ورق العنب بطريقة سهله ولذيذه وكمية قليله.. مع الصوره

[باتونيا]

السلام عليكم

تذكرون طريقتي المميزه في ورق العنب اللي الحشوه بالفريزر واللي ولله الحمد كل من جربها مدحها وشجع على تجربتها
وهي موجوده في هذا الرابط للي تحب تسوي كميه منها تكفيها شهر

طريقتي في ورق العنب لذيذه ومميزه والحشوة في الفريزر.. اضغطي هنا (http://forum.hawaaworld.com/showthread.php?s=&threadid=142150&perpage=15&pagenumber=1)
وهذي الصور للاخت المسافره جزاها الله خير بعد ماسوت طريقتي ومدحتها حيل

http://www.filaq.com/upload/Pictures/mhshy.jpg

http://www.filaq.com/upload/Pictures/mhshy2.jpg

http://forum.hawaaworld.com/images/line-hawaa.gif
شفت بعض الحريم يتعاجزون يسوون كميات كبيره مع العلم انها تريحهم شهر كامل قمت امس وسويت طريقه اسرع ونفس الطعم بالضبط وقلت لازم تذوقونها معاي ولاتغركم طول الطريقه بس انا احب اشرح بالتفصيل الممل

المقادير

- علبة ورق عنب كامله
- 2 كوب رز صنوايت مغسول ومنقوع في ماي بارد لمدة ساعه ومصفى
- تقريبا 3 طماطات كبار مبشورات ناعم سواء بالايد او في خلاطه براون
- بصله كبيره مبشوره ناعم سواء بالايد او في خلاطه براون
- 5 حبات ماجي للحشوه + حبة ماجي وحده للطبخ
- ملعقه صغيره متروسه كمون ناعم
- فلفل اسود حسب الرغبه
- نص كوب زيت زيتون او اكثر بشويه لحمس الحشوه + ثلث كوب زيت زيتون للطبخ
- ماي كافي لتغطيه ورق العنب بمقدار 2 سنتم فوق المستوى
- شدة بقدونس مفروم
- شدة كبيره شبنت مفروم
- نص شدة كزبره خضره مفرومه
- عصير ليمون ( الكميه حسب الرغبه ) الافضل 3 ليمونات ( مع العلم اني ماحب الليمون واجد )ا
- تقريبا ملعقه صغيره دبس رمان ( ممكن تحطين ملعقه كبيره بس انا ماحطيت كبيره لان الدبس خلص )ا
- بطاط حلقات سميكه

http://forum.hawaaworld.com/images/line-hawaa.gif

الطريقه

- بالقدر نحط نص كوب زيت زيتون وبعدين البصل ونحمسه دقيقتين او اقل لين تطلع ريحته
- نضيف 5 حبات ماجي ونخفف النار ونحرك شويه
- نضيف الطماط + كمون + فلفل اسود + ليمون + دبس الرمان ونحرك لين يذوب الطماط شويه ويتغير طعمه
- نضيف الرز ونحركه بحذر لايتكسر لين يتغير لونه
- نضيف البقدونس + الشبنت + الكزبره ونحركه دقيقه ونطفي النار
- نحط الحشوه في مصفاة عشان ينزل زيت الزيتون الزايد
- نصف بطاط حلقات في قاع القدر ونلف ورق العنب
- نصب ثلث كوب زيت زيتون فوق روق العنب
- في قدر ثاني نحط زيت الزيتون المتصفي من الحشوه + حبة ماجي + ماي بس لاتكثرين ماي .. ونخليه يغلي ونضيفه فوق ورق العنب بعد مانحط عليه غطا اصغر ونصب الماي شوي شوي ونحط شي ثقيل فوق الغطا مثل هاون حديد
- نحطه على نار عاليه 10 دقايق بعدين نقصر عليه واذا خف الماي نشيل الثقل ونغطيه عدل ومانكشفه عشان مايتسود ومدة الطبخ من البداية تقريبا ساعه الى ساعه ونص

http://forum.hawaaworld.com/images/line-hawaa.gif

ملاحظات

- الليمون ودبس الرمان حامضين وحاولي توازنين بينهم
- ذوقي ملح الماي اللي طبختيه قبل لاتضيفينه واذا احتاج ماي زياده بعد ماتضيفينه فوق ورق العنب ضيفي عليه بس اهم شي لاتكثرين الماي من الاول يعني تقريبا كوبين ماي ..واذا احتاج ملح نضيف نص او ربع حبة ماجي
- ممكن تطبخينه في قالب بايركس او تيفال بالفرن بس بياخذ وقت اكثر
- ذوقي الحشوه وتاكدي ان ملحتها زينه ووازنيها مع ملحة الماي

بالنسبه للي سالو عن نوع الخلاط اللي عندي
نوعيته براون ورقم موديله Combimax 700

بالعافيه :cook:

[ضمىنجد]

يعطيك العافية ... أختي
الله يجزاك خير .. شكله لذيذ مررررررره
:26: :26: :26:

[shiokh]

وااااااااااااو شكله بصراحة روووووعة


عاد أنا أموت في ورق العنب


الله يعطيك العافية وتسلم أيدك


ومشكوووووووووورة عزيزتي كل الطريقتين حلوات:cook: :26:

[مطر الصباح]

مشكوووووره يابعدي والله شكله روعه
الله ياخذ عدوك جوعتيني وشهيتيني عليه اممممممممممممممممم وشلون ابسويه هالحين نص الليل
بس راح اطبع الصفحه واحطه بالمطبخ
بااااااااااااااااااااااااااي
شهير نت
:26: :26:

[(( سعودية ))]

يعطيك الف عافية ...

كل الطريقتين جناااااااااااااااااااااان :cook:

تسلم ايدك



:26:

[باتونيا]

ضمىنجد
الله يعافيج اختي وجزيتي بمثله ان شاء الله
سويه وعلى مسؤوليتي لذيذ .. وامس تغديت منه اللي بقا من العشا وبصراحه ماشبعت خصوصا اذا غمستي كل حبة ورق عنب بالروب
حياج :26:

[باتونيا]

shiokh

الله يعافيج اختي ويسلمج
اصلا اللي يكره ورق العنب ويذوق طريقتي بيحبه غصب خصوصا طعمه زيت زيتون وشبنت روعه
والطريقتين نفس الطعم تقريبا بس هذيك للكميات الكبيره وهذي لمره وحده بس
حياج :26:

[باتونيا]

شهير نت
ههههههههه ضحكتيني والله لاني نفس معاناتج ميته جوع وشفت الصوره وتذكرت الطعم خصوصا طعم البطاط وودي انزل اسويه بس طبعا مستحيل
والعفو اختي وبالعافيه عليج مقدما وصدقيني بيعجبج لانه من ابتكاري يعني خلطت الطريقه المصريه بالسوريه
حياج :26:

[باتونيا]

(( سعودية ))

الله يعافيج اختي ويسلمج ونصيحه جربيه لانه سهل مو معقد بس قطيهم بالجدر واحمسيهم وحشي ورق العنب

حياج :26:

[(( سعودية ))]

:26:

[noosa]

تسسسسسسسسسسسسسسسسلم الايادي ..



















:24:

[chocolate_sauce]

مشكورة عيوني على ورق العنب شكلة لذيذ شهيتيني فية

تسلمين لي :21::27:

[باتونيا]

(( سعودية ))

شكرا على الورده الحلوه مثلج :27:
=========
noosa

الله يسلمج اختي ونصيحه تجربينه
حياج :26:
=======
chocolate_sauce

الله يسلمج اختي وصدقيني حلو وسهل لايطوفج بس ادعيلي اذا عجبج ان الله يسهل ولادتي
حياج :26:

[sugar]

تسلمين على ورق العنب...شكله رااااااااااااااااااااااااااااا اااااااااااااااائع و رهييييييييييييييييييييييييب... ****الله بسويه بكره او بعده ... بس بسالك.. مو كان الماجي كثير ؟!؟! يصير اقلل؟؟

والصور ........ اطلب انك تشلينها لو سمحتي..... لانها تذببببببحححح... وتشهييييييييي مره <<<<<< وحده ميته من الجوع..
تسلم ايد المسافره على الصوره المغريه جدااااااااا ... وتخلي السعابيل تقطر....

سامحوني على تعابيري.... تراني اموت على شي اسمه ورق عنب... ****الله بسويها وارد عليج... شكرا

[باتونيا]

sugar

الله يسلمج يارب وفعلا هو لذيذ والسر في لذاذته زيت الزيتون والشبنت وهو من ابتكاري لاني دمجت بين الطريقتين السوريه والمصريه
والماجي هذا مقداره معقول عشان يعطيج طعم الملح المناسب وهو 5 حبات ماجي مو 5 كراتين .. بس اذا تبين تقللينه عوضي بداله بالملح بس مااضمن لج الطعم يطلع نفسي والا لا ... اهم شي ذوقي الحشوه بروح وماي الطبخ بروح
واذا انتي تحبين ورق العنب نصيحه جربيه لانج بتدمنينه
والصور ماصدقت على الله لطشتها من الاخت المسافره يوم سوت طريقتي :o يعني اللي بالصوره هذي طريقتي

وبانتظار النتيجه بس بسرعه قبل لااولد
بالعافيه مقدما وحياج :26:

[باتونيا]

انتبهو .......

حطو 5حبات ماجي مو 5 كراتين

وانتبهو .....

انه يكون الماجي العادي مو الماجي اللي بملح اقل

وذوقو الحشوه بعد الحمس ... طعمها قمه وهي محموسه :23:
وتاكدو من ملحتها

وذوقو ماي الطبخ وتاكدو من ملحته عشان يتوازن الطعم

وبالعافـــــــــــــــــــيه

[*المسافرة*]

مرحبا أختي لاتنسو اسرانا .. حبيت أسلم عليج .. والله يسهل عليج ****لله..

وألففففففف شكر لج على الصور.. تدرين انه الباقي لين ألحين بعدني ماطبخته..

بسألج شكثر يبقيله بالفريزر مع اني الاسبوع اللي طاف خذت الشبت بس تكاسلت

أسوي محشي.. بس ****لله بسويه قريب..

[باتونيا]

*المسافرة*

مراحب حبيبتي هلا وغلا .. الله يسلمج يارب ويسهل عليج كل امورج
هذا وهو جاهز تكاسلتي عيل لو موجاهز جان شسويتي ؟؟
الا طمنيني متى ولادتج ؟
عادي مايخترب اذا مسكر عدل بالفريزر .. اقولج انا مره نسيته مده وقلت اكيد طعمه تغير بس طلع روعه
حياج :26:

[*المسافرة*]

زين انج طمنتيني على الحشوة.. ترى أحاتيها عشان التعب اللي تعبته هاك اليوم هههههههههه

بعدني بنهاية السادس ألحين يعني 3 شهور جدام و****لله بفتككككككككك.. يالله شدي حيلج ألحين انتي اللي أيامج هذي.. والله يسهل عليج ****لله وطمنينا عنج.. والله يرزقج بالذرية الصالحة يارب..

[باتونيا]

الله يعينج حبيبتي وتولدين بالسلامه يارب
وتنزل طيارتج في مطار اقلاع مستشفى الولاده بالسلامه قولي امين :42: وتقر عينج بالمولود المتعافي يارب
وانا هذي ايامي بس بجد زهقت ودي اولد :06:
بس عاد سوي ورق العنب مو تخلينه بعد الولاده .. لاني ماجربت اخليه مدة شهور لانا نسوي كل اسبوع مره
بس مره وحده نسيته شهر
تسلمين وحياج
:26:

[غزة هاشم]

مشكورين على هالطريقة
ولكن قديش وزن علبة ورق العنب
لاني باخده من عنا
عن الشجرة ناشف
وباسلقه في البيت عندي

[باتونيا]

غزه هاشم
للاسف ماعندي العلبه الحين .. بس انتي اخذي اللي يكفي كوبين من الرز .. واذا تنظرين باجر اشوفه لج
بس الكميه تسويلج قدر متوسط الحجم
حياج :26:

[بدرالتمام]

أكثر وحده تحب ورق العنب آنه
تسلمين لي يا عيوني
آنه صار لي فوق العشر مرات أسويه وكل مره يطلع ناشف وإلا كأني ما حطيت فيه ملح وإلا العيش يابس وإلا يتفلل
لكن حصلت اللي ينقذني عن الفشيله

بس أكثر شي مهم ذكرتيه الخلاط هاها ها

[بذرالكتان]

لا تنسوا اسرانا الله يسعدك ياشيخه على طريقة ورق العنب الي كتبتيه اول ياكذا يا بلاش صح يتعب شوي لاكن والله شي يستحق التعب والغربله:cook: طبقت طريقتك بحذافيرها وطلع شي مسكت:o بس باسالك طريقتك هذي زي مستوى الطريقه السابقه

[الأثربة]

جزاك الله خيراً ، بصراحة كنت اتمنى أن تضعي طريقة الخلطة كمية قليلة وما قصرت وتسلم ايديك كل شئ منك رائع

ويستاهل التجربه

[همسات قلوب]

لسى ما ولدتي ؟؟
الله يهون عليك ..يااارب وعلينا..:27:

[باتونيا]

المشاركة الأصلية كتبت بواسطة بدرالتمام
أكثر وحده تحب ورق العنب آنه
تسلمين لي يا عيوني
آنه صار لي فوق العشر مرات أسويه وكل مره يطلع ناشف وإلا كأني ما حطيت فيه ملح وإلا العيش يابس وإلا يتفلل
لكن حصلت اللي ينقذني عن الفشيله

بس أكثر شي مهم ذكرتيه الخلاط هاها ها

الله يسلمج يارب وفعلا ورق العنب صعب تقاومينه .. وانتي جربي طريقتي روعه وبتلاقين العيش طعمه لذيذ مع زيت الزيتون
واناذكرت الخلاط لان فيه خوات طلبو مني نوعيته في موضوعي الثاني مال ورق العنب

حياج وبالعافيه مقدما :26:

[باتونيا]

المشاركة الأصلية كتبت بواسطة بذرالكتان
لا تنسوا اسرانا الله يسعدك ياشيخه على طريقة ورق العنب الي كتبتيه اول ياكذا يا بلاش صح يتعب شوي لاكن والله شي يستحق التعب والغربله:cook: طبقت طريقتك بحذافيرها وطلع شي مسكت:o بس باسالك طريقتك هذي زي مستوى الطريقه السابقه

الله يسلمج يارب ويسعدج قولي امين مثل مامدحتي طريقتي
وصج كان يتعب لان الكميه تكفي شهر .. واللي تبي شوية كان ممكن تقلل الكمية

اما طريقتي هذي نفس الطريقه اللي قبل ويمكن احلى بعد لانها لذيذه حيل .. حتى يوم بقا شوي وتغديت منه ثاني يوم وسخنته بالميكرويف وكليته مع الزبادي طعمه لذيذ .. وكل حبة عيش ودج تاكلينها بروحها

حياج :26:

[باتونيا]

الأثربة

تسلمين اختي وبالعافيه على قلبج ومشكوووووووره
حياج :26:
=========
همسات قلوب
لاياقلبي ماولدت ادعيلي اولد
وامين يهون على الجميع
وجزاج الله خير لانج سالتي عني
حياج :26:

[Welma]

حبيبتي شكلك تموتي في ورق العنب...........صحتين
أنا طريقتي في الحشوة ما بتحتاج حمس....يعني كل ني في ني
على السريع بخلط المكونات (رز صنوايت منقوع مسبقا+لحم خروف مفروم+رشة نعناع ناشف+زيت زيتون+بقدونس مفروم ناعم+ حبة بندورة مفرومة ناعم +بهارات+بصلة+سن ثوم+ماجي)وسلامتك

[*راويه*]

لله يعطيك العافيه:26: :26:

[*المسافرة*]

البارحة جربت المحشي بس مع الكوسا.. طلع رووووووعة وحطيت بس رزمة شبت وأحس لو اني قللت بعد بيطلع أحلى.. وبالنهاية طبعا الباقي من الصلصة اللي نزل منها وضفتله بس ماي وماجي.. وطلع يجنننننن

سويت وياه بعد طماط بس بالنهاية طلعت الحشوة كلها لبرع.. ماعرفت أصلا كيف أسكرهم.. خبرني اذا عندج حل..

والله يعطيج العافية ويبارك فيج.. ومايندرابج ولدتي والا.. بس الله يقومج بالسلامة عزيزتي.. وتفرحين بمولودج..

طمنيييييييييييينا..

[مسالمة]

الله يعطيكي العافيه

تسلم ايدينك يا عسل

اموت انا في ورق العنب انا وعيالي:26:

شكرا

[جوريN1]

تسلمي عزيزتي
على ورق العنب
وطمنينا عليك.. والله يعطيك الصحة والعافية
:27: :26:

[المقام]

روعة ما شاء الله شهتيني اموت في شي اسمة ورق عنب لكن عندي مشكلة عندما افكر اسوي ورق عنب تطلع

سميكة الحشوة وشكلها كلها ورقة عنب من اخر مرة سويتها قال لي زوجي الحشوة زينة لكن عيبة عندما تاكل تكون


كلها ورق ما الحل

[.<**جــــــــــوري**>.]

حرام عليكي شهيتيني فية الساعة 6 الصبح
لكن ان شاالله راح اسويه على الغدا وردلكم :cook:
بصير اليوم طباخا عند اهلي بسوي فلاحه :24: عشان ما انكسح اذا رحت بيتي
ومشـــــــــــــــــــــــــــ ـــكورة :26:

[°¸D££ôô3àTالــعين¸°]

يزاكم الله خيرا

والله خاطري اسويها ان شاء الله باجر

تحياتي لكم

[شمعة مضيئة]

يمممم باين لذيذ الله يعطيك العافية:27: :26:

[لؤلؤة2005]

وووووووواو الشكل جميل وإن شاء الله الطعم اجمل
:26: وياريت من غير أمر تكثرى من هالشغلات :24:
تسلمى :26:

[العفه]

الله يجزاك خير أختي .. سويت الوصفة .. وطلعت ممتاااااااااااااااازة و لذييييييييييذة..

الله يعطيك ألف عافية...

:27:

[غيوم الصمت]

:26: :26: :26:

[ام علايه]

اممممممممممممممممممم احلي الاكلات عندي ورق العنب والبيتزا وشهيتيني اسويها بس اخاف ما تضبط معاي لاني اول مره اسوي ورق عنب متردده بس بصراحة طريقتج وردود البنات اتخلي الواحد يجازف وان شاء الله اجربها في الويك اند .

[أمونة 77]

مممممممممممممممممممممممممممممم مم
تسلميييييييييييييييييييييييييي ييين :26: :26:

[موج البحرين]

يا سلام عليـــج اختــي

احلــى من هالطريقة ما شفت وهي سهلة وايد بغض النظر عن كل اللي مكتوب
لكن لما تجربونها بتشوفون انها سهلة جدا..

احم ..

جربتها اليــوم وبصراحة طلع رهيب ولا اطيب منــه..

الحشــوة لذيـــذة ,,
ما استخدمت ولا ماي غيــر بس اللي صفيته من الحشـــوة ..
وزدت عليــه ماجي مكعب واحد بـــس ..:21:

شوفو الصــورة ..

http://www.ta7meel.com/up/43/1092663950.gif

احلى التحايا :27::23::23::23::23:

[جوري الحجاز]

الله يعافيك.......خيالي .. تسلمي:24:

[باتونيا]

ماشالله
عاد والله خبري بهالموضوع قبل لااولد يعني قبل 6 شهور تقريبا
والحين لقيته صدفه ,, وقلت لازم ارد عليكم وارفعه لان الحمدالله الكل مدح طريقتي
بالعافيه عليكم كلكم

وشوفو هالطريقه مشابهه بس الحشوه بالفريزر وتكفي 4 او 5طبخات ومريحه حيل


ورق عنب بالفريزر (http://forum.hawaaworld.com/showthread.php?s=&threadid=142150&perpage=15&pagenumber=1)

ان شاء الله اتفرغ لكم الليله وارد عليكم

:26:

[*أميره*]

الله لذيذ لو يصير اكسر الشاشه واطلع الورق عنب وآكل :(

يا ليتني اعرف اطبخ انا احب الورق عنب وأموت فيه بس استحي اطلب من امي أو خالتي وكل ما اشتهيته خاصه وأنا حامل الله يديم النعمه اشتريت الى بالمعلبات وسخنته وكليته وبالآخر يحوشني عوار بطن بس ما عليه تسلم ايدج وما شاء الله عليج

[باتونيا]

المشاركة الأصلية كتبت بواسطة Welma
حبيبتي شكلك تموتي في ورق العنب...........صحتين
أنا طريقتي في الحشوة ما بتحتاج حمس....يعني كل ني في ني
على السريع بخلط المكونات (رز صنوايت منقوع مسبقا+لحم خروف مفروم+رشة نعناع ناشف+زيت زيتون+بقدونس مفروم ناعم+ حبة بندورة مفرومة ناعم +بهارات+بصلة+سن ثوم+ماجي)وسلامتك

اي والله اموت فيه ومافيه احد مايحبه
الني حلو بس الحمس احلى لان يطلعله طعم ويوفر وقت الطبخ
واللحم ماحب اضيفه لان اللحم دسم ,, والنعناع حلو اذا سويتي محشي كوسا
بس اكيد طريقتج حلوه

تسلمين اختي :26:

[ام علايه]

بصراحة جربت طريقتج في الورق العنب بس طلع شو رووووووووووووووووووووووووووووو ووووووعة وشو الطعم يجججججججججججججججججججججنن بس الاروراق اتفتحت عندي هو يعن بعد ما اصف ورق العنب واصب عليه الخلطه احطه على النار احط شئ ثقيل عليه لين ما يفور وبعدين اشيل الثقل واغطيه بالقصدير واحطه بالفرن حتى الاستواء والا اخلي عليه الثقل واضعه بالفرن ؟
بس الطعم روعه :17:

[بنت دبــي]

والله عيوني بتطلع من شكله ... ماشاء الله عليييج يالمسافره ....

[محبة الطبيعة]

الحقوا علي ماأقدر بطني يألمني من شفت الصوره

خاااااااااااااااطري في ورق عنب الحين الحين

[باتونيا]

المشاركة الأصلية كتبت بواسطة ام علايه
بصراحة جربت طريقتج في الورق العنب بس طلع شو رووووووووووووووووووووووووووووو ووووووعة وشو الطعم يجججججججججججججججججججججنن بس الاروراق اتفتحت عندي هو يعن بعد ما اصف ورق العنب واصب عليه الخلطه احطه على النار احط شئ ثقيل عليه لين ما يفور وبعدين اشيل الثقل واغطيه بالقصدير واحطه بالفرن حتى الاستواء والا اخلي عليه الثقل واضعه بالفرن ؟
بس الطعم روعه :17:

بالعافيه عليج اختي والحمدالله واجد مدحوه
انتي لفيه عدل وصفيه بالقدر فوق البطاط الحلقات وحطي زيت الزيتون وبعدين حطي غطا اصغر منه عشان يغطي سطح الورق عنب وحطي شي ثقيل مثل هاون حديد او قدر ثاني صغير فيه ماي وبعدين صبي الماي شوي شوي وبعدين حطيه على النار وخليه يغلي 10 دقايق بعدين قصري النار حيييييييييل ولما تحسين الماي بدا ينزل مستواه يعني يبدا ينشف تشيلين الثقل وتلفينه بقصدير وتغطينه بغطا القدر

اما اذا بتسوينه بالفرن تحطينه على طول بالفرن وماتحطينه على النار فوق

يعني فيه طريقتين الفرن والنار فوق
بس اهم شي يكون الماي يغلي قبل لاتصبينه فوقه

وتسلمين قلبي فرحتيني برشا برشا :32:
حياج :26:

[باتونيا]

بنت دبــي

اي عاد سويه قبل لاتطلع عيونج صج :32:
وصحيح ان المسافره هي مسويته لكنها طبقت طريقتي ,, تسلم ايدينها وايديني
بس امانه عليج جربيه

حياج :26:

*****
محبة الطبيعة

سلامة بطنج :42:
سويه ترا سهل وبالعافيه مقدما
حياج :26:

[باتونيا]

المشاركة الأصلية كتبت بواسطة *أميره*
الله لذيذ لو يصير اكسر الشاشه واطلع الورق عنب وآكل :(

يا ليتني اعرف اطبخ انا احب الورق عنب وأموت فيه بس استحي اطلب من امي أو خالتي وكل ما اشتهيته خاصه وأنا حامل الله يديم النعمه اشتريت الى بالمعلبات وسخنته وكليته وبالآخر يحوشني عوار بطن بس ما عليه تسلم ايدج وما شاء الله عليج

اسمحيلي اختي ماشفت ردج من قبل

انتي جربي الطريقه وبتعرفين تطبخين ان شاء الله لان كل شي مكتوب جدامج يعني الباجي كله سهل
وامج ماراح تقول شي اذا تنسيتي وطلبتي ورق عنب
وخلي امج تسوي طريقتي
والمعلبات يلوع الجبد ماتدرين شحاطين فيه والا شلون مسوينه
الله يقومج بالسلامه اختي ويسلمج يارب
حياج :26:

[كويتيه^فراوله]

مشكوووووووووووووره حبيبتي عالطريقه فظيعه
****لله أسويها بس ألفه الفجر وأحطه عالنار الصبح
علشان أمي ما تقول شمخبصه
مع أن طريقتج غريبه لن أحنا كله نسويه ني في ني بس ما أعرف طريقته
حبيبتي إذا تعرفين طريقة ورق العنب باللحم والصبار لا تبخلين علينا بليز لأن صج أحبه

[باتونيا]

كويتيه^فراوله
العفو قلبي وان شاء الله يعجبج ويعجب الوالده
وطريقتي لاغريبه ولا شي ,, ماغريب الا الشيطان :30:
لان هذا يعطيها طعم احلى وبسرعه تخلص على النار
بس امانه بشريني بالطعم امااااااااانه
بالنسبه لورق العنب باللحم مااسويه بس اذكر وحده سوريه تضبطه بس للاسف مسافره
بسوي تجربه لعيونج باللحم واقولج الطريقه واحاول اصوره بس بشتري كاميرا ديجيتال

حياج :26:

[باتونيا]

*راويه*

الله يعافيج اختي وحياج :27:

*****
مسالمة

الله يعافيج ويسلمج ويخليلج عيالج يارب ويخليج لهم وتطبخيلهم ورق عنب
حياج :27:

[حلااااااا]

سلام حبيبتي لا تسوا اسرانا( باتونيا)

شكل طريتك روعه وناويه اجربها بس انتظر ردك علي وسؤالي هو

مرقة ماجي اللي تستخد مينها مكعبات مرق الدجاج او مرقة الخضار؟؟؟
واذا كانت مرقة دجاج... يصير استخدم مرقة خضار ؟؟؟

الله يعافيك ردي علي انا انتظرك:26:
وتسلمين حبيبتي وجزاك الله الف خير

[حلااااااا]

باتونيا وينك؟
انتظرك ......... ابي اسوي ورق العنب؟؟

[dallo3aty]

تسلللللللللللللللم أياديك :cook: :27: :24: :26: :17:

[ونة ناقه]

يعطيش العافيه اختي شكلها روعه الاكله
ام عيلوي:26:

[باتونيا]

حلااااااا

الله يعافيج ويسلمج يارب وجزيتي بمثله
لازم مرقة ماجي الدجاج مو الخضار وجربيها وبتدعيلي
واسفه على التاخير اصلا نسيت الموضوع من كثر مواضيعي

حياج الله :26:
*****

dallo3aty

الله يسلمج مشكوره :26: :27:
*****
ونة ناقه

الله يعافيش جربيها طعمها روعه

حياش :27:

[حلااااااا]

يا هلا حبيبتي..
الف شكر على الرد واكيد بجربها وبرد لك خبر:26:
مع انه باين انها روعه:23:

[باتونيا]

حلااااااا

امانه عليكي ياحلالالالالا اذا جربتيها تقولين شرايج فيها
بالعافيه مقدما :cook:

[ماشطه]

تسلم اناملك وشكله روعه ويعطيك العافيه حبيبتي :23: :23:

[القطة 55]

:23: :23: :23: :o :cook:

[القطة 55]

:23: :23: :23: :o :cook:

[bint_alnOoOr]

تسلمي حبيبتي

شكله لذيذ كتير

ربي يعطيكي الصحه والعافيه:cook: :26: :cook:

[الفتاة المتفائلة]

فعلا شكله يهبل ولذيذ
تستاهل الدعوه 00الله يجزاها خير

[يكفي عذاب.....؟]

تسلم ايديك

[ام ساره-33]

وااااااااااااو شكله بصراحة روووووعة


عاد أنا أموت في ورق العنب


الله يعطيك العافية وتسلم أيدك


ومشكوووووووووورة عزيزتي كل الطريقتين حلوات:cook: :26:

[النرجسية..]

يعطيك العافية ... أختي
الله يجزاك خير .. شكله لذيذ مررررررره

[شي للذكرى]

جنان تسلم يدينك

[أختكـ com]

يعطيك العافيه

بس ابسالك وش افضل نوعيه لورق العنب

استخدمت كذا نوع اخليه على ا لنار ساعتين واكثر بس ما يلين كاني ما طبخته

[وِثاب]

مشكورة
بس كم مقدار الشدة ؟؟؟
هل هي حزمة كاملة

وهل تنفع الحشوة لحشو الملفوف

يعطيك العافية

[Swasoo]

http://www.al-wed.com/pic/2116.gifشكرا ع المجهود الرائع

[moslemon]

al salam 3leeekom>>>
b9raaa7ah al 6reeegah 7elowah wa 6a3mha yjanen>>>>shokran jazeeelan

[Fullah]

الله يعطيك العااافيه ياعسل

[om_s_ali]

مشكووووووووووورة
والله يسلم هالايااااااااادي

[$دمـــــوع الشوق$]

يعطيك العافيه

[$دمـــــوع الشوق$]

يعطــيك العـافيه
بس الصور ماااااااااااااااطلعت؟؟

[فرحات]

الله يعطيج العافيه.......

[أم دانية]

يعطيج العافية

[زوجه و أم]

مرحبا يا بنات....

مع ان الموضوع من زمااااااان

بس حبيت اشكر الاخت لأني سويته وطلع يجنن :)

واذا تبون حطيت لكم صورته

[فرع الشجر]

الله يعطيك العافية

[أريج الزهـور]

تسلمييييييييييييييييييييين حبيبتي

[باشاميل]

الله يعطيج العافيه يا رب:)

[كم احن لوجه امي]

ووووووووااااااااااااااااااوووو ووووو
يشهي...
شهيتيني اسويه..
عموماً مشكوووورة عالطريقة ويسلموو ايديكِ..

[7or_al3in]

مشكورة حبوبة
يعطيج الف عافية يالغالية
:f226:

[باتونيا]

مشكورين ياقلبي كلكم
الله يعافيكم ويفرح قلوبكم مثل مافرحتو قلبي بتواصلكم

والله ان الموضوع قديم ونسيته اصلا لكن صدفه وانا اسوي بحث في مواضيعي اكتشفت انه للحين تجيه ردود

الف مليون شكر للي جربوه وامدحوه بكل امانه وصدق والف عافيه على قلوبكم

واذا الصوره مو طالعه عادي لان ورق العنب معروف
الفكره هي اني افتح شهيتكم بس :D
لكني اشوفها طالعه

[باتونيا]

يعطيك العافيه

بس ابسالك وش افضل نوعيه لورق العنب

استخدمت كذا نوع اخليه على ا لنار ساعتين واكثر بس ما يلين كاني ما طبخته

والله انا مثلج للحين مالقيت اللي ارتاحله حيل

بس انا اسوي العلالي كميته واجد وحلو وينضج بس مرات الاقي بعض الاوراق المتقطعه
واذا تبينه يلين كثري الماي وخليه على نار هاديه ساعه ونص الى ساعتين
بس يمكن ينهري اذا ساعتين

بالعافيه :27:

[باتونيا]

مشكورة
بس كم مقدار الشدة ؟؟؟
هل هي حزمة كاملة

وهل تنفع الحشوة لحشو الملفوف

يعطيك العافية

العفو اختي
الشده هي الحزمه
وطبعا تنفع لاني اسوي منها محشي بعد بس اضيفي شوية صلصة طماط وحطي زيت ذره بدال زيت الزيتون
وجربي تضيفين صباره او تمر هندي ايجنن :D

حياج :)

[RRRR2005]

سويته وطلع والله كلمة يجنن قليلة عليه والله يابنات لو جربتوه حتدمنوا عليه وراح تعتمدوا هذي الطريقة المميزة مثل صاحبتها الله يعطيك العافية ويجزاك كل خيييييير:26: :26: :26: :26: :26: :26: :26:

[Lojain99]

طريقه اكثر من رائعه

[قميريه]

تسلم يدك اختي ,,

ماشاء الله رووعه بس يبي لي اجيب دبس الرمان :) واجربها على طوووول

[سرور]

يعطيك العافية ومشكوررررة

[رسيل*]

تسلم يدك

[هنوغة]

تسلم ايدك

[باتونيا]

up

[غرربة مشاعر]

:26: مشكوررررررره حبيبتي ان شاء الله اجربه:26:



شكله لذييييييييييييييذ:22: