يا بناااااااااااااات اليوم جربت البقصم ... وصورته لكم [الارشيف]

ام عزيزان

07-10-2004, 21:51

المقادير :

3 كوب طحين فاخر

3 بيضات

1 كوب زيت

1 كوب سكر

1 م اكل باكين باودر

قليل من الهيل الناعم

للتغطيه:

كوب سمسم محمص
او كوب فستق مجروش

الطريقه :

يخلط بالخلاط كل من البيض مع الزيت مع السكر والهيل مدة خمس دقائق

يضاف الطحين والبيكن باودر الي الخليط السابق ويعجن باليد

تقطع العجينه الى كرات صغيره ثم تغمس بالسمسم او الفستق ثم تشكل على هيئة اصابع صغيره تصف في صينيه مدهونه ثم تشوي في فرن ساخن حتى تحمر من فوق وتحت

تترك لتبرد تماما

http://forum.hawaaworld.com/files/41022/10070001.jpg

http://forum.hawaaworld.com/files/41022/10070002.jpg

http://forum.hawaaworld.com/files/41022/10070003.jpg

الملاحظات :

حسيت ان العجينه لينه اشوي معاي فزدتها ربع كوب طحين
وطلع طعمه حالي اشوي ... ممكن تخلين كوب السكر ثلاث ارباع السكر
وانا ماكان عندي سمسم كافي ..... بالسمسم يطلع طعمه الذ

جربووووووه بنات تراه وايد حلو ولذييييييييييذ

وراح تستغنون عن الجااااهز

:cook:

بنت السراه

07-10-2004, 22:16

تسسسسسسلم يدينك ام عزيزان

اكيد احلى شابوره وشكلي بستغني عن الجاهزه:26:

ام نضال

07-10-2004, 23:14

تسلم هاليدين يا اختى ام عزيزان والله ماشالله مبدعة \ راح اجربه بس اللى سؤال هل هو البقسماط اللى طويل ومقرمش اللى يباع فى المحلات والمخابز ويؤكل مع الشاى ؟ لانو المصطلحات تختلف من دولة لاخرى \ الصورة واضحة بس هو طرى والا مقرمش \ فى كلتا الحالتين راح اعمله بكره اولادى يحبونه :17: تحياتى :27:

ام عزيزان

07-10-2004, 23:41

بنت السراه

وانا متاكده ... وخاصتا اذا حبيتي طعمها

ام نضال

اي نعم هو اللي يباع في المحلات ويؤكل مع الشاي او الحليب

جربيه عزيزتي لانه لذيذ جدا واول ما اطلعينه من الفرن يكون لين ... عشان جذيه خليه بالصينيه لما يبرد وبعدين شيليه عنها ....ورااح يصير مقرمشششششششش ويابس نوعا ما

وشاكره لكم المتابعه

:cook:

نسيم الغربة

08-10-2004, 00:38

يسلمو وووووو أختي أم عزيزان و***** الله بجربه وهذا النوع من المعجنات ولا مرة جربته بس شكلي بجربه على يدينك لأنه وبصراحة الصور تشجع جدا .

ويالله نخليه مفاجئة لزوجي الصباح إذا جلس لأنه دخل مزاجي أنه أعمله ذي الوقتي معنا الوقت متأخر عندنا الحين 2:40 صباحا .

تسلمين ولاحرمنا الله منك ومن إبدعاتك

نسيم الغربة

:27:

ام عزيزان

08-10-2004, 01:17

نسيم الغربه

يعطيج العافيه

وحتى انا فاجئت زوجي فيه مو مصدق انا مسويته ههههههههههههه

وانتظر رايج فيهاااااااااااا بعد ما اتخلصينها وتبرد وتصير مقرمشه

حرارة الفرن خليها هاديه لما يحمر من فوق وتحت

:cook:

مزاج

08-10-2004, 10:55

أم عزيزان والله انك مبدعة ماشاء الله عليكي سلمت يداكي الحلوة ياحلوة انتي بارك الله فيكي :26:

hanadie

08-10-2004, 11:14

بارك الله فيك يا أم العز

إعملي لنا دورة طبخ :24:

أختي العزيزة لقد أحببتك في الله

hanadie

ام عزيزان

08-10-2004, 12:37

مزاج تسلمين عزيزتي وحلت ايامك بالخير والايمان

هنادي احبك الله ورسوله ... وتسلمين يالغلا

وشاكره لكم المتابعه

:cook:

شموخ بلادي

08-10-2004, 13:30

ام عزيزان الغاليه العاليه في همتها من جد اقولها لك ماهوا مجامله

والا الكلام مجاني والله اني اذا قريت اسمك خلف موضوع اقول عنه

يستاهل الواحد يقراه ولا يفوته والله يالغاليه من جد اتكلم مافيه

موضوع تحت اسمك الا وله رنه خااااااصه ومثل ماقلت ماهي

مجامله ويش الي حادني اجااااملك بس انا اقولها بصدق :26: :27:

fofom

08-10-2004, 14:19

جزاك الله خيرا

ام عزيزان

08-10-2004, 14:28

تسلمين يا شموخ

وكلج ذوق .... وسعيده بالكلام الحلو هذااااااا .... واحسه فعلا طالع من القلب

الله لا حرمني منكم

fofom

اجمعين عزيزتي

وشاكره لكم المتابعه ...واتمنى تجربونها وتقولون لي رايكم

:cook:

بنت_العود

08-10-2004, 15:42

ام عزيزان تسلم ايدينج على البقصم
تصدقين انا من زمان ادور على طريقة البقصم بس ما احصلها ولما شفت موضوعج امس على طول رحت المطبخ وسويته الساعة 4 الفجر
وبصراحة طلع وايد حلو بس كان حالى مع انى ما حطيت الا نص كوب سكر
وبما انه كان حالى ماقدرت الوالده تاكل منة علشان السكر
بس قلتلها راح اسال ام عزيزان عن البقصم الماصخ واسويه لج
ويا ليت يا الغالية تعطينى الطريقة اذا تعرفينها :26: :26:

ام عزيزان

08-10-2004, 15:53

عزيزتي انا ماعرف الا هذى الطريقه

ممكن تلغين السكر منهاااااااا وجربيه بدون السكر

وماتشوف شر الوالده

وانا حطيت بالملاحظات ان راح يكون حالي وخففو السكر منه
... حسب الذوق

وتراني لما سويته اول مره اسويه واجربه

وبالعافيه يالغلا

:cook:

وردة ذبلانة

08-10-2004, 17:58

تسلم ايدك يا أم عزيزان

والله يعطيك العافيه على المواضيع الحلوه والرائعه

وان شاء الله بجربه حق العيال..... :04:

ام عزيزان

08-10-2004, 19:13

جربيه عزيزتي

وعطيني رايج فيه

بس خففي الحلىىىىىى

:cook:

اشدقيه666

09-10-2004, 01:39

:cook: :24: :27:
مشكوووووووره ويعجبني كثيييييييرمن مشاركاتك واعمالك الحلوه

ام عزيزان

09-10-2004, 01:48

تسلمين عزيزتي وكلج ذوووووووق

وانتظرك تجربيينه

:cook:

! طـواري !

09-10-2004, 02:30

يسلموووووووووووو

ام عزيزان

09-10-2004, 09:09

ولو يا طواري

وشاكره لج المتابعه عزيزتي

:cook:

نصفي الثاني

10-10-2004, 04:46

المشاركة الأصلية كتبت بواسطة مزاج
أم عزيزان والله انك مبدعة ماشاء الله عليكي سلمت يداكي الحلوة ياحلوة انتي بارك الله فيكي :26:

نسيم الغربة

10-10-2004, 05:10

هلا أختي أم عزيزان جربته لذيذ تسلمي ياذوق على الطريقة ونحن في أنتظار المزيد :27: :27:

ام عزيزان

10-10-2004, 07:48

نصفي الثاني

طلتك هي الاحلى عزيزتي

:cook:

نسيم الغربه

سعيييييييده لانك جربتيه واعجبك ... وعليكم بالعافيه

:cook:

وندش

10-10-2004, 08:55

السلام عليكم

تسلم ايديكي ام عزيزان والله حبيبة قلبي كل مواضيعك روووووووووووووووعة

قطر الدين

10-10-2004, 10:53

تسلمي ايديك ام عزيزان

:26:

ام عزيزان

10-10-2004, 11:51

ربي يسلمكم ويحفظكم

وشاكره لكم ذوقكم ومتابعتكم

:26: :26:

hanadie

10-10-2004, 15:45

جربته و طلع روعة وعجبني و عجب زوجي

و شويته على حرارة فرن 170 درجة مئوية لمدة نصف ساعة ثم حمرت الوجه

و ثاني يوم عملت الوصفة لكن وضعت نصف كوب زيت و 5 ملاعق طعام من السكر فقط و طلع روعة

بارك الله فيك يا أم عزيزان و رزقك الجنة أنت و أهلك و أحبائك

و هذه هي الصور

http://forum.hawaaworld.com/files/33631/baqsam.jpg

http://forum.hawaaworld.com/files/33631/baqsam1.jpg

hanadie

ام عزيزان

10-10-2004, 17:43

هنادي

تسسسسسسسسسلم الايادي

انا اليوم بسويه للمره الثانيه وفعلا قلت بخفف من كمية الزيت والسكر

لكن انتي عطيتني المقدار الصحيح

عليج بالعافيه يالغلا وسعيده لانك جربتيه واعجبج

وشكله طالع لذييييذ

وان شاء الله نستغنى عن الجاهز

:cook:

مصبوبه اخت مصيونه

10-10-2004, 18:08

يعطيك العافيه أم عزيران
شي يبيض الوجه
تسلمين يالغاليه وعساك ع القوه

&*^ ربى نجد^*&

10-10-2004, 19:18

***** **** اجربها عن قريب

مشكورة

الغصون

10-10-2004, 21:57

مراحب
مشكورة على المشاركة
تسلمين وووووووووووورمضان كريم
:21:
ام عدول

كلام الحب

13-10-2004, 00:41

جربتها

طريقتك حلوه وبصراحه تصلح بسكويت بعد.

شكرا لك

ام عزيزان

13-10-2004, 06:00

ام عدول

العفو عزيزتي

ومبارك عليج الشهر الفضيل

:cook:

كلام الحب

علييييييييييييج بالعافيه يالغلا

وسعيده لانك جربتيه واعجبك

وهو فعلا طعمه يشابه البرازق ولا انتو اشرايكم؟؟

:cook:

campoocha

13-10-2004, 16:29

تسلم ايدج والله انج طباخة ما شاء الله كل اطباقج تهبل وشغل مضبووووووط

تسلمين إن شاء الله اعملها علشان السحوووووورة لأني احب اتسحر شي خفيف

لــــــــولي

13-10-2004, 18:39

تسلم يدك بجربهاا:26:

ام عزيزان

13-10-2004, 23:37

وانتظر رايكم فيهااااااااااا

وشاكره لكم المتابعه

:cook:

ام عزيزان

16-01-2005, 13:39

:cook:

مريم_99

27-01-2005, 18:46

تسلم ايدك اختي على جهودك الطيبة
وان شاء الله نجربها

أميرة الرماد

27-01-2005, 19:12

صراحه يشهي ياااااا عزيزني:27:

الهاجسه

27-01-2005, 22:26

تسلم ايدك:26:

زهرة النوير

30-01-2005, 11:01

تسلم ايدك ام عزيزان الله يخليلك عزيزان وابوه واخوانه

:23:

MooN GirL

08-02-2005, 16:16

http://www.asmilies.com/smiliespic/FAWASEL/010.gif

مرحبا

اشرايكم اليوم تتريقون ( تتفطرون ) معاي

عندي بقصم شحلاته وانتوا عليكم الحليب الدافي

تصدقون قلت لأهلي هذه وحده تبيع وصدقوا ، عبالهم جاهز :42:

الطريقة سهلة ومدة الخبز ما تاخذ وقت

المقادير:
3 بيضات
1 كوب زيت دوار الشمس
1 كوب سكر
3 ملعقة شاي هيل ناعم
3 كوب طحين
1 ملعقة أكل بيكنج بودر

للتغطية :
1 كوب سمسم
1 كوب فستق مجروش

الطريقة :

1- يخلط بالخلاط الكهربائي كل من البيض مع الزيت ، السكر والهيل لمدة 5 دقائق
2- يضاف الطحين مع البيكنج بودر الى الخليط السابق ويعجن باليد
3- تقطع العجين الى كرات صغيرة ثم تغمس بالسمسم أو الفستق ( انا استخدمت السمسم )
http://forum.hawaaworld.com/files/36909/bak.jpg

4- تشكل الكور على هيئة أصبع صغير ( ترى راح تكبر عند الخبز لا تسوونها كبيرة وايد ) وتصف في صينيه فرن مدهونة
http://forum.hawaaworld.com/files/36909/bak1a.jpg

http://forum.hawaaworld.com/files/36909/bak2.jpg

http://forum.hawaaworld.com/files/36909/bak3.jpg

5- تخبز في فرن ساخن عند درجة 180 لمدة ثلث ساعة أو حتى يتحمر ( انا فتحت عليه من تحت ثم من فوق )
6- يترك حتى يبرد تماما ثم يقدم مع الحليب الساخن
http://forum.hawaaworld.com/files/36909/bak4.jpg

و****ااااااااااااالله يعجبكم

واذا سويتيه راح يقولون بيعي وايد احسن :cook:

http://www.asmilies.com/smiliespic/gefts_m/Gif0405_004.gif

http://www.asmilies.com/smiliespic/FAWASEL/010.gif

حبيبة أبوها

08-02-2005, 16:23

تسلم يدينك عزيزتي:27:

:26:

الهاجسه

08-02-2005, 17:25

تسلم ايدك:26:

gaamra

08-02-2005, 17:31

:26:

بوانسيانا

08-02-2005, 19:42

يعطيك العافية وتسلم ايدك
بجربها :26: :26:

bint_alnOoOr

08-02-2005, 22:29

يسلموووووووووو
الله لا يحرمنا من هالشغلات الحلووووووووووووه:26:

فديت علاوي

08-02-2005, 22:42

شكله مثل السندويشات؟ وله شو؟

مشكورة حبيبتي عليه بجربه! اكيد حلو

sarah-9

08-02-2005, 22:45

رووووعة
تسلم يدينك وبصراحة الصور تجنن
وراح اجربها ان شاء الله بنهاية الاسبوووع :cook:

المنامية

09-02-2005, 08:20

:26: MooN GirL تسلمين يالغالية على هالوصفة الحلوة وشجعتيني الحين بدخل المطبخ وبسويها مادام

أولادي نايميين وعشان اذاقعدو من النوم يتريقون بالبقصم مع الشاي

وبخبرك عن النتيجة لاحقا
تحياتي

honeyyy

09-02-2005, 08:30

يعطيك العافيه اختي
الصوره تجنن
ان شاء الله اسويها وارسل لك بعد:cook:
تحياتي:26: :26: :26:

المنامية

09-02-2005, 12:10

:26: MooN GirL سويت البقصم وتسلم ايدك وايد حلو وتريقنا فيه اليوم وصورته لكم

http://forum.hawaaworld.com/files/48936/III.psd.jpg

أم يقين

09-02-2005, 16:32

واو روعة اختي MooN GirL على البقصم
وشكله لذيذ وكالعادي دائما عندي سؤال
هل يطلع مقرمش بمجرد خروجه من الفرن او يحتاج
لتبريد؟؟ و مامقدارالكوب المستخدم؟؟

اما الاخت المنامية تسلم ايدينك وناطرين منك عجائن الخبز
الايراني كما وعدتيني اوكي؟

أختكم أم يقين

MooN GirL

09-02-2005, 16:34

الله يسلمج عزيزتي حبيبة أبوها

http://www.asmilies.com/smiliespic/gefts_m/Gif0405_007.gif

MooN GirL

09-02-2005, 16:35

الله يسلمج الهاجسه

http://www.asmilies.com/smiliespic/gefts_m/Gif0405_008.gif

MooN GirL

09-02-2005, 16:36

جربيها و****لله تعجبج بوانسيانا

http://www.asmilies.com/smiliespic/gefts_m/Gif0405_013.gif

MooN GirL

09-02-2005, 16:38

ولا يحرمنا منج حبيبتي bint_alnOoOr

http://www.asmilies.com/smiliespic/gefts_m/Gif0405_014.gif

MooN GirL

09-02-2005, 16:40

بشرح لك البقصم اختي فديت علاوي

هو يشابه البسكويت لكن مغطى بالسمسم

هالطريقة معتمده من ابائنا واجدادنا وتعتبر وجبة لذيذة مع الشاي والحليب

جربيها و****لله بتعجبج

http://www.asmilies.com/smiliespic/gefts_m/Gif0405_015.gif

MooN GirL

09-02-2005, 16:42

جربيها و****لله تعجبج sarah-9

http://www.asmilies.com/smiliespic/gefts_m/Gif0405_016.gif

MooN GirL

09-02-2005, 16:44

يا حلوج يا المنامية ويا حلو كل شي تسوينه بايدج

مشكورة وايد لأنج سويتيه والحمدلله انه عجبكم

بالعافية عليكم

http://www.asmilies.com/smiliespic/gefts_m/Gif0405_017.gif

MooN GirL

09-02-2005, 16:49

اهلين حبيبتي أم يقين

انا اتركه غير مغطى لين يبرد تماماااااا لأن اذا غطيتيه وهو حار راح يلين معاج ، ومعروف ان البقصم يابس شوي

بس هذا سويته الظهر واهلي كلوا منه المغرب وايد عجبهم ويقولون ترف مو مثل البقصم الجاهز يصير مثل الصخرة ما ينوكل

وبالنسبة للمكاييل ، انا استخدم المكيال القياسي المكتوب عليه بايركس بالاحمر

و****لله اكون افتدج

http://www.asmilies.com/smiliespic/gefts_m/Gif0405_018.gif

*المسافرة*

10-02-2005, 01:44

رووووووووووووعة هذا اللي كنت أدوره من زمان..

ان شالله بجربه وبردلج خبر.. بس متى ماااااااااااااادري!!

تسلم ايدج الغالية..

milagro

10-02-2005, 02:27

MooN GirL
شكراااااااااااااااا:26:

فطومه الكويتية

12-02-2005, 13:02

تسلم الايادي

شكله يشوق

ام عزيزان

12-02-2005, 13:15

وانا كنت مسويته من قبل

http://forum.hawaaworld.com/showthread.php?s=&threadid=229470&highlight=%C7%E1%C8%DE%D5%E3

:cook:

ام عزيزان

12-02-2005, 16:20

تسلمون حبيباتي

وشاكره لكم المتابعه

واللي تجربه عليها بالعافيه

ريم الفلااااااااا

عزيزتي يمكن انج ماخليتيه بالفرن المده الكافيه

واول ما اطلعينه ترى يكون لين اشوي بس من يبرد ينششششششف

ويصير يابس

جربه مره ثانيه لانه يستاهل التجربه :)

وعليج بالعافيه

:cook:

MooN GirL

13-02-2005, 18:09

جربيه و****لله يعجبج حبيبتي *المسافرة* مثل ما عجب اختنا المنامية

http://www.asmilies.com/smiliespic/gefts_m/Gif0405_051.gif

MooN GirL

13-02-2005, 18:10

العفو milagro

http://www.asmilies.com/smiliespic/gefts_m/Gif0405_053.gif

MooN GirL

13-02-2005, 18:12

بالضبط ام عزيزان

نفس المقادير مادري انك مسويتها ولا جان حطيت تجربتي بنفس موضوعك

وماشالله مسويته شحلاته

شكرا لك

http://www.asmilies.com/smiliespic/gefts_m/Gif0405_054.gif

سمينه

13-02-2005, 18:24

مشكوره باين عليه حلو

انشودةالمطر

16-02-2005, 02:35

يسلمو وووووو والله يعطيك العافيه حبيبتي : MooN GirL :

وإ ن شاء الله بجربه لأنه وبصراحة الصور تشجع جدا .

ويالله نخليه مفاجئة لزوجي الصباح إذا جلس لأنه باين لذيذ وراح اعمله مع ان الوقت متأخر الحين 2:25 صباحا .

والله يسعدك ويوفقك يارب ..

ام الحلوين

16-02-2005, 16:26

تسلم ايدك اختي علىمجهوداتك الطيبه وبارك الله فيك

كل الغوامد

16-02-2005, 16:39

شكله لذيذ ***** الله اجربه واعطيك النتيجه مع شهادة الشكر والتقدير:26: :26:

ام عزيزان

16-02-2005, 16:54

العفو حبيبتي موووووون

انا اول ما اخذت كتاب المطاحن جربت طريقته على طوووووووووووول

وحطيتها لكم

واتمنى الكل يجربها لانها سهله وفعلا مضمونه

:26:

دانه 20002

16-02-2005, 16:57

تسلم ايدك :26: :26:

انشودةالمطر

16-02-2005, 18:00

زي ما وعدتك سويتها في وقت متاخر من الليل وفي الصباح كانت مفاجئه لزوجي ..

الحمدلله جربته وكان مررررررره لذيذ وعجب زوجي مررره ..

الله يسعدك يارب زي ما اسعدتيني بذي الطبخه الحلووووووووه .:26: :26: :26: :26: :27:

ام عزيزان

16-02-2005, 18:54

تسلم ايدينك يا انشودة المطر

وعليكم بالعافيه

:26:

sarah-9

16-02-2005, 22:43

MooN GirL
طلع نفس اللي بالصورة اللي سويتيهاااا
طعمة روووعة رووعة يجنن اعجب زوجي وجاراتي
تسلمين :26:

MooN GirL

16-02-2005, 23:33

بالعافيه حبيبتي sarah-9

http://www.asmilies.com/smiliespic/gefts/xs03gif208.gif

الغمامة

09-03-2005, 02:59

الغالية أم عزيزان
أنا سويته أول ما قريت ويالسة أترياه يبرد علشان اجربه بس حسيت العجينة تتفتت شوي في العمل؟ فيه شي غلط وللا هذا عادي.. أنا اتبعت بالضبط اللي انت قلتيه..

الغمامة

09-03-2005, 03:18

خلاص برد وطلع لذيذ..
جربوه بعد بشوية حبة الحلوة (مثيبة) مطحونة وبدل السمسم ممكن حبة البركة أو الاثنين
صدق حلو وتسلم أيديج

ام عزيزان

09-03-2005, 13:37

الغمامه

عليج بالعافيه عزيزتي

وهو فعلا لذيذ

واول ما اطلعينه من الفرن تشوفينه لين اشوي

بس لما يبرد راح يصير يابس مثل البسكوت

والحمدالله انه اعجبج

وممكن مثل ماقلتي نغير من السمسم حق اللي يحب مذاق اخر فيه

ويا هلا فيج

:26:

silm9009

17-03-2005, 17:59

ما شاء الله عليكي يا أحلى أم عزيزان
دايماً مواضيعك مفيدة و***** الله بجربه وبرد عليكي
وجزاكي الله خير

ام رناد_رتاج

31-03-2005, 11:40

من يد ما نعدمها عاد أنا أدورها من زمان

بيــــــــان

31-03-2005, 15:39

السلام عليكم ورحمة الله وبركاته
الغالية أم عزيزان إن شاء الله في اتم صحة وعافيه
اليوم بس دخلت المنتدى صار لي فترة ما ادخل ، ما شاء الله عليج الله يحفظك من كل شر
والبقصم شكله رائع وراقي .

اتمنى معذرتي لعدم الدخول في الأشهر القادمة في المنتدى يمكنكم التواصل معي
بملتقى التربية والتعليم

silm9009

31-03-2005, 16:37

روعة تسلم ايديكي يا أحلى أم عزيزان
شكل وطعم لذيذ
جزاكي الله خيراً

ام عزيزان

01-04-2005, 18:46

silm9009

عليج بالعافيه

وتسلم الايادي

والحمدالله انه ضبط معاج واعجبك

:26:

بيان الطاهيه الماهره

شهاده اعتز فيها منج يالغلاااااااا

وهذا قليل من خبراتكم وفنك بالطبخ تبارك الرحمن

ويا هلا فيييييييييج

:26:

ام رناد ورتاج

انتظر رايك فيها

واكيد راح تعجبك

:26:

!أم هديل!

01-04-2005, 20:11

يعطيك العافيه اكله لذيذه

Ankoda

04-04-2005, 02:06

تسلم ايدك فعلا كان نفسى اعرف طريقة البقسماط
بس انا بحبه مالح ياترى اضع ملح بدل السكر بنفس المقدار

ام عزيزان

04-04-2005, 08:20

ام هديل

تسلمين عزيزتي واتمنى تجربين الطريقه :)

Ankoda

مالح؟؟ :)

مادري عزيزتي ماجربته وهو مالح

انتي جربي وعلمينا بالنتيجه

بس ما اتخيل شكله مالح

والناس اذواق

ويا هلا فيكم

:)

مريم الحب

04-04-2005, 08:59

ماشاء الله تبارك الرحمن

يعطيك ألف عافيه ام عزيزان

لا خلا المنتدى منك ولا عدم

تجنن وتشجع اني اسويها

موفقه ياقلبي

خيااالية

04-04-2005, 11:06

يجنننننننننننننن ومع اني ما احبه بس الصور شكلها مغري :32:

..

بسويه مفاجأة علشان يقول لي ما بقى الا القصم وسويتيه :icon20:

مشكورة يا احلى احلى ام عزيزان :heart:

علياء 5

04-04-2005, 11:11

تسلمين حبيبتي ام عزيزان
وما شاء الله عليكي

ام عزيزان

04-04-2005, 19:01

مريم الحب

تسلمين يالغلا ...وجربيه ومتاكده راح يعجبك... وشاكره لك المتابعه

:26:

خياليه

هلا وغلاااااااا ..... هههههههههههههههه وراح تكون احلى مفاجأه وعلى ضمانتي

وحلت ايام عمرج يا عمري ... وكلج ذوق

:26:

علياء

الله يسلمك عزيزتي

وياهلا فيك مليووووون

:26:

assmaa

04-04-2005, 22:57

تسلم ايدك هجربة ان شاء ****يا ام عزوز

ام عزيزان

05-04-2005, 09:34

وانتظر رايك فيه اسووووومه

:)

أم أسما

28-06-2005, 00:37

سويت البقصم أمس و طلع روعة و عجب الجميع
و حتى ضيف زوجي ما فطر إلا به و باللبنة

يعني عجب جميع الأعمار من سن سنتين ( بنتي الصغيرة ) إلى 58 سنة ( عمر الضيف ) :icon28:

فجزاك الله خير يا عسولة و زيدينا من وصفاتك المتميزة ياالطباخة

ام عزيزان

28-06-2005, 16:18

ام اسما

سعيده لان ضبط معاج واعجب جميع الفئات العمريه هههههههههه

وعليكم بالعافيه

وتسلم ايدينج

:26:

اميرة دبي

08-08-2005, 02:37

جربت البقصم ...واتبعت المقادير بدقه ...وطلع طعمه حلوو بس في شي خربه ...كانت ريحه البيض ..وياج بعد نفس الشي ولا الغلط من عندي ؟؟؟
تسلمين

ام عزيزان

08-08-2005, 03:20

اميرة دبي

اخذيها قاعده لج

اي شي فيه بيض لازم لازم لازم تحطين اشوي خل ابيض فيه نقطه او نقطتين وماتحسين بالريحه ابداااااااااااااا ولا تحسين بطعم الخل

ومع اني لما سويته ماحطيت الخل بس ابدا ماكان فيه ريحه

ويختلف نوع البيض بعض الاحيان

بس اخذي الخل الابيض قاعده لج في جميع الاطباق الحلوه او غيره اذا ماتبين ريحة البيض تظهر

وتسلم ايدينج

:26: