على ضفاف النيل (ملتقى حواء السودان) الجزء التاني ................. [الارشيف] - صفحة رقم 4

saroyaaa

01-07-2006, 17:18

بعد داك طبعا ناس ماما سافروا وانا مشيت بيتي سكنت في شمبات وبقت المشكلة قعده البيت والمجاملات والحاجات الما متعودة عليها دي وطبعا اي مرقة امشيها لازم اكون محننه ومزبطه لانوا انا عروس ولا بشيلوا حسي الناس ودا اكتر شي زهجني مع اني زمان بحب الحنة في الناس وبقول المرة دي محيهة ودي لا بس ما قايلاهوا موضوع صعب كدا واهل راجلي بحبوا الحاجات دي ما ممكن امشيليهم ما محننه وما مدخنة وطبعا براي كنت بلخبط الحنة لخبطة اطريت كل مره اجيب وحده تحنني غايتوا اسي لما جيت لي ناس ماما ادتني كورس بقيت اعرف اعملا براي والله انتوا يا ناس بره مرتاحين من الحاجات دي ناس السودان مابريحوا زول مالك ما اتحننتي مالك مامدخنة انتي عروس ومناسبات وحالة صعبة

saroyaaa

02-07-2006, 06:05

الحكاية شنو ياجماعة انتوا لسة نايمين صحاااااااااااااا النوم وسيبوا الكسل دا

بلدى ياحبوب

02-07-2006, 08:28

ازييييييييييييكم يا بناااااااااااات..
اتوحشتكم برشا برشا(ابووووووووووووووك يا التونسى)... فليم حبيبتى الف الف مبروك البيبى الولد و***** الله عقبال ماتشيليه فى يدك وتبوسيه لانو دى احلى حاجه..
ريحانه يا عسل كيفك وكيف التجهيزات يلا استمتعى بالاجازة...
سارويه مبروك العرس وعقبال الحمل ***** الله..
يابنات طبعا الايامات دى بنجهز ماشين الامارات عشان كدة حاختفى شويه منكم لحين عودة...
تحياااااااااااااااتى...

flame4me

02-07-2006, 09:26

السلام عليكم ياحلوين جد مشتاقة ليكم شديد......
ريحانة كيف حبيبة وعقبالك السنة الجاية يارب وماتشيلي هم الامتحانات ساهلة للبيذاكرو من الأول وجد لا مستحيل تحت الشمس زي مابيقولوا ولكل مجتهد نصيب...خطبة طويلة مش:42: .
الاسماء القلتيها حلوة جد أنا عجبني مؤمن لكن *****الله يعجب راجلي...
ساروية ياحليلك والله فعلا قصة الصور بتزعل جد لكن الجاتك في صورك سامحتك..ماتزعلى جد والحمد لله انك انبسطتي فعلا ايام شهر العسل الذ ايام وذكراها بتفضل طول العمر...:26:
بلدي ياحبوب الله يبارك فيك حبيبة وآمييين يارب ماتتخيلي قدر شنو نفسي القي نفسي خلاص ولدت وشايلة البيبي حبيب قلبي بين إيدي....يلا استعدي للامارات وحلو التغيير والسفر جد..البنوتة شماراتها شنو...؟؟
وين باقي الشباب.. جيلا مختفية كده ليه حبيبة؟هومة عملتيها ظاهرة لكن معانا ده كلوا علشان كأس العالم..وأم صالح ياحليلك جد فقدناكي وين انتي؟..طبعا وطني السودان بتكون مهججة بهناك في السودان مع اهلها وصاحباتها ياحليلها ليها وحشة.وماريا برضو قالت بتجينا بعد الامتحانات وماجات...بليز ارجعوا للملتقي تاني....:26:
يلا دايرة كل واحدة تدخل تديني اسم....

saroyaaa

02-07-2006, 10:57

ازيكم يا حبايب الحمد لله زهرتوا
فليم الف الف مبروك على الولد وعقبالي والله انا نفسي اجيب ولد لو حملت لانوا احنا كلنا بنات لكن راجلي يموت ونجيب بت

saroyaaa

02-07-2006, 11:00

بلدي يا حبوب ازيك يا حبيبة و***** الله رحلة حلوة والبنات الباقين اظهروا عشان نسلم عليكم والله واحشني كلكم ونفسي افضفض معاكم

saroyaaa

02-07-2006, 11:14

بالنسبة للأسماء يا فليم انا ماشاطرة في الاولاد شديد بس بحب اسم عبد الرحمن واسم احمد شديد مع انهم تقليدين لكن بفتش ليك اسماء وبالمناسبة رجعت للصفحات الورا وشفتك عاجبك اسم ساجد وهو اسم جميل جدا

flame4me

02-07-2006, 14:59

ساروية عقبالك حبيبة....:26:والله البنات حلوات..انا راجلي كان بيقول لي نفسي في بت لمن عرفنا البيبي ولد قال لي انا الصراحة كنت داير ولد لكن ماحبيت اقول كده لانو ماحلوة....ظريف مش:arb: ...قلت ليه لو طلعت بت تقول لي كان نفسك في بت برضو...الاطفال جد حلوين والبيجبوا ربنا كويس اهم شي يكونوا كويسين.آمين يارب....
المهم امبارح اشتريت اول شي للبيبي..اشتريت البوم صور لذيذ مكتوب عليه بيبي بوي ولونو بلو...حاخت فيه بإذن الله صور الالتراساوند كلها الجاية والقديمة واول صور البيبي ان شاء الله....:26:

ريحانة الحياة

02-07-2006, 16:58

الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله ده شنو يا بنات لأ النشاط ده كلو شنونو؟؟ ما شاء الله خليكم دايما كده عسووولات لا ما بنات عسل بشكل ... فليم عجبتني الخطبة و من هسي الناس شغالة لي يا بت يا بتاعت الشهادة و شدي حيلك يا دكتورة و لو ما قريتي اول باول بترسبي و ما بتجيبي نسية و و و ..و .... غايتوا ااااااه مع انو بيقولوا ما صعبة شدييييد كده لكن اهو برضوا لازم نشد حيلنا و سفرنا بعد ما نطعم احمد ان شاء الله و الله انا لمن امشي و اشوفهم بطعموهم و يبدوا يبكوا ببكي معاهم و بطلع من الغرفة بيقولوا لي يا حساسة لكن انا ما بتحمل اشوفهم بيبكوا شكلهم براااااااااااءة شدييييييد .. عسل عسل ... فليم إن شاء الله نشوف مؤمن قريب و لا لسه ما إخترتوا الإسم ؟؟؟ ورينا إخترتي شنو .. سروية فعلا الحمد لله إنها جات في الصور و لا جات فيكي و فعلا الناس ما بتريّح .. و باقي البنوتات وييين يلا ارجعوا و ما تقطعوا و انا لمن اجي و اسافر بحاول بإذن الله ما اغيب عنكم يا عسل الي حيعذبني انو افتش عن صفحة الملتقى بتاعنا لكن كلو يهون ....... يلا يا عسولات اشوفكم على خير لكن لمن تظهروا ما تظهروا كده فجأة القى خمسة ستة صفحات و ايام حتى نص صفحة ما القاها ...هههههههههههههههه .. يا اشوفكم على خير بس دعواتكم لي لمن تبدا المدرسة انا عايزة افهم لي شايلة هم المدرسة من هسي و لا عشان كلام الناس كل شوية يا دكتورة و يا دكتورة و إنتي شهادة و ضدي حيلك آآآآآه عموما اشوفكم على خير ... يلا تششششششششااااااااااااااااااااا ااووووووووو ........

flame4me

03-07-2006, 06:14

صباح الخير يابنات....
كيف أخباركم الليلة...إن شاء الله كلوا تمام وعال العال...؟؟؟
ريحانة حبيبة انا برضو باتذكر لمن كنت في ثالث ثانوي لناس كانت عاملة لي نفسيات بالكلام ده..على العموم الخوف الكتثر ماحلو والواحد اهم شي يعمل العليهو ويرضي ضميرو..وانا عندي أمل كبير فيك يا بت وماقلقانة عليك جد....
بعدين يابت دايرة تبقي دكتورة ومابتقدري تشوفي التطعيم كيف بس...قوي قلبك شوية....ياحليلهم الاطفال مساكين والله لكن كده احسن ليهم....ربنا يخلي ليكم حمودي وتشوفيوه عريس يارب...
البنات العندهم اطفال وروني...الواحدة تبدا تجهز متين..واحسن سراير أطفال من وين...؟واجهز ليه هدوم كم شهر..واشتري لنفسي شنو البسوا ايام النفاس....؟؟؟يلا مستنياكم ما تغيبوا كتير...

saroyaaa

03-07-2006, 13:49

ازيكم يا بنات اخباركم شنو ريحانة الله يعينك يارب والله ثالثة سنوي جد مرحلة صعبة على الزول لانوا الناس بكونوا عاملين ليك شحن نفسي بالكلام دا لكن انتي يازولة اتوكلي على ربنا واعملي العليك وانا متأكده ما حيضيع جهدك ابدا
فليم ازيك والله يحليلك الزول لمن يكون جديد على الحاجة بكون ما عارف يبدا من وين ولا يعمل شنوا لكن الخبيرات في الموضوع دا اكيد بساعدوكي وما بقصروا معاك وبالمناسبة انتي حتولدي في قطر ولا في السودان

saroyaaa

04-07-2006, 12:56

وينكم يا جماعة مافي زول ظهر تاني ***** **** خير

flame4me

05-07-2006, 07:09

باح الخير يابنات...الاخبار شنو ليه الكسل الشديد ده...
ساروية...كيف حبيبة...؟؟أنا شكلي حاولد هنا والله ...لكن لسه بافكر في الموضوع.......راجلي مصر اولدهنا ....غايتو حأسال الدكتورة لو ممكن اسافر آخر شهر وبعدين أفكر....انتى اسي وين في السودان ولا السعودية...؟؟

flame4me

11-07-2006, 06:45

وين البنات...مشتاقة ليكم..أظهروا بليز

rnoya

11-07-2006, 08:17

سلام بنات وطني الحبيب
انا برلومة جديد لنج
اسمي رنا
شايقيه
موظفة في شركة بترول سعوديه
عايشة في الخرطوم
متزوجة وعندي ولد واحد
حمودي 9 شهور
يلا عرفوني عليكم ودخلوني الفورمة

flame4me

12-07-2006, 08:19

رنوية حبابك عشرة حبيبة..نورتي الموضوع ياعسل وشرفتينا كتير......
اليومين ديل البنات نايمات مافي مشاركات كتيرة..لكن ان شاء الله بيظهروا بعد كده....
عن نفسي انا مقيمة قفي قطر وشغالة في شركة علاقات عامة..أسي حامل ومستنية ولد إن شاء الله زي ما الدكتورة قالت..الله يتمو على خير ويكون سليم وماعندو مشكلة بإذن الله....
احكي لي يلا عاملة كيف مع البيبي والشغل وقدرتي توفقي بينهم كيف؟

rnoya

12-07-2006, 12:09

اهلا يا فليم شرف الله قدرك وربنا يحلك بالسلامه والله فاهمه بالضبط احساسك اليومين دول كيف زي شعوري قبل 10 شهور لا حولااااا جد الله معاك
عن المسؤوليه انا لو كنت عارفه العرس صعب كده كنت خليتو اخر مرحلة بعد الحج وعملية العيون لأني بعاااااااااااااني اديكي نبذة انا اساسا زولة فوضويه ومهرجله وبكره المسؤوليه قام زوجي اسرني بي جمال اخلاقو وجمال طبعو وعرستو وهسه بقول يا ريتني لو ركزت مع جمال فرفور اهئ اهئ اهئ
عموما انتو بره مرتاحين من حاجات متأسفه عندنا في السودان وبختكم شديد
يلا وريني انتي من بنات وين وقريتي وين؟
بالمناسبه عمتي الصغيره كانت معاكم في قطر وجات ليها كم شهر اسمها سهير جبريل وزوجها حاتم سيدأحمد وقطر سغيرة فيمكن تكونو بتعرفوهم؟ طيب عندهم اصحابم ولدم دكتور اتوفى قبل فترة بسيطه؟؟
ولي عوده.........

ريحانة الحياة

12-07-2006, 14:03

إززززززززززززززززززززززززززززي كم يا عسووولات كيفنكم انا لي زمن مااااااااا شفتكم .... وحشتوني و لكن زي ما قلت ليكم شغالين بنجهز للسفر و اهوو مشغوللللين شديد و قريب قريب سفرنا المهم نجهز و نخلص ان شاء الله لو اسبوع المهم امشيييييييي ادعوووولي و اهلين بكل بنوتة جديدة و رنوية حبابك عشرة انا كمان اختي الصغيرة اسمها رنا بس انتي قصدك ب برلومة دي شنو امكن اول مرة اسمع بيها يلا حبيباتي دي مرورة سريعووووونة اشوفكم على خير في امان الله

طيف الطيوبة

12-07-2006, 15:01

مرحبا على بنات السودان الطيباااااااااااات
الصراحة انا مو سودانية...بس يعجبني فيكم اهتمامك ببشرتكم...واستخدامكم المواد اللي تساعد على العناية ببشرة الجسم ككل
لذلك عندي طلب منكم:وهو اني ابغا اسال السودانيات اللي بالرياض عن احسن واحدة تعمل لي دلكة
لاني قبل 12سنة جربت دلكة واحدة سودانية شالت لي بالبداية الشعر وبعدها دلكت جسمي بهالدلكة الرااااااائعه قسما بالله مانسيتها
لليوم وانا ادور على واحدة تعمل تعمل لي دلكة نفس اللي قبل 12سنة ولاحصلت زيها..الصراحة كانت قمة في الاخلاص بعملها ونفسها حلوة
فاللي تعرف واحدة تدلك من قلب ياليت ترسل لي رقمها عالخاص..علما باني من الرياض
وياليت تعددون لي فوائد الدلكة تبعتكم...يمكن لها فوائد غير اللي اعرف
وااااااااااالف شكر لكم يااحلى سودانياااات

ريحانة الحياة

12-07-2006, 15:18

هلا اختي طيف الطيوبة انا صراحة دلوعة المنتدى يعني لسه صغيرونة ما عندي فكرة واسعةهن الموضوع لكن طريقة عملها صعبة شوية لكن معلوماتي عنها انها ريحتها حللللللللوة و انا بموت في ريحتها و كمان بتدي لون حلو للجسم و بتنظفه و تخلي لون الجسم حلو يعني فوايدها كتييييرة و اتمنى من باقي البنات بإذن الله حيفيدوك ... يلا حويوات السودان ... انا كمان عايزة اسأل عن طريقة عمل البخور السوداني .. يلا في امان الله

طيف الطيوبة

12-07-2006, 15:29

ريحاااااااااانة حبيبتي مشكورة شديد(على قولتكم)هههههههههه
انا عزيزتي ماابغا طريقة عملها,,لاااااااااا..انا ابغا واحدة سودانية بالرياض تدلكني بهالدلكة الرهيبة حقتكم(والله انكم اذكياء بكل شي)ماشالله عليكم
يعني عاوزة رقم سودانية عندنا يكون شغلها تماااااااام بشيل الشعر والدلكة
ولكم تشكرااااتي واحترامااااتي يااحلى زولاااااااااات بالدنيااا
انتظركم بفارغ الصبررررررر

rnoya

13-07-2006, 05:44

اهلين طيف الطيوبه
شوفي انا مش عايشه في السعوديه ولا اعرف اي شي عن السودانيين اللي هناك لكن بعرض عليكي عرض
شوفي انا في السودان واقدر ارسل لك دلكه لغاية عندك في السعوديه وبدون ولا فلس يعني هديه واعتقد تعرفي تتدلكي فيها لحالك..ولا؟
بس معلش لو توضحي الكلام اللي بين قوسين (والله انكم اذكياء بكل شي)
منعا للالتباس وعشان ما ارد عليكي رد يجرحك

rnoya

13-07-2006, 05:46

اهليييين ريحانة الحياه وسهلين بدلوعة المنتدى يا ستي برلومه يعني جديده لنج وتطلق عادة على الزول الجديد في الجامعه
ما قلتي لينا مسافره وين؟

flame4me

13-07-2006, 07:19

صباح الخير يابنات......ماشاء الله نشاط شديد عيني عليكم باردة.....خلينا دايما كده.....
رنوية يا عسل كلامك صاح والله العرس مسؤلية انا برضو باقول ياريت لوكنت عملت ماستر بس قبل العرس لانو جد نفسي اعملوا ومالاقية طريقة هنا...لكن الله كريم....الحمدلله انو بقثيت بي بيتي وراجلي...العرس حلو برضو على الاقل اهلك يطمنوا عليك مع راجل يحبك ويقدرك...دي براها بالدنيا.. والحج ان شا ءااله يارب تحجي مع راجلك....قولي آمين....
انا المدرسة قريتها في الامارات جيت السودان للجامعة بس...قريت هندسة كيميائية في جامعة الخرطوم واتخرجت 2004...وانتي قريتي وين؟؟؟
قطر صغيرة فعلا لكن انا يادوب لي فيها 6 شهور...ومع الشغل والدوام مافي طريقة تعرفي ناس كتير....لكن عندي واحدة صاحبة ماما هنا باسالها عن عمتك الصغيرونة ***** الله.....

ريحانة يابرلومة شكلك دايرة كورس في المصطلحات السودانية.....ذكريني ارسل ليك رقم اختي قبل ماتسافري حبيبية...والله يعين جد التجهيز للسفر برنامج......بالذات تستيف الشنط...انا طبعا باكون دايرة اشيل الدولاب كلوا..لكن المرة دي قلت بس حاشيل هدوم بسيطة.....خلينا نشوف لمن نجي للتستيف حيحصل شنو....

flame4me

13-07-2006, 07:22

طيف الطيوبة اهلا بيك حبيبة..ورنوية ماقصرت الله يديها العافية.....شكرا على كلامك اللذيذ ياعسل..

rnoya

13-07-2006, 08:41

يااااااااا فليم كيفك؟
طيب انا زاااااتي ما من بنات الامارات!! انا عشت عمري كلو في الشارقة ودرست فيها واتخرجت من جامعة الشارقه علوم اداريه 2003 وبعدين استقرينا في السودان
كيميائيه الخرطوم؟ طيب؟ هاله عبدالوهاب, اريج محي الدين, هند, محمد سيف الاسلام, أشرف دن, منى بادي, سرادي....... والقايمة تطوووول بتعرفي منو في ديل؟
عن العرس انا لسه مصرة انو اي حاجه فيهو حلوة الا المسؤوليه وصدقيني لو كنتي عايشه في السودان ما حتكوني معجبه بالعرس كده لأنو اي حاجه هنا بتتعمل بي شق الانفس والعزايم مميته والحياه متتتتتتتتتتتعبة وغااااااااااااليه وغايتو
شكلم جاية تولدي هنا ده الفهمتو؟ كدي فهمينا حاجه
احكي لي عن حياتك في الامارات ووالدك منو وكان شغال وين؟
هي!
انتي زااتك اسمك منو؟

طيف الطيوبة

13-07-2006, 13:51

رنوية يازولة احسني الظن بالناااس
انا قلت كلام يعتبر مدح فيكم وانتي للاسف تقولي فسري كلامك قبل ما ارد رد يجرحك!!!!!!!
(والله انكم اذكياء بكل شئ) يابناااااااااااااااااااااااااا ااااااااااات ياااازولاااااااااات
واحدة ترد على الاخت وتفسرلها كلامي اللي بين قوسين!!!

flame4me

13-07-2006, 14:40

لوووووول...ياحليلك يابت كنت دبيبة عندنا في هندسة ولا شنو..بعرف سرادي.....لكن البت دي مش هندسة مدنية..على العموم انابعرفها من الامارات سرادي..اختها ساندي صاحبتي كانت...أشرف ده سامعة بيه...وهند قصدك هند منو....انا بعرف ناس دفعتنا وباقي الدفعات الناس الظاهرين بس....
فعلامعاك حق...الحياة للبت المتزوجة في السودان مملة وصعبة..عزومات وحنة ودخان 24 ساعة ومجاملات...هنا الحمدلله بيتي وشغلي وبس وعندي شوية صاحبات......سروية لو لقتك حتحبك لانها بتقول نفس الكلام......انا ماشكلي حاولد في السودان..لكن بافكر....لسه....دعواتك بس....نفسي اولد بين اهلي...لكن راجلي مصر اولد هنا...قال هنااحسن...كمان اخوي الصغير ممتحن شهادة السنة دي وخايفة اعمل ليه ازعاج لو ولدت هناك لاني مواعيد اخر 12 ان شاء الله....
نحنا كنا في ابوظبي بعدين مشينا دبي بعدين حتا لو بتعرفيها....مدينة سياحية كده تبع دبي....
السفرة البتكلم عنها دي ان شا ءالله للندن..الله يتمها بس ويكفينا شر العوارض...ماشيين نغير جو لانو جد تعبت نفسيا من الروتين الهنا.....ودايرة اشوف لي لون اخضر ياناسسسسسسسسسسسسسسس تعبت من الاسمنت والاخضر الباهت الهنا ده...

flame4me

13-07-2006, 14:45

رنوية....ماتزعلي من طيف الطيوبة..من اسمها باين عليها طيوبة ياحليلها وماقصدها شي...والكلمة دي عادية انا عن نفسي باسمعها كتير..لانو بيقولوا السودانين ماشاء الله شطار واذكياء....
وانتي ياطيف..ياطيوبة..ماتزعلي من رنوية...سوء تفاهم بين اخوات في الله لا غير.....

flame4me

13-07-2006, 21:13

مكرر

طيف الطيوبة

14-07-2006, 00:00

flame4me
عزيزتي انا ماني زعلانه من احد....يكفي وجودك اللي معطر المكان.
عموما اتمنى حبيبتي ان ربي يسهل عليك وتولدي بالسلامة..وبعدها تغيروا جو في لندن وتكسرو الروتين
(((((((((((((((متابعتكم ههههههههههه
وصحيح ان السودانيين قلوبهم زي العسل وطيبيييييين كثييييير..موفقين جميعا
باي ياقمررر

ريحانة الحياة

14-07-2006, 13:04

هلووووووووووو ازيكم يا عسل ما شاء الله نشيطات بشكل .. ربنا يخليكم ,, طيف تسلمي على الكلام العسل و مشششكووووورة و ما تزعلي ربما سوء تفاهم لا أكثر و رنوية البت ما قاصدة شي عموما فليم غطت الموضوع و فعلا سوء تفاهم لأخوات في الله لاأكثر .... فليمو الموضوع انو انا فعلا عايزة كورسات مش كورس في الكلام السوداني لأنو ما قاعدين نمشي السودان كتيرر يعني سنة ايوه و سنة لأ يعني هو السودان كل يوم في تطور و الكلام ما مقصرين و كمان كلام الجامعة و انا يا حليلي لسه صغيرونة بس ما قصدي انو انا مييييييييح في الكلام لا عندي قاموس و وفرة من الكلام إلا اللهم كم كلمة كده مفقودات من القاموس و اهو كل يوم بنتعلم كلام يعني الأهل ما مقصرين ..احكوا لي عن حياة الجامعة و كلام الجامعة و شكلي لازم آخد نمرة اختك يا فليمو ربنا يسهل؟ ههههههه ربنا يسهل بس خلوني هسه في الثانوية سمعتوا هنا في الإمارات انو الثانوية بقت على فصلين يعني ما بنمتحن الفصل الدراسي الأول تاني لكن النتيجة بيحسبوها هي و الفصل الدراسي الثاني و يقسموها على 2 يعني لازم دح من اوله يعني حكون مختفية و كمان في شي اسمو 50% من أعمال السنة يعني عملوها سنة عادية ما شهادة .... بقى كأنوا في معدل مواد النشاط .. غايتو ....إهئ إهئ إهئ .... عموما اهلين بكل ضيوفنا و عضواتنا و ربنا يسهل للعرسان و يتم على خير للحوامل و بالتوفيق و دعواتكم لي .. في أمان الله

rnoya

15-07-2006, 06:20

اهلييييين بنوتات
فليم طيب لكن السفر مش خطر عليكي خصوصا انو المسافة بعيدة؟ سرادي شايقيه تفصم وجامعتكم دي الطلبه كانو بشاغلوني وبقولو لي حنطلع ليكي بطاقة طوااااااالي كاسرة ركبه بي هناك..وما عارفة بتعرفي تاني منو من بات الامارات القرو في الخرطوم..عننا انا عشت عمري كلو في الشارقو وما اتنقلت وبابا كان مدير قسم النقل في كهرباء الشارقة..
طيف الطيوبه.. والله لا اقصد لكن انا بطبعي سخنه (فلفل) وما احب الضيم والمسخرة والاستهزاء بالاخرين ابدا وبصراحه صار لي 5000 موقف مع السعوديات بالذات ..الله وكيلك كل ما اعامل وحدة كويس انصدم فيها فلا تزعلي والدليل على تقديمي للنيه الحسنه اني عرضت عليكي هديه في البدايه وبعدين استفسرت عن قصدك..عموما لكي العتبى حتى ترضي..
وعرضي مازال قايم بس أشري بطرف صبعك..
ريحانه ازيك؟ ربنا يسهل ليكي امتحاناتك وتجينا بي جاي نبرمج بيكي
ويا جماعه سرويه البتقولو عنها وين؟ انا نفسي في وحده تقاسمني الاذى الجسيم الاسمو العرس.."والي حأعمل معاها حلف
يلا مستنيه حاجاتكم

om salih

15-07-2006, 07:24

كيفكم يا بنات يا عسولات
رنية نورتي
اسفة انقطعت منكم الفترة الماضية بس انشغلت شدييييييييييييييييييد وزي ما قلت ليكم الامتحان :06:

rnoya

15-07-2006, 08:04

اهلين ام صالح منورة بوجودك حبيبتي من الاسم شكلك دنقلاويه او حلفاويه ولا انا غلطانه ممتحنه ثانوية عامه ولا جوطة جامعه؟ مستقرة في ياتو امارة؟

om salih

15-07-2006, 08:26

اهلييين رنوية
صحححححححححح ما غلطانة دنقلاوية ابا وام وجدا وجدة :)
ثانوية وجامعة ؟؟؟؟؟ ضحكتيني وشكرا صغرتيني
انا طبيبة عامة ودا امتحان للتخصص
مقيمة في العين من سنة و8 شهور

rnoya

15-07-2006, 08:47

ما شاء الله عليكي يا ام صالح ربنا يوفقك والله انا ما عارفة الشربكك في القرايه ام دق دي شنو؟ ياااااااااااااااااااااخ انا مش بكره القرايه..انا بكره ميتين القرايه...حلات بقولو لي حضري..وبقول ليهم ارواح ممكن,,غير كده ما أظن!!!!!!!!!!
وما استغرب الا من الناس البتقرا بالساعات .. عارفه ايام الجامعه في الامتحان بقعد اعد الدرجات حقة الاسئله المتأكده انها صح ولما تدق الباس بتخارج طوالي والباقي حتى لو عارفاهو بخليهو..المهم انجح وبس..
امي بتقول لي فلاحتك في الغنا والرقسص دي لو ختيتيها في قرايتك كان طلعتي وزيره!
ولنا عوده....

om salih

15-07-2006, 08:55

انا برضو من الناس الما بتقدر تقرا ساعات ويمكن حتي ربع ساعة متواصلة صعب ونوع البيقرا للامتحان بس ودي المشكلة المواجهاني الان لو كنت من البيقروا اول باول كان الان مرتاحة :(
وانا ما اقول ليكي الان كل وقتي قراية بالعكس كله ضايع في من بكرة ابدا وتانيب الضمير وضاع الوقت :eek:
ومع صلوحي الموضوع في منتهي الصعوبة ( امتحان تاني ) :22: ربنا يخليهو وهو اهم امتحان :)

rnoya

16-07-2006, 06:00

عمرو كم سنه صلوحي يا امه؟

حاجة تانيه انا لاحظت ان البنات عموما ما بحبو يقولو اساميهم ما عارفه ليه؟
انا بفتكر انو نحن ثقافتنا مختلفه تماما عن ثقافة شبه جزيرة العرب بل بالعكس
عن نفسي انا احب الكل يعرف اسمي ويناديني بيهو
انا رنا ابراهيم القروني
والشهرة (زمان) رنو الصبيان جنو خخخخخخخ
يلا حماس

om salih

16-07-2006, 06:17

صلوحي عمره 11شهر واسبوعين ويوم زي ما ظاهر في التوقيع :) ( بغش منه)
وبالنسبة للاسم انا برضو ما عندي مشكلة فيهو اصلا بعد البيانات دي عن نفسي واسم ولدي اكيد اي زول بيعرفني حيتعرف علي بمنتهي السهولة صح؟
انتي ساكنة وين؟

om salih

16-07-2006, 06:43

عيد ميلاد صلوحى بعد 15 يوم

rnoya

16-07-2006, 07:31

انا في الخرطوم يا عسللي
وجايه الامارات بعد كم يوم ..بالمناسبه نحن كنا مستقرين في الشارقه 22 سنه وجينا السودان نهائي قبل سنتين
عقبال 100 سنه يا صالح ومن هسه انا حاجزاك لي بتي
عاوزة اسألك بتعرفي رندا يوسف ؟

om salih

16-07-2006, 07:40

لا والله ماسمعت بيها قبل كدا هي في العين هنا؟
وبالمناسبة متين جاية الامارات ووين عشان لازم لازم تزورينا

rnoya

16-07-2006, 08:46

يا ستي بتحدد الليله اخر اليوم جايين انا وحمودي اجازه اسبوعين عشان زهجانيييييييين من السودان وتعبو..انتي كدي انتهي من امتحانك بعداك اعزمي..عارفه انا حركات التزويغ دي..لكن اذا جيت اكيد بتصل بيكي اسلم عليكي..
رندا في العين هي اخت صحبتي
تحياتي للسغيروني

om salih

16-07-2006, 08:53

لا والله ما حركات تزوييغ
انا في ديك الساعة ؟؟؟
انا بالجد اتمني اني اشوفك جدا لو ما كان عندك مانع ونشوف حمودي العسولي والقراية يعني مش علي قدم وساق
ياريت يا ريت نشوف بعض وتكوني اول واحدة الاقيها من المنتدي

om salih

16-07-2006, 08:54

حمودي عمره كم ؟

rnoya

16-07-2006, 09:17

والله يا ريت يا عسوله نتلاقى ولو ما موضوع امتحانك ده كنا برمجنا بي مشي السوق ياخ انا بعشق المكان دة وبكن ليهو كل الود والتقدير والاحترام
حمودي عمرو 10 شهور وحاجة كدة ما تخلص
انا حانزل مع بنات خالتي في الشارقه لكن بمر على العين
رندا في العين ايوا
بالمناسبه انتي قريتي وين؟

om salih

16-07-2006, 09:23

لا ما يهمك من الامتحان بفضي ليكي ايام
رندا زوجها اسمه منو؟
انا قريت في ليبيا

om salih

16-07-2006, 09:30

المكان دا قصدك بيهو شنو ؟؟ السوق؟؟؟؟

rnoya

17-07-2006, 06:05

ايوه يا عسول قصدي بيهو السوق
زوج رندا اسمو رايح لي
تعرفي امبارح انا بنحت في راسي اتذكرت نفرين كانو بدرسو في ليبيا
دكتوره مواهب من بنات العين
وعصام احمد بس ده حيكون اكبر منكم شديد وما حتكوني شفتيهو
اها ****لله قطعتي شوط في القرايه؟

om salih

17-07-2006, 06:37

يا سلااااام
انا برضو بموت في الشوبنق شديد ودايما زعلي من االاستاذ في الموضوع دا
ما بيحب يمشي السوق ويقعد ياجل وياجللما تتراكم الحاجات وانسي كنت عايزة شنو وشنو

flame4me

17-07-2006, 11:31

أديكم يابنات....الاخبار والشمارات....توحشتكم برشا برشا علي قولة بلدي السودان...بالمناسبة الناس ديل مختفيين كده ليه....؟؟؟
دايرة اقول ليكم شمار من الفرن...انا نقلوني برج كيوتل على الكورنيش..ومبسوطة شديد والخليج قدامي اسي وآخر وناسة والحمد لله......يارب دايما كده..الصراحة المكتب الجديد عاجبني جد.....
أم صلوحي كنت وين يازولة الفترة دي كلها...يارب الامور تكون ماشة تمام.....وياحليلو صلوحي جد عقبال ماتشوفيه عريس وتحتفلي باعياد ميلاد اولاده....آمين....
رنوية عاملة حركة في المنتدي....ماشاء الله عليك......انا كمان بحب الشوبينج..تعالي لي في الدوحة وانا اخد ليك اجازة مخصوص من الشغل..احلي شي صاحبتي الهندية قالت لي خليتني اصرف في شهر فلوس ماصرفتها في سنة على الشوبينج.....بخصوص السفر سألت الدكتورة قالت مافي مشكلة الحمدلله لاني بكون في آخر الخامس...أنا اصلا في الشهر التاني سافرت جيت السودان..ياحليلوا البيبي حمت بيه كتير....بعدين أن شا ءالله يطلع لي كابتن طيار قولو آمين...بخصوص الأسامي يارنوية..ماحكاية ثقافات...انا زمان كنت عاملة منتدي عديل في النت باسمي...لكن أسي راجلي بس مابيحب اقول اسمي...وانا محترمة رغبته...وعلى العموم ياعسل انا كتبت ليك اسمي ورجعت مسحته بعد كم ساعة..قلت علشان تشوفيه...وبارسلو ليك على الخاص....وعلى فكرة انا معظم البنوتات المعانا عارفة اسمايهم بالخاص...ونفس جد أعرفهم وجها لوجه ...كيف معاكم العربي الفصيح ده....

flame4me

17-07-2006, 11:35

طيف الطيوبة تسلمي حبيبة على الدعوات الحلوة دي كلها وربنا ينولك الفي بالك يارب........فعلا باين عليك متابعة ممتازة خليك دايما معانا وحبابك مليون ياغالية....

rnoya

17-07-2006, 11:46

كيف يا عسولين
ام صلوحي ما جاوبتيني على اسئلتي
فليم مبروك المكتب الجديد وبالزيادة يا رب
وبما انك بتحبي السوق دايرة اسألك عندكم ملايات في قطر الملايه بي 100 دولار شفتهم عند وحده غتيييييييييييته وابت توريني من وين وعشان عباطته دي قلبي يقول لي اشتريهم وافرشم في العيد
عموما هم ملايات تقال وعندهم مخدات صغيره معاهم مشكله تايقر منتظم ما جايط وما فيها كشكشه وعواره تعرفي تجيبي لي شمارم؟
وياااااااااااااااا ستي اتمنى اعرف اساميكم كلكم علخاص علقمردين ما فارقه
ليييييييييي عوده

flame4me

17-07-2006, 11:48

ريحانة ياحبوبة..ماتشيلي هم جد..الثانوية بتعدي زي الاحلام......والجامعة احلي واحلي...اتكلي على الله واعملي العليك والله كريم......
والجامعة طبعا لازم شوية مقالب في الاول...لكن بتخشي في الجو بعد كده.....
الليلة دايرة ارجع البيت بدري..تعبانة جد ودايرة اطلع المساء اشتري لي اسكيرت وبنطلون للحمل..بطني ياحليلها ظهرت اخيرا.....لكن لسه صغيرونة نوعا ما....
اكتر شي مكيفني في مكتبنا دي في غرفة صلاة..مكتبنا القديم التقول نصاري...مافيهو مكان الا كل يوم اصلي في اي مكتب فاضي..لكن الحمدلله....
على فكرة رايكم شنو في اسم كريم للبيبي حقي..حلو؟؟؟

flame4me

17-07-2006, 11:54

رنوية...ملايات دي لسه ماخشيت فلمها لكن حادخلوا قريب إن شاء الله...دايرة اول شي اشتري لي سريرين...لكن باسال ليك صاحبة ماما قاعدة هنا...غايتو انا شفت عندها ملايات شديدة..معاها مساند ومخدات وكلو بي 100 دولار..لكن ديل اتنين مش الواحدة....انا خبرتي في الشوبينج لغاية لسي...هدوم وصنادل وتحف واخيرا بقيت خبرة في حاجات البيبي....ايومين ديل جولات مكثفة لم>ركير وبيبي شوب..باعمل مقارنات..لحدي اسي لقيت انو اجيب من لندن ارخص واحلي...رايكم شنو..بال>ات عربة البيبي وكرسي العربية....ودايرة اجيب لي برضو كم لبسة قشرة كده لبعد الولادة....لكن خايفة اجيب على مقاسي القديم وما ارجع ليه..افيدوني يا امهات رجعتوا لمقاساتكم القديمة قبل الولادة ولا لأ؟.

rnoya

17-07-2006, 12:36

انا شخصيا رجعت لكن الصدر مستحيييييل يرجع زي زمان يمن الرضاعه لاعبه دور وما تضيعي قروشك في عربيه بيبي وكرسي لانك ما حتستفيدي منهم اصلا ما حتطلعي بيهو الا بعد ال3 شهور وحتكوني دايما شايلاهو لانو صغير شديد فبعداك فكري في الحاجات دي
وحاجات الاطفال في لندن تفصم والحكمة امريكا
يلا عايني انا بقصد الملايه الوحدة بي مخداته بي 100 دولار
وماااااااااااااا تشتري سراير من قطر لانو السودان حاجاتو اجمل بس كمان الكاش بحسم النقاش يعني السرير هنا بعمل مليون وشويه عاااااااادي واذا حابه اشتري المراتب من قطر لانها هنا كعبه وغاليه وبالمناسبه كل السراير الفخمه هسه بقت عريضه (120سم) فاعملي حسابك في الملايات
ريحتك البلديه برضو اشتريها من هنا ارخص هي والبخور الا لو كان فب بيرفيوم فرنسي عاجبك ده موضوع تاني
يا بت انا قبل سنة من هسه مااااااااا بفهم اي حاجة في امور النساوين دي لكن هسه بقيت مرجع
ولو عاوزة تعملي سمايه يوووووووووووووووه دة موضوع تاني
انتي كدي تعالي السودان عشان ابرمج بيكي خخخخخخخخ
يلا يا عسول
سي يو

rnoya

17-07-2006, 12:40

نسيت اقول ليكي اشتري تياب توتل ربط لذيذة لي بعد الولادة وللايام الاخيرة في الحمل منها عشان احراج الرضاعه انتي عارفه الطرحة ما بتغطي والبيبيات ديل مضرين خلاص ما تحلا ليهم الورورة الا قدام الناس بس عشان يحرجوكي !!!!!! ومنها انو جسمك بعد الولادة مباشرة ابدا ما بكون مرتب وشكلك بي اللبس الكاجوال حيكون شنيع
احبطتك مش؟

ريحانة الحياة

17-07-2006, 14:30

Hi HEWEWAT AL SUDAN
do you remember??
تذكروا لمن كنا بنتفلسف بالإنجلش هههههه ده كان في ملتقانا الأول ... فليم مبروووك الف مبرووك على المكتب الجديد و ام صلوحي اهلين بعودتك و عقبال 100 سنة ... حبيباتي انا بكره حكمل 17 سنة ههه كبرت و بالنسبة لمقالب الجامعة اكيد دمها تقييييييييييل و غالبا من اي جانب قصدي بويز اور جيرلز ؟؟؟ هههه و ما شاء الله عليكم نشيطات بشكل و فليم شكلو انك انتي في الشوبينج مافي زول بيفوتك فيهوا عموما في امان الله و دعواتكم لي .... في امان الله .....

ريحانة الحياة

17-07-2006, 17:37

هييييييييييييييييه وينكم ؟؟؟

om salih

18-07-2006, 05:01

صباح الخير
فليم انتي الوينك ؟ اتوحشتك جدا جدا ومبروك علي المكتب الجديد والراحة النفسية مهمة للحامل وللبيبي زي ما قالت الدراسات وشكرا علي الدعوة الحلوة وعقبال ما تفرحي بالعسولي يا ام كريم
رنوية حياتي معذرة بس اسئلتك ياتا ؟؟:confused:
فليم انا برضو اشتريت حاجات البيبي من كرسي وعربة وخلافه بدري بدري
تعرفي لو حتشتغلي بعد الولادة بالذات كرسي العربية مهم لو حتوديهو حضانة او عند نسيبتك او او
انا جبت واحد من بتاعين البيبيات الصغيرونين في الاول لاني وديت ولدي الحضانة من عمره 3 شهوريعني ما بيقدر يقعد وكان اول ايام بيجيهو الترحيل وابوهو بيجيبه الساعة 2 وانا بجي اربعة يعني ما ينفع ابوهو يشيله ويسوق وبعدين بقينا نوديهو معانا في الصباح وفي الرجعة ابوهو بيجيبه براهو ولما كبر علي الكرسي دل اشترينا كرسي سيارة كبير
وبالنسبة لعربة الطفل اشترينا واحدة كبيرة في الاول مفيدة عشان البيبي ينوم فيها وضرورية خاصة انك بتحبي الطلعة والشوبنق وكونك تشيلهو موت موت مرة صحبتي قالت ما ضروري العربة خلينا نشيله ونتبادله اسهل تعرفي اليوم داك كرهنا حياتنا ويدينا اتكسروا وهي ذاتا قالت توبة :( ولما كبر شوية وبقي يقعد بقت العربة الكبيرة ما عملية مثلا في طلعة السوق والطلعات البتحتاجي تطلعي وتنزلي فيها كتير كبيرة وتقيلة لما تقفليها مشكلة وتدخليها في العربية وتطلعيها كل شوية وتجي تدخلي بيها دكان فيهو عتبة فجبت واحدة تانية صغيرة للطاعات الذي دي عملية جدا وخفيفة ولما تتقفل بتبقي زي العصاية بس عيبها انو لو نام ما ينفع ينوم فيها يعني يكون قاعد وبسبس فعلا مفيدة حتي انا لو مشيت زيارة بدخل بيها للناس يعني تعرفي تسلمي علي الناس كفاية عليا خمخمة التوب كمان البيبي ؟واثناء الزيارة يكون قاعد فيها :)
وانا في الحاجات دي عجيبة بالجد تعرفي مشترية لي كمية من الحاجات دي عربيتين كبيرة وصغيرة كرسين للشيل وللعربية لما كان صغير كرسي للعربية لما كبركرسي اكل وووغيره وغيره وابوهو اعجب مني خاصة في الالعاب والاحلي هو للان ما بيلعب بيها ولا بيحبها ولا بيسال فيها يحب بس الحاجات الما بتخصه موبايل ريموت تلفون احذية اعزكم الله سلة المهملات لكن العاب ما بلمسها حتي
وتعرفي مشترية ليهو سرير من قبل ما يتولد وقال مشترياهو من النوعية البيكون كبير وفيهو واحد صغير قلت عشان يمشي معاهو لغاية ما يكبر لحد الان ما نام فيهو ولا يوم لسة بينوم معاي وبيرفض رفض بات وقاطع ينوم في سريره من كنا في المستشفي يبكي ويقلب الدنيا الا يجي جنبي ولوصحا وما لقاني جنبو برنامج تاني
والملابس المقاس القديم اه ااااه انا للان ما رجعت زي الاول وملابسي القديمة كانها بتاعة واحدة تانية :7_18_2:
بس يمكن لاني انا اصلا قابلة للسمنة وبعدين عدم الحركة وقلة الطلعة واكلي انتي حامل:10_8_9: وكالي عشان انتي بترضعي :10_8_10: لما رحت فيها بس بعد الامتحان ان شاء الله رياضة شديدة :7_5_131: :7_5_127: ونصيحة استني لبعد الولادة واشتري عندكم هناك ممكن تطلعي السوق بعد الاربعين طوالي ما زي السودان وعادي انا طلعت السوق قبل الاربعين ما انو صاحباتي ما رضو بس دي عادات يعني ما حاجة دين ولا علم وكان في حاجات ضرورية لي وللبيبي لازم اجيبها بنفسي
ورنوية قصدك انو تشتري السراير من السودان وتوديهم قطر ؟ولا كيف اني انا برضة عايزة سراير جميلة ومتينة وانتي خبرة في البلد دي اكتر مني يا ريت تدليني وخاصة بيقولو الشارقة فيها حاجات حلوة انا ما مشيتا الا زيارة يعني ما عارفة اسواقها
وعقبال مية سنة يا دلوعة المنتدي وموفقة ان شاء الله ودعواتكم لي انا كمان للامتحاااااااان:06:
كترت رغي :22:

rnoya

18-07-2006, 05:58

سلااااااااااااام يا بشكات
ام كريم يا سلام اسم رهيب..انا كان عاجبني اسم آسر شديد لكن ابوهو رفض قال اسم مايص!!
ام صالح الغلباوي كيفك؟ يلا كلامك كلو منطقي لكن حسب الفهمتو انو فليم حتولد في السودان عند ناس امها وقالت ناويه تشتري سراير فعشان كده قلت ليها امشي اشتري من السودان وما تشيلي معاكي من قطر لأنو السراير هنا تفصم وياريت كمان لو طلبته طلب من ناس المحجوب او من ناس الحاج عبدالرحمن يعملو ليها سراير نحت مصري وخشب زان متين وشغل نضيف او تمشي بليله هاوس او هلا للمفروشات لانو خشبم نمرة 1 في المستورد بس غااااالي انا غرفة نومي كلفت معاي 8 مليون يعني قريب 4 الف دولار
عن الشارقة ما اقدر افيدك لاني لما فارقتها ما كانت عندي اهتمامات نسائيه لكن ماما مشيته الاخيره اشترت لي سفره وشها رخام من امتداد شاره الوحدة عموما فيها محلات كويسه زي الحذيفه والهزيم وحول الامارات دة البستحضرو لكن بس ابقو نسوان وتعالو لي السودان والله احومكم السوق خرم خرم
عموما يا فليم انا ما بقول عربيات الاطفال ما مهمة لأ لكن بما انك حتولدي في السودان فختي في بالك انك حتصرفي 5 اضعاف الحتصرفيهو هناك وحتجيكي لحظه حتكزني محتاجة لي اي جنيه فبقول أجلي الحاجات شويه لغايه ما ترجعي وما تشتريها وتركنيها..استفيدي من قروشها
شوفي: خبيز الجردل عمل 150 وفوق طبعا الخبيز السمح كعك, حلويات, بيبسي, شغاله عشان الضيوف والبيبي, سراير, اكيد 2 كرسي او شيزلونج, طاولات, تموين البيييييييت, كميه من صناديق البيبسب والعصير, ما عارفه عندك نية تغيير دهب ولا لأ, ولو حتعملي سمايه ييييييييييييييييييييك انا سمايتي كلفتني 9 مليون وولادتي كلها كلفتني 20 مليون بالتمام والكمال !!!!!!!!! وتقولو لي عربات؟ والله لو تسمعي نصيحه رسلي لي امك ووحده من اخواتك واولدي في الدوحه لأنك حتجي من السودان يا مولاي كما خلقتني وفي النهايه كلو فارغه وكلام فاضي.. المهم فكري في كلامي ده وورينا قرارك..
ريحانه عقبال ميييييييييه سنه ونصيحتي ليك خلي العرس اخر حاجة في حياتك بعد الحج وعملية العيون!! وفي الجامعه اعملي حسااااااااابك شدييييييييد ناس السودان اتغيييييييرو وبقو كعبين وابدا ما زي زمان..ربنا يحفظك ويخليكي ويوفقك
ولناااااااااااااااا عوده

تيومة

18-07-2006, 06:06

انا مش من السودان بس دخلت اسلم عليكم لانى اول ماقريت تجمع امورات السودان تفكرت صديقتى وجارتى فى بلادى ليبيا
سودانية وكانت بتعملى حنا كل من شافنى يندهش من النقشات اللى كانت مخصوص تنقشلى اياها فى المناسبات والاعياد والله كلمة حق اقولها فيكم بنات السودان اطيب من تعرفت عليهم

وزورونا فى تجمع بنات ليبيا

ولكم منى اصدق واحلى التمنيات الطيبة مثل طيبتكم وسامحونى على المداخلة

rnoya

18-07-2006, 07:05

اهلا تيومه حبابك عشره حبيبتنا واختنا وربنا يديم الحبه
والليبيين برضو ناس طيبين وواضحين وكل الكرم والاخلاق الكريمه عندهم
نزورك ان شاء الله ونورتي

om salih

18-07-2006, 07:07

اهلا بيك اختي تيومة
انا كنت في ليبيا ودرست هناك ولدي صديقات ليبيات كثيرات وعشنا فيها فترة طويلة في مدينة سبها
وفعلا سعدنا بالتعامل معكم وصديقاتي وزميلاتي كن في منتهي الرقي ووالله قضينا اوقات جميلة مع بعضنا وناوية ان شاء الله اجيها زيارة مع زوجي
وزرتكم في الملتقي من قبل :)

rnoya

18-07-2006, 07:07

يا ام صالح عليكي الله من الاستعلامات طلعي لي نمرة محل اسم الزين للمجوهرات في مركز برجمان في دبي
وما عارفه عندك فكره عن المحلات البتشتغل بالاحجار الكريمه؟ الكهرمان تحديدا؟
بشكات العارفه ترسل لي الاسم والعنوان
وتشكرات

om salih

18-07-2006, 07:11

رنوية الرقم:
043517717

rnoya

18-07-2006, 07:20

سلام عليك ياااااااااااااا خطرة
ياخي انتي هسه ما رهيبه؟ طيب تاكلين بيكي الباب ليه؟ خخخخخخخخخخخخ
اوعك تكزني بتزعلي من المكاواه؟

om salih

18-07-2006, 07:37

لا ما بزعل ولا يهمك وكمان ما بحب الزعوليين
بس ما فهمت العبارة؟؟؟؟

rnoya

18-07-2006, 09:07

يلا افهمك الباب عاده بتكلوهو بي شنو؟ حجر كرسي مكسور خشبه
فالعباره تقال للزول الما منو فايده
على وزن طيب ده ما كويس جادعنو ليه؟,,,,,,,,,,,,,,جنوبي لقى ليهو شافع في كوشه!!!
احتكو بي يا بنات والله تبقو مثقفين ثقافه
ثقافة الشارع والرندوك دي ياااااااااخ انا راجلي بقول لي انتي اكيد كنتي لافه بي ورنيش !!!!!!!

اميرة الحسن

18-07-2006, 10:05

اهلا والف مرحب بالسودانيات الطيبات الامورات

flame4me

18-07-2006, 11:42

لا والله وغلا..كيفنكم الليلة......ماشاءالله نشاط شديد...خلينا دايما كده...
ريحانة ياعسل...عقبال مانشوفك عروس وتشوفي بناتك واولادك عرسان..قولي آمين....:26:
مقالب الجامعة اولاد اكتر شي..انا قطعتوا معاهم من بدري لكن....وركبت ليهم وشي التاني...على العموم اولاد اجامعة ماتديهم وش نهائي.....بالذات ناس اولي وديل..معليش لمن الناس تكبر شوية بتعرفي الكويس من الكعب لكن اول ايام خلى بالك شديد....

flame4me

18-07-2006, 11:57

رنوية....عارفة فعلا على قولك صرف كتير على كلام فاضي.......انا غالبا حاولد في قطر لكن في احتمال اولد في السودان..لكن جد حتي لو ولدت في السودان ما حاصرف ده كلوا جد...انا والله واقولها ليكم كلكم يابنات...ندمت على الفلوس الكتيرة الصرفتها لاهلي وراجلي في العرس..واسي باشوف صاحباتي بيعرسوا كيف جد باقول ماكان احسن لي اعمل كده زيهم....عرس بسيط والناس القريبة وكلوا في يوم واحدة...مش حنة وصبحية وزفاف وحفلة تاني يوم.......والبيبي ناوية اشتري ليه حاجاتو حلوة من احسن ماركات لكن السماية لوعملتها في السودان او قطر ان شاء الله حاجيب كم قارئ يختم القرآن واضبح لي كم خروف نوزعها للناس وانتهينا..كده باحسه ابرك واحسن لي وللبيبي......عارفة حتي الولادة هنا ممكن تكون مكلفة..صاحبة ماما غيرت عفش البيت ودهبها والسماية حفلة وعشاء لمليون زول وطقم الريحة بالف وشوية والملايات كل يوم واحدة..وبرنامج....اسي اليومين ديل بس شغالة تقول لي الولادة قطعت يدي والولادة صرفتني...بخصوص الدهب..انا دهبي حق العرس لي اسي مالبسته...اصلا مافي طلعات هنا..ولا ناس السودان لحقوا يشوفوه الا في الشيلة....لكن ناوية اشتري لي كم شي بسيط بس وانتهينا.....

flame4me

18-07-2006, 12:11

أم صالوحي انا من اسي اشتريت السرير ياحليلو حلو..لكن جد بعدين لازم ينوم لي فيهو..انا بالذات نومي بطااااااال عادي بتلقيني نمت في جهة وصحيت في التانية ما بقدر انومو معايا بخاف اضربوا وانا نايمة ولا شي...غايتو ربنا يسهلا بس..اسي طبعا عشقيييي محلات الاطفال...انا شكلي حانزل الشغل من بعد شهرين ان شاء الله ناس المكتب مابيدوني اجازة اكتر من كده بالذات بعد جيت المكتب ده اي شي بقي فوق راسي.....اسي في سفرة لندن دي قالوا لي اجليها لكن جد مافي طريقة..قاعدة اعد الايام انا....بخصوص الشوبينج من هناك قلت اجيب كم توب وصنادل وشنط والاحاجات دي..لكن الهدوم فيها مخاطرة..اخ انا جد لازم اعمل ريجيم طوالي بعدين.....البت المعايا في المكتب بتاكل بس خضار مسلوق وماشاء الله عليها..شكلي حاكل معاها بعدين.....
للبيبي اسي حاشتري ان شاء الله العربية ترافل سيستم معاها كرسي للعربية وبعد فترة كده لما يبقي كريمو ان شاء الله كبير نشتري عربية خفيفة وكرسي تاني.....
دايرة اساللك الالعاب بتاعة البيبي دي كيف...بتلاقيها في مركز التعليم المبكر لو عندكم بيقولوا كويسة ومهمة للبيبي ....اها مفيدة ولا ما اشتريها؟؟؟
بعدين تعالوا انتوا بترضعوا طبيعي ولا لأ؟؟؟

flame4me

18-07-2006, 12:14

أهلا بأميرة الحسن ....نورتينا وشرفتي المنتدي..حبابك مليون حبيبتي....

flame4me

18-07-2006, 12:16

تيمومة ياعسل شرفتينا جد يا امورة اهلا بيك وزورينا دايما....:26:

rnoya

18-07-2006, 12:17

والله يا فليم عين العقل ولو تولدي في قطر احسن ليكي لانو في السودان في مصاريف غير مرئيه بتشيل طن بتاع قروش وقروشك اعملي بيها دهب لانو بقعد وبنفعك بدل الكلام الفارغ
انا برضو والله ندماانه شديد على مصاريف عرسي لانو امي خيرتني بين انها تعمل لي صبحيه ولا تشتري لي عربيه وانا حسب امكانيات مخي الضئيله اخترت اني ارقص واجبجب قلت العربيه ملحوقه وهسه اهئاهئاهئ يا قلبي لا تحزن مشلهته وضايعه ومشرده وواقعه لي الله في اللفه
غايتو
شكرا يا ام صالح على النمرة
يا جماعه انا زهجااااااااااانه نفسي اسافر لكن ما عارفه امشي وين بعد مشاكل سوريا ولبنان دي..مشية الامارات شكلها خستكت..وعندي نفسياااااااااااااااات...
اقتراحاتكم
وفي انتظاركم

flame4me

18-07-2006, 13:13

والله يارنوية الامارات زاتي مابشجعك عليها في الجو ده...حر ورطوبة جد...لبنان ياحليلوا الله يعين اهلوا....انا عارفة نفسي امشي لبنان جد لكن في الشتاء....لو دايرة ممكن تمشي مصر..صحي حر وزحمة اسي لكن شغالة برضو واهو تغيير....او اقول ليك تعالي معانا لندن...شايفة الناس برضوا بتمشي تايلاند قالوا رخيصة وسمحة والشوبينج فيها عجيب....ممكن كمان تمشي تركيا...حلوة ورخيصة برضو وشوبينج ممتاز....اقول ليك تعالي لي في قطر اسي او بعد ما اجي من لندن......صحي حر لكن بافسحك كويس......بعدين تعالي هنا..انت متأكدة انك ماكنتي لافة بورنيش؟؟؟...يابت عليك كلام لذيذ جد..الليلة ماشة اتفلسف بيه عند راجلي....:26:

rnoya

19-07-2006, 06:22

لووووول يا فليمو في الحقيقه انا كنت شغاله في طرمبة بنزين وبشم سليسيون عشان كده خخخخخ
مصر مشيته في شهر العسل لندن ماشه عند اخوي بعد فترة بعد ما اوضاعو تستقر في الشغل الجديد عشان استغلو خخخخخ وبعدين لندن دايره ميزانيه تقيله يا بت التوب هناك بعمل 500 استرليني وكده تركيا ناس خالو كانو ماجزين هناك وقالو الشوبنج فيها موله ناااار.. نفسي امشي سوريا رايكم شنو؟ ايوة انا برضع طبيعي الحمدلله..وصحي انا ما عارفه اجيب لي حمودي لعب من وين السودان ده تعيس شديد في الحاجات دي..

flame4me

19-07-2006, 07:03

يابت انتي مالك ومال التوب ابو 500 جنيه استرليني..ده حتي يبقي حرام والله الواحد يشتري توب بالسعر ده..خليني احسبها كدي اشوفها كم ريال دي...طلعت 3400 ريال قطري...حرام والله جد كده يبقي....عايني في تياب كويسة جدا وحرير فرنسي والتوب ما اكتر من 100 او 120 باوند...دي معقولة ..وممكن كمان تياب لذيذة بي 70 و60 باوند خالتي قالت....يلا نستني وطني السودان ممكن يكون عندها خبرة ي الموضوع ده....ولندن جد غاليةاوتيلات وتذاكر بس وصلنا لي 13 الف ريال...وكلها 16 يوم...ياحليل ماليزيا جد رخيصة......اوتيلات فايف ستارز والواحد بس 600 ريال لكن لندن 750 ريال واوتيل 4 نجوم...
بخصوص الالعاب في السودان جد مشكلة كبيرة.....ايه رايك يابت نفتح توكيل مذركير ولا بيبي شوب في السودان.....؟؟؟؟حيكون جد برنامج مربح......
الليلة دايرة اعمل جدول لرحلتنا الجاية ان شاء الله
....انا بحب الجداول طبعا في كل سفرة لازم جدول للفسحة علشان الوقت مايضيع ساي....
دايرة اطلب منكم طلب يابنات..العندها طريقة سهلة لعمل ملاح الروب تقول لي عليه....نفسي فيه شديد جد.....اليومين ديل نفسي في حاجات غريبة جد..امبارح عملت سليقة لاول مرة في حياتي الساعة 10باليل..ومعاها سلطة رهيبببببببببببببببة وشية بالطوة......

flame4me

19-07-2006, 07:06

على فكرة يابت..لودايرة اي شي لحمودي ولا ليك من هنا قولي بس ياعسل......حاسة بيك والله السودان تعيس في الشوبينج جد...انا عارفة حاجات كتيرة كنت باضطر اوصي ليها الناس ولا اعمل ليها اوردر من بره......

om salih

19-07-2006, 07:21

فليم صباح الخير
ملاح الروب هو نفسه النعيمية يعني الفيهو الصلصة ولا لا انا الملاح دا جنني ما بفرق بيناتهم في الاسامي
لو قصدك البصلصة واللحمة المفرومة انا عندي طريقة سهلة ليهو ولو قصدك التاني لو عرفتي وريني :)

flame4me

19-07-2006, 08:21

أم صلوحي كيفك حبيتي...والله النعيمية ده سامعة بيه لكن ماعارفة شكله..على العموم الروب يعملوا معاهو زبادي....لوماياهو قولي لي طريقة العندك ياعسل المهم حاجات سودانية والسلام....جد اليومين ديل ماعارفة مالي نفسي بس في اكل سوداني...وكمان اقول ليكم نفسي في شنو..نفسي في سندويتش بيرجر من كافتيريا في شارع البلدية..تحت مركز طب الاسنان..او من كافتريات جامعتنا...........

om salih

19-07-2006, 08:40

شوفي ام كريم :cook:
طريقة العمل مع المقادير
المقادير طبعا حسب الكمية
بصل مقطع جوانح
لحمة مفرومة
زيت
صلصة
ملح وبهارات حسب الرغبة
ماجي برضو حسب الرغبة
زبادي
2فص توم سالم
الطريقة:
تجيبي حلة وتضيفي الزيت وبعدين البصل الي ان يصفر
تضيفي اللحمة والملح والبهارات وتقلبي ما تضيفي موية وما تمشي وتخليها تفضلي تقلبي لمدة دقايق عشان ما تمسك
وبعدين تضيفي الصلصة وماجي وقليل من الماء وتخليها شوية تتسبك
تضيفي الزبادي وتطفي النار
تاخديهم وتديهم خلطة سريعة بخلاط العصير ما تخلطي شديد يعني
ترجعيهم في الحلة وترجعيهم علي النار واول ما تبدا تغلي تضربي فيها شوية ويكة ما تكتري
توطي النار شمعة وتخليهم وتمشي ( ما تمشي برا البيت يعني) تجي تلقيهو عمل وش ظريف
ممممم طعمه لذيييييذ
الطريقة طويلة في الشرح بس في العمل ما يتاخد منك وقت
وصحة وعافية
لو كنت عارفة من امس كنت عملتو وصورت ليك الخطوات

om salih

19-07-2006, 09:05

يا بنات بالمناسبة لو في واحدة عندها صور ملايات جميييييييييلة توريني ليهم
يعني حاجة كدا تشبهنا

flame4me

19-07-2006, 09:07

ياحليلك جد يا ام صالوحي....الليلة الملاح دقس معايا...اخ لو اقدر اسي امشي البيت اعملوا ماتتصوري نفسي فيهو كيف الملاح ده..يارب يظبط معايا بس......
اها وريني..اشتري للبيبي شنو تاني من اسي..دايرة حاجات تكفيهو فترة شهرين كده....

flame4me

19-07-2006, 09:10

بالنسبة للملايات انا لسه ما اشتريت شي..حاشتري بعد ما اجي من لندن ان شا ءالله واصور ليك لانو جد هنا في ملايات رهيبة.......اسي دايرة اشتري لي سريرين..مشيت البيت اليوغسلافي لقيت سرارير الواحد بي 1020...حلوين والله..اها اسعارهم مناسبة؟؟؟

om salih

19-07-2006, 09:22

انتي اشريتي شنو عشان اوريكي تاني شنو

flame4me

19-07-2006, 10:00

لحدي اسي..السرير والمرتبة..السرير لكن سرير كبير دايرة اشتري عارفة السرير البيون زي السلة بتاعة القش ده...؟؟؟وممكن يتركب فيالسرير الكبير او يكون عندو ستاند براهو..قلت اول شهور احسن بيكون.....
اشتريت تاني جزمة واحدة صغنتوتة و3 شرابات حنونات...ومريلات مكتوب فيهم اي لاف مامي واي الاف دادي...وتاني ولا شي...اها ابدا من وين؟؟؟؟؟

om salih

19-07-2006, 10:00

السراير شكلهم كيف؟

flame4me

19-07-2006, 10:15

السراي شكلها حلو عارفة مودرن كده..مافيها شغل جايط....وخشب تقيل...

om salih

19-07-2006, 10:29

شوفي يا عسولة
اوريكي من الخبرة الطويلة في عالم البيبيات والامومات
بس ما الان لما امشي البيت لانو دوامي الان انتهي

rnoya

19-07-2006, 10:42

سرايرك فيهم ارش سغير ورجليهم مدبلبه؟ يعني سمينه؟ اذا هم حيكيوني رهيبات وسعلرهم رهيب لكن حيطلعو روحك في الملايات
فليمو وام صلوحي شوفي الملايات دي وأغمرو
http://http://www.9q9q.org/index.php?image=ETZQSpgIfKKG (http://www.9q9q.org/index.php?image=9B6CfBXXT)

http://http://www.9q9q.org/index.php?image=zIOtvRBeAAb3 (http://www.9q9q.org/index.php?image=IKhY1XeEa)

عندي زي 3 مليون صوره لكن النت الليله بطيء بنزلم ليكم فيما بعد

rnoya

19-07-2006, 10:50

المهم
تسلمي يا فليم يا عسل ما بتقصري اصلا انا لو حعوز حاجة ححتاج ملايات للعيد لأني ما لاقيه ايييييييييييي حاجة هنا عليها القيمه ففتشي لي وليكي وبنتفق بعداك
بالنسبه لي حمودي حسن اخوي جاي من لندن قريب ومتوقعه انو يجيب ليهو طن بتاع لعب
طبعا انا لندن فارقتها سغيره وتاني ما رجعت ليها فما بتزكره لكن لااااازم تمشي بيكيري ستريت قالو فيهو محل تياب تفصم اسمو سودانيز هاوس والتياب ام 100 و120 دي وين ولا ما عندك فكره؟
يا بنات اسألو لي النوكيا 7280و7380 عمل كم عشان موبايلي اتسرق وشايله لي موبايل ابو التفاهه بشيلوهو الحنانات ااااااااااااااااااااااااا
طيب وطني السودان وين وماله ما ظاهرة؟ عشان نتشمشر في لندن ويا ريت لو كانت متزوجة عشان تكون افكاره هدامه زينا خخخخخخخخخخخخخ
لي قدام

flame4me

19-07-2006, 11:04

رنوية ياعسل السراير شكلها زي ماقلتي اي....لكن اسي محتارة..الغرفة صغيرونة..اجيب 120 ولا 100 سم عرض للسراير..والملايات استني علي باجيب ليك خبرها ياعسل.....
وطني السودان بت عسل والله اسي في السودان لكن مفروض ترجع بعد ده قالت 3 اسابيع بس وتجي....انا جد محتاجة ليها علشان توريني الحاصل هناك شنو؟؟؟؟ومحل التياب القولتيه ان شا ءالله امشي ليه واشوف شماراتو شنو...التياب دي ماعارفها وين لكن باسال خالتي....بتكون عارفة مع انها ما من انصار التياب وبرضو باسال راجل خالتي التانية لانو بيجيب ليها تياب خطيرة من هناك.....بالنسبة للموبايلات القولتيها دي ماعندي فكرة...باسال ليك..لكن ال N70 قالوا بقي بي 1400 ريال هنا.
رنوية شنو النفسيات دي يابت....جد عقدتينا.لا لا انا جد حاشد حيلي في موضوع الملايات ده....