بالخطوات كيفية استخدام مخبز الخمير.. للخبز والفطاير!!

[*المسافرة*]

السلام وعليكم خواتي..

بهالموضوع حبيت أوضحلكم طريقة استخدام مخبز الخمير بالصور.. من كثر ماقريت أسئلة بخصوصه..

ممكن تسوون عليه خبز الخمير أو أي خبز تحبونه.. وممكن من عجينة الفطاير العادية تسوون خبز بالجبن أو بالزعتر أو ممكن بيتزا أو أي حشوة تبونها وتطلع بصراحة لذيذة أحلى من الجاهز..

هالمخبز من مميزاته السرعة والسهولة واللذة ومايحتاج زيت.. وسهل التنظيف..

يالله نقول بسم الله ونبدأ..

نعمل العجين دواير ونفردها

http://forum.hawaaworld.com/attachment.php?attachmentid=44 065&stc=1&d=1149778360

وعلى طول نحطها على المخبز من أعلى.. مثل ماقلت بدون زيت.. وعلى طول لازم نحطي اللي نبقيه.. سواء كان خمير نمسحه بالبيض ونرش عليه سمسم

http://forum.hawaaworld.com/attachment.php?attachmentid=44 066&stc=1&d=1149778360

http://forum.hawaaworld.com/attachment.php?attachmentid=44 067&stc=1&d=1149778360

أو بدل السمسم زعتر

http://forum.hawaaworld.com/attachment.php?attachmentid=44 068&stc=1&d=1149778360

واذا كانت عجينة الفطاير وتبون تسوون مناقيش.. فنمسح الخبزة بزيت الزيتون ونرشه بالزعتر أو جبن مبشور مع نعناع أو ممكن جبن كرافت أو لبنة وعسل أو حشوة البيتزا أو أي شي تبونه..

بعد دقيقة أو أقل تكون جاهزة.. وهذا من تحت الخبزة..

http://forum.hawaaworld.com/attachment.php?attachmentid=44 069&stc=1&d=1149778360

وننزلها بالطبقة التحتيه على الشبك النحاس.. ونسكر عليها وممكن بس نسكر عليها واحنا ماسكينة عشان نبعد الحرارة شوي.... بس مانخليها وايد وخاصة اذا فيها جبن بسررررعة تنضج..

http://forum.hawaaworld.com/attachment.php?attachmentid=44 070&stc=1&d=1149781560

ممكن بنفس الوقت اذا فيه أحد يساعدج تسوين وحدة فوق ومن تنزلينها تحت تحطين ثانية فوق مثل هالصورة.. يعني ماتضيعين الوقت..

http://forum.hawaaworld.com/attachment.php?attachmentid=44 071&stc=1&d=1149781560

الشغلة كلها تاخذ وقت بسيط.. وعلى قولة الأخت بيان الله يرجعها بالسلامة مرة سوت 17 خبزة خمير بثلث ساعة.. يعني من جد سرييييييييع..

وهذا خبز الخمير بعد ماجهز..

http://forum.hawaaworld.com/attachment.php?attachmentid=44 072&stc=1&d=1149781560

وهذا بالزعتر..

http://forum.hawaaworld.com/attachment.php?attachmentid=44 073&stc=1&d=1149781560

http://forum.hawaaworld.com/attachment.php?attachmentid=44 074&stc=1&d=1149781560

شرايكم؟؟

[أم الأشبال]

تسلمين يا الغالية ما تدرين كيف انا مهووسة ابغي اتعلم طريقة الخبز هذي عندي المخبز من ثلاث سنوات الا الآن ما انخبز عليه شيء :(
مشكورة الغالية الف الف شكر
اختي طريقة تدخيل او نقل الفطيرة للداخل تكون باليد؟ او بالجهاز اقصد المخبز نفسه
ادري سؤال ماصخ بس يالله عديها :26: :26:

[Fairy Tale]

ما شاء الله عليكي اختي الغاليه
تسلم اديكي على مجهودك كل اكله احلى من التانيه
مشكوره

[ام عزان]

ما شاء الله

تسلم ايدك يافنانه

طريقتك واااااايد حلوه

[*المسافرة*]

المشاركة الأصلية كتبت بواسطة أم الأشبال
تسلمين يا الغالية ما تدرين كيف انا مهووسة ابغي اتعلم طريقة الخبز هذي عندي المخبز من ثلاث سنوات الا الآن ما انخبز عليه شيء :(
مشكورة الغالية الف الف شكر
اختي طريقة تدخيل او نقل الفطيرة للداخل تكون باليد؟ او بالجهاز اقصد المخبز نفسه
ادري سؤال ماصخ بس يالله عديها :26: :26:


ههههههه من ثلاث سنوات ومخلتنه.. عيل كأني حاسة فيج وحطيتلج الخطوات..

بالنسبة لنقل الخبزة تكون بالملعقة الكبيرة.. مثل الملاس بس لاتستخدمين النحاس استخدمي البلاستيك الثقيل..

جربي وخبريني بالنتيجة..

[*المسافرة*]

مشكورة حبيبتي أم تامر عالرد.. والله لايحرمنا منج ومن ردودج الطيبة..

هلا والله أم عزان.. انتي الأحلى حياتي ومشكورة الغالية عالرد.. ماتقصرين والله دومج تردين عليه..

[رسيل*]

:26:

[Bent alMadinah]

وعليكم السلام أختي *المسافرة* ... وجزاك الله ألف خير ... إن شاء الله أول ما ارجع السعودية أشتريه ... شكله بالمرة مريح
:26: :26:

[ام علاء]

ما شاء الله تبارك الله المسافره رووووووووعه

الله يعطيك العااااافيه عيووووووونى :26:

والله على الاشكال الحلوه الله يحفظك يا قلبى

بوسى لى فديتهم :26: :27:

[العفه]

الله يجزاك خيير أختي المسافرة
مجهود تشكرين عليه
:26:

[هدى جاسم]

الله يعطيك العافية اختي المسافرة على هذه الجهود :26:

[دلوعه2]

تسلمين يالمسافره

وجزاك الله خير

الحمدلله أعرف أستخدمه

وانت اللي دليتين عليه

مشكووووره

وبنات ترى الخبز العربي فيه يجنننننننننننن

[شويخ2005]

مشكورة اختى المسافرة بصراحة فرحت يوم شفت كاتبه الخطوات وبالصور بعد لانى عندى هذا المخبز بس اخاف استخدمه بس انت شجعتينى لكن عندى سؤالين ادري انى حشرة بس ليش تحطين الخبز فوق المخبز في البداية وعقب تنزلينه داخله والسؤال الثانى كيف سويتى الخبزة الى عليها جبن والزعتر بصراحة شرات الخبز الايرانى يات ليت تكتبين الطريقة ومشكورة مجددا

[MooN GirL]

ماشالله مشكورة على الصور والشرح اختنا المسافرة



حلوة فطيرة الزعتر تشههههههههههههههي http://smileys.smileycentral.com/cat/23/23_3_65.gif


فعلا الفرن حلو وما ياخذ منج لوقت لاستواء العجين


عجبني لما استعملته

[*المسافرة*]

المشاركة الأصلية كتبت بواسطة شويخ2005
مشكورة اختى المسافرة بصراحة فرحت يوم شفت كاتبه الخطوات وبالصور بعد لانى عندى هذا المخبز بس اخاف استخدمه بس انت شجعتينى لكن عندى سؤالين ادري انى حشرة بس ليش تحطين الخبز فوق المخبز في البداية وعقب تنزلينه داخله والسؤال الثانى كيف سويتى الخبزة الى عليها جبن والزعتر بصراحة شرات الخبز الايرانى يات ليت تكتبين الطريقة ومشكورة مجددا


هلا أختي شويخ.. مشكورة الغالية عالرد.. وزين اني شجعتج.. جربي الجهاز لاتفوتين الخبز فيه.. ولاتخافين آمن ان شالله وايد اللي يستخدمونه وماسمعت عنه شي..

بالنسبة لأسئلتج.. ليش أول أحطيه فوق الجهاز؟؟ شوفي هالصورة ..

http://forum.hawaaworld.com/files/4883/in.jpg http://forum.hawaaworld.com/files/4883/fire.jpg

الرف العلوي فيه أسلاك كهربة واذا سكرتيه بتكون الحرارة من فوق يعني اذا حطيتي عليه الخبزة بتكون الحرارة تحتها صح والا لا؟؟ وبتنضح بسرعة.. بعدين افتحي هالرف الفوقي يعني الغطاء.. ونزلي الخبزة تحت على الشبك.. ليش عشان يوم بتسكرين عليها بيكون السلك الكهربي فوقها وبينضج وجه الخبزة.. تمام ألحين فهمتي والا لا؟؟ اذا لا قوليلي وبعيد مرة ثانية وثالثة..

بالنسبة للخبز.. سوي طريقتج العادية بالفطاير أي طريقة تحبينها.. وبس من تفردينها حطيها مثل ماقتلج عالرف الفوقي وعلى طول حطي اللي تبينه.. ومن تنضج قاعدتها نزليها بالرف التحتي والسلك الكهربي بيكون مقابلنها وهو اللي بيخليها بهالشكل.. على قولتج مثل الخبز الايراني ههههههههه.. خلاص مشى الحال والا.. بانتظار ردج..

[*المسافرة*]

شكرا خواتي عالمرور..


أختي رسيل كلج ذوق على هالوردة الحلوة.. والله يعطيج العافية..


أختي Bent alMadinah مثل ماقلتي شكلة بالمرة مريح وسهل وسريع بعد.. مشكرة الغالية عالمرور..

[*المسافرة*]

هلا بمشرفتنا الغالية.. حبيبة قلبي أم علاوي.. نورتي بردج الحلو.. باستج العافية وانتي بعد بوسيلي الكتكوت.. وشو مسوي بالمدرسة ألحين ان شالله ماشي.. الله يخليلج اياه وتشوفينه معرس..


هلا وغلا بأختي الغالية العفة.. منور الموضوع بردج ولا هانوا البنات كلهم.. لا شكر على واجب.. هذا منكم ولكم.. والله يعطيج العافية..

[*المسافرة*]

مشكورة أختي هدى جاسم عالرد وكلج ذوق الغالية..


مرحبتين باللي منورتني بأغلب مواضيعي دلوعة2.. فعلا الخبز عليه يجنن.. يالله عطيني طريقتج عشان أغير.. ومشكورة مقدما..

[*المسافرة*]

هلا أختي MooN GirL فعلا مثل ماقلتي فطيرة الزعتر تشهي ترى أنا ماحب الفطيرة اللي بالفرن العادي لاكن اذا سويتها بهذا الجهاز أكلها أكاااااااااال :23:هههههههههههه تطلع غير.. ومشكورة الغالية على ردج..

[sweeting]

مرحبا اختي المسافرة...جزاكِ الله خير على موضوعج المدّعم بالصور

فعلا هالمخبز وايد زين مثل ماقلتي

واسمحيلي اكتب طريقتي في خبز الخمير

المعيار بيكون علبة السميد الحمرا
علبة وحده من طحين رقم 2
فنجان سكر
بيضة وحده
م.ط خميره
2 ملعقة حليب نيدو (بودره)
م.ط بيكنج باودر
نص فنجان زيت
وذرة ملح وشوية زعفران
نخلط المقادير كلها مع كمية من الماي مناسبه حتى نحصل على عجينة متماسكة
وعقب ماتخمر نكور العجينة ونفردها على شكل قرص ونمدها على المخبز ونمسح وجه القرص بالبيض وشوية سمسم
وعقب مايحمر من تحت نحطه في القسم السفلي من المخبز حتى يحمر ويه القرص

وبالعافية على قلبكم:24:

[shakshaka]

يمي يمي على كم التوصيل والسعر اذا عجبني السعر ****لله بشتري منك طبعا شامل التوصيل مشكوره على الطريقه :)

[gaamra]

يعطيك العافيه والله يجزاك خير ماقصرتي
بس ودي اسأل عن سعرها وهل القاها في الرياض ووين ؟؟

[ماجيك ليدي]

تسلم دياتك :26: :26:

[*المسافرة*]

شكرا أختي sweeting عالرد الحلو وعلى طريقة الخبز بعد.. ان شالله اذا قدرت بجربه وبقولج الرد.. ويزاج الله خير مرة ثانية..

[*المسافرة*]

خواتي shakshaka و gaamra مشكورات عالمرور وشوفوا الخاص :26:

[*المسافرة*]

تسلمين ماجيك ليدي عالمرور.. وكلج ذووووووووق..

[mrs_3sal]

مشكورة ياعمري ويزاح الله خير ريحت البنات اللي صج موعارفين يستخدمونه، والللي تبي منه آنا حاضرة بالكويت طبعا اوصله لباب بيتها.

[رقيقة]

يزاج الله خير يامسافرة، وبصراحة هالمخبز فظيع، آنا مااسوي الخبز الا فيه وخصوصا خبز الزعتر والبيتزا والخبز العادي وساعات نفسج احط فيه جبن وسمسم، مشكورة وماقصرت على هالتعب ،، وطبعا المخبز ياني هدية من وحدة غالية على قلبي :)

[شويخ2005]

مشكورة ي الغالية و***** الله بجربه في خلال هااليومين وبرد عليج

[*المسافرة*]

مشكورة أختي mrs_3sal على المرور.. وبالفعل وايد اللي مايعرفون يستخدمونه.. ومشكروة على مساعدتج للبنات..

هلا أختي شويخ مرة ثانية.. جربيه وخبرينا بالنتيجة..

[*المسافرة*]

:26: هلا بحبيبة قلبي رقيقة.. بالعافية عليج كل اللي تسوينه عليه.. وبالفعل أنا بعد بطلت أسوي خبز الزعتر والجبن بالفرن من عرفت هذي.. فعلا أمممممممممم.. ويزاج الله خير عالرد :26:

[silm9009]

تسلم ايدك حبيبتي ... رووووووووووعة وشكل الخبز عليه يشهي
بس خبريني عزيزتي من وين احصله هنا بالامارات ، تراني انا بعجمان .......... وجزاكي الله خير

[قطر الدين]

الله يعطيك العافية ياالمسافرة
بصراحة رووووووووعة

[ام الحلوين2003]

وين القاها في الرياض؟وش اسمها علشان اذا سألت عنها؟؟؟؟؟؟؟

[*المسافرة*]

الغالية silm ممكن أساعدج بخصوصها بس فعلي عندج الخاص وراسليني..

مشكورة الغالية قطر الدين عالمرور والله يعطيج العافية..

أختي أم الحلوين.. راجعي الخاص..

[campoocha]

http://members.lycos.co.uk/campoocha/lines.gif




مشكوووووورة اختي
تصدقين انا اول مرة اشوف هذا المخبز
غريب والله
بس يبين عليه يخلي الفطائر تجنن
تسلمين حبيبتي



http://members.lycos.co.uk/campoocha/lines.gif

[صالوح حبيبي]

ماشاء الله عليج أختي المسافرة والله يفتح عليج حبيبتي أنا من يوم شفته بموضوع الأخت بيان وودي أجيبه وأستعمله بس ماكنت عارفة إشلون يستعمل افادك الله واثابك ياقمر دايما مميزة وحبوبة :26: :26: :26:

وبنات الكويت الأخت مون جيرل شاريته من الشويخ عند سوق الألمينيوم شوفي موضوعها تعرفون من وين :24:

[*المسافرة*]

هلا وغلا بكمبووووووووشة.. شحالج الغالية؟؟

فعلا هالمخبز يخلي الفطاير تجنن.. ومشكورة الغالية عالمرور..


هلا الغالية حبيبة صلوح.. ( أنا عكستها ههههههه )
مشكورة أختي عالمرور.. والرد الحلو.. استخدامها بسيط بس يمكن أول مرة يكون صعب شوي.. أو ماتنعرف.. بس بالتعود عادي.. والله يعطيج العافية..

[ام جمعان28]

تسلم هالا ديات والله يالمسافرة وانتي ماشاءالله فعلا فنانه وشوقتني فعلا اشتري هالمخبز بس وين القاه وشنو
نوعية
( الصنع)وتسلملي هالايادي والله

[حياة الناس]

اخواتي هل مخبز الخميرة نفسه المخبز الكهربائي

[سلافة2120]

حلو بالمرة وهذا المخبز من فين اجيبه؟ وايش افضل نوع:)


صراحة اول مرة اشوفوه :) طيب هو يفرق عن الفطائر لما نسويها في الصاج على النار العادية؟

[*المسافرة*]

مشكورة الغالية أم جمعان عالرد الحلو.. والله يسلمج الغالية..


أختي حياة الناس أعتقد نفسه بس هذا مكتوب عليه للخمير.. وشكله موضح بالبداية ممكن تتأكدين..


هلا أختي سلافة.. هو حلو حلو.. الكل يشهد.. وأعتقد يفرق لأنه في هالمخبز يبين كأنه مسواي التنور بدون زيت أو أي مادرة دهنيه.. ولذيذ الصراحة.. وتسلمين الغالية عالرد..

[ضحكت وبين اللولو]

الله شكله عجييييب، من وين ماخذتنه؟؟؟
انا من بوظبي

شوكرن

[نسايم صيف]

المسافرة مشكورة اختي على الموضوع الروعة ..

فعلا يحتاجلنا مثل هالمخبز وايد روعة ..


تسلم ايدج على الصورة الموضحة ..الف شكر


بس ودي اسأل من وين بنباع مثل هالمخابز ..

ياليت اعرف ..

اريد اعرف وين المكان اللي ينباع منه في الامارات ويا حبذا لو كان في العين او دبي والشارقة ..

نسايم

[نسايم صيف]

وبعد اذا ما في ازعاج ممكن اعرف


اذا اقدر اسوي عليه مناقيش ؟؟؟؟ولا ...لا


انتظر الاجابة

[*المسافرة*]

هلا خواتي.. ضحكت وبين اللولو – نسايم صيف.. مشكورات عالرد والله يعطيكم العافية..

أختي نسايم.. الغالية ترى اللي مسوتنه أنا من المناقيش بالجبن وبالزعتر وبعد مسوية بيتزا وأي شي تبينه سويه.. يطلع أمممممممم..

فعلي الخاص عندج وبطرشلج رسالة.. بانتظارج..

[فوكاهانتس]

رووووووووووووووووووعه تسلم ايدك يارب امين اختى المسافره ماشاء الله عليكى ديما متميزه :cook: :24: مكن اسالك سؤال بس الاقى مخبز الخمير ده في العين؟

[نسايم صيف]

اختي المسافرة

لقد قمت بتفعيل الرسائل عندي


بامكانك الإرسال من الآن فصاعدا


ولك مني الشكر والتقدير

اختج نسايم

[سلسبيل المحبة]

مراحب ادرى انى متاْ خرة جدا بس ممكن سؤال من وين الاقى هذا المخبز انا فى الرياض

[*المسافرة*]

مشكورة الغالية فوكاهانتس عالرد وانتي اللي مميزة فعلا والله يعطيج العافية..


أختي نسايم صيف مشكورة عالتفعيل والرسالة وصلتج.. بانتظار ردج..


أختي سلسبيل المحبة مشكورة الغالية عالمرور.. وكلج ذووووووق...

[كهرمان]

بنات الرياض هالمخبز موجود بمحلات المواعين بالعويس وفي بهذاك المحل اللي بطريق خريص الكبير والله اني نسيت اسمه اللي عند مذركير واخر فرصه وهالطقه وفي منه صغير وكبير

[*المسافرة*]

:26:

[سلسبيل المحبة]

شششششكرا يا كهرمانة:33: :33:

[*المسافرة*]

بنات وهذي باللبنة والعسل.. أممم:23:مممم عليها..


http://forum.hawaaworld.com/files/4883/lbnh&hny.jpg

[ام الحلوين2003]

الله يعطيك الف عافيه ويجزاك الجنه:26:
سويتها على الفطور وكانت اكثر من رائعه......:cook:
مشكوووووووووووووره:26: :24:

[weeda]

الله يعطيك العافيه اختي المسافرة على هاالمخبز :26:

[*المسافرة*]

بالعافية الغالية أم الحلوين بس شو بالضبط اللي جربتيها؟؟
ومشكورة عالرد وعلىمتابعة الموضوع..


هلا أختي weeda مشكورة الغالية عالمرور.. ويعطيج العافية..

[رُسل]

لو سمحتي من وين ممكن نتشتريه؟؟

ويسلموا الايادي

[أم أسما]

ما شاء الله تبارك الله عادت المسافرة

و عاد النشاط و التصوير و الحركات الحلوة من جديد إن شاء الله :26:

[رُسل]

اما ما صدأتش خيبر وجرررررررررررررري على السوق
بعد ماعرفت انو عند محلات الاواني

الأخت الي ساكنة في العين انا جبتو من المحلات الي جمب جمعية العين التعاونية
صنع دبي
في صنع بلدان تانية بس الاجود صنع دبي

وراح خطوات الاخت مسافرة جزاها الله خيرا وانفذها الخميس ان شاء الله

[رُسل]

لو سمحتي اختي المسافرة وبما انك طباخة ماهرة
ممكن طريقة عمل الخبيصة؟؟ الي بالشعرية

وشكرا:26:

[ام الحلوين2003]

عزيزتي: انا استخدمت عجينه الفطاير الي دايم اسويها وطبقت طريقتك بعضها عملتها بيتزا وبعضها بالزعتر وبعضها دهنته طبقه خفيفه جبن سايل وعلى الوجه مزريلا........وكانت رووووووعه وقريب ان شاء الله اجرب حشوات اخرى..........
تحياتي.......

[رُسل]

ممكن تقولولي كم دقيقة اخليه يحمى قبل ما احط العجين
وكم اخليها تتحمر تحت
وكم فوق

[صدى الأشجان]

مرحبا يا بنات
أنا طلبت من الاخت الغالية المسافرة المخبز وما شاء الله عليها بسرعة أرسلته لي ومن وصل على طول سويت فيه الخمير _( 2كاس طحين - 2 ملعقة كبيرة خميرة فورية - 2 بيض - اكاس حليب ) ومن مخمرت العجين على طول سخنت المخبز 5دقايق وحطيت العجين فوق لمدة دقيقة وبعدين داخل وفي أقل من دقيقة تحمر وحطيت عليه سمن وأكلنا الخمير مع الزبد والعسل والقشطة والجبن والله انه رهيب وأول مرة يطلع الخمير بهالسرعة روووووعة .:


مشكورة يا اختي المسافرة على المخبز والله انه يوفر الوقت علينا

[نسايم صيف]

السلا م عليكم ورحمة الله

انا جربت المناقيش على المخبز اللي ما قصرت المسافرة طرشته لي وبسرعة


الله يجزاها الف خير ...

وكانت المناقيش وايد روعه ولذيذه خصه اللي باللبنه والعسل ...عجيبه ..

[*المسافرة*]

بالعافية عليج أختي رسل جرب يالطريقة بتعيبج.. وبالنسبة للخبيصة بالشعيرية واله ماعندي فكرة عنها بس ممكن تنزلين سؤالج بالاطباق وان شالله البنات مابيقصرون وياج..

بالنسبة للمخبز بتشوفين من خلال الدواير اللي فيه انه احمر وينفع لاستعمال.. ومن تحطين الخبزة فوق كل شوي وارفعيها واذا احمرت شليها.. وأي سؤال أنا حاضرة..

هلا وغلا بأم الحلوين.. منورة الموضوع بردودج الطيبة والحمدلله انج جربتي طريقتي ونجحت وياج.. وصحتين على قلوبكم..

مشكورة حبيبتي صدى الأشجان على هذا الاطراء.. والحمدلله انه عيبكم.. وبألف هني وعافية.. بجرب طريقتج ان شالله.. والله يعطيج العافية عالرد..

مرحبتين أختي نسايم صيف.. بالعافية عليج المخبز والفطاير.. وبالفعل لذيذة اللي باللبنة والعسل.. وخاصة لبنة بوك أمممممممم والله يعطيج العافية على ردج اللي يفرح القلب..

[رُسل]

http://forum.hawaaworld.com/files/20470/mna11.jpg

http://forum.hawaaworld.com/files/20470/mna12.jpg

http://forum.hawaaworld.com/files/20470/mna13.jpg

http://forum.hawaaworld.com/files/20470/mna14.jpg

الف شكر اختي المسافرة
هذه كانت تجربتي الاولى البسيطة

[رُسل]

بصرااااااااااااااااااحة روعة
طراوة العجين بتجنن
الكل حبو

الف شكر مرة تانية وعلى فكرة عملت وحدة بس بلبنة بوك والعسل لانو العجين ماكفى
ف***** الله بكرا برجع اعمل

[الفتاة المتفائلة]

ماشاء الله تبارك الله 00تسلم الايادي
وجزيتي خيرا

[شعاع الحياة]

يسلمواااا حبيبتي على مجهودك الرائع
والله يعطيك العافية:26:

[*المسافرة*]

المشاركة الأصلية كتبت بواسطة رُسل
بصرااااااااااااااااااحة روعة
طراوة العجين بتجنن
الكل حبو

الف شكر مرة تانية وعلى فكرة عملت وحدة بس بلبنة بوك والعسل لانو العجين ماكفى
ف***** الله بكرا برجع اعمل

وااااااااااااو رسل بصراحة روعة تجربتج وتشهي الصور يمي يمي..

انتي حاطة شبت ويا الجبن والا شو؟؟ وشو نوع الجبن؟؟

بالنسبة للزعتر أعتقد خالطتنم ويا بعض صح؟؟ الأحسن ادهني الخبزة بزيت الزيتون وبعدين رشيها بالزعتر ونقطي عليها زيت مرة ثانية بتطلع أحلىىىىىىىى

عالعموم موفقة الغالية.. وبالعافية عليكم..

[*المسافرة*]

شكرا خواتي الفتاة المتفائلة .. شعاع الحياة.. عالمرور الحلوووووو

والله يعطيكم العافية..

[*المسافرة*]

:26:

[رُسل]

معك حق كان لازم احط الزيت اول بعدين الزعتر لانو حسيت الزيت قليل

ومع الجبنة نعم شبنت انا كتير بحبو والجبنة هي عكاوي بس حليتها شوي
وسويت اللبنة بالعسل كمان

:26:

[مدهله]

وين احصله بالعين دار الزين :26:

[رُسل]

سمورة او مذهلة بتلاقيه بالمحلات الي جمب الجمعية التعاونية محلات الاواني وكمان فيها دراجات هوائية للأطافيل

[*اخت النجوم*]

الله يجزاك خير اختي المسافره ....
سؤالي .. نضع زيت قبل ما نحط الخبزه ام لا؟؟
والف شكر مقدماَ.:26: :26:

[*المسافرة*]

شكرا خواتي عالمرور..

بالنسبة للزيت لااااااا مانحطي شي تحت الخبزة..

[tanya]

الســــــــــــــــــــلام و الرحمة

ممكن اعرف من فيم استطيع الحصول عليه و كم التسعيره
و شكرًا مقدمًا

[الواحة الغناء]

عليكم السلام ورحمة الله وبركاته
الله يعطيك العافيه :26:
عندي من 4 سنوات تقريبا ولا استغني عنها خصوصا في ارض الغربه :(
اسوي فيها الخبز والفطاير والبيتزا ممتازه ولا تاخذ وقت
و شاريتها من الامارات قبل ما تطلع في السعوديه
سلام:27:

[نبــــــــــض]

*المسافرة*

يعطيك العافيه على هالموضوع الراااااااااائع :26:

وكل عام وإنتم جميعاً بخير :26:

وعساكم من عواده :27:

[miss_sun]

لو سمحتي ممكن اعرف وين القى هالجهاز بجده؟ انا جديده بسعوديه..وما اعرف محلاتكم..

[** أم خليفه **]

حلو هالجهاز اختي المسافره وين بحصل مثله

[tanya]

:26: :26: :26:

[الهاجسه]

تسلم ايدك:26:

[الداعية22]

رائعة مررره ومشكوره
لكن اللي عندها فرن كهرب تستغني عن هذي الخبازه
بمقلا يكون من معدن
وبعدين تصف الفطائر بعد ما تتحمر من تحت بصينيه ودخلها الفرن
علشان تتحمر من فوق

[UmMaryam]

:cook:

[MISS_CHEF]

بسم الله الرحمن الرحيم

السلام عليكم


سلمت يمينك يا المسافرة شغل رائع ما شاء الله عليك
لقد اشتقت لك كثيرا وكذلك للمنتدى
كمبيوترى علية العوض
اكتب من كمبيوتر اخوى :06:

انا كان عندي واحد استخدمتة مرتين وخرب عندي

سويت فية مناقيش وطلع حلو

بس مل البيت دخان

انتى اي نوع عندك .......وشو نوع القاعده اللى عندك اللى حاطة عليها الخبز مصنوعة من ماذا

[*المسافرة*]

المشاركة الأصلية كتبت بواسطة الداعية22
رائعة مررره ومشكوره
لكن اللي عندها فرن كهرب تستغني عن هذي الخبازه
بمقلا يكون من معدن
وبعدين تصف الفطائر بعد ما تتحمر من تحت بصينيه ودخلها الفرن
علشان تتحمر من فوق

طريقتج بعد حلوة وممكن عملها بس يبقيلها شغل لاكن بهالمخبز دقيقة وحتى أقل والخبزة جاهزة..

[*المسافرة*]

شكرا خواتي عالردود والله يعطيكم العافية.. وكلكم ذووووووووووق عالكلام الحلووووووووو..


هلا بالطش والرش والماي المعطر بالقرششششششششششش..
هلا بميس شيف.. هلا بالغايبة..من طول الغيبات ياب الغنايم.. هااااااااااه شو يبتيلنا هههههههههه
مانبا الا سلامتج وحسج الدايم بهالمنتدى.. والله أفرح من أشوف ردج انتي وبعض الخوات.. سبحان الله أحس كأنكم قريبين مني وماستغنى عنكم..
المهم الغالية اللي عندي صناعته هندية عاد بالنسبة للقاعدة مادري من شو مصنوعة بس ترى فيه نوعين منه.. نوع فيه لمعة وايده وبيت الوالد كان عندهم منه بس ماطول واخترب بس اللي عندي مافيه لمعة وايد والحمدلله أسوي عليه من مزمان وماخترب.. ومرات عادي بالاسبوع مرتين.. عاد ألحين من قلت أكيد بيخترب هههههههههههههه دوم يستوي هالشي ههههههههههه.. يالله قولي ماشالله

مايشوف شر كمبيوترج... غيريه وافتكي منه.. أنا مثلج تلعوزت ويا كمبيوتري وقمت فرمته لا وحطيت ميلينيوم ولعوزني ومارتحت الا لين مافرمته مرة ثانية وحطيت ْXP وغيرت القطع الجديمة اللي فيه يعني مثل ماتقولين جددته..

بانتظار جديدج :26:

[ام-دانة_الدندونة_الامورة]

هلالالالالالالالالالالالالالال ا ....

حبيبتي المسافرة ما شاالله على الموضوع الحلو يجزاك الله خير


عندي من سنة المخبز و قاعده حايره كيف استخدمه الان عرفت كيف مشكووورة على الشرح الواضح بالصور


تسلمي يا قمررررررررررررر :26: :26:

[زهرة النوير]

ماشاء الله عيني عليك بارده وتسلم ايدك اختي المسافره

استانست وااااااااااااااايد لما شفت الجهاز ليش ؟؟

جارتي جزاها الله خير دايما تدز لي خبز لذيذ اسمه ( تبدون ) ما طلبت منها الطريقه

بس الحين عرفت انها تستعمل الجهاز هذا من الدوائر اللي عليه . بس والله عجيب

وطري يهبل ما شاء الله عليها

بس شجعتيني على شراء الجهاز وباسوي طريقه الخبز الخمير اللي في توقيعي

[% أم أنس %]

جزاك الله خير أختي المسافرة

صراحة شيء يشهي
بس ممكن أعرف وين أقدر أجد المخبز بقطر؟
:cook:

[*المسافرة*]

هلا وغلا بالنور كله أم الدندونة.. شحالج حياتي وأخبارج؟؟ لج وحشة والله..
من سنة وراكنتنه هههههههههه كنتي قلتيلي عنه من قبل عالأقل اسألي وشوفي اذا فيه رد أو لا..
يالله ألحين مادامج عرفتي الطريقة جربيه وخبرينا بالنتيجة الي أكيد بتبيض ويهج.. وبألف هني وعافية عليج ياقلبي.. وبوسليلي الكتكوتة فديتها والله يخليلج اياها..


هلا وغلا بأختي زهرة النوير.. هههههههههه يعني ألحين عرفتي السررررررر!!
طيب سويه وفاجأيها فيه.. حلوة هالحركة صح؟؟ وبالعافية عليج أختي..


مشكورة الغالية أم أنس عالرد وكلج ذووووووووووق حياتي..

[دانة المزيونة]

من وين اشتري المخبز انا من بوظبي

وخبريني على سعره <<<< عشان ما ينقص علي :42:

ومشكووره

[*المسافرة*]

:26: :26:

[** شيومة **]

أختي المسافره ... اما اول مره اشوووف هالمنتج ... ممكن تخبريني وين احصلة وشو اسمة ؟؟؟

[رُسل]

يا ريت تعطونا كل الوصفات الي ممكن نعملها بهدا المخبز

وشكرااا

[@ام راشد وشيخه@]

:26:

[مهى]

كتبت رد عريض ومطنطن ومزين !!!

وانمسح .

باختصار : هل الجهاز آمن ؟؟ لني شايفة من الصورة أنه يعتمد على مبدأ المقاومات وخايفة ما يتحمل ( أومات ) كثير ..... اكيد تتذكرون الفيزياء.


مين مجربة الجهاز ؟؟؟
اللي صار معاها مشاكل تخبرنا أو تحذرنا قبل ما أشتريه لأنه أكله يجنن .