على ضفاف النيل (ملتقى حواء السودان) الجزء التاني .................

[Cute_niNO]

طبعا نفس المشكله يا saroyaaa....الإرادة ... معاها عدم صبر...

ما بقدر أجبر نفسي ع الأكل...

وبالمناسبة انا مشكلتي في quality دي زاتا لأنوا ان اصلا بحب الحاجات الدسمة والبتسمن

في الحالة دي يبقى عليك بالرياضة... و ما ضروري تمارين قويه أو طويله...ممكن تبديها مشي لمسافات تزداد تدريجيا... خصوصا بعد ماتاخدي حاجه دسمة ...

السعوديه مافيها مشي بيقولوا عليه ... ممكن تبدي لما ترجعي السودان ...في الأمسيات مع أختك أو صحبتك ولا حتى مع أبو الشباب ... و اهو.... تبقى رياضة و Romance
:26:
:26:
:26:

[... nani ...]

ناني ربنا يحلك بالسلامه انتي وفليم بالمناسبه انتي عايشه وين بالضبط في بريطانيا اخوي في كان ادنبرة وهسه شغال في حته تانيه بس ما مستحضرة الاسم وزهجاااااااااااااااااااااااااا اان عشان ما لاقي فيها ولا سوداني


هلا رنو انا في اوكسفورد وفيها سودانيين كتتتتتتتتتتتتتتتتتتتار :42: لكن صراحه انا ما عندي علاقات كتيره وبالنسبه لي ادنبره انا مشيت لها قبل سنتيين ومليانه سودانيين والله السودانيين في اي حته في بريطانيا :hahaha: ربي يعينا علي الغربه ونرجع سالميين لي اهلنا اميين

saroyaaa
حبيبتي احسن شي لنقص الوزن هو الرجيم و ابعدي من الحبوب كلها ليها اثار جانبيه وافضل ليك انزلي من الان قبل ما يجوا الاطفال ويزيد وزنك زياده يارب يرزقك بالذريه الصالحه يارب
انا جربت الرجيم مع مجموعات النحافه في المنتدي والله يشجعوك انا نقصته من وزني كتير لكن مشييت الامارات ههههههه ورجع النقصته بزياده :(

افضل طريقه هي التخفيف يعني نفسك في اكل حلو اخدي معلقه بس والغي السكر من حياتك يعني شاي اشربيه بي حبوب السكر الخصصه لي ناس السكري وابدي عن المشروبات الغازيه واذا نفسك فيا اشربي ليموناده غازيه وابعدي عن الدهون حبه حبه والله تلغي نفسك اتعودتي وربي يوفقك.
ادخلي قسم علاج السمنه والنحافه بالمنتدي وسجلي في المسابقه محاربة السمنه وواصلي معاهم وحيساعدوك بالتشجيع :16:

[بلدى ياحبوب]

ازيييييييييييييييكم يا عسسسسسسسسسل...
ماشاء الله ماشاء الله ناس بريطانيا منورييييين اليوم وشادين حيلهم ***** الله دايما معانا..
سرويه كيفك وما تكسلى وشدى حيلك فى الرجيم وبالتوفيق..
رنو ازيو :)
كيوت كيفك يا عسل وشايفه فى تقدم كبير فى العربى واصلى عشان تتعلمى من رنو عربى الشماسه لوووووووووووول.
هلا نانى وربنا ***** الله احلك بالسلامه انتى وفليم وتزيدوا لينا عدد العيال:)
الباقين ازييييييييييكم ودة سلام سريع وبجيكم بكره لانى عندى اليوم ميه شغله فى البيت :(
بااااااااااااااااااااااااااااا اااااااى

[Cute_niNO]

سلام...
رنو العسل... طبعا الحاله صعبه جداً... القرايه الليله جد غالباني... من الصباح قاعده أقرا في ردودكم القديمه ...
و إكتشفت إنو رنو إعصار لايرحم عند الغضب و كل مظاهر الحقاره...

أنا عندي كميه من الرؤوس التي اينعت و عايزاكي تشاركيني قطافها لمن اجي السودان ...رايك شنو؟

مشروع ساطور يعني شنو؟!!! شكله؟؟!!!

[مجنونة أمها وأبوها]

ازيكم
البرلومة شرفت
تعالوا أحكي ليكم المآسي بتاعة الجامعة


أول ملاحظة الجامعة شكلها قبيييييييييييييييح وشيييييييييييييييييييييييين ووسخااااااااااااااااااانة لسة بصينو فيها !!!!!!!!!!!!!!!
ومحل ما تمشي طوب مكسر واسمنت وحالة بالبلى
والحالة قالوا مبانينا احسن مباني في الجامعة كلها

تاني حاجة عندنا اساتذة بايخين بشكل
من السبت الفات ما أدونا غير محاضرة وحدة بس تقول شاحدينها
وباقي الأسبوع كله احنا قاعدين ملطوعين
والليلة اتكرم علينا استاذ تاني وادانا محاضرة

الصباح دخل استاذ الانجلش ولمحاضرة مفروض كمبيوتر
البنات قالوا ليه دي ما محاضرتك قام مرق
لما جات محاضرته ( حرد ) وما ادانا ليها !!!!!!!

دا كلو كوم والعميد كوم تاني
اول حاجة عنده مشكلة مع العبايات والاسكيرتات الطويلة !
اي بت لابسة كدا ينهرها !!!
والذ حاجة مافي ولد يدخل ليهو الا يكون شاكي القميص !!!!!!!!!!!!!!!!!
ما قادرين نفهم الحكمة من كدا شنو

ولا الكافتريا
شغلوها اول يوم وتاني قفلوها
يعني مطلوب مننا نقعد كل يوم من 7 ونص صباحا لغاية 2 ظهر بلا اكل ولا شراب !!!!!
ولا نمشي مشوااااااار للكافتريا بتاعة الاحصاء


بالنسبة للموية
في كولر بتاع طوب ( عشنا وشفنا )
والكولر العادي جابوه الليلة طلعو جايبنه من جمعية خيرية !!!!!!
الله يحيينا لغاية ما يشغلوه


فاضل المصلى
عبارة عن اوضة مترين × متر يصلوا فيها بنات الكليةكللللللهم
تخيلوا !




باختصار
اوضاع مأساوية
وشكلنا شربنا اكبر مقلب في حياتنا






الطلبة والطالبات ( البتاع دا بقى بحث عديل كله عناوين جانبية هههههه )
وزعونا ناس طب المجتمع في قروبات
القروب بتاعنا 9 ببنات و 4 اولاد ( ما يفوتكم طبعا 85% من الطلاب بنات )
الاولاد بتاعننا فيهم 3 حَلَبة
واحد فلسطيني عيش في الإمارات وواحد في السعودية
والتالت اردني ( الليدر بتاعنا تخيلوا روعة المنظر )

قالوا لينا نمشي ناس المجلس الطبي
الراجل نهر ليك الليدر بتاعنا المسكين نهرة
ياخ ما ناقصنكم انتو كمان انا ما فاضي !!!!!!
يعني طردونا رسمي
لو شفتونا نجرجر اذيال الخيبة ومنظرنا نكككككككككتة



ماسااااااااااااااة


C U يوم الخميس الجاي

[om salih]

سلام يا بنات
اولا شكرا كتير يا cute فتح معاي وينك من زمان
يلا يا رنو رسلي لي ايميلك عشان اجرب
الباقيــــــــــــــــــــــــ ـــــــــــــــــــــــين كيفـــــــــــــــــــــــــــ ـــــــــــــكم

[rnoya]

ازيكم يا بشكااااااااااااااااااااااااااا ات
مشتاقين طن كدة
امبارح كنت مبرية بي انواااااااااع الكور ياخ انا راجلي مرضان الكورة ده ما عارفه اعمل معلهو شنو ؟؟؟والكارثه انو الليله برضو في زي 30 كورة ولو اعرف منو البديهو شمارم برتاح!! النوع البدخل كرت ويطلع كرت في الديجيتال عشان يتفرج على الكورة اااااااااااااااااااااااااااااا اه وانا اتبري !!!
كيوت نينو: شوفي لو عشتي في السودان وكنتي حمقه زيي كده صدقيني مع انواع الناس الموهومه الحيلاقوكي حتبقي اكبر ساطور (بالمناسبه ساطور ده لقب اطلقو علي راجلي كنايه عن الشكل والقطع الجاف) يعني انا زاتي ما بقيت ساطور من هين والله الحقارة حارة والظلم ده شعور مر خلاص ثم ثانيا انا البجبرني شنو استحمل زول فقاع؟؟ليه؟امسك لي واقطع ليك وخلاص انا ما بحب وجع الراس بس قوي قلبك وما تجاملي وخلاص بترتاحي من اوهام كتيره خلاص واساسا مافي محنه بين الناس زي زمان اي زول بلقى فيكي فرقه بدخل ورقه !!! ف بقى الموضوع nothing 2 lose ويا بتي بس وريني المزهجك منو في الدنيا دي عشان اوريكي الطريقه المثلى لي انو يختفي تماما من حياتك خخخخ
طيب سمستر 7 ده انتي ما خلاص مفروض فضل ليكي سمستر واحد بس مش كده؟؟ يا بت اكربي الحزام وكتلوك ولا جوك جوك !!
مجنونه يا بت الجامعه ياما فيها صدمات وماسي ياما حتشوفي لسه كمان ما دخلتي في صدمتك في الناس الحولك والذئاب البشريه لووووووووووووول طبعا ماما يا مجنونه الله يديها العافيه كانت بتحاول تقنعي انو اي ولد في الدنيا عبارة عن ذئب بشري واي ولد يلقاني مطرفه تعبت معاهو خخخخخ يعني عشان ما اتهور واحب وكده مساكين امهاتنا ديل خخخخخخ
سرو ازيك: اسمعي انتي بتاكلي تبعا للنفسيات؟ كدي حاولي جاوبي السؤال ده بينك وبين نفسك عشان تعرفي تبدي من وين
بلدي والله زمان كنت مرجع في بشكات الشماسه ونوع كنت بخترع فيها من كتر ما ابدعت واتميزت فيها لكن النيو لوك بتاعي بقى ما بديني مجال انبشك الا مع صاحباتي فبقت لغتي تضمحل زيها زي اي مهارة غطاها تراب الزمن خخخخخ(كيف وانا احسان عبد القدوس أجنن صح؟)
ام صلوحي tima655الهوت ميل يلا اظهري
الباقين ازيكم بدون فرز

[rnoya]

عاوزة اسالكم يا بشكات
بعملو لي اضافه دايما اولاد سعوديين بقولو انو في بنات هنا ادوهم ايميلي بحصل معاكم كده؟ لاحظو انو الاضنين الحمر دي انا بكرهه شديد !!!

[saroyaaa]

زيكم يا بنات صباح الخييييييييييييييير
كيوت كيفك يا سكر انا طبعا الرياضة قصتي معاها قصة جننت راجلي دايرة اخش نادي ولمن خشيت مشيت اسبوع واحد بس وتاني ماشافو وشي حكاية صعبة خلاص لكن انا بحب المشي شديد والله زمان كنت مشاية كيف واسي برضوا هنا بحاول اتمشا كتير
ناني كيفك حبيبتي والله كلامك صح احسن حاجة التخفيف عشان الواحد ما يحس نفسوا محروم انا مشكلتي بموت في العيش لو ما اكلت عيش زي الما اكلت غايتوا اسي بجب العيش الأسمر دا
رنو كيف يا بشكه يابت والله نفس مشكلتي راجلللللللللللللللللي مطلع عيني بالكورة انت عارفة احنا طوالي في حالة شكل على التلفزيون طبعا جايب الكرت ومستلموا هو واي كورة بشوفا من نصها من ربعها المهم كورة والله انا كرهت الكورة دي كره مع اني زمان كنت بتفرج في كاس العالم وكدا لكن اسي راجلي خلاني اكجنا كجين واكرها بي الله واحد بالنسبة للأكل فعلا انا باكل مع النفسيات يابت انا لما اكون مضايقة ولا زعلانة بهجم على المطبخ هجوم لمن بتخلع من روحي
بلدي كيف الأخبار وكيف البنوتة العسل
ام صالح الأخبار شنو وكيفو صلوحي
مجنونة يا حبيبة انت لسة ما شفت شي انا قبل ما اخش الجامعة كنت شايفة الحيا وردية ببنفسجي لكن الجامعة ورتني الوش التاني للدنيا المهم خليك زولة من الاول فارضة شخصتك كدا عشان مافي زول يلقا فيك فرقة

[flame4me]

أذيكم يابنات...اخباركم شنو كلكم انا تمامالحمد لله بس الليلة المديرة حقتنا نقلوها دبي وجابوا لينا ناس جداد في مكتبنا....في منهم شاماهم وفي منهم مكسب معاهم...ادعوالي بس.....المهم انتوا كلكم كيف؟؟؟ناني انا ولادتي زي بعد شهر واسبوع كده ان شاء الله...ادعي لي عليك الله وانتي كمان ربنا يحلك بالسلامة....اها يابنات شماراتكم شنو الليلة.؟؟؟؟؟

[بلدى ياحبوب]

صباح الخير يا بنات اخباركم ايه الليله ...
مجنونه كيفك حبيبه والله يعينك على ما بلاك:) لكن تصدقى بعد شويه حيعجبك الوضع بعد تكونى صداقات على العموم مستنيين شماراتك..
الباقين كيفكم..

[بلدى ياحبوب]

يا بنات الشتاء جاكم؟؟؟
نحن فجاه كدة جاء مع اولادة واهلو الله يعين بس على برد البلد دى :( بعد شويه الدفايات حتشتغل.

[Cute_niNO]

ازيكم يا شباب

مجنونه يا بتني قولي بسم الله... حالتك لسه ما كملتي أسبوعين...
غايتو حاجات كتيره في السودان احسن الواحد never keep high hopes on them
بتتعدل إنشاء الله...



Om salih
لا شكر على واجب... اي حاجه نحن في الخدمه...
بوسه لصلوحي...



رنو.... إزيك

وااااااااااااااااااااااااااااا ي أنا من الكورة... شوفت زول بيحضر فيها ساااي بتهيج علي كل أنواع الآلام
الله يصبرك...


ياريت كان باقي سمستر واحد بس ... ثلاثه في عين العدو...
و المصيبه انو مخزون الصبر اللي عندي خلص... لو عارفه مكان اشتري منو PLZ دلني علييه


بالمناسبه إكتشفت انو شهادة الIT ما بتأكل عيش... علشان كدا... أنا قررت أدرس في معهد فنون الشكل و الشيطنة و أتخرج بشهادة ساطور....و من الآن عايزه أسجل عندك... لأن كمية الناس الغايظني و مزهجني في الدنيا دي مبالغه ... سودانيين و غير سودانيين... و زي ما قلتي ...قررت اخفيهم من حياتي FOREVER


سروويه ازيك ...
شفتي المشي ده... أمسكي فيه قوي لأنو جد بنقص... طبعا ده المجنني و مكملني... كل ما اقول حأقللو ما بقدر لأني بحبو شديد علشان هو Relaxing
لو كنت زعلانه ... مبسوطه... في التلفون... أو الجو حلو ... تلقيني على طول نزلت و مشيت 2 أو 3 كيلو


flame4me
إزيك و إزيو كرومي... ربنا يحلك إنت و ناني بالسلامه...


الباقيـين كيفـكم

[Cute_niNO]

عاوزة اسالكم يا بشكات
بعملو لي اضافه دايما اولاد سعوديين بقولو انو في بنات هنا ادوهم ايميلي بحصل معاكم كده؟ لاحظو انو الاضنين الحمر دي انا بكرهه شديد !!!

أنا كانت بتحصل لي لكنهم كانو مصريين... كانو بقولو انهم لقوا ايميلي في موقع تعارف و بعضهم قال انو انا إللي عملت ليهم ADD
كل اللي كنت بعملوا:
Add , block and then delete them from my list
Because if I just delete them or didn’t accept the invitation they will still see me only where I can’t see them and they will still can talk to me

[saroyaaa]

فليم اخبارك شنو وكريم عامل معاك شنوا برفسك شديد ولا لا
كيوت بالعكس في السودان ناس IT غلم حلو انا قريت علوم احنا الما عندنا شغل

[flame4me]

مجنونة ياحليلك والله الجامعة بالغت معاكي شديد......لكن يابتي ويلكم تو سودان..بكرة تتعودي حبيبة.....
كيوت نينو....اصلا بريطانيا الواحد بيمشي فيها كمية انا اسي لمن سافرت مع اني كنت حامل ومفروض ازيد نقصت تلاتة كيلو من المشي.....بالنسبة لمجال قرايتك بالعكس حلو ومرغوب ومناسب للبنات وبيجب دخل كويس..ماشفتيني وانا معلقة شهادتي واعياين ليها واتبسم..الله يعوضني خير في 5 سنين الهندسة دي بس.....
بلدي ياحبوب نحنا لسه ماجانا شتاء الجو لذيذ لسه يعني...مفكرة انزل اشتري لي جاكيت لكن مع مقاساتي الغريبة اليومين ديل مترددة شوية.......ماحسيت اني حامل الا اسي....اللله يسهل بس....
رنو انا اصلا زول مابعرفوا ماباعملليه اد ولا باتكلم معاهو من اساسو علشان اعرف الاداهو الايميل منو..وكل فترة باعمل حملة نضافة للماسنجر اي اسم مامرغوب فيه يتشات بره بالطريقة القالت عليها كيوت نينو دي....
بنات....دايرة لي برنامج نضافة بعد الولادة..وروني اجيب شنو علشان باجهز من اسي....مستنياكم......

[بلدى ياحبوب]

سرويه شايفاك استحليتى القعدة خخخخخخخخخخخخخخ:)
اها اخبار اغادير شنو معاك؟

[flame4me]

سرو تمام والحمد لله كريم اليومين ديل كويس بيرفس الحمد لله واي لمن حركته تقل بتجيني نفسيات وبابكي وجري على الطواري....غايتو ادعي لي بس يابنات جد محتاجة دعواتكم......اها شماراتك شنو انتي وشمارات العريس شنو يابتي الراجل ده طولتي عليه راجعة متين؟؟؟؟

[flame4me]

صحي برضو الولدوا قبل كده...شنطة المشتفي لي وللبيبي اجهز فيها شنو..باقي لي اسبوع وادخل التاسع ربنا يسهل بس......نفسي الد بدري لكن بعد ما ماما تجيني ان شاء الله

[بلدى ياحبوب]

فليم غايتو عليك بالدخان وشوفى كريم يكون بنفع معاك للوجه بس غايتو دة البعرفو حبيبه

[بلدى ياحبوب]

عاينى بالنسبه لى شنطه المستشفى ..
اول حاجات البيبى.ختى ليه لبساتو مع فنايل داخليه ولفاتو ب ما تكترى وبطانيه لانك حتولدى فى شتاء.
انتى ختى اللبسات الحتلبسيها وكريمات للجسم والشعر وفرشه ومشط وفوط صحيه بتاعت ما بعد الولادة
دة المذكراه هسه

[flame4me]

مشكورة بلدي ياحبوب.....اها يلا اغلبك شوية....اللبسات الحالبسها دي بتكون كيف بيجامات يعني ولا قمصان بي ارواب وحرير ولا قطن وكده.....

[rnoya]

وصندليه يا فليم وشوية ميك اب وملايتين ولو اتذكرت حاجه تانيه برجع ليكي

[بلدى ياحبوب]

عاينى يا فليم قمصان وارواب بتخيل لى احسن ليك بس المهم حاجه مريييييييييييييييييييييحه عشان الواحد بكون ما طايق نفسه.

[مجنونة أمها وأبوها]

داخلة بالصدفة
كيفكم؟

[ورقه ذابله]

هلا بالسودانيات جميعا

ابغى اسالكم زوجى رايح للخرطوم عمل ودى اعرف ايش افضل شي يجيبله لى مو متوفر عندنا بالسعوديه

[هدويــــــــــــه]

كيفكم ياشباب وين مختفين كلكم ووين هوماوباقي الشاباب انا الليله زهجانه وواصله معاي الحد واظهر عليكم الله

[... nani ...]

فليم
ربي يسهلها عليك وعلي يارب

بنات احببت اسئلكم عن الطقم البكون فيه مبخر وبالصينيه وفتايل ريحه( زجاجات ريحه) اسمه شنو
واذا في وحده عندها صوره ليه او عندها في البيت ارجوكم تصوره لي وخاصه بنات الامارات واذا عندكم فكره وين بالقاه في الامارات دلوني بسرعه ربي يوفقكم

[... nani ...]

http://uae4up.com/uploads/5dde7d1897.jpg (http://uae4up.com)
هذه صور ليها

والعندها فكره عن سوق الشارقه القديم اتمني تدلني علي طريقه وهل قريب ن السوق المركزي ياريت تساعدوني وموفقيين

[... nani ...]

http://uae4up.com/uploads/2b8a1ade1a.jpg (http://uae4up.com)

[rnoya]

سلاااااااااااااااام بشكات
ورقه ذابله: خليه يجيب لك حنه للشعر بس تكون حنة الدامر لانها طبيعيه واحسن حنه ويجيب لك صبغة حنه يعني لو حبيتي تتحني باللون الاسود مثلا ولو تعجبك عطورنا خلي يشتري لك صندلية التاج واللي نسيته يذكروني فيه الاخوات..سفرة موفقه واهلا بيكم
ناني: انا كنت عايشه في الشارقه لكن ابلد زوله في الوصف ايوة السوق القديم قريب جدا من السوق المركزي لكن بي وين ما عارفه!!!بسال ليكي ماما وبرد عليكي.. وحتلقي فيهو صينية الريحه اشكاااااااااال واحجااااااااااااام والوان ونوعيات من قزاز لي كريستال لي واسعارة متفاوته لكن.... غريبه ليه حاسة انو زي دي ما انتي؟؟؟
هدوية المزهجك شنو قدر ده؟
مجنونه وعليكم السلام اها الليله طردوكم من وين؟
الباقين سلام

[flame4me]

كيفكم بنات؟؟كيف اصبحتوا الليلة...هدو مالك حبيبة اهو جيناك يلا احكي لينا..وانتي راجعة بلدك متين؟؟؟؟
مجنونة أزيك....؟؟؟الاخبار شنو؟؟؟؟ناني مشكورة حبيبة وبخصوص الصواني رنو مابتقصر ان شاءالله
ورقة ذابلة.....مكن برضو زوجك يشتري ليك المشغولات الجلدية والاكسسورات الافريقية والتحف من سوق اسمو السوق الافرنجي في الخرطوم......رنو صباح الورد ياورد.....الاخبار و الجديد شنو؟؟؟الصندلية دي صحي فايتدها شنو افيدوني يابنات....

[saroyaaa]

ازيكم يا سكرات اخباركم شنو وهدوبة مالك ***** الله خير
ناني في طقم انا جبتوا للجرتك دهبي بكرستال فيهوا كل حاجات الريحة والسكريات لكن في عربية مندهبة بالكرستال هنا بتبيعوا محلات عبد الصمد للعود والبخور كان سمعتيبيهوا ماعارفة في الامارات في ولا لالكن هي محلات مشهورة يمكن تكون في
فليم ورنوية اخباركم شنو ياسكاكر

[om salih]

صباح الخير
كيفكم ؟
رنو انتي اوف لاين ولا شنو ؟
الباقـــــــــــــــــــــــــ ـــين ؟؟؟
هدوية اخبارك ؟
فليم جهزي الشنطة وخليها جاهزة تعرفي انا من السابع جهزتها وفهمت راجلي لما اقول ليك جيب كدا تجيب دا ودا
وطبعا يوم والتاني في الطواري الحركة قلت قلقناهم وكرهناهم العيشة
وراجلي اكعب مني من الشغل يتصل عشرين مرة اتحرك مااتحرك
وما يفوتك ولدت بعد مواعيدى خخخخخخخ

[om salih]

ويييييييييييييييييييييييينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

[... nani ...]

سلاااااااااااااااام بشكات
ناني: انا كنت عايشه في الشارقه لكن ابلد زوله في الوصف ايوة السوق القديم قريب جدا من السوق المركزي لكن بي وين ما عارفه!!!بسال ليكي ماما وبرد عليكي.. وحتلقي فيهو صينية الريحه اشكاااااااااال واحجااااااااااااام والوان ونوعيات من قزاز لي كريستال لي واسعارة متفاوته

مشكوره اتي نا في انتظار رد والدتك



لكن.... غريبه ليه حاسة انو زي دي ما انتي؟؟؟


ما فهمتك يعني عشان سالت عن الشارقه وانا في بريطانيا ولا شنو!!!!!!!!!!!!
اذا كده انا كنت السنه الفاتت في الشارقه وفي صاحب زوجي مسافر الامارات وعايزه اوصيه يجيب لي صنية العطور دي ان شاء الله اكون وضحت ليك :)

saroyaaa
مشكوره اختي علي ردك و في اتظار رنو:26:

[وطني السودان]

ازيكوم يا بنات كلكم بدون فرز......مشتاقة ليكم شديد شديد......طبعا حاولت اقرا الحاجات الفاتتني.. لكن ما شاء الله كتيرة شديد..لوووول
فليمو حبيبة ... للمستشفى احسن حاجة تاخدي 3 قمصان نوم قطن ومعاها ارواب قطن ... واهم حاجة تكون مناسبة للرضاعة وفيها فتحة كبيرة من قدام او زراير....... بيجامة ما بتكون مريحة زي القميص....... والحرير البسيهو لما ترجعي البيت بالسلامة ان شاء الله
وزي ما قالوا ليكي البنات
شيلي شنطة صغيرة فيها حاجات الحمام ناس فرشة ومعجون ووووووو
وشوية ميك اب عشان الناس البتزورك في المستشفى والصور وكدة :)
وكم بشكير وشبشب للحمام
للبيبي ... بطانية صغيرة وكم طاقية .. و 4-5 لبسات داخلية مع البسات البرة الكاملة
وانا شلت لكرومي تيدي بير كنت جايباهو ليهو خخخخخ
ايوة نسي اقول ليكي شيلي برضو بامبرز احتياط يمكن ناس المستشفى يطلبو منك
شفتي انا لمن مشيت للولادة قبل ما ادخل للعملية الممرضة قالت لي اديني لبسة وبامبرز... شعور رهييييييب.......ما صدقت خلاص كرومي حيطلع بعد شوية ... ربنا يحلك بالسلامة ويديكي احلى كريم يا رب

ناني حاجات الريحة دي في لندن افتكر في .. في شبربوش ولا ادجوار رود لكن افتكر بتكون غالية نااار .. انتي ولادتك يوم كم... وبالله انتي في اكسفورد انا باعرف ناس كتييير هناك.. انا عايشة في لندن في ايلينق:)

ورقة ذابلة ..البنات كفوا ووفوا ..ولو اتزكرت حاجة تانية حاقول ليكي

هدوية ..حبيبة ..ما تزهجي........ يلا اظهري سريييييييييييييييييييييع

سرويا الاخبار شنو يا عسل ... ام صالح انا كمان داير ادخل معاكم في المسنجر رسلوا لي ايميلاتكم

رنويا يا بشكا الامور كيييييييييييييييف ؟؟ والسودان اللزيز كيف على حسك..انا انشاء الله باجي شهر 12 وباحاول اللاقيكي باذن الله

بلدي ........مجنونة ... هوما ............. والباقين كلكم مشتاقين ...........

يا بنات في موقع بتاع
you tube
اليومين دي عامل لي برنامج حسي باحضر في غنية
من فريع البان
اليسوح نديان
الله يا سلام
بيغنوها البلابل رهييييييييبة

:):)

[هدويــــــــــــه]

كيفكم كلمكم من دون فرز الله يحلك يافليم بالسلامه البنات ماقصرو ويوكي الحاجات بس في حاجه نسوها الصابون حق الحمام والبودره عشان مايستعملو ليه حاجه وبعدين تغيري ليه وتجيه حساسيه وليك الملبس الداخليه البلاسيكيه عشان تستعملي وتجدعي مافي اخلاق غسيل وكمون اسود ليكي (عجوز موش)ومصحف لي كريم
انا ياجماعه معايزه ارجع اسي وراجلي بقول احسن ارجع معاهو هو جاي بعد 10يوم مفروض وماما واختي براهم في البيت احنا 3 بنات انا الكبيره والاصغر مني سافرت الجامعه بعد البكى والصيره ممتحنه والبت الشغاله ومابقدر اخلي امي قبل ماتتم الحبس وهي زاته عيانه سكري وضغط وغده وازمه ونفسيات ماعارفه وروني اعمل شنو

[بلدى ياحبوب]

ازيكم يا عسولات كلللللللللللللللللكم..
فليم صحى كلام هدويه الملابس الداخليه البتترمى مهمه انا كان جبتها من البيبى شوب شوفيها مريحه جدا...
هدويه كيفك حبيبه وكيف ماما؟ شوفى حبيبتى لمن زوجك اجى حاولى اقنعيه انك تقعدى مع ماما شويه اذا ما وافق على الاربع شهور ***** الله شهرين عشان ناس بيتكم اكونوا دبروا امورهم واتعودوا على الوضع .. بينى وبينك الواحد صعب اخلى امه وبالذات فى وضع زى دة بس اهم حاجه زوجك اقتنع وبعد داك مافى عوجه ...

[بلدى ياحبوب]

نانى زى ماقالوا ليك البنات الحاجات دى بتتلقى كتير فى الشارقه بس ***** الله صاحب زوجك اكون ملحلح لانو الراجل مازى المراة وربى يحلك بالسلامه واديك الولد النفسك فيه.
فليمو انتى كمان ربنا احلك بالسلامه وتجى تحكى لى نانى بالتجربه:) اللذيذة ومتعبه معا..
ام صالح ازيك يا عسلوماناويه تجيبى لى صلوحىاخت:) :42: .
وطنى كيفك وكيف كرومى طبعا المرحله دى صعبه ونوم مافى غايتو انا مانمت لا بعد بتى تمت السنه:09: شفتى العذاب دة.
رنو عامله شنو؟شماراتك؟؟
مجنونه ازيك ومستنين خميساتك:) :42: .
هوما وينك طولت الغيبه؟؟
الباقين كللللللللللللللللللللللللللكم سلام من دون فرز ...

[بلدى ياحبوب]

http://www.babycenter.com/plus/sneak...?topic=1287352

[بلدى ياحبوب]

فليم فى فلم ولادة كنت عاوزة اوريك ليه بس للاسف ما عرفت:( :(

[saroyaaa]

ازيكم يابنات كلكم بدوت فرز اخباركم شنو
هدوبة حبيبتي انا شايفة انك تقعدي مع ماما شوية اكيد هي محتاجة ليك اسي اكتر من اي وقت انتي قلت اختك ممتحنة يعني ما حتكون فاضية وانا متأكدة انو راجلك مع الظروف دي اكيد ما حيمانع

[rnoya]

ازيكم يا بشكات
كيفكم بدون فرز
وطني: والله السودان اوهامو بقت اكتر من اللازم وزهجنا من الصرف زاتو كل حاجه تجي بتطلعي ليها حسبة قروش قدر كده !!!!
بلدي كيفك؟
هدويه: حنسيهو واكيد حيقدر الظروف صدقيني الرجال ديل ما يعملو ليك فيها ضفارين وكده والله زي العيال ممكن بي شوية انهيارات منك يوافق بس خليكي شاطرة
فليمو يحلياك اخر تجهيزات
سرويه ازيك؟ اها عملتي شنو في التياب؟
ام صلوحي: جاوبي على سؤال بلدي بالله عشان انا لما قريتو قربت اسرخ
في حاجه انا ما فاهماها ليه كلكم بتفتكرو انو الولاده والعيال تجربه لزيزة وفريده وانا الوحيده البفتكر انها ابشع تجربه ممكن الزول يمر بيها؟ أكون يا الله معقده؟ انا حقيقي يا بنات بكره العيال شديد وما مر بي موقف في حياتي المديده كلها افظع من الولاده !!! وبتهيأ لي انو مافي زول بتمنى يكرر التجربه دي بي ارادتو الا بس حاجه غصبا عنو!! كدي يا جماعة منو الممكن تكسب فيني ثواب وتكون واضحه معاي ومع نفسها وتوريني انا صح ولا غلط؟

[om salih]

كيفـــــــــــــــــــــــــــ ــــــــكم ؟؟؟؟؟؟؟؟؟؟؟؟
ملل شديييييد ما عارفة اعمل شنو
احسن حاجة اقوم اشوف حاجة اشربها <<<< دا الفالحة فيهو

[هدويــــــــــــه]

سلام الامور ماشه كويس مابطاله وبمناسبه الولاده انا يارنويه نفس الاحساس اني حطمت شبابي بالولاده يكون عندي ائكتاب مابعد الولاده:hahaha:
ياجماعه نسيت احكي ليكم طبعا نسابتي مافي زول فيهم مشى عزى اهلي في بابا وجدي مات قبل اباب باسبوع خال ماما طبعا اهلي بنقنقو نقه السنين وكلمت و قلت ليه اهلم مافي زول مشى وماما زعلانه عاينو حياه صحت برجع تاني ام صالح مالك الليله

[om salih]

صبـــاح الخيــــــــــر
هدوية كيفك ؟ وكيف ماما والعسولة
طبعا زمااااااااااااان كنت بفتكر زي اي بت صغيرة انو كلام النسوان عزتني وما عزتني دا كلام فاضي بس فعلا بعد ما تحسيها في عزيز بتعرفي انها ما كلام فاضي وانو الما بيعزيكي او ما بيراعي شعورك في فقدك فعلا بتزعلي منه شديد وما تنلامي
علي العموم بس عايزة اقول ليكي ما تسالي اي واحد ليه ما جيت ولا كدا
خليهم وزي ما بيقولوا الايام بتدور <<<<<<<<<<<<شفتي النسونة والكعوبية دي ؟؟؟؟ :)

[om salih]

رنو بجي بحكي ليكي عن تجربتي مع الولادة

[rosewood]

صباح الخير لأحلى بنات....
أنا جيييييت تاني، العرس انتهى و شهر العسل انتهى برضو...أنا مبسوطة شدييييد الحمدلله....
أنا حأقرى الفاتني و بجي أونسكم بالعرس، طبعا أنا الليلة نزلت شغل و عندي حاجات كتيرة فايتاني فبطل عليكم بعدين الضهر ان شاء الله....
سلام...

[rnoya]

ازيكم يا بشكات
صباح الخير
يلا يا هدويه انا برضو كنت زي ام صالح لكن بقيت رديئه عديل كدة في الحاجات دي والدنيا يا بتي مدوووووووووورة يلا انتي برضو لما يموت ليهم عزيز احسبي هم اتصلو بيك بعد كم وجوك بعد كم واعملي ليهم نففففففففففففففس البشكه والبادي أظلم واذا ما جو في أيييييييي حاجه امشي وخليكي سباقه وفي البكا اعملي رايحه بلاش قلة أدب خخخخخخخخخخخ أنوااااااااااااااااع الشر
تعرفي هي ما مسألة دفن شباب نووووو اصلا بعد ما تعرسي سوداني يعني حتعملي شنو اهو كلو من الفصيلة دي لكن مسأله الفوبيا من الولاده دي عاملة لي هاجس عارفه امبارح كنت بتونس مع اخت صحبتي وجات السيرة عن عشميق وسعد الفاضل وحقنة الضهر ساااااااااكت اكتأبت !!! وجاتني نفسيات!
حاجه بشعه خلاص بس الحمد لله
عارفة يا ام صالح لما اشوف حاجه عندها علاقة بالولاده بحس انو قلبي بغوص جوة صدري وطعم ريقي بتغير وبزهج و يديني بتبرد ومرات اكون بتمكيج مثلا والاقي روج كنت عاملاهو ايام الولاده مثلا واتذكر تفاصيل سرير الولادة وتلقي دموعي جرت !!!! ما عارفة ليه التجربه دي هزتني كده وأثؤت فيني بالصورة السلبيه دي
يمكن لاني كنت في اضعف لحظات في حياتي واكتر لحظات مؤلمة وكانو الحولي بشاكلو فيني وبهزؤوني يمكن هي نظرة الاشمئزاز الشفتها في لحظة كده في عيون الدكتور يمكن عذابي الفظيييييع قبل الولادة وجرستي قدام الناس وانا اساسا اكره ما اكره انو زول يشوف دموعي مهما كان قريب لي يمكن بعداك منظر أي زول بكا لما شافني بالمريله وهدومي كلها دم يمكن انو الناس برة فاكرني مت لما سكت لانو اخيرا ادوني بنج بعد 23:30 ساعة ألم وكواريك وخالتي قعدت تسرخ لانها فعلا افتكرتني مت !!!
شفتو اهو تاني دموعي جرت !!!!
ما عارفه لكن كانت أصعب تجربه مريت بيها في حياتي
ناني: ماما زاته قالت ليكي والله يا بتي ما بعرف اوصف لانو السوق المركزي في نص صينيه ومنو 300 مخرج فبيتهيا لي اسلم حل انو صاحب راجلك يوقف عربيتو في الباركنج بتاع السوق المركزي وياخد تكسي بي 3 دراهم لي السوق القديم لانو قريب شديد منو وعشان ما يلوص بس قولي ليهو يمشي مركز سارة(في السوق القديم زاتو) فيهو زي 5 محلات بتبيع البشكه دي لانو الرجال بس ما عندهم اخلاق !!!

[rnoya]

يحليلك يا رزة العرووووووووووووووووووووس حلاتك ما شاء الله يا كمبوشه الف مبروك تاني ويعني نورتينا اها العرس حلو؟ خخخخخخخخخخخخخخخ طبعا السته شهور الاولى كلها حيكون حلو بعداك حتنضمي لينا في النقنقه
يلا مستنيين شماراتك يا عسل

[saroyaaa]

دا شنوا يارنوا مالك دايرة تجرسينا يابت انا لمن قريت ردك جسمي برد ياجماعة كلمونا اذا حكاية الولادة صعبة شديد كدا خلونا نعيد نظر انا اكتر زول جرسة في العالم وما بستحمل اي الم يعني ممكن اموت خوف ساي
هدوبة مش ماجوك ماتمشي ليهم تاني نهائي في اي بكا دا ابوك حبيبتي ما أي زول احي اتغزت غيز دي اوعك تجاملي في الحكاية دي
ام صالح عليك الله ورينا تجربتك انت كمان في الولادة اتحفونا بخبراتكم انا والله صحباتي كلموني وكل وحدة تولد تقول دي اخر ولدة وتجي تلقيها حملت قبل ما تتم السنة
رررررررررروز الف مبروك حبيبة واسمعيني الايام الاولى استمتعي وادلعي كويس دي احلا ايام
فليم وبلدي اخباركم اظهروا حبايب

[saroyaaa]

بالنسبة للتياب امبارح انا وماما مشينا السوق طبعا كالعادة بعد لف طويل ما لقيت اي حاجة عجبتني لقيت حراير مطرزة تطريز تقيل شديد لكن شكل التطريزة ما عجبني يمكن بكرة ارجع تاني
ناني ووطني وينكم ما تظهروا حبة وتاني تقطعوا

[saroyaaa]

رنوا انتي ولدت بي عملية ولا ساي وناويه تكرريها تاني ولا لا واحكولينا تجربتكم بعد الولادة مع الأطفال يعني بالنسبة للزول الملول بستحملا ولا لا
انا بالمناسبة بتفصح ساي دايرة اموت وأولد لكن ما عارفة اي شي عن العيال وعلاقتي بيهم ما وطيدة شديد اللهم شكلهم وهم سغار حلووووو شديد سكاكر بس

[rnoya]

يلا ازيك يا سرو
اول حاجه موضوع التياب بس الحاجه البتعجبك صوريها وشوتيها لي عارفه انا بحب اتفرج على الحاجات السمحه وبحب اكون مواكبه ما ضروري اشتري لكن بحب اتنور
موضوع الولاده انا ولادتي كانت طبيعيه وما عارفه اوصفه ليك بي شنو!! لكن ما كل التجارب زي بعض ماما مثلا ما بتحس بي وجه نهائيا بس تقل وياما مشت الدكتور ساي بس ومسكوها ولاده وقعدنا نتجارى !!! لكن انا عرضت مشكلتي عشان انا اتعقدت ويمكن كلام وحدة فيكم يحل لي المشكله دي
السؤال التاني ناويه اكرره لوووووووووووووووووووووووول شوفي كررتها اوريدي انا هسه حامل بس ما عارفه في الشهر الكم لاني اساسا ما عارفه حملت متين وما مشيت لي دكتور لاني لسه نفسيا ما متقبله اي كلام من اي دكتور واساسا ما عاوزة امشي للدكتور الولدني بي حمودي عشان كجنت وشو الكريه ده !!!! بس صدقيني لو كان ربنا رزقني بي حمودي وعرشت على كده ما كان حيكون عندي مشكله ابدا لاني عموما بكره العيال جدا ولا سكاكر ولا سجاير ما بطيقم الحاجات السغيرة المؤذيه دي!! بس بحب اتفرج على صورهم لكن مستحيل اشيلم او اتونس معاهم او كده!! سبحان الله ما عارفة ليه!!
فأنا مستحيل اكون نموذج بالنسبه ليكي لانو طبعي مختلف عن الناس
يا زوله كل زول بي بشكتو وبي زرتو براهو وربنا يديكي النفسك فيهو اميييين يا رب وبقول ليكي من هسه حتحسي انه حاجه ما كانت بتستاهل كمية الانتظار والشحتفه والمعاناة !! عادي !! زي ما زمان كان نفسك تعرسي فهسه عرستي اها العرس رهيب؟؟؟بس ده البقصدو
دي انا ما عارفه راي الباقين شنو

[saroyaaa]

مبرررررررررررررررررررروك قولي كدا اتريك ازكرتي كل المأسي يازولة ***** الله المرة دي تكون ولادتك ساهلة وباردة وماتحسي بأي شي وعلى قولك يارنواهي التجربة الجديدة اكتر من اي شي وكمان نقة الناس الكتيرة البتكرهك حياتك لكن انا والله زولة بالي ما طويل شكلوا كدوا ابوهوا الدايرة دا هو الحيربيهوا والله زكرتيني صحبتي عسل ماعندها اخلاق للعيال لمن ولدت بتها طوالي شغالة لي راجلا شيلا اقيفبيها ختها حتى لمن يمرقوا قالت لي مش هو الداير خليهوا يتوكح بيها هو

[om salih]

رنو ما عارفة الحقولو دا حتكون ردة فعلك ليهو كيف
حيضليقك ولا يطمنك ولا يحسسك انو ولادتك كانت غريبة
العايزاك تفهميهو انو كلللللللللل النسوان بيتعبوا في الولادة
تعرفي انا كنت قبل ما اعرس خايفة من حاجة اسمها ولادة
يمكن من كتر حالات الولادة الحضرتها
كنت بقول لزميلاتي اني مستحييييييييييييل اولد طبيعي لااازم لاااازم قيصري
لانو دي حاجة ما محتملة وكنت برأف بالنسوان واخليهم يمسكوا يدي ( طبعا التانيين ما بيخلوهم بيقولوا ليهم امسكوا في الحديدة )
وطبعا انا كان نفسسسسي في طفل اطبق عليهو كل مشاعر الامومة والحنية واصول التربية العصرية
والبسو كل الهدوم البتفرج عليها في السوق واشتري ليهو كل العاب الدنيا
وانا كنت قبل ما اعرس لما امشي السوق ما بقدر اقاوم محلات الاطفال ما ادخلها واتفرج واضيع وقت
المهم يا ستي دارت الايام وعرست ومن الاسباب الرئيسية للعرس عندي البيبي ( الاسباب التانية الاستقرار والاستقلال الي اخره )
بعد شهرين بالضبط كنت حامل مت من الفرح
من ما عرفت مستنية متين اعرف نوعه عشان اشتري الهدوم
الشهر الخامس لما عرفت انه ولد ( طبعا ما فارقة معاي ولد ولا بنت ) المهم عرفت نوعه بقيت كللل يوم نقة في ما اشترينا حاجات البيبي
وراجلي يزهج مني ويقول لي انتي حتولدي حسي ؟؟؟
المهم من الخامس كانت هدومه جاهزة ومن السابع كانت شنطة المستشفي جاهزة وشايفة الوقت لسة طويييييييييييل
بس كان شاغلني امتحان بجهز ليهو امتحنت وانا في التامن والحمدلله اتوفقت فيهو
المهم مواعيدي كانت 20 / 7 وقالوا لي لو ما ولدتي لغاية 30 / 7 تعالي
وطبعا ما جاني ايييييي حاجة لغاية 30/ 7
يوم 29 خلاص طبعا بقيت استعد ( احلي حاجة تكوني عارفة حتولدي متين )
يوم 30 الساعة8 صباحا مشينا المستشفي ودخلوني غرفة الولادة
عملوا لي تحاميل وما حسيت باي حاجة ونوع قومي اتمشي واتمشي لمن زهجت
والنسوان حواليني صراخات وواحدة ورا التانية تولد
لغاية المسا ما حسيت بي حاجة
ركبوا لي الطلق الصناعي بديت احس بوجع وبقيت اطبق تمارين التنفس الصناعي وفعلا يا بنات مفيدة بتخلي الوجع نوعا ما محتمل لاني في وجعة ما عملتها حسيت الالم فظييييع
المهم لغاية الساعة 2 كنت نمت وصحيت 6 صباحا
المهم تاني مع الطلق الصناعي وادوني حقنة بيثيدن ودي كانت اروع حاجة في ولادتي حاجة مريحة جدا خلتني نمت صحيت الساعة 12 المهم لسه الطلق الصناعي مستمر والوجعات متقاربة وانا زي ما واعية زي الفي حلم ومدروخة وما بصرخ وفي مرة بتقول لي صرخي الما بتصرخ ما بيذكروها وزي الساعة 3 بقوا يتشاوروا قيصرية ولا لا لانو البيبي راسه فوق طبعا بديت اشاكل وكل شوية اناديهم واقترح لي نظرية لما وصلت لحقنة الضهر واعملوا لي عملية وكدا وكانوا بيقولوا ليه ما طلبتيها قبل الولادة بالمناسبة هنا لو طلبتي قيصرية من الاول بيعملوا ليكي
المهم بديت احس بالطلق بقي حار الظاهر البيثيدين خف مفعوله وانا من امس بالليل 5 سنتمتر ووللماعرفين الولادة 10 سم
وطبعا كنت ما خايفة من الحالة الانا فيها ولكن كنت مرعوبة من الجاي وكل تفكيري انه الوجع بعد شوية حيكون ما محتمل وانو الولادة حتكون حاجة مستحييييل اتحملها وانو طلوع البيبي حيكون موت ناديت السستر وقلت ليها امشي جيبي لي بيثيدن تاني وبقت تنظر لي لا وما بينفع بقيت انهر مشت نادت لي الدكترة قالت ليها اديها
ضربت لي راجاي وقلت ليهو تعال حسسسسسسسسي لانهم ممكن يعملوا لي عملية وجا يجري
واشتغل البيثيدين ورحت في عالم تاني والدنيا حواليني زي الاحلام ولغاية الان لما اتذكر الفترة دي بحسها مبهمة
المهم فجاة لقيت نفسي بستفرغ وجوا شافوني بسمع من بعيد يلا علي غرفة الولادة يعني في حوالي ساعة وشوية كنت 10 سم والبيثيدين عامل عمايله وطبعا هم لو قايلني حاولد بسرعة كدا ما كانوا ادوني ليهو
بين صاحية ونايمة اخدوني لغرفة الولادة بس بسمع push لما تحسي الوجعة بس كيف وانا ما حاسة وجعة بقيت يلا علي كيفي لما يخطر لي ادفع وخلاص
بعد شوية طلعت السستر وضغطت لي علي بطني وحسيت حاجة طلعت مني بس ما عرفت انها البيبي الا لما لمست بطني ولقيتو فاضي
وما صرخ صلوحي طوالي
اخده دكتور الاطفال الحاضر الولادة وبعد شوية بقيت اسمع صرخاته ( هو كمان متاثر بالبيثيدين )
وبس
ولما رجعت اعنبر ولغاية الليل وانا ما فيني حيل حتي امضغ
والله يا بنات تجربتي في ولادة صلوحي ان شاء الله تتكرر لي في اي ولادة يا رب تصدقوا من كتر اني خايفة انو لو ولدت تاني ما تكون كدا ما حكيتها الا ليكم انتوا
وانتوا ادعوا معاي انها تتكرر لي وتكون ولادة رنو زيها واحسن وفليم وناني وكلكم يا رب

[om salih]

يلا بعد الولادة ربنا رزقني ببيبي هااااااااادئ وحبوب لدرجة انو اي زول كان بيعلق علي هدوءه
انا كنت ما شغالة وكان برنامجي حتي قبل ما اولد سهر لغاية 3 او 4 ومرات 5 وبعدين نوم لغاية واحدة واقوم نفسي بالعافية اجهز الغدا سرييع ويجي راجلي 3 نتغدي ونرجع ننوم لغاية 6 يمشي دوام المسا وانا مرات اواصل نوم لغاية المغرب
المهم بعد ما ولدت واصل صلوحي معاي نفسسسس البرنامج سهر وعدين نوم لغاية واحدة او 2 ويصحي وينوم معاي تاني لغاية المغرب
كنت فرحانة بيهو شديد وكنت بقول اني حاقول لاخوانه انه حبوبي دا ما تعبني لا في حمل ولا ولادة ولا تربية
بس لغاية الشهر التالت واشتغليت وعينك ما تشوف الا النور كل انواع التعب والعذاب في التربية وراني ليها لما الناس بقت تحن علي
هو طبعا واصل برنامج السهر ونوم النهار وانا بقيت شغالة وما عندي طريقة والله يا بنات عمره حسي سنة وتلاتة شهور ولغاية حسي ما قدرت اضبط ليهو نومه مستحييييييييل ينوم قبل 3 لو عملت شنو
وممكن اربعة او خمسة وانا بصحي ستة
بقت حياتي عبارة عن لخبطة وارهاق وعصبية
مستنية متين يكبر وبرنامجه يتعدل
وبخصوص الحمل لسة ما كررت التجربة تاني :)

[rnoya]

يلا يا ام صالح الكلام ده في الامارات !!! لكن لو كنتي ولدتي هنا كنتي فهمتي حاجه!! اول حاجه في حاجه اسمها الكشف الخصوصي دي حاجه فظيعه وبعدين مافي اي مسكنات الم بي معنى انك من اول احساس بالطلق وطبعا انتي بكريه حتنبحي لغاية تاني يوم الصباح 24 ساعه طبعا يعني ما عندك ايييييييييييييييييييي حل كده بس تكوركي لمن تقربي تموتي..خالتي كانت بتقول لي سواد عيونك كان بختفي لما تجيكي الوجعه..وكنت حقيقي بغبي حتى ما بسمع ولا بشوف الحولي لما ابدا اتالم!! وطبعا ما عندي اي فكرة عن حاجه اسمها تمرين تنفس!! مافي زول كلمني اعملو ولا اقترحو علي!!
والاسوأ من الالم النظرة الغريبه الكانك بتستهبلي او انو الكلام ده ما حقيقي او كده طبعا عندنا اقسى دايات وممرضات في الكون (خدم)
يلا انا اضطرو يعملو لي حاجه اسمها توسعه مرتين اللي هي انو الدكتور وانتي في عز الالم الفظيع داك كل 3 دقايق بدفس ايدو ويوسع ليكي مجرى الولاده كل اشكال وانواع العذاب بفرجك عليها!!!وطبعا الخدم اياهم بثبتوكي في الطربيزة من اكتافك عشان ما تتحركي!!! وطبعا القص برضو كان بدون اي بنج ولما جو يخيطو ادوني حقنه!!! بس كرهت ليكي حاجه اسمه اني اعيش زاتو بس اتمنيت صادقه اموت وارتاح!!!وما كان عندي اي احساس بالامومه او العذاب اللذيذ والكلام الفارغ ده نهائييييييييييا!!!
المشكله يا منال انو هنا مافي اي احساس بالانسان مهما بلغ حجم المو والناس زاته ما عندها قابليه تتطور العالم كلو مشى كتيييييييييير في الطب ونحن لسه بعملو لينا حقنه شرجيه عباره عن موية صابون حارة وده كلو وانتي في عز الالم!!! ولاحظي الكلام ده في مستشفى خاص يعني بي قروشي!! وبقولو في الحكومي ممكن لما تكوركي الدايه تقرصك او تلتخك كف عشان ما توجعي ليها راسه!!!
المهم انا هسه حقيقي ما عارفه اعمل شنو! شورو علي؟ اتصرف كيف؟

[بلدى ياحبوب]

ازيكم يا بنات ...
روزة يا عسل ازيك ومبرووووووووووووك ومستننك تجى تحكى لينا.
رنو اخيرا اعترفتى خخخخخخخخخ شوفى يا عسل الاطفال ديل احلى حاجه وطبعا اكيد متعبين بس هم نور الحياة وربنا ما احرم بيت من الاطفال ابدا..
وبالنسبه لى تجربتك اكيد حارة بس انتى شوفى ليك دكتور اودكتورة كويسه رايك شنو فى ساهرون بمع عنها كويسه او الرهبات كلنا نحن اتولدنا فيها ايام تادرس سمعان و***** الله ربنا اجعلها يك ولادة ساهله.
ام صالح ***** الله دايما ولاداتك ساهله كدة ومريحه .
سرويه اكييييييييييييييييييييد متعبه بس مافى حلاوة من غير نار وانتى حتحسى بامك بعد ما تجيبى ليك طفل وتعرفى حبها وخوفها عليك و***** الله ربنا اقسم ليك قريب.
هدويه يا عسل اسمعى فى حاجه كنت بسمعها عند النسوان بقولوا الماجاك ريحك وكنت ما فاهماها لكن بعد داك فهمتها وفعلا نسابتك ريحوك تانى ما تجامليهم ابدا وعلى قول الخليجيين اكشتيهم..

[saroyaaa]

ام صلوحي ربنا يخليليك صلوحي وتجيبي ليهوا اخت او اخو يلعب معاهوا و***** الله كل ولاداتك تكون ساهلة
لكن طبعا كلام رنوا صح السودان دا ما فيهوا اي تطور يعني اي وحدة ولدت في السودان تعبت شدييييييد وفعلا الدكاترة والممرضات بتعامل معاكي تعامل بشع كأنوا بتدلعي ولا بتعملي حركات وما فاهمين انك في اللحظة دي بتكوني محتاجة معنويات وتعامل حلو كيف يعني فوق المك بتحسي انوا مافي زول حاسبيك دا طبعا من تجربة صحباتي وبنات اهلي ةكلهم ولدوا في خاص عشان كدا ماما اسي بتقول لي لو حملتي تعالي اولدي هنا ولو ما قدرت حأطلب اني اولد قيصري من غير اي كلام مع اني متعقدة منوا لانو صحبة ماما ومرة بحبها ولزيزة شديد ماتت في عملية الولادة والله لحدي اسي ما قادرة افوق من صدمتا مع انو ليها سنتين قبل ما تولد بيومين كانت بتتونس معانا الله يرحما
رنوا انت ولدت وين بقولو نا س ساهرون كويسين

[Cute_niNO]

:

[saroyaaa]

الرهبات زمان لكن اسي ما عارفة كويسة ولا لا المهم احزري حاجة اسمها البراحة مع انها احلىمستشفى وانظف مستشفى لكن زفت في الولادة صحبتي قربوا يقتلوها كمان احزري الخرطوم كلينك برضوا زفت ياساهرون يا الاطباء

[بلدى ياحبوب]

سرويه فعلا ساهرون بسمع انها كويسه

[Cute_niNO]

دا شنوا يارنو....

You scared the hell out of me

من الأول كنت عارفه انو الحكاية " قرار إنتحار"... و الان تأكدت....
قبل فتره في سودانيه متزوجه و عايشه هنا كانت بتحاول تقنع فيني بعريس كدا... لمن لقتني رافضه الحكايه تماما... بقيت تعدد في الحاجات الحلوه في العرس و أهمها ... الولاده.... أنا طبعا ما كدبتش خبر و رحت ممطراها بسيل مبالغ من الاسئله ....و ياليتني لم أساُل .....
حكت لي على ولادتها (كانت في السودان).... كميه من البشاعة خلت جلدي يقشعر... و ألان خلاص.... بعد قراية تجربة رنو ... صدر القرار.... ولاده ما معانا... مع إني بمووووووووووووووووووووووت في الأطفال بالذات النونو اللي أقل من سنه... مستعده العبهم, اأكلهم ,انومهم و بس ما اكتر من كده.... حأكون أم فالحه صح؟ هئ هئ هئ هئ

رنو... الكلام دا جد؟ قرص و كفوف ؟!!!! ليييه هي سايبه؟



أم صالح ...

إزيك...

حكايت مطمئنه شويه... الله يخلي ليك صلوحي... ويديك ليه أخت عسوووله


بالمناسبه, MEEBO شغال كويس ولا افتش ليك الSOFTWARE



روزوود....

الف... الف... مبروك و ***** الله ايامك كلها عسل...


رنوا

الف... مبروك... ***** الله تكون بنت المره دي...
و ***** الله كمان المرة دي تكون تجربتك اسهل وتفضل ليك ذكرى حلوه يسعدك إسترجاعها....
يا بنتي ... إستهدي بالله...

It’s all gonna be fine… I know it

بوسه لحمودي....



الشابات الحلوات....

إزيكم...

[rnoya]

للاسف ولدت في ساهرون يا سرويه وبلدي
وبعدين تعالي هنا يا بلدي اديكي شكله: ما حاجه جميله وممتعه ابدا انك تتكلمي عن حاجه انتي بتكرهيها شديد..فما مسألة اني ما عاوزة اعترف! وانتي اكيد فاهمه
الراهبات زمن سمعان كانت رهيبه لكن هسه عادي في المعادي زيها وزي الباقين! وفيها حاجه اكعب وهي انهم ما بخلو اي زول يبيت معاكي وبقعدوكي يومين تتبالي فيهم بالبيبي براكي بي كل تعبك والجرح وكده عشان كده ما فكرت فيها
فضيل بقولو كويسه لكن الولاده فيها بي قريب 10 مليون!! وفي الاطبا بي 9 مليون!! لاحظو هي في امريكا ما بالسعر الخرافي دة!
انا حقيقي في ورطة وما عارفه اعمل شنو
اسمعو الولدت فيكم بي قيصريه بطنها اتبهلت شديد بعد الولاده ولا حصل ليها شنو؟ وبعدين بقولو القيصريه زاته بعد ما البنج يفك المه فظيع منو جرب؟

[بلدى ياحبوب]

رنويه ليييييييييييييييه الشكله وبعدين هى ماحاجه بتتكرة قدر دة وتعالى انا الحاشاكلك انتى لمن عرستى ماكنتى عارفه انو فى حاجه اسمها ولادة؟؟؟؟

[saroyaaa]

رنوا اسمعي كلامي اولدي قيصري ولا بتبهل بطنك ولا شي انا بنات عمتي كلهم ولدو قيصري واسي تمام يازولة تمشي الولادة مزبطة ومحننة وعارفة مواعيدك وانا اسي بتمنا اولد قيصري صراحة ولا الم الطبيعي

[بلدى ياحبوب]

شوفى انا اخواتى بولدوا قيصرى .اختى الكبيره عندها 3 ماشاء الله يعنى فى كرش بس ما كبير شديد.

[saroyaaa]

رنو لازم تمشي دكتور عشان تعرفي انت في الشهر الكم يابت اتوكلي على الله يمكن المرة دي ربنا يسهلا

[om salih]

رنو القيصري مشاكله بعد الولادة الطبيعي
وابهال البطن بيرجع لعوامل تانية ما طبيعي ولا قيصري يعني حاجة البنية والوراثة بتلعب دور كبير فيها

[om salih]

كيوت بالله عليكي شوفيهو لي لانو الرنامج دا ما شغال كويس

[rnoya]

نينو انتي في بلد رهيبه وامكانياته متطورة..الولاده البشعه دي هنا في السودان بس!!
كنت عارفه يا بلدي انو في ولاده لكن ما كنت عارفه الباقي!! للاسف عرفتو ليتر
يلا انا حمواتي بولدو بي قيصريه وماما برضو كم مرة ولدت بي قيصريه وتعالو شوفو انوااااااااااااااااااااااااااا ااااااااااااع الكروش البشعه شديد!! غايتو لسه ما عارفه حيحصل شنو لما اتشجع وامشي لي دكتور بكلمكم!! بالمناسبه انا برضو ما عارفه اراجع عند منو!

[بلدى ياحبوب]

ام صالح انتى شغاله فى مستشفى توام

[saroyaaa]

وحدة يارنوا اسمها ثقة بمدحوها شديد في ام درمان وبقولوا زولة عسل وشاطرة

[om salih]

لا يا بلدي انا شغالة في جامعة
فليم وييييييييين يا جماعة

[بلدى ياحبوب]

رنو فى دكتورة برضو فى بحرى بنات خالتى براجعوا عندها فلو عاوزاها ممكن اتصل السودان اجيب ليك شمارها.

[rnoya]

لكن يا سرو انا ما بثق في النساوين ديل! بحس انهم ما بفهمو اي حاجه
طيب عندك فكره عيادتها وين بالضبط؟
ام صلوحي اذا كده اقوم اجلي موضوع القيصريه لاننا اسرة من ذوات الكروش!! اهل امي تحديدا والمشكله اني شايله شكل اجسامم مع بعض التعديل!! أحييييييييي يا ربي من الخيار الصعب! يعني ورطة من ابو كديس!

[rnoya]

لا يا بلدي ما تضربي السودان مخصوص بس لما تتصلي بيهم اديني خبر عن اسمها وعيادته وين او اقول ليكي رساي اي رقم بت خالتك وانا بتصل بيها بساله

[بلدى ياحبوب]

ام صالح كنت عاوزة اسالك اليوم طعمت بتى ابرة النه ونص بس حاسه رجلها مؤلمها اعمل ليها شنو.مكمدات دافيه تنفع؟

[saroyaaa]

عايني عيادتا في حي الوادي لكن لمن امشي السودان بجيب ليك شمارا تمام وفي دكتور في بحري اسموا مجدي لويس شاطر شديد لكن ضباح بتاع قروش بالدرجة الاولى وفي ريموند برضوا في بحري طبعا انا بثق في القبطة اكتر بعدين ظراف شديد

[بلدى ياحبوب]

هسه انا ماعندى رقم بت خالتى خلينى اجيبو وبوريك.

[rnoya]

انتو يا بنات في وحده فيكم ايميلا منهل شادي؟؟؟؟

[om salih]

ايوة يا رنو دا انا
دخلت بطريقة كيوت بس ما بتظبط كويس مرة تخش ومرة تقطع

[om salih]

بلدي اعملي ليها بندول تحاميل
والورم دا بيروح براهو ان شاء الله

[rnoya]

ربنا يسهل يا سرويه بسمع بي مجدي لويس ده وشايفه عيادتو وين ما عارفه
لكن فبل ما امشي لي اي دكتور انا عاوزة امشي لي اخصائي نفسي لانو والله نفسياتي كعبه شديد وما قادرة اتقبل كلام اي زول ولا استوعبو زاتو وما قادرة اتكل على جملة يمكن دي تكون احسن من الفاتت!!!طيب ولو كانت اكعب؟صدقو حأجن؟ والله من كتر ما خايفه لي فترة بنوم متقطع وبحلم احلام كعبه بس ما ما بتذكرة شنو وبصحا متضايقه وزهجانه
غايتو ربنا يهون بس

[om salih]

رنو هدي نفسك يا بت ما كدا ان شاء الله المرة دي تكون احسن وانتي براكي عارفة الولادة قبل كدا ما بتطول زي البكرية

[بلدى ياحبوب]

مشكورة ام صالح..
رنو ما تخافى و***** الله خير وزى ماقالت ام صالح حتكون احسن ليك من البكر ..

[rnoya]

ما قادرة اعتمد على كده يا بنات انتو فاهمني؟
اشجان بت خالتي واريج صحبتي تعبو في التانيه اكتر من الاولى!!!
وانا كان تعبت في دي اكتر من ولادة حمودي ياني الوقفت في صينيه في نص الخرطوم!!

[saroyaaa]

عايني يارنوا عليك الله ما تخافي شديد كدا والله خوفتيني معاك واسي لسة باقي وقت طويل يعني ما من اسي تهمي نفسك بالموضوع دا وبالنسبة للقيصرية ممكن بعد فترة تعملي رياضة وتربطي بطنك هو البخليها تنبهل الاهمال والله بت عمتي ما شاء الله عليها والدة مرتين بقيصري وهي من نوع الناس الجسمهم قابل للزيادة لكن من بعد الولادة طوالي بتهتما ناس مدايد وحاجات زي دي ماعندها بتغلي الحلبة مع اللبن وتشربوا مسيخ وما بتكتر اكل نهائي وتتمشى اسي جسمها تمام التمام مع انواحنا برضوا اسرتنا من اصحاب الكروش

[بلدى ياحبوب]

يلا يا بنات مع السلامه بتى زهجانه الليله من التطعيم وماسكه رجلها..ز
بااااااااااااااااى

[rnoya]

والله يا سرويه زي بديت اقتنع بالقيصريه صدقي
بس خليني امشي الدكتور في البدايه واناقشو واوريكي حيحصل شنو
بلدي سلامات للبنوته كر علي التطعيم كرييييييييييييييييييييييييييه

[وطني السودان]

رنويا حبيبتي والله قطعني قلبي.... فعلا الولادة في السودان مأسااااااااااااة ... هنا ما تشوفي بيتفننوا في ا نواع مسكنات الام من غاز تشميهو لحقن ولابرة الضهر اللي انا بافتكرها اروع اختراع ... لية الواحدة تعاني لو العلم والطب اتطور.. وبعدين الناس المها بيختلف في ناس بيتحملوا وناس لأ ... المشكلة في السودان ما بيحسوا بالواحدة وكأنها بتتدلع ..........
الف مبرووووووووك الحمل وربنا يتم ليكي على خير ... لكن المرة دي... اطلبي حقنة الظهر... او فكري في القيصرية اذا بالجد خايفة من الطبيعي.. طبعا انا اي زول بيقول لي.. انتي ما جربتي الولادة ... مشيت المستشفى من غير الم بمواعيد محددة .. وادوني حقنة الظهر.. بيدوكي بنج موضعي قبلها ... ما حسيت بيها ...... وبعد كدة خلاص ما حسيت برجليني.. فتحوا بطني وادوني كوكي.. حلاتو .. ودة كلو وانا صاحية واخر ابتسامات ... لكن بعد ما فك البنج اتجرست ... طبعا ما بتقدري تتحركي محل الجرح بيكون شاااااادي ومولم ... لكن بيدوكي ادوية تقيلة براس الساعة عشان الام غايتو بتخفف شوية ... وبس بتاخدي ليكي شهر ما تشيلي حاجة تقيلة ولا تتدنقري... حسي انا احسن كتيير الحمدلله ... الولادة القيصرية في لحظتها رووووووعة لكن الوجع بعد العملية وبتحتاجي فتر ة نقاهة طويلة ... لكن اتخيل لي احسن من الطبيعي برضو .. انا احتمال ولاداتي كلها تكون قيصري لانه حوضي صغير.. لكن بيني وبينك نفسي اولد طبيعي بحقنة ظهر.. عشان الم العملية السغييييييييييل ...
ربنا يتم ليكي على خييير وما تتجرسي... وفعلا ليكي الف حق تكرهي الاطفال ..ما بلوووووووومك كلو كلو ..........

بلدي...وام صلوحي وسرويا .......كيفكم يا عسولاااااااااااااااااااات
كيفك بتك حسي يا بلدي... التطعيم دة شر لابد منه ... ان شاء الله حسي تكون تمااام


روز العروس ..... الف الف مبروووووووووووك وحمدلله على السلامة ... مشتاقين ليكي شديد

فليمو وييييييييييييييييييييييييييييي يييييييييييييييييييين ؟؟؟؟؟؟

[om salih]

روز مبروك تاني وحمدلله علي السلامة

[rnoya]

طيب يا وطني بعد داك بطنك رجعت ولا حسيتي بي زيادة فظيعه فيها؟
ما هو المطفشني مسكنات الالم المافي دي هنا وووووووووووووووووووب علي انا
ما عارفه والله يا وطني
والله ما عارفة !!

[وطني السودان]

رجعت يا رنويا ... مترهلة طبعا شوية ... ودة بيحصل مع الولادة الطبيعية ... لكن انا عاملة حسابي في الاكل ... عشان البطن اللينة دي ما تبقى قوية وتقلب شحم ...... وممكن ابدا رياضة خفيفة بعد دة ... وعندي كورسية بديت البسو في البيت عشان اشدها ...لكن بالجد الحمدلله ما تعبت و الجرح برا طوالي وما التهب ......
. لكن لو في حقنة الظهر تكون مكسب معاكي وبتسهل كتير الولادة الطبيعية ما بتحسي بحاجة... هم البقولوا ليكي بوش .. لانك ما بتحسي بوجعة ...وعلى فكرة الولادة التانية بتكون سريعة وساااهلة ......ربنا يسهل عليكي...... يااارب

[rosewood]

سلام يا حلوات...معليش اتأخرت عليكم لكن أول يوم في الشغل و كده...
أول حاجة البركة فيكم يا هدويه و ان شاالله ربنا يرحمه و ربنا يصبرك و يصبر أهلك، و الله إتأثرت جدا لأنو قلقنا عليك و ما سمعنا حاجة منك ....انا متأسفة جدا إني بعزيك متأخر يا دوب قريت الفاتني...
والله يا بنات وحشتوني شديد و لونستكم اللزيزة و شكرا لمباركتكم و شعوركم الطيب و فرصة حلوة أتعرف على ناس جداد و لزاز زي سروية و كيوت....
أتا شماراتي كتيرة و عاوزة أسّلم عليكم بالمهلة، لكن هسى ما بقدر...فبجيكم تاني بالروقة و نتونس... سلام شديد..

[flame4me]

أذيكم...الواحد شارد من مواضيع الولادة في منتدي الحمل يجي يلقاكم قلبتوا الموضوع عنبر ولادة عديل كده........
اول شي خلوني اسلم وابوس العروس......روووزووود الف الف مبروك تاني وتالت ومرحبا بك في عالم الحريم...اها القفص لقيتهوا دهب ولا نحاس.....وشهر العسل كيف....والحياة الزوجية والحبوكانات وناس حفصة وأبكر......
تاني شي انا الليلة زهجانة...ناس الشغل يادوب اتذكروا اني موظفة عندهم الظاهر...من الصباح شغل بشكل جنوني يادوب خلصت الساعة 8 بالليل اتخيلوا...والنت كان ماشغال.....الله يعين بس.....في ناس شريرة كده ماسالت على..حسابهم معايا بكرة....والناس العسل السألوا...انا لسه هنا...حية ارزق الحمد لله......المزهجني اكتر كمان...قالوا...انو وقفوا الفيزا بتاع الزيارة لكذا جنسية في قطر علشان الاسياد..طبعا انا من ماعرفت انواع الاكتئاب.. ماما رسلت لي صورة الجواز اسي لكن المشكلة لازم جواب من كفيل راجلي وهو ما بيجي الا يوم الاحد.....متين يا الله تحلنا من بلد الكفلاء ديل......اللهم آمين......يعني من هنا لغاية يوم الاتنين حيكون الموضوع ده متنشن بي...الشكوي لي الله بس...عايزاكم تدعوا لي..انا لوماجاتني ماما ما عارفة ممكن اسوي شنو...يلا الله كريم ورحيم.....
رنو....ماتشيلي هم والله....جد والله ربنا حيسهلها من عندو المرة دي يازولة...اتذكري شي واحد الولادة المتعسرة مغفرة للذنوب تطلعي منها ابيض زي ماولدتك امك........ربنا يسهل عليك حبيبة ويديك ساعة هينة ولينة وبيبي سليم ومعافي ويجنونكي هو وحمودي......
أم صلوحي ماشاء الله ولا اله الا الله والله اكبر..يارب ولادتك كلها تكون كده......عارفة انا بخاف من البنج البيخيليكي مدروخة ده وحاسة انك بتحلمي........ماعارفةليه..غايت و ربنا بس يسهل لينا كلنا يارب.
وطني....كيف ياعسول..قلتي لي ولدتي ملح يا عسل...ماشاء الله عليك .دايرة اسالك...كنتي في الاسبوع الخمسة وتلاتين بتحسي بحركة البيبي تحت..انا ماعارفة ساعات باحس بيه بيعمل حركات غريبة جد...طبعا الحمد لله راسو نازل تحت من اول السابع..ما اعتقد بيتغير بعد ده مش......
نينو....العرس حلو....والولادة حلوة....ماتخافي...حال الدنيا....وكلنا لها باذن الله...
هدو...على قول رنو الدنيا مدورة...ده طبعا من الامثال الرنوية البعتز بيها جدا والبردت قلبي من حاجات كتيرة....والابو ماساهل.........خليك كده بس...بخصوص موضوعك الاولاني...انا شايفة انك تحنكي راجلك..ابكي اتجنني اعملي اي شي..انتي زاتك اسي محتاجة تكوني مع اهلك وامك......بوسة كبيرة لتوتة العسولة...وخليني اشوفك في المسنجر لو بتقدري.....
سرو العسل كلوا...انا ذاتي دايرة لي تياب...ذكرتيني والله كنت ناسياها......صوري وانشري في النت يابت...
بلدي سلاماتها السكرة الصغيرونة.....ماتشوف شر يارب.....:26:

[flame4me]

يلا ياحلوات..انا ماشة..بكرة بالله ان شاءالله اجي القي مواضيع لذيذة ناس حنة و شيالات وهدوم وخلطات نضافة....مفهوممممممممممممممممم مممممممممممممممممممممممممممم.. ....:26:
يلا في امان الله وتصبحوا على الف خير كلكم......

[بلدى ياحبوب]

ازيك يا فليم والله ليك وحششششششششششششششششششه...
ما تقلقى ***** الله ماما توصلك قبل الولادة وتتسهل عليك...
بتى الحمدلله احسن بس لسه فى وجعه فى رجلها وجسمها دافى شويه غايتو للصبح *****الله تتحسن.