على ضفاف النيل (ملتقى حواء السودان) الجزء التاني ................. [الارشيف] - صفحة رقم 11

flame4me

10-09-2006, 08:33

صباح الخير ياحلوات..كيفكم وكيفنكم...كلوا تمام؟؟؟وكيف الويكند معاكم؟؟؟نحنا كان تمام الحمدلله..
روزودد كيفك ياعسل؟؟الاخبار شنو؟؟تسلمي حبيبة على سؤالك عني في الخاص....مابتقصري ياعسل..انا بس في الويكند ما دايما باقدر اشارك لانو البيت وبرامج الويكند وكمان راجلي بقي يكون عندو شغل في البيت...غايتو شكلي عماقريب حاجيب لابتوب لانو جني وجن الاستعمار الكمبيوتري ده...
اها الشغل كيف؟؟؟؟شفتي الكسل بيعمل شنو؟؟انا برضو ساعات باخلي الشغل يتراكم وفي الاخر باجي ببكي....ماقلتي لينا الاجازة كانت كيف وسافرتي وين وشمارات الاجازة شنو؟؟الشغل زي ماقلتي متعب..لكن عدمه اصعب جد...بالذات لمن تتعودي على الماهية والفلة ومجتمع الشغل....غايتو الله يعين....بخصوص لسم كريم ياخي انا كمان باموت فيه....في ناس كتير ماعاجبهم لكن انا ماشغالة بي زول...لقيتني كيف وانا ساطورة؟؟؟؟:26:
مجنونة.....الف مبروك طب النيلين ياخي.....النيلين جامعة لذيذة وبناتها نضاف شديد......الطب انا من مشجعينه اخواتي الاتنين واحدة طب اسنان والتانية طب وشايفاهم مبسوطين...صحي قراية صعبة لكن في النهاية ممتعة ومناسبة للبت انا شايفة....يلا اجتهدي بس وشدي حيلك يامنجه....اها حتداومو متين ان شاء الله؟؟؟
بلدي.....كيفك ياعسل؟؟والعروسة كيف؟؟؟امبارح ود صاحبتي هنا برضو عيان كان ومشينا المستشفي ياحليله خلعنا جد..حسيت بيك والله شديد....يلا ربنا يجعلها اخر الخلعات والامراض.....اتخيلي اختي الشغيلة كان مفروض تجي الويكند الجاي بقت جاية يوم 21..جد زعلانة انا..لكن مامشكلة......لمن تجي باوريها.....الواحد اشتاق لاهلوا جددددددددددددد
سمينة مرحب بيك ياعسل..حبابك مليون بين اخواتك وفي بيتك.....ناس امدرمان فعلا احسن ناس ولو اني عندي معاهم تجارب مريرة.....باحكي ليكم بعدين منها....لكن اكيد مافيهم كلام......انا ساستي متزوجة لي 8 شهور واسي حامل ومستنية ود عسولي كده ان شاءالله ربنا يجيبوا بالسلامة ناوية اسميهو كريم.....شغالة في شركة علاقات عامة ومقيمة في قطر....اها السؤال الابدي البسالوا لكل واحدة مقيمية في كندا..كندا كيف معاكم؟؟؟؟؟والحياة هناك كيف؟؟
وطني..انا تمام ياعسل؟؟؟انتي كيف..كريم والله تمام فرفرة بس وبقي يصحيني من النو الله يديه العافية....انتي كريمك كيف؟؟؟؟والاوضاع في بطنك كيف استعداد للولادة؟؟؟؟قالوا الحركة بتخف قريب الولادة الكلام ده صحي؟؟؟؟
جيلااااااااااااااااااا مختفية وين؟؟؟؟؟ليه كده بس؟؟؟
هوما..سلامات على السريع ومختفية شديد كده ليه؟؟
رنو..جايكاي اسي بس من البيت لانو التاكسي مستنيني....يلا في امان الله حبيباتي.....

rnoya

10-09-2006, 10:18

كلبوشات ازيكم
انا كويسه لكن خلاااااااااااااااااااااااص طفشت من ناس شركتي الجنهم قوايل وسوايط ديل!! وعندي مدير ماااااااااااااااااااااااااا عندو موضوع غيري عارفين هو ود سغير كده والمدرا التحتو كلهم رجال كباااااااااااااار شايبين يحليلي انا الوحيده البفرد فيني عضلاتو..والمشكله اني فقريه وقاعده اسفهو والكلام ده تاعب ليك حنانو!! وكل ما يلقى طريقه يبرمج بي ما بفوت الفرصه!!! وكمان معانا واحد يمني نائب المدير يعني زول وسخ وشبشب بي صورة عجيبه وهو اساس كل البلاوي والمشاكل والفتن بالله بن سلول بس!! تصدقو قبل ما اطله البيت ساعة الرضاعه قلت ليهو يمكن اتاخر شويه عندي مشوار ان شاء الله جيت لقيت الشركة مقلوبه وحضرتو عامل فيها رايح!!! طبعا عشان يكون شكلي اني زوله متسيبه وبس!! لكن وحياتكم زريتو زرة كلب في بيت عزابه ..لكن بيني وبينكم زهجت من الجو المسموم ده وزهجت من المؤامرات والقبيض بالله شغاله شرك بس!!
حاجه تانيه انو دوامهم مميت من 8 لغاية 4 حتى في رمضان وقروشم زي وشهم الكريه ده
بس الزول على قولكم يا بشكات صعب انو يقعد في البيت بعد ما اتعود على الضحاكات والشرتيت الخاص..انا بالزات(جمع بزة) لو قعدت في البيت عدم موضوع ساي بشاكل السودان والدول المجاورة!!
سلام ليكم كلكم بدون فرز ورجاء خاص اي زول يقرا البوست ده يدعي انو ربنا ييسر لي اموري يمكن بي دعاء وحده فيكم ارتاح من الشقا ده..
اروق واجيكم تاني

om salih

10-09-2006, 10:43

من امس بالليل نفسياتي كعبة جدا
بكيت لما عيوني الصباح ماقادرة اشوف بيها كويس
نمت بعد اذان الصبح صالوحي ما عايز ينوم
بداية الاسبوع كانت عنده نزلة شديدة ويوم الخميس بالليل جاهو استفراغ استفرغ اكتر من ستة مرات
ورا بعض وكميات كبيرة تخلع يوم الجمعة والسبت الحمدلله اتحسن
القراية ما مفهوم اولها من اخرها راسي ما متحمل اي حرف زيادة بقيت عايزة الامتحان يجي باي صورة عشان اخلص من الكابوس دا
الامتحان يوم التلات الساعة 12 في شيراتون ابوظبي
ورقتين الاولي من 12 ل 2 والتانية من 4 ل 6
محتارة اليوم داك اتصرف كيف مع صلوحي
ابوهو بيقول نخليهو مع البت وطبعا ما حصل خليتو معاها وبعدين المدة طويلة يعني اقل حاجة نرجع 8 بالليل
انا بفكر ناخدهم معانا الاتنين بس خايفة صلوحي يبهدلنا
رايكم شنو؟؟؟؟

rnoya

10-09-2006, 11:01

ام صلوحي يحليلك والله
زرة شديده واله ربببببببببببببببببنا بس يهون عليكي ويعينك
يا زوله ياسيييييييييييين لما قرئت لها نزليها بالمبينات بي يقين تام والله ما بضيعك
عن صلوحي وديهو هو رالبت الشغاله عند اي وحده من صاحباتك او من اهلك كده بتكوني مطمنه عليهو اكتر (اصلو هم الناس لا منهم لا كفاية شرهم) فهمتيني؟
ما تسوقيهو معاكي عشان ما تنتحري اخر اليوم ده رايي
الله معاك يا زوله ما تهمي..كلو على الله

وطني السودان

10-09-2006, 11:16

ام صلوحي والله حاسة بيكي شديد ..الله يعينك وزنقة تعدي على خير يا رب.. انا السنة الفاتت امتحنت بارت ون بتاعة زمالة الرويال كولج اوف سورجنز... والله بكيت بكى اليوم القبل الامتحان..من شدة التنشنة .. لكن يوم الامتحان استهديت بالله وقريت ياسين .. واتوكلت على الله ... واقري لا اله الا انت سبحانك اني كنت من الظالمين ... وربنا ينصرك... طمنينا بس عليكي... وصلوحي احسن حاجة خليهو في البيت او مع اصحابكم لانه حيغلبك شديد وبالك حيكون مشغول بيهو .....

رنويا ... الشغل زفت في اي حتة .. والله ما سمعت لي بزول ميسوط في شغله ... لكن انا من نوع الواحد لازم يفتش في اي حتة تانية.. ويتحرك... اصلو ما يقول انا بس حاقعد هنا.. على شنو تستحملي الوجع ده ....... الله معاكي .....

فليمو كيفك حبيبة ..كريمو كويس الحمدلله .. والحركة فعلا بتقل شديد...لكن بتحسي بتقل رهيب..من اول يوم في التاسع.. غايتو بانصحك اني توقفي الشغل اقل شي قبل شهر من الولادة..لانه القعدة والحركة بتبقى صعبة شديد,,,, وكتمة النفس بالليل ... غايتو الله يعين بس ويعدي الايام الجاية دي على خير ...

بلدي الحمدلله بنوتك تمام... عليك الله دعواتك..الشهر التاسع دة بالجد ما ساهل......

روزوود..الف مبروك وربنا يتم ليكي على خير ...... لو عاوزر اي نصائح احنا في الخدمة .... والعرس حيكون ويييييين؟.. وما اديتينا شمارات العريس....؟؟؟

om salih

10-09-2006, 11:35

معاكم حق اخليهو احسن ليهو ولينا
دوامنا كان اتغير التلاته شهور الفاتت بقي من 8 ونص ل 2 ونص
بس من الاسبوع الفات رجع من 8 ل 4 :(
بفكر اخد يوم الامتحان والاربع والاخميس اجازة ويجوا عليهم الجمعة والسبت يكونوا مكسب مش كدا ؟؟
كدا يكون فضل اسبوع ويجي رمضان ان شاءالله بدوامه الخفيف
بالجد محتاجة الاجازة دي انا وصلوحي

rosewood

10-09-2006, 11:56

ازيكم يا حلويين...
أم صالح، يحليلك والله..عليك الله لو محتاجة مساعدة اضربي لي، حأرسل ليك نمرتي...ما تخافي و الله أنا بت كويسة و حنينة مع الأطفال :) ما عندك أي معارف في العين و لا أبوظبي؟ احنا ما عايزين أي حاجة تشغلك من امتحانك و ربنا بيهون ان شاء الله....الاقتراح ال قلتوا ما كشكرة و الله، فكري فيه...

شكرا يا وطني ...والعرس غالبا يكون في الامارات..عشان أهلي مستقرين هنا و صعبة علينا نمشي قبل العرس بشهرين زي ما الناس بتعمل و بعدين تجي تشتكي و يقولوا يا ريت يعملوا هنا.. ناس كتار يقولوا أحسن أعملوا في السودان عشان أحلى لكن أنا بشوف العرس حلو بالناس و الحمدلله ناسي كلهم جايين ان شاءالله و صحباتي كلهم هنا و كم وحدة كده في السودان و جايين برضه..و بعدين في البلد دي في نظام ما زي السودان، كمية من المقالب حصلت لصحباتي أيام عرسهم و كلهم هسى بنصحوني أعمل العرس فس الامارات...ربنا يسهل ان شاء الله، هو ده كلو في الأخر ما مهم، المهم الحياة بعد داك..الله يستر و الله أنا لي يومين بسمع قصص محبطة :eek: من ناس معرسين ليهم فترة بسيطة..أفيدونا انتوا يا معرسين... شمارات العريس ااااممممم و الله ما عارفة أقول عنه شنو، انتي ما تسأليني و أنا بجاوبك ...تمام

كويس طمنتينا عليك يا فليم، أنا عارفة الويكند بيكون كيف..طلعتي ساطورة تمام، ما تسمعي كلام زول في كريم ، ما قالو ا ليك اسم أقباط ؟؟؟ عشان مرة قلت اسم كريم حلو و الناس قالوا لي كده لووووووول ما عندهم موضوع، في الاخر هو ولدك و لو انت و راجلك عاجبكم اتوكلوا على الله و ان شاء الله يطلع بصحة و عافية دي أهم حاجة....كويس انو اختك جايه عشان تونسك الفترة الجايه و تساعدك في التجهيز...ما عارفة اذا في قطر كان عندكم تنزيلات في مذركير و لا لأ؟ هنا كان مبالغة و هملة شديدة، و الحاجات فظيعة بالذات للبنات...

رنو يحليلك...انا برضو زيك لكن أنا ما مدير المعزبني، مديييرة و كمان هندية!!!!! كريهة كراهة، على قول صحبتي شكلها عاوزة تطفشك و تجيب قريبتا من الهند و تقعدا مكانك...بالجد الله يعين، قاعدة هسى بفتش في شغل عشان أول ما ألقى أفتح للجماعة ديل...

ماشة و جاياكم تاني..

وطني السودان

10-09-2006, 12:56

روز وود
العرس برة فعلا برة منظم شديد... في السودان غايتو تعب وبعد دة كله ما مرتب
لكن بس الاهل طبعا بيدو العرس طعم خاص
لكن لو اهلك ومعارفك هناك
مافي مشكلة
وربنا يتم ليكي على خير
ويطلع اجمل عرس بأذن الله :)

rosewood

10-09-2006, 13:30

وطني السودان

شكرا على الدعوة الحلوة...ربنا يسهل ان شاء الله و أكيد يا حلوين كلكم معزومين :)

أسألكم يا جماعة، اذا وحدة فيكم عنها خبرة في اللخوخة و الدلكة؟ أو خلطات للجسم لكن تكون حاجات طبيعية ؟ عايزة أبدا أهتم بروحي من هسى...المشكلة أنا برجع من الشغل مهدودة و مافيني حيل أدّلك.. بتحسر على روحي، بقول لو كنت في السودان ما كان اتحيرت، اش كتر النسوان ال بدّليكوا!!! غايتوا كان عندكم خبرة أفيدوني... مع انو منتدى البشرة رهيب لكن أنا عايزة حاجات سودانية..

أنا دوامي السغيل انتهى لكن ما راجعة البيت ماشة مع صحبتي السوق...الشهر ما انتهى و أنا خلاص قرررررررررررررررربت أفلس من مبارات الصحبات و السوق و السينما

يلا أخليكم لبكره..

Homaa

10-09-2006, 19:04

اززززززيكم ياعسولات

ويابشكوااااات علي قول رنويه

ماااااالكم دأب فيكم المللل من العمل

حلوه دي

اخباركم واحوالكم وحالكم ان شاءالله تمام

فليم

ياعسوله وووووين انتي واخبارك تمام وكروم كيف اكي

الخبيط علي ودنه

اخبار السوق كيف طبعاً الاخبار عندك

وهسي مع رمضان بيكون احلي وتمام

روز

ازيك ياحبيبه والعرس خلاص قرب

مبرووووووووك

العرس في الامارات حيكون مرتب وجميل

وطني

وووووين انتي

اخبارك والبيبي كيف

ولندن وناس لندن وان شاء الله خلصتي الشوبينغ

عشان ولادتك قرررررربت

الله يحلك بلسلامه

رررررنويه

الساطور

شكلك زهجانه من الشغل الله يعينك علي مديرك

والشغل من غيره الحياه ممله

ولدك كيف

وبرامج العيد كيف اكيد مولعه

ام صالح

سلامه ولدك ان شاءالله مايشوف شر

وشدي حيلك في الامتحان

كلنا منتظرين النتيجه الحلوه

دعواتنا

مجنونه

مبروك الطب

الامور كيف في البيت

بلدي

لكي تعظيم سلام

وللعروس التحيه

ريحانه

جيلا

ماريا

هدويه

سمينا

لكم كل الحب

ارقدوا عافيه

rnoya

11-09-2006, 05:53

بشكاااااااااااااااااااات يا هوما وليس بشكوات
اييييييييييييييي حاجه في السودان ده بتتعمل بي شق الانفس بالله مشيت مكتب العمل طلعو ميتيني وفي النهايه قالو لي اوثق الشهادات حقتي يعني الليله لازم امشي سفارة الامارات وبعداك امشي الخارجيه وبعداك امشي مكتب العمل واكع قروش لمن استغفر غايتو بس
بس تعرفو يا بنات الشغل الحكومي احسن من الخاص لي مرة متزوجه بترجعي بدري وبتمشي متاخرة وعندك ترحيل ومرتبات رهيبه وتزويغ لمن تتكيفي
والله حاجه بشعه انك تدخلي مع راجلك البيت اخر اليوم الساعه 4 ونص!! وتقعدي تتجاري وتكابسي الغدا وبعداك هو يكون عندو مزاج ونسه وانتي ممزقه وفترانه لكن بتجاريهو غصبا عنك
تعرفو انا لي زي شهرين كده ما عملت كيكه ولا حاجه حلوة للبيت؟؟؟ اها بي وين؟ وكيف؟؟ووينه المروة زاته؟
عشان الاسباب دي كلها مجتمعه زائد سبب المدير ونايبو المهاطيل ديل انا شميت الشركه دي وربنا يسهل لي الحاجات الجاريه فيها د ي
روز العرس في الامارات اججججججججججججمل كتير وافخم وبما انو كل اهلك هناك ما تترددي ولو لقيتي فستان من امريكا او كندا او لندن احسن ليكي وافخم من فساتين الامارات لاني لما مشيت اجهز من هناك اتصدمت من اسعار الفساتين!!!اقل حاجه الفين دولار والاقل من كده فته وما على قدر كده!
اللخوخات والدلكه عادة ما بتتعمل بنشتريها جاهزة ويا ستي بس القي لي زول جاييكم العين والله اجيهك جيهه .. بالمناسبه عرسك متين بالضبط لاني نازله الامارات بس ما متاكده متين بعتمد على حاجات كتيره
ام صالح: المصائب لا تاتي فرادى..والله جد معاناه لكن معليش كلو ببقى حكا..كلو مؤقت..الاجازة زابطه زاتو عشان تروقي من التنشنه دي..الله معاك حبيبتي
يا بنات عاوزة ملاياااااااااااااااااااااات للعيد العندها شمار ملايات سمحه تفهمنا حاجه؟
انتو ياخوانا انا الوحيده العندي مرضة السوق دي ولا شنو؟؟ الباقين عاقلين يعني؟خخخخخخخ..بطلو جاكات واطلعو من علبكم
سمينا؟ وينك؟
الباقين كلكم سلام

um albanat

11-09-2006, 06:37

ازيكم يا بنات النيل,انا سودانية مقيمة في الامارات من زمااااااااااان,متزوجة وعندي بتين,حبيت انضم ليكم.رحبوا بي:)

rosewood

11-09-2006, 07:46

صباح الخير يا حلويين...
ازيك يا أم البنات و كيف البنوتات..مرحب بيك معانا و ان شاء الله تقضي وقت جميل...أنا برضه في الامارات و تحديدا في العين..

كيف أصبحتي يا رنوية...والله أنا مقتنعة شديد بعرس هنا و ان شاء الله أول ما أحدد التاريخ حأكلمك عشان تحضريه :) بالنسبة للفستان، فعلا فساتين هنا غالية شديد و ما بتستاهل سعرها و بالذات لمل تفكري انو البرنامج كلو كم ساعة و ما حتلبسي الفستان تاني!!! و بالنسبة لفساتين أمريكا و لندن أنا مريت عليهم لكن المشكلة انو عريان أو strapless و أنا ما دايرة ألبس كده، عايزاه يكون ساتر و حلو شديد و بيلمع لووووول صحباتي دايما بيقول لي: دايره تتراقشي لينا !! في وحدة كلمتني على مصممة في أبوظبي أسعارها معقولة و شغلها نضيف... دايره أشوفها

يا جماعة جاني عميل، أخلص منه و بكمل بعدين...سلام

rnoya

11-09-2006, 08:14

ازيكم يا بشكااااااااااااااااااااااات
ام البنات حباااااااااااابك مليون حبيتي ومرحب بيكي كتيييييييييير شرفتينا ونورتي وان شاء الله تلقينا اخوات وعزوة بي جاي
يلا يا عسول ورينا السي في وانتي اساسا من وين وقريتي وين وكل البشكات الممكنه واسمك الحقيقي علخاص ورقم تلفونك وايميلك
طبعا انا مشتاقه للامارات شديد في الحقيقه مشتاقه للسوووووووووووووق لانو بعد الزواج جدت حاجات كتييييييييييرة ما كنت مركزة معاها زمان مان جني بناطلين وبلوزات هسه جني عده وملايات خخخخخخخخخخخ وعندنا نقص بشع في الحاجتين ديل في السودان
ياااااااااااااااااااااه دايرة لي 50 الف دولار ويفكوني في السوق يا سلااااااااااااااااااااااااااام ياخ
يلا يا روز اوريكي امل صحبتنا اشترت فستانه من لندن وكان فعلا سترابلس وقامت اشترت قماش توور خفييييييييف ونفس لون الفستان وودتو خياط شاطر عملو ليها بودي كم طويل وطرز ليها الهاي نك نفففففففففس تطريز الفستان والله بصراحه ما بتقولي انها قماشه من بره والله بتقولي هو شكل الموديل كده وكان اكككككككككتر من رايع بصراحه المهم ده اقتراح وبالمناسبه ما كل الفساتين كده بتلقي الفيها كم وطويل لو حابه
ولو ما اشتريتي أجري على الاقل ما حيكون عندك فستااااااان وجبووووووووووووووووووون دافس ليكي الدولاب وما عارفه توديهو وين شايفه حتى الاماراتيات باجرو فساتينم شوفي قسم العروض التجاريه والله زفافات حتى تستغيثي!! عايني صحبتي في الشارقه اختها عرست قبل فترة بسيطه لو عاوزة بديكي رقمه استفسري عن الفستان من وين واذا خيطتو ممكن تاجرو ليكي بي سعر رمزي..لو عاوزة رسلي لي علبرايفت عشان اديكي رقمها والفستان لاااااااااااازم يكون ناير ولامع وبرقش جني وجن الفستان المطفي كريه خلاص زي القديم
لي قدام

flame4me

11-09-2006, 09:00

صباح الخير يابنات....كيفنكم الليلة...أم البنات حبابك عشرة حبيبتي والله يخلي ليك البنوتات العسولات وتوشفيهم عروسات... ..اها كلمينا عنك اكتر حبيبتي ....:26:
هوما...انا تمام والله الشوبينج عملت جزء كبير في لندن ورجعت مفلسة الا اول الشهر الجاي ان شاء الله...والله زاتي السوق وحشني لكن اليومين ديل تعب رهيب زمان للفرجة ساي بامشي اسي الواحد ماقادر....كوكي طبعا حركات بهلوانتية جوه ماعرفت زاتو داير يوصل لشنو..الله يخليله لي ويجيبه بالسلامة دعواتكم بس....
رنو..كيفك حبيبة...مشتاقين جد..شغل الحكومة خلاتو في التزويغ والطلعة من الساعة 2 وفي رواية اخري الساعة واحدة..انا كنت باصلي الظهر وبتخارج..كانت ايييييييييييييييييييييااااااام حلوة جد ياخي......
روزودد يا رقاشة انتي.....انا كان عاجبني فستان رهيب في النت لكن خفت بس من موضوع المقاسات العجيبة والتوصيل لانو احيانا الشكل في النت غير عن الواقع...في النهاية صممت واحد عند مدام خلود وطلع رهيب جد...المشكلة لمن تصممي لازم تتابعي وتمشي وتجي وتقيسي وتعدلي..انا فستاني اخد ثلاثة شهور ومشيت يوميا تقريبا لمدام خلود لانها مابتخلصوا ليك الا قريب العرس وانا كنت عروس شفقانة..اهم نصيحة ماتعملي طرحة طويلة انا عملتها طويلة ومشغولة وفي الحفلة بهدلتني كل شوية رافعينها لي....

om salih

11-09-2006, 09:12

صباح الخير يا عسولات
صلوحي خلاص اتحلت مشكلته حيمشي الصباح الحضانة عادي وتمشي معاهو الهانم ( البت )
وبعد داك حتاخدم واحدة صحبتي بيتهم لغاية ما نجي
انا ما بقدر اخليهو للبت الوقت الطويل من 8 ل 8 وبراهم ممكن يجننها تجننوا هي كمان وممكن تنوم يقع من السلم ولا يلمس حاجة خطرة الله المستعان
ام البنات اهلا وسهلا ونورتي صراحة الحمدلله الملتقي ماشي في اذدهار كل يوم بتعرف علي عسولة جديدة الظاهر عالم حواء مليان سودانيات نحن ما عارفنهم وهم ما عارفننا
بعد الامتحان حاعمل ليكم حملة تفتيشية وصراحة كل واحدة جديدة مكسب كبييييييييييير :)

om salih

11-09-2006, 09:13

اسمعوا
اذا واحدة ما دعت لي بظهر الغيب زعلااااااااااااانة منها
دعواتكم

flame4me

11-09-2006, 09:19

أم صلوحي ياحليلك جد حبيبة.....صلوحي كيف اسي وصحته كيف؟؟؟يارب يكون احسن..وماتشيلي هم للامتحان ربنا كريم يازولة وان شا اء الله تعدي منو....انا في رايس ماتسوقي صلوحي للامتحان خليه عند ناس اصحابكم واقرايبكم مع البت الشغالة..اريح ليه وليك.....طمنيني بليز ويارب بكرة ربنا يسهلها عليك وبندعي ليك كتير ان شا ءالله..ما اوصيك تقري ياسين وتخلي الوالدة تدعي ليك وماعندك عوجة تب....:26:وفكرة الاجازة حلوة انا ذاتي حاخد يوم الاحد الجاي اجازة حاتصل اقول ليهم ماجاية ويكون باقي ايام بسيطة ان شاءلله ورمضان يجينا بدوامه الخفيف الحلو..........
بلدي...كيف ياسعل...انا باقي لي عشرة ايام وادخل في السابع..مبسوطة جد....الله يحلنا بالسلامة..بخصوص الشغل تعرفي....شغلي مريح نوعا ما والناس حبوبة معايا..بعدين انا من النوع اللي لمن اقعد في البيت بازهج وبامرض وباتعب ويجيني وجع ظهر واعراض الحمل السغيلة دي كلها ..اخير لي الشغل طلعة ووناسة وفلة...انا قدمت للاجازة بتاعة المترنتي حقتي كتبت ليهم اني حاخدها من اليوم المتوقع للولادة..لكن طبعا لو تعبت في النص بازوغ طوالي....راجلي زعلان قال لي خلاص بالمرة الدي في الشغل مافي داعي زاتو تمشي المستشفي...لكن ماعارفة كده اريح لي وبيبعدني عن التفكير في حاجات مخيفة....

rosewood

11-09-2006, 09:23

ازيكم تاني...معليش العميل الواحد بقوا 5 عملاء مرة وحدا!!!!! المهم خلينا من الشغل الكريه ده و نتونس مع الحلوين...

شكرا يا رنوية و فليم على النصايح المهمة، يا ريت يا رنوية تعرفي لي اسم المصممة دي...و لو بتعرفي ليك وحدة شاطرة في السودان بتيبع اللخوخة و حاجات العرايس دي ، يا ريت ترسلي لي نمرتا على الخاص..

أخبارك شنو يا فليم و كيف كوكي؟ و الله نفسي أشتغل في حكومة و أتجدع زيهم...من اتخرجت مكتوب لي العذاب في القطاع الخاص :09: أأأأأأأخ من الفلس و الأيام دي السوق رهيييييييييب لازم تجي يا رنوية و تحصليه، العجب في مول الامارات ده فتح بداية السنة مبالغة من الماركات الرهيبة هسى الاسبوع الفات فتحوا محلات H & M و Boots ال في انجلترا ...دايرين نمشي لكن بي وين مع الفلس ده :( الا بداية الشهر...

جوني ناس تاني أأأأأأأأأأأففف، الله يعّدي اليوم ده... يلا لي بعدين

flame4me

11-09-2006, 09:27

رووز ودد بخصوص الخلطات واللخوخات استني اختي مكسب في الحاجات دي وجاياني اسي بعد 10 يوم ان شاء الله لوماغيرت رايها تاني....باخليها تقول ليك على كم خلطة...عموما اعتمدي ليك نظام سريع في الحمام يعني سكربات وحاجات خفيفة يوميا وفي الويكند ابقي بت صالحة وشدي حيلك في اللخوخات....انت كمان لسه لا بيت لا راجل ماعندك عذر اجتهدي في روحك

بلدى ياحبوب

11-09-2006, 09:29

ازيييييييييييكم يا عسلااااااااااااااات وصباحكم قشطه..
ام البنات حبابك عشرة ومرحب بيك معانا وتعالى احكى لينا عنك اكتر مستننك.
روز وود كيفك وانا بايد عرس الامارات لانى حضرت عر هناك وكان رااااااائع فما تترددى كتير والفتان خيطيه هناك بكون على مزاجك واوفر.
فليمو كيفك حبيبه وربنا اوصل اختك بالسلامه.
وطنى دائما دعواتنا معاكم وربنا احلكم با للسلامه.
هومه العروس تمام الحمدلله وليك التحيه ولى عريسنا.
رنويه كيفك وكيف حمودى.
ام صالح سلامتو صلوحى وربنا اوفقك وتخلصى من كابوس الامتحان دة.
الباقين كلللللللللللللللللللللكم سلام مكعب.

flame4me

11-09-2006, 09:35

لوووول روزوود تعرفي h&m and Boots ديل العملاء حقيننا في دبي ..ناسنا الشغالين في دبي عندهم كروت تخفيض للمحلات دي باشوف لو بيدونا نحنا برضو بارسلوا ليك تتجدعي بيه..h&m بحب حاجاتو لكن محلي المفضل طبعا دورثي بيركنز اسي حيفتح هنا في الدوحة واتخيلي جنب بيتنا تاني حاكون ساكنة هناك.....بس يارب يعملوا تنزيلات محترمة الواحد يشتري وضميرو مرتاح....
رنو ياساطورة...انا ماعارفة ليه لغاية اسي اهتمامات النسوان ماجاتني.....قصتي قصة مش......لسه في الهدوم والصنادل والشنط..اسي يقيت في حاجات كوكي لكن عدة وملايات دي لسه....ربنا يهديني بس....

بلدى ياحبوب

11-09-2006, 09:38

روذ وود صحى والله كلامك مول الامارات رهييييييييييييييييييييييييييب عجبنى شديد اكتر من ابن بطوطه وماشفتى ابن بطوطه دة عمل فينى عمليه محفظتى ضاااااااااااعت فيه وحلات انا كنت بشترى واخر انبساط كرهتو كره؟

بلدى ياحبوب

11-09-2006, 10:03

بنات مشيتو وين :(

flame4me

11-09-2006, 11:13

بلدي ياعسل سلامات....انا قاعدة بس مشيت نمت شوية وجيت......شفتي روحة الشنطة حارة كيف..انا شنطتي راحت مننا يومين في لندن وفيها جوازتنا والفلوس والبطاقات حقتي..لكن الحمدلله لقيتها...لكن فعلا تنشنت بي...شفتي اختي بتاعة الحركات....كل شوية تاجل..اسياخر كلام يوم 21..الله يجيبها بالسلامة يارب جد مشتاقة ليها....اشتقت لي اهلي ياناس

rnoya

11-09-2006, 11:19

لييييييييييييييييييييييييييييي يييه تقولو لي كده؟
عشان انا ما عندي مولات واسواق رهيبه بي جاي مش؟
حقارين
اهئ اهئ اهئ
لييييييييييييييييييييييه بس ليييييييييييييييييه؟
طبعا هنا غير عفراء السجمااااااااااان ده مافي اييييي حاجه والله كريه وغالي كلو عليهو!!
ما حتتخيلو قدر شنو نفسي في سندويتش من مكدونالد اهئ اهئ اهئ
انا منفيه يا بنات عايشه في الباستيل!!!
طيب يا روز موضوع اللخوخه اديني يوم الليله ده موصيه على نمرة وحده جديده طالعه فيها عشان تزبط ليكي واحد خلطه تفهمك حاجه وتبقي انتي الترقشي مش الفستان
اسمعو كلكم البشكه دي للاستفاده وحتدعو لي
كلو وحده تخلط: بيبي اويل+ جلسرين انجليزي سائل+ لوشنك المفضل بي نسبة تلت لي كل حاجه
وخليها في الحمام كل ما تستحمي اتمسحي وانتي مبلوله لازم كللللللللل جسمك والله خلطة عجيبه بتشوفي مفعوله بعد اسبوع واحد نعومه وبتوحد اللون وبتبقي نااااايرة
طبعا انا كنت مجتهده ايام العرس وفعلا والله كنت ما شاء الله نجفه لكن هسه بي وين؟ كتر الف خيري لو استحميت من غير مسيح!!! منو البجيها احساح باللسلسه زيي لما تستحما يا بشكات؟ انا بكره المسوح شديد!! محمد ولد بس!!
فليمو شوفي رسلي لي رقم مدام خلود كبيده دي علخاص قالو تيابه تفصم
متابعاكم

flame4me

11-09-2006, 11:26

رنو العسل كلوا....الخلطة دي باعملها طوالي ادتني ليها غادة شرفي كان من ايام العرس..لذيذة فعلا وسريعة كلها ثانيتن بس..لكن المغسلني غسيل البشكير لانو المفروض تعمليها وجسمك مبلول وتتنشفي...فبشاكيري كل يومين لازم اغسلهم.....لكن الرهيبة جد فكرتك حقت البخور وجسمك مبلول ياسلام عملتها امبارح تاني لمن اتكيفت من نفسي....تسلمي ياعسل انتي ياخي.....
بارسل ليك رقم مدام خلود وعليك الله يارنو تسلمي لي عليها شديد شديد وقولي ليها باجيب ليها الصور لمن امشي..انا وصيت بنات خالتي يودوا ليها صورتي حقت العرس لكن ماشكلهم مشوا.....تيابها عجيبة عملت لي توب للصبحية عجيب وعملت لماما توب لحفلتي بتاعة الزفاف رهيب اي زول كان بيسال منو......

rnoya

11-09-2006, 11:47

انا مستنيه يا لولو الرقم
بشكااااااااااااااااااااااات عندي ليكم مشروع ضربت لي صصحبتي هسه
العندها او عند وحده قريبه ليها توب لبستو في مناسبه قريبه (صبحيته..عرس اخوها....الخ لكن يكون نضيف) وما حتكررو تاني وما عارفه تعمل بيهو شنو تجيبو اتشو ليها (نبيعو ليها لغير الناطقين بالرندوك خخخخ) هي تستفيد والمؤسسه حقتنا تستفيد لكن ما تطمع عشان ما اكرهه!! حركه مش؟
تفاعلاتكم؟

flame4me

11-09-2006, 12:10

انا معاكي ياعسل..خليني امشي اشوف تيابي....المشكلة انا من النوع العوير الباقول ليك....حالم التوب ده لانو توب الجرتق..وده الرقصت بيه...وده وده...ياخي عندي كميةكرور في حياتي دي وحاجات ماممكن تستفيدي منها لكن قلبي بيوجعني لو اتصرفت فيها..حاشوف وارد ليك لكن الفكرة عموما رهييييببببببببة..رسلت الرقم على الخاص يارب تكون الرسالة وصلتك لانو المنتدي الليلة متلوم معايا جد

rnoya

11-09-2006, 12:37

وصلت يا لولو ورديت ليكي..طبعا شكلك من النوع اللازم يكون عندو مخزن كبييييييييييييير وجننننننننو كرور وصرر زي حبوبه!!! ماااااااا بترمي حاجه بالله عشان تطلعي حاجه تموتي من الضحك كميه من الروبابيكيا تفتح شارع مش محل!!! جرادل مطفجه مسجلات بايظه صفايح جبنه مناقد علب لبن ده غير شنط الهدوم والبقج وهلم جر!!
المهم
العرض للكل وللاهلو في السودان تيابم واجعاهم قروشه!
وين التشجيع؟

rnoya

11-09-2006, 12:41

بالمناسبه يا لولي انا زاتي ادتني ليها غاده لكن سمحه شديد مش؟ وحياتك انا كرهتي في الدنيا اني اتنشف عشان كده بتجلبط وبلبس هدومي واتخارج دقيقه وانشف في جونا الرايع ده
وما توصيني على خلود حاتعبه ليك تعب استني لي بس

rosewood

11-09-2006, 13:17

سلاااام يا حلوين...مشيت اتغديت مع صحباتي في البريك و جيت...البريك عندنا ساعة لكن أنا زودتها لساعتين و داخلة بكل عين قوية...بايعاهم شديد
لوووووووول و الله ما قصدنا أي حاجة يا رنوية، انتي بس تعالي و نتفسح تمام ..أنا زاتي هوس سوق شديد عشان كده طوالي مفلسة، لكن ما أوعدك في العدة و الملايات بكرها و بالذات الملايات و الفوط ممكن شوية العدة....و شكرا على الوصفة فعلا رهيبة، كلمتني بيها بت خالي و برضو كلمتا غادة شرفي..بالمناسبة أنا كتبت الوصفة دي للبنات في منتدى البشرة و عجبتم شديد...و مستية النمرة يا حلوة..
فليم أنا خلاص اعتمدت على كلامك، رسلي لي كروت الخصومات طوالي، دورثي بيركنز حلو شديد لكن في الامارات ما فاتح في محل براه، فاتح جوا دبنهامز .... ياسلام على أختك الرهيبة أول ما تصل بالسلامة ان شاء الله خليها تورينا الخلطات كلها، تسلمي لي انتي و اختك...
شفتي يا بلدي المول رهيب كيف لكن لازم الواحدة تلبس شبشب زحافي لأنو بالجد كبير لمن عوير...سلامي للبنوتة السكرة...
هوما ازيك و كيف الاولاد..الله يبارك فيك يا عسل..مالك اختفيتي كده؟ ما قلت لي، ساكنة في ياتو مدينة في كندا...

دوامي قرب ينتهي و عندي حاجات كتيرة ما عملتها بسبب الاستهتار :42:

يلا لي بعدين ان شاء الله..

... nani ...

11-09-2006, 15:11

السلام عليكم

وصلتني رسالتك رنويه وبالمناسبه اسم دلعي رنويه مشكوره حبيبتي علي دعوتك لي تجمعكم

انا حاليا ببريطانيا احببت ان اسلم عليكم وان شاء الله سوف اتابع معكم الكي بورد تبعي ماشغال وبكتب بي الفي screen
وصراحه ممل ومتعب بانتظر اشتري جديد وابدا اشارك معكم:42: :26: :26: :26:

ماريا الطيبة

11-09-2006, 17:15

سلام يا حلوين
دا سلام على الطاير
مشغولة شديدة مع بداية الدراسة حقت اخواتي وانا هسي رايحة اسجل موادة في جامعتي ادعوا لي
سلام للبنات الحلويين الجدد وان شاء الله تتهنوا معانا
ان شاء الله حااارجع ليكم بعد ماتهدا اوضاع الدوشة حقت الدراسة

هدويــــــــــــه

11-09-2006, 18:20

ازيكم ياجكس انامعاك يارنويه فكره رهيبه

هدويــــــــــــه

11-09-2006, 18:23

:30: :( :( :( بعد ماكتبت وعملت كت اتمس وانا لي ساعه بكتب والكي بورد بريه

بلدى ياحبوب

12-09-2006, 05:44

سلام يا عسلااااااااااااااات..
رنويه فكرتك رااااااااااااااااائعه شديد وانا معاك فيها لانو فعلا بكون فى تياب بلبسها الدولاب.لكن ضحكتينى بى حبوبتك اتخيلى حبوبتى برضو كدة:) .الخلطه رهيييييبه؟
فليمو والله الروحه بتاعت الشنطه حارة ب كويسه انك لقيتيها انا لا:(
روز وود كيف اليوم صباحك كع الشغل.
هلا بيك نانى ومنتظرين الكيبورد الجديد عشان تجينا؟
الباقين سلاااااااااام كبير.

rnoya

12-09-2006, 05:44

بشكات يا مبالغه ازيكم؟
ناني مرحب بيكي والله ومستنين كي بوردك الجديد ومعاهو شماراتك..نورتي ملفنا وشاكرة لتلبية الدعوه
روز والله شكلك زولة جوطة زيي كده!! الليله برسل ليكي النمرة ان شاء الله
هدويه اشكرك على التشجيع ومستنين شمارك برضو
انا يا بنات حأبقى غنيه جدا في يوم ما !!! حيكون عندي قروش ما عارفه اعمل بيها شنو زاتو..وعربيه رهييييييييبه اقل حاجه سي كلاس او بي ام دي الخاصه وبعدام بكون في وحده سايقه لي سواق لما اكون زهجانه من السواقه..وحاسكن في قصر منيف في كافوري او في المنشيه على البحر..واولادي حادخلم مدرسة كيكس بس 7 الف دولار للطفل الفي الروضه..وساي بس لما ازهج حاقطع تذكرة وامشي دوروثي بيركنز في ابن بطوطه وطبعا ما ححتاج لي تخفيض فليم لاني زوله مغندله شديد خخخخخخخخخخخ..
بي مناسبة القروش طبعا مشيت عياده في دبي قبل كده بركبو فيها تركيبات بورسلين افتكر عشان تبقى الابتسامه رهيبه وتبيض الاسنان شديد (مشكلة حياتي اسناني) وقفت عاوزة اسال لقيت واحد بكتب في شيك بي 10 الف درهم طوالي احترمت نفسي واتخارجت!! جيت يا معلمين هنا السودان عملت ديك يا النضافه الما خمج بي 70 الف خخخخخخخخخخ ولااااااااااا كان في اي تقدم خخخخخخخخ
طبعا نعسانه عشان الكهربا قطعت الساعه 4 صباحا والحر كتلنا ومافي زول نام!!

flame4me

12-09-2006, 07:35

صباح الخير يابنات..كيفكم..انا تعبانة جد ودايركم تدعوا لودعمتي عمل حادث واسي في غيبوبة وعندو نزيف في المخ قالوا..من امبارح بكي شديد واسي خايفة جد اتصل على ناس بيتنا..خايفة جد لاني قلت ليهم طمنوني ورسلت كم رسالة ومافي زول رد..الله كريم..

rosewood

12-09-2006, 07:41

صباح الخير....

فليم..و الله أثرتيني شديد، ربنا يلطف بيه ان شاء الله و يطمنكم عليه...أنا بالجد بخاف من الحوادث دي، ربنا يكفينا شرها و يحفظنا جميعا... طمنينا يا فليم أول ما تسمعي حاجة، يارب يقوم بالسلامة...

rosewood

12-09-2006, 07:59

أزيك يا بلدي...و الله أصبحت متأخرة من الشغل، ما عارفة المنبه مالو و لا أنا قفلتوا و ما واعية، الكويس ما كنت ماشة المكتب طوالي كان عندي مشاوير قبلها...و قبل ما أطلع ضربت لأم صلوحي تلفون و لقيتا يحليلا قي الطريق للإمتحان ، ان شاء الله ربنا يوفقها...ربنا يعوضك في المحفظة، دي أبيخ حاجة تحصل للواحد وهو في اجازة كمان...استعديتي لرمضان؟

صباحك حلو يا رنوية..يحليلك نعسانة، دي الحاجة الما ممكن أتحملا في السودان قطع الكهربا في الليل، بستحما في النهار لكن يا جماعة إلا النوم ده..أنا بعزه شديد...و الله يا رنوية حأعجبك عجب بس انت تعالي..و شكرا مقدما لإجتهادك في النمرة..و ان شاء الله يا ربي يحقق مناك القلتيه كلو :)

ازيك يا هدوية، كيفك و كيف حياة؟ الحياة كيف في هولندا؟ مرتاحة هناك و شعبها ظريف و لا كيف؟

ناني..مرحب بيك معانا و منتظرينك مع تفاصيل أكتر..

مارية الطيبة و اكيد طيبة..من المشاركات بتاعتك كنت بقول ما ممكن البت دي تكون طيبة و عسولة كده...أها ماما وصلت كيف؟ انت بتقري شنو في الجامعة؟ يللا في انتظارك...

طبعا أنا رجعت المكتب و ما عملت حاجة غير دخلت ليكم، عشان كده أحس على دمي و أبدا شغلي و أجيكم بعدين...

rnoya

12-09-2006, 08:55

ازيكم
فليم الله يرضى عليكي ورينا الحاصل عندكم شنو
الباقين برجع ليكم

وطني السودان

12-09-2006, 12:20

فليم
طمنينا سرييييييييييييييع
ان شاء الله خير

Homaa

12-09-2006, 13:32

فليم

سلامه ولد عمتك

طمنينا عليكي الله

وان شاءالله مايشوف شر

ام صالح

الله يوفقك

واحشيني

برجع تاني للاطمئنان

ارقدوا عافيه

Homaa

12-09-2006, 13:36

روز ازيك

انا في هاملتون

وانتي كيف واهلك

اخوي قال لي معزوم عرس صاحبه في الامارات بعد كم شهر

مايكون عرسك خخخخخخ

لكي التحيه

هدويــــــــــــه

12-09-2006, 14:08

الف سلامه على ولد عمتك وربنايرفعو ويقومه بالسلامه بس انتي انتبهي لي روحك التوتر ماكويس عشانك:(
روز ازيك وربنايتمم ليك على خير وطبعازهج وقرف بس الحمدلله حياه اسي تمام
رنويه ازيك عايزاك ترسلي لي تلفونك حق البيت :22:
ريحانه ليك وحشه وام صالح ووطني وبلدي واهلابيك ياناني وين جيلا ياجماعه وماريامجنونه طمنوناعليكم ياشباب هوما وين انتي

Homaa

12-09-2006, 16:49

قلقتينا

يا فليم

لاحس ولا خبر

وين انتي والحصل شنو

ام صالح

كيف الامتحان

هسي بتكوني خلصتي

طمنينا

بنجاح ان شاءالله

هدويه

انا هنا وكيف حياه

بوسيها لي

للجميع كل الحب

ارقدوا عافيه

flame4me

12-09-2006, 18:08

كيفكم يابنات...اسفة قلقتكم كلكم شديد وجد شكرا لوقفتكم معايا دي...اتصلت الساعة 3 وقالوا دخلوه العناية المركزة ولسه في الغيبوبة لكن النزيف احسن...ماعارفة طبعا الحاصل بالظبط لانوا اهلي مابيكلموني باي شي قلقانين علي...اسي حاتصل عليهم تاني..الليلة من الصباح حيلي ماشاديني وماقادرة اعمل اي شي...ادعوا ليه عليكم الله وباطمنكم تاني لو عرفت اي شي.....يلا في امان الله حبيباتي

هدويــــــــــــه

12-09-2006, 19:19

فليم طمنينا عليكي الله

الباقين برجع ليكم

مجنونة أمها وأبوها

12-09-2006, 21:07

الدكتورة وصلااااااااااااااااااااااااااا ااااات >> اها وبعدين؟
فاقعني ليك في البيت يا دكتورة يا دكتورة وحبوبة شغالة ليك بي بي سي ما خلت حيطة ما قالت ليها مجنونة دخلت طب
اول شي فليم ألف سلامة على ولد عمتك
طبعا حاسة بيكم لأنو أبوي من كم شهر عمل نفس الشي
الله يقومه ليكم بالسلامة

أم البنات وناني ازيكم

رنو
استني بس امشي لي بت خالتي
لو شفتيها قبال ما تعرس ( من سنة وشوية ) ما خلت ليك حاجة في السوق ما اشترتها
وشابكانا ليك شيلتي شيلتي
تعالي شوفيها بعد ولدت والله تحنن
كانت قلم رصاص قلبت باب
استوليت على نص هدومها والنص التاني في السكة
كم مليون مدنكلين قاعدين ليك في الدولاب بلا فايدة احسن اشيلهم انا بدل ما يقعدوا عواطلية >> غايتو
خلي اشوف ليك تيابها

ام صالح
خلاص امتحنت؟
اها الأخبار شنو؟

روز مبرووووووووك

الباقين
سلام فرد فرد

rnoya

13-09-2006, 06:06

ازيكم يا بشكات
طبعا فليم و ام صالح الاتنين في بالي من امبارح وما عارفه الجديد عندهم شنو؟؟
عليكم الله يعني فهمونا حاجه
هدويه العسوله ما فهمت موضوع تلفون بيتي ده شنو؟ عموما مقطوع ليهو سته سنين كده وما رجعتو لانو حيكون بقى سته مليون!!! ما عندي غير الموبايل وتلفون ناس امي تحت لكن فهميني البشكه؟؟
مجنونه يا دكتوررررر وووووووب عليكي وسجم امك وبنات عمك والله راجياكي سماحة قرايه!!!
هوما ازيك؟
روزوود رفدوكي ولا شنو؟ وينك من الصباح؟

rosewood

13-09-2006, 06:31

صباح الخير يا حلوات...ان شاء الله أصبحتوا كويسين
فليم...أها في جديد؟ ان شاء الله تسمعي أخبار كويسة و تطمنينا معاك و خلي بالك من روحك...
رنوية ..ازيك و أصبحتي كيف؟ مديرك عامل شنو معاك؟ لسه ما رفدوني :) اتأخرت عشان مشيت الصباح أقدم في شغل تاني، قلت ليكي أنا بايعة الناس ديل شديد...انت عملت عرسك في الشارقة و لا في السودان؟
هوما...ازيك يا لزيزة، الاولاد كيف ان شاء الله كلهم تمام...
واااااااي أنا جوني ناس مزعجين شديد...أأأح من وجع القلب ده...
بجيكم بعدين

rosewood

13-09-2006, 07:18

ازيكم تاني...
أنا خلاص بالجد فترت من الخلق دي...المهم، كنت معاك يا هومه..قلت لي في هاملتون، ما بعرف فيها زول...انا بعرف ناس في تورونتو، طولتي في كندا؟ و بالمناسبة أخوك ده في كندا و لا في السودان؟ والله ما تستبعدي أي حاجة مرات كتيرة الدنيا يتكون ضيقة شديد...
هدوية..كيف، ان شاء الله امورك كلها كويسة..والله الغربة في البلاد الاوربية دي حارة يعني بشوف الغربة في انجلترا أوأمريكا أو كندا أحسن عشان ما برطنوا!!! كلام انجليزي واضح و التفاهم احسن و يمكن كمان بالنسبة لي عشان عندي أهل و أصحاب في البلاد دي فبشوف لو حصل و اغتربت هناك ما حأواجه مشاكل...حاولت تشتغلي في هولندا يا هدوية؟
يا دكتورة ازيك...والله ضحكتيني بحبوبتك يحليلا ربنا يخليها ليكم..أها ما وريتينا حتبدي قراية متين؟
والله كلنا عايزين نعرف أخبار امتحان ام صالح..حاولت أضرب ليها الصباح لكن ما ردت، يمكن المسكينة يادوب بقت تنوم كويس و خصوصا انها أخدت اجازة...
فليم...ربنا يطمنك، طمنينا اول ما تسمعي خبر..
يلا لي بعدين...

rnoya

13-09-2006, 08:29

يا بت يا روز عرس شنو البعملو في الشارقه؟ انتي طيبه ولا شنو؟ اول حاجه انا كنت مصرة اني ارقص وبي قسمه ( اساسا ده السبب الرئيسي الخلاني اعرس خخخخخخخخ) دي وحده والتانيه اني كنت مصرة اني اعمل يوم شايقي لاننا شوايقه على السكين وبعدين عرسي كان 4 ايام متواصله في كامل جماله واهلي كلللللللللللهم هنا في السودان فانا اساسا زوله ما مسؤوله وبس دايره ابرمج خخخخخخ والبهجه دي ما كنت بلقاها في الشارقه فابتهجت هنا في السودان الحبيب وصرفت اهلي الوراهم والقدامم عشان ارضي رغباتي الدنيئه خخخخخخخخ
فليمو وييييييييييييييييييين انتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟

rosewood

13-09-2006, 08:52

لوووووووول انتي يا بت يا رنوية العرس ده ما روقك :) والله شكلوا عرسك كان حلو شديد، اها ونسينا بعرسك و رقصتي بكم لبسة؟ ما دام حابة الرقيص معناها انتي رقّاصة شديد...طبعا الرقيص شايلاهو من برنامج العرس خالص بالرغم من انو يوم الصبحية أحلى حاجة في الرقيص لكن أنا ما بعرف أرقص و دمي تقيل في الرقيص، أنا في الأعراس بحنسوني عشان أقوم أرقص الرقيص الساي فما بالك برقيص عروس !!!!و المشكلة تكمن في نسابتي هما بحبوا الرقيص شديد و بقولو ما عندهم بنات ما برقصوا و صحباتي بحنسوني !!!! لكن والله ما مستعدة أضّحك الناس فيني و يقولوا كان أحسن ما نحنسا و نخليها ما ترقص....

فليم....ما في أخبار؟ طمنينا عليك...

flame4me

13-09-2006, 10:28

كيفكم يابنات....الحمدلله ودعمتي احسن اي قالوا...سحبوا ليه النزيف من المخ ومعدلات استجابته كويسة لكن لسه في غيبوبة....دعواتكم ليه بس..عارفاكم مابتقصروا......
يلا دايرة اسألكم من امبارح عندي وجع ضهر عجيب شوية وطعنة في صدري كده...عادي من الحمل ولا امشي الدكتور.....؟؟؟؟والله الواحد بقي مايعرف زاتو العادي وما العادي مع الحمل ده...

هدويــــــــــــه

13-09-2006, 13:48

سلام ياشباب رنويه عايزه اتصل بيك اتونس معاك لانو ماعندي صحبات الهناكلهم نسوان كبار جنهم قطيعه وسواطه
روز بالمناسبه اناعرسي كان في السعوديه وكان مبالغه بس عرس السودان طعمو براه
احكي ليكم شويه عن هولندا بيض ومافيها برنامج واللغه اكبر مشكله ولو عايزه تبقي فيها بيرفكت عايزه ليكي سنين اقل حاجه دا كوم والناس الهنا كوم تاني طبعا حماتي حفظها الله كانت بتقرى هنا واسي انتهت وعايشه في بريطانيا لكن يارنويه الايزي جيت ماكسبو خير فيني اليوم والتاني ناطه هنا يافليم في وحده في التامن يعني زيتا طالع جات دايره حوض حمام ليموني ياخي لا اسكتو ساي غير الشرزمه بتاعهتا هنا هدى عملت ولبست عاملني برناامج وماجاتنا يعني قد مبالغه واالله اتمنى لو اعيش في دوله من دول الخليج
برجع ليكم
رنويه انتي في ياتو مدينه

هدويــــــــــــه

13-09-2006, 13:55

ياجماعه عاوزه اعمل توقيع اخت فيه صوره حياه وماعارفه كيف

هدويــــــــــــه

13-09-2006, 13:56

فليم احسن تمشي الدكتورتطمني وتطمنينا

rnoya

14-09-2006, 07:14

ازيكم يا بشكات
والله يا بشكات الزول بجي زهجان من الصباح وما بفرق عليهو الا ونستكم
هدويه يحليلك والله حننتيني شديد بالمحلبيه خخخخخخخخخ المشكله المعتاده لي كل البعرسو انهم بفقدو صحباتم والله يا هدى ما بتتخيلي انا كنت بعرف كمية خلق قدر شنو!! بكون بعرف نص سكان الكرة الارضيه لي درجة انو ماما كانت بتخت السماعه بره لانها بتزهج من رنا في مافي!!! ولما امسك التلفون كل البجي في الخط التاني برضو لي وكان عندي موبايلين!!! والله قدر ما اوصف ليكي حياتي كانت حافله قدر شنو ما بتصدقي ونوع اتخطبت 4 ولا 5 مرات وفرتكت وحبيت 19 مرة كده وغايتو جووووووووووطه شديده
تعالي شوفي بعد العرس
حاجه زي ما تكون
محلق في العواصف
وفجأه
تهبط للسكون !!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! !!!!!!!!
كلو اختفى !!!!!!!! بقى مافي اي زول لا بضرب لا بجي لا اييييييي حاجه وبقيت عايشه وحدة قاتله وكسرا لحالة الاختناق دي بقيت بحب اضيف حاجات نسائيه لي حياتي عشان ما احس اني من كوكب اخر!!! واتميزت فيها عشان ابرمج بس ده كل هدفي !!!! لكن لقيت نسيبتك صععععععععععععععبه شديد البتقرا وحايمه دي..بس تعرفي زي دي بتلقي ليها مداخل عارفه القي النقاط المشتركه بينك وبينه وهججيها ومدام انها زوله لافه صدقيني ده كلام كويس كعب التاكلين من ايام الديناصور ولا بتعرفي تتكلمي معاهم لا كمان بتفهميهم!! انا يا هدى ما بتغيظني الحركات الليمونيه اياها لكن معاناتي والحاجه البتطلع ميتيني انو جماعتي بي جاي خاتين انهم اسمح ناس واقيف ناس وزيهم زاتو الله ده ما خلق ومافي زول بعرف البعرفوهو ولا بسوي البسووهو !! يلا ده كلو لو كان في فهم مالو؟ كلو بس كلام طروقيه وعوارة ولا يمت للواقع بصله فلا تعرفي تجاريهم لا تعرفي تنتقدي لا تعرفي تسكتي لا تعرفي تشكيهم لي زول لا تعرفي تشكيهم لي الله!! عموما والله مستنيه اتصالك على نااااااااار يا هدهد وممكن تعملي لي رنه في الموبايل وتديني 5 دقايق عشان بس انزل تحت وتضربي لي تحت ويلا نبكي بس! عين قطرة وعين مس!
عرسي يا روز كان برناااااااااااااااامج كميه من الناس لي مدة 5 شهور كده يا بت زي العيد الناس تشيل وتتخبت وتفصل وتشتري في الهدوم عموما هو ما طلع بالمستوى المطلوب لانو كان زحمه مباااااااااااااااااااااااااااا ااالغ فيها حتى ماما قالت كان نعملو في الاستاد خخخخخخخ
الصبحيه طلعت رهيبه لانها كانت بي كروت وممنوع منعا باتا اصطحاب الاطفال والحيوانات الاليفه الاخرى!! رقصت 3 رقصات نحاسي وبنفسجي وكبدي واتجرتكت راجلي المصون كان على وشك انو يلغي لي صبحيتي كذا مرة وعمل درامات كده وقال ما جاي وبتاع لكن الاشتغل بيهو منو؟ اساسا انا عرست عشان ابتهج ما عشان استقر والكلام الفاضي ده !! يا بت قلت ليهو احسن زاتو ما تجي كلهم نسوان البقعدك معاهم شنو خخخخخخخ؟ لكن بس للاسف حلفني اني اعمل فساتين ساتره وما عريانه شديد وانا وحياتك كنت ناويه ارقص بي اولويزايه فقططططططططط خخخخخخخخخخخخخخخخخخخخ عيشي حياتك المهم احترمت نفسي وعملت فساتين حمالات وفوق الركبه شويه ما عملت هندي ومصري وبشكي يا قلبي لا تحزن دي الحاجه الوحيده الما اتفشيت فيها مع العلم ان قبل ما اتزوج كنت بلبس شاز نسبيا ونهاااااائيا ما كنت بلبس طرحه!! قبطيه بس!! (كان وكان وغص القلب بالاحزان اهئ اهئ اهئ كلو خليتو)
عن الرقيص انا كنت زوله رقاصه شديد كنت انا وايمي صحبتي ارقص بتين في الجامعه في رقيص العروس طبعا..وكنت في حفلاتنا الخاصه بدستر عديييييييييييل عارفه نوع اخر حاجه بقومو اهلي كلهم بقعدو في الواطه في دائرة حولي وبصفقو وانا في النص برقص شي حبشي شي كشف شي بشك
عارفه اليوم داك قلت لي راجلي نفسي واحد من اخواني يعرس عشان اقلع شبشبي وتوبي وانطط والللللللللللللللللللللللللللل لللله الساعه الكان راقد وقام على حيلو وقال لي كدي يا كلبه اسمع الكلام ده تاني عشان اطهرك خخخخخخخخخخخخخخخخخخ
بالمناسبه المهذب شديد يحاول ما يحتك بي لاني حلبيه شديد
حمد لله على سلامة ود عمتك يا فلفل وان شاء الله نسمع عنو كل خير وربنا يرفعو بالسلامه
يا خوانا جيلا وين؟؟ فلفل كدي شوفيها لينا
الباقين سلاااااااااااااااااام

بلدى ياحبوب

14-09-2006, 09:31

انا جييييييييييييييييييييييييييييي ييييييت..
ازيكم يا بنات...
فليمو سلااااااااااااااامتو ود عمتك وربنا اقوموا بالسلامه.وانتى هسه بقيتى كيف؟
هومه كيفك يا عسل واخبار الشباب.
دكتورة مجنونه ضحكتينى بى حبوبتك لكن يا حليلها فرحانه بيك انتى فرحيها زيادة وقولى ليها بعدين العلاج على:)
وطنى السودان وينك ما ظاهرة خلاص الحمل تقلك؟
روذ وود كيفك حبيبه وكيف الشغل وربنا اوفقك فى الشغل الجديد ذكرتينى بى اختى زمان كانت شغاله فى دبى وطوالى فى حاله بحث واخيرا اشتغلت فى المديا ستى شغل فاااااااااااااااااهم ومكاتب روووووووعه عقبالك.
هدويه كيفك وكيف حيوته.
الباقين سلاااااااااااااااااام من دون فرز.

rnoya

14-09-2006, 10:07

بلدي الشينه وانا بت الغساله؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

بلدى ياحبوب

14-09-2006, 10:18

تبررررررررررررررررى وتستبرى من الغساااااااااااااااله
انتى بت البطه السوداء:) :42:

بلدى ياحبوب

14-09-2006, 10:20

خخخخخخخخخخخخخخخخخخخخخخخ بهظر معاك اوعى تكونى زعلتى.
كيفك رنو وشماراتك وشكلو عرسك راااااااااااااااااااابى لحدى ما نجى نحضر الشرايط.

rnoya

14-09-2006, 10:22

سمح يا بطه يا بيضا
يا غيماااااااااااااااايه (غنمايه لغير الناطقين بلغة حمودي ود خالتي) خخخخخخخخخخخخ
بالله كيف يا ناس الضواحي؟ خخخخخخخخخخخخخخ
هييييييييييييييي يا بلدي انا ما بتعقد لكن بطلع روحك بالمكاواة خخخخخخخخخخخخخخخخخ

rnoya

14-09-2006, 10:33

والله حبااااااااااااابكم مليون انا لاقياكم وييييييين يا بلدي؟ ان شاء الله نتلم في ساعة خير (او ساعة حائط) واهججكم تمااااااااااااااااااااااااااام
فليم ضربت لي مدام خلود قبل شويه وقالو لي مسافرة عاوزة اسالك اسعارها كيف؟

بلدى ياحبوب

14-09-2006, 15:36

رنويه والله احنا بالاكتر الحب متبادل و***** الله نتلم كلنا.
على فكرة بحب اكاوى شديييييييييييييد لكم ما بستحمل المكاوة ودى نقطه ضعفى ما تكلمى زول:22: راجلى مستقل الحته دى وهاردنى مكاوة:(

مجنونة أمها وأبوها

14-09-2006, 18:56

ازيكم يا جماعة
رنو
لو سمحت انا ما ناقصاك كفاية امي
لمن النتيجة ظهرت قالت سجمك جاك الطيييييييييييييييب
زي القالت جاك البعاتيييييييييييييييييييييييي ي خخخخخخخ
عاملين شنو مع رمضان القرب دا؟
طبعا انا اكتشفت ليك اني ما عارفة فاضل لي كم يوم قضا
مرة اقول يوم ومرة اتنين
قررت اصوم آخر اسبوع كله عشان ارتاح
ناس العرس ........
اها كيف

فليم
الف حمد لله على السلامة

شكلي بمرق
جايبين سيرة المكاوا
والله اعجبكم فيها ( معاي معلمين هنا ما شاء الله بدءا بأبوي مرورا بأعمامي كلهم وانتهاء بأسخف كاوايين في العالم هم اخواني )
بالمناسبة دخلت النت عشان ما اعمل جريمة في اختي متلحاني من الصباح مكاوة

ام صالح
حمد لله علىالسلامة

في ناس اختفوا وينهم؟؟؟

هدويــــــــــــه

14-09-2006, 22:21

اول حاجه سلام مربع للجكس كلو فاقدين فليم طمنونا عليها وين هوما وام صالح وريحانه مختفيه في ظروف غاامضه وطني ليك وحشه ورزشمارتك شنو وكل البنات عاملين شنو
رنويه كيف تمام وين انا منتظره ووريني لقيتي اسعار مدام خلود كيف وورونوي الاوان الطالعه موضه في التياب شنو انا الايام دي امي بتشتري لي في السودان لنو هنا مافي سجم وشي

هدويــــــــــــه

14-09-2006, 22:25

:22: رنويه ايه جكست وبتاع دا الغسيل الوسخان بشرو بره

هدويــــــــــــه

14-09-2006, 22:26

بلدي ياعسل رنويه عيانه ماتشتغلي بيها

وطني السودان

15-09-2006, 10:34

ازيكم كلكم كلكم بدون فرز
مشتاقة ليكم شدييييييييد
اعذروني اليومين ديل تعبااااانة :(
والحمل خلاص قام بي
دعواتكم معاي ... خلاص المفروض قربت شديد
والما حتدعي لي زعلانة منها
وان شاء الله حاطل عليكم تاني قريب...............

هدويــــــــــــه

15-09-2006, 11:15

الله يحلك بالسلامه ويديك طفل معافى يارب

هدويــــــــــــه

15-09-2006, 23:28

ياناس اوروبا الليله الجمعه في الديسكو ولا شنو:33: :33: ليكم وحشه فليم ولدتي ولا شنو:icon28: :icon28: ووين باقي الجكس:3_13_12: :3_13_12: شكلكم بتشتغلو نظافه في الوي اند

rnoya

16-09-2006, 08:32

ازيكم يا بشكات
هدويه يا تعبانه تعب موت كيفك؟
انا رااااااااايقه لكن كالعاده نفسي اسافر عشان ما اسرخ من الروتين والزهج روحي محرقاني شديييييييييييد نفففففففففسي اغير جو
التياب يا ستي نازل التطريز وبقوة يعني حراير ساده مشجرة بقو بلبسوها الرجرجه والدهماء فقط الناس واقعه هنود وتطريز واسعار التياب بقت نااااااااااااااااااااااااااااا ار من مليون و200 وفوق دي الحاجات السمحه مافي الوان محدده لكن عموما التوب بكون ساده ومهجج تطريز تقييييييييييل
دي التياب التوب بعداك في من 200 لي 600 دي التياب البتلقي السودان كلو لابسه !! يعني في الحفله بتلقي 6 لابسين نفس توبك بي الوان مختلفه !!!! وطبعا الحركة دي بتعمل لي نفسيات عشان كده بكره امشي سعد قشرة السجم رماد ده السودان كلو 20 مليون مرة بشتري من هناك
بالمناسبه لو حاسه انو امك حتروح في موضوع التياب ده اديها رقمي بديها ليك اسم كم محل سمح ونسوان ببيعو تياب
بلدي يا حبوب كيف بالله الاقاليم على حسك ان شاء الله المطر سقت الزراعه والمواشي ؟ خخخخخخخخخ والله يا بلدي ويا مجنونه اكتر زول في الدنيا كاواي هو راجلي بالله لما يلم فيني بي لسانس الطويل ده بتعقد مثلا امبارح جبنا عشا من بره وقام هو مشى يصلي وانا قمت بي سندويتشاتي اول ما جه قال لا حولاااااااااااااااااااا وين السندويتشات؟؟؟؟؟؟؟؟؟؟؟؟؟؟؟؟؟؟؟ كريه مش؟ قلت ليهو ان شاالله ينفعوني قام قال لي طيب بتزعلي ليه لما اقول ليكي يا دغلبه؟ سغييييل سغاله
مجنونه رسلت ليكي نمرتي علخاص وكدي ما تضربي لي !
الناقين سلاااااااااااام

وطني السودان

16-09-2006, 11:41

الله يحلك بالسلامه ويديك طفل معافى يارب

تسلمي يا هدوية :):26:

مجنونة أمها وأبوها

16-09-2006, 15:21

سلام سريع وبعدين نقة !!
( ماشة اضرب لي رنو والله خوفتني )

هدويــــــــــــه

16-09-2006, 18:01

سلام ياشباب وين مختفين
رنويه رسلي لي نمرتك وبسرعه لانومامتي راجعه بعد يومين انا في العرس عملت واحد بالقليتر وكان روعه لكن على مااظن موضتو انتهت

مجنونة أمها وأبوها

16-09-2006, 21:31

مش ضربت لرنوية
اول ما ردت سمعت آخر صوت اتخيلتو
صوت ناااااااااااعم وتحسي سته زولة دلووووووووعة وناعمة
قلت ليها ممكن أكلم رنا؟ طبعا كنت ناوية اشاغلها في البداية قبال ما اقول ليها انا منو
لكن الساعة القالت لي انا رنا اتخلعت خلعة
الفي راسي كلو طار وقعدت مقهية ساعة
وزي الهبلة كدا طوالي قلت ليها انا مجنونة
قعدنا نتونس تلت ساعة كااااااملة وانا المدة دي كلها مخلوعة
ياخ كنت قايلة ساطور هيكون زول من صوته شراني خخخخخخخ

لكن يا رنو المشية طرشقت
بعد لبسنا واتقيفنا ابوي حضرتو اتذكر يادوب انو ما ضرب للناس الماشين ليهم
ضرب قالوا انهم معزومين برة البيت !

بلدي معليييييييييييييييش المرة الفاتت نسيت اسلم عليك لكن كنت مستعجلة

هدوية
عايني
اذا عندك صورة في الكمبيوتر لتوتة ( دلع لحياة اذا نفع معاك ) حمليها في واحد من مواقع التحميل مثلا http://www.9q9q.com/
اختاري تحميل صور
بتلقي مربعات كتييييرة
اختاري browse
ما حافظة الخطوات كلها لكن المهم في النهاية الصورة بدوك ليها رابط
امشي للوحة التحكم الخاصة بالعضو
اختاري تعديل توقيع
في المربعات الفوق فتشي إضافة صورة هيقول ليك دخلي الرابط بتاعها
اكتبي الرابط الأخدتيهو من مركز التحميل
لو عايزة زيدي كلام وورود وحركات على كيفك وفي النهاية اختاري حفظ التغييرات
بس

وطني
ربنا يقومك بالسلامة

ام صلوحي امتحانك انتهى شنو يعني مختفية كدة؟
ريحون وماريا وهوما وجيلا والباقين كلللللكم؟
مشيتو وين؟
والناس الجديدين؟
( كتبت الأول الجداد بعدين اذكرت الكاواي الكبير عندنا قال لي ناس وجداد ( فراخ ) ديل يتلمو كيف؟ بايخ مش؟ )

يا جماعة انا اتخذت قرار مهم
انا هاتحجب حجاب كامل
صراحة انا لي سنتين اتحجب كم شهر وبعين ارجع للطرحة ساي تاني
بعد شوية تاني اتحجب وبعد شوية طرحة بس
اظن عشرة مرات اتحجب وافك
وفي الاجازة دي قررت افكه
ابوي لمن عرف زعل مني الزعل الجد لأنو عارف اني اذا فكيته حسي تاني ما برجع
مسكني ليك محاضرة طوييييييييييلة تتحجبي وما تفكي وطرحة بس ما كفاية وشنو ما تعرف
واخر شي قال لي لو شفتك تاني من غير حجاب والله العظيم اضربك زيك زي أي شافع
اول مرة في حياتي ابوي يجيب سيرة الضرب على لسانه

وفي النهاية فك فيني اخواني طلعوا ليك كتب الحجاب العندهم كلها

مش لقيت 17 دليل ( عديتهم واحد واحد ) على وجوب تغطية الوجه والكفين
والدليل الوحيد على ان عورة المرأة جسمها من غير الوجه والكفين حديث واحد وحديث ضعيف كمان!!!

ما عارفة لكن حاسة اني لو فكيته ضميري هيأنبني جد
زي واحد عارف ان الصلاة فرض لكن ما بيصلي
يعني لو كان ما عارف كان على الأقل عنده عذر

فكرت لقيت اني الحجاب كله مكاسب
يعني منه اتخلص من تأنيب الضمير
وقلة الأدب في الشارع
والنقة كل ما اجي مارقة وهدومك والبلوزة ضيقة والطرحة صغيرة والاسكيرت مفتوح والاكمام ما مغطية يدك كلها وهلم جراااااااااا
والاولاد الحذرتني منهم رنو في الجامعة ( في ونستنا بالتلفون طبعا )
ومنه حسنات
يعني لو فرضنا جدلا انو سنه ما واجب يعني الواحد ما مستغني عن الحسنات للدرجة دي

صاح ما هاقدر اقشر زي ما انا دايرة لكن من ترك شيئا لله عوضه الله خيرا منه

يللا سلام الاقيكم بعد بكرة او بعده بالكتير

هدويــــــــــــه

16-09-2006, 21:54

tamam

ورده مخمليه

16-09-2006, 22:33

ياهلا باهل السودان الطيبين حبيت اسال عن جاره لي سافرت وانقطعت اخبارها عني اتصلت علي بعد سفرهم بسنه وما اعرف رقمها ياليت تساعدوني القاها لحسن وحشتني موت كنا مجاورين 9سنوات ابتعدت اناابكي وهي تبكي والله على مااكتب شهيد

Homaa

16-09-2006, 23:39

سلام ياحلوااااات

اخباركم واحوالكم

واحشيني مووووووت

وبعدين ما بتسألو ليه

زعلانييييييين مني

ولا واحده تسأل من نمرتي

أنا زززززززعلانه

مجنونه

انصحك بلحجاب ثم الحجاب

انا محجبه لي 6 سنوات والحمدلله

ما تضعفي وتقلعيه

انا ندمت علي اللي فات والله

اسمعي كلام ابوكي

رنويه

ياساطور

انا بنت الغساله ولا عشان يتيمه ما بتسألي مني

طلعتي بنت خطيره ونعومه كمان

بلدي

كيفك واسرتك

وطني

كيف ياحبيبه وحصل ايه

فليم

ووووووين انتي ود عمتك كيف

روز

اخوي في السودان

وانا هنا لي 6 سنوات

هدويه

ازيك وازي حيوته

وام صالح

الحاصل ايه

اظهري وباني عليكي الامان

جيلا

ريحانه

ماريه

والبنات الجداد وووووووين

ورده مخمليه

سلام

انا والله خارج السودان امكن اللي داخل السودان يساعدوكي

ارقدوا عافيه

بلدى ياحبوب

17-09-2006, 05:16

ازيييييييييييييييييييكم يا حلوااااااااات كللللللللللللللكم.
هومه العسل كلو ولا زعلك معقوله انتى تتنسى سلااااااااااااااااام مكعب ليك وعامله شنو وكيف الجو بقى عندكم خلاص الشتاء دخل؟
رنويه كيفك وخلى المكاوة يا شينه:) .كيف حمودى خلاص الرجلين سلكوا.
وطنى ربنا احلك بالسلامه واديك احلى بيبى.
مجنونه اتحجبى اذا انتى راغبه بس يكون بى قناعه عشان ما تفكيه حبيبتى .
فليمو مختفيه الظاهر بتجهز لى جيه اختها.
ام صلوحى وينك ؟طمنينا.
هدويه العسل كيفك وجايه متى السعوديه . وبعدين ماما لو فى جدة ما تشوف تياب من هناك اكيد فى حاجات حلوة وبعدين القليتر له موضته فى لانى حضرت عرس قريب وكان لابسنو.
ماريا وجيلا وريحانه وينكم مختفين.
روذ وود الليله مداومه اكيد اخبارك.
الباقين اذيييييييييييييكم كللللللللللللللللللللكم .

بلدى ياحبوب

17-09-2006, 05:22

هومه نيت اقول ليك رسلى لى رقمك.
ورده مخمليه حبابك عشرة انا كمان مافى السودان ب احتمال اساعدك ب شويه تفاصيل و***** الله تلاقيها وتجتمعوا تانى.

om salih

17-09-2006, 07:00

ازيييكم
بعد الاجازة الما استفدت منها حاجة :)
شكرا لسؤالكم
بجيكم تاني عايزاكم في مواضيييع كتييييرة

om salih

17-09-2006, 07:22

اخبار الامتحان اممممممممم
طبعا كان ورقتين كل واحدة تلات ساعات بينهم ساعة راحة وعينك ما تشوف الا النور
يعني دخلونا الساعة 11 بدينا الامتحان الساعة 12 خلصنا 6 ونص ودا كله وزوجي برة مستنيني
اليوم داك زهج زهج ما عادي بس اتونس مع ناس في نفس حالته مستنين ليهم زول في الامتحان
اليوم القبلو صلوحي ما نومني سهر لغاية الصباح اهئ واهئ
في الورقة التانية نعست نعاس موت يا بنات والله ما بتصدقوا عايزة الزمن ينتهي بس عشان اطلع فكرت اخت راسي علي الطاولة وانغمض شوية وما مسموح تطلعي قبل الوقت ما ينتهي بس الا للحمام طبعا انا من النعاس 3 مرات مشيت الحمام واغسل وشي مافي فايدة في المرة الاخيرة قلت ليها ( طبعا في واحدة بترافقك للحمام ) قلت ليها ممكن اشرب قهوة قالت لي بس ما ممكن تدخلي بيها جوة قعدت برة وشربت قهوة ودا كله من زمن الامتحان فعلا العندو بيبي ما بيبقي ملك نفسه لا ينوم وقت ما عايز ولا يصحي وقت ما عايز وطبعا ما بيعرفوا اييييي حاجة امورهم تنقضي وخلاص
يوم الامتحان الحمدلله اني ما اخدته معاي كان بهدلنا وبهدل كل الموجودين
خليناهو مشي الحضانة عادي والبت مشت معهو ونهاية اليوم اخدتهم واحدة صحبتنا لغاية ما جينا
مشكووووورة جدا روزوود يا بنات ماقصرت اقترحت علي انها تاخد صالح وكانت جادة بس انا قدرت انها دوامها طويل وشغلها متعب فحنيت عليها وعلي العموم مردودة ليها في الافراح ان شاء الله وما قصرت معاي كانت بتضرب وتسال عن اخباري واخبار الامتحان في عرسها ان شاء الله
وصراحة كلكم ما قصرتوا معاي بالدعم المعنوي والسؤال ومردودة ليكم ان شاء الله
يلا لغاية ما اجيكم تاني زي ما قلت ليكم عايزاكم في مواضيع كتيييييييييرة

rnoya

17-09-2006, 09:32

ازيكم يا بشكااااااااااااااات
وكيف عاملين كلكم
هوما ما تزعلي والله ما بقصد لكن سقطتي سهوا وليس قصدا
عموما رسلي لي رقمك علخاص عاوزة اهريكي بي شوية حاجات كده
بلدي حمودي حلقنا ليهو يوم الجمعه بقى حلو خلاص زعموطي سغيييييير والحلاق اتكيف منو وابى يشيل قروش خخخخخخخخ
هدويه القليتر انسيهو شديد لانو موضتو انتهت لكن اذا بتحبي البشكه دي خاي امك تعمل ليكي توب عند ليلى عبدون او انتي اتصلي بي مدام ساريه في لندن شغلهم الاتنين يفصم وعمرو ما تنتهي موضتو لانو كلاااااااام عجيب بس ساريه غاااااااليه بي 250 لي 350 جنيه استرليني
ام صلوحي والله ما بتتخيلي كنتي متعاطفه مع قضيتك كيف؟ نفس الشعور بيبي ووقتك ما ملكك وارهاق ونفسيات ودفع قروووووووووووووووووش اهئ اهئ اهئ مسكينه يا ام صلوحي
مجنونه اسعدني شديييييييييييييد اتصالك والله وانتي زي ما اتخيلتك بنوته عسل وكيوووووووووووت شديد
برينا في حاجات كتيييييييييييييره ووعدتني انها تجيني وانا مستنياها وحاقطع فيها معاكم خخخخخ
موضوع الحجاب ده المشكله الازليه والله يا بشكات نففففففففففففسي اتحجب وحاولت كذا مرة بس ما قدرت خصوصا بعد العرس مع التوب حاحس اني خااااااااااااااامه ومخمخمه قفاطين الدنيا والعالمين وانا كرهتي في الدنيا المرة الما قيافه لاحظو حجاب مع التوب معناها ربط مافي شفون خفيف مافي شيل حواجب تك تاك دخان وكبريت تك تااااااااااااااااااااااااااااا اااك فما قادرة افهم الزول ما يعمل كده ويكون مرة سودانيه كيف؟
هوما بتتحجبي مع التوب كيف ؟؟
يا مجنونه اتحجبي والله مافي زول ضامن عمرو والحجاب مع الموضه اسهل كتييييييييير ولغاية ما تتزوجي ربنا بحلها جد البت المحجبه حللللللللللللللوة شديد انا بتعجبني والله لكن ما تسوطي وشك بالميك اب عشان الحجاب ما يفقد معناهو وما تلبسي ضيق او بلوزات قصيره حتى في المناسبات صدقيني اي وحده بتعمل كده يقول تاعبه نفسها ساي !!! كان تفك شعرها وخلاص!!
ورده مخمليه يا ريت تفاصيل صحبتك علخاص وانا احاول اساعدك ان شاء الله
الباقين برجع ليكم

rosewood

17-09-2006, 13:59

ازيكم يا حلوات...مشتاقين شديد والله، دايرة أدخل من قبيل لكن ما لقيت أي فرصة الليلة ما أول الأسبوع و الشغل كتير شديد...المهم، الويكند بتاعكم كان كيف؟ ان شاء الله أموركم كلها كويسة...

فليم...أخبارك و أخبار ود عمتك شنو؟ طمنينا عليك الله..ان شاء الله تسمعوا كل خير..
رنوية...قالوا آخر رقة و نعومة ما شاء الله...أخبارك شنو و حمودي كيف؟ و حلاتو يا ناسي بعد الحلاقة، عليك الله صوريه و رسلي لينا الصورة...لكن لقيتك خبرة في التياب و حتنفعيني شديد...ياترى سامعة بأسماء الزيات ساكنة في الرياض و برضو قالوا بتعمل تياب حلوة، ليلى عبدون ساكنة وين و أسعارها كيف؟
أم صالح..حمدالله على السلامة و بركة ال اتحليتي من الامتحان و ان شاء الله ربنا يسهل النتايج..خجلتيني طبعا، ما عملت حاجة والله لأنو بالجد كنت حاسة بحيرتك و كان نفسي أساعدك...تسلمي لي يا عسل..
وطني السودان..يحليلك والله، ان شاء الله ربنا يسهل ولادتك و يقومك بالسلامة و كريم يطلع بصحة و عافية..
بلدي يا حبوب..كيفك وكيف البنوتة؟ ان شاء الله حالي يطلع زي حال أختك و ألقى شغل رهيب، الميديا و الانترنت سيتي أرهب شغل في دبي لكن معناها مافي أي حياة اجتماعية و أنا ما بعيش من غير صحباتي...الله يكون في العون...
هوما..يالزيزة، كيف الويكند معاك؟ والله طولت في كندا يعني بقيتي خبرة فيها..ما دام أخوك في السودان احتمال وارد يكون جاي للعرس، ما تستبعدي..الدنيا مرات ضيقة شديد لمن تحيرك..
هدويه..ازيك و كيف حياة؟ و الله حننتيني من كلامك عن هولندا، خلي راجلك يقدم هنا في دبي و بالذات اذا كان متخصص هندسة ولا كمبيوتر و ربنا يسهل ليكم...
مجنونة..كيف يا دكتورة؟ بديتو الجامعة و لا لسه؟ كان لسه أخير تتدلعي و تهيصي قبل حبسة القراية..ربن يوفقك في اختيارك للحجاب و اتمسكي بيه و ربنا يهديك و يهدينا جميعا ان شاء الله...
وردة مخملية...مرحب بيك معانا و ان شاء الله اخواتنا العزيزات العايشين في السودان ينفعوك و يلاقوا صديقتك...

يلا يا جكس دوامي أخيرا انتهى و ماشة البيت طوالي......سلام شديد

مجنونة أمها وأبوها

17-09-2006, 17:38

ازيكم يا بنات
هدوية
التوقيع ظبط ولا تمام دي شنو؟

وردة مخملية
امممممممممممكن اساعدك مع اني شبه محبوسة في البيت
رسلي التفاصيل علخاص
لكن اظن رنوية بتساعدك اكتر

هوما العسللل
ازيييك مشتاقييييييييييييييييييييييييي ييييييييييييييين ( شوفي دي كم ياء )
ليه يعني الغيبةالطويلة دي؟
ميرسي على النصيحة الحلوة

بلدي
طبعا مقتنعة ( 17 دليل ما كفاية يقنعوني ؟ )

ام صلوحي
الف حمد لله على السلامة
بعد دا ما عندك عذر تقطعي

رنوية
انت الأعسل والله
المرة الجاية تضربي لي انت
لكن حكاية المرقة دي اسكتي ساي ما قلت ليك المشية طرشقت
وييييييين ووين لما تجي مرقة الخرطوم تاني
بيتكم بعيد شديد مواصلات زاتو ما بتوديني ( الصافية بحري وحي الصفا )
لو عربية خاصة دايرة ساعة إلا. فما بالك مواصلاااااااات بع
لكن ان شاء الله نتلاقى في رمضان
بالمناسبة ارجعي لكلامي الفات في حاجة انت ما قريتيها

روز وود
مالك علي ؟ لا لسه بننزل بعد رمضان
تعالوا شوفوا امي نكتت لي كتب الطب بتاعتها كلها
حاجات كدا عجيبة وشكلها يخوووووووف ههههههه

Homaa

17-09-2006, 19:38

سلام يا بشكااااااااات

صح يارنو

انا تمام الشتاء ماجي لسه

الجو خريف بس بارد

لكن الثلج لسه

انا محجبه لكن بمشي سبور هنا

لكن لمن نزلت السودان السنه الفاتت

الناس استغربت لاني اخر واحده ممكن يتخيلوها تتحجب

لاني قبل السفر ماكنت بخت طرحه في راسي

والجيبات كلها مفتحه

وكم مره اخذت محاضرات في الشارع من كوزات

ونوع بقول حاضر وانا اسفه عشان ما اروح اماكن اخري

بابا الله يرحمه كان دايما يقعد في الصاله لمن يحين وقت خروجي للشغل

عشان يديني بلجامد

المساعد علي عدم الالتزام اني كنت شغاله في منظمه اجنبيه بلصباح

وعند واحده قبطيه بلمساء

لكن الحمدلله هداني الله

وامكن ساعدني كمان وفاه بابا واختي

لاني خفت وحسيت بلموت وانو الحياه مابتستاهل

الله يهدي الجميع ويهديني ان شاءالله

لمن سافرت السودان لبست ثياب وكنت اغطي شعري بلطواقي السوريه القطنيه مع الثوب

جنو منو متابعاكي وانتي زوله كويسه وكتاباتك تمام

لكم التحيه

فليم ووووين ياجماعه

ام صالح ربنا يديكي الفي نيتك وينجحك

لكم كل الحب

اختكم الكبيره

اناااااااا

ارقدوا عافيه

rnoya

18-09-2006, 07:02

ازيكم يا بشكااااااااااااااااااااااااااا اات
صاااااااااااااااااح يا هوما عشرة من عشرة استمري في المثابرة خخخخخخخ
مجنونه لو موضوع انك كنتي حتمقلبيني بالمناسبه انا ما بتمقلب لاني بايخه جدا في التلفون المكالمه لما ما تعجبني او تكون من زول انا ما بعرفو بقطع الخط وبيني وبينك كتير بتونس مع زول وبكون بعرفو وكلامو ما يعجبني وبرضو بقطع الخط !! يعني مؤخرا بقت عندي سياسة انو ما ضروري اسمع الحاجات الما بتعجبني وازهح مش ممكن ما اسمع؟ خلاص يبقى ما حسمع خخخخخخ
اتعلمي من ساطور البشكات دي مفيده في الحياة انا شخصيا اتعلمتها بعد دقيش كتييييييير وحار شديد
حاااااااااااااااااااضر حبيبتي اتصل بيكي ان شاء الله وناس خالتي ساكنين في الصافيه كل ما امشي ليهو حأغشاكي وبالمناسبه اذا عرفت انك مشيتي سعد قشرة وما كلمتيني تعبتي معاي
هوما العسل انا برضو التزمت بعد وفاة صحبتي الله يرحمه لكن بعداك اتخطبت والدنيا نستني تاني بي وهمة الفسح مع خطيبي وفستان الزفاف والصبحيه احيييييي انا الله يهديني والله في الحاجات دي شيطاني مسيطر علي تماما... لكن عاوزة اسالك لما تلبسي الطاقيه السوريه الا تلبسي معاها هاي نيك والا رقبتك حتكون باينه مش؟
تعرفي يا هوما انا بكره الرقه والحاجات الرقيقه خخخخخخخخخ يعني لما البس اكسسوار او دهب لاااااازم يكون حاجه ضخمه وباينه وماليه الرقبه وما بحب موضوع البتحجب ويطلع اضنيهو عشان الحلق خخخخخخخخخ حركة بيئه مش؟ اها طيب وبتربطي التوب ولا بتلبسي توب كامل؟ هو بتهيأ لي مع التوتل ما بتفرق لكن مع الحراير والشيفونات خصوصا اذا زوله مليانه ودشها قدر الكتله تنسى.. ولاشنو؟
روزا يا عسوله ازيك..يلا عايني ما بعرف اسما الزيات دي بس اذا بتعمل تياب بوهيه انسيها لانو النسوان بتاعين البوهيه ديل كترو شديد بقو في اي شارع في 3 بيوت شغاله بوهيه!! وشغلهم بقى كلو شخبته لكن الأعلام زي ليلي شغلهم مميز ومعروف يعني بتكوني عارفه انو ده توب ليلى واسعاره 150 دولار للتوب والخام من عندك اما ساريه فهي الملكه في العرش ده ايوة نعم هي فقققققققققققققرة وما بتنزلك ولا طراده لكن والله عندي توب بني عملتو لي هي حدث في مثل هذا اليوم تووووووووووووب لوحه بس وابدا ما ندمانه على قروشو لانو بدون مبالغه كلو ما البسو بوقفوني وبشهقو في التوب وبمشو!!!بالمناسبه عندكم وحده اسمها سهام في ابوظبي قالو بتشتغل بوهيه حلو انا ما شفت شغلهل لكن سمعت بيها وبي 500 درهم التوب وممكن اجيب ليكي شمارة لو عاوزة..
لكن برضو ما تكتري في تياب البوهيه لانها انتشرت يعني طلعي منها نفسك بي واحد توتل بالمناسبه انا بفتكر انو التوتل البوهيه احلى من الشيفون لانو التوتل خياراتو اضيق
وعموما اوعك من ستايل الهنود(الجدعه المطرزة) واوعك من الكنارة (الحاشيه) اي شغل في اي توب انشريهو في مساحة التوب كلها ارقى
بلدي يا حبوب يا حبوبه مشتاقين شديد
هدويه وحيوته مشتاقيين جدا
الباقين.. مشتاقين شوق مويه مكسورة من ماسورة محلوجه في بيت عزابه مافيشييييييييييييييييين
مشتاقين..

بلدى ياحبوب

18-09-2006, 07:23

صبااااااااااااااااح الخير يا بنااااااااات ***** الله روقه
سلااااااااااااااام سريع كدة وبجيكم تانى لو قدرت عندى اليوم نضااااااااااافه وطبيخ ووووووووو
ربنا اعين....
سلام للحاضرين والغايبين..

بلدى ياحبوب

18-09-2006, 07:52

نسيت اقول لى ام صالح حمدلله على السلامه ومستنين اقتراحتك.

om salih

18-09-2006, 07:54

صباح الخير يا عسولات
قلت ليكم قبل كدا عايزاكم في مواضيع كتيرة
هي خصوصا للمتزوجات وللمقدمين علي الزواج مافي مانع (يا روز) والبنوتات الحلوات يتفرجوا لو عايزين
الموضوع جاي رمضان وبعده عيد
فعايزة اقترح عليكم نتشاور ونفيد بعض في المواضيع الاتية والعندو زيادة يضيفا
اولا رمضان : التجهيزات ليهو وقائمة المشتريات
والحاجات الممكن تتجهز وتوضع بالفريزر والحاجات السريعة لو طب عليكي زول
العدة الموضة والظريفة
طرق جديدة للتقديم الاكلات الجانبية اللذيذة بس تكوني جربتيها
الاهمممم جدددددا اهتمامك بنفسك ورونا افكار وخلينا نضع برنامج نمشي عليهو كلنا ونشجع بعض
ثانيا : العيد :
الملايات الاستايل والموضة
المفارش
كذلك العدة
اي حاجة مفيييدة

بانتظار اراءكم في الموضوع

بالمناسبة يا روز عندي ليكي 3 خلطات طبيعية ادتني ليهم واحدة زميلتي قبل العرس بصراحة رهييييبات ناوية ان شاء الله انزلهم بمنتدي الجمال بس هم ما معاي في البيت وانا ناسية المكونات او ما حافظاهم كلهم بجيبهم ليكي

om salih

18-09-2006, 07:55

بلدي الله يسلمك انتي والعسولة الصغيرة ردينا في نفس الوقت

rnoya

18-09-2006, 08:28

والله يا ام صالح انتي احلى زول
واسمح زول
واشطر زول
يا بشكات دي الحاجات المهمه هسه
شخصيا:
لي رمضان ناويه امشي يوم الاربعاء والخميس اجهز عشان الجمعه اوضب حاجاتي
طيب حاشتري سكر ودقيق وسمن وورق جلاش السنبله وسجك يلا ولحمة مفرومه 4 كيلو وكرتونه برتقال وقريب وجوافه وخضار ولحمه للشوربه
يلا حعمل الاتي: حاغسل كل الفواكه واقطعه وانضفه وافرزة في اكياس كل كيس قدر جك عصير وعلفريزر
حاوزع اللحمه المفرومه ملاح عصيده قدر يومين في كيس وعلفريزو برضو
حاعمل طابوووووور خامس للبت الشغاله حازبط الحشوة بتاعة السمبوكسه واخليها تلف لما تتحول لي كمساري وسواق حافله خخخخخ
يلا حاعمل سليقه اللحمه للشوربه وازبط خضارة وفي باغات بلاستيك قدر شخصين وعلفريزر برضو يعني تكون على الليمون بس
بالنسبه للفول عندي فواله سغيرونه لذيذه جبتها من مصر حأشد فيها فول اسبوع وارفعو الفريزر برضو بالمناسبه في النار مع الفول ارمي بلحتين وليمونه بطوله وشوفي لونو حيطلع كيف واتذكريني
ده بالنسبه للفريزر
بالنسبه للعده: سرقت 4 جكاكه (جمع جك) من مخزن امي وعندي 6 كبايات عصير تاني ما حاحتاج لي حاجه الا اذا زوجي المصون قرر انو يعزم اصحابو واخوانو
حاجات العيد عملت توب لونو بلو بالبني حلووووووووووو وجهزتو بس لسه ما اشتريت ليهو بلوزة
لسه ما اشتريت لي حمودي حاجه ووديت جلاليب منتصر الخياط عاوزة اعمل ليهو شال على طرفو رسمة التايقر بالبوهيه واشتري ليهو مركوب تايقر (كيف بالله بنات افكاري؟؟) بس ما عارفه حقدر على قروشو ولا كيف لانو المركوب وصل 100 دولار
بالنسبه للعده ما اشتريت كاسات عصير للعيد واصلا ما لاقيه حاجه فريده ابدا في السودان كلو طول بي عرض وبالنسبه للملايات هنا مافي اي خيارات ولا بي اي حال غير الساتان المطرز الغبي ده ومستحيييييييييييييل افرشو فبفكر في الكانون الامريكي بيتهيأ لي هو الحاجه الوحيده الما بتقدم ولا بتخرف بس تكون اشكال حلوة والوان واضحه وغامقه لكن لسه ما لقيت العاوزاهو كل البلقاهو الوان بشعه وابيض مرسوم فيهو كدايس وعوارة
الاهتمام بالنفس ما اظن عندي طريقه في رمضان عشان بجي الساعه 4 من الشغل وحابدا طوالي في الفطور وبعد الفطور التراويح وبعداك اقرا جزء قرآن عشان اقدر أختم في رمضان ان شاء الله
بعد داك اذا بالغت حأتدخن وأتدلك وأخت حنتي يوم الجمعه ما أظن في اي طريقه لحااجه تاني بس بعمل لي حركه وهي اني بلخبط زبادي بي كستر ونص ليمونه وبسوط وشي وانا في المطبخ عشان يشيل الدهون الزياده وبعداك بغسلو بي مويه بارده
اكلات جانبيه ما اظن انا بالجلاله اتعلمت الاساسي !!
الباقين اذا راحت علي حاجه ذكروني وورونا حتعملو شنو
مستنين التفاعل في الموضوع المهم ده

om salih

18-09-2006, 09:49

يلا اوريكم بعض افكاري اللسة ما اكتملت ( لسة قابلة للتغييير)
اولا : ناوية اعصج لحمة واوزعها تكون جاهزة لفطاير بيتزا مكرونة بالبشاميل الي اخره
اعمل تاني واحدة للويكة بس لغاية اضافة الويكة ما اضيفها وبرضو اقسمها
دجاج مقطع
صدور دجاج مقطعة لبعض الشوربات
بقدونس وشبت وكسبرة خضراء مقطعة ناعم
الفواكه عجبتني فكرة رنو حاعملها ان شاء الله
تجهيز كفتة
الفول زي ما قالت رنوية
لو اتذكرت حاجة بقولها ليكم بعدين
وبعدين بالمناسبة ناوية اعمل منيو للشهر كله يريحك من بكرة اعمل شنو
حيكون كالتالي كل يوم طبق رئيسي سلطة شوربة طبق جانبي وحلو والعصاير
ولو عايزين ممكن اوريكم فكرته
بخصوص الاهتمام بالنفس حدث ولا حرج طبعا مع الشغل والبيبي انسي
بس المهم لازم لازم نغير ونشجع بعض ونبطل كسل يعني نعمل جداول ونمشي عليها كلنابالنسبة للملايات طبعا انتي يا رنو اسطي فيها فعايزين اراءك
شوفي انا من شهر اشتريت ملايتين من النوعية دي يعني بس شكل تاني وبرضو عاجبني الاشكال دي وناوية اشتري منهم تاني رايكم شنو ؟؟؟ وافكاركم

http://forum.hawaaworld.com/showthread.php?t=642280&page=3

رنو عجبتني فكرتك لراجلك وقررت اعمل مفاجاة للاستاذ رايك شنو تساعديني فيها ؟؟؟

flame4me

18-09-2006, 10:33

صباح الخير يابنات....جد مشتاقة ليكم شديد والله لكن التعبالشغل وجد بقيت في الشغل لوماعندي شي مابقعد باكون باتمشي في المكاتب بره من وجه الضهر العجيب......انا تمام وخشيت الشهر السابع والله اعلم...مش 26 اسبوع دي معناها الشهر السابع؟؟؟؟غايتو دعواتكم معانا بس...ود عمتي والله لسه في الغيبوبة لكن قالوا اسي درجة الغيبوبة بقت 9 من 15 بعد ماكانت 3 من 15..الله يقوموا بالسلامة يارب....واحتمال يسافر الأردن....ادعوا ليه برضوا....عارفاكم مابتقصروا.....

بلدى ياحبوب

18-09-2006, 10:38

ازيكم يا عسل...
موضوع رائع يا ام صالح...
بالنسبه لموضوع رمضان انا عملت القيمه وجهزتها وعاوزة الف السمبوسه اجهزها وتانى فرمت كميه من الثوم وختيتها فى الثلاجه و***** الله حامشى الاربعاء حاجيب التين والخشاف والتمر وصدور دجاج ونقانق لحمه وافرزنهم وحاشترى شوربه ماجى الجاهزة لانو زوجى بحبها +شوفان للشوربه التانيه.
اما بالنسبه للعصيدة امى الله اديها العافيه رسلت لى الحاجات ناشفه ماعلى الا اعملها..
العصاير طبعا فواكه مخلوطه او جاهز وقت الزنقه..
اما المنيو بتاعى الثابت سمبوسه وشوربه وبعدهم زوجى بمشى الصلاة وبعد داك سلطه زبادى وسلطه حمراء والعصيدة وحاجه تحمير بالنسبه للفول ابو الشباب بحب الجاهز لانو بقول لى البيتى اول يوم بس ولونه بتغير...
بالنسبه للعدة اشتريت رمضان الفات طقم بتاع شوربه وكم جك وشويه كور وصحون عصيدة ودة للعزومه الرجاليه..
بالنسبه للعيد له ما فكرت فى الموضوع دة بس ورونى الجديد؟
اما الاهتمام دة اهم حاجه وعليكم الله عاوزة لى حاجه فعاله وماعاوزة خلطات ما عندى خلق ليها كريم سريع كدة.