على ضفاف النيل (ملتقى حواء السودان) الجزء التاني ................. [الارشيف] - صفحة رقم 10

flame4me

29-08-2006, 10:37

يا الله مليون مرة اكتب الرد ويتمسح....يلا..نعيدو تاني.....ام صلوحي ليك وحشة..القراية كيف وصلوحي الغلباوي مخليك تقري ولا أ؟؟؟؟هوما مبروك العربية ياعسل...بعد كده جديع شديد....عقبالنا يارب لكن بالنسبة لي مافي قطر دي لانو السواقة هنا مخيفة.جيلا الاخبار شنو...والادارة الجديدة كيف معاك...الله يعينك بس....ووين انتي ماظاهرة؟؟؟وطني كوكي العسل كيف؟؟؟ياحليلك قربت والله.....اها تقلتي شديد ولا لسه؟؟؟ريحانة احليلك نزلتي المدرسة خلاص....يلا سنة وتتحلي منها وتبدي في هموم الجامعة....جدو اخبارو شنو؟؟؟بلدي ياحبوب..الاخبار شنو..قلت لي خاتة عينك على ود هوما.....والله ياخي من اسي نضمن ليك حماة عسولة لبتك...اخبارها شنو العروسة صحي؟؟؟

rnoya

29-08-2006, 12:38

والما عندها ضرة
تطلع برة
وافرج فوقه خلق الله
ويييييييييييييييييييييييييين جمجرة وراجل المرة حلو حلاااا
وناس فليم يخلو الجمجرة والدنيا تبقى حلوة حلا خخخخخخخخ
قلتي لي بتدوقي الدلوكه دق حناكيش يا فليمو؟ صدقي انا كل امور الهيافه شاطرة فيها لكن اصلا ما بعرف لا ادق الدلوكه لا اصفر!!!!!!! مش غريبه؟ لكن يا بنات مااااااااااااافي زول بدق الدلوكه زي قسمه بالله بتنقرش الدلوكه دي بي اضافره اذى جسيييييييييييييييييم
المهم طبعا المنتدى بستغبى كالعاده وما عارفه اعمل براوز
ام صلوحي لكن لقيتك بطاطس وفي الدمعه غاطس!

flame4me

29-08-2006, 13:07

رنو انا باعرف اصفر كمان..طلعت اشفت منك لكن مش؟؟؟؟...لكن ماالصفير داك صفير بتاع حناكيش بردو..راجلي احيانا بيتخلع لمن اصفر .....وحياتك انا معلمة كبيرة اوي.....اسمعيني نحنا ظهرنا البنات اختفوا تاني ولا الحاصل شنو؟؟؟؟؟اخص عليكم زعلتوني....ام صلوحي شكلها كسر شديد......ياحليلها جد ليها وحشة الزولة دي....

وطني السودان

29-08-2006, 13:26

ازيكووووووووووووووم انا جيييييييت
فليمو والله ليكي وحشة
قلقت عليكي شديد
كيف كوكي العسل ........ احساس الفرفرة عسل.... ولسة لقدام حيكون احلى ان شا ءالله
انا خلاص قربت
دعواتك.. والله خايف خوووووف................ الله يستر بس
التقلة كمان جات.. الحركة ما زي زمان ...
وعلى قولك البطن بالليل ما تعرفي توديها وين
انا احسن وضع ... انه انوم على الجنبة الشمال.. واكون جايبة لي مخدة تحت بطني.. جربيها بتريحك ...
اها الشغل بعد الاجازة كيف ..اكيد بايخ ودمو تقيل
والله يا فليمو كان نفسي الاقيكي
لكن مع الحمل دة..دمي بقى تقيل وحركتي وطلعاتي بسيطة
لكن بأذن الله الاجازة الجاية لازم .........عشان كرومي نمبر ون ونمبر تو يلعبو مع بعض ياااارب :)

رنويا وين يا بشكا.. ما قلتي لي شمار الصبغة شنوووووووووووووو؟؟؟ اول امبارح كنت مع واحدة صحبتي ..صغبت شعرها الوان رهييييييييبة .... الشعر كلو بني وفيهو خصل الوان تدرجات الاحمر والدهبي... غايتو طلع ستايل شديد...........
قلتي ولدك بدا يمشي.........سكررررررر ما شاء الله.. لكن استعدي بقى للهبيش لوووووووول

مجنونة ......وريحانة ...... يحليلكم والله..زكرتوني ايام الاستعداد للجامعة ...... غايتو اهم حاجة كتروا لاسكيرتات .. الالوان الاساسية كلها ......والبلوزات تكون قطنية عسولة كدة .......وما تنسوا تطقموا الطرح خخخخخخخخ........ الجزم مع السخانة دي ما عملية ....... الشباطة والشباشب الز ......
الله يكون في عونكم والله

جيلا يحليلك ابقي طلي علينا مرة مرة :)

ام صلوحي الامتحان متين ........ الله يوفقك يااااااااااااااارب..........اه م حاجة تقري سورة ياسين ... وتقولي اللهم لا سهل الا ما جعلته سهلا .............

ماريااااااا العروس:) ان شاء الله الله يكتب ليكي الخير.....ناس كتير بيفضلوا عرس الاهل..لكن ما ما مشكلة ........ الابو حيقتنع تدريجيا .......... بس المهم العريس يكون زول تمام .......... سلمي على ماما واتونسي معاها كويس......انا متأكدة الشمارات لسة ما انتهت ..............

هوما حبيبتي مبروك العربية ......... وتقطعيها بعرق العافية خخخخخخخ .......... كيف الاولاد .........نزلوا المدرسة خلاص....سلمي عليهم :)

بلدي يا حبوب ........ وين ما ظاهرة :)

Homaa

29-08-2006, 13:29

سلام

والله انتو احسن ناس

رنو ازيك واخبارك قطفتي منو في غيابك اوعي تكون نسيبتك

ولدك كيف والله يبارك فيكي

في السودان كان عندي فولكس بحبها كثير لونه بنفسجي فااااااتح

وكنت زيك بحترم اي واحده عندها عربيه

لكن لمن رجعت السنه الفاتت بعد غياب 5 سنوات لقيت

العجب العجاب سايق سيارات

فليم ليكي وحشه والله والبيبي كيف

الواحد بيدبرس لمن يرجع من اجازه

المهم اكيد استمتعتي جداً واتونستي مع خالتك ولقيتي صاحبتك

كيف هما؟

مجنونه اززززززيك ياعسل

وريحانه

والباقي وووووووووين انتو

ارقدوا عافيه

Homaa

29-08-2006, 13:32

ووووووطني ازيك

ووووووووين انتي

الثقل باين عليكي

الله يقومك بلسلامه

اولادي بينزلوا الاسبوع الجاي ان شاء الله

flame4me

29-08-2006, 13:39

وطني ياعسل..كيف اخبارك يابت....ياحليلك جد خلاااااااااااااص قربتي..يلا ربنا يحلك بالسلامة ومامشكلة ياعسل ان شا ءالله السنة الجاية نتقابل....بخصوص النوم لقيت في مذركير مخدة ماشة اشوفها الليلة...لوطلعت ما مكسب باجرب الحركة حقتك دي....لانو جد الوضوع بقي متعب.....كلوا يهون علشان كوكي الله يجيبهم بالسلامة يارب....الشغل بعد الاجازة اتخيلي مكسب.....كنت شايلة همو...لكن لقيتوا مابطال..بالذات الناس بقت تحن على علشان حامل....وانا مستغلة الوضع شديد,.....

Homaa

29-08-2006, 13:44

سلالالالالالام مربع لفليم

flame4me

29-08-2006, 13:52

هوما ياعسل..مشتاقين ياست الناس...والله الاجازة كانت رهيبة لكن تاني لمن اسافر باقعد شهر ان شاء الله..خالتي تمام وصاحبتي برضو قضينا ايام جميلة معاهم ياحليلهم...والبيبي كويس بس بقي شقي شوية.....اها اول مشوار بالعربية الجديدة كان وين؟؟؟والرخصة طلعتيها بالساهل من هناك ولا لأ؟؟؟؟
والعيال كيف؟؟اكيد مبسوطين بالعربية والفسح المضاعفة...
ساطورة شكلها قتلت ناس السودان كلهم في غيبتها دي.....

Homaa

29-08-2006, 13:55

الرخصه عندي من زمان وسهله

انتي عارفه القانون في الشارع هنا دي الصعب

عشان كده بنطلع كل يوم ساعه للتذكر

ولسه مدرسه ولدي الاسبوع الجاي

عشانه اشتريتها لكي اوديه واجيبه

للرحصه هنا

امتحان تحريري

وبعدين امتحانين في الشارع

واحد جوه المدينه ودي عديته

والتاني في الهاي واي وده لسه

هدويــــــــــــه

29-08-2006, 15:16

وييييييين انتو ليكم وحشه والله وشكرا على سؤالكم مني واهلا بالناس الجداد كلهم ومبروك فليم ومشتاقه لي ريحانه وجيلا ووطني السودان انا طبعا ولدت وجبت بت عمرها5 شهور وتعبت شديد وورقدت مستشفى شهر قبل الولاده ويعدها اسبوعين وكانت معاي ماما والله جد واحشني موت وفاقداكم ومامصدقه انو اتلمينا تاني

jeela

29-08-2006, 16:47

flame4me

30-08-2006, 07:06

صباح الخير يابنات...كيفكم الليلة...هوما ياعسل الله ربنا يسهل ليك امتحان الشارع...اها السواقة كيف هناك...كويسة ولا مخيفة شوية....اكيد حتكون احسن منها لانو القوانين عندكم صارمة....على فكة انتي في ياتو مدينة هناك؟؟؟والجو عندكم كيف اليومين ديل؟؟؟؟

flame4me

30-08-2006, 07:10

هدوييييييييييييييييييييييييييي يييييييييية والله مامصدقة انك جيتي ياحليلك جد جد مشتاقين ليك.... اخبارك شنو يابت قلقنا عليك كتير والمشكلة انو مامعانا اي رقم ليك...المهم حمدالله على السلامة حبيبتي ومبروك البنوتة تتربي في عزكم...اسمها منو ودايرين يلا التفاصيل كلها لكن اول شي رسلي لينا رقمك على الخاص علشان لو اختفيتي تاني نقدر نلم فيك........يلا مستنينك ياعسل.....
مس جيلا صباح الخير ياعسل...وين انتي ماظاهرة وفاتحة لي كده؟؟؟الاخبار شنو؟؟؟

rnoya

30-08-2006, 08:37

ازيكم يا بشكات
والله كتلت كترة ناس
اي زول زهجني اديتو ضبحه
هي لكن الناس ما عارفاها جنت ولا شنو؟ بقو غياظين شديد وانا مااااااااااااااااااااااا بستحمل والله
يلا يا فليم والله لقيتك ميه من تحت تبن خخخخخخخ ما ساهله يا قرده خلاص علميني الصفير حق الكورة داك عرفتيهو؟ ودق الدلوكه واوعدك انك لو سمعتي كلامي تبقي من اشفت بنات السودان
هدى مبروووووووووك البنوته والف حمد لله على سلامتك وربنا يحل الكل بالسلامه يا رب
طبعا نفسي اعرف باقي بشكاتك؟ من وين؟ وعايشه وين؟ وقريتي وين وكده
هوما يا فااااااااااااان يا رهيبه
انا بعد ما خلاااااااااااص كان موضوع عربيتي قرب يتزبط جدت جدايد وبقى الموضوع ده ااااااااااخر حاجه في الاولويات (ميتين العرس على ميتين النسابه زاتم خخخخ)
وطني يا كرش..شفتي الحاجه دي قدر شنو رايعه؟ كرررررررررررررش قدر الكتله شفتي الحياه بقت بمبيه كيف؟ منتهى الابداع
انا لغاية هسه بسال نفسي انا عرست ليه يا الله؟ الدنيا خلابه بعد العرس
دقسه ما كان في ليها اي داعي بس غايتو
جيلا كيفك؟ كيف مع الدوام؟ بشع لكن اول الشهر بعد يومين..يااااااااااااخ انا اموت في الكاش البحسم النقاش خخخخخخخخخخ
الباقين كلكم سلااااااااااااااااامز

flame4me

30-08-2006, 08:56

رنو كيفك الليلة يابت؟؟؟جد مشتاقين شديد.....انا الليلة عندي نفسيات...كل ما اخش منتدي الحمل والولادة بتجيني نفسيات..اقعد اقرا عن قصص الناس والحاجات الممكن تحصل ويبدا القلق ينهش فيني...يارب العالمين تتم لي الحمل ده على خير وكريم يكون كويس وماعندو مشكلة..ادعوا لي يابنات بليز....
من النفسيات مشيت السوبرماركت وجبت كل الممنوعات من كولا وشوكولاتة وشيبس وقاعدة اكل ......كمان مكيف الاوضة امبارح عملت حركات عجيبة شلنا مرتبتنا ونمنا في الصالة..وانا عندي رهاب من النوم في الارض اصلا ماقدرت انوم.....والعدة لي يومين ماغسلتها الليلة دخلت شفتها من الصباح واتغميت......اخ انا بس......المشكلة الود البيجي ينضف ما باتطمن انياخليه يغسلها مع انو شكله نضيف لكن بس ماباقدر.....يلا غميتكم بمافيه الكفاية.......

وطني السودان

30-08-2006, 10:21

هدوية .. الف الف حمدلله على السلامة ومبروك البنوتة ... مشاقين شديد..وما تقطعي تاني مننا ..
فليم شنو الحاصل دة من الصباح..والله منظر العدة في المطبخ بيجيب نفسيات ما اكضب عليكي ..الله يعينك... لكن حاولي تشوفي ليكي بت ..حسي انا اتفقت مع واحدة بتجيني بالساعة بتنضف البيت وتغسل العدة وتكوي وبعد كدة تتخارج تمشي... البيت كله ما بياخد منها اكتر من ساعتين .. شوفي ليكي واحدة زي دي..لانه رمضان جايي والعدة بتكون كتيييرة ... اها جربتي المخدة تحت بطنك..غايتو بتريح شوية ..لكن لسة ما شفتي لقدام البطن فجأة بتكبر شديد.. وما في شي بينفع معاها لا مخدة لا شي.. وتصحي كل شوي بالليل جري على الحمام.. غايتو ربنا بس يحلنا بالسلامة يا رب .....

رنويا كيفك....شفتي الحالة دي.. كرش وبرنامج.. انا دايرة أسألك سوال غتيت كدة..انتي حامل ؟؟؟

هوما والله تمام..السواقة دي اهم حاجة خصوصا مع العيال... انا دايرة امتحن بعد الولادة ان شا الله طوالي

flame4me

30-08-2006, 11:06

وطني كيفك الليلة يابت؟؟انا عندي ولد شغال بيجين تلاتة مرات فيالاسبوع ينضف لكن مابحب اخليه يغسل العدة.....من السودان كده العدة لمن يغسلها زول غريب باشم فيها ريحة وباتعب شديد......رمضان اختي جاية اسي بعد اسبوعين تقعد معايا 3 شهور ان شاء الله ....المخدة حاولتها امبارح لكن ماقدرت عليها.زمشيت مذركير الجنبنا لقيت ماعندهم المخدة ديك لكن الليلة بامشي السيتي سنتر اشوفها....الحمام اسي تقريبا كده بامشي تلاتة مرات بالليل ..المعدل حيزيد عن كده ولا شنو..يازولة ربنا يحلنا بالسلامة ان شاء الله والكلام دي يبقي زكريات سعيدة....امين يارب.......بنات الحامل تصوم رمضان ولا لأ؟؟؟؟ولوماصمت على قضاء وكفارة ولا كفارة بس؟؟؟

rnoya

30-08-2006, 11:11

ازيكم يا بشكات
فليمو النفسيات دي عاديه جدا اثناء الحمل موضوع العده تعرفي انا بتي الشغاله بتغسله لكن بوسوس زيك فقبل ما استخدم اي حاجه بغسله تاني انتي خلي الولد يغسل ليكي العده عشان تتفادي منظر النفسيات ده وبعد كده اغسلي كل حاجه تاني..
ماااااااااااااااااااااااااا تدخلو منتديات الحمل والولاده دي مقرفه وبتزهج وتعمل نفسيات
كل زول تجربتو بتختلف عن التاني والله بعرف كتاااااااااار كان الطلق في اوجو وما عارفين روحم زاتو حيولدو وسبحان الله
وطني السودان. كيف؟ تمام؟ بس ان شاء الله تكوني كويسه انتي؟
الباقين وينكم؟

rnoya

30-08-2006, 11:13

كفارة وقضا يا فليم
شوفي جربي اذا حسيتي انك تعبتي ما ضروري ما تصومي لكن لازم تجربي
واسالي الدكتورة بتاعتك اذا دمك زابط وماعندك اي مشاكل صومي واتخارجي القضا حااااااااااار

وطني السودان

30-08-2006, 11:46

فليم زي ما قالت ليكي رنويا
جربي الصيام ولو ما قدرتي .. افطري... لكن والله لو صمتيهو احسن ليكي ... لانه القضاء حيكون كتير شديد......

rnoya

30-08-2006, 11:52

مم

وطني السودان

30-08-2006, 12:03

مم

:confused-

هدويــــــــــــه

30-08-2006, 12:40

سلام ياجكس كيف تمام كل 6 في حته يافليم الله يعينك انا عارفه البرنامج دا متعب شديد ماتخافي من الولاده بس من تجربتي انتبهي للضغط والزلالي انا ولدت بعمليه لاني ولدوني في اول اسبوع في التاسع وحاولو وادوني وجع والرحم مافتح برنامج لكن ماتخافي ولله يحلكم با لسلامه يارب>رنويه اناعمري23اسي في هولندا واهلي في السعوديه وقريت هندسه نظم الكترونيه سنتين واتزوجت شهر 4 السنه الفاتت وحملت طوالي وحانزل قرايه شهر3 وبتي سميناهاحياه على حبوبتها ام ابوه<اوالله ماتتخيلو مشتاقه ليكم كيف فليم حارسل ليك رقمي وايميلي انا بالمناسبه مفروض اسافر جده منتظره الزياره توصل جيلا شكلك تعبانه الله يعينك والله مايفرقنا تاني

هدويــــــــــــه

30-08-2006, 12:42

فليم حاولي وصومي يوم وافطري يومين القضاحاااااااار

flame4me

30-08-2006, 13:03

كيف يابنات......شكلي فعلا حاعمل زي ماقلتوا....احاول اصوم وربنا يسهل لي بس.....لانو فعل القضاء حار شديددددددددددددددددددددددددددد دددددددد عارفاهو...رنو خلاص منتدي الحمل والولادة ده حافتح ليه....جد تعبت من النفسيات والله....هدوية ياحليلك حبيبة ولدوكي بعملية..يازولة كرامة وسلامة جد....والله يخلي ليكم حياة وتملا حياتكم بهجة وسعادة...الايميل ورقم التلفون وصلوني حبيبتي..رسليهم لرنو لانها برضو المسؤلة عن الاتصالات قبل ماتجي تقتلني....البت رنو دي ساطورة كبيرة في المنتدي هنا وعاملة رعب.....لكن عسل جد.....:26:

بلدى ياحبوب

30-08-2006, 15:04

ازيييييييييييييييييييييييييييي ييكم كلللللللللللللللللللللللكم
رنويه..
الليييييييييييله شرفتى ويا بت العزاز انتى اللييييييييله شرفتى
وجبتى وما بتقول جبتى الليييييييييييييييله شرفتى...
خنت ليك الدلوكه خخخخخخخ
هومه كيفك حبيبتى ومبرووووووووووووووووك الفان وتركبيها بعرق العافيه انتى والعيال وهى فعلا عربيه عائليه ربنا اهنيك بيها.
مجنونه كيفك وكيف التحضيرات والله الجامعه فعلا عاوزة هدوم مريحه وبسيطه شوفى ليك قمصان لذيذة كدة وتى شيرتات+جيبات مريحه غايتو انا كنت بلبس كدة بس كمان بناطلين من تحت عشان انا درست فى الاحفاد ومن تحت جزم خفيفه وممكن البى رباطات كمان مع شرابات..
ريحانه كيفك وخلاص مستعدة يلا جيبى نسبه عاليه عشان تحصلى مجنونه وتمشى تفرديها.
ماريا كيفك يا عسل اشاء الله عافيه ...شوفى يا عسل انا حاكلمك بصراحه انا رائ غير راى البنات !
الواحد لمن اعرس ما بعرس راجل بس بعرس عائله يعنى جد وجدة عم وعمة عشان كدة لازم الموافقه تجى من كل الاطراف وهو زى ما غالى على ابوة انتى كمان غالية على ابوك وبعدين هو احاول مع ابوة بمساعدة امه مادام موافقه عشان فرحتك تكون مكتمله مش كدة يا عمرى لانو البجى بخطب ابو العريس وربنا اوفقك واقدم الفيه الخير ليك؟
الباقين وينكم مشتاقين ليكم اظهروا...

بلدى ياحبوب

30-08-2006, 15:24

ازيكم يا بنات طبعا كنت قايله رد رنويه اخر رد وبعد ما كتبت اكتشفت باقى الردود الظاهر الكمبيوتر بتاعى مخستك المهم ازيكم كلكم .
فليم كيفك وربنا اتم ليك على خير واخبار المخدة شنو.
وطنى كيفك خلاص قربتى طبعا قلت ليك اختى حتولد زيك بس بنتها استعجلت وولدوها قيصرى كانت متجرسه ومجرسانه معاها بس هه الحمدلله ليها 3 يوم كدة.
هدويه مبروك البت تتربى فى عزكم.
جيلا وينك خلاص اختفيتى؟

rnoya

31-08-2006, 07:10

ازيكم يا بشكااااااااااااااااااااااااات
هومه يا فان ياخي اموت ركن؟ طيب ازرع قطن؟ ولا اكل دخن؟ ياخي انا بكن لي عربيتك كل الود
حااااااااااااااااجه فنانه..عليك الله لما تركبي اتذكريني ولازم تشغلي المسجل وتعملي شعرك كعكه كبيره وتعملي فيها ربطه لون الفستان وترفعي النضاره الشمسيه في راسك فوق فهمتيني؟ واوعك تلبسي طرحه..وتسوقي بي ايد وحده وتتكلمي بالموبايل بالتانيه
يااااااااااااااااااااااااااااا اااااخي انا لو ما عملت كده في يوم من الايام ما حكون اديت رسالتي كامله في الحياه خخخخخخخخخخخخخ
بلدي يا حبوب عقد ود خاتي في عييد رمضان والتاني في عيد الضحيه والليله شرفتا وخشمك ما بقول قلتاااااا واللييييييييييييييله شرفت الجيبك ما بشيل فكه
والموجود في السودان كلو معزوم بس يجيب دلوكتو معاهو
فليمو ماااااااااااااا تلخبتي الكيمان بس عشان الساطور ما يقوم خخخخخخخخخخخ..مشتاقه ليك جدا
البشكات الما رسلو ارقامم..اهاااااااااااااااااااا اااااا . اقوم عليكم؟؟
هدى العسل والله شكلك زوله بشكه ومكسب شديد يا زوله ربنا يخلي ليكي حياة ويعوضك تعبك خير
يا بنات موقفين حصلو لي وعايزة اراءكم:
الموقف الاول: رايكم شنو في زوله بتتشمشر وبتعمل فيها حريفه وبتسال اسئله ابدا ما بتخصها ؟ حركات النساوين الهبله ديك عرفتوها؟؟؟ مش النسوان دائما وابدا بسالو اسئله كده ما في محلها وبكونو عاملين فيها رهيبين وحرفه وكده؟؟وما بتكون علاقتك بيهم قدر ده لكن بس تقولي شنو في السماجه والعبط؟يعني انا بس لو افهم شنو الاستفاده البتعود عليكي عشان تجتهدي في الهبل ده؟؟
لو حصل الموقف ده لي اي وحده فيكم توريني حتتصرف كيف؟ برضو عايزه كل وحده تخت نماذج للاسئله البتزهجه عشان الكل يستفيد..
الموقف التاني: اذا قلتي لي وحده حاجه خاصه.. لكن ما اكدتي عليها انو الحاجه سريه او ما تطلع بره..ولقيتيها تاني يوم كلمت بيها العاصمه القوميه كلها..رايك شنو في الزوله دي؟؟

شخصيا في الموقف الاول بفتكر انو اسوا حاجه في الدنيا انك تكون فضولي وتتحشر فيما لا يعنيك عشان كده بكرس الزول الكده وبضربو في صفر وعموما بي طبعي ما بجاب على اي سؤال لاني ما ملزمة عادي السؤال الما بعجبني بباسيهو تعرفو مرة وحده سالتني سؤال ما عندو اي مكان من الاعراب فقلت ليها قشيها قالت لي شنو؟ قلت ليها ريالتك خخخخخخخخخخ ومن يومه اي سودانيه معاي في الجامعه مسكت في الجمله دي خخخخخخ
الموقف التاني ممكن ما اكرس الزول لكن بوضح لي بس انو قدر شنو فاااااااااااااااااااااضي من جوة ومجوف وما عندو اي موضوع وحايم ساي وراسو ده بس بتلفت بيهو تاني ما عندو اي فايده!! عشان كده بملى وكتو بي انو يتونس بي حاجات الناس الدقسو وكلموهو بيها او اجتهد وعرفه..عموما بتعامل معاهو بس على اساس انو زول فارغه ومقدوده ولا يعتمد عليهو في اي حاجه...
انا ما عارفه الموقفين ديل بتكررو كتير في حياتي ليه؟ كتييييييييييييييير بس بي سيناريوهات مختلفه!!
رايكم شنو؟

بلدى ياحبوب

31-08-2006, 07:34

ازيك يا بشكه...
شوفى بالنسبه للسؤال الاول دى حتكون واحدة شمشارة وما عندها موضوع وطوالى تردى ليها رد محرج عشان دخلت انفها فى شئ ما بخصها وانا بعانى من النوع دة كتير هنا بالله راتب راجلك عاوزين اعرفوه كم شفتى جنس المرض دة؟؟؟
اما السؤال التانى مااااااااااااااااااااااااتدى سرك لى اى زوووووووووووول وكان حصل بالغلط زى ما قلتى فارغه وما عندها موضوع والما عندو موضوع يا بتى بكتل النمل:42: .
باقى البشكات ازيكم...

flame4me

31-08-2006, 07:38

لووووووووووووووووووووول...رنو. .عليك تخيلات وحركات كده عجيبة عديييييييييييييييييييييييييييي ل.......خليتيني خلاص اغير راي في السواقة وافكر جديا في موضوع العربية قريبا بس علشان اعمل شعري كعكة واتكلم بيد واسوق بيد...عبقرية عديل يابت وتنفعي تخرجي افلام...وياستي...انا طوالي صلحت الموضوع وعرفت اني اتعديت علي حقوقك وقلت لهدوية ترسل ليك الارقام..كلوا الا زعل السواطير ....
بخصوص اسئلتك...انا لمن زول يسالني سؤال مافي محلو...زمان كنت باتحرج واجاوب.....لكن مؤخرا بقيت وقحة نوعا ما وممكن ما اجاوب..ممكن اتساخف كمان.......الاسئلة البحس انو مافي داعي تتسئل:
مرتبك كم.....مرتب راجلك كم.....ديل كانوا عندي ناس وهم بيسالوا اسئلة زي دي...وكمان اسئلة هبلة من نوع حاجات خاصة بينك وبين راجلك....دي فعلا باحس بيها غير مقبولة..وماحلوة...تاني شنو....حاجات خاصة عن اهللك....دي اكتر شي باكرهوا جد...خالتك ساكنة وين...راجل خالتك بيعمل شنو؟؟؟قريبتكم دي برنامجها شنو.....جد انتوا مالكم...عمري مابسال انا عن الناس ماعارفة لي جنهم يسالوني....كمان باكره الزول المابيوريك حاجاتو او برنامجوا ويجي يسالك عن برامجك....ناس مسافرين متين ووين..وهم يكونوا سافروا وماكلموكي....او حامل بي بت ولا ولد وهي الغتيتة لغاية ماتلد بتكون ماكلمت زول بت ولا ولد....دي طبعا حصلت برضو اسي.....وعديل كده قلت ليها عرفت لن مابكلمك...وانتهينا....
الحاجة التانية....لوقلت لي زول شي خاص وطلعوا بره..الصراحة ممكن اقطع علاقاتي بيه..لانو في الحالة دي ممكن مايكون عند حسن تقدير للامور..والزول الزي ده كارثة جد......وفعلا حصلت لي..وطوالي طوالي....قطعت العلاقات.......ما اي شي بيتقال..وانت في الاخر ما الناطق الرسمي باسمي علشان تمشي تدي تصريحات بدلي.....

flame4me

31-08-2006, 07:41

...كيفك ياعسل.....كلوا تمام؟؟؟.....المخدة مالقيتها في اي فرع من فروع مذركير هنا.....قالوا بيجيبوها بعد اسبوعين....مشيت بيبي شوب لقيت واحدة لكن شاكة فيها ماعارفها تنفع للنوم ولا لأ لانهم قالوا لي للرضاعة بس؟؟؟هي شكلها قريب لل في مذركيرغايتو...

بلدى ياحبوب

31-08-2006, 07:44

شوفى يا رنويه انا الموقف البزهجنى بالجد فراغ النسوان يعنى هنا معاى فى كميه من النسوان الفارغات وما عندهم موضوع غير القوالات والسواطات وخلق المشاكل بالله بس حركات ستات الشاى عشان كدة انا حاصرة نفسى فى ناس معينه وبسسسسسسسسسسسس.
يا ناس انا عاوز اهاجر امشى اى بلد عاوز اطور نفسى حاسه انى اتخلفت فى السعوديه عاوزة احضر واشتغل ووووووو رايكم شنو؟
هومه انا عاوزة برضو زى فليم تقرير عن كندا ويا حبذا العندها فكرة عن استراليا؟

بلدى ياحبوب

31-08-2006, 07:49

كيفك فليمو ***** الله كويسه والنوم لقيتى ليه حل .. وكل الاستعدادات تمت للولادة وما قلتى لينا ماما جاياك؟

rnoya

31-08-2006, 08:19

بلدي يا حبوب والله حوالي كميه من الناس بتكتل في النمل!!!! انا ما فاهمه الهباله دي لزومة شنو؟؟
فليم جميييييييييييل ردك بتاع عرفت لكن ما حكلمك..رد ساطوري..والله انتي معلمه وساطورة متنكرة صدقي؟ خخخخخخخخ
ذكرتوني بالردود الساطوريه عمي متوكل اكبر ساطور في التاريخ: مرة في المواصلات وحده هي سمحه لكن متسببه قالت ليهو بتعاين لي مالك؟ قام طوالي قال ليها ما اعين ليك اصلك بتستحمي؟ خخخخخخخخخخخ
ومرة لبس ليهو قميص برتقالي لونو ما حلو فقلت ليهو غيرو قال لي ليه قلت ليهو لونو كريه قال لي انا عاجبني قلت ليهو لكن ما حيعجب الناس قال لي شفتي الوهم الحايمين بره ديل؟؟ ما بسوو عندي الجزر التربيعي لي بني ادم!!! والقميص ما حغيرو واحسن تشوفي ليكي شغله عشان ما اقبل عليكي طبعا طوالي انسحبت خخخخخخخ
ومرة تانيه جه داخل من بره وكان قاعد راجل سمج كده متوكل ما بحبو قام دخل وما سلم وقلع هدومو ولبس عراقي واتشنقل في السرير وقعد يقرا في جريده قام عمي السغير قال ليهو ده فلان يا متوكل فقام متوكل الساطور زح الجريده شويه وقال ليهو عارف!!! وواصل قرايتو خخخخخخخخخخخخخ
لقيتوهو كيف؟
طبعا مرات كتيره بتمنى اني ابقى متوكل عشان اندم البتهابل معاي
انا برضو بكره الاسئله زي مرتبك ومرتب زوجك؟ وبتستخدمو مانع شنو؟ والاسئله عن علاقتي بيهو الخاصه والعامه؟ وفرتكتي خطوبتك من فلان ليه؟ وحامل ولا لأ؟ حامل بي ولد ولا بت.. نسابتك عندهم شنو؟ ابوكي بصرف كم؟ عمتك فلانه ما عارف شنو...والاسئله الشماريه عموما بتزهجني شديد يعني لما احس انو الغرض من السؤال الشمشرة ليس الا..
الباقين ردودكم وين؟

هدويــــــــــــه

31-08-2006, 20:32

الناس الوهم والكرور مافي السعوديه بس لحدي هولندا واستراليا وكان طلعت القمر في بس الله يعينا وناس الشمار ديل بقا من ماجيت وهم متلحني اههه اسكتو ساكت من قريب تلقى حماتك حفظها الله ومن بعيد الشرزمه بتاعتها

ماريا الطيبة

01-09-2006, 00:51

سلام

ماريا الطيبة

01-09-2006, 01:16

سلام مربع للاحلى بنات
كيفكم وكيف اخباركم يا حلوين
سامحونا بس النت ما عارفة مالوا مرات بيفتح في عالم حواء ومرات بيطنش
طلع عيني وروحي الي بيغيظ في الموضوع انوا بيدخل في كل مواقع الي الموقع هنا

المهم انتم عارفين انا لحد هسي ماارتحت من يوم ماوصلت امي
شغل البيت و الضيوف المزعجين واكره شي في الحياة عندي الدخان
كل يوم امي قاعدة تتدخن امس قلت ليها حاتصل في خالتي واشاكله ليه ما دخنتك هناك الين ما تشبعي
وامي قايمة في كركركركركركركركركر قالت انا اتدخنت بس الريحة راحت مني وحبيت اجدد
ياناس بااكره الدخان وامي تقول لي مادام حتتزوجي سوداني ولا ارتري لازم كل يوم دخان
قلت ليها لو بيموت مااباقوم وباادخن والحمد لله العريس ما يبحب ريحة الدخان خير شر

انا طبعا قريت كل ردود ونفسي ارد عليكم واحد واحد لكن الشكوى لله
يابنات نفسي اقابلكم طفشت اني اكتب من دون مااسمع صوتكم او اشوفكم
بلدي ووطني دولا تقريبيا سهلين لانهم جنبي ممكن حااشوفهم ان شاء الله
وحدة في شرق بلدي والتانيا في الغرب وطني ما ناوية تنزلي في جدة

ورنوية سمعت صوتها وهي ومجنونة وريحونة ان شاء الله حااشوفهم في السودان السنة الجاية

لكن فليم وهوما وهدوية و ام صالح وجيلا انتم حااشوفكم كيف

حنكون معلقين كدة معلقين في النت بس
ياربي متين حينتهي الغربة دي ونرجع لي ديارنا وانا وحشتني هواء كسلا وجبل توتيل
رغم امي بتقول حتقعد قبلكم في السعودية بتقول لي اتغيروا الناس شديدة ما صاروا زي زمان كل واحد شايف الي في يد غيروا وما بيشوف ايش في اايدهم صاروا بتاع شمشر و مشاكل بس
ياحليل ناس زمان بتاع السودان بسيطين ومتواضعين بيحب يااكلوا مع بعض ويتونسوا مع بعض وقلبهم على بعض واذا تعب واحد يتعبوا كلهم لكن هسي كلهم اتغيروا

طبعا العريس في قيد التفكير لسه رغم صح كلامها لبلدي انا متاكدة ابوي كان عرف موضوع زي دا ما حيرضى بكلام دا ابدا رغم هو لو اتقدم حيتقدم مع اهل امه ويمكن بعض من اعمامه>>>حلوى الفصحى
لكن هو كمان على كلامه بيقول لي زوجتي حتعاشر امي اكتر من انها تعاشر ابوي فلازم اجيب وحدة تكون مناسبة لامي
ومااكدب عليكم انا من سمعت كلامه ارتحت لاني قدرت اطمن لو مثلا ابوي وامي كبروا من حيشوفهم صح عندهم اولاد غيري لكن انا برضوا مااحطمن لازم حااخليهم يسكنوا جنبي عشان اكون متطمن عليهم وزي ما هو بيحب انوا تكون امه راضي عليه حيحب نفس الشي اكون اتجاه امي وابوي
لان في زمنا دا نادر تلقى الراجل يخليكي على راحتك مع اهلك

على كل الي ربي كاتب حايحصل وكل شي قسمة ونصيب والواحد ما بيعرف الخير وين بالضبط

رنوية دايرة اقولك خليكي من الناس الشمشار وطنشيهم واي واحد بيسالك اسئلة السخيفة دي طنشيه وما تردي عليه وقتها حيعرف قدر نفسه

واما الاسرارك زمنا دا صعب جدا واسمعي المثل دا(( خليها جو القلب وتجرح ولا تطلع لبرة وتفضح ))
انا صرت ماابكلم اي احد عني حتى ابوي ما بيتكلم ابدا وعمره ما طلع سر لبر وكلن بنقوله انتي بير غميق الواحد ما بيعرفك ابدا بيقول ما كدا ااحسن الواحد بيرتاح

يلا سلام وان شاء الله ارجع بسرعة

هدويــــــــــــه

01-09-2006, 20:56

ween ento ya shabab alkames safga wo ragees

هدويــــــــــــه

01-09-2006, 20:59

marea wo ana kman nafse ashofek ana jaya jeedah gareeb

ماريا الطيبة

01-09-2006, 22:12

خلاص هدوية انا منتظرتكٍ وان شاء الله اشوفكٍ عما قريب
انتي متى جاية لان في احتمال رايحة جدة اخر رمضان ان شاء الله

rnoya

02-09-2006, 06:11

تاني ازيكم؟
مشتاقين والله
يلا يا ماريا ما مسالة اسرار يعني اذا الموضوع سر ما بطلع لكن ونسه في حاجه خاصه يعني خاصة بي انا ما ونسه في السياسه او الطقس لزومو شنو القى الكلام بي ضبانتو في حته تانيه؟؟؟؟
هدويه جمييييييييييييله حماتي وشرزمته دي خخخخخخخخخخخخخ
يا بنات تفتكرو حتكونو حموات ظراف مع نسوان اولادكم ونسوان اخوانكم؟؟
غايتو بالنسبه لي انا ما حكون ظريفه لكن حكون في حالي الااااااااا وفيما عدا مع مرت محمد اخوي تعبت معاي خصوصا كان عرفت انها حاقرة بيهو ياااااااااااااااخي حاتخصص فيها حاخلي بيتي واشيل شنطتي وامشي اقعد معا اخوي في بيتو وانججججججججججججض اهله خخخخخخخخخخ
لكن اقول ليكم ليه..علاقتي بي حمودي بتختلف عن علاقتي بي اخواني الباقين لاني بحبو جدا وهو برضو وفي نفس الوكت هو زول صادق كده وحساس وشفاف ولسه ما قادر يفهم انو الدنيا دي فيها ناس كعبين..تقوم تجي وحده تعزبو؟؟؟ وانا حية ارزق؟؟؟ والله تعبت معاي دقست خخخخخخخخخ
هدويه والبنات البره كلكم تاني بعيد ليكم بختكم..البتشوفوهو من سماجة الناس برة نحن بنلاقيهو هنا 24 /7 في الاسبوع!!!! يعني بعد سنتين ضغط وسكري جااااااااهز
لكن على الرغم من كل ده في عمري ما فكرت اني اطلع برة السودان!! ابدا ولا حابه اعيش برة ما عارفه ليه..لكن نفسي اسافر..زهجت..سنتين ما سافرت حته خلاااااااااااااص قربت اكورك..
الباقين وينكم؟؟

ماريا الطيبة

02-09-2006, 15:39

رنوية الناس حبيبتي مالاقين الكلام عشان كذة بيتكلموا بحق الناس عشان بس يلاقوا موضوع يتكلموا فيه ويتشمشروا

هسى يابت انتي خوفتيني انا العريس طلعت عينه وكرهت عمره هسى حماتي حتطلع عيني تتوقع

يابت هسه كان طلعتي عينها هي كمان ما هتطلع عين اخوكي عشان كدة احترسي وبعدين اخوكي يقولكي خربتي بيتي وحيزعل شديد منك

اما انا متاكدة اني حااكون حماة ظريفة >>>>>>>>> وحدة واثقة من نفسها شديدة

ماريا الطيبة

02-09-2006, 16:51

بنت خالتي ولدت يا بنات نسيت اقولكم
والي عندها اي سؤال عن ابرة الظهر والطلق الصناعي تسال عشان اسالها لان اخذتها في الولادة هذي بس ابرة الظهر ورمت جسمها كل منفوخه
ونسيت اقولكم ما شاء الله جابت ولد يجننن ما شاء الله سمته محمد

ريحانة الحياة

02-09-2006, 19:11

إزييييييييييكم .:).سلام على السريع ...للكل و بدون فرز ... المنتدى مالو اليومين ديل ؟؟؟... طبعا انا داخلة كده بدون اذن و لا شي على الماشي يعني كل ما يكون للبابا عندوا شغل بقول ليهو خليني انا انا فاضية بعمل ليك و بلقاهو وصل النت و بجيييييييييييييكم :) :) و لكن ما عارفة امكن يبطل الحكاية دي و يكمل من محل الشغل ... :( و يلغي الحكاية دي لأنو الكمبيوتر معاي في الغرفة شايفين .. المهم ... هدوية حمد لله على السلامة و كمان عودتك ... وكمان ماريا حمد لله على سلامة بت خالتك.و باقي البنات ...ناخد المهم ...رنو ..بالنسبة للمواقف فردودك تمام ياخ ... شوفي انا قلت احاول اجرب ردود الشماسة ديل لكن عارفة ابدا ما بتجي معاكسة معاي بحس شكلي غلط فأحسن اكون على طبيعتي أحلى مليون الف مرة من الكلام الي ما بيني و بينو وصلة ... بقول يا جمااااعة المدرسة بكرة يعني حالتي صعبة و انا لسه حاسة انو في شي غغغغغلللللللللللللللططط يعني من الفرحة و السهر للدح و التعب و انا ماخداها كانو طلعة الصباح او فسحة يعني ما حاساها ابدا انو في مدرسة ... و كمان كل سنة و انتو طيبين رمضان قرب يوم 24/9/2006م إن شاء الله .....غايتو دعواتكم لي ما تنسونا يا جماعة ...... حتوحشوني:( لكن بحاول اخد شماراتكم و اخباركم لكن ....في امان الله و إلى لقاء قريب بإذن الله ..:26:

ماريا الطيبة

03-09-2006, 02:47

سلام ريحونة
حبيبتي خلاص لازم تنتبهي لدراستك هسي بس كمان طلي علينا في كل فترة وفترة وما تنسينا
وزي ما قلتي ليكي زمان لازم تمتعي بدراستك دي اخر سنة دراسة واخر مرة حتشوف صحباتكٍ

والمنتدى حتى معاي صاير مخستك

بنات وينكم كدة مختفيين

ماريا الطيبة

03-09-2006, 08:39

الله وينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

ماريا الطيبة

03-09-2006, 23:34

اخص عليكم يا بنات وين انتم كذة مختفيين

هانم جاردن سيتي

04-09-2006, 01:19

:26: :26: :26: :26: :26: :26:
السموحة خواتي بس كنت اتصفح في النت إلا اشوف ملتقى حواء السودان
هلا والله بالسودان وبأهل السودان ،ترى على فكرة انا احب السودانيين واااايد لانهم حبوبين وطيبين وعلى طبيعتهم .... على فكرة الدلكة مالتكم اموت عليها لانها تخلي الجسم نااااااعم

بس حبيت اسلم عليكم

هدويــــــــــــه

04-09-2006, 09:52

weeeeeeeeeeeeeeeen ento moshtageeeeeen mareai ehtmal gabl ramdan
arfa ya ranoia ana gane daget ayam alheml mn altawatoer al ze da

هدويــــــــــــه

04-09-2006, 09:53

ya gama33 faleemo weldet wala shno???? ranoi ha3rsel lik alnemra wa al E

flame4me

04-09-2006, 09:58

صباح الخير يابنات....مشتاقين جد..سوري على الغيبة دي لكن كان عندنا ويكند طويل شوية هنا بمناسبة العيد الوطني....
رنو..شفتي انا مشروع ساطور ناجح دايرة بس اللي يكتشفني وينمي موهبتي الفنية....عالمنا اليومين ديل الحكمة السائدة فيه كن ساطورا والا قطعتك السواطير التانية....عمك متوكل ده ماشا ءالله عليه حقوا يفتح مدرسة للكورسات الساطورية جد عجيب..عجبتني جد بتاعة ما اعيان ليك هو انتي بتستحمي .....جد دي ابداع......:26:
هدوية حبيبة كيفك؟؟..ياحليلك حتي في هولندا حماتك واصلك..وانا الكان عندي أمل انو لو لو الواحد بعد يمكن يسلم.....يازولة....الواحد يحتسب بس ويعمل العليه والمحنة ماغصب..الله يقدرنا بس ونستر مع العالم دي.
ماريا العسل...احبارك شنو...؟؟؟الدخان شر لا بد منه غايتو..انا اسي فاتحة ليه وللحنة لكن ناوية ابقي شيدة سودانية محترمة بعد ده واتدخن واتحنن واتمسح بالجلسرين والمع لمع...مستنية بس اختي تجيني واوريك اللوك الجديد حقي....ده كلوا بتشجيع من رنو طبعا.....غايتو ربنا يقسم ليك ود حلال ماعندو شديدة في الدخان وامورك تمشي تمام.....خالتو كيف اسي..واستلمت مهامها ولا لسه؟؟؟؟
العريس ما منو جديد...زي ماقلنا ليك..استخيري ومافي زول عارف الخير وين....وربنا يهديك للي فيه مصلحتك....انا ياعسل ان شا ءالله نازلة السودان شهر واحد بعد ما السيد كريم يشرف بأذن الله......بتكوني هناك الوقت ده؟؟ياريت جد لانو نفسي اشوفك يا ميمي.....:26:

flame4me

04-09-2006, 10:02

رنو يا ساطورة..ليه بس ناوية تبقي حماة شريرة؟؟؟؟ليه الشر ده....؟؟انا اخوي واحد واصغر واحد فينا وباحبو جد......وناوية ابقي اخت عريس طيبة وعسل واشيلها في عيوني مرتوا......انا لسه بأؤمن انو المعاملة الطيبة بتجيب نتيجة......اما ولدي ان شا اءلله.....برضو حاكون كويسة...لو حسيت بيها عملت كده ولا كده.....بافتح ليها لكن ولدي حبيبي يجيني ويسكن جنبي ويراعيني...اسي بقيت راجلي اصلي ما باقول ليه اي ولا لأ لو ماشي لأهلوا...خليه يمشي ويقعد ويونس ويطلع معاهم..كبلوا الا كوكي بعدين يقوم ما يجين ومرتوا تملأ ليه رأسوا.

flame4me

04-09-2006, 10:03

ريحانة..وانتي طيبة ياعسل..السنة الجاية برلومة في جامعة الخرطوم طب بشري......آمين....ماتشيلي هم شوية شوية بتدخلي في موود المدرسة والمذاكرة...شدي حيلك سنة ماهينة الله يعين بس.....

flame4me

04-09-2006, 10:04

هدوية....صباح الفل......الاخبار شنو..احكي لينا قصصك يابت شكلوا حصلت ليك افلام..وحماتك الصاروخية وصلتك كيف في هولندا..يلا مستنينك.......:26:

flame4me

05-09-2006, 11:22

weeeeeeeeeen yu shabab??3motoha zahara jd

rnoya

06-09-2006, 06:19

بشكااااااااااااااااااات يا بشكات
كيفكم
مشتاقين طن كده
طبعا ما كان عندنا نت في المكتب لانو كان في عطل لكن بي شق الانفس اتصلح
المهم انا رايقه وفي كامل جمالي ونفسيات الف
يا فليم متحننه ومدخنه وزابطه الحواجب في المك نمر
عشان كده عندي احساس انو الدنيا حلوة خخخخخخخخخخخخخخخخ
هدويه انا ما ظن حاستنى احمل عشان يجيني ضغط!!!! شكلو مشرف قريب..والله يا بنات لو تعرفو المرة المتزوجه بتكون مضغوطة كيف في البلد الرهيبه دي؟ خصوصا لو كانت شغاله!!!!
طيب اشرح ليكم ليه حاتكاعب مع مرة محمد..زي ما قلت ليكم محمد ده اطيب انسان في الدنيا واكتر بني ادم شفاف الله خلقو وبيتهيأ لي انو حيعرس مرة كريها حتغشو وتدقسو ويعرسا يلا لوووووووووو تاني: لووووووووو الكلام ده حصل يعني لو لي لحظه حسيت انو بعاني منها تعبت معاي..نحن ما مشكله..ما ضروري لا تحبنا لا تعاملنا كويس لكن الله يقدرا تهبش محمد بقرمش عضامه بت الكلب خخخخخخ
لكن الكلام ده بس مه حمودي اما الباقين فما بتخاف عليهم بالعكس دايما حكون في صف مرة مهند لاني متاكده انو كل يوم حيشلتا خخخخخخ
تاني شنو
تاني انا ما لاقيه ملايات كانون في السودان الجميل الفتان ده اااااااااااااااه عندي نقص كبير في الحته دي يعني ملاياتي كلها سمحه ما حقت فرش ودعك وغسيل العندها شمار كانون تجيبو لي
يا خوانا اما فاقده ام صالح والله..يا ربي عامله كيف؟؟ دقايق واجيب ليكم شماره
وبالله عليكم الله اظهرو خلو الرمتله

om salih

06-09-2006, 07:49

رنووووووووووو ازييييك
شفتي الدقايق بتاعتك سريعة كيف ؟ بسرعة جابتني
مشتاقة ليكم جدا جددددددا

بلدى ياحبوب

06-09-2006, 08:08

ازييييييييييييييييييكم يا بنات كيفكم واخباركم ليكم وحشششششششششششششه...
ام صالح كيفك ونور المنتدى بيك وطمنينا امتحنتى كيف..
يا بنات غبت منكم الايام الفاتت بتى كانت عيانه ونومونا فى المستشفى والله كان شفتوها تحنن غايتو بكيت بكاء ومركبين ليها المغذى كان عندها جفاف من الاستفراغ وكمان اتشنجت لى ما عرفت اعمل شنو اتصلت لى ابوها وعلى طول على المستشفى غايتو هسه احسن بس اكل مافى غايتو ربنا احميها لى.

rnoya

06-09-2006, 08:08

ام صالح يا فرده ازيك؟؟
والله مشتاقه ليكي حتى استغيث برجال الاطفاء !!!
وين انتي ؟؟ وكيف الامتحانات؟
طبعا المراسله الناجح ده من الصباح طافش كنت عاوزة ارسلو يجيب كرت عشان اضرب ليكي
مالك قطعتي كده ؟ خبرك شنو؟؟؟

بلدى ياحبوب

06-09-2006, 08:11

هلا بيك هانم قاردن ستى وحبابك عشرة وشرفتينا وابقى زورينا تانى

om salih

06-09-2006, 08:18

بلدي سلامات المنتدي منور بوجودك يا رائعة
اعملي حسابك من الجفاف في الاطفال ما حاجة سهلة والحمدلله علي سلامتها
وكويس انه وديتوها طوالي وكيف هي الان
رنو ازيك يا عسولة
يا بنات دا مرور سريع انا لسة ما امتحنت الامتحان يوم التلات الجاي :(
الله يستر شكلي كدا حارمي طوبته
سلامي لباقي البنات

rnoya

06-09-2006, 09:22

بلدي يا حبوب سلامته بتك...ووووووووووووب علي الفرافير الصغار ديل عياهم حار خلاص بس ذكرتيني لما حمودي اتشنج كنت دايرة اموت ودخلت في حالة هستيريا وقعدت اكورك زي المجنونه لاني افتكرتو مات(بعيد الشر وربنا يخليهم لينا)
ياخ الف سلامه وان شاء الله بتبقى كويسه بس اوعك من الحمى عدو الاطفال الاول يا بلدي اقل ارتفاع في الحراره طوالي اجري بيها وببعدين ما عايزة اخوفك لكن بالليل حاولي تركزي معاها لانو النوم سلطان وما معروف البحصل شنو انا سالت الدكتور لو ما كنت صحيت بي محمد كان حصل شنو قال لي قولي الحمد لله انك صحيتي بيهو كان ممكن ما يصبح حي اهئ اهئ اهئ
ربنا يعافيها ويحفظه ليكي يا رب

rnoya

06-09-2006, 09:24

يا ام صالح مافي مشكله
بس اجتهدي والباقي على الله..ما معروف البحصل شنو
الله معاكي

فارسة حواء

06-09-2006, 11:34

هلا حبايبي بنات السودان انا آسفة على الدخول على الملف بس كنت ابغى اسالكم صديقتي سودانية وقالت ان العرايس عندكم يستخدمون خلطات للتبيض من الكريمات واشياء اخرى ياليت وحده منكم تجاوب على سؤالي وتقلي بعض هذي الخلطات اللي تصفي البشرة وتبيضها والله بدعيلها من كل قلبي وانا عارفة انكم ماراح تقصرون مع ضيفتكم فارسة حواء مشكورين حبايبي 00
تحياتي لكل بنات السودان اللي معانافي الدردشة وسامحوني مرة ثانية 000

مجنونة أمها وأبوها

06-09-2006, 20:38

بسم الله ما شاء الله عيني باردة
دا شنو كله؟
مشتاقييييييييييييييييييييييييي يييييييييييييييييييييييييييييي يييييييييييييييييييييييييييييي يييييييييييي ( لغاية شارع الصحافة زلط ) يييييييييييييين

عارفين ايام الشهادة والمراجعات الأخيرة – طبعا كلكم عارفين حكاية دك المراجعة دي – المهم كنت بدك ما بمشي
والبنات يضربوا لي يقولوا لي الليلة المراجعة فااااااااااتتك استاذ فلان ابدع وبالغ وعمل وسوى
بس يومي الانزل الاساتذة يغيبوا او تكون المراجعات هايفة
لمن بقى اسمي الرسمي : كج !!!!!!!!خخخخخخخخخ
اول ما دخلت ما في زول بيجي واول ما اختفيت ....... سبعة صفحات ما شاء الله!!!!
الظاهر انا كج فعلا
ولا فلفل سحرنييييييييييييييييييي؟ ههههههههههه ما تاكليني بهظر معاك

رنو
وين نمرتك يا ساطور
اعملي حسابك والله براية في الدنيا دي زيي مافي
وحاسبي انا بت (ركيكة بالقاف لو فهمتيني قاصدة شنو ) ما اقوم افقع ليك مرارتك يا ساطور خصوصا ردود الرباطاب بتاعتك دي ( بلدي ما تزعلي ما قاصدة حاجة والله )
بالمناسبة جربت دقيت قبل كدا واكتشفت اني بعرف ( يعني كمحاولة اولى ممتازة جدا والحمد لله ربنا سترها معاي كانت جنبي بت عمتي تعجبك في حاجة اسمها دق قلنا ليها شغالة مع حوا الطقطاقة ههههههه كانت اول ما دقتي تشتر تجي تلحقني
أسئلتك ما حصل لي أي موقف من ديل ........ ما عارفة هاتصرف كيف
فليم
ازيك يا عمري
كيفك مع كيمو ( هييييييييييييييييييييييييي للمعلومية حاجزاه ) هههههه

وطني
وينك يا حبة
برضو كيمو بتاعك انا حاجزاه >>> الاخت باين عليها شاربة شاي بلبن شغالة حجز سااااااااي

هوما العسل كيفك؟

هدوية
سلام عليكم
بوسي لي حياة

بلدي
تعظيييييييييم سلام
الجامعة دي خليها انا حكاية الهدوم لقيت لي فيها حل
لكن شكلي هاحول من الماث
يا طب يا معمار
والله عمري ما حسيت اني ضايعة كدا
سلامة بتك ان شاء الله خير

ريحونة وام صالح
وينكم يا بشكات
ادخلوا دخول محترم تاني
ام صالح الله يوفقك وتجيبي اللي انت عايزاه

ماريييييييييييا
ازيك يا مرمر ههههههههه
واحشاني مووووووووووووووووت
منتظراك بفارغ الصبر السنة الجاية ويا ويلك لو ما جيتيني
والله بحرش ليك ساطور خخخخخخ
صحي مباااااااااااارك حمودي يتربى في عزكم ان شاء الله ويكون ولد صالح
(ما تقولوا مبروك لأنها مفعول من برك يبرك يقولون بركت الدابة وبرك البعير>>>> عاملة سيبويه)

فارسة حواء

06-09-2006, 23:11

ماكنت احسب انكم رايحين تطنشون طلبي يابنات السودان على العموم جازاكم الله خيرا 00

rnoya

07-09-2006, 05:30

وعليكم السلام يا فارسة حواء
بس عن نفسي اول مرة اقرا اسمك
اطلبي واامري وفاااااااااااااااالك طيب
كله ولا زعلك

rnoya

07-09-2006, 05:40

سوري يا فارسة توي اقرا السؤال والله ما انتبهت
شوفي حبيبتي الحريم المهابيل ذولا يخلطون شوية كريمات اللي فيها كورتيزون وتكون قوية المفعول مع بعض ويحطون اشياء عجيبه ما انزل الله بها من سلطان مثل مرهم التهابات العيون مثلا ويعبونه في علب ويبيعونه عليكي رخييييييييييييص اوكي بتبيضين بعد اسبوع بالكثير بس بعدين ولا احترق جلدك واسود ولا تبقع!!!! انا شخصيا تزوجت ومااااااااااااااا فكرت ابدا اني استخدم خلطات التبييض الكيميائيه الخايسه هذي
نصيحتي استخدمي انواع الدلكه السودانيه هي مثل سكرب ريحته حلوة تنععععععععم بس للامانه ما تبيض
هذا اللي عندي واذا بعدك مصرة عادي اشتري لك خلطة تبييض وارسلها لك وعلى مسؤوليتك!!!!! يبيعونها في السكيكك وفي بيوت الخدام عندنا!! تلعب عليكي صديقتك السودانيه هذي ولا كيف؟
فكري وردي علي
وانا في الخدمه في اي شي بس اشري بصبعك الصغير..
نورتي ملفنا

rnoya

07-09-2006, 05:48

بلدي يا حبوب اها البنوته ازيها واصبحت كيف؟
مجنونه كيفك؟؟ فاهمه والله احساس الضياع ده انا وحده من الناس غيرت كليتي 3 مرات قبل ما ارسى!! لكن انا كنت بدرس عشان اتونس وابرمج ما عشان يكون عندي مستقبل!! لكن انتي زولة مستقبل يا زوله ركزي كوييييييييييييييس في السبورة
ام صالح شكلك مزنوقه زنقة حرامي في بيت عزابه..كر علي..قربتي ..معليش اكربي
وطني وهدويه كيفكم؟
هدويه عليك الله احكي لينا عن هولندا دي..انا شخصيا ما بعرف عنها حاجه غير انو نطقها زي بولندا خخخخخخخخ

فارسة حواء

07-09-2006, 05:51

rnoya مشكورة ياعسل انك رديتي على سؤالي بس هي لو تشوفيها بشرتها ماشاء الله تقول تسويلها تقشير وتستعمل كريمات كمان بس تمدح خلطات السودانيات كثير 00
وجازاك الله خيرا حبيبتي واسعدني التعرف بك 00

فارسة حواء

07-09-2006, 05:53

اختي لو سمحتي ايه افضل دلكة عندكم عشان استخدمها وكيف طريقتها 00

rnoya

07-09-2006, 06:31

هلا عيوني
رديت لك علخاص

om salih

07-09-2006, 06:38

سلااااااااااام سريييييييييييييع
اكتشفت ليكم اتنين سودانيات تانيات في المنتدي
واحدة عايشة في كندا وواحدة ما ذاكرة مكانها بس واصفاهو بالغربة
انا لو فاضية كنت مشيت اتعرفت عليهم ودعيتهم للملتقي بس للاسف :(
رايك شنو يا مسؤولة العلاقات العامة رنو اديكي روابطهم وتصليهم وتعزميهم ؟؟؟؟؟؟

فارسة حواء

07-09-2006, 06:39

الف شكر يالغالية 000
تحياتي لك اختك فارسة حواء00

rnoya

07-09-2006, 06:42

طوالي يا ام صالح
يلا رسلي الروابط

om salih

07-09-2006, 07:01

رنو رسلت ليكي علي الخاص

rnoya

07-09-2006, 07:13

علم ورسلت ليهم رسايل ودعيتم
دايره اسالكم
هدندويه وين؟

وطني السودان

07-09-2006, 07:33

ازيكوووووووووم يا بنات كلكم بدون فرز
مشتاقة ليكم شديد
معليش قطعت منكم
لكن الايام الفاتت كنت مشغولة شديد
وكان عندي موضوع كدة باحلحل فيهو والحمدلله تم على خير..
يلا حبيباتي بارجع ليكم تاني برواااقة ......

flame4me

07-09-2006, 08:25

صباح الخير يابنات؟؟؟أخباركم شنو؟؟؟؟
بلدي الف سلامة على بتك جد يارب تكون كويسة اسي ياحليلها....ربنا يحفظها ليك يارب وترجع زي الأول وأحسن....اسي كيف بدت تاكل ولا لسه؟؟طمنينا عليها حبيبة بليز....
أم صالوحي ياحليلك قربتي جد..زكرتيني بماما...عملت ليها افلام ماستر كده قبل سنتين وكل مرة تجي تقول انا الخلاني اعمل كده واخش في افلام القراية تاني شنو.....يلا بعد جرستها دي جابت مرتبة الشرف الأولي ماشاء الله عليها ......بيني وبينك القراية صعبة بعد الجامعة لكن يابت انتي لسه على البر وخفيفة....ماتتجرسي انا متاكدة انك انك ان شاء الله حتنجحي وتجيبي نتيجة حلوة كمان.....
رنو ياعسل....صباح الخيرات ياخي....
مجنونة يا كج ياركيكة انتي.....اموت انا في الركيك والركة.......اها قلتي حاجزة كوكي..يلا اقيفي في الصف لو سمحتي وجيبي معاك السيرة الذاتية حقتك وسيرة خالتو(امك الحبيبية) انا اهم شي عندي الحماة الطيبية.....بخصوص الطب ولا معمار طب طوالي معمار دي ما بتاكل عيش بقت.....
هانم قاردن سيتي....وفارسة حواء...شرفتونا حبيباتي...وبالنسبة للكريمات اعتقد رنو كفت ووفت....
وطني...وين الغيبة دي..وكريمو كيف؟؟؟؟قربتي خلاص يابت......ربنا يحلنا بالسلامة كلنا....
جيلا..وين انتي...اتصلت بيك امبارح ومارديتي..بليز اتصلي بي في البيت واي وقت اوكي دايراكي ضروري....
هدوية..وين انتي؟؟؟؟هوما..اختفيتي كده وين؟؟؟؟
ريحانة شكلك دخلتي في المود خلاص........اظهري لينا شوية يا عسل

مجنونة أمها وأبوها

07-09-2006, 15:15

ازيكم يا حبوب ( جمع حبة ههههههههههههه )
تابعتوا اغتيال محمد طه محمد احمد بتاع جريدة الوفاق؟

فلفل
ما تخافي انا امي طييييييييييييييييييييييييييييب ة ومسكيييييينة
الخوف مني انا هع هع هع

هانم قاردن سيتي
شرفتينا يا قمر

فارسة حواء
لا ما طنشناك حبيبة
ادخلي قسم البشرة واعملي بحث عن اللخوخة والدلكة ( قريت موضوعين عنهم هناك )
لكن اظن رنوية ما قصرت

آي اتذكرت
في عضوة اسمها ماما حبيبتي
اظنها سودانية وعزمتها
ان شاء الله تجي

الباقين سلام كلكم واحدة واحدة
سلام سريع عشان مستعجلة ما تزعلوا

هدويــــــــــــه

07-09-2006, 15:57

weeeeeeeeeeeeeeen ento likm wa7sha ana mashgola ma3 hayota endaha nazla mota3ebaha da3watkm
salame li kl al sa3l mne
flim hamate ma benfa3 kda daera talfon kaaaaaaaaaaaaaaaaareb

بلدى ياحبوب

07-09-2006, 17:21

ازيييييييييييييكم يا بنوتاااااات ويا حريم كيفكم كللللللللللللللللكم.
مشكوريييييييييين حبيباتى على السؤال عن بنتى وهسه هى الحمدلله بقت كويسه يعنى رجعت تلعب وتاكل لكن دخلت فينى خوفه شديدة الله اديها العافيه.
ام صالح كيفك حبيبه وكيفو صلوحى وما نوصيك بطلى الجرسه وشدى حيلك؟
رنويه كيفك يا عسل والله زى ما قلتى العيال بجرسوا تصدقى انا بقيت وهى نايمه اصحى اعاين ليها قلبى خفه.
فليمو كيفك وكيف كريموا خلاص اختك قربت تجى ابسط يا عم.
وطنى كيفك وابقى اظهرى تاااااااااانى.
هومه وينك انشغلتى مع المدارس.
ماريا كيفك يا عسل.
مجنونه كيفك ومتين الجامعه وبعدين دة شنو البحصل فى السودان ضبح بقى كمان؟ الله يستر.
ريحانه مسجله غياب.
جيلا وينك اظهرى.
هدويه سلامه بتك وخلى بالك منها .

samina

07-09-2006, 18:07

السلام عليكم انا كمان سودانية وفرحت شديد لمن عرفت انو فى سودانيات في عالم حواء والله مشتاقه ليكم شديد ومشتاقة لى ونستكم والله كدة يا دوب حسيت انو الغربة هانت علي انا مقيمه فى كندا متزوجه وعند

ى طفلين يا رب نتعارف مع بعض ونهون علي بعض الغربه ومشاكل الحياه

Homaa

07-09-2006, 19:53

سلالالالالام سريع ياحلوات

للحوامل والمتزوجات

والبنوتات الحلوات

المدلعين المرتحااااااااااااااااات

واحشيني كلكم واهلا وسهلا بهدويه وسمينا

وسلامه بتك يابلدي وان شاء الله ما تشوف شر

خلي بالك منها

ارقدوا عافيه

مجنونة أمها وأبوها

07-09-2006, 20:34

في شنو الحكاية؟
الدنيا دي كلها عيت فجأة

ألف سلامة على بتك يا هدهد

بلدي
حسب الكلية يا رمضان إذا ماث ولا معمار
وبعده مباشرة إذا طب

سمسممممممم
ازيك يا عسل شرفتييييييييينا
عرفينا بنفسك زيادة شوية
(بختك معزومة لكن انا دخلت بالصدفة >>> حاقدة خخخخخخ )

هومة القمر ازيك

rosewood

07-09-2006, 20:56

اززززززززززززززززززززيكم.....ك يفكم كلكم؟ و الله مشتاقة ليكم شديد و مرحب بالناس الجداد....معليش يا جماعة كنت مسافرة و نزلت الشغل طوالي و لقيت كمية مهولة من الشغل المنتظرني..كيفك يا فليم و كيف كريم (بالمناسبة أنا بحب الاسم ده شديد)؟ تكون بطنك كبرت بعدا، ربنا يحلك بالسلامة ان شاء الله...كيف يا بلدي يا حبوب؟ ما تخافي، لسه ما عرست :) كيف أعرس و ما أكلمكم و ما أخد النصايح :) الف سلامة للبنوتة، ربنا يحفظا ان شاء الله...شكرا يا ام صلوحي على السؤال و ربنا يوفقك ان شاء الله في الامتحان، قربتي شديد والله، طمنينا عليك بالله... مسكينة يا ريحانة بديتو خلاص، يلا شدي حيلك و تجيبي نسبة رهيبة كده و نفرح بيك...
دي دقة سريعة يا جماعة لحدي ما اقرى الفاتني و أتعرف على الناس الجداد...
سلام شدييييد للكل...

مجنونة أمها وأبوها

08-09-2006, 13:37

من امبارح روز وود بس دخلت.
اهئ
خلاص تاني بدخل مرة كل 3 ايام عشان القى ردود محترمة
روز وود ازيك

samina

08-09-2006, 22:32

السلام عليكم طبعا انا جديدة معاكم هنه وعايزه اعرفكم بى نفسى انا من مواليد امدرمان متزوجه لى تلات سنوات ونصف عندى ولدين الكبير عمره سنتين واربعة شهور والصغير سنه وثلاث شهور ومقيمه فى كندا رجعت السودان قبل اقل من سنتين اجازة واسه عندى اجازة اخر عشرة ***** الله يعنى بعد اقل من شهرين والله مشتاقة لي اهلى ولى ناس السودان شوق شديد ***** الله القاهم كلهم طيبين .اقول ليكم مع السلامة لانو ولدى الصغير شايلاه فى يدى وبكتب لقيتو نام ماشه ارقدوا فى سريره ***** الله المرة الجايه القى الردود كثيره وسلام لكل حبيباتى بنات بلدى وسلام ليك يا رنوية ورسلت ليكى رساله على الخاص ***** تكون وصلتك

rosewood

09-09-2006, 06:11

صباح الخير يا حلوات...كيف أصبحتوا الليلة؟ الويكند كيف؟
ازيك يا مجنونة أمها و أبوها و مبروك قبول الجامعة... أنا معاك يا فليم في المعمار ما بأكل عيش، الموضة في الهندسة الأيام دي كهربا لكن يا مجنونة أمها أبوها اذا حتتحملي مشوار الطب و قرايته الماتنتهي أقري طب و اتوكلي على الله....

ازيك يا سمينة، يعني ليه مسمية روحك كده:) طبعا أنا موضوع السمن و الريجيمات ده بكره :09: و ما عندي أي روح رياضية في المواضيع دي....المهم :) ، مرحب بيك و ان شاءالله الونسة هنا تخفف غربتك..في ياتو مدينة في كندا؟

رنو العسل ازيك..طبعا لقيتك خطيرة ما ممكن تكوني شهادة عربية أبدا!!! كيفك و كيف حمودي؟ و كيف عاملة مع الحياة الاجتماعية السودان؟

فليم، صباح الخير...كيف كان الويكند؟ و كيف كريم، بس ما يكون متعبك؟

وطني السودان، جيلة، هدوية؛ هوما، ريحانة...كيفكم؟ مالكم اختفيتوا أول ما ظهرنا :(

يلا لي بعدين... سلام شديد

rnoya

09-09-2006, 06:32

ازيكم يا بشكااااااااااااااااااااااات
واووووووول حاجه سلام مربع لاحلى سمينا ..اسعدني جدا وجودك وحضورك ونورتي الملف..
طبعا انا رنا من بنات الخرطوم-حي الصفا- ومتزوجه لي سنتين وعندي حمودي 11 شهر..
ومعنى انك من بنات امدرمان انك زوله ابو المكاسب وفرررررررررده شديد يا سلام كمان لو بقيتي من ناس ابروف ولا حي العمده ولا الملازمين الناس المفتحه ومولوده في مستشفى العيون..
حلاتم اولادك ربنا يخليهم ليكي..بس عايزة اسالك مبرمجه حياتك كيف وهم قريبين لي بعض في العمر كده؟ يمكن هسه ارتحتي شويه عشان السغير عمل سنه وشويه لكن قبل كده بتهيأ لي كنتي ممزقه؟ ولا شنو؟ والسؤال المعتاد البسألو لي اي وحدة عندها اكتر من بيبي واحد..كيف قدرتي تتقبلي انك تخشي بي وشك تاااااااااااااااني في اهوال الحمل والولاده؟؟؟؟؟؟ طبعا ما يفوتك عندي عقده وهي اني بفتكر اني اكتر مرة عااااااااااااااانت واتالمت في ولادته في الدنيا دي...
قريت الخاص واستني حارد ليكي هسه..
مجنونه ازيك..طبعا محمد طه مدير عمي متوكل الساطور الشهير هو برضو صحفي في الوفاق..
الموضوع ده السودان كلو بتكلم عنو يومييييييييييييا عشان موضوح الضبح ده جديد علينا..حقيقة حاجه مؤسفه وبشعه..ومدير جهاز الامن شخصيا متابع الموضوع ده..ومفروض الليله يكون في تصريح..
ما بفهم موضوع انك تعاقب الناس بالنيابه عن السلطة القانونيه والسماويه ده شنو!!! يا ربي الناس دي بتفكر كيف؟؟ عموما واحد من المعتقلين هو الشيخ عبد الحي الاهدر دم محمد طه قبل كده ة والمتهم الاول جماعة التكفير والهجرة بس لسه مافي اكيده..الشاهد انو الزول ده بهددوهو من 4 شهور وحاولو يكتلوهو كذا مرة..لكن معلوماتي انو زول فقري الله يرحمو وقوي شخصيه واصلو ما بخاف..
فليم..هدويه هوما روز وود الف سلام
شماراتي اني كنت فاطرة مع نسابتي يوم الجمعه
كان يوم رائع.......................... .............................. ............ اهئ اهئ اهئ
روز وود وسمينا شماراتكم علخاص (اسمك ورقم تلفونك وايميلك)
متابعه

rnoya

09-09-2006, 06:44

روز وود ردينا في لحظه وحده
شيكي الخاص
الباقين سلااااااااااااام

بلدى ياحبوب

09-09-2006, 10:45

ازيييييييييييييييييكم يا عسسسسسسسسسسسل و***** الله كلو فى محلو...
روز وود ازييييييييييك مشتاقين ونورتينا وكيف الاجازة ***** الله ممتعه تعالى احكى لينا بشماراتك.
سمينه شرفتينا ونورتينا وهلا بيك معانا وانا كمان من ام در بس ورينى من وين فيها .
مجنونه ورنويه كيفكم وكيف صباحكم.
هومه كيفك والعيال.
الباقين اظهروا.

بلدى ياحبوب

09-09-2006, 10:51

يا بنات رمضان خلاص على الابواب كل سنه وانتم طيبين

rosewood

09-09-2006, 11:14

ازيكم تاني...اها نهاركم كيف؟ انا الليلة استهتار شديد ما قادرة اشتغل، ما عندي أي مزاج مع انو مفروض ارجع نشيطة من الويكند لكن ابدا...غايتوا أي شغل أجلتو لبكره...

وانت بألف صحة و عافية يا بلدي يا حبوب..رمضان خلاص قرب شديد، عندي صحبتي ضربت لي من امبارح عشان نحضر برنامج المطبخ و الوصفات الجديدة، أنا بحب البرنامج ده في رمضان :) يحليلا بتهيأني لبرنامج العرس...

والله يا بلدي ما عندي شمارات كتيرة غير اني الحمدلله اتبسطت في الاجازة شديد، تغيير من الشغل و الحر الفي البلد دي...عرفت انك جيتي هنا لعرس أهل ان شاء الله اتبسطوا في العين..خسارة كان ممكن نتلاقى، لازم تكرري الجيه ما دام نسابتك هنا..أنا مستنية أم صالح تخلص الامتحان عشان نتعرف أكتر ما دام احنا الاتنين في مدينة واحدة!

رنو العسل، ما تمينا الشمارات..مستنياك..

أشوفكم بعدين يا حلوات..

مجنونة أمها وأبوها

09-09-2006, 20:46

بنات
خبر عاجل

القيامة قامت

عندنا في البيت لأني حولت طب وقبلوني في النيلين >> بالله
عويرة مش؟
سلام للكل

وطني السودان

09-09-2006, 21:24

مجنونة.........ها ها ها ها.... القيامة قامت عدييييل كدة .......
ربنا يوفقك ..لكن بالجد الطب قرف وعزاب... غايتو فكري كوويس ....
البنات حقو يمشوا الخاجات اللزيزة ناس مانجمنت ... وصيدلة والجماعة ديل
الشقاوة والتعب دايرة بيهو شنو يا بتي :42:
لكن لو دي رغبتك يا مجنونة .... ربنا يوفقك وحتنبسطي في الطب شديد
وما تشتغلي بكلامي الفارغ داك ... خخخخخخخ
:26:

روز وود ازيك يا عسولة .. وان شا ء الله نتعرف ببعض اكتر واكتر.. انا دكتورة اسنان ومتزوجة وعايشة في لندن ... وحسي حامل ودخلت التاسع لي يومين ... دعواتك معاي..

:26:

بلدي كيف يا عسل وكيف البنوتة ... شفقتينا عليها يومداك... الله يخليها ليكي يارب ويديها العافية

:26:

ام صلوحي القرايةكيييييييييييييييييييييي يييييف؟؟؟؟؟؟؟؟؟:30:

:26:

وطني السودان

09-09-2006, 22:59

فليمو مشتاقين شديد...........كيف عاملة وكيف كرومي .......... ؟؟؟ اخبارك كلها كيف؟؟

:26:

سامينا
ازيك ونورتي ........ وان شاء نتعرف بيكي اكتر واكتر

:26:

هوما وماريا وجيلا و ريحانة........ وين ما ظاهرين
:26:

رنويا الاخبار شنوووووووووو؟؟؟؟؟؟؟؟

rosewood

10-09-2006, 05:44

صباح الخير يا حلويين..
الليلة عندي كمية من الشغل :09: كلو من استهتار امبارح..الله يعين

1000 مبروك القبول يا مجنونة أمها و أبوها و ربنا يوفقك ان شاء الله و يسهل ليك قراية الطب...بس بالله عليك بعدين ما تقرفينا و تقولي لينا الليلة شرّحت زول زي ما صحباتي كانو بسووا لينا..

وطني السودان..صباح الخير يا عسل و سعيدة بمعرفتك..ربنا يوقمك بالسلامة ان شاء الله...أنا يا ستي قريت القراية اللزيزة زي ما بتقولي "إدارة أعمال" و شغالة الحمدلله، ما متزوجة لكن مخطوبة و العرس قريب ان شاء الله و عايشة في الامارات تحديدا في العين...

وينكم باقي البنات...اختفيتوا وين؟

يلا لي بعدين...أخلص كم حاجة كده و أجيكم تاني..