على ضفاف النيل (ملتقى حواء السودان) الجزء التاني ................. [الارشيف] - صفحة رقم 13

وطني السودان

24-09-2006, 22:42

ازيكم يا عسولات
كيف مع الصيام ...ان شاء الله الامور كلها تمام
روز وود...كل سنة وانتي طيبة يا عسل .. ورمضان الجاية ملخومة في المطبخ ... وراجلك قاعد منتظر ابداعات الفطور خخخخخخ

بلدي..لازم تجربي الشوربة لزيييييزة .... كل سنة وانتي طيبة ... وكيف معاكي رمضان

هوما ..كيفك حبيبة ... والاولاد .... المنيو بتاعك لزييز,,,, لكن ليه ما عزمتينا ....؟؟؟؟ خخخخ

ام صلوحي........ ما وريتينا دخلتي المطبخ عملتي شنو بالضبط انتي والبت .........خخخخ

رنويا ... احسن حاجة تبدي تفتشي لشغل تاني ..كله الا الحقارة من المدير ...جني وجن الاستقصاد والظلم ......... الله يوفقك

فليمو .. شكلك لقيتي احبابك ونسيتينا .................:)

ريحانة ..........كل سنة وانتي طيبة.. واظهري علينا قبل العيد ..................

ماريا كيفك حبيبة ... كل سنة وانتي طيبة .........................

الباقين كلكم وييييييييييييييييييييييييييييي يين مختفين.؟؟؟؟؟؟؟؟؟؟

rosewood

25-09-2006, 05:40

صباح الخير يا حلوات...
كيف يا رنوية الليلة، ان شاء الله أصبحتي أحسن..ورينا الحصل معاك شنو..
هوما يا لزيزة..فطورك شكلو رهيب و زكرتيني بوصفة الباشميل المفروض أكتبها للبنات، معليش يا بنات نسيت تماما ان شاء الله يتكتب بكره و بالنسبة للشمار يا هوما ما تستعجلي رزقك (: بجيك براهو..
بلدي يا حبوب..كل سنة انتي و بتك طيبين ان شاء الله، اها فطورك كان كيف امبارح؟
أم صلوحي..و انت و صلوحي بألف صحة و عافية...شهيتيني أعمل الشوربة بتاعتك، أول ما أعملها حأكلمك، بالمناسة المشروم لازم يكون fresh و لا في المعلب عادي؟
وطني السودان.. كيفك و كيف صحتك الفترة دي، قربتي خلاص ربنا يحلك بالسلامة يارب...أها كيف رمضان في لندن؟ و الجو كيف ما برد خلاص؟
وين يا فليم، شكلها أختك جات و نسيتينا...طيب بس سلّمي ساي..
يلا لي بعدين..

om salih

25-09-2006, 07:02

صباح الخير
يلا يا بنات اخيرا قدرت انزل ليكم طريقة الجدول

http://www.uparab.com/files/duahVuaxlQv10S6o.doc

flame4me

25-09-2006, 09:14

السلام عليكم يابنات كيفكم وكيف اخباركم وعاملين شنو مع رمضان.....والله مشتاقة ليكم شديد لكن ماتتصورا تعبانة قدر شنو مع الصيام....كل يوم بالصباح استفراغ والليلة عندي هبوط رهيب ماعارفة جد صوم باقي الشهر ده ولا له لكن جد تعبت مشكلتي اني مابقدر اتسحر جد الا اشرب عصير او موية وبد ده كلوا بالصباح استفراغ عجيب....
المهم اختي جات الحمدلله...اول يوم فطرنا عند نسابتي وامبارح كان اول فطور لي في بيتي مع راجلي...الحمدلله اختي كانت معايا فالامور نجحت وكلوا كان تمام وعملت شوربة ام صلوحي الرائعة وراجلي حباها شديد.....تسلمي يا ام صلوحي ياعسل......
شكرا تاني يابنات لكل الاتصلوا بي مع اني قلت ليكم ماتكلفوا نفسكم هدوية وماريا ووطني جد ماقصرتوا ومانعزيكم في حبيب يارب.....وهوما مابتقصري حبيبة الخطوط عارفاها صعبة اليومين ديل علشان رمضان واتصالك وصل ياغالية......ولقيت الفطور عندك...عليك الله ياهوما وريني الخشاف بتعمليوه كيف راجلي بيحبوا وانا ماعندي اي معلومات عن الموضوع ده.....
نسيت اكلمكم انو عصيدتي اخيرا طلعت متماسكة وحلوة وبيضاء زي القشطة...عملتها بالزبادي والدقيق لكن ماما رسلت لي عجين مر وناوية اجربها بالعجين المر واشوف النتيجة.
اختي طبعا خففت على كتير الواحد بيرجع من الدوام يلقي الامن مستتب والبيت مرتب وغسيل العدة وهمومو خلاص تك تاك.....دوامنا في رمضان من 9:30 لي 2:30 كويس مش؟؟؟؟؟؟
أم صلوحي تسلمي على الجدول ياعسل....نزلتو ونمشي بيه طوالي تاني..بلدي ياحبوب ناوية انفذ وصفات الكفتة والبفتيك حقتك الاسبوع ده..وبرضو بسبوسة هدوية.....اها تاني ادونا افكار جميلة يابنات....مجنونة ياحليلك لقيتك بت ممتازة وبتساعدي ماما في المطبخ......انا كنت ناس عصاير وسلطة روب بس...اسي لكن العرس رباني من اول وجديد...ريحانة كل سنة وانت طيبة...شدي حيلك ياعسل وطمنينا عليك...ماريا وين انتي؟؟؟؟؟روزا العسل اخبار مقابلاتك حصل فيها شنو؟؟؟؟؟زكرتيني زمان اول ماجيت هنا قدمت لكمية من الوظايف وكل يوم مقابلة وافلام.....ربنا يكتب ليك شركة لذلية ومريحة ودوامها حلو يارب.....وبانتظار مفاجأتك
رنو..اليللة وين انتي؟؟؟وحصل شنو مع المدير الغتيت ده حسبي الله ونعم الوكيل عليه.....

rnoya

25-09-2006, 09:17

ازيكم يا بشكات
اشكركم كلكم على الدعم المعنوي
وروزا شكرا كتير على المكالمه وسؤالك عني بالتلفون
الجديد انو امبارح ادوني انذار تاني وانا ابيت استلمو قال ايه قال عشان اول امبارح المدير اتكلم معاي وانا زعلت ومشيت البيت !!!! والحقيقه اني اتصلت بالمدير الاداري وكلمتو انو الاهبل ده حصل منو كده كده وانا هسه مصدعه وماشه البيت فود الكلب استغلا الفرصه وقال نديها انذار عموما هجت وكوركت وهرجت وهزاتهم وعملت زوبعه ودعيت عليهم في وشهم انو اذا هم ظالمني ربنا يشيل حقي من صحتم وعافيتم وانا صايمه وطلعت !!!!!!!!!
والليله جيت متاخرة ولااااااااااا في اي زول اتكلم معاي بس في صرصير حاصل اي زول مصرصر لي اي زول
عموما بديت اهيئ نفسي انو دي اخر ايام لي مع الجزم ديل ومديرهم الشبشب الكبير ده
يلا ما علينا
امبارح فطرت في بيتي عملت الشوربه العلمتني ليها ماما قلت هيييييييييييييييييي اقعد اعمل حاجات للمرة الاولى لي ود الناس ده وهو اول مرة في حياتو يفطر في بيتو خخخخخخ والليله ماما ضربت قبل شويه وقالت نفطر معاها عشان هي عامله حاجات حلوة خخخخخخخ راحه الف
يا بنات حصلوني حمودي ولدي بقى فظيييييييييييييييع مرة كده كورك وعجبو صوتو!!!! اها نحن طوااااااااالي بقينا في الكواريك 24 ساعه!!!وبدون اي سبب وما عارفه اوصل ليهو كيف انو بعمل لي صداع؟؟؟ في وحده ولده سراخ؟ واتعاملت معاهو كيف؟
ام صالح يا جدول!! لقيتك مفيده خلاص خخخخخخخخخ لكن وين البشكات الفيهو يعني برضو حاقعد افكر املاهو شنو؟؟؟
فليمو كويييييييييييييييييييييييييييي ييييس بجي الخريف واللواري بتقييييييييييييف
طبعا يا وطني اصعب حاجه في السودان ده هي رحلة البحث عن عمل دي!! والواااااااااااااااسطه هي جواز مرورك..غايتو ربنا بس من عندو يسهل لي شغل الهيئه..
بلدي وهوما كيفكم لقيتكم نسوااااااان مبالغه لكن مواهب مدفونه
الباقين وينكم؟
لي قدام

om salih

25-09-2006, 09:36

اخيرا ظهرتوا...............
اليوم ان نعـــــــــــــــــــــــــــا س شـــــــــــــــــــــــــــــ ـــــــــــديد
نمت علي الكرسي ساعة ونص :hahaha:
فكرت الف مرة اخد اذن وارجع بس التاكسي في الحتة دي ما بتلقي الا بطلوع الروح فقررت اقعد وانوم هنا

rnoya

25-09-2006, 09:43

لوووووووووووووووول يا ام صالح النوم ما عندك لكن
والاذن عندكم ساااااااااهل كده؟ طبعا اي زول بقول لي بياخد اذن ومهجج وماجز بحقد عليهو انا ما خلاص بقيت حاقده وانطوائيه ومعقده !خخخخخخخخخخ يا بت واصلي في كرسيكي ده اصلا حتمشي البيت صلوحي حيكرهك
فليمو الظاهر ردينا مع بعض ياخي بركه الظهرتي وموضوع الصيام ده حقو تنسيهو مافي داعي واصلا عندك عذر قوي جدا سلمي على اختك
الباقين سلاااااااااااااااامز

rnoya

25-09-2006, 09:43

فليم وريني عليك العصيده بالزبادي دي كيف؟

بلدى ياحبوب

25-09-2006, 09:48

ازيكم يا بنات كيفكم كلكم ...
دخله النهار بالجد بقت صعبه بالذات للذينا القاعد فى البيت :09: شكلى حاجيكم تانى مساء.
ماريا حبيبتى سامحينى نسيت اسلم عليك كيفك وكيف رمضانك؟؟؟
يلا يا بنات مع السلامه جيت اسلم عليكم سريع واقول ليكم نحن ***** الله ماشين مكه نعمل عمرة يوم الاربعاء و***** الله الاقيكم تانى الاحد.
فى امان الله......

flame4me

25-09-2006, 09:58

العصيدة بالزبادي.....
كاسة كبيرة زبادي
كاسة وثلاث ارباع كاسة دقيق نمرة واحد
تخليطهم كويس بخلاط اليد لمن يبقوا عجينة متجانسة
تجيبي حلة كبيرة
تختي فيها 5 كبابي شاي صغيرة موية +ملح حسب ماتحبي
لمن الموية تغلي تضيفي العجينة حقتك وطوالي تنزلي بالمفراكة فيها لغاية ماتتماسك وتبقي قوية(دي دايرة ليها عضلات لووووول)..يلا بتعرفي انها جاهزة كيف؟؟؟؟تبلي يدك بموية وتلمسيها لو طلع في يدك شي من العجينة يبقي لسه ماخلصت لو ماطلع شي يبقي خلاص جهزت تكبيها في كور وبالهنا والشفا.....

om salih

25-09-2006, 10:12

الاذن كل واحد عنده خمسة ساعات في الشهر وطبعا محسوبتك بتجي اول واحدة مع السيكيوريتي لانو راجلي بوصلني في طريقه وهو مواعيدوقبلنا بنص ساعة يعني بجي قبل الدوام بساعة الا ربع وبطلع معاهو وما باخد اذن عشان كدا داااااااااااايما عندي رصيد

flame4me

25-09-2006, 10:14

أم صلوحي كيفك التكاسي مشكلة فعلاانا هنا محتاطة معايا ارقام زي عشرة تكاسي لانو مكتبي برضو في حتة صعبة فيها التكاسي......
بلدي ياحليلك وبختك جد عمرة عديل كده علي الله ادعي لينا معاك حبيبة.....رنو اقدر ما اظهر بتقتليني عديل لوماظهرت...برنامج الصايم ان شاء الله باشوف البيحصل شنو لاني جد تعبانة.......ربنا يسهل بس....

shilla

25-09-2006, 10:15

ب**** عليكم اريد طريقة الخمرة السودانية وماهى العطور المستعملة فيها...زوجي يعشقها....وريقى نشف وانا اكتب كل ما ادخل الموقع .....فتيات السودان اريد طريقة الخمرة؟
ولكن الان الحمد لله

ارجوكم عزيزاتي لاتبخلن بها على فالسودانيات معروفات بالكرم

om salih

25-09-2006, 10:25

فلييييييييييم العسل الملتقي منور بوجودك فعلا انتي من الشخصيات المؤثرة جدا جدا فيهو
ربنا يخليك لينا يا عسولة
عزيزتي شيلا هي طريقتها صعبة شوية بس سؤال في اي مدينة من ليبيا انتي ؟

هدويــــــــــــه

25-09-2006, 10:38

ياجماعه دعواتكم لي بابا راقد في العنايه المركزه وادعو الله يسهل لي اسافر اشوفو

flame4me

25-09-2006, 10:41

اختي الحبيبة shilla شرفتينا في موضوعنا حبيبة....يلا دي طريقة جبتها ليك من موقع سوداني....انا الصراحة ماباعرف اعملها وعندنا بيعملوها النسوان الكبار العندهم خبرة لانها ما ساهلة.....يلا اتمني تفيدك المعلومات دي..
الخمرة
الخمرة هي الرائحة الطيبة وهي نوع من العطور القديمة المعروفة عند العرب وان اختلفت مكوناتها، والخمرة السودانية مزيج من مسحوق الصندل والضفرة والمحلب والمسك مخلوطة بالعطور السائلة. وهي أنواع مختلفة باختلاف مكوناتها

خمــــــــــــرة الصنــــــــــدل

الريحـــــة الناشـــــفة

نصف كيلو صندل مسحون ناعما

وقية مسك مسحون

ربع وقية ضفرة

( تنظف الضفرة من اللحم وتغسل جيدا ثم تحمس على نار هادئة ثم تسحن ناعما)

الريحــــة الســـــائلة

فلور دامور

رفدور

صاروخ

سوار دي باريس

صندلية

طريقة التحضير

تخلط جميع المواد الناشفة مع بعضها في وعاء وتعجن بالصندلية وتلصق (تلخ) على جوانب الوعاء المستدير وتدخن بالشاف في نار هادئة .

كلما تدخنت العجينة وتحول لونها للون احمر داكن تقلب ثم تعجن بالصندلية وتلصق على جوانب الوعاء وتعرض للدخان وهكذا تتكرر العملية مرة بعد مرة حتى تتشبع برائحة الدخان.

ترفع العجينة من الدخان وتوضع في زجاجة وتصب فيها كل الروائح السائلة وترج جيدا وتوضع مغلقة في مكان دافئ لمدة أسبوع على الأقل حتى تتخمر.

خمرة المحلب

المقادير

ثلاث أوقيات من المحلب (أو حسب الكمية المطلوبة )

الريحة الناشفة :

محلب - قرنفل - صندل - مسك

الريحة السائلة :

صندلية – رفدور – سوار دى باريس – صاروخ – فرير دمور بإلاضافة إلى عصير ليمون مخفف

الطريقة :

يسحن المحلب ناعما ثم يضاف إليه عصير ليمون مخفف بماء عادى .. يعجن بالليمون ويوضع فى إناء ويعمم على كل الإناء حتى يمسك فى كل أطرافه ويعرض على بخور صندل حتى يتشبع برائحته تماما وتكرر العملية عدة مرات وذلك بعد تقليب العجينة داخل الإناء .. يوضع بعد أن يستوى تماماً (يتحول لونه ألى أحمر غامق) ثم يوضع فى زجاجة عطر (أو إناء) .. يسحن القرنفل ناعماً ويضاف بمقدار معلقة كبيرة على المحلب .. يسحن المسك ناعماً ويضاف أيضاً بمقدار معلقة صغيرة .. ويسحن الصندل ناعما ويضاف بمقدار ملعقة كبيرة أو إثنتين على الكل .. بعد ذلك يحل بالريحة السائلة وهى صندلية .. ورفدور ..سوار دى باريس ..صاروخ . فرير دمور . يرج الخليط جيداً ثم يغلق ويترك لفترة أقلها إسبوع حتى تمتزج الروائح جميعها وتتعتق ..

* المسك يضاف على كل الأرياح (كل على حدا ) ويمكن إضافة قرنفل (سبع حبات ) وعود صندل صغير ..

flame4me

25-09-2006, 10:43

أم صلوحي شكرا ياعسل على الكلام الجميل ده والمنتدي مابيبقي من غيركم انتوا حبيباتي....

flame4me

25-09-2006, 10:47

هدوية حبيبة الله يرفع عمو ويقوموا بالسلامة ومايشوف شر حبيبتي...والله حاسة بيك من جوه قلبي ياهدي......اللهم اني اسألك باسمك الطاهر الطيب ، المبارك الاحب إليك الذي الذي اذا دعيت به اجبت واذا سئلت به اعطيت واذا استرحمت به رحمت واذا استفرجت به فرجت أن تشفي ابو هدوية وترده سالم ومعافي لاهله..اللهم أمين......

rnoya

25-09-2006, 11:35

هدويه سلاااااااااااامتو الف سلامه ابوكي ما يشوف الا العافيه يا رب
اسمعي راقد هو وين بالضبط؟ بمشي ليهو واطمنك عليهو
ربنا يطمنك عليهو يا هدى
انتي جايه السودان؟ عليك الله ورينا الحاصل عليكي شنو؟؟

هدويــــــــــــه

25-09-2006, 13:06

baba wo mama fe alsudeia

هدويــــــــــــه

25-09-2006, 13:06

alah eklekm li ya lolo wo ranoia

وطني السودان

25-09-2006, 15:56

هدوية الف سلامة على ابوكي ....... و***** الله يقوم بالسلامة .. وربنا يهون عليكي المشية للسعودية يااارب... لكن طمنينيا طوالي.............

فليمو يا عسل مشتاقين شديد..... الصيام حااااااااااااااار مع الحمل ..لكن القضى صعب.. لوقدرتي تصومي احسن والله .. لكن لو في استفراغ ..ما في داعي..اهم حاجة صحتك... والبيبي... اختك عاملة كيف...سلمي عليها ... والله احلى حاجة يكون معاكي زول من اهلك في رمضان .... بالجد بيفرق كتير .......

بلدي........ ما تنسينا من الدعوات في الحرم ............ بختك والله .... اجمل حاجة العمرة في رمضان

ام صلوحي شكر على الجدول..لكن على قول رنا البشكات وين ... عشان ما نقعد نفكر نملاهو شنو ......

روز كيفك... يا عسل... ورمضان كيف مع الشغل .............

رنويا .. والله ناسك ديل.. عواليييييييق عديل... معاملتم بالجد صعبة ... غايتو كان سبتيهم والله احسن..و ريحي بالك ...كله الا وجع القلب دة ... خصوصا من ناس ما بيستاهلو ............

Homaa

25-09-2006, 17:30

سلالالالالام ياحلوات

هدويه

سلامه الوالد ومايشوف شر ياحبيبه

وربنا يرفعه ويقومه بلسلامه

طمنينا عليه

فليم

ازيك ياعسل

والحمدلله اللي شفناكي

حمدلله عل سلامه اختك

اذا تعبتي ماتصومي

بعدين ياعسل لقيتك خطيره في العصيده وماعارفه

الخشاف بتعمل كيف

جيبي زبيب وتين وقراصيا

قطعي البيطقطع وخلي الزبيب

غسليهم وبليهم في مويه من العصر

وضعيهم في الثلاجه

ممكن تختي نكهه زي فانليا اوويه عصير قمر الدين

دى طريقتي ومامتي لاني اتعلمتها منها

بلدددددي

عمره مباركه

وادعي لي اخذ الجنسيه بسرعه عشان انطلق

مش بلمعني السوداني عشان ماتفهموني غلط

بمعني اتحرر واسافر واجي السودان بحريه

وىسهل الامور

وطني

الشوربه خطيره وروعه شويه عليها

روز

ازيك واحوالك

وبرضه منتظرين واّدي قعده

ام صالح

ازيك يا عسل

والشغل كيف

وشكراً على الجدول

رنووووووو

ياروحي

مفروض اكتب ليكي رد في الخاص

سلامي لامك الظريفه

والتحيه لولدك الكوراك

شيلا

اظن فليم ماقصرت

ارقدوا عافيه

rnoya

26-09-2006, 06:23

هدويه اها الجديد عندك شنو؟ اساسا هو رقدوهو في العنايه ليه؟ بشكي من حاجه كان؟ولا حاجه مفاجأة؟ طنينا وورينا ناويه تعملي شنو؟
بلدي عمرة مبروكه وان شاء الله تسبعيها (مش النساوين بقولو كده؟؟)
والله يا وطني تعاملم زي الطين واحد وانا كمان ابو الدقيق بس حمقه ولايوقه! وشكلها اصلا دي اخر ايام لي معاهم لانو صدقيني لو اي زول قال لي اي كلمه تاني حتف ليهو في وشو واطلع!! غايتو حاله اخير منها الحاله الاخير منها العرس !!!!!
المهم يا بشكات منو البشكه الحتمسك مكاني؟ ما وريتوني لسه؟ لاني متاكده انو الايام دي اخر ايام لي..
هوما شكييييييييتك للخلقك وطلقك خخخخخخخخ هسه ليكي كم في لندن؟ مش قالو الجواز بعد 14 سنه ولا انا لافحاهو ساي؟
الباقين سلااااااااامز

rosewood

26-09-2006, 07:12

صباح الخير يا حلوات...
هدوية..ألف سلامة لي أبوك و ربنا يشفيه و يقوموا بالسلامة ان شاء الله..ربنا معاك، أكيد مقلقة شديد و بالذات و انتي بعيدة منهم...ربنا يخليه ليكم، طمنينا يا هدوية...
رنوية...أصبحتي كيف مع الجماعة الفقر ديل؟ قلتي ليك و لا يهمك كلو و لا حرق الأعصاب و المهم في الآخر الصحة و العافية، بالجد ده كلو ما مهم...صراحة البيمسك مكانك دي صعبة، ما في زول زيك يا عسل...على كده طولي بالك مع الجماعة و ونسينا شوية.. لووول (حتدقيني مشكدا؟)
وطني السودان..أنا دوامي رهيب من 8:30 - 2:30 و أحيانا زي امبارح بزوغ من 1 (:...رمضان معاك كيف وقدرتي تصومي؟ صحي كلامك القضا حار، عندي صحبتي أبو قلق من رمضان ينتهي تقضي من تالتة العيد و تصومنا معاها لكن بالجد بدعي ليها بالبركة لأنو هم و الزول ما بتذكره الا قريب رمضان البعده....أها خلصتي حاجات الولادة ؟ ربنا يسهل ليك...
فليم..يحليلك والله، ما دام تعبانة كده ما تتمي الصيام و ربنا ان شاء الله يقويك لقدام مع القضا...حمدالله على سلامة أختك، وصلت كيف و انتي بقيتي ليها كيف بعد تغييرلت الحمل؟ سلّمي عليها شديد..
أم صالح...كيفك و كيف صلوحي؟ ما شاء الله عليك، جدول تمام بس انتوا أملوا و أنا أستفيد من الخبرات المعانا...
هوما...كيف يا لزيزة..ما شاء الله عليك شكللك فنانة في المطبخ و بتجربي طوالي ...شجعتيني أجرب شوربة وطني و أم صالح بعد ما شكرتيهم...سلامي للأولاد
بلدي يا حبوب...صباحكك ورد، كيف الاستعدادات و سايقة بتك معاك؟ ما شاء الله عمرة في رمضان ما في زيها، ربنا يوصلك بالسلامة و ما تنسينا بالدعوات...
سلام و لي بعدين..

shilla

26-09-2006, 08:49

عزيزتي ام صالح من طرابلس/ليبيا......اشكركن على المساعدة ساحاول ان اجد العطور ثم اخبركم يا falme4me

om salih

26-09-2006, 10:11

هدوية سلامة الوالد ما يشوف شر
طمنينا عليهو

هوما _ رنوية_فليم _روز_بلدي_ماريا_وطني_جيلا_هدند وية_سمينا_ناني_ريحانة_ام البنات
تطريز_ سروية نسيت زول ؟؟؟؟؟؟؟؟؟؟
الموجودين كيفكم والاختفيتوا وينكم ؟؟؟؟؟؟؟؟؟؟؟؟

om salih

26-09-2006, 10:13

شيلا كيفك ؟ انا سالتك لاننا كنا في ليبيا وعندي معارف هناك وقلت لو قربية منهم اخليهم يساعدوكي بس طلعتي في طرابلس نحن كنا في سبها

هدويــــــــــــه

26-09-2006, 16:47

لله يخليكم بس انتو ادعو معاى امس عملو قسطره للقلب وقرو عمليه تغير صمام

وطني السودان

26-09-2006, 17:49

لله يخليكم بس انتو ادعو معاى امس عملو قسطره للقلب وقرو عمليه تغير صمام

هدوية ... ان شاء الله خير... سلامة الوالد الف سلامة ...طمنينا بس.... ودعواتنا معاكي طوالي..................

rnoya

27-09-2006, 09:19

ما تخافي يا هدى صدقيني عمليات القلب بقت معتاده جدا في السعوديه بالذات والله قبل فترة بسيطه عملو لي والدة صاحباتي عمليه برضو وخفنا واتجرسنا وهسه جات السودان وعرست لي بتها وتنطط زي القرده ما عندها أيييييييييييييييييييييييييييي حاجه..فما تخافي وختي الرحمن في قلبك وربنا يلطف بيهو وما يشوف الا العافيه ....
باقي البشكات ازيكم؟ انا كويسه مع انو جو التوتر لسه مازال من المكتب لكن لما الزول يكون قنعان وبايع ما بتفرق معاهو بعد ده!!
يلا امبارح كان في جنس مطر لا حولاااااااااااااااا عاصفه بس حاجه مخيييييييييفه جد وتعالو شوفو الخمج والوسخ الليله الصباح بالله الشارع كلو بنطط في الطوب من المويه!!!ما عارفه حنبقى دوله كويسه ونبطل نطيط متين؟!
قلتي لي اقعد عشان اونسك يا روزا يا شيتا؟واجيب ليك تسالي وموز كيف؟خخخخخخخ
في كمييييييييييييييييييييه من الناس مفروض ترد لي علخاص وزي مافي زول اشتغل بي !!!!!هاااااااا احمر عيوني؟ (مصطلح مؤيد اخوي المفضل لما يوصف زول غضبان خخخخخخخخخخ)
الباقين ارقدو عافيه (صح يا هوما؟)

om salih

27-09-2006, 09:45

شنو الكسل الشديييييييييييييييييييييد دا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

rnoya

27-09-2006, 09:52

الناس مركلسه شديد يا ام صالح !! يا ربي ده كلو من الصيام؟؟ نكون انا وانتي فاطرين يا الله؟
صلوحي ازيو يا بشكه؟ قاعد يكورك زي حمودي ولا رايق؟ ما كلمتك مش حمودي بحب امي اكتر مني؟؟
الحاجه دي مزعلاني شديد حاسه بالتقصير تجاهو !!ما بتتخيلي بحبها كيف ولما تشيلو الضحك والونسه وانا اشيلو اطلع بيهو فوق يسكل ويلم فينا الجيران !!الللللللللا ينزل تحت لي ماما!!!! مشكله!

om salih

27-09-2006, 09:56

بس بيكون بيحب اللمة تحت تعرفي عندي صاحبتي ساكنة تحت صلوحي موته يمشي تحت والعجب لما يلقي راجلها خلاص تاني ما يتفك منه ويبكي ويقلب الدنيا لما نشيله منه مع العلم انه ما بيشوفه الا كل وين ووين

om salih

27-09-2006, 10:00

وكمان طالع شراااااني يلقي طريقة يضرب ولا يعضي ولا يقرص ما بيفوتها عنده ضربة وعضة وقرصة حارات مووووت

rnoya

27-09-2006, 10:04

هسه حمودي يادوب اتعلم يضرب وبستخدم السلاح ده اذا زول عايز يشيلو من ماما وكلو ولا العضعيض يا ساتيييييييييييييير بي مناسبه ومن غير كفايه جدا انو يلم فيك عشان يديكي واحد نتشه يفهمك حاجه المشكله انو بمارس اجرامو ده بس علي انا ومع الناس هاااااادي ومسااااااااالم !!!!!!!1 نكزن عشان شغالات بقو عيالنا يكرهونا يا ام صالح؟

om salih

27-09-2006, 10:13

طبعا انا كانت عندي العقدة دي
ولدي بطبعه اجتماعي شديد لدرجة انه ما شغال بي خالص يعني تكون واحدة تانية شايلاهو ويكون عمره ما شافها قبل كدا واكون اناداخلة ومارقة ولا يعبرني والاحلي تكون هي قاعدة وانا واقفة
ولما اقول كدا كل زول يقول لي عشان انتي شغالة وعشان الحضانة وكدا
انا كان الموضوع معقدني دايراهو يعرفني ويتشعبط فيني زي الاولاد التانين ويبكي وراي بس لا حياة لمن تنادي والناس شغالين ولدك حبوب ولدك ظرييف
بس يا ستي لغاية الشهر الفات دا جاته نزلة وعينك ما تشوف الا النور ما داير ينزل من يدي وما يشيله اي زول تاني ولا زول يتكلم معاهو

rnoya

27-09-2006, 10:19

كلبووووووووووووووش يا صلوحي عسوول ماشاء الله هسه يا ام صالح حمودي لما يكون عيان برضو بحب امي تشيلو وبموووووووووت في حاجه اسمها مهند اخوي يمكن عشان طويل وبشيلو وبجري بيهو وبطلعو الشارع وكده الكويس انو ما بحب الشغاله وبضحكني لما ينهره!! لكن برضو ما بحسسني اني امو ابدا!!! انواع من النفسيات العيال ديل!

om salih

28-09-2006, 04:40

هدوية اخبار الوالد ؟؟ طمنينا

هدويــــــــــــه

28-09-2006, 05:44

الحمد لله احسن من اول وبدو في اجرائات العمليه التانيه بس عليكم الله دعواتكم والله انا ماقادره انو وبديت في ورقي قرب ينتهي بسالله يسهل لي واحضر معاهم العمليه واله يديكم العافيه كلكم على سؤالكم

هدويــــــــــــه

28-09-2006, 05:45

فليم وماريا برسل ليكم في الخاص

مجنونة أمها وأبوها

28-09-2006, 19:13

سلام

مجنونة أمها وأبوها

28-09-2006, 20:47

كيف عاملين؟
انا زعلانة منكم اسبوع كاااااامل ما ادخل المنتدى ومافي زوووووووول بالصدفة يعبرني ولا يسأل عني
رمضان كريم مع انها متأخرة

هدوية
ألف سلامة على الوالد وربنا يقومه ليكم بالسلامة

بلدي
مبروك العمرة عقبالنا ان شاء الله

رنو
يا حليلك شكلك لمن تكوني صايمة الصيام بطير ليك في راسك
يا زولة ما تجرحي صيامك
اقول ليك حركة تفلق الزول البقل ادبو معالك من الغيظ؟
خليه يقل ادبو يبرد بطنو كوييييييييييس
وبعدين قولي ليه: خلصت؟
اعملي فيها دايرة تسمعيه كلام فاضي لكن ما تقولي ولا حرف وانسحبي بسرعة
ما تنسي تعايني ليه من فوق لي تحت وارزعي الباب وراك
المستفز انو بجهز نفسه عشان يرد والكلام البكون داير اقوله بكون قاعد جواه يحرقه حرق

حمودي حلاته انا بموت في الحركات دي
اذا ما مستحملاه عندي ليك حل حلو لكن ما اظنك تتحمسي ليه
اخنقيه خخخخخخخخخخخخخخخخخخ

روز
مستنين الشمار ( عدم شغلة )

ام صلوحي وطني وهوما وفليم وماريا وريحانة والباقين الما ظهروا
ازيكم... مشتاقين شديييييد
كل سنة وانتو طيبين

jeela

29-09-2006, 11:30

مبارك عليكم الشهر..
شكرا جزيلا للقلة الفقدتني وسالت عني..
حابة اقول ليكم مع السلامة لاني ما حادخل هنا تاني ... في امان الله

مجنونة أمها وأبوها

29-09-2006, 14:50

ليه يا جيلا؟؟؟؟؟؟؟؟؟؟؟؟؟؟؟؟؟؟؟؟
فقدناك كلنا

بطلي الهظار دا

rnoya

30-09-2006, 06:29

ليه كده يا جيلا؟؟؟؟؟؟؟
انا مقتنعه انو قرار زي ده هو قرار شخصي بحت لكن بس بتمنى من كل قلبي انك ما تكوني اتخذتيهو عشان زعلانه من زول هنا كلو رايح يا جيلا وما بفضل الا الذكرى الحلوة ونحن كلنا ناس لمتنا الوحده والمعاناه والرغبه في الفضفضه لانو انك تكون عايش ساي دي براها بقت مشكله !!
عموما اتاكدي انك ما طلعتي من قلوب الناس لا القله السألت ولا الما سألت او سألت عن الغايبين بشكل عام لو كان ده السبب فلكي العتبى حتى ترضي وده طبع الناس البغيب بسالو عنو مرة او اتنين وبعداك بتشدهم احداث الحياه...لكن على الرغم من كده ما بتنسي ابدا...
كل امنيتي انو ده ما يكون قرار نهائي وصادقه اتمنى تاني اشوفك وكتيييييييييييييييير
لكي كل الحب..

ريحانة الحياة

30-09-2006, 08:57

****الســــــــــــــلام عليـــــــــــــــــــكم و رحمة الله تعالى و بركاته ****
كيفكم ... و احوالكم ... رمضان كريم ... ها انتو شايفاكم ناويين على الريجيم و لا شنو ...؟:) لأنو انا لمن حملت الجدول ده الي فهمتوا ... احلى رمضان ... حمودي الصغير بقى معانا على طاولة الفطور و يا سلام منو يهبش ده و يشيل ده و عامل عمايلوا و عايز يشرب معانا العصير غايتو ايام جميلة ... المهم ... سلاااااااااامي للجميع و ليكم مني أحلى أحلى تحية و اشوفكم على خير انا اهو بمر مرة مرة .. و دعواتكم لي عندي امتحاااان فـــــــــــــــيزياء .... اللهم يطولك يا روووووح ... في امان الله :26:

ريحانة الحياة

30-09-2006, 09:01

******من الردود ما شايفة أي شي عني خلاص يا عجايز ... نسيتوا دلوعة المنتدى ...؟؟؟؟؟****
لا انا كده ح أزعل .......:( ...

ريحانة الحياة

30-09-2006, 09:12

هيييييييييييه جيلا ...جيلوووو... ليه كده ... جد جد جد ليه زعلتيني يا مس جيلا ....لكن لو الظروف جارت على النفس ... مع كل التمني انو ده ما يكون القرار النهائي .... FINAL DECISION
I HOPE>>>:26:

ريحانة الحياة

30-09-2006, 09:16

***** يا جماعة انا عارفة حتاكلوني ....خخخخخخخخخ...ما تزعلوا لاني قلت عجايز ..انتو ما كده انتو عارفين ...صح...؟ بكاويكم ...ساي لأنو ليكم جد جد وحشة ... يلا دي هدية من دلوعة المنتدى ....:)
في امان الله :26:

om salih

01-10-2006, 08:33

لااااااااا يا جيلا
عسي المانع خير
كلنا بنسال عنك ونفتقدك
بس لو كانت دي رغبتك ففي امان الله وموفقة حيثما ذهبتي وحنتذكرك دايما ان شاء الله وانتي كمان اتذكرينا وعلي امل اللقاء

om salih

01-10-2006, 10:06

يا بنات عايزة اسالكم ليه توقيعي ما بيظهر ؟؟؟؟؟؟؟؟؟؟؟

مجنونة أمها وأبوها

01-10-2006, 18:03

ليه يعني يا جلجل عايزة تخلينا؟

أزيكم يا رنو ريحون وأم صالح
مشتاقين

ريحون ازيك غيبتك طولت

أم صالح اعملي تحت الصندوق بتاع المشاركة كليك إظهار التوقيع

رنو المفروض انك بعد دا تضربي

الباقين سلام عليكم واحد واحد

بلدى ياحبوب

01-10-2006, 18:29

ازيكم يا بنات... اخباركم ...مشتاقين..
سلام سريع وبجيكم تانى...
هدويه سلامة بابا وما يشوف شر...

هدويــــــــــــه

01-10-2006, 19:06

سلام ياشباب بكره العمليه دعواتكم وسلامي للكل

om salih

02-10-2006, 04:43

صباح الخير .............
عايزة اجرب كلام مجنونة بخصوص التوقيع

om salih

02-10-2006, 05:09

شكرا يا ....مجنونة بصراحة شوفي ليكي اسم دلع اناديكي بيهو حاساها صعبة اني اناديكي مجنونة انتي عسولة وما تستاهلي :)

om salih

02-10-2006, 05:14

هدوية .......... طمنينا ربنا يطمنكم عليه

om salih

02-10-2006, 06:42

يا بنات فليم ووطني الحوامل العسولات وين ؟؟؟؟ بس ما يكونوا تعبانات

om salih

02-10-2006, 06:43

وييييييييييييييييييييييييييييي نكم ؟؟؟؟؟؟؟؟؟؟؟؟؟؟

om salih

02-10-2006, 06:44

نعسااااااااااااااااااااااااااا اااااااااااااااااااااااااااااا اااااااانة
حانوم شوية

بلدى ياحبوب

03-10-2006, 06:17

صباح الخيريا عسولات....
ام صالح ازيك ومالك نعسانه:) رمضان دة محتاج اجازة مش كدة:42:
فليم كيفك حبيبه وكيف الصيام له تاعبك ؟ لمى لى على اختك.
وطنى السودان ولدتى ولا شنو؟؟ ادينا خبر وربنا اقومك بالسلامه.
رنويه كيفك ومديريك الظريف:22: :42:
هدويه ربنا اقوم بابا بالسلامه واطمنكم عليه
روز كيفك حبيبه واخبار تجهيزاتك؟
هومه ازيك يا عسل و***** الله تاخدى الجواز ونشوفك ماشه وجايه للسودان.
ماريا وينك.
ريحانه سلام
مجنونه كيفك وكيف تحضيرات الجامعه وشكرا حبيبتى و***** الله عقبال عمرتك انتى.
جيلا مالك؟؟؟؟ اكيد بتهظرى:(
يا بنات طبعا العمرة زحمممممممممممممه شديدة ربنا اتقبل منا وعقبالكم كككككككككككككككككككلكم قولوا امين . وطبعا ما نسيتكم من الدعاء.

rnoya

03-10-2006, 06:42

ازيكم يا ابشك بشكاااااااااااااات
ان شاء الله عافيه
بلدي يعني عمرتك مبروكه ومقبوله ان شاء الله ابشرك مديري الظريف اداني كونتراكت عباره عن 850 صفحه قال لي الخصو !!!!!!!!!!! المابيك يحدر ليك في الضلمه يا بلدي الله بس يديني شغل احسن من ده يااااااا رب المشكله انو قعدة البيت ناااااااااااااار بس ربنا يلطف غايتو!
اسمعيني بتمشو جده؟؟ولا بعيده منكم؟
ام صلوحي والله انتي احلى زول كيفك؟ لو على موضوع النعاس ده اسكتي من السهر في رمضان حااااااااله صعبه واصلا انا بقيت 24 ساعه نعسانه وعندي فروقات نوم! غايتو! اسمعيني بقيتي على بشكتك ولا انبشكتي؟؟
هدويه كيف الوالد حبيبتي؟ ان شاء الله بس بقى كويس؟ فهمينا حاجه عليك الله
مجنونه والله ياخ مفروض اضرب ليكي يا عسول لكن انتي زاتك اعملي ليكي موبايل ياخ وادخلي العولمه بعد ده عشان عادة الاوقات البضرب فيها اوقات شترة لالنو رمضان وحمودي مشقلبين لي اليوم!!
ريحانه يحليلك والله..الشهاده دي همها اكبر منهاسبحان الله لما الامتحانات تبدا حتقولي انا ساي كنت معيشه روحي في ازمه!!! ربنا يوفقك
الباقين سلااااااااااااااااااااااااامز بدون فرز

flame4me

03-10-2006, 08:45

السلام عليك يابنات....كيفكم وكيف أخباركم ان شاء الله كلوا تمام..وكيف برامجكم في رمضان.........
هدوية حبيبتي كيف عمو..ان شاء الله كويس بعد العملية وبيز رسلي لي رقمك في الخاص حبيبة انا مستنياك ترسليه لي.....ربنا يقومو بالسلامة حبيبتي قريب.....
جيلا ياعسل ليه القرار القاسي علينا ده؟؟؟؟؟اتمني بس ماتكون واحدة فينا زعلتك من غير قصد وباقول ليك من غير قصد لاننا اخوات في الله واكيد مافي زول بيقصد يزعل التاني....او ماتكوني شفتي علينا شي كعب...على العموم حبيبتي ربنا يوفقك في البتختاريه لكن جد حنفتقدك في المنتدي....
رنو....طولى بالك الصبر مفتاح الفرج ومايعرفك يجهلك..اكيد مديرك يجي عليه يوم ويقدرك...ادعي ليه بس ربنا يهديه في الشهر ده.....
وطني؟؟؟وين انتي..ماتكوني ولدتي بس ونحنا ماعارفين..ربنا يسهل ليك حبيبة
بلدي ياحبوب عمرة مباركة حبيبة وعقبال الحج ان شا ءالله..
أم صلوحي يانعسانة.....اها دوامك كيف في رمضان..انا دوامي 5 ساعات...فطرت يومين يابنات لكن لقيت الصيام احسن لاني ماباكل..الله يقدرني بس اكمل الشهر.......
مجنونة ياعسل..... وانت طيبة حبيبة...اهاالاخبار شنو؟؟؟؟
ريحانة شدي حيلك حبيبة وماتقطعي جد بتوحشينا...
رووز ودد شنو يعني تقطعي كده تقولي شمار حار وبتاع وتعملي رايحة...تعالي سرعة يلا....شكلك محبوسة بتتجهزي للعرس...يارب يكون الشمار عرس قريب...:26:
ماريا....مسجلة أكير أختفاء في رمضان حتى الأن.....جد ليك وحشة..طمنينا عليك....
هوما....كيفك حبيبتي وكيف يومكم في كندا الفطور الساعة كم..وليه الغيبة دي بس...

flame4me

03-10-2006, 08:54

هوما حبيبة شكا ياعسل على طريقة الخشاف عملتوا وعجب ابو الشباب شديد......ماكلمتكم عملت عزومة كبيرة يوم السبت.لنفر واحد بس...صاحب راجلي عزابي....لكن عدت على خير الحمدلله....اختي مساعداني كتير جد الله يسهل عليها يارب..من غيرها جد كنت حاتعب.....
بنات اعزروني ساعات باغيب ايام واجي لكن عارفين الحمل والكسل....الشي الاكيد اني حريصة اقرا موضوعنا يوميا......
اها رمضان كيف وبرامجكم شنو..البيصلي التروايح في الجامع منو.....؟؟؟انا صلاتي بيتية بس والحمدلله......
متابعين مسلسلات يابنات..انا متابعة مسلسل المارقون ..مسلسل لذيذ..لكن كم مرة بافوت الحلقة..الواحد قلبوا بيوجعو من المأسي الفي الدنيا دي وما بيقدر يشوفها......غير كده ماعندي علاقة كبيرة بالمسلسلات العربية وغالبا باتفرج على ناس ساينفلدومالكوم وديل في إم بس سي فور....لزوم ضحك وبس....

وطني السودان

03-10-2006, 15:30

ازيكم يا بنااااات
مشتاقة ليكم شديد والله
انا ولدت بوم الجمعة 29-9
بعملية قيصرية ...وجبت كريم
الحمدلله انا وكرومي كويسين ..بس تعب شديد
يلا باجيكم تاني ..سلام حبيباتي

ماريا الطيبة

03-10-2006, 15:47

ما بصدق يا وطني حمد الله على السلامة ما بتتصوري كيف فرحانة :42:
انتي عارفة من قريت خبرك ما قدرت استوعب فاتحة فمي وباقول ما ممكن بسرعة دي :eek:
هسي انتي كيف اخبارك وكيفك من العملية
انتبهي لروحك الفترة دي شوية بتكون صعبة بذات مع العملية
لكن تعالي هنا ليه ما ولدت طبيعي

وقولي البيبي كيف صحته صايرة طالع شبهك ولا شبه ابوه ولا لسه صاير لحم حمرا :hahaha:

وتعالي هنا ان شاء الله ما تكوني تعبت مع الطلق والم :09:

اسمعي انا هسه ملخبط ومتفرتكة ما عارفة شنو ذات قاعدة اكتب ليكي

اهم حاجة حمد لله على سلامتك :26: :26:

ماريا الطيبة

03-10-2006, 16:39

سلام للاحلى بنوتات و اجمل حريمات

كيفكم ياجماعة اعذروني ايام دي مشغولة طبعا مع جامعتي الموقر وكلكم مارين بظروفي وعارفين شنو معناها

الجامعة = اكبر معاناة في الحياة

انتم عارفين حاسة بجسمي مرهقة شديدة
امي رجعت طبعا انشغلنا بضيوفها لمدة 3 اسابيع في اسبوع الثالث فتحت المدارس طلعت عيني وانا رايحة من محل لمحل عشان مدارسهم
بعد كدة بحكم اني بكرية البيت و مابخاف من اطلع لوحدي امي كل شوي مرسلتني السوق عشان لقت ليها واحد مسافر السودان فقالت ترسل ليهم حاجات فشوفوني داخلة وطالعة داخلة وطالعة من البيت للسوق
وبعده بدات الجامعة بتسجيل ومرمطة وبعد كدة الدراسة وطبعا رغم اخذت بس ثلات مواد بس تقيلات على الاخير وطبعا لازم تحضري في البيت الدروس دي
لكن على فكرة متابعاكم وقاعدة اقراكم لكن ما كان عندي وقت عشان اكتب ليكم والله

المهم انتم شنو اخباركم يا حلوات
وطني انا لحد الان ما متخيلة الموضوع انك ولدتي وجبتي البيبي لدرجة دي , انا بتذكرك يوم تجهيز عرسك انتي وفليم وتحضيرات الي كنتم عاملينها الزمن سار بيمشي بسرعة
كدة احكي لينا على البيبي الجديدة كيف صاير وانتي كيف احساسك وكيف الامومة معاكي والرضاعة
احكي كل حاجة عندك ما تخلي حاجة ؟
بس اتكلمي بعد ما ترتاحي

رنو ازيك يا كلبوشة يا ساطورة:42: والله ياخوفي على مديرك منك يابت وانا عارفكي قدها وقدود بتجيب عاليها واطيها اسمعي ما ضروري احرشك عليه عارفك بتديئه المظبوط انتي
عاملة كيف مع رمضان والله بتحنوني انتم الموظفات المتزوجات بالله كيف بتلاقوا الوقت توفق بين البيت ورمضان
تعالي هنا ما قلت لينا عرس اخوكي محمد الحنين الحساس:42: متين يمكن نقدر نحضر ولا ما حتعزميني من هسه :30:

فليم كيفك وانا كمان مرة مشتاقة بس حنسوي شنو ان شاء الله انتي بتكوني كويسة الان بذات مع جيت اختك وكيف صاير البيبي معاكي وبداتي في المشي ولالا
تعالي هنا صوتك بيسحر من على بعد اميال ما شاء الله تلقى راجلك مسنتر عندك عشان يسمع صوت الكناري ممزوج بدلع >>>>>>> طلعت بالعافية كلمة ممزوج مني خخخخخخخخخخخ :42:
انتي عارفة انا ما متابعة ولا مسلسل ما فاضية خير شر الي الان بس الكذبة خيبة امس صحبتي اتصلت علي و قالت لي لازم تشوفي قناة السوادن الساعة 2 بليل لازم تحضريها المسلسل دي وحضرتها و قاعدين نكركر انا وامي الليل كله فيهم
تعالي هنا دايرينك تتصلي في جيلا وقولي ليها ترا نحن زعلانين منك:( فوق انك مختفية كمان دايرة تسيبينا اهئ اهئ اهئ اخس عليكي راحت فين العشرة والمودة والرحمة هنىٌ عليكي لدرجة دي قولي ليها ماريا زعلانة منك

اسمعوني انا تعبانة هسي شديدة لافة من الساعة 12 الي 4ونص وجو الرياض سخن سخانة رغم اني فاطرة خخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخ خ
بس حقيقة كرهت طلعت الجامعة حقتنا بسبب الجو والسخونة تقولوا عننا كاننا في صحراء ربع الخالي
واعذروني ان كان في الاخطاء ما شايفة الجهاز من التعب

بس خلوني ارتاح وبعدين ارجع وااكتب لي جيلا وبلدي و ريحونة و مجنونة وام صالح وهوما وهدوية و روزد

تعالوا هنا ماافي احد يطمنا عن ابوها لهدوية

سلام

flame4me

03-10-2006, 19:59

وطني..والله مامصدقة حبيبة الف مبروووك ...والله قعدت ابكي....ياحليلك جد ان شا الله ما تعبتي حبيبة وليه قيصرية؟؟؟....يازولة أهم شي انك كويسة وكريم كويس....الله يسهل لي واشوف كريمي انا كمان جد اشتقت ليه ..اها البيبي كيف؟؟؟واول ايام الامومة..ويارب تكون امك قدرت تجيكي....:26:

flame4me

03-10-2006, 20:04

ماريا ياعسل انتي الصوتك بيجنن والله ماشا ءاللهالله يحفظك.....المشي مستنية راجلي اسي يجي من الدوام اليومين ديل شغال بالليل يجي يوديني الكورنيش اتمشي.....جيلا موضوعها جد غريب اتصلت بيها وماردت لي ورسلت ليها مسج قلت ليها تعمل لي مس كول لمن تكون فاضية علشان اتفاهم معاها....لكن بكرة تاني ان شاء الله احاول رقمها تاني..المشكلة اليومين ديل بالنهار باكون منتهية وعندي هبوط من الصيام.....لكن بكرة بأذن الله اتصل عليها..هدوية المفروض ترسل لي رقمها لكن لسه ما رسلتوا لو الرقم عندك يارنو رسليه لي وانا باتصل واطمنكم عليها.....

ماريا الطيبة

04-10-2006, 01:41

طبعا انا يادوب صاحية من النوم
ربي يكون في عونك يا فليم على الصيام ويقدرك عليه ويثبتك ويحفظك
حتى انا ارسلت ليها رسالة لهدوية عشان ترسل الرقم لكن الي الان ماردت
ان شاء الله يكون خير بس
بس عندي اشغال بااخلصها وارجع اكمل ردودي لبقية البنات

ماريا الطيبة

04-10-2006, 17:42

وينكم مالكم مختفين
طبعا الصباح رجعت نمت من شدة التعب لسه جسمي كان تعبان
عشان كذة ما قدرت اكتب ردود ليكم

ماريا الطيبة

05-10-2006, 03:43

سلام عليكم ياجماعة
انتم عارفين قاعدة اقول مالي من امس ما كملت كتابة للجماعة اتاريني حيبدا في الزكام عشان كذا كنت تعبانة بزيادة والارهاق ما مقصرة
يلا نبدا قبل ما يزداد المرض
جيلا ازيك وشنو اخبار المدرسة معاكي وطالباتك عاملين ليكي شغب ولا كيف :42:
هسة انتي مالك يابت دايرة تتغلي علينا ولا شنوا ولا داير تعرفي مكانتك عندنا عشان كذة بتكاوينا :(
اخس عليكي انتي عارفة انوا نحن بنحبك ودايما متذكرينك بس الحياة مشاغل ومشاكل وما بتخلي احد في حاله وانتي هسه بحركتك دي حتزويدها علينا :06:
اظهري وباني عليكي امان

ام صالح ازيك وازاي الشغل شايفة في رمضان كتر النوم :42: باين عليكي ما قادرة تلحقي بين البيت والشغل وصالح وابو :arb: صالح انتي قريب كدة باين عليكي حتروحي في داهية >>>>>>>>>>> بسم الله عليكي
تعالي هنا متين حتظهر نتيجتك عشان تعملي حفلة بمناسبة نجاحك عشان انط ليكي
واليوم ان شاء الله حااجرب الشوربة حقتك وان شاء الله بتطلع حلوة رغم مدحوه البنات بس بصراحة غريبة فيها موضوع القشطة بس حااجربها وارد ليكي كيف طلع طعمها وانا طبعا بااموت في الحاجات الغريبة

مجنونة يابت الجامعة (والله حتدفعي الثمن غالي عشان الجامعة)
ازيك وكيف تجهيزات الجامعة من كتب وملابس والطرحة والكريمات ..........................الخ
حتتعب تعب لمن تقولي بس السواء كان من شراء اشياء للجامعة او الدراسة :42:
كنت دايرة اسالك بتعرفي جامعة شرق النيل بتعرف عنها حاجة من ناحية تعامل المدرسين او المدرسات والدرجات وكسمعة للجامعة
عندي صحبتي هي واتنين من اخواتها حيروح السنة حيدرسوا في الجامعة اتنين في جامعة الي قلتها وثالثة في الجامعة الاردنية وصراحة خايفة على البت ما تقدر تستحمل بذات هم هشاشة هي و اخواتها يعني مرة نعومات

هدوية اخس عليكي يابت اختفيتي كدة فجاة وين ولحد الان ما وريتينا ايش صار في ابوكي وان شاء الله يكون هسي في البيت بيتنطط ليكم وقلقتيني الي الان ما ارسلتي رد على رسالتي اسمعي اظهري والا حااظهر ليكي في هولندا

روزد ازيك وكيف الشغل معاكي وكيف حبيب القلب كنت دايرة اسالك انتي هسة بعد ما تتزوجي حتقعدي في الامارات ولا حتسافري وتسكني برة
و شنوا دا يابت ما دايرة تقولي المفاجاة حقتك ولا شنوا حرام عليكي كدة حرقتيني وخليتنا مندي
اسمعي الموضوع فيه :icon28: ولا :mad: ولا :eek:
حننتظر الاجابة

ماريا الطيبة

05-10-2006, 04:06

يلا نكمل

بلدي عمرة مقبولة ان شاء الله
ماتكوني نسيتينا معاكي في الدعاء ان شاء الله تكوني اذكرتينا
وانتي تعالي هنا انتي معناه كدة حتكوني مريت الرياض سواء كان بالباص او بالسيارة او بالطيارة
لو كنتي بالسيارة او بالباص ياريت كنتي كلمتيني عشان تمريني وان كان بالطيار كان ممكن تنزلي ورد علي من شباك الطيارة عشان اعرف الطيار دي حقتك او تناديني وانا بااسمعك ان شاء الله :42:
اسمعي دايرة اسالك رايك شنو في جو دمام من ناحية الناس والمناخ ان شاء الله بيكون وكويس

هوما انتي يابت بتعطينا قطفات وبتختفي كدة دايما
ولا فرحان بالسيار عشان كدة مختفية :22:
على فكرة عجبني العصير الي كتبتيه بس بصراحة المكونات بتاع العصير انا ما بااحبهم خير شر (استغفر الله يارب ما تحرمنا من النعمة ولا تسخط علينا ) بس عشان ابوي بيحب الحاجات دي التين والقمر الدين والزبيب راح اسويها ليه اليوم لو قدرت ان شاء الله

ريحونة يادلوعة يابت
طبعا رمضان انتي مريحة من شغل المطبخ وعاملة استنفار عشان ماااحد يقربك طبعا ما بت الثانوي العامة وغير كدة جدك وخالتك معاكي مش كدة ولا انا غلطانة
فتلقيكي :22: خخخخخخخخخ:42:
انتم متين اجازتكم نحن اجازتنا في 18 رمضان ان شاء الله
نصيحة من اختي الي خلصت السنة الي فاتت ذاكراي اول باول ودي اهم حاجة وجيب نسبة عالية في الترم الاول باي طريقة

دايرة اسالكم ياحلوين واصلين في القران وين انا كنت واصلة في جزء 22 في سابع يوم لكن من يوم ما شرفت المدام وانا وقفت وما تسالوني ليه وقفتي

:26: :26: :26: :26:يلا دمتم وتعبت وانا اكتب :eek:

وطني السودان

05-10-2006, 17:22

ماريا وفليمو
الله يسلمكم يا رب
وعقبالك يا فليم قريب ان شاء الله
فعلا ما في احلى من انه يكون ولدك في يدك
طبعا انا مواعيدي كانت نهاية الاسبوع دة
لكن مشيت للدكتور قبل يومين من الولادة وقال لي البييبي قاعد بالعرض وحسي الوقت متأخر شديد
يعني ما في امل يستعدل في الاسبوع التسعة والتلاتين ..
وحجز لي قيصرية طوالي يوم الجمعة
الحمدلله عدت على خير.. فعلا كانت تجربة جميلة
بس ايام المستشفى كانت متعبة شديد..مع الغرز والغازات .. وجع البطن .. لكن الحمد لله اسي احسن كتييير
يلا انا باجيكم تاني حبيباتي ........ لانه القعدة متعبة شديد
فليم كيف كرومي ....ان شاء الله يكون كويس ... وكيف الاستعدادات للولادة..امي الحمد لله جاتني قبل يومين من الولادة الله يديها العافية بالجد ما كنت عارفة حاسوي من غيرها شنو
ماريا الامومة حلوة شديد....اول ايام ما كنت مستوعبة ... واقول يا ربي البيبي دة منو ... لكن حسي خلاص اما وكرمي بقينا اصحاب ها ها ها ها

بلدى ياحبوب

07-10-2006, 21:13

ازيييييكم يا بنات ***** الله كويسين...
وطنى السودان حمدلله على سلامتك ومبرووووووووووووك كرومى و***** الله اتربى فى عزكم وتشوفيه عريس يا رب..
اها طلع حلبى زيك:) وكيف عامله مع الامومه والطفوله :42:
فليم كيفك حبيبه والله يبارك فيك وعقبالك ..ماتتعبى روحك اذا ما قادرة تصومى.
رنويه كيفك ايوة احنا بنمشى من مطار الدمام لى جدة ومن هناك مشينا بباص احنا مشينا بحمله..
مجنونه كيفك ووين مختفيه..
ماريا يا عسل ازيك وانا سافرت بالطيارة لكن ***** الله حاجى الرياض قريب عندى اختى هناك واتصل ليك.
هوما وينك اختفيتى لكن بينى وبينكم الواحد مع رمضان وشغله صعب ادخل.
روزة وينك يا عسل.
ريحانه ازيك.
جيلا يلا تعالى وورينا مالك؟
هدويه كيفك واخبار البابا ايه طمنينا.
يا جماعه لو نسيت زول اكبر سلام ليه.

لوووووزه

08-10-2006, 03:10

فرصة وظيفية للرجال والنساء في كافة الدول العربية

السلام عليكم ورحمة الله وبركاته

أخواتي أنا حبيت أنشر هذا الموضوع وتعبت والله في نقله ونشره
لما فيه فائدة لجميع الأخوات على مستوى الوطن العربي بأكمله

وراح تلاقوا التفاصيل على رابط الموقع التالي

http://www.remanah.com/

أتمنى التوفيق للجميع يارب

تقبلوا فائق الإحترام والتقدير

rosewood

08-10-2006, 05:33

صباح الخير يا حلوات....
أول حاجة مشتاقييييييين شدييييييييييييييييد و تاني حاجة ألف مبروووك يا وطني (أم كريم) و حمدلله على سلامتك و أن شاء الله يارب كريم يتربى بعزكم...مبسوطة ليك شديد والله و ان شاء الله يارب عقبالك قريب يا فليم...
أول حاجة، معليش لأني طولت ما دخلت ما كنت بجي المكتب...و أنا هسي طالعة تاني و بجي الضهر و أكمل باقي سلامي لكن عشان ما تقولوا غتيتة حأتش ليكم الشمار.... (:
هو طبعا زي ما اتوقعت فليم الزكية...العرس اتحدد قبل اسبوعين!!! طبعا كان مفاجأة لينا شديد، تتخيلوا متين؟؟؟؟؟؟
بعد تقريبا اسبوعين يعني في العيد!!!!!!!!!!!!!!! والله يا جماعة راسي جايط و أنا لسه ما مستعدة عشان كده الايام الفاتت أنا جاريه قي الفستان و توب الجرتق و الفندق ووووووويك حاجات كتيرة....و العجب روحي ما لاقيه ليها وكت، بس الحمدلله.....دعواتكم معاي يا حلوات
يلا بجيكم بعدين و نكمل بقي السلام و الشمارات...

rnoya

08-10-2006, 08:00

ازيكم يا بشكااااااااااااااااااااااااااا اات
ما كلمتكم كيف رمضان فظيييييييييييييييييييع في السودان سالي ضنبو ومأدبنا أدب سخووووووووووووووووون وعطششششششششششش وحاله صعبه اي زول بعد الفطور بخش في كوما !!!ربنا يثبت الاجر ! على قولة البت الشغاله لي امي: ماما لو نا ناس سودان يمشو نار بأد ده مشكله!
يلا مبرووووووووووووووووك العضو الجديد في الملف السيد كريم ود وطني الف حمد لله على السلامه يا وطني ويتربى في عزك اااااااااااااااااااااه من الشعور ده الامومه حاجه جد عجيبه ربنا يعينك ويقدرك عليهو..
يلا روزوود يا زوله خير وبركه زكرتيني ايام عرسي الرجال جو طلبو يوم الخميس وقالو العقد وسد المال بعد اسبوع!! والعرس بعد شهر وتعاااااالي شوفي الجقلبه!!! لكن ايام وتعدي وتفضل ذكرياته الما حتعيشيها تاني
عارفه يوم عرسي وانا بي فستاني وراجلي بي بدلتو مشينا اتمشينا في شارع النيل وشربنا عصير ولغاية امبارح كنا بنتذكر البشكه دي ونضحك على الجن ! يا زوله تمام احسن زاتو الزنقه واااااااحده لو بعد شهر او بعد سنه ! ربنا يتم ليك على الف خير يا رب ويوفقك وورينا عملتي شنو في فستانك وبشكاتك ولو محتاجه اي مساعده نحن في الخدمه
ماريا والله فاااااااهمه تلتلة الجامعه لا حولااااااااااااا ابيخ برنامج في التاريخ !!! أذى جسييييييييم ربنا يعينك يا ساتيييييييييييييير يا اخوانا انا كل ما اتذكر ايام الجامعه بستاء برنامج وهم خلاص ونهائيا ما كان فيهو حاجه جميله! لكن تعالي هنا القالتو هوما ده م عصير لووووووووول ده خشاف يعني بتقطعي البشكات دي قطع صغيره ومعاها شويه مويه او عصير قمردين وبتتاكل بالملعقه ما بتتخلط بالخلاطه لوووووووووول بس بالغتي يا ماريا!
فليمو مشتاقين كوكي كيف؟
ام صالح لسه نايمه ولا شنو؟
مجنونه..ريحونه..هوما..باقي البشكات؟

بلدى ياحبوب

10-10-2006, 17:59

ازيكم يا بنات شنو الاختفاء ده اظهروا وبانو..
روز حبييبه مبرووووووووووك وربنا اتموا ليك على خير وحاولى تتمى حاجاتك بسرعه عشان تهتمى بروحك وتطلعى احلى عروس ..مستننك تجى تورينا عملتى شنو؟
الباقين ازيكم كلكم...

وطني السودان

10-10-2006, 20:43

بلدي يا حبوب
الله يبارك فيكي حبيبتي..كريم طلع نسخة من ابوهو ...اخدراني ... ها ها ها..ما شال لوني... شفتي جيناتي تعبانة كيف.... لكن ان شاء الله شكلو يتغير لقدام ويبقى يشبهني... يعني ما ممكن انا تعبانة 9 شهور.. ويطلع يشبه ابوهو....:) ان شاء الله بانزل ليكم صورتو قريب...........

روزوود...الف مبروووووووووووك ... وان شاء الله تتم كل حاجة على خير.. ويطلع ليكي احلى عرس.. اهم حاجة انبسطي الايام دي وبرمجي..لانها احلى ايام القبل العرس ... وذكرياتها جميلة ... ولو محتاجة اي خدمة ان شاء الله ما بنقصر معاكي..........

رنويا .... الله يبارك فيكي ....... وتسلمي ان شالله .......وفعلا شعور الامومة عجيب... الله يخلي ليهو ويخلي اولادنا يارب ......... قالوا السودان حر عجييييب اليومين دي..بالجد الله يعينكم مع الصيام دة .....

الباقين وينكم مختفين ..انا الليلة قلت اجي الاقي صفحات مليانة
لكن شكلو مع رمضان الوقت ضيق شديد ...........
يلا سلام حبيباتي

ماريا الطيبة

10-10-2006, 22:12

وطني حرام عليكي انا بااموت في اطفال الي عمرهم كدة
بطريقتك دي حتخليني اكنسل موضوع الدراسة واتزوج بس عشان اجيب اولاد بيبهات
ربنا يحفظوا ليكي وبكرمك فيه خير كرم
و على فكرة اول مولود لازم يطلع شبه ابوه
هسي انا طالعة شبه ابوي

روزيد مبروك يا عروسة الف الف الف مبروك ربنا يتم على خير ان شاء الله
عرسك قرب الله يكون في عونك وتخلصي بسرعة
اها وين وصلتي في الترتيبات عشان نساعدك

بلدي خلاص اتفقنا ان شاء الله تجي عندنا في الرياض وتتصلي علي

رنو كيف شو اخبار الشغل ومالك اختفيتي كدة فجاة تلتلة وبس اكبر هم من ما فيه انا مستغرب منه الناس تقول ليكي ما في احلا من سنوات الجامعة نفسي افهم الحلاوة وين
انتي عارفة اول مرة بااعرف اصلا في حاجة اسمها الخشاف ومصيبتي كنت حااخلطها لكن الحمد لله انك نبهتيني

rosewood

11-10-2006, 05:55

صباح الخير يا حلوات....
رنوية، بلدي يا حبوب، وطني السودان و ماريا الطيبة...شكرا لمشاعركم الطيبة و دعواتكم معاي...
معاك حق يا وطني لازم اتبسط الأيام دي و ما أتوتر، هي فترة حلوة لكن لا تخلو من القلق غايتوا الله يعين...ترتيباتي ياحلوات ماشة كويس لحدي ، مشيت أول امبارح دبي للفستان عشان البروفة الأولى و كان حلو شديد و أحلى حاجة قالوا اني ضعفت عشان الفستان طلع أوسع فاضطروا يضيقوا لي تاني..كان يوم حلو شديد بس أنا و ماما و صحباتي و بعديها مشينا شارع الشيخ زايد في كافيه رهيب قعدنا شوية و مشينا العين...أكمل ليكم باقي الحاجات، خلصت توب الجرتق اشتريت توب أحمر سادة و المحل اشتغلو لي بالكريستل الدهبي فطلع روووووووعة و الله عاجبني عجب، أما الفستان يا دوب وديتو قبل يومين للخياط... طبعل عشان لسه شغالة ما لاقية وكت أدخن، ادخنت مرة وحدة بس و تاني ما في وكت لكن بعمل دلكة طوالي، لكن حاسة روحي مبشتنة شديد...غايتو شكلي ما حأداوم الاسبوع الجاي لأني تعبت شديد و عاوزة أنوم و ارتاح انا السهر الشديد ما بينفع معاي... الكروت خلصت و طلعت حلوة والله...
بحاول أرجع ليكم تاني، أنا بقيت ما بخش طوالي المنتدى لكن بأحاول أطل و أسلم عليكم ...دعواتكم معاي
سلام للجميع...

ريحانة الحياة

11-10-2006, 17:38

إزييييييكم يا فردات ...:26: كلكم و بدوووووووووووووووووون فررررررررز ... جد وحشتوني ..لكن عندي ليكم اخبااااااااار حلوة ... طبعا زي ما عرفتوا نظام الفصلين إتطبق علينا و بقينا كل يوم دح و كوز و امتحانات شفوية و قصيرة و تقرير و مشاريع إلــخ...... لكن البشرى انو جبت علامة كاملة في الجيولوجيا و في الكيمياء نقصت بس درجتين لكن الباقي كلو تمام التمام إلا نحسي و حظي الفيزياء لكن المس قالت بتصلح لينا الدرجات و كلو حيعتمد على اعمالي و جهدي و العربي إتنحست كان اول امتحان و عكست الإجابة ده ...كلو من التوتر الي سببوا الجهاز الودي و عاكسوا النظير الودي ... خخخخخ خبرة في الإحياء مش ..؟ :)يلا بحاول اطل عليكم كل فترة جد وحشتوني ...فليم .جيلا . وطني حمد لله على السلااااامة . رنوية . بلدي . روزوود ربنا يتم ليك على خير .. و هومة و ماريا و باقي البنات ..خواتي ... في امان الله ..:26:

ام عبدول

11-10-2006, 18:38

السلام عليكم هلا بكم جميعا
ويسعدني امر على تجمعكم
الله يعافيكم انا بكره عندي فطور لاخوه سودانين وودي اعملهم حاجه حلوه تعجبهم
فاتمنى منكم مساعدتي
وخصوصا الاخوات الموجودات بالسعوديه علشان افهم منها مضبوط

rnoya

12-10-2006, 11:11

ازيكم يا بشكااااااااااااااااات
انا تمام التمام واليومين دول نازله دخان تقيل عشان نورة العيد وكده لكن بعد منتصف الليل لانو الدنيا جد حرررررررررررررررر مبااااااااااالغ فيهو
يحليلك يا روزوود حتتدبسي وتبقي نسوانه زينا!! ما عايزة اجهجهك لكن دقستي خخخخخخخخ
تمام يا بشكه اهم حاجه انك مقتنعه بي فستانك انا فستاني كان عامل لي نفسيات ولقيتو في اخر 4 ايام منها والعرس وراجلي كان عامل لي انواااااااااااااااع من النفسيات لانو ما بحب العاري وانا بموت فيهو !!!!!!!خخخخخخ فكل ما القى فستان كنا بنتشاكل !!! غايتو!! لغاية هسه انا ما عارفه لبست الفستان الوهم ده كيف!!
لكن حاااااااااااااولي قدر المستطاع انك تفتحي للشغل والتلتله دي لانو صدقيني الاجهاد بظهر في العروس شديييييد ودلللللللللللعي نفسك يا بت انتي عرووووووووووس وقع ليك ولا اعيدو ليك؟
وطني يا بت امنجه شي الود الاخدر انا كرهتي في الدنيا الراجل الحلبي ربنا يخليهو ليكي ويعينك بقى على الورورة بتاعة بالليل جميله خلاص منتهى الامومه انك تكوني منكشه ونعسانه ووشك وارم ومتشنقله وصدرك برة وسيادتو بورور وما عاجبو!!! منظر بديع خخخخخخ!!!!
ماريا والله زي جامعتك وجامعتي دي مافيها اي نوع من الجمال او الفتنه زيها زي وطني حاليا ورنا سابقا وفليم مستقبلا بالليل مع عيالهم!!! برنامج متأسف شديد!!! اصلا جامعه مافيها خلط موضوعه مستحمي!
ريحوبه يحليلك والله ان شاء الله نسمع عنك كل خير ان شاء الله ومن الاوائل
ام عبدول الاخوات في السعوديه يفيدوكي ان شاء الله يا هلا فيكي

Homaa

12-10-2006, 20:55

اززززيكم ياعسولالالالالالات

واحشيني كثير والله

اولاً مبروك لأم كريم بكريم الولد عسووووووووول

ماشاءالله عليه وربنا يخلي ليه امه وطني وابوه

وحبوبته اللي بترعاه وبترعي امه الله يديها العافيه

ويطول عمرها

ثانياً

يا جيلا

ليه كده والله كنت عايزه ارسل ليكي في الخاص لكن لقيتك

لغيتيه

ورينا مالك وزعلتي من مين اوعي يكون مني لكي العتبي

حتي ترضي

ب لله عليكي عبرينا

فليم

وووووين اوعي تكوني ولدتي

اختك كيف

اظهر وبان عليكي امان

روزززز

الشمار خطير

مبروك وربنا يتمم علي خير

خلي بالك من نفسك وعايزاكي تطلعي احلي عروسه

ام صالح

ين انتي

اختفيتي في رمضان

بلددددددي

ام العروس

واحشانا والله

ماريا الطيبه

اخبارك والجامعه

اخواتك حايمشوا الاردن ولا لسه

اقنعيهم

سلامي لامك

مجنونه

وين انتي الظاهر الب عمل عمايله

ولا لسه مفلسه

تحياتي لك

ريحانه

ادلوعه المنتدي

التحيه لكي

رنوووووويه

عايزه ليكي منتدي بحاله

ذوق وظرافه ودم يقطر عسل

لكي التحيه يا روعه

الباقي في الخاص

ارقدوا عافيه

flame4me

13-10-2006, 10:49

لووووووووووووووووووووووووووووو ووول...جيت اكتب رد رنو ضحكتني...يابت.....اعملوا فيك شنو انتي...وبعدين يامعفنة مالوم الرجال الحلبة هووووي انا مابرضي:30: .....المهم الباقي في المسنجر ياحبة.....
اول شي.......مبرووووك لللعروسة رووزودد ولقيتني كيف وانا نقشت شمارك من اول يوم.:42: ...اهلا بيك في عالم المتزوجات حبيبتي وشيلي شيلتك:hahaha: واتجدعي في حفلتك وجرتقك و شهر العسل شديد واهم الشي الصور......زي ماقالت ليك رنو الراحة مهمة.....ده لو جاكي نوم..:22: ...وفعلا الشوبينق للعرس مع ماما والصاحبات جد من اجمل الذكريات ياسلام كل ما اتذكرها بابكي بالذات ماما كانت تشتري معايا وشوية القاها بتبكي مامصدقة اني حاعرس ياحليلها جد..لكن الذ زول كان اخوي هو سافر معانا انا وماما نجهز للعرس وكنت هدوم البيت كلها عاملاها شورتات...قال لي ماما البت دي حتعرس ولا حتلعب في المنتخب الوطني.....:hahaha: :hahaha: .
وطني....الام الحنونة....:26: ماتتصوري انا مبسوطة كيف بكريم ده.......اي زول القاهو اقول ليهو كريم نمبر ون وصل الحمد لله واسي منتظرين كريم نمبر تو......وين الصورة...؟؟؟وريني يلا الود شماراتو شنو...واديني اللسلتة حقت اول ايام..واهم شؤال بينوم جنبك ولا براهو في الباسكت حقتو....يلا انا مستنياكي....
هوما.....ياعسول....اريتني اكان بقدر الد اسي:( ....كل مرة امشي للدكتورة....واقول ليها ياخي ولدوني دايرة ولدي خلاص.....رنو لكتن قالت ما استعجل....قالت بعدين في احتمال اكره حياتي وكده....:hahaha: :hahaha: انتي كيف مع رمضان....والعيال كيف....بدوا يصوموا نص يوم ولا لسه...؟؟؟تحياتي ليك يا احلي زولة.....

flame4me

13-10-2006, 11:04

ريحانة يا عسل..اذيك حبيبة....وشمار التيرمين ده جد لكن كده احسن من نظام السنة....تخلصوا اول باول...الله يعينكم بس.....شدي حيلك وخلي ماما تدعي ليك دعوات الام مافي زيها حبيبتي......:26:
ماريا العسل...ياحليلك حبيبتي....انا تمام واختي تمام ومساعداني كتير لكن نوامة.....برجع من الشغل بلقلها يادوب صحت....ياحليلها لكن ونستني وخففت على كتير...غير كده كل يوم بتعمل لي مساج لرجلي الورمين....جد احلي زولة اختي دي....
بخصوص جيلا اتصلت بيها مرتين وماردت رسلت ليها مسج ردت لي بانها مشغولة شديد...قمت رسلت ليها قلت ليها اول ما تفضي تديني خبر علشان اتصل واتفاهم معاها.......ان شاء الله خير بس:26:
.....طبعا انا مسلسلي الوحيد بتاع المارقون اللي كنت متابعاهو خليتوا........ زمن مافي جد....والمشي ياعسول بديت اتمشي لكن وقفت لكن احتمال ارجع تاني الاسبوع ده......
بلدي ياحبوب .....كيفك انت...وعمرة مقبولة حبيتي......يارب ماتكوني نسيتني في دعاك انو ربنا يسهل على ويحلني بالسلامة وكلكم يابنت ادعوا لي...ده انا غلبانة......
أم صالح......صلوحي كيفنو..وانتي وينك حبيتي غيبة شديدة.......ليك وحشة جد يا عسل....:26:
بنات...العندها رقم هدوية ترسلوا لي جد قلقانة عليها شديد......يارب تكون كويسة بس وابوها بقي احسن كتير.....يارب....
مجنونة....انتي وين يابت.....وليه قطعتي فجاءة كده......ده كلوا صيام....اظهري يلا ياعسل.....

flame4me

13-10-2006, 11:30

يابنوتات.....اتصلت على هدوية في هولندا رد على زوجها قال انها سافرت السعودية....اداني رقم بيتهم هناك اتصلت عليها ردت على اختها قالت انها نايمة......المهم طمنتني على صحة عمو ابو هدوية وقالت الحمد لله اسي هو كويس....يلا ربنا يشفيه يارب ويرجعو زي الاول واحسن...
اتصلت برضو على وطني ردت على اختها وللأسف ماكانت جنبها...لكن قالت لي انهم تمام وكرومي عسل شديد...يلا انا ماشة اطبخ بعد ده الوقت راح...الليلة راجلي قال داير زغني....مش ياهو دمعة دجاج عادية مع شطة الزغني...؟؟؟؟يلا اشوفكم قريب بأذن الله حبيباتي....:26:

Homaa

14-10-2006, 16:37

سلالالالالالالالالام ياحلواااااات

ياأمهات

وياحوامل

وياعرايس

وياأنسات

ويا طالبات

لكم التحيه

فليم وام كريم تلفوناتكم عقدتني

اتصل ومشغوله في حاجه غلط بس ماعارفه ووووين

هدوووويه دي سلام خاص ليكي

سلامه الوالد وما يشوف شر ان شاءالله

سلامي لاهلك

ام صالح ووووين انتي

بلدي مبروك العمره

مجنونه وووين ياغاليه اظهري

فليم الزغني طلع كيف اكيد جوزك اكل صوابعه

وكروم كيف ناوي متين؟

واحشيننننننني جداً

ارقدوا عافيه

وطني السودان

14-10-2006, 17:03

هوما .....كيفك حبيبة ... رسلي لي رقم تلفونك وانا باضرب ليكي ان شاء الله ......... :)

فليمو مشتاقين والله شدييييد.. كيفك حبيبة مع الحمل وتعب رمضان ..... ربنا يحلك بالسلامة ان شاء الله ... اخر شهور دي اصلها سغيلة وبتكوني خلا ص ما قادرة تنتظري ولا ثانية ... كرومي الحمدلله كويس... لكن بالليل ازعاج شديد....... دة كله حتمري بيهو قريب....... لكن برغم التعب.... في احساس جميل شديد.......... :)

رنويا ضحكتيني والله بحكاية الشعر منكوش ن الليل دي..فعلا صورتي المنظر بالظبط........ بالليل شعر منكوش وكله برة ..لووووووول...
انتي كيف اخبارك ومع الصيام... وان شاء الله امورك كلها تمام مع الشغل.

ماريا عقبالك قريب حبيبة ...... ان شاء الله تجيبي بيبي سريع وشكلك بالجد بتحبي الاطفال .......

ريحانة .....ربنا يوفقك وشدي حيلك عشان نفرح بيك في الطب ........

روزود التجهيزات ماشة كيف..... والحبسة والامور دي كيف......انا متأكدة حتطلعي رهييييييييبة

جيلا ...........وييييييييييييييين ..؟ والزعلك ميييين ؟؟

وطني السودان

15-10-2006, 15:14

فليمو شكرا حبيبة على تلفونك......... ما بتقصري...... كلمتني اختي والله .. خسارة كان الموبايل معاها وكانت برة البيت......

Cute_niNO

17-10-2006, 10:27

Salaam guys
How are you?
I can't believe it, it's the first time I find a Sudanese sweet gathering like the one you have ... I'd like to be part of it and I hope I will be welcomed :)
Cheers

N.B: Sorry I will try more Arabic the next time coz it's more fun than English, but AKHTAKUM is the most horrible Arabic typist :'(

Take care ..

saroyaaa

17-10-2006, 14:32

ازيكم يا حبيبات كل سنة وانتوا طيبيبن معقولة بس اغيب عن النتتدى اجي القاهوا بقى حلوا كدا والناس منورة فيهوا والله مشتاقة ليكم شديد كلكم من غير فرز وشايفة في ناس كدا جداد عسوووووووووووووولين خشوا المنتدى لازم اعرفم بي نفسي بس في الاول الف مبروك لوطني البيبي الجديد و***** الله يتربا في عزك
انا سروية من سكان بحري شمبات الاراضي متزوجه من 9 شهور واسي في اجازة مع ناس ماما في السعودية شفتوني حريفة كيف زغت من اول عيد
عليكم الله اظهروا عشان ما احس اني كج

Homaa

17-10-2006, 17:35

لالالالالالالا مش كده

ما ظاهرين كده ليه

دي نظافه العيد

طبعا هنا ما فيش عيد

الجامع وبعدين خلاص بح

امكن نودي الاولاد يلعبوا واذا مطر

ودي الاحتمال الاكبر ع البيت

وطوالي ع المطبخ للاكل

والتلفزيون

طبعاً المدارس شغاله

بأجز للاولاد

بس عارفين انه عيد

دوشتكم ياجماعه

اهلا بي saroyaaa

وCute_niNO

كل سنه وانتو طيبين

اسمع صوتكم

اتعودت عليكم

ارقدوا عافيه

flame4me

17-10-2006, 17:45

أذيكم يابنات..الأخبار شنو مشتاقين جد جد جد......
هوما العسل....الزغني شكلي كترت الشطة..راجلي دخل يدو مرة واحدة بس وماكررها...ولا حتي مجاملة....:( وانا من الزعلة اكلتوا كلوا لمن جاني وجع بطن...صحي شطة كتيرة....:42: ..كريمو والله اشتقت ليه ودايرهو يجي....يلا كل يوم احسب واعد والليلة كمان واحدة صاحبتي هنا ولدت اسي ماشة اشوف البيبي حقها واشوف المشتشفي واخد لي فكرة.....شبكتنا اليومين ديل مجنونة لكن مابتقصري ياعسول انتي.....اعتبري تلفونك وصل خلاص.....:26:
وطني وكريمو اخباركم شنو...ياخي عليك الله اديني تقرير عن حياتك بعد الولادة..واهم شي صحي...عملتي تخدير كامل ولا نصفي في العملية......من كم يوم شفت عملية قيصرية في النت ومن يومها وانا راسي لافي....لكن لمن البيبي طلع مبالغة جد......اها ماما واختك كيف وحيقعدوا معاكي كم..وراجلك كيف مع احساس الابوة....اكيد حب شديد اليومين ديل...خخخخخخخخ:42:
Cute_niNO حبابك مليون حيبيبة....شرفتنيا في بيتك ووسط اخواتك ياعسل..مستنين تعرفينا بنفسك...وعلى الكتابة اخدي راحتك ياعسل كلوا شغال.....:26:
سروية وين انتي ياعسول...ليه الغيبة ده..ماقادرة اصدق انو مرت 9 شهور على العرس....معقولة الايام مرت سريع كده.......اها يابت ياحريفة ياشرادة انتي كيف تخلي راجلك براهو يوم العيد.....عملتيها واضحة لكن.....يازولة بختك العيد اهل انا اسي ما متخيلة اعيد كيف بعيد عن اهلي...كويس اختي مصبراني لكن جد ماحاسة حيكون ليه طعم........اها شماراتك شنو...وشمارات السودان معاكي...
البقية..وين انتوا....
رنو...وين ليك يومين مافي في المسنجر؟؟؟؟؟؟:(

وطني السودان

17-10-2006, 22:09

cute nino
sarroya
ازيكووم يا عسولات .......... والله يبارك فيكم ........ واظهروا مش مرة واحدة وتختفوا:)

هوما حبيبة كيفك..... تلفونك والله كان زي العسل..... ان شاء الله باضرب ليكي بروووووووووووواقة يوم اتونس معاكي............. :)

فليمو مشتاقين والله
كيفك وكريمو ........
احنا الحمدلله كويسين ........ لكن يا فليم اوصيكي....نوووووووووومي.. لانه تاني بعد ما كرومي يشرف
ما في نوم كلو كلو
رضاعة نص الليل.... برنااااااااااامج كدة
بالنسبة لعمليتي كانت ببنج نصفي ايوة........كنت واااعية وشايفة الحاصل كلو ... غايتو ما عارفة اوصف الشعور شنو ........ مشاعر ملخبطة....... فرحانة وخايفة ومتوترة ......... تجربة جميلة الحمدلله ........ بعد العملية بس الجرح سخيف ومولم شديد........... بلعت كمية حبوب فب الايام الفاتت دي ..... مبالغة
لكن حسي احسن كتير من الاول الحمد لله

امي الله يديها العافية حتقعد معاي تقريبا اسبوع بعد العيد يحليلها والله حتقطع راسي شديد............ بالجد ما عارفة كيف كنت قاعدة براي في البيت طول الوقت دة ...بالجد وجود اهلك معاكي بيفرق..... واكيد انتي حاسة بالفرق مع اختك ...........

راجلي طبعا مبسوط بكريمو..خصوصا انه بيشبهو شديد خخخ... لكن بالليل بينوووووووووم ... انا باقول اخليهو لانه شغال بس...لكن في الويكند ما في رحمة ابدا ....... :)

يلا عقبالك قريب..... بولادة سهلة وهينة ياااااااااااارب

saroyaaa

18-10-2006, 03:50

كيفكم يا عسولا ت طبعا بحاول ارجع للصفحات القديمة شوية شوية عشان اشوف اخباركم شنوا في السودان لحدي اسي ما وصلوا لينا تلفون عشان اركبوا وحاولت اخش بالموبايل لكن بطئ شديد
كيف يافليم والله مشتاقين شديد شايفاهوا قرب موضوع الولادة دا الله يحلك بالسلامة يازولة ويجيب ليك كريم وتفرحي بيهواوبالمناسبة البركة فيك في ود عمتك عرفت من الصفحات الفاتت
هوما ازيك ياعسل وخسارة العيد برا ما عيد لكن حاولوا احتفلوا براكم
وطني السودان اها كيف عاملة مع الامومه وما يكون كريم عزبك بس
وباقي البنات كلكم مشتاقة ليكم شديد من غير فرز واظهروا عشاننسلم عليكم
بالنسبة لاخباري في السودان طبعا بفتش في شغل ومالقيت لحدي اسي وبحاول اتعود على العرس ومسؤلياتوا الكتيرة والمسيخة والمابتنتهي حنة ودخان ونسابة ومجاملات وعزومات وما ادراك
بالمناسبة من خلال جولتي في الصفحات الفاتت شفت زولة جديده معانا اسمها رنوية وحسيت انها شخصيتا قريبة مني في حاجات كتيرة
اسمعي يازولة انا عرفت انك دايرة تخلي الشغل ونصيحة مني لو ما لميتي في شي تاني ما تفكيهوا ابدا ما تعملي زي انا كنت شغالة قبل العرس وخليت شغلي قال شنوا دايرة اعيش السنا الاولى دي بمزاج معا راجلي واعيش احساس العروس الجيهة والحركات وحياتك سفيت التراب من الندم واسي بفتش وما لاقية اي وظيفة ففكري كويس
طبعا يافليم الزوغة الزغتها دي الناس كلها ماراضياها اي زول يقولي اول عيد ليك ودا شنوا وراجلك وحاتك ما اشتغلت بزول وعدتوا اني ما اتأخر عليهوا وجيت يازولة اشتقت لي ناس بيتنا

om salih

18-10-2006, 05:18

السلااااااااااااام عليكم :)
اسفة جدا جداعلي الانقطاع بس والله شغلي كان كتير الايام الفاتتت واستعدادات العيد الراجلي بياخرها لي لاخر لحظات فبقي برنامجي مليان في الشغل ووراهو تجهيزات الفطور وبعد داك السوق لغاية الساعة 12 او 1 وبعد كدا سهر مع صلوحي ونوم متاخر وجري للشغل صباحا حاجة جدا صعبة
طبعا كانت عندي خطط كتيييييرة للعيد بس ولا حاجة عملتها ,,,,,,, لخبطة شديدة

اهمم حاجة الاخبار الجميلة في المنتدي ان شاء الله دايما
نبدا بوطني الف مبروك والف حمدلله علي السلامة وكيفو كرومي العسولي

روز ,,,,احلي عروس الف الف مبروك بضرب ليكي بعدين اشوف اخبارك شنو

سروية عودل حميدا لو ترجعي للصفحات الورا تلقيني سالت عنك وما ناسينك مع اني جيت بعد ما انتي مشيتي

cute ااهلا وسهلا مشاقين نسمع اخبارك ونتعرف عليكي اكتر واكتر
رنوية فليم هوما بلدي ماريا مجنونة والباقين كلكم واحشني موت
هدوية اخبار ابوها شنو؟؟