي واللزي منو فاهمني مش؟ قالو ليك ديييييييييييك يا الدلوكة المدورة كل يوم وديك يا البهجه...
مرة من الشقاوة والارهاق حق السودان الوهم ده قلت لي راجلي نفسي اتسجن!!! واشيل معاي طلح وكريم روز واخد لي 3 شهور سجن واطلع ناااااااااااااايره ومرتاحه خخخخ
لي قدام

Homaa

17-08-2006, 13:21

ياخوانا ما قلت ليكم مدام مبرد دي خطططططططططيره والله

رنو كيفك

صاحبتنا اسمها زيزي وشغاله في الطيران المدني

اختي الله يرحمها ويرحمنا كانت في سودان طييييير

وطني ولدي نزل Summer School for two weeks

المدرسه يوم 6 /9

وبنتي كمان حتنزلkindergarten

ارقدوا عافيه

jeela

17-08-2006, 14:17

رنوية قصصك فعلا بتلصق فيك اسم ساطور ... قاعدة امدح فيك قبل كم يوم إنك ظريفة وودودة لكن قصصك كلها كواريك وضبح ... يا ساتر ...

ناس السودان فعلا بيعلو... قلبي معاك ... لكن صراحة رنوية قصصك بتطفش من الزواج وأي آمال مستقبلية لإنجاب الذرية الصالحة..

وطني : شكلو الاسم ما حيفارقها ابدا " ساطور"

وطني السودان

17-08-2006, 15:10

رنويا
يا ساطور
الاحساس دة عااااااااااااادي وياما جاني خصوصا مع راجلي خخخخخخخخخخخ
لما نتشاكل باقول ليهو انا دايرة اخنقك ..........
بيقعد اضحك فيني .......
فعشان كدة شعورك دة طبيعي جدا ..لكن كلو الا سجن ام درمان لوووووووووووووول ....تعالي لندن بيجاي ... بتروقي تمام ... الليلة من الصباح مطرة وجو رهييييييييييب
جيلا ............. الساطور ... لزيزة جد... لكن ما تسمعي كلامها دة...عندي احساس انها متخفية في شخصية الساطور..لكن زولة رقيقة شديد............. والعرس يا بت مسؤولية لكن في النهاية واجب لا بد منه ..............

هووما .. يحليلك والله .. مع الاولاد غلبة شديدة ... الله يخليهم ليكي يارب :)

يا بنات قبل شوية ضربت لي فليم.زكان مفروض نتلاقى لكن طبت علي صاحبتي... لكن باضرب ليها بعدين..ان شا ءالله نتلاقى بكرة ......................

يلا سلام لبعدين

بلدى ياحبوب

17-08-2006, 17:09

ازيكم يا بنات مشتاقين ....
طبعا المنتدى بقى قيل وحالف ما يدخل لى الايامات دى ب بالجد ليكم وحششششششششه.
ماريا يا عسل مشكورة على السؤال و***** الله ما نعدمك وحمدلله على لامه الماما واخبار ابو الشباب شنو..
وطنى السودان كيفك وكيف فليمو والكريمين ؟
رنويه كيفك يا عسل وسلامه الماما ربنا يقومها بالسلامه والله من ونتك كلنا نفسنا نتقابل على العموم احتمال انا برضو اجى السودان على شهر 12 اقابلك انتى ووطنى وحارسليك رقمى على الخاص.
هومه ليك وحشه خليك دايما ظاهرة.
ام صالح يلا شدى حيلك وفرحينا.
ريحانه وجيلا كيفكم؟

زهرة الفراشة

17-08-2006, 18:16

السلام عليكم

ممكن تشاركونا برأيكم في الموضوع اللي في الرابط التالي

و شكرا

http://forum.hawaaworld.com/showthread.php?t=641717

jeela

18-08-2006, 04:06

السلام عليكم

ممكن تشاركونا برأيكم في الموضوع اللي في الرابط التالي

و شكرا

http://forum.hawaaworld.com/showthread.php?t=641717

وعليكم السلام اختي ... إن شاء الله الحين أمر على الرابط الذكرتيه

jeela

18-08-2006, 04:17

كيفكم ؟
كيفك بلدي : احيانا المنتدى بتجيهو حالة نفسية كده وبيعلق..

ريحانة ومارية : اختفيتوا وين ؟ اظهروا قبل ما ابدى بالاختفاء التدريجي من الاسبوع الجاي...

هومة : شكرا عزيزتي على اهتمامك وتجاوبك السريع للاستفساري..

وطني وساطور : يا حليلكم ... مش بدري عليكم على ضبح الرجال المساكين ... لو بقى عندكم 5- 6 عيال حتعملوا فيهم شنو - ما دايرة مصيركم يكون السجن لسه في عز شبابكم.

ريحانة الحياة

18-08-2006, 12:53

اززيييييييييييييييكم ... كيفنكم ..... تماااموووو... هيه شنو يا مرة الي اسمك رنو .. معليش .. يا ساطور واقفة في الكلمة اقول ليك احسن شي قولي الكلمة الغلط و وريني المرادف ليها بالسوداني إتفقنا ..؟؟
و بعدين صراحة و لا لقب من الي انا قريتهم حلوين بس ساطور و لا شي تاني ... وطني اللون خطييييييييييييييييييير و كوووووووووووووووووووووووو ل انا عجبني لكن عايزاكم تشوفوا الموضوع ده :
تجربة مع الصبغة و كده ...http://forum.hawaaworld.com/showthread.php?t=621264 كويس ...

هومة الله يسلمك .. لكن شنو الغيبة دي ..؟
جيلا :: مس جيلا :: رايك شنو لو تجينا في الإمارات تدرسيني و بكون توب لانو شرحك زي ما قلت A1* star لاني لقطها و هي طايرة خخخخخخخخخخ ... غايتوا المسات الي عندنا ربنا يعيننا .. الحصة ملل ملل ملل يعني ملل ... و بس بمشي على بركة الله في الإمتحان ... قلتي شنو و زي ما قلت ليك لو في اي إستصعبتوا ببعت ليك على الخط الساخن ... الخاااااص... :) ؟؟ هيه و ين باقي البنات .. فليم و و و و كل العضوات ..؟؟؟ :( لا ما كده يا جماعة ...... كل شنة و إنتشو تشيبين ...معليش الفيوز ضارب ... كل سنة و انتو طيبين ... الإسراء و المعراج يوم الإثنين بدل ما نطلع نتفسح ماشين نجيب الإستف >>stuff بتاعت المدرسة ... من ادوات و كده مش يا جيلا إستف .. أغراض .. الإنجلش تمام مش..؟؟؟:) ...o: فعموما المدرسة يوم 3/9/2006 م إففففففففففففففف .... حأرجع للهم و الغم و الدح و كمان دح تربيع .... على اصول... دعواتكم لي و دعواتي ليكم ..مش عليكم خخخخخخخخخ.... اخليكم في امان الله ...

مجنونة أمها وأبوها

18-08-2006, 18:41

ههههههههههههههههههههههههههههه ( شهقة ما ضحكة )
كلكم سودانيات؟
وانا عايشة سنة ونص على اني الوحيدة في المنتدى دا؟

Homaa

19-08-2006, 01:03

ياحلللللللواتhttp://www.14noor.com/forum/uploads_members/1397/1397_2006-03-01_Untitled-1698.gif

http://forum.hawaaworld.com/files/50274/fallinghearts0rm.jpg

يا بلدي ازيك http://tk.files.storage.msn.com/x1pNWjjkHJ3o_we2VhlPJoJtv5Na5t JknWDpnMKfBeQJ2-ynwN1B-WmPwtaP6WJ2PMG79dd-aMNC3y-f466LFOJcj16DrzhDHM4f7e1m-CCbdcاسفه لنسياني بانو اسلم عليكي

كيف عامله والاولاد كيف

ريحانه انتي كيف والتحضيرات للمدرسه تمام

جيلا اتمني انك تكوني استفدتي من الروابط

مجنونه ابوها وامها بلاش شهقه http://www.thbi8i.com/up-pic/uploads/e46b862523.gif

شفتي البنات كيف لذاذ

ولسه ساطور ماظهر الذ الذالذ

باقي البنات http://tk.files.storage.msn.com/x1pNWjjkHJ3o_we2VhlPJoJtpIr2rA RYGNp1jeS9YZFppyi4rmiqcBToeIGV mIHAzgZNd2M38TPbHg_KAGAfzV4Ioq 83d-uN-0RQH9q23TZ33M

ارقدوا عافيه

jeela

19-08-2006, 04:10

ههههههههههههههههههههههههههههه ( شهقة ما ضحكة )
كلكم سودانيات؟
وانا عايشة سنة ونص على اني الوحيدة في المنتدى دا؟

مرحب بيك... لو ممكن تكلمينا عن نفسك شوية

jeela

19-08-2006, 04:12

ده من ذوقك يا ريحانة ... أي سؤال انا تحت امرك... ربنا يوفقك ويسهل عليك إن شاء الله...

هومة : رسلت المواقع لصحبيتي وانبسطت شديد...

ساطور: وينك مختفية؟

rnoya

19-08-2006, 06:17

ازيكم يا بشكاااااااااااااااااااااااااات
مشتاقين والله
شوفي روعة السؤال يا جيلا: وين مختفيه؟ يعني حكون علبلاج؟ولا اكون بقضي اليوكند في منتجع؟ ولا اكون يا الله مشيت عملت مساج؟ اهئ اهئ اهئ قاعده يا جيلا قاااااااااعده ومتفجفجه في بيتي الجميل بطبخ وبتشاكل وبتوتر وبعمل كل الحاجات الما اتخيلت اني حعمله يوما ما..غايتو..الويكند بالنسبه لي مرة متزوجه يومين تعذيب مافيهم اي سعاده..
شايفاكم قطعتو فيني كوييييييس .. والله يا بشكات انا ما شريره ابدا..بالعكس اميل لي اني اكون بحب الحياه (صاحباتي بسموني بهجت مرات) وزمان ما كنت بعرف اتشاكل ابدا ابدا ابدا لكن الدنيا امانه مااااااااااااااااا بتوري .. وهنا في هذا البلد التعيس ما تبقي ساطور الكل ببرمج بيكي..اييييييي زول حيحاول يهججك.. ف قطع جاف ولااااااااازم تتعلمي تحرجي وتتساغلي والا والله العظيم حيركبوكي ويدلدلو كرعيهم!!!!!!!! بتجو ان شاء الله السودان وكلكم بتبقو سواطير وحتشوفو..
اما موضوع الطعن.. اخ يعني اخخ يا ريت بس لو ما كان حرام لاني الويكند ده اكتشفت لي شخصيه جديده نفسي اطعنه!! مممممممم راجلي ما بطعنو تماما حتى لو اتيحت لي الفرصه..لكن بديهو طعنه تذكاريه جميله كده عشان يتذكرني دايما خخخخخ
ريحانه يا شينه خلاص انا تاني ما حنبهك كلها الفضلت ليكي سنه وحتجي هنا وحينبهوكي ناس الجامعه!! شينه!! لكن والله ما اخليكي (لاحظي بعد ما شاكلتك خخخخ) حافضل وراكي لمن لسانك يستعدل ويتسودن..المهم اقري الطريقه البكتب بيها انا وبكتبو بيها البشكات وانطقي صاح..
وطني باااااااااااااااااااااالغتي والله بالغتي عديييييييل كده؟ يعني فتحتي لي فليم عششان صاحبتك قاعده معاكي ولا شنو؟ طيب ما كان تتصرفي وتسوقي صحبتك معاكي..ما اظن انك حتلاقي فليم لانها مسافرة بكرة..
هوما ازيك؟
بلدي مشتاقين
ماريا وين؟
ام صالح.. بطاطس وفي الدمعه غاطس.. لكن يا ربي ياتو دمعه؟
ما بتتخيلو يا بشكات كيف انو نفسي الاقيكم..نفسي اعزمكم كللللللللكم في بيتي العامر الضخم الكبير (شقه غرفتين وهول سغييييييييير) بالله بيتي شدة ما كبير مرات بضرب لي روحي بالموبايل عشان اشوف انا وين خخخخخخخ
مجنونه ابوها وامها بالمناسبه شايفاكي حايمه وعرفتك سودانيه..مرحب بيكي..كلنا اخواتك هنا..ولو رجعتي بالصفحات لي ورا يمكن تفهمي شوية حاجات عن كل وحده فينا..
يا ريت شوية معلومات عنك واسمك الحقيقي علخاص..
يلا لي قدام

rnoya

19-08-2006, 08:35

صحي يا ريحانه اقتراحك في محلو حوريكي الغلطة وتصحيحه بالسوداني الفصيح يلا جيلا تعلمك انجلش وانا اعلمك عربي خخخخخخ وانسي موضوع الثانويه العامه ده خخخخخ
ما بقولو من صوب
بنقول من ناحيه او من جهة
يلا لي قدام

بلدى ياحبوب

19-08-2006, 09:39

ازيكم يا عسلات كيفنكم وكيف الويكند...
جيلا كيفك وفعلا المنتدى احيانا اعل . يا حليلك خلاص حتبتدى دوام لكن برضو مرة مرة تعالى لينا.
هوما كيفك وعامله شنو مع العيال خلاص نزلوا اليوم المدارس ربنا اوفقهم وابقى دايما ظاهرة.والعيال بخير حبيبتى.
ريحانه كيفك وخلاص الاستعداد للمدرسه.
ماريا ووطنى وين؟
مجنونه ابوها وامها حبابك عشرة طبعا ما براك عندك عزوة واهل هنا ب تعالى نتعرف عليك.
الباقين اذيكم.

بلدى ياحبوب

19-08-2006, 09:45

بلدى ياحبوب

19-08-2006, 10:55

وطنى ازيييييييييييييك
اها لاقيتى فليمو ادينا الشمار:)

مجنونة أمها وأبوها

19-08-2006, 20:44

وعليكم السلام بنات
شكرا على الترحيب
اعرفكم بنفسي في الاول
اسمي الحقيقي مرام ودلعي رومة لكن ابوي لما يحب يكاويني بقول لي يا نِنّة ومرات يا مرمورة
لكن انتو نادوني مجنونة .... خلاص؟
عمري 16 سنة ( بقيت انا الدلوعة هههههههه بعد موافقة ريحانة طبعا)
امتحنت شهادة سودانية السنة الفاتت وجبت 86.6
طبعا نتيجة التقديم يوم الاتنين ( بعد بكرة يعني ) ومنشنة على علوم رياضية قسم الحاسوب جامعة الخرطوم
مع ان رغبتي ( كانت ) طب لكن امي طممت لي بطني منو
تشيل وتشتم في الطب ويلعن ايام الطب وما شفنا منها إلا القرف وما أدراك
هي طبيبة لكن مؤخرا عملت ليها مدرسة خاصة

شفت الملتقى بالصدفة مع اني عملت كم ملتقى في القسم العام
وجاني احباط لمن ما دخل زول

المهم اني حسي عرفت ولاقيت ناس سودانيين اتكلم معاهم بي راحتي من غير قليب كلام ولاخوف من انو تفلت مني كلمة ما تتفهم ويعلوني بيها ومعناها شنو وما فهمانك ووضحي

طبعا من فرحي قريت الصفحات الفاتت كلها خخخخ
لا طبعا ما كلها لكن لغاية كم واربعين ( ناس فايقة )

في شنو تاني؟
آااااااااااه
كلكم مغتربات عدا رنوية على ما اعتقد صح؟
انا زاتي قاعدة في ال ..
ها ها كنت دايرة اقول في الحر والتراب لكن الجو اليومين ديل رهييييييييب وقبل كم يوم نزلت مطرة قوية خلاص
امممممم
مع اني من عيلة افرادها كلهم اغتربوا لكن عمري ما حصل سافرت
اهل امي: كلهم موزعين في قطر: خيلاني صالح وعادل ومحمد وصابر... وراجل خالتي حاتم
خالتي اغتربت مع راجلها زمان في السعودية لكن رجعت بعد ما توفى الله يرحمه
عندي تاني بس خال وخالة ما عارفاهم اغتربوا قبل كدا ولا لا
اهل ابوي: عمي سافر امريكا وحاليا بحضر في بريطانيا
وعميالتاني مستقر في السعودية
ابوي قبل ما يتزوج لف امريكا وبريطانيا وفرنسا
وبعد اتزوج هو وامي استقروا في السعودية 10 سنين وما حلى ليهم يرجعوا الا وامي حامل بي
من ساعتها ابوي بقى عميد كلية هندسة
حاول يغترب في ماليزيا مرتين لكن رجع
وقبال زي 8 سنين امي عملت ليها مدرسة خاصة
وبقى موضوع الاغتراب دا كلام ساي
تخيلوا كل الكم الهائل دا من المغتربين وما حصل ولا مرة وحدة سافرت بالغلط كدا
عمري كلو في الخرطوم ما عارفة في الكون دا كلو غيرها

طبعا عندي كمية من الرغي عايزة اقولها لكن كفاية
صدعتكم بقصة ما هاماكم لا من قريب لا من بعيد صح؟
اشوفكم مرة تانية
سلاااااام

ريحانة الحياة

19-08-2006, 21:52

إزيييييييييييييييييييكم يا جماعة .. انا شايفة حاجات كده ... اهمها سلام ليكم كلكم جديدكم على قديمكم ... و و و ..اول شي اهلين بيك يا مجنونة امها و ابوها ... اول شي مبروك عليك الشهادة لكن اللقب شوفي غيروا .. هو انا حزتوا قبلك لكن طالما انك اصغر عضوة تبقى دلوعة رقم 2 يعني بعدي خخخخخخخخخخخخخخخخخخخخ .. اخبارك و الله كويس لقيت لي وحدة عمرها قريب لي يعني كلهم عاملين زي الأخوات الكبار وانا الوحيدة بينهم صغيرونة و كده و كل وحدة مجنناني - ما تاكلوني بهزر معاكم - بالذات جنو ... واقفة على الكلمة ..لكن و الله بتفيد شديييد و جيلا ما بتقصري .. اهو كويس يا مرمر ... اها باقين البنات كيف .. طبعا دي مرورة سريعة .. كنت في المول و جيت هسي .. و قلت اسلم عليكم .. الساعة 1.30 صباحا نعسااااااااااااااااااااااااااا اانة ... اشوفكم بخير ... في امان الله ..

ريحانة الحياة

19-08-2006, 22:01

هيه مجنونة ... ليه امك كده يعني لو كنتي حابة الطب كان تدخليهوا هسي انا اهلي بيشجعوني شديد ادخل الطب و هسي انا ممتحنة الشهادة .. يعني فرحانين بإنو انا حدخل طب و دي رغبتي من انا في خامسة إبتدائي يعني حشرية و شمشااااااااااارة شديد دايرة اعرف ده شنو و دي شنو يعني انا وضحت بمثل ليه ناوية طب لانو بقيف مع الضباح بتاع حلتنا و بسألوا و بعاين يعني الناس بتخاف من الدم و كده لكن انا قلبي جامد .. لكن تخيلوا ما بحب أفلام الرعب خصوصا العيبطة منها يعني انا بحب لو كان متطور مش الأفلام الهبلة دي يعني انا شفت فيلم رعب قال قال .. قرفت منو لانو ما كان حلو .. اها يا جماعة اكتر من كده شنو ..؟ نعساااااااااااااااااااااااااان ة ما حجيكم إلا الصباح تصبحوا على خير..

jeela

20-08-2006, 01:57

كيفك مجنونة ؟ كلو تمام...

اعتقد انو أمك طفشتك من الطب لانو سنوات قرايتو كتيرة ولغايت ما تتخصصي عاوز على الاقل قريب 12 سنة عشان تجيبي مهاية محترمة ... فهي ما دايرك تضيعي سنيين عمرك ...
اعتقد امك لو قرت كلامي حتحبني شديد :) ... طيب انتي التخصص البديل ده عاجبك؟

يا ستي انا عكسك مغتربة لي .............................. .............................. .............................. ....................... 24 سنة الهو عمري كلو شي الامارات - لندن واغلبو في قطر...

اشوفكم على خير

jeela

20-08-2006, 01:59

om salih

20-08-2006, 06:05

صباااااااااااااااااااااااااااا ااااح الخير :)

om salih

20-08-2006, 07:23

اااااااااااااااااااااه
بذاكر وبحل في الاسئلة وراسي ضارب :3_3_103:
نعسسسسساااااااااااااانة

بلدى ياحبوب

20-08-2006, 07:32

صباح الفل ام صالح
اخبارك والكسر شنو؟***** الله شادة حيلك.
ازيك يا مرمر اسمك حلو شديد وانتى كمان دلوعتنا ومبروك نسبتك حلوة شديد وكليه العلوم الرياضيه حلوة عندى بت خالتى كانت بتقرا فيها ربنا اوفقك.
كيفك ريحانه.

بلدى ياحبوب

20-08-2006, 07:36

بالتوفيق حبيبتى...:26:

om salih

20-08-2006, 07:45

صباحك عسل يا بلدي
والله تعبانة شديد وحاسة انه دا ما كان الوقت المناسب لكن الخيرة فيما اختاره الله

flame4me

20-08-2006, 09:05

اناااااااااااااااااااا جيت ومشتاقة ليكم وعندي ونسات كتيرة ليكم جد...اصبروا على عندي شغل بس لخلصوا واجيكم لكن جد فرقتوا معايا يابنات......يلا جاياكم اسي....

om salih

20-08-2006, 09:17

فليييييييييييييييم :32:
ما تتخيلي ليك وحشة قدر شنو
حمدلله علي السلامة
اظهري بسرعة ما تتاخري

flame4me

20-08-2006, 09:37

أذيكميابنات...جد جد مستاقين شديد والله....ماشاء الله نشاط شديد دايرة لي وقت اقرا الفاتني...ام صالح ياعسسسسسسسسسسل كيفك؟؟؟؟وكيف صلوحي ياحليلو وحلاتو جد ماشاء الله عسللللللل الله يخليه ليك ونشوفو ببدلة العرس يارب ونهجج في عرسوا.....وشنو الجرسة الشديدة دي يابت شدي حيلك الامتحنات للجدعان ..وماتقلقي وصدقني احسن ليك الزرة من اسي وتخلصي منو وتشوفي شي تاني....بس خليك حازمة شوية صلوحي وتلفزيون ودلع ماينفع اقطعي جاف معاهم لكن بيني وبينك صلوحي العسل ده يقطعوا جاف معاهو كيف؟؟؟؟

om salih

20-08-2006, 10:07

اميييين يا فليم وكوكي معاهو
الجرسة شديدة والنفسيات كعبة والحياة ملخبطة وووو اقول شنو ولا شنو
عندي الف موضوع مشربكين مع بعض في الايام دي

flame4me

20-08-2006, 13:41

ام صلوحي ماتشيلي هم.....ربنا كريم ياعسل وملوا بيتسهل ان شاءالله.......
باقي البنات ليه الليلة وين...؟؟
رنو حبيبتي جد واحشاني وليك وحشة اصلا ماعادية يا احلي ساطورة.....حمودي ماشاء الله عسل الله يحفظه وبرضو نهجج في عرسه....غايتو من اسي بناتي بعدين لوربنا اداني بنات ان شاء الله حاجزة ليهم ولدك وولد ام صلوحي....بس يارت تبقوا حموات لذيذات وسكرات معاهم...
جيلا العسل ياحليلها رسلت لي مسج واتصلت اتونست معاها مسافة..ماتتصورا فرحت كيف لمن شفت مشاركاتها معانا..لكن شكلوا الدوام حيخطفها مننا تاني....غايتو انقطاع زي زمان كده تاني مابنرضي بيه...
بلدي ياحبوب....جلابية وتوب اخبارك شنو؟؟؟؟والبنوتة العسل كيف عاملة ..والصورة وينننننننننننننننننننن ولا خايفة الاولاد يشاغلوها؟؟؟
ريحانة يادلوعتنا ليك وحشة..شايفاكي انتظمت في مدرسة رنو وبتسجلي في مدرسة جيلا.....
هوما......ليه بس الناس الحلوة بتطول علينا كده يعني......الشباب اخبارهم شنو؟؟؟وابوهم لسه في اجازة؟؟؟على فكرة انت وعدتيني تحكي لي عن كندا لكن لسه ماحكيتي وانا مستنياك....

ماريا الطيبة الف الف حمدلله على سلامة ماما جد والله اخبار حلوة وربنا يوصلها ليكم بالسلامة قريب ان شاء الله..اسي اخر المستجدات مع الخطيب شنو؟؟؟يارب لو الموضوع فيه الخير ربنا يسهلوا انتي جد بت عسل وتستاهلي كل الخير....
وطني السودان كيفك يابت؟؟؟ اخر يوم طبعا براك شفت المطر وحتي حاجاتي ماقدرت اكملها واضطرينا نرجع البيت بدري..يازولة ان شاءالله السنة الجاية نتلاقي لوربنا سهل,اها الود كريم اخبارو شنو؟؟؟

flame4me

21-08-2006, 06:50

بنات كل سنة وانت طيبين....وين انتوا؟؟؟؟؟؟؟

بلدى ياحبوب

21-08-2006, 07:51

هلا هلا
هلا بالطش و الرش..... وماى الورد بالغرش ...
هلا فليموا وحمدلله على اللسلامه يا عسل وتنشاء الله تكونى استمتعتى بالرحله واتسوقتى كويس واكلتى فش اند جبس... والله ليك وحشه..
بالنسبه لسؤالك عن بنتى كوييييه الحمدلله ب الشغب زايد وبعدين بالنسبه لى صورتها يا فليموا احنا ما عاوزين( البلى بتاع ام صالح ورنو دة)خخخخخخخخ الاتنين هى اكبر منهم عشان كدة عينا على ود هومه:22: شكلو كبير ..
ام صالح حبيبتى شدى حيلك وما تجرسى والله بينى وبينك الجرسه بتجى وانا كمان كنت نوع الناس الما بتذاكر الا الامتحان اقرب بس الواحد بعد داك بكرب نفسه يلا ربنا معاك..
باقى البنات وينكم يا عسلات...

ريحانة الحياة

21-08-2006, 09:59

فليييييييييييييييموووووووووووو ووووواااااااااا ليكي موااااااااااااااااااااااااا إزيك حمد لله على السلامة .... و باقي البنات سلامووووو... انا تمام و الحمد لله .... جيلا انا ما قصدي أكبركم لكن صحي الفرق 7 -6 سنوات لكن بتفضلوا اخواتي الأكبر مني :) ... يا جماعة الكمبيوتر معصلج شوية لكن النت تمام التمام هو ما كحيان لكن عايزة اهديهوا هدية الفورمات فألقاكم قريبا .. في امان الله

ريحانة الحياة

21-08-2006, 10:00

وكل سنة و إنتو طيبين

وطني السودان

21-08-2006, 12:22

ازيكككوم يا بنوتات

مجنونة امها وابوها ........ مرحب بيكي معانا .......وما تنقطعي.. وممكن انتي وريحانة تعملوا ليكم فريق كدة ... عشان تاخدوا راحتكم ...خخخخخخخخخخخخخخ

فليييييييمممممممووووووو....... حمدلله على السلامة حبيبتي ... كنت شايلة همك مع الرحلة الطويلة... ان شاء الله تكوني ما تعبتي شديد.......... يحليلك ما خلصتي الشوبينج..ما مشكلة باقي الحاجات جيبيها من هناك ..... كرومي كويس الحمدلله... انتي كيف كرومتك... الفرفرة زادت شوية ولا لسة ؟ انتي عارفة بتبقى قوية بعد ال 32 اسبوع ... اها مشيتي برنت كروس ولا لأ... انا هنا جبت ليكي صور الباسكت والكرسي الهزاز... زي اللي انا جبتهم ..... انا سمعت انه نفس المحل فتح في دبي.....يومداك والله دايرة اضرب ليكي ..لكن راجلي جا بدري.. وانتي عارفة بعد داك الطبيخ والغسل... لغاية بالليل.. لكن في بالي والله ..ان شاء الله نتلاقى الصيف الجاي.. بأذن الله ..........

رنويييا وين ما ظاهرة .........؟؟؟؟؟؟؟؟ شكلك صبغتي الشعر ....... :22:

بلدي يا حبوب .......كيف اخبارك والبنوتة ........... ومنتظرين الصورة زي ما قالت ليكي فليمو

ام صلوحي... شدي حيلك شديد... يحليلك والله القراية حااااااااااااااااااااااااااااا ااااااارة ... لكن قربتي تخلصي ان شاء الله ............

جيلا ...كيف عاملة .. اها الشغل بتنزلي يوم كم ........ لكن ممنوع الانقطاع ..كويس

هوما ازيك يا بت.. وكيف الاولاد... يومداك حضرت فلم حريم كريم......لزيز شديد... :hahaha:

ماريا حمدلله على سلامة ماما.........شكلك مشغولة معاها اليومين دي .. وما فاضية لينا ..... :42:

وطني السودان

21-08-2006, 17:41

http://www.3z.cc/sml/47/Rmadan6.gif (http://www.3z.cc/sml)

وطني السودان

21-08-2006, 17:42

http://www.3z.cc/sml/48/134.gif (http://www.3z.cc/sml)

مجنونة أمها وأبوها

22-08-2006, 07:00

السلام عليكم يا بشكات
عيوني اتقددوا من القراية
قريت باقي الصفحات من كم واربعين لغاية النهاية
وفهمت تقريبا كل شي
وكل سنة وانتو طيبين

ريحانة الحياة
خلاص بكون انا آخر العنقود لكن ما آخر عضوة في الملتقى ان شاء الله هههههههه
بالنسبة للطب امي مورياني الويل بسببو
مع اني كنت حابة اكون جراحة وكل ما يجيبوا عملية جراحية في التلفزيون اقعد اتفرج فيها
لكن تعالي اوريك سلبياته ( لو ما كرهتيه تعالي قابليني)
أولا قراية وقراية وقراية
تاني سنيييييييين لغاية ما تقدري تستفيدي منه كعمل يعني تلقي منه ماهية محترمة
وبعدين اصلا شغل شنو
الطبيبات البعرفهن كلهن قاعدات في بيوتن بلا شغلة بسبب قلة الوظائف
يعني باختصار
سننننننين قراية لغاية التخرج
وسنيييييين فراغ لغاية ما تشتغلي
وسنيييييين لغاية ما تخصصي
وسنيييييييين لغاية ما تعملي عيادة خاصة
وسنيييييين لغاية ما تشتهري والناس يجوك من كل مكان لانك طبيبة شاطرة
يعني تكوني شيبت وسنونك اتكسرت وضهرك انحنى
صح ؟

جيلا
يا بختك والله
عارفة مرات بهظر مع امي اقول ليها نفسي اركب طيارة واموت ههههههههههههه
وفعلا واضح اني امي هتحبك
لاني كمان حبيتك وحبيت بنات المنتدى
والكمبيوتر مجال حلو
كفاية انو الدنيا كلها ماشة بيهو

بلدي
انت الأحلى يا عسل
والله يبارك فيك

وطني
ان شاء الله ما انقطع
وفكرة الفريق دي حلوة شديد
رايك شنو يا ريحانة؟

باقي البنات
ام صالح وساطور وماريا وفليم وهوما والباقين
سلام عليكم

بالمناسبة يا بنات
النتيجة اتأجلت يوم – يعني بقت الليلة
امكن الاقيكم بعدين بالفضايح خخخخخخخ ولو ما الليلة يوم الخميس او الجمعة غالبا واحتمال ضئيل قبلها

سلام

jeela

22-08-2006, 08:04

كيفكم كلكم؟
مجنونة : إن شاء الله بخير...
وطني : نزلنا الشغل والله يعين إدارة القسم كلها عندنا متغيرة..
رنوية : على قولة وطني إلا تكوني صبغت الشعر واتجلبطت بالحنة عشان كده نسيتنا...
ماريا: وين كل الغيبة دي؟
بلدي : كلو تمام؟
هومة : ليه اختفيت تاني ؟ بانتظارك...

om salih

22-08-2006, 08:16

hiiiiiiiiiiiiii every one

rnoya

22-08-2006, 08:52

ازيكم يا بشكات
انا كويسه
برجع ليكم

وطني السودان

22-08-2006, 11:58

مجنونة .......... فعلا الطب مشواره طوييييييل ......... لكنه مجال حلو جدا... يعني في النهاية .. لما تعالجي مريض.. ويقعد يدعي ليكي بعدها ما في احسن من كدة
ريحانة .. الطب دايرة رغبة ... وانتي شكلك حاباهو شديد..عشان كدة تمام......... شدي حيلك والله يوفقك
ام صلوحي...... أها ... القراية ماشة كيف؟؟؟؟
جيلا الله يعينك ..... الشغل سغيييييييل وروتين... لكن والله احسن من الملل في البيت ........
رنويا ....... منتظرينك

الباقين وييييييييييييييييييييييييييييي ييييينكم؟؟؟؟؟؟؟؟

ماريا الطيبة

22-08-2006, 12:50

ازيكم ياحلوين
راجعين بعد الفاصل
واهلين بااخر العنقودة جديدة

Homaa

22-08-2006, 14:05

حبيباتي

كيف اخباركم وكل عام وانتوا بخير

والله ماعرفت ب27 رجب الا لمن اتصلت بماما وقالت لي

والحمدلله اني لحقته وصمت

انا الايام دي قاعده اشتري هدوم المدرسه لاولادي

خاصه وانه بنتي حتدخل المدرسه غلبتني جداً

اختارت هدومها بنفسها وكلها فيها Dora

الشنطه والنظاره والشربات

والدعايه هنا للاطفال مغريه عشان هم اللي بيخلوا الاباء يشتروا

معليش خوتكم

فليم

حمدلله علي السلامه والبيبي كيف؟

اكيد اجازه روعه

وانا ما نسياكي في موضوع كندا

جيلا

استاذتنا الرائعه

انا اهو يا حبي معاكم

الاجازه قربت تخلص الله يعينك بس الشغل روعه اكيد

ماريا

كيفك واخبار الوالده كيف؟

والعريس وووووووووينو؟

ام صالح

كيف القرايه دعواتنا ليكي بلنجاح

يابلدي

اخبارك

ولدي كبير وطوالي ماعندك مشكله

رنوووووووويه

ساطورنا

وين انتي اكيد جوة المطبخ مع الاجازه دي

واّخر حفلات وحاجات وحاجات

ورمضان قرب

عرفتي زيزي ولا لا

مجنونه

اخبارك كيف وامك

يابنتي شوفي مجال حلوو ولذيذ

انا درست طب وحولت

اسمعي كلام امك لانها اكثر واحسن زول ممكن ينصحك

وخلي بالك منها

ريحووووونه

ازيك يادلوعه

حضرتي للمدرسه

سلامي لاهلك

مسك الختام

وطني

سلام مربع ليكي والبيبي

ارقدوا عافيه

مجنونة أمها وأبوها

23-08-2006, 05:35

علوم رياضية حاسوب الخرطوم
دا سلام على الماشي وبعدين نتلاقى

وطني السودان

23-08-2006, 15:11

وينكم يا بناااااااااااااااااااااااااااا ت

اظهر وبان عليك الامان ..................

مجنونة أمها وأبوها

23-08-2006, 21:14

دا منو المؤذي الاخترع حاجة اسمها جامعة وتعليم جامعي للبنات
مشتتة بين الطب والمعمار والكمبيوتر
مفروض الصداع بتاع ادخل ياتو كلية دا يكون من نصيب الاولاد بس
والبت بعد تتم ثانوي تمشي ( تفتش رزقها ) على قول ابوي وتترزع في بيتها وتتفرغ لراجلها واولادها
نظرة متخلفة لكن مريحة
صاحب بالين كضاب
عارفين انو في بروفيسورة امريكية لما وصلت سن المعاش عملوا معاها لقاء وسألوها عن اكتر شي ندمت عليه قالت عدم الزواج
لأنها بعد ضيعت عمرها كله في الشغل والقراية اكتشفت انو بعد كم سنة الناس هاينسوها وينسوا انجازاتها
لكن لو كانت اتزوجت وجابت اولاد وربتهم وعلمتهم كانت فادت البشرية احسن

ياخ اقول ليكم حاجة
خلونا من الكلام البايخ دا وخلونا في أخباركم انتو
مالكم اختفيتو كدا
ولا خلاص اذا حضرت الشياطين ذهبت الملائكة ههههههه

بلدى ياحبوب

24-08-2006, 09:24

ازيييييييييييكم يا بناااات كيفنكم مشتاقين.
مجنونه مبروووووووووووك القبول فى الكليه وربنا يوفقك ..
اما بالنسبه لكلامك والله يا بتى لازم كمان المرة تتعلم وتشتغل كدة بتحس انا حاجه مفيدو مش قاعدة فى البيت وبس يعنى نحن القرينا وعلقنا شهاداتنا الواحد بحس انو رجع امى تانى بس الحمدلله..
على العموم شدى حيلك وعدلك مستنيك .
وطنى ازيك اهو ظهرنا وين انتى؟
فليم وينك؟
هومه كيفك وكيف عريسنا؟
ماريا وينك يا عسل.
ريحانه مه تجهيزات المدرسه؟
جلجول نزلتى الدوام خلاص؟
ام صالح يا حليلك كيف المذاكرة.
رنو وينك؟

وطني السودان

24-08-2006, 23:06

ازيكم يا بنات .........
ان شا ءالله اموركم كلها تمام

مبروك القبول يا مجنونة وبالتوفيق

بلدي كيف البنوتة ......

باقي البنات ... وين مختفين ..بالجد بديت اقلق عليكم
يلا سلام

ماريا الطيبة

25-08-2006, 04:02

بنات كيفكم واحشني موت موت شديد

دايرة اقولكم انوا امي حتوصل بعد صلاة الجمعة ان شاء الله

والعريس صدمني بحاجة ما توقتعها ابدا بااقولكم بعدين

بس ما تتحترقوا

انا رايحة اكمل شغلي والبيت والطبيخ ولو قدرت ان شاء الله حاارجع بعدين

jeela

25-08-2006, 08:48

السلام عليكم ...

مجنونة : الف مبروك القبول...
بلدي: نزلنا الجامعة نحن نتعذب والطالبات لسه عندهم باقي إجازة محترمة :( .. كيف اخبارك واخبار بنوتك؟

ماريا: قلقتيني عليك الفترة الفاتت قطعت ... قلقتيني بخصوص العريس ... إن شاء الله خير

مجنونة أمها وأبوها

25-08-2006, 12:36

بلدي
الله يبارك فيك

وطني
الله يبارك فيك

ماريا
مالك خوفتينا؟
خير ان شاء الله

جيلا
جامعتنا قربت عليك الله ما تخليني اخاف على باقي الإجازة
بالتوفيق

الباقين
سلااااااام عليكم
وين مختفين يللا اظهروا عايزة اتعرف عليكم

jeela

25-08-2006, 15:48

مجنونة : ما تخافي عيني ما حارة لكن حرام ننزل قبل الطلبة بفترة خرافية قدر دي.. كفاية المجهود وحرقة الاعصاب اثناء السنة ...

ماريا الطيبة

25-08-2006, 15:56

تسلموا لي يا جيلا و مجنونة حبيباتي بس ما تخافوا انا حااحكي ليكم

اولا داير اقولكم انوا الحمد لله امي وصلت بسلامتها واول ما شفتها قعدت ابكي وانا من النوع الصعب في البكا مااببكي الا نادرة اخواتي اول ما شافوني ابكي الحقوا مارية بكت وابوي يحاول يهدي في
ماابقدر اوصف الشعور لكم ابدا من شفتها اخذت حضنتها وبكيت وبوستها ربي يخليها لي ويخلي امهاتكم

اما بنسبة للعريس

طبعا انا شفت العريس يوم شفته انصدمت بمعنى الكلمة حتى هو ضحك علي
العريس ياحبيباتي انا زمان كنت بااعرفه وكانت علاقتنا في حدود الصداقة بس لكن هو كان بيحبني طبعا اختكم ما كانت مصدقة عالبالي داير يلعب او يتسلى المهم هو طبعا يوم كان اعترف لي انوا بيحبني عارفين انا عملت شنو فضحته فضيحة ما بين اهله وناسه انوا بيحبني وعملت ليه مشاكل وقطعت علاقتي بيه ومااكذب عليكم من كان بيتصل كنت بااتهرب وماابرفع
المهم بعد فترة انا اتكدت انوا هو بيحبني ومااكذب عليكم حتى لقيت انوا انا عندي احساس اتجاه
لكن قلت شنو بعد خراب مالطا جاني الشعور دا
المهم دارت الايام وطبعا هو سمع بشعوري الي بااحس اتجاه وجاء هسي عشان نبدا صفحة جديدة
وانا مااكذب عليكم من وقت ما حسيت بمشاعري اتجاه وحسيت بتانيب الضمير وانا قاعدة احاول اصلح خطاي الي عملته فيه وطبعا الموضوع دا ليه 3 سنين

ولكن والله يا بنات انا ما عملت كدة الا خوفي على نفسي وخوفي انوا يكون واحد من ذئاب

بباكمل بعدين ابوي جاء هسي

مجنونة أمها وأبوها

25-08-2006, 21:27

جيلا
يا حليلكم
كان الله في عونكم ( حلات الرد)

ماريا
معليش حبيبتي نسيت قبيل اقول ليك حمد لله على سلامة امك
ربنا يخليها ليك ويخليك ليها
لكن ما تقطعي
خوفتيني زيادة
سرعة كملي الحصل

بنات عندي طلبين ولو انو فيهم رزالة
يا بنات قررت اشتري دولاب جديد للجامعة
هاغير هدومي كلللللللللها
اجيب شنو( بالتفصييييييييل )

وبعدين عايزة اشتري موبايل جديد
بالمميزات التالية: مسجل – راديو fm- كاميرا – بلوتوث
وبعدين انتو صحي في موبايلات فبها mp3
عارفة كترتها لكن خلاص القبول ظهر وعايزة ابدا اتجهز للجامعة

jeela

26-08-2006, 05:14

ماريا: حمد الله على سلامة امك ... بانتظار تكملة قصتك...

مجنونة : ردك جميل وصلحت العلاقات...
بالنسبة للتغييرات في دولابك .... انا لما كنت دايرة اشتري هدوم للجامعة كان من اهم اولوياتي انها تكون عملية ومريحة وفي نفس الوقت يكون شكلها حلو ... يعني مع جو السودان الصعب لازم تراعي نوعية القماش ...

والجزم عزيزتي اختاريها بعناية فائقة شي يكون مريح من قدام عشان رجلك ماتروح فيها...
عارفة كلامي عايم وجايط في بعض يمكن الحلوات القروا في السودان يفيدوك اكتر ... شنو السايد اكتر والبنات بيحبوا يلبسو شنو...

الباقين : كفاكم كسل .... لو ما ظهرتوا حاعاقبكم كلكم واختفي :(

ريحانة الحياة

26-08-2006, 10:40

هييييييييييييييييييييييييييييي ييييييييييه مس جيلا ... شنو تعاقبينا ... مش قلنا A1 *star ...!!!!!!!! معليش انا اتهريت من التجهيزات و خصوصا الشنطة .. انا بحب انو اجيب طقم كامل شنطة كتف و اقلام و دفاتر و مقلمة .. الخ ....و تخيلوا لقيت طقم عسوووووولي شديد و لمن مشيت لقيتوا بح بح ... خلص ..:( :( فقلت خلاص أشوف المكتبات .... لانو المحلات المعروفة ...خلص و سألت قال تاني مافي ... عموما ... اهو بس باقي لي حاجات بسيطة ... هسي بقدر أكتب براحتي حمودي نااااام ... مسكوني ليهو اعمل شنو ضحية الأطفال ... و كلهم بيهبوا علي .. تعبت .. تقول حبوبتم و لا اختهم ... غايتوا عشان كده قلت ادخل طب أطفال ... بقول مجنونة ... صحي الطب عايز سنيييين هسي انا خالتي دخلت سايكولوجي >>علم نفس صحي هو جزء من الطب و في ناس بتقول ما ليهو علاقة بالطب لكن اهو لسه صغيرة و ما شاء الله عليها بقت معروفة يعني عندها كم من شهادة و هسي بقوا يثقوا فيها و كده ... يا جماعة انا ما بحب اقول كضاب ... بحسها غبية و دمها تقيل و بتذكرني بالضب ...قولوا كذاب ..>>> حنكوشة مش ..؟؟
و مجنونة قبل كده انا سألت عن موضوع الجامعة ده و اللبس و كل شي بالتفصيل .. بتلقيهوا في الصفحات السابقة في الملتقى الثاني الي هو ده ... و بنوتات ده شنو الكسل ده يعني خلاص نقفلوا ...؟
.. وطنى انا على قولتك بحب الطب شديد يا جماعة انا صاحبة الضباح بقيف معاهو وكأني انا الي ضبحت و امبارح مشيت الجمعية لقيت مخ و حاجات تانية ما عايزة اقرفكم ...يعني ياي ده كلو يلا عقبال الباقي ... هومة الله يسلمك .. و باقي البنات سلام خااااص للكل ... هي صح ماريا كملي الشماااار ما تحررررررررررقيني كده ... يلا يا بنوتات انا ماشة اكمل الشوبينج التعيس بتاع الباك تو سكوووول ..
في امان الله :)

ريحانة الحياة

26-08-2006, 11:14

عايني يا مجنونة ...ادخلي الرابط ده غايتوا انا لسه بفتش على الصفحات
http://forum.hawaaworld.com/showthread.php?t=471735&page=42
الرد الخامس بتاع رنو

ريحانة الحياة

26-08-2006, 11:19

و غايتوا انا بتذكر انو محصور في الصفحات دي و لي قدام و لو لقيتوا انو انتهي ارجعي للعشرينيات الصفحات رقم 20 و انتي طالعة ... ملحوظة انا معدلة الصفحات على اساس انها تكون 10ردود في صفحة فإنتبهي أمكن ما تطلع ليك .. بس حبيت اوضح

حساب استثماري

26-08-2006, 12:15

اريد عضوه تكون ساكنة بالسوادان العاصمة ضروري جدا تراسلني عبر االخاص

ريحانة الحياة

26-08-2006, 14:16

<TABLE id=HB_Mail_Container height="100%" cellSpacing=0 cellPadding=0 width="100%" align=center border=0 UNSELECTABLE="on"><TBODY><TR height="100%" UNSELECTABLE="on" width="100%"><TD id=HB_Focus_Element vAlign=top width="100%" background="" height=250 UNSELECTABLE="off">
:26: :26:

وتـخـطت فرحة اللقيـاء كبرقاً وسـمـانا اظلمت بعد التماعـي
آه لو تدري بحزني ولتياعي .. آه ها آه .. حين قالو اشرقت شمس الوداع آآآهاآه

وا تخطت فرحة اللقيا كبرق .. آه ها آه .. وسمانا أظلمت بعد اجتماعي آه ها آه
آه لو تدري بحزني ولتياعي .. آه ها آه .. حين قالو اشرقت شمس الوداع آآآهاآه
واتقضت فرحة اللقيا كبرق .. آه ها آه .. وسمانا أظلمت بعد اجتماعي آه ها آه

يا أخي ياشطر روحي .. يا شفاءً لجروحي
كيف صابري وجموحي .. خانني يوم الفراق آه ها آه
يا أخي ياشطر روحي .. يا شفاءً لجروحي
كيف صابري وجموحي .. خانني يوم الفراق آه ها آه
آه لو تدري بحزني ولتياعي .. آه ها آه .. حين قالو اشرقت شمس الوداع آآآهاآه
واتقضت فرحة اللقيا كبرق .. آه ها آه .. وسمانا أظلمت بعد اجتماعي آه ها آه

اه لو تدري بحالي .. بعد هاتيك الليالي
بينما اتلوٍ وتالي ... وخطا نحو المراقي آه ها آه
اه لو تدري بحالي .. بعد هاتيك الليالي
بينما اتلوٍ وتالي ... وخطا نحو المراقي آه ها آه
آه لو تدري بحزني ولتياعي .. آه ها آه .. حين قالو اشرقت شمس الوداع آآآهاآه
واتقضت فرحة اللقيا كبرق .. آه ها آه .. وسمانا أظلمت بعد اجتماعي آه ها آه

يا الهي جود علينا .. بلقاء يحتوينا
مره اخرى يحتوينا .. وحبنا في الله باقي آه ها آه
يا الهي جود علينا .. بلقاء يحتوينا
مره اخرى يحتوينا .. وحبنا في الله باقي آه ها آه
آه لو تدري بحزني ولتياعي .. آه ها آه .. حين قالو اشرقت شمس الوداع آآآهاآه
واتقضت فرحة اللقيا كبرق .. آه ها آه .. وسمانا أظلمت بعد اجتماعي آه ها آه

فاذا وثبت لحدي اقضي الايام وحدي
تمم اللهم سعدي .. بالقى يوم التلاقي آه ها آه
فاذا وثبت لحدي اقضي الايام وحدي
تمم اللهم سعدي .. بالقى يوم التلاقي آه ها آه
آه لو تدري بحزني ولتياعي .. آه ها آه .. حين قالو اشرقت شمس الوداع آآآهاآه
و تخطت فرحة اللقيا كبرق .. آه ها آه .. وسمانا أظلمت بعد اجتماعي آه ها آه

,,,,,,

الإنشودة روووووووعة يا جماعة
حملوووووووووو:42: ووووووووووها

http://www.swalif.net/sforum1/showthread.php?t=223565 (http://www.swalif.net/sforum1/showthread.php?t=223565)

الأخوة مثل الطبيعة جبالها الثقة
وأنهارها المحبة وأشجارها الصدق ونسيمها المساعدة

يلا دي هدية اهديكم إياها ,,,,
صراحة الكلمات براها محزنة لكن خطييييييييييييييييييييييييرة
.....

قد أشرقت شمس الوداع ...
في امان الله
...

إلى لقاء قريب بإذن الله ...

:26:

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

ريحانة الحياة

26-08-2006, 14:19

يا اختنا ...حساب إستثماري ... انا ما ساكنة في السودان حاليا لكن باقي الإخوات ان شاء الله بيساعدوك... :)

Homaa

26-08-2006, 15:25

سلالالالالالالالام ياعسولات

اخباركم تمام

انا اسفه ما طليت عليكم من زمان

بس اشتريت سياره جديده van

فكنت مشغوله بلترخيص والضمان واشياء اخري

لكن خلصت كل شئ وسقتها الحمدلله

مجنونه

مبروك ياحبيبه

اللبس في السودان عايز لبس قطني والوان تستحمل الحر

وجزم تكون مريحه وتستحمل المشي

الله يعينك

جيلا

خلاص الاجازه خلصت

اكيد اشتقتي للبنات طالباتك

الله يديكي العافيه

مارررريا

حمدلله علي سلامه امك وربنا مايحرمك منها

ومبروك العريس

ربنا يتمم علي خير

انتي في الرياض

والباقي

ووووووووين

مجنونة أمها وأبوها

26-08-2006, 16:21

جيلا
شكلك ما عارفة السوق فيه شنو اليومين ديل
كلها ترتر في ترتر والهدوم كلها تونيكات
الموضة بتاعة اليومين ديل شينة

ريحانة
برجع للصفحات القلتيها تاني ان شاء الله
القصيدة حلوة

حساب استثماري
نعم عيوني انا ساكنة في العاصمة

هوما
مبروك العربية عقبالنا

باقي البنات ازيكم
ماريا كملي القصة

jeela

27-08-2006, 01:52

هومة: الف مبروك ال van ..

ريحانة : القصيدة حلوة شديد... شفت عشان خاطرك ظهرت :42:

مجنونة : الموضة العندكم هسه عندكم شي ونحن شي تاني مختلف تماما... لو اديتك مثال على الجزم الدبابات والكعب المسمار هو الغازي الاسواق عندنا (غير عملي تماما لزول ماشي جامعة)

في امان الله

ماريا الطيبة

27-08-2006, 04:57

حبيبتي مجنونة تسلمي لي ياعمري على فكرة كنت دخلت موضوع الصلاة الي كتبتيه ومرة عجبني الكلام الي كتبيتيه انتي عارفة ربنا يثبتك على الهداية ويكون في عونك في الجامعة و مشاكلها

عمري جيلا الله يسلمك

روحي ريحونة مسكينة خلاص حتبدي دراسة وانا اخواتي مش السبت الجاي السبت الي بعده حيبدوا دراسة وانا بعدهم بااسبوعين الله يكون في عونكم وما تقطعي

هوما عسل مبروك ليكي السيارة ربنا يبارك ليكي فيها ايو انا في الرياض عايز حاجة من هناك اطلبي ما تخجلي مني

على فكرة انا من شفت ابوي ارتبكت وما كنت دايره يشوف الي كتبته فتلخبطت وكتبت اكمل بعدين لكن انا كان قصدي اكمل ونستي بعدين معاكم

بنسبة لموضوع العريس
هسي انا قاعدة استخير لكن هو طبعا قالي حاجة قال (انا امي ضامنة حتوافق على موضوعنا لكن ابوي لا )
من سالته لي قال (لان ابوي داير يزوجني من بنات اخته او اخوه وانا ما دايرهم )
ومن سالته ليه ما دايراهم قال لي ( لان امي اهم شي عندي وانا بناتهم ما ينفعوا معاي ومعاها ممكن يعملوا مشاكل معاها وانا ما دايرةاوقف مابين امي وزوجتي لكن انتي لا بتحبي مشاكل وهادية ومتاكدة انك حتقدر تكسبي امي عشان كدة اخترتك وطباعكِ قريبة من طباعها)
قلت ليه لكن انا ما دايرة اتزوج من دون رضى ابوك قام قال لي ( كدة كدة ما حيرضى على زواجي لان انا حتزوج من برة عايلة اصلا )

فانا هسى احترت يا بنات صرت ما عارفة اوافق ولا مااوافق
وانتم ادويني رايكم

فليم و رنوية ووطني و بلدي وباقي بنات وينكم

jeela

27-08-2006, 06:06

عزيزتي مارية ... خليك على الاستخارة ... انا لو محلك برضو ما حاكون مرتاحة من ناحية انو ابوه ما راضي... الوحدة ما دايرة حياتها مستقبلا تكون نكد...

الله يوفقك للفيه الخير

مجنونة أمها وأبوها

27-08-2006, 12:55

جيلا
الموضة بتاعة الجزم بي قدام فيها حاجة كدا طالعة تلقي الجزمة من قدام شكلها مثلث طويييييييييل وشييييييييين.. شكلي ما بشتري حاجة جديدة
لفيت سعد قشرة بالطول والعرض وما لقيت حاجة تستاهل
حتى التونيك العجبني قبل ما اطلع من السوق لقيت ليك جنوبية لابساه >> كرهتو عمى

ماريا
يجزيك خير حبيبتي ويثبتني ويثبتك
بخصوص العريس الاستخارة مهمة فعلا واكيد ربنا هيكتب ليك الخير ما دام استخرتيهو حتى لو كان الخير باطن وما ظاهر
لكن صراحة عجبتني كلمته ( امي اهم شي عندي )
وما دام بار بوالدينه فهو ان شاء الله عريس صالح
حاولي تخليه يقنع اهله
وربنا يكتب الفيهو الخير

ريحانة الحياة

27-08-2006, 21:08

إززززززززززززززززززززززززززززز ييييييكوووووووووووووم كويس لقيت فرصة و دخلت ...
يا جماعة لقيييييييييييييييت شنطة احلى من الي انا كنت عايزاها ...الحمد لله ... ندخل للمهم ...
ماريييييييييوووووووه ... انا عجيتني الجملة .: امي أهم شي عندي :. و طالما حريص على والديه و بار فخلاص بس الإستخارة مهمة برضو لو انا مكانك ما حكون مرتاحة ..::مستقبلا::.. فإن شاء الله يكتب ليك ربنا الخير ... جيلا ما يكسر خاطرك إلا الطيب ..مشكورة يا مس جيلا صراحة حتوحشووووني لكن بحاول ادخل مرة مرة ... و باقي البنات وييييييييييييييين ..هومة الف الف و مليووون مبروك على السيارة الفان انا هسي ناقزة لبابي و ببقول ليهو اعمل حسابك بعد الشهادة لأني عايزة اخد الليسين مش يا جماعة بعد ال 18 بيدوها ...صح ...؟ و كمان مخططة لسيارة صغيييرووووونة و تكون سبورتس و شكلها بناتية يعني سيارة مدلعة كده ..<<<< ده كلو بعد الشهادة طبعا ...دعواتكم لي ... يلا بحاول ما اقطع منكم حبيباتي ... في امان الله

rnoya

28-08-2006, 08:39

ازيكم يا بشكااااااااااااااااااااااااااا ااات
انحنا جينا وكيه لي المابينااااااااا الليله يوهي يا بلالي يوهيييييي
سكي سكي وقا القرش يبكييييييييي الليله يوهي يا بلالي يوهيييييييييي
دقيقه نسخن الدلوكه خخخخ
مشتاقه لييييييكم موت وشكرا لي كل الفقدني وسال عني
انا كويسه بس ساطور كان مشغول كان في رؤوس قد اينعت وحان قطافها فكنت بتشاكل خخخخخخخخخ
لكن لقيتكم متطورين ومنبشكين
هومه مبروك العربيه حبيبتي طبعا انا اي وحده عندها عربيه بكن ليها كل الود والتقدير والاحترام خخخخ يااااااااااااااااااااا رب عقبال الناس ما تحترم عربيتي يااااااااااا رب
ماريا ما عارفه لكن الابو ما عندو دور كبير في حياتك بعدين يعني ممكن تشختي ليهو ما زي الام لو ما دايراك بتحنضل ليكي حياتك! برضو استخيري ثم استخيري ثم استخيري وربنا يكتب ليكي كل الخير
ريحانه في زووووووووووووووول ماشي المدرسه ويييييييييييييييييييييو مسكين حيفتشو ليهو اضافرو الصباح في الطابور ويلبس طرحه سوده في عز الحر ووشو يبقى لونين ويتبري ويذاكر وما يجي يتونس كتير يا ربي يكون منو؟ خخخخخخخخخ
موضوع سوق السودان الشنيع البشع المقرف ده ما عارفه حيتحل متين يا كافي البلا لا لبس لا صنادل لا ملايات لا عفش لا ايييي حاجه وقدر الحاجات المتاسفه الفي كلها غاليه شديد 3 اضعاف بره والله مشيت امبارح اشتري طاوله بسييييييييييييطه للهول عبارة عن قزازة بيضاويه يحتيها دايره بيضا فقطططططططططططططط كلفتني 300 دولار اهئ اهئ اهئ دايرة ابكي
يلا لي قدام

مجنونة أمها وأبوها

28-08-2006, 13:59

سلام

رنو ازيك

rnoya

29-08-2006, 08:52

ازيك يا عسوله ومبروك الجامعه وان شاء الله كده ابارك ليكي التخريج
اسمعي حارسل ليكي رقمي علخاص عشان نتونس لما تلقي نفسك ما عندك موضوع اضربي لي يا مرمر
الباقين ويييييييييييييييينو؟ وين يا ناس؟ وين العريس؟ وينو البجيب عربه مرسيديس؟ ويييييييييييينو؟
البعرف يدق الدلوكه فيكم منو يا بشكات؟

flame4me

29-08-2006, 09:09

لووووووول..اذايكم يابنات.....جد جد مشتاقين..معليش بعد الغيبة الطويلة دي وكمان جاية باضحك لكن رنو الساطورة ضحكتني...شنو يابت..جاية بي سيرة عديل كده.....ماشاء الله شديد...اخر روقة شكلك...ان شا اءلله دايما يارب...
بنات انا كنت مشغولى في الشغل وعندي نفسيات....لكن اسي الحمدلله احسن كتير...
اول شي نرحب بالجديد الشديد...مجنونة..كيف ياعسل....ماشا ءا لله عضوة نشيطة من الاول....يابت ابوكي منو..بروف النعمة..انا كنت باقرا في هندسة لكن معلوماتي ضعيفة بالاداراة العليا فيها.....
ام صلوحي و بلدي ياحبوب وهوماوجيلا ووطني السودان وريحانة وماريا جد ليكم وحشة شديدة..ما اكون نسيت زول بس......
مارياالحبوبة..حمد الله على سلامة ماما يابت...اها وريني جابت ليك شنو من السودان.....ياحليلك يادوب اتطمنتي عليها.....ربنا يخليك ليها...العريس ياستي.....شوفي...الابو ما بيكون رفضو شديد..عرفتي كيف..الابهات كويسين عادة الخوف من الامهات.....يعني شوية حنك من ولدو وبيقتنع..في النهاية اي ابو بيكون داير فرح بي ولدو....يازولة مادام ضمنتي الراس الكبيرة(ام العريس)ماعندك مشكلة ان شا اءلله...
بنات..استنفار بليز..ماقادرة انوم بالليل من بطني....واي وضعية ما مريحة بقت.....ادوني حلول بالذات الحملوا قبل كده....