على ضفاف النيل (ملتقى حواء السودان) الجزء التاني .................

[rnoya]

هدويه ربنا يجعله اخر الاحزان ويصبركم ويثبتكم..والله يا هدى دخلتينا مدرسه والزول كان مدبرس معاكم..فعلا مصيبه كبيرة..وكلو ولا الاهل القراب اللحم الحي زي ما بقولو..يعني بس الزول زاتو ما عارف يقول ليكي شنو بس ربنا يرحمو ويغفر ليهو ويعظم اجركم...عليك الله ورينا عامله كيف واخبارك شنو واهلك كيف وحتعملو شنو؟؟

[rnoya]

ازيكم يا باقي البشكااااااااااااااااااااااااا اات
يا وطني طبعا انا بعرف سناء المك نمر الشهيرة بي سناء تايقر (بتعمل رسمة التايقر بالحنه الحمرا والصبغه) لكن سرويه لخمتني بي صيدلانيه ومنقبه دي!!! دايرة اسالكم هي بترسم بالصبغه عادي ولا بس ياها رسماته الحمرة وسوده دي؟ عشان انا بكره الحركة دي شديد!!! عموما رسلي نمرته يا وطني ما بتضر نشوفه للعرايس
يلا لكن سرويه دخلت لي انتصار في نفسي فيلا اتجدعني يا سرويه وجيبي شماره
مبروك الطهور كرومي..انا ما عارفه استحملتي البشكه دي كيف يا بشكه طبعا انا بقول حمودي حخليهو كده واذا قرر انو داير يعرس (لاقدر الله) يبقى يتصرف براهو خخخخخخخخخخخخخخخ ابو الحلبه زاتم خخخخخخخخ ما تشوفي طولة اللسان دي والله قلبي كعب خلاص ومااااااااااا بستحمل في زول بعرفو ابدا واشطر زول بجري في الاتجاه المعاكس في الاحداث الصعبه ويشرط جلابيتو انا خخخخخخ وطوااااااااااااالي في حالة انو زول قالع قميصو يسترني بيهو خخخخخخخ
اخباري اني كنت امبارح في عرس عبارة عن بيض مطقوش مطبوخ بي زيت فرمله راجع!!! لا حولاااااااااااااااا ما قادرة اوصف ليكم الاستياء والوضع النفسي المتدهور الوصلتو عريس شييييين عروس بعاتي بس(اولاد عم) ناس عشوائيين عشا مخمر عياااااااااااااااااااااال في كل مكان زحمه وعفانه شديدة وشبشبي كان ضيق وتوبي اتشرط من تحت ورجعت شاكلت راجلي وما عشيت حمودي واتشنقلت في السرير نمت
كان يوووووووووووووووووووووم عجيب !!

[saroyaaa]

ازيكم يا شباب كيف الأخبار
هدوية ***** الله ربنا يخليها اخر احزانك يارب وبس ادعوا ليه دي اهم حاجه والحمد لله انك كنت جمبوا وحضرتييهوا

[saroyaaa]

ريحانة كيفك يا عسل والف مبروك عقبال الشهادة الكبيرة
وطني مبروك لي صلوحي يحليلوا ياناسي وانت اخبارك شنوا مع الأمومة
بلدي كيف اخبارك ***** كلوا تمام
رنوية طبعا ياها سناء دي زاتا الحننتني امبارح قعدت اٍال اخواتي كلهم ما مزكرنها لكن عصرت مخي وإزكرتها وجاي اقوليك لقيت وطني جابتا
على العموم انا جبت ليك نمرة انتصار عليك الله امشيليها والله ما حتندمي عندها حنة رهيبة جد حتى التايقر بتاعا ما تفليدي انت لو شفتي الكتلوج تحتاري تختاري شنوا ودي نمرتا0912917039 اهم شي تضربي ليها بدري لأنها الا بالحجز

[saroyaaa]

انا طبعا امبارح مشيت اشتريت حبوب اسمها شيتوكال ( خلاص طلعت في راسي) غايتوا الصيدلي مدحا لي شديد قال احسن من الزينيكال وطبيعية مية في المية ودايره ابدا برنامج الرجيم والرياضة الله يعيني يابنات انا بحب الأكل والجو هنا بارد وبجوع والله ما عارفة اعمل شنوا زاتوا انا بكره الرجييييييييييييييييم شديد بس مضرة انتوا عارفين اقل اكل بسمني يخيلي كان اتنفست ساي بسمن

[saroyaaa]

لكن يا رنوية سناء الجاتني دي ما شغالة ي المك نمر الا تكون خلتم غايتوا هي طويلة كدا ومنقبة والمرا الجابتا لي قالت لي صيدلانية لكن صح ساكنة الثورة وبالنسبة للشيالات انا امبارح مشيت السوق ما لقيت حاجة رهيييبة شديد لكن صورت ليك كم وحدة وبحاول انزلم واشتريت لي تيرمس لزيز كدا بيصينتوا واربعة سكريات وماما كلعادة اشترت تحف وهتش كتير كدا طبعا بتموت في العدة كان ماشين السوق لي حاجة تانية لازم تغشا العدة دي ومشيت دايرة اشوف لي قماش ستاير مالقيت حاجة عجبتني شديد قلت ارجع مرة تانية بالمناسبة ياجماعه الأرجانزا رايكم فيها شنوا لسة دارجة ولا خرفت

[saroyaaa]

مافي زول كلكم طلعتوا ولا شنو

[rnoya]

سروووووووووووووووووووووووووووو وووووووووووووووووويه يا سرويه يا شكولاته بالشيتوكال خخخخ والله انتي احلى زول واعسل زول
يا بت انتصار جاااااااها بلا وتعبت معاي بس استني لي
يلا اوعك تشتري اورجنزا سابوها زمااااااااان لكن في اقمشه منقوشه منها فيها افخم من الاورجنزا شوفي سيدار لو عندكم اقمشتو تهوس اشتري منو بس للهول والصالو واوضة الضيوف والباقي انسي السوق الشعبي وكده خخخخخخ ما تضحكي والله بتجي فيهو عند واحد اسمو عبدو اقمشة ستاير سمحه خلاص وابو الرخا المتر بي 11 و12 وكده خخخخخ بس انتي تعالي لي
لكن احبطتيني بي انو مافي شيالات رهيبه تعرفي يا سرو بتهيأ لي الحاجات الفخمه شديد دي بتتلقي في المحامص(ما بعرف اسمها شنو في السعوديه لكن اللببيعو فيها الشوكولاته الفخمه والمكسرات وكده) زي الاطلال والدوري والبشكات دي
عندي صحبتي في ولادته جابت الصندوق المدهب الكبير الزي السحارة الزمان ديك بس كلو دهبي وملتو شوكولاته باتشي وماكنتوش وكده لكن الحاجه البايخه كانت انو لازم البنات الشغالات الاتنين يجو يقدمو ليكي الشوكولاته (طبعا هي كانت حركة لاستعراض الفلبينيات قبل الصندوق!!!)
هنا برضو مافي اصلا هنا مافي اي حاجه يا زوله اذا سمعتي اي شمار عن حاجات فظيعه احكي لي
عاوزة اسالك برضو لاقتك الكاسات البي الخرز؟شكلها زي المطرزة بقولو.. انا سمعت عنها لكن ما شفتها بس الفكرة جذابه صح؟
طبعا انا افشل زول في الريجيم والبشكات دي ووحياتك من اول ما اتزوجت ما عملت لي حركة زي دي لكن النافعني اني عصبيه جدا وزعيله وحريده والزول البكون كده ما بسمن !!! فما بفهم ليكي اي حاجه في الشيتوكالات دي
سناء زماااااااااااااااان كانت شغاله في المك نمر وسابتم هسه طبعا ماسكه حنة المك نمر مريم الحاج يوسف وبناته بس الغياظ انو بترسم ليكي شويييييييييييييييييييييه وردتين بالجمبه كده وتقول ليكي 40!!!

[rnoya]

شوفي يا سرو الديزاينات دي واخدي فكرة ان شاء الله زوقي يعجبك :)
http://http://www.9q9q.org/index.php?image=tCIJgfFEdiED (http://www.9q9q.org/index.php?image=3YXa85B64)
http://http://www.9q9q.org/index.php?image=n3CMji8636Zz (http://www.9q9q.org/index.php?image=XutPOnokJ)
http://http://www.9q9q.org/index.php?image=apvNkj863HED (http://www.9q9q.org/index.php?image=UrqTSrb64)
http://http://www.9q9q.org/index.php?image=GV2ZwvUTsTqP (http://www.9q9q.org/index.php?image=a31974TqP)
http://http://www.9q9q.org/index.php?image=bqwFcb31Zggd (http://www.9q9q.org/index.php?image=yUTTSrqqn)
http://http://www.9q9q.org/index.php?image=JY8920RQpeDb (http://www.9q9q.org/index.php?image=NkjedBqPn)

[rnoya]

انتو يا بنات الشدو ده حلو ولا البنات عيونم سمحه؟؟
http://http://www.9q9q.org/index.php?image=sBHB64jIGNpM (http://www.9q9q.org/index.php?image=lHGVvtxYw)
http://http://www.9q9q.org/index.php?image=yHNMji32Zopn (http://www.9q9q.org/index.php?image=a31Ttrtus)
http://http://www.9q9q.org/index.php?image=RbhiEDbA79e8 (http://www.9q9q.org/index.php?image=IfedCAX3x)
http://http://www.9q9q.org/index.php?image=rAGVsrLljTXt (http://www.9q9q.org/index.php?image=C86JjhptO)

[... nani ...]

انا لله وانا اليه راجعون
هدوية البركة فيكم واحسن الله عزاكم
رحم الله الفقيد واسكنه فسيح جناته مع الصديقين والشهداء
:(

[وطني السودان]

رنويا حبيبتي الله يبارك فيكي وعقبال طهور حمودي...... والله ما قادرة اوصف ليكي اتجرست كيف... قعدت ابكي... وااااااااي صوتو يقطع القلب وهو بييكي ويصرخ ... ولما انتهى وشه بقى احماااااااار ..كر علي حبيبي... لكن الحمدلله خلصت من الهم دة... شر لا بد منه ... والله يا رنو انصحك اخلصي من الموضوع دة ... هو صغير كدة ما بيحس بحاجة .. وبيبرا بسرعة .. لكن لما يكبر شديد.. بيكون وااااعي بأي حاجة ... غايتو الاولاد يحليلهم معاناة في الطفولة ... لكن على قول صاحبتي ... البنات معاناتهم ورا ... لوووول .. دورة وولادة وحاجات تانية خخخخخخخخ :)
شفتي سناء دي ميزتها انها ظريفة لكن غالية نار وما بتتنازل في القروش... لكن شغلها نضيق.. وبتحنن صبغة عادي.. وملون ......
دايرة اسألك اتنتصار دي مكسب؟؟.. وبتجي البيت.؟؟ انا سكانة في المنشية .. وان شاء الله دايرة اجي السودان شهر 12...
الشدو خطييييييير طبعا لكن بس داير عيون زي دي بالضبط خخخخخ... استعملتي عدسات قبل كدة.... رأيك فيها شنو .. مفكرة اجيب لون عسلي.. واصبغ شعري... بني فاااااتح .. نيو لوك بعد الولادة لوووووول ......


سرويا الله يبارك فيكي يا سكرة.... دايرة اقول ليكي شنو ..الحبوب بتاعة الرجيم دي ما مضرة ...انا اتخيلي بتمنع امتصاص المواد البحتاجها جسمك ... والله ما في احسن من الرجيم العادي ... يا قول خالتي ... صمي خشمك وانتي تضعفي . خخخخخخ... جربي رجيم شوربة الملفوف .... بتضعف شديد..
الحننتك ياها سناء ..كانت زمان في المك نمر ... لكن حسي فتحت محلها براها .. اتخيل لي حسي هي حامل ولا قربت تولد.. فما أظن بتكون شغالة حسي ....

هدوية حبيبتي .. طمنينا دايما عليكي .. والله يصبركم ويثبتكم ويجعلها اخر الاحزان ..........

[saroyaaa]

Iازيكم يا عسولات كيف الأخبار ***** الله تكونوا كلكم تمااااااااااااااااااااام التمااااااااااااااااااام
رنوية طبعا الستاير خطييييييييييرة انا كنت دايرة اعمل الحركة الفي اول صورة للهول وللأسف ماعندنا سيدار لكن شايفة المخمل والقطيفة رجع تاني يمكن اسويهوا ويابت السوق الشعبي فيهوا حاجات رهيبة انا ستاير اوضة نومي منوا اي زول بسألني منها

دي طبعا الشيالات القلتها ليكي
http://www.9q9q.org/index.php?image=q9Fa41nrMwWU


http://http://www.9q9q.org/index.php?image=UekxuSz5YopM

http://http://www.9q9q.org/index.php?image=7NTifD220ONm

[saroyaaa]

دي حنة انتصار رايك شنو بس مشكلتا ما بتجي في البيت لازم تمشي ليها في بيتا وتحجزي من بدري بالذات للعيد وبالمناسبة عندها حنة احلا من دي بكتير بس انت شوفي الكتلوج وبالنسبة لي صمة الخشم ياوطني صعبة شديد الله يقدرني عليها

[saroyaaa]

http://http://www.9q9q.org/index.php?image=vEKTQp9a7HhF (http://www.9q9q.org/index.php?image=nkIoOnrQp)

http://http://www.9q9q.org/index.php?image=wFLnkIDeCHHF (http://www.9q9q.org/index.php?image=b63uUtoom)
دي طبعا تحف لكن ممكن تبقى شيالات

[وطني السودان]

الحنة حلوة يا سرويا و شغلها نضييييف شديد .......... ان شاء الله باسجل نمرتها ... هي وين محلها بالضبط ..........؟؟
شفتي في شيالات كانت مكسراني .. نفس فكرة الاولى لكن قزاز شفاف احمر بالفضي.. زي الف ليلة وليلة ما عارفة لاقتك ولا لأ؟؟؟

[Homaa]

سلام ياعسولالالالالات

كيفكم ياحلوات

اولاً كيفك ياهدويه واخبارك كيف ؟

ربنا يصبرك والحمدلله انك شفتيه

تخيلي زي 5 سنوات ما شفته بابا ومات كمان الله يرحمه

فراق الاب حار وبتحسي انك من دون ظهر دي إحساسي

ربنا ما يوريكم الاحساس دي

الله يرحم ابويا وابوكي واختي واموات المسلمين

وطني

مبروك لكريم انا عملت كده لولدي طهرته قبل الاربعين ارتحت كتير

ولازم تطهري ولدك يا رنوووو

سروووويه

حسستيني انتي ورنوو اني مقبوره في كندا من الحنن والشيالات والستاير والعيون

والله الحاجات دي تفصم

تصدقوا لمن سافرت السنه الفاتت السودان في وفاه بابا حسيت اني اتخلفت مئات السنوات

لي وري والله الناس نظيفه وحلوه ولابسه

عندنا واحده مره كبيره شايف روحها كويس لمن جات تودعني

طبعاً ماما حلفت علينا من الاربعين انو مافي حد

طبعا اختكم اّخر دخان وحاجات وحاجات

قالت لي عليكي الله تاني ما تجنا مبشتنه جنس البشتنه الجيتي بيها

طبعاً لمن جيت هنا راجلي ماعرفني

لمن جيته قلت ليه انا مراتك بعلتك والله

طبعا كنت اخر روعه

هسي الطلح قاعده في شنطه في البلكونه

خايفه من المطافي

سرويه النشادر نخلط معاه الصلصه؟

سلام يارنوووو واحشاني والله

كسل مني عدم ردي والله

فليم كيف ياعسول

بلدي

ام صالح

ريحانه

مجنونتنا

جيلا

كلكم ليكم وحش

ارقدوا عافيه

[saroyaaa]

سلام ازيكم يا بشكات على قول رنو
ازيك ياوطني اخبارك شنوا وكريم عامل كيف ما يكون متعبك بس وبالذات باليل لانوا الشفع ما بحلاليهم البكا الا بليل وبالنسبة لانتصار هي ساكنة بحري جم سوق بحري ورا عمارة طلب ولو ضربتي ليها هي بتوصف ليك كويس بس اوععععععععععععك تجي بحري وما تصليني انا ساكنة شمبات الأراضي ووصف البيت ساهل
هوما ازيك يا عسل ما تبقي تقطعي شديد كدا والله ياهوما ما تهتمي في السودان ولا تكسلس مافي زول يريحك الناس كلها تقيف ليك وكل وحدة تديك كلمة شكل مالك الحاصل عليك شنوا لاحنة لادخان حادة عشان كدا احسن الزول ياخدا من قاصراويريح راسوا اصلوا الحاجات دي في السودان بقت للمجتمع اكتر من انها للراجل انا عني حكاية الحنة دي كانت صعبة بالنسبة لي عدم ظبطها وكدا اسي اتفقت معا وحدة بتحنن نسوان المنظقه كلهم السادة تجي تختها لي كل اسبوع والله ريحتني شديد طبعا ماما ما معاي في السودان لو كانت معاي هي زاتا ماكانت ريحتني جنها وجن البشتنة واسي شايفة موضوع اجيب بت تحنني دي خيابة مني قلت ليها النسوان كلهم كبار وصغار بقوا كدا مابتحننوا براهم جات علي انا اللسة جديدة في البرنامج دا

[saroyaaa]

لكن بيني وبينكم الجيهة حلوة برضوا انا اسي لمن اشوف مرة نظيفة ومجيهة بغييييييييييييييييييييييير عديل وبقول يعني هي احسن منوا في شنو وابدا اهتمليك لكن مرات الكسل برضوا بحصل طبعا الليلة بديت الرجيم من اسي جيعانة الله يستر باقي اليوم

[rnoya]

ازيكم يا بشكااااااااااااااااااااااااااا ااااااااات (يخوانا حقوق الطبع محفوظه) خخخخخخخخخخخخخ
انا كويسه ورايقه وفي كامل جمالي الفتان خخخخخخ
يلا يا وطني العدسات العسلي ما ظريفه لكن جربي الرمادي وعسلي مع بعض او الرمادي الساده واقول ليك حاجه جربي البني والله ما بتتخيليهو بنضف كيف وبعدين بديكي لوك ناتشورال حلووووووو كانك انتي اساسا نضيفه ما مسألة عدسه وكده لوووووووووول
يلا انا المكسلني من الطهور يا هوما انو هنا في السودان ما بعرفو يطهرو العيال الصغار شديد وعندنا تجربتين فاشلات تماما في الاسرة فقلت على شنو اعذبو مرتين خليهو يكبر شويه 3 سنين واطهرو زيو زي العيال وكنت مفكرة اطهرو في الامارات لما نسافر شهر 5 ان شاء الله لكن قالو لانو قفل سنه فبتبقى الطهارة الا بي بنج كامل !!!! قلت بس سببي؟ مافي اييييييييييي داعي...
سرويه لكن الشيالات صورهم ما طلعت عندي!!! والشمار كتلني شديد
لكن التحف فعلا هي ممكن تكون شيالات كعك بالذات لو الحجم اكبر من كده شويه وممكن الحجم ده يكون شيالات شوكولاته وحلاوة لكن شيالة الخبيز المشكل تكون كيييييييييييييييييييف؟؟؟ بتهيأ لي لازم تكون فطحه عشان ترصي الاشكال صااح؟
عموما مستنيه الشيالات على موقع تحميل تاني
الحنه لكم ما شاء الله ما تقولي..والحكمه القدم..انا عيني ما حارة يا بت هوي خخخخخخخخخ
يلا يا بشكات مثلا امبارح مشيت لي ناس حبوبه طبعا بنمشي كل جمعه الممهم ما كنت مكحله وتعاااااااالو شوفو انوااااااااااع الاسئله وطبعا اول حاجه بتخطر على بال الناس لما تكوني مبشتنه انو عندك مشاكل مع زوجك (فبسهوله ممكن تشوهي صورتو لما تحقدي عليهو خخخخخخ)
ما عارفه هي حاجه حلوة انو تهتمي بي نفسك لكن لما تبقى فرض بتبقى باااااااااااااااااااااايخه وعبارة عن قيد تقيييييييييييييل بزهجك شديد..عارفين نف سي اطلع من دور التوب والحنه نفسي فعلا البس جيبات وبلوزات او بناطلين واكون ما متحننه ولا متدخنه لي مدة سنه كده لكن المشكله انو لااااااااااازم تجي مناسبه في النص تجبرك تتحنني وترجعي لي نقطة البدايه وبعدين سبحان الله بعد الولاده الجسم بجوط كده ما بكون زي زمان مههههههههما اجتهدتي يعني الا ما يكون في كريشه هبله كده والصدر وماااااااااااااااا ادراك ما الصدر ببقى فتااااااااااان خخخخخخخ والجسم بتشقق شويه ويعني ما بتكون في ديك الثقه الزمان
فغايتو
سرويه لكن القطيفه حتمرضك في التراب ده لانها بتشييييييييييييييييل وسييييخه ولو نزلتيها كل يوم والتاني الوبر بتاعه حيبوظ ولا شنو؟ يا بت جخانين الشعبي وسوق امدرمان الحكمه فيها حاجات تفصم بس الناس ما مكتشفنها
انتي يا بت ما كفاك جايه متين؟؟

[بلدى ياحبوب]

سلام يا عسل...
كيفكم يا بنات كلكم..
سرويه الله يعينك على الرجيم واهم حاجه العزيمه والهمه:) ..
والله يا بت الجيها سمحه وشايفه حركه النسوان البجوا للحنه لمن امشى السودان فى واحدة بتجينى مريحه شديد..
الشيالات رهييييبه وفعلا الواحد ما شرط شياله ممكن ابتكارات لاى حاجه.

[بلدى ياحبوب]

هوما كيفك حبيبه بقيتىزى الكنديين ولاشنو؟خخخخخخخخخخ طبعا مريحين روحهم لاميكب ولا لبس بس جينز وتى شيرت وخلاص ...

[بلدى ياحبوب]

سرويه ما علقت على الحنه حلوة شديد و***** الله لمن امشى السودان بمشى ليها انا فى امدرمان يعنى فركه كعب..
رنويه يا قردة مالها العيون العسليه مازى السكر خخخخخخخخخ:) طبعا انا عيونى عسليه خلقه..

[saroyaaa]

ازيك يابت اخبارك شنو اوا والله مفروض اجي بعد اسبوعين كدا ولو كترت بعد ورقتي بتصلني محمد قال لي صبرت عليك شديد لكن والله القعدة هنا مفيده السوق والنظافة وعدم المسؤلية كلها حاجات ما بلقاها بالساهل في السودان بازات عدم المسؤلية دا لزززززييييييييز بشكل هسي تاني ارجع للمجاملات والبت والعوارات دي كلها وطبعا لازم امشي اعيد على الناس كلهم واهل راجلي وما ادراك برنامج بيض كدا لكن نسوي شنوا على قول ماما ياهو دا العرس انت قايلاهوا حفلة ورقيص بس
وبالنسبة للستاير كلامك صح لكن والله احترت طبعا ما يفوتك انا فظيععععععععععة في السوق ممكن الفوا خمسة ساعات وما ارجع بولا شي ما بقتنع باي حاجة على قول راجلي لابعجبني العجب ولا الصيام في رجب واي زول بمشي معاي بزهج شدييييد ماما دايما تقولي انت احسن حاجة معاك نختك قدام الامر الواقع نشتري ليك الحاجة ونديك ليها وفعلا انا في حاجات كتيرة في السوق بشوفا شينة لكن بعداك لو اشتريتا اوجابوها لي في اللبس ولا الفرش بشوفا كويسة غايتوا عادة غبية ما عارفة اتخلص منها كيف

[saroyaaa]

بلد ي ازيك يابت الأخبار شنوا وبتك كيف ***** الله تمااااااااااااام اسي انت نظامك كيف حنن ودخان ولا ما شغالة بالموضوع

[بلدى ياحبوب]

ازيك يا سرويه طبعا كتبت الرد وضاع منى شفتى السقاله دى.
البنوته كويسه بس شغب كل يوم زايد .ربنا ***** الله اديك مجرد ما تصلى لى ابو الشباب ونجى نحضر السمايه لازم تكون بى غنايه :) .
شفت يا سرويه بالنسبه للستاير فى ستاير عاجبانى شديد عند اختى شفون من جوة منقوش ومن برة تقيل سادة وفى كمان تقيل منقوش نفس الرسمه بتاعت جوة زى الستاير فى مسلسل جادة 7 لو شفتيه رووووووعه.
اما بالنسبه للجيها انا بتحنن كنت محددة يوم فى الاسبوع اطبق فيه عشان ما تطلع وتكون نايره على طول بس الكسل موجود اما الدخان فاتحه ليه بما انو الاجواء الايامات دى هنا فى الشرقيه رااائعه جو دخان خخخ.

[بلدى ياحبوب]

انتى فى جدة ولا الرياض؟

[saroyaaa]

شكرا على الدعوة الحلوة دي انا والله في الطائف طبعا اليومين ديل برد شديد وانا الليله ***** الله ناوية ابدا الدخان لو ما كسلت انتي طولت في الشرقية طبعا الشرقية لزيزة فري شوية ما زينا هنا

[flame4me]

صباح الخير يارايقات...ماشاء الله وإن شاءالله اديما يارب....:26:
البت رووزود مشت شهر العسل ولاشنو......:)
وطني....الف الف مبروك ياعسولي للود كريمو وعقبال العرس يارب..نحنا عندنا هنا من تاني يوم ياحليلو بيطهروه وده الناوية اعملوا ان شا ءالله كل ماكان صغيروني مابيحس بي شي وزاتو ماما تكون معايا احسن لي.....بخصوص اللوك ياعسل البني حلو والعدسات العسلي المحدد حلو لكن الاخحلي منو عسلي بي رمادي او اخضر بيجنن وجد بيعمل تغيير والبني زي ما قالت رنو بيخليك نضيفة والناس مابتعرف انو دي عدسات.....
سرويةماشاء الله حنة جميلة جد وشماعة اجمل ماشاء الله وتبارك الله.....تصدقي شهيتني في الحناء والله المشكلة ماعنجي اخلاق لي قعدتها غايتو حاحاول اعملها واوريكم النتيجة..وبختك اللقيتي زول يحننك انا اول مرة اتحننت جطت البيت وناديت راجلي يساعدني ومانفع ضربت لماما قعدت ابكي ليها وهي تبكي معايا كان يوم مأساوي جد......مهما كنت في السودان وحيدة في النهاية في بلدك ومابتغلبي لكن هنا الله لا يوريك جد.....

[بلدى ياحبوب]

سرويه لى سنتين كدة تقريبا..
فليم كيفك وكيف كريم؟

[saroyaaa]

ازيك يا فليم والله مشتاقين وين ما ظاهرة ولا دا الحمل يازولة قربتي وربنا يحلك بالسلامة على قولك السودان احسن حاجة فيهوا انو ما بتغلبي في الحاجات دي نهائي لكن انتي يافليم بعدا اتحنني قريب الولادة عشان حركات النفاس وكدا ولو لقيتي وحدة تعمل ليك شكل بالنشادر برضوا حلوا

[flame4me]

بلدي ياحبوب كيفك ياعسول.....بختك قربتي تنزلي السودان...انا نفسي انزل والله بعد الولادة بي شهر مع ماما لو ربنا هون لكن راجليرافع لي شعارات شديدة قال البيبي بيكون صغيروني شديد........وانا جد زهجت ياناس واشتقت لي اهلي جد.....غايتو ربنا يسهل....وياستي ولا تزعلي العيون العسليةحلوة وجميلة جدا........................عيو ن هنود بس....:26:
هوما....ربنا يرحم ابوكي وابو هدوية واختك وكل المسلمين يارب...فعلا الابو ماساهل على اي زول....انا اكتر شي بخاف منو في الغربة دي افقد لا قدر الله زول من اهلي وانا بعيدة وما اقدر حتي اودعهم...وطوالي بتجيني وساوس غريبة بخصوص الموضوع ده..في النهاية باستغفر وباقول كلوا بيد الله..الله لا يوري زول مكروه في حبيب وقريب........
شنطة الطلح حقتك تشبه حقتي انا حقتي برضو ماشغالة بيها من ماعرست ما اتدخنت الا في السودان والحمد لله لكن ان اشاءلله بعد الولادة اتدخن واجرب الموضوع..اسي يابنات لودايرة اتدخن الا التقيل داك البيعمل طبقات ولا ممكن بس كل اسبوع مرة؟؟؟؟ وبعديها اعمل شنو علشان اطلع لون الدخان مالذيذ في الشغل بيكون....

[saroyaaa]

هوما حبيبتي معليش نسيت ارد على سؤالك النشادر تخلطيهوا مع الصلصه من غير موية وطربتيهوا بكيس ثلث ساعة بعدين تحكي رجلك كويس وتختي الحنة لو طلعت حلوة ادعي لي

[بلدى ياحبوب]

والله يا فليم البيبى فعلا بكون ضغننونى خليه اكبر شويه وبعدين سوقيه بما انو انا بفضل العندو اطفال امشى فى الشتاء لانو جو السودان بكون كويس.
شكرا على الرد الحلو بس بالجد الهنود عيونهم عسلى؟

[بلدى ياحبوب]

فليم بالنسبه للدخان انا ما عندى خبرة فيه انتى استنى ماما بتجيهك بعدين.

[flame4me]

رنو ياحركات مشيت وين في السمنجر.....؟؟؟؟البهدلة والله هنا عادي زي الزبادي كل يوم ماشة لحماتي بالبنطلون وساعات بعلي العزيز يكركرني من الشغل بدون مكياج يوديني لامه...وطبعا شماعتي الجاهزة حامل ياخالتو براكي عارفة الحمل.....الصراحة ساعات باكون ماعندي مزاج حتي للكحل وساعات بامشى لمواعيدي مع الدكتورة وكاني ماشة حفلة...لمن تتخلع...نفسياتتتتتتتتتتتتتتتتت تتتتتتتتت ..
طبعا حماتي يابنات شاماني شديد لاني من ماحملت لغاية اسي مابالبس فساتين بالبس بناطلين الحمل وبس..انا مرتاحة فيها وهي مامقتنعة بيها....قال مضايقة البيبي ....طبعا كل ما امشي محاضرة طويلة عن جمال الفساتين وكده وبتها لمن كانت حامل كانت كيف وكيف...انا باسمع بس....اصلا مافي طريقة تعلقي بس تسمعي وتحتسبي.....الله كريم.....
بلدي انا تمام الحمد لله وكريم تمام صحاني الليلة عندو ابو الشهيق الظاهر..اليومين ديل حاسة بطني قاسية حجر وبيجيني الم كده عجيب والرجلين بقوا مبالغة.....فاتنات عديل على قول رنو.....
سرو انا تمام ...والله مختفية بس ماسكة لي مشروع كده تبع الشغل لكن خلاص بكرة بانتهي منو...امبارح مشترية يابنات العاب من مركز التعليم المبكر بي 5000 الاف والليلة ماشة اشتري بي الفين ريال.....عندي بكرة برنامج هدايا العيد لواحد من عملائنا وانا المسؤلة من البرنامج .......احلي شي الشوبينج للعيال والعابهم جد........
بنات تفتكروا اخد اجازة الوضع حقتي متين؟؟؟انا اسي في نص التامن تقريبا ولغاية اسي مكسب....ساعات باكون نعسانة في الشغل لكن اصلا الليلة شوفوا اجاة وشوفوني صحيت من الساعة 6........يعني لو قعدت ماشكلي حانوم.....

[بلدى ياحبوب]

يا بنات العندها رقم سناء الك نمر تدينى ليه دخلتو حنتها فى نفسى:)

[saroyaaa]

غايتوا انا الحاجة العارفاها انواول ايام بتركميهوا بعداك بتبقى بوخة ولخوخة لكن لوجاتك رنوا بتوريك الحاصل شنوا بما انها قاعدة في السودان ومجربة الحاجات دي

[flame4me]

بلدي الهنود عيونهم عسلي كلهم تقريبا....عندي صاحبتي ماشاءالله تعجبك في العيون العسلية...اللهم اوعدنا الجنة والعيون الرهيبة في الجنة يارب.....:26:
رنو الشدو حلو لكن البنات عيونهم اصلا ماشينة......سبحان الله الشدو اصلي مابعرف ليه اختي الصغيرونة رهيبة بتعرف تعمل سموكي ماحصل.........يوم زفافي مشوا اتمكيجوا في كوافير والمكياج ماعججبها لا هي لا اختي التانية....قامت عادت المكياج من الاول واي زول مامصدق انو عملتوا براها.....انا جربت اعمل سموكي كانوا زول مديني بنية...عموما انا باحب اعمل كحل واي لاينر وشدو لونو خفيف وبس......

[بلدى ياحبوب]

فليم لو انتى قادرة تمشى الشغل امشى بس لو حسيتى انك دخلتى التاسع وتعبتى وقفى عشان تكون الاجازة بعد داك طويله...

[flame4me]

رنو...ليه الكلام المحبط ده عن بعد الولادة..يازولة انا الشوبينج العملتوا لروحي من لندن كلوا على مقاسي القديم...قلت علشان احترم نفسي واضعف...تقومي تقولي كده...بالغتي معايا..انا المحيرني جد الصدر يابنات........اول امبارح قلت اقيس ستيانتي القديمة...كانها حقت زول تاني......جاني اكتئاب طبعا.....وكمان صاحبتي قالت لي بالرضاعة انسي.......ضرائب الامومة ماساهلة والله.......اصعب من ضرائب المغتربين طلعت...

[بلدى ياحبوب]

ماشاء الله على اختك شطورة هسه انا برضو بحب المكياج شديد ونفسى دائما اتعلم حاجات جديده..
فليم عاوزة اسالك جربتى مكياجى ورايك فيه شنو لو جربتيه؟

[بلدى ياحبوب]

فعلا الصدر بتغير بس بر جع تانى يا فليم ما تشيلى هم انا الايامات الفاتت فطمت بتى وكانو متعبنى شديد كبرو كبر باللبن راجلى بغيظنى قال لى انتى عامله سليكون خخخخخخخخخخخ لكن هسه رجعوا زى زمان .

[flame4me]

والله انا قلت كده برضو يابلدي...الذ شي ناس شغلنا مديني اوضة براي اصلي فيهاوانوم فيها...بانوم زي ساعة كده وساعات بعد كل صلاة بانوم زي 20 دقيقة.......والشغل مامتعب اهو انترنت وقعدة وبرامج......قلت لمن ماما تجي ان شا ءلله قبل الولادة باسبوعين حاقعد معاها علشان زاتو نكمل حاجاتي في حاجات حاستناها تشتريها معايا ناس دهب وتياب وديل.....
يلا يابنوتات انا حامشي انوم بعد شوية الليلة ماعاملين غداء متغدين بره الذ شي...وماكلمتكم قصيت شعري امبارح والقصة طلعت مكسب والحمد لله وان شاء الله للاربعين امشي اواسيه بس واعمل هايلايت او لون تاني....يلا في امان الله حبيباتي......ارقدوا عافية...:26:

[flame4me]

بلدي لسه ماجربت مكياجي لكن ناوية اشتري طقم العيون الاسود منهم اسي للولادة باجربو وباديك خبر......عموما قالوا حاجاتو سمحة هو كم زول قال لي كده....:26:

[saroyaaa]

والله يا بلدي انا نمرة سناء دي ممكن اجيبا ليك لمن امشي السودان لانها اتمسحت لما غيرت موبايلي وبالنسبة لمكياجي قالو كحلم خطير بس ما جربتوا

[بلدى ياحبوب]

خلاص يا سرويه بستنى منك الرقم...مشكورة.

[بلدى ياحبوب]

فليم بستناك تجى تورينى بعد ما تشتريه..
يلا يا بنات باااااااااااااااى:26:

[بلدى ياحبوب]

وطنى ازيك ونحن مشتاقين ليك كمان ومبرووووووووك لى كرومى عقبال العرس لكن صدقينى كدة احسن من بدرى عشان كل ما كبر بتعبك...
وينك يا بت مختفيه مع كريم.

[rnoya]

بي مناسبة المكياج يا بشكات
عارفين احلى ماركة لي الكحل الملون شنو؟ خصوصا اللون الاخضر الزيتي؟ طبعا انا بحبو شديد لكن عمري ما اشتريت كحل ملون وطلع ثابت حتى لانكوم ما ثابت !!!
اما الكحل الاسود اي نوع غالي ما نفع الوحيد الزبط العفن بتاع كاجل والبودرة خخخخخخخ
لاحظو الجوطة دي كلها وعيوني قدود جلد بس! سغااااااااااااااااااااااار
العيون العسليه الطبيعيه حلوة شديد ومللللللللللفته يا بلدي حظو راجلك يشيل ويسرح ويتأمل خخخخخ ماما عيونه عسليه وهي ماشاء الله بيييييييييضا لكن عيون العدسات العسليه كديسيه شديد انا شخصيا ما بحبها عسلي ساده لازم تتحدد بي لون تاني

[saroyaaa]

ان شخصيا ما بستعمل كحل ملون بس الأسود وبالنسبة للعدسات انا عندي عدسات عسلي برمادي حلوة شديد اختكم طبعا عميانة شديييييييييييييييييد وبكرة حاجة اسمها نظارة عشان كدا معتمدة على العدسات لكن في جو السودان دا مرات بتتعبني شديد

[saroyaaa]

كاجل حلو يارنو بس مشكلتوا بسيح انا بعمل لير الألماني حلوا شديد ومابسيح

[saroyaaa]

يلا يابنات بااااااااااااااااااي

[هدويــــــــــــه]

:p :p :p كيفكم ياشباب اخباركم شنو والله مشتاقه ليكم وكيف الجكس السغير كلو (كريم وصلوحي ولميس وكريم الفي السكه وحمودي بوسوهم لي كلهم) وانتو اخباركم شنو طمنوني علكم شايفاااكم مهججين حنه ودخاخين الكلام دا بتابو بجيب المشاكل مع الرجال

[om salih]

الللللللللللللللله يا بنات ونستكم حلووووووووووووووة
نسوانية بحتة ومفيييييييييييييييدة جد
ايوة خليكم كدا عمليات ومفيدات :22:
بس انا فاتتني
الخميس غايبة صلوحي الاربعاء تعب شديد نزلو والتهاب بالصدر وحمي شديدة تاني يوم الصباح غبت
ويوم الجمعة بالليل اتخنق ونفسوا اتضايق لمن جنيت مشينا المستشفي الساعة تلاتة صباحا
والله اول ما لمحوه قايلنو ازمة
المهم مع جهاز البخار ارتاح شوية ورجعنا تاني يوم نايم لغاية الساعة اربعة بس الحمدلله بعد كدا قام يلعب ويجننا
انا يا جماعة من النوع الهلاع شدييييييييييد
تصدقوا دايما اقوم نص الليل فجأة مخلوعة علي صلوحي وبدون ما احس اشيله بسرعة وبيكون نايم يبقي لي مرخرخ وزي قطعة القماش اصرخ واهزه وراجلي يقوم مخلوع وبس انتبه انه صالح كويس واني مريت بالموقف دا مية مرة فاهدا وبعد كدا ابدا اضحك علي منظر راجلي وشكل وشه اول ما يقوم مخلوع خخخخخخخ وطبعا هو يبدا في انواع الشكلات
بالنسبة للشيلات يا رنو امس بالصدفة راجلي وقفني جنب محل شكولاتة نازل لكتب في نفس البناية المهم وانا متمركزة في الكرسي واتلففت واستكشف المكان المحيط لمحت الشيالات معروضة برة اتذكرت انو رنو سالت عليهم
بدون اي مقدمات اديت صلوحي للبت وجري علي المحل فعلا حاجات رهيييييييييييييييييييبة
احاول لوصف ليكي بعض الاشكال ما عارفة تعجبك ولا لا وبحاول اديكي رسم كروكي حااااااااااولي تفهميهو

IMG]http://www.elaana.com/up/get-1162708172.bmp[/IMG]

الاول عرفتي كيف بكون فيهو كم دور والتاني زي ما ظاهر والتالت مسطيل مقسم وفيهو غطا وطبعا كلهم نوع شغل تقيل بالدهبي والنحاسي اكييييييد ما زي رسمتي الحلوة :42:
وفي اشكال تانية كتيرة وبصراحة شفت عندهم صواني ما شفتها في حياتي
لما جا راجلي قلت ليهو يوم عايزة اجي تاني هنا في حاجات عايزاها قال لي انتي شنو الما عايزاهو خخخخخ

ما شفت الحنــــــــــــــــــــــــــ ــــــــــــــــــــــــــــــ ــــــــــــــــــــــة :06:

[saroyaaa]

ازيك يا أم صالح وسلامتوا صلوحي يحليلوا يا ناسي الأطفال ديل لما يمرضوا يقطعوا القلب انا طبعا زهجانة الليلة شديد مشيت للدكتورة وعملت لي تحاليل وقالت عندي تكيس بسيط طبعا من الخبر دا جاتني نفسيات وبالنسبة للحنا اختها ليك تاني ياستي
][/URL][/IMG]

[saroyaaa]

وينكم يا بنات

[om salih]

الله يسلمك يا سروية
والحنة رهيييييييييييييييييييييييييبة ما شاء الله وزي ما قالوا البنات الرهيبة انتي ما الحنة

[saroyaaa]

شكرا حبيبتي

[om salih]

وييييييييييييييييييييييييييييي يييييييييييييييييييييييييييييي ييييييينكم؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

[om salih]

مبروك يا وطني ختان كوكي
وبالنسبة لتجربتي طهرنا صالح رابع يوم كان مفروض تالت يوم واتاجل
صررررخ شديييد اثناء الختان وجابوهو لي بيبكي وطوالي نام وكنت شايلة هم لما يصحي وصحي عادي وما بكي بقيت مستنية لما يبول بعد شوية لقيت البمبرس مليان بول ( اكرمكم الله) وانا المستنية اتاريهو ما حس خخخخخخخ وبس يا بنات وعن تجربة لما يكون صغير كدا احسسسن كتير
وصلوحي بعدها ولا حس بحاجة

[بلدى ياحبوب]

ازيكم يا نساوين ويا بنات...
هدويه الشاشه نورت و***** الله دائما معانا.الجكس الصغار كلهم بخير وبوستك وصلت وكيف حيوته العسل؟كمان بوسيها لينا.
تعرفى كلامك صاح صحى الموضوع بجيب المشاكل:42: خخخخخخخخخ.
ام صالح سلاماااااااااات لى صلوحى ميشوف شر وبالنسبه للجرسه كلنا كدة بس لازم الواحد اتقل قلبه عشان اعرف اتصرف لو حصلت حاجه لاقدر الله .انا النوع البصرخ لو حصل حاجه وراجلى بقول لى بتبوظى لى اعصابى غايتو الله يصبرنا.
سرويه حبيبتى ماتقلقى ابدا واحسن الحاجه اتعرفت و***** الله تتعالجى منها وما تخافى المهم استمرى فى العلاج وحسب معرفتى انها حاجه بسيطه وبتتعالج.طولى بالك وفرفشى وبطلى النفسيات يا عسل واجتهدى فى الدخان واللذى منو عشان تمشى عروووووووووووس.

[Homaa]

ازيكم ياعسولات

والله انكم احسن ناس

سلامات ياهدويه اخبارك واحوالك

بلدي ازيك وكيف البنوته

وسروووويه شكراً علي الرد

ام صالح سلامه ابنك مايشوف شر

رنووووووو

ازيك وحمودي كيف؟

فليم

وطني

مجنونه

ريحانه

ارقدوا عافيه

[rnoya]

ازيكم يا بشكات كلكم بدون فرز
اسمعو نحن معانا ناس وهم كده من الفرع الرئيسي واول ما يجو حيشيلو كيبل النت بتاعي اهئ اهئ
المهم ده مرور سريع وبرجع ليكم لما الاوهام ديل يسافرو
ام صالح ضروري ترسلي لي الرسمه تاني لانها ما طلعت علخاص في الايميل واوصفي تاني بالتفصيل عشان انتي معتمده على ارسمه وانا من ما قريت دهبي ونحاسي اتهوست خخخخخخخخ
وجايبه ليكم شمار عده رهيبه
برجع ليكم بعدين

[rnoya]

لسه ما جو وما قادرة ما اكتب مشتاقه ليكم شديد خخخخخخخخخخخخخخخخ
يلا الكاسات البي الخرز وصلني انها من مصر من حته اسمها الفيرست مول في الفورسيزون
شوفو صور مع اني شفت اجمل منهم المهم الفكرة توصل والبتشوفم في حته تانيه توريني

http://http://www.9q9q.org/index.php?image=m1BrOM3zygDd
(http://www.9q9q.org/index.php?image=pMKjgftQq)

يلا امبارح اتحننت حنه عند سلمى حنانتي الرهيبه يعني ما بتتخيلو فظيعه كيف والليله ماشه صبحيه وفي كامل سعادتي بس شايله هم اني اعمل الغدا بي حنتي الفظيعه دي كيف :(
يلا يا سرويه زوجو ولد خالتي كان عندها تكيس وكشكووووووول كده بتاع مشاكل وهسه ما شاء الله جابت ليهو عمر وحلاااااااااااااااااااااااتو ما تخلي الحاجات دي تأثر على نفسيتك ابدا لانها مشاكل محلوله اتخيلي انو في ناس ما عندهم حل !!!!! بالرغم من كده ي كامل جمالم :)
اها بديتي دخان ولا لسه؟
فليمو امبارح ما شفتك خالص والليله ما عارفه حلاقيكي ولا لأ عموما مشتاقين
ام صالح زي ما وصيتك
هوما ازيييييييييييييييييييييييييييي يييييييييييييييك طبعا انا زاتي ما اتصلت بي الجماعه تاني واهو زي ما انتي شايفه علوب بس من عرس لي طهور لي صبحيه
بلدي كيفكم يا جايننا؟ بالله اجتهدي في موضوع الجيه ده
الباقين ان شاء الله ما اكون نسيت زول سلام ليكم كلكم وليييييييييييييييييييي عوده:26:

[saroyaaa]

رنوية طبعا الكاسات خطييييييييييييييييييييرة ***** لمن امشي السوق ادقق يمكن القا زيها والنفسيات الحمد لله الليلة كويسة ام صالح طمنتني شديد شفت فايدة يكون معانا دكتورات والاسبوع الجاي عندي موعد مع الدكتورة ونشوف البحصل شنو الدخان ماعارفة مالي مكسلة منوا كدا لكن بإذن الله الليلة ابدا غايتوا اليومين ديل بعمل لوشي كريم اسموا اغادير في وحدة فيكم جربتوا
الحنة مالك ما مشيتي لانتصار لكن على العموم سلمى والله حنتا برضوا حلوة شديد
هوما ازيك حبيبة ***** الله كلوا تمام وعاملين شنوا مع البرد دا
ام صالح فليم بلدي ياحبوب وطني كيفكم حبيبات يلا اظهروا

[om salih]

رنو احاول كدا شوفي المرفق
وطبعا زي ما قلت ليكي في اشكال كتييييرة بس ما زي رسمتي في الحقيقة فيهم شغل كتير

[om salih]

الكاسات لاقتني قبل كدا في هومز ار اس واستوقفتني وكنت حاشتريها بس كنت قطعت القروش في حاجات تانية منهم ملايات وتحف ومن مستر برايس ( في العين هنا في محا واحد الاتنين) هدوم لصلوحي وما رجعت تاني طبعا كان عندهم اشكال كتيرة والوان اكتر

[rnoya]

um 9aloo7e laken legetek rassama '7ala9 looooooooool\
y3ne hasa ana ma estaw3abta ayye 7aja bellay '7alleeke lazeeza w lammatamshe al marra al jayya 9awwere lena al bashkat bel mobile
3awza as2alek ente bta6la3e m3 9a7batek? walla zay banat '7alte ella m3 rajlek
mashalla lgetek mowakba shadeed ta3refe 9a3ab talge wa7da fe uae fe sennek w yadoba motzawweja w 3ndaha 6efel w sha'3ala w mashalla mas7a al soog w 3arfa al 7a9el sheno
a7ayyeek wallay
w kan fakkarte tjebe lena bannota mn hassa ana '7atta 6ooba w 7ajzaha le 7ammode walade al naseeba al majayyaha betkasserne
sarroya basma3 be a'3adeer laken 7agege ma jarrabto bs begolo 7elo shadeed leanno bel a3shab
3omoman warrena nateejto m3ake kef
6ab3an ma mashet le entesar 3shan etzanagta f al waket w konta masha 3eres bellel laken fe aa'7er la7zat qarrarta enne ma amshe leanne fatrana shadeed
um 9ali7 al kasat de lgeteeha f homes r us be kam
motab3akom mn maktab al modeer al edare looooooooool
le geddam

[om salih]

رنو دا شنو الامتحان دا ؟؟؟؟
علي العموم شكرا علي كلامك الحلو
والواحد بعد كدا يجيب البت بارتياح بعد ما اطمان علي مستقبلها :)
الكاسات يا رنو علي ما اذكر كان كل شكل ليهو سعره بس ما غاليات شديد مية وشوية يمكن

[saroyaaa]

رنوية انا يادوب بادية فيهوا لي يومين وبوريكم النتيجة ***** الله كان ما زهجت منو انا طبعا ملولة شديد من الحاجات امبارح اخيرا لقيت الستاير وديتا يعملوها لي وعندي كم حاجه دايرة اشتريها عشان اتخارج بعد دا نسابتي طبعا حيكونوا داقين جرس بهناك لكن انا الكويس فيني متبعة مقولة طنش تعش وتنتعش مع اي حاجة ما عاجباني
والله كلامك صح عن ام صالح ماشاء الله عليها مع انوا بقولوا الدكتورات ما شغالين بالحاجات ديعندي بت عمتي تكرهك الطب زاتوا 24 ساعة مشغولة وما شغالة بروحا يا دوب تجي البيت تنوم من التعب لكن يازولة خليك كدا طوالي المرة لازم تكون مرة قبل اي حاجة تاني
ياجماعة فليم دي لمن ما تظهر بتقلقني الشهور الأخيرة دي صعبة الله يهون عليها ولادتا

[saroyaaa]

يلا يا بنات انا طالعة بعد دا يمكن اخش بعد شوية تاني

[flame4me]

أذكم كلكم واسفة جد اديتكم هارد تايم وقلقتكم على....والله لي يومين كده مافاهمة شي من اول امبارح البيبي عامل لي نفسيات شديدة وامبارح الساعة تلتتة صباحا بطني كانت حجر ومافي اي حركة من البيبي ياحليلوا جد قلقني قمت ابكي زي المجنونة وصحيت راجلي واحتي ومشينا الطوارئ...الحمد لله طلع كويس لكن قالوا في مبادي طلق والرحم قافل والحمد لله....ادوني لستة طويلة من الممنوعات ماتمشي كتير ماتشيلي تقيل ارتاحي اي موضوع مع راجلك مافي....رجعت البيت زي 7 وطوالي لبست مشيت الشغل كلمتكم كان عندي برنامج الحملة الاعلانية ده مشيت وانتهيت منو وعلى طول رجعت بيتنا ونمت...اسي احس كتير والليلة ماخدة اجازة قلت اروق وارتب حاجاتي الاشتريتها لي كم يوم بامشي السوق واركن الاكياس لمن بقت كمية وبتعمل نفسيات.....ادعوا لي يابنات عليكم الله انا موضوع اول امبارح ده جد عامل لي نفسيات تقيلة.....
سرو يا عسول التكيس مشكلته بسيطة وبيتعالج ان شاء الله وطمنيني عليك حبيبة......في واحدة في منتدي الحمل اسمها زبيرية متينة كان عندها واسي ماشاء الله ولادتها بعد شهر تقريبا ماتشيلي هم يعني ابدا...
رنو ياقردو انا تمام بس زي ما انتي شايفة واتصلت بارامكس قالوا بشيكوا ويتصلوا بي....
الكاسات دي باشوفها ليك هنا برضو في هومز ار اس جنب بيتنا طوالي ان شا ءالله القاها مادام ام صلوحي قالت في....باجيب ليك خبرها بعدين لو طلعت ان شاءالله......

[flame4me]

هدوية مشتاقين جد باحاول اتصل بيك اول امبارح مافي زول بيرد كم مرة.....
هوما حبيبة انا تمام الحمد لله انتي كيف....ام صلوحي ياعسل ياحليلك وحمدلله على سلامة صلوحي والله العيال ديل حيموتونا قلق ساي شكلوا.....وماشاء الله يازولة رسامة عديل كده...
وطني كيفك حبيبة والاخبار ششنو؟؟؟دايرة اسالكي بتستخدمي ياتو نوع من البيبي مونيتر...وام صلوحي ورنو وهوما برضو...انا اشتريت شيكو كويس ولا لا؟؟؟وبرضو البزازات بتستخدمي الزجاجية ولا لابلاستيك انا جبت الاسترلايزر بتاع الكهرباء اسمو اي كيو 24 من افينت واشتريت بزازات افينت بلاستيك وواحدة بايجون زجاج لكن ماعارفها بتشغل مع الاسترلايزر ولا لأ.
سرو اغادير عندكم بي كم انا اختي قالت دايره وفي صيدلية بتبعيوا لكن بي 300 ريال....سعرو عندكم كيف؟؟؟
بلدي ياحبوب الاخبار شنووين انتي قاطعة والبنوتة فطمتيها كيف ان شا ءالله ماغلبتك بس....

[om salih]

فليم كيفك يا عسولة
اعتقد البزازات الزجاجية عملية اكتر ما عارفة مجرد احساس
انا قبل الولادة ما كنت شغالة وما كان في شغل في الطريق فاشتريت بس بزتين صغاااار عارفة حجم 60 مل وبس وقلت حسب ما قرينا الرضاعة الطبيعية بسسسسسسسسسس
ولكن وانا في المستشفي للولادة ظهر لي شغل (صلوحي وشه حلو علي) وبس التلاتة شهور الاوائل رضع طبيعي وبعدين بديت الصناعي بدخوله للحضانة وصراحة عذبم في الاول لانه رفض البزازة ما متعود عليها يعني حاولي انتي بعدين تعوديهو بس مرة مرة عشان ما يابي الطبيعي بس خلي كله يكون من حليبك
بخصوص المونتر انتي ناوية تنوميهو في غرفة تانية :(

[rnoya]

felfel ezayyek
ya zola ente shaklek 7 tawlede gobbal mawa3eedk tagome tshofe '7alto de tjeke gabl keda w malo a7san ma taglage a7san leke tawlede mn al tagala al fazee3a de mosh?3ade jeddan enshalla rabbana y7ellek belsalama w ma tgallege ayye 7aja 7 tamshe kwayyes
6ab3an ana ma gderta alageke allela f al msn 3shan f al jehaz da asasan mafe w ana zate bag3od feho beldas f saree3 keda w bajre laken enshalla bokra alageeke w tkone tamam al tamam
ya bet kasat sheno f al 7ar da? ana 7 ahre om 9ale7 de ente hassa rakkeze m3 karrome
blmonasaba ya bashkat a'3adeer fa l maknemer be 200 w shwayya alf !!!y3ne akeed 3nakom ar'79
um 9alo7e teftakre al kasat de le hassa fe ? \3ayto kan marrete janb homes r us kashefe lay w addene \7abar
flem kollo ma talge 6areega fahhemeena 7aja
al bageen wenkom?

[flame4me]

كيفكم يابنات....الاخبار شنو...أم صلوحي ياحليلو صلوحي فعلا وش خير عليك بيقولوا العيال بيجوا وبيجوا معاهم الخير والبركة.....يلا البزازات ماما قالت زجاج احسن علشان الحليب والحاجات السخنة......لكن مالاقية من أفنت زجاج كلو بلاستيك...البت بتاعة مذركير قالت كلوا واحد لكن هي لازم تقول كده علشان تبيع......
بخصوص المونتر لا ماناوية انومو في اوضة براهو حبيبي لكن بالنهار لو نايم وانا بره ولا ماجنبو او في المطبخ دايرة اعرف الحاصل شنو...بيني وبينك دي فكرة راجلي بيحب الحركات والاجهزة الالكترونية دي انا ماكنت شايفهو مهم مشينا واشتري واحد غالي بي 415 ريال مع انو في بي 75 و125 ريال لكن ده نظام ممكن تتكلمي مع البيبي ماتسمعيهو بس.......طبعا كان عاجبني ابو كاميرا لقيتوا بي 1350 ريال...
رنو ياعسول والله ليك وحشة شديدة........فرقتي معياي في السمنجر...ربنا يسمع منك والد بدري دايرة الاسبوع ده باذن الله اكمل حاجاتي كلها علشان لوحصل اي شي اكون جاهزة...باقي لي حاجات بسيطة كده اخلص منها.....بخصوص ماما ماعارفها تقدر تجي بدري ولا لأ ماكلمتهم انا طبعا ماحبيت اقلق بيهم.....هي ياحليلها براها حاسة انو في شي وكل شوية تتصل.......لكن مادايرة اقول....
يلا يارنو ناس المك نمر ديل بيبعوا غالي والحاجة طوالي اقسمي سعرها على اربعة بيطلع ليك السعر الحقيقي ليها.....لكن المشكلة انك بتلاقي عندهم حاجات صعب تلاقيها عند غيرهم....بخصوص الكاسات اصلا ناوية امشي اكشف في هومز آر اسي بجيب ليك الشمار قريب ان شا ءالله
بخصوص فيرست مول الفي الفور سيزون مكان رهيب طبعا يفصم لكن انسي انواع الغلاء والاسعار البشعة..اتخيلي انا لاقتني كاسات تقريبا في سيتي لايف ستايل لكن ماحلوة زي دي فيها شغل لكن بسيط ونوعية الزجاج تعبانة نظام بتتكسر بسهولة...لكن باشوف لو عندهم حاجات تانية.....

[بلدى ياحبوب]

ازيكم يا بنوتات ...
فليم سلامتك وربنا ***** الله اسهل ليك كل الامور..
عاينى انا كنت اشتريت لى بتى استرلايزر بايجون ومعاه بزازات بايجون زجاجية وهى طبعا احسن لانها بتتعقم كويس لكن التبخ برضو بمشى مع الاسترلايزر على العموم انا اشتريتها من البيبى شوب...
رنويه الكاسات رووووووعه.
باقى البنات كيفكم..

[مجنونة أمها وأبوها]

الجماعة الاكتشفوا فجأة انهم نسوان ديل
ازيكم

داخلة مبسوطة لقيت لي شغلة ...
القى كلامكم كلو شيالات وستاير وما ادراك؟

اول شي أحسن الله عزاءكم يا هدوية
واقبلي اعتذاري للتأخير الشديد

مبروك الطهور لكرومي يا وطني عقبال نشوفه عريس


ونستكم كلها ما فيها أي حاجة من الحاجات البفهمها وشغالة افطفط في الردود سااااااي

اشوفكم لما ابوي يعمل لينا الدي اس ال
سلااااام

[saroyaaa]

سلام ياحلوات اخباركم كيف
فليم انتي خشيتي التاسع ولا لسا لو خشيتي التاسع لازم تكلمي خالتوا تجيك عشان تكون جمبك اول ما تولدي اكيد اول مرة دي الزول ما بكون عارف حاجة وانت كمان محتاجة لخبرتا في الحاجات دي و***** الله يازولة تكون ولادك سهلة شديد عندي وحدة صحبتي ولدت اول ولدة ليها قالت ما حست الا بمغص بسيط زي حق الدورة وربنا سهلا عليها شديد فما تخافي واليومين ديل ادعي ربنا طوالي وحوالي بعدا تاخدي اجازة وما تجهدي نفسك
بالنسبة لأغاديريا رنو ناس المك نمر ديل حرامية انا قبل ما اجي سألت منوا في صيدلية ودالبشير في بحري لقيتوا 45 الف بس والأصلي دي صيدلية كبيرة وسمحه ولما جيت هنا اشتريتوا ب 40 ريال بس لي عندكم غالي كدا بلدي ازيك حبيبة وين ما ظاهرة
مجنونة نعمل ليكم شنوا لقينا البنات ما بخشوا عاملين فيها مجتهدين وكدا قلنا نستفرد بالمنتدى ونحولوا نسائي ابقوا خشوا عشان نخش معاكم في الفورما
ام صالح هوما وطني اخباركم كيف ***** الله كلوا تماااااااااااااام
بنات كدي وروني شعركم بتعملوا لي شنوا انا العرس نهالي شعري شديييييييييييييد بقا يتساقط تساقط غريب لمن مخوفني

[om salih]

صباااح الخيييير

[rnoya]

ازيكم يا بشكات
صباح النور يا ام صالح
الحمد لله رجعت مكتبي وكومبيوتري العزيز والاوهام سافرو
يلا مكسب لو اساسا انتي ماشه بستنى شمار الكاسات منك يا فليم..انتي تاني فضل ليكي شنو؟؟ يحليلو راجلك متكيف من فكرة البيبي الجاي دي شديد لكن ابشرك الاول ده عندو وضع خاص لكن التاني لو تلب بالشباك زوووووووووول بجيب خبرو مافي خخخخخ أها الليله اصبحتي كيف؟
يعني قلتو لي اغادير رخيص كده؟طيب ليه مولع كده عندنا؟؟
وماااااااااااااااااااااا شفتو اسعار العطور في المك نمر انوااااااااااااااع النصب والاحتيال ومافي تستر لووووووووول يعني تشتري تبعا لجمال الفتيل وكده خخخخخخخخ والبيرفيوم ممكن يكون في دبي بي 100 درهم يعني بالضبط بي 57 الف تلقيهو بي 140 الف وكده!!!
يا فليم الفهمتو انو الفيرست مول ده عبارة عن مول جوة فندق ولا انا غلطانه؟ تعرفي هو وين بالضبط؟ بس على سبيل الشمار وبالمناسبه قالو اشكال الكاسات دي واروع منها واشكال فظيعه بالزجاج المعشق في خان الخليلي في محل اسمو مكه وسيد المحل اسمو حاج شعبان..لقيتوني كيف؟ خخخخخخ
واسعارو ما غاليه شديد مع انو من كل حاجه دسته حتى الملاعق والشوك الصحون الصغيرة وكبايات المويه وكده بقع بي حوالي 1900 ريال فما عارفه سته كاسات بتقع بي كم؟
تاني شنو امبارح ما كلمتكم كنت في صبحيه في المسالمه اتفرجت على جميع انواع الجبنه والقشطه خخخخخخخخخ بالله بنات لا حولااااااااااااااااااااااااااا ا ما شاء الله لمبات نايلون بس كلام كده غريب لوووووووووون موحد وطبعا انا بقيت حاقده وانطوائيه ومعقده خخخخخخخخ دعيت عليهم انو كلهم يعرسو ويشوفو كل الوان الطيف في اجسامم دي بعد الولاده ابتداء من البني ودرجاتو خخخخخخخخخخخخخخخخخ لكن قدر ما اوصف ليكم ما بتتخيلو كمية الشعر والبياض الشفتها امبارح أي نعم انهم كلهم ممسوحين من ورا(حلبه !!) لكن من قدام تبارك الخلاق جمال عجيب والله لا بتعرفي روحك في المسالمه لا بتعرفي في السويد !!!! سبحان الله والحمد لله انو راجلي عرسني قبال ما يمشي المسالمه كان هسه اكون لي هسه قاعده !!!
ما كلمتك يا سرويه بي شعري طبعا اتقصف من قدام واتقصقص وبقى ما بتلم الا اجلطو بي كريم وابل الفرشه بي مويه !!! لكن في البيت شفتي بنات الروضه اول ما ينزلو من الترحيل؟؟ نكيش شديد!! يخوانا المتزوجات بس (عشان فاهمين مأساة الغسيل اليومي للشعر) يوروني بهتمو بي شعرهم كيف؟ بليييز
يحليل شعري زمان هسه بقى البكاء على الأطلال !!! بقايا شعر وصويفات على قول ماما خخخخخخ دايما بتقول لي حمواتك كان قامو عليك بشيلوك صويفاتك ديل في يدك !!!!!!!!!!

[flame4me]

صباح الخير ياحلوات...كيفكم الليلة...الحمد لله انا تمام والمكتب فاضي علشان كده مستمتعة ياخي باعشق المكتب لمن يكون فاضي.....
الليلة ماشفتوني بالنيولوك حق اخر شهر في الحمل....عباية وشيلة......امبارح مشيت اشتريتهم وعملتهم مفاجاة لراجلي العزيز لانو ياحليلوا كان شاميني شديد وقال هدومي بقت مانافعة مع الحمل ده وكل ما اطلع معاهو من مانطلع لغاية ماندخل وهو بينقنق.....
طبعا الليلة لابسة فستان بيت قطن للركبة مريح وواسع فعلا احسن بكتير من الزنقة والبنطلون.....
مجنونة....ان غاب القط العب يافار...اظهري انتي بس ونحنا نونسك حبيبة..الدي اس ال فعلا مكسب وسمعت انو اسعارو في السودان بقت حلوة..ياحليلنا ايام الغلاء لمن كنت في السودان بابا بتجهيو نفسيات من مصاريفي ومصاريف النت كان.....اها الجامعة كيف واول ايام البرلمة......مستنين شماراتك حبيبة....

[بلدى ياحبوب]

صباح الخير يا حلوات...
فليمو كيفك اليوم . واريح حاجه العبايه دى بما انها شينه وانا بحسها بس الواحد بكون فيها غنمايه خخخخخخخخخخخخخخخخخخخخخ:) لكن مريحه جدا تلبسى تحتها اى شى.
ام صالح صباحك قشطه.
سرويه يا عسل اخبارك واغادير دة مكسب ولا شنو؟ فوايدة ايه؟ وبالنسبه لموضوع الشعر دة انسى اصلو من كترت الغسيل باتبشتن لكن انتى حاولى اهتمى بيها واعملى كريم كويس وحننيه وقصى الاطراف.
رنويه ازيك .اسمعى انا لاحظت انو مكتوب على الكاسات 350 دينار كويتى يعنى ما يعادل 3500 ريال ولا ما السعر دة انا لافحاه لكن ما بستبعد اكونو من الكويت يا جماعه الكوايته ديل مكسرنى بيوت وجمال ومكياج ولبس تبارك الرحمان.

[om salih]

كيفم يا بنات :)
تصدقوا اني اخدت لي نووومة طويلة ومليانة احلام كمان صحاني واحد عايز بندول خبط الباب صحيت مخلوعة بس اصلا ما رفعت عيني في وشه لغاية ما طلع اكيد يكون استغرب طبعا خايفة يلاحظ عيوني من النوم خخخخخخخخ
ايوة بنات اقلبوا علي الاهتمام بالبشرة والشعر وانا اكسل زول في العالم والله لو اقول ليكم ما بتصدقوا فاحسن خلوا الواحد ساكت بس يلا ورونا احسن الحاجات بس عن تجربة لانو لوتنظير انا ممكن املا كتب من الحاجات الكاتباها :22:

[saroyaaa]

صباح الخير ياحلوين الأخبار شنو
والله يارنوا مهما تقولي صويفات ما بتحصليني ان اشعري انتها والله ايام الجامعة كان عندي شعر خطير والعجب لمن اقصوا كاري لكناسي بخاف اسرحوا عشان ماينزل في ايدي وبالنسبه للجمال البنات في السودان بقوا يعقدو تقولي بدعكوا اليوم كلوا لكن انا بعدا بقوا يهموني النسوان كل ما اشوف مرا نظيفة تجيني نفسيات
بلدي طبعا ما تقولي لي حنة انا كلوا ولا اخت حنة في شعري بكره في الشعر موت والمشكلة ماعندي طولة بال لجلطات الشعر دي وبالنسبة لأغادير لحدي اسي كويس شديد اهم شي انو ما جاب لي حبوب لأنوا اي حاجة بتحسس منها
فليم ازيك ياماما والله العبايات في منها اشكال لزيزة شديد انا بتكيف ليها لكن لو الزول اتعود عليبها ياهوا السمن وما حاسي بروحو
ام صالح انا زاتي موسوعة في الخلطات والرجيمات واي شي لكن مع ايقاف التنفيز يابنات عاوزين نهتما كدا ونكون سمحين وظريفين ونخلي الكسل دا
ياجماعة الرجييييييييييييييييييييم تعبني شديد وجيعانة جوع قلبي مرات يقول لي منعوال ابو الرجيم وانقضي على التلاجة ما تخلي حاجة فيها لكن لحد اسي صابرة غايتوا لكن ما معروف لمتين

[بلدى ياحبوب]

صح النوم يا ام صالح خخخخخخخخخخ ضحكتينى لكن احلى حاجه النومه دى اختى زمان كانت شغاله فى الميديا ستى وسكنه فى صلاح الدين وعارفه المسافه طويله فلمن البص اجيها بتقول لى بنوم ابتداء من جسر المكتوم لحدى ما تصل وبعدين نوع النومه العميقه الواحد يقوم اتنقز لو البص فرمل:)
والله يا ام صالح انا زاتى ما عاوزة انظر كل البعملو كريم بالمرز وبسسسسسس.

[بلدى ياحبوب]

سرويه والله انا البنصح دى زاتى ما بعمل الحنه بس بسمع انها كويسه .لكن تعرفىقص الشعر كويس بحس يا بنات الشعر القصير حلو وبتسرح تسريحات كتيرة.
بتى طالعه لى فى ضهرى من وراء فى الكرسى وحاميانى الكتابه:(

[بلدى ياحبوب]

ام صالح سمعتى بى فاتمين اسمه pantogr بانتوجار بقولو كويس للشعر؟
السؤال ليك برضو سرويه؟

[flame4me]

باك يابنات...معليس الليلة مديرنا الكبير(الراس الكبيرة)جاي من دبي وانا جهازي معذبني اول ماتدخلي بتشوفيني فاتحة شنو.....هم ما بيعرفوا عربي لكن بيشوفوا الرسوموات بيعرفوا انو ماشغل...ماعلينا...رنو انا عاملة اووفلاين لو اتخارجو الجامعة ديلباجيك في السمنجر.....
بلدي كيف ياعسل....لووول ضحكتيني يابت وانا عاملة فيها قاشة تقولي غنماية.....العباية الاشتريتها سادة ومعاها شيلة مشغولة لذيذة..غايتو الشكل ارحم من البنطلون..بقي كمان عندي جنبات وحاجات منظرها كريه جد......اله يحلنا بلاسلامة سونشوف لينا ريجيم سريع وفعال..زالرجيم مع الرضاعة كيف لكن.؟؟؟غايتو الله كريم.....
سرو ياعسول الاخبار شنو...الريجي سغيل جدا اي لكن كل ماتجوعي فكري في روحك بعدين يابت لمن تنحفي وتتجدعي وتلبسي الدايراهو واي شي يليق عليك......
بخصوص الشعر يابنات كلمتكم قصيت شعري قبل كم يوم وفردتوا بكريم الاطفال..الفر انا كنت بافرد القدام بس علشان الرطوبة,,,,,اي قمت فردتوا كلوا لكن ماخليت الكريم يطول يادوب عشر دقايق واستخدمت اخف واحد حق العيال...النتيجة كويسة,,,,,لغاية اسي....قبل ما اقصوا كنت ياهو باغسلوا ولو في حمام زيت باعمل وباعمل مرطب البتخليهو في الشعر...وبعد داك باكويه بمكوة سيراميك وتورمالين ودي بالجد فظيعة مابتقطع الشعر...وبالمو كعكة وللشغل باعمل بوستيج طبعا مريح ولاتسرح ولا لف..اسي لكن الحالة صعبة لازم الفو بالرول كل يومين.....طبعا اناكسلانة لكن اختي بتشاكلني بتقول لي لومالفيتي شعرك اسي حتلفيهو متين......يلا اسي مع الحمل مع حبوب الحديد الشعر ماشي كويس كان.....

[saroyaaa]

والله يا بلدي ربنا يخليها ليك ***** الله وتشوفيها عروس
قص الشعر كويس لكن بقولوا على حسب اليد وبالمناسبة دي يارنو ما بتعرفي زول في السودان بقص كويس يلا يا بنات اظهروا دايرة اناقشكم في موضوع

[flame4me]

بلدي الشعر القصير فعلا حلو انا شخصيا مع وشي احلي من الطويل باحسو لكن اسي مع الحمل حاسة انو مالذيذ شديد.....انا بحب البت الضعيفة القاصة شعرها باحس بيليق عليها اكتر....يلا بانتوجار استخدمتوا كان جبتوا من مصر...والله ياخي الحاجات دي الا تستمري عليها وانا ماكان عندي اي اخلاق....البسمع انو جد كويس اسمو بل-فود....في المك نمر كان بيتباع بي 250 الف وبيكيفك شهر...شيكت عليه من النت ليقتوا بيطلع بي 100 الف شفتي الحرامية.....

[بلدى ياحبوب]

ايوة يا فيم سمعت انو مصرى وبقولوا الاصلى المانى .التانى دة مكسب وماعندو اى سايد افكت ؟
طبعا حراميه ناس المك نمر لازم اتفرعنوا مافى غيرهم

[flame4me]

سرو احسن زولبيقص شعر وبالجد بيعقد قصو واحد اسمو شوشو وواحد تاني اسمو ابراهيم مصريين هم لكن طبعا حرام راجل يقص ليك شعرك...انا كنت باقص عندهم ايام الجامعة بعدين ربنا هداني والحمدلله بطلت...قصيت عند غادة شرفي مرتين وخالص ماعجبني قصها..مع انها استاذة في اي شي لكن للقص ما عجبتني وبالذات لودايرة قصة قصيرة........برضو جربت البت الهندية الفي المك نمر وماعجبتني القصة برضو.... لغاية اسي مافي في السودان بت بتقص كويس على حسب معلوماتي.........نصيحة ليك قصي في السودية يابت احسن ليك جد,,,,

[flame4me]

ايوه هو الماني انا مصر جبت الالمني المصري بتلاقيهو العلبة بي 40 جنيه والالماني الشريط بي 80 جنيه اتخيلي الفرق..قمت عملت مكس كنت باخد فياليوم حبة من الالماني وحبتين من المصري.....الفايتمين التاني مكسب جد والله بيقولوا وكوس لي اي شي....اعملي عليه بحث في النت وشوفي..اسمو pill-food

[saroyaaa]

والله يا بلدي ما سمعت بالفتمين دا لكن قالوا الفتمينات بتسمن
فليم اوعك تتعودي على الفرد انا فردت شعري للعرس بسوفت بتاع الاعشاب قالو ممتاز وما بعمل حاجة اسي ندمانة شديد لانوا قطع شعري

[rnoya]

ومين سمعكم يا بنات بريلكريم وكان الله يحب المحسنين الحنه انا شخصيا بتنشف لي شعري بنفع معاي الزبادي بالجرجير والبيض لكن البعملو منو بعد ما عرس؟؟؟ حاله صعبه وبعدين ما يفوتكم الشعر بقى ما بطول عشان اقصو يا بلدي!!! زمان كان لغاية نص ضهري وبقصو وتاني ينزل هسه وحياتكم حلف ما يعدي بداية الكتف!!! والشعره نفسها اتبشتنت وخفت ووالله ما عارفه اعمل شنو
بصراحه يا سرويه عرس امبارح عمل لي نفسيات ياخيييييييييييي من النضافه انا وبعدين هم ما بنات هم نسوانات قدرنا كده نوع متزوجات بس ما طولو!! انوااااااااااااااااع النفسيات من الشعر لب اللون لي التياب لي العيون لي القيافه وغايتو!!
العبايه فتانه اوكات الزنقه لكن الزول اذا اتعود عليها بتبشتن فبعد الولاده طوالي تدفعيها لي اقرب زول يا فليم
الكاسات فعلا كانت بتبيعم مرة كويتيه في المنتدى بس بيعه غالي شديد بي اكتر من 4200 ريال وهم ما بسوو اكتر من 1500 لي 1900 قصدي الطقم كامل
الكويتيات يا بت امي بس اخير نسكت ونبكي بس عين قطرة وعين مس
الكريم انا شخصيا ما جربتو لكن بسمع عنو كتيؤ بقولو عجيب وبالاعشاب نشوف كلام سرويه غايتو

[saroyaaa]

المشكلة هنا ماما داقة لي جرس قالت لي كل ما يطول شعرك تقصيهوا وهو مقصف وحالتوا بالبلا

[flame4me]

رنو ضحكتيني جد والله...فعلا في السودان بقي في اشكال عجيبة وجمال صاروخي.....طبعااهل راجلي يعجبوكي حلبة سمحين... في الحفلة كان في كمية من البياض والشعور العجيبة وكانوا حاقدين على لاني خطفت ولدهم....يلا يازولة رجالنا اكيد شافوا البنات ديل قبل العرس ومادام اختارونا اكيد نحنا عاجبينهم ولا كيف....؟؟؟بمناسبة اشلعر اسوا شي مكوة السودان انا كويت شعري لمن مشت السودان والله ياجماعة جيت اسروحوا وقع لي......مابيعروفوا يكوا الا من رحم ربي.....:(

[بلدى ياحبوب]

رنويه زبادى بالجرجير والبيض دة فطور عديل خخخخخخخخخخخخخخخخخ جعانه انتى ولا شنو؟