على ضفاف النيل (ملتقى حواء السودان) الجزء التاني .................

[om salih]

رنو افكارك ؟؟؟؟؟؟؟

[rnoya]

والله يا ام صالح الموضوع ده محيرني زيك كده! قلت اشتري رقشه عشان تجيب لي 25 الف كل يوم وقلت ابني شقه في بيت اهلي وأأجرة وقلت اتاجر في التياب سواء جديده او مستعمله شويه وكلو ما نفع!!! وما عارفه اعمل شنو راجلي قال لي اشتغلي حنانه خخخخخخخخخخخخ
انا جاده جدا وعندي راس مال سغيروني حوالي 4 الف دولار واذا لقيتي حاجه ممكن اشاركك في راس المال..
مبدئيا عندي فكرة وهي انو بيت اهلي طبعا على شارع رئيسي فقلت اشيل ملحق الشغالين واعمل ليهو باب على الشارع وافتحو محل عده وملايات كانون الاصليه لانو الحاجتين دول ما بقعدو ابدا ولا ببورو ومكسبم مضمون مثلا لكن المشكله البجيب لي البضاعه منو انا لو كنت بسافر دوريا زي زمان كان ممكن الا القى زول برة يكون ممول والمكسب بالنص
اذا خطرت على بالك اي فكرة طوالي قولي وعارفاني جيااااااااهه بنجض ليكي حبوبته
كدي انتي راسك فيهو شنو؟
ما عارفه لو عندك اي فكره في راسك قولي

[saroyaaa]

ازيكم يا بشكات شايفاكم قلبتوا تجارة والله اما زاتي نفسي اعمل لي حاجة اجيب بيها دخل اضافي واي زول بقول لي انت مادام بتجي السعودية طوالي استغلي الحتة دي لكن انا بليدة في التجارة بعدين ماما قبل كدا عملت مشروع بتاع ملايات مفصلة بتعمل ليها صحبتا هنا والمكسب بالنص لكن الناس سلوا روحا بالأقساط وحدة تلقيها وضعها رهيييب وتقول ليك اقسط ليك لكن انا شايفة الركشة تمام لو ما بتبوظ كل دقيقة وتضري تصرفي فيها اكتر من ربحا

[rnoya]

يلا يا سرو الركشه مشروع رهيب لكن المشكله تلقي سواق وين؟؟؟ تعرفي اخو زوجي كان عندو رقشه مأجرة والله السواق واقع بيها في خور مرتين وكل يومين بايظة مع انها جديده من الورقه وهسه كرهتو فباعه!! يعني لو بتعرفي زو امين وتضمني انو ما يجوكه ليك(يأجرة من الباطن) ويحافظ عليها فهو مشروع ولا أحلى
يا سرو مشروع امك سمح شديد بس اوريكي دقست في شنو كانت ترفع القسط عشان تطلع واس المال والباقي يكون مكسب بس فعلا كانت محتاجه لي زوله لايوقه تلم ليها قروشة..
شوفي هسه لو جبتي تياب توتل سااااااااااااااااااده ربط انا اضمن ليكي انها تتصرف وكل ما يكون الخام احسن كل ما تتمني في السعر برضو في عجز شديد في الكانون الاصلي فوينكم يا ناس اوروبا وكندا وامريكا

[saroyaaa]

المشكلة الطائف سجمانة من ناحية التواتل السوق الصحي في جدة والله جدة دي فيها حاجات رهيبة لكن مع شغل ماما وبابا صعب نمشي طوالي مع انها كلها ساعتين بس مننا

[rnoya]

هسه زاتو يا سرويه زمنك ضايق وحتكوني كملتي قريشاتك لكن خلي الموضوع في بالك للمرات الجايه ان شاء الله
انا هنا ماسحه السوق والناقصنا: طقوم شاي حلوة وما مكررة وسرامس المانيه وكاسات فخمه كريستال وشيالااااااااااااااااااااااااا اااااااااااااااااااااااات مافي كلو كلو وملايات جاهزة لانو الهنود ملو البلد والكل بقى بفصل وحلل بريستو تقيله وسمحه واكسسوارات ست كامل لانو محلات الاكسسوارات بقت مستهلكه زي ميادة.. وتواتل مطرزة لكن نوعيه معينه ما اي بشكه بتقسم ولبس اطفال اولاد تحديدا كل حاجه ما عدا اللبسه الهبله شورت وتي شيرت طقم دي منتشرة شديد بسسسسسسسسس تاني اي حاجه متوفرة ومافي وحده فيكم تفكر تجيب حاجات غير كده
ام صلوحي ما وريتيني افكارك شنو؟

[om salih]

ايوة يا بنات خليكم كدا بسبس ومين

[rnoya]

انتي زاااااااااااااااتك هججي الخاص

[هدويــــــــــــه]

ليكم وحشه ياشباب هوما انتي وين مختفيه ليكي وحشه
الله الله شنو الافكار الرهيبه دي يارنو وسرويه ولو عايزين اي حاجه من جده انا حاضره وانتي يارنويه فكره التياب المستعمله مالك غيرتي رايك منها انا بديك وبشيل منك
طبعا راجلي جاي الاسبوع الجاي ولسه انا مركبه ليه وش كلب وجاي عن طريق السودان حينزل يومين في الرجعه اسبوع
الشباب الباقي من غير فرز اخباركم ووروني شماراتكم

[rnoya]

ازيكم يا بشكات
هدويه صباح الخير
يلا ما غيرت رايي يا هدى لكن هي بس حركات عرفتي؟ يعني ما ممكن اعتمد عليها كمصدر دخل ثابت يعني هسه فس البيت عندي توبين جداد وفستان خطوبه ما مستعملين لكن جوني بعد وقفة حال لمدة شهرين!!ونحن كلامنا عاوزين حاجه تجيب قروش طوااالي مش كل شهرين 100 الف
يلا جدة حتة الشغل كلو لكن يا هدى مشكلتك انك ما بتجي السودان غير انو تحويل القروش حيكون مشكله يعني لو في كل مبلغ ارسلو ليكي حادفع 25 دولار تحويل يبقى الفايدة شنو؟؟
شوفي مبدئيا لو لاقتك شيالات حلوة او تواتل ربط بس تكون الوان غيييييييييير وخامات حلوة رسلي لي صورة وسعره وانا اوريكي مكسبه كم في الميه وممكن ترسليهم مع ابو الشباب واوعك تقولي تجارة قولي وصيه لي وحده صحبتي
اسمعي بي مناسبة الكديسه ابو الشباب اخبارو شنو ؟؟؟ انتي كدي تعالي لي في الخاص او في المسنجر
ام صلوحي ازيك؟ اها فكرتي؟
سرو كيفك؟
الباقين كيفكم ووينكم؟

[om salih]

وينكـــــــــــــم يا بنـــــــــــــات ليه الكسل دا؟؟؟؟؟

[flame4me]

السلام عليكم يابنات......اخباركم ومشتاقين جد....شكرا ليكم كلكم جد والله انتوا بنات عسل شديد الله مايحرمني منكم ابدا ابدا.....والله اكتر من من اخوات ومابنسي وقفتكم معايا ابدا.....الحمد لله مشيت للاستشاري وطمني قال لي البيبي ماشاء الله عليه احسن مني ومنك والدم واصلوا كويس وقال حيقتل اخصائية الالتراساوند والدكاترة المسكوني فس المسشتفي..كانو يومين صعبين خلاص.....لكن الحمدلله الجات كده....والله يجيبوا الود الشقي ده تعبني خلاص والله.....الذ شي ونحنا طالعين من المستشفي راجلي واختي خلاص عملوا حسابهم اني حاولد بدري..ماشفتوهم زعلانين كيف قال شنو كل الناس طالعة شايلة بيبهات الا نحنا....لووووووووووول.....قلت ليهم ادونا صنة شهر ان شاء الله ونطلع مع بيبي...يارب....

[flame4me]

طبعا رنو العسل اتصلت بي كنت مزوغة من المستشفي مشيت سبلاش اشتري لي قمصان على بالي خلاص حاولد.....لوووول....أم صلوحي انتي الصوتك عسل والله وشكرا جد حبيبة عارفة انا كنت مفكرة اتصل استشيرك من القلق والله ...تاني غايتو نلجا ليك طوالي ياعسول.....بلدي ياحبوب العسل برضو السكرة وهدو...هدو المشاغبة النوامة...شكرا ليكم جد ولكل السألوا على في المنتدي هنا ودعوا لي ولي كريم.........

[flame4me]

كل البيسالوا عن جيلا هي تمام التمام ياحليها برضو كانت تتصل وتسال يوميا والله ماقصرت وبتسلم عليكم كلكم.......:26:

[flame4me]

طبعا ادوني اجازة اسبوع من الشغل...بعديها حادوام اسبوع تاني اخلص بس الحاجات الماسكها وانزل اجازتي..والحمدلله ماما الفيزا حقتها طلعت الليلة..طبعا ماما ياحليلها كانت متجرسة شديد انا بقيت اصبر فيها...الله يخليها لي والله ندمت اني كلمتها لكن قلت اخليها تستعد علشان تجيني.....

[om salih]

صلوحي لما كان عمره 4 شهور
شفوتا شنة زي دي ؟؟؟؟؟؟؟؟؟ :)


http://www.up07.com/upload-6/wh_40366788.jpg
http://www.up07.com/upload-6/wh_31866368.jpg



http://www.up07.com/upload-6/wh_35684208.jpg


http://www.up07.com/upload-6/wh_68387408.jpg

[saroyaaa]

الف حمد لله على السلامة يافليم الحمد لله البنات طمنونا عليك ساي ناس المستشفى ديل خلعوك المهم انك تمام وكرومي تمام ***** الله يارب ربنا يحلك بالسلامة
باقي البنات كلكم كدا كيف الأخبار ***** الله تمام
هدوبة بختك انت في جدة والله انا جدة دي بحبهاموت مابتغلبي فيها اي شي متوفر واسواقا رهيبة
وبالنسبة لأبوا الشباب يابت وش الكديس دا لازم تغيريهوا يمكن قلبوا يحن

[flame4me]

هدو..ابو الشباب مابيركبوا ليه وش كلب..بيركبوا ليه وش الضحية وبيكسروا قلبوا .....خشي لي رنوا وهي تفهمك حاجات والله كنت متشاكلة مع راجلي ادتني فكرة رهيبة ماتتصوري النتايج رهيبة قدر شنو.......

[saroyaaa]

ام صالح حلاتوا ياناسي صلوحي عسولي ربنا يخليهو ليك ***** الله اها السمح فيكم منوا بشبهك ولا بشبه ابوهو
فليم الحمد لله انوا ماما جيتا اتسهلت صدقيني بعد ما تجي حتطمني كتير

[om salih]

فليم حمـدلله علي السلامة
تصدقي كنت بكتب رد اسال فيهو عن اخبارك لقيتك ظهرتي
سروية دي عيونك الحلوة

[om salih]

لولو ضحكتيني بموضوع القمصان عشان اتذكرت نفسي برضو لمن قالوا لي ولادة في السابع طوالي تفكيري مشي للحاجات الناقصاني

[flame4me]

كيوت طلعتي في ماليزيا....؟؟؟انا ماعارفة قايلاكي في بريطانيا برضو......ماليزيا حلوة......بالذات لنكاوي..يا الله انا خليت حتة من قلبي هناك...سبحان الله جد.......برضو مشينا مكان اسمو بوكيت تنجي...جميل وهادي ورومانسي.....بينانج ماحبيتها ابدا....وجنتنج هاي لاند يعني تعبت في السفر ليها لاني باتعب من الطريق الفيهو لف طويل.....تاني كوالا لامبور مكسب لكن ماحسيت فيها برامج رهيبة...احلي شي الاوتيل كان ..بخصوص السفر سافرت بالقطرية....احتمال اكون لاقيتك هناك يابت في الشارع لاقينا سودانين كتير......:26: انتي قاعدة وين في ماليزيا وبتقري في ياتو جامعة؟؟؟

[flame4me]

طبعا يا اا صلوحي كنت مجهز معظم الحاجات وطلعتها في كيس قبل يوم ماعدا القمصان تعالي شوفي لمن رسلت اختي وراجلي.....يجيبوا لي الحاجات يازولة نسوا نص الحاجات.....بقيت افكر اني ازوغ كيف من السمشتفي ولوقالوا ولادة العمل شنو؟؟؟؟؟كان برنامج غايتو.......اسي يا امصلوحي ممكن اولد متين كده طبيبعي..نفسي ا ولد والله قبل ما اختي تسافر هي بتسافر يوم 19-12 وانا مواعيدي اصلا يوم 24-12..مافي طريقة الواحد يلد بدري؟؟؟؟

[flame4me]

أم صلوحي ماشاء الله يابتي ماشاء الله جد من حلاتو ربنا يحفظوا ليك... اليومين ديل انا مابيوروني صور اطفال بابكي طوالي...ربنا يحفظو ليك وتشوفيهوا عريس يارب... والله ودمو باين خفيف وعسل......:26:

[om salih]

بتتمشي ولا لا ؟

[flame4me]

هوما العسولة الف حمدلله على سلامة التلفون والنت...والله فقدناكي...شيكي الخاص حبيبة.....
وطني ماتقلقي من التطعيم...كلوا بيكون تمام ان شاء الله..اها كيف بعد ماخالتو سافرت...النوم والسهر وكيف ممشية امورك مع كوكي؟؟؟
مجنونة وين؟؟؟؟
ماريا ياحليلك والله ليك وحشة يابت ماتقطعي كده بليز تاني...بخصوص الرجل السوداني والله ياخي ماتقدر تحدد..كل واحد غير شكل....انتي وحظك..الرجال ديل حظوظ بس..خلى امك تدعي ليك بس وربنا بيديك راجل عسل باذن الله.....

[om salih]

المشي دا افيد حاجة
بيسهل ليكي الولادة
طبعا دا ادونا ليهو بس من تجارب جميييييييع الوالدات من جميع الجنسيات عرب وعجم

[flame4me]

لا والله ماباتمشي كده تمشية لغرض التمشية لكن بالف في السوق كتير بس.....اسي امبارح اشتريت لي تيرمس شاي رهيب للكورنيش بمناسبة التاسع والتمشية......ناوية ابدا الويكند ده ان شاء الله..لكن المشي بيساعد؟؟؟؟

[om salih]

رنو شيكي الخاااااااااااااااااص

[flame4me]

سرو...مشتاقين يابت اخبارك شنو؟؟؟ولسه يابتي مارجعتي لراجلك..يابت بعد ده بيرسلوا ليك الورقة......يلا ارجعي سرعة عارفاكي شاردة من برامج السودان......اها لقيتي تياب ولا لسه؟؟؟؟

[rnoya]

ازيكم يا بشكااااااااااااااااااااااااااا اات
فليمو ياخي نورتي والله وحمدلله على السلامه وبالله الغيبه الجايه دايرين نبارك ليكي الولاده ما تقطعي لينا قلبنا تاني
لكن يا ام صلوحي ما ابدااااااااااااااااااع مبالغه حلا شديده ماشاء الله
طبعا كل يوم اقول اجيب صور حمودي وانسى
سرو كيفك؟ خلاص بقيتي على يوم 23؟ والدكتورة قالت ليكي شنو؟
الباقين ازيكم

[saroyaaa]

والله يا فليم ما شاردة ولا شي انا بس راجعت دكتورة هنا وهي المأخراني ادتني علاج كدا دايرة تشوف نتجتوا كيف انا ***** الله مواعيدي معاها الاربعاء وحسافر الخميس طوالي والله انا زاتي اشتقت لي راجلي

[saroyaaa]

رنو الاخبار شنو لاااااااازم تنزلي لينا صور حمودي قبل ما اسافر والله الدكتورة بكرة الله يهون

[rnoya]

يا سرويه حمودي اجيبو ليكي شخصيا في البيت عشان تكوني اول وحده في المنتدى تتشرف بي كواريكو وشيطنتو خخخخخ
وان شاء الله يكون العلاج 100% وتجينا بسرعه
جميله اشتقت لي راجلي دي بس ان شاء الله مشاريع النضافه ماشه كويس ودخاخين تمام؟ حتتحنني ولا تخليها لما تجي هنا؟

[saroyaaa]

رنا كل مرة دايرة اسألك من ليلى السورية مش دي هي زاتا الفي المقرن ولا وحدة تانية

[saroyaaa]

يابت ماما مصرة اتحنن قالت لي تمشي لي راجلك من غير حنة المشكبة حنة هنا ما سمحة غايتوا دايرة اقنعا اختها سادة بس بعداك اتحنن في السودان

[saroyaaa]

انا حتى السادة في وحدة بتختها لي ختة رهيبة متواسية شديد خايفة ابوظا ساي هنا اوجني وجن الحنة المامواسية حتى لو بسيط بتغيزني كيف

[flame4me]

ايوه ياعم مشتاقة لراجلي وكده شهر عسل جديد وكده.....الله يخليكم لبعض ويمشي اموركم تمام ويسهل ليك العلاج يارب.....الحنة اتحنني سادة وارسمي في السودان احسن.....

[flame4me]

بنا يارب يسمع منك ربنا......:26: عليك الله ماتنسي صور الود ده...بلدي ووطني وهوما وين صور العيال....؟؟؟؟؟

[saroyaaa]

والله ***** الله يا فليم انا خايفة المرة دي تقعدني تاني شوية

[rnoya]

ايوة يا سرويه ليلى السوريه ياها زاته حقت المقرن لكن افتكر قالو رحلت جات الخرطوم جمب عفراء بس ما متاكده وين بالضبط
يا بت ختيها سادة بالشريط حق الكهربا ما تسوطيها براكي لانو الحنه الما مواسيه تفقع(العويره وقعت في الطين) وتعالي انقشي هنا بس طبعا قبل ما نسابتك يجو يسلمو عليكي
لولي حااااااضر بس ذكريني عليك الله

[flame4me]

سرو لو الدكتورة قالت ليك اقعدي اقعدي طوالي شوفي العلاج احسنو زاتو خلى راجلك يشتاق اكتر..ويارب اول ماترجعي كده تقولي لينا اخبار حلوة....:26:

[saroyaaa]

هو حسي المخليهوا صابر علي موضوع العلاج دا زاتوا غايتوا الله يهون
يارنوا انا كنت متأملة تكون وحدة تانية لأنوا دي قبل كدا قصت لي شعري بشتنتوا لي بشتنة هي غايتوا بتصبغ حلوا لكن ما بتعرف تقص دايرة وحدة يكون قصها حلوا في السودان

[saroyaaa]

فليم بالنسبة للفرد انا الفرد بوظ لي شعري اسي بقا تحت ناعم والفوق رجع لطبعتوا رايك شنوا لو فردت تاني الحالة بتتأزم شديد ولا كيف لأنوا الحكاية دي عاملاي تساقط شديد ولا اقصوا وارتاح منو

[... nani ...]

الحمدلله علي سلامتك فليم والحمدلله انه طمنئك علي البيبي:26: :26: ان رديت عليك في موضوعك في قسم الحمل والولادة
وادعوا لي عقبالي انا اطمئن ايضا لانه ايضا ذهبت المستشفي عشان اعمل الترا ساوند
وطلع انه في وريد ببيدخل الدم للمشيمه بيدخل دم بسيط وقالوا انه خايفيين ياثر علي
نمو البيبي واصلا قبل كده كانوا متخوفيين من عدة اشياء حسي قالوا حيراقبوا نمو البيبي
وقالوا الشي الوحيد الممكن تساعدينا بيه هو تعدي حركة البيبي
والله قطعوا قلبي لانهم في البدايه ما شرحوا لي اي شي الحمدلله علي كل حال
وربي يسهل علينا ونرزق بالطفل المعافي وبصحه جيده

[... nani ...]

رنومشكوره علي سوالك لي امك مشكوره وما قصرتي :26:
ومبروك الحمل وربي يتمم لك علي خير ان شاء الله وما تقولي ما بتحبي الاطفال والله حلي شي في الدنيا ببرائتهم وقلبهم لصافي احتمال لانك ولدتي في الاول ولد عذبك لكن ان شاء الله من تجيبي بنوته حلوه وحنينه تحبيها اتر من نفسك وعليك الله اعي ربك انه يكون طفل معافي وبصحه جيده وما تقولي ماعايزه الحمل ده وهذه غلطه........ :42:
:26:

[... nani ...]

ام صالح
ربي يخلي ليك ولدك ما شاء الله روعه ربي يحفظه من كل شر يارب انتي سالتي عن موضوع تخلي ولدك مع الشغاله ما انصحك ابدا بيه ما شفتي المصايب البتحصل كل يوم بسبب الشغالات انه بيغتصبوا الاطفال مهما كانت طيبه ما تامني ليها وتخليهم براهم عليك الله والله المصايب البشوفا هنا في المنتدي اول شي البنات بيدعوا علي الام لانها اهملت الطفل وخلته مع الخدامه اعملي حسابك منها واسفه اذا ازعجتك بكلامي:26:
وبالمناسبه جنسيتها شنو؟ لان كل البنات بيشكوا من الاندونسيات !!!!!

وبقية البنات كيف حالكم ان شاء الله بصحه وعافيه :) :)

[om salih]

ناني كيفك وحمدلله علي السلامة والبيبي ما يشوف شر وان شاء الله تولدي بالسلامة
بخصوص صلوحي طبعا انا من النوع الموسوس شديييييييد ودايما بتخيل تعذيب الشغالات للاطفال
وايييييييي موضوع عن شغالة في الدنيا انا قريته يعني نت او مجلات او تلفيزيون اول ما المح موضوع عنهم طوااااااااالي بيشدني
بس ما عارفة ليه لي فترة بقت قعداته معاها تطول يمكن لاني الايام دي تعبانة ويمكن السهر الكتير
ااااااااااااه ما عارفة اعمل شنو ربنا يحفظهم
انا ولدي الصباح بوديهو الحضانة مع انه اي زول بيستغرب شغالة في البيت واوديهو الحضانة
هي اثيوبية

[... nani ...]

ام صالح

ربي يعينك والله صعبه الشخص يوفق بين شغل وقرايه والبيت ربي يعينك لكن سبحان الله الشغاليين مهما تعملي ليهم برضوا بيكونوا حاقديين انتي بس خليها معاه لكن راقبيها يعني ما تضمنيها ابدا وربي يوفقك يارب
وصلا انتي مادام بتوديه الحضانه اعتقد انه مابيكون معها لمده طويله لكن انا قصدي انك ما تخرجي من البيت وتخليه معاها بس لوحدهم هذه اكبر غلطه

[om salih]

ما برضو مرات بخليها معاهو لوحدهم في اوضتها يعني مرات بكون عايزة انوم شوية لانه ربنا يخليهو بيسهرني شديد وبصحي بدري عشان كدا بحب انوم لما ارجع من الشعل ساعة او اتنين

[flame4me]

ناني ياعسل معليش حبيبيتي يادوب شفت ردك الله يطمنك يابت انا والله بعد الخلعة دي قلت بس نخلي الامور على الله وصدقيني الدكاترة احيانا بيحبوا بس يختوا ليك اسوا الاحتمالات لكن بالجد اقري سورة مريم وياسين كتير ماتتصوري انا اتطمنت كيف بعد ماقريتهم.....وخليها على الله وقولي يارحيم بس,,,, ربنا بيتكفل بالبيبيهات ماتشيلي هم وصدقيني كم زول حكي لي قصة عن الدكاترة والاوهام البيدخلوها قلب الواحد لانهم بيحبوا يتاكدوا واي زول عندهم عيان لغاية مايثبت العكس.....انا برضو طلبوا مني اعد حركات البيبي اسي شايلة ورقتي وحايمة في البيت وكل شوية احرك بطني علشان الاستاذ يصحي ويديني رفسة واعمل خط في الورقة..... حالة صعبة....

[flame4me]

سرو الفرد لو بديتي فيهو لازم تواصلي علشان الشعر مايقع يا اما تقصي شعرك..انا اسي بافرد كل 6 اسابيع وماشي الحال الحمدلله.....واهم شي الترطيب علشان جو السودان الجميل الناشف..لكن لوفردتي ومابقيتي تفردي الشعر الجديد شعرك كلوا بيقع يعني كل ماتطلع جذور جديدة تفردي .....برنامج لكن نسوي شنو.....اخف الاضرار......

[flame4me]

أم صلوحي...ماتخلي الشغالة مع الود براهم...ماتضمنيهم.....انااسي والله شايلة هم لمن كريم يجي ان شاء الله حاضطر اوديه حضانة من عمرو شهرين ونص ياحليلوا لكن ارحم من الشغالة.......لو شاكة في شي يابت طوالي اشبكي ليك كاميرا في غرفة البت الشغالة وراقبيها من غير ماتعرف.......ما اتخيل الكاميرات دي غالية يمكن 500 ريال......بس اهم شي قلبك يطمن...........صاحبتي عندها شغالة وولدها عمرو 3 سنين ياجماعة الود ده بيعمل حركات مامفهومة تمسكيهو ولا تشليهو يقعد يهبش في اماكن مالذيذة ابدا....ماعارفة اكلم امو كيف زاتو........شكيت طوالي في الشغالة حقتهم......حمانا الله غايتو بس......

[saroyaaa]

ناني ازيك يا عسل والف سلامة ليك
ام صالح انا مع كلام الجماعة ديل الشغالات ما مضمونات حتى لو كانت كويسة في النهاية نا سثقافتم مختلفة والاولاد الصغار ديل بتأثروا باي حاجة عشان كدا لازم تراقبيها بالذات في المرحلة دي

[saroyaaa]

فليم والله شكلي كدا حفردوا تاني اعمل شنوا لكن شنوا احسن نوع فرد جربتب بوتونيكالس بالاعشاب

[وطني السودان]

flame
الحمدلله .. ان بخير وكوكي بخير.. الله يوصله يالسلامة .. خلاص الولد جننا دايربنو يطلع بسرعة :) .... يلا يا ستس كلها بعدين تبقى زكرياات لزيزة .. وتبقي مشغولة مع الرضاعة والبامبرز .. هاهاها.. لكن فليمو اوصيكي نوووومي قدر ما تقدري حسي.. لانه بعد الولادة نووم بح ... حتى مافي وقت تخشي الحمام لووول... خصوصا حسي بعد ما بقيت برااي.. اليوم كلو حارسة كرومي.. واول ما يجي راجلي من الشغل امسكو ليهو وابدا اشوف شغلاتي... لكن برنامج حلو برغم التعب.. عقبالك يااارب ... قريييب ...ما ما وصلتك ولا لسة .. واختك ما في طريقة تأجل شوية ... لانه بالجد بتحتاجي ليها بعد الولادة ........

سرويا ... يارب تطمنك الدكتورة .....ونسمع احلى خبر قريييييب ..

ام صلوحي.. والله في شغالات بنات حلال... وبيعاملو الاطفال حلو شديد.. وبيحبوهم.. بس اهم حاجة انتي معاملتك معاها لازم تكون كانها فرد من العائلة ...عشان تهتم بصلوحي العسل..الله يخليهو ليكي يارب.. سكرة ما شاء الله ... والله حسي انا حايصة براي مع كوكي.. ومفكرة اجيب لي واحدة تساعدني.. لكن في البلد دي بالجد مافي .. الا اجيب معاي من السودان..دة لو أدوها فيزا .. غايتو شكلو في النهاية حيمشي الحضانة صغير شديد.. لانه عندي امتحان شهر 4.. وطبعا ما قادرة افتح كتاب .. الله يسهل بس...........

رنويا ... وين يا عسل .. عملات اضافة لايميلك ..في المسنجر..ان شاء الله الاقيكي...... وباقي البنات .. دخلوني معاكم المسنجر........ ايميلي
drnoha_m@hotmail.com


ناني .ربنا يحلك بالسلامة يا رب.. واقري سورة مريم ويس زي ما قالت ليكي فليم طوااالي......

يا بنات فردت شعري اول امبارح خخخخ.... اخر مرة كان قبل العرس... لانه بقى كتير مع الحمل ... زي الليفة ... لووول... حسي اتهجر شوية غايتو .. لكن الله يستر وما يتقطع لي .........

الباقين سلااااااااااام

[هدويــــــــــــه]

ازيكم وطني كيفك كر علي جربت العذاب الله يعينك ويخلي ليكي كرومي طبعا انا بعاني من نفس المشكله مالاقيه بت شغاله وكلو كوم والمكوه كوم براه بس الحمد لله
ام صلوحي كيفك واخبار صلوحي ماشاء الله عسل الله يحفظه ليكي ويخليه والله يام صالح انتبهي شديد لموضوع الشغالات دا في هولندا السنه الفاتت وحد سرقت الطفل ومشت ابقي 1000000 ناني كيفك واخبارك شنو؟الله يحلك بالسلامه ويطمنك عليه هوما كيفك وكيف الشباب الصغار سرويه اخبارك شنو وصحتك كيف بالمناسبه في دكتور سوداني في مستشفى سليمان فقيه انا بنصحك تجيه حتى لو بقيتي تمام ***** الله اسمه مصطفى كامل
فليمووووووو حمد الله على السلامه وين امس انتظرتك ماظهرتي وطبعا بالي بدا يمشي انك رجعتي المستشفى تاني لا سمح الله اخبارك شنو الولد دا بالغ معانا عمل غلبه شديده الله يحلك بالسلامه ويهون ليك
ماريا ومجنونه وريحانه انتو ويييييييييييييييييييين ليكم وحشه وفقدناكم كلنا والله طمنونا عليكم
وكيوت انتي وين القرايه الكتيره شكلك دافووووووووووره الله يوفقك بلدي ازيك وازي الانسه لميس بوسه كبيره ليها من خالتو هدويه
رنويه كيفك واخبارك واخبار البيبي الجديد والسيد حمودي اولا طبعا شيكي الخاص انا منتظراك

[هدويــــــــــــه]

وينكم عسى ماشر

[om salih]

صباح الخير يا بنات

[rnoya]

ازيكم يا بشكااااااااااااااااااااااااااا اااااااااااااااااااااااااااااا اااااااااااات
انا الليله متكييييييييييييفه شديد
طبعا امبارح مشيت الدكتور ونتايج التحاليل كالاتي (تششششششبهو البعاتي خخخخخ)
في التهابات في اليورين ولازم اعمل تزريع (مافي زول يسالني عشان ما عارفه يعني شنو)
الدم ما بطال
والبيبي وزنو 340 جرام خخخخخخخ
وتاريخ الولاده المتوقع 17/4/2007 عزززززززز الحررررررررررررررررررررر
و
البيبي
طلع
اااااااااااااااااااااااااااااا اااااااااااااااااااااااااااااا ا
بنوووووووووووووووووووووووووووو وووووووووووووووووووووووووووووو وووووووووووووووووووووووووووووو وووووووووووووووووووووووووووووو وووووووووووووووووته
ايوووووووووووووووووووووووووووو وووووووووووووووووووووووييووووو ووووووووووووي
والله ما بتتخيلو فرحت كيف لما عرفت انها بت
بصراحه امبارح الصباح راجلي قال لي انا ما عافي ليك لو البيبي ده طلعت عندو حاجه عشان انتي عنيده ومهمله طبعا الكلام وجعني شديد ولما مشينا الدكتور بالليل مشيت والله بي كسرة خاطر كده وفي الطريق ليهو كنت بغني في المناظر هي زاته!!!! انواع النفسيات!!! بيني وبين نفسي حاسة انو ولد لكن لما وراني في الالتراساوند وطلعت بت ما بتتخيلو فرحت قدر شنو وقلت بس ربنا كريم وحنين عارفني من جوة بعاني قدر شنو فزي كانت هديه من السما لانو والله لو كان طلع ولد كانت النفسيا حتزيد لانو في اسرتنا نااااااااااااااادر تجي بت
ما بتتخيلو ماما فرحت قدر شنو..وكل شويه تقول لي نفسها حلااااااااااااااااااته الكمبوشه يا ناس!! وانا اضحك!
وطني وهدويه: والله يا ناس برة انتو غلابه عديل كده لا حولااااااااا ما قادرة اتخيل الحياة من غير بت شغاله!! خصوصا في السودان الوسخان العفن ده
ام صالح: وينك؟ انتظرتو ولما ما جه رحت زرتو !! الشمار حق امبارح شنو؟ ما كلمتك دكتور سمعان امبارح قال لي اني اخدت حقنتين بيثيدين في ولادتي بي حمودي!!! اتخيلي!!!! وطبعا قال لي انسي موضوع حقنة الضهر ده لانو مافي دكتور تخدير حيقعد يحرس ليهو مرة 6 ساعات متواصله لغاية ما تولد!!! يبقى الحل انك تولدي طبيعي وتتحملي او قيصري !!!
ناني: العفو حبيبتي على شنو؟ يلا انتي شكلك فهمتي الموضوع غلط,,انا مزهجني اني حمر بي تجربة وجع الولاده تاني لانو في ولادتي الاولى تعبت شديد لدرجة اني كرهت الولاده وحمودي ولدي انا ما عندي اعز منو في الدنيا دي لكن كفاية علي يعني بفتكر انو مافي اي داعي عشان اجيب لي طفل تاني تجيني نفسيات واتازم كده! بس..لكن على رايك كلو من ربنا والحمد لله على كل حال وكدي نشوف موضوع القيصري المرة دي كيف
فليم اها شختي كم شخته لغاية هسه؟؟
سرو طمنينا كلام الدكتورة شنو الليله؟
الباقين اظهروووووووووووووووووووووو
لي قدام

[rnoya]

بلدي: احسن بعد ده تحترمو نفسكم انتي ولميس
حنستلم العرش نحن وييييييييييييييييك العرسان كتااااااااااار: كريم1 وكريم 2 وايسر ود هوما وصلوحي
طبعا راجلي امبارح بشاغل فيني في العربيه انو لازم تطلع مبغبغه وبيضه فقلت ليهو مبغبغه ممكن بيضا دي اتحكم فيها كيف؟ فقال لي ما ممكن مع الفايتمن تاخدي ليكي لحسة ديانا ؟ خخخخخخخخخخ
ياخي انا من هسه بفكر في القنابير واني حشتري ليها حلق واني حدق ليها 3 غوايش وحشتري ليها الفساتين البتكون قصييييييييييييرة ولون الكنفوس (الاندر وير) نفس لون الفستان ومعاهو بلبله نفس اللون عشان القنبور خخخخخخخخخخخخخخخخخخخخخ
فافتكر تتخارجو
هي !!! هدويه زاته لووووووووووووووووووول
هييييييييييي يا بلدي وهدى انا بعد ده حاشتغي ليكم في الازرق وماشه لي فكي فلاتي اكتب بناتكم عندو الاحسن تسحبوهم من السوق بالزوق خخخخخخخخخخ

[om salih]

رنووووو كيفك ؟ والف مبروك
فرحتيني بالمعنويات الاتصلحت شفتي الاطفال ديل حاجة حلوة كيف رغم التعب
ومن كلامك حسيت اني كدا زي غرت

[rnoya]

ام صلوحي كيفك؟
يا بت لازم تغيري وتخشي في البرنامج الجميل ده
ما بتتخيلي انا فرحانه بالبنوته دي كيف وبتخيل فيها من امبارح بتلعب وبسرح ليها شعرها وعاوزة اشتري ليها الباندات السغيييييييييييييرة بي الوان فساتينه والله يا ام صلوحي البنات طفولتم حلوة شديد
يعني لو في حاجه في الدنيا هونت علي الالم النفسي والخوف وفلم الرعب الانا حاسة بيهو حتكون انو البيبي طلع بت
الف حمد وشكر ليك يا رب كدي تعالي لي في الخاص عشان اوريكي حاجه حلوة شديد

[flame4me]

أذيكم............. مبرووووووووووووووووووووووووووو ووووووووووووووووووووووووووووك رنو الف الف مبروك شفتي ربنا كريم كيف يازولة ده احلي خبر على الصباح كده......البنات حلوات جد والله الله يفرحك بيها ويديك ساعة هينة ولينة يارنو لانك تستاهلي كل الخير حبيبتي..........أم صلوحي ...اها متين حتقولي لينا اخبار حلوة مادام غيرتي؟؟؟دايراة اسالك احسن مانع بعد الولادة شنو صحي...ورايك شنو في طرق تحديد جنس البيبي.....؟؟؟؟

[rnoya]

يخوانا ادوني اسم موقع تحميل غير طق طق الغبي ده

[om salih]

رنو هاك دا ظريف
http://www.up07.com/index.php

[saroyaaa]

نووووووووووووو الف مبروك يازولة انا فرحت ليك شديد عشان طلعت بت طبعا البنات حلويين شديد وطفولتم رهيبة يارب يارنو المرة دي ولادتك تكون سهلة وما تحسبيها زاتو
باقي البنات مشتاقين شديد لكن والله الليلة مشغولة لانوا السفر يمكن يكون بكرة والدكتورة مواعيدا العصر ***** الله

[om salih]

فليم اللولب كويس

[flame4me]

وطني مبروك الفرد يا بت تغيير لذيذ برضو......والله النوم ياوطني من اسي بقي قاسي ضيق النفس والحرقان ......الله يسهل بس....اسي مأجزة يابنات لكن من ما راجلي يطلع بخاف ومابقدر انوم مع انو اختي في....الله يسهل بس... هدو ياسعول معليش اليويمن ديل والله كل يوم طلعة بالمساء لكن باعمل ليك مسكول ونتلاقي مكسب..مشكلتك كمان انك نوامةةةةةةةةةةةةةةةةةةةةةةةةةة ةةةةةةةةة,,,,كريمو كويس والحركة كويس الحمد لله غايتو...الله يجيبوا فعلا شيب لي راسي.....

[om salih]

سروية بالسلامة ان شاء الله
وان شاء الله تسمعي من الدكتورة كلام كويس

[om salih]

فليم بتتمشي ؟؟؟

[flame4me]

سرو يارب الدكتورة تقول كلام حلو وتسافري بكرة حبيبة........طمنينا عليك الله اول ماتجي..وبالمناسبة من السودان حتقدري تدخلي ولا لأ؟؟؟؟

[flame4me]

أمبارح اتمشيت شوية والله مفروض كل يوم امشي كم ساعة كده؟؟؟؟

[om salih]

كل ما اتمشيتي اكتر كل ما كان احسن

[om salih]

رنو مشيتي ويييين

[rnoya]

يا ام صالح صندوقك مليان
وكنت عاوزة ارسل ليكي صورة لكن طلعت كبيرة شديد وانا ما بعرف اصغرة
تعالي لي في المسنجر سريييييييييييييييع

[om salih]

رنو فضيت ليكي الصندوق انتي مشيتي وين

[وطني السودان]

ازيكووووم ...........

رنوووووووو..... الف مبروووووووووووووووووووووك ... بالجد احلى خبر ... ربنا يحلك بالسلامة ويديكي اجمل بنوتة ...........

فليمو ... يلا قربتي خلاص .. هاااااااااااانت

سرويا طمنينا عليكي ............

[om salih]

رنو الحاصل شنو ؟؟؟؟؟

[rnoya]

والله يا ام صلوحي حظ طين بس
يلا حاولت ارسل ليكي الصور وقلت ليكي طلع حجمهم كبير شديد
ورسلتهم ليكي بالمسنجر لكن انتي ما استقبلتيهم ما عملتي اكسبت !!!! وهسه روحي محرقانيييييييي عاوزة اوريكي ليهم !!!!!!!!!!

[om salih]

:(

[flame4me]

بنات............كيفكم..مشيت شوية رقدت وجيت......دايرة اسالكم...عندي خالتي اصلها ما اتصلت بي لمن كنت في المستشفي....خالص لا هي لا بناتها..ولا حتي رسلت مسج...واسي بتتصل... بتتصل بعد كم يوم يعني 3 يوم من ماطلعت... واصلا لوماما ماشاكلتها ماكانت اتصلت.....وانا مادايرة ارد.....رايكم شنو ارد ولا لا؟؟الصراحة باقول مادام هي مااتصلت من محنتها وخوفها على مافي داعي تتصل اسي...مش؟؟؟؟ومافي داعي اخسرها انا فلوس الاتصال توفرهم احسن....

[rnoya]

لووووووووووووووووووووووول لقيتك ساطور شديد
ما تردي على المرة الغيازة دي يا لولو الما خاف عليكي كم نفسو ما بلزمك خوفو لما يهرشوهو
انواااااااااااااع الشر خخخخخخ

[flame4me]

الله ياخي في حاجات غيازة كده بتخليكي تبقي ساطوووووووووووووووووووووورة مؤسسة,,,,,ناس ماعندها دم جد.....:(

[وطني السودان]

فليم ..ما تردي عليها............:30:

[saroyaaa]

ازيكم يا بنات طبعا مشيت الدكتورة وقالت لي انو العلاج ما جاب نتيجة ولازم اقعد عشان اخد حقن:( اتخيلوا المبيض فاضي انا طبعا مضايقة شديد من الحكاية دي

[هدويــــــــــــه]

السلااااااااااااااااام عليكم كيفكم واخباركم كلكم من دووووووون فرز
سرويه لو عنك اي طريقه تعالي جده و***** الله خير يارب
فليمووووووووووو ازيك (ياوليه )انت ماولدتي لسهه حقو احمد يخليك قدامو ويسكك ولا يعتر ليك ولا اي حاجه عايزن نشوف كرومي خلاص ونفرح بيه
رنويه الف الف مبروك ويارب تطلع شبه امها بس خلاص ابدي اشتري في العده للبت عشان لمن يجي العرس ماتكوني مشلهته خخخخخخخخخخخخخخخخ مجنونه صح كلو كووم وفطور العريس دا كوم تاني شيلي شيلتك
ام صلوحي كيفك واخبارك شنو ؟وطني كيف كرومي؟وين ياام لميس انتي مختفيه
ياجماعه باقي البنات وين
ريحانه وناني وكيوت وهوما وماريا والباقين البطلونا وتاني مابجو نكون نحنا برايين

[om salih]

صباح الخير يا حلوات
فليم انا في راي تردي
شوفي الواحد التوريهو انك زعلتي منه معناها عاتبتيهو معناها انه لسه مهم عندك
بس البتسقطيهو من حساباتك دا ردي عليهو بكل بساطة واهلا الله يسلمك بس الاموربيناتكم بتكون سطحية وما بيطلب منك مجاملة تاني
وبعدين ما حلوة انك تخاصم ليك زول من الاهل والله عشان نفسك اولا واخيرا ما عشانها هي بتتوتري ساكت
والكلام دا ما تعتبريهو مثاليات دا بعد تجارب كتيرة من النوعية دي
بقيت بس بزح الواحد علي جنب وما بفكر فيهو كتير و وبكون معاهو رسمي شديييييييد وبس


فعشان كدا في راي تردي عليها وما تبيني انك زعلانة وبيجيها موقف مماثل تردي فيهو

[Cute_niNO]

إزيكم يا شابات يا حلوات
ما شاء الله عيني عليكم بارده...
إشي Business ... و إشي Make over... روقه شديده... إن شاء الله دايما مروقين...
معليش يا جماعه... الزنقه حاصله بشده...
دعواتكم بس...

قلت اقرا إللي فاتني و ارد قبل ما امشي انوم لان ما حأصحى Any time soon (مع انو الدنيا ظهر)... لكن في نومات (جمع نومه خخخخخخ عربي اخر زمن) بتاعة كم يوم كده ناويه أعوض ع الاقل نصفها...

[Cute_niNO]

رنو...
المصيبه إني ما بعرف ازغرت... وإلا كان لميت ليك السودان و الدول المجاوره....
و الله تستاهليها...

مليون مبروك... اولا علشان طلعت بنت و ثانيا علشان مزاجك اتعدل...

ربنا إستجاب لما قلت ليك إن شاء الله تكون بنت...
و يا رب تجيك كده بسهوووووووووله و تعملي فيها إللي إنت عايزاه....


كيوت انا ده كلو قايلاكي في بريطانيا!!! والوداكي البلد الطيرة عجم دي شنو يا بتي؟؟


يا ريتا كانت بريطانيا!!!...

طيرا عجمي ساي!!! ... و المصيبه مرات كمان بجمي...

مرات بقول غلطه.. و مرات ورطه و مرات ظابطه....

حاااااله صعبه...

طبعا كيوت وماريا بتكلمو عن كمية من الهلام كده عجيبه..كميه من الانجلوسكسونيا خخخخخخخخخ

خخخخخخخخخ... و الله عرفتي ليها...

حالتنا تحنن صح؟!!!


دكتور سمعان امبارح قال لي اني اخدت حقنتين بيثيدين في ولادتي بي حمودي!!! اتخيلي!!!! وطبعا قال لي انسي موضوع حقنة الضهر ده لانو مافي دكتور تخدير حيقعد يحرس ليهو مرة 6 ساعات متواصله لغاية ما تولد!!! يبقى الحل انك تولدي طبيعي وتتحملي او قيصري !!!

عندي عمتي ولدت في مستشفي الشيخ التخصصي... كانت ماخده الحقنه دي... أعملي ليهم check يمكن تلاقي عندهم معلومه تفيديك....
Good Luck

[Cute_niNO]

صلوحي لما كان عمره 4 شهور
شفوتا شنة زي دي ؟؟؟؟؟؟؟؟؟


أم صلوحي...
عندك العسل ده كلو و داساه مننا؟؟؟

انا من الان خاطباه لبنتي أسيل... (بنات اخر زمن صح؟ هما إللي الاولاد يخطبوا خخخخخخخخخخخخخ)
الله يخليه ليك و قريب تجيبي ليه اخت عسووول زيو كده...


انا كمان كنت قايلة كيوت في بريطانيا
ما عارفة الادانا الاحساس دا شنو وبالمناسبة اعتقد كل البنات فاكرين كدا عشان كدا مافي زول سالها


فعلا... غريبة... كلكم يكون عندكم نفس الإحساس...

يكون بسبب حاجه انا قلتها؟!!! May be

على كلٍ هي غلطتي ... من البدايه.. كان المفترض اذكرا ضمن التعريف...

يللا سامحونا....

[Cute_niNO]

فليم الحمد لله إللي رجعتي لينا بالسلامه... و عقبال ما ترجعي لينا و كرومي بين إيديك...
غايتو دكاترة الهنا ديل غير ما جهجهوك و قلقوا بينا ما عملوا حاجه... الله يهديهم...

كيوت طلعتي في ماليزيا....؟؟؟انا ماعارفة قايلاكي في بريطانيا برضو......ماليزيا حلوة......بالذات لنكاوي..يا الله انا خليت حتة من قلبي هناك...سبحان الله جد.......برضو مشينا مكان اسمو بوكيت تنجي...جميل وهادي ورومانسي.....بينانج ماحبيتها ابدا....وجنتنج هاي لاند يعني تعبت في السفر ليها لاني باتعب من الطريق الفيهو لف طويل.....تاني كوالا لامبور مكسب لكن ماحسيت فيها برامج رهيبة...

ماليزيا... حلوه و الفسحه فيها لذيذه... و كمان ما بتكلف كتير...

ليه ياخي... Penang لذيذه... فيها معابد إبداع... و كمان Penang Hill يا الله... حتى
الBeach بتاعها رهيب (و لو انو ما احلى من بتاع Langkawi)

Gunting Highlands حلوه لكن الاحلى Cameron Highlands مبااااااااااااااااااااااالغه.. . أعلى بكتير من Gunting Highlands و فيها مزارع الفراوله... مزارع الشاي... و حدائق زهور
و فراش.... ولا الجو... ااااااااه ... جد بتكون ماعايز تغادرا

KL إللي هي (Kuala Lumpur) مرض بمعني الكلمه ... يومي الأمشي ليها بكون عايزه أموت و منتظره متين اتخارج... زحمه ما إعتياديه... بس بتذكرني أيام جده... نفس الجو الخانق...

بنات............كيفكم..مش يت شوية رقدت وجيت......دايرة اسالكم...عندي خالتي اصلها ما اتصلت بي لمن كنت في المستشفي....خالص لا هي لا بناتها..ولا حتي رسلت مسج...واسي بتتصل... بتتصل بعد كم يوم يعني 3 يوم من ماطلعت... واصلا لوماما ماشاكلتها ماكانت اتصلت.....وانا مادايرة ارد.....رايكم شنو ارد ولا لا؟؟الصراحة باقول مادام هي مااتصلت من محنتها وخوفها على مافي داعي تتصل اسي...مش؟؟؟؟ومافي داعي اخسرها انا فلوس الاتصال توفرهم احسن....


لووووووووووووووووووووووول لقيتك ساطور شديد
ما تردي على المرة الغيازة دي يا لولو الما خاف عليكي كم نفسو ما بلزمك خوفو لما يهرشوهو
انواااااااااااااع الشر خخخخخخ

فليم ..ما تردي عليها............:30:
معليش... لكن انا ما بتفق معاكم في النقطه دي..
حبيبه .... أي نعم قد تكون غلطت في حقك ...لكن ... دي خالتك...
و يا ستي... خليك الاحسن و شيلي إنت الاجر...
المسله غياظه شديد.. لكن لما الحكايه يدخل فيها أرحام و ذنوب...
It will need to be carefully examined and evaluated
(غلبني أركبها بالعربي... الحاله بقت صعبه)

[Cute_niNO]

كيوت انتي وين القرايه الكتيره شكلك دافووووووووووره الله يوفقك


هدو... كيفك؟!!!!

والله هي كتيره و أنا خلاااااااااااااص ... عايزه بس أرجع بيتنا....

إن شاء الله كل امورك مشت و ما إحتجتي لوش الكلب...

بوسه للنونو....

[Cute_niNO]

والله الليلة مشغولة لانوا السفر يمكن يكون بكرة والدكتورة مواعيدا العصر ***** الله

سروووو... نقول حمد لله ع السلامه خلاص؟! إن شاء الله تكوني وصلتي بالسلامه...
ولقيتي كلام جميل عند الدكتوره....

[Cute_niNO]

وادعوا لي عقبالي انا اطمئن ايضا لانه ايضا ذهبت المستشفي عشان اعمل الترا ساوند
وطلع انه في وريد ببيدخل الدم للمشيمه بيدخل دم بسيط وقالوا انه خايفيين ياثر علي
نمو البيبي واصلا قبل كده كانوا متخوفيين من عدة اشياء حسي قالوا حيراقبوا نمو البيبي
وقالوا الشي الوحيد الممكن تساعدينا بيه هو تعدي حركة البيبي
والله قطعوا قلبي لانهم في البدايه ما شرحوا لي اي شي الحمدلله علي كل حال
وربي يسهل علينا ونرزق بالطفل المعافي وبصحه جيده


ناني...
الله يطمئنك ع البيبي و ما تقلقي... كلو حيكون تمام....

[Cute_niNO]

وينك يا ماريا...
ما تخلي كمية الهلام دي على قول رنو تعقدك... انا شخصيا عقدتني فتره كده و قررت افتح ليها
يللا اظهري....


المجنونه... ما ممكن يعني تسجلي غياب قدر كدا ... نشيل Attendance تاني ولا شنو...
اظهري....


هوما... و شبابها الصغنونين...

بلدي... و لولو

وطني... و كوكي...

روز...

ريحانه...

وينكم....

و ازيكم؟

إن شاء الله كويسيين

[Cute_niNO]

عدم النوم مصيبه...

طبعا يادوب شفت ردود ... ام صلوحي و سرووو..

معليش ... أعذروني...


ازيكم يا بنات طبعا مشيت الدكتورة وقالت لي انو العلاج ما جاب نتيجة ولازم اقعد عشان اخد حقن اتخيلوا المبيض فاضي انا طبعا مضايقة شديد من الحكاية دي


سرووو حبيبه ولا يهمك بتتسهل... الله يعينك ...

شكلوا ربنا عايزك تنتظريني و نرجع بنفس الوقت... مع إني راجعه عن طريق الدوحه...


صباح الخير يا حلوات
فليم انا في راي تردي
شوفي الواحد التوريهو انك زعلتي منه معناها عاتبتيهو معناها انه لسه مهم عندك
بس البتسقطيهو من حساباتك دا ردي عليهو بكل بساطة واهلا الله يسلمك بس الاموربيناتكم بتكون سطحية وما بيطلب منك مجاملة تاني
وبعدين ما حلوة انك تخاصم ليك زول من الاهل والله عشان نفسك اولا واخيرا ما عشانها هي بتتوتري ساكت
والكلام دا ما تعتبريهو مثاليات دا بعد تجارب كتيرة من النوعية دي
بقيت بس بزح الواحد علي جنب وما بفكر فيهو كتير و وبكون معاهو رسمي شديييييييد وبس


فعشان كدا في راي تردي عليها وما تبيني انك زعلانة وبيجيها موقف مماثل تردي فيهو


ام صلوحي... انا معاك.... كلامك مظبوط
معليش قريت ردك بعد ما رديت....
هدو...

اه الليله جاكي البراي جد (أنا... أنا... أنا... أنا... أنا) و أعوذ بالله من كلمة أنا...
إن شاء الله كويسه

[بلدى ياحبوب]

ازييييييييييييييييييييييي كم يا بنات مشتاقين كانت عندى كميه من الشغلات الاسبوع دة ومشيت اشتريت لى لولو هدوم الشتاء لانو ماشاء الله العيال بكبروا بسرعه...
فليم العسل حمدلله على السلامه وانشاء الله دايما منورة وربنا احلك وتشيلى كوكى العسل...
رنو مبروووووووووووك البنوته وانشاء الله تطلع بالسلامه .. اسمعى ابعدى من ايسر دة بعييييييييييييييييييييييي د باقى البلى خليتو ليك انتى وهدويه خخخخخخخخخخخخخخ..بدون فكى:) .
هدويه حبيبتى اخبارك ليك وحشه والله عامله شنو وماما كيف وتوته العسوله بوسيها لى وربنا اوصل ابو الشباب بالسلامه ويحنن قلبو بس انتى اعملى اللازم:22: .
ام صالح حلاااااااتو صلوحى ربنا اخليه ليك.
كيوت كيفك حبيبه والله انا زاتى قايلاك فى بريطانيا لكن ما مشكله ماليزيا احلى :22: اها اخبار الكسر شنو؟
سروووووويه ازيك يا عسل وما تخافى وتقلقى ابدا وانشاء الله مافيك الا العافيه وزى ماقالت ليك هدويه امشى جدة قيها دكاترة ماشاء الله انا صاحبتى اتعالجت عندهم كان هرمون اللبن زايد عندها لو نويتى بجيب ليك التفاصيل.
نانى الف سلامه عليك وماتشوفى شر وربنا اطمنك على البيبى.
هوما ام عريسنا وينك اختفيتى تانى؟
وطنى كيفك وكيف كرومى العسل بوسه لى ..ماشه السودان متى؟
مجنونه وريحانه وماريا وكل الباقين سلاااااااااااااام مربع.

[بلدى ياحبوب]

فليم نسيت اقول ليك رى فعلا على خالتك لانها رحمك وزى ماقالو البنات حتحسسيها انها غلطانه وانتى الاحسن والايام دول (مسلسل عربى ) خخخخخخخخخخ.

[بلدى ياحبوب]

يا بنات وينكم..
الوووووووووووووووووووووووووو
ام صالح وكيوت صباح الخير..
يا بنات نسيت اقول ليكم انا الليله صايمه لى 5 ايام وخلاص خلصت عقبالكم.طبعا الجو بارد واليوم بتقضى بسرعه.